رواية زواج على ورق الفصل السابع بقلمMarità حصريه وجديده على مدونة النجم المتوهج
رواية زواج على ورق الفصل السابع بقلمMarità حصريه وجديده على مدونة النجم المتوهج
فارس: يعني انتي اللي ما بتعرفي تحبي مو أنا
مايا: لاء مو صحيح ه الحكي بس أنا لسا ما لقيت الشخص المناسب الي
فارس: لك انتي ما بتستحي عم تقولي قدامي انا جوزك انو لسا ما لقيتي الشخص المناسب الك
مايا: جوزي ع الورق بس مو انت صرعتيني ب ه الكلمة
فارس: قلتلك من الأول انو ما رح تحكي مع الشباب متل ما بدك زكإنك مو مجوزة حتى لو كان الزواج عل الورق
مايا: و أنا ما عم احكي مع حدا و يكون بعلمك انو انت الك الحق تحاسب حبيبتك روز مو أنا اي !!
فارس: انا ما بحبا لروز
مايا: اي قلتلك انو انت ما عاد تعرف تحب بعد اللي صار
مع هبة
فارس: اللي صار مع هبة خط أحمر ما بدي تحكي فيه اي و عن قصة ما بعرف حب هاد شي تاني
مايا: اي لكان ليش مابتحبا لروز و تتجوزا
فارس: لإنو...
مايا: و لا قلك أنا بجاوبك انت ما بدك تتجوزا لروز بسبب كلام الناس
فارس: شلون يعني شو قصدك
مايا: لإنو ازا جوزتا رح تحكي الناس عليك انو شلون تجوز وحدة متل هيك و لا مفكرني ما بعرف انو روز بنت ليل!
فارس: ...انت شلون عرفتي
مايا: فارس أنا مو غبية له الدرجة .. لك مبين من هيئتا من لبسا من طريقة حكيا
فارس: اي بعرف كل اللي قلتيه صحيح اي صحيح روز بنت ليل بس بحلفك يا مايا اني ما لمستا !!
مايا: ما بهمني ليش عم تقلي هل الحكي الي
فارس: انت ما بهمك ه الشي
مايا: لا ما بهمني بنوب اساس انا بطريق و انت بطريق
فارس: بس أنا بهمني انك تعرفي اني بس عم بطلع مع هي روز و رحمة امي و أبي ما لمستا و بغظ النظر عن حكي الناس و انو هيي بنت ليل و مدري شو و الله ما بحبا و ما بحب و لا شي فيها
مايا: بقلك شغلة حتى لو هييي بنت ليل بس بجوز بتحبك فلهيك لا تتسلا فيها ايا كان بتضلا انسانة و بتحس
فارس: بتعرفي انك بنت غريبة كتير
مايا: ليش غريبة..ههه لإنو شفقت عليها ليك ما في سبب يخليني اكرها لإنو ما في بيني و بينا شي لا انا غلطت معا و لا هيي غلطت معي و شغلا الوسخ عم تأذي فيه حالا و شرفا مو أنا
فارس: أنا من وقت ما راحت هبة ما عاد حبيت ولا بنت و قضيتا تسلايي بس و هيك صارت حياتي مخربطة
مايا: لسا ما فات الأوان بتقدر تصلح كلشي و ترجع تبلش حياة طبيعية و حلوة مع شخص بتحبو بتمنالك التوفيق بحياتك
- و اجت مايا لتقوم من الكنباية فمسكا فارس من إيدا و قربا لعندو و قلا
فارس: تقبلي تكوني انتي ه الشخص اللي بدي عيش معو حياة طبيعية و حلوة و نرجع نبلش من جديد
مايا(قلبا صار يدق بسرعة ): انت شو عم تحكي شو قصدك
فارس: أنا بحبك بحبك !
مايا (بعدت عنو ): انت شو عم تحكي ليك فارس أنا بعرف ليش انت عم تحكي هيك بس لتاخود اللي بدك ياه مني و بعدين ما تعود تسأل عني
فارس: اي توقعت تفهميني هيك توقعت تفهميني غلط
مايا: لاء أنا مو فهمانة غلط هاد هوي الصح
فارس: كيف بقدر اثبتلك اني بحبك
مايا: ما بدي تثبتلي شي و نا بهمني
فارس: بدك اتغير خلص من هلأ بقطع علاقتي بروز
مايا: لاء ما بدي شي منك
فارس: طيب متل ما بدك بس يكون بعلمك يا ست مايا انو انا من هلق ه الزواج بطلت اعتبرو عل الورق بس يعني صار حقيقي
مايا: بلله جد ليش ع كيفك الشغلة يعني مايا روحي و مايا اجي اي من هلق عم حذرك ازا بتحاول تقرب عليي فلا تلوم الا حالك
فارس: لاء ههه ازا كرمال ه الشغلة فطمني هي ع راحتك بس و الله ازا شفتك و اقفة مع شي شب و حسيت انو في شي بيناتكون لطربق الدني فوق روسكون
مايا: خوفتني ههه
فارس: اي بنصحك تخافي لإنو ازا عصبت ما بعود فارس اللي عم تشوفيه هلق و الأحسن ما تشوفي الوش التاني
مايا: يو لك شبك انت شو بدي حبك بالزو مثلا
فارس: .....
ليكي أنا رايح جيب لانا بتكون خلصت
مايا (بقلبا): لك ب ه الوقت تكون لانا لساتا مع وليد و الله بتنفضح ازا راح فارس هلق خلص لازم أخرو شوي
مايا: فارس
فارس: نعم
مايا: اي انت ما عاد شفتو ليوسف الصغير و الله اشتقتلو و جاي عبالي شوفو
فارس: عم تلطفي جو يعني
مايا: لسا بكير لتروح تجيب لانا بتكون ما خلصت لسا لهيك قلت بتجبلي شوف يوسف لبين ما تخلص لانا
فارس: اي بجيبو بس شو ه الحنان اللي جةييكي اتجاهو
مايا: طفل زغير و مهضوم أكيد بدي حبو
فارس: بتحبي الولاد الصغار
مايا: اي كتير
فارس : اي معلش لساتنا بأول عمرنا ان شاء الله بنجيب كتير و لاد انا وياكي ههه
مايا: فارس!!.
فارس: يلا خلينا نروح نشوفو لهادا يوسف
مايا :
يلا
بالليل راح فارس ع الديسكو ليشوف روز و يحكي معا و بس فات لقاها عم تظبط حالا و حملت شنتايتا و رايحة مع شب تاني ليطلعو برا الديسكو
راح فارس لعندا و مسكا من إيدا بقوةو هيي كان مبين عليها انو شربانة كتير
فارس: شو يا خاينة ع وين رايحة
روز: انت ما دخلك روح اهتم بمرتك أحسنلك لك بسببك بطلت شغلي و رح صفي بالشوارع اتركني ارجع لشغلتي لك ما استفدت منك شي
الشب اللي مع روز روز: بعد عنا انت شو دخلك فيها لي عن تأخرنا هيك العما
فارس: يلاا و أنا هيك كان بدي يا ست روز اخلص منك و انتي عطيتيني ه الفرصة
روز: ههه اي روح يا
- رجع فارس ع البيت و كانت مايا و لانا نايمين من بعد ما حكت مايا للانا كلشي و لانا حاولت تطلب من مايا تعطي لفارس فرصة بس مايا رفضت بس مع هيك مايا كمان كانت بتحس بشي اتجاه فارس و مشاعرا بلشت تتحرك بس ما كانت بدا تبينلو ه الش لإنو لسا مو قدرانة توثق فيه
الصبح
قاعدين ع الطاولة و عم يفطرو
لانا ع التلفون
لانا: شو عنجججدد جاية اليوم اي اي تعي ستي حاجتك و الله طولتي اي كتير اشتقنالك
الجدة: اي و كمان جايبة معي هبة
لانا: عنجد و الله ما عم سدء
الجدة: يلا بدي منكون انتي و مايا تطبخو طبخة منيحة لتستقبلونا فيها
لانا: ان شاء الله. ستي ان شاء الله ترعي بالسلامة باي
و سكرت الخط
فارس: شو في شو قالتلك ستي
لانا: رح تجيب معا هبة
فارس : شو !! هبة
اطلعت مايا بفارس لتعرف ردة فعلو من ه الخبر
فارس: ليش عم تطلعي فيي هيك كإنو انا اللي بدي جيبا
مايا: لاء عادي اساسا ما دخلني فيك يلا لانا قومي لنروح ع الجامعة
لانا: اي و لازم نرجع اليوم بكير شوي لإنو ستي طلبت منا نطبخ طبخة منيحة اليوم مشانا هيي و هبة
مايا: اي يللا
فارس : لكان رح اجي جيبكون بعد شي ٣ ساعات
مايا: اوكي
راحت مايا و لانا ع الجامعة و بعد مرور ٣ ساعات كانت مايا برات الجامعة عم تستنا فارس ليجي فمر عليها قصي. (شب بيدرس معا بالجامعة )
قصي : مرحبا مايا
مايا: يا أهلين بقصي كيفك
قصي: تمام الحمدلله و انتي كيفك
مايا: تمام
قصي: اي مايا بدي اطلب منك المحاضرات تبع الأسبوع لإنو ما حضرت
مايا: آسفة كتير لإنو انا كمان ما حضرت تبقا خدون من لانا
قصي: اي معلشي اي بس ليش ما حضرتي
مايا: كنت مرضانة شوي
قصي: سلامتك اما انا فما حضرت لإنو كل يوم تطلعلي شغلي مدري من وين ما بتخليني احضر
اتخيلي مرا بس طلعت من البيت بلش واحد مجنون يجري ورايي الله وكيلك من خوفي منو ههه لفيت ع الشام كلا و انا عم بهرب منو
مايا: ههههه 😂😂
و بلش قصي يحكي لمايا عن كتير مواقف بضحكو و ب ه الوقت وصل فارس و شاف مايا واقفة مع قصي و فارطة ضحك و هنيك جن جنانو لفارس و ما عاد يعرف شو بدو يعمل فنزل بسرعة من السيارة و راح بالتجاه مايا بسرعة
يتبع ....برأيكون شو بدو يعمل فارس
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق