رواية سجينة القصر الحلقة السابعةوالثامنة عشر بقلم علا السعدني حصريه وجديده على مدونة النجم المتوهج للروايات والمعلومات

رواية سجينة القصر الحلقة السابعةوالثامنة عشر بقلم علا السعدني حصريه وجديده على مدونة النجم المتوهج للروايات والمعلومات 

نظر له (زين) بحدة ثم وضع يده مكان اللكمة وهو يقول

-وانت تدخل ليه بين واحد وخطيبته

شعرت (فريدة) بالأطمئنان حين رأته فإجاب (شريف)

-ومين قال انك خطيبها اصلا هو بالعافية

-ومين قالك انه بالعافية ؟

نظر (شريف) ل (فريدة)

-اتكلمى ردى انتى موافقة ع الإنسان ده !!!

صمتت (فريدة) فقاطع (زين) ذلك الصمت وقال

-انت ايه اللى جابك هنا من اصله ؟!

-جاى عاوز (فريدة) واطمن عليها ولا حاطين يافتة مكتوب عليها ممنوع الزوار

عوج (زين) فمه فقالت (فريدة)

-لو سمحت يا (زين) سبنى مع (شريف)

-ازاى يعنى ؟!

-انا هشوفه عاوز ايه سبنا لوحدنا بقى

نفخ (زين) ودخل داخل القصر فظلت (فريدة) تنظر إلى (شريف) بصمت وبادلها هو النظرة كانت اعيناهم تشتاق إلى بعضهم البعض ابتلعت ريقها وبدأت فى الحديث

-جاى ليه ؟!

-اطمن عليكى ٠٠ انتى صحيح موافقة ع الخطوبة دى ؟!

-بابا مصمم

-قولتلك يا (فريدة) اتجوزك ومحدش هيقدر يأذيكى مش عاوزة ليه تسمعى كلامى

ابتلعت ريقها فهى تريد ذلك فلم تشعر بالراحة مع اى رجل غيره ولكنها تذكرت انه يشفق عليها يريد فقط مساعدتها فقالت

-مش هينفع

-ليه ؟!

-انت خاطب

-ملكيش دعوة بخطيبتى انا هفهمها الظروف

صمتت (فريدة) وعلمت انها ع حق سيفهم خطيبته الظروف !! اى ظروف انه يشفق عليها انه يريد فقط مساعدته فنظرت له وعقدت يدها عند صدرها

-لا شكرااا اصلا (زين) مش سئ للدرجة هو فى كم حاجة هحاول اغيرهم

-انتى شايفة كده يا (فريدة)

-ايوة

نظر لها (شريف) بشدة ثم قال

-ليه بتقطعى كل صلة ممكن تربطنا

-عشان معادش فيه صلة من اصله

-براحتك يا (فريدة)

تركها وغادر من بوابة القصر بينما كانت عيناها عليه نزلت الدموع منها ولكن ماذا ستفعل ؟!! فهى تعلم ان تلك هى النهاية

*****************

دخلت (فريدة) إلى القصر فوجدت (زين) ينتظرها وعيناه حمراء فنظرت له وهى خائفة ثم حاولت ان تتلاشى تلك النظرات وتصعد لغرفتها بالإعلى فقال بصوت قوى

-استنى هنا يا هانم ٠٠

فوقفت (فريدة) وهى خائفة ومرتبكة فنظر لها بشدة

-قلت استنى هنا

فنظرت له

-هو انا عملت حاجة ؟!

فإقترب منها ومسك ذراعها بقوة ثم ابعدها بقوة عنه فهوت ع اقرب كرسى وهى خائفة وقال والشرار يتطاير من عينه

-لما تبقى مع خطيبك وتطلبى تتكلمى مع راجل تانى يبقى انتى متربتيش ولا شوفتى تربية وانا هربيكى

فنزلت الدموع من عينها

-انا قولتله يبعد عنك وعنى ده كان قصدى معملتش حاجة بجد مكنش قصدى اللى انت فهمته

-ده انتى هتشوفى

ثم امسكها من طرحتها ومسك رأسها بقوة وظل يضربها وهى تبكى وتقول

-حرام عليك يا (زين) انا معملتش حاجة

-انتى لسه شوفتى !!

وظل يضربها بعنف ويصفعها ع وجهها حتى سمعت صوتها (سعاد) فركضت نحوها واحتضانتها ونظرت ل (زين) بعناد

-انت ازاى تعمل فيها كده ؟

-انتى ملكيش دعوة انا بربيها

-(فريدة) متربية احسن منك

ظلت (فريدة) ترتعش من الخوف وهى فى حضن مربيتها وتقول

-متسبنيش يا دادة ارجوكى متسبنيش

فإوقفتها واخذتها معها وقالت

-انا هقول لابوها ع اللى انت عملته ده

-ابوها لو قادر يمشى كان كسر عضمها

فصعدت بها (سعاد) إلى غرفتها ابدلت (فريدة) ملابسها ثم ذهبت إلى الفراش ودثرت نفسها به فإقتربت منها (سعاد)

-متخافيش يا (فريدة)

-ارجوكى يا دادة اقفلى الباب عليا بالمفتاح وسبينى انام انا مش قادرة اقعد عاوزة انام

فهزت (سعاد) رأسها بالإيجاب ونفذت ما قالته وتركتها وحيدة ظلت (فريدة) تبكى بشدة وشعرت بالحزن حتى غلبها النوم

***************

بينما كان (شريف) فى مكتبه فى الشركة يشعر بالغضب وطلب من (فادى) إن يأتى مكتبه وما هى إلا دقائق حتى طرق باب مكتبه فقال

-ادخل

فدخل (فادى) تنهد (شريف) ثم قال

-انت طبعا فاكر (فريدة)

فهز رأسه بالإيجاب وهو يقول

-ايوة

-انت الوحيد اللى ممكن تدخل القصر ومتعملهاش مشاكل عشان كأنك بتزور والداتك

-طب وده كله ليه ؟

-ابن عمها وحش جدا ومش مستريح له و (فريدة) إنسانة رقيقة مش هتعرف تتعامل مع الإشكال دى

شعر (فادى) بالضيق فهو لديه خطيبة لما لا يفكر بها ويفكر بإخرى ثم هز رأسه بالإيجاب وانصرف خارج مكتبه وكان يمشى فى الممر فقابل (ريم) حاول تجنبها ولكن عندما رأته قالت

-(فادى)

فوقف (فادى) وهو يقول

-افندم عاوزة ايه تانى ؟

-انا مستعدة اسيب (شريف) بس وافق انى اكلمك

فرفع جاجبه

-يااااه للدرجة !! مع ان الفلوس عندك اهم حاجة ٠٠ انا محلتيش حاجة

-طب ما توافق ابقى معاك ومعاه

فعوج فمه وقال

-تعرفى انتى وهو لايقين ع بعض

وكان سينصرف فقالت

-استنى هنا

-ايه تاااانى !!!!

فوقفت امامه

-طب عاوز ايه وانا انفذه ؟! اسيبه طيب ٠٠

-تنفذى ايه بس انا مش عاوز حاجة

-طب ليه مش عاوز تدينى رقمك

-وهتكلمينى ليه مينفعش

-طب اعمل ايه ؟!

-ولا حاجة تدخلى عند خطيبك عشان المرة اللى جاية هقوله يا (ريم) وتبقى خسرتى كل حاجة لا حب

ثم نظر لها بإشمئزاز وتابع

-ولا فلوس

ثم تركها وذهب فى طريقه فظلت هى تنظر له ثم حدثت نفسها قائلة

-هتشوف هتشوف يا (فادى) هتجيلى

******************

قررت (هنا) ان تذهب إلى (فريدة) فقد افتقدتها بشدة ارتدت ملابسها ثم نزلت وهى تخرج وجدت (كمال) يدخل

-ازيك يا بنت خالتى ؟

فعوجت (هنا) فمها

-ازيك انت ؟

-الحمد لله انتى كنتى خارجة

-اه لحسن الحظ قصدى لسوء الحظ

فإبتسم (كمال)

-عموما مش جاى عشانك كنت جاى عشان (فريدة)

-انت متعرفش ؟!

-معرفش ايه مانتى عارفة بعد خطوبتك سافرت إليكس ولسه راجع امبارح

-(فريدة) مبقتش تعيش كده عايشة مع ابوها وابن عمها

-ابوها وابن عمها !!!

-اه ظاهروا عموما انا رايحة ليها دلوقتى عن اذنك بقى بالمناسبة خالتك فى ادتها اطلع اقعد معاها عن اذنك

وتركته وخرجت بينما ظل هو ينظر لها بشدة

*******************

كانت (ياسمين) تجلس مع (فادى) ابتسمت له وقالت

-انا مش عارفة اعتذرلك ازاى

-خلاص يا (ياسمين) بقى الموضوع انتهى انا مش زعلان

-مانا عمرى ما تخيلت انها ممكن تعمل كده

فإبتسم قليلا ثم قال

-ياريت تقطعى علاقتك بيها

-ليه ؟!

-هى مش كويسة يا (ياسمين) وانا خا٠٠٠ اقصد يعنى انتى شكلك بنت محترمة ومينفعش تصاحبى بنت زى دى انتى تستاهبى صاحبة احسن

فإبتسمت (ياسمين) بخجل وسعدت بذلك الكلام بينما كانت (ريم) ترمقهم من الخارج وهى تحدث نفسها

-بقى كده يا استاذ (فادى) طب هتشوف انت وهى مش هسيبها تاخدك منى

****************

وصلت (هنا) القصر رأها (زين) وهى تدخل القصر من الشرفة فى بهو القصر فلم يعرفها ولكنه نظر لها بإعجاب وحين دخلت نظرت ل (زين) ثم قالت

-السلام عليكم •• ممكن اعرف فين ادة (فريدة) ؟

فنظر لها ولم تعجبها (هنا) نظراته ثم قال

-فوق اول ادة ناحية اليمين بس انتى مين ؟

-صاحبتها عن اذنك

ثم ذهبت تجاه السلم وصعدت لغرفتها وظلت تطرق باب غرفتها استيقظت (فريدة) ع صوت احدهم يطرق الباب فقالت بخوف

-مين ؟

-انا (هنا) يا (فريدة)

اسرعت (فريدة) نحو الباب وفتحته ل (هنا) وعندما رأتها قامت بإحتضانها ثم دخلت (هنا) داخل الغرفة واغلقت (فريدة) الباب كانت ترتدى (بادى كات وبنطال برمودا) فوجدت (هنا) اثار ع جسدها زرقاء وحمراء فقطبت (هنا) حاجبها

-ايه ده يا (فريدة) !!!

ابتلعت (فريدة) ريقها

-هقولك بس متقوليش ل (شريف)

-الواد اللى تحت بيعتدى عليكى ؟!!

فقالت (فريدة) موضحة

-بالضرب

-لا انا لازم اقول ل (شريف)

-ارجوكى متدخليش (شريف) ٠٠ (زين) اصلا ضربنى بسبب (شريف) متجبليش مشاكل

-طب فين ابوكى

-ده راجل قعيد مش هيقدر عليه

-حرام كده بجد لازم تلاقى حد يقف قدامه

-انتى جاية تكلمينى خلينا نتكلم انا عاوزة انسى اللى انا عايشة فيه

فإبتسمت (هنا) وجلست معاها وظلت تقص عليها اخر اخبارها فنظرت لها (فريدة)

-كلام صاحبتك ده غريب اووووى ازاى تنصحك تكلمى ولاد عشان خطيبك يغير يمكن تكون مش قصدها حاجة بس متسمعيش كلامها

-ليه ؟!

-عشان (معز) بيغير اصلا مش قلتى انه عمل خناقة معاكى بسبب المدرب

-اه صح معاكى حق

ثم ظلا يتحدثون وعندما انتهوا قالت (فريدة)

-اوعى يا (هنا) تقولى ل (شريف)

-برده

-ارجوكى يا (هنا) هتبقى بزعلة

فهزت (هنا) رأسها بإسى

-ماشى يا (فريدة)

****************

بينما كان (زين) فى الغرفة مع (طلعت) الذى حدثه قائلا

-عملت ايه معاها ؟

-ضربتها

فإبتسم (زين) ثم تابع

-اكسر للبنت ضلع

فإبتسم (طلعت)

-المهم تقنعها انها تجوزك

-متقلقش

وابتسموا سويا

الحلقة الثامنة عشر

فى المساء دخل (فادى) القصر بعد ان انتهى من عمله فقابلته والداته

-يااااه اخيرا افتكرت ان ليك أم ؟!

فإقترب منها وقبل يدها

-يا ست الكل انتى دايما فى بالى ٠٠٠ ياما نفسى تيجى تعيشى معايا وتسيبى الشغل بس انا مقدر انك لازم تبقى جنب (فريدة)

-اسكت يا (فادى) مينفعاش تتساب لوحدها من شوية ضربها ابن عمها جامد لما حوشت عنها بالعافية

-بتقولى ايه يا ماما ؟!! ضربها ! ضربها ازاى ؟!

-ده يا حبة عينى جسمها بقى ازرق واحمر من كتر الضرب

-وابوها فين ؟

-ابوها راجل قعيد هيعمل ايه ؟!

-بس المفروض يعرف انا سمعت ان عاوزها تتجوزه ازاى يخليها تتجوز واحد زى ده انا لازم اتكلم مع ابوها

-وانت مالك اصلا يا (فادى) بالموضوع ده ؟!

-مفيش حاجة يا أمى اسمها انا مالى لما اشوف واحدة يتيمة الام وملهاش حد والراجل الوحيد اللى بقالها قعيد لازم ادخل ثم من قبل ما اقابل (فريدة) وانا بعتبرها زى اختى عشان انتى اللى ربتيها

-بس انا خايفة عليك بصراحة انا مش بستريح لابوها اينعم هو معملش حاجة بس حاجة جوايا مخليانى مش مطمنة

-قوليلى بس فين ادة ابوها

فوصفت له غرفة والداها فذهب (فادى) تجاهها ٠٠

*****************

بينما كانت (هنا) بغرفتها تشعر بالضيق فدخل عليها (شريف)

-سمعت انك كنت عند (فريدة) من ماما ؟!

-طب مانت كنت معاها الصبح

-ايوة بس قالتلك ايه واخبارها ايه اكيد حكتلك عنها كل حاجة وبيعملوها ازاى احكيلى بقى

فتوترت (هنا)

-يووووه بقى ما تروح تسألها هى

-فى ايه يا (هنا) شكلك مخبية حاجة

-وانا هخبى ايه ولا اعرف ايه ٠٠ بقولك ايه يا (شريف) انا عاوزة انام ده اصلا ميعاد نومى

-هى قالتلك متقوليش ؟!

قالت دون ان تفكر

-اه

ثم وضعت يدها ع فمها

-اخرج بدل ما اعك انا مش عاوزة اخسر (فريدة)

ثم ذهبت إلى فراشها وغطت نفسها لتختبئ من نظرات وكلمات (شريف) فشعر (شريف) بشئ ما وخرج خارج غرفتها وهو يشعر بالغضب ويفكر ماذا يفعل لها (زين) !!

****************

دخل (فادى) غرفة (طلعت) فنظر له (طلعت)

-انت مين ؟!

-انا (فادى) ابن الدادة بتاعت (فريدة)

-خير فيه حاجة ؟!

-حضرتك تعرف ان (زين) ضرب (فريدة)

توتر (طلعت) ثم قال

-ايه ده انت بتقول ايه وعرفت منين اقصد يعنى (فريدة) هى اللى قالتلك ؟

شك (فادى) فى طريقة كلامه فتلك ليست طريقة اب خائف ع ابنته

-حضرتك كل اللى فى القصر عرف

-انا انا هتصرف مع (زين) متقلقش

فنظر له (فادى)

-ياريت

ثم خرج خارج غرفته فعوج (طلعت) فمه وشعر بالضيق بينما ظل (فادى) ينظر للغرفة وع وجهه علامات استفهام ٠٠

****************

كانت (ياسمين) تجلس مع (ريم) فى منزل (ريم) فإبتسمت (ياسمين)

-بجد يا (ريم) قررتى تظبطى علاقتك ب (شريف)

-ايوة فى النهاية ملناش غير بعض وبعدين (فادى) خلاص معدتش افكر فيه ده احسن وده الصح مش كده يا (ياسمينا)

-طبعا يا (ريم) مادام اختارتى (شريف) خلاص انسى بقى كل اللى فات

-صح •• بقولك ايه قومى اعمليلى كوباية شاى من ايدك الحلوة عشان وحشنى الشاى بتاعك

-ماشى يا ستى

ذهبت (ياسمين) إلى المطبخ بينما اخذت (ريم) هاتف (ياسمين) وسجلت رقم (فادى) فى هاتفها وكان رقم (فادى) مع (ياسمين) من اجل العمل فهم لا يتصلون ببعضهم البعض الا لو شئ يخص العمل ثم فتحت الهاتف واخذت احد خطوط (ياسمين) الرقم الخاص بالواتس الخاص بها حيث إن (ياسمين) لا تستخدم الواتس كثيرا ثم وضعت الهاتف ع الارض ووضعت البطارية فى مكان والهاتف فى مكان اخر وفتحت شريحة الهاتف الاخر ووضعتها ع الارض وفى تلك الاثناء دخلت (ياسمين) الغرفة فمثلت (ريم) انها وقعت ع الأريكة ومسكت رأسها فإسرعت (ياسمين) نحوها

-مالك فى ايه ؟!

-مش عارفة حاسة انى دخت ودماغى صدعت اوووى

-طب استنى هجبلك اكل

-لالا مش قادرة

-ازاى بس هروح اجبلك اقعدى انتى ارتاحى دلوقتى

وذهبت (ياسمين) مسرعة للمطبخ وصنعت لها بعض الساندوتشاات ثم جاءت وجدتها نامت ع الأريكة فقالت لها

-يلا كلى

-مش قادرة بجد

-لا لازم تاكلى

-طيب •• صحيح تليفونك رن افتكرت بابكى رن عليكى قلت ارد عشان اطمنه لما قمت دخت وتليفونك وقع معلش

-ولا يهمك

ثم اخذت (ياسمين) تلملم فى اغراص هاتفها ولكنها وجدت ان الخط الاخر ليس موجود فقالت

-مخدتيش بالك الخط التانى راح فين ؟

-لا يمكن راح تحت الكنبة هبقى اخلى الخدامة تنضف ولو لاقته هخليها تدهونى

-تمام يا حبيبتى نامى انتى دلوقتى بقى وريحى نفسك وهتصل بكرة اطمن عليكى إن شاء الله

-ماشى يا حبيبتى

******************

وفى صباح اليوم التالى دخل (فادى) مكتب (شريف)

-خير يا (فادى) ؟!

-انا روحت امبارح لأنسة (فريدة) و ٠٠٠٠

-وايه ؟!!

-الزفت ابن عمها ده ضربها وامى بتقول ان اثر الضرب جامد وجسمها ازرق واحمر و ••••

فقاطعه والشرار يتطاير من عينه

-و ايه تانى هو لسه فيه تانى ؟!! ده هيشوف منى اللى عمره ما شافه

-طب وانت هتعمل ايه انا قلت لابوها ٠٠

-ما ابوها هو اللى عاوزها تتجوزه مش هيعمل حاجة وبعدين انا مش حاسس ان ده ممكن يكون اب

فتأكد ان ما فكر فيه صحيح فهو شعر بنفس الشعور فوقف (شريف)

- انا رايحلها

*****************

كانت (هنا) حزينة وطلبت (معز) فى الهاتف ان يأتى لها فذهب إلى الفيلا مسرعا إليها وما ان وصل حتى وجدها تبكى

-مالك يا (هنا) ؟

فقصت له ما حدث مع (فريدة) ثم قالت

-(شريف) لو عرف وانى مقولتش ليه هيزعل منى جامد

-طب وهى مش عاوزة (شريف) يدخل ليه ؟

-اكيد خايفة عليه

فإبتسم (معز)

-يعنى فيه love story ومن الناحيتين كمان

ابتسمت (هنا)

-والاتنين مش عاوزين يعترفوا

-بس ابن عمها ده مش راجل بيتشطر ع واحدة بنت

-مش عارفة اعمل ايه ؟

وفى تلك الاثناء رن هاتف (هنا) فإجابت

-ايوة مين معايا ٠٠٠ اه لا يا كابتن انا مش هكمل تدريب معلش معرفتش اعتذر لحضرتك حصل ظروف طيب سلام

فنظر لها (معز)

-ده (جاد)

-ايوة •• ايه قلت حاجة غلط ؟

فإبتسم (معز)

-بالعكس يا حبيبتى

فإبتسمت له

****************

كان (فادى) فى مكتبه وجد (ياسمين) تعمل ع مكتبها ابتسم دون ان يشعر

ثم تحدث

-تعرفى ان مستر (شريف) ده غريب اوووى

-ليه ؟!

-لسه بيجى الشركة هنا ومتابع مصالح (فريدة) رغم كل اللى حصل وانها سحبت منه التوكيل ساعات بحس انه بيحبها

-انت بتقول ايه طب و (ريم)

-مالها (ريم) ؟ انسانة انانية ومش بتحبه ومعرفتش تحافظ عليه عاوزة تبقى معانا احنا الاتنين لا انا هرضى ولا هو يرضى بوضع زى ده طبعا طمعها خلها تخسرنا احنا الاتنين

-بس (ريم) اتغيرت وعدتنى امبارح انها هتنساك تماما ومش هتفكر الا فى (شريف) لازم يديها فرصة تانية ولا انت حابب انها ترجعلك !!!

-انا !!! ابداااا

ثم نظر لها مطولا

-احيانا بيبقى قدمنا اللى يستاهل بس المظاهر خداعة والعين بتعشق قبل القلب وعشق العين اعجاب زايف غير حب القلب

ابتسمت له بشدة

-يعنى انت ممكن تحب واحدة مش حلوة ؟

فعوج فمه

-انتى جيبالى عروسة وحشة ؟!

-مش قصدى اقصد واحدة زيى (ريم) دايما تقول انى مش فظيعة مش حلوة اووى يعنى عشان حد يعجب بيا

-دى اللى اتغيرت !!! انتى متكلميش معاها تانى وبعدين انتى اجمل منها مليون مرة (ريم) دى جمال بلاستيك انتى طبيعية ونقية

ابتسمت (ياسمين) بشدة

-يعنى ممكن واحد زيك امور يعجب بيا

-واحسن منى انتى تستاهلى حد احسن منى بكتير

فعوجت فمها لأنها لا تريد غيره ولكن فى قلبها سعادة انه يتقبلها ٠٠

****************

وصل (شريف) إلى القصر وما إن رأه (زين) حتى قال له

-انت ايه جابك هنا !!

فإمسكه (شريف) من قميصه وظل يضرب فيه

-بتتشطر عليها !! معرفتش تردلى الضربة فإتشطرت عليها !!

وظل يضربه بشدة فحاول (زين) صد ضرباته ولكنه لم يستطع من شدة غضب (شريف) هنا سمعت (فريدة) صوت احدهم بالأسفل فنزلت مسرعة

-فى ايه ؟!

وجدت (شريف) يضرب (زين) بعنف فإتجهت نحوهم وقالت ل (شريف)

-ارجوك كفاية يا (شريف) كفاااية

فإبعده (شريف) عنه بعد ان سال الدم من (زين)

-انت كنت هتموته ؟!

-مش للدرجة هو اللى مش راجل ومقدرش يستحمل

-ليه كده يا (شريف) ؟

فنظر لها ووجد عيناها حمراء

-كنتى بتعيطى طول الليل ومجربتيش حتى تكلمينى ليه يا (فريدة)

فإعطت له ظهرها

-وانت ذنبك ايه بس ؟

-يا (فريدة) اسمعى انا حياتى مرتبطة بيكى دخلتى فيها بدون رغبتى كمان عاوزة تمشى من غير رغبتى مش عاملة لمشاعرى اى اعتبار

-انا حياتى كلها مشاكل

-اعتبرى وجودى فى حياتك مشكلة لا هتقدم ولا هتأخر

-وخطيبتك

-مش مستريح معاها ومستعد اسيبها بس بس لو وافقتى

-اوافق علي ايه بس ؟ انت الشهامة واخدة حقها معاك اوووى

-انتى شايفة حبى شهامة

رفعت حاجبها وقالت

-حبك

-ايوة يا (فريدة) انا بحبك

ظلت تغمض عيناها وتفتحها وهى لا تستعب ما قاله للتو ٠

تابعووووني