رواية من اجلك فقط الفصل الثالث والثلاثون والرابع والثلاثون والخامس والسادس والثلاثون للكاتبة لولو الصياد حصريه وجديده على مدونة النجم المتوهج

 رواية من اجلك فقط الفصل الثالث والثلاثون والرابع والثلاثون والخامس والسادس والثلاثون للكاتبة لولو الصياد حصريه وجديده على مدونة النجم المتوهج 

رواية من اجلك فقط الفصل الثالث والثلاثون والرابع والثلاثون والخامس والسادس والثلاثون للكاتبة لولو الصياد حصريه وجديده على مدونة النجم المتوهج 

نيجار لما كنت راجع هدومك عليها دم جدي يا فهد جدي اللي قتلته

فهد وهو ينظر لها بعصبيه ثم يمسك يدها ويسحبها خلفه الي المنزل خوفا من ان يسمعهم احد ويصبح الموضوع اكبر

فهد بعصبيه... مش اهنيه مكان الحديت ديه

وبالفعل وصلوا الي المنزل وادخلها فهد غرفتهم وحين اغلق الباب. التفت لها ونظر  لها بكل قوه

فهد... جولي الحديت تاني اللي جولتيه من هبابه

نيجار وهي تقترب منه بغل وحقد وتشير عليه

نيجار... انت قتلت جدي يا فهد ومتنكرش

فهد... بغضب... مجتلتوش والله العظيم  ماجتلته

نيجار بغضب اكبر... والدم علي هدومك والغفير اللي شافك

فهد بدهشه... غفير شافني

نيجار... بصراخ... ايوه شافك الغفير  وانت بتجري وقال لعمار وعمار هيقتلك فاهم هيقتلك

فهد... وهو يمسكها من كتفيها

فهد... والله العظيم  ما جتلته اني روحت اساله عن حديتك له وجت ما روحناله لكن مجتلتوش انضرب بالنار واني وياه لكن مجتلتوش وجدك هو اللي جالي اهروب عشان  محدش يتهمني فيها ودلوك برده اتحملت ذنب جتله واني مظلوم

نيجار... وانا ايه يخليني اصدق كلامك ده

فهد... لو تعرفيني مليح هتعرفي اني معملهاش واشمعنه الوجتي هجتله ما كان جدامي من وجت سابج ومجتلتوش ولما اجي اجتل اجتل راجل كبير للدرجه دي شيفاني مش راجل بتعدي علي كبار السن للدرجه دي مفيش ثجه فيا اني لو كان هدفي الجتل كنت جتلك يوم حديتك العفش وكان ممكن وجتها افضح عيله الجناوي وامرمط بيكم الارض لكن عشان جدك مرديتش اني هحب الراجل ديه وربنا عالم اني حزين عليه اكتر من ايوتها حد

نيجار وهي تجلس علي ركبتيها ارضا

وتبكي بقوه...

نيجار... انا تعبت والله العظيم تعبت كده كتير جدي يتقتل والكل بيقول جوزي القاتل وانت بتقول مقتلتوش انا تعبت فين الحقيقه

فهد بوعد... ورحمه ابوي هوصلها وهثبت اني بريء. من دم حمدي الجناوي وديه وعد يا نيجار

وتركها وخرج بينما هي كانت دموعها تنهمر بقوه وهي تتمني بداخلها ان يثبت فهد حقيقه عدم قتله لجدها ولا تعلم لماذا  لديها احساس انه صادق بحديثه وانه  لم يقتل الجد فان اراد قتل احد كان من الممكن ان يقتلها هي وقت اخبرته انها ليست عذراء كان فضح عائلتها وانتقم لنفسه ولكن فهد شخص يهتم باحترام كبار السن وكانت دائما  تري الاحترام والوقار الذي يكنه الي جدها وترعي لمعه الحب والفخر كلما وجدته ينظر الي جدها وكانت تري نظرات الحزن الشديده بعيون  فهد يوم غضب منها جدها بسبب حديثها الي فهد وايضا جدها لو يعلم ان فهد خائن هكذا ما كان جعله زوجها ولكن الجد يثق من فهد ورجولته لهذا زوجها له لكن من قتل الجد وعمار من سيهدئه لابد ان تذهب اليه سريعا وتقف امام وتجعله يتاكد اولا من القاتل وتطلب الدعم من الجميع

................

علي الجانب الاخر كان سليم ينزل سلالم المنزل وهو يتذكر جفا دهب له ومعاملتها الجافه معه وكانه شيء غير مهم عندها  حتي الان دخلت الي الغرفه وخرجت دون ان تقول له اي كلمه لا يعلم ماذا حدث  لها منذ  وصولهم الي الصعيد وهي تبدلت الي شخص اخر

كان سليم يهم بالخروج من باب المنزل حين وجد نيجار تترجل من السياره اقترب منها ووقف امامها

سليم بتوتر.. ازيك يا نيجار

نيجار.. ببرود.. الحمد لله

نيجار وهي تنظر له بعصبيه

نيجار... ممكن تعديني

سليم... عاوز اقولك حاجه الاول ممكن نتمشي سوا

نيجار.. بعصبيه... في ايه يا سليم مش خلصنا خلاص

سليم... برجاء.. معلش يا نيجار بعد اذنك اتحمليني شويه انا محتاج اكلم معاكي

نيجار... اوك بس مش كتير انا ورايا حاجه مهمه

سليم... اتفضلي

تمشي سليم ونيجار قيلا وهي تنتظره ان يتحدث هل هذا هو سليم حبيبها لماذا تءعر وكانه شخص غريب لا تعرفه وتذكرت انه لم تفكر فيه منذ ايام بل كل تفكيرهت كان فهد لماذا تشعر بداخلها بتانيب الضمير تجاه فهد وكانها تخونه لكلامها مع سليم

بينما سليم  هو الاخر يفكر هل هذه الفتاه الشاحبه هي نيجار حبيبته هل تلك الفتاه الكئيبه هي تيجار كان يعشق الفرح والطفوله بها والان تغيرت ليست هي من احبها ولا يعلم لماذا راي وجه دهب امامه ووجد نفسه يقارن بين دهب وحبها له وجمالها ودلعها وبين نيجار الان وشكلها ابتسم حين تذكر دهب وذهبت ابتسامه حين وجد ان من امامه نيجار وليست زوجته الرقيقه دهب ..

سليم... نيجار انا اسف بسبب اللي حصل كان  اقوي مننا انا عارف انك ليكي حق تزعلي بس ده كان دم وتار وعادات وتقاليد

نيجار.. وهي تربع يديها وتنظر له بسخريه

نيجار... ومين قالك اني زعلانه  انا فرحانه جدا لان بجوازي لفهد اكتشفت انه ده كان اعجاب اكتشفت ان الراجل اللي كنت بتمناه هو فهد شخصيه يخاف منها الالاف حتي جدي  بيحترمه مش يخاف من جدي راجل بجد

سليم... بلاش كده يا نيجار

نيجار... بتنهيده... بصي يا سليم اللي بينا انتهي انت ابن خالتي وبس اكتر من كده مفيش وياريت بقي تشيلني من حساباتك واخليك في مراتك وبس يا سليم

سليم.... دهب كويسه وبتحبني وانا فعلا بقيت مش قادر اعيش من غيرها

نيجار بصدق... والله فرحت ليك وبجد اتمني ليكم كل خير

سليم... واتمنالك انتي كمان سعاده كبيره يا نيجار

نيجار... متشكره وتركته وذهبت دون رجعه دون ان تلتفت خلفها لتنظر له فهو صفحه وانطوت شيء بالذاكره تم مسحه بمرور الوقت

........

اعطي أبو عبدالله الهاتف الي ابن الغول وامره ان ينتهي سريعا  وخرج

اتصل ابن الغول علي رقم والده ويديه ترتعش واخيرا سمع صوت والده وهو يقول

الغول ...السلام عليكم

الابن... وعليكم السلام اتوحشتك يا بوي

الغول بفرحه فقد كان نائم خين سمع صوت ولده جلس مسرعا من فرحته

الغول... ولدي اتوحشتك جوي انته فين يا ولدي واجع ميته

الابن... بصوت مخنوق من البكاء....

الابن... عاوزك تسامحني يا بوي وتدعيلي بالرحمه

الغول بدهشه... انته بتجول ايه يا ولدي انته رايح وين

الابن.خرجت من بلدي يا بوي وروحت انضميت لناس كنت فاكرهم بتوع ربنا بس طلع العكس يا بوي

الغول بفزع وهو ينطق اسم داعش بشك ان يكون انضم لهم ولده

الغول... داعش

الابن وهو ينفجر بالبكاء... ايوه يا بوي ودلوك لاني مجدرتش اعمل كيف ما هيعملوا وحميت ام وولدها من الجتل حكموا عليا بالجتل يا بوي بس اني طلبت اسمع حسك جبل ما انجتل يا بوي كنت عاوز اجولك اني بحبك جوي جوي واجولك يا بوي اني من يوم ما فرجتك واني تعبان سامحني يا بوي سامحني

الغول ببكاء هستيري  وهي يمشي بالغرفه كان كالاسد الحبيس يريد ان ينهمش من يقف امامه ابنه سيقتل ولا يقدر علي فعل شيء

دخل ابو عبدالله

ابو عبدالله.... انتهينا

واخد الهاتف

ابن الغول بصراخ.... لا اله الا الله يا بوي

واغلق الخط

حينها ارتمي الغول علي قدميه وهو يصرخ بقوه ويقول

الغول..ولدي....

بينما هناك اقترب منه الرجال حتي يكتفونه مره ثانيه فمنعهم وذهب معه بارادته ووقف وهو يردد الشهاده وهو ينظر لهم بابتسامه وكانه عريس ذاهب للقاء  عروسه وليس شخص ذاهب الي الموت بقدميه واخير انطلقت ستت رصاصات واخترقت جسده  ووقع ارضا ودمائه الطاهره تملي المكان ولكن ابتسامته مازلت تزين وجهه عاش رجل ومات رجل هذا هو الذي يحبهم الله ورسوله وليس من يدعون الدين ولكن هل كان ذنبه ان يقتل مثلما كان والده سبب لقتل الكثير وقتل الكثير هل هذا هو جزاء الاب علي افعاله ان يموت ابنه الوحيد بعيدا عنه لا يدفنه مات قتيلا بارض غريبه ولكن مات شهيدا.........

..........

كان فهد يجلس الي جانب فرسته فهو حين يغضب لا يجد مكان يرتاح به سوي الي جانب فرسته الحبيبه

كان حزين من نظرات الاتهام بعيون نيجار يشعر وكان نظرات عيونها خناجر مصوبه الي قلبه كان اخيرا يشعر بالسعاده الحقيقية  لاول مره منذ وفاه والده لا يعلم لماذا خطفت منه سريعا حين ضمها الي صدره ونام كان يتمني ان يطول الليل ولا يطلع الضوء حتي تظل هكذا ولا تنتهي تلك السعاده اراد ان يدخلها في صدره ويبعدها عن كل شيء كانت رائحتها تجعله ينتعش كم هي بريئه واثبتت برائتهعا امامه وكان اول رجل بحياتها كان واثق من ذلك ولكن الشيطان يجعل الشك بالعقل دائما كان يلحق من السعاده وحين اخبرته انها ستذهب  الي منزل جدها كان يربد الرفض ولكن لم يريد اغضابها لو كان يعلم أنها  ستعود حزينه هكذا وتنتهي سعادتهم كان منعها من الذهاب لقد احبها فهد الغمري وقع بحب نيجار القناوي بل عشقها عشق جنانها عشق برائتها عشق غضبها عشق بكائها عشق دلعها ومكرها عشقها الي حد الالم الان من شكها به

فاق فهد من شروده علي صوت الغفير

الغفير.... يا بيه

نظر له فهد

فهد... في ايه

الغفير....لجينا سبع الليل في البدرون

فهد.وهو يقف بسرعه...تعالي وراي بسرعه

انطلق فهد  حتي وصل الي البدرون

وجد سبع اللي مرمي ارضا مصاب بجروح عديده اثر ضرب رجاله له

سبع الليل بخوف وهو يري فهد

سبع الليل... جيبني اهنيخ ليه يا بيه

فهد وهو يقترب منه ويمسكه من ملابسه بقوه ج

حتي كاد يختنق

فهد..بغضب وغل حقيقي من الظلم الذي تعرض  له....

فهد. جولي يا ابن المركوب انت اللي جتلت حمدي الجناوي

سبع الليل بتوتر وخوف... اني اني

فهد وهو يخرج سلاحه ويصوبه علي راسه

فهد..بوعيد غاضب . جول احسنلك انته اللي جتلته صوح

سبع الليل خوفا من غضب فهد سبع الليل . والله يا بيه اني عبد المأمور

فهد وهو يصفعه بقوه.... كنت عارف انك انته اللي عملتها يا خسيس مفيش خاين غيرك يضروب من الضهر

سبع الليل... يا بيه اني ماليش ذنب

فهد وهو يضربه ثانيه

فهد... مين اللي جالك تجتل حمدي الجناوي واياك تيفكر بس تلاوعني في الحديت

سبع الليل..بخوف. لاه يا بيه هجول هجول

فهد... بغضب... جول

سبع الليل.... ابراهيم الغول

#الفصل_٣٤

الفصل الرابع و الثلاثون

سبع الليل... ابراهيم الغول

شعر فهد بالصدمه ابراهيم الغول لماذا

فهد... ليه

سبع الليل... معريفش يا بيه

فهد وهو يقف وينظر الي رجاله

فهد.. واد المحروق ديه يفضل اهنيه لحد ما اشوفله صرفه واوعاكم حد يشم خبر عنيه

الرجال... حاضر يا بيه

........

بينما علي الجانب الاخر

كان عمار في مكان ما بعيد عن البلد يتفق مع احدي الرجال لقتل فهد الغمري

عمار... ديه نص اللي اتفجنا عليه والباقي بعد ما تجتله

الرجل ويدعي مغاوري قاتل ماجور

مغاوري.... عاوزني انفذ ميته

عمار... بكره معوزش فهد الغمري يطلع عليه صبح بعد بكره فاهم

مغاوري ...انته تومر يا بيه واني انفذ

عمار... زين جوي بعد ماتنفذ تتصل بيا وهجابلك اهنيه وتاخد باجي حجك

لم يكن عمار يعلم انه مراقب من قبل رجال الشرطه

مغاوري... اتفجنا

..............

علي الجانب الاخر

دخلت نيجار وجدت ماسه امامها

نيجار... ازيك يا ماسه فين عمار

ماسه... عمار مش هنا خرج معرفش راح فين ليه خير في حاجه وفهد فين

نيجار... تعالي نطلع فوق ونتكلم

وبالفعل صعدوا الي الاعلي وهاهم يجلسون مقابل بعضهم

نيجار... فهد عمار متهمه انه قتل الجد

ماسه... بصدمه... فهد قتله

نيجار... فهد بيحلف انه مقتلوش صحيح كان عنده بس مقتلوش انا حاسه فعلا انه صادق ميعملهاش لكن انتي عارفه  عمار عصبي وعصبيته بتخليه يعمل حاجات من غير تفكير وده اخوكي لازم تساعديني ونقف لعمار عشان نخلص الموضوع ده ولازم عمار يشوف مين القاتل الحقيقي لازم الحقيقه تظهر بس لازم كمان عمار يصدق فهد لو حته بنسبه 50في الميه

ماسه... بحزن... انتي متعرفيش عمار عمار عصبي جدا مبيسمعش كلام حد الوحيد اللي كان بيقدر عليه هو حمدي القناوي نفسه غير كده مفيش حد هيقدر يقف قدامه ويقوله متعملش كذا وخصوصا  ان دايما بحس بكره عمار لفهد وده كمان زود الكره اكتر

نيجار.... ايه الاحباط ده لازم تقويني مش تحبطيني لازم نقفله الست مش ضعيفه بلاش الاستسلام ده لازم نتكلم معاه ونوجهه انه غلط لازم يفكر قبل ما يتصرف دي حياه بني ادم مش لعبه وكمان ده اخوكي يعني لازم تقفي جنبي وتواجهي عمار انه لازم يشوف اللي حصل ايه وازاي الجد مات

ماسه... حاضر يا نيجار ويارب يجي بفايده

نيجار... يارب

.........

علي الجانب الاخر

كانت دهب وسليم بغرفتهم

سليم وهو نائم الي جنبها اقترب منها واحتضنها وقال لها بجانب اذنها

سليم... الجميل زعلان ليه

دهب... مفيش حاجه

سليم... دهب احنا من يوم ما جيما وانتي مش بتتكلمي معايا متجنباني خالص كاني معدي مش عارف مالك

دهب وهي تزيح يده وتقف وتبتعد عنه وتنظر  له بعصبيه.

دهب.... انته عاوز تعمل مشكله دلوك

سليم... لا يا دهب بس عاوز افهم مالك.

دهب ...بتنهيده... جلتلك مفيش

سليم وهو يقف ويقترب منها ويمسك بكتفيها

سليم... بتبعدي عني ليه لما هو مفيش

دهب وهي تبتعد عنه ثانيه

دهب... تعبانه

سليم وهو يديرها له بغضب

سليم... لا انتي زودتيها اوي ايه الاستهار ده هو عشان بعاملك براحه خلاص هتسوقي فيها

دهب غضب اكبر.... طلجني يا سليم

من اجلك فقط 

الفصل من ٣٥ الي ٣٦

للكاتبة لولو الصياد 

#الفصل_٣٥

الفصل الخامس و الثلاثون

دهب بغضب اكبر....

دهب... طلجني يا سليم

حينها نظر لها سليم بصدمه

سليم... انتي بتخرفي بتقولي ايه

دهب بحزن شديد... بجول الصوح بجول اللي لازمن يحصول من زمان بجول اني جوازي منيك كان غلط من يوم ما اتجوزتك كل يوم بحس كرامتي ونفسيتي بتتدمر اكتر من لاول وكل يوم والتاني اتهان من امك وانت مفيش عنديك اي رد كل اللي بتجدر عليه معلش اني تعبت انا بجيت احس ان فرحتي ضاعت مني بجي الحزن ملازمني اني كانت ضحكتي متفارجنيش من يوم ما اتجوزت لولو الصياد  راحت  ضحكتي وافجت انك بتكون حابب غيري وكتمت علي نفسيي وسكت يوم دخلتي شفت ف اوضتنا اللي هنبتدي فيها حياتنه دليل حبك كنت بتجطع من جوايا نار جوايا مجدراش اطفيها بعدها حاولت اصلح جوازنا بس امك بتكرهني والاخر اسمعك قبل سفرنا وهي بتجولك تطلجني جلتلها هعملك اللي انتي عاوزه معناته ايه ايه الحديت ديه معناته انك راجل ضعيف ولد امك كيف ما جالت امي مش راجل

حينها نزلت صفعه من  يد سليم علي وجهها  بقوه

ونظر لها بغضب وهو يضغط علي كف يدها بقوه

سليم... انا راجل ومش عشان بحاول ارضي امي بالكلام ابقي ابن امي انا امي غلطت لولو الصياد  واعتذرت ليكي انتي سايقه فيها لو فهماني هتفهمي اني براضيها وبس خايف تتعب ماما  مريضه قلب وهي متعرفش بخاف تتعب دي امي خايف عليها مفيش حد يعرف  بمرضها غيري انا وبابا عمرك ما سالتي نفسك ليه متحملين كل حاجه منها من غير ما نتكلم لان خايفين عليها خايفين تروح مننا

دهب.... بحزن.وهي تحسس وجهها كانت تشعر بالالم في وجهها اثر صفعته.. بتضروبني يا سليم

سليم... لما مراتي تقلل من احترامي ده ردي الوحيد وكمان انتي غلطتي يا دهب

دهب... سليم اللي بينتنا انتهي

سليم... بغضب... انتي اتجنني يا دهب خلاص موت جدك جننك انا مش هاخد بكلامك ده دلوقتي لحد ما تهدي  وتفكري صح

وتركها وخرج بكت دهب بقوه وهي تضع  يدها علي قلبها وتقول بكل حرقه والم من حبه وانها لا تقدر عن البعد عنه تريد ان تتركه لكن ماذا تفعل بقلبها

دهب... اني هحبك يا سليم بحبك جوي جوي

...............

.علي الجانب الاخر بالمشفي

حمدي القناوي وهو ينظر الي جمال

حمدي... اني الحمد لله مليح

جمال. . الحمد لله قالولي انك طلبتني

حمدي... ايوه يا ولدي

جمال... خير يارب

حمدي... عاوزك يا ولدي تجبلي عمار ونيجار اهنيه رايدهم يا ولدي ضروري لازمن لولو الصياد  اتحدت وياهم

جمال... كده الناس هتعرف انك عايش وده خطر

حمدي بجديه... يا ولدي كيف تجلج من احفادي دول ستر وغطا هاتهم يا ولدي اهنيه واني وعد مفيش مخلوج هيعرف اني لساتني عايش

جمال. ..حاضر  يا حج حمدي بكره هجبهم لحضرتك الاتنين

حمدي. ...متشكر جوي يا ولدي

............

علي الجانب الاخر

كان الغول يجلس وحيدا بغرفته

يبكي بحرقه علي ولده الذي مات وحيدا باراضي غريبه وقع بفخ من يتاجرون بالدين والاصعب عليه انه لا يعلم اين مكانه ولم يدفن حثمانه وانه حينما يشتاق اليه لا يستطيع حتي ان يزوره

الغول ببكاء.... حجك عليا يا ولدي اللي حصولك ديه بسببي اني وحدي مكتش شايف غير نفسي وانتجامي وبس نسيتك يا ولدي همتلك وحدك وروحت مني وانته في عز شبابك يا ولدي ليه يا ولدي سبتني ليه يا ولدي مين هيمشي بجنازتي من هيغسلني غيرك يا ولدي مين يا ولدي هياخد عزاي سبتني بدري جوي يا ولدي

في ذلك الوقت كان فهد الغمري قد وصل الي منزل الغول ولم ينتظر ان ينادوه له من الداخل وانما دخل إليه  بكل غضب وجده بحال غريب يجلس ارضا ويبكي بطريقه عجيبه

فهد.... وهو يقترب منه بدهشه

فهد... فيك ايه يا غول

الغول وهو يرفع  وجهه وينظر له بحزن وقهر

الغول... ولدي مات يا فهد

فهد... بحزن... البجيه في حياتك داين تدان انجتل ولدك كيف ما انت جتلت حمدي الجناوي

الغول.... اني مجتلتش حد حمدي الجناوي هو السبب هو اللي جتلني لما خد حبيبتي ميني هو اللي موتها وسبتني عشانه كان كفايه عليا اشوفها ولو من بعيد هو موتها خدت حجي منيه وخليت خليل وحامد يجتلوا عمار اخوه باس مني وبعدها جلت لسعيد عليهم وجتل منيهم كتير وانجتل بس علي يدي ناري مطفيتش طول السنين ديت جلبي جايد نار وجاد اكتر لمن حمدي وجف بحر الدم وعمل نسب بيناتكم كان لازمن اجتله واخد حجي طول ما حمدي  عايش ناري مهتنطفيش وجتلته بس ولدي مات وياه وسبني وحدي

فهد.. بغضب... انته ايه شيطان رجيم ازاي تعمل اكده ازاي تكون العفاشه ديت انته حلال فيك  اي حاجه تحصولك واني هبلغ الكل باللي حصول ديه

الغول وهو ينفجر في الضحك بطريقه صعبه

الغول.... جول اللي انته عاوز تجوله كل حاجه راحت لما ولدي انجتل

نظر له فهد بغضب وقرف وخرج من المنزل دون رجعه  ......

...........

علي الجانب الاخر

هاهو عمار يعود المنزل بعد ان اتفق على قتل فهد بالغد

دخل الي المنزل وجده والدته نائمه علي نفسها علي احدي الكنبات

عمار وهو يوقظها... امه امه

فتحت الام عيونها ونظرت له بابتسامه

الام... انت جيت يا ولدي

عمار... نايمه اهنيه ليه يا امه.

الام... شكلي اكده نمت من غير ما ادري هجوم اخش جوه

عمار... طيب اني هطلع اريح هبابه

الام... نوم الهنا يا ولدي

كان عمار يتجه الي الاعلي حين سمع  والدته تناديه

الام... عمار

التفت لها  عمار بتساول...

عمار... خير يا امه

الام.... مفيش اخبار يا ولدي عن جتت جدك هنخدوها ميته يا ولدي اكرام الميت دفنه

عمار.... مخبرش يا امه بكره هروح اجابل مدير  الامن واشوف ايوتها حل مع  الظابط ابن المحروج ديه

الام... ربنا وياك يا ولدي واللي ربنا وياه ميخفش واصل

عمار. ...تصبحي علي خير  يا امه

.واكمل عمار صعوده الي الاعلي ودخل

وجد امامه نيجار وماسه يجلسون يتحدثون سويا شعر عمار بالدهشه

عمار.... السلام عليكم

هم... وعليكم السلام

عمار وهو يدخل ويجلس علي الكرسي مقابلهم وينظر لها بجديه

عمار... ايه اللي جمع الشامي علي المغربي

نيجار... فهد مقتلش جده

عمار.... بعصبيه... هنرجع للحديت الماسخ تاني

نيجار... انا مصدقه فهد انت ليه مبتسمعش لحد مقتلوش كان عنده لكن انضرب وهو معاه مقتلوش وجده اللي قاله يهرب انت ليه مش  عاوز تفهم كده كانك ما صدقت تسمع كلام الغفير عشان تمسك حاجه علي فهد وتقتله

عمار.... بغضب ...ايه تاني يا بت الجناوي بينه اكده نسيتي اللي انجتل يبجي جدك

ماسه بهدوء... انت ليه يا عمار سلمت بكلام الغفير هو الغفير شاف فهد وهو بيقتل جده شاف معاه سلاح وهو خارج وكمان جده مضروب في ضهره لولو الصياد  ازاي فهد هيعملها وجده المفروض وشه له ازاي يا عمار كمان  حاجه اخويا يا عمار عمره ما كان خسيس يضرب من الضهر ولا عمره كان خاين ولا عمره جه علي ست او راجل كبير او حتي عيل

عمار بسخريه... واضح ان مش بت عمي بس اللي خايفه علي فهد مرتي كماني خايفه عليه

نيجار بغضب.... فهد جوزي واخو ماسه لازم نخاف عليه هو لو انت قتلت فهد  مش هتتحبس يعني هنخسركم انتم الاتنين طيب ليه ما ندور علي الحقيقه ليه التسرع ليه لازم تدور وتبحث كتير الاول عشان بعد كده متندمش

عمار... بغضب... واني اللي  عيندي جولته هجتل ولد الغمري والموضوع ديه انتهي

ماسه وهي تنظر له بدموع

ماسه....عاوزني ازاي انام جنبك في سرير واحد وانت قاتل وهو مظلوم  كل اللي همك نفسك مبتفكرش في حد غير نفسك وعصبيتك اللي ملهاش حل وتسرعك اللي مش عارفه سببه ده غير ردود فعلك اللي بتكون نتيجه الغضب وبتكون من غير تفكير ليه يا عمار لولو الصياد   انته عاوزني اخسر كل حاجه عاوز تخسرني اخويا اللي هو عندي زي ابويا وعاوز تقطع كل حاجه بيني وبينك

عمار بغضب ....زعلانه علي اخوكي جوي اكده

ماسه... ده اخويا من دمي ولحمي ولو كان قتله كنت وقفت معاك لكن فهد معملهاش

عمار..بغضب . عميلها وانا واثج من اكده وهجتله

ماسه.... هتخسرني يا عمار لو دم اخويا لطخ ايديك

عمار...بتساول... كيف يعني

ماسه... هنتطلق يا عمار مقدرش أعيش  مع واحد هيقتل اخويا

نيجار ...وانا مش هسكت هبلغ عنك

عمار... اكده طيب بلغي يا بت عمي وانتي يا مرتي المصونه ردي عليكي حاجه واحده هتوفر كل حاجه علينا

ماسه... ايه هي

عمار..بعصبيه.. تاخدي خلاجتك وعلي بيت خيك وورجتك هتوصلك اهناك

#الفصل_٣٦

الفصل السادس و الثلاثون

عمار.... بعصبية.... تاخدي خلاجتك وعلي بيت خيك وورجتك هتوصلك اهناك

ماسه بحزن وهي تنظر له...

ماسه... همشي يا عمار لاني مش رخيصه عشان اقعد مع واحد مش عاوزني وكمان مش هفرض نفسي عليك بس في حاجه  لازم تعرفها

نيجار... انتم مجانين في ايه انت ازاي عاوز تبهد مراتك انت مبتفكرش

عمار بعصبيه...روحي دارك يا بت عمي ومتدخليش في اللي ملكيش فيه

نيجار بغضب وهي تخرج من الغرفه

نيجار ....انت بجد مفيش عندك مخ

عمار وهو ينظر لماسه ببرود

عمار... كملي حديتك

ماسه.... عاوزك تعرف اني هكون بينك وبين فهد مش هسمح لك تاذي اخويا وانا عايشه وصدقني يا عمار هتندم اوي على  كل ده

وبالفعل جمعت ماسه ملابسها ورجعت الي منزل اخيها ولكن وهي مكسوره حزينه من جفاء لولو الصياد زوجها وقله تفكيره وتسرعه واخيرا ان يفرط فيها هكذا بكل سهوله ولكن كل هذا لا يهم ما يهمها فقط هو حياه فهد فان قتل يشعل النار مره ثانيه......

.......................................

بينما علي الجانب الاخر

رجع فهد من المنزل الغول وذهب الي فرسته

فهد وهو يفكر بينه لولو الصياد  وبين نفسه

غدا سوف يظهر براءته ويجعل الجميع يعلم انه لم يقتل حمدي القناوي وخصوصا نيجار وعمار يريد ان يظهر براءته امام عمار فقط من اجل شقيقته حتي لا يحزنها ولا تتدمر حياتها بسبب فهم خطا وايضا نيجار زوجته وحبيبته نعم يحبها بكل قوته بل يعشقها ولكن بشكها به كسرت شيء بداخله يريد اثبات براءته لها حتي تعلم كم كانت مخطئه ........

.........

علي الجانب الآخر في منزل الغول

دخل الغفير الخاص به علي الغول فقد سمع صوت تكسير شيء بالداخل بعد خروج فهد

دخل  الغفير بسرعه وجد الغول يقوم بتكسير كل شيء حوله

الغفير وهو يقترب من الغول ويحاول تهدئته

الغفير... مالك يا بيه

الغول بغضب... بعد عني

الغفير... يابيه اكده هتاذي نفسيك

الغول وهو يجلس ارضا ويضحك بهستيريا فقد فقد عقله بموت ابنه أصبح  في حاله غير طبيعيه

الغول.... ههههههههههه عارف ياابن المركوب انته اني حاسس اني طاير عارف ليه

الغفير بحزن علي سيده رغم لولو الصياد انه كان قاسي معه ودائما ما يسبه ولكن بفعل العشره وطول الفتره الماضيه وهو يخدمه حزن عليه فالعشره لا تهون سوي علي ابن الحرام كما  يقولون

الغفير... ليه يا بيه

الغول... وهو يضحك... ولدي راجع انهارديه عاوزك تخلي الخدم ينضفوا اوضته وكماني يعملوا له الوكل اللي هيحبه والحلو كماني مش عاوز حاجه نجصه

الغفير بحزن فهو قد سمع حديثه مع فهد وعلم ان ابنه قد مات وهو سلل انهياره هكذا

الغفير بحزن... حاضر يا بيه

الغول وهو ينظر له بحب لاول مره ويعامله بلين

الغول... اني عارف اني زعلتك كتير بس من انهارديه هتغير وهعمل كل اللي عاوزه ولدي مش هجوله لا علي حاجه واصل مش عاوز ازعله

الغفير وهو ينظر له بدموع ويتجه الي الباب

الغفير... هروح أشوف  الخدم واجهز اللي جلت عليه

الغول وهو يبتسم... كتر خيرك واني هتسبح والبس لبس جديد واخرج استناه بره في المندره لحد ما يرجع اني مستنيه

الغفير بهمس... ربنا يصبرك يا رب يا بيه مفيش اعز من الولد

...........

في اليوم التالي

ظلت نيجاز في مندل جدها امسح ونامت بغرفه جدها حتي تتابع عمار اذا حاول الخروج لياذي زوجها حينها ستقف  امامه....

سمعت نيجار صوت احد في الخارج يقول السلام عليكم

فتحت نيجار الباب الخارجي ونظرت امامها وجدت شخص  لايبدو عليه انه صعيدي

نيجار... مين حضرتك

جمال.  انا الظابط جمال حضرتك مدام نيجار

نيجار بدهشه .. ايوه

جمال..  انا جاي وعاوزك في موضوع مهم انتي وعمار بيه

نيجار ...طيب اتفضل حضرتك

وبالفعل ماهي الي ربع ساعه لولو الصياد وكانت نيجار وعمار يجلسون مع جمال

عمار ...خير يا جمال بيه

جمال... محتاجك انت مدام نيجار تتفضلوا معايا هنروح مشوار سوا

نيجار... مشوار ايه

جمال... لما نوصل هتعرفوا

عمار ببرود... واني مامشيش من اهنيه غير لمن اعرف فيه ايه

جمال.... براحتك بس صدقني هتخسر كتير

نيجار.. بعصبيه لعمار. ..وانت هتخسر أيه  ما نروح معاه ولا خايف

استفزته نيجار بحديثها

عمار.. بعصبيه... هخاف من ايه مهخفش من حاجة  واصل اني واني جاي معاك

جمال... وهو يقف... تمام يله بينا

وبالفعل

وبالفعل ماهي الا نص ساعه  ووصلوا الي المشفي

نظر كل من نيجار وعمار الي جمال بدهشه

نيجار..  إحنا  جايين هنا ليه

جمال... شويه وهتعرفوا. وبالفعل صعدوا الي الاعلي ودخل جمال  اولا الي غرفه الجد يتبعه كل من نيجار وعمار

حين وجدت نيجار جدها امامها يجلس علي سرير المشفي وهو مبتسم صرخت بقوه وقالت  جدي واقتربت منه وارتمت بحضنه تبكي بقوه وتحتضنه وتستنشق رائحته التي تعشقها واعتقدت انها فقدته والان هاهو امامها ويحتضنها ويبتسم لها هل تحلم بما حدث

الجد وهو يربت علي ظهرها....

الجد.... اهدي يا بتي اني مليح

نيجار... ببكاء وحشتني اوي يا جدو كنت تعبانه من غيرك اوعي تعملها تاني

بينما كان عمار يقف الي جانب الباب مازال مصدوم من ان الجد مازال علي قيد الحياه

الجد وهو ينظر الي عمار

الجد... مالك يا ولدي واجف بعيد ليه

اقترب عمار من الجد وامسك بيده وقبلها وقبل مقدمه راسه بحب واحترام وشوق

عمار.... حاسس اني روحي ردت فيا يا جد

الجد. ..ربنا يخليكم ليا يا ولادي

نيجار..  بس لما انت عايش كل ده ليه وليه قلت انك مت

جمال... عشان نرصل للقاتل

عمار... بعصبيه... الجاتل ولد الغمري

الجد... لاه يا ولدي  فهد كان معاي يوميها لكن انضرب العيار وهو ويايي واني اللي جولتله يهروب عشان محدش يفتكر انه هو اللي عميلها

نيجار..  صدقت انه مش القاتل

عمار... مين عميلها لمن مش فهد الجاتل

الجد... جلبي حاسس انه الغول

نيجار..  مين الغول. .

عمار بدهشه الغول

الجد... مفيش  غيره يعملها

في تلك اللحظه رن هاتف عمار وكان القاتل المأجور  الذي قام بتاجيره لقتل فهد

فتح عمار الخط حتى  يخبره الا يقتل فهد ويتراجع عما سيفعله

عمار... الو.

مغاوري... اهلا يا بيه

عمار... انت عملت ايه

مغاوري بتوتر... يا بيه  اني روحت وكنت مراجب فهد الغمري لكن

عمار... لكن ايه

مغاوري ...الطلجه خرجت لكن معرفيش حظه زين

عمار بغضب ...كيف يعني حصول ايه

مغاوري... الطلجه جت في خيته وجفت جدامه وخدت الطلجه مكانه

عمار بصدمه.... ماااااسه

يتبع 

بداية الرواية من هنا