تمرد صحفيه ⁦✍️⁩ 🌻الفصل الاول والتاني 🌻 بقلم دودو محمد كامله علي مدونة النجم المتوهج للروايات

 ⁦

✍️⁩تمرد صحفيه ⁦✍️⁩

🌻الفصل الاول  والتاني 🌻

بقلم دودو محمد

فى مدينة الاسكندريه عروسة البحر المتوسط فى أحد المناطق الراقيه يوجد عماره تطل على البحر مباشرة بها شقه ميسورة الحال تسكن فيها اسره مكونه من اربع أفراد اب وثلاثة أبناء و الام متوفيه يعيشو حياة سعيده مليئه بالحب والامل والتفائل 

يدخل الأب اوضت بنته المدلله الوحيده على الولاد ويقول 

سعيد ؛- داليا حبيبتى اصحى يلا هتتأخرى على الشغل 

داليا :- اممم حاضر يا بابتى انا صحيت خلاص 

سعيد :- طيب يلا قومى جهزى نفسك على ما اروح اصحى اخواتك 

داليا :- قعدت ومسحت على وشها وقالت هوا يا عسل اكون جهزت 

سعيد :- انتى اللى عسل وسكر يا ناس وبسها من راسها وخرج من الاوضه بتاعتها راح على اوضت الولاد وفتح الباب ودخل وراح على ابنه الكبير وقال 

حمزه قوم يلا علشان شغلك متتأخرش عليه 

حمزه :- شويه يا بابا شويه 

سعيد:- شويه ايه بس قوم يا حبيبى اخلص خلينى اروح اصحى اخوك 

حمزه :- اقولك حاجه روح صحى مؤمن وبعد كده تعال صحينى 

سعيد :- يا ابنى انا مش حمل التعب ده قوم بقى 

حمزه :- نفخ وقال حاضر يا بابا صحيت روح صحى مؤمن بقى 

سعيد :- بصله بقلة حيله وهز راسه يمين وشمال وراح عند سرير مؤمن وقال مؤمن قوم يلا يا حبيبى علشان تروح مدرستك 

مؤمن :- فتح عينه وقال احلى صباح على احلى اب فى الدنيا 

سعيد :- صباح النور يا حبيبى يلا قوم 

مؤمن :- حاضر يا جميل صحيت خلاص وقام من على سريره وبص على حمزه وقال موال كل يوم لسه نايم صح 

سعيد :- تعبت معا 

مؤمن :- هو مش بينفع معا غير دودو بتظبطه خليها تيجى هى تصحيه

سعيد :- هعمل كده انا مش حمل اللى هو بيعملوا فيا ده وسابه وخرج 

مؤمن :- هههههههه جالك الموت يا تارك الصلاه ودخل الحمام 

خرج سعيد من الاوضه وهو تعبان قعد على الكنبه ياخد نفسه وفى الوقت ده خرجت داليا من الاوضه بتاعتها واتخضت على ابوها راحت تجرى عليه وقالت

داليا :- بابا انت كويس 

سعيد :- طبطب على ايديها وقال متخفيش يا بنتى انا كويس بس السن خلاص مبقاش مستحمل الحركه الكتير 

داليا :- ربنا يديك الصحه يا بابا انت لسه شباب وزى الحديد انت بس اللى بتدلع قوم ياراجل وبلاش شغل السهوكه ده متقلقش هعمل انا الفطار 

سعيد :- ههههههههه والله خفت دمك دى هى اللى مهونه عليا غياب امك عنى ربنا يرحمها 

داليا :- ربنا يرحمها يارب المهم قولى صحيت حمزه ومؤمن 

سعيد :- مؤمن صحى لكن اللى دوخنى ومصحاش حمزه كالعاده 

داليا :- حمزه قولتلى سيب ليا انا الطالعه دى يا حاج اتصل انت بس بالاسعاف والشرطه بسرعه وممكن كمان المطافى بص اتصل بكل جهات مصر العليا الوداع يا ابو حمزه وسابته ودخلت الاوضه عند حمزه وكان مؤمن بيصلى وخلص صلاة قالت ليه تقبل الله 

مؤمن :- منا ومنكم أن شاءالله ها هتقومى بهمتك بتاعة كل يوم 

داليا :- وهى بترفع الكم بتاعها ايوآ استعنا على الشقه بالله نولنى يا ابنى العده اقصد المايه

مؤمن :- ما هى جنبك اهى انا خارج مليش دعوه وخرج وسابها

داليا :- اه يا واطى ماشى يا مؤمن ومسكت كوباية المايه وقالت بصوت عالى حمززززززززززززه 

حمزه :- قام مفزوع وقال ايه فيه ايه 

داليا :- ولا حاجه خد دى وحدفت المايه كلها فى وشه وطلعت تجرى 

حمزه :- اتعصب وقال وربنا ما انا سايبك يا داليا وقام من على السرير وطلع يجرى وراها

داليا :- وهى مستخبيه وراه ابوها وبتضحك قالت اهدا كده وروق هتعصب نفسك ليه على واحده تافهه صدقنى انا مستهلش كل العصبيه دى 

حمزه :- مش هسيبك يا داليا وراح علشان يشدها من وراه ابوها 

سعيد :- انت هتضرب اختك قدامى ولا ايه 

حمزه :- بعصبيه يعنى انت مش شايف عملت فيا ايه 

سعيد :- ما لو انت بتصحه زى البنأدمين مكنتش عملت فيك كده 

حمزه :- يعنى انت عارف يا بابا وراضى 

سعيد :- ايه الجديد فى كده ما هى كل يوم تصحيك بطريقه شكل 

حمزه :- ماشى يا داليا هوريكى وبصلها بغيظ ودخل اوضه 

داليا :- هههههههههههه شوفتنى عملت فيه ايه يا بابتى ههههههههههه

مؤمن :- وبرضه شوفتك وانتى شبه الكتكوت ومستخبيه وراه بابا هههههههه

داليا :- الجرى نص الجدعنه يا ابنى ده لو ماسكنى كان عملنى داليا كفته هههههههههههه 

سعيد :- يلا ادخلى حضرى الفطار علشان تلحقو تشوفو مصالحكم

داليا :- حاضر يا بابتى وقامت دخلت المطبخ تحضر الفطار وشويه وهى واقفه تحضر الفطار حست بصوت رجل بتتسحب بتبص لاقته حمزه 

حمزه :- وقعتى ولا الهوا رماكى تعاليلى يا حلوه 

داليا :- احم ايه يا حمزتى انت زعلت ده انا كنت بهزر معاك يا اخى متبقاش افيش كده 

حمزه :- بتهزرى هو فيه حد يهزر مع حد كده ده انا هطلع روحك 

داليا :- اهدا يا ابو الحماميز اوعى تتهور انا واحده هزارها غبى يبقى الحل ايه 

حمزه :- ااااايه

داليا :- اتبرا منى شوفت سهله مش مستهله

حمزه :- والله 

داليا :- اسمع منى بس زى ما بقولك كده 

حمزه :- وهو بيقرب منها وبيدوس على شفته بغيظ مش هسيبك يا داليا 

داليا :- نهار اسوح بابتى الحق بنتك هتبقى كفته بسرعه الله يكرمك 

حمزه :- مسكها من هدومها من عند كتفها وقال عارفه يا اوزعة الكلب لو عملتى كده تانى لكون معلقك فى البلكونه ودهنك عسل واخلى الدبان يتلم عليكى 

داليا :- باست أيده وقالت بترجى حقك يا اخويه ابوس ايدك بلاش تمد ايدك عليا ده انا غلبانه وبجرى على أكل عيشى 

حمزه :- زقها وقال جبانه وخرج وسابها

داليا :- يخربيت اللى يزعلك يا شيخ وبعدين سكتت شويه وقالت ايه ده انا اللى زعلته لا مش يخربيته مش يخربيته 

سعيد :- يلا يا بنتى فين الاكل 

داليا :- ها خلاص اهو تعال يا مؤمن خد منى 

مؤمن :- جه واخد الاطباق منها وقال اتعلقتى ولا لسه هههههههه

داليا :- فشر ده هو اللى كان خايف منى وبيقولى ابوس ايدك سامحينى ومتزعليش منى 

مؤمن :- يا راجل 

داليا :- ايوه زى ما بقولك كده 

حمزه :- الفطاررررر هتأخر على الشغل 

داليا :- ح.ح.حاضر اهو 

مؤمن :- لا واضح صدق كلامك امشى يا اختى 

وخرجو حطو الاطباق على السفره وقعدو ياكلو وبعد وقت خلصو اكل وكل واحد راح على شغله 

~•~•~•~•~•~•~•~•~•~•~•~•

فى فيلا ضخمه يبدو عليها الذوق الرفيع والراقى من الخارج والأثاث المتناسق ذو قيمه عاليه من الداخل

يدخل شاب فى اوائل الثلاثينات ينادى بصوت عالى على صديق عمره وشريكه فى الشغل ويقول 

اكرم :- ادهم يا ادهومى يا ادهممممممممممم

تخرج سيده من الداخل وتقول 

إنعام :- ايه فيه ايه بتزعق كده ليه 

اكرم :- يالهوى عليا المزه بذات نفسها بترد عليا حد يمسكنى يا جدعان 

إنعام :- ما انا فعلا هجيب حد يمسكك بس من الشرطه لو محترمتش نفسك واتكلمت زى البنأدمين 

أكرم :- مالك كده يا خالتى افشه على الصبح ليه

إنعام :- يا ايه! يا خالتى ايه الكلام البلدى ده يا أكرم وايه افشه دى 

أكرم :- احم امال هى بتتقال ازاى يا ابلتى 

إنعام :- اوه نو مستحيل اللى انا بسمعه منك ده مش عارفه ادهم ازاى مستحملك 

أكرم :- قدره بقى صحيح هو فين 

إنعام :- نايم فى اوضه فوق كالعاده جاى والنهار طالع عقل صاحبك شويه  

أكرم :- يا اختتتتتى حاولت كتير اوى معا لكن لا حياة لمن تنادى عن اذنك ومشى شويه وبصلها وقال يا خالتى 

إنعام :- ماشى يا أكرم انا هكلم مامتك تشوف صرفه معاك فى اسلوبك القذر ده 

أكرم :- ههههههههه سندى على حيطه خيخه عن اذنك وطلع الاوضه عند صاحبه وخبط على الباب كذا مره محدش رد عليه فتح الباب ودخل وبص على صاحبه لاقه نايم على السرير على وشه وحاطط المخده على راسه وجسمه من فوق عريان ومنزل ايده من حرف السرير والطفايه جنبه على الكومدينو كلها سجاير وهدومه مرميه على الأرض بص حاوليه وقال 

أكرم :- ميبقاش ادهم الحناوى لو مكانش اوضه تبقى مزبله بالطريقه دى وخبط على كتفه وقال ادهم يا ادهم 

ادهم :- اممممم

أكرم :- امممم ايه انت اخرسيت ولا ايه قوم يلا

أدهم :- اطلع بره يا أكرم علشان مخربش عليك 

أكرم :- وايه الجديد فى كده ما انا كل يوم اصحيك وكل يوم تخرب عليا قوم يلا علشان تلحق الخربان من أوله 

ادهم:- اكررررررررررم اطلع بره متزهقنيش وسبنى انام 

أكرم :- ههههههههه والله يا ابنى انت محظوظ أن ربنا رزقك بواحد زي قنبلة رزاله ماشاءالله عليا اللهم لا حسد  

ادهم :- يا ابنى اطلع بره انت لازم كل يوم تضرب منى 

أكرم :- ههههههههه اه وقوم علشان اتأخرنا على الشركه 

أدهم :- متعصبنيش بقى على الصبح واطلع من الاوضه ولا اقولك اطلع من الفيلا خالص روح انت الشركه 

أكرم :- كان على عينى بس مش خارج من هنا غير رجلى على رجلك 

أدهم:- داس على سنانه بغيظ وقام قعد على السرير ومسك المخده حدفها علي اكرم وقال اللعن ابو غلاستك يا شيخ 

أكرم :- اااااه ايه يا عم انت ايه الغباء ده وبعدين محدش قالك اسهر لصبح مع الستات  

أدهم :- وقف وقال دى حياتى انا شئ ميخصكش

أكرم :- لاء يخصنى لما يكون هيأثر على شغلنا يبقى يخصنى لما يكون هيضر صحة صديق عمرى يبقى يخصنى ده مفيش جريده الا لما كتبت عن الموضوع ده 

أدهم :- اللى يتكلم يتكلم محدش ليه عندى حاجه اهى الصحفيين دول اكتر ناس بوشين وكلاب فلوس يعنى يكتبو عليك كلام ازبل من الزباله حتى لو الحقيقه بس مجرد ما تديهم قرشين فى ايديهم يغيرو مبدأهم وكلامهم فى ثانيه ويقولو شعر فيك كمان 

أكرم :- مش كلهم في صحفين شرفاء كتير وعندهم مبدأ  

أدهم :- وهو داخل الحمام كله بيغير مبدأه قصاد الماده ودخل الحمام

أكرم :- بص على باب الحمام وهز راسه يمين وشمال وقال ربنا يهديك يا أدهم وخرج من الاوضه وقفل الباب وراه 

~•~•~•~•~•~•~•~•~•~•~•~•~

فى الجريده 

وصلت داليا الجريده وطلعت فى الدور اللى فيه مكتبها وطول ما هى ماشيه حد يبلغها أن المدير عايزها ضرورى 

دخلت اترمت على الكرسى وقعدت بغيظ وحطت الشنطه بتاعتها على المكتب ونفخت 

منتهى :- صحبتها من ايام الاعدادى بصت ليها بأستغراب وقالت مالك يا بنتى داخله وانتى مش طايقه نفسك كده ليه 

داليا :- نفخت وقالت زفت الطين المدير سايب خبر مع كل اللى فى الجريده أن هو عايزنى تقوليش عامله عامله وخايف لاهرب منه 

فاطمه :- صديقتهم التلاته من ايام الدراسه ههههههههههه فعلا ده كذا مره يبعت السكرتير يسأل عليكى

داليا :- اشوفه مشلول أن شاءالله زى ما هو شللنى كده أما اروح اشوف عايز يبهدلنى على ايه تانى النهارده وقامت مشيت لحد الباب وبصت لمنتهى وفاطمه وقالت لو اتأخرت عليكم اتصلو بالشرطه احتمال اطلع روحو بأيديه ابن الورمه ده وخرجت وسابتهم

منتهى :- بصت لفاطمه وضحكت وقالت هههههههههههه يخربيت جنانك ودمك العسل ده وبدأو يشوفو شغلهم

داليا :- مشيت وهى متعصبه وراحت عند مكتب المدير وطلبت من السكرتير تدخل ليه 

السكرتير :- طبعآ ادخلى ده قالب الدنيا عليكى من الصبح 

داليا :- ومالك سعيد ومبتسم كده وانت بتقولى اتنيلت عرفت أن هو عايزنى وراحت خبطت على الباب وسمعت صوت المدير وهو بيأذن ليها بالدخول فتحت ودخلت وابتسمت ابتسامه خفيفه وقالت صباح الخير يا فندم خير حضرتك 

المدير :- صباح النور ايه يا داليا التأخير ده 

داليا :- اسفه يا فندم المواصلات زحمه جدآ 

المدير :- عمومآ انا هكتفى بتحذيرك بالكلام دلوقتى لكن لو اتكررت تانى واتأخرتى هخصم اسبوع من مرتبك فاهمه 

داليا :- فاهمه يا فندم وداست على سنانها وقالت لنفسها يا مصبر الوحش على الجحش 

المدير :- بتقولى حاجه يا داليا 

داليا :- ها سلامتك يا فندم 

المدير :- اقعدى عايزك فى موضوع 

داليا :- قعدت وقالت خير يا فندم 

المدير :- فيه حوار صحفى مع رجل الأعمال ادهم الحناوى مطلوب يتعمل 

داليا :- ومين اللى مطلوب منه يعملو 

المدير :- انتى يا داليا 

داليا :- بصوت عالى نعمممممممممم

المدير :- بنت اتكلمى عدل مع مديرك احسن ما ارفضك فاهمه

داليا :- ا.ا اسفه يا فندم بس انا مستحيل اعمل حوار مع الهمجى ده 

المدير :- انتى تعرفيه 

داليا :- اسمع عنه أنه راجل بتاع ستات وعينه زيغه وبيسهر لصبح فى الكباريهات 

المدير :- يعنى سامعه بس مش ممكن تكون اشاعات ما انتى صحفيه وعارفه أن فى جرايد كتير بتحب تكتب اشاعات عن رجال الأعمال خصوصآ لما يكونو شباب صغيرين 

داليا :- واشمعنا انا حضرتك ما الجريده فيها صحفيين احسن منى بكتير ورجاله كمان 

المدير :- انا عايزك انتى يا داليا انتى صحفيه مجتهده وليكى اسم كبير فى الجريده دى وتقدرى تعملى حوار معا جرئ من غير ما تخافى منه 

داليا :- فكر يا فندم تانى ارجوك انا بنت من دور بناتك ترضاها ليهم 

المدير :- انتى ليه محسسانى أن انا موديكى شقة دعاره دى شركه فى مكان عام مع اشهر رجل اعمال فى مصر ده هيضيف ليكى كتير مش هأذيكى يعنى 

داليا :- لنفسها حنين اوى يا راجل الواحد ماسك نفسه بالعافيه نفسى اديك فى ام نضارتك دى واستريح من قرفك 

المدير :- داليا داليا انتى معايا 

داليا :- ها ا.ا اه يا فندم 

المدير :- تمام انا اتفقت مع السكرتيره بتاعته على معاد 

داليا:- امته ان شاءالله 

المدير :- النهارده وبص فى ساعته وقال يدوب تقدرى تروحى من دلوقتى معادك كمان ساعه 

داليا :- بصدمه دلوقتى 

المدير :- ايوه اتفضلى علشان تلحقى وقتك 

داليا :- قامت وقفت وقالت عن اذنك يا فندم هروح اخد شنطتى من على المكتب وهروح عنده

المدير :- اه طبعآ اتفضلى

داليا :- خرجت من مكتب المدير وهى بتسب وبتلعن فيه 

السكرتير :- انسه داليا يا انسه 

داليا:- بعصبيه ايه عايز ايه 

السكرتير :- خير فيه حاجه 

داليا :- وانت مالك يخربيت الرزاله اللى فيك انت ومديرك وخرجت راحت على مكتبها وهى بتكلم نفسها 

منتهى :- خير فيه ايه 

داليا :- مش خير خالص يا توته

فاطمه :- يا ساتر يارب حصلت حاجه ولا ايه انطقى وقعتى قلبى 

داليا :- المدير طالب منى حوار صحفى مع رجل الأعمال ادهم الحناوى 

منتهى :- بصدمه لاء بجد احلفى 

داليا :- انتى عبيطه يا بت وانا ههزر فى حاجه زى كده 

منتهى :- واو يا بختك يا دودى 

داليا :- بصت ليها بصدمه وقالت يا بختى بت انتى عبيطه ولا بتستعبطى بقولك مع ادهم الحناوى ده سمعته اشهر من النار على العلم 

فاطمه :- بس بسمع عنه أنه شاب حلو اوى شبه بتوع الروايات 

داليا:- والله وانتى سمعتى الكلام ده فين وبعدين ايه بتوع الروايات دى انتى شوفتيهم فين اصلا علشان تشبه ادهم ده بيهم 

فاطمه :- ايوه ما هما بيبقو مفتول العضلات وجسم رياضى وعضلات سدسيه وعيون زى الصقر واو يا بختك يا بنت المحظوظه 

داليا :- بصت ليهم بغيظ وقالت ليه يارب توعدنى بمدير مفترى وصديقتين أهبل من بعض اشوف فيكم يوم يا بعده وراحت اخدت شنتطها وخرجت من المكتب 

فاطمه :- دودى يا دودى سلميلى عليه وحطت ايديها على خدها وقالت هيييييييح

~•~•~•~•~•~•~•~•~•~•~•~•

فى فيلا الحناوى 

نزل اكرم من اوضت ادهم وقابل فى سكته اخو ادهم الصغير وقال 

أكرم :- صباح الخير يا دودى

فادى :- أسمى فادى مش دودى مش شيفنى قدامك بنت وعمومآ صباح النور 

أكرم :- فيه ايه يا ابنى بتكلمنى وانت عاصر على نفسك ليمونه كده ليه 

فادى :- ابوس ايدك مش نقصاك على الصبح كفاية عليا امى وعمايلها معايا بتعاملنى كأنى طفل صغير مش شاب عنده عشرين سنه 

أكرم :- فى كده عندك حق الله يكون فى عونكم وربنا من ابلتى إنعام

فادى :- ههههههههه طيب بس احسن لو سمعتك بكلمة ابلتى دى هتولع فيك 

أكرم :- اجعل كلامنا خفيف عليها روح يا ابنى شوف هتروح فين ونزل لاقه سندس ودينا قاعدين فى الجنينه قال يالهوى اول مره اشوف القمر طالع بالنهار ولاء مش قمر واحد دول قمرين 

سندس :- ميرسى يا أبيه

دينا :- صباح البكش والحوارات 

سندس :- لاء يا ابله أبيه اكرم مش بكاش ده انا بدعى ربنا لما اكبر اتجوز واحد شبه دمه خفيف كده 

أكرم :- اللهى ربنا يجبر بخاطرك يا سندس يا بنت ام سندس زى ما انتى رافعه معنوياتى كده إنما انتى يا دينا اشوف فيكى يوم تتزفى فيه مع عريسك على عش الزوجيه يا قادر يا كريم 

دينا :- لو العريس شبهك افضل اعنس جنب امى احسن 

أكرم :- وليه شبهى ما عندك انا اهو شاب حليوه ودمى زى الشربات وعيون ملونه وشعر ناعم حرير على الخدود بيهفهف وجسم رياضى وحاجه كده ولا فى الخيال 

دينا :- لا شكرآ يا عم مش عايزه 

أكرم :- كده يا دندن تكسرى مشاعيرى واحاسيسى 

دينا:- هههههههههههههه 

أدهم :- كتك واجعه فى احاسيسك انت قاعد تحب فى اخواتى البنات هنا ولا ايه 

أكرم :- انا ولا حصل اسألهم كده 

دينا :- وهى بتكتم ضحكتها خالص أكرم ده نسمه متحسش بي نهائى 

أكرم :- نسمه ايه نسمه دى لاء خلى بالك انا راجل راجل اوى كمان 

أدهم :- زقه وقال طيب امشى قدامى يا راجل 

أكرم :- طيب براحه يا اخ متزقش كده وخرجو الاتنين مع بعض 

دينا وسندس بصو لبعض واتفتحو فى الضحك على كلام أكرم 

~•~•~•~•~•~•~•~•~•~•~•~•  

فى شركة الحناوى 

وصلت داليا الشركه ونزلت من التاكسى بصت على الشركه من بره وانبهرت من تصميم الشركه ومن مساحتها الكبيره جدآ واتنهدت وراحت عند باب الشركه 

الامن :- رايحه فين حضرتك 

داليا :- طلعت كارنيه النقابه وقالت انا صحفيه من جريدة(.......) وعندى معاد مع استاذ ادهم علشان اعمل معاه حوار صحفى 

الامن :- بص فى الكارنيه وقال تمام اتفضلى حضرتك الدور التالت 

داليا :- شكرآ وراحت ركبت الاسانسير وطلعت الدور التالت وراحت عند السكرتيره وقالت السلام عليكم 

السكرتيره :- وعليكم السلام ايوه حضرتك 

داليا :- انا داليا من جريدة (......) وعندى معاد مع استاذ ادهم 

السكرتيره :- اهلا بحضرتك اتفضلى استريحى شويه لحد ما استاذ ادهم يوصل 

داليا :- وهو كل ده موصلش 

السكرتيره :- لاء لسه والله اتفضلى اقعدى اطلبلك ايه تشربيه 

داليا :- ميرسى مش عايزه وقعدت على الكرسى وحطت الهاند فرى فى ودنها وقعدت تجهز الاسأله اللى هتسألها لادهم

وبعد وقت طويل اتنرفزت داليا من غياب ادهم عن الميعاد شالت الهاند فرى من ودنها وقالت بعصبيه لسه كتير لو سمحتى على وصول استاذ ادهم 

السكرتيره :- والله يا فندم معرفش هيوصل امته 

داليا :- بعصبيه هو ايه اللى والله يا فندم معرفش هيوصل امته مش المفروض انتى السكرتيره اللى شغاله عنده وتعرفى مواعيده 

السكرتيره :- أهدى حضرتك هو المفروض كان وصل من ساعه بس معرفش ايه اخره كده وبتصل بى تليفونه مقفول 

داليا :- يا صلاة النبى احسن ده اللى هو ازاى مش مفروض حضرته يلتزم بالمواعيد اللى عنده مش صاحب الشركه ده ولا بتاع بطاطا 

السكرتيره :- أهدى حضرتك بس واتفضلى اقعدى وان شاءالله شويه ويوصل 

داليا :- انا لا قاعده ولا متنيله انا ماشيه ولما يوصل الباشا ابقى فهميه أن هو يحترم مواعيده شويه علشان عدم التزامه ده بيدل على شخصيته المستهتره ومشيت وهى بتحط التليفون بتاعها فى الشنطه بس خبطت فى جسم طويل وعريض رفعت راسها لفوق شافت شاب واقف بكل ثقه وحاطط أيده فى جيبه وساند كتفه على الباب 

السكرتيره :- بتوتر ا ا.ادهم بيه ا.ا الانسه داليا صحفيه وكانت جايه تعمل مع حض

أدهم :- شاور ليها انها تسكت 

السكرتيره :- بصت ليه وقطعت كلامها وسكتت

داليا :- بعصبيه هو حضرته بقى ادهم بيه اللى بتقولو عليه 

السكرتيره :- هزت راسها بمعنى ايوه 

داليا :- بصت ليه وقالت حضرتك بنأدم مستهتر ومعندكش دم علشان تدى مواعيد لناس ومتهتمش بيها 

أدهم :- بصلها بصه طويله وسابها ودخل المكتب بتاعه من غير ولا كلمه 

داليا :- اتغاظت اكتر وبصت لسكرتيره 

وفى الوقت ده رن تليفون مكتب السكرتيره ردت وقالت 

السكرتيره :- افندم 

أدهم :- دخلى البنأدمه اللى عندك دى 

السكرتيره :- حاضر يا فندم وقفلة التليفون وبصت لداليا وقالت  ادهم بيه منتظر حضرتك فى المكتب 

داليا :- والله انا مش تحت امر حضرته مش داخله عنده انا ماشيه ويبقى يجى حد غيرى يعمل معا الحوار ده وخرجت من المكتب ونزلت 

السكرتيره :- اتصلت على مكتب ادهم وقالت استاذ ادهم الصحفيه مشيت 

أدهم :- بغيظ ازاى تكسر كلمتى وتمشى هى متعرفش انا مين 

السكرتيره :- هى اتعصبت لما حضرتك اتأخرت وقالت مش هتعمل هى الحوار مع حضرتك 

أدهم :- قفل السكه فى وش السكرتيره ومسك تليفونه واتصل على مدير الجريده وانتظر الرد

المدير :- ادهم باشا يارب يكون عجب حضرتك الحوار الصحفى الانسه داليا من أكفاء الصحفيين عندى 

أدهم :- بعصبيه البنت دى تمشى من الجريده حالا 

المدير :- بتوتر ليه حضرتك حصل منها حاجه 

أدهم :- الهانم غلطت فيا و مشيت من غير ما تعمل الحوار معايا وكسرت كلمتى 

المدير :- ها غلطت فى حضرتك ومشيت ا.ا.ازاى تعمل كده طيب حضرتك انا هتصل بيها وابعتها ليك حالا 

أدهم :- انا قولت البنت دى تمشى يعنى تمشى مفهوم احسن انت عارف ممكن اعمل ايه 

المدير :- ها ح.ح.حاضر اللى تأمر بيه حضرتك 

أدهم :- قفل السكه فى وش المدير وقال مبقاش انا ادهم الحناوى ولو مكنتش اعرفك مقامك 

وداس على القلم اللى كان فى أيده وكسره 

~•~•~•~•~•~•~•~•~•~•~•~•

عند داليا 

نزلت من الشركه وهى متعصبه وبتكلم نفسها 

داليا :- بعصبيه هو مفكر نفسه مين ده علشان يتأمر عليا انا داليا سعيد احسن صحفيه فى مصر ورجال الأعمال كلهم يتمنو اعمل معاهم حوار صحفى انما ده بنأدم مغرور ومتكبر ده واحد معندهوش ريحة الدم ده  مستهتر وفى الوقت ده تليفونها رن طلعته من شنتطها وبصت لاقته رقم المدير نفخت وقالت الرزل التانى اهو عايز ايه ده وفتحت وقالت ايوه يا فندم

المدير :- بعصبيه ايه اللى انتى هببتيه ده ازاى تغلطى فى ادهم باشا وتسبيه وتمشى ومتعمليش معاه الحوار 

داليا :- ده واحد مغرور وشايف نفسه وانا مبحبش اللى يتكبر عليا حضرتك عندك غيرى كتير ويتمنو يعملو حوار زى ده ممكن تخلى اى حد غيرى يعملو انما أنا مستحيل حضرتك 

المدير :- بعصبيه بنت ايه الطريقه اللى بتتكلمى بيها دى احترمى نفسك وانتى بتتكلمى مع مديرك 

داليا :- اسفه حضرتك بس أنا متعصبه من البنأدم اللى فوق ده 

المدير :- انتى تنفذى اللى اقولك عليه حالا هتطلعى تانى الشركه وهتدخلى لادهم باشا وتتأسفى ليه وتعملى معاه الحوار 

داليا :- مستحيل ده يحصل لو هيكون فيها رفضى من الجريده 

المدير :- هو ده فعلا اللى هيحصل يا تتأسفى لادهم باشا يا تعتبرى نفسك مرفوضه من الجريده 

داليا :- بصدمه حضرتك بترفضنى من الجريده علشان واحد زى ده 

المدير :- زى ده انتى عارفه أن ده هو اللى ممشى الجريده ومن غير فلوس اعلاناته فى الجريده هنعلن افلاسنا فلوسه هى اللى بيتصرف منها مرتبك ومرتب الصحفيين زمايلك وبنفوذه يقدر يقفل مليون جريده  

داليا :- يعنى بفلوسه مشترى حضرتك 

المدير :- داليا لآخر مره بقولك خدى بالك من كلامك واتكلمى عدل وهتنفذى اللى قولتلك عليه 

داليا :- انا اسفه يا فندم متعودش اعتذر لحد مغلطش فيه مش هنفذ كلام حضرتك 

المدير :- يبقى حضرتك مرفوضه من الجريده ومتحوله لتحقيق 

داليا :- بصدمه تحقيق 

المدير :- ايوه عدم الالتزام بالمهام بتاعتك وعدم تنفيذ كلام المدير واللى هتكون فيها دفع الشرط الجزائى اللى مكتوب فى العقد بتاعك 

داليا :- بدموع بس ده حضرتك ظلم انا قايمه بكل مهامى وبنفذ لحضرتك كل اللى بتأمرنى بيه 

المدير :- هو ده اللى عندى يا تطلعى لادهم باشا وتتأسفى ليه يا تتحولى لتحقيق وتدفعى الشرط الجزائي

داليا :- بدموع والله العظيم ده ظلم ظلم وقفلت السكه وقعدت على الكرسى اللى فى الشارع تعيط وتقول يارب اعمل ايه بس انا مغلطش فيه علشان اتأسف ليه وفى نفس الوقت معنديش الفلوس الكافيه اللى هقدر اسدد بيها قيمة الشرط الجزائي واتنهدت وقالت حسبى الله ونعمه الوكيل فيكم يا ظلمه وقعدت تعيط 

~•~•~•~•~•~•~•~•~•~•~•~•

فى شركة الحناوى 

فى مكتب ادهم 

كان واقف من وراه الشباك وبيبص على داليا وهى بتتكلم فى التليفون وبيضحك ضحكة انتصار ومسك السيجار بتاعه وولعه وشرب منه ونفخ الدخان فى الهوا وقال 

أدهم :- لا عاش ولا كان اللى يفكر يغلط فيا و يكسر كلمة لادهم الحناوى وفضل يشرب السيجار بتاعه وهو باصص من وراه الشباك على داليا 

وشويه والباب بتاع مكتبه خبط ودخلت السكرتيره 

السكرتيره :- احم الصحفيه رجعت تانى ادخلها لحضرتك 

أدهم :- نفخ الدخان فى الهوا وقال لا خليها قاعده عندك لحد ما اتصل عليكى واقولك دخليها 

السكرتيره :- حاضر يا فندم وخرجت وقفلت الباب وراها 

أدهم :- رجع قعد على الكرسى ومسك تليفونه واتصل على أكرم وانتظر الرد 

أكرم :- ادهومى لحقت اوحشك بالسرعه دى 

ادهم:- أكرم مش ناقص استظرافك على الصبح 

أكرم :- احم شكلك متعصب ها قول عايز ايه 

أدهم :- تخرج حالا وتيجى عند مكتب السكرتيره بتاعتى هتلاقى واحده قاعده عندها عايزك ...................

أكرم :- بصدمه طيب ليه عايز تعمل كده فيها

أدهم :- بعصبيه نفذ اللى قولتلك عليه من غير أسأله كتير 

أكرم :- اتنهد وقال حاضر يا ادهم وقفل معا وخرج من مكتبه 

أدهم :- اتنهد وبص على الفراغ وضحك ضحكة شر

~•~•~•~•~•~•~•~•~•~•~•~•

بقلمى دودومحمد

⁦✍️⁩تمرد صحفيه⁦✍️⁩

🌻الفصل الثانى🌻

فى إحدى اقسام الشرطه بالاسكندريه يدخل شاب فى قمة الوسامه بكل ثقه وفخر وكل من يراه يضرب له تعظيم سلام بخوف ورعب يفتح له الباب العسكرى و يدخل الشاب ويجلس على مكتبه ويأمر العسكرى أن يحضر ليه فنجان قهوه ويخرج العسكرى من المكتب ويغلق الباب خلفه 

حمزه :- يمسك ملف فى أيده ويفتحه ويبص فيه بأهتمام فى دخلت تامر صاحبه 

تامر :- يا صباح الشغل ما تاخد نفسك الاول وبعد كده ابقى اشتغل 

حمزه :- ليه هو انا زيك عايز اقضى وقتى كله هزار وضحك والشغل اخر تفكيرك 

تامر :- الدنيا ابسط من كده يا ابنى مش افش والله اضحك لدنيا تضحكلك

حمزه :- مش عايز الدنيا تضحكلى عايز حاجه واحده بس 

تامر :- ايه هى 

حمزه :- انك تطلع من مكتبى حالا وتسبنى اشوف شغلى 

تامر :- تصدق انك واطى انا الحق عليا جيت اصبح عليك وقام وقف وقال انا مش عارف ليه متمسك بصداقتك مع انها صداقه تقصر العمر 

حمزه :- محدش عمره بيقصر لكل اجل كتاب اتفضل على مكتبك بقى وسبنى اشوف شغلى

تامر :- سيبها ليك مخضره داهيه فى شكلك الله يكون فى عون اللى هتتجوزها وفتح الباب فى نفس الوقت اللى العسكرى داخل بيه بالقهوه وخبط فيه والقهوه وقعت عليه 

تامر :- اااااااه اتسلخت يا انى يا اما الحقونى ده انا لسه شاب فى مزدهر العمر يا زينة شبابك اللى راحت فطيس يا تامر 

العسكرى :- بخوف ا.ا انا اسف يا فندم والله ما كنت اقصد 

حمزه :- بعصبيه مش تفتح يا أعمى انت واحد غبى 

تامر :- وهو ماسك الهدوم بتاعته بيبعدها عن جسمه قال خلاص يا حمزه هو مش ذنبه حاجه انا اللى غلطان وفتحت الباب ودخلت فيه 

حمزه :- لاء لازم يتعاقب 

تامر :- ما قولتلك خلاص انا اللى غلطان وبص للعسكرى وقال روح هات ليه واحد تانى غير ده على حسابى 

العسكرى :- بخوف وتوتر ح.ح.حاضر يا فندم ومشى 

تامر :- اهدا كدا على نفسك الناس دى اغلب من الغلب بلاش تيجى عليهم كفايه وقفتهم طول النهار على رجليهم ارحم من فى الارض يرحمك من فى السماء يا حمزه هروح اغير هدومى احسن شكلى بقى مسخره بالقهوه دى وبالمره ادهن مرهم تسلخات للحروق دى وخرج وسابه 

حمزه :- هيعملى فيها حكيم ابو قلب كبير وبص للملف وقال امته تقع تحت ايدى يا ادهم يا حناوى  واتنهد وبدء يقراه فى التفاصيل 

~•~•~•~•~•~•~•~•~•~•~•~•

فى مكتب السكرتيره 

كانت قاعده داليا وهى متعصبه وكل شويه تبص فى الساعه وتنفخ واخر ما زهقت بصت لسكرتيره وقالت 

داليا :- لسه كتير بعد اذنك مش المفروض كنت دخلت من بدرى 

السكرتيره :- استاذ ادهم مشغول واول ما يخلص الشغل اللى فى ايديه هيطلبك تدخلى ليه علطول 

داليا :- لما نشوف اخرتها السوده معا 

السكرتيره :- بصت ليها ومردتش عليها وقعدت تشتغل 

أكرم :- دخل وقال السلام عليكم 

السكرتيره :- وعليكم السلام اتفضل يا استاذ أكرم 

أكرم :- ايه ده هو ليه القمر سايب مكانه وطالع بالنهار

داليا :- بصت ليه بقرف وبصت الاتجاه التانى 

أكرم :- مد أيده وقال انا استاذ أكرم أو أكرم عادى شريك ادهم 

داليا :- بصت لايده ومسلمتش عليه وقالت اهلا 

أكرم :- بص على أيده وسحبها وقال شكلك مش بتسلمى على رجاله ما علينا مين حضرتك بقى 

داليا :- والله انا مش جايه اتعرف عليكم وتتعرفو عليا انا جايه اخلص ام شغلى واغور 

أكرم :- ايوه ام شغلك اللى هو ايه بقى 

السكرتيره :- دى الانسه داليا الصحفيه اللى جايه تعمل حوار مع ادهم بيه

أكرم :- صحححححفيه يا عين امك يا اختى وقعتى ولا الهوا رماكى 

داليا :- نعم 

أكرم :- احم لا متحطيش فى بالك اتشرفت بيكى 

داليا :- وانا الصراحه متشرفتش بأى حد موجود هنا 

أكرم :- البت دى بتفهم والله 

داليا :- نعم بت ما تحترم نفسك يا اخ انت هتصاحبنى 

أكرم :- اخ ما علينا اتفضلى يا انسه معايا 

داليا :- اتفضل معاك فين 

أكرم :- فى مكتب أدهم 

السكرتيره :- بس حضرتك ادهم بيه قالى هيتصل بيا يب

أكرم :- قطعها وقال ملكيش دعوه يا ميرفت 

السكرتيره ميرفت :- حاضر يا فندم 

أكرم :- اتفضلى يا انسه 

داليا :- بصت ليه بقرف وشدت شنتطها ومشيت قدامه 

أكرم :- لنفسه الله يكون فى عونك يا شابه ومشى وراها وراح عند باب مكتب ادهم فتحه وقال اتفضلى ادخلى يا انسه 

داليا :- دخلت ووقفت قدام مكتب ادهم 

أدهم :- كان شغال ومش مديها اى اهتمام 

أكرم :- اتفضلى اقعدى يا انسه 

داليا :- قعدت على الكرسى 

أدهم :- بحزم انا مقولتش ليكى تقعدى اتفضلى اقفى 

داليا :- بغيظ انت بتتكلم كده ليه انا مش شغاله عندك على فكره 

أدهم :- وقف وراح عندها شدها من دراعها وقفها وقال لاء شغاله عندى الجريده اللى انتى شغاله فيها انا اللى بصرف عليها من غيرى تضيع يعنى مرتبك من فلوسى يا حلوه 

داليا :- شدة دراعها بغيظ من ايد ادهم وقالت والله ميخصنيش مين اللى بيصرف على الجريده انا ليا شغلى اللى بشتغله وباخد عليه أجرى منك بقى ولا من غيرك مليش دعوه 

أدهم :- داس على سنانه وقال انا ممكن اوديكى وراه الشمس 

داليا :- ده شرف ليا لما ادهم بيه صاحب اكبر شركات فى مصر والوطن العربى يحطنى فى دماغه بالطريقه دى يبقى انجاز عظيم ليا وربعت ايديها على صدرها وقالت هنبدأ الحوار امته حضرتك وضحكة ليه ضحكه مستفزه 

أكرم :- لنفسه الله اكبر اخيرآ عيشت وشوفت حد واقف لادهم الحناوى ومش خايف منه ولا وكمان بنت ربنا يثبتك يا بنتى 

أدهم :- بص بغيظ لداليا وداس على سنانه وقال انتى بتحفرى قبرك بأيدك متخلقش لسه اللى يفكر يرد على ادهم الحناوى بالطريقه دى ولا حتى يرفع عينه لفوق 

داليا :- ليه يعنى انت حيالله رجل اعمال بس  فى الاخر بنأدم واخرتك نومه فى الارض تحت التراب كلنا ولاد تسعه مفيش حد احسن من حد 

أدهم :- بصلها بغيظ وقال بكره تعرفى انا مين واقدر اعمل ايه ورجع قعد على الكرسى بتاعه وشاور ليها بصوابعه انها تقعد 

داليا :- بصت ليه بقرف وقعدت على الكرسى 

أكرم :- كان معجب جدآ بشخصية داليا

أدهم :- بص لأكرم بعصبيه وقال ايه هتفضل واقف كده كتير 

أكرم :- ها لا انا هسيبكم بقى وهروح مكتبى وبص لداليا وقال نورتى الشركه يا انسه 

داليا :- بقرف وربنا يسهل وامشى فى اسرع وقت واقطع عليكم النور ده 

أكرم :- بأعجاب يخربيت كده جباره 

أدهم :- بعصبيه اكررررررررم 

أكرم :- خلاص خلاص انا ماشى وخرج وسابهم

أدهم :- بتكبر انا ليا عندك اعتذار 

داليا :- وانا مش هعتذر ليك لو حصل ايه 

أدهم :- بكره مش هتعتذرى ليا بس لاء كمان هتترجينى وتبوسى ايديا 

داليا :- ههههههههه لا عاش ولا كان اللى يخلى داليا سعيد تعتذر وتترجى واحد زيك 

أدهم :- بتحدى بكره نشوف 

داليا :- بتكبر وبكره مش بعيد بس ابقى قولى هشوف الساعه كام اللهى يسترك علشان متروحش عليا نومه هههههههههههه

أدهم :- كان متغاظ جدآ من ردها عليه وبصلها بغيظ وقال الرك على اللى هيضحك فى الاخر اتفضلى اسألى اسألتك 

داليا :- داست على كلمة تسجيل فى تليفونها وحطته على المكتب وقالت بسم الله الرحمن الرحيم نبدأ اول سؤال ممكن حضرتك تقول اسمك بالكامل 

أدهم :- أسمى ادهم خالد الحناوى 

داليا :- السن 

أدهم :- اتنين وتلاتين 

داليا :- ممكن حضرتك تكلمنى عن مشوارك اللى وصلت من خلاله لتكون أكبر رجل اعمال فى مصر والوطن العربى 

أدهم :- رجع لواره بثقه وقال دى قصة كفاح طويله انا بدأت من مكتب مقاولات صغير جدآ واشتغلت واجتهد لحد ما اقدرت أكبرها ومش انا لوحدى انا وصديق عمرى أكرم اللى كان معايا من اول لحظه لحد دلوقتى 

داليا :- بس والدك رجل الأعمال المشهور خالد الحناوى مكانش ليه دور فى حياتك ولا اسمه ساعدك على انك تكبر الشركه وتبقى مجموعة شركات الحناوى 

أدهم :- لاء طبعآ انا اختارت ابدأ من الصفر وابعد عن فلوس خالد الحناوى حتى النشاط مختلف تمامآ عن نشاط شركات خالد الحناوى 

داليا :- افهم من كده انك مش هتستلم شركات والدك خالد الحناوى وتضمها مع شركات ادهم الحناوى 

أدهم :- مستحيل وبعدين شركات خالد الحناوى بيديرها اخويه علاء وهو قادر يديرها بحكمه وبأسلوب منفرد ومحدش قادر ينفسه فى الحته دى 

داليا :- على ما اعتقد ده علاء الحناوى الدكتور صح 

أدهم :- كان لكن حاليآ ماسك شركات خالد الحناوى 

داليا :- عندك اخوات تانيه غير الدكتور علاء 

أدهم :- ياريت بلاش نتكلم عن الحياة الشخصيه

داليا :- والسبب

أدهم :- انا حر مش حابب اتكلم عن اهلى ده شئ يخصنى 

داليا :- تمام ايه ردك على الكلام اللى منتشر عليك انك بتسهر لصبح فى الكباريهات وبتفعل المحرمات مع النساء 

أدهم :- والله انا حر دى حياتى الشخصيه محدش ليه دخل فيها 

داليا :- بس المفروض حضرتك قدوه لشباب كتير يعنى لازم تاخد بالك من افعالك لأنهم هيقلدوك فى الصح والغلط

أدهم :- انا مطلبتش اكون قدوه لحد كل واحد حر يعيش حياته زى ما بيحب 

داليا :- انت مش شايف نفسك انك غلطان وبتغضب ربنا 

أدهم :- وانتى مين علشان تحسبينى 

داليا :- انا مش بحسبك انا واحده غيوره على دينها ومش بحب اشوف حد بيغضب ربنا واسكت 

أدهم :- ياريت بدل ما انتى عامله نفسك شيخه علينا حاسبى نفسك وشوفى نفسك ملتزمه بدينك ولا لاء ياريت بلاش واحده زيك تتكلم على الدين 

داليا :- بغيظ واحده زيه انا احسن مليون مره من اللى زيك 

أدهم :- هههههههه بقى انتى يا جربوعه احسن منى انا ادهم الحناوى ده انتى حتة حشره افعصها برجلى 

داليا :- انت واحد مش متربى وقليل الادب 

أدهم :- وقف وراح عندها وشدها وقفها ورجع دراعها الاتنين وراه ضهرها ومسكهم بأيد واحده والايد التانيه مسك وشها بيها وقربها منه وقال انا بقى هعرفك  تقلى ادبك عليا ازاى وهكسر غرورك ده 

داليا :- بألم ابعد عنى يا حيوان 

أدهم :- هوريكى شغل الحيوانات وقرب منها وحاول يعتدى عليها 

داليا :- بدموع ابعد عنى ابعد بقولك يا ناس حد يلحقنى 

أدهم :- حدفها على الكنبه وحط أيده على بؤقها وقرب ليها 

داليا :- عضته من أيده جامد لحد ما نزلت دم 

أدهم :- حاول يستحمل الم العضه بس مستحملش بعد عنها ومسك أيده بألم وبص لايده وبعدين بص لداليا وقال انا مش هسيبك النهارده 

داليا :- قامت تجرى من على الكنبه على الباب وحاولت تفتحه بس أدهم طلع يجرى عليها وشدها تانى وفى الوقت ده أكرم فتح الباب وداليا طلعت تجرى وراه 

أدهم :- بغيظ ايه اللى جابك يا اكرم مش قولتلك تقفل الباب ومدخلش حد ولا انت تدخل علينا 

أكرم :- مينفعش يا ادهم مرضهاش على اى واحده 

أدهم :- انت مالك ترضاها ولا مترضهاش اطلع بره بقولك 

داليا :- وهى ماسكه فى اكرم لالالا ارجوك خرجنى من هنا ابوس ايدك 

أدهم :- أكرم اطلع بره بقولك 

داليا :- اوعى ربنا يخليك تسبنى معاه 

أكرم :- متخافيش هخرجك من هنا 

أدهم :- والله طيب ورينى هتقدر تخرجها من هنا ازاى 

أكرم :- اهدا يا ادهم بلاش تهورك ده اللى مترضهوش على اختك مترضهوش على بنات الناس 

أدهم :- بنات الناس مش واحده قذره زى دى انا لو اديتها قرشين هتسلم نفسها ليا بكل سهوله بلاش يغرك الحبتين دول انا عارف الأشكال دى كويس اوى 

داليا :- بدموع حسبى الله ونعمه الوكيل فيك ربنا ينتقم منك يا شيخ 

أكرم :- امشى قدامى يا انسه 

أدهم :- قولتلك مفيش خروج من هنا لازم اكسرها 

أكرم :- خلاص يا ادهم اعتبر محصلش حاجه ولا حتى قابلتها

أدهم :- أكرم انا ماسك نفسى عليكى بالعافيه متخلنيش اعمل معاكى حاجه تزعلك اطلع انت بره الموضوع ده 

داليا :- بصت بترجى لأكرم وهزت راسها بمعنى لاء متسمعش كلامه 

أكرم :- مينفعش اخرج بره الموضوع ده يا ادهم مستحيل اسيب البنت معاك لحظه واحده ومسك ايد داليا واخد تليفونها من على المكتب وشنتطها من على الكرسى ولسه هيخرج من الاوضه 

أدهم :- مسكه من هدومه وضربه بالبوكس فى وشه وقال حذرتك ومسمعتش الكلام 

أكرم :- حط أيده على وشه وقال ايه يا اخى فوق بقى فوق وفكك من اللى انت بتعملو ده كل ده ليه علشان ردت عليك ووقفت فى وش أدهم الحناوى عايز تنتقم منها علشان حاجه هيفا زى دى لو حد عمل مع اخت من اخواتك كده هتسكت هتقبل حد يلمس اختك علشان غلطت فيه بلاش تكبرك وغرورك ده اللى هيوديك فى داهيه وهيخسرك الناس كلها وانا أولهم ومسك ايد داليا وقال امشى وخرجو الاتنين من المكتب 

أدهم :- اتعصب وحدف كل اللى على المكتب فى الارض وقال عاااااااااااا ماشى يا داليا مبقاش انا لو مكنتش انتقم منك واخليكى تبكى بدل الدموع دم 

~•~•~•~•~•~•~•~•~•~•~•~•~• 

عند اكرم وداليا 

خرجت داليا مع اكرم وهى جسمها كله بيتنفض من الخوف 

أكرم :- أهدى يا انسه متخفيش خلاص 

داليا :- بدموع مستحيل ده يكون بنأدم ده شيطان 

أكرم :- انا عارف ومقدر الوضع اللى كنتى فيه بس أدهم عنده مشكله مش بيحب حد يقف قصاده ويتحدى ولا يعصى ليه كلمه وانتى الوحيده اللى قدرتى تعملى معاه كل ده من غير خوف منه علشان كده اتغاظ وعمل معاكى كده 

داليا :- د.د.ده كان عايز يغ

أكرم :- قطعها وقال مستحيل يعمل كده هو كان بيخوفك بس لكن أدهم عمره ما يفكر ياخد حاجه من واحده غير برضاها 

داليا :- عمومآ انا بشكرك على وقفتك جنبى عن اذنك 

اكرم :- تعالى اوصلك 

داليا :- لالالا شكرآ 

أكرم :- ليه بس مش هينفع اسيبك كده 

داليا :- اسفه بس مش بركب مع رجاله غريبه 

أكرم :- يا ستى اعتبرى العربيه بتاعتى تاكسى وانا السواق واركبى عادى 

داليا :- لاء برضه عن اذنك وسابته ووقفت تاكسى وروحت على البيت 

أكرم :- بصلها وهى بتركب التاكسى وقال بنأدمه غريبه وحط أيده على وشه وقال بألم  ااااااه اشوف فيك يوم يا ادهم يا ابن ام ادهم وطلع على الشركه 

~•~•~•~•~•~•~•~•~•~•~•~•~•

فى فيلا الحناوى 

كان الكل متجمع على سفرة الغدا 

خالد :- امال فين أدهم 

إنعام :- ما انت عارف ابنك يا خالد بينزل اخر واحد من الشركه يجى يغير هدومه ويمشى تانى 

خالد :- انا تعبت معاه ومش بيسمع كلام حد صوته من دماغه وبس نفسى يبعد عن السكه اللى ماشى فيها دى 

علاء :- كلنا يا بابا نفسنا أن هو يبعد عن السكه دى بس دماغ ابنك تعبانه ربنا يهديه 

دينا :- على فكره أدهم طيب جدآ بس هو عنده مرض اسمه حب السيطره فبيحاول يثبت نفسه فى الطريق ده مش معنى كلامى بقول أن هو صح بس مش عايز افش لأنه عمره ما هيسمع كلامكم بالطريقه دى بس ممكن نشوف ليه واحده تقدر تخليه يبعد عن الحاجه دى ويحبها هى ويتجوزها ويبقى كده بعد عن الحرام وبقى كل حاجه بالحلال 

إنعام :- ودى هنلاقيها فين أن شاءالله وبعدين ما انتى عارفه اخوكى أدهم رافض موضوع الجواز ده خالص 

فادى :- انا رأى من رأى دينا مش هيبعد أدهم عن السكه دى غير واحده توقعو فى حبها 

خالد :- انتو بتحلمو أدهم ابنى صعب يحب حد قلبه حجر ومقفول بقفل والمفتاح واقع فى قاع البحر وعلشان واحده تقدر توقع أدهم لازم تكون بتعرف تعوم وتغطس قاع البحر وتجيب المفتاح ده وتفتح القفل اللى مقفول بيه قلبه 

أدهم :- السلام عليكم ولسه هيطلع اوضه 

خالد :- أدهم استنا هنا 

أدهم :- وقف وقال خير 

خالد :- رايح فين كده 

ادهم :- طالع أوضى اغير هدومى ونازل

خالد :- نازل فين 

أدهم :- ده تحقيق معايا بقى 

إنعام :- أدهم اتكلم مع ابوك عدل 

أدهم :- والله انا حر اروح مكان ما انا رايح ومحدش ليه الحق يسألنى بروح فين ولا بعمل ايه ولسه هيطلع اوضه 

خالد :- انت طالع لامك قليل الادب 

أدهم :- وقف اول ما سمع كده ونزل السلم وراح عند ابوه وداس على سنانه وقال انا مش شبه واحده زى دى فاهم وبص ليه بغيظ وطلع على اوضه 

دينا :- ليه يا بابا تقولو كده بس 

إنعام :- فعلا ده واحد قليل الادب مش متربى بيتكلم بأسلوب قذر 

علاء :- وقف وقال عن اذنكم 

إنعام :- رايح فين 

علاء :- داخل اوضى أقرأه فى المصحف شويه احسن مليون مره من الحوارات دى

فادى :- وقف وقال عندك حق والله انا زهقت من ام الحوارات دى اللى مش بتخلص انا هطلع اقعد على النت احسن وطلع كل واحد على اوضه 

دينا :- ساكته ليه يا سندس 

سندس :- هقول ايه مليش دعوه بكل اللى بيحصل ده 

إنعام :- اطلعى ذاكره كلمتين ينفعوكى 

سندس :- طيب انا مالى بتزهقى عليا انا ليه ما انا ساكته منطقتش ولا كلمه 

إنعام :- اطلعى اوضك يلا 

سندس :- قامت وقفت ومشيت وهى بتبرطم وتقول انا مالى بس هو انا الملطشه بتاعت البيت ده كل ما يحصل حاجه يطلعوه عليا انا ربنا يتوب عليا من ام البيت ده 

دينا :- بصت ليهم بزعل علشان أدهم وسابتهم وطلعت عند اوضت أدهم وخبطت الباب 

أدهم :- من جوه مش عايز اكلم حد 

دينا :- انا يا ادهم 

أدهم :- سبينى دلوقتى يا دينا 

دينا :- علشان خاطرى افتح يا ادهم هتكلم معاك كلمتين وهنزل 

أدهم :- قام فتح الباب ورجع قعد تانى على سريره 

دينا :- بصت حاوليها وقالت مش هتبطل عمرك الحركه دى لما تكون متعصب تكسر اى حاجه قصادك 

أدهم :- اخلصى يا دينا عايزه ايه 

دينا :- قعدت قصاده على السرير ومسكت أيده وقالت مش عايزاك تزعل من كلام بابا هو خايف على مصلحتك 

أدهم :- هه خايف على مصلحتى ولا خايف على سمعته هو اللى زى ابوكى ده مش بيخاف على حد ابوكى اهم حاجه عنده مصلحته وبس 

دينا :- لاء يا ادهم غلطان انت ليه واخد الصوره الوحشه دى على بابا 

أدهم :- هههه لاء انتى اللى طيبه ومتعرفيش ابوكى كويس اسألينى انا قومى يا دينا قومى 

دينا :- طيب عرفنى 

أدهم :- دينا مش وقته الكلام ده روحى يلا اوضك وسبينى علشان اغير هدومى وانزل 

دينا :- بتستفاد ايه من اللى انت بتعملو ده بس

أدهم :- دينااااااااا متعصبنيش بقى روحى اوضك 

دينا :- وقفت وقالت حاضر يا ادهم رايحه وهبعت ليك الشغاله تنضف مكان التكسير ده 

أدهم :- لما انزل تبقى تنضف 

دينا :- ماشى وخرجت وسابته

أدهم :- حط أيده على وشه ومسحه وطلع بأيده على شعره واتنهد وقام دخل الحمام اخد شاور وخرج لبس هدومه ونزل ركب عربيته ومشى بيها 

~•~•~•~•~•~•~•~•~•~•~•~•

فى شقة سعيد 

وصلت داليا الشقه ودخلت اترمت على الكنبه وحدفت الشنطه جنبها واتنهدت بتعب وفى الوقت ده خرج سعيد من اوضه وقال 

سعيد :- داليا رجعتى بدرى ليه من الشغل فيكى حاجه ولا ايه 

داليا :- بتعب متقلقش يا بابا انا كويسه 

سعيد :- مدام قولتى يا بابا مش يا بابتى يبقى فيه حاجه 

داليا :- اترمت فى حضن ابوها وقعدت تعيط 

سعيد :- طبطب عليها وقال فيكى ايه بس يا بنتى قلقتينى عليكى 

داليا :- انا النهارده كان اسوء يوم فى حياتى يا بابا 

سعيد :- أهدى بس واحكيلى ايه اللى حصل معاكى 

داليا :- بعدت عن حضنه ومسحت دموعها وحكت ليه كل اللى حصل فى الجريده ومع أدهم 

سعيد :- بس انتى اللى غلطانه يا بنتى 

داليا :- بصدمه انا يا بابا

سعيد :- ايوه يا حبيبتى غلطى كذا مره لما غلطى فى الراجل فى شركته وقصاد السكرتيره بتاعته وكان لازم تعتذرى ليه وسامحك وقبل  ماتعملى معاه الحوار غلطى فيه تانى 

داليا :- بس هو اللى غلطان من الاول خالص يا بابا لما أتأخر عن معاده ولما كلمنى بعجرفه فى مكتبه ولما فكر يهنى فى مكتبه واخر حاجه لما فكر يعتدى عليا كل ده وتقولى انا اللي غلطانه 

سعيد :- هو غلط لما فكر يعتدى عليكى بس برضه كلام شريكه بيقول أن هو كان بيخوفك مش اكتر إنما انتى اللى بدأتى الغلط معاه من الاول خالص انتى صحفيه ولازم يكون بالك طويل يمكن سبب تأخيره ده حاجه مهمه يمكن كان عنده حد مريض أو هو كان تعبان بس مش لازم يقدم ليكى السبب لازم ندى الاعذار لناس مش نغلط فيهم ومدام وافقتى ترجعى تعملى معاه الحوار كان لازم تعتزرى ليه 

داليا :- بس يا بابا

سعيد :- مفيش بس انتى لازم تتأسفى ليه عن اللى حصل منك وموضوع أن هو قرب منك ده انا مش هسكت عليه بس لازم تبدأى انتى الاول بالاعتذار

داليا :- حاضر يا بابا 

سعيد :- ادخلى يلا اغسلى وشك وغيرى هدومك علشان اخواتك على وصول نحضر ليهم الغدا 

داليا :- حاضر عن اذنك ودخلت اوضتها وقعدت على السرير وقالت طيب وانا هعتذر ليه ازاى ده هوف بقى ده بنأدم متعجرف على الفاضى وما هيصدق يشوفنى بتأسف ليه علشان يذل فيا بكره ابقى اروح اتأسف ليه وخلاص وقامت دخلت الحمام غسلت وشها وغيرت هدومها ودخلت المطبخ تحضر الاكل ما ابوها وبعد وقت انتهو ووصل حمزه ومؤمن وحطو الاكل وبدأو ياكلو بس جرس الباب رن قام مؤمن فتح الباب 

مؤمن :- تامر تعال اتفضل

الظابط :- لاء معلش ممكن تنادى اخوك حمزه 

مؤمن :- حاضر ثوانى ودخل وبعد شويه خرج حمزه وقال 

حمزه :- تامر خير تعال 

تامر :- احم مش خير يا حمزه 

حمزه :- ليه فيه ايه 

تامر :- احم اختك للاسف متقدم بلاغ فيها من رجل الأعمال ادهم الحناوى بيتهمها انها سرقة منه ساعه دهب 

حمزه :- بصدمه ايه اللى انت بتقولو ده اختى مستحيل تعمل كده 

تامر :- انا اسف بجد ده شغلى لازم العساكر تفتش الشقه عندكم

حمزه :- انت هتستعبط يا تامر مستحيل ادخل عسكرى يفتش شقتى 

تامر :- غصب عنى يا صاحبى ده أمر من جهات عليا يعنى الموضوع خارج السيطره انت عارف كويس مين أدهم الحناوى 

حمزه :- انا قولت مستحيل حد يدخل يفتش الشقه عندنا يا تامر 

تامر :- بلاش العساكر يا حمزه هدخل انا بنفسى 

حمزه :- اتنهد وبص بصه طويله لتامر ووسع ليه الطريق 

تامر :- دخل وقال احم السلام عليكم 

سعيد :- وعليكم السلام تعال يا ابنى 

تامر :- ربنا يخليك يا عمى 

حمزه :- داليا انتى النهارده روحتى مكتب أدهم الحناوى 

داليا :- بصت لابوها بأستغراب وبعدين بصت لحمزه وقالت ايوه ليه 

حمزه :- وكنتى بتعملى ايه هناك 

داليا :- كنت بعمل معا حوار بس بتسأل ليه 

تامر :- طيب ممكن ادخل اوضك اشوف حاجه بس 

داليا :- اوضى ليه طيب 

حمزه :- تعال يا تامر انا متأكد أن اختى مستحيل تعمل كده 

داليا :- اعمل ايه ما تفهمونى 

تامر :- هفهمك كل حاجه بس لما ادخل اوضك ودخل الاوضه مع حمزه وبدء يدور فى الاوضه وفى كل حته وبص شاف شنطة ايد داليا راح عندها ومسك الشنطه وقال الشنطه دى اللى كنتى بيها فى مكتب ادهم 

داليا:- وهى مستغربه اللى بيحصل قالت ايوه هى 

تامر :- فتح الشنطه وبص فيها وبص لحمزه وداليا وقال ............

~•~•~•~•~•~•~•~•~•~•~•~• 

بقلمى دودومحمد

الفصل الثالث والرابع والخامس من هنا 👇👇👇👇👇👇👇

من هنا