زبانية الجحيم الجزء الاول بقلم جمايكا احمد حصريه وجديده على مدونة النجم المتوهج
زبانية الجحيم الجزء الاول بقلم جمايكا احمد حصريه وجديده على مدونة النجم المتوهج
المقدمة
لما يكون الأب بيتحرش بأطفاله ومابتوب وبوصل الحال معه لأحفاذه شورح يكون مصير العيلة ياترى؟؟؟
مين بنخطف كيف وليش ومين الي بنتقم ؟؟؟
مين الي بتدمر بسبب مين؟؟؟
الجزء_الآۆلْ
من بعد ماصارت سمعتنا حديث الناس، صرنا مانقدر نفتح باب البيت لنشوف الشمس، انقطعنا عن كل العالم واللي بمر من جنب بيتنا بيبزق علينا،. حياتنا صارت جحيم،. وعيشة الجحيم يمكن حتكون احسن،. مافيني اوصفلك شعورنا وقت نفتح شباك لتفوت الشمس، بنخاف من عيون الناس وكلامهن، مابتقدري تصوري وقت تشوفي اكياس الزبالة والشحاطات البالية وحفوضات الاطفال كيف بتصير بقلب البيت وقت ينفتح شي شباك.. لا جار ولا قريب الكل اتبرا منا، ماعاد حد يدق بابنا، اتخيلي حتى صاحب البقالة كان يطردنا مايقبل نشتري من عندو،. واذا اضطرينا وماعاد في شي بقلب البيت نلبس نقاب ونطلع نجيب اللوازم،، بقلب هالبيت مابتسمعي الا نحيب وعويل اختي نجوى على اولادها يلي اخدهن منها زوجها وحرمهن منها.. وبالغرفة التانية يلي بتبقى بالايام مقفولة اخي ريان، عم يحاكي حيطانها كان شخص عاقل وواعي وفجاة صار مجنون،، وانا يلي عمري بعدو ، مابلش كنت عم ارسم. وخطط وجهز تياب فرحي، كنت حاجزة فستان العرس، ماحد كان بيقدر يوصف فرحتي بزواجي من حبيب عمري بعد صبر 3 سنوات،، اتخيلي كل هالشي بايديه انحرقوا،، وحرق حالو وحرقنا معو،،
مرام :- انت صرت بلا احساس لك انا عايشة هون معك انسانة ماني حيط حياتك بس كلها شغل وتعبت من اهمالك لالي بترجع ع البيت بس تعبان وانت شغلك طول الوقت قاعد ورا مكتب شو يلي متعبك بس فهمني.. اكلك بتاخدو معك وعم تتسلى بشوية اوراق،،
ريان :- مابتخلصي نكد
مرام :- انا لمتى بدي ضل هيك بس اكل وشرب وتنضيف.. انا كمان بدي عيش حياتي..
ريان :- اي عيشيها مين مانعك
مرام :- ريان لك حس فيني تعبت وانا كل يوم عيد لالك بنفس الموال..
ريان :- شو المطلوب بربك لا توجعيلي راسي
مرام :- يا الله يا الله عم يقلي شو المطلوب لك بدي اهتمممممااااام بدي اهتتتمممااااام بدي تسالني عن حالي شو عملتي شو ساويتي.. تجي اخر الليل تتنام جنبي وتحضني..
ريان :- 😔.. والله كنت قول الحوامل نفسيتهن زفت بس مو لهدرجة..
مرام :- 😢
ريان :- بلشنا ها بكي
مرام :- انا رايحة شوف الصبي..
ريان :- لبسيه لقيس بدي اخدو مشوار
مرام :- وانا
ريان :- بدي اخدو احلق لالو..
مرام :- طيب وانا
ريان :- وين اخدك
مرام :- بدي اطلع
ريان :- اسمعي راسي بدها تنفجر ورح اخد الصبي احلق لالو.. واسهر مع رفقاتي
مرام :-لكان انا رايحة لعند اهلي
ريان :- لاء
مرام :- ليش لاء
ريان :- ماصرلك يومين جاي من عندن
مرام :- وشو يعني ما اختك نجوى ع طول عنا
ريان :- مادخلني بحد
مرام :- رح روح
ريان :- جربي روحي وشوفي شو بصير..
مرام :- شو رح يصير يعني.
ريان :- جربي تطلعي بدون موافقتي وشوفي شو بصير.
مرام :- عناد لكان..
..
في الحادي عشر مساءا..
ريان :- ريم وينا مرام
ريم :- مابعرف والله
ريان :- خدي الصبي نايم.. غطيه منيح
ريم :- شو في خيي..
ريان :- مرام ما مرت لعندكم
ريم :- لا والله ماشفناها ابدا اليوم..
ريان :- اي تمام لكان كسرتي كلامي يا بنت ابو المجيد
ريم :- شبها
ريان :- دقيلا من عندك واساليها وين هي بس لا تقولي ريان سال..
ريم :- اي حاضر.. عم يدق..
مرام :- الوو
ريم :- الو مرام هاي انا ريم.. شو بدي قلك انتي وين
مرام :- ليش في شي
ريم :- لاء قيس عندي نايم ابوه جابوه وراح
مرام :- انا عند اهلي،، ومن يجي ريلن قليلو يجيب الصبي لعندي..
ريم :- اي ماشي..
مرام :- ماشي سلام
....
ريم :- عند اهلها..
ريان :- ايه عند اهلها عند اهلها.. لشوف براس مين بدك تطلعي راس يا مرام..
ريم :- اخي استهدي بالرحمن شبكن ارجعتو اتخانقتو ماصرلكن كم يوم راجعين لبعض
ريان :- عنيدة عنيدة مخها حيط
ريم :- يا اخي الله يعينها بطنا لحلقها وعلى وجه ولادة ونفسيتها تعبانة وهي بتزعل لانها على طول بالبيت محبوسة.. اهدى عليها بعدين وين بدها تروح غير لدار اهلا..بعدين هي زعلانة من امبارح منك بس انت ما انتبهت
ريان :- ليش شو عملت لالها انا
ريم :- من كانت مرت عمي صبحي هون وبنتها.. اتمسخروا على وزنها وانت صرت تضحك معهن والله ع شوي كانت رح تبكي.. بس كمشت حالا
ريان :- هي اخدت المواضيع بجد..
ريم :- لا مرت عمي وبنتها انت بتعرفهن قاصدينها من كيدهن..
ريان :- اختي انا ماني رايق لقصص النسوان رايح اسهر مع الشباب ويمكن اتاخر خلي قيس عندك لوقت ما ارجع..
ريم :-اي حاضر..
(( اخي مشاكلو مع مرتوا مابتنتهي هي بعدا صغيرة وفرفوشة وبتحب الحياة واخي جدي.. او بالاحرى مزاجي وعنيد اكثر منها،، ابنهن قيس عمروا 4 سنوات هو حبيبي وحبيب الكل هون حفيدنا الاول،، الكل مدللو،، ولان ع طول عنا امو بتكون حاطة ايديها ورجليها بمية باردة..
ريم :- عيسي كيفك حبيبي
عيسي :- كنت عم دقلك ياقلبي وين انتي
ريم :_ كنت حاكي ريان. جاب عندي قيس نيمو
عيسى :- ياريتني قيس..
ريم :- دقيقة اطلع للبرندا مشان مايفيق لان اذا فاق ماعاد بنوب يرجع ينام..
عيسي :- دخيل قلبك شو حنون بكرة اولادنا بينامو جنبنا انا وانت..
(( بقيت اكثر من ساعة حاكي خطيبي عيسى ،، ووقت قفلت لافوت نام...كان باب غرفتي مفتوح بس قيس مو بالسرير..
ريم :- قيس قيس.. ياربي وين رحت..الو ريان
ريان :- اي ريم بعد فايقة في شي
ريم :- انت وين
ريان :- مع رفقاتي في شي..
ريم :- لاء لاء بس كنت بطمن عليك..
ريان :- ريم صاير شي
ريم :- لاء حبيبي اخي مافي شي يالا بحكيك..
( فتلت البيت كلو من اول طابق لفوق ماكان حد بالبيت الا انا.. اخي مانو هون ومرتوا عند اهلا وشقتهن مقفولة،، ابي كعادتو مانو موجود وبيرجع من عند مرتوا كل فترة وفترة.. مافي الا انا.. لبست تيابي الساعة 2 كنت عم دور بالشوارع عم افتل فتش ع قيس.. تعبت وانا عم اسال الجيران..
ريان:- ريم شبك شبو صوتك صاير شي
ريم :- ريان قيس قيس مالقيتو.
ريان :- مافهمت شو يعني مالقتيه
ريم :- وقت اعطيتني اياه وكان نايم غطيتو وقفلت الباب عليه وطلعت حاكي عيسى ارجعت مالقيتو فتلت كل البيت والشوارع مابعرف وين راح..
ريان :- شو هالحكي ريم لا تقولي عم تحكي جد مزح بهيك وقت ماخرج
ريم :- ريان قيس فقدتو 😭
(( ماكان ربع ساعة الا اخي ورفقاتو بالبيت وخطيبي عيسى عم يفتلو بقلب الحارة لوجه الصبح.. ماكنا قادرين نخبر حد.. سالنا عليه بكل مكان مالقيناه.. الكل كان يقول اسالو مرام.. بس بعتنا لعندن ناس زيارة.. واكدو انو الصبي مو عندهن وانو عند ابوه..
مرام :- الو ريم
ريم :اي مرام
مرام :- اخي حازم جاي ياخد الصبي فيكي تعطيه لالو
ريم :- بس الصبي اخدو ابوه معوو
مرام :- لوين
ريم :- ع شغلو..
مرام :- ليش اخدو
ريم:- انا عندي مشوار اليوم وماقدرت خليه معي..
مرام :- طيب ماشي ماشي.. بس ليرجع دقيلي لابعت اخي ياخدو
ريم ٪- اي تكرمي..
(( مرقت اكثر من 12 ساعة وقيس ما في لالو خبر..
ريم :- مرام والله لساتو مارجع الصبي ولا ابوه بس ليرجعو بخبرك..
نجوى :- دقيت لابي وشوي وجاي..
ريم :- بيك مارح يعمل شي طول عمروا مابهمو امورنا..
نجوى :- اختي بلكي حد من معارفوا يساعدنا
ريم :- مابعرف ليش خيك لهلق مابلغ الشرطة..
نجوى :- قلو بابا لا يبلغ لان جاي ليشوف حد يقدر يساعدنا
ريم :- بشو يساعدنا قيس ماعم يظهر ابدا ياحسرة قلبي عليه..
نجوى :- ليش قلبي حاسسني انو عند امو.. عم فكر دقلا وقلا بطلي هالحركات
ريم :- عم قلك انو الكل اكد مو عندها.. لا تخبريها ماناقصين تجن.. واخي حذرنا مانخبرها..
نجوى :- اجا ريان
ريم :- اي اخي دخيلك طمنا قلنا لقيتوه
ريان :- ريم دخيلك انتي متاكدة لقيتي الابواب مفتوحة..
ريم :- باب الشقة بس باب العمارة كان مقفول..
ريان :- فتشت كل البيت من القبو للسقيفة.. الصبي انشقت الارض وبلعتو...
ريم :- يا الله ساعدني يا الله
نجوى :- اخي خبروا الشرطة
ريم :- اي اخي دخيلك خبرهن ماتتاخر..
ريان :- ابوكي عم يحذرني ما بلغ قال لان في عالم بيقدروا يساعدونا بلا شرطة..
ريم :- والله عم نضيع وقت.. الشرطة هلق اذا تواجدت رح تساعدنا.. احسن ما نتاخر
ريان :- اتاخر ابوكي وانا على اعصابي
ريم :- لك يا اخي ماخرجك تتعلم من تقصيروا.. مارح يعمل شي..
نجوى :- شكلو اجا
ريان :- اي ابي شو صار معك
الاب :- اهدو شوي حكيت مع رفيقي وهلق رح ينشر كم رجال لالو يفتشو الحارة بيت بيت.. وبالحارة التانية كمان..
ريان :- يابي خلينا نبلغ الشرطة
الاب :- مابدنا نفوت بسين وجيم.. وشو رح تعمل الشرطة اكثر من هيك.. تعال معي لاشوف..
ريم :- عيسى شو صار معك
نجوى :- انا رايحة شوف اولادي
ريم :- شبك مزعوج
عيسي:- لا مافي شي زعلان ع قيس مابعرف ليش حاسس بالذنب انو لو مادقيتلك كان بقيتي جنبوو..
ريم :- قدر الله وماشاء فعل..
عيسى :- عم احكي لاخوكي يخبر الشرطة بحيبو كلاب بوليسية او يشوف كاميرات الشوارع
ريم :- عم يعاند متل ابي
عيسى :- كلو هالشي تضيع وقت وكل دقيقة عم تروح عم اضيع من عمر الصبي.. ع العموم ياقلبي انا رح ابقى مع الشباب برا انا هون بوجود بيك واختك مانو مرحب فيني اذا بدك شي دقيلي بجي بسرعة..
ريم :- اوك ياقلبي..
نجوى :- شبو راح
ريم :- اي راح..
نجوى :- اي احسن
ريم :- اختي ليش حاملة انتي وابي كل هالحقد ع عيسى والله حرام..
نجوى :- شو نسيتي شو عملو اهلو بأبي
ريم :- اختي بيك ماقصر من البداية وهو يلي بلش يعمل هالقصص معهن.. يعني قد مارح تحكي نحنا محرجيين معهن حاجي تصفي جنب ابي.. ابي غلط بحقهن
...
بعد مرور يومين..
نجوى :- اختي وينا البنت
ريم :- رايحة شوفها..
ريان :- شو صرلك فتي الغرفة عم ترجفي شو صار معك بس فهميني.. ريم اهدي اختي شبك خدي نفس خدي نفس...
ريم :- شفتو شفتو
ريان :- مين هو بس فهميني مين هو يلي شفتيه.. خدي اشربي هالكاسة وفهميني شو شفتي..
ريم :- 😭 ماني قدرانة احكي لساني حاسستو مربوط...
ريان :- انا معك وجنبك لا تخافي اختي بس قليلي شو يلي شفتيه
ريم :- ابي شفتو عم... خلص ريان دخيلك بلاها ارحمني مافيني احكي بكفيني يلي صار..
ريان :- لاء بدك تقولي انا ماقدران اتحمل اكثر فوق ما ابني مفقود ماقدران اتحمل احكيلي شو شفتي..
ريم :- ابي كان عم يتحرش ببنت نجوى
ريان :- شو عم تحكي انتي
ريم : هسس هسسس دخيلك مابدي حد يسمعني والله بقتلوني..
ريان :- مستحيل بيك مابيعمل هيك..
ريم :- انا رح موت انا عم حاول كذب عيوني ياريان.. بس بنت نجوى اختفت وطلعت شوف وينها.. قبل لنوقع بشي مصيبة تانية كمان.. طلعت ع غرفة ابي فوق.. سمعت صوتها عم تبكي بصوت كانو حد خانقو.. قربت ع الباب لقيت بابا 😭 كامشها بالقوة.. اتراجعت مرعوبة.. وناديت ميس.. قام صرخ بابا.. قلي ريم تعي خديها وقولي لاختك اضب اولادها بلا يضيعو كمان ..
ماقدرت اعمل شي نزلت وشفت البنت نازلة وراي عم ترجف.. وتتالم.. ريان دخيلك لا تحكي لنجوى والله بتجن..
ريان :- مستحيل هالحكي.. يمكن انتي ماشفتي منيح بكون عم يرتبلا تيابا او البنت عامله شي معصبتو فيه.. اكيد هالحكي انا متاكد.. ما بدي اسمعك تحكي هيك.. قومي غسلي وجهك بلا حد ينتبه..
هاي مرام عم ادق.. اذا ضلت تسال ع ابنها قليلو راح مع ابوه مشوار..
ريم :- مرام ماعم تسدق صرلا يومين عم ادق وبتصرخ بوجهي بتقلي بدها تشوف الولد وتسمع صوتو وحاسة انو نحنا مخبيين شي.. ..
ريان :- انا خايف روح ادور عليه عندها تعرف انو ضايع صرلو يومين...
نجوى :- ريم شبك..
ريان :- مافيها شي بس تعبانة مشان قيس
ريم :- اشتقتلو خايفة عليه
نجوى :- دخيلك خدي ميس عندك تعبتني وهي عم تبكي مابعرف شو صرلا
ريم :- البنت حرارتها مرتفعة..
نجوى :- في عندي تحاميل حرارة
ريم :- اي هاتيهن لوقت ما اغسل لالها..
ريان :- ريم
ريم :- شو ريان
ريان :-....... 😑. خلص بلاها
ريم :- قلي شبك انت كمان
ريان :- افحصيها
ريم :- مممم قصدك ميس
ريان :- اي ماني مرتاح
نجوى :- ريم هاي التحاميل..
ريم :- ماشي روحي شوفي ابنك رضعيه وانا بهتم بامرها..
نجوى :- اي دخيلك يااختي.
ريم :- شبك ياعمري.. ميس
ميس :- واواا..
ريم :- ريااان 😮
((قفل ريان باب الغرفة ووقعد جنبي وانا عم فرجيه الاحمرار يلي بجسم ميس.. قعد بالارض وايدو فوق قلبو كنت حاسستو رح يصيبو شي..
ريان :- اكيد البنت معها شي.. ماني مسدق
ريم :- ميس من شو هالواوا
ميس:- واوا
ريم :- من جدو
ميس :- واوا ماما واوا
ريم :- اعمل شي ريان
ريان :- شو اعمل بس فهميني اكيد مستحيل يصير هالشي لاء.. غسلي لالها ونيميها.. انا رايح مشوار
ريم -:- لوين قلي.
(( مر فوق 6 ساعات وريان مارجع..
عيسى :- الو اي ريم
ريم :- عيسى تعال..
عيسى :- انا مع ريان
ريم :- وين انتو
عيسى :- البسي انتي وجهزي حالك..
ريم :- ليش شو في
عيسى :- نحنا عند الشرطة.. ورح نجي ناخدك لا تتاخري..
نجوى :- شو في ريم
ريم :- ريان مع عيسى وجايين ياخدوني معهن للشرطة..
نجوى :- بس ريم ابي قال بدون شرطة
ريم :- صرنا يومين وبيك عم يقول انو رجال رفيقو عم يدورو بكل مكان.. لو كان طالع بايدهن ما اتاخروا كل هالقد
نجوى :- واذا ابي سالني عنك
ريم :- ابي مارح يهمو وجودي بس ع العموم لو سال احكيلو اخدها ريان معو بس مابتعرفي لوين.. انتبهي ع بنتك خليها جنبك.. بلا نصير بمصيبة تانية واتركي الزفت الموبايل من ايدك.. ماقادرين ع مصايب تانية..
...
عيسى :- انا حكيت مع المقدم زهير ابن عمي.. وبلشو على اقوالنا يشتغلو.. هلق هني عم يجمعو الكاميرات يلي بالحارة واللي جنبها بلكي ظهر معهن شي..
ريان :- ريم خدي حاكي مرام
ريم :- الو اي مرام
مرام :- قيس مخطوف ريم ماهيك.. ابني مخطوف من ايام.. احكيلوو يرد عليه احكيلووو
ريم :- اخي احكي ماعرفانة شو قلا..
مرام :- مانعني احكي مع ابني لانو مخطوف ريااااااان رد رد احكي لاء وانو الصبي معك
ريان :- اهدي مرام
مرام :- شو اهدى اياام وانا عم اترجاك تخليني حاكي ابني لاطمن عليه.. وبالاخر ابني ضايع.. ومخطوف والله اعلم اذا عايش او لاء.. اذا ابني بصرلو شي ريياااااان رح دفعك الثمن غاااالي غاااالي فهماااااااااان
ريان :- ماقدران حاكيها طفي ريم طفي عم تصرخ وترتني اضعاف يلي انا فيه..
ريم :- من مين عرفت بتكون
عيسى :- اكيد من العالم الكل صار يحكي بسيرة قيس.. اهدو انتو وان شاء الله بنلاقيه..
عيسى :- هاد زهير بدق
ريان :- رد رد الله يخليك بسرعة
عيسى :- الو زهير
زهير :- في سيارة ما الها نمرة الساعة 12:35 مشيت من قدام الباب شفناها بكاميرا بيت المجدلي.. وعم نحاول نوصل لكاميرا تانية توضح اكثر..
عيسى:- شو يعني
زهير :- يعني الصبي مخطوف مانو ضايع السيارة يلي وقفت مقابيل البيت ومشيت بعد 10 دقائق.. بالزبط بهاد التوقيت هي يلي اخدت الطفل..
عيسى :- بس زهير انت بتعرف انو البيت ريان اكد انو قفلو وريم قالت كان مقفول بعد ماطلع اخوها والباب من برا مستحيل ينفتح الا بمفتاح.. والطفل مابيقدر يطول الباب من الداخل ويسحبو..
زهير :- بجوز يلي خطف من اهل البيت..
عيسى :- بس ماكان الا ريم وبالوقت هاد كانت تحكيني وشفت دليل المكالمة وريان باثبات رفقاتو انهن كانو معو..
زهير :- تعو ع المخفر لنعرف شوية معلومات عن اصحاب البيت..
يتبع
قولكن مين لالو ايد بخطف الطفل..
تعليقات
إرسال تعليق