رواية لعبة القلوب المحرمه الحلقه الثالثه بقلم الكاتبه أماني سيد حصريه وجديده على مدونة النجم المتوهج
رواية لعبة القلوب المحرمه الحلقه الثالثه بقلم الكاتبه أماني سيد حصريه وجديده على مدونة النجم المتوهج
برافو عليك يا ايمن انت كده ذلتها وكسرتها ومش هتقدر ترفع عينها فيك تانى
ـ بس البنات مش ساكتين ونازلين زن عايزينها
ـ سيبهم هما ناقصهم ايه قاعدين واكلين شاربين نايمين هيعوز ايه اكثر من كده
كلها يومين وتجيبك مكسوره اولا هتخاف امها يجرالها حاجه
ثانيا هتخاف من كلام الناس
ـ عندك حق وكده كده لا ليها قايمه ولا أى حق تطالب بيه .
ـ برافو عليك وبعدين هى المتعلقه مش انت ... انت تقدر تتجوز بدل الوحده 2 وثلاثه انما هي ما تقدرش عشان كده انا واثقه انها هترجع تاني لأنها مش هتقدر تاخد حق ولا باطل
ـ المهم خلى بالك من البنات لحد ما الهانم ترجع
فى الشركه
نزل شعيب على صوت هشام ومروه
هشام كان منفعل ووشه احمر لكن مروه كانت بارده وبتبصله ببرود
وقف شعيب فى النص بينهم
ـ خير فى ايه يا هشام
ـ الهانم مش عايزه تطلعني
بص لها شعيب وسالها
ـ ليه رافضه تخليه يطلع
ـ حضرتك انا هنا عشان اسجل مين داخل ومين خارج و هو رافض ان انا اسجل اسمه وانه يديني البطاقه وبيقولي ان هو صاحب حضرتك انا اعرف منين ان هو صاحبك افرض هو بيكدب عليا وطلع مش صاحبك انا وقتها اتحمل المسؤوليه
وفيها ايه لو كان ادانى البطاقه انا هعمل بيها ايه كل اللى هعمله هسجل اسمه فى الكشف
بص شعيب لهشام وقال له
ـ هي عندها حق يا هشيمه والمفروض اللي كانوا شغالين قبل كده يعملوا زيها
شكرا يا انسه وبص على الاسم اللي مكتوب على الكارنيه
ـ شكرا يا انسه مروه انتى صح وانت اتفضل قدامى
طلع هشام مع شعيب المكتب وفضلت صفا مع مروه
ـ برافو عليكي ده إنسان رخم
ـ جدا تحسيه كده مش مظبوط ... بس انا لديته على دماغه
ـ احسن وشعيب بيه حقانى طول ما انتى صح هيبقى فى صفك
ـ أنا جايه عشان الشغل وهعمل الصح واللى مش عاجبه يضرب راسه فى الحيط
فى المكتب عند شعيب كان قاعد قصاد هشام
ـ هشام اهدى فى ايه وبعدين انت اللى غلطان وياريت مايتكررش اللى حصل تانى مش ناقص غير إنك تحط بتوع الإستقبال فى دماغك
ـ هى اللى مستفزه عارف لو مكنتش حلوه كان زمانى معلمها الادب انا حرفياً لحظه وكنت هخرج عن اعصابى
ـ متضايق وهتخرج عن اعصابك عشان واحده بتشوف شغلها
ـ كل الناس عارفه اننا صحاب وانا داخل خارج محدش بيطلب منى حاجه
ـ هى ماتعرفكش يا هشام وهما غلط على فكره هى الصح ونصيحه منى يا هشام ابعد عنها وماتتعرضلهاش تانى فاهم
ـ هى اخت صفا
ـ وانت عرفت منين
ـ الاول الشبه وبعدين نفس الاسم الثلاثي
ـ أه اختها وأبعد عنهم يا هشام أنت قولت رهان وأنا وافقت لحد مايخلص ماتقربش لواحده فيهم
ـ ماشى يا شعيب صولا اتصلت بيك امبارح
ـ هو المفروض اديك تقرير بوضعى مع خطبتى
ـ لأ بتاكد إذا كانت هتكمل الاجازه ولا هترجع قبلها
ـ ماتشغلش بالك انت خليك في خطيبتك
ـ حاضر لما نشوف اخرتها ، هتسهر فين النهارده
ـ لا انا مرهق جدا مش هقدر اسهر اجلها كده لبكره ولا بعده
ـ زى ما تحب
خرج هشام وساب شعيب سرحان في مروه واللي حصل مع هشام وسرحان في صفا اثناء شروضه دخلت صفا المكتب عند شعيب
ـ انا بعتذر لك يا شعيب بيه عن اللي مروه عملته هي ما تعرفش ان هشام صاحب حضرتك
ـ انا مش زعلان منها يا صفا بالعكس انا مبسوط جدا انها شايفه شغلها بس انت ليه ما كنتيش بتعملي زي ما عملت مروه
ـ ان اول يوم اشتغلت في هنا هو كان داخل مع حضرتك واللي كانت ماسكه معايا وقتها قالت لي ان هشام بيه بيجي في اي وقت ويطلع من غير ما يسيب اي بطاقه او بيانات
ـ عموما انا نبهت عليه ان هو ما يضايقيهاش تاني
ـ شكرا لحضرتك يا شعيب بيه
مر اسبوع ولم يحدث أى جديد
فى منزل أيمن بدأت المشاجرات بين حماه مروه وبناتها وسلايفها
كل واحدة بترفض انها تساعد وشايفه إن بيتها احق
فى غرفه الجلوس كانوا متجمعين كل واحد من ولادها ومعاه مراته
بدات الحمى فى الكلام
ـ بقولكم ايه كل واحد فيكم يكبر مراته تنزل تخدمني يوم
ردت واحده من ازواج ولادها
ـ نخدمك ليه يا حماتي وانت عندك بنتين ومعنسين جمبك يخدموكى هما على الاقل لما يتجوزوا يعرفوا يفتحوا بيت احنا كل واحده فينا ملزومه ببيتها وجوزها واولادها
عجبك كلام مراتك يا جمال
ـ بصراحه ياما عندها حق اديك شفتي وفاء ماتت بدرى وسابت بنتين حالهم يصعب على الكافر وانا مش عايزه عيالي يبقوا زيهم كده حتى مروه ما كملتش معاكى اربع شهور وطفشت بجلبيه البيت بصراحه كده محدش فينا عايز يخرب بيته وزى ماهما قالولك بناتك يخدموكى والكلام خلص على كده
كل واحد اخذ مراته وطلع شقته وفضلت هي قاعده مع ولادها
ـ عاجبكم كده
ـ كل واحد ماشى ورا مراته ولا تعبريهم تانى
ـ وايه العمل
ـ خلى ابنك يرجع مروه ، لما يجيى كلميه يروح يجبها تانى
ـ انا كنت عايزاها هي تيجي تتحايل علينا عشان نرجعها
ـ بعد اللي حصل ما افتكرش ان هي هتيجي لوحدها خليه يروح يجيبها عشان نخلص بقى من الموضوع ده بصي البيت بقى عامل ازاي
ـ عندك حق يا منى
فضلت امهم قاعده مستنيه ابنها يعدى عليها عشان ياخد بناته وبعد ساعتين وصل ايمن
ـ البنات عاملين ايه معاكي يا ماما امال شكلهم مبهدل كده ليه ما حدش ليه من اخواتي غير لهم وحماهم
ـ اخواتك مش عارفين يلحقوها منين ولا منين عشان كده انا بكلمك عشان ترجع مروه ثاني
ـ بصراحه انا كنت بفكر اعمل كده البيت فوق بقى مبهدل وبلاد بصي منظرهم عامل ازاي وحتى اللقمه مش لاقي لقمه عدله اكلها
ـ روح هاتها بس وانت بتجيبها حددها بامها ان هي لو ما جتش معاك وسمعت كلامك هتطلقها وهتفضحها اضغط عليها الاول ولو رفضت زعق واعمل مشكله وعلى صوتك خليها تخاف
ـ صدقي فكره كويسه انا بكره الساعه 5:00 6:00 كده هروح لها البيت واشوفها فين
اخذ ايمن ولاده وطلع البيت غير هدوم ونام في اليوم الثاني راح بيت مروه قابلته والدتها وقالت له انها نزلت تشتغل مع اختها وادته العنوان افتكرت ان هو رايح عشان يراضيها ويصالحها لان مروه مش حاكيلها الحقيقه كامله
اخذ ايمن العنوان وراح الشغل عند مروه وصفا واستناهم قدام الباب خرجت صفاء ومعاها مروه واتفاجئوا بايمن واقف قدامهم ووشه باين عليه الغضب تجاهلته مروه ومشيت هي وصفا راح وقف قصادهم
ـ ايه اللي نزلك شغل من غير ما تستاذنيني اتفضلي روحي دلوقتي معايا على البيت يا اما هعمل لك فضيحه هنا
في نفس الوقت كان واقف من بعيد هشام وشعيب ولاحظ مضايقة ايمن لمروه
رفض شعيب انه ينزل بالعربيه ويتدخل لكن بعد السواق عشان يعرف ايه المشكله
وقف السواق قصاد ايمن
ـ خير يا استاذ بتضايقهم ليه
ـ وانت مالك كل واحد حر مع مراته
لما سمع السواق الكلام رجع تاني العربيه وبلغ شعيب وهشام ان ده يبقى جوز مروه.
اتصدم هشام وشعيب ان مروه طلعت متجوزه
وقمر شعيب السواق انه يمشي وفعلا اتحرك السواق بالعربيه وسابه ايمن مع مروه وصفا
في الشارع اشتد الشجار بين مروه وايمن ومروه حددت ايمن انه لو ما بعدش عنها حد بلغ عنه البوليس وتعمل له محضر ان هو ضربها وان الجيران كلهم شاهدين اضطر ايمن انه ينسحب ويمشي ويفكر فى طريقه ثانيه
لكن قبل ما يمشي هددها انها لو ما رجعتش هيروح لامها البيت ويعمل لها فضيحه هناك ولو هي خايفه على حياه امها ترجع معاه واداها مهله يومين ترجع فيهم يا إما هو هينفذ تهديده
ـ ياترى هشام او شعيب هيتدخلوا فى الموضوع ؟؟
ـ هل ايمن هيسكت على مروه ولا هيعملها مشكله ؟؟
انتظروا الاحداث القادمه و اعرف منكم مين الأبطال الرئيسيين
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق