 |
رواية احببت قمر الصعيد 🌜🌜❤
البارت الخامس والسادس
البارت 5
قمر : بصراحة كدة يعني انا كنت عايزاك تشوف الشهادات اللي معايا وكدة وتقولي ممكن اشتغل بيها ايه او حتي من خلالها ادخل جامعة اوحاجة؟!
اسر : اشمعنى يا قمري...
قمر : يعني انا حابه ابقى حاجه يا اسر فاهمني ؟!
ده لو معندكش مانع ؟!
اسر بفرحة : فاهمك يا روحي يلا وريني طيب الشهادات واخداها منين بالضبط يلا وريني.....
قمر بفرحة : ماشي هسجل دلوقتي على الموبايل بحساب جوجل بتاعي اللي انا حافظه عليه كل صور الشهادات و بدات توريه الشهادات الالكترونيه.......
آسر : واو ياقمرى دي من مواقع عالميه
خلاص بصي هطبعلك كل ده
وكمان هدورلك على كورسات ثانيه هنا في القاهره تاخديها بجانب دول ونجهز البروفايل بتاعك وتروحي تعملي انترفيو في شركه كويسه جدا انا اعرفها........
للكاتبة حنين عبدالرحيم (حنون)
قمربفرحة : بجد يا اسر يعني انت موافق....
اسر : اكيد يا عيون اسر انتي انسانه مثقفه
و عندك اراده و انا اكيد احب اشوفك ناجحه في حياتك ومستقله.....
قمر : بجد شكرا جدا جدا يا اسر.....
اسر : تاني هتقول لي شكرا مش قولت مافيش شكر بين الصحاب ......
قمر بابتسامة : حاضر هقوم اخلص بقى بقيه الحاجات اللي عليا.....
اسر : ماشي يا قمري.....
وقامت قمر......
اسر في عقله : انا لازم اخليكي تبقى بتشتغلي ومستقله يا قمر انتي انسانه طيبه جدا بس اعمل ايه طيب انا بحب تارا....
وخايف عليكي الصراحه علشان كده لازم اخليكي تشتغلي و تتعاملي مع الناس علشان لما اقولك الحقيقه تبقى عارفه هتعملي ايه يا قمر......
بعد مرور بعض الوقت...... 💛💛💛💛
قمر خلصت كل حاجه وعملت كوبايتين قهوه وراحت لاسر........
قمر : اسر عملت قهوة.....
اسر : ليه كده يا قمر ماكانش فيه داعي تتعبي نفسك يا قمري.........
قمر بابتسامة : لا عادي تعبك راحه......
انا كده كده عملت لنفسي قولت اعمل لك معايا......
اسر ☺: ماشي شكرا تسلم ايدك تعالى المسرحيه دي بحبها قوي نتفرج عليها.......
قمر🤔 : اه دي مسرحيه الواد سيد الشغال بموت فيها......
اسر😇 : طب يلا نتفرج عليها
وقاعدوا اتفرجوا على المسرحيه وهما بيضحكوا طبعا طول المسرحيه لحد ما خلصت......
قمر بضحك😂 : المسرحيه دي فصلان.....
اسر بضحك هو كمان 😂: اه والله عندك حق.....
وعدي اليوم بدون احداث تذكر ....
----------------------------------------
وجاء صباح اليوم التالي☀️☀️
قمر كانت ظابطة المنبه علشان تصحى مع اسر.......
المنبه رن صحيت وصحت اسر قام اخذ شاور ولبس وكانت قمر بتحضر الفطار
خلص اسر وخرج على الفطار
للكاتبة حنين عبدالرحيم (حنون)
اسر 😍 : صباح الجمال يا قمر...
قمر ☺: صباح النور يلا علشان تفطر......
وقعدو هما الاثنين يفطروا.........
اسر : بوصي يا قمري النهارده هطلع من الجامعه على المستشفى يعني هرجع 7:00 كده ولا حاجه
مش زي امبارح
وصح النهارده كمان هسالك على مواعيد الكورسات علشان تاخديهم يا قمر تمام......
قمر : تمام يا اسر.......
اسر خلص فطار......
اسر : يلا انا خلصت كده
وراح باس راسها وقال😍: يلا عايزه حاجه يا قمري...
قمر بابتسامة ☺: سلامتك.....
اسر نزل ركب عربيته ومشي راح الجامعه
وقمر فضلت قاعده في البيت.......
اسر راح الجامعه وعطي المحاضره وخلصها
وتارا قابلته وبرده قال لها انه عنده شغل وكده
وركب عربيته
وكان رايح على المستشفى لقي لؤي بيتصل به........
اسر : الو يا زميكس؟!
لؤي : ايه يا برو ايه الاخبار؟!
اسر : تمام الحمد لله انت ايه اخبارك؟!
لؤي : تمام يا برو ها هتنزل مستشفى ولا تقعد مع مراتك يا حلو انت....
اسر : انا جاي اهو يا زفت على المستشفى اساسا......
لؤي : ايوه يا عم........ اخيرا نزلت.....
اسر : عايز ايه يا لؤي يخربيت لماضتك ورخامتك يا اخي انا جاي........
لؤي : خلاص خلاص انت متعصب كده ليه لما تيجي نبقى نتكلم يا استاذ عصبي.....
اسر : ماشي انا جاي سلام يا اخويا......
لؤي : سلام......
( صح صح احنا نسينا نتعرف على لؤي بوصوا لؤي ده دكتور شغال في المستشفى اللي اسر مديرها
يعني....
هو كمان دكتور شاطر بشرته قمحي
وعينيه بني وملامحه حلوه ومرح جدا 😂
ومن الاخر كده اتراكتف قوي😂😂)
نرجع بقى لبطلنا وصل المستشفى ودخل مكتبه و لبس البالطو بتاعه
خمس دقائق ولقي لؤي بيخبط........
لؤي : اهلا اهلا بعريسنا الحلو.....
اسر : يا عم اتنيل اقعد ساكت انت بس عايزك في موضوع كده.......
اسر حكي للؤي كل حاجه عن قمر وشهاداتها وكده وبعدين اكمل :
تمام هابعتلك الصور تطبعهم وتجيبلي مواعيد الكورسات وكل حاجه يا لؤي بسرعه من فضلك......
لؤي : حاضر بس كده يا صاحبي من عيوني
اسر انت بتعمل كل ده ليه؟!
اسر بتنهيدة : حاسس بالذنب يا لؤي حاسس بالذنب جامد قوي اني ممكن اظلمها او اجرحها في يوم
اقو لها كل حاجه عني
ولو رجعت البلد طبعا انا حكيتلك عن عاداتهم
فعايز اخليها مستقله يا لؤي......
للكاتبة حنين عبدالرحيم (حنون)
لؤي : حاسس بالذنب ولا حاسس انك بدات تحب ؟!
تفرق الجمله دي ........
اسر : لا طبعا يا لؤي قلتلك حاسس بالذنب مش اكثر وكمان انت عارف كويس ان انا وتارا بنحب بعض صحيح اوقات بتضايق منها شويه ومن تصرفاتها بس برده بحبها يا لؤي.....
لؤي ضحك بسخرية واستفزاز كدة 😂😂
اسر بعصبية : انت بتضحك ليه يا لؤى هو انا بقولك نكته انا بقولك بحبها....
لؤي : اصلي يا صاحبي عمري ما شوفتك في الوضع ده و بالحاله دي عادي انت طول عمرك بتساعد الناس سواء بنات بقى او شباب بس اشمعنى قمر بتتكلم عنها كده يا اسر انت خايف؟!
اسر : خايف؟!
لؤي : ايوه خائف خايف من انك تعترف لنفسك انك فعلا بدات تحبها يا اسر...... اسر انت عارف كويس قوي من جواك انها احسن من تارا في حاجات كثيره جدا......
بس انت بتقنع نفسك انك مش بتحبها و انك هتفضل تحب تارا......
وتقدر تغير تارا
مع انك بقالك كثير بتحاول و ما بتتغيرش
يا ترى لو كانت بتحبك بجد مش على الاقل كانت حاولت تتغير علشانك ولا ايه ؟!
ولا هي ما تعرفكش غير لما تاخذ سيلفي معاك علشان توريها للبنات تغيظهم...
لما تقولك يلا نتغدى في اكبر المطاعم لما تطلب منك سلسله غاليه هو ده الحب يا اسر
عموما ماتردش علشان انا عارف ردك كويس
هتقولي تارا بتعتبرني كل حاجه
علشان كده بتطلب مني بس افتكر كلامي كويس
وفكر في الكلام ده يا اسر.....
و صح عايزه اقولك انك مش بتحبها ولا كنت بتحبها جايز كان مجرد اعجاب علشان القلب اللي يحب بجد عمره ما هيفكر انه ينبض لحد غير اللي بيحبه
وانت قلبك بدا ينبض لقمر يا اسر سواء بقى انت انكرت
او اعترفت باين عليك اوي يا صاحبي انا اعرفك من زمان......
وصح انا هحجز الكورسات لقمر
و اعمل كل حاجه
و هبلغك بالمواعيد يا صاحبي يلا سلام........
لؤي خرج.............
اسر لف بالكرسي وحط دماغه بين يديه و بيفكر في كلام لؤي قطع تفكير الممرضه وهي بتخبط على الباب....
اسر : ادخل......
ممرضة : دكتور اسر المرضى بره في انتظار حضرتك ابدا ادخل الكشوفات يا دكتور.......
للكاتبة حنين عبدالرحيم (حنون)
اسر بتنهيدة : اوكي يلا دخلي.......
واسر بدا يشتغل لحد ما اخلص كل الحالات والشغل خلص وراح للؤي.....
اسر : ها خلصت يا لؤي اللي قولتلك عليه؟!؟
لؤي : اه يا برو المواعيد هتبقى *****
ودي الايصالات بتاعه الحجوزات واول ميعاد بكره الساعه 2.......
اسر : ماشي شكرا يا صاحبي.....
لؤي بهزار : روح يا ابني الهي تنستر اول مره حد يحترمني ويقولي شكرا....😂
اسر : طب علشان لماضتك دي غور يالا من هنا مش عايز اشوفك ثاني......
لؤي : خلاص خلاص يا عم اسر انت قفوش كدة ليه روح يلا تلاقي قمر مستنياك يا معلم........
اسر بعصبية : غور يا ابني من هنا ده انت الواحد يندم بعد كده يطلب منك حاجه......
لؤي : عادي عادي كله بيقولي كده مش حاجة جديده....
اسر : سلام ....
سلام قبل ما افقد اعصابي عليك دلوقتي.......
لؤي : سلام يا اخويا .....
للكاتبة حنين عبدالرحيم (حنون)
ومشي اسر ركب عربيته وروح البيت
فتح الباب ودخل
لقي قمر قاعده على الفون
اول ما شافته سابت الفون وراحت له......
قمر بابتسامة : حمد لله على السلامه يا اسر........
اسر : الله يسلمك يا قمري.....
قمر : يلا ادخل غير هدومك علشان نتغدى.......
اسر : يلا هروح بسرعه......
دخل غير هدومه وبعدين خرج لقي قمر محضرة السفره وقاعدوا ياكلوا..........
اسر : صح يا قمر جبتلك مواعيد الكورسات وكل حاجه المواعيد هتبقى**** اوكي
والبداية بكره ان شاء الله وممكن بقى لو اجتهدتي
تخلصي الكورسات في وقت اقل كمان وانتي وشطارتك...
قمر : بجد......
اسر : اه يا قمري بجد
وصح سيبك بقى من شغل البيت والطبخ انا هجيب اللي كانت بتنظف تيجي تعمل كل حاجه........
قمر : لا يا ياسر انا هعمل كل حاجه و هذاكر ماتخافش......
للكاتبة حنين عبدالرحيم (حنون)
اسر ياعتراض : قولت لا يا قمري ياريت تسمعي الكلام ركزي بس في الكورسات.......
قمر : خلاص اللي تشوفه يا اسر بس
سيبني اعمل الغدا ماشي من فضلك....
اسر : خلاص اللي تحبيه اساسا كل ده علشانك.....
خلصوا غدا وقمر لمت الاطباق
وراحت على المطبخ خلصت كل حاجه وخرجت وبعدين ناموا....😴😴😴
-------------------------------------------------
جاء صباح اليوم التالي......
قمر صحيت حضرت الفطار عادي واسر اخد شاور ولبس وفطروا........
اسر : النهارده اول يوم ليكي هتلاقي العربيه بالسواق الساعة 2:00 تحت البيت هياخدك يوصلك المكان ويجيبك
ولا اقولك اروح معاكي النهارده علشان اول يوم عقبال ما تتعودي ايه رايك؟؟؟!
قمر بفرحه: ماشي.....
اسر باس راسها : ماشي يا قمر انا ماشي بقى عايزه حاجه......
قمر : سلامتك.............
استوب نتقابل في الجاي 😍😍
#رواية: أحببت قمر الصعيد
#للكاتبة : حنين محمد عبدالرحيم (حنون)
مقولة النهاردة
(إن أحبَبت شيئاً فلا تظن بِأنهُ دائم، فَرحيلهُ عنك قادِم 💔💔)
رواية أحببت قمر الصعيد 🌜🌜❤
البارت 6
مر الوقت وقمر لبست دريس ازرق وطرحه بيضاء وشوز ابيض
ولقت بعدها اسر رن عليها: ها يا قمري جاهزه؟!
قمر : اه انا هنزل اهو يا اسر........
اسر : ماشي يا قمر يلا انزلي ....
قمر : ماشي يلا سلام ....
اسر : سلام ......
ونزلت قمر لاسر
اسر اول ما شافها : طالعه حلوه كالعاده يا قمري...
قمر بابتسامة وكسوف: شكرا....
وركبت جنب اسر ومشيوا لحد ما وصلوا لمكان الكورس.......
اسر مسك ايد قمر ودخل معها لحد جوه
اول ما المسؤوله عن الكورس شافته قامت وقالت باحترام: اهلا اهلا دكتور اسر شرفتنا يا فندم......
اسر : شكرا كل حاجة يريت تتم زي ما طلبت وهي شاطره جدا على فكره........
المدرسة : اكيد يا دكتور احنا فاهمين كل حاجه حضرتك عايزها و هتتنفذ هو احنا هيجيلنا الساعه لما نخدم دكتور اسر......
اسر : تمام
وبعدين وجه كلامه لقمر :
يلا يا قمر ادخلي معها وهي هتعرفك تروحي فين وتقعدي فين وكل حاجة.......
للكاتبة حنين عبدالرحيم (حنون)
قمر : ماشي.....
اسر : يلا خلي بالك من نفسك واي حاجه تحصل اتصلي بيا.....
قمر : حاضر.... سلام....
اسر : سلام يا قمري .....
اسر خرج والمسئولة عن الكورسات اخذت قمر وصلتها وقالت: دي تبقى قمر وجديده هنا......
قمر دخلت قعدت وبدات تركز في الكورس لحد ما الوقت خلص
وفي النهايه خلصت ولسه طالعه لقيت احد بينادي عليها: استاذة بعد اذنك......
قمر لفت وشها لقت شاب بيقول : انتي قمر مش كده.....
قمر : ايوه حضرتك عايز حاجه....
= ايوه انتي نسيتي الورق بتاع الكورس ده........
قمر : ايوه ماشي شكرا لحضرتك....
= لا بالعفو على ايه لو ماعندكيش مانع يعني ممكن نبقى اصحاب........
قمر : لا معلش انا اسفه انا مش عايزه اصاحب......
وراحت مشيت ........
خرجت بره لقيت العربية مستنياها
والسواق قال :
مدام قمر استاذ اسر بيقول لحضرتك اركبي
وهو هيرجع كمان ساعتين ثلاثه كده ولا حاجه.....
قمر ركبت العربيه وصلت البيت دخلت غيرت هدومها و بدات تعمل الاكل و خلصت .....
وطلعت تشوف ورق الكورس
وتراجعه و هي بتذاكر اسر جاه
قمر قامت : حمد لله على السلامه......
للكاتبة حنين عبدالرحيم (حنون)
اسر : الله يسلمك يا قمري عملتي ايه النهارده بقى كان يوم حلو.....؟!!!
قمر : اه كان يوم لطيف يعني عادي اخذت الكورس وخلصت وجيت عملت الغداء وقعدت اذاكر شويه انت جيت......
اسر : يعني انتي مبسوطه يا قمري
ولا حابة تغيري الكورس لو حابه تغيريه اشوفلك واحد ثاني وثالث
ماتشغليش بالك........
قمر : لا لا ده كويس يا اسر يلا روح انت بقى غير هدومك علشان نتغدى........
اسر : ماشي يا قمر ي هغير بسرعه مش هغيب.....
قمر : ماشي يلا.......
اسر دخل غير هدومه ولبس ترنج بيتي وخرج
وبدأوا هما الاثنين ياكلوا وخلصوا الاكل وبعديها قمر قعدت بتذاكر للكورس شويه ......
واسر قاعد على الفون لحد ما قمر خلصت......
قمر : اسر انا هروح انام بقى علشان تعبانه جدا......
اسر بخوف : ليه يا قمري مالك في حاجه وجعاكي نروح للدكتور طيب؟!
قمر : لا يا اسر قصدي يعني شويه ارهاق بس يلا انا هدخل انام......
اسر : طب يلا يا قمري........
و دخلوا ناموا..........😴😴😴
للكاتبة حنين عبدالرحيم (حنون)
---------------------------------------------------
جاء صباح اليوم التالي☀️☀️☀️
قمر صحيت وصحت اسر ......
اسر قام اخذ شاور ولبس بدله زرقاء وقميص ابيض وخرج......
فطر هو وقمر وباس راسها ونزل......
قمر قعدت شويه ودخلت اخدت شاور
ولبست بيجامه ستان زرقاء
وتركت شعرها العنان
يعني من الاخر كانت حتة مولتن كيك كدة 😂😂
(متاخدوش في بالكم انا بعاكس البت 😂😂)
قعدت شويه على TV... وبعدين على الفون............
وبعدين قامت عملت الغداء وخلصته كانت الساعه جاءت سبعه بالليل ......
اسر جاه........
اسر اول ما دخل شافها سرح فيها شوية وبعدين قال:
حلوة 😍😍.....
قمر : ايه ؟!!
اسر : ايوة يا قمري ريحة الاكل وشكله وهو محطوط على السفرة حلوة جامد جدا ...
يعني حلوة بطريقة لا توصف الصراحة.....
قمر : ايوه يا اسر ما انا النهارده جبت من على النت طريقه النجرسكو وعملتها.....
اسر : ايوه بقى.....
هروح اغير هدومي بسرعه واجي جري علشان نجرسكو يلا.....
(والنبي يا بنتي حتة نجرسكو وانا كمان بحبها والله❤
وحتة كمان للناس القمر اللي بتقرا الرواية دي 😂)
للكاتبة حنين عبدالرحيم (حنون)
وراح غير هدوم وخرج قعد على السفره واكلوا هما الاثنين وخلصوا.......
اسر : اه مش قادر انا اكلت كثير قوي من كثر ما هي حلوه بطني مش قادر بجد ....
خلاص هتنفجر....
هتبوظي جسمي يا ست قمر 😂.....
النظام الغذائي بتاعي هيروح.....
قمر بضحك : بالهنا والشفا يا اسر في ايه؟؟
ما انت بتاكل اهو و زي ما انت......
اسر : يا ربي على النق بقي ده.....
نقي يا اختي نقي.....
ما انتي مش هامك حاجه و انتي جسمك سمبتيك كده مهما بتاكلي.....
قمر بضحك وهي بتقلد اسر : يا ربي على النق ده....
اسر ضحك وهي كمان ضحكت .... 😂😂😂
اسر سرح في ضحكتها......
اسر : ضحكتك حلوه قوي يا قمري اوعى الضحكه دي تروحي ابدا........
وقام باس ايديها وقال:
تسلم ايدك الاكل تحفه......
ومشي......
وقمر ابتسمت وبعدين قامت لمت الاطباق
وراحت على المطبخ.....
و خرجت تراجع علشان عليها كورس بكره
وخلصت مراجعه
وبعدين دخلت تنام هي واسر......
اسر كالعاده اخذها في حضنه علشان ينيمها زي الاطفال لحد ما نامت.... 😴😴😴
وهو لسه عينيه هتغفل........
لقي موبايله بيرن بيبص لقاها تارا......
بصراحة مردش اول مرة لانه تعبان
وفعلا عايز ينام بس بعد كدة لقي موبايله جات عليه مسدج من تارا بتقوله :
اسر اسر الحقني.....
وبعدين موبايله رن......
رد بسرعة وقال بقلق :
في ايه يا تارا مالك يا روحي......
تارا : الحقني يا اسر الحقني دخل عليا حرامي و هو هرب بعد ما شافني بس انا خايفه قوي
وانت عارف بابي ومامي مسافرين يا اسر الحقني......
اسر : طب اهدي انا جاي حالا......
اسر ساب قمر بالراحه علشان متصحاش
و لبس بنطلون على تيشرت
وراح لتارا بسرعه خبط على الباب......
تارا فتحت واول ما فتحت حضنته وقالت :
اسر حبيبي كويس انك جيت يا روحي.......
اسر : تارا من فضلك بلاش كدة وزقها من حضنه.....
تارا : معلش يا اسوري بس صدقني كنت خايفه.....
اسر : طب اهدي يا تارا......
تارا قعدت تعيط..... 😭😭😭😭
اسر : خلاص يا تارا معلش......
تارا مسكت ايد اسر وحطت راسها على كتفه.....
تارا : انا ببقي حاسه بالامان والراحه وانت جنبي يا حبيبي انت......
اسر : ما تخافيش يا حبيبتي.....
وكمان انا جبتلك جاردات بره هيفضلوا هنا قدام الشقه معاكي اوكي يا تارا........
تارا : لا يا اسوري خليك معايا يا روحي متسبنيش....
اسر : انا معاكي.....
بس ماينفعش اقعد معاكي يا تارا
علشان كده كده اساسا مافيش حد في البيت ....
انا جبتلك جاردات بره يا روحي ومعاكي على الموبايل اي حاجه اي حاجه احتاجتيها وفي اي وقت
رني عليا هكون عندك على طول ماشي.......
تارا : بقي كدة يا اسوري تسيبني لوحدي يا روحي......
اسر : ده علشانك يا روحي.......
علشانك انتي.... وكمان دي الاصول يا تارا.....
يلا انا همشي عايزة حاجة.....
تارا: سلامتك يا اسوري يلا تاك كير يا بييي.....
اسر : يو تو يا تارا......
اسر خرج ووصي الجاردات وبعدين روح.......
دخل البيت لقي قمر نائمة زي ما هيا غير هدومه وراح ينام وشاف قمر وهي نايمة زي الملاك أخدها في حضنه ونام 😴😴😴.........
للكاتبة حنين عبدالرحيم (حنون)
---------------------------------------------------------
جاء صباح اليوم التالي ☀️☀️
قمر صحيت وبدات تصحي اسر بس اسر عايز يكمل نوم طبعا ما هو امبارح بسبب الست تارا نام متأخر.......
قمر : قوم يلا بقي يا اسر..... اسر......
وجابت المنبه حطيته جنب ودنه ما فيش فائده
لحد ما جات لها فكره شافتها على اليوتيوب........
(ربنا يكفينا شر اليوتيوب وافكاره يا تري البت قمر هتعمل ايه في الواد اسر اللي انا مش
#رواية: أحببت قمر الصعيد
#للكاتبة : حنين محمد عبدالرحيم (حنون)
مقولة النهاردة
(هل أنت غير سعيد أو غير مرتاح؟! إنّ الحياة ياصديقي كالفراش، إذا أحسست أنّه غير مريح فخير ما تفعله هو أن تنهض وتعيد ترتيبه.💪💪)
البارت السابع والتامن والتاسع والعاشر من هنا 👇👇👇👇
بداية الروايه من هنا 👇👇👇
