رواية حبيبي من يكون الفصل الاول بقلم الكاتبه نور محمد حصريه وجديده في مدونة النجم المتوهج للروايات والمعلومات

 رواية حبيبي من يكون الفصل الاول بقلم الكاتبه نور محمد حصريه وجديده في مدونة النجم المتوهج للروايات والمعلومات 

رواية حبيبي من يكون الفصل الاول بقلم الكاتبه نور محمد حصريه وجديده في مدونة النجم المتوهج للروايات والمعلومات

انا عاوزه اطلق من جوزي علشان بحب اخوه

اختها بصدمه نعم انتي بتقولي ايه اكيد بتهزري مش كده ياحنان؟! 

حنان بحزن: للاسف لا مش بهزر انا بقول الحقيقه يامريم انا اجوزت طارق علشان بحب اخوه فارس بس دلوقتي مش قادره اكمل في الكذبه دي واخدعه اكتر من كده 

مريم بهدووء: طيب اهدي وفهميني ايه الحكايه من الاول ياحنان براحه كده ممكن 

حنان بدموع وحزن: تمام هقولك انا وفارس من ايام الجامعه بنحب بعض وكنا مرتبطين ومتفقين كمان بعد الجامعه نجوز علطول بس معرفش حصله ايه فجأه كده لقيته خطب وكمان حدد معاد الفرح بتاعه فانا من غيظي وغيرتي عليه قررت اردها له وقربت من اخوه طارق كمان لغايه ماخطبني واجوزنا مع فارس في نفس اليوم وقولت اكيد كده هغيظه وهحرق قلبه زي ماحرق قلبي عليه بس المشكله انه محصلش كده وكان عادي معاه فدلوقتي انا طارق صعبان عليا ومش عاوزه اظلمه معايا اكتر من كده فقررت اطلق منه واصلح غلطتي معاه يمكن بعدها يقدر يسامحني 

مريم بتفهم: تمام ياحبيبتي انا فهمتك انتي كنتي موجوعه من فارس على خيانته ليكي فقررتي تنتقمي منه بقربك لاخوه طارق بس الطريقه دي غلط اوي ياحنان كده انتي ظلمتي نفسك وظلمتي طارق معاكي كمان وانا شايفه ان طارق بيحبك وكده هتوجعيه تاني بدون زنب 

حنان بندم ودموع: عارفه يامريم بس مش قادره اكمل معاه وانا كل عقلي وقلبي مع فارس انا قررت اسيبه دلوقتي قبل مايعرف الحقيقه ويكرهني اكتر بعدين 

مريم بتفهم وحزن عليها: تمام ياحنان على راحتك بس خدي بالك طارق شخص محترم وابن اصول مستحيل تلاقي زيه تاني انا اختك وبنصحك  ياحبيبتي 

هزت حنان رأسها بتفهم وحزن ومريم سابتها ومشت وبعد وقت دخل طارق الشقه بمرح زي عادته 

طارق بمرح وحب: حنون حبيبه قلبي فينك تعالي شوفي انا جبتلك معايا ايه؟ 

تقدمت حنان بفرحه وحماسه: حمدله على سلامتك ياطارق.. ها جبتلي ايه بقى المره دي 

طارق مد ايده لها ببسمه: خدي شوفي دي الساعه الماركه اللي كان نفسك فيها اخر مره لما شفناها سوى في المول انا قبضت المرتب النهاردا وجريت علطول جبتها لك ياحبيبتي.. ها مبسوطه مش كده

لمعت عيون حنان بالفرحه: الله انت بجد لسه فاكرها ياطارق.. بس دي غاليه اوي تجي قد نص مرتبك كله الشهر ده

طارق حضنها بحب ومشاكسه: مفيش حاجه تغلى عليكي ياقلبي هو انا معايا كام حنون في حياتي ادلعها يعني

ابتسمت حنان بسعاده بس من جواها ضميرها وجعها اوي عليه... بقلم نور محمد

وفي شقه فارس ومراته عبير

عبير بستغراب: مالك يافارس ياحبيبي سرحان في اي كده 

فارس بتفكير وتوتر: ها لا مفيش ياعبير بفكر في الشغل بس روحي حضري ليا الغداء بس علشان جعان اوي

عبير بحب: حاضر ياقلبي دقايق ويكون جاهز 

خرجت عبير وفارس تهند وهو بيتذكر الماضي بتاعه هو وحنان 

فارس بتوهان: امم انا مش عارف ليه وقتها سبتها مع اني كنت بحبها وهي كمان كانت بتحبني اوي مش عارف ليه وقتها حسيت انها مش هتبقى مناسبه ليا ولحياتي المستقبليه بس دلوقتي بعد مااجوزت عبير عرفت وتأكدت اني كنت غلطان حنان كانت مناسبه اوي ليا لاني بحبها ولو اجوزتها كنت هعيش معاها في سعاده وراحه بس المشكله انها دلوقتي اجوزت طارق اخويا وكمان عاشيه معايا في نفس البيت وقدام عنيا طول الوقت طب اعمل ايه انا ليه عملت كده في نفسي بس 

وفي اليوم التالي على الفطار كانت العيله كلها متجمعه ماعدا حنان وطارق

نزل طارق وهو محاوط حنان بحب قدامهم وقال: صباح الخير ياجماعه

كلهم ردوا عليه وفارس بصله بغيره وغيظ واضح 

ابوهم بغمزه: انا شايف انك بقيت مروق ومرتاح اوي من بعد جوازك من حنان ياطارق اي العروسه مروقه عليك واخر دلع مش كده 

حنان اتكسفت وطارق ابتسم: بصراحه يابابا ايوه انا حاليا بقيت عال العال لاني لقيت وحده زي حنان... دي حنان الدنيا كله فيها ربنا يديمها ليا يارب

الاب ابتسم بسعاده لابنه بس فارس كان مدايق وغيران اوي من اخوه طارق

فارس بغيره: طب وانا يابابا مش هتطمن عليا كمان مانا مجوز معاه في نفس اليوم يعني 

الاب بخبث: اكيد يافارس بس انا شايفك قالب وشك ومش فرحان زي اخوك يعني 

فارس بتوتر: هاا لا طبعا انا مبسوط وفرحان اوي اوي كمان الحمد لله اني معايا زوجه زي عبير بتحبني اوي 

الاب بصله بسخريه وحنان حست بالحزن والضيق فقامت: احم انا حاسه نفسي تعبانه شويه هطلع ارتاح فوق في شقتي 

طارق وقف بقلق عليها: تعبانه من ايه ياحنان طب تعالي نروح لدكتور نطمن عليكي ياحبيبتي 

حنان بتوتر: لا ده شويه ارهاق بس هطلع ارتاح وهبقى كويسه متقلقش عليا انت معاك شغل دلوقتي اهم

طارق باصرار: لا بلا شغل بلا زفت المهم انتي انا هقعد معاكي النهاردا لغايه ماتبقى كويسه الشغل مش اهم منك ياحنان 

حنان بصتله بسعاده بهتمامه الكبير بها بس قالت: ياطارق انا كويسه والله بس روح شغلك دلوقتي وهترجع تلاقيني زي القرده كمان 

طارق بحب: ماشي ياحنون بس خلي بالك من نفسك ولو حصل حاجه رني عليا علطول

حنان: حاضر.... بقلم الكاتبه نور محمد

وبعد ساعه في شقه حنان رن الجرس خرجت تشوف مين 

حنان بصدمه: فارس انت ايه جابك هنا؟! 

فارس ببسمه: عاوز اتكلم معاكي ممكن ادخل 

حنان برفض: اسفه بس ميصحش وجوزي مش موجود 

فارس بضيق: هما خمس دقايق بس وخلي الباب مفتوح 

حنان باصرار ورفض: معلش مقدرش دي الاصول يابن الاصول

فارس بغضب: بقى دلوقتي عرفتي الاصول يعني ياحنان.. وهو من الاصول برضو انك تلفي على اخويا وتضحكي عليه لغايه مايجوزك علشان تغظيني وترديها ليا لما سبتك واجوزت عبير بعد ماكنا بنحب بعض ثلث سنين بحالهم في الجامعه

حنان انصدمت من كلامه لها بس اللي صدمها بجد وقتها هو صوت طارق جوزها اللي قال من خلف فارس

طارق بصدمه وزهول: اييه انت بتخرف تقول اييه؟!! 

كده خلص اول فصل في الحكايه ياجماعه لو عجبتك تنساش اللايك ورأيك في كومنت لان ده مهم اوي اوي بنسبالي وهشوف لو لقيت تفاعل يعني القصه عجبتكم هكملها ولو لا هكنسل عليها كده تمام 👌🏻🫣🤍

الفصل الثاني من هنا

اللي بيحب الروايات الكامله والحصريه من هنا 👇 ❤️ 👇 

روايات كامله وحصريه

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹