expr:class='data:blog.languageDirection' expr:data-id='1477310355715762718'>

القائمة الرئيسية

الصفحات

رواية أحببت قمر الصعيد البارت السابع والتامن والتاسع والعاشر بقلم حنين محمد عبد الرحيم كامله علي مدونة النجم المتوهج للروايات

 رواية أحببت قمر الصعيد

البارت السابع والتامن والتاسع والعاشر

بقلم حنين محمد عبد الرحيم


جاء صباح اليوم التالي ......

قمر صحيت وبدات تصحي اسر

 بس اسر عايز يكمل نوم طبعا ما هو نايم متاخر اساسا بسبب تارا

 قمر : يلا بقى يا اسر...... اسر .....

وجابت المنبه حطته جنب ودنه ما فيش فائده

 لحد ما جات لها فكره شافتها على اليوتيوب 

فكرت  تعملها فاسر يزعل بس بعد كدة قالت لا ده قلبه طيب ومش هيعمل حاجة.... 

جابت ألوان ورسمت وش مخيف علي وش اسر اتعلمته من اليوتيوب 😂😂

 وهو كل ده نايم ومش حاسس بحاجة 

وبعدين بقي قامت سابت الالوان

 وبعدين ولعت بخور وعملت دخان ياما في اوضة النوم وصوتت وقالت: اسر اسر الحق احنا بنولع.... 

اه هموت محروقة يا اما 😂😂......


اسر قام مفزوع : اهدي اهدي طب حصل  ازاي.... 

للكاتبة حنين عبدالرحيم (حنون)

قمر فصلت ضحك وراحت فتحت الشبابيك علشان الدخان.... 

ده وسط صدمة اسر وبعدين قال:

ايه ده يا قمر في حد يصحى حد كده......


قمر بضحك : ما انت ما كنتش هتصحي غير بكدة......


اسر : ماشي يا قمري مقبوله منك....

المهم جاي لف يبص في المرايه اتفزع :

عااااا..... مين ده؟!


قمر فطست على نفسها من الضحك 😂😂


اسر : بقى كده يا قمر يا بنت ام قمر 

والله ما هسيبك انتي اللي بداتي المقالب تعالي هنا وطلع يجري وراها وهي تجري لحد ما مسكها و قال:

ماشي يا قمري استعدي بقى اللي هيحصل.....


قمر : اسر هتعمل ايه ؟؟؟؟


اسر :  هو مش كل واحد بيغلط لازم يتعاقب انا عقابي بقي اني هحطلك ميك اب يلا اقعدي على الكرسي ده


قمر : لا يا اسر شكرا انا عايزه وشي.....


اسر : قمر..... 


قمر : يوه بقي يا اسر.....


قمر قعدت واسر طلب منها تغمض عينيها اغمضت عينيها 

واسر خلص الميك اب ليها 

وبعدين قالها : يلا انا هلف الكرسي  دلوقتي للمرايا 

بوصي  هتنبهري. ....😎😎


قمر : وانا مستنيه انبهر.....


اسر:  يلا 1 2 3 ولف الكرسي......

قمر : عااااا مين دي يا اسر انا عايزه وشي.....


اسر ببرود : استني بس يا قمري وفضل ياخذ معها سيلفي ويقول:

انا وصفيه زغلول من قوم بني زعتر هههههههه... 

مش قادر شكلك فصلان...

للكاتبة حنين عبدالرحيم (حنون)

قمر : بقى كده يا اسر ماشي.....


اسر : انا رايح اخذ شاور هتاخر على الشغل كده يا حلوة يا ناس ههههههه..... 

ودخل ياخد شاور.....


قمر ابتسمت لما افتكرته وهو بيضحك

 ومسحت وشها من خريطه العالم اللي هو عملها دي 😂😂 وحضرت  الفطار 

اما هو فاخذ شاور و لبس بدله لونها بني وقميص ابيض وخرج يفطر.......


اسر : صباح العسل يا قمري.......


قمر : والله شوف ازاي ولا  كانه عمل حاجه!!!!!


اسر : هو انا عملت حاجه يا قمري بقى دكتور محترم زيي وملتزم  وبيصحي في مواعيد

 ويعمل حاجه برده......


قمر : لا انا اللي عملت يا اسر و لا تزعل نفسك يلا تعالي نفطر.......

وقاعدوا يفطروا و خلصوا فطار وبعدين اسر باس راسها وقال:

يلا خلي بالك من نفسك اوكي يا روحي طبعا السواق هيبقى تحت هيروح ويجي معاكي

 واي حاجه انا معاكي على الموبايل....

للكاتبة حنين عبدالرحيم (حنون)

قمر بابتسامة : ماشي.....

ومشي وهو نازل على السلم لقى تارا بترن عليه.....


اسر : الو يا تارا عامله ايه؟!!


تارا : الحمد لله يا اسوري... طالما انت جنبي يا روحي...


اسر وهو بيركب عربيته وهو بيكلمها.......


تارا: حبيبي عدي عليا  خذني وانت ماشي النهارده علشان عربيتي الكاوتش نام مره واحده مش عارفه ليه والنبي وافق يا اسوري 

انت عارف ان بابي ومامي مسافرين الفتره دي ارجوك يا اسوري..... 


اسر : خلاص جايلك يا تارا يلا..... 


تارا : ماشي يا اسوري  مستنياك يا روحي بحبك... 😘

اسر قفل.....

وراح على بيتها وقف بعربيته 

وهي نزلت ركبت العربيه......


تارا : جود مورنينج يا بيبي......


اسر : جود مورنينج....


تارا: ها ايه رايك في الطقم ده يا روحي؟!!!


اسر : كويس يا تارا.... 

بس هو انا مش قولت نبطل شويه اللبس ده 

ونطول لبسنا يا تارا..... 


تارا : يوووو يا اسوري رجعنا للتفكير الرجعي ده ثاني يا بيبي خليك متحضر بقى يا روحي.......


اسر بعصبية : تارا ايه العلاقه بين التحضر وان انت يبقى لبسك كله  يبقي مكشوف كدة يعني ايه؟؟

 اللي انا بقوله ده ماسمهوش تخلف اسمه الاصول يا تارا

اللي انتي ما تعرفهاش

 عماله اقو لك بقالي  كثير بس انتي حتى ما فكرتيش على الاقل تفكري في الكلام اللي بقوله

 كل مره نفس الجملتين بتوعك 

انتي مش بتحبيني يا تارا صح؟!!


تارا : لا يا اسوري يا روحي ما تقولش كده خلاص حاضر من عيني يا بيبي هحاول اطول لبسي

 واعمل اللي انت عايزه صدقني انت عندي بالدنيا كلها

 يا روحي خلاص بقى انت قفوش كده ليه يا اسوري....


اسر : خلاص يا تارا..... 


تارا: اوكي يا اسوري اللي انت عايزه هحاول اعمله يا بيبي هو انا عندي كام اسر يعني......اضحك بقي يا اسوري..... 


اسر بابتسامة : خلاص يا تارا..... 

للكاتبة حنين عبدالرحيم (حنون)

تارا: اسوري هو انت مش ملاحظ انك الفتره دي بتقولي تارا كتير... يعني مابتقوليش حبيبتي بلس كده كمان انت كنت دائما تنهي اي كلام بينا او اي خلاف.... 

بكلمه بحبك بس انت مابتقولش الكلمه دي دلوقتي خالص.......


اسر : عادي يعني يا تارا  فيها ايه؟!!!


تارا : عادي وفيها ايه؟!!!!

 فيها انك مش مهتم بيا يا اسر

 ولا بقيت في دماغك اساسا

 اسر  اوعي اي واحده تاخذك مني يا روحي

 انا اموت فيها......


اسر : ما تخافيش يا حبيبتي ويلا بقى علشان ننزل وصلنا اهو.... 

واسر نزل وتارا كمان وبعدين دخل عطي محاضراته وخلص و ركب عربيته وطلع على المستشفى........

للكاتبة حنين عبدالرحيم (حنون)

---------------------------------------------------------


على الجانب الآخر ❤❤

قمر لبست بيزك دريس لونه ابيض ولبست عليه جاكيت جينز اسود و شوز اسود وطرحه بيضاء......

واخذت الباج بتاعتها ونزلت.....

لقيت طبعا السواق مستنيها وركبت لحد ما وصلت هناك بعدين دخلت وقعدت وبعدين بدات في الكورس......


❤❤❤❤❤❤❤❤❤❤❤❤❤ 


اسر وصل المستشفى وبعدين راح للؤي : هالو يا مان....


لؤي : اهلا  يا برو.... ها ايه الأخبار؟!


اسر : تمام الحمد لله وانت....


لؤي : لوز اللوز يا برنس.....


اسر : طب بذمتك دي طريقه كلام دكتور محترم فيه دكتور كده؟!


لؤي : مش انا كده يبقى فيه يا برو....


اسر : ماشي يا اخويا....


لؤي : ما تيجي تسهر  النهارده معايا.....


اسر : لا يا عم ما انا لسه قايلك انت مستحيل تبقى دكتور ازاي دكتور وباد بوي في نفس الوقت......


لؤي : عادي عادي بتحصل في احسن العائلات بس انت اللي فقري و ما بتحبش السهر......


اسر : ربنا يهديك يا مجنون انت.....


لؤي : يا رب.... 


اسر : وينجحك اكتر.... 


لؤي : يا رب..... 


اسر : ويرزقك ببنت الحلال اللي تطلع عيناك.... 


لؤي : لا لا يا رب متستجبش لدعاءه يا رب..... 

يا عم انت عايز اعيش وافرفش يا عم....

للكاتبة حنين عبدالرحيم (حنون)

اسر : غور يالا من هنا.....


لؤي : انت في مكتبي على فكره......


اسر : يا رب على ارفك.....

وراح مشي.... 


نرجع لقمر بعد ما خلصت الكورس ولسه ماشيه لقيت نفس الشاب بينادي عليها:

استاذة قمر......


قمر : ايوة.... 


= معلش لو مش هزعجك ممكن بس اصور الاسكتش انتي بتكتبي ملاحظات وكده يعني لو ماعندكيش مانع......


قمر : لا اكيد ماعنديش اتفضل صوره.... 


وطلع فونه وبدا يصور..... 


= تمام شكرا ليكي  بجد وبالمناسبه اسمي ريان....


قمر : تشرفنا يا ريان استاذنك.......

ومشيت ووقف ريان مبتسم.....


قمر روحت البيت غيرت وبعدين ارتاحت شويه وقامت عملت الاكل وقعدت على الفون واسر خلص شغله

وروح كالعاده ودخل غير هدومه وطلع وقاعدوا هو وقمر على الغدا..... 


اسر : ها يا قمري عملتي ايه النهارده

 عايزك تحكيلي كل تفصيلة في يومك يا روحي.....


قمر بدات تحكيله كل حاجه

 وحكيتله كمان لما ريان طلب منها يصور وكده.....


اسر قاطعها بعصبية : واشمعنى انتي بقى يا استاذه قمر يطلب منك....؟!


قمر : عادي يا اسر طلب مني يصور بس الملاحظات وصورها وبس......


اسر بعصبية : خلاص  انتي بالنسبه لك الموضوع عادي خلاص مافيش خروج خالص ولا الكورس ولا غيره

 مافيش طلوع خالص. .....


وقام وساب الاكل بعصبيه

 وقمر قعدت تعيط 😭😭.......

استوب ونتقابل في الجاي ❤❤❤

يلا تاك كير يا حلوين 😍😍


يلا تفاعل بقي وكومنتات قد المجرة  عايزين نوصل 4000 كومنت وزيادة حبتين ها هتقدروا 😂

علشان الجاية تنزل..... 


#رواية: أحببت قمر الصعيد 

#للكاتبة : حنين محمد عبدالرحيم (حنون)


مقولة النهاردة

(إن الحب الذي يبدي بصراحة ليس له نهاية، والحب الذي يبدأ بكذبة ينتهي بالخيانة.)

احببت قمر الصعيد (يلا حلقة النهاردة نزلتها بدري خالص اهو عدوا الجمايل بقي ها 😂😂)

البارت 8

قمر لميت الاطباق ودخلت اوضتها وقعدت تعيط😭😭

على الجانب الاخر

اسر متعصب من فكره ان في شاب كلمها وفي نفس الوقت متعصب من نفسه علشان زعلقها.....


اسر : يا رب انا ليه قولت كده بس هي اكيد زعلت دلوقتي و متضايقه جامد بس والله ما بايدي 

مش عارف حصل لي ايه مجرد ما قالتلي الكلام ده بس انا زعقتلها ولازم اروح اصالحها

 علشان كده ما ينفعش .....

وراح يدور عليها ما لقتهاش في الصاله 

ولا في المطبخ

و دخل اوضه النوم لقاها قاعده وضامة نفسها وبتعيط ...

قرب منها وقال: قمري....

هي ماردتش عليه وفضلت مستمره في العياط......


اسر بندم : انا اسف يا قمري معلش والله زعلك على عينى معلش بس مجرد الفكره بس عصبتني وماعرفتش اتحكم في اعصابي.......


قمر برضه مستمرة في العياط 😭😭

قرب منها واخدها في حضنه وفضل يطبطب عليها كانها بنته: خلاص معلش طب اتكلمي طيب قولي اي حاجه اي كلمه حتى......


قمر بدموع : زعلانه منك.....


اسر : خلاص معلش يا حبيبتي

 والله عمري ماهزعقلك  ثاني يا قمري

 معلش بقى....

 ممكن كفايه دموع ارجوكي...

مش عارف ليه بس صدقيني قلبي بيوجعني لما بشوف دموعك يا قمري 

خلاص بقى يا روحي اهدى....

 ومسح لها دموعها ....واكمل وقال 

هو انا بارد و وحش للدرجه دي علشان ازعل القمر ده....


قمر : لا انت مش بارد.....


اسر بمشاكسة : لا بارد مش زعلتك.....


قمر : لا لا انت حلو صدقني....


اسر : يعني انتي شايفاني حلو يا قمري...... 


قمر بتوتر : عايزه انام يا اسر.....


اسر : اهربي اهربي لا مش هتنامي يلا نقوم الاول ناكل علشان انا ما كلتش واكيد انتي كمان ماكلتيش يلا قومي....

وقاموا اكلوا  وبعدين ناموا...😴😴

------------------------------------------------

وفضل الحال على الوضع ده وقمر و اسر بيقربوا من بعض وكالعاده تارا مش سايبة اسر في حاله ومر شهر والوضع كده.....


قمر : اسر عاملالك مفاجاه؟؟؟


اسر : قولي يا قمري....


قمر : انا خلصت الكورس كله....


اسر : بتهزري خلصتيه في شهر ازاي يا بنتي ده بيخلصوه في ثلاث شهور......


قمر بغرور : دي قدرات يا باشا.....


اسر : فخور بيكي  يا روحي طب يلا بقى اجهزي بكره هتروحي تقدمي في الشركه.....


قمر : بجد يا اسر .....


اسر :بجد يا عيون اسر......

قمر قعدت تتنطط وفرحانه 

وقالت :مش مصدقة نفسي......


اسر فرح اوي لما شاف بسمتها وهي فرحانه و مبسوطه كده......


اسر : ايه بقى انا عصافير بطني بتصوصو وقطط بطني بتنونو من الجوع.....


قمر بضحك : كل ده طب يلا غير هدومك بسرعه عقبال ما احط الغداء......

 ودخل غير هدومي واتغدوا واقعدوا اتفرجوا على TV... 


❤❤❤❤❤❤❤❤❤❤

على الجانب الاخر.....


لؤي راح يسهر .....


لؤي : هالو يا برو..... 


= هاي يا مان المشروب بتاع كل مره......


لؤي : اوف كورس يا مان... 

هو انا ليا غيره بما اني كتكوت ضعيف الجناح......


ضحك وقال : هيبقي جاهز فورا.... 


وقام لؤي يرقص مع الميوزك  وهو بيرقص لمح تارا.... 


لؤي بتفاحئ : تارا وفي المكان ده ياترى بتعمل ايه دي هنا وقولت لاسر  مليون مره بس هو ولا صدقني ومفكرها محترمه ومتحضرة  وتدخل اماكن زي دي لوحدها 

ماشي .....

وراح اتصل على اسر....


لؤي : الو يا اسر......


اسر : ايه يا لؤي عامل ايه؟!

 ايه الدوشه اللي حواليك دي كلها......


لؤي : يا عم بسهر و بفرفش..... بس مش هتصدق بقى وانا بسهر و بفرفش شوفت مين؟!!


اسر : حد من صحابنا يعني؟!


لؤي : لا يا برو حد من معارفك انت.... 

تارا يا مان..... 


اسر شاور لقمر انه هيروح يكلم لؤي في البلكونه دخل البلكونه وقال :

لؤي بطل هزارك التافه ده وتارا  هتروح اماكن زي دي تعمل ايه يا لؤي ؟!


لؤي : والله ماعرفش يا مان ابقى اسالها انت.....


اسر : لؤي بطل جنان....


لؤي : ثانيه ثانيه ما احنا فيها يلا افتح فيديو كول وانا هجيبهالك وهي على الاستيدج يا مان من غير ما تاخد بالها......

اسر فتح فيديو كول وكذلك لؤي صور تارا.... 


اسر بصدمة : يعني ايه ؟!

لا لا مستحيل....

 وبعدين لؤي خرج خالص من المكان وقف بره علشان يعرف يكلم اسر افضل.....


اسر وهو مصدوم ومتعصب جامد : لا مستحيل مش معقول يا لؤي....تارا!!!! ...لا لا.... 


لؤي : ياما قولتلك يا صاحبي بس انت اللي ما كنتيش بتصدقني.....


اسر بعصبية : انا جاي دلوقتي يا لؤي والله لاوريها الزباله دي......


لؤي : اهدي يا صاحبي اهدي ...

 طب ما ايه رايك نلعب عليها شويه علشان عادي ممكن تنكر وتقو لك اول مره ومش عارفه مين اللي جابني ولانك بعيد عمي ولانك بتحبها هتقول لك حجج تافهه

وانا واثق انك هتصدقها لانك بتحبها

 طب ايه رايك انا هروحلها كده

 واجرب  اقعد معها واشوف هتعمل ايه؟!


اسر : انت اتجننت يا لؤي....


لؤي : يا عم هي جات عليا  ما هي قاعده مع كثير واظن شوفتها.......

المهم خليك معايا واسمع الحديث بنفسك.... 

لؤي  دخل راح لتارا 


لؤي : هالو يا تارا..... 


تارا بصدمة : انت لؤي صاحب اسر بوص بصراحه انا..

لؤي : اششش... انتي مش محتاجه تبرري اصلا فكك من كل حاجه.....اسر مين وزفت مين... 

الموسيقي اشتغلت تعالي نرقص.... 


تارا : والله انت شكلك كده فرفوش يا لولي وحلو جامد 

على عكس اسر خنيق يا ساتر.....


تارا بعد ما شربت 😡(نفسي اولع في البت دي خلاص كدة طفح الكيل )

لؤي : قوليلي بقى يا توتي امال انتي مقنعة اسر انك بتحبيه ليه ؟!.... مع انك مش بتحبيه أساسا..... وهو خنيق الصراحة..... 


تارا بتوهان : والله يا لولي علشان بس هو دكتور في الجامعه وكمان اغيظ صحابي به بلس كده كمان اي حاجه اطلبها منه الاقيها قدامي فمين المجنونه اللي ممكن تسيبه.....


لؤي : يعني انتي مابتحبهوش؟!


تارا بضحك وتوهان : احب احب مين ده انسان بارد ده يتحب ده....

 طب والله  مفيش حد يتحب غيرك يا لولي 

انت اللي تتحب......


لؤي : قلب لولي....طب يلا اطير انا بقي..... 


تارا :رايح فين يا لولي بس..... بس هيشغلو ميوزك تانية حلوة جدا.... 


لؤي : معلش يا توتي عليا شغل الصبح يلا تاك كير يا تارا ... 


تارا : يو تو يا قلب تارا.... 


ومشي وبعدين كلم ا سر اللي كان سامع كل الكلام ده


لؤي : الو اسر انت معايا اسر....


اسر بحزن : خانتني يا لؤي خانتني و كانت بتكذب عليا طب ليه عملت كده ليه....؟!


لؤي : انا حذرتك مليون مره يا اسر بس انت اللي اصريت قولتلك يا اسر ما بتحبكش

 وحتى انت مش بتحبها دور حواليك يا اسر هتلاقي اللي بتحبها اللي وقت ضعفك هي الوحيدة  اللي تروح لها واللي بتتعامل معها من غير ما تفكر تبان اتيكيت ولا حاجه بتتعامل بروحك.....(طبعا كان يقصد قمر بالكلام ده )

اسر : ماشي يا لؤي باي اقفل دلوقتي......


لؤي : اسر انت كويس؟!


اسر : اكيد يا لؤي عمري ما هزعل على واحده خائنه لؤي سلام......


لؤي : سلام.... ولؤي اقفل و محاولش معه

 لانه عارف ان قمر معاه 

 واكيد لو شافته متضايق هتبقى معاه.....


اسر قفل وفضل قاعد في البلكونه بيبص بس للفراغ 

قمر لقيت اسر غاب دخلت تشوفه لقيته قاعد في البلكونه وباصص للسما 

قربت بت منه وحطيت ايدها على كتفه  وقالت:

اسر....


اسر اول ما سمع صوتها لف وشه ليها وحضنها جامد.... 


قمر بقلق طبطبت عليه : اسر حبيبي في ايه روحي انت مالك؟!


اسر مبيتكلمش وحاضنها وبس... 

اسر ولاول مرة اساسا دموعه تنزل حس بالامان والراحة 

في حضنها وطلع كل حزنه في دموعه......

قمر بقلق  اكثر: اسر حبيبي انت بتعيط ليه يا روحي ...

اسر ما تقلقنيش عليك ارجوك وقولي  في ايه؟!


لا رد من اسر ......


قمر عيطت علي دموع اسر....


اسر : طب انتي بتعيطي ليه دلوقتي؟!


قمر : علشان انت بتعيط و انا اول مره اشوفك كده 

قولي  في ايه مالك؟!


اسر  وهو حاضنها اتكلم وقال :

لا ما فيش يا روحي بس حصل مشاكل كده في الشغل وخايف كل حاجه انا بنيتها تتهد......


قمر وهي تربت على ظهره : ما تخافش يا روحي صدقني ربنا عمره ما هيضيع تعبك السنين اللي فاتت دي انا واثقه ربنا عمره ما يعملك حاجه وحشه و اوعي تنسى ان ربنا قال سبحانه وتعالي :

(وما ربك بظلام للعبيد )  


اسر : كلامك ريحني قوي يا قمري ربنا يخليكي ليا يا روحي.....


قمر بابتسامة : ويخليك ليا...

 وبعدين دخلوا ناموا 😴😴😴

-----------------------------------------------------


جاء صباح اليوم التالي

 قمر صحيت وبعدين صحيت اسر وراحت تحضر الفطار كالعاده وفطروا 

واسر اخذ اجازه من الجامعه لانه هيبقى مع قمر 

وهي رايحه تقدم في الشركه

 وقمر لبست بيزك دريس ابيض 

و بليزر اسود 

وهيلز سوداء وطرحه بيضاء 

واسر لبس بدله كحلي

 وراحوا وطبعا طول الطريق قمر متوتره جدا

 واسر عمال يهدي  فيها

 لحد ما وصلوا للشركه 

ودخلت وعملت الانترفيو 

وبعدين نزلت لقيت اسر  مستنيها في العربيه:

ها يا قمري.....


قمر : الحمد لله قالوا  هيبعتوا  الرد النهارده بالليل.....


اسر : ما تخافيش يا روحي انا واثق فيكي

 وبعدين وصلها البيت 

وهو راح المستشفى 

ودخل وبعدين لؤي جاله وقعدوا اتكلموا مع بعض.... 


لؤي : عشان تعرف بس يا برو قيمتي في حياتك.....


اسر بحزن : عندك حق ربنا يخليك ليا.....


لؤي : خلاص يا عم انا بفرفشك يا مان بقى......


اسر : لا انا مش زعلان اساسا انا فعلا عمري ماحبيتها....


لؤي : اخيرا يا اخويا فهمت..... 


اسر : ايوه يا لؤي انت قولتلي يا لؤي عن الحب حاجات كثيره قوي والحاجات دي كلها لقيتها مع حد واحد بس قمر يا لؤي.....


لؤي بابتسامه وقام  حضنه: اخيرا يا اسر تعبتني معاك يا شيخ مبسوط جدا يا صاحبي انك اخيرا حبيت الشخص الصح بس قولتلها بقى ولا لسه......


اسر : لا لسه يا لؤي مستني بس هي تبقى مستقلة  علشان لما اقولها  بحبك ما تبقاش عايزه تفضل معايا علشان ماعندهاش حد لا تبقي عايزه تبقى معايا علشان بتحبني ان شاء الله تتقبل في الشغل زي ما حكيت لك وبعدين اقدر اقولها.....


لؤي : ربنا يسعدك يا صاحبي يلا اطير انا بقى عشان ورايا مرضي..... 


اسر : ماشي يا اخويا روح ....

وخرج لؤي واسر رجع راسه لوراء وابتسم لما افتكر قمر........يتبع 

استوب ونتقابل في الجاي ❤❤❤

يلا تاك كير يا حلوين 😍😍


يلا تفاعل بقي وكومنتات قد المجرة  عايزين نوصل 4000 كومنت وزيادة حبتين ها هتقدروا 😂

علشان الجاية تنزل..... 


#رواية: أحببت قمر الصعيد 

#للكاتبة : حنين محمد عبدالرحيم (حنون)


مقولة النهاردة

(الحياة امل فمن فقد الامل فقد الحياة ❤)

معلش معلش اتاخرت بس صدقوني بارت النهاردة جامد 😹❤

احببت قمر الصعيد 💗🌜🌜 


البارت 9


اسر ابتسم اول ما افتكر قمر وبعدين فكر يتصل بها اتصل بها: الو يا قمري....


قمر : ايه يا اسر....


اسر مش عارف يقول ايه : قوليلي يا قمري عاملالي  اكل ايه النهارده يا روحي؟!


قمر : عامله مكرونه وبانيه ايه رايك؟!


اسر : اي حاجه من ايديكي حلوه يا روحي مادام قمري هي اللي عاملاها.....


قمر : تسلملي يا اسر قدامك كثير على ما تيجي.....


اسر : يعني ساعتين بالكثير و هبقى عندك يا روحي ثم اكمل بمشاكسه: ايه وحشتك يا قمري..... 


قمر : ها.... لا.... قصدي يعني بسال بس علشان ناكل... 


اسر : بقى بتساليني راجع امتى علشان ناكل انتي فصيله يا قمر يلا سلام....

قمر قفلت معاه وهي بتضحك:  طب والله مجنون....


وبعدين اسر خلص شغل ورجع البيت 

وهو راجع فكر  يجيب هديه لقمر.... 

عدي على محل

 وجاب سلسله حلوة اوي لقمر

 واخذها ورجع البيت 

وبعدين فتح الباب 

ودخل لقي قمر بترص الاكل على السفره

 و لابسه بيجامه ستان بيضاء لايقه مع لون بشرتها وتركت لشعرها العنان 

سرح فيها شويه اول ما شافها لحد ما فاق من شروده لما هي بدات تحرك ايديها قدام عينيه وبتقول :

اسر سرحان في ايه؟!


اسر : فيكي....


قمر سكتت وراحت تكمل رص السفره

 واسر راح غير هدومه

 وراح يقعد على السفره وبداو يتغدوا......


قمر : اسر.....


اسر : عيونه.... 


قمر : بصراحه كده اتصلوا بيا من الشركه علشان يبلغوني ردهم؟!!


اسر : ها يا قمري قالولك ايه ؟!


قمر ملامحها اتحولت الحزن.....


اسر بحب ❤ : خلاص يا قمري مش مهم نشوف شركه ثانيه وثالثه ورابعه انا معاكي يا روحي....


قمر ضحكت:  ضحكت عليك طبعا وافقوا وهبدا الشغل من بكرة..


اسر : بقى كده يا قمر يا بنت ام قمر 

مش هاسيبك النهارده بس نخلص اكل بس....


قمر : ماتبقاش قفوش بقى وتزمق يا جوزي اياك.....

اسر : اوعي على الجامد لما يقلب صعيدي

 بضعف انا قدام الصعيدي ده.......


قمر : يا ابني دي قدرات احنا نقدر نتكلم لغات كثير على فكره بس عايشين في البلد دي عادي.....


اسر : اوعى يا عم المتواضع انت ....مبروك يا روحي....


قمر : الله يبارك فيك يا حبيبي كل ده بسببك اساسا.....


اسر : مش بسببي لا بسببك انتي 

 انتي اللي انسانه مجتهده وانا فخور انك مراتي يا روحي....


وبعدين خلصوا اكل وقمر لسه بتلم الاطباق.....


اسر : قمري.... 


قمر : نعم يا اسر ثواني بس هلم الاطباق بسرعة واجيلك.... 


اسر شدها من ايديها جات في حضنه..... 


اسر : عايزة اقولك حاجة يا روحي..... 


قمر بتوتر : نعم يا اسر.... 


اسر خرج سلسلة ولبسها لقمر وبعدين همس في ودنها :

بحبك.... 


قمر دقات قلبها عليت جامد وسكتت.... 


اسر : مستني ردك انتي دلوقتي مستقله وليكي الحق 

لو عايزه تفضلي معايا  او ..........

وبعدين اكمل بتنهيده:  او تبعدي انا بحبك يا قمر و مش هستحمل بعدك ...

ردي قولي اي حاجه.....


قمر حطت وشها في الارض.... 


اسر : قمري قولي اي كلمة حتي.... 


قمر بصيت في عيناه و قالت كلمة واحدة بس كلمة من 4 حروف  قالت : بحبك........


❤❤❤❤❤❤❤❤❤❤❤❤❤❤


مر تقريبا شهرين وقمر بدات تشتغل في الشركه والحمد لله هي ناجحه و شاطره 

في فتره قصيره جدا بقت من  اكفء الموظفين هناك واسر جنبها وبيدعمها طبعا.... 


بس طبعا تاتي الرياح بما لا تشتهي السفن 💔

الحياة مش كلها فاني(funny) و دانس(dance )...

لازم في ايام تبقي ساد(Sad) ويحصل مواقف تبين حاجات ....

(طب والله انا كاتبة جامدة جدا بكتب اشعار كمان 😹😹)

في يوم قمر  راجعه من الشغل كالعاده

 ودخلت غيرت علشان تحضر الغذاء 

و بدات في تحضير الغداء

 وفجاه لقيت جرس الباب بيرن 


قمر : معقوله يكون اسر بس لسه بدري 

شوية على ما يرجع اما اروح اشوف مين

 وراحت بسرعه  لبست الاسدال 

و فتحت الباب اتفاجئت لما شافت تارا...... 


قمر : تارا..... تعالي اتفضلي.... 


تارا بخبث : ايه يا قمر عامله ايه؟!


قمر : تمام الحمد لله انت عامله ايه ؟!


تارا : نايس (nice)..... 


قمر : امال ماشفتكيش غير مره واحده

 اول ما جيت هنا وبعديها ما شفتكيش خالص......


تارا: ما في جامعة بقى وبعدين انا بقابل اسر عادي 

وقعدوا يتكلموا مع بعض.....


💗💗💗💗💗💗💗💗💗💗💗💗💗💗


على الجانب الاخر 

لؤي واسر في المستشفي.... 


لؤي : صبح تاتا اتنين في تلاتة.... 


اسر : اهلا بالمنحرف تبعي 😂.....


لؤي : بقي انا منحرف يا برو.....


اسر : هو في احد غيرك منحرف في حياتي....


لؤي : اسكت مش قررت اتوب.....


اسر : لؤي ويتوب في جمله واحده لا يا جماعه انا بتخيل صح؟!

 اكيد بتخيل.... مش لؤي لا....


لؤي : ايوه اكيد مش انا....

 انا قولت اجرب اقول الجمله بس 

واشوف رد فعلك بس شكلي مافيش مني امل  خالص مالص بالص 😂😂


اسر : يا عم امل ذات نفسها ماتت اساسا 😹

انت لو الدنيا كلها تغيرت ما عتقدش ان لؤي ممكن يتغير..... 


لؤي : واتغير ليه يا مان الواحد عايز يعيش ويفرفش يا برو....


اسر بضحك : فرفش يا اخويا.....


لؤي بجدية : صح يا اسر ايه اخبارك مع قمر قولتلها على تارا.....


اسر بتنهيدة حزن : دي الحاجة الوحيده اللي قلقاني لحد دلوقتي كل حاجه خرجت من حياتى حتى تارا

 بس اني مقولتش لقمر عليها مش قادر 

مش عارف رد فعلها

 خايف تضيع منى يا لؤي

 مش هقدر ومش عارف حتى اقولها ازاي......

اني حتي بعد ما اتجوزنا كنت لسه بكلم تارا..... 


اسر رجع دماغه لورا وافتكر لما ساب تارا... 


Flash back 🎥🎥

تارا بتتصل بأسر 

تارا : اسوري حبيبي فينك بقالي  يومين 

ماشفتكش يا روحي ولا اتكلمنا حتي

اسر بخبث : وماله يا روحي نتقابل.....


تارا بفرحة : بجد يا اسوري مش مصدقه نفسي بحبك يا روحي بجد هنتقابل امتى.....


اسر : دلوقتي لو حابه......


تارا : طب و شغلك يا حبيبي؟!


اسر بخبث : انتي اهم من اي حاجه في حياتي يا روحي......


تارا : تسلملي يا حبيبي هجهز بسرعه اهو 

ونازله يلا تاك كير يا بيبي بحبك..... 


اسر قفل معها وبعدين راح لها واتقابلوا وركبوا عربيه اسر..... 


تارا : احنا هنروح فين بقى يا اسوري......


لا رد من اسر.... 


تارا : رد عليا يا اسوري اكيد مفاجاه يا روحي صح....؟!


اسر بخبث : واجمل مفاجاه....

المهم فضلوا  ماشيين بعربيه اسر لحد ما وصلوا لمكان كده اشبه بحديقه بس ما فيهوش احد.......


اسر : يلا انزلي يا تارا.... 


تارا : ايه ده يا حبيبي وانا اللي كنت مفكره هتوديني مطعم فاتح جديد ولا كافيه....


اسر : انا بحب الطبيعه يا روحي انزلي بس وكمان الحديقه دي مافيهاش حد خالص يعني حاجزها لينا.....


تارا : تسلملي يا روح قلبي انت.....

ونزلوا وبعدين 

اسر نده عليها : تارا....

تارا بصتله و قالت: عيون تارا....

 لقيت هوب قلم نازل على وجهها جامد من اسر.....😳😳😳


تارا : انت اتجننت يا اسر ايه اللي عملته ده ؟!!


طااااااااااااخ .......

قلم ثاني نزل على وشها برده من اسر ......


تارا : لا بقى انت شكلها راحت منك خالص ازاي تتجرا تمد ايدك عليا  يا اسر 

انت متخلف

طاااااااخ.... 

قلم ثالث نزل على وشها من اسر 

اسر بزعيق : يا خاينه يا واطيه انا متخلف...

 انسانه مش محترمه.....


تارا : مسمحلكش يا اسر احترم نفسك انا محترمه اكثر منك.....


طاااااااااااااااااخ قلم رابع نزل على وجهها من اسر لدرجة ان بوقها نزف 😶

(ايوة يا اسر اديها مترحمهاش 😹😹)


تارا ادركت ان اسر متعصب جامد فحاولت تاخده من حتة الحنية..... 

تارا بدموع قالت : في ايه يا روحي انت اول مره تمد ايدك عليا  يا اسر

 ده اخر الحب اللي حبتهولك يا اسر

 ده اخر حبي ليك.....


اسر : حب؟!!

 وبعدين ضحك بسخريه : قال حب قال قولي جشع وطمع و استغلال اما الحب ماتجيبش السيره دي علي لسانك ثاني يا حيوانه 

اسمعي يا استاذه (وسمعها الحديث بينها وبين لؤي) وشوفي يا استاذه الصور كمان..... 


تارا : اسر اسمعني انا بس.....

ومالحقتش تكمل كلامها وهوبا  

طاااااااخ قلم خامس  نزل على وشها.......

(يلا كل الناس اللي كانت مش طايقة تارا اهي اسر علمها الادب 😂😂)


اسر : ما تحاوليش تقولي ولا كلمه غوري من قدامي يلا ومش عايز اشوف وشك ثاني......


تارا : ما انت كنت بتثق فيا زي المغفل 

يعني العيب مش عليا 

 وكمان انت ايه اللي غيرك تكونش البنت الصعيدية دي.....

اسر ماسكها من شعرها:  اسمها مراتي قمر اسمها مدام قمر اسر.... انتي فاهمة يا تارا..... 


تارا : ماشي يا اسر والله لادفعك الثمن في حبيبة القلب هبعدها عنك قصاد اللي انت عملته فيا دلوقتي ده 

بقى انا تضربني يا مغفل انت......


اسر بعصبيه اكبر ومسك شعرها جامد ولفه على يده :

لو فكرتي بس فكرتي مجرد تفكير تقربي منها 

صدقيني هتشوفي وش ثاني من اسر عمرك في حياتك ما شوفتيه انتي فاهمه؟!!


تارا بوجع : سيب شعري..... 


اسر بزعيق وشد علي شعرها اكتر :

كلمة واحدة انتي فاهمة..... 


تارا بوجع : فاهمة.... فاهمة....


وبعدين رماها على الارض وسابها وركب عربيته و مشي..... 


تارا : والله مايبقاش اسمي تارا لو مفرقتكوش عن بعض يا اسر وبعدين ضحكت ضحكة شر....... 


Back🎥🎥


لؤي : بس لازم تقولها يا اسر ما ينفعش كده لازم تبني علاقتكم على الصدق....


اسر : هحاول يا لؤي هحاول.....


المهم اسر خلص شغل وروح البيت 

اول ما دخل لقي قمر قاعده وساكته......

اسر راح لها باس راسها وقال :

عامله ايه يا قمري.....

 لا رد من قمر.....

اسر : في ايه يا قمر....

لا رد من قمر....

اسر : قمر ردي عليا.....

اسر قرب منها وقال :حبيبتي مالك في ايه ما بتتكلميش ليه؟!

فجاه دمعه من عيون قمر نزلت......


اسر بقلق : قمري في ايه بس؟!

وبعدين اخذها في حضنه وقال :

طب في ايه قولي؟؟؟

قمر خرجت من حضنه وبملامح جامده قالت:

 طلقني يا اسر.....


اسر بصدمه: ايه ؟!!


قمر:  بقو لك طلقني يا اسر..... 


اسر : اكيد ده مقلب من مقالبك بس ارجوكي يا قمر بلاش مقالب و هزار في الحاجات دي يا قمري 

يلا هروح اغير هدومي علشان نتغدوا 

وتحكيلي عملتي ايه في يومك كالعادة.... 


قمر : اسر ماردتش عليا بقولك طلقني......


اسر : قمر انتي بتتكلمي بجد.....


قمر بجمود : هو انت شايفني بهزر يا دكتور اسر.....


اسر : ليه بس يا قمري انتي عايزه تعملي فيا مقلب و تخوفيني انا عارف طريقتك لا مش هتيجي عليا المره دي....كشفتك...


قمر بزعيق :طلقني يا اسر.....


اسر : انتي بتزعقي  يا قمر.....


قمر : قولتها  بهدوء مافهمتهاش فقولت لما اعلي صوتي جايز تفهمها......


اسر مسكها من دراعها بعصبيه وقال:

 انتي شكلك اتجننتي يا قمر على الاخر......


قمر : لو كنت اتجننت فده بسببك

 ايه ده يا بيه ؟؟

ايه ده يا دكتور يا محترم؟؟!!!.....


اسر اتصدم واتفاجئ جامد من اللي شافه .........يتبع 


(طبعا كالعادة احب انا حتت التشويق اوي 😹😹)

وكالعادة بكرة مفيش بارت ❤❤


يلا تاك كير يا حلوين 😍😍


يلا تفاعل بقي وكومنتات قد مجرة درب التبانة 😹😹

(ربنا يحميني بجد متقفة طول عمري 😹😹)

علشان الجاية تنزل..


#رواية: أحببت قمر الصعيد 

#للكاتبة : حنين محمد عبدالرحيم (حنون)


مقولة النهاردة

(أجمل رسم هندسي يقوم به الإنسان أن يبنى جسراً من الامل فوق بحر من اليأس والإحباط )

احببت قمر الصعيد (جماعة اعذروني لو اتاخرت يبقي غصبا عني والله ❤)


البارت 10


اسر اتصدم لانه لقي صور له هو وتارا.......


اسر : ده....... ايه الهبل ده؟!!!!!

(الصور دي تارا اخدتها لما اسر راحلها البيت وكانت قايلاله ان في حرامي )


اسر : قمر صدقيني انا بحبك انتي.... 


قمر بصرامة : اسر الصور دي حقيقيه؟!!؟


اسر : صدقيني قمر انا بحبك و كنت هاقول لك اني كنت بحب تارا بس خوفت تضيعي وتروحي من بين ايديا يا قمر صدقيني انا بحبك.....


قمر : يعني مجاوبتنيش الصور دي حقيقيه انت كنت عندها في البيت......؟؟!!!


اسر : ايوه يا قمر بس ده علشان......


قمر : خلاص يا اسر ماتكملش شايف التاريخ على الصور كام ده بعد جوازنا يا استاذ يا محترم يعني انت كنت بتخوني يا اسر......


اسر : قمر اسمعيني بس.....


قمر بدموع : انا مش عايزة اسمع منك حاجة.... 

وطالما بقي انت اتكشفت فانا هقولك على حاجة يا اسر اسر انا في الاول مكنتش بحبك اصلا وبصراحة كنت وخداك وسيلة علشان اوصل لاحلامي مش اكتر 

بس مش عارفة ازاي مع الوقت قلبي حبك ودق وهو معاك يا اسر حسيت اني حد تاني خالص حبيتك و بقيت مراتك وعلي اسمك وبدات ارسم لمستقبلنا سوا انا وانت 

ازاي كنت بتقعد معايا نرسم مستقبلنا وانت بتخوني يا اسر.... بس خلاص عموما كل حاجة انتهت انا بكرهك يا اسر.... انا بكرهك... 


اسر الكلمه دي دخلت في قلبه زي الخنجر :

قمر اسمعيني  بس ....

قمر سابته وطلعت تجري على الاوضه

 وقفلت على نفسها 

واسر عمال يخبط جامد على الباب وينادي عليها.....


قمر في الاوضه بتعيط وقعدت على الارض وافتكرت كلامها وهي والبت المفعوصة تارا دي 


Flash back 🎥🎥

تارا : قمر انتي طيبة جدا بجد وحلوة اوي.... 

يعني حابة اسالك سؤال يعني لو مفيش مانع.... 


قمر بطيبة : اسالي يا تارا.....من غير مقدمات عادي.... 

تارا : هو انتي بتحبي اسر يا قمر......


قمر بحب: بحبه .....الحب كلمة قليلة اسر ده انا بعشقه بكل تفاصيله يا تارا.... 


تارا بتمثيل الحزن : والله انا زعلانة عليكي قوي يا قمر وعلى اللي بيحصل فيكي...


قمر : ايه اللي بيحصل فيا ؟؟؟

انا الحمد لله شغاله في شركه كبيره واسر جنبي وحياتي كويسه.....


تارا بتمثيل الحزن : مش عارفه اقو لك ايه يعني هو اسر...

 ولا خلاص اسكت احسن.....


قمر : اسر !!!!

ماله اسر حاصل معاه حاجه 

احكي يا تارا ماتقلقنيش؟!!


تارا : حصل معاه حاجه ايه بس ؟؟؟

ده بيعمل حاجات......


قمر : قصدك ايه ؟!!


تارا : ها لا مش قصدي حاجه انا همشي بقى.....


قمر : استني قصدك ايه ارجوكي قولي.....


تارا : انا بس هاقو لك لاني بجد اعتبرتك صاحبتي واختي وانتي طيبه جدا

 وما تستهليش اي حاجه وحشه خالص ...

انا واسوري  بنحب بعض من قبل حتى ما يتجوزك وهو اساسا متجوزك علشان جده....


قمر بصدمة : يعني ايه انتوا  كنتم بتحبوا بعض يعني....


تارا : تؤ تؤ ولسه بنحب بعض.....


قمر واقفة مصدومة.... 


تارا بخبث : انا عارفه ممكن ما تصدقيش بس دي الحقيقه يا قمر حتى بوصي

( وريت لها الصور اخذتها لما قالت لاسر يجيء لها علشان في حرامي وكمان صور سيلفي ليهم مع بعض) وحتى بوصي تاريخ الصور بعد جوازكم ...


قمر بصدمة : لا مستحيل لا.... 


تارا : والله الصور عندك اهي وانا قولت لك الحقيقه بس لانك طيبه وحقيقي حرام يحصل فيكي كده 

بس ارجوكي علشان خاطري بلاش تقولي لاسر اني قولت لك انا بس قولت لك علشان شكلك طيبه خالص يلا اسيبك تاك كير سلام......


تارا وهي ماشية ابتسمت ابتسامة خبيثة 👿


قمر فضلت واقفه في صدمتها ومش عارفه تعمل ايه ولا تقول ايه ؟؟؟؟


Back🎥🎥

قمر بدموع : ليه يا اسر ليه عملت كدة ده انا حبيتك ليه يا  اسر عملت كده ؟؟!!.....

بس خلاص يا قمر هتفضلي ضعيفه لحد امتى عند ابوكي في الصعيد كنتي ضعيفه وبتتهاني دائما ومجبوره تقعدي بس هنا لا....

 من هنا ورايح انا قويه(واللي قادرة على التحدي والمواجهة 😹)

 ومسحت دموعها 

وقالت:  انا خلاص هعيش حياتي لوحدي

 واعتمد على نفسي وبس 

وقامت لمت هدومها كل ده وسط زعيق اسر وتوسله ليها  انها تفتح الباب....


اسر : ارجوكي يا قمري افتحي الباب.... انا اسف يا روحي..... معلش سامحيني يا حبيبة قلبي..... 

انتي والله ما حبيت غيرك.... والله العظيم صدقيني يا..... 


ولقى الباب اتفتح فرح بس بعد كده لقاها ماشيه وماسكه شنطة هدومها في ايديها.....


اسر : قمر انتي رايحه فين.....


قمر بجمود : مالكش دعوه يا اسر بعد اذنك......


اسر : قمر بعد اذنك اسمعيني طب انتي رايحه فين....


قمر : قولت لك مالكش دعوه وياريت تطلقني يا اسر من فضلك.....


اسر : بطلي الهبل ده وقوليلي رايحة فين... 

اساسا مفيش خروج من البيت ده..... 


قمر : اسر انا قولت همشي.... 


اسر: هتمشي تروحي فين يا قمر بس......


قمر: وانت بقى مفكرني اني ماليش مكان غير هنا مثلا... 

لا يا اسر انا عادي هروح اجيب شقة صغيرة جنب الشغل بتاعي والحمد لله انا اقدر اعمل كده واقدر اعيش لوحدي يا دكتور اسر وهبقى مرتاحه جدا.....


اسر مسكها من دراعها : قمر مش هتمشي من هنا ده بيت جوزك و مش هتروحي لمكان ثاني.....


قمر نفضت دراعها من ايده وقالت بعصبية :

جوزي....... اه.......

 ضحكتني الجمله دي ...

جوزي اللي بيخوني 

 انا اللي غلطانه اني وثقت فيك

 كفايه بقى اللي عملته 

كفايه اللي عملته

 سيبني ارتاح بقى من فضلك علشان خاطري سيبني.....


اسر : قمر انا بحبك ارجوكي سامحيني .....

 

انا فعلا روحت عندها البيت بس ده كان علشان.......


قاطعته وقالت : مش عايزه اسمع تبريرات تافهه من فضلك ممكن تسيبني ارتاح انت ايه معندكش دم 

بقولك عايزه اعيش حياه هادئه لوحدي من فضلك

 مش هقدر اعيش معاك واشوف وشك ده كل يوم ثاني لو بتحبني فعلا زي ما انت بتقول سيبني امشي 

وبعدين اكملت : وطلقني....


اسر سكت وقمر مشيت بالسلو ايموشن ودموعها على خدها  ونعمل بقي حركة من حركات افلام السبكي دي 😹

وقمر وهي خارجة بالسلو ايموشن ودموعها على خدها 

واسر بيبصلها بضعف.... 

على اغنية قد الفراق 💔💔

قد الفُراق، قد الفُراق اللي إنت جاي بتطلبه🎼 ‬

‫قد التعب اللي إحنا مُمكن نتعبه‬🎶

قد الفُراق، قد الفُراق اللي إنت جاي بتطلبه ‬🎶

‫قد التعب اللي إحنا مُمكن نتعبه‬🎶

‫الإشتياق إسأل عليه كل اللي بعدوا وجربوا

‫هُما اللي سابوا بعض قبلنا عَملوا إيه‬

‫ياما تاهوا وياما عاشوا نَدمانين‬

‫فاكِرها سَهلة هتنسى وأنسى في قد إيه‬

‫في ناس بتفضل تنسى بعض بالسنين، بالسنين‬

‫ هُما اللي سابوا بعض قبلنا عَملوا إيه‬

‫ياما تاهوا وياما عاشوا نَدمانين‬

‫فاكِرها سَهلة هتنسى وأنسى في قد إيه‬

‫في ناس بتفضل تنسى بعض بالسنين، بالسنين‫

‫ ‫قد الليالي، قد الليالي اللي إنت ياما سهرتها‬

‫قد الحنين اللي افتكرته إنتهى‬

‫قد الليالي، قد الليالي اللي إنت ياما سهرتها‬

‫قد الحنين اللي افتكرته إنتهى‬ ‬

‫في الذكريات دي هنعمل إيه أنا وإنت أضعف منها‬

‫ ‬ هُما اللي سابوا بعض قبلنا عَملوا إيه ‬

‫ياما تاهوا وياما عاشوا نَدمانين‬

‫فاكِرها سَهلة هتنسى وأنسى في قد إيه ‬

‫في ناس بتفضل تنسى بعض بالسنين، بالسنين🎶

‫ هُما اللي سابوا بعض قبلنا عَملوا إيه‬🎶

‫ياما تاهوا وياما عاشوا نَدمانين‬🎶

‫فاكِرها سَهلة هتنسى وأنسى في قد إيه‬ 🎶

‫في ناس بتفضل تنسى بعض بالسنين، بالسنين🎶🎶

قمر فضلت ماشيه لحد ما وصلت لحديقه كده ما فيهاش ناس كثير قعدت وحطت شنطه هدومها جنبها

 و حاطه راسها بين ايديها

 وبدات دموعها تنهمر.....


قمر : ليه كده..... ليه كده يا اسر....

 انا عملتلك ايه بس انا حبيتك

 ليه كده يا اسر

 انا ماليش حظ في الدنيا خالص ولا مع عايلتي و حتى الشخص اللي بدات احبه واثق فيه عمل فيا كده

 ليه يا ربي ليه؟!!؟


جاء صوت من وراها بيقول :

ماسمهاش ليه يا ربي اسمها الحمد لله على كل شيء اسمها ان ربنا دائما بيخترلنا الافضل والاحسن 

بتبص لمصدر الصوت لقيت ريان...

( ريان ده اللي هو كان معاها في الكورس وطلب منها يصور الورق قبل كدة )


قمر : انت..... 


ريان راح قعد جنبها وطلع منديل وقال :

خذي امسحي دموعك......


خدت منه المنديل وقالت :

شكرا 

وراحت قايمة ولسه ماشيه....


ريان : من فضلك يا قمر ممكن  تستني عايزة اتكلم معاكي شوية... 


قمر: من فضلك يا ريان انا مش عايزة اتكلم مع حد علشان خاطري سيبني..... 


ريان : انا معنديش اخوات على فكرة ممكن تبقي اختي وصدقيني هيبقي شرف ليا .....


قمر : اكيد انت اخويا..... 


ريان : طب بما اني اخوكي فانا عمري ما اسمح اني اشوف اختي في الحالة دي فمن فضلك ممكن تقعدي نتكلم شوية بس 


قمر قعدت ريان بدا يتكلم : بوصي بقى يا ستي انا ريان عندي 25 سنه

 وكنت باخد كورسات معاكي لانى خريج هندسه

 وكنت باخد كورسات علشان ابدا اشتغل مع بابا في شركته 

بس برده لسه مبداتش

 بصراحه انا شوفتك من اول يوم شوفت انك قد ايه محترمه

 ومش زي الباقي

وبصراحه دورت وراكي يعني  عرفت انك متجوزه من دكتور اسر وباين عليكم علاقتكم كويسه انتي ليه بقى دلوقت و بتعيطي....

 و شنطه هدومك!!!؟

 ليه كل ده........


قمر سكتت..... 


ريان : بصي تقدري تعتبريني اخوكي وصديقك

وتحكيلي صدقيني انتي انسانه طيبه وانا معنديش اي نوايا وحشة تجاهك بس لو مش حابة تحكي خلاص اللي يريحك واسف على ازعاجك بكلامي.....

وقام ماشي.... 


قمر حست  فعلا انه صادق وقالت: بيخوني.... 


وقف واول ما سمعها ورجعلها ثاني.....


ريان : بيخونك ازاي ده باين عليه انه بيحبك قوي اساسا!!!؟


قمر : لا بيخوني وانا اساسا كنت غبيه احنا اساسا جوازنا كان غلط من البداية... 


ريان : لو حابة تحكي جوازكم حصل ازاي وعايزة تقولي اي حاجة جواكي انا سامعك.....


قمر حكيت لريان كل حاجه من اول ما تجوزوا هي واسر

وازاي.... لحد ما تارا جاتلها بالصور .... 


قمر : و بس هو ده الموضوع....


ريان : طب ليه مسمعتهوش يا قمر....


قمر : مش قادره يا ريان انا تعبت حقيقي من كل حاجه علشان كده قررت خلاص هبدا صفحه جديده واعيش لوحدي من غير احد انا وشغلي وبس.....


ريان : طب لو رجع يا قمر يعتذر هتفكري ترجعي...


قمر : لا يا ريان مستحيل خلاص انا هقفل قلبي وخلاص..


ريان : ايوه يا قمر بس....


قمر : من غير بس ده قراري....


ريان : تمام وانا معاكي هساعدك....


قمر : من فضلك يا ريان مش عايزه مساعده من اي احد انا عايزه ابقى لوحدي.....


ريان : تبقي لوحدك ازاي بس واخوكي موجود مستحيل يا قمر.....


قمر بابتسامة : شكرا بجد يا ريان......


ريان : لا انا كده ازعل واجيب قوم من الناس تزعل...


قمر بابتسامة : خلاص خلاص.... بوص عايزه بس تشوف لي شقه كده صغيره جنب الشركة اللي بيشتغل فيها..


ريان : بس كده من عيوني قوليلي فين موقع الشركه وانا هادورلك على شقه هناك..... 


قمر : تمام هي شركة **** في *****


ريان قاطعها : بتهزري يا قمر شركة ****  ده هي دي شركتنا وشركة والدي..... يعني هنشتغل مع بعض يا ست قمر..... 


قمر : ايه ده بجد.... 


ريان : طب ايه رايك تيجي تباتي في فلتي النهارده 

وماتخافيش في الفيلا بتاعتنا عايشين انا وبابا اللي هو اكيد تعرفيه ووالدتي

 لحد الصبح وهلاقيلك شقه.....


قمر : لا لا معلش مش هينفع.....


ريان : طب خلاص اللي يريحك هاحجز لك في اوتال قريب من هنا تباتي فيه لحد الصبح

 انتي تروحي الشركه وانا هادورلك على شقه اوكي.....


قمر : تمام.... 


ريان : طب يلا.... 


قمر : يلا 

وقمر ماسكة شنطة الهدوم وماشية..... 


ريان : هاتي يا اختي عنك انتي فيكي حيل.... 


قمر : لا لا عادي هاقدر اشيلها هاتها......


ريان : يا ستي انجزي يلا......

 ووصلوا  الاوتيل وبعدين ريان حجزلها فيه 

وهي شكرته وطلعت على الاوضه 

و اخذت شاور و غيرت هدومها

 و حطت دماغها على المخده 

ومجرد ماحطت دماغها علي المخدة كل الذكريات مع واسر جات في دماغها ودموعها نزلت غصبا عنها.....يتبع

يا تري ايه مصير علاقة اسر وقمر؟!

وهل ممكن قمر تبدا حياة جديدة مع حد جديد ؟!

وهل اسر هيطلقها ؟؟

واسر هيحصل فيه ايه بعد ما قمر سابته؟!

كل ده هتعرفوه الجاية يا حلوين 

وتوقعاتكم بقي في الكومنتس ويريت اللي يتوقع يعملي منشن علشان انا مبقراش كل الكومنتس اساسا 🙂😹


يلا تاك كير يا حلوين 😍😍


يلا تفاعل بقي وكومنتات قد مجرة درب التبانة 😹😹


#رواية أحببت قمر الصعيد 

#بقلم حنين محمد عبدالرحيم (حنون) 


حابة اقول مليووووووووووووووون مبروك لاي حد في ثانوية عامة انتوا حقيقي دفعة الابطال افرحوا بتعبكوا ومجهودكم مهما كان ❤❤❤

من البارت الحادي عشر حتي الثالث عشر والاخير هنا 👇

من هنا

بداية الروايه من هنا 👇👇👇

من هنا

تعليقات

close