 |
دكتور_بطاطس
البارت_السادس والسابع
بقلمى منار مجدى
كريم حط أيده على كتفها:أصله بمزاجك أصله .
وليد:طبعا بمزاجها.
كريم:اهو إلى بيطبلك وصل اهو.
وليد:القمر نزل معانا اخيرآ.
موده:بعد عذاب على ما صحيت انت والاستاذ.
ريم وهى بتجرى:انا جيت اهو.
موده:بألف حمدالله على سلامتك.
ريم:الله يسلمك.
موده:ما يالا بقا يا جماعه هنتأخر الساعه٧ ونص.
ركبو ووصلو الجامعه.
كريم:وليد تعال نجيب سندوتشات شاورما.
موده:كريم واحد بس حاسه ان نفسى مسدوده.
كريم:بجد جيه اليوم إلى تأكلى فيه سندوتش واحد يا موده انا بحلم يجدعان اخيرآ المصروف هيقعد.
موده:انت هترغى لسه يالا جعانه.
كريم:يباى عليكى.
مشى كريم ووليد وموده وريم قعدو فى الكافتيريا.
موده:محموووووود.
محمود:جهزت ياباشا اهى.
موده:الله عليك يا جدع ده ايه الجمال ده.
محمود:ده ليا وله للقهوه.
موده بضحك:إزاى تسأل سؤال زى ده يا محمود القهوه طبعآ.
ضحكو سوا.
كريم:المطعم كان فاضى انهارده.
وليد:انا هجيب بيبسى واحصلك.
كريم:طيب.
راح كريم لموده وريم.
كريم:خدى السندوتش اهو.
فتحته وبدأت تأكله وقع على هدومها صلصه من السندوتش.
موده:انت جايبه وباصصلى فيه وله ايه.
كريم ضحك.
موده:انا هروح الحمام حسبى الله ونعم الوكيل في اللي كان السبب.
كلهم ضحكو وموده قامت.
كريم:طيب سيبى السندوتش.
موده وهى ماشيه:لا عشان تأكله.
مشيت ودخلت الحمام وغسلت هدومها وخرجت خبطيت فى مالك.
مالك:انا افتكرتك مجتيش.
موده:الساعه لسه ٨الا عشره وانا معادى الساعه٨ صح.
مالك:ايوه انا كنت عايز اعتذرلك على امبارح.
موده اخدت قطمه من الشاورما:مفيش مشكله.
وفجأة من ضهرها يجى وليد ويقطم الشاورما وتبصله موده بغضب ومالك بيبصله ورافع حاجب ولسه هيتكلم.
موده:انت حيوان يبنى ده بتاعى
مالك ابتسم.
وليد:خدى ده وهاتى ده.
موده:خد اطفحه انا اصلا بقرف كتك القرف هات ديه.
اخدت الشكولاته الى جابهالها واخدت البيبسى بتاعه.
وليد:بس ده بتاعى.
موده:عشان تاخد السندوتش اوى ده انا مرديتش اسيبه لكريم احسن يأكله تأكله انت ده انت رخم ياض.
وليد:يا بنتى همد إيدى.
موده:لو راجل اعملها.
وليد جيه يقرب مالك كان هيوقفه بس.
موده بصوت عالى وابتسامه:كرررريم.
وليد:خلاص خلاص ده انتى بلوه.
موده:مفيش بلوه غيرك.
مالك بعصبية:مش يالا بقا المحاضره هتبدأ.
موده:طيب وليد قول لكريم انى مشيت وانت هاتلى سندوتش بدل إلى طفحته.ومشيت مع مالك.
دخلت وفضلت واقفه مركزه بس مالك مكنش مركز كل شويه كان يوقف شرح ويركز فى ملامحها ويفوق المهم.
خرجو من المحاضره.
موده بقلق:دكتور انت كويس وله لسه تعبان بتاخد الدوا فى معاده.
مالك:اه انا كويس وباخد الدوا متقلقيش.
موده:كويس ومين قلقان انا لا خالص.
كريم من بعيد:مووووده.
موده ابتسمت ابتسامه جميله:كريييم.
كريم حط أيده على كتفها وهو بيكلم مالك.
كريم:انا كنت محتاج اتكلم مع حضرتك فى موضوع العقد إلى الغبيه ديه وقعته عايز اعرف هى وقعت على إيه.
موده:أحم بلاش شتيمه.
كريم:بس يا بت.
موده بعصبية اطفال:اتخرست.
مالك:وده بصفتك إيه أن شاء الله.
كريم:اخ . ومكملهاش ولقا موده بتقول.
موده:خطيبى.
كريم بصيلها بإستغراب ومالك شد على إيديه جامد.
مالك:طبعا تعال فى الكافتيريا نتكلم بس دلوقتى مضطر استئذان عندى محاضره.
كريم:منتظر حضرتك ومسك موده من خدها:وانتى خلى بالك من نفسك ماشى.
موده شالت ايديه بوجع:وجعتنى يا كريم.
كريم:يا قلب كريم. وباسها من خدها مسحت موده البوسه بتاعته بكمها:يووه يا كريم قولت بقرف الله.
جريت ورا مالك إلى سابها ومشى وخلصو المحاضره وراحو الكافتيريا مالك إدى العقد لكريم وكريم مسكه كان قاعد جنبه وليد والناحيه التانيه موده بيبصو معاه وقدامه مالك وريم إلى مركزه فى ملامح مالك وبتبصله بهيام.
موده:انت فاهم حاجه.
وليد:اقطع دراعى لو كريم فاهم حاجه.
كريم:لا مش متزفت طيب وبعدين.
موده شديت العقد منه وخبطيته على التربيزه.
موده:بص دلوقتى محدش فاهم اى حاجه فى العقد غريب الأطوار ده ففهمنا كده بس قبل ما تتكلم محمووووود خمسه قهوه هنا.
محمود:اتفضلى يا موده
موده:تشكر يا رياسه.
مشى محمود وهو بيضحك عليها وبيحرك رأسه شمال ولمين اخدت بق بتلذذ وبصيت لمالك.
موده:يالا سمعينك
مالك بضيق:بصى هو**********.
وشرح لهم بنود العقد وهما ٥٠%مش فاهمين حاجه بس فهمين الخمسين التانين.
موده:اهو يا كريم مش قولتلك دكتور بطاطس طيب.
مالك:افندم.
موده:إيه.
وليد:اه طول الوقت بتقول دكتور مالك طيب وقلبه ابيض ونضيف وكويس
كريم:طبعآ.
ريم:امااال.
مالك:يعنى انتو سمعتوها دكتور مالك.
موده:امال انا قولت ايه.
مالك:دكتور بطاطس مثلا.
موده:انا يا دكتور لا مش انا انا واحده محترمه وعارفه حدودى كويس
مالك بسخرية:اه هو باين.
وقام مشى.
موده:هو قصده إيه.
كريم:مش عارف.
موده وهى بتلم حاجاتها:طيب انا ماشيه ها هكلمك يا كريم بعد ما اخلص.
كريم:اشطاط.
وليد:لحقناها بمعجزه.
كريم:لسانها متبرى منها.
عند موده كانت بتجرى وراه لانه من العصبيه مكنش شايف قدامه وركب العربيه ورزع الباب ركبت موده بسرعه جمبه وقفلت
موده:انا جاهزه.
مالك ساق بسرعه موده بتخاف من السرعه عيطت بصوت واطى وكانت بتحاول تقفل الحزام ومش عارفه من كتر الخوف بص مالك عليها من المرايا لقاها بتعيط وقف العربيه بسرعه عملت صوت جامد.
موده صرخت وغمضت عينيها وهى منهاره عياط.
مالك بخوف:موده انتى كويسه.
موده فتحت عينيها وكانت بتترعش من الخوف وشفايفها بتترعش وبتتكلم بصوت واطى مسمعهاش شدها من إيديها خبطيت فيه بصيتله بعينيها البنى وهى مدمعه وشفايفها بتترعش من الخوف .
مالك بعصبية:سألتك سؤال بتعيطى ليه.
موده غمضيت عينيها وقالت بعصبية:بخاف من السرعه.
وفضلت تعيط وتشهق وهو ماسكها وهى حرفيآ قريبه منه جدآ كان مركز فى ملامحها ودموعها وهى نازله على وشها الناعم حط أيده التانيه على وشها ومسح دموعها هى أول ما حسيت بإيديه فتحت عينيها وبصيتله بعتاب قرب ليها من غير ما يحس وهى بعدت مسك أيديها جامد وشدها خبطيت فيه وطبع شفايفه على شفايفها جامد وهو شددها وهى كانت بتحاول تزقه بس بعد فتره استسلمت ليه ونزلت إيديها وبعد فتره بعد عنها وهو بينهج وبصيلها كانت مغمضه عينيها فاق لنفسه وبعد مره واحده فتحت موده عينيها ودمعت تانى بس مسحت دموعها بسرعه وبصيت قدامها لسه مالك هيتكلم.
موده :متتكلمش وانسى إلى حصل واول ما الشهر يخلص انا هستقيل واظن كده اتعاقبت على المقلب بتاعى مده كويسه وبلغتك قبلها عشان تجهز نفسك اشطا ولو سمحت خلى فى مسافه بينا بعد كده.
مالك:مفيش الكلام ده.
شغل العربيه ومشى وهى بتزعق.
موده:هو إيه مفيش الكلام ده بقولك هستقيل انا لو قولت لكريم من بكره مش هتشوف وشى تانى بس انا مش عايزه اعمل مشاكل انا لما قبلت فى الاول وده عشان كنت بحس بأمان لكن دلوقتي لا انا بقيت بخاف.
مالك:انا اسف على إلى حصل بس انا اسف مش هقبل إستقالتك وده من حقى ومكتوب فى العقد.
موده:هدفع الشرط الجزائى.
مالك:هتدفعى مليون دولار.
موده بصدمه:مليون إيه يعنيا.
مالك بضحك:مليون دولار يعنيا.
موده:واجيبهم منين دول.
مالك:شوفتى معندكيش حل غير انك تشتغلى.
موده:مش هشتغل انا.
مالك:مخلاص بقا قولنا أسفين وبعدين مانتى و كريم بتاعك كل شويه احضان وبوس.
موده وهى بتبصله بصدمه:انت هتقارن نفسك مع كريم.
مالك:معاكى حق انا احسن منه بمراحل.
موده:انت مستحيل تبقا احسن منه كفايا أنه طول الوقت بيدعمنى وواقف جمبى وبيخلى باله منى وبيحبنى وبيخاف عليا
كملت موده:وعمره ما زعلنى فى يوم وله فيوم زهق منى على طول جمبى وسندى مش زيك طول الوقت بيخوفنى بيتعصب عليا وبيزعقلى وبيخلينى اعيط كريم لما بيشوف دموعي ممكن يقلب بهلوان عشان بس امسح دموعى.
مالك:لدرجه دى انا وحش بالنسبالك.
موده:انت مش وحش انت بس مش بتحبنى زى ما كريم بيحبنى فمتقارنش نفسك بيه.
مالك:برضو مفيش استقاله وانا مكنتش اقصد انا تخيلتك صحبتك اصلها حلوه اوى.
موده:قصدك على ريم.
مالك كان عايز يغيظها وفى نفس الوقت ينسيها موضوع الاستقالة.
مالك:هى اسمها ريم اللله اسم جميل اوى.
موده بطيبه:ريم بنت نضيفه وكويسه.
مالك:وصلنا.
نزلو وطلب الاسنسير موده جت تطلع السلم شدها مالك جوه الاسنسير وفضل ماسك ايديها لحد ما الباب قفل.
موده:مش بحب حد يمسك إيدى.
مالك بسخرية:اه طبعا.
موده:انت بتضحك ليه.
مالك:اصل كل إلى شوفتهم بتسيبيهم يمسكو إيدك.
موده من الخوف زفرت بضيق: مش هتناقش معاك.
حطيت إيديها على قلبها وبتحاول تأخذ نفسها جيه مالك يقرب منها بعدت وبصيتله بتحذير.
مالك:حاولى تهدى.
موده:بحاول.
الاسنسير وقف مره واحده.
موده بزعر:وقف ليه وقف ليه هيقع بينا صح.
مالك شدها لحضنه وحضنها جامد وقالها: متخافيش انا جمبك.
موده من الخوف حضنته جامد ودفنت رأسها فى صدره وهى بتقول: يا رب يا رب يا رب يا رب.
الاسنسير اشتغل وطلع وهى زى ما هى وصلو والاسنسير فتح .
مالك بضحك:استحلتيها وله ايه بس تصدقى حلو الحضن ده.
موده فاقت وبعدت عنه وجريت لبره ورنت الجرس هيام فتحتلها وموده حضنتها.
هيام:لدرجه دى وحشتك يحبيبتى انتى كمان وحشتينى
موده بدموع:هيما.
هيام:انتى بتعيطى ليه بس إيه حصل الواد ده عملك حاجه.
موده بعدت بعد ما حسيت بنفسها وبصيت لمالك إلى مبتسم ليها موده افتكرت إلى حصل في العربيه وعضيت على شفتها لدرجه كانت هتتعور
مالك ركز مع شفتها وموده دورت وشها ابتسم مالك ودخل وقال:يالا ورانا شغل.
دخلت موده وراه ووشها محمر وكل شويه تفتكر مالك كان عارف هى بتفكر في ايه وكل شويه من غير ما موده تاخد بالها كان يحط إيديه على شفايفه ويبتسم خلصو شغل واول ما الساعه جت٨ تليفون موده رن ورديت.
موده:ماشى يا روحى نازله اهو مش هتأخر حاضر.
قفلت.
موده:الساعه ٨ شغلى كده خلص عن أذنك.
خرجت موده وسلمت على هيام ونزلت على السلم.
واول ما شافت كريم ناديت عليه لفلها جريت حضنته جامد.
كريم:مالك.
موده:ماما وحشتنى اوى
كريم:تحبى بكره نروحلها.
موده:يا ريت يا كريم.
كريم:طيب وبعدها هفسحك انا ووليد.
موده:وهكلم ريم تيجى.
كريم: يحبيبتى يختى.
موده:إى خدمه يسطا.
كريم:مش هنروح وله ايه.
موده:اه يالا.
مشيو وروحو البيت ومسكت تليفونها.
عند مالك كان نايم على السرير وحاطط إيديه على شفايفه ومبتسم وبيفكر فيها وفى نفس الدقيقه التليفون رن من غير ما يشوف مين فتح وقال:موده.
موده:احم ايوه انا اسفه اتصلت متأخر بس حبيبت.
مالك:حبيتى.
موده:قصدى كنت عايزه اقولك.
مالك:عايزه تقوليلى ايه.
كان بيتكلم بصوت جميل وهادى وموتر موده مش عارفه تجمع الكلام.
موده:عايزه اقول انى مش هقدر إجى بكره.
مالك بخضه:ليه مالك انتى تعبانه اجى وإجيبلك دكتور انتى كويسه.
موده ابتسمت تلقائيآ لما حسيت انه قلقان عليها:انا كويسه بس رايحه المقابر بكره وهاخد بكره أجازه ممكن
مالك:اكيد طبعا ممكن بس هى المقابر ديه فين.
موده:مش عارفه اسم المكان كريم هو إلى عارف.
مالك اضايق:خلاص مش مهم.
موده:انت كويس صوتك تعبان.
مالك:اه تعبان.
موده:اخدت الدوا واكلت طيب
مالك:اه مش تعبان كده انا تعبان نفسيا وحاسس انى لوحدى محدش حاسس بيا وله بالى جوايا.
موده: تقدر تتكلم وتقولى إلى مضايقك.
مالك:بس انتى.
كمل مالك: مش بتحبينى هتسمعينى ازاى.
موده: مين قال كده انا بحترمك لو حابب ممكن نبقا أصحاب وهسمعك عادى.
مالك وهو نايم على جمبه:بتحترمينى.
موده:اكيد.
مالك:طيب.
موده كانت بتحضر حاجاتها وخلصت ونامت على السرير بتعب.
موده:دكتور مالك انت معايا وله قفلت.
مالك:لا معاكى وممكن طلب.
موده: اتفضل.
مالك:ممكن بلاش رسميات بره الجامعه يعنى تقدرى تقوليلى مالك عادى.
موده وهى بتنام:أو بطاطس برضو ههه.
مالك لما سمع ضحكتها ابتسم تلقائى.
موده اتنهدت جامد ونامت وهى بتتكلم معاه اما مالك فى بس فكره أنه بيسمع صوت نفسها وهى نايمه ديه حاجه بسطاه جدآ لحد ما نام هو كمان.
تانى يوم لبست موده ونزلت مع كريم وقابلو ريم ووليد وراحو سوا المقابر.
موده قعدت فى الارض قدام المقبره وقالت فى سرها كأنها بتكلم امها:اهلا يا ماما عامله ايه انا كويسه متقلقيش عليا وبابا وكريم مخلين بالهم عليا وانا مخليا بالى عليهم وحشتينى اوى كان نفسى تكونى جمبى تحضنينى وتطبطبى عليا شوفتى لابسه إيه ساعتك لسه لبساها من يوميها مقلعتهاس أبدآ فاكره قولتلى إيه قبل ما تمشى وتسبينى قولتيلى أن الساعه ديه بسببها اتعرفتى على حب حياتك وقولتيلى أن بسببها برضو هتعرف على حب حياتى انا لسه مقابلتش حد بسببها لا استنى انا قابلت دكتور بطاطس ههه عارفه هتهزقينى عشان بقول عليه بطاطس بس المهم أن اكيد مش هو حب حياتى مش عارفه ليه يا ماما لما ببقا جمبه ببقا مطمنه بس يا ماما هو مستحيل يفكر فيا وانا كمان مستحيل افكر فيه هو دكتور وانا مجرد طالبه تافهه هو جدى جدآ بس انا عكسه تماما مستحيل يكون هو حب حياتى والساعه بتاعتك دي مخلتنيش أقابل حبى الحقيقى لسه بس انا مش هستسلم وهفضل مستياه يجى وحشتينى اوى اوى يا ماما وكان نفسى تكونى دلوقتى معانا انا بحبك ومسحيل انى اقلع ساعتك.
استووووووب خلص البارت يا حلوين كان معكم الكاتبه منار مجدى
#دكتور_بطاطس
#البارت_السابع
بقلمى منار مجدى
كريم كان قلبه بيتقطع مامته واحشته ونفسه يعيط بس مش عايز يضعف قدام موده عايزه تشوفه دايما القوى بس من جواه عايز يعيط عايز يشتكى ومحتاج حد يطبطب عليه ويفهمه.
موده عارفه اخوها كويس وحاسه بيه وعارفه أن مشكله كريم الوحيد أنه بيكتم فى نفسه عشان بس مبينش ضعيف بصيتله وشاورتله يقعد جمبها قعد كريم جمبها واخدته فى حضنها.
كريم:فى إيه.
موده:ماما قالتلى اعمل كده إيه عايزها تهزقنى.
كريم ضحك وبعدين عيط وهو بيدفن وشه فى حضنها شديت موده عليه وفضلو يعيطو سوا وليد وريم قربو ليهم وحضنوهم فضلو كده لحد ما حسو أنهم ارتاحو وفضلو يتكلمو وهما مدمعين ويضحكو ويحكو لمامتهم كل المواقف إلى بتحصل معاهم كأنها قاعده معاهم وبعد فتره كبيره خرجو من المقابر وكريم حاضن موده بحنيه وهى حضناه برضو.
كريم:موده انا بجد ربنا بيحبنى عشان خلقنا اخوات تؤام
موده:وبيحبنى عشان رزقنى بأخ حنين عليا.
وليد:يجدعان انا كده هغير.
ريم:يموده بقالى كام يوم عايزه اقولك على حاجه.
كريم سابها:تعال يا وليد نجيب حاجه
موده راحت لريم:ها فى إيه.
ريم:كنت عايزه اطلب منك طلب.
موده:اطلبى.
ريم:عايزاكى تساعدينى دكتور مالك يعجب بيا.
موده أضايقت:وكريم يا ريم.
ريم:ماله كريم كريم اخويا زي ما هو اخوكى يا موده.
موده: اخوكى.
كريم كان سامعها وقلبه وجعه:اه يا موده اخوها.
موده شافت فى عينه الكسره اضايقت من ريم:ريم انا مش هقدر اساعدك عن أذنك انا تعبانه وعايزه اروح.
وراحت حضنت كريم وروحو.
كريم دخل لموده اوضتها.
موده قربت ليه:انت كويس يا حبيبى قولى بس.
كريم بكسره:انا كويس بس انا كنت عايزك تساعديها.
موده بصوت عالى:كريم انت اتجننت عايزنى اساعد البنت الى اخويا بيحبها واخلى حد تانى ياخدها منه.
كريم بعقل كبير:موده ريم مش شىء عشان اتملكها لا هى انسانه عندها مشاعر وبتحس.
كريم كمل:من حقها تحب وتتحب مش عشان انا حبيتها يبقا ضرورى هى تحبنى القلب يا حبيبتى هو إلى بيختار مش احنا.
موده بعند:مش هعمل كده انا.
كريم:انتى مش موده إلى لو فى إيديها تساعد حد بتساعده من غير ما يطلب حتى ايه غيرك.
موده:مش هى بتحبه خلاص تساعد نفسها.
كريم:عارف انك مضايقه عشانى بس انا اهو قدامك كويس وفل وكمان متنسيش أن ريم صديقتنا من زمان لازم تقفى جنبها.
موده قعدت بضيق وهى بتعيط:مش عايزه يا كريم مش عايزه.
كريم:طيب ولو قولتلك عشان خاطري.
موده غمضت عينيها ولفت وشها الناحيه التانيه.
كريم قعد جمبها ولف وشها ليه:عشان خاطرى.
موده:طيب يا كريم.
كريم ابتسملها وحضنها:انا مش محتاجها تحبنى كفايه عندى اختى بتحبنى وواقفه جمبى.
موده:اوعدنى انك هتكون كويس يالا اوعدنى وشاور على قلبك.
كريم وهو بيشاور على قلبه:اوعدك.
موده تليفونها رن بصيت لقيت ريم.
كريم:انا خارج.
موده:طيب شوفلنا حاجه تتآكل يجدع هنموت.
ابتسم كريم وخرج رديت موده بضيق.
موده:نعم.
ريم بعصبية:انا عايزه افهم فى إيه قلبتى عليا ليه.
موده:لا فاهمه بس بتستعبطى على العموم يا ريم انا هروح بكره اقوله انك معجبه بيه.
ريم:انتى غبيه يا بنتى.
موده:وبتشتمى كمان.
ريم:مانا قادره اروح اقوله بس انا عايزاه هو يجى يقولى أنه بيحبنى.
موده:لا انت عايزه قعده بكره بدرى فى الكافيه تعالى سلام هموت وانام.
ريم:اشطا.
قفلت معاها ولقيت تليفونها رن تانى كان مالك رفعت حاجبها بإستغراب الوقت أتأخر رديت وهى بتنام على السرير وبتستغطا.
موده: اممم.
مالك:نمتى.
موده:لا لسه حضرتك محتاج حاجه.
مالك:بس كنت عايز اطمن عليكى.
موده بإستغراب:تطمن عليا انا انت سخن يا دكتور وله ايه شوف كده حرارتك.
مالك ابتسم:كل ده عشان كنت عايز اطمن عليكى صح هو انتى كنتى فى المقابر لمين.
موده بهدوء:لماما الله يرحمها.
مالك بزعل:الله يرحمها.سمع صوت عياط موده
كمل:متزعليش المفروض تفرحيلها هى فى مكان احسن.
موده بعياط:انا عارفه بس كان نفسى تكون معايا تشوفنى وتحضنى وتزعقلى ونلعب سوا.وعيطت جامد.
مالك:الله يرحمها يا موده ممكن تبطلى عياط طيب.
موده بعياط:مش قادره مش عارفه ابطل عياط هى واحشتنى اوى.
مالك:معلش يا حبيبتى هى اكيد هتزعل لو شافتك بتعيطى.
موده اتصدمت لما سمعت كلمه حبيبتى.
مالك:موده انتى معايا.
موده:اه معاك انا عايزه انام عايز حاجه.
مالك بإستغراب من تصرفها المفاجئ:لا تصبحى على خير.
موده:وانت من أهله سلام.
قفلت موده وحطيت إيديها على قلبها وقالت:هو أكيد قالها من غير قصد بس ماله قلبى دق جامد ليه.
عند مالك:هى قفلت مره واحده كده ليه هو انا قولت حاجه اه قولت انا غبى غبى.
افتكر مالك وفضل يشتم فى نفسه وبعدين نامو.
تانى يوم موده على الباب بتخبط جامد على الباب.
سيد:روحى انتى يا بنتى وانا هصحيه يجى وراكى.
موده:ماشى .باست رأسه:انا هنزل بقا عشان متأخرش.
سيد:طيب فى كمان عندى ليكى مفاجأه بس لما تيجى.
موده بإستغراب ولأنها متأخره:طيب مش هتأخر.
نزلت موده:يا ترى إيه هى تاكسى لو سمحت.
ركبت ومشيت وصلت الجامعه.
موده:محموووود.
محمود:ايوه أحلى قهوه لأحلى موده.
موده:من احلى محمود.
مالك بغضب: موده.
اتفزعت موده وكانت هتتدلق القهوه عليها:يا فتاح يا عليم يا رزاق يا كريم فى إيه على الصبح.
قعد مالك قدامها:مينفعش تقولى كده لمحمود.
موده:وليه مينفعش أن شاء الله محمود زى وليد زى كريم بالنسبالي كلهم عزيزين عليا وبعاملهم كده.
مالك:افردى حبك.
موده بضحك:يعنى بزمتك دى اشكال تتحب.
مالك:ومتتحبيش ليه حلوه ودمك خفيف وبتضحكى وزى الاطفال الكيوت.
موده احمرت وشربت القهوه وهى ساكته.
ريم:دوده انا جيت.
موده بإستغراب والفنجان على بقها قالت بصوت واطى:دوده!
ريم قعدت موده بصيتلها بتعجب كانت لابسه فستان فوشيا وعامله شعرها وفرداه.
موده:هو انهارده إيه.
مالك بإستغراب:الاتنين.
موده:طيب كام.
مالك:١٥.
موده:فى إيه يا ريم انهارده.
ريم:مفيش حاجه قوليلى إيه رأيك فى الفستان.
موده:حلو.
ريم:إيه رأيك يا دكتور مالك.
مالك:ظريف.
موده🤨.
وليد بصوت عالى جمب ودنها:مووووده.
موده:يخربيتك يا شيخ.
وليد سخسخ ضحك على منظرها ومالك بيبصله بغيظ
وليد:الحلو ماله.
موده:الحلو هينفخك.
كريم مسكه من قفاه:عملك حاجه.
موده:خضنى يا كريم.
كريم وهو بيرجه:بتخضها ليه ياض.
وليد:يعم برستيجى ضاع خالص.
موده ضحكت عليه.
كريم سابه:إيه يسطا الحلاوه ديه.
ريم: شكرا.
كريم بإحراج:وانتى كمان حلوه يا ريم بس انا قصدى على موده.
ريم اتكسفت.
كريم مشى لانه عرف هى لبست كده عشان تعجب الدكتور مالك.
موده:دكتور ثوانى وراجعه لسه فاضل عشر دقايق عن أذنك. وجريت وراه وحضنته من ضهره وفضلت تهزر معاه ومالك متغاظ منه جدآ ومش عارف يعمل حاجه لو عمل هيعمل بصفته إيه اصلا فضل مضايق وريم بتكلمه وهو مش واخد باله منها ووليد راح لكريم وموده يهزرو سوا.
مالك:عن أذنك يا انسه.
وسابها ومشى وفضلت ريم قاعده لوحدها.
موده شافته قايم:كريم بسرعه الساعه كام.
كريم:تمانيه الا دقيقه بالظبط.
موده جريت وكريم ضحك عليها
عدى اليوم فى الجامعه عادى خرجو.
كريم:موده انا هروح عشان مخنوق شويه لما تخلصى رنى عليا.
موده:اشطا هحاول متأخرش عليك كمان الراجل ابوك عايزنى بيقول فى مفاجأة وانت عارف مفاجأته.
كريم:ربنا يستر انا هروح اشوف فى إيه.
موده:طيب سلام.
مشى كريم ومالك لما شافه مشى للعربيه استناها وهى خلصت ومشيت للعربيه وركبت ورا.
مالك:ده على اساس انى السواق بتاعك.
موده:لا مش قصدى بس انا عايزه يكون فى مسافه.
مالك: خايفه يعنى ابتسم بسخرية.
كمل مالك وهو بيقلد صوتها:انا سوبر ومن انا بطله ومش بخاف من حد نينينينى.
موده بصيتله بغضب ونزلت ورزعت الباب وركبت جمبه وهى بتقرب ليه وبتوجه صوبعها على وشه:اسمع انا مش خايفه منك انا بنت شجاعه وقويه وانت متقدرش تعملى حاجه.
مالك بابتسامه:حقيقى.
كملت موده بتحدى:اه متقدرش عشان انا مش هسمحلك
مالك قرب لوشها وبقا قريب اوى منها وهى من الغضب والعصبية مش ملاحظه.
مالك:لو عايز هعمل إلى انا عايزه بس انا مش كده ومش عايز حاجه منك غير
موده بإستغراب:غير؟
مالك ابتسم وجيه يقرب لشفايفها لاحظته موده وبعدت وشها عنه ابتسم مالك.
موده:دكتور بطاطس بقا قليل الادب اوى وانا إلى كنت فاكره دكتور بطاطس محترم.
مالك:بتقولى حاجه.
موده:لا مش بقول.
وصلو البيت بتاع مالك نزلت موده وجريت عشان تطلع على السلم ومالك مش يدخلها الاسنسير بالعافيه وفعلا بدأت تطلع أما مالك فطلع بالاسنسير وجاب مايه وعصير ووقف على الباب وهو بيشرب العصير وماسك كوبايا المايه فى إيديه لموده.
موده كانت بتطلع وهى بتزحف على الأرض واخيرا وصلت وقعدت على آخر سلمه تاخد نفسها.
مالك:اتأخرتى ربع ساعه كده هتقعدى نص ساعه زياده.
موده وهى بتنهج: حسبى الله ونعم الوكيل.
مالك:خدى.مد كوبايا المايه ليها اخدتها موده وفضلت تشرب وتاخد نفسها وبعدين قامت وسلمت على هيام.
فى المكتب قعدين بيشتغلو موده كانت تعبانه خالص وبتنام.
مالك:موده انت بتنامى.
موده بعدم تركيز:شويه وهخلص.
مالك:موده.
موده:هخلص خلاص.
مالك بصوت عالى:موووده.
موده:مين فين فى إيه.
ضحك مالك عليها.
موده قامت وهى بتقرب وبتزعقله عشان بيضحك عليها بس كانت دايخه وقعت قام مالك بسرعه ولحقها شدها من وسطها وقربها ليه غمضت موده عينيها بنعاس مالك قرب لرقبتها وشم عطرها الجنان وزى ما يكون متخدر قرب لشفايفها وهى نايمه اصلا .
ومكنتش حاسه وله مركزه ومالك زى المتخدر ومش حاسس بنفسه قرب اكتر لشفايفها ولسه هيبوسها تليفون موده رن بعد عنها بس لسه ماسكها من وسطها موده فتحت عينيها شافت التليفون.
موده:ألو.
ضحك مالك واخد التليفون وفتحه ورد
مالك:ألو.
كريم:ألو موده فين.
مالك:موده شكلها نايمه وهى صاحيه متسألنيش ازاى.
كريم ضحك:طيب انا تحت حضرتك فى الدور الكام هطلع اخدها.
مالك:فى العاشر.
كريم: الحمدلله فى اسنسير
قفل معاه وطلع ومالك بص لموده وهى نايمه وهو ماسكها من وسطها طبع شفايفه على شفايفها بحنيه وبعد قعدها على الكرسى.
كريم دخل عنده بعد ما هيام فتحتله.
هيام:اخو موده جيه ياخدها.
مالك:اخوها.
كريم بضحك وهو بيشيلها:تؤامها اخوها التؤام.
مالك:بجد انت اخوها مش خطيبها.
كريم: مش عارف ليه موده قالت لحضرتك كده بس الحقيقه انى اخوها بس طلب صغير متقولهاش انى قولتلك حاجه احسن هتنفخنى.
مالك بفرحه:حاضر.
كريم شال موده
مالك:هوصلكم.
كريم:مش عايزين نتعبك معانا.
مالك:لا ابدا مفيش تعب خالص.
مالك كان غيران لأن كريم شايلها حتى لو اخوها هو بيغير برضو قال لنفسه لو وصلهم كده كريم مش هيشيلها كتير نزلو سوا وكريم نايم موده ورا وركب جمب مالك قدام.
كريم: متشكر جدا يا دكتور مالك.
مالك:متشكرنيش احنا صحاب وله ايه.
كريم:اه طبعا صحاب.
موده كانت نايمه وبتتقلب.
موده بصوت عياط وهى نايمه:سقعانه يا بابا.
مالك اول ما سمعها قفل الشبابيك كريم ابتسم لما شافه مهتم بموده وشك أنه بيحبها.
مالك:ليه مقولتيش من بدرى أنكم اخوات.
كريم:لو كنت قولتلك كانت موده قتلتنى هى لما بتقول لحد انى خطيبها بفهم إنها عايزه إلى قدامها يبعد عنها بس حضرتك الوحيد الى هى مكنتش عايزه تبعد عنك قالتها وترجعت فى قرارها انا عارف اختى كويس هى اكيد فى جواها حاجات هى مش فاهمها او ممكن .
كمل كريم:او ممكن تكون مش عايزه تعترف بيها مش عايزه تحس بكده ايه إلى بقوله ده اسف يا دكتور ده مجرد عبط متركزش فيه .
موده:كريم عايزه شاورما اممممم.
وكملت نوم ضحك عليها كريم ومالك.
كريم: بتحب الشاورما اوى
مالك:عارف
كريم:ايوه هنا احنا كده وصلنا متشكر جدا لحضرتك اسف على تعبك.
مالك: مفيش تعب وله حاجه بس انت خلى بالك عليها.
كريم:مش محتاج وصايه عن إذنك.
شال موده وطلع أما مالك فكان طاير من الفرحه روح البيت ودخل أوضته وبعد ما غير وفرد جسمه على السرير مسك تليفونه ورن على موده .
عند موده كانت نايمه والتليفون جمبها مسكته وحطيته على ودنها لقيته لسه بيرن فتحت وحطيته تانى.
موده: اممم.
مالك: بحبك.
موده بنوم:امممم اه اه وانا كمان بحبك.
مالك:إيه قولتى ايه.
موده:وانا كمان بحبك يا كريم غور بقا عايزه انام.
مالك:برضو كريم انا مش كريم انا مالك.
موده ضحكت: اهلا دكتور بطاطس هههههههه.
مالك:ده انا ههههه طيب يا ستى اهلا.
موده:دكتور بطاطس وحشتنى عامل ايه هههههه.
مالك:كويس وانتى عامله ايه يا حياتى.
موده: الحمدلله يا عمرى هههههه.
مالك:ليه بتضحكى.
موده:عشان انت فاكر انى مخطوبه ههههه وانا اصلا سنجل بائسه هههههههههه.
مالك:مش هتفضلى سنجل كتير.
موده:ازاى عندك عريس ليا.
مالك:انا انا هرتبط بيكى إيه رأيك
موده:لا لا انت لا.
مالك: ليه انا لا انا بحبك وعايزك.
موده:انا كمان برضو بس ريم هتضايق 😴😴😴😴.
مالك:موده موده روحتى فين موووووده.
موده:إيه امتى وازاى
ضحك مالك:ريم هتضايق ليه.
موده:لا ده سر مش هقول لحد اوعى تقول اوعى.
مالك ضحك:خلاص ماشى.
موده:انا هقفل بقا.
مالك:لا لا.
موده:ليه عايز ايه بقا.
مالك:ممكن يعنى لو سمحت وله اقولك خلاص اقفلى.
موده باست التليفون وقفلت وكملت نوم.
مالك سمع بوستها اتكسف ودفن وشه فى المخده بكسوف.
تانى يوم صحيت موده مسكت التليفون لقيت الساعه سبعه ونص قامت نطيت من على السرير ولبست وصحيت ابوها ونزلت ومعرفتش ايه هى المفاجأة برضو وجريت نزلت وركبت ووصلت الجامعه
جريت دخلت الكافيتيريا كان مالك قاعد بيشرب قهوه .
موده:انا اسفه اتأخرت.
مالك:اتأخرتى قد ايه.
موده بضيق:ربع ساعة.
مالك:يبقا ايه هيحصل.
موده:هشتغل نص ساعه زياده.
مالك قام:طيب يالا وله ايه.
مشى وموده ماشيه جمبه بتحضر الأدوات فى إيديها دخلو موده كانت واقفه كالعاده وإذا بواحد من الطلاب يقولها بصوت واطى بس هى فهمت لما حرك بقه قالها بحبك موده برقت فجأة تسمع صوت مالك وهو بيقولها بحبك وهى ترد وتقول وانا كمان بس ريم هتضايق.
كان مالك واقف جنبها شافها مبرقه وواحد من القعدين بيضحك لها.
مالك بصوت عالى:انت اطلع بره.
الولد:اسف يا دكتور
مالك:اطلع بره وكلمه كمان مش هتحضرليا تانى.
قام الواد وخرج مالك بص لموده مكنتش بتتكلم كل إلى عليها وشها جاب ميه لون.خلصت المحاضره وخرجو.
موده:دكتور هو حضرتك كلمتنى بليل.
مالك افتكر ومثل الجهل:لا ليه فى حاجه.
موده: مش عارفه بس اظن ان حضرتك كلمتنى ثوانى اشوف فى التليفون السجل يمكن حضرتك ناسى.
مالك لنفسه:غبى انا غبى.
مالك:مش دلوقتي مش فاضين.
موده وهى ماسكه التليفون:طيب خلاص.
كريم: موده.
كان وشه مش مبشر بالخير موده اديت موبيلها لمالك وراحت لكريم.
مالك بسرعه مسح اسمه من السجل مش هتصدقو مسمياه إيه(دكتور بطاطس 😝🥔) وهو بيمسحه كان بيضحك بص ليها.
موده:فى إيه يا كريم.
كريم:راجع.
موده بخوف:مين.
كريم:ثائر راجع تانى.
موده :أكيد لا انت بتهزر صح.
كريم:يعنى ديه حاجه أهزر فيها.
موده بتترعش:وراجع امتى بقا.
كريم:اولا أهدى ثانيا راجع السبت.
موده وهى بتعيط:أهدى أهدى ازاى.
كريم:موده متخافيش انا مش هخليه يجى جمبك.
استووووووب خلص البارت يا حلوين كان معكم الكاتبه منار
بداية الروايه من هنا 👇👇👇
تعليقات
إرسال تعليق