رواية حينما تعشق الذئاب الفصل الرابع والخامس والسادس بقلم الكاتبه شيماء صلاح حصريه وجديده على مدونة النجم المتوهج

رواية حينما تعشق الذئاب الفصل الرابع والخامس والسادس بقلم الكاتبه شيماء صلاح حصريه وجديده على مدونة النجم المتوهج 

رواية حينما تعشق الذئاب الفصل الرابع والخامس والسادس بقلم الكاتبه شيماء صلاح حصريه وجديده 

<ما الذي يحدث لي....>!

"اسيل" م...ملف ايه...

"نورا" عايزه ملفات عن الشركه بتاعته اي حاجه تلاقيها هاتيهالي..

"اسيل" /بحزن/ طيب اديني يومين...!!

"نورا" هستناكي...!!

/بدأت تمشي هي الي حيث لا تعلم...صعدت الاسانسير لتضغط علي الزر الارضي...نزلت وبدأت تذهب بين وجوه الناس الي ان ذهبت خارج الشركه...وقفت تستند علي سياره عمر بوجع../

/فحينما تختلط مشاعرنا مع افكارنا لا ينتج شي....انت دائما ما تقوم بصراع بين ما يجب ان تفعله وبين ما تفعله.../

/وجدت اسيل احد يضع يده علي كتفهاا فشهقت بقوه/

"عمر" بس بس اهدي...دا انا ايه الي موقفك كده انتي كويسه!

"اسيل" انا كويسه بس اتخنقت ينفع نروح..

"عمر" اه عادي...

"اسيل" تمام يلاا بيناا..

"عمر" يلاا..

/في منزل عمر/

/فتح عمر الباب ليجد شخص لم يتوقع وجوده/ 

"عمر" شاهي...

"شاهي" هاي عمر...

"عمر" انتي دخلتي ازاي!

"شاهي" مش صعب يعني اعمل نسخه لمفتاحك ولا ايه...!!

"عمر" /وهو يمد يده بغضب/ هاتي المفتاح وياريت متتكررش

"شاهي" /وهي تعطيه المفتاح/ خلاص تمام اهدي انا كنت جايه اقولك انك معزوم بكرا عندنا عالعشي..

"عمر" وده مينفعش يتقال في الموبيل..

"شاهي" /وهي تضع يدها حول عنقه/ وحشتني قلت اشوفك..

"عمر" شاهي ارجوكي احنا مفيش بينا حاجه عشان تحطي ايدك كده..

"شاهي" اوف انت محسسني اني بعمل حاجه عيب..

"عمر" وجودك في شقه راجل عاذب ده اكبر عيب!!

"شاهي" تمام خلي التقاليد بتاعتك دي تنفعك...!!

"عمر" /وهو يفتح الباب/ نورتي يا شاهي..

/نظرت له بغضب ثم اخذتها معطفها وحقيبتها وذهبت/

/بينما وقف عمر في شرفته يذفر بشده...ليجد طرقات علي الباب...يذهب ويفتح ليجدها سعديه/

"عمر" اهلا يا سعديه..

"سعديه" احم..حضرتك النهارده يوم التنضيف..

"عمر" اه صح...طيب هنزل انا وانتي خلاصي براحتك...عن اذنك..

/اخذ مفاتيحه ثم ذهب ليترك سعديه علي راحتها/

/بينما نزلت سعديه لتجلب المنظفات/

/صعدت سعديه ولكنها وجدت حركه في مكتب عمر..لذلك نظرت من فتحه الباب الصغيره لتجد اسيل وهي تبعث في الملفات وبعد قليل امسكت ملف...نظرت له بحزن شديد...ليقع الملف من يدها وتقع هي علي ركبتيهاا وتبدا بالبكاء الشديد/

"سعديه" حضرتك كويسه..

"اسيل" /وهي تنظر لها والدموع تغرقها/ هو ميستهلش مني كل ده......ميستهلش!!

"سعديه" /وهي تربط علي كتفها/ بس بس اهدي..

"اسيل" اوعديني انك مش هتقوليله..

"سعديه" اقوله ايه..!

"اسيل" الي هقولك عليه...

/حكت اسيل الي سعديه كل شي/

"سعديه" ينهاري..ينهاري عمر بيه لو عرف يقتلك فيهاا...

"اسيل" /وهي تمسح دموعها/ انا مش هديها حاجه وهقولها انه شاكك فياا دي ست شرانيه...

"سعديه" اني عارفه الست دي جت هنا مره دي تقول للشيطان روح واني هبقاا مكانك..

"اسيل" يعني ايه..

"سعديه" طوعيهاا بدل ما تسلط عليكي حد كده ولا كده!!؟؟!!

"اسيل" يعني هي ممكن تعملي حاجه انا وبابا..

"سعديه" ومتعملش ليه..

"اسيل" عندك حق.......

"سعديه" قومي روحي شجتك واني هوضب المكان ومتخفيش مش هجول لحد حاجه...

"اسيل" شكرا..بجد شكراا

/ذهبت اسيل...بينماا ظلت سعديه تفكر في حل لهذه المشكله التي لا تخصها من الاساس/

/في المساء/

/في منزل ذياد/

"يسرا" اهلا انت رجعت يا حبيبي..

"ذياد" امال فين فرقع لوز الي هناا!

"يسرا" خرجت...

"ذياد" نعمممم راحت فين...

"يسرا" قالتلي انها هتشوف صحابها..

"ذياد" وانتي خليتيها تروح..

"يسرا" انت رايح فين..

"ذياد" هشوف الهانم راحت فين..!

/خرج ذياد وصعد سيارته بغضب ليلمحهاا وهي تقترب من بعيد فينزل لهاا بغضب ويذهب لهاا يمسك معصمها بقوه لم يلاحظ انفها واعينها الحمراء من البكاء/

"ذياد" كنتي فين..

"ملك" ارجوك مش قادره اتكلم...

"ذياد" /وهو يجذبها بشده/ خدي هناا..

"ملك" من فضلك..

"ذياد" كنتي فين ومع مين وبتعيطي ليه..!!

"ملك" /وهي تنظرله بحزن/ بطل تزعق فيااا وكاني مش بحس بطل...

"ذياد" مين الي زعلك...

/ارتمت ملك في حضنه تبكي بشده...بينما اكتفي ذياد بالربط علي شعرهاا/

"ملك" انا مش عايزه اعرفه تاني!!

"ذياد" /باستغراب/ مين هو..

"ملك" هشام...!!

"ذياد" تحبي تحكيلي..

/اومأت هي بالموافقه/

/علي النيل/

"ملك" انا اتعرف عليه في امريكا هو مصري كان بيدرس معايا فالجامعه وحبينا بعض ابتدينا نتواعد...و كنت بحبه جداا بس من النهارده شفته وهو بيخوني مع واحده صحبتي ولماا وجهته مسكني من دراعي جامد وقعد يقولي اني هموت من غيره وهجيله راكعه...!!

"ذياد" مقولتليش ليه كنت جيت ربيته..

"ملك" وقت الخيانه مفيش تفكير...!!!

"ذياد" مش انتي الي هتروحيله راكعه...هو الي هيجيلك راكع..؟

"ملك" انا مش عايزه مشاكل..

"ذياد" هاتي عنوانه...

"ملك" هو علطول قاعد في كافيهه...مع صحابه..

"ذياد" بس تمام...

"ملك" هتعمل ايه...!!

"ذياد" /وهو يذهب بالسياره/ هجيبهولك راكع..!!

/بينما في منزل عمر/

"عمر" السلام عليكم..

"ذياد" وعليكم السلام..بقولك يا شق...

"عمر" انجز يا سرسجي يا حقير...

"ذياد" احم..عايزك في طلعه..

"عمر" فخفخينه...

"ذياد" وده ايه علاقته بالموضوع..

"عمر" معرفش انت لما بتقول كده بتاخدني ونشرب فخفخينه....!

"ذياد" بس الجوافه كانت حمضانه المره الي فاتت..

"عمر" اه والرمان مش فريش...

"ذياد" نسيتني كنت عايز اقول ايه يخربيتك..

"عمر" انت الي متصل انا مالي!

"ذياد" اه البس وتعالي علي.....انا مستنيك..

"عمر" هنشرب فخفخينه...

"ذياد" ياخي يلعن ابو شكلك علي ابو شكل الفخفخينه......!!!!!؟

/في احد الكافيهات/

"عمر"انت عارفه اصلا..

"ذياد" اه ملك بعتتلي صورته...

"عمر" طب هو فين..

"ذياد" الي في التربيزه جامبنا ابو قميص اسود...

"عمر" يا ذياد احنا محامين ولينا مركزنا وفي ناس عارفانا لو شفونا الهيبه هتروح..!

"ذياد" كفايه هيبه بقا هدمر نفسك؟

"عمر" طب وانا مال امي. 

"ذياد" خلاص امشي..

"عمر" ايوا اتقمص..

"ذياد" هو احنا مش كنا بنعمل كده في ثانوي ونجر شكل الناس..

"عمر" سن مراهقه يابن الناس...

"ذياد" تعالي بس..

/ذهب عمر وذياد وجلسو امام الشبان/

"هشام" افندم في حاجه...

"عمر" مالك داخل خشن ليه مبراحه...

"ذياد" /وهو يفتح زجاجه الماء ويرتشف منهاا/ انا جاي اشكرك...

"هشام" علي اي انشالله...

"ذياد" علي انك خنت ملك...

"هشام" م....ملك

"عمر" منتا كنت بغبان من شويه قلبت كلب بحر وبتهته ليه؟؟

"الشاب" انتو مين وعايزين ايه!

"ذياد" لا بس انا كنت جاي اقول ل هشومي شكرا عشان خنت ملك وخلتها تبعد ماهي تخصني اصلا.......بس ان ملك مش عشان عايشه هنا من غير اهلها يبقاا ملهاش راجل....لا اناا بقاا خيالها راجلهاا في وجود وغير وجود ابوها؟؟!

"عمر" /بصوت عالي/ لو سمحت ممكن تلج..

"الجرسون" /وهو ياتي مسرعا/ اتفضل يا فندم...

"ذياد" ابقو حطوه علي وشكو..

"هشام" اشمعني..

"عمر" عشان دي.../قالهاا وهو يعطي لكمه قويه للشاب امامه وذياد كذلك/

/بينما تكوم هشام وصديقه ارضا/

"عمر" هههههه انا نفسي اضرب حد اضرب تاني..؟!

"ذياد" عيش حياتك...

/بعد قليل من الضرب المبرح من الطرفين....اتصاب عمر في حاجبه وذياد في فمه...واخيرا نجحو الناس في فض الاشتباك/

"عمر" /وهو يذهب ويتحسس حاجبه/ ياخي يخربيت شورتك الهباب اهو حاجبي اتفتح ااااه....

"ذياد" انت هتظيط ده جرح صغير..

"عمر" /بفخر/ بس ايه رائيك فياا وانا بضرب...

"ذياد" علمت علي چون سينا...

"عمر" /وهو يدفعه من جانبه/ كفايه كلام سرسجيه بقاا ومتنساش انك محامي اخدتني في طريق العيال الي بتضرب وبتعمل الله يخربيتك...

"ذياد" /بمزاح/ يعني ضربتك علي ايدك وقلتلك تعالي.....

"عمر" /بمزاح/ الصراحه كان بمزاجي..

"ذياد" طب ما الدنيا حلوه اهي في ايه بقااا..؟!

"عمر" زيزو...؟

"ذياد" امممم...

"عمر" زيزووو...

"ذياد" نعم...

"عمر" /وهو يمسك جاكيته الجلد ويركض/ تعالي نشرب فخفخينه..!؟

"ذياد" /وهو يمسك حجر ويركض ورائه/ وحياه امي منا سايبك.....!!

/دخل ذياد المنزل ليجد ملك جالسه....هبت واقفه عندما رأته/

"ملك" انت اكيد مجنون ايه الي انت عملته ده...

"ذياد" عملت ايه...

"ملك" انت هتستعبط..

"ذيااد" هستعبط...مالك في ايه..

"ملك" بتروح تضرب هشام ليه..

"ذياد" /بنبره ساخره/ يا شيخه...خايفه علي حبيب القلب اوي كده...

"ملك" متغيرش الموضوع...

"ذياد" اكيد هو الي قالك وياتري ضحك عليكي بكلمتين في الموبيل ولاا قابلك وعيطلك زي النسوان..؟!

"ملك" انا معرفش انت بتدخل في حياتي ليه..

"ذياد" /بصراخ/ وانا معرفش انتي ليه شاريه الي راميكي..!!

"ملك" /بصراخ وحده مماثله/ اديك قولت انتي يبقا ميخصكش يخصني..

"ذياد" وطلاماا دايبه فيه كده ماتروحيله احسن...

"ملك" اروحله وقت اما احب...

"ذياد"/بصراخ حاد وصوت رجولي/ تحبي اوصلك ليه واهو تبقي انتي الطرف المُهان في العلاقه...الطرف الي بياخد بالجزمه ويسكت ...الطرف الي بيطلع عين امه عشان قلب مهزء ماشي ورا حاجه وهميه ملهاش وجود اسمها حب...!!

"ملك" وقلب زيك ماحبش ولا عمره هيحب هيفهمني ازاي !

"ذياد" /بصوت هادي ولكن حاد/ بناقص حب زي حبك...!!

/قالها لينصرف الي الخارج يغلق الباب بشده لدرجه انا الفازه بجانب الباب وقعت ارضا لتنكسر الي اشلاء..!!؟/

/في منزل عمر لم يكاد يصعد السلم حتي وجد اسيل فوق راسه/

"اسيل" اتاخرت ليه..

"عمر" /بفزع/ لا اله الا الله..

"اسيل" متخفش انا اسيل مش عفريت..

"عمر" /بمزاح/ ماهو ده الي خوفني..

/نظرت له اسيل بغضب لتصعد الدرج/

"عمر" /وهو يصعد ورائها/ بهزر يا رمضان انت مبتهزرش...

"اسيل" /بفزع/ ايه الي عورك كده...

"عمر" حابت عيال فرافير عاكسو بنت رحت دخلت بقاا...

"اسيل" ده الكذب الحقيقي...

"عمر" احم....كان موضوع يخص ذياد بس خلص يعني....

"اسيل" امممم طب بيوجعك../قالتها وهي تتحسسه/

"عمر" لا خا.....ااااه براحه...

"اسيل" لا خالص ايه بس..

"عمر" متوهيش صاحيه ليه..

"اسيل" عندي درس بكرا بدري فكنت بذاكر يعني...

"عمر" طب روحي كملي وانا هنام..

"اسيل" انضفلك الجرح..

"عمر" لا انا هغسله بمايه كده وخلاص..

"اسيل" لا مينفعش لازم تعقمه....

"عمر" يابنتي مش مهم..

"اسيل" عندك علبه اسعافات...

"عمر" /بابتسامه صادقه/ عندي....

/جلساا الاثنين وبدات اسيل بتعقيم الجرح/

"عمر" /بمزاح/ حنان الاخت....

"اسيل" ههههههه

"عمر" عندك درس ايه..

"اسيل" الصبح...عندي كيميا...

"عمر" يا ساتر من ايه ده ؟!

"اسيل" هههه منه لله المنهج..

"عمر" بزمتك فاهمه حاجه في الكيميا.

"اسيل" طبعا..

"عمر" /بمزاح/ بت...

"اسيل" الصراحه راحه...!!

"عمر" ههههه اه ياختي الصراحه راحه !!

"اسيل" لا...

"عمر" ولا انا....

"اسيل" ههههههه

"عمر" يلا روحي نامي..

"اسيل" عايز حاجه..

"عمر" انتي كلتي ايه...

"اسيل" مكرونه..

"عمر" انا جعان تيجي ندور علي حاجه نكولها....

"اسيل" مممم اوكي وراياا..

"عمر" /وهو يمشي امامها/ لا يا ماما انتي الي ورايا...

"اسيل" هههههه....

/في المطبخ..وقف عمر وهو يتني كم قميصه قائلا ل اسيل الجالسه امامه/

"عمر" شاهدي وتعلمي..!

"اسيل" اتفضل...

"عمر" /يقف امام البراد/ بصي هو في سجق وبانيه..

"اسيل" سجق..

"عمر" انا بردك بقول كده...

"اسيل" هتعرف تعمله ولا هتفضحنا..

"عمر" ايه السؤال ده اكيد هفضحك طبعا....!

"اسيل" ههههه..

/وبعد قليل من المحاولات الفاشله/

"عمر" ان ان ان...

"اسيل" الريحه تقرف...

"عمر" مرسي ده من ذوقك...

"اسيل" ههه لا بهزر والله ريحته حلوه جدا....

"عمر" ماتخديش بالشكل دوقي...

/اسيل وهي تذوقه/

"اسيل" يارتني ما دوقت...

"عمر" ههههههه لا بجد...

"اسيل" حلو اوي...

/عمر وهو يستند بكلا يديه علي الرخامه/

"عمر" طب انا ولاا الولد السوري...

"اسيل" ايه السؤال ده.....الولد السوري طبعاا...

"عمر" /وهو يلقيهاا بعلبه المناديل/ غوري يابت...!!

/في الصباح...ارتدت اسيل بنطال وحذاء اسود مع تيشيرت من اللون النبيتي وعكست شعرها علي شكل كحكه من الوراء..بينما ارتدي عمر قميص مع بنطال اسود وحذاء ابيض/

"عمر" انا معنديش شغل النهارده ممكن اوديكي...

"اسيل" مش عايز اتعبك...

"عمر" لا ولاا يهمك تعالي...

/نزل كل من اسيل وعمر لتنظر اسيل الي سعديه غامزه لتبتسم سعديه/

"عمر" تعرفي توصفيلي...!!

"اسيل" بص هو انا معرفش احنا نروح من هنا ازاي بس هو في منطقه.....

"عمر" اه تمام عارفهاا وقريبها من هناا

/قالهاا وهر يدير محرك سيارته ليذهب لذلك المكان متوجها/

/امام سنتر يعطي دروس/

"اسيل" شكرا ممكن تروح انت وانا عرفت الطريق هاجي لوحدي

"عمر" لا مناا فاضي هطلع معاكي

"اسيل" ههههه لياا الشرف طبعا

"عمر" اكيد يلاا

/رن هاتف عمر/

"اسيل" طب خلاص اتكلم براحتك وانا هطلع...

"عمر" تمام...

/فتح الهاتف/

"عمر" السلام عليكم..

"سالم" وعليكم السلام التحاليل طلعت يا عمر بيه لو تحب تيجي تشوفهاا...

"عمر" /بتوتر مقاطعا اياه/ لا انا بثق فيك قول..

"سالم" التحليل بتقول انها اختك بالفعل...

/انزل عمر الهاتف واغلق جفنه بوجع ليخرج تنهيده طويله مليئه بالاوجاع والاهات المكتومه التي تعبر عن مدي تعبه.....لقد تبخرت كل اماله...فقد ضاعت احلامه...و حاصره الامر الواقع...امتلئ طريق الورود بالاشواك..لا يعرف ماذا يفعل..ولكن المفروض فعله هو الابتعاد عن تلك الفتاه..حتي لا تنضج مشاعره نحوهاا فتسمي هذه المشاعر الحب الحرام..؟؟!!!/..😘...

#الحلقة_5

<<<حينما تعشق الذئاب..>>>

<<الفصل الخامس>>

<الهروب....!!>

"اسيل" مش هتيجي...

"عمر" انتي اختي فعلا..

"اسيل" /بتوتر/ ه...هاا

"عمر" /وهو يمسك يدها لاول مره/ بصي بقاا انا هنسي كل حاجه فاتت..وهنبتدي اخ واخته....

/بينما قال في نفسه.....لا انا مش هينفع ابعد لو بعدت هتتملك المشاعر مني ودي اختي لازم اكون جمبها لازم انسي كل الي فات لازم/

"اسيل" هي التحاليل طلعت..

"عمر" اه وطلعناا اخوات..

"اسيل" /بنبره حزينه/ طيب ياريت ترتاح ومتشلش هم..

"عمر" تحبي احضر معاكي المحاضره...

"اسيل" لا طبعا ايه الجنان ده...

"عمر" /وهو يمسك يدهاا ويذهب/ ياستي تعالي...

"اسيل" يوه يا عمر..

"عمر" ايوا كده عمر طالعه منك عسل...

/بينما في الدرس/

"عمر" /بهمس/ ايه كميه الشباب دي...

"اسيل" وانا مالي هو انا الي جيباهم..

"عمر" خلاص يبقاا متجيش من غيري..

"اسيل" ليه..

"عمر" ولو حد منهم كلامك هقصف صفاره رقبتك لحد ماربنا يكرمك كده وتتجوزي..!!

"اسيل" لحظه تأثرت تراني ابكي...

"عمر" ايه يابنت العسل مالك...

"المدرس" اسيل انتي والشاب الي جمبك بتتكلمو في ايه...

"اسيل" ايه..

"عمر" ايه...

"اسيل" ايه..

"عمر" ايه...

"المدرس" بسس ياريت لو مش هتسكوتو تطلعو براا..

"عمر" انتي فاهمه حاجه يابنتي من الي بيقوله ده..

"اسيل" خالص...

"عمر" /وهو يمسك يدها وينهض/ بس معرفش احنا قاعدين ليه انت هتخرجناا من الجنه يعني يلاا يلعن ابو شكلهاا ماده معفنه!!

"اسيل" ههههههه

"عمر" انا هذكرلك وهتنجي...

"اسيل" انت الحماس واخدك ليه...

"عمر" معرفش بس لماا اتحمس متخديش علي كلامي انا اصلا كنت فاشل في ثانوي...

"اسيل" هههههههه

"عمر" تعالي نعمل شوبينج..

"اسيل" لا انا هروح انام..

"عمر" لا لا انا اصلا كنت عايز انزل اشتري هدوم بس كسلت تعالي معاياا..

"اسيل" لاااا

"عمر" لا هتيجي..

"اسيل" انت متاكد انك محامي وعندك 25 سنه...

"عمر" هههههه لا والله...

/في احد المولات التجاريه/

"عمر" لا بس الفستان جاحدد..

"اسيل" عمر دي عبايه...

"عمر" لا والله..بس مش مشكله حلوه اتحجبي..

"اسيل" بص انت البدله دي..

"عمر" /بذعر/ فوشياا علي اخر الزمن عمر الجرحي يلبس فوشياا....

"اسيل" الله هو مش لون زي بقيه الوان خلق الله...

"عمر" تحسيه مستفز...

"اسيل" طب بص الفستان ده..

"عمر" قصير قوي..

"اسيل" طب ده...

"عمر" كب واخر سفاله...

"اسيل" ده...

"عمر" لا ضيق...

"اسيل" /وهي تدفعه/ الله هتجنني...

"عمر" الله بتزقي ليه...

"اسيل" خد الكام بدله دول روح قسهم وانا هستناك هناا...

"عمر" تمام...

/جلست اسيل مع نفسهاا فكرت ان تقول كل شي ل عمر....ولكن والدها هو من اوقفهاا حسمت امرهاا في ان تخبره فور عودتهم للمنزل/

"عمر" هاا حلو...

"اسيل" مش ملاحظ ان عضلاتك هتبوظ من الجاكيت...

"عمر" /هو يمسك قلبه يطريقه مضحكه ويرتمي علي الكنبه جانبها/ اه قلبي قلبي بتنق عليااا اااااه.....

"اسيل" هو النق ده الي جايبك ورااا..

"عمر" /وهو يدفع وجهها/ قولي لنفسك...لنفسك

"اسيل" خلاص ياعم في ايه...!!!

"عمر" انا هخدهاا...

"اسيل" حلوه...وخد دي كمان..

"عمر" ونروح بقاا عشان لسه هشتغل علي قضيه جديده...

"اسيل" الله انا عايزه اروح المحكمه مراا اتفرج..

"عمر" المره الجايه انشالله...

/في منزل ذياد...لم يعود ذياد الي الان مما ذاد خوفها وارتباك يسرا...ذياده ان هاتفه مغلق../

"يسرا" هو مش متعود يبات برا البيت

"ملك" انشالله خير..

"يسرا" طب هو ايه الي خلااه يمشي كده..

"ملك" اتخنقنا امبارح وساب البيت ومشي....

/لم تكاد تنهي جملتها حتي فتح الباب ودخل ذياد متوجها الي غرفته فورا/

"ملك" /وهي تذهب ورائه/ ذياد عايزه اتكلم معاك..

"ذياد" انا مش عايز...

"ملك" لا هنتكلم علي تصرفك وانك تسيب البيت وتمشي كده...

"ذياد" /وهو يدلف لغرفته/ ملكيش دعوه..

"ملك" /وهي تدلف ورائه/ لا ليا وليا قوي كمان...

"ذياد" متخفيش اوي كده مروحتش عملت لحبيب القلب حاجه..

"ملك" بطل تقول عليه حبيب القلب..

"ذياد" وهو ايه غير حبيب القلب...

"ملك" ينفع تبطل...

"ذياد" انا تعبان وهمدان وعايز انام اطلعي برا..

"ملك" انت بتهرب من ولا من مين..!!

"ذياد" هتقعدي تعملي الشويتين دول يبقاا امشي انا....... من وانتي صغيره تغلطي وتحطي الغلط علي غيرك...

"ملك" تمام يا ذياد ومن اليوم وطالع لا ليك دعوه بياا وبتصرفاتي ولاا راحه فين وجايه منين وانا كذلك....!!

"ذياد" تمام..!!

"ملك" مش انا مش هماك وانت مش طايقني تمام اشرب بقاا.....!!!!!!!؟

/انهت جملتها لتذهب من امامه مسرعه تاركه اياه في عجز تفسير جملتها لم يفهم معناها ولكن الذي يفهمه انها اذا فعلت شي سيعاقبها وبشده...!!!/

/في احد الكافيهات/

"شاهي" وملك عرفت منين انك بتخنهاا معايا..!!

"هشام" معرفش..بس الواد الي جايه ده شكله عايز ياخدها مني..

"شاهي" ده علي اساس انهاا تخصك..

"هشام" نعم مالك يا شاهي ما تظبطي كده..من امتي وملك لحد غيري...؟!!

"شاهي" وطلاماا هي عجباك كده خنتها معايا ليه..

"هشام" عارفه انتي لما نفسك تجذع وتعوزي تحدقي هو كده..

"شاهي" خلاص روحلها. 

"هشام" وانتي فكرك اني هسيبها بعد ما لقيت الواد ده....؟؟

"شاهي" خلاص يا هشام تساعدني في موضوع عمر اساعدك في موضوع ملك...

"هشام" اتفقنا..

"شاهي" اتفقنا...

/في منزل عمر كان يقف في نافذته يفكر في حل قضيته الجديده لتقع عيناه علي سياره ذياد وهي قادمه...ليبتسم بخفه/

/بعد قليل/ 

"عمر" مالك يا زيزو...

"ذياد" مخنوق...

"عمر" من ايه...

"ذياد" من كله...كله...

"عمر" /وهو ينظر من النافذه/ تيجي نلعب كره...؟؟

"ذياد" لا انا هدخل انام العب انت...!!

"عمر" /وهو يجذبه من ذراعه/ تعالي احنا بقالنا كتير ملعبناش...

"ذياد" انت محرمتش من اخر ماتش..

"عمر" ههههههه ابداا..

"ذياد" طيب يالاا يا خوياا...

"عمر" اسيل راحه فين !!

"اسيل" لا عادي كنت هنزل اشتري كارت شحن...

"عمر" تعالي تعالي...

"اسيل" ليه...

"عمر" ياستي تعالي بقاا..

/في الاسفل/

"عمر" بقلكو يا شباب ينفع نلعب..

/اومأ الجميع بالموافقه/

/بدأو بالعب وسط ضحكات عمر وتذمر ذياد/

"سعديه" ماقولتيش ليه...

"اسيل" هقولو بليل انا خدت قرار والي يحصل يحصل...

"سعديه" عين العقل...

"اسيل" خايفه من رد فعله

"سعديه" لا لا انشالله خير...

"اسيل" انا باباا وحاشني اوي...

"سعديه" ربنا يشفيه يارب..

"اسيل" يارب..عن اذنك..انا هطلع...

/وبينما كانت تصعد السلم صرخ عمر بها/ اسييييل راحه فين خليكي شويه..

"اسيل" هطلع انا ياعمر...

"عمر" شويه واحصلك..

/حينماا لا تستطيع الحقد الكره...يكون حالك هو الوجع احساس ان تعشق من ليس لك من لغيرك موجع...موجع جداا..سعديه/

/حينما...تجبرك الحياه علي اسوء الخيارات ان تختار وجع من وسط وجعين...ان تتعلق قلوبنا بما من ليسو لناا..هو اكثر شعور يقتل وجعا وقهرا....اسيل/

/ ومن يستطيع الصمود امام اعين حواء...فحينما ياتي القدر ليغير حياتك راسا علي عقب ويجعلك تحب الشخص الخطا...الخطا تمام تكون نهايتك هي الوجع.....عمر/

/حينماا تنقلب مشاعرك..من الكره للحب والغيره...فانت في بدايه طريق الحب...وانا لا اريد ان اخوض هذا الطريق...ذياد/

/حل المساء علي الجميع ولم يحدث الا عوده ذياد الي المنزل ملك وهم يتحاشو النظر حتي الي بعضهم.....في منزل عمر لم يحدث سوي الحديث بين عمر واسيل في امور عامه وكلماا ارادت اسيل اخبار عمر من الحقيقه خافت من رده فعله وابتعدت.../

/دقت عقارب الساعه علي ال 8/

/كانت اسيل في غرفتهاا جالسه تقرأ في روايتها المفضله"انت لي" الي ان قطع اندمجهاا صوت رنين هاتفها لتفتحه وتضعه علي اذنها/

"سلمي" انتي فين يا زفته..

"اسيل" ايه يا حاجه داخله كده ليه..

"سلمي" محصلش حاجه جديده..

"اسيل" لا عادي..

"سلمي" طيب تعالي بكرا...

"اسيل" خلاص ممكن اجي..

"سلمي" ده في مدرس رياضه جيه يخربيت العسل.

"اسيل" ماله.

"سلمي" حلو اوي وامور يخربيت عقله..

"اسيل" اهو ده الي انتي فالحه فين روحي ذاكري ربنا يهديكي..

"سلمي" هههههه باي..

"اسيل" باي..

/في الصباح حسمت اسيل امرها بعدم الذهاب للمدرسه ارتدت فستان من اللون النبيتي الي الركبه ذو نصف كم وحذاء اسود اما شعرها فقد تركت له العنان/

/لتسمع عده طرقات علي الباب تفتح لتجده عمر/

"عمر" عندك حاجه النهارده...

"اسيل" لا فاضيه ممكن يكون عندي درس بليل..

"عمر" خلاص هروح الشغل...

"اسيل" تمام وانا هفضل..

"عمر" مش عايزه تيجي معايا...

"اسيل" امممم لا هقعد اذاكر...

"عمر" طيب سلام..

"اسيل" عمر..

"عمر" نعم..

"اسيل" كنت عايزه اقولك حاجه..

"عمر" سامعك..

"اسيل" انا.....انا..كنت....انا....

"عمر" اسيل مالك..

"اسيل" انا بس كنت عايزه ادخل جوه عن اذنك...

"عمر" هبله البت دي ولا ايه..؟!

/في الشركه/

/كانت سهي تريد ان تترك رضيعتها رشا مع ذياد الي ان تقابل زوجهاا القادم من السفر ولان الجو كان مشمس خافت اخذها معهاا/

"سهي" عشان خاطري يا مستر هروح اقابل جوزي برا واجي بسرعه لحسن جيه من السفر و واحشني اوي...

"ذياد" لااااا مستحيل شيلي البتاعه دي..

"سهي" عشان خاطري يا مستر ارجوك وبعدين دي عندها سنه مش هتتعبك قوي...

"ذياد" لا يا سهي اديها لحد من البنات..

"سهي" والله مش لاقيه حاجه ولو عايزين تخصمولي انت ومستر عمر مش مشكله عن اذنك...

"ذياد" لا سهي ونبي لا يا سهي انتي يابت حد قالك علياا بيبي سيتر يخربيتك.....!!

/بينما دلف عمر من الباب/

"عمر" ايه ده انت خلفت امتي..!!

"ذياد" /وهو يمسكه بشده/ الحقني البت سهي الجزمه راحت تقابل الغندور وسابتلي البت رشا قال ايه الجو حر الجزمه..؟!

"عمر" رشا هو لسه في حد بيسمي رشا...

"ذياد" /وهو يدفعه من جانبه/ نسيب البت الي عماله تعيط ونشوف سموهاا رشا ليه...؟!!

"عمر" /وهو يقترب من الفتاه الجميله الموضوعه اعلي الكرسي الجلدي/ بس بس اهدي...طب حبيبه بابا رشا..اموره بابا رشا ....اجيبلك ايه انتي جاعنه....

"ذياد" علي اساس انها هترد...

"عمر" اكيد جعانه...

"ذياد" اعملهاا اوردر ماك ولاا ماكدونلز...؟!

"عمر" يخربيتك...يخربيتك بيبي عندها سنه تاكلها ماك وماكدونلز...!!

"ذياد" طب اعمل ايه..

"عمر" لبن هات لبن...

"ذياد" اجبلها لبن منين احنا شركه محماه مش بقر...

"عمر" خفه ياض..طب هاتلها عصير 

"ذياد" انت شامم الي انا شامه...؟؟

"عمر" بحاول اكدب مناخيري بس مش قادر...!!

"ذياد" دي عملت....

"عمر" لا متقلش...

"ذياد" يععععععع

"عمر" هات شنطه حجاتهاا..

"ذياد" في دقيق وفي.....

"عمر" هههههه ده مش دقيق...

"ذياد" في بامبرز..

"عمر" الله الله ياعيني عالحلو لما تبهدله الايام هههههههه

"ذياد" ياعم اهدي بسم الله...

"عمر" احم...

/اقتربو من الطفله/

"ذياد" احنا نفك الزقه دي...

"عمر" لا مش قااادر لا...

"ذياد" يلاا بس..

"عمر" /وهو يغمض اعينه/ انا دوخت..

/نجحو في ازاله البامبرز عنهاا/

"عمر" /وهو يمسكه ويركض/ ارميه فين فين...

"ذياد" /بصراخ وهو يضع يده فوق راسه/ لا مش في مكتبي....مكتبي لا...

"عمر" /وهو يلقي في سله المهملات/ sorry.....

"ذياد" خدهاا الحمام وحميهاا..

"عمر" خلاص بطلي عيات...

"ذياد" /وهو يحملها الي الحمام/ انا عمري ماهتجوز ابداا.....

/انتهو اخيراا/

"عمر" الحمد الله...

/وقع الصديقان ارضا بجانب بعضهما يلهثان/

"ذياد" انتي بتعيطي ليه...

"عمر" /وهو يخرج هاتفه ويضغط عده مرات من ثم يضعه علي اذنه/ اسيييييل الحقيني الشوفير هيجيلك متتاخريش عشاني...

"ذياد" /وهو يضع الهاتف علي اذنه/ امييييي تعالي الشركه رشا هتموتني...!!!

/بعد قليل/

"اسيل" /بذعر/ في ايه ياعمر مالك انت كويس...

"عمر" /وهو يحتضنها/ اخيراا...

/شعرت اسيل بكهرباء تجري بكامل جسدها وحراره عاليه انتباهاا مع القليل من التنهيدات الحاره التي اخرجتها/

"اسيل" /وهي تحاول التمالك/ ف...في ايه..؟!

"عمر" /وهو يقف ورائها ويدفعهاا الي الفتاه/ اتصرفي معاها انتو ستات زي بعض..؟!

"اسيل" يا خلاصي مين الامر دي..

"عمر" بنت سهي سكرتيرتي القديمه...

"اسيل" انت مشتها.

"عمر" وهو بعد الي حصل ده هخليهاا...

"ملك" /وهي تدلف من البال/ ذياد فين ومين رشا دي..

"عمر" هتلاقيه نايم ورا الكنبه...

"ملك" ايه ده...يا كيوتي مين دي..

"ذياد" /وهو يخرج رأسه من وراء الكنبه/ اهوو انا اهوو...

"ملك" هههههه

"ذياد" ماما فين 

"ملك" مجاتش...

/بدأت الفتيات تداعب الطفله الي ان بدأت بالضحك وسط ذهول عمر وذياد/

"عمر" سبحان الله...

"ذياد" ايه ده في ايه..

"عمر" شوف البت الجزمه وعمال انبح في صوتي واقول حبيبه بابا راشا...

"سهي" /وهي تلهث وتدخل من الباب/ اسفه اسفه اسفه بس هي كانت هتتعب مني لو كنت اخدتها معايا...

"عمر" سهي يا روحي انتي مش هتترفضي بس دانتي هتترفضي وهتطردي...

"سهي" ماشي يا مستر هروح عن مكتبي عن اذنك..

"عمر" جزمه...

"اسيل" سيبيها شويه..

"ملك" اه ياريت..

"سهي" اه اكيد بس هتتعبكو...

"اسيل" خاالص دي حته كيوت..

"عمر" كيوت بالستر..

"ذياد" ههههه جامده اوي..

"عمر" عيب عليك يابني هو انا اي حد ولا ايه..

"ملك" هي عندها كام سنه..

"سهي" سنه وثلاث شهور..

"ملك" ربنا يخليهالك....

/في عوده ملك وذياد بالسياره/

"ملك" انا هخرج النهارده مع صحابي..

"ذياد" هو انا سألتك.

"ملك" /بضيق/ انا بقولك بس عشان متجيش تقولي انتي اتاخرتي ليه...

"ذياد" اخرك الساعه 9 تبقي قدامي فالبيت...

"ملك" ازاي ده بدري اوي...

"ذياد" خلاص يبقاا مفيش خروج..

"ملك" هحاول..

"ذياد" مسمهاش هحاول اسمها حاضر...!!

/في المساء تحديدا في شقه اسيل/

/كانت اسيل تفتح باب الشقه ولكنها تذكرت هاتفها لذلك تركت الباب مفتوحا وذهبت لتجده يرن/

"اسيل" الو...

"نورا" جبتي الملف..

"اسيل" عمر شاكك فياا وبعدين تعالي هنا ازاي تهددي الدكتور بمراته وابنه..

"نورا" نعم انتي هتحسبيني ولا ايه ويعدين يعني ايه شاكك فيكي..

"اسيل" بصي انا تعبت..خرجيني من اللعبه ولو عايزه تخرجي بابا من المستشفي خرجيه وانا هشتغل واعالجه عمر ميستهلش مني كده....

"نورا" جرا ايه يابت ضميرك صحي فجاه...

/التفتت اسيل للجهه الاخر/

"اسيل" ياستي انا مش.......عمر!!!!!!!!!!!!..😘...

#الحلقة_6

<<<حينما تعشق الذئاب>>>

<<الفصل السادس>>

<الحقيقه.....!!>

/حينما يطعنك من من احببت....عندما تتلاقي السهم من اكثر شخص وثقت به...حينها فانت اما اخترت الشخص الخطأ او امنت به ذياده عن اللزوم..!/

"عمر" بتكلمي مين..!!

"اسيل" د...ده...

"عمر" /وهو يقترب منها بخطوات بطيئه قائلا بنبره هادئه مكسوره/ انتي مين !؟

"اسيل" /بتلاعثم/ عم...عمر صدقني انا كنت هقولك بس انا....

"عمر" /وهو يضرب الكومود بيده ليقع وينكسر كل شي/ انتي اييييه؟!

"اسيل" مجبوره والله كنت مجبوره...

"عمر" /وهو يجذبهاا من ذراعها بشده/ انطقي يابت انتي مين...!!

"اسيل" هقولك...والله بس اوعدني متعمليش حاجه...؟!

"عمر" /بصراخ/ اخلصي بروح امك هتحايل عليكي..!!

"اسيل" /ببكاء/ ع...عمتك هي الي طلبت مني..كانت عايزاني اجيب اي معلومات عنك وعن الشركه...

/حكت له كل شي...بينما عمر كان يقف امامها مصدوم/

"اسيل" انا اسفه والله...

/رفع يده فالهواء ليصفعها ولكن اوقفه شهقتها الخائفه ليدير يده ويضرب مرأه الكومود بكل قوه لتنكسر هي ويعم دمائه المكان ليقف ينظر لنفسه في قطع المرأه المكسور ليست هذه المشكله..المشكله انه لم يري عمر الانسان..بل رأي ذئب...عمر الذئب/

"اسيل" /وهو تبكي/ ايدك...

"عمر" /بصوت رجولي حاد/ انتي دمرتيني....عارفه يعني ايه دمرتيني عارفه يعني ايه اكون عايش وانا عارف اني بغضب ربنا عشان بكن مشاعر لاختي....!!

"اسيل" ايدك ايدك مجروحه جامد..

"عمر" /بسخريه/ خايفه عليا..

"اسيل" عمر انا..

"عمر" /وهو يصقف بيده بسخريه/ لا لعبتوها صح...شابوه ليكي هو انتي ازاي مفكرتيش تقفي قدام الكاميرا وتمثلي.

"اسيل" عمر كلامك بيوجعني ارحمني!!

"عمر" /وهو يضرب بقبضه يده علي قلبه/ وانا...انا مين يرحمني انا مين يرحم قلبي...؟!

"اسيل" اسفه..

"عمر" /وهو يكسر بالاثاث بصراخ/ بس بس متقوليش اسفه....انتي كده بتدمريني اكتر..!!

"اسيل" /بذعر/ اهدي ارجوك...

"عمر" /وهو يجذبهاا بشده حتي انها كادت تلتصق به وانفاسه الحاره تلفح وجهها قائلا بهمس عندما نزل الي مستواها واعينه حاده ترتكز علي اعينها وصوته الرجولي/ مش انتي مش اختي...غريبه عني...يعني تجوزيلي..تمام استحملي..!!!؟

/قالها ليدفعها ويخرج هو مسرعا ليس من الغرفه فقط بل من الشقه باكملها بعدما اغلف باب الشقه بالمفتاح/ 

/ذهب وتركها تحاول تفسير معني كلامته/!!

/في المشفي/

/فتح باب الغرفه علي مصرعيه ليدخل عمر والغضب بادي علي وجهه والشرار يخرج من عينه/

"سالم" اسمع يا عمر..

"عمر" لولا انك عندك زوجه وابنك هيتيتم بعدك كنت دفنتك هنا..!!

"سالم" يابني افهمني..

"عمر" افهم ايه وزفت ايه انت...انت يا سالم دانت كنت في مكان ابويا تضربني في ضهري انت....؟

"سالم" انا والبت الغلبانه كنا...

"عمر" /بصراخ/ الله يلعن ابو دي اسطوانه مشروخه ياعم....من اليوم وطالع انت متعرفش عمر الجرحي..؟؟

"سالم" ياريتك تفهم..!!

/قالها ثم خرج وسط الجميع كوحش كاسر يحاول جمع بعض الاكسجين كي يعيش لدقائق/ !!

/في منزل ذياد/

/كانت ملك بالخرج تستنشق نسيم الجو المنعش الي ان قطع انسجامها/

"ذياد" ادخلي جوه وبلاش وقفتك دي في شباب سكنو فالعماره الي قصادنا..

"ملك" وانا مالي!!

"ذياد" ملاه علي جنابك. 

"ملك" /بضيق/ احترم نفسك..

"ذياد" بت خشي جوه متخلنيش اتجنن عليكي عالمسا..!!

"ملك" هو احنا مش قلنا مش ندخل في حياه بعض...

"ذياد" اولا اسمها مندخلش...ثانيا بقاا انتي عايشه معانا يعني سمعتك زي سمعتي..!!

"ملك" علي فكره انت دبش..

"ذياد" مرسي..

"ملك" ومستفز..

"ذياد" تشكري..

"ملك" وبارد..

"ذياد" وافتخر..

"ملك" امتي ارجع امريكا بقاا..

"ذياد" ومين سمعك...

"ملك" انت عايزني امشي..

"ذياد"اه

"ملك" تمام ولاا انا عايزه افضل عن اذنك..؟

/قالتها ثم ذهبت مسرعه تحاول اخفاء عبراتها بينما يحاود ذياد كبت مشاعره الهائجه/

/وقف ادم امام شقه اسيل....مد يده كي يفتح الباب ولكن توقف ليسند راسه علي الباب بوج وحسره...ليفتحه ويذهب الي شقته فورا....بينما خرجت اسيل مسرعه تخبط علي بابه كانها كانت تنتظره/

"اسيل" /وهي تدق علي الباب/ عمر ارجوك يا عمر ممكن اعمل اي حاجه انت عايزها بس متعملش كده...

/انهت جملتهاا لتجلس ارضا سانده علي الباب تضم قدمها الي صدرها بينما فعل نفس الشي عمر فنفس الوقت في مشهد محزن/ 

"اسيل" انا اسفه...!!

"عمر" كانت كلمه واحده قادره تصلح كل حاجه بس انتي استكترتيها...؟؟!

/ظل الاثنان وراء الباب طوال اليل من يبكي ويسمع صوته الاخر ويتقطع من الداخل وهناك من يتنهد بوجع ليشعر الاخر بالندم...الي ان غفو في اماكنهم/

/في الصباح/

/فتح عمر عينه ببطي شديد ليجد شعاع الشمس يخترق الزجاج ويدخل لينير العتمه مثل اسيل بالتمام...!!/

/وقف هو ونظر من العين السحريه لم يجدها تنهد براحه ليدخل غرفته ويبدل ملابسه ببذله رماديه اللون وحقيبته الجلديه سوداء اللون بعدما عرف ماذا سيفعل مع عمته/.

/جاه ليفتح الباب ليجد شي ما سيسقط علي قدمه ليمد يده ليسند راس اسيل التي غفت ولم تصحو بعض...نزل لمستواها لينظر لهاا بحب ممزوج بغضب فكيف لتلك الملاك البريئ ان تخدعه هكذا وهو المحامي المشهور بانه يعرف الكاذب من الصادق اوقعته فتاه..!!/

/بينما تمتمت هي ببعض الكلام بين يده لتصاب بحاله صدمه عندما وجدته بهذا القرب وهي بين يديه/!!

"عمر" /وهو ينهض وينزل السلم ويبتسم بخبث/ اتمني تلمي حجتك وتمشي اظن دورك خلص..!!

"اسيل" /وهي تذهب ورائه علي عجله/ اسمعني بس...عمر..عمر استني عشاني يا .....

/اصمتها التواء كاحلها اسفل قدمها لتغمض اعينها بوجع وتستسلم للسقوط/ 

/شعرت بيد تحاوطها من خصرها لتغمض اعينهاا اكثر...ومن ثم تفتحها واحده ثم الاخري لتجده بملامحه البارده ويده الصلبه تحاوط خصرها اللين الذي يكاد يكسر بين قبضته/

"عمر" /بهمس/ يمكن لو كنتي قولتيلي الحقيقه كنت سامحتك اتاخرتي...بس اتاخرتي!!

"اسيل" /بدموع وصوت يغلبه البكاء/ انا اسفه انا معرفش ازاي انا عملت كده؟

"عمر" انا الي اسف اني امنت وصدقت...اسف...

"اسيل" /وهي تحاول الصمود امام اعينه الحزينه/ انت محسسني بالذنب بطريقه غريبه يا عمر..!!

"عمر" ذنبي...ولا ذنب قلبي...!!

"اسيل" في فرق..!!

"عمر" بالنسبالي..بالنسبالي اه....

"اسيل" حاسه بالذنب تجاهك..

"عمر" /وهو يزيح يده من عليها ويهم بالذهاب/ لما تحسي بالذنب ناحيه قلبي هسامحك.....!!!!

/ركب عمر الاسانسير ليجد اسيل تدخل فجاه/

"عمر" /باقتضاب/ نعم افندم عايزه ايه..؟؟

"اسيل" عيزاك تسامحني..

"عمر" بطلي بقا؟

"اسيل"لا مش هبطل غير لما تسامحني وهفضل اتكلم!!

"عمر" /وهو يبتسم بخبث ومكر/ خلاص اعملي حسابك انك هتتكلمي كتير!!

/قاطع ردها عليه دخول فتاه ما/

"عمر" حضرتك نازله ولا طالعه...

"الفتاه" لا نازله..

"عمر" تمام../قالها وهو يضغط علي الزر الارضي/

"اسيل" /وهي تقلد عمر بسخريه وراء الفتاه/ حضرتك طالعه ولاا نازله بلاه بلاه بلاه..!!

"عمر" /بسخريه/ لا خفه...!!

"اسيل" /بغضب/ خليك في حالك..

"عمر" خليكي انتي في حالك..

"اسيل" اسكت..

"عمر" واسكت ليه وانتي موجوده..!!

"اسيل" لا اسكت انت...

"عمر" بطلي لعب عيال..

"اسيل" /وهي تضع يدها في خصرها/ انا....مش...عيله...!!

"عمر" /بسخريه/ لا وانتي الصادقه عنك 5 سنين..

"الفتاه" هو في حاجه..!!

"اسيل" /بتسرع/ وحده بتتكلم مع اخوها..

"عمر" احنا مش اخوات..

"اسيل" /من بين اسنانها/ طالما انت عنَدي كده هنبقي اخوات...!

"عمر" /بحده/ ولو انتي بطلتي عناد ومكابره فقلبك مش هنبقاا اخوات عن اذنك...!!

/قالهاا ليمر من جانب الفتاه ويفتح باب الاسانسير ويذهب/

"اسيل" /وهي تدبدب علي الارض كالاطفال/ اعمل ايه عشان تسامحني هتجنننننننننننن!!!!!!!

/خرجت ورائه مسرعه بينما كانت تخبط الفتاه كف علي كف من الحب والجنون الذي يسببه بقلوب الناس/!!

/ركب عمر سيارته بضيق للحظه وجد اسيل تركب بجانبه عاقده ساعديها امام صدرها/

"عمر" /وهو ينظر للجهه الاخري/ ممكن تنزلي...

"اسيل" لا ولا ولا وكمان مره لا...!!

"عمر" /بضيق/ يووووه بقاا هي شغلاانه سوده انا عارف....

"اسيل" والله بيضا سوده بتاعتك مش بتاعتي..!!

"عمر" انزلي احسنلك..

"اسيل" ولو قلت لا ؟

"عمر" /بابتسامه ساحره/ هقول افتكري اني حذرتك واه ملحوظه اقفلي حزامك كويس!!

"اسيل" مش ملاحظ انك بتتكلم بالغاز كت..../لم تكمل كلامها فقد انطلق عمر بالسياره مسرعا/

"اسيل" انا علي فكره مش بخ.....

/قاطعها تسريع عمر وهو يتفادي السيارات بسهوله/

"اسيل" عااااااا براحه...براااحه ونبي يا عمر...

"عمر" احسن اشربي بقاا!

"اسيل" حاسب الست الست....حاسب الراجل الكبير يالهوي...؟

"عمر" تحبي تسمعي اغاني..!!

"اسيل" هاااانموت يا بارد..؟

"عمر" انا بارد...طب اهوو...

"اسيل" لا مش عايزه اموت دلوقتي يرضيك زهره شبابي تقلب فجل...!!

"عمر" وتقلب جرجير وحياتك..!!

"اسيل" قول انت عايز ايه !!

"عمر" تعترفي..!!!!!!!؟

"اسيل" اقول ايييييه!!

"عمر" انك بتحبيني...!!!!!!!؟

/نظرت له نظره لن يفهمها سوي العشاق نظره الخوف والحب الممزوجه بالاضطراب المضاف عليها التوتر مع ملعقه كبيره من الشغف/!!!

"اسيل" لا اكيد انت مجنون اكيد!!

"عمر" البركه فيكي جننتيني!؟

"اسيل" عمر وقف بلاش جنان انا معنديش ليك مشاعر!!

"عمر" /بغضب ممزوج بحزن/ بطلي كدب لو مكنش في مشاعر كان زمانك هربتي مني اول لما عرفت الحقيقه بس انتي فضلتي عشان شايله همي!!؟

"اسيل" كل دي اوهام انت مخترعهاا!

"عمر" ملكيش دعوه خليني عاايش فبحر اوهامي وخليكي انتي ياست الحسن والجمال في الواقع...

"اسيل" عمر نزلني!

"عمر" علفكره مش بمزاجك..؟

"اسيل" بمعني..!

"عمر" بمعني حضرتك هتبقي هنا قدام عيني تحت عيني لحد ما ربنا يشفي والدك ونتجوز!

"اسيل" /بصدمه/ نت...نتجوز...نتجوز..نتجوز..

"عمر" امال اخدك فالحرام...!

"اسيل" بطل سفاله...وبعدين انت امبارح مكنتش طايقني انت متاكد انك مش مجنون او مريض نفسي..

"عمر" امبارح كنت مضغوط والصدمه كانت وحشه عملت حجات وندمت عليهاا ونورا انا عارف هعمل معاها ايه كل ده نساني حاجه...نساني انك بتاعتي واننا هنتجوز...ولو انا مريض...ابقا مجنون بحبك..!!؟

(تغير فظيع يا عمر😂)

/في احد الكافيهات/

"ملك" ممكن اعرف انت جايبني هنا وطلبت تشوفني ليه؟!

"هشام" حبيبتي انتي....

"ملك" /بحده/ متقولش حبيبتي..!

"هشام" /بغضب/ مين الواد ده!

"ملك" /بتسأول/ واد...واد مين!

"هشام" الواد الي جيه الكافيهه واتخانق معايا هو وصاحبه..

"ملك" ذياد...وانت مالك

"هشام" نعم مالك..ايه مالك دي هو احنا مش متصحبين..

"ملك" كنا..كنا يا هشاك وخلاص فركش الموضوغ خلص روح للسانيوره شاهي!

"هشام" انتي عارفه اني بحبك وا..

"ملك" واني مستحيل اتخلي عنك وسمحيني علي اي حاجه عملتها دي كامت مجرد نذوه وانتي الاصل....حفظت كلامك بالحرف تحب اسمع..؟!

"هشام" ملك..

"ملك" المفروض مغرش من دي واتقبل ان دي صاحبتك وممكن تبوسك وتحضنك عادي زمايل..واكبر دماغي من دي...طب وانا يا هشام انا ايه!!

"هشام" ده الباشا معبيكي مني؟

"ملك" اد ما تقدر قولي واحلفلي وانا والله ماهرجعلك..!!!!؟

"هشام" /بصراخ وتسرع/ منا طول عمري بكسرك وبتجيلي مكسوره ايه الجديد..

"ملك" /بسخريه/ طول عمري...عمري الي كان معاك وانا معاك الثانيه كانت بتعدي سنه من كتر اهمالك يا هشام...

"هشام" انا مفيش حاجه اعوزها وحد ياخدها مني!

"ذياد" انا مش سلعه بينكو انتو مش في مذاد الي يدفع اكتر ياخدني وابقي بتاعته......وذياد ابن عمي مفيش بنا حاجه عشان دماغك متشغلكش عن اذنك..!

"هشام" /وهو يقف ويمسك يدها يمنعها من المغادره/ ملك اقعدي نتفاهم..!

"ملك" هشام الناس بتبص علينا سيب ايدي..!

"هشام" مش هسيبك غير لما نتفاهم!!

"ملك" /بذهول/ ذياد..!!

"ذياد" /وهو ياخذ ملك ويضعها خلف ضهره/ مخلااص يا هشومه ما قالتلك مش هترجعلك..!!

"هشام" /بسخريه/ اهلا اهلا بـ سي سوبر مان خايفه مني يا ملك عشان كده جايبه الحيطه ده معاكي!!

"ذياد" /وهو يدفعه للخلف/ هو انا عشان ساكتلك تتمادي وبعدين تخاف ليه هو انت عو لا مؤاخذه!!

"ملك" ذياد...مفيش حاجه!!

"هشام" ياعم وانت مالك نرجع منرجعش!

"ذياد" هو انا مش قلت تخصني!

"ملك" بليز الناس بتبص!

"ذياد" /وهو يضرب علي وجهه هشام بخفه/ متبقاش تيجي جمب حاجه مش بتاعتك عشان متتعورش!!!

/قالها من ثم امسك يد ملك وخرج/

"ذياد" هتزعقي ولا هتتخنقي..

"ملك" شكرا..

"ذياد" افندم..

"ملك" شكرا لولااك مكنتش خلصت من هشام!

"ذياد" بس متجبيش سيرته بتنرفز!

"ملك" انا عايزه اروح. 

"ذياد" تعالي.....😘...يتبع..  ♥️💞

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙