 |
دكتور_بطاطس
البارت_التاسع
بقلمى منار مجدى
اتلمو حوالين النار قعدت موده جمب كريم ومالك قعد جمبها وريم جمبه وبين ريم وكريم وليد.
وليد:وبعدين تلعبو الشايب.
موده بحماس سقفت:ايوه ايوه بأحكام.
كريم:بس بعقل اشطا.
مالك:ديل.
وليد:انا بتفاجأه بيك يا دكتور كل شويه والله.
مالك:ليه.
موده حطيت إيديها على كتفه:دكتور مالك من سننا على فكره اكبر مننا. وبصيتله بتفكير🤔أممممممم تقريبا خمس سنين صح.
مالك:لا سته.
موده شالت ايديها وبصيت قدامها:يعم مش هتفرق.
وليد:ده انتى قلبك مات بقا بتكلمى الدكتور كده.
مالك لف دراعه حوالين رقبتها:عادى انا وموده صحاب مش كده.
موده بكسوف وهى بتبعد إيديه: طبعا طبعا.
كريم ضحك لانه عارف موده لما بتتكسف.
موده:كريم بص قدامك وانت يا وليد هات الكوتشينه شكلك هتقعد ترغى كتير.
كانت ريم كل شويه تميل على مالك وتعمل مش قصدها والكل كاشفها وسايبها.
موده: محدش يبين أن معاه الشايب.
الورق اتوزع.
موده 😮:ينهار ليه ليه.
كريم:كده احنا معرفناش الشايب مع مين صح
وليد:خالص.
مالك ابتسم من جمب وبدأوا يشيدو.
كان دور مالك يشد من موده وهى كانت مركزه عينيها مع الشايب فمسكه.
موده:لا بلاش ده.
ابتسم مالك وشده.
موده:قولتلك بلاش.
مالك بصوت واطى جمب ودنها:اهم حاجه انتى متخسريش انا لو خسرت وانتى كسبتى هبقا كسبتك انتى.
موده مفهمتش الكلام بس اتكسفت من قربه ونفسه .
موده بتغير الكلام:ركز بقا عشان ريم تاخده.
مالك:ليه مش عايزانى اخسر.
موده:ايوه ضميرى بقا.
مالك عند ودنها:اموت انا فى ضميرك الحى.
ابتسمت موده وهى بتشاورله بعينيها يركز أما ريم فكانت مضايقه ووليد وكريم بيظبطو ورقهم.
ريم سحبت الشايب.
موده ضحكت ومالك بصيلها.
موده:كفك يمان.🙏
الدور خلص ووليد هو إلى لبس فى الاخر.
وليد بصعبنيات:مبلاش احكام يا موده
موده:نو نيڤر أفر نو وألف نو بس عندى ديل.
وليد بأمل:إيه.
موده:لو جوزت جدو بالاميره هتنازل.
وليد: اشطا.
وليد انبسط لانه معلم البنت اصلا وطلعها.
موده بشك:وله انت غشيت صح
وليد:اخص عليكى يا موده انا كده برضو.
موده:انت ابو كده شخصيآ.
وليد:بقا كده يبقا الشوكولاته ديه هكلها انا بقا.
موده:دى جلاكسى بالبندق.
وليد:ايوه بس خلاص بقيت بتاعتى.
موده قعدت كيوت وبصيتله وبربشت وقالت:دودى.
وليد:لا لا بلاش تدلعينى.
موده:طيب دودا.
وليد:يا بت اكتمى برستيجى.
موده:طب هات الشوكولاته ديه الاول..
وليد:امممم لا.
موده:يعنى مش هتجيبها.
وليد:لا.
كريم:اشرب.
وليد:إيه.
موده قربت عليه بسرعه وجابته من رأسه إيديته بروسيه واخدت الشكولاته بالعافيه وفتحتها وحطيتها فى بقها كلها.
وليد:يا مفتريه يا طفسه.
موده:اخيس ياض.
وليد:طيب ابلعى الاول.
موده:مس عايفه.
وليد انفجر ضحك وموده مش عارفه تقفل بقها اصلا أضايقت وقامت جيه كريم يقوم مسكه مالك.
مالك:خليك انا هعرف اتصرف
كريم ابتسم وهز راسه وقعدو الباقى.
موده كانت بتحاول تقفل بقها حتى مش عارفه عيطت.
مالك: هو انتى كل حاجه عياط.
موده بعياط:أماى عايزانى أعمى إيه(امال عايزنى اعمل ايه)
مالك ضحك وقرب مسك وشها ومسح دموعها واخد حته شوكولاته من بقها.
مالك: دلوقتى حاولى تقفلى بقك.
موده:لسه مش عارفه.
مالك اخد حته تانى: ودلوقتى.
موده قفلت بقها وبدأت تندغ وبلعت.
موده هات بقا دول نرميهم خلاص
مالك ابتسم وحطهم فى بقه بصيتله موده بصدمه وفتحت بقها وهى محمره ومكسوفه.
كانو واقفين قدام البحر وكلهم هناك مش واخدين بالهم وريم مقامتش عشان بتقرف.
مالك بصيلها بابتسامه:مالك فاتحه بقك كده ليه مش خايفه الدبان يدخل.
قفلت موده بقها بضيق وكسوف فى نفس الوقت قرب مالك وشه ليها وابتسم وهى برقت مكنتش عارفه تتكلم زى مايكون لسانها القطه أكلته.
مالك: مكسوفة يا قطتى.
موده زقيته بضيق وقالت:لا طبعا موده مش من البنات الفافى.
مالك:يا راجل.
موده:اه طبعا وبصيتله:مش مصدق وله ايه.
مالك.قرب تانى لوشها بس المره ديه حط شفايفه على وشها جمب شفايفها واكل الشكولاته وبعد وهو بيلحس بقه موده اتكسفت أوى.
مالك:طعمها جميل اوى الشكولاته ديه.
موده:إيه إلى عملته ده انت بتهزر.
مالك:إيه بساعدك وبنضفلك وشك انا غلطان يعنى.
موده:اه غلطان متساعدنيش تانى.
جت تمشى شدها من إيديها خبطت فيه:مش بمزاجك يا عسل.
موده:عسل!
ضحك مالك وموده شديت نفسها وراحت قعدت مكانها.
بعد يوم طويل
مالك وصل الكل على بيته ومكنش فاضل غير موده وكريم
نزلو وكريم كان نايم خالص فمشى وموده جت تمشى وراه مسكها مالك من إيديها.
مالك:هستناكى بكره متتأخريش.
موده:ماشى طيب.
شديت ايديها وطلعت مع كريم واول ما دخلت من الباب قلم خماسى نزل على وشها من قوته وقعت على الأرض وبقها جاب دم.
بصيت موده لقيت ثائر وعلى وشه غضب جحيمى.
موده بخوف وهى بتترعش:ثا ثائر.
كريم:انت ازاى تمد إيدك عليها انت مجنون.
مسكه ثائر من لياقته:كلمه زياده وهبيتك فى المستشفى الليله دى
موده مسكت كريم:سيبه يا ثائر لو سمحت سيبه
سابه ثائر ورماه على الأرض جامد
موده بخضه:كريم انت كويس.
كريم بصيله بغضب ولسه هيقومله مسكته موده وهى بتشاور برأسه لا .
موده:ادخل انت وانا هدخل وراك متخافش عشان خاطرى ماشى
قام كريم بتأفف ودخل اوضته.
موده:ممكن اعرف ليه مديت إيدك عليا وبابا فين.
ثائر:عمى مش هنا وبالنسبه للقلم يمكن يفكرك بأخلاقك إلى نسيتيها وانا مش موجود.
موده بصوت عالى:انا مسمحلكش تشكك فى أخلاقى.
ثائر بغضب مسكها من رقبتها:متعليش صوتك عليا انتى نسيتى نفسك.
موده:سيبنى هموت.
سابها وقال:مش انا إلى بخلى رجاله توصلنى فى نصاص الليالى زى الرقصات
موده:مش هرد على واحد زيك.
ثائر بغضب مسكها من شعرها:مين ده يا بت انطقى وكان ماسك إيدكى ليه
موده كانت بتتوجع جامد بس مش عايزه تعمل صوت عشان كريم وميحصلش مشكله معاه بسببها
موده:على الأقل ارجل منك وبيحترم الست.
ثائر غضبه فار زقها للحيطه جامد وهى بترجع لورا خبطيت فى الڤازه عورت إيديها تعويره كبيره بطول درعها مسكها جامد وسابتها للحيطه.
موده بسخريه:انت فاكر انك كده بتثبتلى انك راجل يعنى اول حاجه سمعتها عن الرجاله أن الراجل مستحيل يمد إيده على واحده ست مابالك بقا بنت عمه.
ثائر بابتسامه غل: بالظبط عشان بنت عمى فأنا بربيكى ولو مش مصدقه انى راجل لا يبقا لازم اثبتلك.
وبدأ يبوس فى وشها وهى تزقه وتعيط وتنادى على كريم.
كريم خرج مسك ألفاظه وضربها على دماغه بعد عنها.
كريم مسك موده:أهدى أهدى انا هنا.
ثائر بغضب:مش كتير.
سيد على الباب:إيه بيحصل هنا.
كريم:شايف يا بابا ابن عمنا إلى من لحمنا كان بيعمل ايه فموده بص كان عايز يتعدى عليها.
سيد بصوت عالى:ثائرررر.
ثائر:اسف يا عمر وانا مستعد اصلح غلطى واتجوزها.
كريم:انت بجح اوى لا طبعا.
سيد:موافقين.
كريم:بابا.
سيد:اسكت انت انا عارف مصلحتها تعال يا ثائر نتفق على شويه حاجات.
كريم بص لموده إلى كانت فى موقف لا تحسد عليه كان بيحاول يعتدى عليها وفى بيتها وأبوها معملوش حاجه المفروض أنه سندها واى اب طبيعى المفروض يضربه ويطرده بس لا وصيه عمها الكبير المتوفى بالنسباله اهم من بنته شخصيآ.
كريم حط أيده على كتفها اترعشت موده ولزقت فى الحيطه.
كريم حضنها:متخافيش يا موده مش هيحصل وتتجوزيه مش هيحصل لو على جثتى.
موده حضنته جامد: كريم متسبنيش يا كريم هيموتنى يا كريم متسبنيش متسبنيش هو مراقبنى بص بص هو شايفنى بيبصلى اكيد هيقتلنى متسبنيش يا كريم.
كريم حضنها وهى منهارة عياط:متخافيش مش هسيبك ليهم أبدآ والجوازه ديه مش هتم.
خرج سيد وثائر.
سيد:الفرح بعد التخرج أن شاء الله يا موده.
ثائر بابتسامه وحشه خوفت موده واستخبت ورا كريم: خلاص كلها كان شهر وتبقى عروستى.
كريم:يا بابا إزاى عايز تجوزهاله.
سيد:ثائر ابن عمها واكيد هيحافظ عليها ويخلى باله منها انا عارف مصلحتها يا كريم هى بنتى على فكره. وسابه ومشى.
موده كانت بتترعش ومش مركزه غير مع ابتسامه ثائر إلى مخوفاها كريم مسكها من كتفها وهى فى حضنه ومستخبيا فيه ودخلها اوضتها ودخل وقفل الباب.
كريم:متخافيش يا موده انا معاكى الجوازه ديه مش هتم انا بوعدك وعد شرف.
موده بصيتله وهى بتعيط.
كريم بخضه:إيه فى وشك ده ورقبتك فيها علامات صوابع هو حاول يخنقك.
موده هزيت راسها وهى بتعيط كريم طبطب عليها وجيه يشدها من دراعها فى حضنه اتألمت موده مسك دراعها لقا جرح كبير
كريم:كل ده الحيوان ده عمله في اقل من دقيقتين.
موده عيطت جامد وحضنت كريم
كريم: والله يا موده مش هيتجوزك يانا يا هو.
موده عيطت اكتر قعدها كريم على السرير وجاب علبه اسعافات وقعد يعقم لها الجروح بس ملفهمش عشان ينشفو ونايمها على السرير وغطاها جيه يمشى مسكت موده إيديه وهى بتترعش:متسبنيش يا كريم.
كريم قعد جنبها وهو بيمسح على شعرها لحد ما نامت وهو غفى وهو قاعد جمبها.
موده فى الحلم.
موده:ابعد عنى انا اسفه.
ثائر:خلاص فات الاوان.
وهجم عليها وهى عماله تصوت وتستنجد بحد جيه كريم ابتسمت موده بس ثائر ضربه وقع ودماغه اتفتحت صرخت موده:كريييييي. بس ثائر سكتها وهو بيطبع شفايفه على شفايفها بشراسه وهى بتفرك ومش قادره تتكلم.
فاق كريم لما لقاها بتتشنج على السرير وعماله تعمل صوت اتخض عليها وصحاها.
موده اول ما فاقت حضنت كريم:مشينى من هنا مشينى يا كريم.
كريم:طيب طيب قومى ألبسى.
موده:متخرجش من هنا.
كريم:متخافيش.
دخلت موده وهى بتبص حواليها بخوف.
كريم اضايق لانه مش عارف هيعمل ايه.
خرجت موده بسرعه ومسكت فى دراع كريم:يالا بسرعه.
كريم كان غير لما دخلت نزلو على طول.
موده اول ما دخلو الجامعه والكل بيبصلها وهى بيصعب عليها نفسها وبتبص للأرض ودموعها نازله.
كريم:محمووووود.
محمود: أحلى قهوه لأحلى موده إيه ده مالك.
موده بصيت للأرض وعيطت.
كريم:بعدين يا محمود هقولك.
محمود:طيب بس خدى ديه على الأقل.
بصيتله موده لقيت شوكولاته جلاكسي اخدتها.
ابتسم محمود ليها بلطف ومشى.
كريم:ممكن تهدى يا موده انا وعدتك والله يا موده مهخليه يلمس بس شعره منك.
موده مسحت دموعها بس مقدرتش عيونها بتنزل دموع غصب عنها مش بإيديها.
كريم:اجيبلك كمامه.
موده هزيت راسها.
كريم:ثوانى وجاى.
موده قعدت وهى بتنزل دموع وسرحت وفجأة بحد بيحط إيديه على كتفها بتتنفض وتترعش وتقول بهستيريا:لا لا لا.
مالك بخضه:موده فى إيه.
موده بتبعد وشها عنه عشان ميشوفهاش وهى ضعيفه وكل لما يلفيلها تلف موده لحد ما كريم جيه.
كريم:موده الكمامه اهى.
لسه هيدهالها بس وقفه مالك.
مالك:مالها يا كريم هى تعبانه وجايين بدرى قوى انهارده ليه.
كريم:عادى مفيش حاجه.
مسكت موده الكمامه وشديتها من التوتر كانت هتقع نزل مالك ومسكها بص لفوق شاف موده.
قام بخضه ومسك وشها:إيه ده إيه حصل وإيه ده مين عمل فيها كده يا كريم
موده مسكت أيده وشالتها من على وشها جت تمشى مسكها من دراعها قالت بوجع:أااااه.
مالك شال إيديه وشاف جرح كبير.
مالك بعصبية:مين عمل كده يا كريم.
موده:مش مهم مين خلاص مش قولتلى اتفاءل.
مالك: كريم متعصبنيش اكتر وانطق مين.
كريم جيه يتكلم موده سكتته وقالت:مش لازم تعرف حاجه متخصكش.
مشيت وهى بتشد كريم.
كريم كان سرحان اصلا وهما بيتكلمو. بيفكر فى الحل.
كريم مسك تليفونه وبعت لمالك رساله:(لو عايز تعرف كل حاجه تعالى فى الكافتيريا بتاعت الجامعه الساعه تسعه.
يعنى فى نص المحاضره.
موده كانت بتترعش وخايفه ونظرات الناس ليها مضايقها.
فضلت اليوم كله على الكافتيريا ومحمود ووليد وريم بيحاولو يضحكوها.
كريم لما شاف مالك جاى قام:موده رايح الحمام متخافيش راجع على طول محمود ووليد معاكى.
هزيت موده رأسها كانت فى حضن ريم ووليد ومحمود بيحاولو يضحكوا ويهزرو معاها بس هى مكنتش معاهم.
مالك:ها قول.
كريم ابتسم:طالما سبت المحاضره وجيت انا اتأكدت.
مالك:كريم متحاولش تعصبنى انا اصلا متعصب نفسى بس اعرف مين الحيوان إلى عمل كده بس.
كريم:طيب تعال معايا.
راحو مكان تانى وقعدو.
مالك:كريم مش وقته شرب اخلص.
كريم:بص يا دكتور سؤال وجاوبه ضغرى ماشى.
مالك:ماشى.
كريم:بتحب موده.
مالك أحرج وبقا يتوه الكلام:وده إيه دخله دلوقتى.
كريم؛عشان لو بتحبها هتقدر تساعدها لكن غير كده لا قول بصراحه لو مش بتحبها قولى برضو هحكيلك برضو بس مش هتتدخل فى حاجه.
مالك غمض عينه:اه بحبها .
كريم ابتسم:كنت متأكد
مالك بعصبية:متخلص يا كريم فى إيه.
كريم حكاله كل حاجه حصلت وموضوع الجواز وكل حاجه.
مالك:وانت باباك وافق كده ازاى.
كريم:عمى قبل ما يتوفى وهو فى المستشفى وصى بابا على ثائر وعمى كان عايز يجوزهم اول ما اتولدت موده وشالها قالت ديه هتبقا مرات ابنى وثائر كان ساعتها ٨سنين بس فا بابا بقا فاكر أن ثائر هيحافظ عليها بس هو مش هيحافظ عليها هو ممكن يموتها امبارح كان بيخنقها انا مستحيل اقبل بكده.
مالك:وهتعمل ايه.
كريم:عشان كده كلمتك وسألتك بتحبها وله لا.
مالك:ايوه وده هيفيد بإيه.
كريم:تتجوزها.
مالك:إيه.
كريم:مش بتحبها.
مالك: لا ايوه بس هى.
كريم:موده اكيد هتحبك أنا متأكد بس بشطارتك انت بقا.
مالك:طيب هى هتوافق.
كريم:لازم توافق بس هطلب منك طلب تانى.
مالك:قول.
كريم:تخلى بالك منها ومتزعلهاش ولو محبتش تكمل ارجوك طلقها .
مالك:انا اكيد مش هجبرها على حاجه متخافش.
كريم ابتسم:انا مبسوط اوى انى اختارتك انت.
مالك:هو كان فى اختيارات.
كريم:كتير أولهم وليد بس انا عارف وليد اهبل ومش هيسد مع البهيم ثائر.
ضحك مالك:طيب كويس بقا.
كريم:انا همشى عشان موده زمنها خايفه بس احنا اتفقنا خلاص.
مالك:اكيد متخافش بس مقولتليش امتى.
كريم:خلينا على تليفون.
مالك:طيب.
رجع كريم ليها كانت منهاره وبتدور حواليها لحد ما شافت كريم جريت عليه.
كريم:انا هنا أهدى أهدى.
موده:مش قولتلك متسبنيش سبتنى ليه.
كريم:انا اسف.
موده مسكت فيه وقعدو لحد بليل فى الشارع موده مش عايزه تروح خايفه طبعا وليد وريم روحو من زمان بس مالك إلى بيرقبها من بعيد وهى قاعده وماسكه فى كريم وبتنام.
كريم:يا موده خلينا نروح مش هنام فى الشارع.
موده بعياط:لا يا كريم مش عايزه اروح.
كريم:طيب خلاص.
بعد فتره إذا بحد يمسكها من شعرها ويجرها وكريم بيزعقله وبيحاولو يفك شعرها من إيديه وقع اتخبط جامد فى ركبته وقع ومقدرش يقوم تانى فضل يزعقله.
ثائر:شكلك اخدتى على شغل الرقصات والمراوح متأخر بس انا بقا هربيكى من اول وجديد.
موده بعياط:سيبنى بقا يأخى.
مالك كان نايم فى العربيه فتح عينه على صوت زعيق كريم واول ما شافه ماسك موده كده نزل وضربه لحد ما ساب موده.
موده زقيت مالك: ابعد عن هنا بسرعه امشى امشى.
بس مالك متحركش.
ثائر بابتسامه:يعنى مش نتمشى يبقا انت إلى جبته لنفسك
وقفت موده وهى فارده دراعها دفاعا عن مالك: من تقربلوش هو هيمشى سيبه بقا.
ثائر بغضب: كمان خايفه عليه يا مقصوفه الرقبه استنى بس عليا
مالك بزعيق:كلامك معايا انا متتكلمش معاها.
ومسك دراعها وحطها ورا ضهره.
ثائر من تحت سنانه:متلمسهاش.
مالك:بجد ومين هيمنعنى.
موده مسكت دراع مالك بصيلها وهى بتعيط.
موده:لا متعملش كده عشان خاطرى سيبه.
ثائر بزعيق:موووده شيلى إيدك
استووووووب
خلص البارت يا حلوين كان معكم الكاتبه منار مجدى
البارت العاشر من هنا 👇👇👇
بداية الروايه من هنا 👇👇👇
تعليقات
إرسال تعليق