expr:class='data:blog.languageDirection' expr:data-id='data:blog.blogId'>

رواية عشق يفعل المستحيل الحلقة الاولى حتي الخامسه وقبل الاخيره

 رواية عشق يفعل المستحيل 

الحلقة الاولى حتي الخامسه وقبل الاخيره


- عمر :- بتعيطى ليه

 - آلاء :- مش عايزه نتطلق

 - عمر :- احنا متفقين 

- آلاء ببكاء :- بس مكنتش اعرف انى هحبك

 - عمر :- مينفعش انا روحت واتكلمت على بنت خالتى زى ما قولتلك من اول يوم اتجوزنا فيه

 - آلاء :- انت محبتنيش فى السنه دى يا عمر ؟!!

 - عمر :- بلاش نعلق بعض بوهم مش هيفيد حد فينا

 - آلاء :- وهم !! بتسمى حبى ليك وهم ... بتحكم على حبى بالوهم  علشان عريت ضعفى قدامك وقولتلك بحبك ... قولت انى مش عايزه اهدم بيتنا 

- عمر :- آلاء ده اتفاق مش هنيجى على آخر لحظه ونخلف بيه

 - آلاء :- يا شيخ ينعل ابو الحب الى يخلى صحبه ضعيف قوى كده قدام الطرف التانى ... انا هدوس على قلبى بمليوووون جزمه علشان يكرهك ويبطل يحبك انا رايحه بيت ابويا وانا الى بنطقها بلسانى ابعتلى ورقه طلاقى فى اقرب وقت انا ميشرفنيش انى اكون على زمه حد انانى كده زيك 

**********************


 فى رساله اتبعتت على موبايل آلاء 


" اخيرا "

 - آلاء :- بتبص لرساله بإستغراب اخيرا !!! اخيرا ايه مين المجنون ده ثم تركت التليفون وذهبت الى المطبخ

 - آلاء :- ماما بتنادى عليا 

- اه يا حببتى كنت عايزه اقولك على موضوع 

- آلاء :- موضوع ايه يا ماما فى ايه 

- فى عريس متقدملك

 - آلاء :- يووووه يا ماما مش هنخلص بقى من الموضوع ده انا اتعقد من الجواز والى عايزين يتجوزو ثم ذهبت الى غرفتها لقيت رساله تانيه على تليفونها


 " شكل دعايا استجاب وربنا هيجعلك من نصيبى "


 - آلاء بإندهاش مين ده وعايز منى ايه وجاب رقمى منين الشخص ده .... يووووه انا اتجننت بكلم فى نفسى انا هعمله بلوووك وخلاص 

آلاء :- نعم يا ماما 

- بصراحه كده فى حاجه عايزه اقولك عليها و ... و ..  متردده

 - آلاء :-  فى ايه يا ماما قلقتينى

 - عمر عايز يرجعك 

- آلاء :- يرجعنى ده ايه هو انا لعبه بين ايديه ده نجوم السما اقربله 


- التليفون بيرن - الو - مش عايزه نرجع ليه مش كنتى بتقولى انك بتحبينى 

- ده بعينك انى اخطى عتبه بيتك دى تانى 

- ياااه نسيتينى بالسرعه دى

 - الى خلانى احبك فى سنه يخلينى انساك فى 6 شهور

 - انتى بتوهمى نفسك

 - بالعكس انتى الى بتوهم نفسك الى لسه عايشه على حبك انا نسيتك وحطيت قلبى تحت رجلى من اليوم الى وصفت حبى ليك بالوهم وعن اذنك معطلكش وياااريت تشيلنى من دماغك انا حياتى من غيرك احسن بكتير

 - هترجعيلى يا آلاء بمزاجك غصب عنك هترجعيلى

 - كان فى وخلص يا هندسه وانت عارف كويس انى مبجيش بالتهديد وبعدها قفلت السكه فى وشه بعد ساعه جالها رساله على الموبايل تانى 

" لو عملتيلى مليووون بلوووك هوصلك برضو انا مصدقت لاقيتك

 - آلاء :- هو انا موعوده بالمجانين 


يُتبع..

البارت التانى من 

( عشق يفعل المستحيل ) 


- فاقت آلاء تانى يوم على رساله جديده مكتوب فيها " صباح الخير "


 - آلاء :- لاء بقى ده يا اما شخص مجنون يا اما عمر ووحياه ربنا لو طلع هو لطلع عليه القديم والجديد 


- آلاء يا لولو 

- آلاء :- لولو !!!! لاء ده النهارده فى ان بقى

 - آلاء :- نعم يا ماما 

- تعالى يا حببتى علشان تنزلى تجيبلنا طلبات البيت من السوبر ماركت رجلى تعبانى مش قادره انزل


 - حاضر يا ماما هصلى الضحى وانزل

 - بعد نص ساعه

 - آلاء :- ماما انا نازله 

- ماشى بس متتأخريش

 - آلاء :- حاضر 

- آلاء آلاء

 - آلاء :- خير اللهم اجعله خير 

- عمر :- مش بتردى عليا ليه من امبارح رنيت عليكى خمسين مره


 - آلاء :- ليه وانت قاعد فاضى لدرجادى بتعدهم ... وبعدين وانت مالك انت مبقاش ليك حكم عليا اصلا 


- عمر :- بس انا عايز ارجعك 


- آلاء :- وانا مش رجعالك


 - عمر :- ليه بس مش انتى قولتى مش عايزه تخربى بيتنا 

- آلاء :- وانا مخربتوش انت الى خربته وخربت حياتك وانا عن نفسى طالعه من الجوازه دى كسبانه ... كسبانه نفسى من اول وجديد ... روح بقى لبنت خالتك وحل عن دماغى 


- عمر :- انتى ليه دماغك ناشفه كده 


 - آلاء :- معلش اصلى تربيه رجاله عن اذنك 

- جالها رساله تانى على الموبايل


 " شكلك بيكون قمر وانتى متعصبه " 


- آلاء :- ياربى وحياه امى ما هرحمك 

- آلاء :- عمر

 - عمر :- ايه هنرجع ؟! 


- آلاء وهى متعصبه :- بطل تبعت الرسايل الى بتبعتها دى ... ايه شغل العيال الصغيره ده

 - عمر بإستغراب :- رسايل ؟! رسايل ايه 

- آلاء :- لا والله انت هتستهبل


 - عمر :- ما تلمى نفسك وهاتى التليفون ده لما اشوف الرسايل


 - عمر :- نهار ابوكى اسود هو ده بقى يا هانم الى مش عايزه ترجعيلى عشانه اه وتلاقيكى عملتى دور الدراما انك مش عايزه نطلق علشان خاطره 


- آلاء :- اخرس يا حيوان انا اشرف منك ومن مليووون زيك ومش انا الى تعمل حاجه زى كده انت اصلا خساره فيك العيش والملح الى طفحناه سوى


 - عمر :- اه اقعدى اتكلمى بقى واعمليلى فيها شريفه ده انا هشرب من دمك ... ورفع ايده علشان يضربها ... جه واحد ومسك ايده ... 


- لو اهلك معرفوش يعلموك الرجوله الرائد سيف هيعلمهالك يا روح امك 


- عمر :- انت مين وعايز ايه دى مراتى ملكش دعوه انت بتدخل بصفتك ايه 

- آلاء ببراءه مصطنعه:- انا مش مراتك ولا اعرفك ده واحد جاي بتهجم عليا فى الشارع من حيث لا ادرى


    ( ان كيدهن عظيم 😂) 


- سيف بإبتسامته الى زى القمر زيه وهو سرحان فى عيون آلاء :- وانا مصدقك طب وربنا ما هكسرلك كلمه 


- آلاء بتبصله بإستغراب :- افندم !!!!!! 

- سيف :- احم ... اتفضل يلا قدامى علشان اعملك محضر عدم تعرض 


- آلاء :- وانا جايه معاك 

- سيف :- جايه فين احنا معندناش حريم تدخل القسم

 - آلاء :- حريم ايه هو انا مراتك وانا ناسيه 

- سيف :- هتبقى قريبا ان شاء الله متقلقيش * 💜  

آلاء :- يا بنى هو انت مش واعى لنفسك هو انت تعرفنى اصلا ؟!!! 


- سيف :- سيف بغمزه قمر زيه كمان مره 😅 ... ده انا اعرفك اكتر منك ... الا قوليلى هو بابا بينام بدرى


 - آلاء :- ليه عايز تعمله محضر هو كمان 

- سيف :- لاء هخطفك منه ... ويلا اتفضلى روحى ومتروحيش السوبر ماركت الحاجات الى انتى طلبتيها وصلت ... يلا متبصليش كده او اقسم بالله اخدك على المأذون وقد زعتر من بعتر ...يلا وانتى قمر كده 


- آلاء :- بإبتسامه اظهرت غمازتيها الساحره والى جننو سيف اكتر ما هو مجنون اصلا ... انت اتحدفت عليا من فين 

- سيف :- ورحمه ابويا لاو ضحكتى تانى فى الشارع لا واخدك على اقرب مأذون وكاتب الكتاب واحبسك جوه قلبى والى يحصل يحصل  -الحوار ده كله حصل بعد ما سيف ركب عمر البوكس ريأكشن عمر :- يا جماعه حلو مشاكلكو بعدين وخلصونى 😂


- آلاء :- بعد ما سيف مشى ... ايه المجنون ده ... ده ولا كأنه يعرفنى من سنين ... غريبه العيون دى انا فكراها ... ياترى انت مين با روميو انت كمان ثم ذهبت الى المنزل

    *******************


ايه يا لولو اتأخرتى ليه عنتر جاب الحاجات من السوبر ماركت وقال آلاء الى بعتاهم 

- آلاء :- !!!!!!!!! 

- ايه يا لنتى مالك 

- آلاء :- هاا ... لا مفيش ... اصل منمتش كويس .. عن اذنك يا ماما انا هدخل انام شويه - رساله جديده

 " هو مممكن حد يحب حد من ضحكته ويتوه فيهم كده واه متضحكيش قدام حد تانى علشان منكدش عليكى "


 - آلاء :- يخربيتك هو طلعت انت .. غريبه ... ده يعرفنى منبن ده ... والاغرب انى حاسه انى اعرفه انا كمان ... لاء والأغرب اكتر انى اتجننت وبكلم فى نفسى ... طب والله لا قافله التليفون خالص لما اشوف هتبعت رسايل تانى ازاى

البارت التالت من روايه

 ( عشق يفعل المستحيل ) 


- عمر :- ممكن اعرف انا هنا ليه


- سيف :- غتاته 


- عمر :- طيب انا عايز امشى


 - سيف :- هتمشى يا حلو بس لما تمضى على محضر عدم التعرض ده 


- عمر :- امضى ازاى اذا كانت صحبه المحضر نفسه مش موجوده 


- سيف :- والله مش هتعلمنى شغلى 

- عمر :- انت تعرفها من زمان 


- سيف :- ميخصكش اتنيل امضى علشان تغور ولو قربتلها تانى هدفنك مكانك 


- عمر مضى على المحضر ومشى


 ***********************


- سيف :- مالها دى كمان قافله التليفون بقالها 5 ساعات و20 دقيقه و 23 ثانيه


 - مالك يا ابيه انت بتكلم نفسك 


- سيف :- ماما فين يا هنا 


- هنا :- بتصلى جوه 


 - سيف :- تقبل الله يا امى 


- منا ومنك يا حبيبى 


- سيف :- عملتيلى ايه فى الموضوع اياه يا ست الكل

 

- لسه مصمم يا سيف 


- سيف :- يا ماما اتكلمنا فى الموضوع ده كتير ها هنروح امتى 


********************


 - آلاء :- مش هدخل يعنى مش هدخل انتو بتحطونى قدام الامر الواقع يعنى 


- يا بنتى الناس بره عيب كده لازم تطلعى 


- يلا يا آلاء بابا بينادى عليكى الناس جوه من بدرى


 - آلاء بعد ما دخلت :- السلام عليكم 


- وعليكم السلام


 - آلاء :- انت !!!!!!!!!! 


- سيف :- مفاجأه مش كده 


- طيب يا ولاد اسيبكو مع بعض شويه 


- آلاء :- بتعمل ايه هنا  


- سيف :- احم ... جاي اخطفك يا قمر 


- آلاء :- يا بنى انت فى حد مسلطك عليا 


- سيف :- طيب والنبى تطولى حد قمر زى كده يتسلط عليكى


 - آلاء :- انت واخد مقلب جامد فى نفسك على فكره 


- سيف :- مش مقلب يا حببتى دى حقيقه


 - آلاء :- حبك برص ... ايه حبيبتك دى 

- سيف :- بت انتى لمى لسانك انا ساكتلك من وقت ما جيت ... انتى اتعلمتى الدبش ده امتى


- آلاء :- !!!!!!!!!! 


- سيف :- مش قلتلك عارف عنك كل حاجه 


- آلاء :- وعارف عنى ايه بقى ؟!!


- سيف :- اعرف عنك حاجات كتير


 - آلاء :- زى ايه 


- سيف :- زى انك مثلا بتحبى تنامى والنور مولع يا خوافه 


- آلاء وهى بتكلمه بتكبر مصتنع :- وايه يعنى ده عم عبده البقال نفسه يعرف انى بنام والنور مولع


 - سيف :- نهار ابوكى مش معدى ويعرف منين عمك عبده البقال ... ده انتى نهارك مطين بطين 


- آلاء :- ايه يا بنى انت ما المحل بتاعه تحت بتنا وبيشوف النور وهو والع ... وبعدين لآخر مره بحزرك ملكش دعوه بيا 


- سيف :- مليش دعوه بيكى ازاى ؟! وانا مستنيكى بقالى 13 سنه من عمرى تعرفى ترجعيهم


 - آلاء :- 13 سنه ايه انت مين ؟!! 


- سيف :- انا سيف يا آلاء نسيتينى ؟؟؟!

البارت الرابع من روايه

        ( عشق يفعل المستحيل ) 


- عمر :- ورحمه ابويا ما انا سايبها الا لما ادفعها تمن الى عملته كويس ... انا يتعملى محضر عدم تعرض يا آلاء ...ماشى انا هربيكى 


- يا بنى سيبها بقى مصدقناها غارت ... ربنا يهديك وترجع لبنت خالتك


 - يا امى بنت خالتى ايه .. انا مش مرتاح معاها دى بترد عليا كلمه بكلمه ومبتسمعش الكلام وآلاء بالرغم من اننا كنا متجوزين جوازه اتفاق بين ابويا وابوها ... الا انها عمرها ما كسرتلى كلمه ولا صغرتنى قدام حد .... ووقت لما سبتها وحبيت ارجع تانى قلت هلاقيها مستنيه ...لاكن صبرك يا آلاء ورحمه ابوبا ما هتكونى لحد غبرى وورينى بقى الظابط بتاعك هيعمل ايه 


***********************


 - يا نهار ابيض سيف يا آلاء سيف رجع تانى معقول بعد السنين دى كلها ؟!!!!!


- آلاء وهى تتحدث بكل نبرات الحزن :- انا زعلانه منه قوى يا ملك قوى قوى زعلانه منه على قد حبى ليه الى حبيتهوله السنين دى كلها 


- ملك :- يااااه يا آلاء منستيش لسه زعلانه منه قوى كده


 - آلاء :- انا ليا كل الحق انى ازعل منه قالى هرجعلك ووعدنى واستنيته بدل السنه سنيين وسنيين ولسه راجع بعد 13 سنه يقولى منستكيش هيفيد بإيه انو منسنيش ... هيفيد بإيه وقوفى فى الشباك ده سنين وسنين بصبر نفسى انو هيرجع واعيط لربنا واقوله رجعهولى ... هيفيد بإيه انه منسانيش .. فى عز احتياجى ليه ... انا كنت محتجاه اكتر من اى حد فى الدنيا يا ملك ومجاش 


- ملك :- انتى فعلا ليكى كل الحق انك تزعلى بس ليه مسألتيهوش سبب تأخيره ده كله كان ايه 


- آلاء :- مسألتوش ومش عايزه اسألوه ... انا بكرهو بكرهو و الدموع كالشلال تنزل من عيونها ...لاء انا بحبه بحبو قوى على قد ما انا متعصبه منه وزعلانه على قد لما بصيت فى عنيه ... شوفت كل الماضى فيها وشوفت حنينه ليا .... بس لازم اربيه على كل الوقت الى سابنى فيه ده وساب قلبى يتعزب معاه حتى فى غيابه 


- ملك :- طب وعمر مش قبل ما تطلقى قولتيله انك بتحبيه 


- آلاء :- كنت فاكره انى حبيته من احترامو ليا والسنه على عيشناها مع بعض ... بس اكتشفت انه مكانش حب ده كان تعود وبس 

******************


- طيب ليه يا ابيه مقولتلهاش على سبب بعدك الوقت ده كله 


- سيف :- مدتنيش اى فرصه اقولها حاجه اول ما قولتلها انا سيف بصيت فى عنيا وعاتبتنى بكل لغات العتاب الى فى الدنيا من نظره واحده بس عصبيه على غيره على امل كانت عايشه عليه ومستنيانى وانا خذلتها بس الى طمن قلبى انى ملقتش فى النظره دى نظره كره 


- هنا :- لسه قادر تقرأ الى فى عنيها بعد السنين دى كلها يا ابيه 


- سيف :- لسه قادر ومنستش عيونها لحظه واحده آلاء مش بس حب طفولتى وحب الجيران  يا هنا آلاء بنتى الى اتربيت على اديا 


- هنا :- ان شاء الله ترجعو لبعض قريب يا ابيه


 - سيف :- انا عارف انها هطلع عليا غياب 13 سنه بس هستحمل علشان خاطر عيونها الى معنديش اغلى منهم و ... هو انا بحكيلك ليه اصلا يا مقصوفه الرقبه انتى ... انتى لسه صغيره على كل ده وبعدين اجرى يلا روحى زاكرى امتحاناتك باقى عليها سنه يدوووب تلحقى 


- هنا :- ما كنت رومانسى من شويه قلبت ليه .... فينك يا لولو


 - سيف بتنهيده :- لولو لولو ايه دى لولو هتورينى ايام سوده 😂


- سيف :- حرام عليكى هونت عليكى تخلينى ارن عليكى يوم كامل ومترديش


 - آلاء :- وارد عليك بصفتك ايه ان شاء الله


 - سيف وصوته يحمل كل معانى الرومانسيه الى فى الدنيا  :- بصفتى حبيبك وهبقى خطيبك وقره عينك 


- آلاء :- حبك برص وبعينك انى اتجوزك او اوافق عليك اصلا 


- سيف :- يا واد انت يا تقيل 😉


- آلاء :- شكرا يا كيمو تسلم ايدك 


- سيف :- كيمو مين يا بت انتى .. انتى نسيتى اسمى ولا ايه 


- آلاء :- مبكلمكش انت ... ده كريم بتاع السوبر ماركت


 - سيف :- نهارك مش معدى كريم مين يا روح امك وانتى تطلعيله ليه ان شاء الله ورحمه ابويا يا آلاء لو عرفت انك طلعتى لحد تانى ولا نزلتى السوبر ماركت حتى لا مطين عيشتك ولما تتنيلى تحتاجى حاجه ابقى كلمينى وانا هتنيل اجبهالك 


- آلاء :- ايه ده حيلك حيلك انت مفكرنى البت امو ضفاير الى سبتها فى اعدادى ولا ايه .. انا دلوقتى عندى 25 سنه يعنى اعرف اخد قراراتى لوحدى يا اكبر كداب فى الدنيا 


- سيف :- طيب تبقى اعمليها يا آلاء وابقى اشوفك تحت وحياه ابويا لا اعملك دوريه وكامين تحت البيت ويا انا يا انتى لما اشوف هتخرجى ازاى


 - آلاء وقت ابتسمت ابتسامه تعنى الكثير ... تعنى اشتياقها الى غيره حب حياتها عليها ولصوته وهو متعصب واشتاقت لأوامره اه الاوامر احنا كبنات بنحب الاوامر قوى وخصوصا لو من العشق ذات نفسه 


- سيف :- بتضحكى بعد ما قفلتى الباب ولا الباب لسه مفتوح


 - آلاء :- !!!!! انت عرفت منين انى بضحك وهتفرق ايه يعنى بضحك قبل قفل الباب ولا بعده 


- سيف :- عرفت منين دى اسألى قلبك عليها وهو هيجاوبك انما هتفرق غى ايه وانتى فاتحه الباب او وانتى قفاله فهى هتفرق كتير يا هانم ... لان لو كنتى فاتحه الباب وحد شاف ضحكتك بغمزات امك دى ورحمه ابويا لأجى اشيلك على كتفى وكاتب الكتاب برضاكى او غصب عنك وهحنطك فى الشقه ما فى حد هيشفوك غيرى علشان انتى ليا انا وبس


- آلاء :- ده نجوم السما اقربلك ... وعلى فكره انا هنزل السوبر ماركت النهارده 


- هتلاقينى قاعدلك بالكامين تحت ويبقى اشوف خيالك حتى


- آلاء :- ليه هتعطل شغلك علشانى مثلا 


- سيف :- وليه متقوليش انك شغلى مثلا


 - آلاء :- متتصلش تانى


 - سيف :- اتصل براحتى 


- آلاء :- ابقى شوف مين بقى الى هيرد عليك ... وقفلت السكه فى وشه 


- سيف :- ماشى يا آلاء لما نشوف اخرتها ايه 

********************


- بعد ساعه - خيييير مش قولت متتصلش تانى هو انا مش هخلص منك - لاء مش هتخلصى علشان الى جاي سواد

البارت الخامس من روايه 

 ( عشق يفعل المستحيل ) 


- آلاء :- مش هخلص انا السنادى هما فى حد مسلطهم عليا 


- ملك :- مالك يا لولو بتكلمى فى نفسك ليه اتجننتى 


- آلاء :- انا هتجنن فعلا ... واحد بيقولى منزليش من البيت حتى للسوبر ماركت وهيعملى كامين تحت البيت ... والتانى بيقولى الى جاي سواد ... هو ناقصه بلاوى 


- ملك :- سيف جاي ... طيب والنبى قوليله يجيب صحابه الظبوطات معاه


 - آلاء :- ؟!!!!! دماغها عملت error 😂😂.... يجيب مين لا مؤخذه 


- ملك :- ايه يا لولو عيب عليكى انتى هتتحولى عليا 


- آلاء :- امشى من قدامى يا ملك بدل ما اطلع جنان سيف وعمر عليكى غووورى 


- ملك :- طلقنى لو مش عاجبك طلقنى 


- آلاء :- خلعت الجزمه وحدفتها فى وشها .... البت الثانويه العامه لحست دماغها ولا ايه ... يساتر مجرد السيره قشعرتنى مع انى سيباها من سنين 


*******************


 - كلموها عااااانى من بعيد لبعييييد عرفوها انننننى لسه بحبها واماااانه حد يقولها بسأل عليها ازيها وعاااااااامله ايييييه 


- حازم :- اييييييييييه انت لميت علينا دبان الجمهوريه


 - سيف :- ايه يا فصيل


 - حازم :- بعد اذن الحب ممكن تمضيلى هنا 


- سيف :- ده انت عيل غتت 


- حازم :- حب فى البيت يابا مش هنا ... هنا المكان للعمل .. عمل ونكده ونكد وعمل بس


 - سيف :- الله ينكد عليك يا شيخ فصلتنى 


- حازم :- الا الحب اخباره ايه


 - سيف :- ملكش دعوه وخليك فى حالك 


- حازم :- طب معندهاش اخت والنبى ينوبك ثواب فى اخوك


 - سيف :- اخت ايه يا بنى انت ... هو انت فى حد يطيقك اصلا 


- حازم :- عيب عليك يا صاحبى طب جمل فيا قدام نفسى حتى


 - سيف :- امسك الملف وعلى شغلك يا فالح 

- حازم :- ماشى يا عم كمل انت مع رومانسيتك 

****************


 - آلاء الحقى ... قومى بسرعه


 - آلاء :- يووووه يا ملك فى ايه بقى


 - تعالى بس .. اتفرجى يا ستى


 - آلاء :- !!!!!! يخربيتك ... ده عملها بصحيح .. وجاب كامين تحت البيت 


- الحب ولع فى الدره فعلا يا لولو


 - آلاء :- خيييير ... انت مجنون يا سيف جاي تعمل كامين تحت بيتى


 - سيف وهو بيتكلم بكل غرور مصتنع:- علشان تعرفى بس انى مبقولش اى كلام


 - آلاء :- سيف قوم لم الى معاك وامشى من هنا الناس بتتغرج علينا 


- سيف :- بشرط


 - آلاء :- اللهم طولك يا روح شرط ايه ؟!!! 


- سيف :- خطوبتنا تكون الاسبوع الجاي 

- آلاء :- انت مجنون يا سيف انا لسه مجهزتش الفستان ... ق . قصدى مش موافقه طبعا 


- سيف وهو بيضحك لدرجه ان عنيه دمعت من كتر الضحك ... والله مجنونه 


- آلاء :- ضحكتك لسه حلوه


 - سيف :- وضحكتك لسه احلى


 - آلاء :- اي ده انت بتخدرنى يا ابنى ... امشى يا سيف من هنا لحسن سيكا وهقولك هات المؤذون


 - سيف :- عز الطلب والله ... وافقى انتى وهتلاقينى شايل المأذون وجايبه لحد عنك

      ( غريب قوى سيف ده 😂) 


 - آلاء :- مش قبل ما اخد حقى منك 


- سيف :- حقك ايه ... على فكره انا الى ليا عندك حق 


- آلاء :- حق ايه ده ان شاء الله 


- سيف :- حق سرقت قلبى لمده 13 سنه فى غيابك ... على فكره لو قدمتك للمحكه هتاخدى مؤبد 


- آلاء بتضحك تانى بغمزاتها الى بتجنن امه 😂


- حازم بيميل على خالد وبيقوله :- الحب ضحكته جميله قوى واخت الحب جميله قوى


 - سيف :- لم عنيك بدل ما اخزقهملك آلاء انجرى ادخلى جوه ومشوفش وشك فى البلكونه حتى ... اتنيلى يلا بحلاوه امك دى وعلى فكره انا بخزنلك على كل غلطه عقاب ... متفكريش هتعدى بالساهل كده 


- آلاء :- تصدق بالله انك فعلا مجنون 


- سيف :- انا مجنون علشان انتى فى حياتى يا حياتى 


- آلاء :- سيف لم الدوريه بتاعتك وامشى دلوقتى حالا علشان هرتكب جنايه 


- سيف :- فى ايه يا بنتى انتى بتتحولى ولا ايه 


- آلاء :- انت مبسوط يعنى والبنات واقفين فى البلكونات بيصوروك 


- سيف :- ايه ده انا بقيت مشهور وبتصور

 - آلاء :- سيف متعصبنيش


 - سيف بإبتسامه:- طيب خلاص ماشى اهوه ... متزوقيش 


- آلاء :- هات معاك شكولاته وورد وانت جاي 


- سيف :- وماله يا بنتى كيس الجوافه قصر معاكى فى ايه 


- آلاء :- سيف انت متأكد انك ظابط 


- سيف :- زى ما انا شايفك يا قلبى 


- آلاء :- قلبوك فى حله شوربه يا حبيبى

 - سيف :- يا ايه ؟!!!!!!!!!!! 


- آلاء :- وقد احمرت وجنتيها 

:- سيف امشى 


- سيف :- وغلاوتى عندك تقوليعا تانى


 - آلاء والخجل سيطر عليها بالكامل  :- سيف امشى وتصبح على خير ... وقفلت السكه 


- سيف :- هتجننينى بيكى اكتر ما انا مجنون


- آلاء :- حبيبى وحياتى وعمرى كله


 - ملك :- امال ليه بنكابر 


- آلاء :- علشان اربيه الأول 


- ملك :- والله الحب الى بيربيكو انتو الاتنين 

****************


 - عمر :- نفذ 

- مجهول :- امتى 

- عمر بعد ساعتين بالظبط

- مجهول :- عولم وينفذ

 - عمر :- لما نشوف اخرتها معاكى يا آلاء 

******************* 


- آلاء :- ملك يا ملك انتى با بنتى ... انتو مش ملاحظين انى عروسه ولا ايه 

- ملك نزلت يا آلاء

 - آلاء :- نزات راحت فين بس يا ماما مش المفروض تترزع جنبى هنا علشان هحتاجها 

- في ايه بس مزعله نفسك ليه 


- نسيت اجيب التاج البس الطرحه من غيره ازاى بس 


- رنى على سيف يجبهولك وهو جاي ... ويجى بدرى شويه مش مشكله 


- آلاء :- برن مش بيرد ... اوووووف اعمل ايه بس الطرحه هيبقى شكلها بايخ قوى من غير التاج ... ماما انا هنزل اجيبه انا 


- آلاء مش عايزين مشاكل مع سيف يوم خطوبتكو 


- آلاء :- مش هيعرف يا ماما هروح وهاجى بسرعه 

*********************

 بعد مرور ساعتين 


- ملك :- الحقينى يا سيف 


- سيف :- فى ايه يا ملك آلاء كويسه ؟!!!! 

- ملك ببكاء :- آلاء نزلت من ساعتين تجيب التاج بتاعها ومرجعتش لدلوقتى


 - سيف وقد شعر ان العالم كله اظلم من حوله .... بتقولى ايه ؟؟! 


- رساله على تليفون سيف " الشاطر الى يضحك فى الآخر 


- سيف :- يا بن ال ورحمه ابويا ما هرحمك 


- حازم :- فى ايه يا سيف مالك


 - سيف :- عمر خطف آلاء .... الغبى ومن حسن حظى بعتلى رساله من الرقم ده ... اعرفولى هو فين فورا 


- حازم :- حالا 

*****************


- امممممممم .. امممممممم 


- عمر :- صح النوم يا قمر 


- آلاء :- اممممممم 


- عمر :- هشلك اللزقه بس بلاش صويت خليكى عاقله 


- آلاء :- انت عملت فيا ايه يا حيوان 


- عمر :- برجع حقى 


- آلاء :- حق ايه جاك كسر حوقك انت مجنون ... فوكنى وسيبنى امشى


 - عمر :- مش قبل ما نرجع لبعض 


- آلاء :- ده انت لو قتلتنى هنا مستحيييل ارجع لواحد انانى زيك


 - عمر :- هترجعلى ورجلك فوق رقبتك ... ومش هسيبك لحبيب القلب 


- آلاء :- انت مجنون وحيوان 


- عمر :- لمى لسانك بدل ما اقطعهولك 


- تقطع لسان مين يا روووووووح امك 

- عمر :- يا اهلا بالحكومه 


- سيف :- الحكومه دى الى هتعلمك الادب الى اهلك معرفوش يعلموهولك 


- ضرب نااار اشتغل 


- آلاء بصويت :- سيف حاسب


 - سيف :-  آلاء انتى كويسه 


- عمر :- نهايتك عل ايدى النهارده يا حضره الظابط 


- آلاء :- سييييييييييييييف لاااااااااء

يتبع

تعليقات



CLOSE ADS
CLOSE ADS
close