رواية حبيبي من يكون الفصل الثاني بقلم الكاتبه نور محمد حصريه وجديده على مدونة النجم المتوهج للروايات والمعلومات

رواية حبيبي من يكون الفصل الثاني بقلم الكاتبه نور محمد حصريه وجديده على مدونة النجم المتوهج للروايات والمعلومات 

رواية حبيبي من يكون الفصل الثاني بقلم الكاتبه نور محمد حصريه وجديده على مدونة النجم المتوهج للروايات والمعلومات

 وهو من الاصول برضو انك تلفي على اخويا وتضحكي عليه لغايه مايجوزك علشان تغظيني وترديها ليا لما سبتك واجوزت عبير بعد ماكنا بنحب بعض ثلث سنين بحالهم في الجامعه

حنان انصدمت من كلامه لها بس اللي صدمها بجد وقتها هو صوت طارق جوزها اللي قال من خلف فارس

طارق بصدمه وزهول: اييه انت بتخرف تقول اييه؟!! 

فارس انصدم من وجوده بس قال بشماته: اللي سمعته ياطارق حنان اصلا اجوزتك علشان غيرانه عليا هي كانت بتحبني اوي ايام الجامعه ولما سبتها واجوزت غيرها حبت تردها ليا فجوزتك علشان اخويا

حنان بصدمه وغضب: اخرس انت بتقول ايه.. لا ياطارق متصدقوش ده كذاب انا انا بس.. 

قاطعها طارق بجمود: ادخلي ياحنان واقفلي باب شقتك انا هتكلم مع اخويا خمس دقايق بس وراجع لك تاني 

حنان اتوترت اوي من هدووءه المبالغ فيه بس دخلت شقتها وقفلت الباب زي ماطلب جوزها

طارق ببرود: اتفضل قدامي يافارس علشان اتكلم معاك على راحتنا 

فارس كمان كان مصدوم من رد فعل اخوه بس سكت ومشى معاه 

وفي غرفه طارق القديمه اللي في بيتهم الكبير

طارق ببرود: ها اتفضل قول كنت رايح عند مراتي عاوز منها ايه بقى يااستاذ فارس

فارس بتوتر: انا مكنتش عاوز منها حاجه ياطارق انا بس كنت.. وسكت مش قادر يكمل 

طارق بسخريه: سكت ليه كمل مالك القط اكل لسانك والا ايه يابن ابويا وامي 

فارس بصله ومش قادر يرد عليه فقرب منه طارق بجمود وتهديد واضح وقال: بص يافارس انا عارف كنت عند مراتي عاوز تقولها اي وقولت كلامك ده كمان قدامي ليه بس احب اوضح لك اني عارف كل حاجه من قبل مااجوز حنان كنت عارف بعلاقتكم القديمه سوى

فارس بصله بصدمه وزهول: اييه انت عارف الحقيقه من الاول طب ليه وافقت تتجوزها مدام عرفت انها بتحبني انا 

طارق بغضب وغيره : مسمهاش بتحب اسمها كانت بتحبك زمان يافارس انا في البدايه مكنتش اعرف الحقيقه ولما قربنا من بعض حبتها واتعلقت بيها بس قبل الفرح بيومين عرفت وسمعها وهي بتحكي مع صحبتها كل حاجه وقتها ناار قادت فيها وكنت حسيبها بس قلبي وحبي ليها غلبني مقدرتش اكسرها كده واسبها قبل الفرح بيومين بس.. فسكت وبعد مااجوزنا فكرت مع نفسي اديها فرصه تاني واقرب منها اكتر واحسسها بحبي لها يمكن هي كمان تحبني وتنساك وانا لحد الان مشوفت منها أي شئ يدل انها لسه بنحبك يافارس

فارس بضيق وغيره: وهي علشان مش بتظهر ده قدامك يبقى خلاص نسيت حبها ليا والا ايه بص انا عازرك ياطارق بس الحقيقه هي ان حنان لسه بتحبني وبكره هتطلب منك الطلاق علشاني ووقتها ابقى قول اخويا فارس قال

طارق بصله بغضب وغيره وفارس بادله بتحدي وخرج وسابه 

طارق بغيره وغضب: لا مستحيل حنان مستحيل تطلب مني الطلاق علشانه مهما حصل انا متأكد من كده 

وعند فارس دخل شقته بغضب وحده وبص قدامه لقى عبير قاعده على الكنبه براحه وحاطه مسك على وشها وهي منسجمه مع نفسها

فقرب منها فارس بغضب: عبير ايه اللي مهبباه ده في وشك هي ناقصه قرف ده بدل ماتدوري عليا تشوفي جوزك قاعد فين دلوقتي قاعده هنا وحاطه الهباب ده على وشك والا هامك حاجه خالص

عبير بضيق: فيه ايه يافارس مالك داخل حامي عليا كده ليه وفيها ايه لما احط مسك واروق على نفسي يعني 

فارس بغيظ: فيها ياهانم اني موجود معاكي هنا ومن واجبك دلوقتي تاخدي بالك مني مش من وشك ونفسك وانا اغور في داهيه مش ملاحظه حضرتك انك بقيتي مهمله اوي معايا 

عبير بملل: تمام تمام خلصت وفشيت نفسك مش كده روح بقى شوف شغلك او شوف نفسك عاوز تعمل ايه مش فايقه لك دلوقتي انا 

فارس بصلها بصدمه وغيظ من طريقه كلامها معاه وقال: ماشي ياعبير غاير انا من وشك.. دي بقت عيشه تقرف بجد 

خرج بعدها بغضب كبير وهي بصت على اثره بملل ولا مبالاه وكمل حط المسك والاهتمام بنفسها بس 

اما عند حنان في شقتها 

كانت في اوضتها بتكلم اختها في الفون 

حنان بقلق ودموع: زي مابقولك كده يامريم كان واقف ورا فارس وسمع كل حاجه منه واللي راعبني بجد انه متعصبش عليا او عليه كان هادي اوي بطريقه تخوف

مريم بقلق على اختها: لا بقولك ايه مدام متكلمش يبقى من حقك تقلقي اسمعي مني انتي لمي هدومك دلوقتي وتعالي ويبقى لما ياجي هو عندنا نتصرف معاه احسن يتعصب دلوقتي ويطلع يعمل فيكي حاجه فهماني 

حنان بخوف ورعب: اه عندك حق مانا عارفه الزفت فارس اكيد هيبخ سمه في عقل طارق دلوقتي وممكن يطلع يعمل فيا حاجه بجد لا انا هاجي عندكم فورا زي ماانتي قولتي انتي صح يامريم 

مريم بقلق: طيب ياحبيبتي تعالي بسرعه وانا مستنياكي متخفيش ماشي 

حنان بخوف: ماشي سلام 

قفلت منها وفعلا لمت هدومها كلها في الشنطه ولبست عبايتها وطلعت من الاوضه وقربت من الباب ولسه هتفتحه لقت طارق قدامها 

طارق بستغراب وصدمه: حنان انتي رايحه فين وايه دي.. شنطه هدومك بتعملي بيها ايه 

حنان بصتله بخوف ورعشه وكلام اختها لسه بيتردد جوه عقلها فقالت بتعلثم وخوف: انا انا بس كنت.  

سكتت من الخوف فقال طارق: مالك ياحنان كملي انتي ايه؟! 

حنان بصتله برعب وكانت ميته حرفيا في شده خوفها فقالت بدون تفكير بسبب الخوف المسيطر عليها منه: انا عاوزه اطلق منك ياطارق

طارق بصدمه: 

يتبع.. 

علفكره التفاعل مش مشجع ابدا حتي اكمل كلمه تاني في القصه بس يارب يتحسن المره دي 🙂🤝🏻

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

الفصل الاول من هنا

الفصل الثاني من هنا

الفصل الثالث من هنا

اللي بيحب الروايات الكامله والحصريه من هنا 👇 ❤️ 👇 

روايات كامله وحصريه

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹