كان_حلم_وانتهى الحلقه_الاولى_من_سلسلة_حديث_قلب بقلم_امل_احمد_سلوم
كان_حلم_وانتهى الحلقه_الاولى_من_سلسلة_حديث_قلب بقلم_امل_احمد_سلوم
كلّ الذينَ فارقونا وكنّا نحبّهم
كانوا يرطبونَ جفافَ روحنا
برذاذِ روحِهم ...
ويرطبون هواء العيش الصعب
فصارَ العيشُ بعد فراقهم يرثي غيابهم
وجف الدمع من مقل وقتِنا
وسكتَ النبض
أمّا الذينَ تغيبوا عن اللقاء
وكانوا يوما ما .. أعزَ الاصدقاء
فنحن لم نتمنَ مرةً غيابهم
ولكنّ رغبتهم في الفراق
فاقتْ رغبتنا الصادقةَ في البقاءْ
فتعذرَ حضورُهم هنا
وظلوا في أذهاننا حِسّا طاهرا
وذكرى لماضٍ من نقاء
أمّا الذينَ ماتوا في قلوبنا
ولكنهم أحياء
هم في الحقيقة الخيبةُ الأصعبْ
لأنّهم كانوا أصحابَ القيمةِ الأولى
وحبُهم كان الفرحةَ الأولى
فصاروا في أول الخيباتِ أماماً
ولكن من جهة الوراءْ
فيا ليتهم ماتوا حين كانوا أجمل
كانوا ليظلوا في قلوبنا خالدين
وأجمل الأحياء
☆ ╚══════ღღ══════╝
الشئ الوحيد الذي لا نستطيع نسيانه او تجاهله الحزن لأنك تحمله وحدك لا أحد يحمله معك لإنه بإختصار انت من فقد وأنت من حزن وأنت من بكي وأنت من توقفت حياته عند نقطة ****
☆ ╚══════ღღ══════╝
بركن بعيد عن البشر كانت نايمه بفرشتها وضامه مخدتها بقوه وعم تسكب دمعات عيونها الحاره بصمت ماحدا سامع انينها ولا حاسس بالحزن اللي عم يختلج قلبها
كل مايعلى صوت الموسيقى والزغاريد تحط اصابيعها بدنيها وتكمر حالها تحت غطاها اكتر…
رهف : حاااااج خلص بكفي مابدي اسمع شي ابعدو من هون تركوني وحدي 😭💔 ديري بالك عليه روحي صارت معك والك صونيه وحافظي عليه بربك 😭😭😭
☆ ╚══════ღღ══════╝
رهف بنت عمرها 25 سنه كانت من اجمل بنات مدينتها والطفهم ووقت احكي ( كانت) فهاد لانها ماعادت تحمل هداك الوجه الجميل يلي خسرته بيوم فرحها هاليوم يلي بتستناه اي بنت لتلبس الابيض ووتتبختر بين الصبايا وتضم عريسها وتعلن للكل انه انا اميرة قلبه وبس
مارح خرب تفاصيل القصه بالشرح المبسط تعوا لنشوف سوا قصة رهف
☆ ╚══════ღღ══════╝
بيوم من ايام الصيف المعتدله كان موعد تخرج رهف من الجامعه اخيرا رح تحصد تعب هالسنين وتلبس الروب وطاقية التخرج وترفع شهادتها امام الملأ وتحييهم بحب وابتسامه
باسمه (ام رهف ) : ياعمري هاد اسم رهف يا حسان
حسان ( والد رهف ) : هي بنتي هي ضي عيني حبيبة بابا يارهف
رغد (اخت رهف) : اختيييييييي مبرووووووك هوووووو
معتز ( اخو رهف ) : الله يسعدك متل مارفعتي روسنا يا اختي شوفي امي ما احلا طلتها
باسمه وهي عم تمسح دمعتها : ياروحي يا امي طالعه متل القمر
وصلت رهف عالمنصه واستلمت شهادتها ورفعتها قدام الكل وسط تصفيق وتصفير وزغاريد ودموع الفرحه معبيه المكان
وبعدها مسكت المايكروفون والقت كلمه
🍃🌺( اولا بحب اتشكر كل يلي حضرو حفل التخرج وشاركوني هالفرحه بحبكم كتير… وتانيا هاد النجاح مو الي وحدي هالنجاح بهديه لعيون امي يلي سهرت ع راحتي وزند ابي يلي تعب ليوفرلي حياه كريمه وكفي جامعتي لاخي وسندي يلي مابيسمح لحدا يزعلني او يأزيني ولاختي ضي عيوني يلي تحملتني وياما سهرت معي لتسمعلي متل طفله بصف اول
هالنجاح هوي اهلي هالنجاح هوي اصحابي واحبابي ومعلميني لاني بدونكم ماكنت بحلم بيوم اوقف بهالمكان ل القي هالكلمه )🍃🌺
مسحت دمعتها ورسمت ع وجهها ابتسامه عريضه وركضت لعند امها وابوها تحتضنهم وتاخد رضاهم
حسان : الف مبروك يابابا مابتتخيلي هالفرحه قديش صرلي ناطرها
رهف : الله يبارك فيك بابا ومايحرمنا منك
باسمه : تعي لقلبي تعي يعمررري انتي ريتو الف مبروووووووووووووك يا اميييي 😭
رهف : ي روحي يا امي الله يخليلي ياكي ياست الكل 😭
رغد : حاج تبكوووو الف مبروووك رهوفه لك حاسه حالي انا يلي نجحت
رهف : حبيبة قلبي رغود عقبال عندك
رغد : يوووه لسه قدامي مشوار طويل لاخلص جامعه
رهف : غمضي عين وفتحي عين بتلاقي حالك واقفه محلي
معتز : يعني محسسيني انه رهف اول وحده تخرجت بالعيله 😏 شو ابي كأني تخرجت انا كمان من 3 سنين
حسان : ههههههه لك انت سند خواتك ابو العز بس هي رهف حبيبة ابوها
رغد : احممممم 😡
حسان : ورغد دلوعة ابوها 🙈
الكل : هههههههههه
باسمه : خلونا نرجع عالبيت لنجهز للحفله
رهف بفرح : اي يالله 😍والمسا كان البيت مزين ب احلا زينه واصناف الحلويات معبيه الطاولات والفرحه غامره قلوب 💞 الكل وبالاخص رهف
لبست فستان موف ورفعت شعرها ورتبتوا بتسريحه ناعمه بتناسب وجهها وحطت ميكاب خفيف… . مع انه جمالها مابيحتاج اي مساحيق تجميل
نزلت متل الاميرات والكل يصفق بحراره وييسلم عليها ويهديها اجمل الهدايه وقلب رهف عمران بالفرحه وعم يرقص بين ضلوعها
لميس (صديقة رهف المقربه وبيت اسرارها وبنت عمها)
الف مبروووووووووووووك رهوفه طالعه متل القمر
رهف : الله يبارك فيكي لميس
لميس : حاج تلعبي بعيونك لا تخافي اجا وليكو برا مع معتز
رهف : مين هاي يلي اجا 🙈
لميس : اطلعي من هالابواب ولي مين غيرو حبيب القلب ايسر😉
خفق قلب رهف بشده وقت سمعت اسم ايسر وضربت لميس ع كتفها بخفه وهي عم تضحك
رهف : لك تضربي اي الواحد مابيقدر يخبي عنك شي😅
لميس : عيون الحب فضاحه بنت عمي 🙃
رهف : اي معلوم متل حبك انتي ومعتز 😉
لميس : لك ريتوووو يسلم لقلبي 😍
رهف : ههههههه جنت البنت
لميس : طلعي وراكي شوفي مين جاي
اطلعت رهف وراها لتشوف ايسر فايت وب ايدو بوكيه ورد ولابس بدله سوده زايديته جمال وهيبه
بكل خطوة عم يخطيها ايسر عم يخفق قلب رهف وترتفع حرارتها اكتر ويغلي الدم بعروقها ليكتسي وجهها بحمرة الخجل يلي بيزين اي بنت
ايسر : مبروك بنت عمي
رهف : الله يبارك فيك ابن عمي 🥰
ايسر : طالعه بتجنني وين كنتي مخبيه هالجمال
حست قلبها ع شوي رح يطلع من مكانه اول مره بيحكي معها هيك كان نفسها تحضنه وتقله اديش بتحبو وشو بتتكركب وقت يحضر وبتتعب وقت يغيب…
ايسر : تفضلي مع انه هالوردات مابيجوا نقطه ببحر جمالك
مدت رهف ايديها وهيه عم ترجف لتتناول بوكيه الورد من ايسر يلي فاجأها ومسكلا ايدها وركز بعيونها وقلب رهف ماعاد هدى
ايسر : انا طلبت ايدك من عمي ووافق بس باقي اسمع موافقتك
وقف الزمن واحبست الانفاس وانفجر القلب من شدة خفقانه… معقول حلم عمري عم يتحقق معقول قضي باقي سنين حياتي مع الشخص يلي بحبه وتمنيته شكرا ياربي غمرتني بكرمك
ايسر : شو قلتي رهف
لميس : شو بدها تقول يعني اكيد موافقه
ايسر : اسكتي انتي انا بدي اسمعها من تم رهف
كانت رهف ساكته وعيونها بالارض ودايبه من خجلها ووجهها اكتسى بالحمره وماعاد طلع معها الحكي
نكشتها لميس : لك احكي موافقه ولي شبك اكل القط السانك
ايسر : الضاهر اني تسرعت انا اسف ازا تسرعت بطلبي و
رهف : موافقه
ايسر : شو قلتي
رهف بخجل : مـ موافقه
ايسر : هاد اجمل يوم بحياتي مابتتصوري اديش نطرت هاليوم وحلمت فيه
رهف بقلبها وعيونها عم تفضحها : انت حلم حياتي يلي تمنيته ايسر
لميس : لك الف مبروووووووووووووك تخرج وخطبه بنفس اليوم اللهم صل على سيدنا محمد الله يحميكم من عيني
ايسر : عليه الصلاة والسلام…. يارب احمينا من عين لميس
حطت ايدها ع خصرها ولوت بوزها : والله جد
ايسر : تعي اختي في شي لازم تعرفيه لتصير الفرحه فرحتين
لميس : خير اخي
ايسر : معتز طلبك مني وانا ماعطيت موافقتي لحتى اسألك بالاول
توسعوا عيون لميس وبينت فيهم لمعة العشق ورسمت على وجهها ابتسامه عريضه
لميس : يلي بتشوفوا اخي الشور شورك
ايسر : انا بقول بلا مانتسرع ويمكن يجيكي نصيب احسن خلص رح قلو مافي نصيب
لميس بعجل : لا اخي انا موافقه… قصدي انه انه
رهف : هههههههه
ايسر : اي هه اضهري وباني على حقيقتك لروح بشر معتز وقلو انه الفرحه حتسير فرحتين
خلال اسبوع تمت خطبة رهف وايسر ولميس ومعتز وتقرر موعد الزواج بعد ست شهور
قضت رهف فترة خطوبتها وكأنها شي اميره وحبيبها الامير يلي حلمت فيه من الصغر… كانت وقت تطلب شي يحضر فورا ومن احسنه وايسر ماكان يوفر لحظه ليحسسها انها اميرة قلبه الوحيده
ويوم ورى يوم الحب عم يكبر ويزيد بقلب رهف وحلمها عم يقرب اكتر واكتر
رهف : قرب موعد العرس انا كتير متوتره
ايسر : لشو تتوتري يا روحي توقعت تكوني مستعجله اكتر مني ليجمعنا بيت ونكون سوا تحت سقف واحد
حطت راسها ع كتفه وغمضت عيونها : مافيي اوصفلك سعادتي وانا عم شوف الايام بتمر وبتتقلص لحتى تقربنا من بعض
ايسر : بوعدك ابقى معك طول العمر وما اخذلك بيوم وتكوني ست النساء
رهف : وانا بوعدك اعشق فيك الاربعين منك وتكون انت بعيوني كل الرجال وسيد الرجال
ايسر : بتحبيني رهف
رفعت راسها واطلعت بعيونو : لا مابحبك
ايسر : شو ؟
رهف : انا بعشقك ايسر كلمة حب مابتوفي حبك حقه ولا حتى كل الابجديات يلي سطروها العشاق بكتب الحب والغرام
ايسر : وانا بتنفسك رهف… ومابدي طالع هالنفس من جواتي لو كان الثمن موتي
حطت ايدها ع تمه بخوف : اوعك تعيد هالكلمه مره تانيه نشالله يومي قبل يومك
مسك كفها بحنيه وباسه وحطه ع خده : بعيد الشر عن قلبك يا روحي اسف مارح عيدا
رجعت راسها ع كتفه لتشعر بالامان وتراقب معه غروب الشمس معلنه نهاية نهار مليان حب وذكريات
الأمان : هو أن تشعُر بأحدهم مُمسكاً بقلبك لا بيدك ،،😍
✿لكل شخص منعطف في حياته قد يغيرها للافضل وقد يلقي بها الى الهاويه سبعين خريفا ✿
مع الاستعدادات لحفل الزفاف كانت رهف ولميس محط اهتمام الجميع والكل عم يساعد بالتحضيرات وتجهيز العرايس والعرسان
ومع بداية غروب الشمس وانغماسها في كبد السماء وصل العرسان مع عراضه كبيره وصوت الطبل عم يقرب اكتر واكتر
لميس : رهف ليكن وصلو
رهف : والله اجريي ماعاد حملوني
لميس : مو فرحانه ولي
رهف : بلا هبل لك فرحتي ماني عاطيتا لحدا
لميس : لكن ياعمي هاد ايسر الحب القديم
رهف : حب من الطفولة يلي بيكون اصدق عشق بالحياه انا فتحت عيوني على حب ايسر والحمد لله ربي كرمني انه صار من نصيبي وتحقق حلمي
لميس : طيب يا ام احلام نزلي هالطرحه عن وشك رح يفوتو العرسان
♬♫♪◖(● o ●)◗♪♫♬
#الجزء_الثاني
في بعض الأحيان تتسابق خطانا نحو النهايه دون ان ندرك اننا نمشي بطريق الضياع… .نركض جاهدين متأملين ان نسبق الزمن ونسرق منه لحظات الفرح ولانعلم انه بكل خطوة تتغير الاقدار لينقلب الحال ويحصل مالا يخطر على بال
انزفوا العرايس كل وحده لعريسها ليستقروا سياراتهم المزينه ب اجمل زينه واحلى حله
ايسر : ماعم صدق اخيرا صرتي ملكي وحتنامي ع زندي ومخدتي
رهف بخجل : اخيرا تحقق الحلم ابن عمي
مسك ايدها وباسها واطلع بعيونها بكل حب
ايسر : مبروك يا روحي
رهف : مبروك علينا ابن عمي
طلعت الفارده وعلى رأسهم سيارات العرسان وصوت الزوامير عم يعلا ويعلا والاضواء عم تضوي وتخفت
كانت فارده كبيره والكل فرحان ورهف قلبها عم يخفق بشدة وهي عم تتأمل ايسر وهو سايق السياره وطاير فيها على عش الحب
رهف : حبيبي لي هيك مسرع هدي السرعه شوي
ايسر : بتخافي من السرعه
رهف اي بخاف لو سمحت هدي السرعه
ايسر : واخلي معتز يسبقني لا لا حبيبتي انا لازم اسبقه ولا بدك يحكوا خسر جوله ب اول يوم زواج
رهف : لك شو نحنا بسباق حاج ولدنه انت ومعتز
ايسر : اتمسكي منيح حبيبتي وشوفي جوزك حبيبك كيف رح يسبق معتز وعلم عليه
رهف : كرمال الله هدي السرعه ايسر
ايسر : لك لا تخافي جوزك شوفير محترف
رهف : لك والله خايفه يا ايسر كرمال الله عم قلك هدي السرعه
ايسر : لك هه رح اسبقه طولي بالك واشهدي على خسارة اخوكي
رهف : انتبه ايسررررر لاااااااااااا لااااااااااااااا
☆ ╚══════ღღ══════╝
باسمه : ليكا عم تفتح عيونها
رغد : اختي سامعتيني ردي عليي رهف
لميس : رهف ردي كرمال الله
معتز : لك والله استعادت وعيها… رهف اختي عم تسمعيني حركي ايدك اعملي اي اشاره لنطمن عليكي
حسان : بنتي ردي عليي بابا انتي منيحه
اصواتهم كانت متل الصدى عم يمر بخيالها ماعم تقدر تحرك حالها وحاسه بشي تقيل ع راسها بلشت تفتح شوي شوي لحتى استقر حجر عينها على اخوها معتز ورجع لذهنها آخر شي صار معها
☆ ╚══════ღღ══════╝
معتز : لك شوووو ياعريس اعترف بالهزيمه
ايسر : مافشرت ولا انا ايسر يلي اخد بطولات بالسواقه تجي انت تغلبني وبيوم عرسي
معتز : هههههه اي لكان شوف الغبره ورايي واتنعم ب اول غلب
ايسر : لنشووووووف مين رح يغلب
رهف : ايسرررر هدي السرعه كرمال الله
رهف : ايسر والله بخاف من السرعه
رهف : ايسر ايسر انتبه ايسررررر لاااااااااا
☆ ╚══════ღღ══════╝
رهف بصوت يادوب مسموع : ايـ ايسر و وينو ايسر
معتز : حمدلله ع سلامتك اختي صرلك يومين غايبه عن الوعي
رهف : ايسر بدي ايسر
باسمه : انتي منيحه ياعمري احكي
رهف : انا منيحه بـ بدي ايسر
حسان : انتي نو متزكره شو صار معكم بنتي
رهف : سيارات .. عرس… سباق… . ايسر !!! ايسر عمل حادث !! ايسر عمل حادث !! وينو ايسر وينوووو
لميس : لاتخافي ايسر منيح بس اجرو انكسرت وهو بالغرفه التانيه
رهف : بدي شووووفووو كرمال الله خدوني لعندو
حسان : يابنتي والله ايسر منيح انتي اهتمي بحالك هلأ
رهف : انا شو صرلي لي مو قادره حرك ايدي واجريي وشو هاد الشي التقيل يلي عراسي… . انا ماعم شوفكم منيح
نزلت دموعهم عحال رهف والتزموا الصمت بوقتها ما فيهم يخبروها انها بهالحادث الاليم خسرت عين من عيونها وتشوه وجهها بسبب شظايا القزاز ليحفر فيه ندبات مابخفيها اي علاج… ..
رهف : ليش ساكتين شبكم عم تبكوا ايسر صرلو شي وعم تخبووو عليي بدي ايسررررر ابوس ايدكم
معتز (بيبكي) : والله ايسر منيح يااختي بس 😔
رهف : بس شو احكي ليش سكتت
باسمه : ااااه يابنتي وين كان مخبالك كل هاد 😭
بلش الخوف يتسلل لقلب رهف بالاخص انها ملاحظه انعدام الرؤية تقريبا… قربت ايدها ع وجهها عم تتحسسه
رهف : عيني شبها وليش وجهي ملفوف بكل هالاربطه ؟؟
حسان : اهدي بنتي هاد نصيبك قل لن يصيبنا إلا ما كتب الله لنا
رهف : شو قصدك بابا
حسان : انتي خسرتي عينك اليمين بالحادث بنتي 😔
رهف : لا لا لاااااا
لميس : كرمال الله اهدي
رهف : بدي قوووووم من هووووم طالعوني من هون
حسان : يابنتي اجريكي التنتين بالجبس وايدك كمان مكسوره مافيكي تتحركي بنوب
رهف : بدي ايسر 😭
معتز : هلأ رايح جيبو من غرفتو انتي بس اهدي.
اسير : مافي داعي معتز انا هون
لميس : انت منيح اخي
هز راسه بعجل وهو عم يتعكز على عكازيه وبيمشي ب اتجاه رهف
رهف : ايييسر 😭
ايسر : كيفك رهف حمدلله عالسلامه
رهف : خسرت عيني يا ايسر خسرت عيني 😭
ايسر : اهدي حبيبتي انا رح اعملك عمليه واشتريلك قرنيه او بعطيكي وحده من عيوني بس ارجوكي ماتبكي
رهف : ماعاد ينفع ايسر انا خلص انتهيت
قرب منها ايسر ومسك ايديها ليحسسها بالامان والقوه
ايسر : انتهيتي وانا معك… نحنا روح وحده رهف روح وحده وانا مستحيل اتخلا عنك
كلامه زرع بداخالها بصيص امل واتشجعت لتواجه مصيرها معه ولكن… ؟؟
♬♫♪◖(● o ●)◗♪♫♬
بعد مرور اربع ايام ☆☆
كان الكل مجتمعين بغرفة رهف والقلق واضح بعيونهم ليعرفوا نتيجة العمليه ويشوفوا شو صار بالندبات يلي بوجهها وهون كانت الصاعقه
(╯°益°)╯彡┻━┻
رغد : اطمني اختي ان شاء الله بتكون العمليه نجحت
رهف بقلق : يارب يارب
وصل الدكتور والممرضه المساعده وبلش يفك الضماد عن وجه رهف
الكل حابس انفاسه ومتوتر ورهف عم تشد على ايد ايسر بخوف
رهف : شو دكتور طمني
الدكتور بحزن… . لا حول ولاقوة الا بالله
رهف : شو في دكتور لا تشغلي بالي الجرح يلي بوجهي كببر ؟؟
تركها الدكتور وطلع من الغرفه وترك داخلها الف غصه والف سؤال
رهف : ايسر شبو الدكتور ليش ساكت
ايسر : 😔
رهف : لك شوووو في حدا يفهمني
طلع ايسر ومعتز ورى الدكتور ورهف عم تحول نظرها بين الموجودين
رهف : امي شو صار شبو وجهي،
باسمه : ااااه يابنتي ااااه 😭
رهف : بابا احكيلي انت شو في
حسان : 😔
رهف : لك شبكم شششو صاير… . عطيني مرايتك رغد
رغد : بلاش اختي
رهف : عطينيييييي مرايتك عم قلك
♬♫♪◖(● o ●)◗♪♫♬
ايسر : دكتور انا بدي سفرها برا لاعملا عملية تجميل
الدكتور : عملية التجميل رح تقلل من الندبات بس مارح تخفيها
معتز : شووو يعني اختي رح تبقى هيك
الدكتور : هاد قدرها ونصيبها ابني شدو حيلكم
♬♫♪◖(● o ●)◗♪♫♬
رهف : لااااااااا لاااااااااااا ياربي دخيلك لاااااااا
كانت صدمة رهف لخسارتها وجهها وعينها كتير كبيره بقيت متكوره عحالها وتبكي وفاتت بحاله نفسيه سيئه لاعادت حكت مع حدا ولا شافت حدا وكل مايجي ايسر يطمن عليها ترفض تشوفوا وتتخبى بغرفتها تحت حرامها لتترك العنان لقلبها يطالع الحسره يلي علقت فيه
☆ ╚══════ღღ══════╝
ايسر : عمي لايمت هالوضع… رهف مو قابله تشوفني ورافضه فكرة العلاج نهائيا
حسان بحزن : فكرك انا مبسوط على هالحال والله كل ما شوفها او اسمع صوت بكاها بيتقطع قلبي عليها
ايسر : لازم نقنعها تعمل عملية التجميل عمي
حسان : حاولت معها وامها حاولت واخوتها بس عبث لك اوقات بتطردنا من غرفتها وبتحبس حالها حتى الاكل بتتركه امها عالباب وهي بتتناوله بس تتأكد انه مافي حدا حيشوفها
ايسر : والحل عمي
رهف : انا عندي الحل
تلفت ايسر ناح الصوت وشرف رهف لابسه خمار ع كل وجهها وواقفه بعيد كأنها شي مسخ خايفه حدا يشوف وجهها يلي تشوه
ايسر : حبيبتي اشتقتلك
ماردت رهف عكلمته واردفت : انا عندي حل يريحني ويرضي كل الاطراف
حسان : شو هالحل
رهف : انده بالاول لماما ومعتز ورغد
وصل الكل وقعد بالصاله ناطرين بلهفه قرار رهف
رهف : رغد
رغد : عيوني اختي
رهف : مو نحنا خوات وربينا سوى وتقاسمنا كلشي سوا
رغد : امبلا اختي اكيد
رهف : بدي منك خدمة وبتمنى ماترفضي
رغد : شو اختي
رهف : بالاول اوعديني تلبي طلبي لو شو ماكان
رغد : بوعدك اختي
رهف : وانت ايسر
ايسر : انا شو ؟
بدي منك توعدني تلبيلي هالطلب
ايسر : بلبيلك كلشي بدك ياه اهم شي تكوني مرتاحه
رهف : بس تلبولي هالطلب رح كون مرتاحه
ايسر : لكن بوعدك بشرفي لبيه
حطت المصحف قدامهم واشرتلهم يحلفوا عليه
رغد : اختي مافي داعي للمصحف انا وعدتك رح لبي طلبك شو ماكان
رهف : معلش اختي احلفي عالمصحف بالاول وانت كمان ايسر
ايسر : ازا هالشي بيريحك حاضر رح احلف
حطت رغد ايدها عالمصحف وحلفت تلبي طلب اختها وكذلك الامر كان مع ايسر
رهف : عطيني ايدك اختي
رغد : حاضر
رهف : وانت ايسر
ايسر : ليكا ايدي بس فهميني شو
رهف : لاتحكي شي هلأ..... وماتسوا انكوا وعدتوني وحلفتوا تلبوا طلبي
ايسر : صح وعدناكي بس لازم بالاول نعرف شو هالطلب
رهف : طلقني ايسر
ايسر : شوووووو
رهف : لاتنسى وعدك ويمينك… .. طلقني ايسر
ايسر : رح تكوني مرتاحه ببعدي عنك رهف
رهف : ايه لاني بكرهك وماعاد بدي ياك
ايسر : بتكرهيني!!!
رهف : طلقني ايسر
نزل عيونو بالارض وشد على ايد رهف وكأنه عارف انه ي اخر مرة بيلمس ايدها
ايسر : انتي طالق رهف 💔
رهف : منيح كتير .. وهلأ يارغد دورك لتلبي طلبي
رغد : ليش هيك عملتي اختي 😔
رهف : مابدي حكي كتير انا بدي منك تقبلي تتزوجي ايسر
نفضت رغد ايدها من ايد رهف ووقفت وهي عم تشهق : شوووووووووو… . هاد هو الطلب يلي خليتيني اقطلعلك وعد واحلف عالمصحف كرماله
رهف : ايه
ايسر : انتي صار لعقلك شي رهف ؟؟
وقفت رهف ورجعت مسكت ايد رغد بقوه
رهف : انتي وعدتيني تلبي طلبي لاتنسي وعدك
رغد : مااااافي اختي 😭 مافي اطلبي روحي يعطيكي ياها الا هالطلب بربك 😭
رهف : ازا هلأ مابتوافقي رح اقتل حالي وتكون حسيتي برقبتك
رغد : بس يا اختي 😔
رهف : موافقه تتزوجي ايسر
رغد : موافقه 😔
ايسر : بس انا مو مواقف 😡 انتي جنيتي عالخالص رهف جنيتي عالخالص
رهف : نسيان انك السبب باللي انا فيه
ايسر ………… .😔
رهف : مبروك عليك رغد دير بالك عليها وانتي رغد حطي ايسر بعيونك
وفتلت حالها لتروح ع غرفتها واستوقفها صوت ايسر
ايسر : رهف
رهف بدون ماتلتفتت : نعم
ايسر : جد كرهتيني
ماردت رهف عليه وركضت على غرفتها وسكرت بابها وهي حاطه ايديها ع تمها لتكتم صوت عبراتها
استندت عالباب ونزلت بجسمها ع الارض وهي ضامه بين ضلوعه لوعة الم وفراق بقلب مكسور 💔
رهف (بتبكي) : انا بحبك ايسر بحبك اكتر من روحي بس انت كنت بالنسبه ل اللي حلم وفقت منه على كابوس… . كون بخير لاكون 💔😔
☆ ╚══════ღღ══════╝
بعد شهرين كان كتب كتاب ايسر على رغد حاولت رهف بشتى الطرق تبين بمضهر البنت القويه بس ماقدرت تشوف حبيبها وهو عم ينزف لاختها رغم انه طلبها بس هالشي كان كتير قاسي عليها
واكتفت انها تسمع صوت الزغاريد وهي حابسه حالها بغرفتها وكامره راسها تحت غطاها ودموعها عم تنزل بغزاره لطفي النار الشاعله بقلبها
رهف : ديري بالك عليه يا اختي انا اليوم عطيتك روحي صونيها يا اختي صونيها 💔
"رفعت وجهها وكان ناعماً و لطيفاً كوجه قدّيس منحوت من المرمر، أو رضيع نائم، كان ناعماً ولطيفاً كان حلواً ورائقاً، لم يتمكن الألم من حفر خطّ، ولم يتمكن الحزن من إلقاء ظلٍّ عليه" ❤
️!سأراك 💔سأراك في وهمي حبيبا فرقتنا الأمنياات 💔 وستبقى في قلبي حلما حتى ولو كان حلما وانتهى
☆ ╚══════ღღ══════╝
انا رهف صاحبة هالقصه انا يلي ب ايدي زوجة حبيبي لاختي انا يلي عطاني القدر ضهره بيوم فرحتي انا قصة انسان انا جرح الزمان لكن املي بالله لن يخيب فهو الحبيب المجيب ولا اعتراض على حكم الله
انا بعترف اني كنت انانيه وقت غصبت على اختي وايسر يتزوجوا بس شو طالع ب ايدي… .. بعد ماخسرت وجهي وانطفت عيني حسيت انه انانيه مني اربط ايسر فيي بعد ماتحولت لمسخ ولو كان بعضكم رح يحكي انه السبب بحالتي بس انا رح قلكم مو ايسر السبب هاد قضاء الله وقدره وانا راضيه فيه… ايسر حب روحي قبل جسدي لكن لو قبلت كامل معه كان مع الايام ندم انا متأكدة 😔
اكتفيت انه يكون قريب مني ومرته تكون اختي لحتى اطمن انه ماراح يبعد عني بيوم 💔😔
هي قصتي وهي معاناتي وشكرا للكاتبه #امل_احمد على اتساع صدرها وسماع قصتي وسردها مو طالبه منكم الا الدعاء 💔
اختكم #رهف
☆ ╚══════ღღ══════╝
ومني انا امل احمد ..
يا اختي انتي ظلمتي نفسك وقت رفضتي تعملي عملية التجميل كل انسان منا معرض يكون بنفس الموقف يلي عشتيه بس بيحاول وبيشتغل عحاله ليرجع متل الاول واحسن
ظلمتي نفسك وقت فرطتي بحبك لانه ايسر كان متمسك فيكي واكيد في كتير مواقف حصلت ومانذكرت بالقصه
ظلمتي نفسك وقت فكرتي انه راحتك بزواج اختك من حبيبك بعمرك مارح تقدري تنسيه وكل ماتمسعي صوتو لو من بعيد رح تنفتح جروحك من جديد وكل ماتشوفي اختك حتصيبك غصه ويمكن مع الوقت تكرهي اختك يلي ب ايدك جبرتيها والزمتيها بوعد يمكن ماتكون اهله
يلي فكرتي فيه كان من داخل قلوب مشوهه ليش ما اطلعتي بالمرايه وشفتي داخل رهف مو خارجها نصيحتي الك يا اختي
أبقـــي كمـــا أنـــتي...بــ طيبتـــيك ... و هـــدوئـــك ... و عفـــويتـــك... و بـــرائتـــك ... و لـــا تجعـــلي صـــدمـــة ... أو مـــوقـــف ... يغيـــر مـــن داخلـــك ... و يفقـــدكـــ مميــــزات شخصيتـــك ...
أصعب ما يمكنك فعله هو إجبار ملامح وجهك على اتخاذ معالم أخرى تعاكس إحساسك تمامًا 💔💔
وبعض الاحلام جمالها بأن تظل أحلاماً ..
وكأنها زوارق ورقيه نهتم بأدق تفاصيلها حين نشكلها ..
ثم لا نملك سوي ان نبتسم لها بينما تبحر بعيداً عنا ..
بتمنالك التوفيق وربي يشفيكي ويعافيكي وياريت تعطي لنفسك فرصة وترجعي تفكري بموضوع العمليه… الحياة مابتوقف عند حدا الحياه عباره عن محطات وبكل محطه بنشوف ناس وبنعرف ناس ويمكن ربك مخبيلك شي اجمل… فلا تفقدي الامل (◕‿◕✿)
تــــــــمت بقلمي امل_احمد_سلوم
تعليقات
إرسال تعليق