رواية غموض الحب البارت الخامس بقلم الكاتبه Lola حصريه وجديده
حسام اتصدم وقام وقف واكمل نعمم امنية !!!!!!
امنيه اتصدمت لما شافته وحطت وشها في الارض وعيطت بصمت
امين اللي مبلغ عنها مسك دراعها جامد واكمل بعصبيه حتى البيه طلع يعرفك تلاقيكي نصبتي عليه هو كمان اهي يابيه اتفضل هاتلي حقي منها وبيزقها حسام جري لحقها وقعت في حضنه وهي بتعيط وبترتعش
حسام بصلها بذهول من كلام امين هو عارف هي متعملش كده بس كل اللي همه ان امين فكر يلمسها كده فاكمل بعصبيه وهو بيمسكه من قميصه انت ازاي ياابن الكلب انت تسمكها وتزقهاااا بلشكللل ده انت اتجننتتتت
امنيه بدموع وخوف حسام حسام خلاص كبر دماغك منه
حسام بحده هششش اسكتيلي انتي خالص دلوقتي واقعديلي على جمب وشاور على الكنبه
امنيه بدموع بس
حسام بمقاطعه وعصبيه قولت اقعدي دلوقتييي
امنيه اتفزعت واكملت بدموع وارتعاش حاضر حاضر وراحت قعدت
امين بعصبيه انا جاي ابلغ عنها علشان نصبت عليا تقوم تمسك في خناقي علشان واحده حراميه وكل ده علشان تعرفها ده واضح ان في قانون فعلا
حسام ضربه بلبوكس فامنيه اتفزعت وحطت ايديها على بوقها واكمل هو بعصبيه متخبطش في كلاااامك يا حيوووان ليك حق هتاخده انما جو الرغي والصعبنيات بتاع الحريم ده مياكلش معاياااا واياااك اشوفك قريب منها ولا ماسكها كده تاني قسمااا بالله لدفنك حي ورماه على الكرسي المقابل لمكتبه وقعد هو مكانه واكمل بحده ارغي اللي عندك
امين بحده الهانم كانت
حسام بمقاطعه وعصبيه وطي صوتك وانت بتتكلم يا روح امك مقالولكش اطرش
امين تمام يا باشا الهانم كانت واخده مني فلوس سلف وقالتلي هترجعهالي على اقساط ومدتنيش الا اول شهر وعدا التاني والتالت ومجاليش فلوس حذرتها اني هروح اودي وصولات الامانه للقسم قالتلي استنى عليا يومين وبردو ملقتش رد فجيت ابلغ
 |
حسام بص لامنيه واكمل الكلام ده صح ??
امنيه هزت راسها ب اه وهي بتعيط بصمت ومحرجه جدا منه
حسام اممم يعني انت مسلفها فلوس يعتبر وهي ادتك منهم اول شهر وقالتلك تصبر عليها بديهي جدا علشان مقدرتش تتصرف في الشهرين دول طبعا انت ملكش دعوه وفلوسك مفروض تجيلك بس هي كضمان لصدقها معاك وافقت انها تمضي على نفسها وصولات امانه لانها طبيعي عايزاك تضمن حقك وفي الاخر يتقال نصابه وحراميه
امين ماهو يا باشا
حسام بحده باشا ايه بس وزفت ايه انت ليك حق بس راجل مهزق ومشوفتش ربايه علشان تمسك بنت من دور اخواتك كده وتعاملها بلاسلوب ده هي عرفت تتصرف وتجيبلك فلوسك عرفت معرفتش تتصرف وده انت ملكش دعوه بيه تيجي للقانون يجبلك حقك انما ميتقالش على واحده ربنا اعلم بظروفها نصابه وحراميه وتتمسك بلشكل ده وهي كتبالك وصولات امانه لو اتبلغ عنها بيها اجباري تدفعهالك لهتتحبس يا حيوان
امين باحراج على العموم انا اسف يا باشا ومش هتتقرر بس انا اديني بطلب من حضرتك ابلغ علشان عايز حقي
حسام مفيش محاضر هتتعمل
امين بحده يعني اي الكلام ده
حسام خبط على مكتبه جامد واكمل بعصبيه صوتك ميعلاش هنا يا روح امك انت مش في زريبه وريني ام الوصولات اللي معاك ليها بكام
امين طلع الوصولات وهو مش طايق نفسه وحطهم قدامه
حسام مسكهم وشافهم اربع وصولات كل وصل ب 30 الف فاكمل بتنهيده يعني 120 الف وصلك منهم كام
امين 10 بس يا باشا
حسام بتنهيده تمام وقام وقف فتح الخزنه بتاعته وامنيه متابعه الموقف ومصدومه ومحرجه جدا
وخرج حسام ال 110 الف وحطهم على المكتب واكمل عد فلوسك وشوفهم لو تمام تاخدهم وتاخد بعضك ومشوفش وشك تاني ولا ليك علاقه بيها
امنيه بدموع بس يا حسام
حسام هشش اسكتي قولت وبص لامين واكمل عد واخلص
امين مسك الفلوس وبدأ يعدها وبلفعل كانوا مظبوطين فاكمل تمام يا باشا
حسام قفل الخزنه وقطع وصولات الامانه ورماها في الزباله واكمل وهو بيقعد على كرسيه بتنهيده طب غور في داهيه بقى اظن خدت حقك
امين بابتسامه اه تسلم يا بااشا عن اذنك وطلع
فدخل العكسري واكمل القهوه يا فندم
حسام بتنهيده تمام خد الباب في ايدك
العسكري عمل التحيه واكمل تمام يا فندم وخرج وقفل
وامنيه كانت بتعيط بصمت وبترتعش
حسام بتنهيده وبعدين هتفضلي تعيطي كده ??
امنيه بدموع وهي باصه للارض اكملت انا مش قادره احط وشي في وشك من الاحراج والكسوف انا مش عارفه اقولك اي يا حسام وفضلت تعيط
حسام قام ولف قعد في الكرسي اللي قدامها وشده عليها واكمل بحنيه ممكن تهدي خلاص انا هزقتهولك وغار في داهيه مفيش حد هيكلمك تاني
امنيه رفعت عنيها ليه واكملت بعيون حمرا من الدموع انا محرجه منك انت اكتر من اللي حصل كله يا حسام
ابتسم حسام بحب ومسح دموعها واكمل ليه هو حصل ايه يعني واحد ليه فلوس وطلبها لانك اتاخرتي وخدها خلصت مش صعبه يعني ارفعي راسك كده متبقيش عبيطه مفيش حاجه تكسفك يا امنيه انتي مقامك عالي اوي وكلنا احيانا ظروفنا الماديه بتضطرنا لده انتي مسرقتيش علشان تتكسفي كده ولا شكلك اتهز قدامي بلعكس انتي لجئتي لانك تستلفي منه بس معملتيش حاجه غلط في ناس بتبيع نفسها وضميرها علشان الفلوس
امنيه بدموع انا خدتهم منه علشان كنت بدفع منهم كل سنه لكليتي و
حسام بمقاطعه وحب وانا مسالتكيش بتعملي بيهم ايه انا عارف ان طلما خدتي فلوس من حد يبقى فعلا محتجاهم يا امنيه اي ان كان علشان ايه
امنيه ابتسمت بحب واكملت بدموع طب قطعت الوصولات ليه كنت خليها معاك اضمن بيها حقك لحد منا ارجعهوملك
حسام ضحك واكمل بحب انتي هبله هو انا يوم ما امسك وصولات امسكها على بنت لا خدي في بالك احنا صعايده يعني رجاله اوي
امنيه ضحكت من بين دموعها واكملت بحب ودموع والله انا عارفه انت مين بس علشان خاطري اكتب حقك في وصولات لحد منا اردهم ليك علشان خاطري يا حسام
حسام ضحك واكمل يابت انتي زي زينب انتي عبيطه ولا اي خلاص واحد اخوكي الكبير ودفعلك بطلي هبل
ومسك نفسه بلعافيه انه ميضحكش من ريأكشن وشها اللي اتبدل
امنيه بضيق افندم! !!! زينب مين
حسام بتمثيل جديه زينب اختي متعرفيهاش
امينه بوجع اممم عارفاها ربنا يخليهالك يا حضره الظابط ورايحه تقوم
حسام مسك ايديها واكمل رايحه فين
امنيه بعيون مليانه دموع اكملت هروح البيت خلاص وتابعت بضحك مصتنع ولا هتحبسني علشان فلوسك بس متخافش كده كده هرجعهم وشكرا اوي بجد يا حسام انا لو عندي اخ مكنش عمل معايا اللي انت عملتوا
حسام حاول يمسك ضحكه واكمل بتمثيل جديه منا علشان كده موجود انا اخوكي الكبير والفلوس دي خلاص راحت لاختي يا امنيه بلاش عبط وبعدين مين بس يحبسك ده اللي يفكر بس قوليلي وانا اوريلك هعملك فيه ايه انتي اخت حسام الرفاعي يعني امن وامان اسيوط يابت مستقليه بيا ولا ايه وضحك
امنيه ضحكت عكس وجعها الداخلي واكملت ربنا ميحرمنيش منك عن اذنك
حسام استني انا هروح اصلا تعبت اوي انهارده وقلبي واجعني من الصبح لانه دي تالت كوبايه قهوه اشربها فمش قادر خلاص هروح اخدك في طريقي
ومسك الكوبايه وشرب شويه
امنيه بصدمه يالهوي انت بتعمل في نفسك كده ليه
حسام بضحك ايه انتي هتعمليلي زي نرمين مش سيباني في حالي بسبب القهوه
امنيه بصدمه مامتك عندها حق انت بتستعبط في صحتك يا حسام بجد
حسام برفعه حاجب ب ايه ????
امنيه بتوتر بتستهون بصحتك بقول بتستهون
حسام بضحك اه اتعدلي كده بس مالك خوفتي ليه لا متقلقيش مني معاكي
امنيه بتوتر معتقدش بعد العلقه اللي خدها امين دي اني هبصلك بنفس نظره حسام الاولى
حسام فضل يضحك واكمل ده طبيعي يا بنتي انا في شغلي غير حياتي الطبيعيه اومال لو شوفتي علقه مسعد اللي قبله كنتي عملتي ايه ?? ده انتي كنتي متعاملتيش معاايا خالص
امنيه بتوتر يالهوي اكتر من كده ده بجد انتوا الظباط قلبكم ميت ومبترحموش
حسام بضحك ده لازم كده وعلشان كده الظباط في الاساس شغلانه رجاله مش حريم لان الحريم عواطفها اللي بتمشيها مش بعيد مجرم يقولها واالله مش هعمل كده تاني تمشيه عادي
امنيه بابتسامه طب ماهو حلف بالله صح ليه ميستحقش فرصه تانيه
حسام فضل يضحك واكمل انا قولت الستات ملهاش الا المطبخ محدش سمع كلامي حبيبتي انا دلوقتي مسكت واحد قبل ماتدخلي عجنته وكان قبلها حالف بالله انه مقتلش وهو قاتل والكاميرا جيباه
امنيه بضحك لا خد بالك احنا ناجحين اوي في شغلنا زيكم بس بتكلم ان ممكن من اللي بتعملوا ده متصدقش حد مظلوم وتضربه بنفس المقياس فحرام
حسام بصي يا منون المتهم بريئ حتى تثبت ادانته والقانون يعني ادله منا مش هشم على ضهر ايدي انه علشان عيط او حلف انه صادق لان كلهم بيعيطوا ويحلفوا خوفا من السجن فانا بيجيلي ادله بتعامل مفيش ادله بحقق لحد ما اوصل انما مصدقش حلفان او دموع دي طبيعه شغلنا مفيهاش عواطف لو عملنا زي مانتي بتقولي كده الدنيا تخرب لان المجرمين متعودين على تمثيل دور الضحيه
امنيه بحب عندك حق والله ربنا يقويك شغلك صعب اوي وبيتطلب منكم تجمدوا قلوبكم
حسام بضحك وصدقيني مش بخلط على قد ما اقدر بين شغلي وحياتي عكس سيف
امنيه بستغراب مين سيف
حسام بابتسامه اخويا ده ظابط جيش
امنيه بابتسامه اي الفرق بقى
حسام بحب يعني لو انتي شيفاني كاريزما وشجاع وناجح فا سيف قلبه اقوى من الحديد ومش بيتعامل بعواطفه نهاائي ممكن احنا بنسباله كل حاجه اخواته واهله وبيموت فينا انما رغم كده عنده قدره تحمل البعد وانه يعيش لوحده علشان شغله ويحارب وحاجات فعلا صعبه اوي انا بجد بفتخر بيه جدا وبأنه اخويا
امنيه بحب واضح ان علاقتكم ببعض حلوه اوي ربنا يديمكم لبعض يارب بس اي يحارب دي متأفورش وضحكت ده شغل يعني زي اي شغل
حسام بضحك نعمم انتي بتهزري ولا بتتكلمي بجد علشان مولعش في نفسي دلوقتي ؟؟؟؟
امنيه بتوتر في ايه يا حسام
حسام بضحك يا نهار ازرق انتي بجد مش فاهمه
امنيه بستغراب لا افهم ايه
حسام ضرب دماغه بايده واكمل بضحك يالهوي منك دكتوره ازاي دي بصي يا اللي هتجبيلي الشلل سيف رائد في الجيش بيمسك كتيبه مجموعه من الظباط والجنود بيدربهم في الصحرا وبيطلعوا مهمات ضدد الارهاب والناس اللي عايزه تدخل اسلحه وتخرج اثار من حدودنا وبيحموا مصر عموما من اي عدو فطبيعي بيحارب وبيدخل معارك بيكون يا قاتل يا مقتول ولو حصل اي غدر من اي دوله انها عايزه تحتل مصر هما بيكونوا مستعدين للحرب معاها فهمتي ?
امنيه برعب يا مااامي اخوك ده معندوش قلب بيشتغل زي احمد عز في فيلم الممر مش بيخاف على نفسه بجد
حسام بضحك اه هو زي فيلم الممر مبروك كده انتي فهمتي بس لا يخاف من ايه سيف ده معجون شهامه ورجوله وشجاعه يابنتي ده دول من غيرهم مصر تروح في داهيه خير اجناد الارض طول عمرنا معروفين باننا جيشنا قوي وشجاع ومش بيهاب حد خالص وكله بيعملنا الف حساب علشان كده بفتخر بيه وضحك وتابع بعدين يخربيت اهلك ساقطه تاريخ للدرجه دي
امنيه بضحك مكنتش بذاكره بجد فعلا مبحبوش .. يابني انا دكتوره يابني وابتسمت وتابعت يارب يحمي اخوك بجد من كل شر ويرجعهولكم بالف خير وسلامه
حسام بضحك يارب يا اشطر دكتوره في الدنيا يلا بقى اروحك
امنيه بابتسامه يلا وبجد شكرا على اللي عملته معايا كله يا حسام
حسام بحب عيب قولنا احنا اخوات
امنيه بصتله بضيق واكملت اممم اخوات طبعا وطلعت
وحسام فضل يضحك واكمل واقعه خلاص خلصت
------------------------------------------
عند سيف
سيف بحده قولت اهدي متعيطيش علشان مهزقكيش محدش هيجبرك على حاجه
زينب بعياط سيف ارجوك تعالى ارجوك كفايه بُعد انا محتجالك جمبي اوي محدش هيقفلهم غيرك
سيف بحنان اهدي يا حبيبتي وانا وهنا بردو محدش هيجبرك على حاجه فينه حسام دلوقتي ??
زينب بدموع في الشغل
سيف بتنهيده طيب مين اللي عايز يتقدملك ده وامسحي دموعك يا زينب علشان خاطري
زينب مسحت دموعها وقعدت واكملت بحزن آسر الخولي
سيف بصدمه نعم لا طبعا الواد ده انا مبرتاحلوش ولا بحبه مستحيل لو اخر راجل مش هتاخديه متقلقيش
زينب بدموع انا اصلا مش عايزه خالص والله لا هو ولا غيره
سيف تنهد واكمل طب اهدي يا حبيبتي طب ممكن اسالك سؤال وغلاوه سيف تقولي الحقيقه
زينب اتوترت وقلبها دقاته عليت اوي واكملت طبعا يحبيبي
سيف بضحك حلفتك بغلاوتي في قلبك انا واقف على الحدود انتي حره
زينب بعياط بس يا سيف اخص عليك بعد الشر
سيق بضحك خلاص خلاص انتي بتتلكي علشان تعيطي ولا ايه
زينب بدموع اه متقولش كده تاني
سيف بحب حاضر يا حبيبتي المهم تنهد وتابع انتي حاطه حد في دماغك يا زينب
هنا عمر قلبه وجعه اوي واتصدم وكان خايف من جوابها
زينب اتوترت واكملت هو انا مش كده بس
سيف بماقطعه بس تقولي الحقيقه لانك بتكلمي ظابط مش عيل صغير وانا ترجمت اللي فيها خلاص ومن زمان مش دلوقتي بس قولت اسيبك على راحتك لحد ماتيجي تقوليلي
عمر غمض عينيه بوجع لما فهم جوابها وحاول يتماسك قدامه
زينب بدموع عمري ماكنت هقولك يا سيف
سيف ليه ؟ بتهابيني ؟
زينب بدموع اه بهابك اكدب يعني ده تقتلني لو كنت قولتلك اني بحب
سيف بتنهيده واقتلك ليه بتروحي وتيجي معاه ولا حاجه ????ولا بتكلميه???
زينب بسرعه لالا والله ابدا مبيحصلش اي حاجه من دي وغلاوتك عندي يا سيف
سيف بحب زينب اهدي يا حبيبتي انا واثق فيكي ومش ماسكلك عصايه ولا بخوف انا اه اخوكي الكبير بس سعادتك بنسبالي اهم من اي حاجه ومش عيب تحبي دي مشاعرك وانتي معملتيش بيها حاجه غلط فخلاص
زينب بدموع وحب ربنا ميحرمنيش منك ينورعيني بس ها اعمل اي كده في العريس
سيف انا مستحيل اوافق بلواد ده بس ابوكي وابوه اتكلموا ودول كبار في الصعيد مش صغيرين والناس هتفضل تلط وتعجن لو صممتي متقعديش خصوصا ده مش اول واحد فانا هقولك تعملي اي وحل يرضيكي ويرضي اهلك
زينب بحزن قول
سيف بصي البسي عادي زي مابتلبسي ومتحطيش حاجه في وشك
زينب بضحك انت مش بطفشه انت بس غيران عليا
سيف بضحك اه طبعا انا بقولك متحطيش حاجه علشان غيران انما طز في اهله هو ميطولش ياخد اختي كده كده ولا يناسب عيله الرفاعي انتي قمر من غير حاجه اصلا
زينب بضحك والله انت حبيبي يا سيف كمل يا امن وامان مصر
سيف ضحك واكمل وتطلعي سلمي على الناس واسكتي هيطلب يقعد معاكي اقعدي و ردي كل اجابه على قد السؤال وقوليها صريحه انك مش عايزاه مفيش راجل هيقبلها على نفسه
زينب بضيق انت قولتلي متقعديش ومش مهم الناس انا مش عايزه اقعد بجد يا سيف افرض لزق
سيف بضحك متخافيش مش هيلزق ولو لزق عرفيني انا هشيله من حياتك خالص وانا اه قولتلك كده بس فكرت في سمعتك انتي لانك مش اول مره ترفضي ومبقتيش صغيرة فلما فكرت بعقل شويه لقيت ان الناس هتفضل تتكلم اي سر رفضك المستمر مانتي عارفه وانا اللي يجيب سيرتك اقطعله لسانه فعلشان خاطري مؤقتا هاوديهم واقعدي وكده كده هيترفض ... لحد ما اجيلك ونشوف مين سمو الامير اللي مخليكي رافضه كل دول ومغلبانا معاكي
زينب ضحكت واكملت بحب انا بحبك اوي بجد
سيف بحب وانا بموت فيكي ولو مصممه مش عايزه تقعدي معاه اكلملك بابا ان
زينب بمقاطعه وابتسامه لا هقعد واعمل زي مانت قولتلي خلاص
سيف بحب ماشي يا حبيبتي ولو عرفت اكلمك هكلمك تاني وتابع بتحذير واوعي تحطي حاجه في وشك اوعي
زينب بضحك مش هحط والله متقلقش
سيف بحب ماشي يا حبيبتي عايزه حاجه
زينب بحب سلامتك وتابعت بحزن هترجع امتى يا سيف
سيف بتنهيده الله واعلم بجد يا زوزا فادعيلي
زينب بحب ربنا معاك ويقويك وينصرك ياحبيبي وترجعلنا بالف خير
سيف بحب اللهم امين يارب يلا سلام يا حبيبتي خلي بالك من نفسك
زينب بحب حاضر سلام
وقفلت
عمر بوجع واضح في صوته كنت عايز اطلب من حضرتك طلب يا قائد
سيف بستغراب قائد !!!! امممم يبقى طلب يخص الشغل خير يا عمر
عمر بتنهيده اه يا فندم والدتي تعبانه جدا ومحتاج انزل اجازه اوديها للدكتور
سيف بتنهيده الف سلامه على ست الكل بس منتا عارف ان المهمه خلاص قربت واحنا في معسكر مقفول مش وقته نزول نهائي محدش يعرف يتصرف غيرك طيب؟
عمر بحزن للاسف لا يا فندم اسمحلي انزل انهارده وانا بكره باذن الله هكون هنا مش هتلاحظ غيابي ابدا وهدخل المهمه عادي
سيف انا عامل معسكر مقفول علشان كنت تدخل في مود المهمه ونزولك اسيوط هيخلي اعصابك تتوتر لما تشوف والدتك تعبانه ومش هتركز لشغلك
عمر بحزن لا يا فندم حضرتك عارف ان شغلنا حاجه ومشاعرنا حاجه تاني خالص فمتقلقش عليا قد ثقتك باذن الله
سيف بابتسامه خلاص روح يا حبيبي وطمني عليها وبلاش جو الرسميات ده بينا انت اخويا يالا
عمر ابتسم واكمل ده العشم بردو يا سيف بيه عن اذنك
وخرج
سيف باستغراب ماله الواد ده انهارده
ومسك فونه وكلم واحد صاحبه من اسيوط واكمل ايه يا باسم
باسم بحب اي يحبيبي اخبارك اي واحشني
سيف بابتسامه وانت اكتر والله انا زي الفل المهم عايز منك خدمه
باسم بحب اؤمرني يابااشا
سيف بحب الامر لله بص بقى
في الخارج
حسن هاا كل ده علشان يرضى تنزل
عمر بحزن وافق بس علشان كان بيتكلم استنيته يخلص
حسن بستغراب مالك يا عمر في ايه
عمر بوجع لالا مفيش حاجه عن اذنك يا حسن علشان الحق انزل واجي تاني بسرعه
ومشي تحت استغراب حسن لملامحه
--------------------------------------------
في كليه العلوم عند نور
نور خرجت من المدرج وكانت عايزه تروح الكافيه بس فضلت تمشي تمشي وحست نفسها بعدت اوي وتايهه
نور بضيق اووف ياربي انا تعبت والله كانت هنا راحت فين ياريتني استنيت هند اجي معاها .. طب اعمل اي دلوقتي وابتدت تتوتر لما بصت وراها وحست انها مش عارفه تمشي منين فاتصلت بيونس
يونس وهو بيقلب في الورق في مكتبه اكمل اي يانوري
نور بعياط ابيه
يونس قام من مكانه واكمل بقلق مالك يا نور بتعيطي ليه
نور بعياط انا خرجت قبل هند وهي كانت حافظه كل حته في الجامعه وتوهت ومعرفش انا فين دلوقتي
يونس بقلق الله يخربيت اهلك منا حفظتك مكان الكافيه وكليتك والبوابه عايزه ايه تاني انتي
نور بتبص حواليها واكملت بعياط معرفش بس تقريبا انا خرجت من البوابه منه لله قاسم كنت بتشات معاه وسرحت خالص في المشي
يونس يا شيخه الله يحرقك انتي وقاسم بصي حواليكي طيب اوصفيلي انتي فين
نور بتوتر ودموع في شجره كبيره اوي و
يونس بحده انتي بتستعبطي صح شجره ايه وزفت ايه اللي هلاقيكي منها
نور بعياط طب بتزعقلي ليه طيب دلوقتي ... اقفل ... اقفل انا بجد غلطانه كلمتك علشان قريب مني قولت تلحق بنت عمك
يونس بضحك طب خلاص خلاص اهدي متعيطيش وحاولي اوصفيلي بطريقه ادق او اسألي حد ارجوكي انتي فين
نور بتوتر لا لا في شباب واقفين وشمامين خايفه اسألهم
يونس بضحك شمامين !!!!
نور بعياط اه والله باين عليهم كده
يونس بقلق طب بصي متبصيش عليهم علشان محدش يضايقك ركزي معايا انا هفضل اتكلم معاكي لحد ماوصلك وفكر واكمل صح ابعتيلي اللوكيشن وانا هجيلك
نور بتوتر اقولك على حاجه بس متتعصبش
يونس بضحك مبتعرفيش تبعتي اللوكيشن
نور بضحك عليك نور يا دكتور هو ده
يونس بضحك ده انا نور دي قرفتني في عيشتي بصي يا نور هانم ادخلي على شاات الواتساب عندي
نور ثواني خليك معايا ... اهو دخلنا
يونس تمام دوسي على الدبوس اللي جمب الكاميرا هتلاقي الموقع دوسي عليه وابعتي
نور بدموع وخوف علشان شافت حد بيقرب منها اكملت اهو بعت
يونس يخربيت اهلك خرجتي من الجامعه فعلا الحته دي مقطوعه خليكي مكانك جايلك
نور بعياط وتوتر ابيه دول بيتهامسوا عليا والله العظيم
يونس بقلق بصي في قدامك كافيه وحيد اصلا في المكان ده ادخلي اقعدي فيه لحد ما اجيلك
نور بتوتر تمام بسرعه الله يخليك وراحت قعدت بلفعل
يونس متخافيش والله جايلك وابتدى يسرع بخطواته
نور بقلق ودموع يارب بجد انجز انا مرعوبه وبتبص حواليها
يونس بقلق اهدي والله متخافيش انا قربت اهو
وقاسم رن على نور لان مش لاقيها لقاها مشغول فرن على يونس كان نفس الوضع بس رد عليه واكمل بقلق قاسم معلش نور تايهه ورايح اجيبها فبكلمها علشان هي مرعوبه
قاسم بقلق تايهه! !!! تايهه فين
يونس بعتلك اللوكيشن تعالى لو انت قريب
قاسم شافه واكمل بقلق جايلكم سلام
يونس سلام ورجع لنور
نور بعياط كنت فين
يونس بضحك اهدي اهدي كنت بكلم خطيبك بعرفه مكانك قلقان عليكي
نور شافت الشباب بتقرب من التربيزه بتاعتها فقامت واكملت بتوتر لالا انا مش مرتاحه هخرج من الكافيه
يونس بقلق في ايه حصل حاجه
احد الشباب باعجاب طب ماتقعدي طيب نتعرف قايمه ليه
نور اتوترت وخرجت بسرعه وطلعت تجري وهي بتعيط وسمعاهم بيجروا وراها واكملت بعياط يا ابيه دول بيجروا ورايا
يونس بخوف اهدي طيب متخافيش والله قربت منك اهدي خلاص
نور بعياط وهي بتجري اكملت انا مرعوبه بجد وفضلت تكح ونفسها اتقطع
يونس بخوف بص للفون واكمل قربت عليكي يا نور والله خليكي بتجري في نفس الاتجاه ده والله محدش هيأذيكي اهدي
نور فضلت تجري وهي بتعيط واكملت بخوف يارب يا ابيه بجد توصلي انا خايفه وبتبص وراها شافتهم بعيد عنها ففضلت تجري بسرعه وقطعت مسافه كبير فخبطت في حد فصوتت وعيطت
يونس بخوف بس بس ده انا وطبطب عليها وهي بتعيط ومنهاره
نور رفعت وشها لقيته هو فحضنته واكملت بعياط مشيني من هنا يا ابيه ارجوك مشيني من هنا
يونس طبطب عليها واكمل اهدي اهدي خلاص والله محدش موجود متخافيش
قاسم وصل وهو بياخد نفسه بلعافيه فشافه حاضنها اتعصب وراح شدها من حضنه واكمل بحده انت بتستعبط ازاي تحضنها كده
يونس بحرج قاسم انا اسف بس نور دي عيله بنسبالي وخبطت فيا من غير قصدها وكانت خايفه
قاسم بحده لا هو العيب مش عليك انت اصلا وبص لنور بحده اللي اترعبت من نظرته واكمل هوريكي بس الصبر
يونس بتنهيده حقك عليا غلطه ومش هتقرر بس دي من عمر شهد انا اخوها الكبير
قاسم بحده بس مش اخوها يا يونس انا مبتكلمش عن نيتك تجاها انا عارف ان نور بتعتبرك زي مازن واكتر وانت شايفها زيها زي شهد بس مينفعش اللي حصل ده
يونس اكيد طبعا حقك عليا انا هي عيله و خافت فكانت حركه تلقائيه متزعقش معاها خلاص حقك عليا انا
قاسم بغضب مكتوم تمام اللي حصل حصل خلاص
نور خافت من قاسم فحبت يونس يفضل معاهم لحد مايهدى شويه علشان ميهزقهاش فاكملت بابتسامه مزيفه طب انا نفسي اتقطع من الجري ممكن نرتاح هنا شويه في الكافيه ده
يونس بابتسامه اتبسطوا انتوا انا عندي شغل يلا هروح انا
نور مسكت ايده واكملت بتوتر لا تعالى اشرب معانا حاجه ونهدى من الموقف ده شويه وروح علشان خاطري
قاسم بص على ايديها فسابت يونس بتوتر
يونس فهم هي ليه بتعمل كده واكمل بابتسامه طيب تمام
وقعدوا هما التلاته في كافيه واكمل يونس بضحك كله من وراك انت ورغيك معاها سرحت في الطريق
قاسم بضحك وربنا يابني كنت عمال اقولها ركزي في الطريق تقولي مركزه متقلقش ماواضح التركيز
نور بحب مش بكلم قاسم حبيبي طبيعي سرحت
يونس بضحك اتفضل يا عم
قاسم بضحك تثبيت ده انا عارف علشان مهزقهاش وبصلها واكمل مباكلش منه شبعنا
نور بضيق بايخ وضربته في كتفه
يونس ها هتشربي ايه
نور عصير مانجا وقاسم زيي
قاسم بضحك ده بلعافيه يعني ولا ايه
نور بضحك اممم تحب اللي بحبه
قاسم بحب يبقى مختلفناش تمام
وبلفعل طلبوا وقعدوا يشربوا
نور وهي بتشرب قولي بقى يا ابيه
يونس قولي
نور بغمز الجو معرفتش عنها حاجه
يونس بتنيهده منا قولتلك اتجوزت خلاص بلاش السيره دي احسن
نور منا عارفه انا اقصد مطلقتش علشان نجوزهالك
يونس بضحك لا ياختي مطلقتش وتابع بوجع واضح ربنا يسعدها خلاص كبري دماغك من السيره دي يا نور
قاسم وانت يا صاحبي هتفضل حاطط في نفسك كده ومش هتتجوز علشان واحد محبتكش
يونس بتنيهده بس انا بحبها بص يا قاسم سهل اوي اني اعيش حياتي واعمل نفسي مش فارقلي بس صعب اوي القلب ينسى حد حبه بجد احنا ممكن نعيش عادي ونشتغل وننجح بس تيجي عن الحته دي تلاقي نفسك محلك سر ورجعت نقطه الصفر تاني
قاسم بحب معاك وفاهمك لاني كده مع نور مقدرش اشوف غيرها بس مش حرام حياتك دي تضيع كده
يونس بتنهيده لا اعتقد الحرام فعلا اني اجيب بنت ناس من بيتها واتجوزها وانا قلبي مع غيرها فبما اني مش عارف اكون للي حبيتها فمش هتجوز خالص لاني بجد مقدرش اعملها ولا ارضاها لياسمين وشهد
قاسم بحب ربنا يريح قلبك يا صاحبي
يونس بوجع اللهم امين يارب
نور بحب حاسه هيجي يوم ربنا يعوضك وتنسي وتقول نور قالت
يونس بابتسامه معتقدش لاني قولت زمان وهقولها طلما مش ليها هي مش هبقى لحد تاني هي محبتنيش اه وراحت شافت غيري واتجوزت وخلفت بس انا مش قادر اشوف غيرها للاسف ومشاعرنا مش بمزاجنا وطلما مش عارف اتخطي يبقي اعيش لنفسي اريح
نور بحزن ربنا يريح بالك وقلبك يارب
يونس بحب يارب يلا اسيبك مع خطيبك شويه متتاخروش و روحي
نور بابتسامه حاضر
يونس بحب يلا سلام يا قاسم
قاسم قام سلم عليه واكمل سلام يا حبيبي وقعد وبص لنور لقاها بتبتسم
قاسم بضحك اه ده علشان مهزقكيش ولا ايه
نور بحب طب قولي ايه يرضيك وانا اعمله
قاسم بضحك الله دي دخلتلي بليفل الوحش
نور بحب منتا عارف هي نور بتعشق قد قاسم فكل الدنيا
قاسم بضحك امممم ومحدش بيرفع ضغط قاسم غير نور بردو فك
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
تعليقات
إرسال تعليق