دكتور_بطاطس
البارت_الاول
بقلمى منار مجدى
لو سمحت يا انسه ممكن اعرف الساعه كام.
موده:يعنى كل الناس ديه كلها مش عجباك وجاى تسألنى انا استنى بقا لما اطلع التليفون.
هو:الساعه فى إيدك.
موده:لا مش شغاله.
هو:لابساها زينه يعنى.
موده:يعم انا حره الله.
هو:معلش بس بسرعه.
موده:حاضر بدور اهو.
ريم:بت يا موده.
موده:عايزه إيه على الصبح.
ريم:مالك لا استنى متقوليش مشربتيش القهوه.
موده:ايوه ملحقتش صحيت متأخر.
ريم:اه صح هى الساعه كام عندنا محاضره لدكتور جديد كده مش فاكره اسمه إيه.
موده: كملت استنى بدور على التليفون وهقولك واقول لأستاذ الساعه كام.
فجأه كريم يحط إيديه على كتفها:الساعه كام.
موده:كيمو بشوف بس يسطا من غير ضرب كده انا خبطت وانت مرديتش فمشيت.
كريم:وله يهمك مردودالك.
موده ابتسمت بسخرية ومحدش شافها
هو:يا أنسه معلش انا مستعجل.
موده:الله مش شايف بدور اهو.
كريم:هو عايز إيه.
موده:الساعه.
هو:حضرتك برضو معاك ساعه ممكن تقولى الساعه كام.
كريم:كان نفسى اساعدك بس ساعتى بايظه بس استنى وشاف من التليفون إلى فى جيبه الساعه٩ وخمسه.
هو:هو مدرج ج فين.
كريم:هناك اهو.
هو:متشكر يا استاذ. ومشى وسابه.
ريم:خلاص يا موده بدورى لسه ليه.
موده:تليفونى شكلى نسيته وانت يا استاذ كريم كام مره قولتلك متحتش التليفون بتاعك فى جيبك.
كريم:انا حر وانتى مالك.
موده:انا مالى والنعمه لاقول لبابا واقوله ابنك مش بيخاف على تليفونه وبيقولى عادى.
كريم:قوليله مش بخاف.
موده:اصل بابا بيشتغل حرامى عشان كل شويه تمسك تليفون شكل.
كريم:نينينينبنني
ريم بضحك:يالا يا موده اتأخرنا المحاضره الساعه تسعه.
مشيو وراحو المدرج وكريم وموده بيتخانقو زى أى اتنين تؤام.
موده:استنو احنا ندخل واحد واحد عشان منتهزقش كتير يالا انتى الاول يا ريم
دخلت ريم.
موده:كريم انا الأو.... دخل الحيوان
دخلت موده وهى بتلعب ريقها
الدكتور:فاكره نفسك رايحه فين.
موده:هدخل.
الدكتور:اتأخرتى ربع ساعه كامله مفيش دخول.
موده:بس.
الدكتور:الساعه فى إيدك كام.
موده:مش مظبوطه.
الدكتور:اطلعى بره لما تظبطى ساعتك ابقى تعالى احضرى.
موده لفت وشها عشان عينيها دمعت بصيت لقيته هو إلى كان بيسألها من شويه.
الدكتور:مسمعتيش اطلعى بره.
خرجت موده وهى بتعيط وكريم خرج وراها.
الدكتور:حد تانى خارج لا يبقا نبدأ.
موده قعدت على السلم بتاع الجامعه وهى بتعيط وحاطه راسها على رجلها عشان محدش يشوف دموعها.
كريم:خلاص بقا متعيطيش.
موده بشهقات:مش بعيط.
كريم:يا راجل أمال إيه ده.
موده:مشفتوش كلمنى إزاى يعنى يا كريم.
كريم:معلش بقا متزعليش يا عيوطه.
موده:قوم يا كريم غور من وشى.
كريم:تصدقى انا غلطان.
موده:متغلطش تانى.
مسحت دموعها وقامت راحت الكافيه.
موده:محموووود.
محمود:يا ساتر يا رب جاى.
موده:أنجز.
قعدت موده وهى متعصبه وبتهز رجلها بعصبية وبعدين بصيت للساعه بتاعتها ودمعت.
كريم: عارفه لولا انى اخوكى كنت بوظتلك وشك بس بابا هينفخنى لو جيت جمبك عشان طبعا حضرتك الدلوعه.
لقاها مش بترد ركز لقاها بتبص للساعه وبتعيط
كريم:موده كفايه كده بقالها سنتين هى فى مكان احسن.
موده:وحشتنى اوى عارفه ليه مش بقلع الساعه ديه.
كريم:عارف طبعا.
موده:عشان افتكرها دايما وهى بتجرى ورايا بالشبشب وهى بتقولى طلعى التشيرت من البنطلون يا رقاصه.
كريم:يعنى انا قصرت.
موده:ههه لا بس هى كانت مميزه كنت بحب دائما اضايقها بس دلوقتى بندم بندم انى ضايقتها.
كريم:هى مكنتش بتضايق هى كانت دائما بتقول انك انتى الحس بتاع البيت ومن غيرك البيت هيبقا كئيب.
موده عيطت.
كريم:على فكره بقا انتى بتحورى انتى مش بتقلعى الساعه عشان هى ضد المايه.
ضحكت موده وسط دموعها.
كريم:يخلاثى .
كمل كريم:ده إيه الضحكه القمر ديه.
موده:عارف انت احسن اخ.
كريم بثقه:عارف يا بنتى انا بجد واد مجدع اوى.
وليد:بمناسبه المجدع مصحتنيش ليه ياض.
كريم:حبيبى ياسطا كله بسبب موده هى مصحتنيش لولا أن بابا معاه مفتاح اوضتى ودلق عليا جردل المايه مكنتش جيت.
وليد:ماشى مردودالك.
موده بضحك:يظهر اننا كلنا مردودلنا.
محمود: احلى قهوه لأحلى موده.
موده:الله يا محمود انت منقذى بجد.
محمود:مين كان معصبك.
موده:دكتور بطاطس.
محمود:ومين ده كمان.
كريم:دكتور جديد .
محمود:اسمه إيه دكتور بطاطس.
موده:وانا اش عرفنى هو خلاص بقا اسمه دكتور بطاطس.
محمود:طيب خدى ديه عشان العصبيه غلط.
موده:شكولاته هااااى.
كريم:يابنتى انتى عيله صغيره متشكر يا محمود.
محمود:يعنى احنا عندنا كام موده انا مضطر امشى بقا عندى شغل.
مشى محمود
وليد:ماله دكتور بطاطس بموده.
موده وهى بتفتح الشكولاته:بينتقم منى عشان مقولتلوش الساعه كام
وليد:بجد.
كريم:يعم سيبك هى اصلا موده متعصبه لوحدها عشان مشربتش القهوه على الريق .
وليد:بجد انا مش فاهم بتعملى كده إزاى
موده:زى السكر في الشاى
وليد بسخريه:ههه ظريفه اوى
كريم: عسل وقال لوليد:قصر عشان متفتحش فى العياط.
وليد:اتخرست.
بعد فتره كانت موده قاعده لوحدها وبعتت كريم ووليد يجيبولها رابع سندوتش شاورما عشان مضايقه.
قعدت ريم وهى مرهقه:كنت متأكدة انك هطلعى غلك فى الاكل.
موده وهى بتاكل بعصبية:انا بعمل كده لا انا بس جعانه.
ريم:يستى كلى انا بس نفسى اعرف بيروح الاكل ده كله فين انتى عمرك تخنتى بس نص كيلو أبدآ.
موده:عشان مش زيك كل شويه ادخل اوزن نفسى ومش حاطه الموضوع فى دماغى وبعدين يستى قولى الله اكبر بسم الله ماشاء الله فى ايه يا بنتى.
ريم:يعنى انتى شايفه نافع مانتى اهو مش تخنتى.
موده:ومش هتخن عند فيكى ها .
كملت موده:الا قوليلى دكتور بطاطس شرح إيه انهارده.
ريم بتريقه:لا يا موده انا اسفه دكتور استنى انتى قولتى دكتور إيه وانفجرت ضحك بطاطس مين دكتور بطاطس.
موده:إلى طردنى بقا انا إلى سجلى التعليمى كله مشرف يجى دكتور بطاطس ده ويطردنى ماشى.
ريم بضحك ماسكه بطنها:لا مش قادره بطنى بتوجعنى ااه.
موده:اخلصى قولى شرح إيه.
ريم:هو قال إلى حضر ميقولش للى محضرش حاجه بس طبعا ميعرفش اننا بيستات فأنا وانا بكتب كان معايا كشكولك والكربون فكتب ليا وليكى.
موده: قلبى بقا.
ريم:الدور عليكى يا حبيبتى متعملهمش عليا المحاضره الجايه انتى هتكتبى.
موده:اشطا.
كريم ووليد:جبنالك اتنين عشان منقومش تانى.
موده:كده هيبرد وله اقولكو كويس خدى يا ريم انتى ماكلتيش واعملوا حسابكو لسه فى اتنين كمان.
كريم:وليد صح مقولتلكش.
وليد:إيه يا صاحبى.
كريم:مش احنا عندنا مشوار ومش هنخلص غير بعد المحاضرات كلها.
وليد:يا راجل.
كريم:اه والنعمه تعال معايا كده.
موده:خطه هروب فاشله.
ريم:اوى.
موده:سيبك علينا إيه تانى.
ريم: الساعه ١٢اخر محاضره لدكتور جيهان.
موده:والساعه كام.
ريم:١١ ونص كده.
موده:طيب قومى عشان منتأخرش.
مشيت موده مع ريم وهى بتاكل ومش باصه قدامها وفى نفس الوقت هو جاى وبيبص فى تليفونه وهوب خبط فى موده.
موده بشهقه:الشاورما.
هو:انتى تانى.
موده بزعيق:كده بوظت الشاورما.
هو:بت انتى هو ده إلى همك السندوتش مش همك قميصى الابيض إلى وسختيه.
موده:هو قميصك بيتاكل لا صح يبقا ميهمنيش ومليش دعوه انا عايزه السندوتش بتاعى.
هو:انسانه طفوليه وتافهه انا كان عندى معاد ربنا يسامحك يا شيخه.
موده:انا طفوليه وتافهه.
دموعها اتجمعت تانى ونزلت دمعه بصيلها بأستغراب وضيق من نفسه لأنها تانى مره تعيط بسببه.
هو:خدى صاحبتك يا انسه انا مش فاضى.
ريم:تعالى يا موده مش مشكله
كملت ريم:هجيبلك غيره تعالى.
موده:دكتور بطاطس شرير.
ريم حطيت إيديها على بق موده.
هو:هى قالت إيه.
ريم:أبدآ هى بس بتسأل على اسم حضرتك.
هو:أسمى دكتور مالك عن أذنكو.
ومشى شالت ريم إيديها.
موده بزعيق:انا مسألتش عن اسمه وانتى سكتينى ليه ها.
كانت بتعيط وهى بتزعق وباقى الكلام مكنش مفهوم وريم بتبصلها ومش فاهمه هى بتقول ايه.
موده مسحت وشها وشديت ريم وقالت:يالا ورانا محاضره. (مجنونه على الاخر 😂😂)
دخلت موده وريم المحاضره وكريم ووليد جم متأخرش والدكتور مريديتش تدخلهم وخلصو المحاضره وخرجو.
موده:كريم انت جاى ضيف شرف انهارده.
كريم:مش سيبت اول محاضره بسببك.
موده:اه صح خلاص هشرحلك.
كريم:احلى اخت ديه وله إيه.
وليد:وله ايه مش هنروح بقا.
موده:يالا يا بارد.
مشيو كلهم وهما بيضحكو ويهزرو وهما ماشين فى الشارع لقيت دكتور بطاطس قاعد فى المطعم مع واحده وبياكل بطاطس.
موده بضحك:اول مره اشوف بطاطس بتاكل بطاطس.
ريم:يالا يا موده بلاش شغل عيال.
موده بمكر:انا عندى خطه انتقام بس انتى وزعى كريم ووليد.
ريم:موده بلاش هبل هيسقطك.
موده:ليه مفيش نظام وله ايه يالا روحى بس.
مشيت ريم وهى بتدعى ربنا يسترها.
موده دخلت المطعم وبصوت عالي قالت.
موده:اه يا خاين يا غشاش بقا بتخونى وانت فى عز الضهر.
النادل:احنا العصر يا أنسه.
موده بصوت واطى ليه:مدقوش.
كملت موده:وكل وعودك ليا نسيتها إيه خلاص مبقتش مهمه يا ترى بقا قولتلها زى ما قولتلى انتى الاولى والاخيره ومش هحب حد قدك والكلام إلى مبيأكلش عيش ده لا اه قلبى مش قادره. جابولها كرسى.
موده:روح الله تتستر ياخ.
وكملت:بعد كل السنين إلى ضايعتها عشان اخص اخص اه يا زمن الخيانه اه الحب بقا مجرد اهانه بس لا لا مش هستحمل اكتر من كده انا انهارده هحررك منى خلاص.
استووووووب اخر جنان صح هنعرف ايه هيحصل البارت الجاى كان معكم الكاتبه منار مجدى
البارت التاني من هنا 👇👇👇👇👇