 |
رواية غرام صعيدي
البارت الرابع والخامس والسادس والسابع والثامن والتاسع
بقلم اسراء ابراهيم
صقر بغضب وانتي ايش دخلك يا مرت اخوي صغيرة ولا كبيرة دي هتبجي مرتي وعلي اسمي وهيا عچباني اكده عشان تبچي مرتي وبتي كمان وياريت تخليكي في حالك
وبلاها حديتك الماسخ ده ، غضبت صفية من كلامه فما ارادات ان تفعله انقلب عليها اما غرام ففرحت كثيرا بداخلها
فلأول مرة يدافع عنها احد لأول مرة تشعر بالامان فنظرت له لتشكره ولكن هو تجاهل نظراتها ووجه الحديث لامه ، عايزة اي حاچة من مصر ، امه باستغراب فأول مرة يسألها اذا كانت تريد شئ من مصر ، لع يا ولدي متحرمش منك ابدا انا هجوم اتوضي تعالي معايا يا صفية جومي يا بت ، صفية بضيق حاضر يا مرت عمي وتركت لهم المساحة ليتحدثا ،
بقلمي اسراء ابراهيم ، احم عايزة حاچة من مصر يا غرام ، كانت متوترة فلأول مرة ايضا منذ ان جاءت الصعيد ان ينفردا في مكان واحد ، متشكرة اوي لسؤالك يا صقر ومتشكرة انك دافعت عني ، بتشكريني علي ايه انتي هتبجي مرتي ومن حجك اني ادافع عنك واچيبلك حجك انا مش عايزك تخافي من حاچة طول ما انتي معايا ، نظرت له
بامتنان ربنا يبارك فيك يا صقر ، بداخله استغرب لماذا قلبه يدق هكذا حين نطقت اسمه ولكن تجاهل ما يشعر به ونظر لها ، انا جايل لامي تشوف محتاچة ايه وتچبهولك جبل الفرح وانا مش عايزك تتكسفي جولي عاللي ناقصك وهيا هتچبهولك يلا همشي انا بجي سلام ، صقر ، استجمع شتات نفسه احم في حاچة ؟ ، اه لو سمحت ممكن متروحش لامي او تبعتلها خالص او تعرفهم مكاني ، صقر باستغراب ليه بجي افهم ؟ ، هه لا مفيش ، لا تعلم بماذا تخبره هي نفسها لا تعلم هل لخوفها من جابر ام لانها خائفة علي صقر منه فلا احد يعلم حقيقة جابر غيرها ، مفيش بس نا زعلانة من امي ومش عايزاها تعرف مكاني ، نظر لها صقر بشك فهو يعلم ان الموضوع له علاقة بجابر زوج امها ، احنا لينا كلام مع بعض يا غرام بس مش دلوجتي لما تبجي مرتي سلام ، شعرت غرام بالخوف والوحدة فهل معقولة في هذا الوقت القصير فقط تعلقت بصقر ام هي كالغريق الذي تعلق بقشة ولما لا فهو الوحيد الذي انتشلها مما كانت فيه وظلت تفكر في حياتها وما هو قادم من مجهول ينتظرها . بقلمي اسراء ابراهيم
⭐⭐⭐⭐⭐⭐ استغفر الله العظيم واتوب اليه
وحشتيني جوووي ، واضح ان مصر اثرت عليك يا واد عمي ،
ليه بجي عشان بجولك وحشتيني يا فاطمة ، لع عشان بجيت تغيب گتير عليا في مصر وتيجي تضحك عليا بكلمتين ،
غصب عني والله انتي عارفة اني ماسك شغل ابويا في مصر
وصقر مشيلني مسئولية المصنع هناك كانت شورة هباب اني ابقي محاسب ، حتي التلفون يا ادهم مش بتكلمني عليه گتير
، والله شغل وببجي مضغوط حجك عليا يا ست البنات ، اوعي تكون عشجت من مصر يا ادهم ، وه اتهفيتي في عجلك يا فاطمة خلاص عشج ايه اللي بتتكلمي عليه انتي خابرة زين اني مش كدة انا عشجك انتي من زمان من وانتي عيلة بضفاير ولا يمكن هعشج غيرك في يوم من الايام ،
ربنا يباركلي فيك يا ادهم ، ويباركلي فيكي يا روح ادهم يلا هسيبك انا والحق اروح احسن هموت وانام ، بعد الشر عنك
، يسلملي خوفك عليا يا بنت جلبي سلام يا جمر .
بقلمي اسراء ابراهيم
⭐⭐⭐⭐⭐⭐⭐⭐لا اله الا الله
يوم الفرح جميع اهل البلد عند بيت الغرباوي وصوت الرصاص في كل مكان والناس يحتفلون بصقر الغرباوي لانه محبوب من الجميع ، في قلب البيت يجتمع الحريم في مكان خاص للسيدات واحدي السيدات تغني اغاني البلد المشهورة
وتجلس غرام وسطهم وهي مثل القمر فالفستان الابيض الذي ترتديه مع شعرها الذي يبلغ اخر ظهرها وهو كالحرير وبشرتها البيضاء مع الكحل العربي الذي اعطي لها رونق خاص تخطف قلب كل من ينظر اليها وبالفعل فكل من يهنئ كان ينبهر بعروس صقر فمنهم من يسمي الله علي جمالها ويدعو لهم بالسعادة ومنهم من يحقد مثل صفية فهي كانت تنظر لها بحقد من جمالها وانها سوف تأخذ كل شئ من وجهة نظرها فقط اما عزيزة والدة صقر فكانت فخورة بعروسة ابنها وكانت تدعي لهم بهديان السر وصلاح الحال وكانت غرام تشعر بنظرات كل من حولها وكانت خجولة للغاية وايضا خائفة من فكرة انها ستصبح زوجة صقر وعلي اسمه وفاقت من شرودها علي صوت عزيزة تعالي يا بتي هيكتبو الكتاب تعالي هخليكي تتفرچي واخذتها لمكان بحيث ان غرام كانت تري صقر وفرحت جدا لان عتمان سيكون وكيلها وكانت تنظر لصقر ولا تعلم لما هيا سعيدة هكذا لانها ستصبح زوجته وظلت تحدق به الا ان سمعت المأذون يقول بارك الله لكما وبارك عليكما وجمع بينكما في خير وهنا تعالت الزغاريط فالآن اصبحت زوجته رسميا اما صقر فكان قلبه يدق ولا يعلم سبب سعادته ولكن كما قالو تجري الرياح بما لا تشتهي السفن فقطع فرحتهم دخول بنت جميلة للغاية وعند دخولها لاحظت غرام ان صقر تغير وجهه وسمعت شهقة من عزيزة والكل مستغرب وهي لا تعلم ماذا يحدث وهناك ايضا من يصطاد في الماء العكر فشعرت صفية ان هذا وقتها فاقتربت من غرام وقالت بتشفي ، انا جولت اعرفك بدل ما انتي زي الاطرش في الزفة اكده ومتعرفيش حاچة صعبتي عليا وهجولك دي تبجي غادة مرت صقر ......يتبع🔥🔥
البارت الخامس
هل ما سمعته صحيح هل فعلا قالت ان هذه البنت زوجة صقر لا تعلم لما شعرت ان قلبها يؤلمها في هذه اللحظه هل لأنها احبت صقر وعقلها يردد لا مستحيل ولكن السؤال الاهم هو لما لا فانه صقر رجل تتمناه اي فتاه وانا لا شئ نعم انا لا شيء انا مجرد بنت تحتاج للمساعدة وهو كرجل شهم وقف بجانبي فليس لدي الحق بأن امانع او ان اقف في طريق سعادته فيكفي ان اخذت اسمه لكي اتحامي به نعم يكفي هذا ولكن جزء داخل غرام تمني ان يكون كلام صفية كذب ولكن لا مفر من الواقع كل هذا دار في خاطرها وشردت في كل ما حدث لها وما مرت به منذ وفاه والدها الى هذه اللحظه ،بقلمي اسراء ابراهيم ، وانتبهت علي صوت عزيزه وهي تنهر صفيه عندما سمعت ما اخبرت به غرام ، فزي جومي يا مجصوفة الرجبة غوري من وشي والا يمين بالله ما اخليكي تبيتي فيها و اشيعك على بيت ابوكي دلوجتي غوري من وشي ، قامت صفية بغضب من توبيخ عزيزة لها ولكن كانت بداخلها سعيدة فقد نالت مرادها وبخت سمها في اذن غرام ، اقتربت عزيزة من غرام وقبل ان تتحدث قامت غرام وتحدثت برجاء لو سمحتي يا ماما انا عايزة اطلع قوضتي لو معندكيش مانع ، لا يا بتي اطلعي بس اسمعي منه يا غرام وبعدين احكمي يا بتي متخليش العجربة دي تأثر عليكي الحكاية واعرة وكبيرة افهمي الاول يا بتي منه ، هزت رأسها بإيجاب و صعدت غرام وهيا حابسة لدموعها وقلبها يصرخ بدون صوت فلا احد يعلم ما به غيرها .....
🌻🌻🌻🌻🌻🌻🌻 لا حول ولا قوة الا بالله
نظر صقر لغادة بغضب وانفعال وسحبها من يدها ودخل غرفة المكتب الخاصة بوالده وما ان اقفل الباب حتي صفعها
بالقلم علي وجهها ، اتخبلتي اياك عشان تخشي مجعد الرجالة
اكده ، بتضربني يا صقر خلاص هنت عليك ، واكسر دماغك كمان انتي خلاص عجلك فوت ، عجلي فوت عشان جاية اشوف جوزي وهو بيتچوز عليا، ضحك صقر باستهزاء دلوجتي بتجولي چوزي مش چوزك ده اللي سبتيه وجولتي انك مش رايداه جايه دلوجتي تجولي چوزي ، صقر انت عارف اني بحبك وده كان شيطان ودخل بينا طلجها طلجها يا صقر و خلينا نعيش مع بعض زي الاول ، لع مش هطلجها يا غاده عارفه ليه عشان عاشجها ايوة عاشجها يا غاده ، بكت وهي لا تصدق ما يقؤله وهو تعمد ان يأكد علي كل حرف نطق به وكأنه يداوي جروحه منها و يأخذ بالثأر لقلبه من رؤيتها وهيا هكذا واكمل كلامه واجولك علي حاچة كمان عرفتها اول ما قابلت غرام عرفت يعني ايه عشج و عرفت اني مكنتش عاشجك لع كنت موهوم وعشجي لغرام فوجني انتي خلاص كنتي فترة في حياتي وانتهت ، دموع غادة سقطت علي وجنتيها بندم ، كداب مكنتش سبتني علي ذمتك يا صقر انت لسة عاشجني بس بتكابر واقتربت منه لتري تأثير سحرها وقربها عليه ولكن فاجئها صقر بأنه مثل الصخر لم يتحرك له جفن وتحدث ببرود ، لو كنتي فاكرة اني مطلجتكيش عشان لسة عايزك تبجي غلطانة لان مش صقر الغرباوي اللي يتساب يلا روحي علي بيت ابوكي مش عايز اشوف خلجتك وعشان الليلة دخلتي علي عروستي ، نظرت له غادة بغضب وخرجت وهيا تتوعد له ولغرام ، وما ان خرجت غادة حتي سقط قناع القوة من علي وجهه نعم فكل ما قاله لها كذب فهو كان يعشقها ولكنها جرحت كرامته وجرحت رجولته ومسح دمعة نزلت من عينه
🌻🌻🌻🌻🌻🌻لا اله الا الله سيدنا محمد رسول الله
دخلت غرام غرفتها وانهارت نعم فهي في الاول والاخر انسانة لا تقدر علي كل هذا نظرت لنفسها بالمرآه وهيا ترتدي فستان الزفاف وبكت فليس هذا اليوم اللي حلمت به مع فارس احلامها فمنذ وفاه والدها والدنيا اخذت منها الكثير طفولتها وبراءتها وايضا سعادتها جلست علي الارض بجانب السرير ووضعت رأسها بين يديها وبكت بحرقة لا تعلم هل بسبب حياتها اللي غصبت عليها ام لأنها زوجة ثانية ام لأنها
اعجبت بصقر وخوفه ودفاعه عنها او من الممكن انا تكون احبته ولكن عند هذه النقطة وقفت غرام وتحدثت مع نفسها بصوت عالي وكأنها تحارب افكارها لا يا غرام متوهميش نفسك انك ممكن تحبي صقر او هو في يوم من الايام يحبك
انتي احمدي ربنا انك بس بعيدة عن جابر وانك في حماية صقر اوعي تعشمي نفسك باكتر من كدة، بقلم اسراء ابراهيم
🌻🌻🌻🌻🌻 سبحان الله وبحمده سبحان الله العظيم
ظل صقر شاردآ في مكتبه حتي انتبه علي خبط الباب ، ادخل ، مش كيفاياك يا صقر يا ولدي اكده ، تعبت يا بوي حاسس ان هم الدنيا كله فوق كتافي ، لع انت راچل من ضهر راچل وجدها وجدود يا ولدي سيبك من اللي فات وخليك في اللي چاي وغرام بنت حلال وتستاهل يا ولدي واوعاك تيجي عليها يا صقر بكفاياها اللي شافته في حياتها انا متوكد انها شافت گتير حاول تجرب منها يا ولدي يمكن تكون هيا العوض ، سرح صقر في كلام والده ، يلا يا ولدي جوم عشان الناس ميتحدتوش علينا جوم احضر فرحك واجعد مع الرجالة وبعدين اطلع لعروستك طيب خاطرها اكيد عرفت ، حاضر يابوي .
🌻🌻🌻🌻🌻استغفر الله العظيم
والله انا مش مقتنعة يا جابر باللي انت عايزنا نعمله ده تحدثت منال وهيا تنزل من السيارة اللي تقف امام منزل الغرباوي ، جابر بمكر منا قولتلك يا روحي لازم تبقي جمب بنتك يوم فرحها عشان الناس هنا متقؤلش حاجة عليها ،
انا بالنسبالي مش فارقة وبعدين مش هيا اللي صممت تمشي
معاهم ، اقترب منها وقال وهو يمسك يدها ليؤثر عليها خلاص بقي احنا جينا هنا اعتبريها فسحة يلا بينا ودخلو
الي المنزل ...........يتبع 🔥
البارت السادس 💔💔🌺🌺🌹🌹والسابع🌹🌹
كان صقر يجلس مع الرجال امام المنزل وكان يلقي التحية ويرد المباركة من كل اهل البلد حتي رأي والدة غرام وزوجها جابر وهنا شعر ان بركان اشتعل بداخله وشعر ان مجيئهم ليس لخير ابدا ونظر هو ووالده لبعضهم البعض ، مش عايزين مشاكل يا صقر هما شوية وهيمشو يا ولدي تلاجيها جاية عشان بتها ، صقر بغضب مكتوم اللي تشوفه يا بوي ، دخل عليهم جابر وزوجته وتحدث جابر بفرحة زائفة الف مبروك يا حج عتمان ومبروك يا صقر ، صقر ببرود الله يبارك فيك ، خشي يا ست منال للحريم جوة هتلاقيهم جوة الدار ، شكرا يا حج وتركتهم ودخلت البيت ثم الي مجلس الحريم ، اهلا.
بيكي يا بتي نورتي اتفضلي ، دخلت منال بملل اهلا انا ام غرام ، اه اهلا بيكي يا بتي نورتي الصعيد ، شكرا يا حاجة ،
هشيع حد ينده علي غرام هيا بس بتظبط حالها ، ببرود لا مفيش داعي انا شوية وماشية ، تعجبت عزيزة من رد فعل منال وتحدثت في داخلها ، معجول في ام كدة جلبها حجر علي بتها اعوذ بالله ليها حج البت تهرب منيها دي متتعاشرش
يا ساتر يارب .
🌹🌹🌹🌹🌹🌹🌹 لا حول ولا قوة الا بالله
استغل جابر انشغال صقر بمباركة الناس وتسلل لداخل البيت
وذهب تجاه مكان تجمع النساء ولكن لم يجدها بينهم وصعد
للاعلي بسرعة قبل أن يلاحظه احد ، اما في غرفة غرام كان تجلس علي السرير واضعة رأسها علي قدميها التي تحتضهنا بذراعها وتبكي بصمت حتي سمعت صوت كانت تتمني لو لم تسمعه في حياتها مرة اخري ، وحشتيني يا غرام ، انتفضت غرام برعب .
🌹🌹🌹🌹🌹🌹🌹لا اله الا الله
كانت صفية تجلس في غرفتها وتتحدث لنفسها بغيظ ، يا مراري ياما يعني كل اللي عملته جه علي مفيش ااخ يا نفوخي يانا بعد ده كله تيجي وتمشي اكده عادي وانا اللي جولت الجوازة هتتفشكل ماشي انا وانتي والزمن طويل يا غرام ان ما كرشتك من البيت ده وبجيت انا ست الكل فيه مبجاش انا صفية بنت الحج عرفة لع وكمان مرت عمي تجول عليا عجربة والله لاوريهم كلهم ، نعم فقد كانت تسترق السمع بعدما وبختها عزيزة وطلبت منها الصعود لغرفتها واكملت صفية بحقد ، بس لع مش هنولهالكو واخليكو تفرحو الليلة دي وقامت وفتحت باب الغرفة لتخرج ولكن رأت شخص غريب يدخل غرفة غرام وصقر فشهقت واغلقت الباب بهدوء ثانية ، وه وده مين ده اللي اتجرأ ويطلع لفوج وكمان داخل لغرام ، وابتسمت صفية بشر حين اتتها فكرة شيطانية وعزمت علي تنفيذها .
🌹🌹🌹🌹🌹🌹🌹 الحمد لله دائما وابدا
كانت فاطمة تجلس مع الحريم و تغني وترقص معهم حتي شعرت بالعطش وذهبت الي المطبخ لتشرب وهيا في طريقها للعودة الي مجلس النساء نظرت للخارج فوجدت ادهم يقف مع بنت جميلة للغاية ولكن تبدو انها من مصر فكانت بشعرها
غضبت بشدة وذهبت تجاهم والغيرة تأكل قلبها ، تفاجأ ادهم
بفاطمة ، هو بغيرة ايه اللي طلعك من چوة يا فاطمة ، تجاهلته وتحدثت للفتاه ، اهلا منورة بلدنا ، تسلمي منورة بيكو ، مش المفروض تخشي عند الحريم چوة ميصحش تجفي اكده وسط الرجالة ، نظر لها ادهم بشك فهو يعلم انها عازمة علي فعل شئ ما ، انا بس اتحرجت لاني معرفش حد جوة ، لع ودي تيجي برضك وانا روحت فين ، هو انتي متعرفنيش ، مش تعرفها عليا يا ادهم ، احم اه دي فاطمة يا نها تبجي بنت عمي ودي نها بتشتغل معانا في المصنع ، اتصدمت فاطمة من كلامه هل نكر ارتباطهم الآن ام هي فقط سمعت غلط ، عيونها دمعت ونظرت له بحزن ، صوح ابجي بنت عمه بس ، اما ادهم كان متوتر لا يعلم لما فعل ذلك ، تحدثت فاطمة بهدوء وحزن داخلي تعالي يا نها چوة متجلجيش انا معاكي عشان ميصحش وجفتك اكده تعالي انتي ضيفتنا ، ميرسي اووي يا فاطمة ودخلو الي المنزل وادهم ظل واقفا يلعن نفسه علي تسرعه .
🌹🌹🌹🌹🌹🌹 استغفر الله العظيم
بحث صقر بعينيه عن جابر فلم يجده واستغرب فلم يراه وهو يغادر وسأل والده ، انت مشفتش جابر ده يا بوي ، لع يا ولدي
انا افتكرته جالك ومشي ، تسلل الشك الي قلبه ولكن اقنع نفسه بانه من المؤكد انه قد غادر ، يا صقر يا صقر ، خيير
يا صفية في حاچة ، اه اصل يعني بصراحة اكده بس اوعي تتهور ، في ايه يا مخبولة انتي ما تتحددتي علطول ، صفية بخوف وتوتر اصل يعني شفت مرتك غرام وواحد في جوضتكو ، صقر وعينه تحولت للون الاحمر من الغضب ايييييه انتي بتجولي ايه انتي اتجننتي ، صفية بخوف ورعب ووالله زي ما بجولك انا شفت واحد داخل جوضتها حتي روح شوف بنفسك ، تركها وذهب
سريعا الي فوق وهو لا يري امامه من الغضب وتأكد من شكوكه فجابر صعد لغرام .....
جابر بنظرة شيطانية عارفة الحاجة الوحيدة اللي تخليني ابعد عنك ايه الموت يا غرام وانا عشان عيونك الزرقا دي وجمالك اللي يهبل مستعد اموت الف مرة بس تبقي بتاعتي انا كل يوم كنت بشوفك بتكبري فيه وبتحلوي اكتر كنت بصبر نفسي ان هيجي يوم وتبقي بتاعتي لوحدي وفي الاخر تروحي لراجل تاني ودلوقتي عقابك جه عشان وافقتي تبقي لراجل غيري ، غرام بشجاعة مزيفة لو قربت مني صقر هيقتلك انت فاهم ، هههههههه صقر ده انا اخلص عليه برصاصة واحدة وانتي اكتر واحدة عارفة الكلام ده يا غرام فبلاش تهدديني ،هزت رأسها بعنف ووضعت يدها علي وجهها وظلت تبكي وهو يقترب منها
🌹🌹🌹🌹🌹🌹🌹
احبته كثيرا ولكن هو جرحها سمعت صوت هاتفها وبكت اكثر عندما رأت اسمه علي الشاشة نبض الجلب مسحت دموعها وردت بضعف وحزن ظهر في صوتها الو ، فاطمة انا لازم اتكلم معاكي ، مفيش حديت بنا يا واد عمي ، فاطمة اسمعيني وبعدين احكمي ارجوكي لازم تسمعيني انتي فاهمة غلط انا عرفت اللي قالتهولك نها احنا لازم نتكلم وانا هفهمك كل حاجة ، بجيت بتتحدت زي بتوع مصر ولا يمكن انا اللي عشجي ليك كان عاميني ، فاطمة انا ، قاطعته فاطمة بعصبية وبكاء ، هو سؤال وترد عليا يا ادهم كلام نها دي حجيجي ولا لع ؟ ....
البارت السابع
انتفضت غرام عند سماع صوت جابر ، كنتي مفكرة نفسك هتهربي مني يا غرام ، غرام بهلع انت انت عرفت مكاني ازاي ، انتي بتاعتي انا وبس ولو روحتي فين هعرف اوصلك ، رجعت غرام في زاوية اخر الغرفة وهيا مرعوبة ومنهارة ودموعها تهبط علي وجنتيها بغزارة وتأكدت انه لن يرحمها ولن تهرب منه اينما ذهبت ، ظل يقرب منها وهيا تترجاه ليبتعد عنها ، انا اسفة والله بس ابعد عني ارحمني ، جابر بنظرة شيطانية عارفة الحاجة الوحيدة اللي تخليني ابعد عنك ايه الموت يا غرام وانا عشان عيونك الزرقا دي وجمالك اللي يهبل مستعد اموت الف مرة بس تبقي بتاعتي انا كل يوم كنت بشوفك بتكبري فيه وبتحلوي اكتر كنت بصبر نفسي ان هيجي يوم وتبقي بتاعتي لوحدي وفي الاخر تروحي لراجل تاني ودلوقتي عقابك جه عشان وافقتي تبقي لراجل غيري ، غرام بشجاعة مزيفة لو قربت مني صقر هيقتلك انت فاهم ، هههههههه صقر ده انا اخلص عليه برصاصة واحدة واللي خلاني عملتها قبل كدة يخليني اعملها تاني وانتي اكتر واحدة عارفة الكلام ده يا غرام فبلاش تهدديني ، هزت رأسها بعنف ووضعت يدها علي وجهها وظلت تبكي وهو اقترب منها و قبل ان يلمسها وجد من يمسكه من الخلف ويرميه بعيدا عنها فنظرت غرام ووجدت صقر ينقض علي جابر ويضربه بكل ما فيه من قوة ، بجي انت تطلع لمرتي وعايز تلمسها والله لجتلك يا كلب وجابر ينظر له بابتسامه صفراء وهو ينزف مراتك مش هتكون لحد غيري غرام ملكي انا وبس غضب صقر بشدة لدرجه عروق وجهه برزت يبجي متعرفش مين صقر الغرباوي يا كلب وظل صقر يضرب فيه الي ان غاب عن الوعي ، ونادي بغضب علي الغفر ، شيلو الكلب ده وحطوه في الاسطبل واربطوه لحد ما اجيله بس اخرچو من الباب الوراني مش عايز حد يشوفه ، امرك يا صقر بيه اما غرام ظلت ترتعش وخائقة وقف صقر امامها وهو ينهج وهيا نظرت له بوجع وفجأة ارتمت بأحضانه وهو شدد عليها بكل قوة وحاوطها بقلبه قبل يديه ، بقلمي اسراء ابراهيم
🔥🔥🔥🔥🔥🔥 استغفر الله العظيم
استجوبت فاطمة نها لتعرف منها مدي علاقتها بأدهم ، وانتي بجي يا نها بتشتغلي معاهم في مصر ، اه بشتغل مع ادهم ، فاطمة بغيرة يعني بتشوفه بعض علطول ، نها بقصد
طبعا انا وادهم كل يوم بنشوف بعض ومش بس كدة ده احنا بنفضل طول اليوم سوا عشان الشغل طبعا ، اااه جولتيلي
وهو بجي مجالكيش انه خاطب ، هكلمك بصراحة عشان انا حبيتك انا وادهم بنحب بعض ، فاطمة صدمة الجمتها جعلت لسانها لا يقدر علي النطق ، وكمان هو كان قايلي كل حاجة وانه خاطب وكدة بس هو مبقاش يحبها هو شايف حياته واستقراره في مصر وان هي هتقف في طريق نجاحه ،
حاولت فاطمة كتم دموعها فنبض القلب كما تطلق عليه دائما اصبح لا يحبها ، لا تدري ما تفعل غير انها قامت وغادرت المكان قبل ان تنهار ويظهر ضعفها امامه ، خرجت من البيت
ولاحظها ادهم فاقترب منها ولكن قبل ان يتحدث نظرت له
بدموع فالعيون احيانا تتحدث وتحكي خاصا حين لا يقدر اللسان عن النطق ويكون القلب موجوع نظرت له بعيون باكية كأنها تشتكي حال صاحبتها فهم نظرتها وشعر انها علمت شئ وتركته وذهبت وتركت قلبها له لعله يجبره بعد كسره .
🔥🔥🔥🔥🔥🔥🔥 لا اله الا الله
صفية كانت جالسة ومنتظرة صقر بفارغ الصبر فهي رسمت في مخيلتها احداث كثيرة منها ان يضربها ويطردها او من الممكن انا يقتلها فهي خانته ولا تعلم انه بسببها انقذت غرام نعم فكل انسان يجازي حسب نيته ، جاعدة كدة ليه يا صفية ، هه لا مفيش يا مرت عمي ، ماشي حسابك معايا عاللي جولتيه لغرام تقيل بس اما افضالك يلا قومي روقي الدار مكان الناس ما كانت هنا ، صفية بزهق حاضر حاضر قايمة اهو .
🔥🔥🔥🔥🔥🔥🔥🔥 لا حول ولا قوة الا بالله
كان صقر جالس وهي متشبثة به لا تريد الخروج من حضنه وهو يملس علي ظهرها بحنان وهي تشعر بالامان هكذا وكلما عقلها يتحدث ينهره قلبها ويجعله صامتا فهي لا تريد اي شئ الان سوي ان تظل في احضانه وفاقت من شرودها علي صوته ، احم غرام ، بصوت هادئ كصوت الاطفال نعم ، رفع رأسها بيديه اوعدك مش هخليه يلمح طيفك تاني حجك عليا انا اللي غلطان كان لازم اراقبه ومسبهوش واصل ، قلبها دق عندما نظرت في عينيه وحاولت النظر بعيد عنه لا انت ملكش ذنب واكملت ببكاء انت متعرفش انا بعاني من امتي
كل مرة ربنا كان بيقف جمبي وكنت بعرف احافظ علي نفسي انا تعبت اووي يا صقر انا معشتش طفولتي زي اي حد حتي امي كانت قاسيه عليا واول ما بابا مات قسوتها ذادت كانت تضربني جامد من اقل حاجة وراحت اتجوزت الشيطان ده ومن ساعت ما دخل علينا وانا عرفت ان قسوة امي كانت رحمة ، واغمضت عينيها بوجع حين تذكرت ما كان يحدث معها ، من اول ما شافني وهو كان بيبصلي نظرات قذرة كنت صغيرة شوية عن كدة ومع ذلك مكنتش برتاح لنظراته عارف يعني ايه ابقي نايمة واقوم مفزوعة علي لمسته ليا كنت بفضل صاحية طول الليل عشان احافظ علي نفسي منه وبالنهار شغل ومرمطة من امي ولما احب انام بالنهار كنت احط كرسي ورا الباب مع اني امي صاحية بس من كتر خوفي واني مش حاسة بالامان وظلت تبكي ، عارف انه هو كمان كان بيضربني لما كنت بتشجع واقؤله اني هقؤل لامي كان بيضربني ويهددني بيها وعلي قد ما انا مشفتش منها حنية بس خفت عليها اوي كان صقر يسمعها وقلبه يتألم لأجلها ويتنفس بسرعة من شدة غضبه لا يستوعب ما مرت به فاشفق علي حالها ووجد نفسه يضمها اليه اكثر وكانه يبثها بالامان الذي افتقدته ، حقك عليا انا خلاص من انهاردة كل الايام دي راحت وتنسيها طول ما انا جمبك متخفيش من حاچة واصل ، دي مش غلطتك يا صقر انا اللي المفروض اتأسفلك اني قلبتلك حياتك بجد اسفة وكمان لو مكنتش جيت مش عارفة كان ممكن يحصلي ايه ، عندما ذكرت هذا شعر ان بداخله بركان ثائر اغمض عينه بعنف وغضب ،اما هيا عند تذكرها انفجرت بالبكاء ، قال لها بحنان خلاص اهدي متبكيش واقسم في داخله انه سيعوضها عن كل شئ رأته واقسم انه سينتقم من جابر نعم فويل له لما سوف يراه من جحيم صقر الغرباوي نظر لها ومسح دموعها ولاول مرة يدقق في ملامحها و ينظر في عينيها ويري جمالهم فأثار البكاء اعطي لعينيها بريق خاص جعلته اسير امامهم لا يريد الابتعاد عنهم اما هي فلاحظت نظراته فخجلت كثيرا ونظرت بعينيها بعيدا عنه ، احم تعالي يلا جومي هننزل سوا اغسلي وشك ويلا بينا عشان محدش يلاحظ حاچة ، حاضر .
بقلمي اسراء ابراهيم
🔥🔥🔥🔥🔥🔥🔥 الله اكبر
دخلت فاطمة غرفتها وارتمت علي سريرها تبكي بحزن علي حالها فهي عشقته منذ ان كانت طفلة وادهم بالنسبة لها حب عمرها ولكن الآن يراها لا تستحقه واين كلامه بانها حب عمره وانه لا يستطيع العيش بدونها فكل هذا وهم وهي كالبلهاء كانت لا تري غيره واحبته كثيرا ولكن هو جرحها سمعت صوت هاتفها وبكت اكثر عندما رأت اسمه علي الشاشة نبض الجلب مسحت دموعها وردت بضعف وحزن ظهر في صوتها ،
الو ، فاطمة انا لازم اتكلم معاكي ، مفيش حديت بنا يا واد عمي ، فاطمة اسمعيني وبعدين احكمي ارجوكي لازم تسمعيني انتي فاهمة غلط انا عرفت اللي قالتهولك نها احنا لازم نتكلم وانا هفهمك كل حاجة ، بجيت بتتحدت زي بتوع مصر ولا يمكن انا اللي عشجي ليك كان عاميني ، فاطمة انا
قاطعته فاطمة بعصبية وبكاء ، هو سؤال وترد عليا يا ادهم
كلام نها دي حجيجي ولا لع ؟ ، سمعت صوت تنهيدة منه وفضل الصمت ، اچابتك وصلتني يا واد عمي كل شئ جسمة ونصيب وحاچتك هبعتهالك مع اخوي ولم تمهله فرصة للرد واغلقت الخط وحضنت الهاتف وبكت بحرقة علي ضياع حبها .
🔥🔥🔥🔥🔥🔥 سبحان الله وبحمد سبحان الله العظيم
كانت تجلس غادة والغيظ والغضب يسيطر عليها ، ها عملتي ايه يا خايبة روحتي ورچعتي ، اسكتي ياما انا هتچنن ، بجي ده صقر انا مش مصدجة ، منا ياما جولتلك ارچعي عشان مفيش واحدة تخطفه منك بس انتي بجي اللي نشفتي دماغك اهي جت اللي لهفته منك وابجي جابليني بقي ان عرفتي ترچعيه تاني ، لع صقر بيعشجني وانا متوكدة وطالما انا لسة مرته يبجي هيرچعلي واللي اتچوزها دي انا هعرف اخليه يطلجها ويرميها ، تبقي هبلة لو مفكرة ان عزيزة هتديكي فرصة تعملي اكده انا عارفاها كويس متنسيش انها مكنتش رايداكي اصلا لولا ابنها اللي غصب عليها ، متفكرنيش الولية العجربة دي ليها صرفة معايا بس اصبري عليا ، انتي اللي غلطانة لو كنتي سمعتي كلامي كان زمانه صقر خاتم في يدك ، احنا لسة فيها ياما يلا انا هجوم احضر هدومي ، علي فين يا بنت بطني ، غادة بضحكة ماكرة علي بيت چوزي.
🔥🔥🔥🔥🔥🔥🔥🔥 استغفر الله العظيم
انتهي الفرح والكل ذهب ما عدا والدة غرام اللي ظلت منتظرة جابر ان يأتي من الخارج ليغادرا، وصفية كانت تنتظر ما سيحدث علي احر من الجمر وكانت تنظر لمنال بشماته لما سيحدث لابنتها ، وعتمان ايضا كان يجلس معهم وهو خائف من اختفاء جابر وعزيزة ايضا فكانت حزينة علي غرام عندما علمت بزواج صقر ولكن فجأة اتصدمو جميعا وخاصة صفية اللي فتحت فمها من الصدمة حين وجدت صقر و غرام يهبطان الدرج والغيرة والحقد اكلو قلبها وهي تري غرام في احضان صقر متشبثة به وهو يحاوطها بذراعيه ، الجميع كان مندهش فصقر كان يحيط غرام بتملك شديد وكأنه يحميها منهم اما غرام كانت خائفة وفرحة وخجولة ايضا هبطو وسط اندهاش الجميع وحقد صفية التي لا تعلم كيف حدث هذا ، عزيزة بفرحة تعالي يا مرت الغالي اجعدي جاري ، غرام نظرت لامها بخوف وحزن داخلي وشددت علي يد صقر الذي شعر بها فرد علي امه ، لع هيا هتجعد جمبي ونظر لها نظرة طمأنة كأنه يقول لها لا تخافي فانا معك دائما........ يتبع 🔥
البارت الثامن 💔💔💔والتاسع
غرام صعيدي
كانت الأجواء متوترة جدا فغرام متمسكة بيد صقر بشدة وتنظر لامها بحزن وعتمان شعر ان شئ حدث وكان ينظر لصقر باستفهام وعزيزة متفهمة خوف غرام من امها فحتي منال لم تتفوه بكلمة او باركت لابنتها مثل اي ام في يوم عرس ابنتها الوحيدة وهذا ما لفت انتباه جميع الموجودين
وقطع الصمت صوت منال بسؤالها الذي اشعل الفتيل ، هو جابر فين انا عايزة امشي ، صقر ببرود چوزك هيشرفنا شوية وبعدين معتقدش انه هيبجي فيه نفس و يرجعلك تاني ، منال بعصبية انت بتقؤل ايه يا بني ادم انت عملت ايه فيه ، انا لسة معملتش بس صدجيني لو مات دلوجتي لوحده ارحمله من اللي هعمله فيه ، شهقت منال بخوف ايه اللي حصل وبعدين هيا دي الاصول يعني جينا نبارك يبقي ده جزاءنا ، تحدث صقر بغضب الاصول وانتو اللي زيكو يعرفو الاصول انتي عارفة اللي يجي علي عرض صعيدي يتعمل فيه ايه ؟ يبجي جزاءه الجتل ومابالك في اللي يجي علي مرت صقر الغرباوي انا مش هخليه يشوف نور الشمس تاني وانتي عشان خاطر غرام بس لو عايزة تجعدي اهنه هسيبك ، شهقت عزيزة بصدمة يا مري عمل ايه اللي ما يتسمي ده يا ولدي ، ومنال تحدثت بغباء عرض ايه ومرت مين انا مش فاهمة حاجة ، چوزك طلع لمرتي فوق وتمالك نفسه بغضب واكمل وكان عايز يعتدي عليها ولولا اني لحجته في الوقت المناسب
صدجيني انا كنت جتلته في سعتها ، صدمة الجمت الجميع
بما فيهم صفية التي سبت نفسها في سرها ، يعني انا السبب وخليتو لحجها غبية يا صفية من يومك وانتي بجرة ، قامت منال بغضب وتحدثت بصوت مرتفع جدا ، انت بتقؤل ايه دي كدابة اكيد هيا اللي اتبلت عليه ، صدم الجميع من رد منال فهل تكذب ابنتها وتصدق زوجها هل في ام هكذا فعلا ، نظرت لها غرام بحزن شديد وبكت بحرقة نعم فهي لا تصدق
حتي بعد ما علمت بما يفعله زوجها تكذبها وتصدقه ، صقر بغضب مكتوم لولا انك ام مرتي انا كان ليا تصرف تاني معاكي ، اكملت منال بغضب ووجهت كلامها لغرام جابر هيبصلك ليه هه ده بيحبني وهو زي ابوكي ازاي تقؤلي عليه كدة بقي ده اخرتها اني كبرتك وربيتك واعتبرتك بنتي ، مهلا ؟ هل قالت اعتبرتك بنتي ؟ نظرت غرام لفهد برجاء لعله يكذب اذناها وستصدقه نعم فهي لن تتحمل صدمة اخري
تحدثت غرام بخوف وترقب اعتبرتيني بنتك !! ، اكملت منال بغضب ايوة انتي مش بنتي ابوكي كان متجوز قبلي ومراته ماتت وانتي صغيرة اوي وشرط عليا مقؤلكيش انك مش بنتي واكملت باستهزاء قال عشان متتعقديش وانا ربيتك وكبرتك وفي الاخر جاية تاخدي مني جوزي ، كان عقل غرام لا يستوعب الصدمة نعم فالجميع تفاجأ وعزيزة كاد قلبها ينفطر علي تلك المسكينة لطيمة الام نعم فهي تلطمت كثيرا من بعد موت امها ، صقر بغضب جحيمي الزمي حدودك والا قسما بالله هندمك عاليوم اللي خطيتي فيه الصعيد وجلس بجانب غرام التي في عالم اخر نعم فهي تحتاجه الآن وضمها اليه بخوف ، ونظر لمنال بغضب اطلعي برة البيت ده متخطتهوش تاني وجوزك ده تنسيه لأني هوريه اسود ايام حياته وانتي عشان واحدة ست مش هأذيكي بس لو فكرتي تجربي من مرتي تاني متزعليش بجي من اللي هعمله فيكي واكمل بغضب وصوت ارعبها اخرچي براااااا ، خرجت منال بخوف من غضبه وصوته العالي اما عتمان فكان ينظر ويستمع للجميع وفي خاطره يفكر في امر ما وعزم علي فعله ،بقلمي اسراء ابراهيم قامت عزيزة وجلست بجانب غرام ايضا واخذتها في حضنها ، غرام متجلجيش كلنا اهنه اهلك وناسك يا بتي وانا زي امك انسي اللي فات وخليكي في اللي چاي ، قام صقر وهو مممسك بيد غرام يلا بينا نطلع جوضتنا قامت غرام ونظرت له بكسرة مما جعل قلبه يؤلمه وشعرت بظلام يحل عليها فسقطت مغشيا عليها في احضانه ، صقر بزعر غرااام ، يا مري كلم الحكيم يا عتمان ، حملها صقر وصعد لغرفتهم .
🌹🌹🌹🌹🌹🌹🌹 لا اله الا الله محمد رسول الله
كان ادهم يجلس في مكان في الخارج بعيدا عن كل شئ يعيد حساباته مرة اخري في صراع بين قلبه وعقله فالقلب
يعشق وينهره لما فعله بحب عمره اما العقل يؤيد قراره وان هكذا افضل ويوهمه بان ينتظره مستقبل افضل وحب من نوع اخر في مصر ولكن تري من الصواب وهل سيغامر بكل شئ من اجل طموحاته؟ وماذا اذا خسر كل شئ نعم فهو يعلم انه خسر فاطمة للأبد تنهد بضيق وغادر للبيت
🌹🌹🌹🌹🌹🌹 استغفر الله العظيم
خير يا دكتورة ، قالها صقر بخوف ، هيا اتعرضت لضغط شديد وده سببلها انهيار عصبي انا اديتها حقنة مهدئة هتخليها تنام للصبح ياريت تبعدوها عن اي زعل او ضغط
، حاضر يا دكتورة متشكرين ، الف سلامة بعد اذنكو ، روحو انتو انا هفضل جاعد معاها ، ماشي ياولدي ربنا يطمنا عليها ياارب ، جلس صقر بجانبها وامسك يدها وقبلها وكان خوفه عليها واضحا وظل يدقق في ملامحها نعم فهي جميلة جدا
وملامحها الطفولية البريئة خطفت قلبه وشعر انه لا يريد الابتعاد عنها ابدا واستغرب نفسه فهو لاول مرة يشعر بهكذا شعور وتحدث معها فهو يعلم انها لا تسمعه ، مش عارف ليه حاسس انك جريبة مني ومن اول ما شفتك وانا حسيت انك ملكي يمكن يكون عشان صعبانة عليا مش عارف ده ايه بس اللي اعرفه اني لازم اعوضك عن اللي شوفتيه في حياتك انتي بجيتي مسئولة مني دلوجتي ولازم اطلع جد المسئولية وظل جالس بجانبها هكذا. بقلمي اسراء ابراهيم
🌹🌹🌹🌹🌹🌹🌹 لا حول ولا قوة الا بالله
دخل ادهم البيت السلام عليكم في ايه يا جماعة مالكم جاعدين اكده ، تحدثت عزيزة بحزن وعليكم السلام يا ولدي تعالي اجعد ، مالكم ياما في ايه ، صفية باندفاع هجولك انا يا ادهم اصل وقاطعتها عزيزة بغضب جومي شوفي چوزك وعيالك ماهو ده اللي فالحة فيه تفضلي ترغي وخلاص ، يوه وانا جولت ايه يا مرت عمي مش برد عليه ، وانتي ايش حشرك انتي تردي ليه غوري من خلجتي جومي ، قامت صفية بغضب وهي تسب وتلعب في سرها ، في ايه ياما لكل ده مالكم عاد ده حتي انهاردة فرح ولدك الكبير اللي كنتي بتتمنيه ، هجولك ايه يا ولدي والله الواحد صعبان عليه البت الغلبانة دي ، انا كدة قلقت في ايه ، بقلمي اسراء ابراهيم قصت له عزيزة كل ما حدث وسبب جوازة غرام من صقر ، لا حول ولا قوة الا بالله معجولة في حد اكده واكمل بغضب وجابر الكلب ده فين ، منعرفش يا ولدي بس انا خايفة علي اخوك ليتهور ، وه ده شرف ياما واللي يجي علي عرضنا نجتلو ، ربنا يسترها يا ولدي .
🌹🌹🌹🌹🌹🌹 استغفر الله العظيم واتوب اليه
تاني يوم فاقت غرام وهي تشعر بثقل علي جسدها فتحت عينيها فوجدت صقر نائم بجانبها ومحاوطها بيديه بتملك
انتفضت غرام من الخوف مما جعل صقر يفيق ، اهدي اهدي متجلكيش انا بس كنت نايم جارك مفيش حاجة ، فهو تفهم خوفها منه وما مرت به ليس بالساهل ، استوعبت غرام انه صقر فهدأت ، اسفة اني صحيتك كدة بس انا يعني ، عارف وفاهم انك اتعودتي متناميش من الخوف بس ان شاء الله كل ده هيتغير واحدة واحده ، نظرت له بامتنان فهو عفاها من الحرج وفهم ما ارادت قوله ، يلا جومي خدي دش وغيري هدومك وانا هنزل اجولهم يحضرو الفطار وهجيبه واجي ، احنا هنفطر هنا ، اه انتي ناسية انك عروسة ولازم تدلعي براحتك ، ابتسمت غرام بخجل احم لا لو سمحت ممكن ننزل نفطر معاهم ، لو انتي عايزة كدة ماشي اللي يريحك ، بقلمي اسراء ابراهيم ، فتحت الدولاب واخذت عباية بيتي بكم ودخلت الحمام تحت نظرات صقر وخرجت بعد قليل وهي كالملاك بشعرها الحرير الذي يصل لاخر ظهرها مع العباية كانت جميلة جدا اما صقر فسرح في جمالها ولم يتفوه بكلمه وهي لاحظت نظراته فخجلت كثيرا ، صقر هو انت مش هتغير انت كمان يااا صقر ، احم نعم ،بقؤلك مش هتغير ، اه اه انا هجوم واخذ ملابسه واتجه للمرحاض ايضا ، وخرج بعد قليل وجد اثار بكاء علي وجهها فعلم انها تذكرت ما قالته منال امس ، اقترب منها وحاوط وجهها بيديه ،مش جولتلك انسي كل اللي فات انتي خلاص بجيتي مرتي وحياتك ابتدت من انهاردة واللي فات من عمرك اعتبريه مات ، هزت رأسها بإيجاب ، مسح دموعها بيديه وعدل لها حجابها ، اوعي شعرك ده حد يشوفه تحت ماشي ولا حتي الحريم ، غرام ببراءة ليه ؟ ، عشان عشان اكده بصي خلاص اعملي اللي يريحك ، خلاص حاضر مش هقلع الطرح تحت ، ابتسم برضا طيب يلا بينا وهبطو لاسفل
🌹🌹🌹🌹🌹 اللهم انك عفو كريم تحب العفو فاعفو عنا
انتي صحيتي يا فاطمة، ايوة ياما في حاچة ، ايوة يلا البسي عشان نروح لبيت عمك ، فاطمة بحزن لع يما مش عايزة اروح
، مينفعش يا بتي عيب لازم نروح نبارك لصقر ده احنا اهل مينفعش ، بكت فاطمة والنبي ياما روحي لوحدك ، اقتربت منها بخوف مالك يا بتي فيكي ايه ، ارتمت فاطمة في احضان امها وتحدثت ببكاء خلاص ادهم مبجاش يحبني ياما
طلع بيعشج واحدة من مصر بعد اللي بينا سبني وراح بغيري
، عيني عليكي يا جلب امك امتي حصل الكلام ده وهو لعب عيال ولا ايه انا هخلي ابوكي يتحددت معاه ، فاطمة تحدثت برجاء لع اوعي ياما يرضيكي ترخصي بتك انا جولتله ان كل شئ جسمة ونصيب وخلاص انا معدتش رايداه ، يبقي جومي البسي يا بتي ، نظرت لامها باستفهام وعيون باكية جولتلك مش عايزة اشوفه ، لع لازم تروحي وتبينيله انك انتي اللي مش رايداه متبجيش ضعيفة اكده انتي واعية للي بجولهولك
يلا يا جلب امك اطلعي غيري خلجاتك يلا ، بقلم اسراء ابراهيم
🌹🌹🌹🌹🌹 سبحان الله وبحمده سبحان الله العظيم
صباح الخير ياما ، وه ايه اللي نزلكو انا كنت هبعتلكو الفطار فوق يا ولدي ، ماهو غرام اللي عايزة تفطر معاكم تحت ،
عاملة ايه دلوجتي يا بتي زينة ، الحمد لله يا ماما وتركت صقر وذهبت لتحضير الفطار في المطبخ ، صفية بمكر
صباحية مباركة يا عروسة ، الله يبارك فيكي يا صفية
، صفية بشماتة انا زعلت جوي عشا وقاطعتها عزيزة التي دخلت في الوقت المناسب ، صفية اقفلي خشمك وروحي شوفي عيالك صحيو ولا لع ، نعم فهي تعلم ان صفية لن تترك غرام ولذلك دخلت وراءها ، حضرو الفطار وجلسو ليفطرو جميعا ، ادهم وعزيزة وصفية وجمال وصقر وغرام وعتمان علي رأس المائدة ، وكان الوقت لا يخلي من نظرات صقر لغرام وهتمامه بها ووضع الطعام امامها لتأكل وكل هذا تحت نظرات صفية الحارقة لهم ،وقطع هذا دخول فاطمة مع امها
، تحدثت عزيزة بترحاب اهلا يا سيدة ياختي اتفضلي تعالي يا فاطمة يا بتي حماتك بتحبك نظر ادهم لفاطمة بتوتر اما هيا فكانت كرامتها الآن اهم عندها منه فتجاهلت نظراته ، كيفك يا مرت عمي ،زينة يا بتي تعالو يلا كلو ، لع بالف هنا يا خايتي احنا سبجناكو احنا جينا نبارك لصقر ومرته ، الله يبارك فيكي يا مرت عمي قالها صقر بابتسامة ، ذهبت فاطمة لغرام وحضنتها بحب ما شاء الله جمر يا غرام احنا لازم نتحدت مع بعض ونبجي صحاب ، شعرت غرام بطيبة هذه الفتاه جدا وتحدثت بخجل طبعا يا فاطمة اكيد هنبقي اصحاب ، صفية بغيظ ايه ملكيش اخت تسلمي عليها ولا ايه يا خايتي ، لع مجدرش بس كنت بتعرف علي غرام الجمر انتي كيفك يا صفية ، ببرود زينة ياختي زينة وانتهو من الطعام وكانو يجلسون جميعا فقامت فاطمة مع غرام ليحضرو الغداء سويا
وكان ادهم متوتر جدا ويريد التحدث مع فاطمة بأي وسيلة اما صقر كان يشعر بأن قلبه في مكان اخر وكان ينظر تجاه المطبخ من حين لاخر لعلها تطفئ ناره وتحن عليه برؤيتها
ولكن قطع التجمع الاسري هذا دخول شخص قلب الموازين
خرجت غرام مع فاطمة بعدما انتو من اعداد الطعام وفي نفس الوقت دخلت غادة بحقيبة ملابسها وفور دخولها شعرت غرام بالحزن والاحراج ونظرت لصقر كانها تري ردة فعله ولكن هو ايضا عقب دخول غادة كل ما دار في خاطره هو غرام فنظر لها و...........
البارت التاسع
نظر صقر لغرام وكأنه يتحدث بعينيه ويبرر الموقف ورأي ايضا الحزن بعينيها فخفضت رأسها بإنكسار ، عزيزة بغضب انتي چاية اهنه ليه يا غادة ، چاية بيت جوزي ولا ايه يا صقر ، وقف صقر بهدوء انا طالع مع مرتي فوق ياما ، رفعت غرام رأسها بكسرة وفي نفسها هياخدها ويطلع ويسبني ! ازاي يهيني كدة ولكن فاجئها صقر وهو يتجه نحوها وامسك يدها وصعد بها لاعلي مع نظرات غادة المصدومة والغاضبة ، اما عزيزة فضحكت متهيجلي صقر رد عليكي يلا غوري من اهنه ومش عايزة اشوف خلجتك تاني ، تغور فين وده بيت چوزها يا عزيزة ولا نسيتي قالتها(مُهرة) ام غادة وهيا تدخل من باب المنزل ، عزيزة بغضب شديد تو ما افتكرت ان ليها بيت چوز ، قالت مهرة واهي عجلت وعرفت غلاطها وراچعة تصلح الامور بينها وبين چوزها. ، لع يا مهرة مش هديها فرصة تخرب بيت ابني واكملت عزيزة باستهزاء ولا انتي عايزاها تعمل اللي معرفتيش تعمليه انتي مع ابوه زمان ، نظرت لها مهرة بتوتر ونظرت لعتمان ، اما صفية فهي كانت تستمع لكل كلمة وتحللها جيدا لكي تستفيد منها ، و تحدثت سيدة لتهدأة الجو خلاص بجي ملوش لزوم الكلام ده عاد وبرضه ده بيت چوزها يا عزيزة يعني مينفعش تمشي الناس تجول ايه بعد ما شافوها وهيا جاية بهدومها عيب ، عتمان نظر لعزيزة وهز رأسه بأيجاب ، تحدثت عزيزة بتحذير ماشي هخليكي تجعدي بس اسمعي حسك عينك تيجي جمب غرام مرات ابني انا اللي هجفلك انتي واعية لحديتي زين ولا لع ، غادة ببرود انا مش هاكلها يلا ياما تعالي معايا نفضي الشنط ، وصعدو لاعلي وسط غضب عزيزة ونظرات صفية الخبيثة ، وقالت سيدة لابنتها فاطمة يلا يا بتي خلينا نمشي ، عزيزة باصرار والله ما يحصل احنا هنتغدي سوا البنات چهزو الوكل استني لما نتغدو مع بعضينا وبعدين امشي ، خشي يا فاطمة اعمليلنا شاي الاول ، حاضر يا مرت عمي .
🌹🌹🌹🌹🌹🌹 استغفر الله العظيم واتوب اليه
دخل صقر الغرفة وهو ممسك بيد غرام وكانت سعيدة لانه لم يتخلي عنها او يقلل منها وشعرت بالذنب لسوء ظنها به بأنه سوف يتركها ويصعد مع زوجته غادة جلست علي السرير وهي تنظر له بسعادة وتحدثت بخجل انا اسفة يا صقر ،جلس بجانبها ورد باستغراب علي ايه بجي ، خفضت رأسها بخجل عشان يعني بصراحة انا افتكرتك بتتكلم علي غادة لما قولت هاخد مراتي واطلع زعلت وافتكرتك هتاخدها وتسيبني ، لا يعلم لما هو سعيد هكذا هل تغار عليه مثلا ورفع وجهها بيديه ، وانتي كنتي هتزعلي لو طلعت معاها ، خجلت من تلميحاته وعلمت ما تفوهت به احم قصدي يعني ان هيبقي شكلي وحش ومهين اووي ، رفع حاجبه وتحدث بمكر متوكدة يعني مش عشان غيرانة ، هه لا اه يووه اقصد يعني
قاطعها بضحك علي توترها واحمرار وجهها من الخجل ، خلاص خلاص مصدجك احم غرام انا مش عايزك تزعلي يعني عشان غادة بس ، مبسش يا صقر انا فاهمة وصدقني مش زعلانة دي برضه مراتك وليها حقوق عليك وانا كفاية عليا انك قبلت تتجوزني وتحميني صدقني مش طمعانة في اكتر من كدة وجميلك ده مش هنساه عمري كله ولو عايزني اتكلم معاها وافهمها ان جوازنا سوري واعرفها حكايتي عشان متزعلش مش هتردد لحظة وهعمل كدة فورا ، تحدث صقر بغضب چميل ايه اللي بتتحدتي عليه انتي مرتي زيك زيها لع انتي مينفعش تتقارني بيها غرام انتي متعرفيش حاچة انا عايزك تشيلي الافكار دي من دماغك واوعي تتحددتي معاها في حاچة انتي فاهمة ، دمعت غرام من صوته العالي وقالت بهدوء حاضر ، اتنهد صقر بغضب من نفسه علي تسرعه وجلس بجانبها وطبع قبلة علي رأسها وامسك يدها قبلها ايضا
حجك عليا يا ست البنات انا اسف اني عليت صوتي عليكي
، ابتسمت غرام بخجل وهزت رأسها ، نعم فهو جبر خاطرها ومحي دموعها في لحظة ليس لانه اعتذر بل لأنه اشعرها ان دموعها غالية بالنسبة له ،قالت غرام بتردد كنت عايزة اسألك علي حاجة ممكن ؟ ، وه سؤال واحد بس ده انتي تؤمري جولي سؤال ايه ؟ ، قالت بتردد وخوف كنت عايزة اعرف هتعمل ايه مع جابر ؟
🌹🌹🌹🌹🌹🌹 لا حول ولا قوة الا بالله
استغل ادهم انشغال امه بالحديث مع زوجة عمه ودخل لفاطمة المطبخ ، وكانت فاطمة سرحانة وعقلها مشغول بالكلام الذي اخبرتها به نها حتي اتفاجئت بادهم وهو امامها
مسحت دمعة نزلت من عيونها وتحدثت بلا مبالاه ، في حاچة يا واد عمي ، فاطمة انا اسف انا ، متجولش حاچة مفيش حاجة تتجال اصلا احنا اللي بينا خلاص مات وادفن يا ادهم ، تحدث ادهم برجاء انا بس مش عايزك تزعلي مني انا عشتي في مصر خليتني اعيد حساباتي من اول وجديد ، هه اه وحساباتك دي منها اني منفعكش واني هجف في طريق مستجبلك وانك تستاهل بنت من بنات مصر زي نها حلوة ومتعلمة وبتعرف تتحدت مصراوي زين مش اكده ، صمت ادهم فلم يجد ما يبرر به فكل كلامها صحيح فاكملت ، انا بس عايزة اجولك حاچة انا لو عايزة ابجي زي نها هبجي احسن منها كمان وكوني اني خدت الثانوية العامة بس وجعدت ومكملتش في الچامعة فده عشان كانت رغبتك انت
واتنازلت عن حلمي بأني اكون مهندسة عشانك بس انت دلوجتي اكدتلي ان مفيش راچل يستاهل ان الواحدة تضحي بمستقبلها عشانه حتي لو كان حب عمرها ، نظر لها ادهم وعلم انه خسر طفلته للأبد وتركته واخذت الشاي وخرجت .
🌹🌹🌹🌹🌹 اللهم صل وسلم وبارك علي سيدنا محمد
في مكان اخر في القاهرة تجلس نها في كافيه وتنظر لساعتها بملل ودخلت عليها صديقتها وتحدثت نها بغيظ ، كل ده يا بيري انتي عارفة انا مستنياكي بقالي قد ايه ، سوري يا نها الطريق كان زحمة ها اخبارك ايه ، اممم تمام اوي وانتي ، كويسة ها عملتي ايه مع ادهم ،ده انا كنت مستنية علي نار وعايزة اعرف عملتي ايه مع خطيبته دي ، تحدثت نها بثقة عيب عليكي ده سؤال تسأليه ، طيب احكيلي احكيلي وقصت نها عليها ما حدث في بيت ادهم مع فاطمة ، معقؤلة
يعني كدة خلاص فشكل مع خطيبته ، طبعا انا كنت متأكدة وعارفة ان اول ما اقؤلها الكلام ده هتسيبه ، وادهم عمل معاكي ايه ، هه ولا حاجة هو زعل شوية وانا فهمته اني مكنتش اعرف انها خطيبته لانه مقليش ودخلت عليه طبعا
، مطلعتيش سهلة يا نها انا بصراحة متوقعتش اصلا انه يحبك اصل اللي يشوفه وهو جد اوي كدة في الشغل يخاف منه ، معايا انا لا يا حبيبتي اصل ادهم ده انا عارفة دخلته كويس هو كان نفسه في بنت من مصر وتبقي حلوة وفي نفس الوقت عندها طموحات وانا بقي لعبت عليه في الحتة دي وخليته يعترفلي بحبه كمان ، براڤوو والخطوة الجاية ايه بقي ، طبعا انه ياخدني يعرفني علي اهله ويفاتحهم في موضوع جوازنا ، ايوة بقي شكلها هتضحكلك ، طبعا مش هتجوز ادهم الغرباوي .
🌹🌹🌹🌹🌹🌹🌹 الحمد لله دائما وابدا
وقف صقر بغضب وانتي بتسألي عليه ليه يا غرام ، انا انا اسفة بس انا خايفة عليك منه ، هدأ صقر قليلا وقرب منها ونظر في عيونها وتحدث بصوت هادئ جعل قلبها ينبض بشدة بجد خايفة عليا ؟ ، تحدثت بخجل من قربه هكذا طبعا
خايفة عليك لو سمحت خد بالك من نفسك وخد حذرك منه
انت متعرفش البني ادم ده قدي ، امسك خصلة شعرها ووضعها خلف اذنها مش عايزك تخافي عليا انا هعرف اتصرف
خليكي واثقة فيا واعية لحديتي ، هزت رأسها بخجل وابتسامة اظهرت غمازتها جعلته لا يعي بما حوله وافقدته صوابه فاقترب اليها وعينيه علي شفتيها وقطع ذلك خبط الباب جعله يلعن في سره من يطرق الباب وتحدث بعصبية وده وجته ده مما جعل غرام تضحك بصوت عالي علي تزمره هكذا ، فرحانة انتي مش اكده ، هزت رأسها بايجاب وهيا لا تستطيع كتم ضحكها عليه ، وقام صقر وفتح الباب ووجدها غادة ، صمتت غرام وتوترت اما صقر نظر لغادة ببرود وتحدث نعم چاية ليه ، دخلت غادة وهيا ترتدي عباية ضيقة وميكب ملفت وقربت من صقر بدلع وحشتني يا جلبي انا وضبت هدومنا في جوضتنا ونظرت لغرام واكملت بقصد انا عارفة انك لسة سايب جوضتنا زي ما هيا ومرضيتش تتچوز فيها عشان كنت عارف اني هرچع وعشان بتعشجني مش اكده ، نظر صقر لغرام التي شعرت ان قلبها يؤلمها فنظرت له بابتسامه اخفت حزنها فيها لكي لا تُشعره بالذنب
نعم فهي تعلم ان ليس لها اي حقوق عليه ولكن اتفاجأت بصقر الذي يقترب منها وحاوطها بيديه وضمها اليه وتحدث بثقة لغادة ومين جالك ان متجوزتش في اوضتك عشانك زي ما بتجولي لع انا عشان مش عاوز اي حاچة تفكرني بيكي وعشان غرام تستاهل تدخل علي عفش جديد يليج بيها ونظر لغرام وهي بأحضانه وطبع قبله علي جبهتها مما جعلت قلبها ينبض بعنف وشعرت بالخجل منه وخاصة فعله هذا امام غادة فدفنت رأسها بخجل في احضانه ولا تعلم انها بهذه الحركة جعلت قلبه يتراقص عشقاً لها ، اما غادة شعرت بالحقد تجاه غرام ونظرت لهم بكره وغادرت المكان فورا ، ابتعدت غرام وتحدثت بخجل ممكن متعملش كدة تاني ، صقر بمكر اللي هو ايه بجي ، احم اللي انت عملته ده انت فاهم قصدي انا بصراحة حاسة اني زعلت عشانها يعني هيا مراتك برضه
ومينفعش تجرحها كدة ، لا صدجيني تستاهل اكتر من أكده كمان ، افهم من كدة انك عملت كدة بالقصد عشان تضايقها
، لع غرام انا قاطعته غرام متبررش انا كدة فهمت وقامت دخلت الحمام وتركته يلعن غادة لانه بسببها حدث خلاف بينهم ، وسمع خبط الباب وفتح بضيق وجدها صفية ، خييير
يا صفية في ايه ، الغدا يا صقر مرت عمي شيعتلي عشان اجولكو ، ماشي روحي انتي وقفل الباب .
🌹🌹🌹🌹🌹🌹 لا اله الا الله سيدنا محمد رسول الله
كانو يجلسون عالسفرة فكان ادهم ينظر لفاطمة وهو يشعر انه خسرها ولا يعلم لما هو يشعر هكذا مع ان القرار كان بيده وهي تتحاشي نظراته ، وصفيه تنظر بحقد لصقر الذي يحاول
مصالحة غرام عما حدث فوق حيث كان يحاول اطعامها بنفسه وهيا ترفض وتاخذ منه الطعام وتضعه امامها وكانها تعاقبه علي فعلته تلك ، فهو لم يشغله اي احد او من ينظر له فهو اراد ان يصالح طفلته وكفي ، نظرت له غادة بغيظ ، وهيا مفهاش ايدين تاكل بيها ولا ايه يا صقر ، نظرت لها غرام بعند
وهذه المرة وافقت واكلت من يده اما صقر فضحك علي فعلتها تلك وهمس في اذنها ، يعني كدة اتصالحتي ولا بترديهالي هه ، ابتسمت غرام بخجل علي كلامه وردت بنفس الهمس ، لا بردهالك ولسة مخصماك علي فكرة ، خلاص هصالحك فوج بطريقتي ، لا خلاص خلاص اتصالحت ، ضحك صقر بصوت عالي ، فابتسمت عزيزة ونظرت لعتمان الذي بادلها نفس الابتسامه نعم فأبنهم صقر الذي يعرفونه قد عاد وقطع عليهم خبط الباب بعنف وتحدثت عزيزة بقلق يا ساتر يارب مين اللي بيخبط اكده ،قام عتمان هو وصقر وادهم واتجهو نحو الباب وفتحت
تكملة الرواية ونهاية الجزء الاول من هنا 👇👇👇👇
بداية الروايه من هنا 👇👇👇
