expr:class='data:blog.languageDirection' expr:data-id='1477310355715762718'>

القائمة الرئيسية

الصفحات

شهد القاسم البارت الثاني والتالت بقلم اسراء ابراهيم كامله علي مدونة النجم المتوهج للروايات

 


شهد القاسم

 البارت  الثاني والتالت

بقلم اسراء ابراهيم

- قاسم بص لشهد واتصدم من رد فعلها واستغرب ازاي قدرت تقؤل كدة ومش مستوعب انها ممكن تسيبه وتبعد عنه وازاي اصلا مش هتبقي قدام عنيه ورد بغضب:


- انتي بتقؤلي ايه انتي اتجننتي يا شهد مفيش مرواح في حتة انتي فاهمة


- بصت ليه بضيق وقالت في نفسها حتي قرار اني ابعد واخرج من حياتهم مش عايزني اخده وهيتحكم فيه بس لا مش هسمحله بصتله بعند وردت عليه بعصبيه: 

-ده قرار يخص حياتي ومستقبلي وانا مش هسمحلك انك تدخل فيها وتقرر عني انت مش واصي عليا ولو سمحت يا ابيه انا محترمة بس انك اكبر مني فمتخلنيش اضطر اني  اقف قصادك 


- قاسم اتصدم من رد فعلها ومن كلامها وفي باله بيفكر وهو باصص في عنيها للدرجادي شايفاني وحش وكمان كبير عنك بس لا يا شهد  انتي ملكي بتاعتي انا وبس ومش هسمحلك انك تبعدي عني وبص لامه وهيا عرفت هو بيفكر في ايه 


- بصت زينب لقاسم بترجي وقالتله:

- لا يا قاسم ارجوك متعملش كدة 


- قاسم بص لامه واتكلم بقلة حيلة:

- مفيش حاجة في ايدي غير اني اعمل كدة انا اسف


- شهد كانت دخلت اوضتها تلم هدوما وشوية وخرجت بالشنطة والدموع في عنيها لانها مكنتش عايزة تمشي وتسيب خالتها 


- عصام عمها كان قاعد واول ما خرجت شهد بصلها وابتسم بسخرية وخبث وكان متابعه قاسم لانه عارف عمها عصام كويس انه طماع وانه عايزها عشان بس الفلوس بتاعة ابوها 


- شهد حضنت خالتها جامد اوي وقالتها انا اسفة بس لازم امشي هجيلك تاني 


- زينب ببكاء: اخس عليكي يا شهد عايزة تمشي وتسيبيني اهون عليكي تبعدي عني 


- شهد وهي بتبص لقاسم بكر*ه غصب عني والله لو عليا مكنتش مشيت وسبتك بس انتي عارفة انا ماشية ليه 


- ابتسم قاسم وقام من مكانه بثقة وزينب بتبصله له برجاء بس هو اتجاهلها وقرب من شهد وقالها:

- انا سايبك تعملي اللي انتي عملتيه ده ولميتي هدومك بس مفيش خروج من هنا 


- عصام قام من عالكرسي بغضب وقاله:

- انا هاخد بنت اخويا غصب عنك واللي عندك اعمله دي مش قاصر يعمي انت خاطفها وانا ممكن اسجنكو 


- قاسم بصله ببرود واتكلم وهو بيقعد وبيحط رجل علي رجل: 

-كويس انك عارف انها مش قاصر وعشان هيا بقي مبقتش قاصر وانت بتقؤل هتبلغ اني خاطفها تمام كل ده زي الفل بس الغريبة ان مفيش حد بيخطف مراته ولا ايه 


- الكلام وقع علي شهد صدمها جوزي ازاي يعني ايه ده عقلها مش مستوعب اصلا 


- زينب بصت لقاسم وقالتله: 

-ليه كدة يا بني وقعدت عالكرسي بقلة حيلة وهيا في نفسها مكنتش عايزة شهد تعرف ولا حد وعارفة انها كدة فتحت علي ابنها باب جهنم


- عصام مش مصدق كان هيتجنن وبقي يتكلم بزعيق انت اتجننت جوزها ازاي وامتي انا هسجنك وهوريك يا قاسم ازاي تعمل كدة انتو طبختوها سوا وعايزيني اشربها انت انت كداب انا عايز اشوف القسيمة 


- قاسم بصله بغضب: 

-انا مش هوريك حاجة وانا جوزها وشهد مراتي وروح بقي بلغ البوليس وانا لما يجولي هبقي اوريهم القسيمة يلا بالسلامة بقي عشان احنا ورانا مشوار واتاخرنا 


- عصام بغيظ وغضب انا هوريك يا قاسم وبص لشهد عشان يشككها في قاسم:  شهد حبيبتي اوعي تصدقي الناس دي نصابة هو اتجوزك عشان عينه علي فلوسك عشان كدة خطفوكي منا زمان ودلوقتي اتجوزك وبعدين ياخد فلوسك ويرميكي اوعي تأمنيله 


- زينب بصريخ انت كداااب يا اخي اتقي الله ربنا ينتقم منك انتو عايزين مننا ايه ما تسيبونا في حالنا بقي اطلع برررة 


- عصام بص لزينب بغضب وقالها انا ماشي بس هنتقايل تاني يا زينب انتي وابنك وسابهم ومشي 


- شهد قربت من زينب واتكلمت وهيا بتعيط: ماما زينب بالله عليكي قوليلي انه كداب ازاي اصلا وانا معرفش وممضتش علي حاجة انا هتجننن قولي اي حاجة متسكتيش كدة ومسكت دماغها بتوهان 


- زينب وهي بتملس علي شعرها بحنان اتكلمت بعياط والله عملت كدة عشان احميكي منه عمك عصام ده قادر ومفتري وكل همه الفلوس وبس عشان كدة انا خدتك وانتي صغيرة عشان احميكي منه  دي وصية امك يا شهد وصية هند اختي الله يرحمها وانا مقدرتش اسيبك ليهم وانا عارفة انهم بيكر*هوكي وبالذات مرات عمك كانت بتكر*ه هند اختي من زمان عشان كدة ابوكي اخد هند وبعد بسببهم حقك عليا بس هيا دي الطريقة اللي هتحميكي منهم .


- شهد بعياط وانهيار تحميني منهم تقومي تجوزيني لابنك اللي بيكر*هني اللي بيعاملني وحش من ساعت ما وعيت عالدنيا انتي رمتيني لاخر انسان في الدنيا اتمني اني ابقي معاه مش ابقي مراته انتي متعرفيش انتي عملتي فيا ايه ابيه قاسم ده اكبر مني ب١٣ سنة وهو بالنسبالي اخويا ليه تعملي كدة حرام عليكي وفضلت تعيط بحرقة


- اما قاسم فالكلام دخل زي السهم في قلبه لما اتاكد انها مش بتحبه لا بتكر*هه وشايفاه اكبر منها بعد كل الحب اللي حبهولها وشايفاه كدة وقال في نفسه طبيعي تشوفه كدة ماهو اللي مربيها ودايما متحكم فيها بس من حبه وغيرته عليها كان بيبصلها وفي عيونه دموع متحجرة وقلبه بينز*ف 

فصغيرته كما يسميها اصبحت تكر*هه ولا تراه الا اخاها فقط بصلها وحاول يلم جر*ح قلبه وكرامته اللي حاسس انه اتجر*ح فيها 


وبصلها ببرود واتكلم اوعي تكوني مفكرة اني كنت راضي بالوضع ده بس كان لازم ده يحصل عشان خاطر مصلحتك وبناء علي طلب امي ليا غير كدة مكنتش وافقت  وعموما اول ما تخلصي دراستك وتلاقي الانسان المناسب سعتها هطلقك وتبقي حرة واملاكك تحت ايدك قال كدة وقام خرج من الشقة وهو قلبه جريح تلك الشهد 


------------------


-في الكافيه كانت قاعدة مريم وكل شوية تبص في  ساعتها لحد ما لقت شاب داخل عليها ده يبقي ادم صديقها في الجامعة وبيحبو بعض ادم دخل وقعد قدامها 

-وحشتيني جدا جدا 


-مريم اتكلمت بعصبية والله انت بتهزر يا ادم انت عارف انا مستنياك بقالي قد ايه بقالي ساعتين ممكن اعرف ايه اللي اخرك كدة 


-ادم وهو بينفخ بزهق خلاص يا مريم بقي يا ستي امي كانت تعبانة وكان لازم اوديها للدكتور 


- مريم بهدوء ردت عليه الف سلامة علي والدتك يا ادم بس المفروض انك تكلمني وتعرفني انك مش هتقدر تيجي تقدرني يا ادم لكن تسيبني كدة استناك حتي خاف عليا احسن حد يضايقني 


-ادم بصلها وابتسم ومسك ايديها حقك عليا يا مريومة بس الموضوع جه فجأة ومقدرتش اكلمك 


-مريم شدت ايدها منه واتكلمت بحب ولا يهمك خلاص انا بس بعرفك يعني لبعدين ها طمني فاتحت والدك في موضوعنا 


-ادم اتلجلج في الكلام وقالها اه اه طبعا يا حبيبتي وقالي بس نخلص السنة دي ونتخرج ونيجي نتقدملك علطول 


- مريم باستغراب ردت طب وليه مقولتلوش انك تتقدم ونقرا فاتحة والخطوبة نخليها بعد الامتحانات 


-ادم ببرود رد خلاص بقي يا مريم مفرقتش هانت كلها شهرين عالامتحانات وسعتها هنعمل خطوبة علطول ومسك ايديها وبصلها بحب 


-مريم شدت ايدها منه واتكلمت لو سمحت يا ادم انا قولتلك اني مبحبش كدة ومش من البنات دي فياريت تحترم رغبتي 


-ادم بملل طيب يا حبيبتي يلا هتشربي ايه بقي 


-------------------بقلمي اسراء ابراهيم


-قاسم كان ماشي عالكورنيش وهو مخنوق حاسس الدنيا كلها سودا في وشه كان فاكر ان لما شهد تعرف بجوازهم هتفرح وتقؤله انها كمان بتحبه بس للاسف طلعت بتكر*هه ونفسها تسيبه بأي طريقة مع انه هو حبها اه كان بيقسي عليها بس من حبه فيها وغيرته وبقي يلعن نفسه عشان قالها انه هيطلقها لما تخلص دارستها وتلاقي الانسان اللي تحبه وبقي يكلم نفسه بصوت عالي غبييي انا غبي ازاي اقؤلها كدة ازاي هسيبها لغيري واسلمهاله بنفسي يعني عشان ارد كرامتي منها اضيعها من ايدي 

وبعدين قاسم هدي وقال لنفسه بهدوء متكابرش يا قاسم هيا مش بتحبك وشايفاك كبير عليها يعني عمرها ما هتفكر تحبك شهد خلاص ضاعت حلم عمرك وحقك زي ما بتقؤل راح منك وفضل ماشي في الشوارع لحد الفجر وبعدين روح البيت ودخل علي اوضته علطول عشان ميشوفهاش 


------------بقلمي اسراء ابراهيم


- تاني يوم الصبح في بيت عصام كان قاعد مع مني مراته وابنه عز عالسفرة واتكلم وهو بياكل لعبها صح ابن زينب قالك بقي اتجوزها انا واكوش علي فلوسها كلها لا وايه كدة كدة البت تحت ايدهم ومفهمينها اننا اللي وحشين وطمعانين فيها 


- رد عز بسخرية طب ما هي دي الحقيقة يا بابا 


- عصام بضيق قصدك ايه ياض انت قصدك اننا طمعانين فيها لا اخويا ده حقي في ورث اخويا ومش هسيبه 


- عز بعند رد عليه لا يا بابا لو سمحت ده مش حقك ده تعب عمي وشقاه يعني هو اللي اشتغل وجمع فلوسه دي وحضرتك ملكش حق فيها المفروض بنته 


- ردت مني بغيظ انت يا واد انت طالع لمين هه قولي ده احنا ولا اكننا ربناك


- عز رد عليها وهو بيقوم من عالسفرة انا مش طالع لحد انا بقؤل اللي بيمليه عليه ضميري حرام عليكم سيبو البنت في حالها بقي انا ماشي عشان هتاخر لازم اسافر عشان جامعتي وانا مش هاجي الا كل اسبوعين 


-مني ردت عليه بضيق انا مش عارفة كان لازمته ايه الشحطتة دي ما كنت خليتك السنة دي هنا في جامعتك وخلاص 


- عز ببرود لا كدة احسن عشان انا عايز اغير جو مش حابب افضل هنا في اسكندرية بس هو في نفسه عايز يبعد عنهم بتفكيرهم اللي بيضايقه وبيخنقه 


-عصام بغيظ مع  السلامة يا اخويا لكش تفلح في الاخر 


-عز بص لابوه وصعب عليه معاملته ليه كدة ودعا في نفسه ان ربنا يهديهم ويبطلو حقد وكره لبنت عمه وسابهم ومشي 


- عصام بعد ما عز مشي بص لمني وقالها شايفة ترييتك 

مني بعصبية معرفش مين اللي مالي دماغه بالكلام ده 


------------


شهد قامت من النوم قبل معاد المدرسة كانت تعبانة لانها ملحقتش تنام ساعة علي بعضها كانت طول الليل بتفكرفي اللي حصل وازاي في يوم وليلة قاسم بقي جوزها بس اللي طمنها كلامه لما قالها انه هيطلقها اول ما تخلص تعليم يعني لسة قدامها اربع سنين الجامعة مش عارفة ازاي هتستحمله كل ده فضلت قاعدة عالسرير وهي بتفكر  و بتحاول تدور علي سبب لمعاملته ليها كدة وتحكماته الدايمة ليها لحد ما استنبهت انها هتتأخر قامت لبست وطلعت 


-قاسم كان قاعد عالسفرة وشافها لما طلعت وحاول يتجاهلها فقام وقالها يلا هيا ومريم وبعدين بص لشهد لما لفت نظره علي البلوزة بتاعتها ضيقة قرب منها واتكلم بعصبية هو انا مش قولت البلوزة دي متتلبسش تاني 


-شهد كانت عارفة انه هيضايق وحبت تغيظه فبصتله بتحدي غير كل مرة ما بتبقي خايفة منه وقالتله اولا ده شئ يخصني ثانيا انت ملكش انك تدخل في حياتي انت مجرد جوزي مؤقتا لحد ما اخلص دراستي فياريت تلزم حدودك معايا وكملت بسخرية وهي قاصدة يا يا ابيه قاسم 


-قاسم اتكلم ببرود عكس البركان اللي جواه ورغم انه فهم انها قاصدة تفكره انه اكبر منها وانه جوزها لفترة مؤقتة وده خلاه حاسس بكسرة وحاول يداريها وقالها 


-والله مش هننزل من هنا الا لما تخشي تغيري البلوزة دي وكله من وقتك يا شهد 


-زينب قالتلها برجاء اخزي الشيطان يا شهد انتي عارفه قاسم عِندي وكدة هتتاخري عالمدرسة يلا خشي غيري يا بنتي


-شهد فضلت واقفة شوية بعند وبعديها حست انها هتتاخر راحت دبدبت برجليها في الارض زي الاطفال من الغيظ  ودخلت تغير البلوزة 


-قاسم فضل واقف وهو حاسس انه في عالم تاني وكل كلام شهد بيتكرر في ودنه وزينب متابعة شكله وصعبان عليها ابنها 


وشوية وشهد طلعت وقاسم اول ما شافها ااتصدم وقرب منها وقالها ........ يتبع 🔥


بجد فرحت بتعليقاتكم الجميلة دمتم ليا مشجعين ♥♥


رأيكم في البارت يهمني جدااا♥♥ 


تفاعل جامد بقي عشان البارت الثالث


ومتنسوش تعملوااا متابعه لصفحتى


البارت الثالث


شهد القاسم


-قاسم بغيظ انتي ايه اللي انتي لبساه ده انتي  لبسة لبس بيت ليه ؟


-شهد بعند كدة مليش مزاج اروح المدرسة انهاردة ولا حضرتك هتلبسني وتوديني غصب عني زي ما بتتحكم في كل حاجة في حياتي 


-قاسم ببرود براحتك وبص لمريم وقالها يلا يا مريم وساب شهد ونزل 


-زينب قربت من شهد وقعدت جمبها وقالتلها ليه بتعملي كدة في قاسم يا شهد 


-شهد بحزن يعني انتي مش شايفة هو بيعمل ايه معايا من زمان طول عمره بيكر*هني اعملي ده ومتعمليش ده متلبسيش ده ومتكلميش ده واقفي عدل وتحكمات كتير انا حاسة اني في سجن وانتي دايما بتقفي في صفه عشان هو ابنك لكن انا يتيمة مليش حد يدافع عني 


-زينب خدت شهد في حضنها بسرعة وطبطبت عليها واتكلمت بدموع اخس عليكي يا شهد بقي انتي ملكيش حد اومال روحت فين ده انا اللي مربياكي ده انتي بنتي يا عبيطة عارفة يا شهد انتي لو عرفتي قاسم بيعمل معاكي كدة ليه هتعذريه 


-شهد بصت لزينب باستغراب وردت بتلقائية عشان بيكر*هني طبعا عشان كان بيشوف بتعامليني ازاي وخصوصا اني مش بنتك زي مريم كدة انتي عارفة علي قد ما انا بضايق في تحكماته بس بفرح لما بحسه كويس معايا وبيعاملني حلو بحس اني طايرة ورجعت كشرت تاني وكملت بس ده مبيحصلش كتير نادرا بس 


- زينب بصت لشهد وملست علي شعرها وقالتلها قاسم عمره ما كر*هك ده ابني وانا عارفاه كويس مشوفتيش فرحته بيكي لما جبتك هنا كان سعتها عنده ١٢سنة وانتي كان يدوب عندك سنة كان فرحان بيكي اوي وكان بيعملك كل حاجة حتي النوم كان هو اللي بيسهر بيكي هو بيقسي عليكي عشان وسكتت مكملتش وقالت لشهد بكرة تعرفي اني عندي حق 


- فكرت شهد في كلام زينب بس من جواها حاسة ان في حاجة تاني بتخليه يعمل معاها كدة وللحظة كدة افتكرت قد ايه هو بيكون موجود لما بتحتاجله وفي اي حاجة وحشة بتحصلها بيكون هو اول واحد معاها وبيدافع عنها واتنهدت بزهق وقالت لزينب انا هقوم اذاكر عشان امتحاناتي قربت ولازم اجيب مجموع كويس  


-زينب قاتلها بحب قومي يا حبيبتي ربنا معاكي يارب وانا هعملك حاجة تشربيها وانتي بتذاكري 


-شهد باستها من دماغها وقاتلها تسلميلي يارب يا زوزو يلا انا داخلة وسابتها ودخلت اوضتها 


..........................


-مريم كانت داخلة الجامعة وبتدور بعينها علي ادم ومش لقياه بصت في سعتها لقت لسة ربع ساعة علي المحاضرة وراحت الكافتريا ولسة هتقعد عالكرسي شافت ادم قاعد مع بنت وبيضحكو سوا وكمان ماسك ايديها حست انها مخنوقة وكانت مضايقة بس جمعت شجاعتها وقربت منهم 


-ادم اول ما شاف مريم اتلخبط وقام وقف واتكلم بسرعة وهو مرتبك مريم ايه اللي اخرك كدة انا كنت مستنيكي 


-مريم بصتله بحزن وقالتله بس انا قولتلك امبارح اني مش جاية يا ادم انهاردة  


-لا ما انا قولت اكيد هتيجي عشان تشوفيني 


-مريم بصت عالبنت وبصتله تاني وسالته مين دي يا ادم 

-البنت ردت عليها ببرود وانتي مالك يا حبيبتي 

-ادم بص لمريم وقالها دي تبقي زميلتي عادي يعني يا مريم 


-مريم بصتله بدموع وقالتله وزميلتك هتقعد معاها وتمسك ايديها كدة 

-البنت ردت بخبث عندك حق انا فعلا مش زميلته انا ابقي حبيبته وبعد الامتحانات هيتقدملي ونرتبط رسمي في حاجة بقي 


-ادم بص للبنت بغيظ وقالها اخرسي بقي وبص لمريم ولسة هيتكلم قاطعته مريم 


-عارف انا اللي غلطانة اني صدقتك لكن انا اتخدعت فيك انت انسان حقير والحمد لله انك بنت علي حقيقتك وسابته ومشيت وهيا بتعيط 


-مريم وهيا بتجري علي برة خبطت في عز والكتب وقعت من ايديها وطت ولمتهم وهو كمان قالها انا اسف مخدتش بالي منك ووطي يلم معاها بقيت الكتب مريم وهي موطية راسها مش بتبصله اتكلمت وقالته انا اللي اسفة بجد عشان كنت ماشية مش واخدة بالي بعتذر منك 


- عز بصلها وعرف انها بتعيط ودقق في ملامحها جامد مريم جميلة فعلا بشرتها قمحي وعيون ملونة رمادي ورموش كتير 


-مريم بصتله بتوتر وعنيها كلها حزن ودموع ولمت الكتب بسرعة وقالته بعد اذنك وسابته ومشيت وهو فضل يبص عليها وهو نفسه يعرف سر دموعها ايه 


...................................


-في مكتب كبير بتدخل واحدة ست جميلة جدا وبتكلم السكرتيرة هواستاذ قاسم موجود ياريت تبلغيه اني عايزة اقابله قوليله ديدي الهواري 


-السكرتيرة بعمليه اه يا فندم موجود في معاد سابق ؟

-ديدي ببرود لا مفيش قوليله اسمي وهو هيقؤلك تدخليني 


- السكرتيرة باستغراب تمام تقدري ترتاحي وهبلغه 


-خبطت السكرتيرة ودخلت وكان قاعد علي مكتبه مركز في ملف قدامه قالتله مستر قاسم في واحدة ست برة وعايزة حضرتك من غير معاد قالتلي اقؤلك علي اسمها وحضرتك هتعرفها اسمها ديدي الهواري 

-قاسم قلع نضارته وحطها عالمكتب وافتكرها علطول وقال في نفسه ودي ايه اللي فكرها بيا وبعدين بص للسكرتيرة وقالها قوليلها تدخل 


-السكرتيرة بعملية حاضر يا فندم وخرجت ودخلت بعدها بشوية ديدي وهيا بتضحك كانت شيك جدا بس لبسها اوڤر شويتين اتكلمت بحب قاسم ازيك وحشتني 


-قاسم قام وقف وسلم عليها بود ديدى اهلا بيكي نورتي مكتبي اتفضلي تشربي ايه 


-ديدي وهي بتقعد وحاطة رجل علي رجل ولا حاجة بيبي I'm fine    طمني اخبارك ايه وبصتله باصة هو فهمها وسألته اتجوزت


-قاسم جه في باله شهد وقلبه دق بس تجاهل احساسه و بص لديدي بلا مبالاه ورد لا لسة المهم انتي عرفتي عنوان مكتبي ازاي ؟


-ديدي بدلع بيبي بقي في حد ميعرفش قاسم الصياد اكبر محامي في البلد ازاي بقي وبعدين انا لية طريقتي وغمزتله


-قاسم ابتسم بببرود وقالها لسة زي ما انتي يا ديدي متغيرتيش 


-طبعا وبعدين انت عارف من ايام الجامعة وانا كدة حرة مليش قيود

-قاسم بتلقائية وهو بيبصلها طبعا عارف  يا ديدي ها قوليلي جاية شغل ولا بس تسلمي وكدة 

-طبعا بيبي شغل بس مش هينفع هنا ايه رايك هيجلك البيت انت غيرت عنوانك ولا لسة زي ما هو 

-قاسم بعملية طالما شغل يبقي هنا يا ديدي ده مكان الشغل 


-ديدي قامت ما عالكرسي وقربت منه واتكلمت بدلال متقلقش عارفة انك عايش مع مامتك لسة انا بس حابة اتعرف عليها وكمان عشان الموضوع كبير وهنا ممكن اكون متراقبة 


-قاسم باستغراب امممم واضح ان الموضوع كبير 

-اه وعشان كدة قولت نتكلم في البيت عشان محدش يشك فيا اني جايالك بغرض شغل فهمت 


-قاسم قام من مكانه وقالها تمام بكرة ان شاء الله هستناكي علي خمسة كويس 


-ديدي وهيا بتاخد شنطتها ردت عليه اوك بيبي بااااي وسابته ومشيت وهو قعد علي كرسيه واتكلم في سره انتي مش بيجي من وراكي خير يا ديدي ربنا يستر 


....................................


-دخلت مريم البيت وهيا بتعيط شافتها زينب وجريت عليها وهي خايفة 

-مالك يا مريم فيكي ايه يا بنتي بتعيطي ليه طمنيني حصلتلك حاجة 


-مريم بحزن متقلقيش يا ماما انا بس تعبت شوية فمقدرتش اكمل بقيت المحاضرات


-زينب بخوف خلاص يا حبيبتي ولا يهمك خشي ارتاحي وهعملك حاجة دافية تشربيها

 

-مريم بلهفة لا يا ماما مفيش داعي انا هخش انام شوية ولما اصحي ان شاء الله هبقي كويسة بعد اذنك وسابت امها ودخلت اوضتها اترمت عالسرير وفضلت تعيط 


- زينب خبطت علي شهد ودخلتلها شهد حبيبتي ممكن تروحي تشوفي مريم مالها 


-ليه يا ماما زينب ايه اللي حصل مالها مريم 


-زينب بحزن ردت لقتها جاية دلوقتي وبتقؤلي انها تعبت هتنام شوية بس انا مش مرتاحة حاسة ان فيها حاجة ياريت تدخلي تتكلمي معاها جايز تحكيلك انتي 


-شهد خدت زينب في حضنها بتطمنها متقلقيش يا ماما زينب انا هروح اشوفها مالها واطمنك وسابتها وراحت عند مريم 


..................


-شهد خبطت علي مريم ودخلت لقتها قاعدة عالسرير بتمسح دموعها بسرعة قعدت جمبها وقالتلها مالك يا مريم ايه اللي حصل يخليكي تعيطي كدة 


-مريم بصتلها بحزن وحضنتها وفضلت تعيط 

-شهد قلبها وجعها علي صحبة عمرها، مريم مش بس بنت خالتها لا دي اختها اتربو سوا وكانو بيشاركو كل حاجة سوا ومش بيخبو علي بعض حاجة وطبعا شهد عارفة اللي بين مريم وادم زميلها رغم انها مش بترتاحلو بس متكلمتش لان مريم كانت متعلقة بيه من يوم ما شافته في  الكلية وهي بتحبه وكانت فرحانة جدا اما راح اعترفلها انه معجب بيها وجت قالت لشهد وكانت طايرة من الفرحة،

 شهد طبطبت عليها وقالتلها حصل حاجة بينك وبين ادم صح  ؟ احكيلي. 


-مريم رفعت وشها وهي بتعيط مكنش يعرف انه جاية انهاردة الكلية قولتله اني مش هاجي امبارح لاني معنديش محاضرة مهمة وروحت عشان اشوفه واعمله مفاجئة بس المفاجئة كانت ليا انا شوفته وهو قاعد مع بنت وبيضحكو سوا وماسك ايديها شوفت نفس نظرته ليا وهو بيبصلها نفس النظرة وفضلت تعيط بشحتفة 


-شهد وهي تملس علي شعرها خلاص يا حبيبتي اهدي عشان خاطري بصراحة يا مريم انا كنت حاسة انه انسان مش كويس بس انتي كنتي متعلقه بيه ومش شايفة عيوبه عشان كدة مرضتش اتكلم معاكي لانك مكنتيش هتسمعيلي بس الحمد لله انه بان علي حقيقته وعرفتي انه كداب وبتاع بنات ودلوقتي لازم تفوقي لنفسك وتبعدي عن البني ادم ده نهائي سامعاني اي مريم


-مريم بعياط فعلا انا كنت معمية مش شايفة عيوبه كان بيطلعلي حجج عشان ميبقدمليش بس انا كنت بعمل نفسي مش شايفة ودلوقتي انا اللي بدفع التمن شهد انا حاسة اني مش كويسة كل ما افتكر اني كنت سهلة بالنسباله وانه ضحك عليا وبقيت من البنات اللي بيكلمهم بحس اني وحشة اووي 


- شهد بصتلها بحزن واتكلمت بصي يا مريم منكرش انك غلطانة لانك سمحتيله انه يلعب بيكي بس انا عشان عارفاكي وعارفة انك حبتيه بجد بقؤلك انك مش وحشة انتي صدقتيه وهو طلع انسان حق*ير عشان كدة هنقطع صفحته ونرميها في اقرب زبالة ونبدأ من جديد ويلا بقي قومي اغسلي وشك عشان زوزو قلقانة عليكي وهتتجنن وهيا شايفاكي كدة 

-مريم مسحت دموعها وهزت راسها وهيا بتقؤلها حاضر وحضنت شهد بحب وقالتلها يخليكي ليا يا حبيبتي وتفضلي دايما صحبتي واختي 

-شهد حضنتها بحب ويخليكي ليا يا مريومتي

................


 -كان عز قاعد في بيت اجره مع اتنين صحاب ليه وكان قريب من الجامعة فكان قاعد سرحان وهو بيفكر في مريم حتي هو ميعرفش اسمها بس كان بيفتكر ملامحها الجميلة اللي سحرته وافتكر دموعها وكانت صعبانة عليه اووي ونفسه لو يقابلها تاني ويتعرف عليها وفضل يفكر لحد ما راح في نوم عميق 


......................


بليل دخل قاسم البيت اول ما فتح الباب قال مساء الخير و لقي شهد وامه واخته مريم قاعدين سوا تجاهل شهد وكأنه مش شايفها واتكلم مع مريم وهو بيديها شنطة فيها شيبسي وبيبسي وشيكولاتات وقالها خدي يا مريم 


-مريم فرحت بالحاجة وقالتله متحرمش منك يا قاسم يارب انا قولت طالما اتأخرت يبقي مش هاتجبلنا الحلويات بتاعتنا زي كل يوم

 

-وانا اقدر برضه انا بس كنت مضغوط شوية وعندي قضية مهمة عشان كدة اتاخرت بس وسابهم ودخل اوضته


-شهد زعلت وكشرت عشان هو كل مرة بيفتكرها بشنطة الحلويات بتاعتها وعمره ما نسي ابدا وفهمت انه زعلان منها وبيعاقبها بس اتفأجأت ب......يتبع 🔥


اولا  بشكركم علي تفاعلكم القمر بجد فرحت جدا ♥♥


رأيكو في البارت يهمني جداااا ❤❤


تفاعل جامد بقي عشان البارت الرابع

لو وصل البارت 500 كومنت

هنزل بارت كمان بليل

ملحوظه باقي الرواية مش هتظهر غير للمتابعين فقط

تكملة الرواية من هنا 👇👇👇

من هنا

بداية الروايه من هنا 👇👇👇

من هنا

تعليقات

close