رواية أم العيون السود الحلقه السادسه من تاليفي محمد منصور. ** منص ** حصريه وجديده على مدونة النجم المتوهج
رواية أم العيون السود الحلقه السادسه من تاليفي محمد منصور. ** منص ** حصريه وجديده على مدونة النجم المتوهج
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن قدام المطعم اللي شغال في ادم يقعد حمص علي الموتوسيكل بتاعه فيقف ادم قدامه ويقول له
هانفضل كدة اشوفك تودي وشك الناحيه التانيه
فيبص له حمص. ويقول
انت اللي اخترت السكه دي يا صاحبي
ادم
طيب يا عم انا جاي اقول لك حقك عليه ماتزعلش. وانا اسف اني مديت ايدي عليك
حمص
ايه اللي حصل خدت الاذن من حلا هانم علشان تكلمني
ادم
بلاش بقي تجيب سيرتها. والله يسهل لها. حلا خلاص كانت صفحه في حياتي واتقفلت
حمص باهتمام
ليه. ايه اللي حصل.
ادم
انا بطلت اكلمها
حمص
لية كدة.
ادم
هو كدة عشان الصح اني ماقربش منها
حمص
انت شوفت منها حاجه ضيقتك.
ادم
خالص انا ماشوفتش منها غير اللي يفرحني
حمص
اومال ليه عايز تبعد. البت دي محترمه جدا. وهاتخسرها
ادم باستغراب
وانت عرفت ازاي
حمص وهو باصص في الارض. بدأ يحكي ل ادم علي كل اللي عمله وبعد ماخلص حمص قال ل ادم
ماتزعلش مني. الشيطان ضحك عليه واضيقت وقولت لنفسي ازاي البت دي تكون سبب مشكله بيني وبينك. ومش أي مشكله. دي اول مشكله تحصل بينا. أنت اخويا يا ادم وصاحبي الوحيد في الدنيا دي. واوعي تفتكر اني كنت فرحان وانت زعلان مني. وعموما ماتزعلش مني يا صاحبي
فيبص له ادم ويقول
مش زعلان خالص الحوار دة. خلص بكل الحلو والمر اللي فيه. مع انه ماكنش في مر خالص
حمص
يعني مش هاتكلمها تاني
ادم بعد تفكير لي لحظات قال
لا. ،،،،،،،،،
وبعديها بكام ساعه ومن جوة احدي مستشفيات الاردن ترقد حلا في الرعايه المركزة ومتوصل بها اجهزة كتير وكانت حالتها صعبه جدا.
ومن خارج حجرة الرعايه تقف وردة وهي بتعيط علي حالة اختها وبتبص عليها من وراء الشباك الازاز الموجود في باب الرعايه وبتقراء وردة القران وبتدعي ربنا ينقذ أختها مما أصابها ويرن جرس موبيل وردة فتخرج وردة الموبيل من شنطتها فتلاقي رقم والدتها. وتدعي خديجه فترد عليها وردة قائلا
الو.
خديجه
الو. وردة. اختك حلا عامله اية
وردة
اختي حلا في الرعاية المركزة وبين الحياة والموت
خديجة بخضه
بنتي.
ثم قالت لوردة
خليكي جنبيها يا وردة. وانا هابعد لك كل الفلوس اللي انتي عايزاها. واوعي والدك يعرف انك عندها في المستشفي
وردة باستغراب
ليه. مش عايزا بابا يعرف اني مع حلا. وهي تعبانه
خديجة
جعفر. طلق اختك و قال لوالدك علي صورتها اللي علي النت ووالدك اتعصب جدا. وأتبرئ منها وهددني ان اي حد هايقرب منها مننا انا او انتي هايكون عقابه شديد.
وردة
بس دة ظلم. وحلا برئيه من الصورة دي
خديجة
برئيه ازاي. اختك بقي الله يسامحها باين عليها كانت علي علاقه بالرسام دة وعشان كدة رسمها ورفع صورتها علي النت.
وردة
لا. يا ماما. والله ماحصل الرسام دة رسم الصورة من خياله وطلعت شبه حلا
خديجة
ازاي بس من خياله. الصورة اللي باعتها جعفر ل والدك مستحيل يكون حد رسمها لحد وهو ما يعرفهوش
وردة
والله يا ماما دة اللي حصل وبعدين ازاي حلا هاتكون بتعرف ادم وهو مصري وهي اردنيه
خديجة
وردة. انا مش عبيطه عشان اصدق الكلام اللي انتي بتقولي وكونها ازاي هي عرفت ادم. فممكن يكون الرسام دة من المصريين اللي شغالين هنا واتعرفت عليه. وعشان كدة رسمها واهي بسبب اللي بينها وبين الرسام جابت لينا العار
وردة وهي تبكي بحرقه
يعني ايه يا ماما. هاتسيبيوا حلا لوحديها وهي تعبانه كدة
وممكن تموت في أي لحظة
خديجة وهي تتالم
انتي عارفة والدك. مش هايسامح في شرفه وخصوصا بعد ما جابت لينا العار. وهي دي عادتنا وتقاليدنا وانتي عارفاها كويس. كله الا الشرف. ولولا ان والدك عندة حكمه وعقل. كان قتل حلا. ولكن والدك اعتبر حلا ماتت. وهو لو يعرف انك معها دلوقتي ممكن يعتبرك زيها ميته ويتبرئ منك زي ما اتبرئ منها
وردة وهي تنظر لحلا اختها وتتوجع عشانها
يعني اية اسيب اختي وهي في الحاله دي
خديجة
خليكي معها وانا هاعرف والدك انك في سفر تابع للشغل لغايه ما تخف حلا. وبعد كدة ارجعي وابقي طمنيني عليها،،،،،،
وبعدها بيوم وعند دقات الساعه 10 م. ومن امام عمارة لاتزال تحت الانشاء وفي منطقه مهجورة يقف ادم بالموتوسيكل بتاعه. ومعه أوردر طلبه ظافر اخو جعفر وطلب جعفر من الكاشير ان اللي يجيب له الاوردر هو ادم السني ودة عشان يخلص ظافر علي ادم وكان ظافر ينتظر بداخل هذة العمارة وهو ملثم. ونزل ادم مع علي الموتوسيكل وهو يقول لنفسه
ايه المكان الغريب دة. ومين ممكن يكون قاعد هنا ويطلب اكل. حاجه غريبه
وتقدم ادم ناحيه باب العمارة وهو ينظر في كل اتجاة ويقول
يا جماعه ياللي هنا. في حد طلب اوردر من مطعم الف هنا
ويتقدم ادم ليدخل العمارة وهو يقول
السلام عليكم.
وفي هذة اللحظه يظهر ظافر امام ادم وهو في يدة خنجر ويستعد لغرز الخنجر في قلب ادم ولكن ادم يشعر به ويرفع كيس الطعام ويرمي في وجه ظافر ويبتعد عن الخنجر ولكن ظافر يهجم علي ادم ويحاول ان يغرز الخنجر في صدرة وهو يقول
موت يا خاين. يا هاتك الاعراض
ادم وهو يدافع عن نفسه ويبعد الخنجر عنه
انت مين. وعايز تقتلني ليه
ظافر وهو يحاول الهجوم علي ادم
انا اخو جعفر اللي انت خونته في مراته. ومش هاتخرج من هنا الا وانا منتقم لشرف اخويا
ويهجم ظافر علي ادم بكل قوة ولكن ادم يتفادي هجوم ظافر ويجري مسرعا ناحيه الموتوسيكل بتاعه اللي كان داير وركب الموتوسيكل مسرعا وانطلق به وظافر رمي عليه الخنجر جه في ظهر أدم وتالم ادم ولكنه تحامل علي نفسه والدم ينزف من ظهرة لغايه ما بعد عن ظافر وقف بالموتوسيكل واخرج الخنجر من ظهرة وهو يصرخ من شدة الالم ورمي الخنجر بعيد وركب المتوسيكل تاني وانطلق بي، ،،،،،،،
وبعديها بكام دقيقه وصل ادم الي شقة امه وهو بينزف بشدة واول ماشافته هاله صرخت وخرجت فريدة بسرعه علي صرخه بنتها وبدات هاله تعالج ادم بكل ما هو متاح لها في الشقة.،،،،،،،
ومن داخل شقه شناوي يجلس شناوي مع اخته سناء التي كانت تقول له
هو أنت مش اخويا اتصرف وهات لي حقي بقي من البعيد اللي اسمه ادم
شناوي بزهق
اعمل لك ايه يعني. اخلي بالعافيه يطيق وشك
سناء
أتصرف انا ماليش دعوه. انا عايشه زي الارمله وجوزي لسه عايش دة ما بيجيش الشقه خالص الا كل فين وفين ويقعد مع العيال شويه وياخدهم في حضنه وينام وانا افضل اهري طول الليل
شناوي
ما انتي لسانك طويل ومش عارفه تكسبي. الست الواعيه تخلي جوزها يشتاق يرجع البيت عشان يشوفها مش انتي
سناء
يعني ايه انا اللي نكد. صح. يالا قول زيهم هي جت عليك. قول يانكد
شناوي
سناء. انا لسه جاي من الشغل واليوم النهاردة كان طويل ارحميني.
سناء
طيب. قولي وريحني ازاي راجل متجوز يسيب بيته كدة ومايقربش من مراته الفترة دي كلها.
شناوي
اكيد اتجوز عليكي
فتلطم سناء وتقول
يا نهار منيل عليك. وعليه
شناوي
طيب وانا مالي
سناء
مش انت اللي بتقول انه اتجوز
شناوي
اومال انتي مستنيا ايه الراجل اللي داق طعم الجواز مايقدرش يقعد الفترة دي كلها من غير ست الا لو كان متجوز واحدة تانيه
سناء
طيب وانا. يبقي ليا ضرة
شناوي
مش عجبك اطلقي
سناء
اطلق. وامشي في المنطقه يقولو المطلقه راحت والمطلقه جت. لا. شوف لي حل تاني. انت مش اخويا
شناوي
قولت لك جري ناعم مع ادم وخلي يحبك ولما يحبك اعملي في اللي انتي عايزه
سناء
انا ماليش في كهن الستات. اخلي يحبني ازاي
شناوي
والله بقي اتصرفي انتي شويه دلع علي شويه مسكنه ورجعي لحضنك
سناء
تفتكر هو دة الحل
شناوي
مافيش غير كدة. شغل العافيه مش بيجيب مع ادم. خلينا بقي في شغل المسكنه
سناء
خلاص اتمسكن. واهو يرجع يقعد في الشقه بدل ما انا عايشه كدة لوحدي وقربت اتجنن، ،،،،،،،
وبعدها بثلاث ايام ومن داخل مستشفي الاردن تفوق حلا وتجلس امامها وردة وتقول لها
الف حمد لله بالسلامه
فتنظر لها حلا وهي ترقد علي السرير متعبه وتقول بصعوبه
أدم مابعتش رساله
وردة بضيق
انسي ادم بقي. زي ماهو نسيكي. وكفايه اللي حصل لك من وراء القصه دي. بس اقول ايه انا السبب في اللي حصل لو ماكنتش وريتك اللوحه ماكنش حصل دة كله. ولاكان جعفر طلقك ووالدك أتبرئ منك
حلا بصعوبه وهي بتضحك
جعفر طلقني. الحمد لله.
وردة
انتي فرحانه انه طلقك
حلا. بصعوبه
ربنا رحمني. وخلصني حتي لو موت ماموتش وانا مراته. ولو حبيت ادم مابقاش خاينه
وردة
ياااااااا. للدرجه دي بتحبي ادم
حلا
وردة. عايزا اشوف ادم ولو لمرة واحدة قبل ما اموت
وردة وهي تحضنها تقول لها
بعد الشر عليكي. انتي هاتخفي وهاتعيشي باذن الله
حلا
مش مهم اعيش ولا اموت المهم عندي اشوف ادم
وردة
حلا. عشان خاطري انسي بقي
حلا بصعوبه شديدة وهي تبكي
علشان خاطري انتي. عايزا اشوف ادم قبل ما اموت
وردة وهي تبكي ايضا. وتمسح دموع اختها
طيب بس. كفايه عياط. كل دة غلط عليكي
حلا
عايزا اشوف ادم.
وردة
طيب ازاي
حلا
اتصلي بي من عندك وافتحي الفيديو
وردة
يا حلا.
حلا. مقاطعه لها
دي اخر حاجه ممكن أطلبها منك
فاخرجت وردة التاب الخاص بها وهي تنظر لي حلا وتمسح دموعها. وبعدت رساله لي ادم اللي كان في البيت مع امه واخته وكتبت وردة في الرساله
حلا تعبانه جدا ونفسها تشوفك
ففتح ادم الرساله مسرعا وفتحت وردة مكالمه فيديو واديت التاب لحلا فأول ما شافته حلا قالت
عن جد واحشتني
ادم وهو ينظر لها باشتياق وشايف حالتها يقول
مالك يا حلا
حلا
عايزا ألمس ايدك
بص لها ادم. بشدة وشافها تعبانه قد ايه وقلبه أتقطع عليها وقال وهو مفزوع
مالك يا حلا ردي عليه
حلا بصعوبه ودموعها تجري علي خدها
عايزا. المس. ايدك
فمد ادم ايدة علي شاشة الموبيل زي اول مرة ولكن حلا قالت
لا. عايزا المسها بجد. قبل ما اموت
ادم وهو يتوجع من الجرح اللي في ظهرة. يقول
ماتقوليش كدة. باذن الله هاتعيشي
حلا بابتسامه
أنا بقيت حرة. ومن حقي ألمسك خليني ألمسك قبل ما اموت ولو دي اخر حاجه هاعملها
وتدخل حلا في غيبوبه. وتصرخ وردة ويقول ادم
حلا. حلا. ردي عليه. حلا
ولكن مكالمه الفيديو انتهت وحاول أدم الاتصال بي وردة مرة اخري ولكنه لم يستطيع فوقف ادم وقال لهاله
حلا بتموت يا هاله
فريدة
ماتموت يا اخي مش كفايه اللي حصل لك من ورا معرفتك ليها
فينظر ادم لي هاله فتقول هاله
بتبص لي ليه ماما كان لازم تعرف مين اللي عمل فيك كدة وكنت هاتروح فيها
ادم
انا غلطان اني حكيت لك وعرفتك كل حاجه
فريدة
ليه يا ادم ما كنتش عايزني اعرف. ايه كبرت وبقيت تعرف تخبئ عليه أسرار
ادم
يا ماما مش كدة. بس. ،،،،،،،
فريدة بعصبيه شديدة. مقاطعه له
بس ايه. هو انت مستني ايه تاني يحصل بعد اللي حصل لك. انت كنت هاتموت. وهي السبب. هو احنا يا ادم لينا غيرك
ادم وهو يبكي بحرقه
وهي كمان مالهاش غيري ومستحيل اعرف انها بتموت وعايزا تشوفني وأفضل مستني هنا
فريدة بحدة
يعني ايه هاتسيبنا وتروح لها
أدم
هاروح لها وهارجع بيها وهي مراتي
فريدة
انت اتجننت رسمي. بقي جوزها يبعت لك هنا في بلدك اللي يقتلك وانت تروح برجليك لغايه عندة بلدة. وفاكر انك هاترجع سليم وهي معاك
ادم
مش مهم عندي ايه اللي هايحصلي. المهم عندي اكون جنب حلا. و انا مش هاسيب حلا.
فريدة بعصبيه وهي تقف وتنظر لي ادم وتقول بمنتهي الحزم
ادم انت لو سافرت للبت دي تبقي لا انت ابني ولا انا امك
فينظر لها أدم وينصدم مما سمعه، ،،،،،،،،،،
هايعمل ايه ادم هيسافر لحلا. ولا هايرجع في قرارة عشان خاطر امه. بكرة باذن الله. نكمل الحكايه. تابعوني في اللي جاي. والحلقه الاخيرة. من. الموسم الاول
( أم العيون السود )
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق