جميع الروايات كامله

شقة الحجة 

البارت الثالث والرابع

شوفت الحجة بتتلفت يمين وشمال وبتبص على السلم الواصل لفوق السطوح و بتشاور بأيدها لحد استغربت أوي عشان لي اعرفوا أن مفيش حد فوق السطوح و أن الحجة وحدانية طب هي بتشاور لمين

فكرت أطلع أشوف مين بس جبنت ودخلت شقتنا و قعدت أفكر بكل لي حصل معايا من ساعة ما جيت الشقة دي و فكرت إني لازم أقول لحسن وبشار علي سمعته وشوفته

استنيتهم لحد ما رجعوا و ريحوا شوية وحكتلهم على كل لي حصل من ساعة ما وقعت عن السلم لحد ما شوفت الحجة بتشاور لحد

بشار أنت أكيد بيتهيألك وفي رأيي لازم تشوف دكتور يمكن الوقعة لجت على دماغك أو بسبب التعب

حسن لأ دي مش تهيأت و أنا حاسس أن في حاجة غريبة بتحصل فوق

بصيت على حسن وقولتله يعني أن شوفت حاجة

حسن لأ أنا سمعت بس

بشار سمعت إيه يا عم أنت كمان

حسن سمعت صوت كلب بيهوهو وأنا بحضر الفطار وبصيت من الشباك وبرا الشقة ومشوفتش حاجة

بشار هههه والنبي أنا قاعد مع اتنين مجانين

وسيم بصيت عليه وقولتله مش وقت تريقتك وانت وحسن لازم تساعدوني عشان أكتشف سر لي بيحصل فوق

حسن طب هنساعدك إزاي

 وسيم لازم أدخل شقة الحجة بأي طريقة

بشار وهتدخلها إزاي

وسيم  معرفش بس انتوا لازم تساعدوني

حسن طب إيه رأيك نراقبها ونشوف بتروح فين

وسيم  ياعم نراقب مين هيا مخرجتش من شقتها من ساعة ما قعدنا هنا 

بشار فعلاً والله دي لا بتنزل ولا حد بيطلع عندها طب بتجيب حاجتها إزاي وأكلها وشربها

قولتله  يمكن في حد بيجبلها حاجتها عن أسبوع أو أكتر دي حاجه منقدرش نحكم عليها و دلوقتي فكروا معايا بطريقة أدخل بيها  الشقة

حسن إيه رأيك نقطع النور عن شقتها أكيد هتيجي تطلب مساعدنا

وسيم  برافوا ياحسن فكرة عظيمة 

بشار أنا هقطعلكم النور عنها بس مليش دعوة بأي حاجة بعدها

وسيم ماشي أنت اقطع النور وأنا وحسن نروح معاها لو جت طلبت مساعدة

بس

بشار بس إيه تاني

وسيم  لو دخلت أنا وحسن عندها مين هيطلع السطوح يشوف في إيه

بشار مليش دعوة بيكم ومش هطلع ولا هقرب ناحية الشقة دي ولا السطوح

حسن أنت جبان أوي عموماً خلاص أنا هطلع السطوح و وسيم يدخل معاها

استنينا لحد ما الليل ليل وقطعنا النور عن شقتها واستنينا تيجي تطلب مساعدتنا مر وقت مش قليل ومجتش استغربنا وقررت اطلع أشوف مجتش ليه طلعت السلم وبصيت على الشقة شوفت النور طالع من تحت الباب طب ازاي وقفت متسمر قدام الباب وأنا مستغرب إزاي ست عجوز زيها هتقدر ترجع النور وهنا قررت اخبط عليها من غير تفكير وفعلاً خبطت على الباب و فتحته

الحجة  خير يا إبني عايز إيه

جيت اطمن عليكي أصل النور قطع عندنا وخوفت يكون قطع عندك وأنتي لوحدك

بصتلي و عينيها فيها قوة ولمعة مش طبيعيةهو قطع ورجع تاني

كنت بحاول ابص جوا الشقة وهي بتكلمني بس للأسف مشوفتش حاجة غريبة بس شميت نفس الريحة الكريهة لي كانت طالعة من البنت

نزلت وأنا محبط عشان خطتنا فشلت بس حتى لو فشلت مش هستسلم وهعرف في إيه 

دخلت الشقة وكان بشار دخل نام و حسن مستنيني

حسن إيه شوفت حاجة

لأ النور متقطعش عندها أو حد عملهولها بس مين الحد دا معرفش

حسن إيه رأيك نسأل سكان العمارة عنها

وسيم  ازاي مخطرش على بالي بجد لازم نسأل حد بس للأسف إحنا من ساعة ما قعدنا هنا مشوفناش غير الحجة

حسن ولا أقولك هنسأل بواب العمارة و أكيد هو يعرف كل حاجة

ودلوقتي سيبنا ننام والصباح رباح

دخل حسن اوضته و أنا فضلت قاعد يتفرج على التلفزيون بس الحقيقة فكري كان مشغول وبحاول ألاقي حل للغز دا

ونمت في مكاني من غير ما حس بروحي وصحيت على صوت أدان الفجر بس الصوت كان معاه صوت صرخة و هوهوة كلب طلع الصوت فجأة و اتقطع فجأة ...

نور_شاهين

شقة الحجة ... 

البارت الرابع

بصيت حواليا مشوفتش حاجة بس لمحت ضل من سطوح العمارة لي جنبنا كان الضل داخل من الشباك وباين طويل أوي بسبب النور لي برا

وقفت جنب الشباك و بصيت كويس بس للأسف ملحقتش والضل اختفى

صليت الفجر و حضرت فطار و صحيت حسن وبشار عشان نروح الجامعة

فطرنا وانزلنا إحنا التلاتة وقفت جنب باب بيت بواب العمارة و قلتلهم يسبقوني لحد ما أدخل أتكلم معاه واسالوا عن الحجة

خبطت عالباب وطلع عم جابر البواب كان راجل بالسبعين من عمره ملامحه باين عليها التعب والسهر وتحت عنيه أسود بشكل كبير وقت دققت بملامحه عرفت أن الراجل دا يا بيسهر كتير يا إما بيشرب حاجة صبحت عليه و جيت اسألوا وقبل ما أنطق بحرف شوفت البنت لي شوفتها في أوضتي نفس البنت واقفه وراه و كانت بشاورلي عشان أسكت

في البدايه ما فهمتش بتشاور على إيه ولا بتقول ايه بس لقيتها بتحط أيديها على بقوها و ترجع تشاور على رقبتها و فهمت إني لو نطقت بحرف هموت بس إزاي ومين لي هيموتني هيا ولا هو فضلت واقف ومش عارف أتكلم

و عم جابر بيصرخ بيا ويقولي مالك يا ابني متقول عايز إيه وتخلصني

بصيتله وقولتله أسف أسف يا عم جابر بس النور اتقطع عننا مبارح وكنت عايز أسألك أن كان في عطل ولا حاجة عشان نصلخه ومتتطعش تاني

بصلي بصة مكر وقال لأ النور متقطعش خالص

اتلككت ومعرفتش أقول إيه اعتذرت منه وجريت ألحق أصحابي بس للأسف ملحقتش اشوفهم كانوا ركبوا مواصلات و روحوا ساعتها قررت أرجع البيت و ألاقي طريقة ادخل بيها شقة الحجة

رجعت البيت وفضلت ساعة أفكر وافكر لحد ما لقيت الحل وجريت طلعت عالسلم جري وخبطت على الباب بسرعة و وقعت على الأرض وزي كل مرة اتأخرت لحد ما فتحت أول ما شافتني على الأرض افتكرت مغمى عليا وبدأت تصحيني بس مكنتش اصحى عشان تدخلني الشقة وفعلاً حصل زي ما وقعت بدأت تسحبني لجوا الشقة وأنا ببص عليها من تحت لتحت استغربت جابت القوة دي منين وازاي قدرت تسحبني وهي عجوز بالشكل دا سحبتني لحد الصالة وسابتني في الأول افتكرتها داخلة المطبخ تجيب ميا عشان تصحيني بس خاب ظني ولقيتها دخلت أوضة النوم وقفلت الباب عليها و سمعتها بتكلم حد جوا

حاولت أسمع بتقول إيه بس صوتها كان ضعيف وبعيد وقفت و مشيت بشويش ناحية الأوضة و سمعت صوت راجل بيقول

أهو جي برجليه و خلاص مفيش داعي نجيب غيرو

قالتله طب وأصحابه

قالها متشيليش همهم هجيبهم هما كمان ونخلصوا عليهم أهو كدا كدا هما ميتين ميتين

الخوف ملا قلبي و كنت عايز اهرب برا الشقة

بس سمعت صوت خطواتها جايا ناحية الباب جريت و عملت مغمى عليا من تاني

قلبي كان بيضرب ضرب من الرعب والخوف هيخلصوا عليا ليه وأنا وأصحابي ميتين ميتين ليه ومين الراجل دا و البت والكلب مين دماغي هتنفجر والخوف سيطر عليا

والحجة واقفة فوق دماغي وبتقولي اصحى يا إبني

كنت حاسس أنها بتتأكد أن كنت صحيت ولا لأ وعشان كدا مكنتش أرد و لقيتها بتروح ناحية الحمام فتحت الباب و طلعت منه ريحة كريهة نفس ريحة البت الريحة كانت قوية لدرجة كبيرة أوي بصيت وشوفت ضل البت

جوا الحمام شوفتها متربطة و جنبها كلب أسود كبير 

كانت البت بتعيط وبتترجى الحجة تجبلها حاجة تاكلها والكلب بيقرب من رجلها وبيهوهو بطريقة حزينة و

كان عضموا بارز من كتر الضعف وقلة الأكل

كنت بحاول أشوف الحجة بتعمل إيه بس لقيتها طلعت و ضل البنت والكلب اختفوا

غمضت عينيا تاني و حسيت أن في حد بيشيلني من مكاني و بيقعدني على كرسي و فجأة لقيت حبل بيتربط حوالين مني عرفت ساعتها إني خلاص هموت هنا زي ما سمعت الراجل بيقول واستسلمت ليهم ومكنتش قادر أبينلهم إني صاحي

نور_شاهين

بداية الروايه من هنا 👇👇👇

من هنا

تعديل المقال