 |
دكتور_بطاطس
البارت_الثامن
بقلمى منار مجدى
مالك شافها من بعيد وقلق من منظرها وقرب بسرعه ليها.
موده بهستيريا:مش هتعرف تعمل معاه حاجه مش هتعرف.
داخت ووقعت من طولها بس مالك لحقها
كريم بخضه:موده فوقى موده.
وليد:فى إيه مالها موده
كريم:مش وقته هات المايه ديه.
كريم فوقها بالمايه وشربها.
موده وهى ماسكه إيد مالك إلى على وشها :لا لا لا.
وعيطت جامد.
مالك:فى إيه يا كريم.
موده بهستيريا:هيرجع هيرجع تانى هيموتنى صح هموت يا كريم خلاص.
كريم بزعيق:مش هيقربلك طول ما انا معاكى.
موده:مش هتقدر عليه مش هتقدر.
مالك:هو مين ده.
كريم:ابن عمى الكبير راجع مصر.
مالك:مش المفروض ديه حاجه حلوه اكيد وحشكو.
كريم:لا ديه حاجه وحشه جدا.
موده قامت بجمود.
كريم:انتى كويسه.
موده بصوت عالى:انا مش هسمحله يجى جمبى وله جمبك يا كريم انا هبقا قويه انا كبرت واقدر ادافع عن نفسى كويس وهقف فى وشه انا مش هنهار تانى يا كريم انا اسفه لانك اتخضيت عليا.
حضنها كريم:حبيبتى بس انتى متخافيش انا هتصرف معاه.
وليد حط يده على كتفها:وانا معاكو وهحميكى يا موده.
مالك:انا مش عارف فى إيه بس انا معاكى واى حاجه اقدر اعملها قوليلى عليها بس.
موده:شكرا بس انا هعتمد على نفسى دلوقتى ورانا محاضره يا دكتور يالا.
كريم:موده خديها براحه ماشى خلى بالك من نفسك.
موده:حاضر سلام.
مشيت موده.
كريم لمالك:خلى بالك منها.
مالك: حاضر.
مشى مالك وخلصو المحاضرات.
موده:قبل ما انسى ريم ووليد وكريم جهزو نفسكو يوم الجمعه هنروح رحله تخييم محاضرالها من الأسبوع إلى فات.
كريم:هو ده المفاجأة إلى قولتيلى عليها.
موده:بالظبط.
بصيت لمالك كان مضايق أنها مش عزمته
موده:دكتور انت طبعا الأساس في الرحله.
مالك:بجد.
موده:اه طبعا امال مين هيوصلنا.
مالك:يعنى وخدانى عشان اوصلكم.
كريم ضحك:بتاعت مصلحتها حقيره.
كلهم ضحكو.
موده لريم:اى خدمه يستى.
ريم حضنتها وباستها من خدها:حبيبتى يا موده.
موده:بس يا بت بلاش تلزيق.
وليد:وانا كمان عايز حضن.
حضنهم وريم وموده ضحكو وكريم حضنهم.
موده لمالك:مش عايز حضن انت كمان يالا عشان بعد كده لو سلمت عليكو ابقو احمدو ربنا اوى.
حضنهم مالك وكان مبسوط بس مش فاهم كلام موده.
موده:خلاص بقا يالا هنتأخر.
كريم:طيب يالا.
مالك وموده راحو العربيه والباقى روح.
مالك:موده ممكن سؤال.
موده:ايوه طبعا.
مالك:مين ثائر ده.
موده بضيق:ابن عمى الكبير المتوفى كان بره بيخلص شغل وراجع تانى.
مالك:ليه بتخافى منه
موده:عشان عشان ممكن مجاوبش.
مالك حس انها مخنوقه:خلاص مش مهم اصلا.
موده ابتسمت بكسره وكانت ابتسامه حلوه بس ضايقت مالك جدا حب يخرجها من الموده شغل الكست
(نقابل ناس نفارق ناس وماشيه الحياة عادى حال الدنيا بيتغير ما بين الثانيه والتانيه هنعمل ايه وده جارح وده مجروح وده عايش على الماضى واحوالنا ديه بتحير ولو نرضى هتحللنا بنزعل ليه ومين الدنيا دايماله محدش ضامن الايام يا بخت اللي رضي بحاله وفرق بين حلال وحرام سؤال وإجابته عارفنها فى يوم ما نسيبها وخدين ايه ما دام سايبنها سايبنها هنضايق ونزعل ليه دقيقة بص كده حواليك هتلقى شمس بتنور وبعديها فى عز ليل قمر سبحانه من صور منور ليك تملى الامل موجود قريب للشيفينه هتتفائل وهتضحكلك فى غمضه عين هتلقى الدنيا ملك إيديك حياتنا ساعات بنرسمها وبنجملها بالالوان فى لون نختاره يكتمها ولون يدى لحياتنا امان همومك بكره هتعدى مفيش حاجه مبتعديس حياه عايزاك تكون عندى وكل ماتقوى فيها تعيش نقابل ناس نفارق ناس وماشيه الحياة عادى حال الدنيا بيتغير ما بين الثانيه والتانيه هنعمل ايه)
موده:تفتكر لما اتفائل الحقيقه هتتغير
مالك:ممكن محدش عارف الايام مخبيه ايه.
موده:معاك حق.
موده:انا هتفائل ومش هتشاءم .
مالك:وصلنا.
موده نزلت وهو معاها.
موده:لا مش قادره اطلع بقا.
مالك:انا معاكى متخافيش.
شدها للأسنسير وقفل وهى قلبها حاساه هيقف من الخوف.
مالك:مفيش حاجه تخوف خالص.
الاسنسير وقف وإتهز جامد خافت موده جامد وحضنته برعب وقالت:نبرت فيها اهو هيقع بينا.
مالك داس على زرار وبعدين الاسنسير اشتغل.
موده حسيت بنفسها بصيتله وهى فى حضنه لقيته بيبصلها بحنان اتكسفت موده وبعدت عنه وهى بتعدل شعرها:انا اسفه.
الاسنسير وقف وخرجوا وهيام فتحتلهم.
هزرو وضحكو وطبعا اشتغلوا وخلصو.
موده:هيما انا ماشيه.
هيام:طيب يا حبيبتى خلى بالك من نفسك.
موده:يا حبيبتى يا هيما خايفه عليا.
هيام:طبعا مش زى مالك ابنى انا بعتبرك بنتى.
موده:لو انا بنتك هل ده معناه أن دكتور بطاطس يبقا اخويا يماما ده يخوف اوى التخيل ده انا ماشيه سلام
نزلت موده على السلم بسرعه وهيام ضحكت عليها ودخلت.
كريم:موده عامله ايه دلوقت كويسه.
موده:اه يا قلبى كويسه متخافش.
كريم:جبتلك شوكولاته.
اخدتها موده وفتحتها تاكلها ومشيو للبيت.
سيد:اتأخرتو ليه مش هينفع التأخير ده بعد كده يا موده.
موده:يا بابا ما كريم بيوصلنى ومش برجع لوحدى وبعدين انا كويسه وانت مكنتش معترض.
سيد:دلوقتى الموضوع اتغير ويا ريت كلامى يتسمع من غير نقاش شويه. وسابها ومشى.
كريم:متزعليش منه يا موده هو بس بيحاول يبعد عن المشاكل ومن ناحيه الشغل انا هتكلم مع دكتور مالك.
موده بضيق:ماشى يا كريم انا داخله انام عشان تعبانه.
كريم بزعل لزعل أخته: تصبحى على خير.
موده:وانت من أهله يا روحى.
ودخلت اوضتها ونامت وهى مخنوقه وبتعيط.
تانى يوم صحيت كالعاده وصحيت البيت ونزلت مستعجله فى الكافتيريا.
موده بهدوء من التعب يعتبر ما اكلتش من امبارح حاجه: محمود.
محمود:مالك يا موده كويسه.
موده بابتسامه:الحمد لله ممكن القهوه بتاعتى.
محمود:طيب وهجيبلك شاورما شكلك ما اكلتيش حاجه.
موده:ماشى.
مشى محمود وجابلها الحاجه ورجع موده شربت القهوه وقعدت تأكل بهدوء كانت سرحانه.
ريم بتهزها:ايه يا موده بكلمك من بدرى.
موده بهدوء:معلش يا ريم انا بس كنت سرحانه شويه.
ريم:متفكريش فى حاجه سيبى كل حاجه على ربنا.
موده: ونعمه بالله
مالك بينهج:اسف اتأخرت.
موده ابتسمت:بجد دكتور بطاطس بذات نفسه أتأخر.
مالك:انتى قولتى دكتور إيه.
موده:دكتور مالك.
مالك:يسلام يعنى مقولتيش دكتور بطاطس.
موده:لا محصلش صح يا ريم انا قولت إيه.
ريم:دكتور مالك.
مالك:ما علينا يالا بسرعه عشان المحاضره هتبدأ.
مشيو. الايام عديت زى بعض لحد ما اخيرآ جيه يوم الجمعه وكلهم اتقابلو بدرى قدام الكافيه.
موده:كده كله وصل.
ريم: ايوه.
موده:نفسى افهم إيه إلى عملاه فى وشك ده.
وليد بضحك:شبه أحمد صبحى فى المسرحيه وهو بيقول رووووچ هههههه.
موده وهى بتقلد الممثل:رووووچ هههههههه.
كريم بزعيق:خلاص بقا.
وليد:ماله ده.
موده:مش عارفه.
بصيت الناحيه التانيه.
موده:اهو دكتور بطاطس وصل.
وليد:ده لو عرف هينفخك.
موده:ومين هيقوله ههههه كبسه اوى.
وليد:يا بت اسكتى.
وصل مالك ونزل وسلم عليهم وبدأوا يركبو .
ريم لموده:عايزه اركب قدام.
موده:متركبى حد ماسكك.
ركبت موده ورا وبعدها كريم وبعده وليد وقدام ركبت ريم.
مالك لما شاف موده بتركب ورا اضايق وركب وهو كان مركز معاها فى المرايا وكريم ملاحظه ومبتسم كحت موده ومالك جاب منديل من قدامه بسرعه وإديهولها ورا.
موده:متشكره.
كريم:موده بصى.
موده بصيت لقيت طفل صغير بيبص من الشباك ومضايق ومامته وباباه بيتخانقو موده ابتسمت وعملتله باى الواد بصيلها بقرف وطلعلها لسانه.
موده:تصدق انت واد تنح.
قعد يغيظ فيها.
موده:لا عاملى فيها عيل لا يا بابا انا أعيل منك.
وفضلت تعمل حركات فى وشها وبإيديها وتحول وتعمل زى الغول والكل يضحك عليها.
كريم:كفايه كده يا موده منظرك قدام أهله إيه.
موده:يعنى أنا هنسبهم سيبنى افك شويه.
فضلت تلعب مع الواد لحد ما مشى فى إتجاه تانى بس قبل ما يبعد عن نظرهم الواد ابتسم وعمل لموده باى وهى كمان ابتسمت وعملتله باى.
وليد:حتى الطفل إلى لسه شايفك من خمس دقايق حبك.
موده: الحمدلله على حب الناس يجدع.
وليد:هو فى حد يشوفك وميحبكيش.
موده:الكلام مش مطمنى بس ماشى ياعم شكرا متشكرين كفايه.
ضحكو كلهم.
كريم وهو بيبص قدام بزعل:يا ريتنى كنت زيك يا موده والناس بتحبنى.
موده حضنته:مش مهم الناس المهم انى بحبك يا قمرى.
حضنها كريم.
وليد:يا جماعه نحن هنا مش كده.
موده بضحك:عيل غيور يباى.
مالك:وصلنا.
نزلو كانو رايحين مكان في اسكندريه على البحر بس المكان ده مفيش حد بيروحو هناك.
مالك:امال فين الناس.
وليد:خايفين.
مالك:ليه.
موده:عشان القروش.
مالك بخضه:قروش.
كريم:بس يجماعه بقا.
موده:لا مفيش قروش بس عشان المنطقه هنا غريق.
مالك:كده كده مستحيل انزل المايه عشان بخاف منها.
موده رفعت إيديها:اضرب كفك وانا كمان.
وليد:هو فى حاجه يا موده مش بتخافى منها.
موده:اه ذبابه الفاكهه إلى واقفه قدامى ديه. وشاورت عليه.
وليد:والنعمه مانا سايبك.
وفضلو يجرو ويضحكو.
وقفو كلهم صف وهما بيبصو للبحر.
وليد:مش بالذمه جميل.
موده:تحفه.
ريم:انا هنزل.
موده:بطلى هبل.
ريم مسمعتش الكلام ونزلت وهى بتضحك وبتلعب موده لفت وشها جت تمشى سمعت صوتها وهي بتصوت وبتقول: بغرق.
بصيت جنبها لقيت كريم بيقلع التشيرت ونازل.
موده بعياط وصوت عالى:كريييييييم لاااااااا.
نزل كريم وموده بتعيط وبتناديه جابها كريم وجيه يخرج وراها المايه ساحبته موده أعصابه سابت قلعت الجذمه بسرعه وجت تنزل مسكها مالك.
مالك:خليكى هنا. ونزل رغم خوفه نزل فى اللحظه ديه كبر فى نظر موده اوى.
موده:كريم يا كريم كريييييييم.
مالك جابه وخرج كان وليد بينادى فريق انقاذ بس جيه فى الاخر
مالك حط كريم على الشاطئ وهو مغمى عليه فضل يعمله إنعاش ويضغط على صدره لحد ما طلع المايه من بقه.
موده بعياط:يا غبى يا غبى.
كريم:برضو شتيمه يا بنتى فين اخلاقك.
موده ضربته على كتفه جامد مسك كتفه وهو بيقول:اه يخربيت عنفك يا شيخه انتى مستحيل تكونى بنت أبدآ انتى اكيد ولد.
موده ضربته تانى وكمان ضرب فيه فى صدره لحد ما شدها لحضنه وباس رأسها وقال:انا اسف متزعليش بقا.
موده:كنت هتسيبنى لوحدى.
كريم:مقدرش.
موده:مفيش موده من غير كريم.
كريم:ومفيش كريم من غير موده.
حضنو بعض جامد.
ريم:متشكره يا كريم.
موده بزعيق:متشكره إيه اسكتى خالص كريم كان هيضيع بسببك وبسبب جنانك عارفه لو كان حصله حاجه مكنش هيكفينى حياتك يا ريم.
ريم:انا اسفه
موده: اعمل بأسفك إيه.
كريم:خلاص يا موده حصل خير وانا كويس اهو.
ريم عيطت ومشيت.
كريم:ليه بس كده يا موده.
مالك:انا مع موده هى عارفه أن هنا غريق رغم ده نزلت.
وليد:خلاص يجماعه حصل خير جت سليمه.
كريم:موده روحى صلحيها.
موده:يوووه حاضر.
قامت موده وراحت قعدت جنبها.
موده:بتزنى ليه دلوقت.
ريم:عشان زعقتيلى قدامهم.
موده:إلى عملتيه صح.
ريم:لا انا اسفه.
موده:خلاص بس تانى مره الى اقولهولك اسمعيه.
ريم:حاضر والله مش هعمل كده تانى.
موده:خلاص محصلش حاجه تعالى يالا نقعد حوالين النار شويه
استووووووب خلص البارت يا حلوين كان معكم الكاتبه منار مجدى
البارت التاسع من هنا 👇👇👇
تعليقات
إرسال تعليق