رواية عشق درغام الفصل الأول حتى الفصل السادس بقلم دنيا ثروت حصريه وجديده
بابا انا كتبت كتابي
ماشي ياحبيبتي هتعزميني علي الدخله امتي بقا
مريم : بابا انا مش بهزر انا كتبت الكتاب خلاص
صابر بيقوم من علي الكرسي ويقرب ليها : بتخرفي تقولي اي يامريم ولا لسه مفوقتيش من البنج
مريم : بابا انا بحبه و.
قبل ماتكمل تلقت اقوي صف*عه في حياتها
صابر : من انهارده ابوكي ما*ت انا معنديش بنت اسمها مريم دفن*تها انهارده... تلمي هدومك ومشوفش وشك تاااني
.... بعد مرور ساعتين في المستشفي
تحديدا في غرفة مريضه عمري لا يتعدي ال45 سنه في غيبوبه!
مريم مسكت ايديها ودموعها منهمره: لو مش عشانك مكنتش عملت كدا.. انتي عارفة كويس انا قلبي مع مين بس كان لازم اعمل كدا عشان ترجعيلي بألف سلامة.. باستها من راسها وقربت علي ودنها همستها = يمكن في يوم ارجعلك يام
في المساء
مريم : يعني مش هتسلم عليا قبل مامشي
صابر كان قاعد ومنطقش بحرف
مريم بحنيه : عارفه ان قلبك هيلين وترجع بابا اللي ملهوش غير مريم.. مسكت هدومها وبصت بصه اخيره في البيت ومشيت
بعد مرور ساعتين في قصر يشبه الملوك
فتح الباب بشموخه وغروره : اتأخرتي ياهانم
مريم :معلشي انا اسفه اتاخرت عشان بابا
درغام : هشششش مش عايز كلام كتير يلا ادخلي علي المطبخ شوفي شغلك
مريم : اشوف اي انا مراتك!
درغام : مراتي علي الورق لكن في القصر خدامه تخدميني انا ومراتي...!!!!!
 |
الثاني
انت متجوز يادرغام؟!!!!!!!
درغااام بيه اياكي تتعدي حدودك تاني مرة
مريم وقعت منها الشنطه : انت بتقول اي يادرغام
درغام : قولت زفت درغام بيه.. اي اللي بقولة جديد انتي جايه تخدميني انا ومراتي
مريم : واتجوزتني لي
درغام : عشان تجيبي ولي العهد
مريم بصدمه : ازاي!!
درغام بضحكه خبيثه : اوعي تفتكري ان اتجوزتك عشان اعالج امك ولا عشان عايزك.. ياحبيبتي انا معالجتش امك اصلا امك معندهاش حاجه ده كله كان تمثيليه وانتي زي المغفله صدقتي
مريم مستحملتش كلمة واحدة منه وضر*بته بالقلم : انت اكيد حيوا*ن مش انسان
درغام مسكها من طرحتها بكره شديد : مجتيش معايا سكه يومها فكانت عايز اعرفك انك هتيجي برجلك بيتي ورماها علي الارض = ده انتي تحمدي ربنا ان ليكي الشرف ان تشيلي ابني في بطنك
مريم بخوف شديد منه : مستحيل اخليك تلمسني مستحيل
درغام : ههههه ضحكتيني انتي عايزاني المس واحده زيك واخون مراتي شدها من علي الارض وسحبها لغرفه شبه مستودع ورماها فيها وقفل = بكره المدام تيجي تفتحلك...
💫💫💫💫💫💫💫💫💫💫💫💫💫💫💫💫💫💫💫💫
في بيت بسيط
شاهي: قولتلك يابابا مش عايزة ارجع هو مش بيحبني وانت عارف كدا
محمد : يابنتي درغام بيه بيحبك لو مش بيحبك مكنش اتجوزك رغم كل البنات اللي قدامه
شاهي : يابابا اسمعني انا مش بخلف واهو أقرب حاجه قالي هطلقك عشان مش بتخلفي
محمد :يابنتي الراجل اعتذر بدل مره الف عايزاه يعمل اي تاني ده انتو عشرة سنتين
شاهي بعياط شديد : مش قادره اعيش معاه وانا مخبيه عليه يابابا احنا ضحكنا عليه ان متجوزني وانا بنت.....!!!!!!
الثالث
#عشق_درغام
لو عرف انه مكنش اول حد لمسك كلنا هنمو*ت
شاهي : يابابا لازم نقوله انا مش هقدر اعيش بالذ*نب ده
محمد : يابنتي انتي بتحبيه وهو بيحبك عايزة تخربي بيتك بإيدك
شاهي : عشان خاطري يابابا خلينا نطلق انا وهو خليني ارتاح
محمد : انا مش هسيبك تخربي بيتك بسبب غلطه حصلت زمان وفجأه سرح في خياله وعيونه بتدمع في صمت
شاهي جريت عليه ومسكت ايديه ومسحت دموعه : خلاص يابابا مفتكر عشان خاطري خلاص متزعلش
محمد بص في عينها بخوف : هترجعيله يابنتي
شاهي حضنته بدون تفكير : هرجعله يابابا متعيطش تاني عشان خاطري دموعك غاليه عليا
محمد طبطب عليها بحنية...
💫💫💫💫💫💫💫💫💫💫💫💫💫💫💫💫💫💫💫💫
اليوم التالي وتحديدا علي باب القصر
شاهي بتخبط علي الباب بهدوء
درغام فتح ببرود تام : اي اللي رجعك ياهانم
شاهي : حقك عليا انا مشيت ودي اول مرة امشي واسيبك
درغام دخل وسابها علي الباب دخل قعد على الكرسي ببرود وهو مش بيديها اي اهتمام
شاهي : حقك عليا يادرغام متزعلش مني ده احنا بينا عشره انت عارف انا بحبك قد اي
درغام :انا اللي غلطان دلعتك ووقت ماقولتي عايزة تعيشي لوحدك في البيت قولت ماشي وماله وسيبت العيله كلها وجبتلك القصر ده
شاهي : انت عملت كتير حلو معايا مش هنكر بس انت كسرت قلبي قولتلي انك عايز تطلقني وان مليش لازمة
درغام قام وقرب عليها ببصه مقر*فه: انتي فعلا ملكيش لازمة ولا حتى هيبقي ليكي طالما انتي عقيم يبقي زيك زي الزبا*له.....!!!
الرابع
#عشق_درغام
طالما انتي عقيمه يبقي زيك زي الزباله...
شاهي : انت فايق للي بتقوله يادرغام
درغام : اه فايق وفايق اوي كمان انا جوزك اقول اللي عايزة انتي تقولي حاضر ونعم
شاهي بدموع : طلقني
درغام قرب عليها بضحكه خبيثه :هطلقك بعد مايجي ولي العهد
شاهي مسحت دموعها بصدمه: يعني اي
درغام مشي للغرفة اللي حبس فيها مريم وفتح الباب كانت نايمه في لحظة رمي عليها مايه متلجه
مسكها من ايديها ورماها علي الارض قدام شاهي
شاهي : مين دي وبتعمل اي هنااا
درغام : دي اللي هتجيب ولي العهد
مريم بترجع بخوف منه ومن نظراته : انت اي اللي بتقوله
درغام : اللي بقوله هيمشي علي الكل البت اللي علي الارض قدامك دي خدامة مش اكتر جايبها من الشارع واحدة وكانت عايزه فلوس هنأجر الرحم بتاعها وهيجي ولي العهد
شاهي : وبعدين!!
درغام : وبعدين ياروحي هنرميها في الزبا*له ونربي ابننا
شاهي : انا مش عايزاك ولا عايزة ابنك عايزاك تطلقني وخلف منها هي انا مااالي
درغام ضر*بها بالقلم : عايزاني اخلف من خدامة انا اخلف منك ياعقيمه اشرف من ان اخلف من مساحه البيوت
شاهي فضلت ساكته وهي حاطة أيها علي خدها
درغام :من النجمة عيلتي كلهم هيجي وانا عارف هيربوكو ازاي ويعرفوكو مقامكو ولو فكرتي تخرجي من بيتك ياشاهي هتلاقي ابوكي ج*ثه قدامك
مريم فضلت تبص عليه وترجع لورا سرحانه ازاي حبت شخص قاسي زي ده...!!!!!!
💫💫💫💫💫💫💫💫💫💫💫💫💫💫💫💫💫💫💫
صباح اليوم التالي
تخبيط كان علي الباب شديد
درغام فتح.. كانت ست كبيرة شديده في نفسها عمرها يبلغ ال50 لكن شبابها ظاهر علي وشها خافي سنها تماما...!
درغام جاي يبوس ايديها بعدتها عنه بعصبيه : بعيد عن امك كل ده يادرغام أفندي
درغام : امي انتي عارفه الشغل و
سلطانة : شغل يشغلك انك تشوف السلطانة.. في ثانيه اخليك شحات زي ماكنت وملكش اي فلوس
درغام : صدقيني كنت في مشاغل
سلطانة :مش عايزة اسمع كلمة فين مراتك ولا نايمة الهانم
شاهي من وراه بإبتسامه خفيفة : اهلا وسهلا ياماما نورتي البيت
سلطانه بصوت عالي هز القصر : أنا متشرفشش اكون آمك ياخطافه الرجاله... لولا أن في بطنك حفيدي كنت طردتك لكلاب الشوارع..!!
شاهي : حفيد اي انا مش حامل...!!!؟؟؟؟!!
الخامس
#عشق_درغام
مالك مصدومة لي انا مش حامل ياحماتي شكله ابنك كدب عليكي
درغام : معلشي ياماما شاهي بتحب تضحك صح ياشاهي
شاهي بضحكه : صح ياحبيبي مش عارفة ماما صدقت لي ده انا بحب اعمل مقالب والله ههههه اخص عليكي ياماما
سلطانه بعصبيه اكتر : انت ازاي توافق ان مراتك تهزر معايا اصلا
درغام : خلاص ياماما بقا حقك عليا يلا بس ادخلي انتي وارتاحي وانا هخلي الخدامة تطلعلك علطول
سلطانه : والله دلعك اللي جايبنا الأرض وبصت عليها من فوق لتحت وطلعت علي اوضتها
قرب درغام علي شاهي بخبث شديد : انتي بتحبي الحوارات دي لي
شاهي : انا مش بحب حاجه وانت عارف كدا كويس قولتلك طلقني وخليني ارتاح
درغام : ولما اطلقك انا اعيش ازاي
شاهي : انت لي محسسني انك شاريني
درغام مسك وشها بحنية : قولتلك ان المشاكل دي بتحصل بين اي اتنين متجوزين لي مش مصدقاني
شاهي بتشيل ايديه بهدوء : بس دي المرة المليون كل مرة بعدي وبقول جوزي حبيبي لازم اطيعه لكن المرادي غير يادرغام انت رايح تجيب واحدة من الشوارع وتخليها تحمل بإبننا وطلعت علي اوضتها من غير ولا كلمة منه
مريم كانت في المطبخ سامعاهم قعدت على الترابيزة وهي بتبص للفراغ : انا لي سيبت بابا وجيت هنا لي عصيته وعصيت اوامره اكيد زعلان مني
دخل عليها درغام فاقت من شرودها ومسحت دموعها : عايز اي
درغام : اطلعي ودي الشاي لأمي ومتتكلميش معاها ولا حرف
لسه هيمشي مريم مسكت بإيديه بعياط : عشان خاطري يادرغام عايزة اشوف بابا
درغام صوت ضربات قلبه لأول مره يسمعها حاسس ان عايز يحضنها هي وايديها في قلبه وحياته لف ليها وشال ايديها من ايده قرب عليها اكتر وبدأ يحسس علي شعرها بحنيه : مشوفكيش تترجيني تاني يامريم انتي مراتي فاهمة....!!!؟؟؟
( شخصيته غريبة مش هخبي عليكو في جزء عنده قاسي وجدا كمان بس عيون مريم قادره تظهر الجزء الحنين منه دموعها قادره تكسره... هل بقا هيفضل يضعف قدامها ولا!!!!!)
السادس
#عشق_درغام
عليها اكتر وبدأ يحسس علي شعرها بحنيه : مشوفكيش تترجيني تاني يامريم انتي مراتي فاهمة
مريم بتبعد عنه بخوف : بجد يادرغام
درغام بلع ريقه ورجع لجموده : مش قصدي حاجه انتي عارفه انك مراتي وده حقك تشوفي اهلك بكرة هاخدك لباباكي انا همشي دلوقتي متنسيش تطلعي للسلطانه
درغام مشي ومريم فضلت حاطه ايدها علي خدها وهي بتبص لطيفة مستغربه ازاي هو ده نفس الشخص القاسي!!!
خبطتت بهدوء ولما سمحت ليها السلطانه دخلت
سلطانه تفحصتها من فوق لتحت وضحكت بهدوء : معقول انتي الخدامه هنا
مريم : تحت امرك في اي حاجه تعوزيها درغام بيه قالي اطلعلك الاكل ولا محتاجه حاجه تانيه
سلطانه : حطي الاكل على الترابيزة وتعالي اقعدي جنبي
مريم استغربت من عطفها قربت عليها وهي خايفه منها
سلطانة قعدتها جنبها بحنيه وطبطبت عليها : في اي خايفه لي درغام قالك حاجه
مريم : مفيش حاجه ياهانم بس يعني عيب اقعد مع حضرتك كدا
سلطانه : انا ارتحتلك اوي وشكلك كدا هتبقي صاحبتي ههه.. المهم قوليلي اسمك اي
مريم : اسمي مريم ياهانم
خبطت شاهي ودخلت من غير استئذان : اي ده اي اللي جابها هنا ياحماتي
سلطانه : هو انا قولتلك تدخلي عشان تدخلي
مريم : طب انا استأذن عن اذنكو
شاهي بصت بقرف ليها : متطلععيش تاني الدور ده انتي مكانك تحت مش اكتر
مريم دموعها اتجمعت في عينها ونزلت في صمت
💫💫💫💫💫💫💫💫💫💫💫💫💫💫💫💫💫💫💫💫
في الشركه وتحديدا في غرفة درغام
درغام : عايزك تلاقي شغل لعم صابر
عاصم : درغام انت عارف ان الراجل كبير مش هيستحمل شغل النظافه هنا خالص
درغام بزعيق : انت مجنون ياعاصم ده راجل عنده 50 سنه
عاصم : مش متعلم اي حاجه يادرغام ومش هينفع يشتغل غير كدا
درغام : ميخصنيش عايز شغل مريح ليه عشان يعرف يصرف علي نفسه ومراته
عاصم : وهو لما يعرف انك جوز بنته متخيل هيجي يشتغل هنا!
درغام: محدش عارف غيرك ولا حتي هو هيعرف
💫💫💫💫💫💫💫💫💫💫💫💫💫💫💫💫💫💫💫💫
في المساء
مريم كانت بتمسح دموعها وهي بتطبخ ليهم
دخل عليها درغام.. اول ماشاف دموعها روحه كادت تتخلع من مكانها كأنه قلبه بيتكسر قدامه ومش عارف يتصرف.... قرب عليها بحنيه =مالك يامريم تعيطي لي
مريم : مفيش حاجه يابيه 5 دقايق والاكل يجهز
درغام مسك ايدها ولفها ليه : مالك يامريم انطقي وبعدين اي بيه دي
مريم : شاهي هانم قالتلي ان مكاني هنا وزعقتلي قدام السلطانه انا والله مكنش قصدي اطلع انت اللي قولتلي
درغام في لحظة شدها لحضنه : مكانك مش هنا مكانك فوق وعلى سريري وجنبي لإنك مراتي يامريم....!!!!!!؟؟
معلش ياجماعه درغام حبيبي مجنون شويه
تابعووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق