رواية لعبة القلوب المحرمه الحلقه الرابعه والخامسه بقلم الكاتبه أماني سيد حصريه وجديده على مدونة النجم المتوهج
رواية لعبة القلوب المحرمه الحلقه الرابعه والخامسه بقلم الكاتبه أماني سيد حصريه وجديده على مدونة النجم المتوهج
اتحرك شعيب بالعربيه وحاول هشام يوقف السواق مره تانيه لكن شعيب مشى وأصر انه مايتدخلش
ـ مشيت ليه الله
ـ وأنت عايز تقف بصفتك ايه واحده بتتخانق مع جوزها انت تعرف بيتخانقوا ليه
ـ هى مش شغاله فى شركتك
ـ واحنا بنتدخل بين الموظفين واهلهم فوق يا هشام فى الأول والآخر دول موظفين
ـ بس ماتنساش إن الرهان
ـ مش ناسى يا هشام بس طالما أنا قريب منها ابعد أنت عنها
ـ ماشى
عند صفا ومروه
كانت مروه واقفه والدموع متحجره فى عنيها
ـ تفتكرى ارجع يا صفا
ـ أوعى يا مروه تعملى كده
ـ مالناش حد يوقفه عند حقه أنا خايفه عليكم
ـ متخافيش يا مروه وبإذن الله مش هيحصل حاجه
فى اليوم التالى ذهبت مروه وصفا للشركه
فى مكتب شعيب
كان قاعد قى مكتبه وبيفكر فى يوم امبارح حاسس بغيظ من جواه مش عارف سببه
واثناء شروده دخلت صفا المكتب ووضعت أمامه الملفات
مسك شعيب الملفات وقراها ببطء وبعدها اداها لصفا
ـ تمام كده تقدرى تبعتيهم
كادت سما أن تخرج من المكتب لكن رجع شعيب نادى عليها مره تانيه
ـ صفا اللى حصل امبارح قدام الشركة مايتكررش المفروض المشاكل اللى بين أختك وجوزها تتحل في البيت مش الشارع
صفا حست ان كلام شعيب جرحها وعنيها ظهر فيها دموع
ـ أكيد يا فندم مش هتكرر مره تانيه
ـ أنا مش بقولك كده عشان تعيطى انا بقول كده عشان ده الصح سواء هنا أو فى أى مكان تانى الخلافات مكانها البيت
ـ للاسف وضع مروه صعب شويه بس اكيد مش هتتكرر تانى بإذن الله
ـ هى مطلقه ؟؟ ولا منفصله
ـ ياريت مطلقه بس للأسف لا هى مطلقه ولا هى متجوزه
ـ إزاى فزوره دى
ـ لأ هو اتجوزها صالونات وهى اعجبت بيه لأن مروه طول عمرها هاديه وفى حالها ومش بتخرج كتير ولا ليها اصدقاء
فمقدرتش تحكم عليه وماما نفسها تجوزنا خايفه يجرالها حاجه واحنا للأسف مالناس حد بابا كان وحيد أهله واهل ماما بعاد .. اخواتها البنات مشغولين وليها اخ مسافر وعلاقتهم تليفونات
لما مروه اتجوزت فهمت إنه متجوزها عشان تكون خدامه ليه ولأهله
ـ إزاى يعنى
ـ هو كان متجوز ومراته توفت وعنده بنتين ومروه كانت بتعاملهم كويس وقالت تكسب ثواب فيهم لكن مامته وأخواته كانوا بيجبروها تخدمهم حتى لما روحت ازورها شبه طردونى عشان عايزنها تعمل عشا للضيوف اللى جايين يزوروهم
ـ وهى ليه صبرت وسكتت
ـ خايفه ماما تعرف تزعل يجرالها حاجه
ـ طيب وهى فاقت دلوقتي
ـ لأ هو ضرب"*ها و طردها بلبس البيت قدام الشاره كله والجيران بعتولها عبايه وطرحه عشان تدارى نفسها
وقالها كده انا جايبك خدامه وماتتعشميش فى أكتر من كده
حس شعيب إن دم*ه بيغلى من اللى بيسمعه إزاى واحد ممكن يعمل كده فى واحده شايله اسمه ؟؟!
فين النخوه والرجوله
ـ هو بيشتغل ايه
ـ محاسب فى سوبر ماركت ******
تمام يا صفا خلاص روحى على مكتبك ومتضايقيش نفسك بس آخر سؤال
ـ اتفضل
ـ أختك عايزه تطلق منه
ـ طبعاً بس للأسف مش هتعرف لأنه زى ما شوفت مش عايز هو عايزها ترجع تخدم أهله وبناته
ـ تمام روحى
ـ خرجت صفا من المكتب ومسك شعيب الموبايل واتصل بماهر ( مدير أمن شركته )
ازيك يا ماهر عامل ايه
ـ الحمد لله عامل ايه يا شعيب
ـ بخير عايزك فى خدمه واطلب قدامها اللى انت عايزه
ـ إيه هى الخدمه دى
ـ فى واحد عايزه يتربى ومش أى تربيه
ـ من أمته بتطلب كده انت حقك دايما بتاخده بإيدك اشمعنى
ـ مايستاهلش اوسخ أيدى عليه
ـ ايه المطلوب
واحد اسمه ايمن شغال فى سوبر ماركت *** فى الحسابات عايزع تراقبه لحد ما يطلع بيته
ـ وبعدين
هتطلع تجيبه من بيته بلفلنه والبوكسر وينزل كده قدام الشارع كله وتظبطوه الطريحه التمام وبعدها تاخده لعنوان هبعتهولك فى رساله فى واحده اسمها مروه تاخده عندها يوطى يبوس رجلها ويتأسفلها وبعدين يلبس هدومه و تجيب المأذون بعدها يطلقها فاهمين
ـ بس الموضوع ده صعب انت عارف بتقول ايه وليه اعمل كده
ـ ده واحد مستقوى على اتنين ستات غلابه عشان مالهمش راجل
وبعد ما الطلاق يتم تروح تاخد عفش البيت كله
ـ اوديه فين
ـ هبعتلك مفتاح شقه المعادى تحطه فيها العفش
ـ طيب انفذ امته
ـ انهاردة
ـ أنت متأكد من اللى هتعمله ده
ـ أه متأكد صدقنى انت بترجع الحقوق لصحابها اوقات كتير لازم حقك تاخده بدراعك ... ماهر انت مش محتاج تسمع الكلام ده انت عارفه
البيه ضر*ب مراته ونزلها بلبس البيت والجيران هما اللى ستروها ده من نوعيه الرجاله ال ***** اللى امهم بتمشيهم مراته الاولى اكيد ماتت من عمايل اهله ولو سبنا دى من غير ماتسعادها هتحصلها
ـ تمام يا شعيب فهمت كده اقدر أقولك يستاهل
ـ وتصوره فديو عشان مايفكرش يعمل حركة كده ولا كده معاها ... بس عايز الفديو يرضينى يا ماهر
ـ ماتقلقش انا هاخد خمس رجاله ونروحله
قفل ماهر مع شعيب وبعتله شعيب العناوين
بعدها بساعه اخد ماهر رجالته وراح قدام السوير ماركت اللى قال عليه شعيب وسأل على ايمن وعرف شكله
خرج ايمن من السوبر ماركت وركب الميكروباص وفضل ماهر ماشى وراه لحد ما طلع الشقه
طلع ايمن وراه لحد ما طلع شقته ودخل
خبط ماهر على الباب وايمن فتحله ولسه هيساله انت مين راح ضربه ماهر وخلى رجالته تكتفه
حس ايمن بفزع وخوف من الموقف ومش عارف ده مين ولا دول مين اللى بيعملوا كده
ـ قلعوه
اتصدم ايمن واترعب
ـ هتعملوا ايه انا هصوت والم الناس
بدأ الرجاله يقفلوا الشبابيك كويس عشان صوته محدش يسمعه وبداؤا يق*لعوه زى ماطلب منهم ماهر
ـ انتوا هتعملوا فيه ايه ابعدوا ... انتوا عايزين ايه وانا هنفذ كل اللى انتوا عايزينه بس بلاش كده بلاش
قرب منه ماهر وبدأ يض*ربه بغباء فهو بيذكره بماضر عايز ينساه ويمكن شعيب طلب منه بالذات كده عشان عارف إنه هيتوصى بيه
ـ حرام عليك يا باشا مش قادر هموت
ـ اللى أنت فيه ده ولا حاجه من اللى هعمله فيك لو منفذتش كلامى ده غير التهمه اللى هتلبسك لما اقول انك بتبيع مخدرات فى المحل
ـ بس أنا معملتش كده
ـ لأ عملت طالما انا قولت يبقى انت عملت
ـ عايز منى إيه
ـ هتيجى معايا لمدام مروه تعتذلها وتبوس رجلها وبعدها ترمى عليها اليمين
ـ موافق موافق هلبس هدونى واجى معاكم
ـ هتنزل كده مش انت نزلتها بلبس البيت وخليت الناس تاكل لحمها انت كمان هتنزل كده زيها والناس هتتفرج عليك انت فاكر نفسك بتستقوى على ست يا حيلتها
ـ لأ كله إلا كده
بدأ ماهر فى ضر*به بقسوه اكتر لحد ما ايمن بدأ يصوت
ـ خلاص خلاص موافق
ونزل ايمن قصاد الناس والكل اتفرج عليه وهو شمتان فيه
امه شافته وفضلت تصوت وتستنجد بالتاس لكن محدش عبرهم كلهم قالوا حق البنت الغلبانه اللى كانوا مبهدلنها معاهم
وصلوا لبيت صفا ومروه وفتحت مروه الباب اتفاجئت بالمنظر ده قدامها وبرقت
ـ ايه ده فى ايه
قرب ايمن منها واترمى تحت رجلها
ابوس رجلك يا مروه خليهم يسيبونى وكل اللي انتى عايزاه انا هعمله
بعدت مروه عنه وهى مش فاهمه حاجه ولا دول مين ولا تبع مين
ياترى رد فعل مروه ايه ؟؟
هل هيقولوها انهم تبع شعيب ولا هيخبوا ؟؟
الحلقه الخامسه
بصت مروه لايمن بستغراب وهو بيوطى يبوس رجلها عشان تسامحه
وبتبص حولها على الرجاله دول ومش عارفه فى ايه او بيحصل ايه
بعدت نفسها بسرعه عن ايمن
ـ فى ايه يا ايمن وازاى تجيلى بالمنظر ده ومين الرجاله دول
ـ دول انتى بعتيهم ليه عشان يضربونى ويجبونى لحد عندك مذلول عشان اللى عملته معاكى
ـ أنا محبتش حد وبعدين استر نفسك
خرجت والدتها وصفا على صوت ايمن واندهشوا من منظره
ـ ايه ده ايمن ايه اللي انت عامله في نفسك ده
ـ مش انا اللى عامل كده الناس اللي انتى بعتهملي هم اللي عاملين كده وبعدين خلاص من النهارده مش هينفع نكمل تاني انت طالق يا مروه
بعدها بص لماهر قاله نفذت لك كل طلباتك اديني اللبس بقى بتاعي
ـ خد البس على ما الماذون يجي وتطلقها رسمي وتديها كل حقوقها
ـ ملهاش حقوق عندي انا مش ماضي على اي حاجه
بصتلهم مروه وصفا باستغراب هم ليه بيعملوا كده
وسالت صفا ماهر
ـ انت مين وليه بتعمل كده او مين بعتك
سكت ماهر وافتكر كلام شعيب ما يجيبش سيرته في اي حاجه
ـ ما اقدرش اقول مين اللي بعتني بس انا هنا عشان اجيبلك حقك .. انتى عايزه تطلقى وتاخدى كل حقوقك ولا لأ
ـ أنا عايزه أطلق بس مش عايزه حقوق انا عايزه اخلص منه
بصلها ايمن بغيظ لكن ماقدرش يتكلم ولا ياخد موقف
بعت ماهر الرجاله وجابوا الماذون وفعلا تم الطلاق حاولت والدتهم او صفا او مروه يعرفوا ليه عملوا كده لكن ما فهموش
حاولت والدته تفهم أى حاجة او تحاول تصلح لكن صفا ومروه كلموها وبدأوا يهدوها ويعرفوها هو عمل معاها ايه لكن برضو احتفظوا ببعض التفاصيل
سملت والدتهم أمرها لله وفضلت تدعى جواها إن ربنا يعوضهم خير .
انتهى الطلاق واتصل ماهر بشعيب وبلغه وبعتلوا الفديوهات وبلغه برغبه مروه أنها رافضه تاخد منه أى حقوق
ـ ليه رفضت تاخد حقوقها
ـ بتقول إن العفش ومل حاجه بتوع مراته القديمه ومالهمش لازمه عندها
ـ تمام فهمت المهم خلى عينك عليه كل فتره كده عشان ماتهبش فى دماغه ويفكر يأذيها
ـ من غير ما تقول كنت هعمل كده
ـ هبعتلك الباقى على حسابك دلوقتي
ـ لأ ماتبعتش حاجه
ـ ده اتفاق ودى فلوس رجاله
ـ لأ المره دى ماتبعتش حاجه يا شعيب
ـ ؟؟؟؟؟؟
ـ عايز احتفظ بالسبب لنفسى
ـ ماينفعش لازم أعرف
ـ لازم ليه
ـ لما تقولى هقولك
ـ مش عارف يمكن حسيت بمسئولية اتجاههم حسيت انهم فعلا لا حول ولا قوه لهم يمكن لو مكناش اتدخلنا الله اعلم كان حصلها ايه
تخيل مافيش حد مين الجيران حاول يساعده او حتى يتدخل
ـ للدرجادى
ـ أه وانت بقى مش هتقول السبب
ـ لأنى شايفهم مطمع شفت صفا أخت مروه
ـ أه
ـ هشام حاطت عينه عليها وعايز يكسرها عشان قالتله لأ . حب يتسلى بيها يومين لكن رفضت ومن ساعتها مش شايلها من دماغه
ـ وأنت عرفت منين
ـ المفروض عاملين عليها رهان
ـ وانت وافقت
ـ أه وطول ما هو فاكر أنى بلعب عليها ومعاه فى الرهان هو بعيد ومستنى انى اقوله ان. كسبت الرهان عشان يروح يبلغها ويكسرها أنها كانت لعبه
ـ سأله ماهر بشك
ـ طيب أنت فى ناحيتك حاجه ليها
ـ لأ طبعاً مانكرش أنها حلوه بس ماشدتنيش
ـ المهم أنى مقابل الرهان ده هاخد قطعه الأرض اللى فى العاشر عشان كده عايزك تخلى حد من رجالتنا يلعب على محمد ابو هشام ويشتريها منه
ـ وأنت اتاكدت إنه عايز يبعها
ـ أه اتاكدت خليت حد من معارفى يتقص وعرفت انه مزنوق وعايز يبعها بس بيحاول يجيب أعلى سعر
ـ طيب ماتكلمه على طول
ـ لأ مش عايز هشام يعرف انى فاهمه أو واخد احتياطاتى منه
ـ طيب بذمتك مافكرتش تكمل الرهاان
ـ فكرت بصراحه هشام شي*طان بس قولت طالما جاب سيره البيع يبقى اكيد وراه حاجه منها
ـ تمام انت صح خلاص خليك مكمل لحد ما نشوف اخره ايه
فى منزل صفا ومروه كانوا قاعدين مش مصدقين اللى حصل اتكلمت مروه باستغراب من اللى حصل
ـ تفتكرى مين عمل كده ولا يمكن ايمن عامل حوار
ـ حوار ايه يا ستى لو هيعمل حوار هيهزق نفسه وينزل من بيته او ختى يطلعلنا هنا بالمنظر ده ده غير الضرب اللى على وشه ...
بصراحه أنا شاكه فى حد بس لأ بعيده اوى .
ـ قولى شاكه فى مين
ـ شعيب بيه
كرمشت مروه بين حاجبيها
ـ انتى بتقولى ايه وهو هيعرف منين يا صفا
ـ أصل انا حكيتله
ـ انتى بتستهبلى ليه تحكيله حاجه زى كده
ـ والله ماقصدش هو بيقولى اللى حصل مش عايزه يتكرر تانى على خناقتك قصاد الشركه فالكلام جاب بعضه
ـ ليه كده تصغرينى قدامه ليه يا صفا
ـ والله ماصغرتكيش قدامه وبعدين اكيد هو مش هيتدخل فى حاجة زى دى وبعدين هو يعرف ايمن ولا عنوانه ازاى مايمكن حد من الجيران عمل كده
ـ مش عارفه يا صفا مش عارفه سبينى لواحدى.
حست مروه انها متضايقه بسبب كلام صفا لما حكت لشعيب حاجه تخصها ياترى هيبصلها ازاى دلوقتي
فى اليوم التالى فى الشركه
وصلت صفا ومروه زى عادتهم وبدأت كل واحدة تكمل شغلها واستنت مروه شعيب لما يوصل وتشوف بصته ليها ايه
دخل شعيب الشركه وكان لابس نضاره مش بينه عينه منها حاولت مروه تستشف اى حاجه لكن مقدرتش
اخد شعيب باله من نظرات مروه المحتاره وابتسم داخله وتعمد تجاهلها وصعد لمكتبه
فضلت مروه واقفه محتاره وتكلم نفسها .
ـ أنا مش هفضل كده تايهه
بس لو هو اللى عمل كده كان على الاقل بصلى او ادى اى اشاره
عدى ساعه وفضلت مروه مشغوله لالتفكير وقررت أنها تطلع تسأله بنفسها وتحاول تصلح أى كلام قالته صفا
استأذنت مروه من المسؤول عن شغلها وطلعت مكتب شعيب
اتفاجئت صفا من وجود مروه قدامها
ـ ايه ده مروه ايه جابك هنا
ـ عايزه اقابل شعيب بيه
ـ لأ طبعاً هتقابليه ليه
ـ عشان أسأله هو اللى بعت الناس دى ولا لأ
ـ انتى اتجننتى لا طبعاً مش هسمحلك تدخلى
ـ لا يا صفا هدخل
ـ إنتى بتصغرينى لأ طبعاً
ـ لأ انتى اللى صغرتيبنى لما حكتيله
ـ قولتلك ماصغرتكيش
ـ خلاص سبينى ادخل
ـ لأ
ـ طيب ادخلى انتى اساليه
ـ لأ طبعاً هتحرج انسى الموضوع مش المشكلة اتخلت خلاص
فضلوا يتخانقوا بصوت هامس وخرج شعيب مره واحده على صوتهم واتفاجئ من وجود مروه
ـ خير بتتخانقوا ليه
ـ انا عايزه اكلم حضرتك
ـ تمام اتفضلى معايا
دخل شعيب للمكتب ودخلت مروه وراه وهى حاسه بإحراج ومش عارفه تبدأ منين ولا ازاى
ـ ها اتفضلى سامعك
فضلت مروه واقفه ساكته وندمت انها دخلتله
هيبته وهدوءه وحفاظه على ريأكشناته خلاها تتوتر
ـ ها اتفضلى انا سامعك
ـ أنا جايه بخصوص اللى حصل امبارح
ـ اللى هو ايه
ـ خلاص انا اسفه انا ماشيه
ـ لأ استنى اقعدى واهدى كده انا سامعك
ـ طيب حضرتك صفا حاكتلك على مشكلتى
ـ أه
ـ طيب حضرتك يعنى بعت حد لايمن
ـ ؟؟؟؟
تفتكروا شعيب هينكر اللى حصل ولا هيقولها انه بعت ؟؟
ـ هل سكرتيرته القديمه هتتدخل وتعمل مشكله ولا دورها انتهى هنا ؟؟
كل ده هنعرفه فى باقى الاحدث🔥🔥🔥🔥🔥
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق