جميع الروايات كامله

 الفصل السابع والثامن والتاسع

عشقتكِ قبل رؤياكِ

بقلم فاطمة الالفى

الفصل السابع

ودعت والدتها وقررت العوده الى منزل عمها ، انتظرت حازم خارج البنايه إلى ان اتى واصطحبها معه إلى المنزل ، وقبل أن يقود محرك السياره ،التفتت إليها بتسأل .

--مالك يا حبيبه حصل حاجه ضايقتك 

حبيبه بتردد :لا ابدا ماحصلش حاجه 

حازم بشك :متاكده ، بس شكلك بيقول غير كده 

نظرت له بحزن وانسابت دموعها: بابا واحشني اوى 

ضمها لصدره بحنان ومسد على ظهرها :ربنا يرحمه ، ادعيلو يا حبيبتي هو فى مكان احسن دلوقتي ، وبلاش يشوف دموعك ، عشان المتوفي بيحس طبعا ، خليه دايما يحس انك مبسوطه سعيده عشان مش يقلق عليكي 

اومت له بالايجاب ومحت دموعها ، وقبل أن يطلق حازم نظر لها بتفهم 

--حبيبه مامتك ماعملتش حاجه غلط ولا عيب ولا حرام أنها اتجوزت بعد عمو الله يرحمه ، دى سنه الحياه وكان لازم يكون ليها سند ، عارف طبعا ومقدر ان مش سهل عليكي تشوفى حد تاني مكان والدك ، بس حاولي تتقبلي الأمر يا حبيبه عشان ماتتعبيش ، انتى دلوقتي كبرتي وتفهمي ليه مامتك عملت كده ، اكيد ماكنتش هتكمل حياتها لوحدها ولا ايه 

نظرت له بتوهان :بس انا عارفه و فاهمه ان ماما من حقها طبعا تتجوز وتكمل حياتها زى ما هى شايفه ، بس كمان من حقي مااقبلش اشوف حد مكان بابا ، صعب عليا بجد ليه مش حد قادر يفهمني .

حازم بجديه :حبيبتي انا فاهمك وعارف طبعا انك مش هتتقبلي ده بسهوله ، بس ده الواقع ماينفعش نغيره ، انا مش عاوزك تتعبي وتشغلي نفسك كتير بالموضوع ده ، بس تخلي بالك اوعى تقصري فى حق والدتك عليكي ، انتى بنتها الوحيده ولازم تسألي عنها دايما وان كان ياستى على وجود زوجها ، ابقى قابيلها بره البيت فى اى مكان 

***********************

كان يريد أن يتحدث مع والده وجلس جانبه 

يوسف :بابا كنت عاوز اتكلم معاك فى حاجه كده مهمه 

عبدالرحمن باهتمام :خير يا يوسف 

يوسف :بصراحه يعنى عاوز اخطب حبيبه ده بعد اذن حضرتك

ابتسم عبدالرحمن فكان يريد ان يتحدث معه هو الاخر بهذا الموضوع نفسه وسبقه ابنه ، شعر بالراحة .

- معقول فجاه كده يا يوسف عاوز ترتبط ومن مين من بنت عمك ، مش غريبه شويا 

يوسف بتنهيده :عارف طبعا ان ظروفي ماتسمحش بالخطوة دي ، بس انا الفتره دى عرفت قيمه حبيبه فى حياتها ووجودها جنبي مهم جدا ، وانا من غيرها حاسس ان ناقصني حاجه مهمه 

عبدالرحمن بجديه :انا كنت هتكلم معاك فى الموضوع ده ، بس حبيبه مش تسليه يا يوسف ، ومش هقبل انك تزعلها ولا تجرحها طول ما انا عايش ، حبيبه دى بنتي وامرها وسعادتها تهمني اكتر منك انت نفسك فاهم 

يوسف بابتسامه :فاهم يا عوبد 

كانت تستمع لحديثهم وتبتسم بمكر ، فقد حقق ابنها ما تمنته واتخذ اول خطوه 

٠••••••••••••••••••٠

عندما استمع لسياره شقيقه ، نهض من مجلسه متوجها إليها على عجاله .

كانت تسير بالحديقه وكادت ان تصطدم به 

فقد ميزها براءحتها المختلفه وسار اتجاه تلك العبق الفواح الذى استنشقه بقوه فى حضورها ، تسمرت مكانها عندما وجدته امامها ونظرت له باشتياق 

امسك يوسف بيدها وهو يبتسم لها بحب :واحشتيني 

جحظت عيناها الرماديه من أسر كلمته 

فعاد يوسف على مسامعها :بجد واحشتيني جدا وكنت عامل زى اليتيم من غيرك ، انا خلاص اتعودت على وجودك فى حياتي ، ممكن ماتبعديش تاني 

لم تستطيع التفوه بكلمه فقط تنظر له بغرابه ، هل حقا اشتاق لها ويشعر بها ، هل غيابها فرق معه ، هل يكن لها نفس المشاعر ، ظلت متخبطه وشلت حواسها بواقع كلماته .

استغرب حازم وجودها بذلك الوضع وتبادل النظرات بينهم ، يريد ان يعلم سبب تسمرهم بهذا الشكل .

وقف خلفهم ووضع يده على كل منهما واصبح يفصل بينهم 

-هو فى ايه بالظبط، واقفين كده ليه ، يلا ندخل

علم يوسف باثر كلماته عليها وابتسم داخله وسار مستسلما لشقيقه ، دلفو سويا داخل الفيلا .

تقدم عبدالرحمن من حبيبه يضمها بحنان :حمدلله على سلامتك يا قلب عمك ، ماتصوريش كنت مفتقد وجودك قد ايه 

حبيبه بابتسامة :حضرتك كمان واحشتني اوى اوى 

حازم :الغدا بقى يا جدعان عشان  نازل تاني عندي شغل 

اقترب يوسف من حبيبه وهمس جانبها :على فكره انا طلبت ايدك من بابا واتمنى توافقي 

تفوهة ببلاها :هااا 

عبدالرحمن :حبيبه ابعدي عن الود ده وتعالى عاوزك 

اقتربت من عمها بهدوء ، ربت على كتفها ثم حدثها باهتمام :،بصى يا حبيبتي الواد ده كلمني فى موضوع كده ، عاوز يرتبط بيكي وأنا عاوزك تفكري كويس ، لو شايفه ان يوسف الإنسان إللى بتحلمي بيه وموافقه عليه يكون شريك حياتك انا معاكي وهفضل جنبك وفى ضهرك ، مش عاوز حد يغصبك  ولا ياثر على اختيارك ، ده جواز مش لعب عيال لازم تاخدي كل وقتك وتفكري بجديه وأى كان قرارك ماحدش هيناقشك فيه تمام 

هزت راسها بالموافقة ..

٠••••••••••••••••••••

هاتفه صديقه سامر واخبره بانه ينوى لسفره بشرم الشيخ هو وأصدقائه ويريد يوسف ان يذهب معهم ، تحمس يوسف لتلك السفره وقرر اخبار حبيبه لتاتى معه فهو بحاجه لوجودها جانبه ..

طرق باب غرفتها  ، كانت شاردا تفكر بكل ما حدث معها اليوم ، إلى ان انتبهت لطرقات باب غرفتها، ذهبت لتفتح  وجدت يوسف يدلف لداخل غرفتها ، ترك الباب مفتوحا ونظرت له باهتمام 

-- أنت لسه مانمتش 

يوسف  بابتسامه:انتى كمان مانمتيش وماجتيش نتكلم زى كل يوم ، ياترى ايه شاغل بالك وتفكيرك ، اكيد انا صح 

حبيبه بتوتر :لا خالص مابفكرش انا كنت هنام اصلا 

يوسف بشك :تمام ، طب وصلتي لايه بقى موافقه تربطي حياتك بحياتي ولا انا بقيت ماانفعش بعد الحادثه 

حبيبه بجديه :ليه بتقول كده ، عندك فرصه تعمل العمليه وترجع احسن من الاول بس بلاش تشاؤم ، وانا عمرى ما فكرت بالشكل ده 

يوسف :افهم من كلامك انك راضيه بيه 

حبيبه :لم اتاكد انك فعلا اتغيرت وبقيت شخص تاني مش تافهه ولا صايع بتسهر للصبح وتشرب وعايش حياتك كلها غلط 

يوسف بجديه :بس انتى شايفه ان فعلا اتغيرت من وقت الحادثه، خلاص اوكيه فكري براحتك بس  فتره الخطوبه تقدري تحكمي عليه فيها، وكمان عاوز منك طلب 

حبيبه :طلب ايه 

يوسف :ايه رايك نسافر يومين شرم نغير جو ، انا محتاج اغير جو جدا ، وانتى كمان محتاجه تفكري ولم نرجع تردي قررتي ايه هتقوفي جنبي ولا 

حبيبه بتفكير :بس عمو مش هيوافق

يوسف بابتسامه :هو هيرفض طبعا لم انا اطلب منه ، لكن انتى اكيد مش هيقدر يقولك لا 

حبيبه بجديه :تمام هكلمه الصبح ، اتفضل بقى على اوضتك 

يوسف :طب ماتيجى نتفرج على فيلم وتحكيهولي اصل مافيش نوم

حبيبه بتعب :لا تنام بدري احسن عشان صحتك ، تصبح على خير

غادر الغرفه بضيق :وانتي من اهل الخير يا ختي 

٠••••••••••••••

كانت تقف أمام غرفه العنايه المركزة ، تتطلع من اللوح الزجاجي الصغير تتففد وضع ابنها وتبكى بحزن على ما اصابه .

اسرعت إليها ابنتها نادين وهى ترتدي حُله سوداء وتنساب دموعها على كل ما أصاب عائلتها بغيابها .

حاولت ان تهدئ والدتها :ماما ارجوكي حاولي تتماسكى عشان خاطر بابا ، كمان الدكاتره بلغوني ان حاله ياسين مطمئنه وان شاء الله هيسترد وعيه قريب، بس محدش يعرف امته ، ادعيلو انتى بس وبلاش دموع 

ربت والدها على كتف ابنته بحنان :نادين حبيبتي لازم ترجعي ألمانيا عشان جوزك وولادك يا بنتي 

نادين :ماينفعش اسيبكم فى الظروف دى يا بابا وادم متفهم وهو مع الولاد ماتشغلش بالك حضرتك

غاده بحزن :بابا معاه حق لازم ترجعي عشان ولادك لسه صغار ومحتاجين ليكي ، ادم مش هيعرف يتعامل معاهم ، سافري يا قلبي وأن شاء الله نطمنك على اخوكي لم يفوق بأمر الله

قبل ان تغادر المشفى ، دلفت الغرفه العنايه ، ارادت ان تودع شقيقها قبل ان تذهب للمطار .

اقتربت من فراشه وهى تبكى بصمت ، انحنت لتقبله وهمست بجانب أذنه 

-ياسين يا حبيبي فوق عشان خاطري ، ماما منهاره وبابا مكسور ، ارجوك يا ياسين ارجعلنا عشان احنا من غيرك نموت، بابا محتجالك انت سنده ومش قادر يشوفك كده ، فين قوتك واصرارك على انك تواجه اى مشكله ، عارفه انك هترجع زى الاول وواثقه فى ربنا مش هيخذلنا ، بس محتاجين عزيمتك ، انا لازم ارجع برلين عشان ادم والولاد ، بس هحاول اظبط اموري ونرجع كلنا عشان أكون جنبك ومطمنه عليك يا حبيبي ، هتوحشني اووى ..

~~~~~~~~~~~^~~~~~

فى الصباح 

استيقظ بنشاط بعد ان هاتفه سامر وأخبره بأنها انهى كل شئ من أجل الذهاب إلى شرم الشيخ وتم حجز التذاكر وأخبره بموعد اقلاع الطائرة ..

نهض من فراشه وتوجه على الفور  لغرفه حبيبه .

طرق عده مرات وعندما لم ياتى الرد دلف لداخل وهو ينطق باسمها 

-حبيبه ،حبيبه انتى فين

 اقترب من الفراش وتحسس المكان بيده وجدها مازالت بالفراش تغط بنوم عميق 

هزها برفق لتستيقظ 

انتفضت بقوه من الفراش عندما لمسها وجحظت عيناها لم تصدق أنه امامها الآن بغرفه نومها .

ظل يقهقه على فعلتها :ايه يا بنتي لادغتك عقربه اهدي فى ايه 

حبيبه بغضب :أنت ازاى تسمح دخل اوضتي كده وتصحيني من النوم ، أنت مابتميزش ابدا يا يوسف ايه يصح وإيه مايصحش

يوسف بجديه :ده على اساس ان شايفك مثلا بلبس النوم وماينفعش اشوفك كده ، ماحصلش حاجه لكل ده وانا خبطت كتير على الباب وقولت ادخل اطمن عليكي 

حبيبه بضيق :يوسف انا مش قصدي اجرحك ، بس انا اتخضيت من الموقف كله ، بس بجد ماينفعش تعمل كده تاني 

يوسف بتنهيده :حاضر يا حبيبه ، اسف، ممكن بقى تنجزى عشان تكلمي بابا ، المفروض نكون فى المطار بعد ساعتين 

حبيبه بجديه :حاضر هغير هدومي وانزل لعمو 

يوسف :اوكيه وأنا هنزل الطف الجو ، ماتتاخريش 

تنهدت بضيق :مافيش فايده

حملت ثيابها ودلفت المرحاض لتنعش جسدها وتبدل ملابسها ، واحضرت حقيبتها من أجل السفر ..

وهبطت الدرج بهدوء ، بحث عن عمها وجدته انهى طعامه ويوسف يتحدث معه من أجل الذهاب 

عبدالرحمن :عاوز تسافر ازاى بس وانت فى حالتك دي 

فريال :يوسف محتاج يغير جو وفيها ايه يا عبدالرحمن

يوسف ؛ما انا مش لوحدي معايا اصحابي وكمان حبيبه ممكن تيجي معايا 

حازم برفعه حاجب :حبيبه 

عبدالرحمن :ماينفعش طبعا وجود حبيبه معاك وكمان ناوى تقضي كام يوم بأي صفه غلط طبعا 

يوسف :هى فى حكم خطيبتي وأنا هعمل ايه يعنى ، انا محتاجلها تكون معايا وماتخفش عليها 

تدخلت حبيبه :عمو انا كمان نفسي اسافر واطمن عليه انا مايتخفش عليه 

وكمان يوسف محتاجلي معاه ، وانا موافقه على الارتباط من يوسف 

عبدالرحمن بابتسامه :يعنى متفقين مع بعض ، اوكيه خلى بالك من نفسك ومنه هههه

حازم بجديه :يبق نحدد بقى الخطوبه وكتب الكتاب لم ترجعو من شرم 

عبدالرحمن :أيوة فكره حلوة وهنعمل حفله كبيره كمان نعزم فيها كل المعارف 

يوسف بشرود :كتب كتاب كمان 

عبدالرحمن :ها يا حبيبه ايه رأيك

حبيبه :لم نرجع يا عمو هنقرر ان شاء الله

تنهد يوسف بارتياح وطلب منها ان تساعده فى تحضير اغراضه، صعدت معه إلى غرفتها واعدت له حقيبه السفر ، صدع رنين هاتفه ، أجاب على الفور وتحدث مع سامر لعده ثواني واغلق الهاتف ..

يوسف:خلاص كده كل حاجه تمام وسامر هيعدي ياخدنا بعربيته للمطار 

حبيبه :سامر ليه بقى ان شاء الله

يوسف ؛عشان هو صاحب فكره السفر وكمان احنا معانا اصحابنا كمان 

حبيبه بصدمه :يعنى انت واصحابك طالعين ، طيب ليه ماقولتش ، انا مش جايه معاك 

يوسف :ليه بس وجودك جنبي هيفرق كتير ، عشان خاطري كل واحد هيكون معاه حبيبته وأنا أكون فاضى كده يرضيكي وماحدش هيهتم بيه غيرك 

حبيبه بضيق :امري لله 

٠••••••••••••••••••

انتظر يوسف وصول سامر ليقلهم إلى المطار وفى غصون دقائق ، كان يصف سيارته أمام فيلا الشامي .

ترجلت من سيارته ليصافح صديقه ويغتلس النظرات لحبيبه وحمل الحقائب عنها وضعها بسيارته وانطلق ثلاثتهم إلى حيث وجهتم ..

كانت تحاول إبعاد انظارها عن ذلك المتسلط ، كلما سارت باتجاه تجده خلفها .

وعندما اعلنت  الخطوط الجوية عن اقلاع الطائرة المتوجه إلى مدينه شرم الشيخ ، استقل كل منهما مقعده الخاص ، وبعد مرور نصف ساعه من التحليق هبطت الطائرة بمطار شرم الشيخ ، ترجل جميع الركاب ، وطلبت هى من يوسف الانتظار قليلا إلى ان ينتهى جميع من بالطائرة من الترجل .

وقف سامر بجانب صديقه وهمس له بمكر :فى مفاجأه حلوة عشانك 

يوسف بتسأل :مفاجاه ايه 

سامر يقهقه بسعاده :لا هتعرف بنفسك بس الصبر يا حلو 

استقل تاكسي لايصالهم إلى الفندق وعندما وصل الفندق وجد اصدقائه فى انتظاره واقتربت من فتاه 

ارتمت باحضانه وظلت تقبله باشتياق  وسط صدمه حبيبه وابتسامه سامر الماكره ..

................

الفصل الثامن

عشقتكِ قبل رؤياكِ

اتسعت عيناها بصدمه ، عندما وجدت فتاه تحتضنه وتقبله بقوه ، كانت الصدمه مرسومه على صفيحه وجهها ولم تستطيع ان تتفوه بكلمه ..

كان يبتسم بانتصار فقد حقق غرضه بسبب عوده صديقتهم .

اما يوسف فكان يشعر بالفرحه عندما التقى بها وميز صوتها الذي اشتاق له .

"شهد " حبيبه يوسف السابقه ، انفصلت عنه منذ عده أشهر وانقطع الاتصال بينهم ، والآن عادت تتقرب منه .

تبلغ من العمر 25 عام فتاه شقراء بعينان بندقيه وشعر اشقر  كرلي ، ذات قوام متناسق ، درست بالجامعه الامريكيه وتعرفت على يوسف بالجامعه ونشئت العلاقه بينهم ..

يوسف بفرحه :معقول شهد 

شهد برقه :واحشتني اوى ياچو ، اول لم عرفت من سامر إللى حصلك وأنا نزلت من السفر 

يوسف بعتاب:بقى كده تبعدي عنى وتقطعي كل الاتصالات إللى بينا 

تصنعت الحزن :غصب عنى يا حبيبي دادي كان تعبان وكان لازم اسافر وأكون جنبه ، بس اول لم عرفت قررت انزل فورا عشانك 

ابتسم يوسف بفرحه ونسى وجود حبيبه وسار بجانب شهد ..

استغل سامر انشغال يوسف وصدمه حبيبه وتقرب منها يبخ السم باذنيها .

-سوري يا حبيبه اكيد يوسف نسى نفسه طبعا اول لم شاف شهد ، قصدي قابل شهد  اكيد الحب بيعمل اكتر من كده 

نظرت له بتردد :الحب 

سامر :أيوة الحب اصل بينهم لاف ستوري ، بيبعدو فتره ويقربو فتره بس عمرهم مانسيو حبهم لبعض دايما يرجعوا واقوى من الاول كمان 

ابتسمت بمراره وتنهدت بألم وهمت لترحل 

اوقفها سامر :استني هوصلك أوضتك

حبيبه بقوه :شكرا هعرف اوصل لوحدي 

ابتعدت من امامه وبحثت عن غرفتها ودلفت بغضب ، القت حقيبتها وتركت دموعها العنان 

-حبيبته وأنا ايه ، طب ليه قرر يرتبط بيه وليه هى تظهر فى حياته دلوقتي 

يعنى ايه مابيحبنيش زى مابحبه ، مش حاسس بيه ولا بمشاعري ، مش شايفني خالص 

قابل حبيبته بالاحضان ونسى نفسه وانا ايه عاوزة اعرف انا ايه 

*****٠•••************

سارت بجانبه على الرمال وهى تضمه بيدها ، كان سامر يتابعهم عن بعد ..

ولحق بهم وقف خلفهم وارسل غمزة لشهد .

شعر يوسف بوجوده وتذكر حبيبه 

يوسف :سامر حبيبه فين ، انا نسيتها خالص 

وضع سامر يده على كتفه :انت مش بس نسيت حبيبه أنت نسيت الدنيا يا بني

شهد بتسائل :مين حبيبه 

يوسف بضيق :بنت عمى سورى نسيت اعرفكم على بعض 

شهد :اوكيه مره تانيه بقى ، هعمل مكالمه لدادي ثواني يا بيبي مش هتاخر عليك 

يوسف :اوكيه يا حبيبتي 

ابتعدت شهد قليلا لتتحدث بالهاتف .

سامر :ايه رايك بقى فى المفاجاه عجبتك

يوسف بابتسامه :جدا  ، بس مش عارف اعمل ايه مع حبيبه ، لو اعرف بوجود شهد ماكنتش اصريت تيجي معايا 

سامر باهتمام :ليه يا بني وفيها ايه 

يوسف بتافف :أنت مش فاهم حاجه ، انا وحبيبه فى حكم مخطوبين 

سامر بمكر :لا مش فاهم وضح اكتر يعنى ايه 

فى ذلك الوقت اخرج هاتفه وبدء وضع التسجيل ليسجل حديث صديقه وعلى ثغره ابتسامه سعاده لا توصف بتحقيق هدفه ...

قص عليه يوسف ما حدث : الحقيقه حبيبه وقفت جنبي وخرجتني من حاله الحزن والاكتئاب وفضلت جنبي بس تدعمني وتحمسني لعمل العمليه ، حتى بقت عنيه إللى بشوف بيها ، اى حاجه عملتها عشاني وخرجتني من البيت بجد كنت مبسوط بوجودها ، بس بابا فكر يكون بينا ارتباط رسمي وماما كمان الغريبه أنها واققت وكمان اتكلمت معايا عشان مصلحتي انا بجد اتعودت على وجودها فى حياتي وخفت ارجع وحيد فى اوضتي وارجع للاكتئاب ، بس انا لا عمري فكرت فى حبيبه ولا كنت شايفها اصلا قبل كده ، مجرد بنت عمى وبشوفها صدفه كمان ، خوفت أخسر وجودها وقولت اضمن وجودها جنبي بالارتباط ولو العمليه مانجحتش ماحدش هيفكر يربط حياته بشخص كفيف زي  لكن هى بتحبني وهتفضل معايا 

سامر بتمثيل :يعنى مافيش حب ولا مشاعر

يوسف :أنت عارف قلبي مختار مين من زمان مافيش غير شهد والحمد لله رجعتلي تاني ، بس حبيبه اعمل ايه وافهمهه الموقف ازاى

يوسف بتفكير :روحلها قولها ان إللى حصل عادي وشهد مجرد صديقه وبس وهتصدق 

يوسف بقلق :تفتكر 

سامر :أيوة البنات بتصدق اى كلام يتقالها ، تعالي اوصلك أوضتك هى جنب اوضه شهد ، وحبيبه بعيده عن أوضتك شويا 

٠••••••••••••••••••••••••••

اوصله سامر لغرفه حبيبه 

سامر :ادخلها اتكلم معاها وأنا هستناك عشان اعرفك باوضتك 

طرق عده طرقات وانتظر ان تفتح له 

عندما استمعت الطرقات الباب استجمعت شتات نفسها ومحت دموعها وتوجهت لترا من الطارق 

وقفت امامه بصدمه متصلبه من رؤيته وتحدثت بجمود :افندم 

يوسف بتوتر :مافيش اتفضل هنتكلم هنا على الباب 

حبيبه مازالت ترسم الجمود :لا مافيش اتفضل ، قول عاوز تقول ايه 

علم يوسف ان الأمر ليس بسهل وقد اغضبها تنحنح بتوتر :حبيبه انا بس عاوز اقولك ان شهد صديقتنا وماقابلتهاش من فتره كانت مسافره وعادي لم شافتني يعنى حضنتني ، مش عاوزك تفهمي غلط إللى حصل 

قاطعته بشده وصوت غاضب ؛اقولك انا إللى حصل عادي جدا وطبيعي بين الاصحاب والاصدقاء عادي ،مافيش مشكله كل حاجه عندك عادي يا يوسف ، بنت تقابلك بالاحضان والقبولات وانت شايفها عادي طبيعي بيحصل ، يظهر أن انا بس إللى مش طبيعيه 

يوسف :حبيبه افهمي انا 

وضعت يدها على فمه تمنعه من اكمال الأكاذيب :خلاص يا يوسف ماعدش فى مبررات فعلا حياتك غير حياتي ، صعب جدا نتقابل ونعمل حياه واحده تخصنا ، أنت تفكيرك وحياتك غير حياتي خالص ، بس تعرف شهد بجد لايقه عليك يا ابن عمى ، ربنا يسعدك 

شعر بالاحراج وعاد إلى الخلف  دون أن يتحدث ، فقد قالت كل شيء وفهمت حقيقه مشاعره دون أن يتفوه بكلمه ، اغلقت الباب بقوه وعادت إلى دموعها ..

ابتسم سامر بسعاده فقد حقق مبغتاه والآن عليه التدخل لمواساتها حزنها وصدمتها فى حبيبها ..

٠•••••••••••••••••••••••

اخرجت هاتفها تحدث صديقتها 

جاءها الرد والتعنيف بسبب تجاهلها لها طوال تلك المده 

ريم بصراخ :والله كويس انك لسه فاكره ان ليكي صاحبه تسالي عنها 

حبيبه بحزن :معلش ظروف لم اشوفك هحكيلك 

شعرت ريم بحزن صديقتها وانتابها القلق من اجلها 

مالك احكيلي فى ايه يا بت قلقتيني ، كمان صوتك مش عاجبني

حبيبه بتنهيده حارقه :انتى لاحقتي تحللي صوتي ، قولتلك لم اشوفك ، انا بس متصله عشان تقدمي ورقي معاكي 

ريم بفرحه :بجد انتى بنت حلال عشان خلاص قدمت ورقنا فى جمعيه متاسسه جديد وطالبين تخصصنا وان شاء الله الرد بكره 

حبيبه بجديه :طب كويس وأنا راجعه بكره 

ريم بتسأل :راجعه منين انتى فين 

حبيبه :مصره تعرفي ، هعرفك كل حاجه بس لم اقابلك ، سلام دلوقتي 

ريم بحزن :طيب سلام بس خلى بالك من نفسك 

اغلقت الهاتف وتذكرت نصائح صديقتها وعلمت أن اختيارها من البدايه كان مبنى على اختيار خاطئ ، فهى من اختارت الشخص الغير مناسب ..

«ابنى حياتك على اختياراتك » 

~~~~~~~~~~~~~~~

دلف غرفته وهو يشعر بالضيق ، يعلم أنه جرحها وهى محقه بكلامها ، فكل منهما حياه تختلف عن الاخر .

تنهد بضيق وارتمى بالفراش يفكر بكل ماتفوهة به اثناء غضبها ، فهى على حق ، سوف يظل هكذا ولن يتغير شخصيته ...

***********************

خطط سامر بقضاء حفل بالمساء واتفق مع شهد على كل شيء وعليها أن تصطحب يوسف لملهى الفندق ..

توجهت شهد لغرفه يوسف وساعدته فى انتقاء ملابسه ، انتظرته حتى انتهى من ارتداء ملابسه ووضعت يدها بيده ، كان منساق معها دون تردد ، ونسى أمر ابنه عمه ،، 

سارت معه إلى حيث الملهى الليلي لقضاء وقت ممتع ، وبدات فى سكب محتويات المشروب فى كاسه 

تردد قليلا قبل ان يرتشفه ، فمنذ يوم الحادث وهو بعيدا عن الشرب .

ظلت تتمايل عليه وانصاغ لها بدون ادنه مقاومه ، وبدات فى تناول الخمر وأحد تلو الآخر ...

ولم تكتفى بذلك فاصحبته لصاله الرقص وظلت تتمايل معه بدلع وهو يتجاوب لها ..

كان يراقب الوضع وعندما بدءو بالرقص ، فكر بالذهاب لغرفتها وجعلها تاتى لتشاهد ذلك المشهد المحبب لقلبه ،صعد على الفور حيث غرفتها وطرق الباب برقه ..

كانت تحاول استرجاع افكارها وعندما استمعت لطرقات باب غرفتها ، توجهت لتفتح وهى تعلم أنه ليس إلا يوسف .

حبيبه بجديه :افندم فى ايه تاني ،تفاجئت بوجود سامر :انت

سامر بابتسامه :أيوة انا وجاي اقولك يوسف بيبلغك احنا هنا فى فسحه مش جاين تحبسي نفسك فى اوضتك 

كادت أن تغلق الباب بوجهه وتعتذر عن تلك العزومه : بلغ صاحبك مش عاوزة اخرج شكرا 

منعها من إغلاق الباب ووضع يده بقوه :استني بس ، لازم تغيري مودك وكمان تتعرفي على شهد 

تسمرت مكانها عندما نطق اسمها وارادت ان تختبر قوتها على تحمل ذلك الموقف ، عندما طال صمتها علم أنه اصاب الهدف وعلم بقوه شخصيتها وتحديها لنفسها .

وافقت ان تذهب معه ولكن كانت تسير بخطوات بطيئه لا تريد ان تكون جانبه فهى تبغضه وتكره وجوده ..

سار امامها يرشدها بمكان وجودهم ، صعقت عندما علمت بأنه يجلس بالملهى الليلي ،وقفت مصدومه تنظر لجميع الموجودين بغرابه وبحثت عنه وجدته فى حاله سكر ويتمايل بالرقص مع تلك الشقراء ويتلامس جسدها بحريه ، شعرت بالاشمئزاز  واغمضت عيناها بقوه .

ظل ينظر لها بإعجاب واراد ان يستغل تشتتها وضع يده على خصرها لتسير جانبه ، كان يتوقع أن تفعل المثل ، كان يريد ان يستغل جرحها وتلقن يوسف دراسا لن ينساه وان يفوز هو بها ، فمنذ انا راها واصبحت شاغله الشاغل لا يفكر إلا بالايقاع بها ، فهى شخص مختلف عن كل ما يعرفه ..

انتفضت بقوه عندما شعرت بيده تلامس خصرها بتملك ونظرت له بقوه ، وجدته يبتسم بسماجه ، فلم تتردد لحظه فى صفعه بقوه على وجنته ، وتركت المكان باكمله ...

وضع يده على وجنته بصدمه واشتعلت عيناه بالحقد والمكر معا :ان ماكسرتك مابقاش انا سامر المصري 

ركضت لغرفتها وهى تلعن نفسها على سبب وجودها هنا ورؤيه تلك الاصناف المجرده من الرجال ، فجميعهم بحاله هذيان ، يحللو لانفسهم كل ما حرمه الله..

٠••••••••••••••••

غمز سامر لشهد ووقف خلفها همس لها بصوت خفيض ولكن يملئه الغضب ، عاوزك تقضي الليله مع يوسف 

نظرت له بصدمه :نعم 

سامر :فى ايه يا شهد ايه يا حلوة امال انا جايبك ليه ، يوسف سكران طينه ومش حاسس بنفسه ، دورك بقى يبدأ من دلوقتي ، واطمنى علاقتنا زى ما احنا ، بس لازم يوسف يتجوزك انتى عارفه ماحدش هيقدر يسدد ديون ابوكي غير يوسف فاهمه 

شهد :حاضر ، فاهمه 

••••••••••••••••••••••••

فى الصباح 

لم يغمض لها جفن وقررت العوده الى القاهره الآن ، ولذلك توجهت لغرفته لتخبره بانها سوف تعود للقاهره .

وقفت أمام باب غرفته وتنهدت بحزن وألم على ما وجدته بشخصيته كانت غائبه عنها ، وتشجعت واطلقت زفير بقوه -،وطرقت الباب عده مرات متتاليه ، فلم ياتى اى رد 

فقررت أن تدلف الغرفه لتخبره فمن المؤكد انه يغط بنوم عميق من اثر سهره أمس .

عندما دلفت لداخل الغرفه تفاجئت ..

...............

الفصل التاسع

عشقتكِ قبل رؤياكِ

بقلم /فاطمه الالفي 

تسمرت مكانها من هول المفاجئه ، فلم تتوقع أن ترا حبيبها يوما بتلك الوضع ، فهل حقا اختيار خاطئ منذ الصغر ومع مرور الوقت لم تتراجع عن اختيارها ، فقد تعلم بكل عيوبه ومع ذلك تفكر به وتهتم باصغر الاشياء التى تخصه ، إلى هذا الحد كانت ساذجه فى حبها و اختيارها من البدايه كان خطأ والآن تتحمل نتيجه اختيارها وتفكيرها الدائم به ....

فاقت من صدمتها على صوت صراخ تلك الشقراء 

شهد بغيظ :انتى مين اصلا وايه يدخلك الاوضه بالشكل ده ، ناس قليله الذوق 

قضم يوسف على شفاه بغيظ ، يلوم نفسه على رؤيه حبيبه لتلك الوضع

 هربت الكلمات ولم تستطيع ان تتفوه بكلمه ، وبنظرة اشمئزاز غادرت الغرفه ، ركضت للخارج تحاول استرداد انفاسها ، تركت الفندق باكمله وتوجهت إلى البحر ، تحاول استنشاق الهواء النقي ..

٠••••••••••

ابتعد عنها بضيق وارتداء ملابسه وبحث عن حبيبه بغرفتها ، فلم يجدها .

قابله سامر وعلم بالأمر واصطحبه إلى خارج الفندق ، حيث راء حبيبه تركض إلى هناك .

اقترب يوسف بخطوات متخبطه ويتكز على عصياه ويتحدث بصوت مهزوز :حبيبه  ، حبيبه 

نظرت له وامسحت الدموع العالقه باهدابها ، تبكى على حالها ، تبكى على سوء اختيارها ، تبكى على فقدان ثقتها ، تبكى على حبها الضائع بدون ثمن ..

يوسف بتوتر :حبيبه انا عارف إللى شوفتيه صعب ، بس ارجوكي بلاش تعرفي حد باللى حصل هنا 

حبيبه بابتسامه الم :خايف عمو يعرف ولا أبيه حازم ، عمرى ماتخيلت انك تعمل كده 

يوسف بضيق:انا عارف ان غلط ، بس انا وشهد بنحب بعض وهنتجوز 

حبيبه بقوه :بجد مبروك ، هو عادي يحصل كده مدام هتتجوزو صح 

نسيت ان عندك كل شيء متاح وطبيعي وعادي ، مش خايف من ربنا فى إللى عملته ، أنت ازاى كده ، بتفكر ازاى ، خايف حد من اهلك يعرف ومش خايف من ربنا ، إللى شافك وانت بتغلط كده عادي ، مافيش خوف من ربنا خالص ، يااخى انت المفروض تتعظ من إللى حصلك مش تجبر على ربنا ، وقت لم تدخل العمليات هتقدر ترفع ايدك وتطلب من ربنا يردلك بصرك ، هتبكي بخشوع وانت بتطلب العمليه تنجح وترجع زى الاول وانت بعيد عنه ومش بس كده لازم مرتكب معصيه وكبيره من الكبائر وخايف من اهلك ونسيت ربنا إللى شايفك ومطلع عليك ، يا اخى اتقى الله بتضحك على مين ، بس تصدق انا فرحانه ان كل يوم بشوف حقيقتك إللى كانت غايبه عني ، وهفضل احمد ربنا واشكره انك فى طريق غير طريقي وعمرنا ماهتتقابل فى نقطه ، فعلا الطيور على اشكالها تقع ، واطمن يا ابن عمى مش هعرف حد باللى شوفته ، بلاش اهز صورتك قدام اهلك ، خليهم شايفينك انك اتغيرت ، انا خلاص حجزت ونازله مصر وكنت جايه اعرفك 

يوسف بتردد :هننزل سوا ، ما ينفعش تنزلي من غيري 

حبيبه بابتسامة :اكيد عشان مايسالوش ليه سبتك ورجعت لوحدى صح ، خلاص يلا مافيش وقت هات جاجتك عشان هطلب من اداره الفندق عربيه توصلنا المطار 

٠•••••••••••*•••••••

عاد لغرفته وحمل حقيبته وودع شهد على امل اللقاء بالقاهرة ، وإتمام الزيجه بعد نجاح العمليه .

فقد تم تحديد موعد العمليه خلال أسبوعين .

اخبرته بانها سوف تظل جانبه ، وودعته بالأحضان ..

٠•••••••••••••••••••••

بعد ان تاكد من مغادرتهم للفندق ، صعد لغرفه شهد وظل يقهقه على كل ماحدث .

سامر بغمزة :كل حاجه ماشيه زى ماخطتط ليها بالظبط 

شهد بدلع :طول عمرك بتخطط صح 

سامر بوعيد :ولسه اللعب جاي على حق 

تمايلت عليه بدلع تريد ان تعلم بما يفكر ، ولكن ابتعد سامر عنها :مافيش وقت احنا كمان هننزل القاهره 

شهد :أنت واحشني اوى ، فيها ايه نقعد يومين كمان 

سامر بتنهيده ضيق :شهد مش وقته خالص ، جهزى نفسك 

شهد برقه :حاضر يا قلب شهد 

•••••••••••••••٠•••••••

عند عودتهم من شرم ، استقلت سياره أجره لتقلهم إلى المنزل وهو جانبها يجلس بصمت ، وهى أيضا طوال الطريق تتجنب الحديث اليه .

وفى غصون نصف ساعه كان يقف التاكسي أمام فيلا الشامي .

ترجل من السياره بصمت فلم ينتظر أن تساعده  ، نظرت إلى السائق واعطته النقود وشكرته ..

صرخ يوسف باعلى طبقات صوته لرجل الامن الذى يقف حارس للفيلا :شكري خد الشنط ودخلها الفيلا

شكري :تحت امرك يا مستر يوسف 

سار بخطوات بطيئة وكاد أن يسقط ، لاحقت به حبيبه وامسكت بيده تمنعه من السقوط ، وسارت جانبه بهدوء إلى ان دلفو لداخل الفيلا ...

وقف الجميع باستغراب بسبب عودتهم المفاجئه ، فلم يكمل سوا ليله واحده .

تصنعت الابتسامه وتوجهت إلى حيث يجلس عمها وقبلته بحنان : عموحبيبي واحشتني 

عبدالرحمن :وانتى يا قلب عمو وحشتيني ، بس رجعتو بدري ليه

نظر حازم بقلق لوجه يوسف الصامت واقترب منه :يوسف ايه رجعكم بدري خير فى حاجه حصلت 

انقظت حبيبه الموقف وتحدثت هى :الجو هناك صعب وأنا تعبت ومااقدرتش اكمل ويوسف قال نعوضها مره تانيه 

عبدالرحمن بقلق :سلامتك ياقلبي ، حاسه بايه ، حازم اتصل بالدكتور 

حبيبه :لا مافيش داعى هو بس بسبب تغير الجو هناك الجو برد جدا ، بس انا هبق كويسه مافيش داعي للقلق 

حازم بابتسامه :خلاص زى ماتحبي ، اقعدو بقى معانا شويا نتفق على كام حاجه 

جلست حبيبه بجانب عمها ، وجلس يوسف على اقرب مقعد جانبه 

تحدث عبدالرحمن بفرحه:كنت لسه بتفق مع اخوك يا يوسف هنعمل خطوبتكم فين ، وكمان بعد اسبوعين ان شاء الله العمليه ، بعد لم تتعافى بإذن الله نعمل حفله محصلتش وعندكم وقت تختارو كل حاجه مع بعض 

لم يستطيع الرد .

حبيبه بابتسامه تنظر لعمها :بصراحه يا عمو عندى موضوع مهم لازم نتكلم فيه وحضرتك قولت بنفسك اى كان قراري حضرتك مش هتعترض ولا هتناقشني فيه

عبدالرحمن بقلق :خير يا بنتي عاوزة تقولي ايه 

حازم بمشاكسه:شكلها غيرت رأيها يا بابا ههه

حبيبه بتنهيده :مش بالظبط يا ابيه ، هو انا فكرت كويس فى موضوع ارتباطنا وحسيت ان يوسف ابن عمى وبس وكمان اخويا وانا مش قادره اشوفه غير كده ، واحنا اتكلمنا كتير مع بعض ومقتنعين جدا بالقرار ده ، يوسف اخويا وبس 

تبادل حازم النظرات بينهم وهو غير متوقع ذلك القرار 

يوسف يتصنع الابتسامه :الحقيقه حبيبها عندها حق وأنا خايف اظلمها معايا ، احنا كده اخوات احسن واهم من اى ارتباط 

عبدالرحمن يضمها لصدره بحنان اب :انتى عارفه انك مش بنت اخويا ، انتي بنتي واهم عندي من ولادي ،وعمرى ماافكر اغصبك على حاجه ، ومش هناقشك مدام ده اختيارك وانتى مقتعه بيه ، يبق خلاص ربنا يسعدك يا قلبي 

قبلته بحنان:عن اذنكم بقى هطلع ارتاح شويا وبعدين بعد اذن حضرتك يا عمو هروح اشوف ريم لانها وحشتني جدا 

عبدالرحمن :حاضر يا حبيبتي 

حازم بابتسامة :ماتاجلي زياره ريم ونخرج انا وانتى اعلمك السواقه ، فرصه انا اجازه انهارده 

حبيبه بابتسامة تحاول إخفاء المها :لا بعدين يا ابيه مش مستعجله خالص على السواقه 

حازم بمشاكسه :دى فرصه مش هتتقرر كتير ها فكري 

ابتسمت له وتركته وصعدت لغرفتها تريد ان ترتاح قليلا قبل ان تذهب لمنزل صديقتها ريم ، 

٠•••••••••••••

لم يقتنع حازم بما قالته حبيبه ، فهو يعلم منذ فتره بمدا حبها لشقيقه ، وكانت فرحه بخبر الارتباط، ظل يتسال ماذا حدث بينهم لتعود بذلك العينان الذابله ورغم أنها تبتسم إلا انه يعلم وراء تلك الابتسامه 

الم دفين تحاول إخفائه ..

تنهد بثقل ونظر لشقيقه.بشك :قولى انت ايه سبب القرار ده 

يوسف بتهرب من الموقف :زى ماحبيبه قالت وأنا تعبان وعاوز اطلع نام 

قابل والدته فى طريق صعوده للدرج ، أمسكت بيده وتوجهت معه إلى غرفته ، تريد ان تعلم سبب تلك التغيرات التى طرءت عليه وسبب عودتهم قبل اتمام رحلتهم ..

٠••••••••••••••••••••••

ركضت الصغيره تحتضن قدميها بحب :واحثتينى يا بيبه 

انحنت لمستوى الصغيره وبادلتها العناق ، وسط نظرات والدتها الساخطه 

- وانتى واحشتيني اوى يا لولي 

ملكيه :تيجى معايا عندى تدريب سباحه 

حبيبه بابتسامه:قلبي يا ناس ، معلش هشوفك فى المسابقه ان شاء الله وهشجعك كمان عشان انتى هتبقي بطله وتاخدى المركز الأول 

انجى بتافف :يلا بقى هنتاخر على التدريب 

ودعت الصغيره بقبله رقيقه ودلفت لغرفتها على الفور ، ارتمت بالفراش فلم تستطيع ابدال ملابسها ، كانت تشعر بالتعب والارهاق وقله النوم ، بسبب كل ماحدث معها بين ليله وضحاها ، قد تبدل مصيرها ، اغمضت عيناها وهى تردد« الحمد لله ، وعسى أن تكرهوا شيئا وهو خير لكم ، وعسى أن تحبوا شيئا وهو شر لكم والله يعلم وأنتم لا تعلمون »..

*****٠•************

هبطت الدرج برفقه طفلتها 

ركضت مليكه لاحضان جدها ، قبلها عبدالرحمن بحب 

انجى وهى تنظر لشرود زوجها بضيق :حازم يلا احنا جاهزين 

حازم وهو يحمل طفلته ، ودع والده وتوجه إلى حيث سيارته ، اجلس طفلته بمقعدها الخاص بالخلف ، وفتح الباب المجاور لزوجته دون التفوه بشيء ، وجلس بمقعده أمام محرك الوقود .

جلست انجى جانبه وهى مستغربه عبوث وجهه ، بدا حازم فى قياده السياره .

انجى باهتمام :مالك يا حازم فى ايه 

نظر حازم لزوجته قليلا ثم عاد ينظر للطريق امامه وتحدث بصوت قلق :لم نوصل النادي هنتكلم 

فضلت الصمت الى ان يخبرها بحقيقه الأمر ..

٠••••••••••••

استيقظت بقلق وتوجهت للمرحاض انعشت جسدها بالماء البارد وابدلت ملابسها ، صلت فرضها ودعت الله ان يخفف عنها الحزن الذي سكن قلبها ويبدله لطمئنينه وفرح ..

حملت هاتفها ووضعته بحقيبه يدها وغادرت غرفتها ، هبطت للطابق الاسفل فلم تجد أحد 

طرقت باب مكتب عمها وجدته واستاذنته للخروج،هاتف السائق الخاص به بأن يصل حبيبه لمنزل صديقتها ..

وفى غصون دقائق معدودة كانت تجلس بالسياره وانطلق السائق إلى حيث المعادي ..

٠••••••••••••••••••

بالنادي 

جلس بجانب زوجته أمام حمام السباحه يتفقدو ابنتهم وهى تخضع لتدريب السباحه .

انجى بهدوء :حبيبي ممكن اعرف مالك بجد 

تنهد حازم بضيق :قلقان على حبيبه ، إللى يشوفها وهى كانت مبسوطه وفرحانه بخبر ارتباطها بيوسف ، مايشوفاهش وهى راجعه من شرم بتقول ان ابن عمى وبس وكمان زى اخويا ، طب ازاى افهم 

انجى بعدم فهم :يعنى ايه بعد ماوافقت رجعت رفضته غريبه كان واضح اوى أنها بتحبه 

حازم بجديه :شوفتي حتى انتى كمان لاحظتي.، يبق الموضوع فى حاجه غلط بقى 

انجى بتفكير :يمكن يوسف زعلها ، انا فعلا حسيت انها مضايقه 

حازم بشرود :ماحدش قال سبب مقنع ، بس متأكد ان حصل حاجه وهم فى شرم خلت حبيبه تغير رأيها ولازم اعرفها ، انجى من فضلك حاولي تقربي من حبيبه عشان خاطري دى زى مليكه عندي ومااقدرش اشوفها زعلانه ، ممكن تعملي كده عشاني 

انجى بتردد :حازم انا علاقتي بحبيبه سطحيه جدا ، بصراحه مامتك السبب هى دايما تبعدني عنها وأنا والله مش بكره حبيبه بس طنط فريال السبب خلتنى اتجنب وجودها 

زفر بضيق :عارف ماما عمرها ماحبتها من ساعه لم دخلت البيت ، اصلها كانت بتغار من طنط ناديه اوى ولم عمى توفى خافت بابا يتجوز طنط ناديه فزرعت المشاكل بقى ، وكرهت حبيبه اوى زى مابتكره والدها ، المهم سيبك من ماما خالص ، حبيبه مالهاش حد ممكن تعتبريها اختك الصغيره وتحاولي تبقو اصحاب 

ابتسمت انجى بحب :عشان خاطر حبيبي اعمل اي حاجه ، كفايه أنها بتحب بنتى جدا ومهتميه بيها فى غيابي وكمان اختك ، هقرب منها عشانكم

حازم بحب امسك بيدها وقبلها برقه :ربنا يخليك ليا ، بموت فيكي وانتى عاقله كده 

٠•••••••••••••••••••••••

 وقفت أمام شقه صديقتها تضغط الجرس 

بعد لحظات فتحت لها ريم بترحاب ، احتضنتها حبيبه بشوق ودلفت معها إلى حيث غرفتها ..

ريم بتسأل :مالك يا بت شكلك متغير 

حبيبه :مافيش عادي ، قوليلي جت المواقفه على الشغل ولا ايه 

ريم بصراخ :يس طبعا وقبلنا احنا الاتنين بمكان واحد وهنستلم من بكره اشطه 

حبيبه بابتسامه :اشطه 

ريم بجديه :فى ايه مش متحمسه كده ، شكلك بيقول فى حاجه وانا لازم اعرف ، كمان انتى قولتلي لم اشوفك هقولك ، قولي بقى قلقتيني عليكي 

تنهدت حبيبه بضيق وقصت على صديقتها كل ما حدث معها خلال الايام السابقه 

جحظت عين ريم بقوه وضمت صديقتها لصدرها وظلت تربت على ظهرها بحنان 

-هو اصلا واطي ومايستهلكيش ، واياكي تبكي ولا تحزني عليه ، انتى تحمدي ربنا ان ظهر على حقيقته 

ابتعدت عن صديقتها وتنهدت بألم :انا تمام مافيش حاجه ماتقلقيش عليه ، مش لازم انهار عشان اطلع إللى جوايا ، فى حاجه اسمها تماسك ومواجهه ولا ناسيه احنا دارسين ايه فى علم النفس 

اطمني عليه انا بطبق إللى درسته على نفسي وانا الحمد لله قويه ولسه واقفه على رجلي ومش هنهار بالعكس هصمد واوجه واقع واقوم تاني ، الحياه تجارب واحنا لسه فى مرحله جديده وهكمل وانا مش مستسلمه لا انا راضيه وعندى طاقه ايجابيه مش سلبيه هشتغل وهكمل حياتي مش معنى ان فشلت فى اختيار يبق هفضل ادفع تمن الفشل ده عمري كله ، لا احنا بنستمد قوتنا من نقطه ضعفنا ومش بنوقف حياتنا لا مكملين 

شعرت ريم بالحزن من أجل صديقتها ولكن تعلم أنها قويه وسوف تتخطى تلك المرحله وعليها أن تدعمها وتظل جانبها ..

~~~~~~~~~~~~

بعد مرور أسبوعين

استلمت حبيبه عملها بالمؤسسه التى تعمل من أجل المكفوفين ، احبت عملها وكانت تذهب برفقه صديقتها كل يوم ، وكرست حياتها من أجل رعايتهم فقط والتعامل مع حالتهم النفسيه ..

وكانت بالمنزل تعامل يوسف بجديه تامه واصبحت العلاقه بينهم متوتره ، عاملته كابن عم فقط ومازالت تدعمه نفسيا إلى ان يتجاوز تلك المرحله ، منما جعله يشعر بالذنب بسبب معاملتها وتقديم الدعم له وتحفيذه على تجاوز تلك المحنه ..

كانت الاتصالات بينهم لم تنقطع ولكن كان دائما يرفض الخروج من المنزل ، كانت شهد تلح عليه بالمقابلات خارج المنزل ولكن كان يرفض ، وقلق متشتت بسبب العمليه التى خلال أيام ..

كان حازم شديد الحزن بسبب  تلك الطفله التى اختفت بسمتها وتتعامل بقوه مع الجميع وحاول كثيرا التحدث معها ولكن كانت دائما تتهرب منه بحجه العمل وتفكيرها الدائم بحاله المرضى ، فتركها تفعل ما يحلو لها ولكن لم يمنع قلبه من القلق والخوف عليها فهى مثابه شقيقته الصغرى وطفلته التى نشأت على يده ..

واليوم هو يوم اخضاع يوسف للعمليه التى سوف تحدد مصير حياته اما ان يعود ويرا نور الحياه من جديد ، وأما ان يظل كما هو لم يرا سوا الظلام ...

٠••••••••••••••••••

ارادت ان تقف جانبه إلى ان يذيل تلك الكابوس ، ذهبت للمشفى للاطمئنان على وضعه قبل بدء العمليه ، وأن تظل جانبه مثل اى فرد من عائلته لم تتخلى عنه فى تلك اللحظه ..

واتخذت القرار المناسب بعد استرداده لبصره ، سوف تتغير حياته ويصبح رجلا متزوج من اخرى ، ولم  المكوث بمنزل عمها بعد ذلك   ، لم تتحمل رؤيته امامها ولم تتحمل وجود فتاه غيرها ، فقررت ترك المنزل بعد الاطمئنان على وضعه الصحي ..

٠••••••••••••••••••••••

الفصل العاشر والحادي عشر من هنا 👇

من هناااااا

بداية الروايه من اولها هنا 👇👇👇

من هناااااا

تعديل المقال