رواية عشقي الاسود الفصل الاول والثاني والثالث والرابع بقلم ملك أحمد حصريه وجديده على مدونة النجم المتوهج
رواية عشقي الاسود الفصل الاول والثاني والثالث والرابع بقلم ملك أحمد حصريه وجديده على مدونة النجم المتوهج
صوت إطلاق النار في كل مكان
يحاصرني لا أستطيع أن أهرب من
الذنب الذي يلاحقي هناك شخص يركض ورائي لا استطيع الهروب .... لحظه لقد امسك بي .....
نور : هييي
ـ بسمه : بسم الله عليكي يا حبيبتي مالك يا بنتي ....
ـ نور : مش عارفه يا ماما الحلم بتاع كل يوم مش بيسيبني .....
ـ بسمه : اهدي بس كده وصلي علي النبي ...
ـ نور: عليه الصلاة والسلام ....
ـ بسمه : قومي افطري كده واجهزي عشان النهارده اول يوم ليكي ف الشغل ....
ـ نور : مش عايزه مش عايزه يا ماما ... من ساعت ما يوسف مات وانا مش عارفه امارس حياتي طبيعي ...
ـ بسمه : بس يا حبيبتي الموضوع ده عدي عليه وقت وده كان نصيب خطيبك ف ادعيله وبس ...
ـ تنهدت نور وذهبت لتبدل ملابسها ....
@@@@@@@@@@@@@@@@@@@
علي سفرة الطعام ...
خرجت نور وهي ترتدي بنطلون اوڤر سايز وتيشرت اسود ورافعه شعرها ...
اقتربت نور من السفره وجلست بجانب والدتها .... وامامها والدها الذي يقرأ الجريده....
ـ قاطعت والدة نور الصمت قائله : انتي هتخرجي مع ساره النهارده ؟
ـ نور : لا ...
ـ خبط والد نور علي السفره بعصبيه قائلا بحده : انتي مش هتنسي بقي مش خلاص كفايه هو ما*ت وخلاص عمره ما هيرجع ...
نظرت له نور وتلك للكلمات التي دخلت بقلبها مثل السهم الذي رماه والدها بلا مبالاه ....
خرجت نور وهي تمسح دموعها المتساقطه .....
@@@@@@@@@@@@@@@@@@@@
وقف تاكسي أمام شركه كبيره مكتوب عليها بمزيج بين اللون الذهبي والاسود(Fahad)
نزلت نور بهدوء ودخلت الشركه ... دخلت وهي تمسك ب حقيبتها بتوتر ...
صعدت الطابق العلوي ...
رأتها ساره وذهبت إليها وعانقتها ...
بادلتها نور العناق ....
ـ ساره : اخرتي اي ؟
ـ نور : الطريق كان زحمه ...
ـ ساره : انتي كويسه ؟ حاسه شكلك متغير ....
ـ نور : انا كويسه ....
ـ ساره : طيب يلا عشان اوريكي المكتب ....
@@@@@@@@@@@@@@@@@@@@@
أمام الشركه وقفت سياره كبيره ووراأها سيارات كثيره باللون الاسود ...
فتح باب السياره ونزل منها رجل ذو بنيه قويه مصفف شعره ويرتدي بدله سوداء فخمه ويرتدي نظارات سوداء ...
خلع نظاراته ونظر للشركه وهو يضع يده في جيبه وفجأة .....
@@@@@@@@@@@@@@@@@@@@@@
وحشتوني .... اسفه اني اتأخرت جيتلكم بروايه جديده يارب تعجبكم ده بس اول بارت صغير بس بعد كده هحاول اطوله .... عايزه تفاعل كويس عشان يشجعني اكملها ...
متنسوش تسيبو اثركم الجميل يا حلوين 🫠❤️
ـ رواية عشقي الأسود
Part 2
@@@@@@@@@@@@@@@@@@@@@@@
ـ فُتح باب السياره ونزل منها رجل ذو بنيه قويه مصفف شعره ويرتدي بدله سوداء فخمه ويرتدي نظارات سوداء ....
خلع نظاراته ونظر للشركه..... وفجأة رن هاتفه .... أخرج هاتفه ووضعه علي أذنه ....
ـ آلو فهد ؟
ـ فهد : عايز اي ؟
ـ الشحنه إلي طلبتها هتوصل بكره
ـ فهد: مش عايز غلطه واحده ...
ـ أوامرك ...
ـ اغلق الهاتف وذهب للداخل وورائه الحراس ......
كان يمشي ولكن فجأة صُدم في عامل ووقع المشروب عليه ....
ـ نظر فهد للرجل بغضب كبير ...
فهد : انت مج*نون خد بالك .....
ـ العامل : من غير ما اقصد والله .... همسحلك الجزمه والله ....
نظر له فهد بجمود ...
اخذ الرجل منديل وكاد أن ينزل حتي ينظفها ...
ـ ولكن فجأة امسك يده أحد ....
نظر فهد لها وكانت نور وقفت أمامه مباشرة
ـ نور : قوم يا عمو ...
ـ نظرت لفهد بغضب : هو انت عشان معاك فلوس يبقي تدوس علي الناس يعني ؟
ـ لم بجيبها ... ومازالت نظراته لها مستمره ....
ـ نور : طبعاً معندكش اجابه ....
ـ لم بجيبها فهد وذهب من أمامها وهي تتحدث...
ـ نور : وقح ...
ـ وقف فهد وهو يعطيها ظهره ونظر بجانب عينه قائلاً: هتندمي افتكري كلامي كويس اوي ....
ـ ثم ذهب وورائه الحراس ...
ـ نور : هيعمل اي يعني ؟
نور : روح يا عمو شوف شغلك
@@@@@@@@@@@@@@@@@@@@@@
في الاعلي ....
دخلت نور ووقفت أمام ساره...
ساره : انتي كنتي فين ؟
ـ نور : كنت تحت تخيلي شفت موقف حرق دمي ...
ـ ساره: إلي حصل ....
ـ نور : واحد مغرور عارفه ....
كادت أن تكمل حديثها ولكن وجدت جميع الموظفين يقفون في الجانب ..... والكثير من الحراس في الامام ...
ـ توسعت عين نور عندما رآته....
ـ نور : هو ده المغرور إلي بقولك عليه يا ساره ...
ـ ساره: يارب ماتكوني عملتي مصيبه .... ده (فهد يامن) صاحب الشركه دي وعندو اكبر شركات موجوده فالشرق الأوسط و في البلاد التانيه كمان ....
ـ ابتلعت نور ريقها من التوتر ...
ـ نور : ص صاحب اي ؟
ـ مرء فهد بجانبهم ولكن قبل أن يذهب رفع إصبعه السبابه قائلاً : انتي مطروده ....
ـ توسعت عين ساره ...
ـ نور : ا انا بجد
ـ لم تكمل حديثها حتي ذهب من أمامها ...
ـ ساره : انتي عملتي يا بعيده...
ـ نور : ولا حاجه وبعدين انا مغلطتش وكمان مكنتش اعرف انه صاحب الشركه......
ـ ساره : انا تعبت عقبال ما عرفت اجيبلك شغل ف الشركه دي وف الاخر تترفدي ف اول يوم ؟
ـ نور : اعمل اي يعني ...
ـ ساره : طب كملي اليوم وانا هاخدك بعد الشغل ف مكان ....
ـ نور : ماشي ...
@@@@@@@@@@@@@@@@@@@@@@
في الاعلي .... وتحديداً في مكتب فهد ...
ـ كان فهد يقف ويتحدث في الهاتف وهو ينظر للطريق بواسطة الزجاج الشفاف ....
ـ فهد : عمر خلي بالك عشان الشحنات جايه بكره تمام
ـ عمر : ماشي يا فهد انا هخلص واجيلك ...
ـ اغلق فهد الهاتف وهو مازال ينظر للطريق .... ولكن فجأة طرق الباب ...
ـ فهد : اتفضل ...
ـ الموظف: في موظفه حابه تاخد مع حضرتك ميعاد ...
ـ فهد : مش فاضي ...
ـ الموظف : حاضر ...
@@@@@@@@@@@@@@@@@@@@
نزل الموظف للاسفل وذهب لساره ...
ـ الموظف : انا قولتله والله وقالي مش فاضي وانتي عارفه طبيعة شغله ...
ـ ساره : طب حاول تاني ...
ـ الموظف : مقدرش والله يا بنتي انتي عارفاه ...
ـ ساره : طب بص خد دول وحاول معاه تاني ...
ـ الموظف : بس دول كتير اوي يا بنتي ...
ـ ساره : مش مهم بس قوله ...
ـ الموظف : حاضر هحاول والله ....
@@@@@@@@@@@@@@@@@@@@@@
في مكتب فهد ... دق الباب...
فهد : اتفضل....
ـ دخل الموظف وهو يعقد أصابعه بتوتر ...
ـ نظر له فهد
ـ فهد : بسرعه عايز اي؟
ـ الموظف : انا قولت للبنت إلي كانت عايزه معاد مع حضرتك انك مش فاضي بس قالت إنها محتاجه تقابلك ضروري جداً.....
ـ فكر فهد قليلاً ثم شاور ب يده وقال: خمس دقائق بس فاهم ؟
ـ الموظف : حاضر يا فندم ....
ـ فهد : يلا علي شغلك ....
@@@@@@@@@@@@@@@@@@@@@@@
ساره : انا مش عارفه اقولك اي بجد يا عمو محمد
@@@@@@@@@@@@@@@@@@@@@@@
في المساء انتهت نور من العمل وكانت علي وشك الذهاب ....
ساره: انتي رايحه فين ؟
ـ نور : هروح ...
ـ ساره : لا ماهو...
ـ نور : اي ؟
ـ ساره : انا هخدك معايا ونروح نقابل استاذ فهد ....
ـ نور : اي ؟ لا طبعاً....
@@@@@@@@@@@@@@@@@@@@
رواية عشقي الأسود
Part 3
@@@@@@@@@@@@@@@@@@@@@@@@@
ساره : احنا هخدك معايا ونروح نقابل استاذ فهد.....
ـ نور : اي لا طبعاً....
ـ ساره : يا بنتي اسمعيني بس
ـ نور : انا مش هذل نفسي ...
ـ ساره : ولا ذله ولا حاجه احنا بس هنقوله انك مكنتيش تعرفي إن هو المدير ....
ـ صمتت نور ...
ـ وضعت ساره يدها علي كتفها ....
ـ ساره : اسمعيني يا نور ده عشان مصلحتك .....
ـ نور : طب تفتكري هيوافق ؟
ـ ساره : هنحاول واهو اسمنا جربنا ...
@@@@@@@@@@@@@@@@@@@@@
في الاعلي في مكتب فهد ....
دق الباب ...
كان فهد يجلس ويضع البدله علي الكرسي ويرتدي قميصه الاسود.... ويري الاوراق ....
ـ فهد : اتفضل ...
ـ الموظف : الموظفه بره .....
ـ فهد : دخلها ....
ـ الموظف: حاضر ....
ـ خرج الموظف وقال لساره : اتفضلي الاستاذ منتظرك ....
ـ دخلت نور و ساره ...
كانت نور تنظر للاسفل ... نظر لها فهد بحده ....
ـ نور : ا انا ....
ـ فهد : بسرعه معنديش وقت عايزه اي ؟
ـ نور : انا اسفه ...
ـ ارجع فهد ظهره للخلف ...
ـ فهد : وده يفيد ب اي ؟
ـ نور : انا بجد مكنتش اعرف أن حضرتك المدير ...
ـ فهد: واديكي عرفتي ...
ـ نور : انا بس مكنش ينفع اشوف حد بيتهان قدامي واسكت ...
ـ فهد بحده : مظنش أن انتي إلي هتعلميني ازاي اتكلم ....
ـ نظرت له نور ....
ـ فهد: علي العموم طلبك مرفوض .. اتفضلي ...
ـ أمسكت ساره بيد نور وارجعتها للوراء ....
ـ ساره : استاذ فهد هي مكنتش تعرف ... وخصوصاً أن النهارده لسه اول يوم ليها ف معلش المرادي بس واوعدك إن الغلط ده مش ممكن يتكرر تاني ....
ـ فكر فهد قليلاً ثم قال ...
ـ فهد : تمام انا موافق بس بشروط ....
ـ نور : واي هي ؟
ـ فهد : اي حاجه هتتطلب منك هتعمليها بدون تفكير ...
ـ نور : تمام وانا موافقه ...
ـ فهد : طيب كده من بكره تقدري ترجعي الشغل تاني ....
ـ ساره : انا متشكره جداً لحضرتك .... يلا يا نور ....
ـ نظرت له نور ثم خرجت ....
ـ نظر فهد للباب بعدما خرجت وظهرت ابتسامه جانبيه علي ثغره ....
@@@@@@@@@@@@@@@@@@@@@
في الخارج عند نور وساره ...
ـ ساره : انتي مش مبسوطه ؟
ـ نور : لا مبسوطه بس مش واثقه فيه ...
ـ ساره : لا متخافيش ....
ـ نور : طيب انا هلحق بقي اروح ...
ـ ساره : طيب. تعالي هوصلك بعربيتي ...
ـ اومأت لها نور ثم ذهبوا .....
@@@@@@@@@@@@@@@@@@@@
أمام منزل نور .... نزلت نور من سيارة ساره ...
ـ ساره : اشوفك بكره
ـ ابتسمت نور وظهرت غمازاتها : إن شاءالله.....
@@@@@@@@@@@@@@@@@@@@@
في منزل نور ... فتحت نور الباب ودخلت ....
ـ كانت والدتها ووالدها يجلسون علي الاريكه ....
نور - مساء الخير ...
ـ لم يجيبها والدها ...
بسمه: مساء الخير يا حبيبتي ...
ـ نظرت نور لوالدها علي امل أن يتحدث معها ولكن بدون فائده ....
ـ نور : انا هدخل اغير يا ماما عايزه حاجه ؟
ـ بسمه : لا يا حبيبتي...
دخلت نور لغرفتها ....
أغلقت الباب وجلست علي الأرض وأخرجت صورة شخص واحتضنتها وبكت .....
@@@@@@@@@@@@@@@@@@@@@@
أمام قصر كبير توقفت سيارات ونزل من أحد هذه السيارات فهد .... وأخرج هاتفه
ـ آلو
ـ عمر : اي يا فهد ...
ـ فهد : في حاجه ؟
ـ عمر : لا بس انا اكتشفت أن الشحنه إلي إلي المفروض تيجي مجتش بعد ما سلمنا الفلوس ....
ـ ضغط فهد يده في غضب ....
ـ فهد : انا قولتلك مليون مره يا عُمر الفلوس متتسلمش غير لما الشحنه تيجي ...
ـ عمر : دي غلطتي انا عارف ....
ـ فهد : ساعه بالظبط والاقيهم عندي فاهم ؟
ـ عمر : حاضر ...
ـ اغلق فهد الخط ودخل للقصر وورائه الحراس....
@@@@@@@@@@@@@@@@@@@@@
بعد ساعه ....
نزل فهد من غرفته ....
وجد عند باب القصر عمر ومعه الأشخاص الذين أخبره بأن يحضرهم ...
ـ شاور فهد بيده لعمر ليحضروهم ....
ـ اجلسهم عمر أمام فهد ...
ـ جلس فهد ومد يده لأحد الحراس الذي وضع بها مسد*س ....
ـ وجه فهد المسدس لجة أحد الرجال ...
الشحنه تيجي ونص الفلوس كمان فاهم...
ـ أحد الرجال : بس انا كده هخسر يا فهد باشا والله ...
ـ فهد : كلمه كمان والمسد*س ده هيكون متفضي ف دماغك فاهم ؟ وكده ولا هتاخد الفلوس ولا الشحنه....
ـ الرجل : فاهم فاهم والله ...
ـ فهد : طيب كويس...
ـ الرجل : طب اقدر امشي بقي ؟
ـ فهد : عيب عليك تمشي من غير ما تاخد واجبك ؟ميصحش ...
ـ ثم نظر فهد لعمر قائلاً: شوف شغلك ...
ـ الرجل : يا فهد باشا والله حرمت ....
ـ نظر له فهد بسخريه ثم قام وذهب للاعلي...
@@@@@@@@@@@@@@@@@@@@@@@@@
رواية عشقي الأسود
Part 4
@@@@@@@@@@@@@@@@@@@@@
ـ نظر له فهد بسخريه ثم قام وذهب للاعلي....
@@@@@@@@@@@@@@@@@@@@@@@
ـ في اليوم التالي ... وتحديداً في شركة فهد .... كانت نور ترتدي تيشرت ابيض صوف بأكمام وبنطال جينز واسع
ـ دخلت نور للشركه ببطئ ....
ـ في الطابق العلوي في مكتب نور ....
ـ كانت نور تجلس وبجانبها ساره ...
ـ ساره : بقولك اي ؟
ـ نور : مممم
ـ ساره: تعالي نخرج النهارده ...
ـ نور : لا مش عايزه ...
ـ ساره : لي بس ده بجد هيبقي الموضوع تحفه تخيلي كده بعد يوم من الشغل نروح نشم شوية هوا....
ـ نور : بت ابعدي عني انا مش ناقصه ...
ـ ساره : والنبي يا نور ...
ـ نور : لا ...
ـ ساره : عشان خاطري انا طيب .....
ـ نور : طيب هفكر.....
@@@@@@@@@@@@@@@@@@@@@@@@@
في الاعلي في مكتب فهد ....
ـ كان فهد يقف ويتحدث في الهاتف ....
ـ عُمر : علي فكره في مستثمر اسباني جاي بكره إن شاءالله....
ـ فهد : تمام قوله علي الميعاد تمام.....
ـ عُمر : تمام
ـ فهد : وتعالي النهارده الشركه عايزك ...
ـ عمر : حاضر ....
@@@@@@@@@@@@@@@@@@@@@@@@@
في الأسفل .... كانت ساره تمشي وهي تنظر للهاتف ... ولكن فجأة اصطدمت في شخص وكادت أن تقع .... ولكن امسك يدها .... نظرت له ساره
ـ ساره : انا اسفه جداً....
ـ عمر : مافيش مشكله .... انتي موظفه هنا ....
ـ اومأت ساره ....
ـ عمر : طيب تقدري تروحي علي شغلك....
ـ اومأت ساره وذهب عمر من أمامها ....
نظرت له ساره وابتسمت ساره في نفسها : اي الهبل ده انا هروح اكمل شغلي ....
@@@@@@@@@@@@@@@@@@@@@@
دق باب مكتب فهد ....
ـ فهد : اتفضل ...
ـ دخل عمر ....
ـ فهد: تعالي يا عمر ....
ـ عمر : في حاجه ؟
ـ فهد : لا بس عايزك تبقي هنا ف الشركه لكذا يوم عشان شغل الموظفين مش عاجبني ....
ـ عمر : تمام ....
@@@@@@@@@@@@@@@@@@@@@
في المساء انتهت نور من عملها هي وساره ....
ـ ساره : يلا نخرج ...
ـ نور : والله عندي لسه شويه حسابات محتاجه اعملها .....
ـ ساره : طيب بس بكره هنخرج ماشي ؟
ـ نور : ماشي يا ستي ....
@@@@@@@@@@@@@@@@@@@@@@
في اليوم التالي ..... في منزل نور ....
علي سفرة الفطور ...
ـ جلست نور وهي ترتدي بنطال اسود واسع وتيشىت ابيض وفوقه جاكت جلد اسود وتاركه شعرها مفرود ....
ـ صالح : اهل يوسف اتصلوا عايزين الشبكه عشان عندهم ظروف ...
ـ نور : ا انا كده او كده كنت هديهالهم .....
ـ صالح : احسن ....
ـ نظرت له نور ثم قالت : انا همشي يا ماما عشان متأخرش علي الشغل ....
ـ والدة نور : ماشي يا حبيبتي ...
@@@@@@@@@@@@@@@@@@@@@@
أمام الشركه .....
نزلت نور من التاكسي ولكن فجأة رن هاتفها ... أجابت نور علي الهاتف .....
كان فهد يقف في الاعلي ويتحدث مع المستثمر الاسباني ....
ولكن نظر فهد من الزجاج وجد نور تتحدث في الهاتف وتبتسم وشعرها يتطاير بسبب الهواء ... نظر لها فهد بتركيز
عند نور .... كانت نور تقف ولكن فجأة وجدت مجموعه من السيارات السوداء تقترب منها وكانت أن تصطدم فيها ولكن فجأة وقفت هذه السيارات ونزل منها شاب ذو بنيه قويه وشعر اشقر وعيون زرقاء ....
ـ قال لها ....
ـ Estás bien؟
ـ نظرت له نور باستغراب فهي لا تفهم شئ ....
ـ اهه ا انتي كويسه ؟
ـ نور: ا اه كويسه ...
ـ دقق ذلك الرجل في ملامحها قائلا : اهلا انا يامن
ـ نظرت نور ليده ثم مدت يدها لتصافحهه ... ابتسمت نور قائله
ـ نور ...
ـ ابتسم يامن ....
ولكن لم تلاحظ الأعين التي تنظر لها في الاعلي .....
@@@@@@@@@@@@@@@@@@@@@@
استووووب استنو عارفه أنه صغير معلش بس بارت بكره إن شاءالله هيبقي طويل ....
شكراً لتعليقاتكم السكر 💗🎀
متنسوش تسيبو اثركم الجميل يا حلوين 🫠❤️
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق