رواية روح قلبي الحلقه الخامسه بقلم الكاتب محمد منصور حصريه وجديده على مدونة النجم المتوهج للروايات والمعلومات
رواية روح قلبي الحلقه الخامسه بقلم الكاتب محمد منصور حصريه وجديده على مدونة النجم المتوهج للروايات والمعلومات
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعد مرور اسبوع ومن داخل محل فاكهه كبير في انواع كتير من الفاكهه يقف عم حمدان يبيع للناس وبجانبه تقف اميرة فرحانه بفرحه ابوها ويقف امامهم حجازي ويقول
عندك موز ياحاج
عم حمدان بفرحه
ولو مش عندي اروح اجيب لك يا ابن الغالي
حجازي
تسلم يا عمي. انا اصلا ما بحبش الموز عشان في بزر
ويضحك حجازي ويضحك عمه حمدان ويقول
طيب يا حاج عايز حاجه
وينصرف حجازي فتنظر له اميرة باستغراب ازاي هي تكون في المحل وهو مايسلمش عليها ودي مش اول مرة يعملها من ساعه اخر مرة كانت واقفه معه قدام النادي وهو يبعت لها فلوس لكنه ما بيسلمش عليها خالص فخرجت وراء منه وندهت عليه فوقف حجازي وبص لها وقال
ايه محتاجه فلوس
اميرة
ليه قولت كده علشان ندهت عليك
حجازي
هو انتي اصلا عرفتيني الا علشان الفلوس.
أميرة
انت لسه زعلان بقي
حجازي
أميرة خلصت الحكايه ومن يوم ماعرفت حقيقتك وانتي بقيتي بالنسبه لي بنت عمي وبس
اميرة وهي تنظر في عيونه
يعني بطلت تحبني
فينظر لها حجازي ولا يرد ويتركها وينصرف فتغضب اميرة وتقول لنفسها
الحكايه باين عليها باظت وشكلها كده مافيهاش جواز،،،،،
ومن داخل شقه زينب تجلس زينب وهي في حاله من العصبيه الشديده لانها عرفت ان حجازي اشتري محل لعمه واثناء ماهي في هذة الحاله فتح باب الشقه ودخل حجازي فنظرت له زينب وقالت
هو انا ايه مابقاش ليه كلمه عليك ولا أيه
حجازي بلين وهو يحاول ان يمتص غضب والدته يقول
في ايه مالك بس يا ست الحبايب
زينب
انا مش قولت لك تبعد وتسيبك خالص من اميرة. وانت قولتي ان خلاص جوازك من اميرة ده حوار وخلص
حجازي
وهي دي الحقيقه انا فعلا مابقاش في حاجه بيني وبين اميرة
زينب
اومال رايح تجيب محل لي ابوها. ليه
حجازي
ليه. علشان عمي وطالما اقدر اساعده ليه ماساعدوش وده كله لوجه الله
زينب بعدم اقتناع
والله. عبيطه انا علشان اصدق انك عملت كده لوجه الله
حجازي بضيق
اة. يا ماما عملت كده لوجه الله ايه الغريب في كده
زينب
حجازي. اراهنك ان الست هانم هي اللي قالت لك هات محل لبابا وانت زي الاهبل روحت وجيبت المحل ما انت طيب زي ابوك واي حد يضحك عليك بكلمتين
حجازي
انا فعلا طيب وبيضحك عليه بس مش اهبل والمحل لوجه الله وعشان عمي يرتاح واي كلام تاني مش صح
ويتركها ويدخل حجرته ،،،،،،،
ومن داخل محل موسي يجلس موسي ويمسك الموبيل الخاص به وينظر لصوره اميرة ويقول لنفسه
ايه اللي حصل لك يا موسي العيله دي هزتك من جوة ولا أيه. ده انا كنت جبل لغايه ماعرفتها
ويضرب قلبه بيدة ويقول
ايه مالك ايه اللي بيحصل لك. الحب ضعف وانا ماحبش اكون ضعيف
ويمر حجازي من امام المحل ولاول مرة لا يدخل لموسي فينهض موسي وينادي عليه ويقول
حجازي
ولكن حجازي يسمعه ولا يرد عليه ويستمر في طريقه فيرجع موسي الي المحل ويجلس علي مكتبه ويمسك الموبيل الخاص به ويمسح صورة اميرة وهو يقول
انا مش هاضعف قدام اي حد مهما كان هو. وانت بقي يا حجازي خليك سايق العوج عليه بس انت تتجوز اميرة وساعتها اكسر عينك. ايوة لازم اكسر عينه انا مافيش حد احسن مني. واوعي تفتكر انك علشان معاك فلوس يبقي من حقك تحتقرني
ويرمي الموبيل علي الارض وهو يقول
فاهم يا حجازي. انت مش احسن مني
فتدخل اميرة الي المحل في هذة اللحظه وتلم الموبيل من علي الارض وتضعه قدام موسي وهي تقول
مالك عصبي ليه كده
موسي بعصبيه
وانتي مال امك
اميرة بنرفزه
ماتلم لسانك. وانا اللي استاهل اني جيت لك
وتستعد للانصراف فينادي عليها موسي ويقول
استني طيب
وينهض ويقف امامها ويقول
حقك عليه اصلي مضايق شويه
اميرة
مش انت لوحدك اللي مضايق
موسي
ايه اللي حصل
اميرة
حجازي من بعد اللي حصل وهو مش عايز يديني ريق حلو وديما مكشر في وشي
موسي
يعني ايه الجوازه مش هاتم
اميرة
شكلها كده
موسي
لا. اتصرفي
اميرة
اتصرف اعمل ايه يعني. اضربه علي ايدة
موسي بضيق
طيب وبعدين بقي. كده كل الترتيب بتاعي هايبوظ
اميرة
انا كل اللي بقدر عليه بعمله لكنه ديما بيهرب من قدامي
موسي بحب
معه حق لازم يهرب. انتي بصراحه حلوة قوي
اميرة
بجد يعني اعجبك
موسي وهو يبلع ريقه مش قادر يقاوم سحر عينيها فيقول
خلينا في موضوعنا. ولازم تعرفي ان طالما بيهرب منك يبقي لسه بيحبك
اميرة وهي تقترب منه
هو مين ده اللي بيحبني انت ولا هو
فيقترب منها موسي ويقول
انا بحبك.
وفي هذه اللحظه يدخل حجازي الي المحل منفعلا ويضرب اميرة بالقلم وبمنتهي العنف ويقول لها
لو شوفتك هنا تاني هاقطع خبرك
اميرة تنظر له وهي تبكي وتمسك خدها وهو قلبه يتقطع عليها ولكنه يكمل قائلا
يالا اطلعي برة
وتخرج اميرة من المحل وينظر لها موسي وهو مضايق من ضرب حجازي لها ويقول موسي لحجازي
ضربتني قبل كده وسكت. انما تمد ايدك علي اميرة اقطع لك ايدك
حجازي وهو يمد ايدة لموسي ويقول
ايدي اهي اقطعها لو تعرف
موسي
هاقطعها بس بطريقتي. ومسيري اجيب راسك دي في الطين تحت رجلي. ولو فاكر انك تقدر تحرمني من اميرة تبقي غلطان انا واميرة بنحب بعض وهانتجوز
فتنزل هذه الكلمه علي قلب حجازي وكانها رصاصه اخترقت قلبه وقال لموسي
اميرة بتحبك انت
موسي
قوي. بتحبني قوي
فينفعل حجازي بشدة ويخرج من المحل مسرعا فيجلس موسي علي مكتبه ويضحك ويقول
شربها. وصدقني كده بقي فاضل انه يعند ويرفض الجوازه وعشان يحميها مني يتجوزها هو وساعتها بقي اروح لغايه عندنا وعلي سريرها هي وحجازي اصورها وهي في حضني واكسر عينه في المنطقه كلها واخلي يبطل يبص لي علي انه احسن مني، ،،،،
ومن داخل محل الفاكهه الخاص بعم حمدان يجلس حجازي مع عمه حمدان ويقول له
مش لازم اميرة تعرف اني حكيت لك حاجه
عم حمدان بعصبيه
تعرف ولا ياكلها قطر انا بنتي تتجوز اللي اسمه موسي ده علي جثتي اجوزها لواحد زي موسي
حجازي
اهدئه ياعمي العصبيه مش هاتجيب نتيجه لازم نتصرف بالعقل والحكمه
حمدان
يعني عايزني اعمل ايه
حجازي
تجوزهالي
حمدان
انت بتقول ايه.
حجازي
هو ده الحل الوحيد علشان اعرف احميها من موسي
حمدان
تتجوزها بعد كل اللي عرفته ده
حجازي
انا جوازي منها هايكون علي الورق وبس لغايه ماتكمل تعليمها وساعتها هي تختار طريقها بنفسيها. وبعيد عني بس لازم احميها من موسي والشر اللي جواة
حمدان
وليه. تتجوزها ما انا ممكن اكسر دماغها وامنعها تشوفه بالعافيه
حجازي
عمي. البت لو محبوسه في قفص وعايزا تعمل حاجه غلط هاتعملها وماحدش هايقدر يحوشها
حمدان
يعني انت شايف ان ده الحل الوحيد
حجازي
وصدقني مافيش غيرة
حمدان
بس انت ماتستاهلش تتحسب عليك جوازه زي دي
حجازي
كده احسن علشان احمي عرضك اللي هو عرضي. وبدل ما ننرجع نندم ونقول ياريت اللي جري ماكان
حمدان
طيب هاتجوزها ازاي وهي لسه ماتمتش السن القانوني
حجازي
بالفلوس كل حاجه هاتخلص المهم احميها. علشان خاطرك انت، ،،،،،
وقبل ليله الدخله بيوم تجلس اميرة مع ميار وتقول لها
والله يا ميار انا اتغيرت وبقيت فعلا بحب حجازي بعد مالقيته دخل عليه المحل وانا واقفه مع موسي وضربني بالقلم. فوقت وبقيت فعلا بحب حجازي ومش شايفه نفسي الا وانا مراته
ميار بحزن
انتي كده صح وفعلا حجازي ما يستاهلش الا كل حب
اميرة
انا عارفه انك بتحبي
ميار
خلاص بقي الكلام ده مابقاش لي لزوم انا مش هاينفع اعشم نفسي بواحد عمرة ما هايكون ليا. المهم ان انتي رجعتي لعقلك وعرفتي قيمه حجازي
أميرة
انا مش عارفه ازاي انا كنت هابيع واحد زي حجازي لموسي الخسيس
ميار
علشان الطمع عماكي وافتكرتي ان حب حجازي ليكي يدكي الحق انك تجرحي وتبعيي في
اميرة
انا فعلا كنت غلطانه وغبيه ومهما حصل مش هاكون غير لحجازي وهاعيش تحت رجله.
ميار
يا سلام. ياريته كان ضربك بالقلم من زمان عشان تفوقي لنفسك وترجعي عن اللي كنتي ناويه تعملي.
وتمسك اميرة خدها وهي تفول
ده كان احلي قلم خده في حياتي
ميار ضاحكا
انتي مجنونه والله. لما كان بيعملك كويس ماكنتيش حاسه بي ولما ضربك عرفتي معني الحب
اميرة
انا كده. ماحبش السهوكه بتاعت الحب احب ديما الراجل الخشن، ،،،،،،
وبالفعل ورغم اعتراض زينب الشديد ومحاولاتها لكي تفشل هذة الجوازه ولكن الجوازة تمت ورغم فرحة موسي بان مخططه نجح الا انه وقف ولاول مرة يبكي لما شاف حجازي ياخذ اميرة من الكوافير وسط فرحه شديدة من اميرة التي ظنت انها انتصرت. وكانت هذه الزفه من غير زينب التي لاتزال معترضه علي الجوازه وحاول موسي ان يتماسك وان يبعد عيونه عن النظر الي اميرة ولكنه لم يستطيع وعلي الجانب الاخر ميار تقف وسط المعازيم وهي حزينه علي فقدان حجازي. ياتري ايه اللي مستخبي لي اميرة علي أيد موسي وايه اللي ناوي عليه يعمله موسي. وهايسيب موسي اميرة حبه الوحيد بين ايدين حجازي ولا. هايبقي في كلام تاني.،،.،،،،
خلصت حلقة النهاردة اللي يارب تكون عجبتكم. سلام
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق