رواية بحبك يا بنت عمي الفصل الاول والثاني والثالث والرابع والخامس بقلم الكاتبه ملك أيمن حصريه وجديده على مدونة النجم المتوهج

رواية بحبك يا بنت عمي الفصل الاول والثاني والثالث والرابع والخامس بقلم الكاتبه ملك أيمن حصريه وجديده على مدونة النجم المتوهج 

رواية بحبك يا بنت عمي الفصل الاول والثاني والثالث والرابع والخامس بقلم الكاتبه ملك أيمن حصريه وجديده

الفصل الأول 

الأبطال ( مازن، مي)

سعاد : أم مي 

سعاد : أصحي يا مي يا حبيبتي

مي : يا ماما النهاردة الجمعة انام شوية والنبي 

سعاد : يا حبيبتي الظهر إذن قومي اسمعي الخطبة وصلي 

مي : حاضر يا ست الحبايب 

مي بنت عسولة اوي في 3 كلية طب عايشة هي ومامتها لوحدهم في اسكندرية بعد وفاة أبوها 

مي : صباح الخير يا ماما 

سعاد : صباح النور يا حبيبة ماما 

قامت مي صلت وفطرت مع مامتها وسمعوا الخطبة ... وبعد الخطبة 

سعاد : مي انا عاوزة اقولك على حاجة 

مي : قولى يا ماما 

سعاد : بصي يا حبيبتي بباكي الله يرحمه من عيلة غنية اوي في القاهرة وانا بنت ناس على قد حالهم قابلت بباكي وحبينا بعض و قرر يتجوزني بس جدك أبو بباكي رفض وخيره ما بين حقة في الورث وبيني وبباكي اختارني انا وجينا اسكندرية وعيشنا أحلى حياة وربنا رزقنا بيكي 

مي : جدي ده غريب اوي يتخلى عن ابنة بسهولة كدة 

سعاد : ربنا يهدية 

مي : طيب انتي بتقوليلي ليه الكلام دة دلوقتي يا ماما 

سعاد : عشان لو جرالى حاجة تبقي عارفة عيلتك فين وانا اديت عنوانهم وأرقام تليفوناتهم لطنطك أم وليد جارتنا 

مي : بعد الشر عليكي يا ماما ليه بتقولي كدة وقامت حضنة مامتها 

وبعد شوية جات صاحبتها وجارتها منار عشان يخرجوا 

منار : انتي يا بت يا ميوش يلا عشان نخرج نشم شوية هوا 

مي : لا مليش مزاج 

منار : نعم ياختي هو انا مش بتلم عليكي غير يوم الجمعة مش كفايا الطب واخدك مننا 

سعاد : اخرجي يا بنتي 

منار : ايوة قوليلها يا طنط 

مي : بس الجو برد وشكلها هتمطر 

منار : يارب تمطر واهو نلعب تحت المطر شوية 

مي : هبلة من يومك ثواني واجهز ياختي 

نزلوا البنات وقعدوا يلفوا في اسكندرية ومي حكت لمنار على كلام مامتها إلى قالتهولها 

منار : متخافيش يا ميوش أن شاء الله هتعيش جمبنا العمر كلة ومش هتحتاجي للناس دي ابدا 

مي : يارب

وهما بيشتروا الايس كريم الدنيا ابتدت تمطر 

مي : يالهووووي ياختي مبسوطة أهي مطرت 

منار : ايوة بقي 

مي : مجنونة 

منار : يالهووووتي نسيت شنطتي عند عم آمين في المكتبة

مي : خلاص اشتري الايس كريم وانا اروح اجيبها انا 

منار : ماشي 

مي ماشية و الجو بيمطر وجات تعدي الشارع والعربية توووت

مي : صوتت 

الولد : نزل من العربية وقال ( انتي اتعميتي )

مي : معلش آسفة والله ماخدتش بالى

الولد : قعد يبص عليها شوية وسرح في عينها وشكلها كان جميل والمطر نازل على وشها 

الولد : انتي اتعميتي 

مي :وليه الغلط دة بس ما قولت مخدتش بالى

الولد : والله وانا اعمل اية باسفك ده اية العالم دى 

مي : انت مغرور ليه تصدق اني انا غلطانة اني اتاسفتلك 

الولد : الأسف ده أقل حاجة اصلا وتحمدي ربنا اني مش موتك

مي : انا عمرى ما شفت كدة 

الولد : ولا هتشوفي انتي تطولى تقفي معايا اصلا

مي : هههههههه وربنا انت عبيط 

الولد : نعم انتي متعرفيش انا مين ولا ايه 

مي : ولا عاوزة اعرف لأنك مريض نفسي ربنا يشفيك 

الولد : انا مريض يا غبية انتي 

مي : متحترم نفسك بقي انا سكتالك من الصبح ده شارعنا وممكن الم عليك الناس كلها وتطحن هنا 

الولد : انا اصلا مش هضيع وقتي مع واحدة غبية زيك 

مي : سبنالك الذكاء يا مغرور 

وركب الولد عربيتة ومتعصب وقعد يكلم نفسة ، هي فاكرة نفسها مين الغبية دى اخرتني عن الاجتماع أه لو شوفتك مرة تاني هطلع عنيكي عامة انا مش بنسي شكل أي حد يهيني 

مي : راحت لعم آمين وجابت الشنطة وراحت لمنار

منار : اتاخرتي لية 

مي : واحد مغرور كان هيخبطني واتخانقت معاة 

منار : خبطك ازاى حصل ايه احكيلى 

وحكتلها مي على كل حاجة 

منار : هههههههههههههههه 

مي : بتضحكي على أيه 

منار : أذا انه واد مغرور صحيح 

مي : اها فعلا حرق دمي المتخلف 

منار : ولا تزعلى نفسك المهم هو مز ولا لا ؟

مي : هو ده إلى همك وربنا لموتك وقعدوا البنات يجروا بعض تحت المطر...

بحبك يا بنت عمي

الحلقه الثانية 

مي ومنار قعدوا يلعبوا فترة كبيرة تحت المطر وبعد كدة روحوا 

مي اول ما دخلت البيت 

سعاد : اية ده يا مي مجتيش لية اول ما ابتديت تمطر

مي : اعمل اية في منار المجنونة 

سعاد : طب يلا بسرعة غيري هدومك 

مي : حاضر يا ماما 

غيرت مي هدومها ونامت

وعدا شهرين وخلصت مي امتحانات نص السنة 

وفي يوم 

سعاد : مي يامي يامي

مي : طلعت من اوضتها جرى على اوضة مامتها و أول ما دخلت الاوضة أمها اغمي عليها 

مي قعدت تعيط ماما ماما قومي اية جرالك يا حبيبتي مي طلعت بسرعة على جارتهم أم منار وقعدت تخبط على بابهم بسرعة 

أم منار : مين إلى بخبط على الباب كدة استر يارب 

منار : مش عارفة يا ماما 

اول ما فتحت الباب لقت مي بتعيط 

مي : الحقيني يا طنط ماما اغمي عليها ومش عارفة حصلها اية 

أم منار : متخافيش يا حبيبتي، منار اتصلي بسرعة بالاسعاف 

منار : حاضر يا ماما 

وراحوا مع مي جرى على الشقة وجات عربية الإسعاف وخدت سعاد 

في المستشفي 

الدكتور خرج من اوضة الكشف 

مي : خير يا دكتور 

الدكتور : مرحلة متأخرة من سرطان وكان لازم تبدأ بالعلاج الكيماوي من فترة 

مي : سرطان 

الدكتور : هو انتوا مكنتوش تعرفوا ولا اية 

أم منار : سكتت 

مي : انتي كنتي عارفة يا طنط ؟

أم منار : اه يا بنتي بس هى حلفتني مش اجبلك سيرة ورفضت العلاج الكيماوي لأنه مكلف وقالت عشان تسبلك حاجة تسندك من بعدها 

الدكتور : طب استاذن انا بس حالتها متدهورة ومفيش حل غير العلاج الكيماوي 

مي : يحرق الفلوس يا طنط مقولتليش ليه حرام عليكي ليه 

سمعتي كلام ماما انا دكتورة و عارفة ، كدة يا طنط هعيش من غيرها ازاى

أم منار : سامحيني يا بنتي والله هي حلفتني غصب عني 

منار : اهدي يا مي أن شاء الله هتبقى كويسة

مي : يااااااارب 

مي : راحت للدكتور وقالتلة يبدأ العلاج الكيماوي وكانت بتحاول تبتسم اول ما تشوف مامتها 

عدا شهرين وكل الفلوس إلى معاهم خلصت ومبقتش عارفة تجيب حق العلاج منين

وفي يوم قاعدة هي ومنار في الصالة 

منار : طيب هتعملى اية 

مي : هسيب الكلية واشتغل 

منار بصوت عالي : ايه تسيبي الكلية 

مي : وطي صوتك امي تسمعك 

منار : انتي مجنونة ازاى تسيبي طب 

مي : آمال يعني اسيب امي تموت وقعدت تعيط 

منار : سكتت ومكنتش عارفة تنطق 

أم مي كانت واقفة ورا الباب وسمعت كل حاجة واغمي عليها 

منار : طب يلا نروح نشوف طنط 

دخلوا الاوضة لقوها مغمي عليها 

مي انهارت 

نقلوا سعاد المستشفي 

سعاد : فين مي يا منار 

منار : برا مع الدكتور يا طنط 

سعاد : طب انداهلها يا حبيبتي 

منار : حاضر يا طنط 

دخلت مي واعطت مامتها بوسة فوق رأسها سلامتك يا ست الكل 

سعاد : الله يسلمك يا قلبي 

مي : انا كلمت الدكتور وهنبتدي الجلسة بعد شوية 

سعاد : اسمعيني يا مي انا خلاص يا حبيبتي باباكي مستنيني وانا شيفاة 

مي : لا يا ماما متقوليش كدة هتخفى يا ماما 

سعاد : مهما حصل معاكي اياكي تسيبي كليتك مهما حصل يا مي ده حلمنا من زمان أننا نشوفك دكتورة قد الدنيا

مي : حاضر يا ماما بس ارتاحي انتي متتعبيش نفسك

سعاد : اسمعيني يا بنتي لازم ترجعي لأهل ابوكي 

مي : انا مش هسيبك ومش هرجع للناس إلى اتبروا من بابا وطردوه

سعاد : دول مهما كان أهلك وهما اولى الناس بيكي هي دى وصيتي ليكي يا مي 

مى : قعدت تعيط وكمان منار وكمان أم منار 

سعاد : حطت ايديها على شعر مي خلى بالك من نفسك يا بنتي 

سعاد : أشهد أن لا إله إلا الله وأشهد أن محمد رسول الله وماتت

مي : لالالالالا متسبنيش يا ماما انا مليش غيرك وانهارت وقعدت تحضن في أمها 

منار كمان انهارت 

أم منار : مسكت مي وطلعتها برا وحدي الله يا بنتي 

مي : هعيش من غيرها ازاى بس يارب خدتها منى لية 

أم منار : وحدي الله يا بنتي ربنا مش بينسي حد 

وانهارت مي واغمي عليها...

يتبع 

بحبك يا بنت عمي

الحلقه الثالثة 

عدا شهر ومي منهارة وتعبانة ومنار كانت بتبات معاها وتخفف عنها شوية 

في يوم 

أم منار : مي يا بنتي مينفعش إلى بتعمليه ده امتحاناتك قربت وأنتي مش بتروحي الكلية إلا كل فين وفين ولا نسيتي وصية أمك 

مي : افتكرت كلام أمها وقعدت تعيط 

أم منار : اهدي يا بنتي وقومي ذاكرى وانا هكلم عمك بكرة 

مي : عمي مين 

أم منار : عمك محمد يجي ياخدك بعد الامتحانات 

مي : للدرجة دي انا تقيلة عليكم يا طنط 

أم منار : متقوليش كدة يا بنتي ربنا عالم بمعزتك عندي وإني بحبك زى منار بس دى كمان وصية أمك 

مي : يارب رحمتك ، طيب ممكن تاجلى الاتصال ده بعد ما أخلص امتحانات 

أم منار : حاضر زي ما تحبي 

عدا شهر كمان وخلصت مي امتحانات فيوم أم منار قررت تتصل بأهل مي زى ما سعاد وصتها 

أم منار : الو السلام عليكم ورحمة الله وبركاته 

واحدة ردت : وعليكم السلام ورحمة الله 

أم منار : ممكن أكلم الأستاذ محمد القاضي 

الوحدة : نقوله مين 

قوليلة واحدة عايزاة في حاجة مهمة 

إلى ردت دى كانت الشغالة ومحمد ده يبقي عم مي إلى ورث كل حاجة بعد موت أبوه ومخلف ابنه مازن رئيس مجلس إدارة الشركة وهو ابنه الوحيد ومراته ماتت ومتجوز ليلى إلى مخلفة بنت بس من واحد قبلة وكانوا على سفر 

محمد : مين يا ام حسن 

أم حسن : واحدة بتقول عاوزاك يا بيه فحاجة مهمة قام محمد ومسك السماعة 

محمد : الو مين 

أم منار : انا جارة مرات أحمد اخوك الله يرحمه 

محمد : الله يرحمه ، خير في حاجة 

أم منار : الحقيقة مرات اخوك اتوفت من شهرين ووصتنا قبل ما تموت اني اتصل بحضرتك 

محمد : وتتصلى بيا ليه 

أم منار : اخوك مخلف بنت اسمها مى داخلة 4 طب وبعد أمها ما اتوفت ملهاش غيركم ، وعايشة لوحدها 

محمد : اه فهمت هبعتلها السواق يجي يخدها 

أم منار : بس 

محمد : في ايه تاني 

أم منار : البنت في 4 طب وكليتها هنا 

محمد : ماشي هبعت حد يحولها أوراقها جامعة القاهرة 

أم منار : بس هي كانت بتقول مينفعش التحويل فى 4 

محمد : مفيش حاجة اسمها مينفعش عند محمد القاضي 

أم منار : سكتت 

محمد : حاجة تاني 

أم منار : لا خلو بالكم منها 

محمد : طيب سلام وقفل السكة ، ورجع للسفرة 

ليلي : مين إلى بيتكلم 

محمد : دى جارة مرات اخويا الله يرحمه 

ليلى : وعاوزة اية 

محمد : بتقولى أن مرات اخويا ماتت وان اخويا عنده بنت وأنها هتيجي تعيش معانا 

ليلى : نعم تعيش معانا ، ايه وانت قولتلها ايه ؟

محمد : قولتلها هبعتلها السواق يجيبها 

ليلى : طب مش تاخد راينا

محمد : اخد رأيك في اية دى بنت اخويا وملهاش غيرنا 

ليلي : وماتروح لأهل أمها 

مازن : طنط معاها حق فعلا ماتروح لأهل أمها هو مش جدى اتبرا من عمي وحرمة من الورث عشان اتجوز واحدة أقل منة 

محمد : إلى متعرفوش يا بشمهندس أن جدك وهو بيموت وصاني أسأل على مرات اخويا وبنتها وانا إلى قصرت واهي جات لغيت عندي وهنفذ الوصية 

مازن : ماشي نديها كام قرش وتخليها في اسكندرية 

محمد : عاوز بنت عمك تعيش وحدها 

مازن : انا مليش اعمام 

محمد : إياك اسمع منك الكلمة دى تاني ، بنت اخويا هتيجي تعيش هنا يعني هتعيش هنا مهما كان دى شايلة اسم عيلة القاضى 

ليلى : بس 

محمد : مفيش بس ، انتهي النقاش 

عند أم منار 

منار : ها يا ماما قالك ايه 

أمها : قال هبعت السواق يجي يخدها بكرة 

مي : مش هاين عليه يجي ياخدني ، أهى بانت من أولها 

أم منار : يا بنتي ده رجل أعمال مشهور اكيد مش فاضى 

مي : اه طبعا مش فاضى ، وكليتي 

أم منار : قال هينقلك جامعة القاهرة 

مي : ازاى مينفعش 

أم منار : هو قال مفيش حاجة صعبة عليهم 

منار : طبعا يا بنتى واصلين 

مي : يعني خلاص مش هرجع أسكندرية تاني 

أم منار : لا طبعا الصيف كله عندنا 

مي : ما هو الصيف هيكون عندى تدريب في المستشفي 

أم منار : هتلاقى وقت وهتيجي أن شاء الله 

مي : أن شاءالله 

أم منار : يلا يا منار ساعديها وجهزى شنطك عشان الصبح تتوكلى على الله 

منار : حاضر يا ماما 

بحبك يابنت عمي

الحلقة الرابعة 

أم منار : صحت مي ومنار الصبح علشان يفطروا 

مي : انا مليش نفس يا طنط 

أم منار : ليه بس يا بنتي 

منار : كلى حاجة يا مي انتي مسافرة 

مي : معلش مش قادرة بجد 

أم منار :طارق رن عليا وبيقولى السواق مستنيكي تحت 

مي : ابتدت تعيط 

أم منار : كفاياكي يا بنتي عياط 

مي : مش مصدقة اني هفارق اسكندرية هتوحشوني أوي 

منار : ابتدت تعيط وتحضن مي 

مي ودعت شقتها وودعت منار وأمها وركبت مع عم أحمد واتجهت للقاهرة 

في بيت محمد القاضي 

محمد : مي جاية النهاردة 

مازن : مي مين ؟

محمد : مي بنت عمك 

ليلى : هي اسمها مي

محمد : اه اسمها مى وفي 4 طب 

مازن : طبيعي تبقي في طب

هبة بنت ليلى : طبيعي ازاى يعني 

مازن : عشان عائلة القاضي مش يتخلف غير ناس متفوقة 

محمد : كويس اديك اعترفت أنها من العيلة 

مازن : سكت وحس بالندم على كلامة

محمد : هى هتوصل كمان ساعتين لازم نستقبلها

مازن : انا عندي شغل مش هستني حد 

ليلى : وانا عندي ميعاد مع ميرفت هانم 

هبة : وانا رايحة النادي 

محمد : اه ابتدينا من اولها ماشي براحتكم انا هستقبلها وأبقوا اتعرفوا عليها بليل 

كله راح لمواعيده وبعد ساعتين وصلت مي وكان عمها مستنيها 

مي نزلت من العربية وكانت لابسة جينز اسود و فستان اسود نص كم طويل وعاملة شعرها ديل حصان وابتدت تنزل شنطها مع عم أحمد 

محمد : أهلا أهلا أهلا حمد الله ع السلامة 

مي : الله يسلمك 

محمد : طبعا مش عرفاني

مي : لا بصراحة 

محمد : انا عمك محمد يا مي شرفتي يا حبيبتي

مي : سلمت على عمها ، ازيك يا عمو 

محمد : البقية فحياتك 

مي : حياتك الباقية 

محمد : انتي شبه ابوكي اوي 

مي : الله يرحمه 

محمد : انا مش عاوزك تحسي انك غريبة ابدا ده بيتك وانا ابوكي وأي حاجة تطلبيها أوامر 

مى حست بالأمان شوية

مي : حاضر يا عمو 

محمد : قال للخدامين يدخلوا شنط مي الفيلا 

محمد : انا خلتهم يجهزولك اوضة اطلعي ارتاحي يا حبيبتي عشان انا خارج عندي شغل 

مي : هو انت عايش وحدك يا عمو؟

محمد : لا مش وحدي أم حسن هتقولك على كل حاجة عشان انا اتاخرت 

مي : ماشي يا عمو سلام 

محمد : سلام وركب العربية وراح على الشركة 

أم حسن : ما شاء الله الخالق الناطق ابوكي

مي : انتي عارفة بابا 

أم حسن : طبعا يا بنتى انا مربياهم على ايديا تعالى أما احكيلك عن الناس إلى عايشين في الفيلا دى 

مي : احكي 

أم حسن : اول حاجة البشمهندس محمد عمك ومخلف مازن مهندس برضو وشغال معاه في الشركة 

مي : هههههههه العيلة كلها مهندسين حتى بابا الله يرحمه مهندس

أم حسن : الله يرحمه 

مي : ها كملى 

أم حسن : وفي بقي ليلى هانم مرات محمد بيه وبنتها هبة 

مي : مش فاهمة يعني مرات عمي وبنت عمي 

أم حسن : لالا انتي مازن بس هو إلى ابن عمك إنما ليلى هانم دى مرات عمك وهبة دي بنتها من راجل تاني 

مي : اه فهمتك 

أم حسن : بس كدة 

مي : طب احكيلى عن شخصيتهم وكدة

أم حسن : ليلى هانم وبنتها مغرورين اوي يا بنتي والاحسن انك تختصريهم دى ست شرانية كل همها تجوز بنتها لمازن عشان الفلوس

مي : يا ساتر ، طب ومازن 

أم حسن : مازن حياته كلها شغل فشغل بس ورث جبروت جده وبيعامل الناس الفقراء وحش

مي : ياربي هعيش وسط الناس دى ازاى انا مش شبهم خالص 

أم حسن : عمك محمد كويس

مي : اه في من حنية بابا 

أم حسن : هسيبك ترتاحي

مي : ماشي 

نامت مى والساعة 5 المغرب جات أم حسن تصحيها للغدا 

أم حسن : ست مي قومي 

مي : قامت ايه يا دادة بلاش ست مي دى قوليلي مي بس 

أم حسن : ربنا يخليكي يا بنتي نفس طيبة ابوكي ، محمد بيه بيقولك انزلى عشان تتغدي وتسلمي على باقي العيلة 

مي : غسلت وشها ولفت شعرها ونزلت وهي نازلة على السلم مشفتش على السفرة غير واحدة ست وبنتها ، اول ما قربت من السفرة 

محمد : تعالى يا مي سلمي على ليلى مراتي وهبة بنتها ، مي سلمت على ليلى اهلا ازيك يا طنط 

ليلى بقرف : الله يسلمك وبلاش طنط دى قوليلي يا ليلى بس

مي باستغراب : حاضر وبعدين سلمت على هبه أهلا ازيك يا هبه

هبه بتكبر وغيرة : أهلا 

مي محستش بالراحة اول ما شافت ليلى وبنتها 

محمد : اقعدى اتغدي يا مي معلش مازن عنده شغل وهيتاخر شوية 

مي : مفيش مشكلة 

محمد : انا حولتلك الورق بتاعك طب القاهرة 

مي : شكرا يا عمو تعبتك

محمد : مش عاوز اسمع كلمة شكرا دى انا ابوكي فاهمة 

مي براحة نفسية : ماشي يا عمو 

ليلى وهبه منطقوش ولا كلمة من الغيظ.....

بحبك يابنت عمي

الحلقة الخامسة 

بعد الغداء

محمد : مي تعالى معايا المكتب عاوزك 

مي : حاضر

بعد ما مشيو للمكتب 

هبة : ماما هو عاوزها في ايه 

ليلى : مش عارفة 

هبة : انا ابتديت اقلق دى حلوة اوي يا ماما وعمو محمد مهتم بيها ليكون عاوز يجوزها لمازن 

ليلى : محدش هيتجوز مازن غيرك والبنت دى انا هشفلها صرفة

في المكتب

محمد : بصي يا مي انا عاوزك تعتبرينى زي ابوكي اى حاجة توزيعها أو تطلبيها مني فاهمة أي حاجة متتكسفيش 

مي : حاضر يا عمو 

محمد : شوفي هتفضي امتى عشان أخدك واشتريلك عربية 

مي : لالا عربية ايه 

محمد : انتي من عيلة القاضي مش هتروحي الكلية كده 

مي : انا مش بعرف أسوق وبصراحة بخاف 

محمد : خلاص هخلى السواق يوصلك ويجيبك 

مي : ربنا يخليك يا عمو 

محمد : دى أقل حاجة يا بنتي انا مش بديكي حاجة من عندى ده حقك وحق اخويا الله يرحمه 

مي : الله يرحمه 

محمد : حط ايده في جيبة وطلع فلوس خدي يا مي 

مي : لا يا عمو انا معايا 

محمد : مفيش حاجة اسمها لا ودي زيادة ووقت ما يخلصوا تطلبي مني 

مي : بس 

محمد : مفيش بس في بنت تقول لابوها لا 

مي : ابتدت تعيط 

محمد : لالا ليه الدموع دى طيب 

مي : انت حنين اوى يا عمو زي بابا بالضبط 

محمد : ابوكي ده كان ابني مش بس اخويا وأنتي شبهه بالظبط وبتفكريني بيه 

مي : حضنت عمها ربنا يخليك ليا 

محمد : ويخليكي يا حبيبتي 

مي : طيب استاذنك يا عمو اروح ارتب اوضتي 

محمد : اتفضلى 

مي : قعدت ترتب اوضتها وكلمت منار وأمها وطمنتهم عليها 

الساعة 12 بليل رجع مازن وكان طالع اوضته 

محمد : مازن تعالى هنا 

مازن : بابا انت لسا صاحي 

محمد : اه مستنيك 

مازن : خير في حاجة 

محمد : ايه اخرك ؟

مازن : كان عندي شغل 

محمد : شغل ولا متعمد عشان مش تسلم على بنت عمك 

مازن : سكت 

محمد : يا بني دي بنت عمك يعني من بعدي هي إلى ليك من عيلتك 

مازن : بعد الشر عليك يابابا 

محمد : ربنا يهديك يا مازن ، تصبح على خير 

مازن : وانت من أهله 

مازن وهو طالع على السلم هى مين دى إلى تبقي من عيلتي دى عيلة أمها كانوا خدامين هنا ودخل مازن اوضتة ونام 

الصبح 

كله على السفرة بيفطر 

محمد بينده على أم حسن 

أم حسن : نعم يا بشمهندس 

محمد : فين مي 

أم حسن : لسا نايمة 

ليلى : اية قلة الذوق دى ازاى لسة نايمة 

محمد : أولا الساعة لسا 8 ثانيا البنت جاية من سفر اكيد تعبانة ثالثا البنت معندهاش كلية دى في إجازة لكن احنا كلنا عندنا شغل يبقي تنام براحتها 

ليلى في سرها : من اولها بيدافع عنها 

محمد : خلاص يا ام حسن اول ما تصحى مي هانم قوليلها لو احتاجت حاجة ترن عليا

أم حسن : حاضر يا بيه 

مازن : هانم 

محمد : اه هانم وست الهوانم دى مي أحمد القاضي بنت أكبر عيلة في القاهرة 

مازن : انا شبعت بعد اذنكم هروح الشغل 

هبة : خدني معاك 

مازن : ليه وعربيتك 

هبة : معرفش مالها مش شغالة 

مازن : طيب يلا 

مازن : بعد اذنك يابابا 

محمد : اتفضل وانا شوية وهحصلك 

خرج مازن وهبة وطبعا عربية هبة ولا كانت عطلانة ولا حاجة دى حجة عشان تخرج مع مازن 

ليلى : انت مدلعها اوى على فكرة 

محمد : مين؟ 

ليلى : مي 

محمد : وماله تدلع براحتها دة أقل حاجة 

ليلى : أقل حاجة ازاى 

محمد : مي عايشة في ورث أبوها يعنى محدش بيديها حاجة من عنده 

ليلى : ورث أبوها ازاى اذا كان عمى حرم أبوها من الورث 

محمد : قام وهو متعصب انا مليش دعوة ببابا انا كنت ضد القرار ده اصلا ودى الحاجة الوحيدة إلى بقيتلى من ريحة اخويا وانا مستحيل اسيبها وأى حد هيزعلها هو إلى هيزعل 

ليلى : قصدك ايه 

محمد : اللي فهمتيه ، انا ماشي وخرج من الفيلا وراح على الشغل 

ليلى : على نفسك ، الله الله يا ست مى جاية تخربيلى كل إلى كنت بخططله ، انا هوريكي انتي وعمك 

بعد ساعة صحيت مي ونازلة من على السلم

مي : صباح الخير يا دادة 

أم حسن : صباح النور يا دكتورة 

مي : ايه دكتورة دى انا مش قولت تقوليلي مي بس

أم حسن : حاضر يا ست مي 

مي : ههههههههههه برضو ست مفيش فايدة فيكي ، آمال فين الناس إلى عايشة هنا 

أم حسن : محمد بيه وسي مازن وست هبة راحوا الشغل وست ليلي راحت النادى 

مي : هي هبة بتشتغل ايه 

أم حسن : معاهم في الشركة 

مي : اها 

أم حسن : اه البشمهندس محمد قالى اقولك لو عوزتي حاجة رني عليه 

مي : ربنا يخليك ليا يا عمى 

أم حسن : اجهزلك الفطار 

مي : لا مليش نفس هخرج اتمشي شوية 

أم حسن : تتمشي فين انتي مش عارفة حاجة هنا 

مي : شفت جنينة اطفال بعد شارعين من هنا هلف شوية وارجع 

أم حسن : طيب زى ما تحبي 

في المكتب 

مازن قاعد مع صاحبه وزميله في الشغل أسامة بيناقشة مشروع وكانت السكرتيرة داخلة بالقهوة 

مازن وقف فجأة وهو بيشرح لأسامة حاجة بخصوص المشروع ومخدش باله من دخول السكرتيرة فاندلقت القهوة على كل هدومة 

مازن : ايه ده انتى اتعميتي 

السكرتيرة : آسفة يا فندم حضرتك إلى وقفت فجأة 

مازن : اطلعي برة انتى مرفودة 

السكرتيرة طلعت وهي بتعيط 

أسامة : ايه يا مازن مالك متعصب ليه مش مستهالة......

يتبع