 |
🌸بسم الله الرحمن الرحيم 🌸
🌸لا إله إلا أنت سبحانك إني كنت من الظالمين 🌸
رواية قلبي ومفتاحه
بقلمي روز آمين
البارت التاسع والعشرون والثلاثون
صف سيارته جانبآ،،نزل منها مسرعآ
فتح لها باب السيارة،،أمسك يدها بإحترام،،ودلفا لداخل الكافيه !!
كان مكانآ راقيآ للغايه،، ذات أنوار خافته وموسيقي كلاسيك هادئه،، كانت الأجواء رومانسيه للغايه ومريحه للنفس ،، جلسا وجاء النادل إليهم،،
تحدث بإحترام ٠٠٠ مساء الخير يا أفندم،، تحت أمركم،، تحبو تطلبو أيه؟
نظر لها أدهم بإحترام٠٠٠تحبي تاخدي أيه ياحبيبي !!
مها بإبتسامه٠٠٠أخد أورانج فريش !!
أدهم ٠٠٠تحبي حاجه حلوه معاه !!
مها ٠٠٠ ميرسي يا أدهم،، مش باكل حلويات بعد الأكل !!
أدهم للنادل ٠٠بعد إذنك،، هاتلنا إتنين أورانج فريش !!
النادل بإحترام ٠٠٠تحت أمر حضرتك يا أفندم !وأنصرف !
نظر لها أدهم وتحدث بحب٠٠٠ عارفه يا مها،، لحد دالوقت مش مصدق نفسي إنك معايا،، ياااااا ،،كان كابوس والحمدلله خلصنا منه !!
تحدثت مها بتنهيدة٠٠٠كانت فترة صعبة أوي،، ياريت لو فينا نحذفها من حياتنا كلها !!
أدهم ٠٠٠هانسيهالك يا مها،، صدقيني هاننساها وهاتبقي مجرد ماضي عدي !!
مها٠٠٠ياريت يا أدهم !!
مها ببسمه٠٠٠علي فكرة،، عجباني علاقتك بمامتك جدآ،، حاساكم إتنين أصحاب مش أم وإبنها !!
أدهم بسعادة٠٠٠لوله دي كل حياتي،، لما بقعد معاها بحس إني قاعد مع نفسي !!
مها بفرح٠٠٠ربنا يخليكم لبعض !!
نظر لها بعيون هائمة٠٠٠ويخليكي ليا يا أحلا حاجه حصلتلي في حياتي كلها،، وحشتيني يا مها،، وحشتني عيونك ونظرتهم لياوالحب اللي بشوفه فيهم،، وحشني كلامنا طول الليل في عز البرد !
ونظر لها برجاء٠٠٠ أوعي تسيبيني تاني يا مها ،،أنا من غيرك ببقا تايهه مليش وطن ،،عيونك هما وطني وأماني !!
مها بنظرة رجاء٠٠٠أنا عمري ما سيبتك ولا هاسيبك،،المهم إنت إللي تفضل معايا ،،وماتسبش إيدي تاني !!
أدهم بحب ٠٠٠إيدك هافضل حاضنها وعمري ما هاسيبها،، ووعد عليا عمري ما هاخرجك من حضني تاني،، إنتي بقيتي بالنسبالي النفس اللي بتنفسه علشان أقدر أعيش وأكمل !!
مها بعيون هائمه٠٠٠ربنا يخليك ليا يا حبيبي♡♡
ونظرت له بفضول ٠٠٠إحكيلي بقا قولت أية ل لوله عني لما سيبنا بعض ؟؟
أدهم بإبتسمامه ٠٠٠٠لا،،لوله مابقولهاش حاجه،،لوله زيك بالظبط،، بتفهمني من نظرت عيوني،، هي حست بيا لوحدها،، قالتلي رجعها لقلبك وريحها وريح نفسك،، بس أنا كنت غبي وماسمعتش كلامها !!
كانت تستمع له ببسمه وعيون عطشه لنظراته وكلماته،،
مضي وقتآ طويلآ لم يشعرا به،، تحدثا في كل شيئ تقريبآ،، كلآ منهما كان عطش لمعرفة أخبار الآخر ،،كيف وفيما قضي وقته دون الآخر،،كانا يجلسا يتحدثان بإستمتاع وعيون مشتاقة،، كلآ منهم عيونه تنظر متلهفة لعيون الأخر،، كان الحب والهيام والإشتياق،، سيد الموقف،، هما حقآ عاشقان هائمان في عالم عشقهم المميز !!
بعد مدة طويلة رن هاتفها،،وجدتها أيه،،
نظرت في ساعة الوقت وشهقت ٠٠٠يا خبر يا أدهم،،إحنا إتأخرنا أوي الساعة 10 !!
أدهم بطمأنه٠٠عادي يا روحي إهدي،، يلا بينا هاوصلك !
وسأل مستفهمآ٠٠٠ هو مين بيرن عليكي ؟
مها٠٠٠دي أيه ،،هاخرج أكلمها من برة علشان متقلقش وتتصل ب أريج !!
أدهم٠٠٠أوك يا قلبي،، أنا هاطلب الشيك وأحاسب وأخرجلك !!
خرجت ،هاتفت أيه وأخبرتها أنها مع أريج وأنها قادمة،، خرج لها أدهم أمسك يدها بتملك،،وأصطحبها لسيارته وأجلسها وجلس بجانبها،، أدار مقود سيارته !!
كان يتمسك بيدها ويشدد عليها بتملك !!
أدهم وعيونه عليها ينظر لها بسحر٠٠٠ملحقتش أشبع منك يا حبيبي !!
مها بإبتسامة ٠٠٠الأيام جايه كتير،، أيامنا الحلوة لسه هاتبدأ علشان نعيشها سوا يا أدهم !!
أدهم ٠٠٠أوعدك إن كل أيامك الجاية معايا هاتكون سعيدة يا مها،، هانعيش أجمل أيام حياتنا مع بعض،،
وضع قبله حنونه بيدها بث بها كل إشتياقه وعشقه لها !
وأكمل٠٠علي فكرة يا حبيبي،، أنا مسافر بكرة بالليل سوهاج إن شاء الله !
نظر لها وغمز بعينه بوقاحه٠٠٠خلاص مابقتش قادر،، كفايه بعد لحد كدة،،نفسي أخدك في حضني وأرتاح بقا يا مها !
كانت تنظر له بإستحياء،، وسعادة الدنيا تحوم حولها،، حقآ هي تعشقه بكل جوارحها،، حقآ باتت تحلم باليوم الذي سايجمعها بحبيبها الغالي العنيد،، باتت تحلم ببيت أحلامها الذي سايجمعهما سويآ ليعيشا معآ ويتذوقا شهد عشقهما المميز ♡♡
مر الوقت سريعآ،، أنزلها بعيدآ عن الفيلا حتي لايراها أحد،،وقف منتظرآ حتي دلفت للداخل وإطمئن قلبه عليها ورحل !!
دلفت لغرفتها،، وجدت أيه بإنتظارها تحدثت ٠٠٠أيه التأخير ده كله يا مها ؟
أجابتها مها بوجه بشوش٠٠٠قعدت أتكلم مع طنط مني والوقت سرقنا !!
أخذت ثيابآ ودلفت إلي الحمام لتأخذ حمامآ دافئآ،، ليريح جسدها حتي تستطيع النوم !!
◇◇◇◇◇◇◇◇◇◇◇
مساء اليوم التالي سافر أدهم إلي سوهاج ليتحدث مع والده !!!!
وفي فيلا حسين،، كان عماد جالسآ في حديقة منزله،،ناظرآ للسماء بشرود يفكر بحزن ب حبيبة عمرة ،،أتت إليه مروة أخته الكبري جلست بجانبة
وتحدثت ٠٠٠هو أنا يا أبني كل ماجي هنا ألاقيك قاعد لوحدك كدة !!
نظر لها وتحدث٠٠٠أهلا يا مروة أقعدي يا حبيبتي،، وصلتي إمتي ؟
مروة ٠٠٠لسه جايه من شويه يا حبيبي، هاا قولي بقا أخبارك أيه،،وأيه يا سيدي إللي كان مزعلك الفترة إللي فاتت كدة
أجابها عماد بتنهيدة٠٠٠مفيش يا حبيبتي سلامتك !!
تحدثت مروة بحزن٠٠٠هو أنت سيبت مها بجد؟ ماما قالتلي إنك سبتها !
تحدث عماد بنبرة ساخره٠٠٠الحقيقة هي اللي سابتني مش أنا ،،قولي لماما ترتاح وتنبسط !
ردت عليه مروة بحذر٠٠٠ قدر الله وما شاء الله فعل يا حبيبي،، أكيد لو فيها خير ليك ماكانش ربنا بعدها عنك !
أجابها عماد بضيق ٠٠٠٠لا والله يا مروه،،ربنا مابعدهاش عني،،كله من القذر إبن عمتك !
مروة بعدم فهم ٠٠٠إبن عمتي مين ده ؟؟
أجابها عماد بغل ٠٠٠٠الحيوان اللي إسمة أدهم سليم !
مروة بإستفهام٠٠٠٠ أدهم،، وأدهم أيه اللي دخله في موضوع مها ؟؟
أجابها عماد٠٠٠البيه بيحبها،،وكان عاوز يخطبها بس لما عرف إنها كانت بتحبني عمل نفسه راجل أوي وأنه مايقبلش يرتبط بواحدة كانت بتحبني قبله !
نظرت له مروة بإستغراب وتحدثت ٠٠٠٠أيه يا عمدة التخاريف إللي بتقولها دي،، أدهم خاطب بنت عمه وهيتجوزها في أجازة الصيف !!
نظر لها عماد بإستفهام٠٠٠خاطب ؟ إنتي متأكدة من الكلام ده يا مروة ؟؟
مروة بتأكيد٠٠٠أيوة طبعآ متأكدة،، عمتو ليلي بنفسها إللي قايلالي الكلام ده من شهرين،، لما كنت بكلمها علشان أطمن عليها !!
عماد بلهفه ٠٠٠طب ممكن يا مروة تتصلي دالوقتي بعمتو تسأليها وتتأكدي إذا كان أدهم فركش الخطوبه دي ولا أيه !!
مروة بتعجب ٠٠٠أتصل أقولها كدة إزي يعني؟
وبعد تفكير٠٠٠ طب بص،، أنا ممكن أتصل با سميه أفضل،، أنا كدة كدة بكلمها علي طول،، وكدة هايكون أريح بالنسبالي !!
عماد بموافقه٠٠٠تمام،، يلا إتصلي بيها دالوقتي !!
مروة بإستغراب ٠٠٠طيب يا أبني أهدي شويه،، هو فيه أيه ؟
أمسكت مروة هاتفها وأتصلت ب سميه أخت أدهم الكبري !!
مروة٠٠٠يا سوما،إزيك يا روحي وحشتيني !!
سميه٠٠٠٠إنتي أكتر يا جلبي،، أخبارك أيه يا بت خالي،،وعيالك عاملين أيه،، يارب تبجو بخير !!
مروة بإبتسامه ٠٠٠الحمد لله يا قلبي بخير كلنا،،أخبار عمتو أيه،، دي وحشاني جدا ونفسي أشوفها والله !!
سميه٠٠٠بخير يا حبيبتي،، تسلمي ويسلم سؤالك يا غاليه،، طب ماتاجي تجعدي معانا جد سبوع إكده،، منه تغيري جو ومنه نشوفك ونتونسو بيكي !!
مروة بلؤم ٠٠٠علي فرح أدهم بقا إن شاء الله،، مش بردو هايتجوز قريب ؟عمتو كانت قيلالي إنه خطب !!
مروة بفرح٠٠٠اي أومال أيه،، خاطب عاليا بت عمي سعيد من ياجي تمن شهور إكدة،، وهيتزوجو في الأجازة الكبيرة إن شاء الله !!
مروة وهي تنظر لعماد الذي كان يستمع لحديثهما ويبتسم !!
مروة ٠٠٠ربنا يتمم له علي خير يا روحي،، سلمي كتير علي عمتو !!
وأغلقت بعد سلامات للجميع !!
عماد بإطمئنان وضحكه ٠٠٠تماااام، ألف مبروك عليك يا دكتور !!
مروة بإستغراب ٠٠٠ومالك فرحان أوي كدة ؟
عماد بفرح٠٠٠فرحان علشان إتأكدت إنه عمرة ما هايفكر تاني في مها بعد خطوبته لبنت عمه !!
ونظر لها بإستغراب ٠٠٠بس إزاي خاطب من 8 شهور زي سميه ما بتقول،، وإزاي كان واعد مها بالجواز الحيوان ده !!
مروة٠٠٠كبر دماغك إحنا مالنا يتجوز مها ولا عاليا دي كمان !!
وتحدثت بشرود وحزن٠٠٠ أنا كل اللي بفكر فيه حاليآ هي ريهام،، دي لو عرفت إن أدهم خطب وهأيتجوز ممكن يجرالها حاجه،، دي لسه من إسبوع بتقولي إنه لسه بيحبها وعايش علي ذكراها،،
وإن اللي مصبرها علي ألم قلبها من بعده إن ما فيش ست دخلت حياته،،وأنا مرضيتش أقولها حاجه عن موضوع خطوبته ده،، طب دي هانعمل معاها إيه لو عرفت ؟؟
عماد مستفهمآ٠٠٠هي ريهام لسه بتفكر في الحيوان ده لحد دالوقتي؟؟
طب إنتي ليه ما بتمنعيهاش تتكلم عنه يا مروة،، لازم تبطل تفكير فيه علشان تقدر تنسي وتكمل حياتها مع جوزها !!
مروة بحزن ٠٠٠علي أساس إنك ماتعرفش حالتها كويس،، وماتعرفش لما حد بيلومها أو يحاول يضغط عليها أيه بيحصلها ؟
أكملت بحزن ٠٠٠أنا خايفه عليها أوي يا عماد !!
عماد بتفكير٠٠٠خلاص،ماحدش يقولها حاجه عن الموضوع ده !
مروة ٠٠٠علي أساس إنها مش هاتعرف لما يتجوز ؟دي مراقبه الأكونت بتاعه ليل نهار،، كل ما ينزل صورة جديده ليه تحتفظ بيها علي فونها !
كان يستمع لها ويذداد غضبه وحقدة علي أدهم،، كان يراه سببآ لكل شيئ سئ حدث لأحبائه،، سواء ل مها أو ل ريهام !
◇◇◇◇◇◇◇◇◇◇◇◇◇◇
ظهر اليوم التالي
كان جالسآ مع والدة بغرفة المعيشه المغلقه عليهم،، وهم يتحدثون بجديه،، كان جالس أمام والدة بوقار وإحترام وهو يطلب منه فض تلك الخطبه الغير معنيه له بأي شئ،، فهو منذ أكثر من ثمانية أشهر،، قد إقترح عليه والدة أن يتزوج، لأنه يريد أن يسعد به ويري أولادة علي حياة عينه،،وأقترح عليه أن يطلب له يد إبنة أخيه عاليا،،الطالبه بالصف الثاني بكلية التربيه !
ولأن أدهم لم تكن بحياته فتاة أخري تشغل باله،، وافق بعدم إهتمام،،
ولكن ليلي والدته كانت رافضه للموضوع،، فهي تري أن ولدها يستحق أفضل من هكذا زيجه،، فهو يستحق أن يعشق فتاه وتعشقه ويسعد معها بحياته،،
مما جعلها تسعد كثيرآ،، عندنا لاحظت علي صغيرها تغييرآ ورأت في عينه لمعة تدل علي العشق،، واجهته وأعترف لها كان ينوي التحدث حينها مع أبيه وينهي تلك الخطبة،، لكن تدخل عماد والأحداث التي جدت،،وقراره البعد نهائيآ عن مها أوقفت إنتوائه لفض تلك الخطبه،،
ورأي حينها أن لا فرق بين عاليا أو غيرها،، مادام قد خسر محبوبته،، فكل النساء بعدها أصبحن سواسيه !!
سليم بوجه عابث٠٠٠ بس إنت أجده بتخرب علاجتي بأخوي يا ولدي ،،يعني أيه بعد ماركنا بته جارنا ياجي سنه،، أرجع أجوله بتك ماتلزمناش،، ده كلام بردك يا دكتور ؟؟
أدهم بأدب٠٠٠ياأبوي إفهمني أرجوك،،أني وعاليا ماننفعوش لبعض،، دماغنا بعيده كل البعد،، ملاجيش حالي وياها يا ابوي !!
سليم بجديه٠٠٠صدجني يا ولدي كل الحريم شبه بعضيها،، بعد الجواز لما يتجفل عليكم باب واحد، بيبجو كلهم نوع واحد،، وبت عمك أولابك لحمك ودمك،، هتصونك وتصون عرضك في غربتك ،،
أدهم بإحترام٠٠٠يا ابوي أني وبت عمي مافيش بيناتنا أي مشاعر ولا حب،، هي نفسيها ما بلاجيش في عيونها لهفتها علي،، هي بالنسبالها مجرد خطوبه، زيي بالظبط !!
نظر له سليم بوجه مبهم !!
أدهم بترجي٠٠٠أرجوك يا بوي !!
نظر له سليم بلوم وتحدث٠٠٠٠ماكتش رايد أشوفك إكدة ياولدي،، إتعودت دايمآ أشوفك جوي ومفيش حاجه بتضعفك،،
العشق بيضعف يا أدهم،، وأنا عايزك دايمآ جوي زي عوايدك !!
أدهم بترجي٠٠٠جلبي مش بيدي ياحج،،عشج وداب غصب عني ،،وبعدين صدجني،، عشجها بيجويني عمرة ما ضعفني،، بالعكس،، بعدها عني بيدميني وبيكسرني !
وأكمل بعيون عاشقه٠٠٠أني بيها بملك الدِنيِ كِلياتها،، بحس إني ملك يا ابوي،، مها دي حوريتي علي الأرض،، حوريتي اللي ربنا هدهالي بعد طول صبر وإنتظار !!
حدثهٌ سليم ٠٠٠صدجني العشج بيضعف يا ولدي،، وأول ضعفك شفته بعنيك جدامي أهو،، أصلك ماشايفش حالك دالوج وإنت بتتحدت عنيها !!
أدهم بإقناع٠٠٠مش حضرتك طول عمرك تجولي نفسك تشوفني سعيد ومرتاح،، أني بجا راحتي معاها هي وبس،،
وبعدين حضرتك ماتعتلش هم عمي خالص،، أني هاروح وأتفاهم وياه،، وهفض وياه الموضوع بالراحه ومن غير زعل ،،جولت أيه يابوي ؟؟
سليم ٠٠٠وأني في يدي أجول أيه يا دكتور،، اللي يريحك إعمله يا ولدي ،،أنا في الاول والاخر،بدي أيه غير راحتك وسعادتك !!!أمسك يد والده وقبلها بإحترام وشكرة علي تفهمه لوضع قلبه العاشق ♡
أما سلمي زوجة أخيه الأكبر !
فقد شعرت بريبة من غلق عمها وإبنه الباب عليهم وأنتابها الشك ،،فإستغلت إنشغال ليلي وبسمه في المطبخ لتجهيز وجبة الغداء،،
وقفت تتسمع علي حوارهما معآ !! ثم أسرعت للأعلي،، متجهه إلي غرفتها وهي تستشيط غضبآ،،لتخبر زوجها إلي ما أستمعت إليه !!
دلفت إلي غرفتها،،وجدت زوجها أحمد يقف أمام المرأه،،يهندب شعر رأسه وذقنه !!
فاتجهت إليه بوجه غاضب وقالت ٠٠٠إنت جاعدلي إهني تتزوجلي وسايب المصيبه إللي تحت دي ؟؟
أحمد بفزع٠٠٠مصيبه أيه كفانه الشر ؟؟
خير يا بلوة حياتي،،أنطجي يا بت وجوليلي أيه اللي حوصل !!
سلمي بغضب٠٠٠البيه أخوك،،سيادة الدكتور المحترم،،بعد ما ركن خيتي عاليا جارة سنه بحالها،، جاي دالوج بكل بساطه،، وعايز يفسخ الخطوبه،،
جال أيه،، البيه عشج بت من بنات مصر،، ورايد يتزوجها !!
تنهد أحمد براحه وجلس علي طرف السرير بكل هدوء !!
وتحدث٠٠٠٠هي دي المصيبه يا مصيبة حياتي،،
وأكمل بسخريه٠٠٠ طب ده ربنا كرمه آخر كرم،، فلت جبل ما يلبس لبستي !!
سلمي وهي تقترب عليه كالبركان٠٠٠إنت بتجول أيه ياراجل إنت كمان،، ما توجف عوج وتتكلم عدل أومال،،لبست مين يا نضري اللي لبستها،، دنى بت الحاج سعيد رضوان علي سن ورمح،، وألف مين كان يتمناني،،
ونظرت له بعبث٠٠٠ ياكش بس هو النصيب !!
أحمد ٠٠٠أيواااا،، هو النصيب ده الله يسامحه !!
سلمي وهي تنظر له بإستغراب٠٠٠بس إنت يعني مابانش عليك الدهشه وأني بجولك؟؟
ونظرت له بنصف عين تسأله٠٠٠كت عارف إياك ؟؟
أحمد بفخر ٠٠٠٠ طبعآ كت عارف،،أدهم حكالي أني وصلاح إمبارح ،،وأني وعدته إني هاروح وياه عند عمي ونحلو الموضوع من غير مشاكل ان شاء الله !!
سلمي بغضب٠٠٠يعني إنت وصلاح إموافجينه علي المسخرة دي،، يسيب بت عمه،، لحمه ودمه بت الأصول عشان يروح يجبلنا واحدة لا نعرفو أصلها ولا فصلها !!
احمد بنفاذ صبر ٠٠٠يبت إفهمي بجا،،أدهم عشجان ،،عشجاااااااان أفهمهالك إزاي ديت يا بلوة حياتي،، بس هتفهمي إزاي وإنتي البعيدة كل دماغك في المحشي والمهلبية !!
ثم نظر لها وتحدث بجديه٠٠٠بصي يبت الناس،، بلاش نضحكو علي بعض،،كلياتنا من الاول عارفين إن الخطوبه دي ماكانتش مناسبه !!
وتحدث بفخر ٠٠٠إيش جاب أخوي الدكتور أدهم اللي دماغه توزن بلد،، ل عاليا اللي كل دماغها في الوكل والزواج،، وكومان كلنا عارفين إن لا أدهم بيحبها ولا حتي كمان عاليا بتحبه !!
تحدثت بنفي٠٠٠٠مين اللي جالك يا نضري إنها ما هاتحبوش،، البت عشجاه وريداه !!
أحمد بإستنكار٠٠٠يا سلااااام،، علي أساس إني ماعارفش إنها كانت رايده إبن خالك حسنين،، وأبوكي هو اللي مرداش،، إسكتي إسكتي الله يرضي عنيكي !!
وسيبيني بجا أكمل لبس خلجاتي عشان أنزل أبارك لخوي حبيبي إن ربنا فك أسرة بدري !!
وقال بمرح ٠٠٠عجبالي يارب !!
◇◇◇◇◇◇◇◇◇◇◇
مساءآ !!!
ذهب أدهم الي عمه سعيد،،بصحبة أخويه أحمد وصلاح ،،ولم يتركه والده في هذا الموقف الحرج فقد ذهب معه للوقوف بجانب ولدة و ل تطييب خاطر أخاه وإبنته،، إنفضت الخطبه برضي،، وذلك لحنكة أدهم وكلامة الفطن،،الذي راعي شعور عمه وإبنته إلي أبعد الحدود !!
◇◇◇◇◇◇◇◇◇◇◇
بعدها طلب أدهم من أباه أن يتصل بخاله عزت،، فهو من نفس محافظة مها،، فا ليلي وعائلتها من محافظة الجيزة ولهم بها عائله كبيرة !!
فا ليلي لديها من الاخوة الرجال ست،، إنتقل منهم حسين وعلي إلي القاهرة،،والأربع الأخرون يقنطون بنفس المحافظه وسط عائلتهم !!
إتصل سليم ب عزت ليتولي هو مسؤلية السؤال بتأني عن الفتاة التي يريد إبنه الزواج منها،، هي وعائلتها،،فهو يريد الإطمئنان علي نسب ولدة الجديد،، يريد أن يذهب وهو يعرف جيدآ مع من يتعامل،،
ومن حسن الحظ،، أن عزت كان يعرف الحاج رأفت وعائلته جيدآ ،،
فاوالد مها كبير عائلته وذو سمعة طيبه وشهرة واسعه في محافظته،،
مما سهل علي عزت مهمته،، وقد مدح كثيرآ بهم ل سليم،،
فطلب منه الحاج سليم أن يذهب ل رأفت ويطلب منه يد إبنته ل أدهم،، وحين يبدون موافقتهم المبدئيه،، سيذهب حينها سليم وأدهم وعائلته للتعرف علي العروس وعائلتها الكريمه !!
٠٠٠٠٠٠٠٠٠٠٠٠٠٠٠٠٠٠
في ظهر اليوم التالي !!
كان أدهم بالحديقه يحاول الإتصال ب مها،، كان هاتفها يعطي جرسآ ولكن لاترد،، مما إستدعي قلقه عليها،، كان يجوب الحديقه بقلق،،
بعد فترة خرجت له بسمه لتخبره أن طعام الغداء جاهز وهم جميعآ بإنتظارة،،
ذهب معها ومازال باله عند حبيبته التي لا تجيب علي إتصاله،،
دلف أدهم وجلس مع عائلته علي سفرة الطعام،، بدء بتناول طعامه بدون شهيه،، مما جعل ليلي تلاحظ وتحدثه !!
ليلي٠٠٠٠٠مالك يا دكتور الوكل مش عاجبك ولا أيه !!
أدهم بشرود٠٠٠٠ لا أبدآ يا ست الكل الوكل مليح،، تسلم يدك !!
هنا رن هاتفهه نظر سريعآ علي عجل وجدها هي،، معشوقته وخاطفة قلبه إبتسم دون وعي،،
وأخذ هاتفهه وخرج مسرعآ،،تحت أنظار الجميع وإستغرابهم !
سلمي٠٠٠بالراحه وأنت خارج يا دكتور،، هو بيجري ليه إكدة !!
ومالت علي أذن بسمه وتحدثت ٠٠٠يااااويلي من العشج يا ويل،، بجا ده الدكتور أدهم،، البت خلاص كلت عجله وهبلته !!
الحاج سليم بحزم ٠٠٠بتجولي حاجه يا سلمي ؟؟
أجابته سلمي بإحترام٠٠٠سلامتك يا عمي داني بجول لبسمه المحشي مليح جوي ونظرت ل ليلي ٠٠٠تسلم يدك يا مرت عمي !
تحدث سليم بحزم٠٠٠جومي يا بسمه إندهي للدكتور يكمل وكل وبعدين يبجا يتحددت زي ما هو عايز !
ليلي وهي تشير إلي بسمه لمكوثها٠٠٠٠أجعدي إنتي يا بسمه أني هطلعله !!
عند أدهم أخذ هاتفهه وخرج سريعآ وتحدث٠٠٠٠إنتي فين يا مها، ومابترديش ليه علي تليفونك ؟
مها بإعتذار٠٠٠أنا أسفه يا أدهم بس بجد كنت بعيدة عنه ومسمعتهوش !
أدهم بغضب٠٠٠يعني أيه كنتي بعيدة عنه،، مها إنتي شوفتي أنا إتصلت بيكي كام مرة، أنا قلقت عليكي لدرجة إني كنت هاتصل علي أريج علشان أطمن عليكي !
أجابته مها ٠٠٠خلاص يا حبيبي أنا اسفه مش هاتتكرر تاني !!
أدهم بحزم٠٠٠كنتي فين وأنا برن عليكي، إنتي فونك مابتسيبهوش خالص !!
أجابته مها بحزن٠٠٠٠كنت تحت في المطبخ بعمل نسكافيه ،،والفون كان فوق !!
ملس علي شعرة وزفر بقوة،، ليخفف من حدة توترة الذي أصابه من شدة القلق عليها،،بعد عدم ردها علي الهاتف !!
أدهم بتوتر ٠٠٠٠معلش يا حبيبي إنفعلت أعذريني،، خفت عليكي أوي لما ما ردتيش ،،ما تعمليش فيا كدة تاني يا مها !!
مها بحنان٠٠٠إنت بجد خفت عليا يا أدهم ؟
أجابها أدهم بحنان ٠٠٠وإن ما خفتش علي حبيبي أخاف على مين ؟؟
هنا أتت ليلي ٠٠٠يلا يا حبيبي كمل واكلك،، أبوك وأخواتك مستنيينك،، وإبجي إتكلم بعد الغدا يا نضري !!
مها بخجل٠٠٠أنا أسفه يا أدهم،، معرفش والله إن ده وقت الغدا،،يلا روح كمل أكلك !!
أدهم بحب٠٠٠٠ولا يهمك يا قلب أدهم،، المهم إني إطمنت عليكي،، هاكلمك بعد الغدا !!
أغلق معها الهاتف،،ودلف للداخل حتي يكمل طعامة تحت أنظار كل من علي سفرة الطعام،، فحقآ العشق أبدله،، لم يعد أدهم ذات المشاعر المتبلدة،، بل أصبح أدهم العاشق ،،وهذا الوجه جديد عليهم جميعآ !!
كان سليم حزين لتغير ولدة بتلك الطريقه،، فاسليم شخص صارم جدآ،،وله قوانينه الخاصة في منزله،،فهو يستمتع بلمة عائلته حوله علي مائدة الطعام،
ويغضب بشدة إذا غادر أحدهم دون إكمال طعامه،،
ولكنه لم يغضب علي أدهم لسببين ،الأول٠٠ أن أدهم له وضع خاص لديه،، هو يري به خليفته ووريثه في كل شيء،،
والثاني٠٠ لأن أدهم لم يكن يومآ هكذا،،فهو صارم أكثر من والده،،ولديه قواعد في حياته يطبقها بشدة،،ولهذا لم يكن يومآ يتمني العشق لولده حتي لا يضعف !!
◇◇◇◇◇◇◇◇◇◇◇◇
بعد يومان
كان يقف في شرفة غرفته وهو يحادثها بكل سعادة وهيام،، فأخيرآ ستضحك له دنياه ويمتلكها ويسكن معها عالمها،، وخصوصآ بعد ما أخبرته أن والدتها هاتفتها وأخبرتها عن أدهم وتقدمه لطلب يدها،،
وأن أبيها إتصل بصديق له في سوهاج للسؤال عن أدهم وعائلته،،فارتاح قلبه وشعر أن حلمه يقترب منه رويدآ رويدا !!!
أدهم٠٠٠٠وحشتيني أوي يا مها !!
كانت تحادثه وهي تتجول بالحديقه وتتذكر أيامها السابقة معه،، كانت تحادثه وكلها شوق له ولسماع صوته !!
مها بتملل٠٠٠أدهم إنت هتيجي أمتي،،إنت إتأخرت أوي !!
أدهم بوقاحه ٠٠٠أيه ،،وحشتك أوي للدرجادي ومش قادرة علي بعدي !!
مها ب تغاضي عن وقاحته ٠٠٠لا بجد هاتيجي إمتي،، هو إنت ماصدقت ولا أيه،، مش كنت قايلي إنك هاتقعد يومين،، كده بقالك أريع أيام بحالهم،، شكلها القعدة عندك عجبتك !!
أدهم بضحكه رجوليه٠٠٠صدقيني عاوز أجي إنهاردة قبل بكرة،،
وأكمل بحب٠٠ بجد وحشتيني وهاتجنن وأشوفك بس أعمل أيه غصب عني،،بقفل حسابات الأرض والمصنع للحج،، وإن شاء الله هاخد طيارة بكرة الساعة 8 بالليل،، يعني هاشوفك بعد بكرة يا حبيبي !!
مها بتملل ودلع٠٠٠وهو مافيش حد غيرك يقفل الحسابات دي،، ما أي واحد من إخواتك يقفلها !!
أدهم بتوضيح٠٠٠٠يمكن علشان أنا المحاسب اللي في العيله مثلآ !!
مها بدلع وإشتياق ٠٠٠بس أنا عاوزه أشوفك،،إنت وحشتني أوي !!
وكأنها بتلك الكلمات أشعلت نارآ بداخله فهل ساتستطيع هي إخمادها؟؟
كادت كلماتها أن تفقده عقلة، أحقآ تريدي رؤيتي بتلك السرعه حبيبتي،، أحقآ تحترقين بنار إشتياقك لي وتريديني مثلما أريدك أميرتي ؟؟
أدهم بجنون وعشق٠٠٠مها هو أنا واحشك أوي كده،،بجد عاوزه تشوفيني ومشتقالي،، مها أنا بحبك أوي،، طب عارفة لو كنتي قدامي دالوقتي أنا كنت عملت فيكي أيه ?
مها بخجل٠٠٠٠أدهم لو مابطلتش كلامك ده أنا هانهي المكالمه !!
أدهم بهيام ٠٠٠٠يسلام،، وهو حضرتك بعد ماتدلقي البنزين علي النار،، جايه وبكل بساطة وعايزة تطفيها وفكراها سهلة أوي كده !!
أجابت بمكر٠٠٠وهو أنا كنت عملت أيه،، أنا مجرد بقولك تعالي عاوزه أشوفك،، وحشتني !!
أدهم بهيام ٠٠٠وهو إنتي مستهونه ب كلمتك دي،، أه لو تعرفي مجرد كلمتك اللي بتقولي عليها دي عملت أيه فيا،، صدقيني هاصعب عليكي وهاترحمي قلبي الولهان بحبك !!
مها بحزم٠٠٠أدهم بجد لو مابطلتش كلامك ده هاقفل !!
أدهم بحزن٠٠٠ليه كده يا مها ،،وبعدين بقا ده حقي علي فكرة ،،،
أنا أتقدمتلك وعملت اللي عليا،،التأخير بقا من عندكم حضرتك !!
ضحكت مها وتحدثت بمرح٠٠٠٠نأسف علي التأخير يا أفندم،، وسانوافيكم بالرد في أسرع وقت ممكن !!
ثم تحدثت بجديه٠٠٠هو أنت بجد هاتكلم بابا في كتب كتاب من غير خطوبه يا أدهم !!
أجابها أدهم بجديه٠٠٠أه يا مها،،أنا مش هاكدب علي نفسي،، أنا مش هاقدر تكوني قدامي من غير ماأخدك في حضني ،،أنا بحبك يا مها،،بس كمان عاوز أحافظ عليكي وعلي نفسي من الغلط،،
أنا مش قادر أنسي نظرة الندم اللي شفتها في عيونك لما ضميتك لحضني يوم رجوعنا لبعض،، مع إنه كان ليه ظروفه،،وربنا يعلم إنه كان حضن إحتياج إنساني مش شهوة خالص،، لكن ماأكدبش عليكي،، أنا كمان إتضايقت بعدها،، الغلط والحرام مرفوض يا مها،،وإحنا تجاوزنا في بعض الأمور مش هننكر ده،، علشان كدة عاوز أقفل الباب ده نهائي بإنك تكوني مراتي وحلالي،، وقتها مش هانحس بأي ندم وهنبقي مرتاحين في تعاملنا أكتر مع بعض !!!
كانت تستمع له براحة وإعجاب علي تفكيرة وإهتمامه لراحتهم معآ،،،ووافقته الرأي تمامآ،،
فحقآ هي تعشقه حد الجنون،، وتريده بحياتها وبشدة،، وتري أن هذا أسلم حل،، فهي وبرغم تقربها من الله بالصلاة والصوم وقرائة وردها يوميآ،، إلا أنها بقربه تشعر بنفسها ضعيفه أمامه،،
وأمام عيناه تتخلي عن ثوابتها وضوابط دينها،، يبدو أن الشيطان وجد حبهما صغرة ليدخل لهما من خلاله،، فعليه حقآ إغلاق هذة الصغرة ليستمتعا بحياتهما سويآ وبدون ندم ♡♡
إنتهي البارت
قلبي ومفتاحه
روز آمين
🌸بسم الله الرحمن الرحيم🌸
🌸 لا إله إلا أنت سبحانك إني كنت من الظالمين🌸
رواية قلبي ومفتاحه
بقلمي روز آمين
🔹️البارت الثلاثون🔹️
ظهر اليوم التالي !
كان سليم جالس بغرفته،، مستيقظآ من قيلولته ساندآ ظهرة علي سريرة،،
دلفت إليه ليلي ومعها قدحآ من القهوة،، التي يحتسيها سليم فور إستيقاظه من نومه،،كعادته يوميآ !!
أعتطه ليلي قهوته بوجه بشوش مبتسم،، قابلها هو بنفس الوجه المبتسم وهو ينظر لها بحب !!
ليلي ببشاشه٠٠٠مالك يا سليم،، من وجت ماجعدت إتحددت مع ولدك وأني شايفه نظرة الحزن معششه جوه عنيك،،
ده حتي ولدك يا حبة عيني لاحظ، وجاعد مهموم عشانك !!
سليم بنظرة تكسوها خيبة الأمل٠٠٠مكتش رايده يعشج ويدوج مرارة العشج يا ليلي !!!
ليلي بضحكة أذابت قلب سليم ،،فبرغم كبر سنها ومرور العمر،، إلا أن سليم مازال يراها بعيونه إبنة السابعة عشر،، ذات العيون الزرقاء الصافيه كا لون البحر ،،التي خطفت قلبه من أول طله لوجهها الملائكي، حين رأها بمنزلها وقتما كانا بصحبة أبيه لزيارة والدها صديق والده بالتجارة،،
أشرقت عليه مثل الشمس فأنارت قلبه وحياته،،حينها حدث حاله وأقسم بداخله أن تلك الحورية ستصبح زوجته وأم أولادة،، وبالفعل حدث والده ووجد بعض العقبات أمامه،،لوجود بعض العادت القديمه حينها لأهل الصعيد،،
حيث كان الشاب لا يتزوج من غريبه أبدآ ،،كان من الأولي له إبنة عمه !!
لكنه تحدي الصعاب وتزوجها !!
ومازال يعشقها للحين !!
وذكرته قصة أدهم بحالة،، لذا تساهل معه في فك خطبة إبنة أخيه،،وعذر قلبه العاشق !!!
ليلي بضحكة خطفت قلب سليم ٠٠٠٠الواد طالع ل أبوه يا حاج،،عشجان من ساسه ل راسه ،،عايز تحرم عليه إللي حللته لحالك من 37 سنه يا حاج ؟؟بجا ده إسمة كلام يا راجل !!
سليم بضيق٠٠٠مارايدلوش يضعف يا ليلي،، عايزه دايمآ جوي،، ما فيش حرمه تقدر تملكه ولا تتحكم فيه !!!
أجابته ليلي بتعقل وتساؤل٠٠٠طب منتا عشجتني يا سليم،، ميتي إتحكمت فيك أني ولا كسرتلك كلمة !!
نظر لها سليم وتحدث بحب٠٠٠إنتي بت أصول يا ليلي وزي ما عشجتك إنتي كمان عشجتيني وأكتر ،،وإحترمتيني وعيشتي معاي علي الحلوة والمرة يبت الأصول !!!
وتحدث بوجه مبهم وتكشيرة٠٠٠٠نعرفوها منين إحنا البت دي،،مش يمكن تكون مدلعه وتطلع دلعها ومساختها علي الواد وتتعبه وياها،، إبنك مسحور وغرجان في عشجها،،وده باين جوي من عيونه !!
إبنك الدكتور الكبير العاجل أبو هيبة تهز جبال،، أسدي وإبن عمري كله ،،ماخجلش مني وجالي بعيون مسحورة ،،عشجتها يا بوي وجلبي مش بيدي،، كان جلبه اللي بيتحدت مش لسانه !!
خايف علي ولدي،، خايف عشجه يغلبه ويصبح لعبة بين يديها،،وخايف البت تكون لعبيه وتستغل عشجه وتلاعبه علي الشناكل كيف ما بيجولو !!!
وتنهد وقال بحرقه٠٠٠أصلك متعرفيش الراجل الجوي منينا لما بيعشج بيبجا كيف حاله يا ليلي،، بيسلم حاله وروحه لمعشوجته،،بيشوف الدنيي بعيونها،، بيشوف الشمس في ضحكتها ،،بيبجا كل همه كيف يرضيها ويخليها تعشجه أكتر !!!
نظرت له ليلي وتحدثت بحزن٠٠٠ليه إكده ياسليم؟؟ محمل حالك فوج طاجتها ليه؟ وليه بتقدر البلا جبل وجوعه يا أخوي !!
وبعدين إبنك راجل من ضهر راجل،، وعاجل ومخه كبير،،مش أدهم اللي حرمة تمشيه ولا تملكه !!
تحدث سليم ساخراً وهو يهز رأسه٠٠٠٠أول الجصيده كفر يا أم أحمد،، إبنك البيه الدكتور العاجل،، ساب الوكل والسفرة وطلع يجري زي العيل اللصغير،،عشان يلحق يرد علي السنيورة بسرعة لاجل ماتزعل منيه،، ده حتي مستأذنيش جبل ما يجوم ولا عملي حساب إني جاعد !!!
ليلي بتفهم٠٠٠حرام عليك يا سليم متظلمهوش،، ده كان بيرن عليها من جبلها ومرديتش،، كان جلجان من عدم ردها عشان إكدة لما رنت جام بسرعه عشان يطمن عليها !!!
تحدث سليم بسخريه٠٠٠٠يعني الحرمه تجلت عليه ومرديتش،، وهو الدكر ماجدرش يجعد يخلص وكله وبعدين يبجا يكلمها؟؟ إسكتي يا ليلي وخليني ساكت أحسن !!!
ليلي ببسمه وهي تضع يدها علي يده بحنان ٠٠٠إطمن يا حاج،، ولدك عاجل،، والبت عشجاه وريداه،،وبعدين عزت أخوي جالي أبوها راجل زين ومحترم وأكيد مربيها مليح ،، وبعدين مش لما نروح ونشوفوها نبجي نتكلمو،، الله يرضي عنيك يا أخوي ما تجدرش البلا جبل وجوعه ،،تفائل بالخير تجده،، وإن شاء الله ربنا يخلف ظنك !!!
جوم يا حبيبي أجعد شوي مع ولدك،، ده مسافر بالليل،،ويا حبة عيني جاعد في الجنينه برة مع خواته وهو حزين عشانك،، بيجولي أبوي مفرحليش يا أما،، وده جاهرة جوي يا جلبي،،
ولدك بيحبك جوي يا سليم،، ويهمه رضاك عنيه ،،بالله عليك متزيدهاش عليه يا أخوي !!!
هز لها رأسه بموافقه علي كلامها وخرج معها للحديقه،،
وجد أولاده جميعآ يجلسون سويآ يتسامرون،، إتجه ناحيتهم وقفو جميعآ حين رأوه إحترامآ له !!
سليم بوجه بشوش ٠٠٠سلام عليكم !!
رد جميع أولاده التحيه ٠٠٠وعليكم السلام ورحمة الله وبركاته يا أبوي !!
سليم ناظرآ إلي أدهم بإبتسامه٠٠٠كيفك يا عريس،، مبروك يا ولدي !!
وقف أدهم سريعآ بوجه ضاحك،، وذهب لوالده إنحني علي يده وقبلها بإحترام ونظر لوجهه بعرفان
وتحدث٠٠٠الله يبارك في عمرك يا أبوي ويديمك فوج راسي !!
من جانبه سليم ملس علي شعر أدهم بحنان وهز له رأسه برضي كامل،، رجع أدهم إلي مكانه وبكل رضي وسعاده نظر لوالدة وشكرة بالعيون !!!
تحدث صلاح٠٠٠وميتي هنروح عشان نتفجو ونحددو الفرح ؟
تحدث أدهم٠٠٠ لما يوافجو اللول يا صلاح !
سليم بفخر٠٠٠هيوافجو يا ولدي، هيلاجو فين لبتهم راجل زين وأسد زيك يا دكتور !
أدهم بكبرياء٠٠٠هيوافجو عشان أني إبن الحاج سليم رضوان يا حاج !!
أجابه سليم بإبتسامه٠٠٠تسلم يا ولدي
أحمد بمرح٠٠٠والله اللي يستاهل المباركة الحجيجيه هي خلاصك من عاليا يا محظوظ، مش أني اللي أتورطت في سلمي لاخر العمر !!
رمقه سليم بنظرة ألجمته وتحدث٠٠٠عيب عليك تتحدت إكدة علي بت عمك !!
ليلي بضحك٠٠٠والله سلمي مليحه وإنت ما تستاهلها،، ده كفايه إنها متحمله طولة لسانك دي !!
أحمد٠٠٠أنا لساني طويل يا أماي،، داني نسمة،، داني اللي متحمل كتير والله !!
صلاح بضحك٠٠٠والله كتر خيرها سلمي،، ده كفايه عليها اللجب اللي وخداه من يوم جوازكم،، بلوة حياتي !! قالها وهو يشير بيديه بفخر، مما جعلهم يضحكون جميعآ من قلوبهم !!
نظر سليم إلي أدهم قائلا٠٠٠لما ربنا يسهل يا دكتور والموافجه توصل،،ناوي تدخل علي ميتي إن شاء الله ؟؟
أدهم بإحترام ٠٠٠أني بعد إذنك ياحاج ناوي علي كتب كتاب علي طول،،يعني شايف إكدة أفضل من الخطوبه !!
تحدث سليم ٠٠٠عين العجل يا ولدي إكدة أحسن بردك،، والدخله ميتي إن شاء الله ؟؟
أدهم٠٠٠ لو تسمحلي يا أبوي،، آحنا في شهر 4 أني شايف بعد إذنك الفرح يبجا في شهر 7 تكون العروسه خلصت !!
سليم ٠٠٠تمام،، وكمان عشان نلحجو نجهزو حالنا للفرح !!
نظرت له ليلي وتحدثت بتساؤل٠٠٠هتدخل في شجتك يا حبيبي ولا هاتغيرها ؟؟
أجابها أدهم ٠٠٠وأغيرها ليه يا حبيبتى،، الشٌجه مليحه وفي منطجه زينه،، هاغير العفش كلاته،،وهاجيب مهندس ديكور وأخلي مها تجوله علي اللي حابه تغيره فيها،، في اللول والاخر دي شجتها ومن حجها ترتبها علي كيفها !!
نظر سليم لليلي نظرة عدم رضي !
تحدثت ليلي بحنان وهي تطبطب علي يده٠٠وماله يا حبيبي حجها ،،يا مرحبابها في أي طلبات،، ربنا يتمملك علي خير يا جلب أمك !!
وأكملت بتمني٠٠٠ياأما نفسي أشوفلك عيل وأشيله بأديا يا دكتور !!
إبتسم سليم قائلا٠٠٠إن شاء الله يا ليلي مرته تبجي بت حلال ويرزجه منيها بالخلف الصالح !!
أدهم بوجه ضاحك ٠٠٠علي حياة عينك يا أبوي ،،وان شاء الله ربنا يطولنا بعمرك !!
◇◇◇◇◇◇◇◇◇◇◇◇◇
بعد غروب الشمس 🌔
كانت تقف في شرفة غرفتها تحادث أدهم،، وداخل الغرفه توجد أيه وأريج الجالستان يتسامرتان !!
مها٠٠٠هو أنت لسه في البيت ليه يا أدهم،، مش المفروض تكون في المطار ؟؟
أدهم٠٠٠لسه بدري يا حبيبي،، فاضل ساعتين بحالهم علي ميعاد الطيارة،، وبعدين ده طيران محلي،،وفيه واحد قريبي في المطار بيخلصلي إجرائاتي بسرعه،، يعني الموضوع سهل إن شاء الله !!
وأكمل ٠٠٠المهم يا مها،،كان فيه موضوع كده كنت عاوز أتكلم معاكي فيه !!
مها٠٠٠خير يا حبيبي،، أنا سمعاك !!
أدهم بإقتضاب٠٠٠لا يا حبيبي مش هاينفع في التليفون خالص،، بكرة إن شاء الله بعد ماتخلصي محاضراتك إطلعيلي مكتبي،، نتكلم هناك براحتنا !!
تحدثت مها سريعآ وبغصه في صوتها٠٠٠لا يا أدهم،،المكتب ده أنا مش هادخله برجلي تاني !!
أدهم وقد شعر بها وبغصة صوتها المخنوق وتذكر وعذرها !!
أدهم بحذر٠٠٠خلاص يا حبيبي اللي يريحك بلاش المكتب خالص،،تمام نتقابل في أي مكان برة !!
مها برفض٠٠٠ولا برة يا أدهم،،إنت مش ملاحظ إنك بقيت تطلب مني نتقابل برة كتير !!
إنفعل أدهم بنفاذ صبر٠٠٠والمطلوب مني أيه دالوقت يا مها،،يعني المكتب ومش عاوزه تطلعيه،، وخروج برة ومش عاوزه تخرحي،،
ثم تعالي هنا،،فين اللي كل شوية أطلب منك نخرج دي،، دأنا من أول ما عرفتك هما مرتين مافيش غيرهم اللي خرجناهم،، أول مرة وقت ما روحنا الأرض بتاعتي لما فاتحتك في موضوع جوازنا،، والمرة التانيه من كام يوم وكان بردو ليها ظروفها !!
مها وهي تحاول إمتصاص غضبه٠٠٠خلاص يا حبيبي إهدي ،،نتكلم في الكافيتريا،، نقعد وقول اللي إنت عاوزة !!
أدهم بغضب٠٠٠للأسف يا أستاذه مش هاينفع،، الكلام اللي عاوز أقوله ماينفعش في الكليه خالص !!
مها ٠٠٠أدهم،،كلامك ده قلقني،، كلام أيه ده اللي ماينفعش في الكلية؟؟أرجوك ما تخبيش عليا هو فيه مشاكل في موضوع خطوبتنا ؟؟
رد عليها سريعآ وبلهفة عاشق يريد طمئنة صغيرته٠٠٠لا يا حبيبي إطمني،، مافيش حاجه صدقيني،،وبعدين مش أنا قلتلك إوعي تخافي من أي حاجة طول ما أنا معاكي،،
أنا كفيل إني أحمي حبنا وأحافظ عليه من أي حاجه،، وطول ما أنتي جنبي وفي حضني أي حاجه تهون يا مها !!
إطمأنت بعد سماع كلماته تلك فهي وبرغم كل ماحدث،، مازالت تثق به وبعهده وكلمته !!
تحدثت بإرتياح٠٠٠خلاص يا حبيبي،، بكرة بعد الجامعة هاستناك ونخرج في المكان اللي تحدده ونتكلم !!
ودالوقت مضطره أقفل علشان أريح وأيه،، بس أدهم،، أول ما توصل لازم تكلمني علشان أطمن عليك،، مش هنام غير لما أسمع صوتك وقلبي يطمن إنك وصلت !!!
رد بهيام٠٠٠يسلملي اللي خايف علي حبيبه ،،مش عاوزك تقلقي،،كلها نص ساعة بالطيارة وأكون في القاهرة إن شاء الله !!
مها٠٠ قالها بصوت حنون عاشق !!
مها بعشق٠٠٠نعم !!
أدهم بهيام٠٠٠٠بحبك،، بحبك،، بحبك ♡
وأغلق هاتفه بدون كلام،، وتركها هائمة في بحر عشقه من سحر كلماته تلك ♡ أخرجت تنهيدة شقت صدرها♡
ثم إحتضنت هاتفها بحب،، ونظرت للسماء داعية الله أن يتم عليها فرحتها معه،، ويجمعها بحبيبها الغالي علي خير !!
◇◇◇
دلفت لغرفتها وجدت أيه وأريج جالستا علي سريرها ألقت بنفسها بمرح جانبهم وتنهدت !
ضحكت أريج وتحدثت بذلة لسان٠٠٠يا سلااام علي الحب ♡
نظرت لها مها وهي تبتلع ريقها !!
فنظرت أيه بإستغراب وقالت بإستفسار٠٠٠٠حب امممم يلا إعترفي حبيتي تاني أمتي،، ومن ورايا ؟؟
مها بكل برائه وعشق ٠٠٠وأحب تاني ليه؟وحبيبي الأول والأخير والوحيد معايا وساكن قلبي وروحي وعمرة ما خرج مني ♡
نظرت أريج بهيام وهي تشير بيدها بوضع الكامنجا وتحدثت٠٠٠٠تيرااررراراا،، يبختك يا دكتور أدهم،، مين أدك يا سيدي،،مها القمر دايبه فيك !!!
أيه بصدمة٠٠٠دكتور أدهم ،،،نظرت لمها وقالت٠٠٠تاني يا مها،،يعني سامحتيه ورجعتيله بعد كل اللي عمله فيكي ده ؟؟
مها بهيام٠٠٠بحبه يا يويو،،وليس علي العاشق حرج ♡♡
وقالت بدلع وهي تتملل في السرير٠٠٠وبعدين دومي صالحني ورضاني وقالي إنه مش هايزعلني تاني أبدآ خالص !!
كانت أيه تنظر لها بإستغراب وإستنكار٠٠أنا بجد مش مصدقاكي،، سامحتيه بعد ما هانك وكسر كبريائك بعد دموعك وألمك طول الفترة اللي فاتت دي تسامحيه عادي كده ،،وبعدين إزاي تديله الامان وتثقي فيه تاني ؟؟
أريج بمرح٠٠٠الراجل رجع ندمان يا أيه وإتأسف
وتحدثت بمزاح٠٠٠وباس القدم وأبدي الندم علي غلتطه في حق٠٠
وكادت أن تكمل لكزتها مها في يدها بمرح وتحدثت٠٠٠إخرسي يا ريجا !!
ضحكت أريج ثم تحدثت بجديه٠٠٠بصي يا أيه،،دكتور أدهم أه غلط،، محدش يقدر ينكر وغلطه كبير كمان ،،لكن ندم وعرف غلطته،،وعمل المستحيل علشان مها تسامحه وترجعله،، لدرجة إنه وصل لمامي وطلب منها تساعده
وفعلا مامي ساعدته وإتدخلت وخلتهم يتكلمو ويتصالحو !!
وقريب أوي هتسمعي خبر حلو،،وكانت تشير إلي دبلة خطوبتها !!
كانت أيه تستمع لهما والغل والحقد يأكل في قلبها
حدثت حالها٠٠٠أيتها الحقيرة،،من أنتي حتي تجعلين من أدهم سليم تلك المغرور لعبة بيدك وتحركيه كيفما شئتي ؟؟
من أنتي كي يعتذر منكي ويلهث خلفك ليطلب ودك وقربك؟؟
حقآ رجال رعاع،، لا يلهثون إلا خلف من تركلهم بقدميها،، أما التي تطلب ودهم ورضاهم لا يعيروها أي إهتمام !!!
اللعنة عليك أدهم سليم ،،اللعنة عليكي أيتها الساحرة اللعينة !!
لا تفرطي في سعادتك هكذا أيتها البلهاء،، فحتما سايترككي كالسابق لاي سببآ كان،، وستعودين لدموعك ووجع روحك من جديد،، وسأقف أنظر إليكي دون شفقتآ أو رحمة مني،، حسنآ الصبر أيه !!!
◇◇◇◇◇◇◇◇◇◇◇◇◇◇
في اليوم التالي
أتي أدهم إلي الجامعه،، كانت مها تشتاق رؤياه بجنون،، هو أيضآ كان يتشوق لرؤية ساحرته الجميلة،، دخل المحاضره التي كانت عبارة عن نظرات مشتاقه،، وقد فضحتهم عيونهم أمام الجميع،، كانت عيناهم تتحدث عشقآ،،
ولم يستطيع هو مداراة نظراته الملهوفه عليها،، فحقآ كان يشتاق رؤياها بجنون
٠٠٠٠٠٠٠٠
بعد إنتهاء اليوم،،ذهبت إلي الكافيتريا وجدت أدهم كان بإنتظارها،،ذهب إليها
وتحدث بعيون ملهوفه٠٠٠وحشتيني أوي يا نور عيوني ♡
مها بنظرة كلها هيام٠٠٠إنت كمان وحشتني أوي يا حبيبي ♡
أدهم بإبتسامه ٠٠٠يلا بينا يا حبيبي !!
مها ببسمه ووجه يشع سعادة٠٠٠أخرج وإستناني عند شارع******
وأنا جايه علي طول !!
أدهم بوجه سعيد٠٠٠طب بسرعه علشان بجد وحشاني أوي !!
ولم يكمل كلمته حتي أتي عليهم عماد بوجه غاضب،، وجه حديثه ل مها !!
عماد٠٠٠إنتي أيه اللي موقفك مع البني آدم ده تاني ؟؟
كادت أن تتحدث ولكن صمتت بإشارة من أدهم وتحدث هو بدلآ عنها !!
أدهم ببرود٠٠٠وإنت مالك بيها،،وتوجهلها كلام ليه أصلآ ؟؟
عماد بغضب٠٠٠أنا بكلمها هي ماوجهتش كلام ليك،، ومدام ماوجهتش كلام ليك،، يبقي تقف زيك زي الكرسي ده وماأسمعش صوتك نهائي !!
أدهم متجاهلآ إياه وبحركة أشعلت عماد،، مد يده ل مها التي بدورها مدت يدها له وتشابكت الأيدي وتقابلت العيون ببسمه،،وكل هذا تحت أنظار هذا الغاضب !!
تحدث عماد بغضب٠٠٠٠إنتي أيه اللي بتعمليه ده يا مها؟؟ إزاي تقبلي ترخصي نفسك بالشكل ده،، ومع مين،، مع ده،، اللي هانك وقلل منك وإنتي ملكه ؟؟
كان أدهم ينظر له ويكتم غيظه،، وخصوصآ أن جميع من بالكافيتريا كانو يسلطون أنظارهم عليهم،،وأدهم من النوع العاقل الذي يتحكم بغضبه حتي لا يظهر أمام الناس بمظهر غير لائق !!
نظر لها أدهم بحب٠٠٠يلا بينا يا حبيبي !!
هزت له مها رأسها بموافقه !!
كادت أن تذهب حتي أوقفها عماد بسؤال،
عماد٠٠٠ياتري يا مها الدكتور قايلك إنه خاطب بنت عمه وهيتجوزها في أجازت الصيف؟؟
تسمرت مكانها ولم تستطع أن تنقل أرجلها من مكانها،،عاودت النظر له من جديد وتحدثت والقلق يتسلل لقلبها !!
مها بصوت يكسوة الهلع٠٠٠أيه التخاريف اللي بتقولها دي ؟؟
علي فكرة بقا،، أنا وأدهم خلاص هنكون لبعض قريب أوي،، فياريت ماتحاولش تألف قصص لأني بثق في أدهم ومش هاصدق ولا كلمة من اللي قولتها دي !!
نظر لها عماد بتحدي٠٠٠طب ما تسألي البيه كده،، خليه ينكر ويكدبني لو يقدر !!
هنا فاقت وحولت بنظرها ل أدهم التي لم تستمع لصوته منذ كلام عماد،، وجدته ينظر بغل لعماد وعيونه تزرف شررآ !!
هزت يده الممسكه بيدها بشده،، فاق علي هزت يدها له !!
نظر لها بثبات وتحدث٠٠٠٠يلا بينا يا مها وأنا هاحكيلك علي كل حاجه !!
نظرت له بعيون تائهه غير مصدقه لما تري
تحدثت٠٠٠٠أدهم،،الكلام اللي الباشمهندس بيقوله ده حقيقي؟؟
وأكملت بعيون مغيمه بالدموع٠٠٠إنت فعلا خاطب بنت عمك؟؟
كنت٠٠٠قالها أدهم بثبات وهو ينظر بعيون عماد بتحدي ومازال ممسك بيد مها،، وعيون جميع الطلبه عليهم
وأيه الناظرة عليهم بحقد وهي تستمع كلامهم لقربها منهم !!
أدهم٠٠٠كنت يا مها،،وخلاص فركشت الخطوبه من مده !!
عماد ناظرآ بعيونه بثقه٠٠٠كدااب،،
ثم نظر لمها وأكمل٠٠٠مروه أختي لسه مكلمه سميه أخت البيه من خمس أيام بس،،وقالتلها إن البيه فرحه علي عاليا بنت عمه في أجازة الصيف !!
أدهم بثبات٠٠٠٠لا برافو يا عماد،،عاملي فيها شغل مخابرات إنت ومروة،، لا راجل بجد !!
ثم نظر لمها التي تسمرت مكانها وتسمر كل شيئ بها،،حتي دموعها التي أبت النزول إمتثالآ لكرامتها !!
أدهم بجديه٠٠٠يلا بينا يا مها !!
نظرت له بحقد وتيهه وهي تهز رأسها بخيبة أمل وتتحدث بصوت منخفض٠٠٠إنت مين؟؟ أنا ماأعرفكش،، إنت مجرد واحد كداب وغشاش،، كل يوم تفاجئني بحكاية جديدة ماعنديش أي علم بيها،،
ونظرت في عينه وقالت ٠٠٠إنت مين قولي ؟؟
نظر لها بغضب وتحدث٠٠٠مها الطلبه بيتفرجو علينا،،يلا نمشي من هنا وأنا هافهمك كل حاجه بهدوء !!
كان يسحبها من يدها ولكنها شدت يدها منه بقوة ونظرت له بكرة،، وخرجت مسرعة تحت أنظارهم جميعآ !!
كاد أن يذهب خلفها ولكن يد عماد سبقته،، شده من ياقه قميصه ولكمه في وجهه،، إنصدم أدهم من تصرف عماد الهمجي والغير مسؤل،، وجري الدم بعروقه فرد له اللكمه بأقوي منها ثم تلاها بأخري،،
ردها له عماد،، وتشابكو بالأيدي مع نطق بعض الألفاظ،، مما إستدعي إسراع بعض الشباب إليهم لفض تلك الاشتباك ،،
وفي لحظات كان عميد الكليه واقفآ أمامهم في الكافيتري،، وتحدث بحزم !!
العميد٠٠٠٠دكتور أدهم ،،باشمهندس عماد،،مستنيكم فوق في مكتبي حالآ !!
وخرج،،كانت حالتهم مزريه للغايه،، وجوههم حمراء كالدم من شدة الغضب وأثار اللكمات،، أمسكو بهم بعض الأساتذه وفرقوهم،، وذهبو للعميد الذي بدورة عنفهم وبشده،، فهما أساتذة وقدوة أمام طلابهم،،
فما هي الرساله التي أوصلوها لطلابهم من هذا المشهد المزري الغير حضاري بالمرة !!
وسألهم عن السبب ،،ولكن كلاهما صمت ولم يذكرو مها إطلاقآ لعدم المساس بها وزجها بالمشكلة !!
◇◇◇◇◇◇◇◇◇◇◇◇◇
خرجت تسرع من خطوتها،،أخرجت نظارتها الشمسيه لتخبأة دموعها الحبيسه،، وأسرعت إلي مسكنها،،كانت تحتاج لوجود أريج بشدة،،ولكن للأسف لم تكن موجوده بالجامعه لخروجها في نزهه مع سيف !!
أما أيه،، التي وقفت لتشاهد هذه المسرحيه حتي أخرها،،وبعد إنتهاء العرض وإنصراف الأبطال والجماهير،، إتضرت للمغادرة إلي تلك المكسورة من جديد،،
دخلت أيه الي غرفتها كالإعصار،،صفقت الباب خلفها بشدة مما جعل جدران الغرفه تهتز،،
كانت تجلس القرفصاء علي سريرها تنتحب بشدة،، ودموعها تنهمر على خديها كشلال غزير !!
سمعت صوت الباب رفعت وجهها وجدتها أيه،، نظرت لها بكسرة خاطر،، إعتقدت للحظه أنها ستأتي مهروله إليها وتأخذها بين أحضانها،، فهي حقآ تحتاج من يضمد لها جراحها ويساندها في مصيبتها تلك !!
إنفجرت أيه بحقد كالبركان ٠٠٠بتعيطي ؟؟عيطي يا مها يمكن تغسلي ذنوبك،،مرتاحه دالوقتي لما أتنين دكاترة محترمين يتخانقو ويضربو بعض علشانك !!
نظرت له مها بصدمه وتحدثت٠٠٠إنتي بتقولي أيه يا أيه،،مين ضرب مين؟؟
أجابتها أيه بغل وهي تحادثها ٠٠٠دكتور أدهم ودكتور عماد ضربو بعض علشانك يا هانم،،الدكاترة ولاد الناس المحترمين ضربو بعض،، والجامعه كلها إتفرجت عليهم،،والعميد خرج وشافهم وأخدهم علي مكتبه !!
يارب تكوني مرتاحه ٠٠٠قالتها أيه وهي تنظر لها بنظرات لوم وعتاب !!
مها بدموع وهي تغلق أذنيها ٠٠٠كفايه يا أيه أرجوكي،، مش عاوزه أسمع حاجه !!
أيه بغل٠٠٠ليه؟ إسمعي وإنبسطي،،مش ده اللي كنتي عاوزاة،، عارفه يا مها وأنا جايه الطلبه بيقولوا عليكي أيه ؟؟
مها رأفت تخصص دكاترة ،،باصه دايمآ للعالي !
بس سبحان الله،، الإتنين طلعو بيلعبو بيكي وبيتسلو،، وخاطبين اللي تليق بيهم وتناسبهم !!
كانت تنظر لها بعيون متسعه من الذهول وتهز رأسها يمينآ ويسارآ !
وتحدثت٠٠٠وأيه كمان يا أيه،، وأيه كمان يا أختي يا صاحبتي يا عشرة عمري،، خرجي السواد اللي جواكي من ناحيتي واللي حساه ليا فترة ومش عاوزة أصدقه !!
وتحركت من جلستها وأتجهت لها ونظرت داخل عيناها
وقالت ٠٠٠أيوه يا أيه كنت عارفه،مانا مش غبيه،، بس كنت بغمض عيوني علشان ماأخسركيش،،
أنا خفت من خسارتي ليكي بس إنتي للأسف،،ماخفتيش تخسريني !!
أيه بصراخ٠٠٠ماتفوقي بقا من كلام الإنشا والمثليات اللي عيشالي فيه ده !!
ونظرت لها بكرة وتحدثت٠٠٠إنتي فاكرة نفسك كويسه أوي،، إنتي أكتر حد أناني شفته في حياتي،، إنتي مابتفكريش في حد غير نفسك وبس !!
طول عمرك بتغيري مني وتشوفي أنا عايزة أيه،، وبحب أيه،،وتجري عليه علشان تخطفيه مني وتقهريني !!!
الأول عماد،، وبعديه أدهم،،لفيتي عليهم بوش البرائه اللي رسماهولنا كلنا،،وهما زي الهبل صدقو وجريو وراكي !!
ونظرت بغل٠٠٠ إنتي شيطان يا مها،،إنتي مجرد شيطان !!
كانت تستمع لها بعيون متسعه ودموع تنهمر بغزارة،،وتهز رأسها بعدم تصديق لما تسمعه أذنيها من صديقة عمرها ورفيقة الأربع سنوات،،أختها التي لم تلدها أمها !!
صرخت مها٠٠٠كفايه يا أيه،، كفايه مش عاوزة أسمع أكتر من كده،، مش عاوزه أنصدم فيكي أكتر !!
تحدثت أيه بكرة٠٠٠لا إسمعي علشان تعرفي حقيقتك القذرة ،،إنتي واحدة مغرورة وغبيه يا مها،، بتقولي عليا صاحبتك،، لمانا حوالكي كلنا علشان تثبتي للكل إنك حد هايل،، وشوفو أصحابي إزاي بيحبوني !!
وتحدثت بشماته٠٠٠عارفه،، إنتي تستاهلي كل اللي عملوة فيكي أدهم وعماد،،ولسه يا محترمه،،الجامعه كلها دالوقتي ملهاش كلام،، غير علي الصايعه اللي ماشيه مع إتنين دكاترة في نفس الوقت،، وكانت السبب ف إنهم ضربو بعض،، ولسه اللي هايحصلك من العميد،، إن شاء الله توصل للرفد يارخيصه !!
هنا صرخت بها مها، لم تعد تستطيع أن تتحمل أكثر
مها٠٠٠إخرصي،،أنا أنضف منك ألف مرة،، مش أنا اللي رخيصه يا أيه !!
وأشارت بيدها إليها٠٠ الرخيصه هي اللي تجري وتحاول تاخد حبيب صاحبتها منها ،،الرخيصه هي اللي راحت إفترت عليا ل أدهم ،،وقالتله إن عماد كان بيحجزلي في أفخم الأماكن ويعملي فيها أعياد ميلاد ويجبلي هدايا غاليه !!
ثم نظرت بعينيها بحقد وقالت بقوة٠٠٠الرخيصه هي اللي راحت قالت ل عماد علي حكايتي مع أدهم علشان تأذيني وتدمرني !!
هنا جحظت عيون أيه بإتساع
فتحدثت مها بحزن٠٠٠٠أيوه يا صاحبتي،، أيه فكراني غبيه وما أعرفش؟؟
لا غلطانه،، أنا عارفه ومن أول أسبوع كمان،،
سألت عماد وعرفت منه،،ومع ذلك سامحتك وأديتك عذرك تصدقي،،قولت معلش يا مها،، وقت غضب،،الشيطان أوحالها إن لما تعمل كده أدهم هايسيبني ويحبها،، عذرتك وسامحتك،، قولت كفايه وقفتها جنبي لما تعبت وشوفت خوفها عليا في عيونها،، غفرتلك مع إن غلتطك دمرتني ووجعت قلبي أيام وليالي،،بس للأسف أنا كنت غلطانه،،وده واضح أوي من اللي أنا شيفاه دالوقت قدامي !!
أجابتها أيه ببجاحه٠٠٠٠أيوه أنا اللي قولت لعماد مش هانكر عارفه ليه ؟؟علشان أدهم ده بتاعي أنا،، من حقي أنا،، أنا اللي حبيته قبلك !!
صرخت مها٠٠٠وهو حبني أنا،، وده مش ذنبي،، مش ذنبي إنك حبيتي واحد مش حاسس بيكي،، بتحمليني ليه سوء إختياراتك !!
وهنا جرت مها علي الباب وفتحته وصرخت بأعلي صوتها٠٠٠٠مدام نوووور ،،يامدام نوووور
أتت إليها نور برعب وتحدثت٠٠٠فيه أيه يا مها؟ مالك يا روحي؟ وأيه شكلك ده بتعيطي ليه؟؟
مها بكل قوة٠٠٠من إنهاردة أنا والأستاذة مش ها هينفع نقعد مع بعض في أوضه واحدة،، فا من فضلك تشوفيلها أوضه تانيه،، وأنا هادفع تمن الأوضه دي لوحدي !!
نور بصدمه ٠٠٠٠أيه اللي حصل يا بنات؟
إهدو كده وأستعيذو بالله من الشيطان !!
نظرت لها أيه وتحدثت بحقد٠٠٠٠لو أنتي مش طيقاني قيراط،، أنا مش طيقاكي أربعه وعشرين،،بس إنتي اللي هاتخرجي من الأوضه مش أنا !!
نظرت لها مها بقوة٠٠٠إنتي اللي هاتخرجي وحالآ !!
ونظرت إلي نور ٠٠٠٠لو سمحتي مدام نور يا ريت تتصرفي وبسرعه،، أنا تعبانه وعاوزه أنام !!
نور بتفهم لحالة مها ٠٠٠خلاص يا بنات،، إتفضلي يا أيه لمي حاجتك وتعالي معايا،،هاتقعدي إنهارده مع سارة رفيقتها في أجازة،، وبكرة إن شاء الله نشوف حل للموضوع ده !!
ردت أيه بعناد٠٠٠بس أنا مش هاسيب الأوضه بتاعتي !!
نظرت لها نور وتحدثت بصرامه٠٠٠أيه لو سمحتي إتفضلي معايا أنا مش عاوزه مشاكل !!
خرجت مها للشرفه حتي أقنعت نور أيه بمغادرة الغرفه،،إنتهت أيه من لملمت أشيائها مع نور وخرجت،،ذهبت نور إلي مها التي أسرعت بإشارة قائله !!
مها بحزن٠٠٠لو سمحتي سيبيني لوحدي مش عاوزه أتكلم !!
عذرتها نور،،وتركتهاوأغلقت الباب خلفها !!
ذهبت الي سريرها وجلست ونظرت بشرود،، ودون إنذار إنفجرت دموعها من جديد !!!
رن هاتفها وجدته أدهم، أمسكت هاتفها وألقت به عرض الحائط !!
إنتهي البارت
قلبي ومفتاحه
روز آمين
بداية الروايه من هنا 👇👇👇
