رواية أم العيون السود 2 الاشتياق الحزين الحلقه الثانيه بقلم الكاتب محمد منصور حصريه وجديده على مدونة النجم المتوهج
رواية أم العيون السود 2 الاشتياق الحزين الحلقه الثانيه بقلم الكاتب محمد منصور حصريه وجديده على مدونة النجم المتوهج
الاشتياق الحزين
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ونرجع بالاحداث لي اربع شهور فاتو وبالتحديد يوم ما جعفر كان عند حلا في المستشفي وكان مستني أدم عشان يقتله وجت الازمه لحلا ووقعت علي الارض وخدتها وردة في حضنها وبدات تنادي علي الدكتور بكل حرقه وخوف علي اختها لكن ما حدش رد عليها وخرجت وردة من الاوضه بسرعه تدور علي دكتور وفي وقت ما كانت بدور علي الدكتور لقيت الدكتور خارج من الاوضه اللي محجوز فيها ادم راحت جري للاوضه ووقفت قدام الدكتور وقالت له
الحقني يا دكتور اختي حلا وقعت مغمي عليها
وهي بتتكلم مع الدكتور وقعت عينيها علي ادم اللي راقد علي السرير وقالت لنفسيها باستغراب
ادم.
لكن الدكتور قال لها
اختك محجوزة في اوضه نمرة كام
لكن وردة ماردتش وفضلت باصة لي ادم فلاحظ الدكتور نظرة وردة لي ادم وقال لها
في حاجه يا انسه
وردة
هو اللي نايم علي السرير دة ماله
الدكتور
دة جاي في حادثه وفاقد للذاكرة. هو انتي تعرفي
وردة
اة.
وافتكرت وردة اختها الملقاة علي الارض والازمه عندها فقالت مسرعا
ياااااا. ده انا نسيت اختي
وأخذت الدكتور وراحت بي بسرعه ناحيه الاوضه اللي فيها حلا وبدأ الدكتور يكشف علي حلا اللي كانت بتعاني بسبب الازمة وكان واقف قدام الدكتور جعفر وبيقول له
اعمل المستحيل وخليها تعيش.
وردة لجعفر بمنتهي العصبيه
انت لسه هنا امشي اطلع برة
جعفر
وردة. صوتك ميعلاش
وردة للدكتور
من فضلك يا دكتور خلي يطلع برة. دة هو السبب في اللي بيحصل ل اختي
فيبص الدكتور لجعفر وهو يكشف علي حلا اللي النبض بتاعها بدا يبقي في النازل وقال
من فضلك اخرج. المريضه حالتها في النازل ودة مش كويس عليها
جعفر وهو بيبص لوردة
انا خارج بس مش هاسيب اختك في حالها ومش هايرحمها مني الا الموت ومش هارتاح الا لما اخليها تشوف حبيب القلب غرقان في دمه قدمها
ويبص جعفر للدكتور وهو بيقول
وانت اعمل اي حاجه بس اوعي تخليها تموت. انا عايزها تعيش. لغايه ما احرق قلبها
ويخرج جعفر من الاوضة والدكتور يطلب من الممرضه انها تعلق جهاز التنفس الصناعي ل حلا. وينتهي من الكشف علي حلا ويقول لوردة
اختك حالتها في النازل مع انها كانت اتحسنت وبدات تستجيب للعلاج أيه اللي حصل خلاها تتعب تاني كدة
وردة وهي بتعيط
كانت فرحانه لكن فرحتها ما كملتش
الدكتور
ليه فرحتها ما كملتش اختك العامل النفسي مهم جدا في حالتها واي صدمه هاتتعرض ليها ممكن تنهي علي حياتها
وردة وهي بتبص ل حلا الراقدة امامها وحالتها سيئة
لا. ياكتور ماتقولش كدة. دة انا ماقدرش اعيش من غيرها
دي اختي وصاحبتي وكل حاجه ليا
الدكتور
يبقي لازم فرحه أختك تكمل عشان تقدر نعدي المرحله دي وتتغلب علي مرضها
وفي نفس الوقت يتفتح باب الاوضة ويدخل ياسين ومن وراء خديجه ويروح ياسين ناحيه وردة اللي اتصدمت لما شافته وضربها بالقلم وقال
بتعملي ايه هنا
فتبص وردة ل خديجه اللي بتبص لها وساكتة وتقول وردة
اختي تعبانه قوي ولازم اكون جنبها
ياسين بجحود
اختك ماتت. فاهمه ماتت.
ويمسكها ياسين من ايدها وهنا يدخل الدكتور ويقول
اللي بيحصل دة ما ينفعش هنا المريضة حالتها سئية
يبص له ياسين ويبص ل حلا بلا اي رحمة ويقول
لو بتتكلم عن دي. ابقي قول الميته.
ولسة هيسحب وردة من ايدها لبرة الاوضة قال الدكتور
ممكن تسيبها وتفهمني ايه اللي بيحصل هنا
ياسين
دي بنتي وماحبش حد يدخل بيني وبينها
وتحاول وردة أستعطاف والدها وتنزل تبوس رجله وتقول له وهي بتعيط بحرقة
ابوس رجلك. سيبني قاعدة مع اختي هي دلوقتي محتجاني اكتر من اي وقت فات
ياسين بمنتهي الحدة
عايزا تقعدي معها يبقي انتي زيها وبالنسبه لي ميته
خديجه
لا. ياسين حرام عليك. انت وعدتني انك تسامح وردة
ياسين
طالما عايزا تقعد مع الخاطيه. يبقي انا متبرئ منها
وردة والبكاء يزيد ويجري علي خدها كالشلال
والله اختي مظلومه. والصورة اللي،،،،،،،،،
ياسين مقاطعه لها
مش عايز اسمع عنها حاجه. ودلوقتي اختاري الطريق اللي انتي عايزا تمشي في. ياتفضلي جنبها وابقي برئ منك ليوم الدين لتيجي معايا
خديجه
هاتيجي معانا
وردة وهي بتبص لحلا وقلبها بيتقطع
واسيب حلا كدة
خديجه
ليها رب يرحمها
وردة بحرقة وفي سرها
حلا. غصب عني لازم اروح معاهم عشان اقدر اصرف علي علاجك. بس مش هاسيبك هاحارب علشان ترجعي. ليا وترجع فرحتك وهاكون معاكي ومع ادم اللي بقي في دنيا غير الدنيا ومش فاكرك. وهو الوحيد اللي قادر يرجع فرحتك
وتخرج وردة مع خديجه وياسين وهي عماله تبص علي حلا والدموع بتنزل من عيون حلا وكانها حاسة باللي بيحصل، ،،،،،،،
ومن جوة اوضة وردة تمسك وردة الموبيل بتاعها وتكلم صديقة مقربه لها تدعي ديما وتقول لها
خلاص يا ديما.
ديما
خلاص يا وردة فهمت.
وردة
طيب سمعيني هاتعملي أيه
ديما
هاروح بكرة الصبح بدري للمستشفي واقابل الدكتور نضال اللي بيعالج حلا وادي له رقم تيلفوني عشان لو في تطور في حاله حلا وفي نفس الوقت هاشوف حاله ادم تسمح بالخروج وهاجيبه علي الشركه اللي احنا شغالين فيها عشان تقابليه
وردة
ولو الدكتور نضال سالك. تعرفي ادم منين
ديما
هاقول له زميلي في الشركه. خلاص بقي هو أنا غبية
وردة
لا يا حبيبتي انا عارفه انك ذكيه. بس عايزا كل دة يتم من غير ولا غلطه
ديما
متخافيش، ،،،،،،
من جوة اوضة ياسين يقعد ياسين علي سجادة الصلاة وهو يقراء القران ودموعه نازلة علي لحيته وبيدعي وبيقول في سره
يارب ارفع عن بنتي الضر احميها واشفيها انت ارحم بيها مني. وانت عارف قد اية قلبي بيتقطع عليها. دي بنتي الاولي. يارب
فتقعد قدامه خديجه وتقول له
ياسين بتبكي لية
فيمسح ياسين دموعه ويقول
عايزا اية يا خديجة
خديجة
عايزاك تحكم قلبك وبلاش عقلك يظلم حلا. انت قلبك بيتقطع عليها
فيبص لها ياسين ويقول وهو بيقفل المصحف
بلاش كلام في الموضوع دة
خديجه
ليه. حكمت علي بنتك بالموت من غير ماتعرف الحقيقة
ياسين
وايه هي الحقيقه انه رسمها من غير ما يشوفها زي ما وردة بتقول
خديجة
ولية ما تكنش هي دي الحقيقية
ياسين
الحقيقة الوحيدة اللي اعرفها أن سيرتي بقيت علي كل لسان في البلد. وبنتي جابت لي العار. وكام يوم جعفر وعائلات البلد هيعملو لي مجلس عرفي. للحساب
خديجة
حلا تربيتك ومش ممكن تكون عملت حاجه غلط
ياسين
ايه الغلط اللي ناقص بعد ماصورتها نزلت علي النت.
خديجة
ياسين. الغلط أن بنتك تكون تعبانه واحنا بعيد عنها
ياسين
انتي فاكره ان دة بالساهل عليه. انا قلبي بيتقطع عليها لكن حكم العرف والاخلاق لو حد غيري بنته جابت له العار كان لازم تموت
خديجة
طيب، ،،،،،،
ياسين وهو بيقف و يقول مقاطعه لها
انا ماعنديش كلام تاني أقوله
وسابها وخرج من الاوضة، ،،،،،،،،،،
وبعدها بيوم والصبح بدري ومن جوة شقه جعفر يقعد جعفر مع ولادة الثلاثه اللي بيعيطوا وبيسالو علي حلا فيقول لهم بعصبيه
بس بقي كفايه أسئله صدعتوا دماغي. قولت لكم ماتت. ومش عايز اسمع اسمها تاني يتقال في البيت هنا
فادي وهو بيعيط
يعني ايه ماتت. انا عايز ماما
فيضربه جعفر بالقلم علي خدة ويقول
أمك ماتت. وخلاص دفنها تحت التراب. وبطل عياط بقي وغور من وشي وخد اخواتك معاك
فيدخل فادي الي اوضة واخواته من وراء منه خائفين من بطش جعفر بيهم ويغل جعفر علي اسنانه ويقول وهو بيبص في مرايا موجودة في الشقه
انت راجل انت. حته عيل مصري يضحك عليك ويخطف حلا منك. وفي النهايه مش عارف تنقتم لشرفك ولا عارف تاخد حقك منه. بس أزاي الواد دة يقول انه وصل الاردن ومارحش ليها المستشفي. اكيد في حاجه حصلت.
ويسكت لي لحظات ويتذكر انه وهو داخل للمستشفي لاحظ وجود دم علي الاسفلت وسال رجل عجوز صاحب مطعم قدام المستشفي وقال له
ايه الدم دة.
فقال له الراجل
دي عربيه خبطت واحد كان بيعدي الطريق دة. والناس شالته ودخل المستشفي
جعفر
وحصل له حاجه
الرجل
الله اعلم. بس الخبطه كانت قويه جدا. ده حتي من قوة الخبطه الشنطه اللي كانت معه طارت ووقعت قصادي ونسيت أقدمها للمستشفي
وهنا قام جعفر من مجلسه وقال لنفسه
معقوله يكون هو.
وخرج من الشقه بسرعه وراح للمطعم وفضل يدور عن الرجل العجوز لغاية ما وصل له وكان واقف شغال في المطعم اللي مليان زبائين فقال له جعفر
الشنطه اللي كانت مع الشاب اللي عمل حادثة لسه معاك
الرجل
اة. معايا. كل ما قول اسلمها للمستشفي يجي زبائين كتير للمطعم وانا واقف ومعايا واحد بس
جعفر
كويس انها لسه معاك ممكن تجيبها
الرجل باستغراب
ليه.
جعفر
انا كنت مستني صديق ليا جاي من مصر ومن ساعه وصوله للاردن ماسمعتش عنه اي خبر. فممكن يكون هو
الرجل
اديني ربع ساعه. اخلص الكام اوردر اللي معايا دول واجيب لك الشنطة
وفعلا استني جعفر شوية في عربيته وخرج الراجل من المطعم ومعه شنطة كتف تخص ادم فيها فلوسة وجواز سفره خد جعفر الشنطة من الراجل وفتحها وبعد ما بص في الجواز ابتسم ابتسامه صفرا وقال في سره
أخيرا وقعت في أيدي. يا ابن الخاين
وشكر جعفر الرجل ودخل الي المستشفي مسرعا وبعد دخوله بلحظات توصل ديما بعربيتها وتنزل من العربية وتدخل هي كمان المستشفي،،،،،،،،،،
وهنا بدأ صراع مع الوقت ومين هايوصل ل ادم الاول جعفر. ولا ديما. عايزين تعرفوا بكرة باذن الله نكمل الحكايه اوعو تروحوا بعيد. استنوني
وسلالللللللمو عليكم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق