 |
البارت الثالث والرابع
رواية_بناتي مصايب
تسارع في الاحداث
مرّت الايام بدون اي جديد يُذكر
وفي يوم
في فيلا سالم المنسي
جاسر : ماما
منال : ايوا يا جاسر !!
جاسر : يا ماما انتي ليه مكلمتيش خالتي ؟!
منال : بكلمها والله يا حبيبي وبسأل عليها
جاسر بضيق :يا ماما انا مالي تسألي عليها ولا لا .. انا قصدي ع موضوعي انا وسالمين
منال بتذكر : ااااه
جاسر مقلدا إياها : ااااااه يعني قولتيلها ولالا ؟!
منال : والله يا بني انا مكسوفة اقولها
جاسر : لا متتكسفيش يا حبيبتي.. اقولك ديري وشك وانتي بتكلميها
منال بضحك: ههههههههههههههه عثل يا واد
جاسر مقلدها : هيهيهيهيهيهيهيهيهيهيه يلا بقا كلميها
منال : يلا يابن الواط* من هنا
جاسر : بقا كدا !!!
منال بإيماءه : أيوة كدا
جاسر وهو يبتعد عنها بتوعد : ماشي منال وادي دقني اهو ان ما خليت طلاقك ع ايدي
منال وهي تقذفه بالشبشب : يلا يابن الجز**
ذهب جاسر الي سالم في غرفة المكتب
جاسر وهو يدخل الي ابيه مُدعيا الحنية : ابويا وحبيبي وجد عيالي
سالم وهو ينظر له بطرف عينه : عايز ايه يابن منال ؟!
جاسر بمرح: يا ابا انا عايز ادوز
سالم وهو ينظر ع الباب كي يطمن : تتجوز ايه بس يابني .. دا انا عايز اطلق
جاسر مُدعيا المفاجأة : بجد ؟!!
سالم بإيماءه : اه والله
جاسر : طيب تمام انا عايز اجرب احساس الجواز زي ما انت ما جربت ونطلق انا وانت سوا
سالم وهو يطرده : يلا ياض يا ابن الك** من هنا
جاسر : بقا كدا !!!؟
سالم : ايوا كدا يلا براااااا
جاسر : ماشي انا هروح اقول لمنال انك عايز تتجوز عليها
سالم بإستهزاء : ههههه اثبت
جاسر وهو يجلس ويضع رجل فوق الاخري : اممممممم انت اللي هتطريني استخدم معاك اسلوب العنف
سالم : قصدك ايه ياض ؟!
جاسر : تؤ تؤ تؤ تؤ جاسر باشا ... اسمي جاسر باشا
ايه دا هو انت ماقلتلكش ولا ايه .. شوف ازاي
سالم بقلق : قولتلي ايه ياض ؟!
جاسر : اصلا انا سجلتك وانت بتقول انك عايز تتطلق
"ثم ركض وسالم يركض ورائه "
وهروح حالا اوريه لمنال واللي عايز يحصلني يوصلني
سالم وهو يركض خلفه : استنى بس يا جاسر باشا
ذهب جاسر عنده والدته
جاسر وهو ينظر لأبيه بشماته : ماما عايز أو.....
منال : ايه ؟!
لحقه سالم وهو ينهج : بقولك ايه يا منال .. احنا عايزين نخطب لجاسر بقا
جاسر بصوت واطي لأبيه : لا خلاص يا سالم انا مش عايز اتجوز
سالم : عليا الطلاق لأنت متجوز
جاسر بضحك : ههههههههههههههه لا طالما حلفت بالطلاق يبقا خلاص
منال لسالم : وهو انت موافق يتجوز سالمين اللي عمره ضعف عمرها
سالم بصوت واطي : والله ما انا موافق
جاسر : بتقول حاجة يا سالم ؟!
سالم : هه بقول لا طالما بيحبها يبقا خلاص
منال بضيق : يعني انتي موافقه في اللي عايز يعمله؟!
سالم بتلقائية : مالناش دعوة هو اللي هيتحمل نتيجة اختياره
جاسر : بتقول ايه يا سالم ؟!
سالم مصححا : ااا بقول أن سالمين مناسبة جدا ليه
جاسر بضحك : بحسب الا قرقوشة ودني سمعت غير كده
سالم بإبتسامة صفراء: سلامة قرقوشتك يا حبيبي
جاسر بضحك : ههههه الله يسلمك يا سولم
منال : ايوا يعني خلاص .. انت موافق ع هبله دا ؟!
سالم : اولا سالمين مش صغيره اووي وبعدين يعني اكيد هو مش هيتجوزها ع طول وطالما هو بيحبها يبقا نستنى ايه بقا !!!
جاسر لسالم بمزاح : اممممممم كانت فين الحلول دي من شوية .. لازم يعني ادبحلك القطة
سالم : ماشي يابن الك**
منال : خلاص انا هكلم منى مع اني مكسوفة خالص والله بس هحاول بقا ونتفق ع معاد ونروحلهم
وهنا دخل اسر
اسر : وانا
منال : وانت ايه انت كمان !!؟
اسر بضحك : عايز اتجوز انا كمان
منال : لا خليك انت بعدين يا اسر
اسر : عليا الطلاق ابدا .. انا لازم اتجوز مع اخويا دا احنا مهما كنا توأم برضو
جاسر : دلوقتي توأم
اسر : ههههه متعرضهاش بقا يا برنس
أما في فيلا الحمزاوي
تجلس كلا من سمر وسمية وسلمي وسالمين ع الأريكة يشاهدون التلفاز
دخلت عليهم سما تبكي
سما ببكاء : اهئ اهئ اهئ
سمر بقلق : في ايه يابت ؟!
سما بصريخ: عاااااااااااااااااااااا
سمية : ماتخلصي بقا ياااختي وتقولي مالك .. اللقطه اللي مستنياها من ساعتها هتضيع بسببك
سما ببكاء : ط .. طار .. طارق خاني
سلمي : طارق خانك ؟!
سما : اه
سالمين : ازاي احكيلنا ؟!
سما وهي تمسح دموعها: وانا معدية مع البت هايلة لقيته واقف مع بت كده معرفهاش وبيقلها كلام حب
سلمي : وبعدين ؟!
سما : هما كانوا واقفين جنب أوضة الحرس بتاعت الكلية والاوضة كانت مفتوحة رحت انا سايبة البت هايلة وخلتها تأمنلي المكان وجيت رايحة من وراهم وروحت زقاهم جامد الاتنين جوا في أوضة الحرس وروحت قافلة عليهم بالمفتاح وروحت مصرخة وقايله في تحرش جوا راح الامن جاي وواخدهم ع عميد الكلية راح عميد الكلية مديهم حرمان من الامتحانات السنادي
سالمين : طب ما انتي خدتي حقك اهو منه زعلانة ليه بقا ؟!
سما ببكاء وصريخ مرة أخرى : عاااااااااااااااااااااا وانا بزقهم ضفري اتكسر
سمر : يالهووووووي وريني كدا
ثم قامت بضربها هي وسمية وسلمي وسالمين
في اليوم التالي
في فيلا سالم المنسي .. رنّ هاتفه
اجاب
سالم : الووو
المتصل : ايوا يا سالم تكون حالا قدامي
سالم وهو يقف : تمام يا افندم
وما هي الا دقائق وكان بالفعل يقف سالم امام العميد فتحي الشناوي
سالم وهو يأدي التحية العسكرية : تمام يا فندم
فتحي : اقعد يا سالم
سالم وهو يجلس : خير يا فندم
فتحي : لا هو شكله مش خير خالص الإدارة كلها مقلوبة
سالم : عشان برضو برعي الحناوي ومراته ؟!
فتحي : هو احنا عندنا غيرهم
سالم : ايه الجديد يافندم ؟!
فتحي بحزن : الجديد أنهم قتلوا الظابط علاء والظابطة نرمين
سالم بحزن : لا حول ولا قوه الا بالله .. ربنا يرحمهم يارب
فتحي : يارب .. المهم الإدارة مقلوبة جدا ولازم نمسك اي طرف قبل ما تنقلب فوق دماغنا اكتر من كدا .. كل شوية ضابط من ضباطنا بيروح واحنا قاعدين بنتفرج
سالم : ايوا بس احنا لحد دلوقتي منعرفش مين اللي مزروع في وسطينا وبيبلغهم اخبارنا
فتحي : ودي مهمتك بقا يا سالم .. المطلوب منك انك تجيبلنا بنتين بتثق فيهم اكتر من نفسك
سالم بقلق : ايوا يا فندم بس
فتحي مقاطعا : مبسش .. احنا عايزين واحدة فيهم هتكون ظابطة وسط الظباط وهتعرف مين الخاين اللي بيوصل معلومات للبرعي وهتديله هي المعلومات وطبعا هتبينله انها موثوق منها جدا وكل كلمه بتجبها صح ١٠٠٪ وفي نفس الوقت البنت التانية هتكون دراع مرات برعي اليمين ومن خلال كدا هتعرف تفكيرهم واي حاجه ناوين يعملوها وتبلغها للتانية وهكذا لحد ما نتمكن منهم بس خلي بالك البنتين دول مش عايزهم عادين كدا لا دول لازم يكونوا لياقتهم البدنية عالية جدا ومهاراتهم كويسة لان كل اللي في الاداره اتعرفوا
سالم : تمام يا فندم
فتحي : خلي بالك دول وسعوا النشاط خالص مبقاش سلاح بس دا بقا سرقة اطفال والتجارة بأعضائهم و..و..و
سالم بقلق : بس يافندم ماهو ممكن البنتين دول هما كمان يعني ... احم احم يتكشفوا هما كمان ويرحوا مع اللي راحوا
فتحي مطمئنا : متقلقش احنا هنكون في ضهرهم دايما
سالم وهو يأدي التحية العسكرية : تمام
ثم غادر متجها إلى فيلا الحمزاوي
منى مُرحبة به : اهلا اهلا ازيك يا سالم ؟!
سالم : الحمدلله .. ازيك انتي يا منى .. اومال فين البنات ؟!
منى : موجودين جوا اتفضل
أدخلته منى الي حيث يجلس البنات
سمية وهي تسلم عليه بمرح : ازيك يا سولم ؟!
سالم بضحك : الحمدلله .. ازيك انتي يا قردة ؟!
سمر : سلومتى .. عامل ايه ؟!
سالم بضحك : ههههههههههههههه هي وصلت لسلومتي
سمر بمزاح: شوف بدلعك ازاي
سلم عليهم جميعا ثم جلس
وبعد دقائق قامت سالمين وسلمى وورائهم سما وبقيت سمية وسمر
سالم : كويس أنهم مشيوا انا عايزكم في موضوع مهم
سمر بمرح: ايش ؟!
سمية : اشجيني يا سولم
قص لهم كل شئ بخصوص المهمة
سمر : اه ومين البنتين دول بقا ؟!
سالم بقلق : احم بصراحة يعني انا محتاجكم
سمية وهي تتسحب بهدوء : هشوف مديحة عملت العصير ولا لا
سمر : وانا معاد نومي دلوقتى
سالم وهو يسحبهم حتى يجلسوا : انا بتكلم بجد
سمر بجدية : لا طبعا انت اكيد بتهزر
سمية : ايه دا هو انت معلمتش يا سولم ولا ايه .. اصل انا عندي الحَصبة والدكتور مانعني من الحركة
سالم : انا بجد معنديش غيركم اثق فيه
سمر : لا ماهو اصل احنا معندناش غير روح واحدة
سمية : بص خد البت سما مكاني
سالم : مافيش غيركم انتوا ينفع اولا لان مهاراتكم عالية جداً ثانيا لانكم مصدر موثوق منه .. وبعدين باللي هتعملوه دا هتنقذوا حياة اطفال كتير جدا
نظرت كلا من سمية وسمر الي بعضهم بقلق وخوف
سمية : طب افرض اتكشفنا واترفعنا!!!؟
سالم : انا وراكم دايما
سمر : طب هو انتوا ليه مخلتوش اي ظباط من عندكم يقوموا بالمهمة دي ؟!
سالم : كل اللي عندنا يعتبروا اتعرفوا من الخاين اللي وسطينا واحنا منعرفهوش لحد دلوقتي والدفعة الجديدة مش مصدر موثوق منه وكمان انتوا مش هتكونزا لوحدكم انتوا معاكم ضابطين من اكفئ ضباط الإدارة لكن هما مش هيبانوا في الصورة خالص
سمية بقلق : بس ...
سالم وهو يقوم : مبسش .. فكروا وردوا عليا وانا واثق فيكم
ثم غادر
★★★★★★★★★★★★★★
تواقعاتكوا
البارت الرابع
رواية_بناتي مصايب
في اليوم التالي
اتصلت منال بمنى واخبرتها بمجيئها في المساء فوافقت منى بترحاب شديد
منى : يا بنات خالتكم منال جاية بالليل
سلمى : جاية ليه ؟!
منى : وانتي مالك يا روووووووووح امك
سالمين لسما : خدي كت كات اللي انتي عايزاها اهي
سما : ايه دا هو انا قولتلك تجيبي كت كات ولا ديري ميلك؟!
سالمين : قولتيلي ديري ميلك بس انا جبت كت كات
سما بغيظ : طب وليه كدا يعني يا كال**
سالمين بردح: ع قد فلوسك يا حبيبتي
سما بردح مقابل: فلوس ايه يابت ؟! دا انتي لحم كتافك من خيري
سالمين وهي تضربها بالرأس : لحم كتاف مين اللي من خيرك يا شب**!!!
منى بفزع من منظر سما الراقدة بالأرض : يالهوووووووي في ايه ؟!
سالمين : بتشكك في ذمتى يا منى يرضيكي كدا !!!؟
منى وهي تركض ورائها بالشبشب : تفتحي دماغ اختك يا عرة عشان حتة شوكلاتة
تسارع في الاحداث
في مكتب العميد فتحي الشناوي
سالم وهو يأدي التحية العسكرية : خير يا فندم حضرتك طلبتني ؟!
فتحي : اه اقعد يا سالم
سالم وهو يجلس : تمام يا فندم
فتحي : لقيت البنتين ؟!
سالم بقلق : هو انا لحقت يا فندم !!!
فتحي : اتجدعن يا سالم .. كل وقت بيمر واحنا قاعدين مبنعملش حاجة دا فيه خطر ع الاطفال اللي كل شوية بتختفي
سالم : يافندم والله انا بحاول بقدر الإمكان
فتحي : وانا مصدقك يا سالم
ثم أردف
في معلومات جديده
سالم بإنتباه : خير
فتحي : البنتين دول هيكون معاهم فرقة الذئاب الليلية
سالم بفزع : هي وصلت للذئاب الليلية ؟!
فتحي بأسف : للأسف
سالم : وايه الجديد تاني يا فندم ؟!
فتحي : هيسافروا اسبوعين مع البنتين دول يدربوهم في معسكر تدريبي سري في الصحرا
سالم في نفسه : نهاااااار اسوح
فتحي : بتقول حاجة يا سالم !!!؟
سالم : لا يا فندم
فتحي : تمام قدامك تلات ايام والاقيك قدام مكتبي بالبنتين دول
سالم وهو يأدي التحية العسكرية : تمام يا فندم
ثم خرج
في المساء
في فيلا الحمزاوي
اتى كلا من جاسر واسر وتامر ومنال وسالم
منى مرحبة : اهلا اهلا نورتوا
منال وهي تحتضنها : دا نورك يا حبيبتي
جاسر بمرح : ازيك يا نونا !!!
منى بضحك : ازيك انت يا حبيب نونا !!
جلسوا جميعا بعد السلامات والسؤال عن الاحوال
نزلت الفتيات
وسلموا ايضا
سمر وهي تضرب تامر ع قفاه : منك لله يا اخرة صبرى
تامر وهو يتحسس قفاه: اااااااه
سمر وهي تمسكه من لياقه قميصه : اعمل فيك ايه ... قولي اعمل فيك ايه ؟!
تامر بضيق: يارب ايدك تتقطع
سمر وهي تركض ورائه : وكمان ليك عين تتكلم يا بجح ؟!
تامر ببرأءة مصطنعة : لييييه انا عملت ايه ؟!
سمر وهي تخرج ورقة من جيبها : اقرا كدا يا سالم الاسم ده !!!
سالم وهو يقرأ : الحمل الزهري ... ايه دا هو فيه نوع ورد جديد اسمه الحمل !!!؟
سمر : والله انا بقالي يجي حوالي تلات سنين شغالة في الورد عمرى ما سمعت النوع دا ... جه ابنك واخترعهولي
تامر بتذكر : اااااه دا الحلم الزهري مش الحمل
سمر وهي تقذفه بالشبشب : وأما هو اسمه الحلم كاتبه الحمل ليه يا بن الجز**
ثم قالت لمنال
لامؤاخذه يا لولو
واكملت : خليت الراجل اللي حضرتك بعتله الطلبية وشاف الورقة يتصل بيا يبستفني ويقولي امك في العِشة ولا طارت بسببك يا حيو** يابن الحيو**
ثم قالت لسالم
لا مؤاخذه يا سولم
تامر بضحك : ههههههههههههههه تستاهلي عشان قولتلك يوميها انا تعبت وعايز اروح مرضتيش
سمر وهي تركض ورائه : وحياة امك ما انا سيباك يابن منال
والجميع يضحك عليهم
سالم بضحك : نتكلم بقا في الجد شوية .. احم احنا جاين النهاردة يا منى عشان نطلب ايد سالمين لجاسر وايد سلمى لأسر
منى بنفس الابتسامة : سالمين مين وسلمى مين ؟!
منال بإستغراب : بناتك يا منى .. مالك سهمتى كدا ليه ؟!
منى بنفس ابتسامه الاستغراب : بناتي اه .. اللي في الثانوى !!!
منال بضحك : اه هما دول
منى وقد استوعبت ما قالته : ايوا بس بناتي صغيرين ويعنى اسر وجاسر ضعف عمرهم
منال : ماهو هما اكيد يعني مش هيتجوزوهم ع طول
منى بضيق: معلش يا منال هفكر وارد عليك
وبعد مدة غادروا جميعا وبقيت منى والبنات
منى بزعيق وهي تقذف سلمى وسالمين بالشبشب:عايزين تتجوزوا وانتوا لسه مطلعتوش من البيضة يا جز* يا اوباش
سمر : ايييييييه يتجوزوا وهما بالسن ده !!؟
منى بزعيق: قوليلهم
اكملت سمر وكأنها لا تستمع لما قالته : دا انا اختكم الكبيرة وحتى مافيش حد جه تف في وشي ومشى
منى وهي تقذفها بالشبشب هي ايضا : يلا يابنت الحيو*** وانا اللي قولت البت عقلت اتاريكي كل يوم بتتهبلي اكتر واكتر
سما بمزاح : انتي مربتيش غيري يا مني والله
منى : والنبي يااختي ولا ربيتك انتي كمان
تسارع في الاحداث
في يوم الجمعة
منى : يلا يا بنات هنتأخر
نزلوا جميعا
سما : يلا احنا جاهزين
وذهبوا إلى مكانهم المعهود الذي يذهبون إليهم نهاية كل أسبوع وهو ...ركوب مركب بالنيل
صعدوا جميعا وبدأت المركب بالتحرك
منى بإستمتاع : ياسلاااااام يا بنات فكرتوني بأجمل ايام كنت بقضيها مع ابوكم الله يرحمه
سما بضحك : ههههههههههههههه انتوا كنتوا بتيجوا هنا يا منى !!!؟
منى بإبتسامة حب : اه والله ايام متتعوضش
سما بمزاح : وكان بياخدك بعد كدا ع سطح الواد حماده !!!
منى وهي تقذفها بالجذمة وقد نسيت تماما أنهم وسط الماء : يلا يا سافلة يا بنت السافلة
سمية بشهقة : يالهووووووي رميتي جذمتك في البحر يا منى !!!
منى وقد تداركت ما فعلته: يالهووووووي هاروح انا حافية دلوقتي
سلمى بمزاح : كدا تلوثي النيل !!!
منى وهى تقذفها بالفردة الأخرى : كل همك النيل ومش همك امك يا بنت الشبشب !!!
سالمين بشهقة ممزوجة بضحك : يالهوووووي ههههههههههههههه وادي الفردة التانية راحت هي كمان
سمر لصاحب المركب بمزاح: وانت عامل ايه يا عم حنفي ؟! وازي فوزية مراتك .. طلقتها ولا لسه ؟!
حنفي بطيبة : والله يا ست سمر مطهجاني في عيشتي
سمية بمزاح: ارمي عليها يمين الطلاق وريح نفسك يا عم حنفي
حنفي بتفكير : والله بفكر يا ست سمية
سما : لا دا شكل القعده هتطول .. ماعكش سجارة نعفروا يا عم حنفي ؟!
حنفي وهو يعطيها سجارة ملفوفة : اتفضلي يا ست هانم
سما وهي تنظر للسجارة : ودي حشيش ولا بنجوا ؟!
حنفي : لا دي بنجوا بس نوع إنما ايه عنب يستاهل خشمك يا ست هانم والله
سالمين : اممممممم بانجوا .. والنبي يا عم حنفي اول ماننزل من المركب دي فكرني ابلغ عنك
حنفي بعدم فهم : بس كدا اوي اوي يا ست هانم
سلمى: وانت مالي ايدك من المركب دي يا عم حنفي ؟!
حنفي : عيب يا ست هانم دي شافت تاريخ
سلمى : مش عارفه ليه مش مستريحالك يا عم حنفي
ولم تكمل كلامها حيث وجدت المركب تغرق تدريجيا
سالمين : نهااار اسوووح
سمر وهي تقفذ في الماء : نطططططي يا منى
سلمى وهي تقفذ : يخربيتك يا عم حنفي انت وفوزية
ونطوا جميعا بالبحر
وبعد حوالي ربع ساعة وصلوا للشاطئ اخيرا
سالمين بتعب: كح كح
سلمى : ربنا ينتقم منك يا حنفي
تسارع في الاحداث
في اليوم التالي
اتى سالم الي سمية وسمر
سالم : هاااااا فكرتوا ؟!
سمر : طب انت هتقول ايه لمنى ؟!
سالم : لا سيبي مني عليا وافقوا انتوا بس ومالكمش دعوة
سمية بقلق : انا معاك يا سولم
سمر بقلق ايضا : وانا
سالم : ع بركة الله متقلقوش انا دايما معاكم وفي ضهركم ومش انت وبس .. المعلومات الجديدة اللي جات بتأكد ان انتوا هيكون معاكم احسن فرقة في الداخلية كلها
سمر بإستغراب : فرقة ايه ؟!
سالم بفخر : فرقة الذئاب الليلية
سمية بخوف : يلا ربنا يستر
سالم : إن شاء الله هيستر
ثم أردف : نادولي منى بقا اما اقولها
جاءت منى
سالم : احم بصي يا منى انا عندي معسكر تدريب للبنات تبع الداخلية يعني فيه ضابطات بتدرب البنات اللي زي سمر وسمية كدا فأنا اقترحت عليهم انهم يجوا وهما موافقين عشان يزدادوا خبرة في الالعاب القتالية
منى بتفكير : طب والتدريب دا فين وهياخد وقت قد ايه ؟!
سالم : في معسكر تبع القوات أما وقت قد ايه فحوالي شهر كدا ومتخافيش انا هكون معاهم
منى : ايه شهر ؟!! لا شهر كتير اوووي
سالم : مش كتير ولا حاجه دول هيعدوا في لمح البصر
منى بحنان : بس انا معرفش انام وهما مش مواجدين في البيت معايا
سالم : هما مهاجرين يا منى ... إن شاء الله هيرجعولك بسرعة بس الفرصة دي مش هتتعوض
منى : امممم بس الاتنين أمانة في رقبتك يا سالم
سالم بطمأنينه : متقلقيش انتي بتوصيني ع بناتي!!!!!
ثم غادر وقبل أن يغادر قال لسمر وسمية بصوت منخفض : هاجي اخدكم بكرة حضروا نفسكم عشان هتنزلوا معسكر مع الذئاب الليلية
سمية بقلق : بلاش بكرة اصل مش فاضية خليها بعده
سالم : لا هو بكرة .. مع السلامة يلا دلوقتي
ثم غادر
★★★★★★★★★★★★★★★★
تواقعاتكوا
البارت الخامس والسادس والسابع هنا 👇👇👇👇👇
بداية الروايه من هنا 👇👇👇
