 |
نوفيلا رجل الصعيد للكاتبه اميرة جمال كامله

الحلقة 1
مرحب بيك ياولدى
وحشتنى اوووى ياجدى
وانت اكتر ياابنى تعالى معايا عايزك فى موضوع مهم
مش دلوقتى ياابوى غيث لسه راجع من السفر
واااه لازم يعرف ودلوقتى احسن
مش فاهم حاجه فى ايه ياجدى
الحكايه ياغيث ياولدى انى ناويت اجوزك لسديم بت عمك
انا مستحيل اوافق ان ابنى زينه الشباب كلها يتجوز الخاطيه دى اللى مرمطط رأسنا فى الوحل
(عقلى اتشل من الكلمة سديم خاطيه ازاى دى ست البنات كلهم مش مجرد بنت عمى الله يرحمه لا دى روح قلبى بحبها من وهى طفله اتولدت على أيدى كان عمرى خمس سنين لما اتولدت عاملتها زى ماتكون بنتى كنت بخاف عليها من الهوا الطاير واكتر حاجه كانت مطمنانى ان عوايدنا فى الصعيد مش بنطلع بناتنا لحد بره العيله فكنت مرتاح أنها ليا ولما كبرت ودخلت كليه الهندسه كان نفسي اصرف عليها من تعبى وشقايا فجالى شغل بره سافرت علشان ارجع اتجوزها ازاى امى تقول عليها خاطيه انا عارف أنها مش بتطيقها ماهى بنت نبيله عدوة امى الوحيده اللى بالنسبالها خطفت منها حب حياتها منصور والد سديم اكيد امى بتقول عليها كده من كيدها منها ومن امها بس مستحيل يكون غير كده انا عارف سديم كويس دى تربيتى أشرف بنت فى الصعيد كله )
روحت فين ياغيث
معاك ياجدى اسف سرحت شويه
قولت ايه فى اللى بقولهولك ده
انا قولتها مستحيل ابنى يتجوز واحده زى دى عشقت من ورانا وياعالم عملت ايه تانى يمكن سلمت نفسها للى عشقته كمان وماكملتش نجوى كلامها من القلم اللى نزل على وشها من جوزها حامد
متهيقلى كده اخدتى ردك يامرت ولدى ويلا من اهنا خلى الرجاله تتحدت خد مرتك ياحامد
حامد انصاع لأوامر أبوه واخد نجوى من ايدها وطلعوا فوق
(صدمتى ماكنتش هينه ابدا سديم عشقت غيرى وكمان انى بتشكك فى شرفها طيب ازاى ده حصل )
ماتفكرش كتير ياولدى انا هحكيلك كل حاجه اللى حصلت وانت مسافر
فوق فى اوضتها سامعه كل اللى بيحصل صوتهم عالى بتسمع كلامهم ودموعها نازله زى الشلال بتدعى على نجوى مرات عمها السبب فى اللى حصلها ده لفقتلها تهمه هى فى غنى عنها واتهمتها فى شرفها حاسه ان الدنيا جايه عليها علشان يتيمه متأكده ان مرات عمها مش هتسيبها فى حالها اتمنعت أنها تكمل دراستها وياعالم ايه تانى هيحصلها وهى فى تفكيرها سمعت اللى ريح قلبها وحسسها لسه فيه امل
ايه اللى سمعته؟؟؟
ايه اللى حصل مع سديم؟؟
نجوى هتسيبهم فى حالهم؟؟؟
الحلقة 2
غيث اتكلم مع جده أنه مستحيل ده يحصل وانه متأكد من أخلاق سديم هو اللى مربيها ومش هيسمح يتقال عليها كلمة خاطيه دى ابدا وهيتجوزها زى ما جده أمر وكتب الكتاب والدخله بعد بكره وانهى كلامه مع جده وخرج يقعد فى الجنينه
سديم سمعت كلامه وهى هتطير من الفرحه أخيرا حد نصفها ووثق فيها حست بشويه أمل جوه روحها مش بس غيث هيقف جنبها ويبقا راجلها ده مش اى حد ده حبيب قلبها من زمان السر اللى فضل جوه قلبها كانت حاسه بحبه ليها دايما كانت بتشوف فيه الأب والاخ والصديق وكمان الام كانت بتنسي معاه أنها يتيمه وكمان جدها دايما كان حنين عليها وواقف جنبها لولا المشكله اللى حصلت جدها قلب عليها وضربها بالقلم ودى كانت اكتر حاجه وجعتها ان جدها فقد الثقه فيها رغم أنه عارف كل حاجه هى متعوده أساسا تحكيله كل حاجه من وقت غيث ماسافر للشغل بره ومافهمتش موقفه منها كانت بتتمنى فرحتها تكمل ويكون ده خير ليها بس الله اعلم هيحصل اللى بتتمناه ولالا
غيث قعد على المرجيحة اللى كان دايما بيقعد عليها هو وسديم وكان بيفرح أنها مبسوطة وشعرها بيطير فى الهواء كان بيحس بالمتعه معاها والوقت معاها كان يتمنى مايخلصش ابدا وقطع تفكيره فى ذكرياته الكلام اللى سمعه من جده عن سديم
فلااااااااش بااااااااك
يلا ياجدى احكيلى ايه حكايه خاطيه دى
الموضوع ياولدى انا كنت قاعد فى المندرة مع ابوك بنتكلم فى الشغل وسمعنا فجأه صوت عالى جاى من ناحيه اوضه سديم وكانت امك نجوى هى اللى بتزعق لسديم ونازله عليها شتيمه طبعا طلعنا نجرى انا وابوك على فوق لاقينا سديم منهاره فى العياط وعماله تقول لامك انتى فاهمه غلط ماحصلش ومش قادرة تهدى قولنا نسأل امك عن الحكايه قالت أنها كانت نازله ومرت تتطمن على سديم ولسه هتفتح الباب سمعتها بتتكلم فى التليفون مع واحد وبتقوله ييجى يتقدملها بسرعه ويدارى عليها الفضيحه لان هنا عوايدنا تخلى اللى حوصل ده يبقا الدم للركب وسديم نفسها تبقا الله يرحمها وكل اللى على سديم ماحصلش راحت امك قالت نشوف تليفونها وأنها فعلا لسه مكلمه واحد وفعلا طلعت لسه مكلمه د.شهاب قالت انه للشغل ماهى دكتوره وفيه تواصل مع زمايلها روحت ضاربها وقفلنا الباب ومن وقتها ماراحتش المستشفى اتصلت اخدت اجازه وبعدها اخدت منها المحمول بتاعها
يااااااه ياجدى وقدرت تضرب سديم روح قلبك
غصب عني ياولدى امك استغلت الموجف وكانت بتتحدت بصوت عالى فيه خدم سمعوا وناس وسمعة بنت عمك بقت على كل لسان مش هيقطع لسانهم غير أنها تتجوز ونثبت شرفها
فهمت ياجدى وسديم هترفع رأسها لفوق فى البلد كلها
ربنا يباركلك ياولدى ريحت قلبى
فاق غيث من شروده وقرر حاجه جواه هتوجع قلبه بس طالما ده اللى عايزاه سديم وبتتمناه يبقا خلاص فى داهية قلبه
رجل_الصعيد
الحلقة 3
مر اليومين بسرعه وتجهيزات الفرح تمت على أعلى مستوى وطبعا على الطريقه الصعيديه لعيله الاسيوطى أكبر عيلة فى الصعيد كله اللى كبيرها الحاج جابر اسيوطى الجد الكبير للعيله تم عزومه اهل البلد كلها علشان الكلام اللى اتقال على سديم تتقطع ألسنة الكل عنها رغم نجوى اللى مش مبطلة كلام مع الحريم وبتحاول تبوظ الفرح لكن الحاج جابر مش هيديها فرصه لده يتم
غيث اخد سديم وطلعوا اوضتهم فى الدور اللى فوق والفرح وضرب النار شغالين تحت ونجوى طلعت معاهم ومش بتتحرك فضلوا ساكتين لحد ما حامد جوزها طلع ينادى عليها
جري ايه يانجوى هتدخلى مع العرسان اياك
الدخله هتبقا بلدى
(سديم الدموع ملت عينيها مش متوقعه ان ده ممكن يحصلها للدرجه دى مش واثقين فيها واكيد طالما بتتكلم بثقه كده يبقا غيث عارف اللى هيحصل علشان كده مااعترضش على وجود والدته معاهم يااااه حتى انت ياغيث خسرتك وقطع تفكيرها رد غيث على امه )
مين قال ياامى الكلام ده
انا اللى بقول ياغيث
الكلام ده مش هيحصل
ايه ياغيث عايز تعصى كلام امك
كفياكى يانجوى سيب الولاد فى حالهم والكلام خلص على اكده جبر يلم الشر وأصحابه ده كان صوت الحاج جابر اللى اقتحم القعده وطلب من حامد ياخد مرته نجوى وينزلوا تحت للضيوف وحامد انصاع لأوامر اابوه واخد نجوى اللى نزلت مش طاعة لكلام جابر ولكن قالتلهم هتستنى تحت تتأكد من شرف سديم مع الحريم والبلد كلها مستنين اللحظه دى وخرجت بعد مارمت الكلام وهى بتبص لسديم بشر وسديم دموعها خانتها ونزلت زى الشلال وجدها مااستحملش يشوفها كده كفايه انه مد ايده عليها قبل كده وهو متأكد أنها مظلومه فأخدها فى حضنه وفضل يطبطب عليها ويهديها وهى بتقوله أنها حست أنها فعلا يتيمه ونفسها تروح لباباها ومامتها وغيث قلبه وجعه على منظرها والكلام اللى بتقول هو بيحبها ومايستحملش عليها حاجه فضلوا كده لوقت قليل وسديم هديت والحاج جابر طالع من الاوضه وقال لغيث ارمى المنديل من الشباك ياولد وسابهم وقفل الباب ونزل تحت للمعازيم وأهل البلد
بصى ياسديم انا عايز اقولك حاجه مهمه
سديم بصتله وشاورتله انه يكمل كلامه
انا مش هاخدك غصب عنك انا عارف انك مش بتحبنى كزوج ليكى ممكن اخ مش اكتر وانى مربيكى على أيدى علشان كده انا هقعد معاكى فتره شهرين تلاته كده وبعدين هنطلق وهسلمك بنفسى لد .شهاب انا عارف انه كان هيتقدملك لولا تدخل والدتي والمشكله اللى حصلت دى كلها وانا مش هفرقكم عن بعض أبدا هنفضل عايشين مع بعض زى الاخوات
سديم كانت مصدومة من كلامه مش مصدقة اللى بيحصل بعد مافرحت ان حبيب عمرها بقا جوزها هو بنفسه اللى بيبعدها عنه ومش عايزها علشان كده فعلا سافر زمان كان عدم رغبه فيها زى مافهمت ماكنش تكوين لمستقبله و ماقال ماتجيش غير منك انت ياغيث ماقدرتش تتكلم مش هينفع تفرض نفسها عليه وهو مش عايزها اكيد بيحب واحده معينه وافتكرت لما إتصل من الخارج بجدها وقاله أنه هيرجع قريب علشان يتجوز الأميرة اللى سحرته اللى جدها يعرفها كويس وكان مبسوط وهو بيتكلم عنها وقد ايه بيتمنى قربها انا مش هبقا انانيه وهحرمه من حب حياته كفايه جدعنته معايا و وقوفه جنبى كتر خيره لحد كده ويمكن شهاب يطلع كويس من عارف
غيث لاحظ شرود سديم فهم أنها مبسوطة بقراره اللى اخده ده وأنها بتفكر اكيد فى شهاب وحياتهم مع بعض اكيد لو كانت بتحب غيث ربع حبه ليها كانت اتكلمت واعترضت وقالت أنها مش عايزه شهاب بس كده خلاص هى من نصيبه ربنا يسعدها وانا كفايه عليا الشهرين تلاته دول اللى هقضيهم وانا قريب منها ونفض اى تفكير من دماغها علشان يرجع للواقع
سديم بعد سكوت غيث فكرت انه بيشوف طريقه يجمعها بيها مع شهاب علشان يخلص من حملها وفاقت على اللى عملت وصرخت بصوت عالى سمعه اللى تحت
ايه اللى عمله غيث و خوف سديم؟؟
رجل_الصعيد
الحلقة 4
سديم صرخت أول ماشافت غيث مسك السكينه من على صنية الأكل وجرح ايده من فوق قريب من كتفه وأخذ منديل مسح بيه الدم و غطى ايده ووقف فى بلكونه اوضتهم ورمى عليهم المنديل وبيتكلم بأعلى صوت شرف سديم اهو يابلد مراتى لو جات سيرتها على لسان حد هقطعهوله ومش هيكلية فيه غير موته أيا كان مين اللى هيتكلم ودلوقتى كملوا الطبل والزمر وفعلا ارتفع صوت الطبل واستمر الفرح وهو دخل عند سديم اللى كانت ابتسامه مرسومة على وشها وسط دموعها اللى مغرقه وشها فاقت على صوت غيث وهو بيتاوه من الألم راحت بسرعه الحمام جابت صندوق الإسعافات الأولية ولد تطهر جرح غيث وربطتله دراعه بمهاره
ليه عملت كده ياغيث
علشان ماحدش يجيب سيرتك وتروحى لشهاب زى ماانتى من غير ماحد يقرب منك
مااقدرتش تتكلم وهى حاسه بالضيق من جواها لتكراره اسم شهاب قدامها نفسها تترمى في حضنه وتقوله أنها ماحبتش ولا هتحب حد غيره بس خلاص هو اللى مش عايزها
شكرا على انك خيطتى الجرح
انت اتعورت بسببى
مش بسببك ولا حاجه وكمان انتى شكلك شاطره اووى اتعاملتى مع الجرح بمهاره
ماتنساش انى دكتورة يابشمهندس
شكلك بتحبى شغلك قووى
جدا فوق ماتتصور كفايه انك بتخفف تعب الناس وتشوف فرحتهم لما يخفوا وهم بيتنططوا كده يااه ياغيث إحساس مايتوصفش
غيث كان فرحان وهو شايفها مبسوطة لتخفيف اﻵم غيرها هحبك ايه اكتر من كده بس يا سديم
غيث روحت فين
هاا معاكى اهو تحبى تيجى معايا مصر وانا نازل لشغلى ولا تقعدى هنا
لا انزل معاك طبعا وياريت لو توافق ارجع شغلى
موافق
احلف كده
والمصحف هههه
سديم ضحكت وقامت حضنت غيث وبعدها حست باللى عملته فاتكسفت واستأذنت هتدخل تغير هدومها وجريت من قدام غيث
هو ضحك عليها وإنها فعلا طفله وقام يصلى العشاء ولقى نفسه وهو ساجد بيدعى تلقائى ان ربنا يزرع حبه جوه قلب سديم وراح ينام من التعب
سديم خرجت من الحمام لقت غيث نام فضلت تتأمل ملامحه وبعدها راحت صلت ونامت جنبه على الطرف التانى من السرير
غيث صحي قبل سديم دقيقه وافتكر اللى حصل امبارح وأنها خلاص المفروض بقت ملكه فضل يتأمل ملامحها قد ايه هى جميله وبريئه مافيهاش غلطه زى مابيقولوا شبه الملايكه طبع قبله على جبهتها ودخل الحمام ياخد شاور
سديم حست ان غيث قرب منها فتحت عنيها مالقتش غيث جنبها سمعت صوت الدش عرفت انه بياخد شاور وابتسمت تلقائى اول ماافتكرت ان غيث ممكن يكون قرب منها كفايه عليها أنه كان نايم جنبها وحاسه بالأمان فى وجوده جنبها بعدها غيث خرج وهى دخلت اخدت شاور ونزلوا يفطروا مع العيلة
جابر:ايه ياعرسان يعنى نزلتوا كده كنت هبعتلكم الأكل فوق
نجوى:ماشاء الله خلتيه يطفش منك من اول يوم ياعروسه
غيث:مسك ايد سديم وضغط عليها علشان يطمنها وبص لمامته وقالها حد يطفش من القمر ده برضو ياماما انا اللى قولت لسديم ننزل تحت نفطر معاكم علشان انتوا وحشتوني مالحقتش اقعد معاكم
جابر:اقعد ياولدى أنت ومرتك افطروا
بقولك ياجدى انا هنزل مصر من بكره علشان الشركه و بفتتحها وهاخد طبعا سديم معايا
نجوى:لا مرتك هتقعد هنا انا ناسي ان شهاب ده فى مصر ولاايه ولا عايز تحط النار جنب البنزين
جابر:لمى لسانك يانجوى لاقطعهولك اظن امبارح اتاكدتى من شرف سديم وهى هتسافر مع غيث جوزها الست تروح مع جوزها فى اى مكان والكلام انتهى على كده
نجوى بصت اتجاه سديم بشر وسكتت وهى بتخطط ان نزول سديم مع غيث مصر مش هترجع معاه تانى وافتكرت حاجه وابتسمت بشر
ياترى ايه اللى هيحصل لسديم فى مصر؟؟؟
خطة نجوى هتنجح ولا هتتكشف؟؟
رجل_الصعيد
أميرة_جمال🌸💛
الحلقة 5
غيث وسديم استعدوا للسفر وسلموا على العيله ومشوا فضلوا ساكتين طول الطريق وبعديها وصلوا لفيلا غيث وطلعوا على اوضتهم
ماينفعش يبان قدام الخدم إننا مش أزواج طبيعين
طيب هنعمل ايه
احنا قدامهم هنقعد عادى وندخل اوضتنا هنا وفيه الباب ده بيدخل على الاوضه التانيه جنبها وماحدش هيعرف حاجه والصبح هننزل من هنا مع بعض ونتصرف قدامهم عادى خالص
تمام كنت عايزه يعنى....
عارف تنزلى الشغل
لو انت موافق
موافق ياستى ممكن من بكره لو عايزه
بجد متشكره اوووى
العفو تحبى تقعدى هنا ولا الأوضة التانيه
انت أوضتك فى الأساس أنهى واحده
اللى احنا فيها دى اوضتى
اممم لو فاكر انى ذوق وكده وهقولك خدها علشان بتاعتك تبقا غلطان انا هاخد دى عجبتنى
هههههه ليه الطمع ده
هو كده وسرحت سديم فى ابتسامه غيث ووسامته وقد ايه هو جميل وكل ملامح الرجولة فيه
ايه مالك سرحانه فى ايه
فى ابتسامتك
رفع حاجبه وقرر يجاريها وهى سرحانه كده...مالها حلوه
حلوه بس دى حلوه اوووى
وايه تانى عجبك فيا
كلك
كلى عاجبك؟؟
فاقت سديم واخدت بالها من كلامها....يلا بره ياغيث على أوضتك
علفكره دى اوضتى
كانت يابابا
مين اللى بتتكلم دى سديم الهاديه القطه المغمضه
لا منا بتحول عادى
لا ده انا شكلى اتخميت فيكى بقا
اه ماانت ماتعرفش عنى حاجه مسافر قاديلك كتيير
(غيث مارضيش يقولها أنه يعرف عنها كل حاجه من جدها لأنه حابب يسمعها وحشه طريقة كلامها وجنانها ووصفها الأحداث) طيب ماتحكيلى انتى
مهتم تسمع ده انا هدوشك
حابب دوشتك
طيب ناخد شاور ونعمل قهوه ونقعد فى البلكونة
موافق بس هنتغدى الأول قبل القهوه وبعدين اعملك انا أحلى قهوه ياستى ونقعد للصبح
موافقه جدا اتفضل بقا على أوضتك
حاضر ياستى سلام
سديم كانت فرحانه جدا ان غيث مهتم يعرف أخبارها وأخيرا اتكلموا مع بعض من غير مايجيب سيرة شهاب وتحس أنها عبء عليها كانت الدنيا مش سيعاها ونفسها غيث يحس بيها ويعرف ان شهاب مش فى دماغها وفكرت في طريقة توصل بيها ده ليه لازم يلغى شهاب من تفكيره
غيث كان مبسوط بكلام سديم عليه لما سرحت فى ضحكته ووصفها لابتسامته وافتكر كسوفها لما فاقت وركزت فى كلامها وطردها ليه وابتسم تلقائى وهو بيدعى تكون من نصيبه للأبد وتنسي شهاب
غيث طلب من دادة حوريه أنهم يجهزوا الغداء هو بيعتبرها زى والدته واكتر من ساعه مانزل يدرس فى كلية هندسه فى القاهره وهى معاه تعرف عنه كل حاجه حتى لما سافر طلب منها ترتاح وخلى مرتبها ماشى زى ماهو
انتى سديم
اه وحضرتك
انا حورية يابنتى شغاله هنا و....
قطع كلامها غيث انتى مش شغاله هنا يادادة انتى صاحبة البيت ده انتى مربيانى
ربنا يعزك ياابنى
ويخليكى ليا يا داده هتدوقى بقا ياسديم أحلى اكل فى حياتك من داده حوريه
يا سلام يا بكاش ممكن كريمة اللى طبخت ولا منى مش انا يعنى
لا طبعا مااهونش عليكى بعد الغيبه دى كلها اكيد اول أكلة هتكون من ايدك
بتثبتنى يا واد يا مهندس
وانا اقدر
طيب يلا على السفره انا ومراتك
حاضر يلا ياسديم
شكلك بتحب دادة اووى
جدا فوق ماتتخيلى
يابختها
ليه هو فيه حد تانى عايزنى أحبه
احم يلا الأكل هيبرد
هههه يلا
وأحلى قهوة لسديم الدكتورة
تسلم ايدك ايه الدلع ده كله
علشان اول يوم بس لما تعرفى كل حاجه فى الفيلا انتى اللى هتعملى
لازم تصدمنى كده طيب اضحك عليا فى الأول
هههههه حاضر المرة الجايه يلا احكيلى بقا من وقت غيابى اول ماسافرت عملتى ايه
بص ياسيدى..........
(غيث هيتفاجأ من اللى هتحكيه سديم وهيخلى عنده امل جديده....ايه هو اللى هتقوله سديم لغيث تفرحه بيه ويا ترى هى كمان هتلاقى عنده حاجه تفرحها؟؟؟؟؟؟
رجل_الصعيد
أميرة_جمال💛🌸
الحلقة 6
يلا ياستى عايز اسمعك
بص ياسيدى فيه أحداث كتير تبع والدتك طبعا وأنها مش طيقانى مش عارفه ليه لحد دلوقتى ماحدش راضي يقولى السبب بس انت هتقولهولى تمام ده مبدأيا يعنى و انت عارف اني دخلت كلية الطب والحمد لله اتخرجت وبتقدير كمان اتعرض عليا أكون معيده فى الجامعه بس انا ماحبتش ده انا اصلا كان نفسي ادخل طب واطلع دكتورة علشان اخفف الام الناس والحمد لله ربنا حققلى ده فمش هضيعه من ايدى ولما ربنا يكرمنى كده هفتح عيادة مجانيه عندنا فى البلد
وبالنسبة للحياة العاطفية
مافيش بحب واحد كده من زمان اووى من سن المراهقه كده بس هو مش حاسس بيا وسمعت من فتره انه هييجى يتجوز فتقريبا عنده واحده معينه فى دماغه وانا حقيقى بتمناله الخير من كل قلبى ويتجوز اللى تستاهله بس وبعدها شهاب دكتور زميلى فى المستشفى هو أكبر منى ب3سنين كده قالى انه معجب بيا لما قولتله ماليش فى الكلام ده قالى خلاص هيتقدم واليوم اللى مامتك دخلت عليا كان بيكلمنى ياخد منى ميعاد علشان ييجى يقابل جدو
ومش مستنى لما يشوفك فى المستشفى
هو كان بيكلمنى عن حاله الأول تعبت وانا متبعاها دى الحاله بتاعتى فلازم أتابع كل تطوراتها وسأل عن الميعاد بالمرة بقا
استنى بس
ايه
يعنى انتى مش بتحبى شهاب
تؤتؤ
احلفى كده
والمصحف
ههههههه ايوه بقا ياشيخه
ليه ده يهمك
اه قصدي يعنى علشان وجودى مايبقاش مضايقك
لا ماتقلقش عادى
عادى طيب يااختى قومى من هنا على أوضتك
بس انت فى اوضتى أصلا
ايه الكسفه دى طيب انا ماشى وابقى اغسلى الفناجين بقا
هههههه طيب مش هتحكيلى انت كمان
بكره عايز انااااااام
خلاص عرفت انك عايز تنام تصبح على خير
وأنت من أهله
غيث دخل الاوضه وهو مبسوط وبيلف حوالين نفسه من الفرحه كده أتأكد إنها مش بتحب شهاب وبتحب حد من أيام المراهقة وهى ماكنتش تعرف غيره هو ماكنش بيسمحلها تكلم حد غيره يعنى ممكن يكون هو وقرر ينام ويحلم بيها

سديم حالها ماكنش أقل من غيث فضلت تتنطط على السرير وبعدها افتكرت انه فى الاوضه جنبها فقعدت بهدوء وهى حاضنه دبدوبها فرحانه بالوقت القليل اللى قضته مع غيث ونفسها توصل لقلبه
ايه الأخبار
لسه ماجتش المستشفى
ليه عاد
الله اعلم والله ماقالتليش
ماتتحشم جبر يلمك
حاضر بس انا لسه ماشوفتش منك حاجه
مش لما تعمل اللى قولتهولك الأول
لا حقى الأول ايه ضمنى
واااه مش واثق فيا اياك
هو انا اعرفك قبل كده
مش بنى اءدم صحيح
الحال من بعضه
وااااه لولا المصلحة كنت طخيتك عيارين
هااا الفلوس ولا
هبعتهوملك
ايوه كده اللعب يحلو الله يرحمك ياسديم
هو ده اللى انا عايزاه
هيحصل ياست الكل اول ماهى توصل سلام
مع السلامه
صباح الخير
صباح الفل ياكسيل
ايه ده كله صاحيه من امتى
من الفجر
ياااه ليه كده
صليت وجهزت نفسي وجهزت الفطار
ياااه على النشاط شكل الأكل تحفه
اى خدمه ماتتعودش يلا خد شاور بسرعة
حاضر لقمة بس
ضربته على ايده يلا علشان توصلنى للمستشفى
هتنزلى النهارده
اه ان شاء الله كفايه اجازه كده واعمل حسابك بعد كده تصحى الفجر معايا
ليه رايح الجيش
لا هنصلى سوا
وانا موافق ماتعطلنيش بقا علشان الحق اخد شاور واوصلك
ماشى يلا انت لسه واقف
طيب طيب اهو ربنا على الظالم والمفترى
سمعاك هااااا
مش بقول حاجه
غيث وصل سديم للمستشفى وراح الشركة يشوف شغله واتفق معاها هيعدى عليها ياخدها من الشغل
اول ماشافها عند باب المستشفى عنيه بقا لونها أحمر من الغضب من اللى شافه
ياترى ايه اللى شافه غيث خلاه اتضايق وهيعمل ايه مع سديم؟؟
رجل_الصعيد
أميرة_جمال🌸💛
الحلقة 7
غيث شاف سديم واقفه مع شهاب عند باب المستشفى فاتحرك ناحيتها وعنيه كلها غضب هى خافت منه من شكله ورجعت ورا خطوتين هو ضحك لما شافها عملت كده تلقائى وبص لشهاب بغضب واخد سديم فى ايده ركبها العربيه جنبه قدام واخد هو مكان السواق واتحرك
طول الطريق غيث ساكت بيسوق بسرعه وسديم ملتصقه فى الباب جنبها وهو بيزيد فى السرعه من غير كلام
هو انا كنت خايفه تزعقلى بس الحمد لله اتطمنت كده هتموتنى
...............
طيب ممكن اتغدى الأول وبعدين نموت علشان جعانه اووى
..............
طيب انا بخاف من السرعة العالية دى
............
والمصحف هعيط
........... استنى خلاص ماتعيطيش اهدى هوقف
.............
بتعيطى ليه دلوقتى
.........
ايوه بتقلدينى وتسكتى زيى يعنى
.......
بت اتكلمى هضربك
جعااااااااانه
يخربيتك اسكتى هتفضحينى
هتأكلنى
اه والله هوديكى مطعم حلو اووى هيعجبك
ياريييييت
مفجوعه ياربى يلا قدامى
هيييه
طفلة ياربى بعشقك
يلا واقف بره ليه ماتركب ولا رجعت فى كلامك
حاضر يلا
ايه الأخبار
لسه واصلة المستشفى النهارده
مانفذتش ليه
ماينفعش علطول كده هتشك لازم تقعد فتره وترجع لطبيعة شغلها
ايوه فتره قد ايه يعنى
أسبوع بالكتير بإذن الله وهنقضى عليها
ياريت لو ينفع امبارح كان يحصل اتمنى
ماتستعجليش ياست الكل كله بأوانه بس ياريت فلوس كده تحت الحساب
انت خدت فلوس قبل كده الباقى بعد ماتنفذ مش هرمى فلوس على الارض فاكرنى هبله اياك
لا لاسمح الله هو حد زيكم سلام يا ياناصحه
سلام كك بو هانت ياسديم وأخلص منك ويخلص طارى وياكى
سديم كنتى واقفه مع شهاب ليه قدام المستشفى
ياغيث ده زميلى وشغل هنتقابل علطول
انتى قولتيها شغل يعنى جوه المستشفى مش بره
احنا كنا واقفين قدامها
برضو بره بتعملوا ايه هاااا
ليه انت بتغير
هاااا
سديم وهى بتقرب منه بتغيير
سديم ماتخرجنيش من الموضوع بتعملوا ايه برره
هو نادى عليا وانا طالعه استناك بيقولى نفكر فى موضوع جوازنا
جواز مين نععععععم يااختى عايز يتجوزك وانتى مراتى
هو اللى قال كده والله
وانتى قولتيلوا ايه
مالحقتش ارد انت جيت واخدتنى
بصى ياسديم انتى هتتنقلى من المستشفى دى
بس ياغيث المرضى اللى بتابع حالتهم
سلميهم لحد تانى
طيب اخلص معاهم الأول فترة علاجهم بتتكلم بحزن وعنيها هتدمع بتحب تخلص شغلها على أكمل وجه وكمان بتصاحب المرضى علشان تخفف عنهم
غيث حس بحزنها فابتسم وقالها خلاص ماتزعليش كده تقدرى تخلصى علاج للحالات اللى معاكى على امتى
أسبوع بالكتير والله
خلاص ياستى بعدها انقلك مستشفى قريبه من شغلى
موافقه شكرا جدا
اى خدمه ماتزعليش انتى بس
ماتحرمش منك ياحبيبى
انتى قولتى ايه
ماتحرمش منك
اللى بعدها
ماقولتش
لا قولتى ياحبيبى صح انتى بتحبينى ياسديم
بدأت الدموع تتجمع فى عنيها وسابته دخلت اوضتها وقفلت الباب عليها بدأت تعيط وغيث بيخبط عليها وسامع صوتها وهى بتعيط وهى مش بتفتح
ايه اللى هيحصل مع غيث وسديم؟؟
ايه اللى هيتغير فى حياة سديم بعد أسبوع ؟؟
هعوضكم فى حلقة بكره ان شاء الله💛
رجل_الصعيد
أميرة_جمال🌸💛
الحلقة 8
ارجوكى يا سديم افتحى
.......
طيب بالله ماتعيطى
.......
هكسر الباب
سديم حست بيتكلم جد ففتحت الباب بسرعه
غيث فضل باصصلها وهى دموعها نازلة وباصه فى الأرض مش عارفين مر عليهم وقت قد ايه فى سكوت لحد ماغيث شدها لحضنه وهو بيطبطب عليها وهى هدت وحست بالأمان معاه وكان نفسها الوقت ده مايعديش ابدا
ممكن اعرف بتعيطى ليه
علشان ده مش من حقى
اللى هو ايه
انى
انك ايه هاا
ولا حاجه
لا هتقولى
انى احبك ياغيث اه انا بحبك من زمان اوووى من طفولتنا اتمنيت تكون زوجى بس انت خذلتنى مرتين أول مره لما سافرت وسبتنى حسيت انك بتهرب منى مش عايزنى والمره التانيه لما قولت ان فيه واحده بتحبها وقولت لجدو هتيجى تتجوزها يعنى انا مش فى دماغك اصلا قلبى وجعنى اووى فى المرتين دول حسيت ان قلبى اتكسر فقررت انى هنساك خالص واشوف حياتى زى ماانت شوفت حياتك
علشان كده لما شهاب اتقدملك مااعترضتش كنتى عايزه تنسينى
اه
كك اوه هل انتى عبيطه يابنتى ردى عليا والله
انت اهبل يلا
فيه دكتوره محترمه تقول لجوزها يلا
وبالنسبه لاهبل مالفتتش نظرك خالص
لا خالص
طيب امشى من وشى بقا بوظتلى لحظه النكد
حبيبتى انتى كلك نكد
انت قولت ايه دلوقتى
انتى كلك نكد
يااخى عبوشكلك اللى قبلها
مش فاكر
لا قولت حبيبتى
لما انتى سمعتى بتصدعينى معاكى ليه
يعنى انا حبيبتك
اه لو كنت انا حبيبك
اه شفقه يعنى علشان ماتكسرش قلب بنت عمك
يابنتى انا قولت انك عبيطه من بدرى
بص لم لسانك
لا علشان انتى فعلا عبيطه ترجمتى كل حاجه من وحى خيالك من غير ماتسألى او تفكرى
يعنى ايه مش فاهمه
هفهمك علشان للاسف بحبك انا بعشقك عارفه يعنى انتى كل حياتى اصلا انا سافرت علشان اشتغل وابقى استاهلك فعلا مش علشان فلوس العيله وقولت أحفظ قلبى من حبك ماكنتش قادر تبقى قدامى كده علطول ولما قدرت اكون نفسي قررت ارجع علشانك ابقى معاكى اخدك فى حضنى واحميكى من اى حاجه واى حد يفكر يأذيكى وعرفت جدى انى راجع علشان اخطبك انتى وبس اتصدمت من اللى حصل وان عريس متقدم وانتى موافقه عليه يعنى انا ماكنتش فى دماغك خالص ولا عديت على قلبك واتوجعت اكتر منك بس قررت اعمل اللى يريحك واسلمك للى بتتمنيه
مش عايزه غيرك
وانا والله ومافيش طلاق طبعا والكلام الفاضى ده
اه مافيش ده انا اقتلك
انا بقول بقا ننقل هنا مع بعض
انا بقول كده برضو
هنبقى زوجين طبيعين أخيرا
اه
تعالى بقا فى حضن غيث حبيبك
حاضر هههههه
وبدأوا حياتهم زى زوجين أخيرا وبقوا مع بعض
ايه ياسديم يعنى خارجه بدرى النهارده
خلصت شغل خلاص ياندى هروح اعدى على غيث اعملهاله مفاجأه فى الشركه
اه ياستى الحب وسنينه
قرى بقا
لا خمسه فى وشى اهو هههه
هههههه ايوه كده يلا سلام ياقمر
سديم راحت لغيث الشركه مالقتش السكرتيره فدخلت علطول واتفاجأت باللى شافته و عنيها بقا كلها شر
ايه اللى سديم شافته؟؟
رجل_الصعيد
أميرة_جمال💛🌸
الحلقة 9
سديم شافت ليلى السكرتيره وهى سانده ايديها على ايد غيث وكعب جزمتها اتكسر دخلت مسكت ايديها وزاحت غيث بعيد عنها
اسندى عليا انا ياحبيبتى سلامتك
شكرا أصل كعب جزمتى اتكسر
اه ياحبيبتى اكسرى التانى علشان ماتمشيش تلقى
افندم
اللى سمعاه يااختى ولا واقعه على ودانك
اطلعى انتى ياليلى على مكتبك
حاضر يابشمهندس
تعالى يا سديم رايحه فين
مروحه
جايه فى ايه وماشية فى ايه
معلش قطعت عليك اللحظه الرومانسيه
ايه اللى بتقوليه ده بس
اللى شوفته
كعب جزمتها اتكسر وسندت فجأة عليا اسيبها تقع
ياحنين لاازاى مايصحش
بس ايه القمر ده
غييييث ماتثبتنيش
احلى غيث فى حياتى والله
همشى
وانتى مقموصة كده
مش مقموصة
ولا 111 دى ايه
ماتضحكنيش
اخيرا الشمس طلعت
اه يااخويا
اخوكى ايه بس ياشيخه حرام عليكى خسارة فيكى كنت هعزمك فى مطعم
لالا خلاص يلا
يابنتى انتى وخدانى علشان اكلك بس داخله على طمع يعنى
بصراحه اه يلا بقا ولا رجعت فى كلامك
لا طبعا وانا اقدر يلا بينا
(موبايل سديم رن وكان تليفون من المستشفى)
ده من المستشفى ربنا يستر
حالة مستعجله طيب وباقى الطقم فين
...........
طيب اديها حقنه....لحد مادكتور شهاب يوصل
........
خلاص انا جايه حالا
ايه خير
حاله مستعجله لسه واصله حالا فى حادثة وفيه دكاتره فى العمليات ودكتور شهاب بره المستشفى
مافيش حد تانى غيرك
تقريبا مش متاح حاليا معلش ياحبيبى لازم امشى
طيب هوصلك واستناكى لما تخلصى
ممكن أتأخر خلص انت شغلك اللى كنت هتأجله وبعدين عدى عليا
تمام خلى بالك من نفسك
حاضر
(قدام باب المستشفى )
شهاب كنت فين فيه حاله مستعجله
اه عرفت كنت بجيب حاجات ناقصه من المستشفى معايا فى العربيه تعالى ساعدينى ندخلها علشان نلحق المريضه
تمام يلا
سديم اول ماقربت من العربيه شهاب رش عليها مخدر واتحرك بالعربيه وخدها معاه
عند غيث جاله تليفون مهم اخد مفاتيح عربيته وساب الشركة وطلع يجرى
ايه اللى هيحصل لسديم وغيث بيجرى ليه؟ ؟
رجل_الصعيد
أميرة_جمال🌸💛
الحلقة 10 الأخيرة
انا فين
اهلا ياقمر
شهاب انت عملت ايه
ابدا خطفتك على هنا
ليه عايز منى ايه
عايزك
انت زباله وحيوان
منا عارف ياقمر بصى بصراحه انا اللى متفق معايا على انك تتصورى معايا كده كام صورة قمر وابعتهم لجوزك انا هعمل ده فعلا علشان احلل الفلوس اللى أخدتها وبعدين هاخد اللى انا عايزه منك
مين اداك فلوس علشان تعمل كده
مش لازم تعرفى
لا لازم اعرف مين بيكرهنى كده وعايز يموتنى بالحياة
طيب حماتك او أقول مرات عمك بس بصراحة هى طلبت انى ماالمسكيش كانت عايزه تحافظ عليكى برضو طبعا مش مرات ابنها
انت بتكذب هى اه بتكرهنى بس مش للدرجه مستحيل تعمل ده
لا عملت يادكتوره ومش وقت كلام بقا خلينا فى الفعل وبدأ يقرب منها
ابعد عنى ياحيوان انت وبدأت سديم تصرخ وفجأة دخل غيث وهجم على شهاب وبدأ يضرب فيه لحد ما شهاب اغمى عليه وهو بينزف دم من بوقه وغيث رماه على الارض وجرى ناحية سديم
انتى كويسه
غيث قول ان شهاب كداب وطنط نجوى مش هى اللى أجرته
اهدى ياسديم يلا بينا نمشى من هنا وبدأ يفكها وشالها طلع بيها بره المخزن وركبها العربية وبدأ يتحرك بالعربية
هى ليه بتكرهنى كده
هنعرف كل حاجه يا سديم المهم انك بخير
انا مش بخير وانا عارفه ان أهلى فيهم حد عايز ياذينى وبيتمنى موتى ودخلت فى نوبة بكاء
غيث اخدها فى حضنه وبدأ يهديها لحد مانامت وكمل طريقه للصعيد
ايه ده انا فين
فى بيتنا ياحبيبتى عامله ايه دلوقتى
الحمد لله ايه اللى جابنا هنا
جدى تعالى ننزل نشوفه هو اللى طلبنا كلنا
حاضر يلا
عامله ايه يابنتى
الحمد لله ياجدى عايزه افهم مرات عمى هى اللى عملت فياكده
عملت ايه فيكى ياسديم
أسألها ياعمى كانت عايزه تضيع شرفى
البت دى كدابه
شهاب اللى قالى كده
اه الواد بتاعك اللى ماشية معاه وقطع باقى كلامها قلم نزل على خدها من حامد جوزها
اياكى تغلطى فى بنت أخويا دى شرفى ولحمى ودمى اللى يجيب سيرتها ادفنه بالحياة
ساكت ليه ياجدى ماتتكلم
هتكلم ياغيث مستنى امك الحربايه دى تسكت
سكتت ياابوى ولو فتحت بوقها هدفنها مكانها اتحدت براحتك
اسمعونى كلكم ومش عايز حد يقاطعنى جاتنى سميحة فى يوم قالتلى أنها سمعت نجوى بتكلم واحد اسمه شهاب وبيشتغل فى مستشفى فى مصر وبتتفق معاه على فلوس هتبعتهاله وواضح من كلامها أنها مش اول مرة تبعتله فلوس وبتتفق معاه ان بعد أسبوع هينفذ حاجه وفهمت ان فيه بنت فى الموضوع وأنها هتتصور ويتبعت صورها لجوزها وفهمت طبعا من الكلام ده ان ده دكتور شهاب اللى كان هيتقدم لسديم وإنها البنت اللى هتتأذى اكيد فبعت واحد على مصر يراقب شهاب ده ويتابع حركاته وواحد تانى ورا سديم علشان لو حصلها اى حاجه يتصرف واليوم اللى اتخطفت فيه طبعا الراجل بتاعي اول ماشاء سديم اغمى عليها وشهاب اخدها فى عربيته اتصل بيا فورا وطلع وراهم وبعدها انا اتصلت بيك ياغيث علشان تلحق مراتك بس على كده
انتى طالق يانجوى
ابوى
ايه ياغيث مش كفايه لحد كده واكرام ليك ياولدى هبعتلها مصاريفها لحد بيت ابوها شهريا وعايز تزورها براحتك دى امك بس خلاص بالنسبالى انتهت على كده يلا اطلعى لمى خلجاتك يا نجوى
ماشى هرجعلكم تانى وهدمركم
يلا ياحربايه من هنا
ماشي يا حامد هتندم
غورى انا رايح الأرض ياابوى اشوف شغلك
روح ياولدى ربنا يكرمك يا حامد
الله يخليك ياابوى
وانت ياغيث اقعد هنا فى البلد انا وسديم غيروا جو وبعدين ارجعوا على شغلكم وحياتكم وابدأوا بنضافه ياولدى
ربنا يخليك ياجدى
ويخليكى يابنتى ويرزقكم الذرية الصالحه شد حيلك ياغيث
حاضر يا جدى هاخد سديم بقا
على فين
نجيب الذرية الصالحة وأشد حيلى سلام وطلع يجرى هو وسديم
...........تمت بحمد الله...............
👈👈👈رجل_الصعيد👉👉👉
💚💚💚أميرة_جمال💚💚💚


