رواية روح قلبي الفصل السادس والسابع والاخير بقلم الكاتب محمد منصور حصريه وجديده على مدونة النجم المتوهج
 |
رواية روح قلبي الفصل السادس والسابع والاخير بقلم الكاتب محمد منصور حصريه وجديده على مدونة النجم المتوهج
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن داخل حجرة نوم حجازي واميرة. تجلس اميرة علي السرير بعد ما قلعت فستان الفرح وتنتظر دخول حجازي الي الحجرة ولكنه لم يدخل فتنادي علي حجازي ولكنها لا تسمع رد فتنهض وتخرج من الاوضه فتجد حجازي ببدله الفرح ويجلس علي كنبه الانتريه فتتجه ناحيته وتجلس بجانبه وتقول له بدلع وهي تضع يدها فوق كتفه
قاعد برة ليه
فيبعد يدها عن كتفه فتجلس امامه وبالتحديد تحت رجله وتنظر له وهي تقول
في عريس في ليله دخلته يبقي مش ضايق عروسته كده
حجازي بصرامه
قومي نامي عشان انتي بكرة رايحه الكليه
اميرة باستغراب
بكرة. ايه. ده انا عروسه
فينظر لها حجازي ويضحك ثم يقول وهو يتنهد
طيب. اسيبك انا بقي واقوم انام يا عروسه
وينهض ويتجه ناحيه الحجرة الاخري فتنهض وراء منه اميرة وتقول
انت رايح فين
حجازي
داخل انام
اميرة وهي تنظر للحجرة تقول
هتنام هنا
حجازي
اه. عندك مانع
اميرة
طبعا. ازاي نكون متجوزين وفي ليله دخلتنا وانت تنام في اوضه وانا انام في اوضه
حجازي
عشان هو ده الوضع السليم لجواز المصلحه
اميرة
لا. ياحجازي انا اة. كان عايزة اتجوزك علشان مصلحتي بس انا والله دلوقتي بحبك ومش هاقدر اعيش من غيرك
حجازي
ده اتفاق جديد بينك وبين موسي. عموما انتي مراتي لغايه ما انا اقول كفايه كده
ويدخل الي الحجرة ويغلق الباب خلف منه واميرة تقف علي الباب ثم تقول لنفسها
هو حجازي ناوي علي ايه معايا. ومعقوله يكون بطل يحبني في الوقت اللي انا بقيت احبه في.،،،،،
ومن داخل حجرة موسي يجلس موسي علي سريره وفي يده الموبيل الخاص به وينظر لصوره أميرة التي التقطها وهي بتخرج من الكوافير وكانت حلوة زياده عن كل مرة شافها فيها وبدا قلبه القاسي المحب للفلوس يحن ويدق لحب جديد حب غير حب الفلوس وهو حبه لي أميرة ولكنه رمي الموبيل لتاني مره بجانبه علي السرير وقال لنفسه
وبعدين بقي. ايه اللي بيحصل لي ده. واخره ايه أنا شكلي كده بحب البت دي ومابقاتش قادر اعيش من غيرها ولما انا بحبها كده ليه سبتها تتجوز حجازي. انا غبي كانت بين ايدي. انا مخنوق
وينهض من فوق السرير ويتجه ناحيه شباك حجرته ويقف في الشباك ويقول لنفسه
انسي. يا موسي ودوس علي قلبك وخليك ماشي في طريقك انا لازم في اسرع وقت اعمل اللي انا مخطط لي، ،
وبعدها بكام يوم بدا موسي يسال علي عنوان الشقه اللي اتجوز فيها حجازي لغايه ماعرف عنوان الشقه واستغل وجود حجازي في التمرين وراح الشقه وخبط وفتحت له اميرة بعد ماعرفت انه هو وقالت له باستغراب
موسي انت بتعمل أيه هنا. حجازي لو شافك هايخرب الدنيا
فيدفعها موسي الي داخل الشقه ويغلق الباب خلف منه وهي تنظر له وهي خائفه منه وقررت ان تكدب عليه علشان تحمي نفسيها منه وتقول
موسي انت ناوي علي ايه. ده انا اتجوزت حجازي عشان ده كان اتفقنا
موسي
ايوة ما انا عارف اني انا متفق معاكي علي كده. بس انتي ناسيه بقيت الاتفاق واني انا أكسر عينه
اميرة بدهشه
تكسر عينه يعني أيه
موسي
يعني اصورك وانتي في حضني وافرج المنطقه وحجازي علي مراته
فتنظر له اميرة بغضب وتقول
اه. ياحيوان يا واط،،،،،،
ولكنها لم تكمل الكلمه لان موسي اخرج ازازه بنج من جيبه ورشها في وجهها فجعل اعصابها ترتخي ولكنها لم يغم عليها فحملها ودخل بيها حجرة النوم ورمها علي السرير وهي تنظر له وتحاول ان تدافع عن نفسها ولكن بلا فائده حتي تغمض عيونها ويغمي عليها وينظر لها موسي وهي السرير ويخرج الموبيل من جيبه ويشغل الفيديو ويسلط الفيديو ناحيه السرير لكي يبدا تصوير ويقترب من اميرة ويضمها الي حضنه ولكن قلبه يدق بشده ويقول له
لا. حرام عليك تعمل كده فيها ماتستهلش مني كده لا هي ولا حجازي. انت بتحبها وعمرك ماتقبل انك تفضح اللي بتحبها. وحجازي طيب القلب وهايصدقني ويعرف اني فعلا بحبها بجد وساعتها ممكن يسيبها علشاني
ويجلس ينظر لها لمدة ساعه تقريبا بدون ان يشعر ان الوقت عدي كده بسرعه بمجرد بس النظر لها فقام وخرج من الشقه اول ما بدات أميرة تفوق وتقف علي رجليها وبدات اميرة تبص حواليها وتبص لنفسها وتذكرت ما قاله لها موسي قبل ما يغمي عليها فلطمت علي وشها وصرخت وقالت
موسي عمل في اللي عمله ومشي يا فضحتي يا فضيحه ابويا اللي مش هايقدر يبص في عين حد بعد كده وانا السبب طمعي هو السبب واني اتفق علي واحد نطيف زي حجازي كان لازم اخد جزاتي
ويفتح باب الشقه ويدخل حجازي منفعلا بشده ويتجه ناحيتها بكل غضب ويقول وهو يضربها بالقلم
الواطي اللي اسمه موسي ده كان بيعمل ايه هنا
فترتبك اميرة وتقول
موسي ماكنش هنا
فيضربها حجازي كمان قلم وبمنتهي القوة ويقول
كدابه وخاينه وزباله. انا شايفه بعيني وهو خارج من باب العمارة بس مالحقتش امسكه. ايه للدرجه دي بتحبي ومش قادره تستغني عنه
اميرة وهي تبكي
والله انا مظلومه. انا ما بحبش حد غيرك
حجازي وهو يضربها بالقلم مرة اخري ويمسكها من شعرها بمنتهي العنف ويقول
لسه بتكدبي. انتي ايه. ده انا اتجوزك عشان احافظ عليكي واحميكي منه. وانتي تجيبي لغايه هنا. طيب والله لحرمك منه يا واطيه
ويتجه حجازي ناحيه باب الشقه وهو في قمه انفعاله وتفكر اميرة في ما سوف يحدث عندما يراي حجازي الفيديو التي تعتقد وتظن ان موسي صوره لها وهي في حضنه فتخاف علي حجازي ليقتل موسي بسبب هذا الفيديو ومن خوفها علي حجازي تجري خلف منه وتقف امام باب الشقه وهي تقول
بلاش تروح له عشان خاطري
حجازي
ومين قال لك انك بقي ليكي خاطر عندي. انا زي ماخليتك بحبي ليكي نقطه ضعف. انا برضو اللي هاخليكي في حياتي مجرد ذكري المهم بالنسبه لي دلوقتي اني انفذ اللي اتفقت عليه مع عمي وهو اني ابعد عنك اي شر واساعدك تاخدي الشهادة وبعد كده انتي حرة في حياتك تكمليها زي ما انتي عايزة بس مع اي حد عدل غير موسي فاهمه غير موسي
ويمسكها من كتفها ويبعدها عنه ويفتح الباب ويخرج واميرة تحاول ان تمنعه ولكنه يبعدها عنه وبدون ان يشعر يدفعها وتقع علي السلم وتنصدم راسها في درجات السلم الرخام وتنزف من راسها ويتجه ناحيتها حجازي خائفا عليها وينظر لها وهي تنظر له وتقول بصعوبه
والله العظيم انا ما بحبش حد غيرك
حجازي وهو ينظر للدم النازل من راسها
بلاش تتكلمي.
ويحملها وينزل بها علي السلم ودمها ودموعها يتساقطا منها وهي تنظر لعيون حجازي الملهوفه عليها وتقول
لسه بتحبني
فينظر لها حجازي ويقول
بطلي كلام.
اميرة
انا عايزا اموت واخر حاجه بسمعها انك بتحبني
حجازي
ان شاء الله مش هاتموتي
اميرة وهي تغمض عيونها ودموعها تنزل منها وتميل براسها علي صدره ويهزها حجازي خائفا ان تكون ماتت ولكنها لا ترد فيهزها كمان مره وهو يقول
اميرة.
ولكنها لا ترد ،،،،،،،،،
ح(7)
الاخيرة
روح قلبي
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن داخل مستشفي خاص يقف حجازي امام حجرة العنايه المركزه وهو ملابسه كلها ملوثه بدم أميرة. وينظر من شباك الحجرة علي أميرة التي ترقد علي السرير ومتوصل بها اجهزة كتير ويقول بحزن شديد
حقك عليه يا روح قلبي أنا السبب في اللي حصل لك
ويضع يده علي وجهه ويبكي علي حاله اميرة ويجلس بجانب حجرة العنايه المركزه وتدخل الي المستشفي ميار ومعها حمدان وساميه ويتجهوا الثلاثه ناحيه حجازي ويقول حمدان بلهفه الاب
خير يا حجازي. أميرة مالها
فينظر له حجازي والدموع تنزل منه
ادعي لها يا عمي
ساميه وهي تلطم علي وجهها تقول
بنتي. هي فين عايزا اشوفها
حجازي
ممنوع عنها الزياره لغايه ماتفوق
ساميه
هو ايه ده اللي ممنوع انا امها ولازم اشوفها
ميار
اهدئي يا طنط. وان شاء الله هاتبقي بخير
ساميه وهي تبكي
يارب. انا ماعنديش غيرها حن عليها وعليه. يا حننان يا مننان ,,,,,,,
وبعدها بثلاث ايام تخرج اميرة من حجرة العنايه المركزه ولكنها علي كرسي بعجل لانها مش قادرة تمشي وانتقلت الي حجرة اخري.
وبعدها بساعه يجلس حجازي في مكتب الدكتور المعالج لي اميرة ويدعي. عادل ويقول له حجازي
خير يا دكتور. الممرضه قالت لي انك عايزني
الدكتور عادل بحزن
استاذ حجازي. انا اسف في اللي هاقولو ليك دلوقتي بس لازم تعرف حاله مدام اميرة كويس
وبدا القلق يدق باب قلب حجازي وقال
يا دكتور انا قلقت. مالها اميرة. هاتموت.
عادل
باذن الله هاتعيش. بس هاتعيش وهي عندها شلل تام في النص السفلي من جسمها
فيصدم حجازي ويقول
هاتعيش مشلوله
عادل
مع الاسف. مش هاتقدر تمشي علي رجليها
حجازي. لنفسه
انا السبب. انا اللي عملت فيها كده
ثم يقول للدكتور
دكتور عادل. ما فيش اي حاجه نقدر نعملها عشان ترجع تاني وتمشي علي رجليها
الدكتور
بص. هو في هنا في مصر صديق ليا وهو دكتور امريكي وجراح عظيم الدكتور ديفيد مارك وهو هنا بيقضي اجازته هو وعائلته بدعوي مني . وعمل قبل كده عمليه لحاله شبه حاله مراتك اصيبت بالشلل بسبب حادثه عربيه ونقل لها خلايا عصبيه من جسم واحد سليم
حجازي فرحا
يعني ممكن يعمل لها العمليه دي وترجع تمشي تاني
الدكتور
باذن الله. هاترجع تمشي بعد العمليه مع شويه علاج طبيعي
حجازي
طيب خلاص نعمل لها العمليه. يادكتور وبسرعه
الدكتور
بس هنا في مشكله فين البني ادم اللي هايتبرع بخلايا عصبيه من جسمه ويعيش مشلول
حجازي وهو مش فاهم مقصد الدكتور ويقول
دكتور انا مش فاهم حاجه
الدكتور
استاذ حجازي. الخلايا العصبيه اللي هانخدها من جسم المتبرع هتاثر عليه لفترة من الزمن ماحدش يقدر يحدد وقتها ويا اما يرجع المتبرع يمشي تاني علي رجله او الجسم يتاثر بالخلايا العصبيه اللي اتخدت منه ومايقدرش يمشي خالص ومن هنا تيجي صعوبه العمليه علشان صعب نلاقي الشخص اللي يقبل علي نفسه المغامرة دي
حجازي
ندور عليه يا دكتور وياخد اللي هو عايزه. انا فلوسي كلها فداء اميرة مراتي بس ترجع تاني وتمشي علي رجليها
الدكتور
والله انا من ناحيتي هادور وانت من ناحيتك تدور وخلي بالك اننا لازم نوصل لمتبرع باسرع وقت قبل اجازة دكتور ديفيد ماتخلص ويسافر لي امريكا
حجازي
خلاص يا دكتور انا باذن الله هاعمل كل اللي اقدر عليه. وهاجيب لك متبرع، ،،،،،
ويخرج حجازي من حجرة الدكتور ويتجه ناحيه الحجرة المحجوزة فيها اميرة وامام الباب يجد موسي واقفا وينظر لي اميرة من شباك الحجرة وبجانبه تجلس ميار ووالدها ووالدتها. وموسي يبكي علي حالها فيهجم حجازي عليه بمنتهي العنف ويمسكه من لاياقه القميص ويقول له بحدة
هي حصلت تيجي لغايه هنا.
فينظر له موسي وعيونه تدمع ويقول
انا مستعد اعمل العمليه واميرة ترجع تمشي من تاني
فينظر له حجازي باستغراب شديد ويترك لايقه القميص ويقول
انت بتقول أيه
موسي وهو يبكي بحرقه.
انا سمعتك وانت بتتكلم مع الممرضه وهي بتقول لك الدكتور عايزك ضروري وروحت ووقفت علي الباب وسمعت كل حاجه اتقالت. وجاهز اعمل العمليه
حجازي باستغراب
للدرجه دي بتحبها
موسي
وعمري ماعرفت الحب الا لما عرفتها
حجازي
انا مش قادر اصدق اللي انا بسمعه. ده انا اهو بحبها ومافكرتش اني اعمل العمليه وانقذها وانت بمجرد ما عرفت بالعمليه فكرت فانك انت اللي تعملها
موسي
مالهوش لزوم الكلام ده كله. المهم دلوقتي اميرة ترجع تاني وتمشي علي رجليها
حجازي
أنت أيه اللي حصل لك. بين يوم وليله تبقي من شيطان لي ملاك.
موسي
الحب. خلاني اتولد من جديد وقلبي ينضف ويبقي قلب بني ادم مش حيوان. وعلشان خاطري يا صاحبي عايزك تسامحني علي كل لحظه اتمنيت ليك فيها الشر. وتخليني اعمل العمليه وترجع اميرة تمشي علي رجليها
حجازي
مسامحك. بس انت ممكن بعد العمليه ماتمشيش تاني
موسي وهو ينظر الي اميرة يقول
طول ما هي بتمشي وفرحانه انا كمان هاكون بمشي وانا فرحان بفرحتها
وياخذه حجازي بالحضن ويقول
عيشت وشوفتك ضعيف قدام قلبك ودموعك بتنزل علي حد غالي عليك
موسي
هو كده. القلب ديما نقطه ضعف وخصوصا لما يكون الحب عنوانه واميرة. روح قلبي، ،،،،،،،،،
وبدات اجراءت التحضير للعمليه وتم تحديد ميعاد العمليه وقبل الميعاد وبالتحديد قبل اذان الفجر يذهب الشيخ حامد الي المسجد لكي يفتح باب المسجد وخلع الشيخ حامد حذائه ومد يدة لكي يحضر الحذاء ويدخله المسجد فيجد يد تسبقه الي الحذاء فينظر لمن مد يدة فيجد موسي فينظر له باستغراب فيقول موسي
عنك انت يا شيخ. جذمتك انا اوله اشيلها ليك
فينظر له الشيخ حامد بدهشه شديدة ويقول
انت بتعمل ايه هنا
موسي
جاي اصلي الفجر وراء احسن امام جامع في مصر كلها
فيبكي الشيخ حامد وياخذ موسي بالحضن ويقول له
اخيرا رجعت
موسي
لما ربنا بيريد بيخلي قلب العاصي يلين
الشيخ حامد فرحا
اللهم لك الحمد رجعت لي ابني بالسلامه وعرفته طريقك طريق النور
ويدخل موسي الي المسجد ويصلي وراء والده ويطلب منه الدعاء،،،،،
وطلع النهار واتجه موسي الي المستشفي لاجراء العمليه وبالفعل وبعد ساعات طويله انتهت العمليه بالنجاح. وخرج الاثنين من حجرة العمليات وحجازي ينظر لهم وهما علي الترولي الخاص بالعمليات ويقول لنفسه
يااااااااااا. في حد يحب حد كده. انا مش قادر اصدق موسي يبقي جوة قلبه كل الحب ده. سبحان مقلب القلوب. سبحانك يارب ،،،،، ،،،،
وبعدها ب 6 شهور تكمل اميرة كورسات العلاج الطبيعي وتقف علي رجليها مرة أخري وهي ماتعرفش ان موسي هو السبب في انها تعمل العمليه وتخف وشافت حجازي جاي من بعيد فجريت عليه وقالت فرحا وهي بتتنطط
شوفت بقيت اجري واتنطط ازاي خلاص انا خفيت يا حجازي يا حبيبي
وتاخذه بالحضن وتقول
عارفه اني تعبتك معايا وانك استحملت كتير لغايه ما خفيت ورجعت تاني اقف علي رجلي
حجازي بحسرة وقلبة بيتقطع
بصراحه مش انا اللي استاهل الحضن ده
اميرة
بتقول ايه. ده أنت تستاهل اكتر من كده كفايه تعبك معايا. انا بحبك اوي يا حجازي
حجازي بحزن شديد
وانا كمان بحبك. بس في اللي بيحبك اكتر مني
اميرة باستغراب
مستحيل يكون في حد بيحبني اكتر منك
حجازي
لا. في
اميرة
مين ده. تقصد بابا
حجازي
لا.
اميرة بدهشه
اومال مين
حجازي
انا مش هاينفع اخبي عليكي اكتر من كده مع ان البني ادم اللي ربنا جعله سبب لشفائكي محرج عليه اقول لك اسمه لكن هو الوحيد اللي يستاهل حبك وقلبك
اميرة باستغراب شديد
مين دة، ،،،،،
وبعدها بساعتين ومن داخل اوضة موسي الذي تغير تماما وخرج كل الفلوس اللي حيلتة لله لانها من حرام. وقفل المحل وبدأ يشتغل مندوب مبيعات عن طريق النت. ف
تدخل الي الاوضة اميرة ومعها حجازي وتنظر الي موسي الذي يجلس علي كرسي بعجل ويقراء في المصحف وتقول بصوت حنون يهز القلب
موسي
فيغلق موسي المصحف بعد ما سمع صوتها ونظر ناحيتها مسرعا وبلهفه وفرحه ما بعدها فرحه بعد مالقها واقفه علي رجليها ولكن بص لحجازي وقال
برضو قولت لها ده انا محلفك
حجازي
لازم تعرف مين اللي يستاهلها
فيبص موسي لأميرة ويقول
انا اخر مرة كنت عندك فيها في الشقة ما عملتش حاجة والله علشان ما قدرتش أذيكي
أميرة وهي تنظر له وتتجه ناحيته وتقول
ما تكلمش في اللي فات. وقولي ليه ما كنتش عايزني اعرف اني انا غاليه عند حد لدرجه انه يقبل يضحي علشاني التضحيه دي كلها
موسي
أنا كنت بحاول اصلح اي حاجه غلط عملتها
أميرة وهي تجلس تحت رجله
وأنا جه عليا الدور علشان اكون في المكان الصح مع اكتر بني ادم حبني في حياته
موسي
بس ازاي تربطي نفسك بواحد عاجز
اميرة
أنت بقيت عاجز علشان انا ابقي سليمه. تفتكر انا هاسيبك بعد اللي عملتة دة.
حجازي وقلبة بيتقطع
علشان كده أنتي طالق يا اميرة
موسي
لا. يا حجازي ما تسيبش اميرة. اميرة بتحبك انت حتي هي لو قالت انها بتحبني فدة من باب الرحمة بيا وبحالتي وانا ما عملتش كدة علشان لما تخف تطلقها وتبقي ليا
اميرة ودموعها تجري علي هدوم موسي
بس انا عايزة افضل جنبك
موسي يبص لها وهو يقول
وأنا عايزك تفضلي مع حجازي حبيبك وانا هاعيش وهافضل عايش وفرحان طول ما انا شايفك فرحانة
ويبتعد بالكرسي المتحرك بتاعه ويقول لحجازي وهو قلبة حزين
خد مراتك وعيش حياتك واوعي تزعلها
اميرة وهي تقترب منه مرة اخري وهو يبتعد ويقول لحجازي
خد مراتك وامشي أنا هابقي كويس
وتنزل دموع موسي وهو بيبص بعيد عنهم ونفسه انه يقوم وياخد اميرة في حضنة لكنة مش عايز حد يكون معه شفقة وفعلا حجازي ياخد اميرة ويخرج من الاوضة واميرة بتبص علية وهو بيعيط وبمجرد ما الباب يتقفل يبص ناحية الباب بسرعة ويشم كل حتة في الاوضة فيها نفسها ويشم هدومة اللي لمستهم بايدها ويقول ودموعه تجري كالنهر.
بحبك يا اميرة قلبي. بحبك يا نقطة ضعفي. بحبك يا روح قلبي ، ،،،،،،،،،،
وتمر الشهور وحجازي مع موسي عند كل دكتور يروح له موسي وبعد جلسات عديدة وعلاج مكثف استعادت الخلايا العصبيه الجزء المفقود منها ورجع موسي تاني يمشي علي رجله واحبته كل اهالي المنطقه وحجازي فتح معرض اجهزة كهربائية لموسي وخد موسي ودخل بي المعرض اللي كان تحفة وقال له
المعرض دة انتي شريكي في بالنص
موسي
ايوة بس انا ماحلتيش حاجة كل فلوسي اتبرعت بيها
حجازي
سد اللي عليك من نصيب الربح. خلاص اتفقنا
موسي
انت ازاي عملت معايا دة كلة بعد اللي كنت عايز اعملة فيك
حجازي
صاحبك من بختك وانت صاحبي وانا علشانك اعمل اي حاجة طالما اتغيرت
وفي هذة اللحظة يدخلا الي المحل اميرة وميار وتبص اميرة لموسي باشتياق شديد وتقول
واحشتني
فيرتبك موسي ويبص لحجازي وهو محرج فيضحك حجازي ويقول
اميرة مش مراتي. انا طلقتها وعدتها خلصت بقالها 4 شهور وتنفع تتجوز حد يصونها ويستاهلها
موسي
بس،،،،،،
فتحط اميرة ايدها علي بوق موسي وتبص في عيونة وتقول
هاتتجوزني غصب عنك
فيضحك موسي وتدمع عيونة من الفرحة وياخدها في حضنة بمنتهي العشق فيقول حجازي
ولا. لم نفسك دة بنت عمي
فيبص موسي لحجازي وياخدة في حضنة ويقول
حاضر يا عمي.
فتضحك ميار وتبارك لي اميرة وتستعد للانصراف علشان اتاخرت فيمسك حجازي يدها ويبص لها وهو يقول
سمعت ان عندكم عروسة زي القمر وفنانة وبتكتب قصص حلوة زي عيونها
فترتبك ميار وتبص ل اميرة فتقول اميرة
انا عرفت حجازي كل حاجة بتحسيها ناحيتة وقد اية انتي بتحبي
حجازي وهو بيبص في عيون منار
ويبقي حمار اللي يضيع قلب بيحبة بالجامد قوي كدة
فتضحك ميار وحجازي يبوس ايدها ويقول
تتجوزيني
فتهز ميار راسها موافقة فيضحك حجازي والكل يصاب بالسعادة. ويظل الحب هو نقطة ضعف لكل قلب لايزال الحب عنوانة.
النهاية
يارب تكون القصة عجبتكم.
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق