رواية أرملة رجل حي الحلقه العاشره بقلم الكاتب محمد منصور حصريه وجديده على مدونة النجم المتوهج
رواية أرملة رجل حي الحلقه العاشره بقلم الكاتب محمد منصور حصريه وجديده
نحمده كانت بطلع في الروح ولسة القماشة في بوقها وقت ما كريمة رفعت ايديها عن نحمده وشالت القماشة من بوقها وقالت
مش هرتاح لو سيبتك تموتي بالساهل كدة.
كانت نحمده بتكح بسبب الخنق وباصة ل كريمة وكريمة راحت ناحية باب الاوضة وبصت لها بصة اخيرة قبل ما تخرج وقالت
المرة التانية اللي هتشوفيني فيها هتكون بموتك
وخرجت من الاوضة وقفلت الباب وراء منها ونحمده كانت باصة لها وهي مرعوبه،،،،،،،
ارملة رجل حي
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ونروح لمكتب رئيس قسم المباحث وكان قاعد في المكتب حسني مفتش المباحث المسئول عن قضية مقتل بسيوني وكان حسني بيقول
يا فندم دة اللي حصل واحنا جمعنا تحريات اولية تثبت ان كريمة مراته كانت اخر واحدة عنده قبل ما يتم اكتشاف جريمة القتل
رئيس المباحث
ولسة ما عرفتش يا حضرة المفتش مين سرق الجثة
حسني
لسة يا فندم
رئيس المباحث
ولا عرفت توصل ل كريمة دي
حسني
وصلنا معلومة هنبدا من عندها وهو ان كريمة كانت في عيادة تبع للحج بركات
و بيتم الكشف عليها لانها اخر مرة كانت في المستشفي اللي شغاله فيها وقعت من طولها وجوزها بسيوني خدها و وداها عيادة خاصة بتاعت الحج بركات. وبعدها اختفت
رئيس المباحث
ومين بركات دة بقي
حسني
دة راجل كان علي قد حاله وكان شغال هو واخوه اسامة في الرويعي والموسكي في المحلات اللي بتستورد اي حاجة من الصين زي لعب اطفال والبزازات.
رئيس المباحث
وراجل تاجر زي دة اية يفتح لية عيادة خاصة
حسني
ماهو كان تاجر لغاية ما جت ثورة يناير بعدها العز بان عليه وفي اللي قال ان دة من الاثار اللي لقاها تحت بيته وفي اللي قال من المخدرات وفي اللي قال من كونتر جه من الصين واستلمة بالغلط كان في عدد صيني خلته يعدي الفقر. لكن معلومة اكيده ماحدش قدر يعرف اية سبب الفلوس دي كلها وبدا الحج بركات يكبر ويبقي صاحب شركات استيراد وتصدير وكمان فتح مستشفيات خاصة وعيادات خاصة ما بيتعالجش فيها
الا المشاهير ورجال الاعمال اللي معاهم ثمن مستشفيات وعيادات الحج بركات. اللي حاله اتقلب بعد ما اخو اسامة اتجنن ومحجوز دلوقتي في عنبر الحالات الخطرة لانه حاول يقتل نفسه اكتر من مرة
رئيس المباحث
واية السبب في جنان اسامة
حسني
لسة التحريات شغاله وقريب هنوصل لسبب جنان اسامة
رئيس المباحث
و بسيوني اللي قد حاله واللي مراته ممرضة معاهم حق العلاج عند راجل زي دة
حسني
طبعا لا
رئيس المباحث
طيب كريمة راحت العيادة دي لية
حسني
التحريات لسة شغاله وقريب اوي هنربط الخيوط في بعضها و هنوصل للحقيقية كاملة
رئيس المباحث
راجل زي بركات دة عنده نفوذ هتخلي يعرف ان المباحث شغاله تحريات وراء منه ووراء اخوه
حسني
طيب شايف حضرتك نعمل اية نوقف تحريات
رئيس المباحث فكر لكام ثانية وبعدها قال
لا نلهي مع حد غيرنا
حسني
زي مين يعني يا فندم
رئيس المباحث
بلاغ ل مباحث الاموال العامة تشوف الراجل دة فلوسه جت منين وهما يلهو واحنا نشوف شغلنا علي رواقة
حسني ابتسم وقال
تمام يا فندم، ،،،،،،
ونروح ل نحمده اللي كانت بتترعش وطارق بيقول لها
انت لية مش عايزاني ابلغ البوليس دة كانت عايزا تقتلك
نحمده بصعوبه
هتبلغ تقول اية بسيوني المقتول كان مع كريمة المخطوفة وما حدش عارف مكانها حاولو يقتلو مراتي
طارق
هعرف البوليس انها مش مخطوفة وان بسيوني عايش
نحمده
ولو عرفو انك انت اللي بلغت تفتكر هيسبونا في حالنا مش بعيد يرجعو تاني ويقتلونا كلنا ومعانا عيالنا
طارق
انتي بس هتقلقيني لية وازاي كريمة بقيت بالقسوة دي
نحمده
لو اللي في دماغي صح يبقي دي مش كريمة
طارق بص لها وهو مستغرب وقال
يعني اية
نحمده
الصرع رجع تاني ومع الشر هيرجع وربنا يستر من اللي جاي، ،،،،،،،
ونروح للقصر المخطوفة في كريمة اللي واقفة قصاد الباب بتاع اوضة عفاف وكانت بتقول وهي بتخبط
عفاف افتحي انا بقالي ساعة واقفة علي الباب بتحايل عليكي اللي انتي بتعملي دة ما ينفعش انا برضو امك
في الوقت دة سمعت كريمة صوت ضرب نار اترعبت ومعاها باب الاوضة اتفتح
و خرجو ولادها الثلاثة واترمو في حضنها وقال حامد
هو في اية يا ماما
كريمة قالت وهي بتاخدهم في حضنها ومرعوبه
ما عرفش في اية
وبدات تسمع باب القصر الداخلي بيتكسر وصوت نيرة بتقول
افتحي يا زفته انا عارفه انك جوة
كريمة راحت للسلم الداخلي للقصر و هي لسة مرعوبه ولسة ضرب النار شغال والباب اتكسر ودخلت نيرة وفي طهرها رجلين بودي جارد صرخت كريمة بصت نيرة فوق مكان الصرخة
و شافتها وقت ما وحيد مدير الامن هجم علي الاثنين بودي جارد وقتل واحد بسكينة والتاني برصاص مسدسة قبل ما نيرة تقتل وحيد بدم بارد وبصت تاني ل كريمة اللي صرخت واول ما نيرة اتحركت ناحيتها وبدات تطلع السلم كريمة جريت و خدت عيالها ودخلت اوضة وقفلت علي نفسها وهي مرعوبه وبدات دقات قلبها تعلي وتزيد والخوف وباب الاوضة اللي هي مستخبئ في اتكسر ودخلت نيرة وبصت لكريمة والشر جاب اخرة لما طلعت تلت رصاصات وقعوا ولاد كريمة حوالين منها تلت جثث، ،،،،،،،،
خلصت الحلقة لكن ما خلصتش الحكاية. سلام عليكم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
0 تعليقات