ورده ذابله بقلم مريم اليوسف حصريه وجديده وكامله جميع الفصول
ﺭﻫﻒ ﻗﺎﻋﺪﺓ ﻋﺎﻟﻨﺖ ﻋﻢ ﺗﺘﺼﻔﺢ ﻭﺗﺪﻭﺭ ﻋﻠﻰ ﻃﺮﻕ ﺗﺨﻠﻲ ﺍﻟﺰﻭﺝ ﻳﺤﺒﺎ
ﺭﻫﻒ : ﻭﺍﻟﻠﻪ ﻫﺎﻱ ﺍﻟﻄﺮﻳﻘﺔ ﺑﺎﻳﻨﺘﺎ ﺑﺘﺠﻴﺐ ﻧﺘﻴﺠﺔ ﺍﻧﺎ ﺍﺻﻼ ﻭﻻ ﻣﺮﺓ ﺟﺮﺑﺖ ﻫﻴﻚ ﺷﻲ .. ﺭﺡ ﻧﺒﻠﺶ ﻣﻦ ﺍﻟﻌﺸﺎ ﺍﻟﺮﻭﻣﻨﺴﻲ ﻭﻓﺴﺘﺎﻥ ﺍﻟﺴﻬﺮﺓ ﺍﻻﺣﻤﺮ
ﻗﺎﻣﺖ ﻃﻌﻤﺖ ﺍﺑﻨﺎ ﻳﻠﻲ ﻋﻤﺮﻭ ٥ ﺍﺷﻬﺮ ﻭﺑﻠﺸﺖ ﺑﺘﺤﻀﻴﺮ ﺍﻟﻌﺸﺎ ﺻﺎﺭ ﺍﻟﻤﻐﺮﺏ ﻛﺎﻥ ﺍﺑﻨﺎ ﻫﻤﺎﻡ ﻧﺎﻳﻢ ﻭﻫﻴﺔ ﻓﺎﺗﺖ ﻋﻠﻰ ﻏﺮﻓﺔ ﺍﻟﻨﻮﻡ ﺣﻄﺖ ﻃﺎﻭﻟﺔ ﺻﻐﻴﺮﺓ ﻭﺣﻄﺖ ﻋﻠﻴﻬﺎ ﺍﻻﻛﻞ ﻭﻟﺒﺴﺖ ﻓﺴﺘﺎﻥ ﺍﻟﺴﻬﺮﺓ ﻳﻠﻲ ﺍﺧﺘﺎﺭﺗﻮ ﻭﺳﻤﻌﺖ ﺻﻮﺕ ﺟﻮﺯﺍ
ﻧﺼﺮ : ﺭﻫﻒ .. ﺭﻫﻒ
ﺭﻫﻒ : ﺍﻱ ﺣﺒﻴﺒﻲ ﺍﻧﺎ ﻫﻮﻥ ﺑﻐﺮﻓﺔ ﺍﻟﻨﻮﻡ
ﻧﺼﺮ : ﺣﺒﻴﺒﻲ ؟؟
ﻗﺮﺏ ﻭﻓﺘﺢ ﺑﺎﺏ ﺍﻟﻐﺮﻓﺔ ﻭﺍﺗﻔﺎﺟﺊ ﺑﺠﻤﺎﻝ ﺍﻟﻐﺮﻓﺔ ﻭﺑﺠﻤﺎﻝ ﻣﺮﺗﻮ ﻣﻊ ﺍﻧﻮ ﻣﺎﻓﻲ ﺑﻘﻠﺒﻮ ﻭﻻ ﺫﺭﺓ ﺣﺐ ﺗﺠﺎﻫﺎ ﻻﻥ ﺑﺤﺐ ﻭﺣﺪﺓ ﺗﺎﻧﻴﺔ ﺑﺲ ﺍﻱ ﺭﺟﺎﻝ ﻣﺎﻓﻴﻪ ﻳﻘﺎﻭﻡ ﻫﻴﻚ ﺷﻲ .. ﻓﺮﺡ ﻭﻋﺼﺐ ﺑﻨﻔﺲ ﺍﻟﻮﻗﺖ
ﻧﺼﺮ : ﺍﻧﺖ ﺷﻮ ﻋﺎﻣﻠﺔ ﻫﻮﻭﻥ
ﺭﻫﻒ : ﻣﺎﻋﺠﺒﻚ
ﻧﺼﺮ : ﻻ ﺷﻴﻠﻲ ﻫﺎﻟﻤﺴﺨﺮﺓ ﻭﻏﻴﺮﻱ ﻳﻠﻲ ﻻﺑﺴﺘﻴﻪ
ﺣﺴﺖ ﻛﺄﻧﻮ ﺣﺪﺍ ﺻﻔﻌﺎ ﻣﻠﻴﻮﻥ ﻛﻒ
ﺑﻴﻦ ﻋﻠﻴﻬﺎ ﺍﻟﺰﻋﻞ ﻭﺍﻟﺪﻣﻌﺔ ﻛﻴﻒ ﻋﻢ ﺗﺤﺎﻭﻝ ﺗﺨﺒﻴﻬﺎ
ﻗﺮﺑﺖ ﻟﺘﺸﻴﻞ ﺍﻟﻌﺸﺎ
ﻧﺎﺻﺮ : ﻟﺤﻈﺔ ﺧﻠﻴﻪ ﺟﻮﻋﺎﻥ
ﻗﺮﺏ ﺍﻛﻞ ﻭﻫﻮ ﻣﻘﻬﻮﺭ ﻟﻴﺶ ﺣﻜﻲ ﻣﻌﺎ ﻫﻴﻚ ﺑﺲ ﻣﺎﺑﺤﺒﺎ ﻭﺗﻘﺮﻳﺒﺎ ﻣﺨﻠﻴﻬﺎ ﻋﻨﺪﻭ ﺷﻔﻘﺔ ﺍﻭ ﻳﻤﻜﻦ ﻻﻧﻮ ﻣﺎﺿﻠﻼ ﺣﺪﺍ
 |
ﻧﺼﺮ : ﺷﺒﻌﺖ ﻗﻮﻣﻲ ﺷﻴﻠﻴﻪ
ﻗﺎﻣﺖ ﺷﺎﻟﺘﻮ ﻭﺳﻜﺮﺕ ﻋﻠﻰ ﺣﺎﻻ ﺑﺎﺏ ﺍﻟﻤﻄﺒﺦ ﻭﻗﻌﺪﺕ ﺗﺒﻜﻲ ﻃﺒﺖ ﻋﻠﻰ ﺍﻟﻄﺎﻭﻟﺔ ﻭﺻﺎﺭﺕ ﺗﺘﺬﻛﺮ
****** ﻓﻼﺍﺍﺍﺍﺍﺵ ﺑﺎﺍﺍﺍﺍﺍﻙ *******
ﺭﻫﻒ : ﺍﺧﺘﻲ ﻣﺸﺎﻥ ﺍﻟﻠﻪ ﻓﻬﻤﻴﻨﻲ ﻧﺼﺮ ﻣﺎﺑﺤﺒﻨﻲ ﻛﻴﻒ ﺑﺪﻙ ﺍﻳﺎﻧﻲ ﺍﺗﺰﻭﺟﻮ
ﻋﻼ : ﺍﺧﺘﻲ ﻧﺼﺮ ﺍﺑﻦ ﻋﻤﻚ ﻭﻣﺠﺒﻮﺭ ﻳﺘﺰﻭﺟﻚ ﺍﺣﺴﻦ ﻣﺎﻧﻚ ﻣﺸﻨﺘﻄﻨﺔ ﻳﻮﻡ ﻋﻨﺪ ﻋﻤﺘﻚ ﻭﻳﻮﻡ ﻋﻨﺪ ﺧﺎﻟﺘﻚ ﻟﻮ ﺍﻧﺎ ﻣﺎﻧﻲ ﻣﺘﺰﻭﺟﺔ ﻭﺍﻟﻠﻪ ﻣﺎﻛﻨﺖ ﺧﻠﻴﺘﻚ ﺗﺘﺰﻭﺟﻲ ﺑﺲ ﻫﻴﻚ ﻟﺤﺎﻟﻚ ﻣﺎﻓﻴﻨﻲ ﺧﻠﻴﻜﻲ ﺑﻌﺪ ﻣﺎﻣﺎﺗﻮ ﺍﻣﻚ ﻭﺍﺑﻮﻛﻲ ﺍﻟﻠﻪ ﻳﺮﺣﻤﻮﻥ
ﺭﻫﻒ : ﺑﻀﻞ ﻋﻨﺪ ﺧﺎﻟﺘﻲ ﻫﻴﺔ ﺑﺘﺤﺒﻨﻲ ﻭﻗﻮﻳﺔ ﻭﻣﻌﺎ ﻣﺼﺎﺭﻱ ﺑﺘﻘﺪﺭ ﺗﺼﺮﻑ ﻋﻠﻲ
ﻋﻼ : ﻋﻤﺎﻣﻚ ﺍﺟﺘﻤﻌﻮ ﻭﻗﺮﺭﻭ ﻭﺧﻠﺺ ﻭﺍﻟﺨﻤﻴﺲ ﻋﺮﺳﻚ ﺍﻧﺖ ﻭﻧﺼﺮ
ﻳﻮﻡ ﺍﻟﻌﺮﺱ
ﺑﻐﺮﻓﺘﻮﻥ
ﻧﺼﺮ : ﺳﻤﻌﻲ ﻳﺎﺭﻫﻒ ﺍﻧﺘﻲ ﺑﺘﻌﺮﻓﻲ ﻟﻴﺶ ﺗﺰﻭﺟﺘﻚ ﺑﺲ ﻣﺸﺎﻥ ﺍﻧﻚ ﺿﻠﻴﺘﻲ ﻭﺣﺪﺍﻧﻴﺔ ﻭﻣﺎ ﺍﻟﻚ ﺣﺪﺍ ﺑﺲ ﺑﺪﻱ ﻓﻬﻤﻚ ﺷﻲ ﺍﻧﻮ ﺍﻧﺎ ﻣﺎﺑﺤﺒﻚ ﻭﻻ ﺭﺡ ﺣﺒﻚ ﺍﻧﺎ ﺑﺤﺐ ﺑﻨﺖ ﺗﺎﻧﻴﺔ ﻭﺭﺡ ﺣﺎﻭﻝ ﻗﺪ ﻣﺎﻓﻴﻨﻲ ﻟﺤﺘﻰ ﺍﺗﺰﻭﺟﺎ ﻳﻌﻨﻲ ﻣﻦ ﻫﻠﻖ ﺑﺪﻙ ﺗﻌﻤﻠﻲ ﺣﺴﺎﺏ ﺍﻧﻮ ﺭﺡ ﻳﺼﻴﺮ ﻋﻨﺪﻙ ﺿﺮﺓ ﻭﻛﻤﺎﻥ ﻣﺎ ﺿﺮﻭﺭﻱ ﺍﺫﺍ ﻣﺎﺑﺤﺒﻚ ﻣﺎﻳﺼﻴﺮ ﺷﻲ ﺑﻴﻨﺎ ﺑﺎﻟﻌﻜﺲ ﻫﺎﺩ ﺣﻘﻲ ﻭﻭﻗﺖ ﻳﻠﻲ ﺑﺪﻱ ﺍﻳﺎﻩ ﺭﺡ ﺍﺧﺪﻭ ﻣﻔﻬﻮﻡ
ﺭﻫﻒ ﻭﻫﻴﺔ ﻋﻢ ﺗﺒﻜﻲ : ﻣﻤﻜﻦ ﺗﺘﺮﻛﻨﻲ ﻟﺤﺎﻟﻲ
ﻧﺼﺮ : ﺭﺡ ﺍﺗﺮﻛﻚ ﺷﻬﺮ ﻛﻤﺎﻥ ﻻﻧﻮ ﻣﺎﻧﻲ ﻣﺴﺘﻌﺠﻞ ﻋﻠﻰ ﺷﻲ
*********** ﺑﺎﺍﺍﺍﺍﺍﺍﻙ **&*******
ﺭﻫﻒ : ﻟﻚ ﺍﻧﺎ ﻣﻦ ﻭﻗﺘﺎ ﻛﺎﻥ ﻻﺯﻡ ﺍﺗﺮﻛﻮ ﻛﻞ ﻳﻮﻡ ﺑﺤﺎﻭﻝ ﺑﻄﺮﻳﻘﺔ ﺟﺪﻳﺪﺓ ﻭﺍﻟﻠﻪ ﺗﻌﺒﺖ ﻭﺍﻟﻠﻪ ﻣﻦ ﺣﻘﻲ ﻋﻴﺶ ﻣﺒﺴﻮﻃﺔ ﻣﺘﻠﻲ ﻣﺘﻞ ﻏﻴﺮ ﻣﺘﻞ ﻫﺎﻟﻨﺴﻮﺍﻥ ﺍﻟﻤﺒﺴﻮﻃﻴﻦ ﻣﻊ ﺯﻭﺍﺟﻦ ..
ﺍﻧﺪﻕ ﺑﺎﺏ ﺍﻟﻤﻄﺒﺦ
ﻧﺼﺮ : ﺭﻫﻒ .. ﺍﻧﺘﻲ ﺟﻮﺍﺍ
ﺭﻫﻒ : ﺷﻮﺑﺪﻙ
ﻧﺼﺮ : ﺗﻌﺎﻟﻲ ﻋﺎﻳﺰﻙ ﺑﻜﻠﻤﺘﻴﻦ
ﺭﻫﻒ : ﺷﻮﻱ ﻭﺟﺎﺍﺍﻱ
ﻧﺼﺮ : ﻳﻼ ﻻﺗﻄﻮﻟﻲ
ﻗﺎﻣﺖ ﻣﺴﺤﺖ ﺩﻣﻮﻋﺎ ﻭﻓﺘﺤﺖ ﺍﻟﺒﺎﺏ ﻭﻃﻠﻌﺖ ﻣﺎﻟﻘﺘﻮ ﻛﻤﻠﺖ ﻋﻠﻰ ﻏﺮﻓﺔ ﺍﻟﻨﻮﻡ ﻛﺎﻥ ﻗﺎﻋﺪ ﻋﻠﻰ ﺍﻟﺘﺨﺖ ﻭﻻﺑﺲ ﺑﺠﺎﻣﺔ ﻭﻣﺎﺩﺩ ﺭﺟﻠﻴﻪ
ﻧﺎﺻﺮ : ﺗﻌﺎﻟﻲ ﻟﺠﻨﺒﻲ
ﻗﺮﺑﺖ ﻭﻗﻌﺪﺕ ﺟﻨﺒﻮ
ﻧﺼﺮ : ﻛﻢ ﻣﺮﺓ ﻗﻠﺘﻠﻚ ﻻﺗﺤﺎﻭﻟﻲ ﻣﻌﻲ ﺍﻧﺎ ﻗﻠﺒﻲ ﺑﺤﻴﺎﺗﻮ ﻣﺎﺭﺡ ﻳﻜﻮﻥ ﺍﻟﻚ
ﺭﻫﻒ : ﻃﻠﻘﻨﻲ
ﻧﺼﺮ : ﻫﻬﻬﻬﻬﻬﻪ ﺍﻧﺎ ﺍﺣﺐ ﻋﻠﻰ ﻗﻠﺒﻲ ﺑﺲ ﻣﺎﻓﻴﻨﻲ
ﺭﻫﻒ : ﻃﻴﺐ ﺍﻧﺎ ﺍﺳﻔﺔ ﻣﻌﺪ ﻋﻴﺪﺍ
ﻗﺎﻣﺖ ﻭﻓﺘﺤﺖ ﺍﻟﺨﺰﺍﻧﺔ ﻭﻃﻠﻌﺖ ﺑﺠﺎﻣﺔ
ﻧﺼﺮ : ﺷﻮ ﻫﺎﺩ
ﺭﻫﻒ : ﺑﺪﻱ ﻏﻴﺮ
ﻧﺼﺮ : ﺗﻌﺎﻟﻲ ﺑﻌﺪﻳﻦ ﺑﺘﻐﻴﺮﻱ ﻣﺸﺘﻘﻠﻚ
ﺭﻫﻒ : ﻗﺼﺪﻙ ﻣﺸﺘﺎﻕ ﻟﺠﺴﻤﻲ ﻣﻮ ﻻﻟﻲ
ﻧﺼﺮ : ﻳﻠﻲ ﻫﻮ ﺗﻌﺎﻟﻲ
ﺭﻫﻒ : ﻣﺎﺑﺪﻱ ﻣﺎ ﺍﻟﻲ ﻧﻔﺲ
ﻧﺼﺮ : ﺍﻱ ﺗﺼﺒﺤﻲ ﻋﻠﻰ ﺧﻴﺮ
ﺣﻂ ﺭﺍﺳﻮ ﻭﻧﺎﻡ ﻋﻠﻰ ﺟﻨﺒﻮ ﻭﻫﻴﺔ ﻟﺒﺴﺖ ﺍﻟﺒﺠﺎﻣﺔ ﻭﺭﺍﺣﺖ ﻟﻌﻨﺪ ﺍﺑﻨﺎ ﻧﺎﻣﺖ ﺟﻨﺒﻮ
ﺻﺎﺭ ﺗﻠﻔﻮﻥ ﻧﺼﺮ ﻳﺮﻥ ﻃﻠﻌﻮ ﻭﻛﺎﻧﺖ ﺣﺒﻴﺒﺘﻮ ﺍﺳﻤﻬﺎﻥ
ﻧﺼﺮ : ﻫﻼ ﺣﺒﻴﺒﺘﻲ
ﺍﺳﻤﻬﺎﻥ : ﻟﻴﺶ ﻣﺎ ﺍﺗﺼﻠﺖ
ﻧﺼﺮ : ﻛﻨﺖ ﺗﻌﺒﺎﻥ
ﺍﺳﻤﻬﺎﻥ : ﻻ ﻛﺬﺍﺏ .. ﻗﻠﻲ ﺻﺎﺭ ﺑﻴﻨﺎﺗﻜﻦ ﺷﻲ
ﻧﺼﺮ : ﺍﻧﺎ ﻛﺬﺍﺍﺍﺏ ﻳﺎ ﺍﺳﻤﻬﺎﻥ ﻫﺎﺩ ﻳﻠﻲ ﻃﻠﻊ ﻣﻌﻚ
ﺍﺳﻤﻬﺎﻥ : ﻣﺸﺎﻥ ﺍﻟﻠﻪ ﻗﻠﻲ ﺻﺎﺭ ﺷﻲ ﺑﻴﻨﺎﺗﻜﻦ
ﻧﺼﺮ : ﻻ ﻭﺍﻟﻠﻪ ﺍﺻﻼ ﻫﻴﺔ ﻫﻠﻖ ﺭﺍﺣﺖ ﻟﻌﻨﺪ ﺍﺑﻨﺎ ﺗﻨﺎﻗﺮﻧﺎ ﺷﻮﻱ ﻭﺭﺍﺣﺖ
ﺍﺳﻤﻬﺎﻥ : ﻧﺼﺮ ﺍﻧﺎ ﺑﺤﺒﻚ ﻛﺘﻴﺮ ﻣﻌﺪ ﺍﺳﺘﺤﻤﻞ ﻋﻴﺶ ﺑﻌﻴﺪﺓ ﻋﻨﻚ ﺍﻳﻤﺖ ﺑﺪﻙ ﺗﺠﻲ ﺗﺨﻄﺒﻨﻲ
ﻧﺼﺮ : ﻟﺤﺘﻰ ﺟﻤﻊ ﺍﻟﻤﻬﺮ ﻳﻠﻲ ﻃﻠﺒﻮ ﺍﺑﻮﻛﻲ ﻋﻢ ﺍﺷﺘﻐﻞ ﻟﻴﻞ ﻧﻬﺎﺭ ﻟﺤﺘﻰ ﺍﻣﻦ ﻫﺎﻟﻤﺒﻠﻎ
ﺍﺳﻤﻬﺎﻥ : ﻭﺷﻘﺪ ﺻﺎﺭ ﻣﻌﻚ
ﻧﺼﺮ : ﺗﻘﺮﻳﺒﺎ ﺍﻟﻨﺺ
ﺍﺳﻤﻬﺎﻥ : ﻟﺴﻪ ﺑﺪﻱ ﺍﻧﻄﺮ ﺳﻨﺘﻴﻦ ﻛﻤﺎﻥ
ﻧﺼﺮ : ﻻ ﻭﻟﻮﻭﻭ ﺷﻮ ﻧﺴﻴﺘﻲ ﺍﻧﻮ ﻋﻤﺮﺕ ﺑﻴﺘﻨﺎ ﺍﻧﺎ ﻭﺍﻧﺘﻲ
ﺍﺳﻤﻬﺎﻥ : ﺍﻟﻠﻪ ﻳﺨﻠﻴﻚ ﻳﺎ ﻧﺼﺮ ﺍﺳﺘﻌﺠﻞ ﺷﻮﻱ
ﻧﺼﺮ : ﻋﻢ ﺣﺎﻭﻝ ...
ﺍﺳﻤﻬﺎﻥ : ﺍﻟﻤﻬﻢ ﺍﻧﺎ ﻣﺸﺘﺎﻗﺘﻠﻚ
ﻧﺼﺮ : ﻟﻚ ﺍﻧﺎ ﻗﻠﺒﻲ ﻧﺎﻃﻒ ﻋﻠﻰ ﺷﻮﻓﺘﻚ ... ﺣﺒﻲ ﻗﻮﻟﻴﻠﻲ ﺷﻮ ﻻﺑﺴﺔ
ﺍﺳﻤﻬﺎﻥ : ﻗﻤﻴﺺ ﻧﻮﻡ ﻟﻮﻧﻮ ﻓﻮﺷﻴﺎ
ﻧﺼﺮ : ﻟﻚ ﺩﺧﻴﻞ ﺍﻟﻔﻮﺷﻴﺎ ﺑﻌﻴﺘﻠﻲ ﺻﻮﺭﺓ
ﺍﺳﻤﻬﺎﻥ : ﻳﻼ ﺳﻜﺮ ﻟﺤﺘﻰ ﺍﺑﻌﺘﻠﻚ ﺻﻮﺭﺓ ﻭﺑﺮﺟﻊ ﺑﺘﺼﻞ ﻓﻴﻚ ﻣﺸﺎﻥ ﺗﻘﻠﻲ ﺷﻮ ﺭﺃﻳﻚ
ﻧﺼﺮ : ﺍﻭﻙ ﻳﺘﻘﻠﺐ ﻧﺎﻃﺮﻙ
.......................
ﺗﺎﻧﻲ ﻳﻮﻡ ﻓﺎﻗﺖ ﺭﻫﻒ ﺣﻀﺮﺕ ﺍﻟﻔﻄﻮﺭ ﻟﺠﻮﺯﺍ ﻗﺒﻞ ﻣﺎﻳﺮﻭﺡ ﻫﻠﻰ ﺍﻟﺸﻐﻞ ﻭﺭﺍﺣﺖ ﺗﻔﻴﻘﻮ ...
ﺭﻫﻒ : ﻧﺼﺮ .. ﻧﺼﺮ
ﻧﺼﺮ : ﺣﺒﻴﺘﻲ ﺍﺳﻤﻬﺎﻥ ﺧﻠﻴﻨﻲ ﻧﺎﻡ ﺷﻮﻱ
ﺭﻫﻒ ﺑﻘﻬﺮ : ﻧﺼﺮﺭ ﻗﻮﻡ ﻣﺎ ﺍﺳﻤﻬﺎﻥ ﺍﻧﺎ ﺍﻧﺎﺭﻫﻒ
ﻓﺘﺢ ﻋﻴﻮﻥ ﻭﻗﺎﻝ : ﺻﺒﺎﺡ ﺍﻟﺨﻴﺮ
ﺭﻫﻒ : ﺻﺒﺎﺡ ﺍﻟﻨﻮﺭ ﻗﻮﻡ ﺍﻟﻔﻄﻮﺭ ﺟﺎﻫﺰ
ﺗﺮﻛﺘﻮ ﻭﻃﻠﻌﺖ
ﻗﺎﻡ ﻫﻮ ﻏﺴﻞ ﻭﻟﺒﺲ ﺗﻴﺎﺏ ﺍﻟﺸﻐﻞ ﻭﻃﻠﻊ ﻳﻔﻄﺮ ﻗﻌﺪ ﻭﻛﺎﻧﺖ ﺭﻫﻒ ﻗﺎﻋﺪﺓ ﻋﻢ ﺗﺮﺿﻊ ﺍﺑﻨﺎ ﺑﺎﻟﺒﺒﺮﻭﻧﺔ ﻗﺪﺍﻣﻮ
ﻧﺼﺮ : ﻛﻴﻔﻮ ﻫﻤﺎﻡ
ﺭﻫﻒ : ﺑﺨﻴﺮ ﺑﺒﻮﺱ ﺍﻳﺪﻙ ﻣﺎﻧﺎﻗﺼﻮ ﻏﻴﺮ ﺷﻮﻓﺘﻚ
ﻧﺼﺮ : ﻫﻬﻬﻬﻬﻪ ﺑﺲ ﻣﺎﻧﻚ ﻣﻬﻀﻮﻣﺔ ﻫﺎﺗﻪ ﻟﻬﻮﻥ ﺧﻠﻴﻨﻲ ﺍﺗﺼﺒﺢ ﻓﻴﻪ
ﻋﻄﺘﻮ ﺍﻳﺎﻩ ﻭﺻﺎﺭ ﻳﻼﻋﺒﻮ
ﺧﻠﺺ ﻟﻌﺐ ﻣﻌﻮ ﻭﻋﻄﺎﻫﺎ ﺍﻳﺎﻩ
ﻧﺼﺮ : ﺟﻠﻚ ﺷﻲ ﻣﺸﺎﻥ ﺍﻟﻌﺸﺎ
ﺭﻫﻒ : ﻻ ﻋﻨﺪﻱ ﻋﺸﺎ ﻣﻦ ﻣﺒﺎﺭﺡ
ﻧﺼﺮ : ﻃﻴﺐ ﺳﻼﻡ
ﺭﻫﻒ : ﺑﺪﻱ ﺭﻭﺡ ﺗﻘﻀﻲ ﺍﻟﻴﻮﻡ ﻋﻨﺪ ﺍﺧﺘﻲ ﻋﻼ
ﻧﺼﺮ : ﺍﻱ ﻣﺎﻣﺸﻜﻠﺔ ﻭﺻﻠﻚ
ﺭﻫﻒ : ﻻ ﺑﺮﻭﺡ ﺑﺎﻟﺘﺎﻛﺴﻲ ﻣﻮ ﻫﻠﻖ ﺑﺪﻱ ﻧﻀﻒ ﺍﻟﺒﻴﺖ ﻭﺭﻭﺡ
ﻧﺼﺮ : ﺍﻱ ﻣﺎﺷﻲ ﻭﺩﻳﺮﻱ ﺑﺎﻟﻚ ﻋﻠﻰ ﻫﻤﺎﻡ
ﺭﻫﻒ : ﺍﻥ ﺳﺎﺀ ﺍﻟﻠﻪ
ﻃﻠﻊ ﻭﺭﺍﺡ ﻭﻫﻴﺔ ﻧﻀﻔﺖ ﺍﻟﺒﻴﺖ ﻭﻃﻠﺒﺖ ﺗﺎﻛﺴﻲ ﻭﺭﺍﺣﺖ ﻟﻌﻨﺪ ﺍﺧﺘﺎ
ﺩﻗﺖ ﺍﻟﺒﺎﺏ ﻭﻓﺘﺤﺘﻼ ﺑﻨﺖ ﺣﻤﺎﻫﺎ ﻻﺧﺘﺎ
ﺭﻫﻒ ﺑﻘﻠﺒﺎ : ﻳﺎﺭﺑﻲ ﺷﻜﻠﻮﻥ ﺑﻴﺖ ﺣﻤﺎﻫﺎ ﻋﻨﺪﺍ ﻟﻮﻧﻲ ﻣﺎﻧﻲ ﺟﺎﻱ
ﺑﻨﺖ ﺣﻤﺎﻫﺎ ﺳﻤﺮ : ﻫﻼ ﺭﻫﻒ ﺗﻔﻀﻠﻲ ... ﻋﻼ ﻋﻼ ﺍﺧﺘﻚ ﺍﺟﺖ
ﻃﻠﻌﺖ ﻋﻼ ﻣﻦ ﺍﻟﻤﻄﺒﺦ ﻭﺍﺟﺖ ﻉ ﺍﻟﺒﺎﺏ
ﻋﻼ : ﺭﻫﻮﻓﺔ ﻳﺎﻣﻴﺖ ﺍﻫﻼ ﻭﺳﻬﻼ ﻓﻮﺗﻲ ﺣﺒﻴﺒﺘﻲ ﻟﻴﺶ ﺑﻌﺪﻙ ﻭﺍﻗﻔﺔ ﻉ ﺍﻟﺒﺎﺏ
ﻓﺎﺗﺖ ﻭﺳﻜﺮﺕ ﺍﻟﺒﺎﺏ ﻭﺭﺍﻫﺎ : ﻛﺄﻧﻮ ﺟﻴﺖ ﺑﻮﻗﺖ ﻣﺎﻧﻮ ﻣﻨﺎﺳﺐ
ﻋﻼ : ﻻ ﻭﻟﻮﻭﻭﻭ .. ﻣﺎﻓﻲ ﺣﺪﺍ ﻏﺮﻳﺐ ﺑﻴﺖ ﻋﻤﻲ ﻭﻛﻤﺎﻥ ﺑﺤﺒﻮﻛﻲ ﻓﻮﺗﻲ ﻓﻮﺗﻲ ﺭﺡ ﻳﻔﺮﺣﻮ ﻓﻴﻜﻲ
ﻓﺎﺗﺖ ﻭﻛﺎﻥ ﺑﺎﻟﺼﺎﻟﻮﻥ ﻗﺎﻋﺪ ﺟﻮﺯ ﺍﺧﺘﺎ ﻣﺤﻤﺪ ﻭﺍﺧﻮﻩ ﻋﺒﻴﺪﺓ
ﻣﺤﻤﺪ : ﻫﻼ ﻭﺍﻟﻠﻪ ﺑﺒﻨﺖ ﺣﻤﺎﻱ ﺍﻟﻐﺎﻟﻴﺔ
ﺭﻫﻒ : ﻛﻴﻔﻜﻦ
ﻣﺤﻤﺪ : ﺗﻤﺎﻡ ﺍﻟﺤﻤﺪ ﻟﻠﻪ
ﻋﺒﻴﺪﺓ : ﻫﻼ ﺑﺒﻨﺖ ﺣﻤﺎﻩ ﻻﺧﻲ
ﺿﺤﻜﺖ ﺭﻫﻒ ﻭﻗﺎﻟﺖ : ﺍﻫﻼ ﻓﻴﻚ
ﻋﻼ : ﺣﺒﻴﺒﺘﻲ ﺍﺑﻨﻚ ﻧﺎﻳﻢ ﺣﻄﻴﻪ ﺑﻐﺮﻓﺔ ﺍﻟﻨﻮﻡ ﻭﺗﻌﺎﻟﻲ ﻣﻌﻲ ﻉ ﺍﻟﻤﻄﺒﺦ ﻟﺘﺴﻠﻤﻲ ﻋﻠﻰ ﻣﺮﺕ ﻋﻤﻲ
ﺭﻫﻒ : ﻳﻼ
ﻓﺎﺗﺖ ﺣﻄﺖ ﺍﺑﻨﺎ ﺑﻐﺮﻓﺔ ﺍﻟﻨﻮﻡ ﻻﺧﺘﺎ ﻭﻓﺎﺗﺖ ﻉ ﺍﻟﻤﻄﺒﺦ ﺳﻠﻤﺖ ﻋﻠﻰ ﺣﻤﺎﺕ ﺍﺧﺘﺎ ﻭﻗﻌﺪﺕ ﺻﺎﺭﺕ ﺗﺴﺎﻋﺪﻭﻥ ﺑﺎﻟﻐﺪﺍ
ﺭﻫﻒ : ﺍﻱ ﺷﻮ ﺳﺒﺐ ﻫﺎﻟﻌﺰﻳﻤﺔ
ﻋﻼ : ﻟﻚ ﻋﺒﻴﺪﺓ ﺍﺟﺎ ﻣﻦ ﺍﻟﺨﺪﻣﺔ ﻣﻌﻮ ﺍﺟﺎﺯﺓ ﺍﺳﺒﻮﻉ ﻭﺭﺍﺟﻊ
ﺭﻫﻒ : ﻭﻳﻦ ﻋﻢ ﻳﺨﺪﻡ ﻫﺎﻻﻳﺎﻡ
ﻋﻼ : ﻋﻄﺮﻳﻖ ﺣﻠﺐ ﻋﻠﻰ ﺣﺎﺟﺰ
ﺭﻫﻒ : ﺍﻟﻠﻪ ﻳﺤﻤﻴﻪ
ﺍﻡ ﻣﺤﻤﺪ : ﺗﺴﻤﻠﻲ ﻳﺎﺣﺒﻴﺒﺘﻲ .. ﻭﺍﻟﻠﻪ ﻗﺒﻞ ﻣﺎﺗﺠﻲ ﻛﻨﺖ ﻋﻢ ﻗﻼ ﻻﺧﺘﻚ ﺍﻧﺎ ﺑﺤﺒﺎ ﻛﺘﻴﺮ ﻻﺧﺘﻚ ﺭﻫﻒ
ﺭﻫﻒ : ﺗﺤﺒﻚ ﺍﻟﻌﺎﻓﻴﺔ ﻃﻨﻂ
ﺧﻠﺼﻮ ﺍﻟﻐﺪﺍ ﻭﻗﻌﺪﻭ ﻛﻠﻮﻥ ﺗﻐﺪﻭ ﻣﻊ ﺑﻌﺾ ﻭﺻﺎﺭﻭ ﻳﺤﻜﻮ ﻣﻊ ﺑﻌﺾ ﻭﻳﺪﺭﺩﺷﻮ ﺍﻟﻜﻞ .. ﺧﻠﺼﻮ ﻭﻗﺎﻣﺖ ﺭﻫﻒ ﻫﻴﺔ ﻭﺍﺧﺘﺎ ﺟﻠﻮ ﺍﻟﺠﻠﻴﺎﺕ ﻭﺭﺟﻌﻮ ﻗﻌﺪﻭ ﻛﻠﻮﻥ ﻣﻊ ﺑﻌﺾ ﻭﻛﺎﻥ ﺍﺑﻨﺎ ﻟﺮﻫﻒ ﻓﺎﻕ ﻗﻌﺪﺗﻮ ﺑﺤﻀﻨﺎ ﻭﻋﻄﺘﻮ ﺍﻟﺒﺒﺮﻭﻧﺔ ﻣﺸﺎﻥ ﻳﺎﻛﻞ
ﻣﺤﻤﺪ : ﻛﻴﻔﻮ ﻋﺪﻳﻠﻲ
ﺭﻫﻒ ؛ ﻏﻴﺮ ﺷﻜﻞ ﻭﺍﻟﻠﻪ ﺗﻤﺎﻡ ﺑﺴﻠﻢ ﻋﻠﻴﻚ
ﻣﺤﻤﺪ : ﺍﻟﻠﻪ ﻳﺴﻠﻤﻚ ﻭﻳﺴﻠﻤﻮ
ﻋﻼ ﻓﺘﺤﺖ ﺍﻟﺘﻠﻔﻮﻥ ﻭﻓﺘﺤﺖ ﻋﻠﻰ ﺍﻟﻔﻴﺲ
ﻋﻼ : ﺍﺧﺘﻲ ﻟﻴﻜﻲ ﻫﻮﻥ ﻛﺎﺗﺒﻴﻦ ﺍﻋﻤﻠﻮ ﺗﺎﺍﻍ ﻟﺮﻫﻮﻓﺔ ﺑﻨﺖ ﻃﻴﺒﻮﺑﺔ ﻭﻧﺠﻤﺎ ﻣﺤﺒﻮﺏ ﺭﺡ ﺍﻋﻤﻠﻚ ﺗﺎﺍﻍ
ﺭﻫﻒ : ﺍﻭﻙ ﻋﻤﻠﻲ ﻫﻠﻖ ﺑﺸﻮﻓﺎ ﺑﺎﻟﺒﻴﺖ
ﻋﺒﻴﺪﺓ : ﻋﻨﺪﻙ ﻓﻴﺲ ﺑﻮﻙ
ﺭﻫﻒ : ﺍﻱ ﺑﺲ ﻣﺎﺑﻔﺘﺤﻮ ﺯﻳﺎﺩﺓ ﻭﺍﻟﻠﻪ
ﻋﺒﻴﺪﺓ : ﻟﻴﺶ ﻛﺘﻴﺮ ﺣﻠﻮ ﻭﺑﺴﻠﻲ
ﺭﻫﻒ : ﻭﺍﻟﻠﻪ ﺑﻔﺘﺤﻮ ﻣﺎﺑﻼﻗﻲ ﻓﻴﻪ ﺷﻲ ﻭﻻ ﻓﻲ ﺷﻲ ﺑﺴﻠﻲ
ﻋﺒﻴﺪﺓ : ﻫﻬﻪ ﺍﻱ ﻻﻧﻮ ﻣﺎﺑﺘﻜﻮﻧﻲ ﺩﺍﺧﻠﺔ ﻋﻠﻰ ﺟﺮﻭﺑﺎﺕ
ﺭﻫﻒ : ﻭﺷﻮ ﺑﺘﻌﻤﻠﻮ ﺑﺎﻟﺠﺮﻭﺑﺎﺕ
ﻋﺒﻴﺪﺓ : ﻣﺰﺡ ﻭﺿﺤﻚ ﻭﻣﻨﺎﻗﺸﺎﺕ ﻭﻫﻴﻚ ﻳﻌﻨﻲ
ﺭﻫﻒ : ﻋﻨﺠﺪ
ﻋﺒﻴﺪﺓ : ﻭﺍﻟﻠﻪ ﻟﻜﻦ ﺍﻧﺎ ﻛﻴﻒ ﺑﻘﻀﻲ ﺍﻟﺨﺪﻣﺔ ﻉ ﺍﻟﻔﻴﺲ ..
ﺭﻫﻒ : ﺍﺻﺒﺢ ﺿﻴﻔﻨﻲ ﻋﻠﻰ ﺷﻲ ﻛﺮﻭﺏ ﺑﺮﻛﻲ ﺑﺘﺴﻠﻰ ﻭﺍﻟﻠﻪ ﻋﻢ ﻣﻞ ﻃﻮﻝ ﻫﺎﻟﻨﻬﺎﺭ
ﻋﻼ : ﺭﻫﻒ ﺟﻮﺯﻙ ﺑﻴﺴﻤﺤﻠﻚ
ﺭﻫﻒ : ﻫﻬﻬﻪ ﻟﻴﺶ ﺷﻮ ﻓﺎﻳﺘﺔ ﺍﻋﻤﻞ ﺍﻧﺎ ﺑﺲ ﺍﺗﻔﺮﺝ ﻭﻛﻤﺎﻥ ﻧﺎﺻﺮ ﺍﺑﺪﺍ ﻣﺎﻋﻨﺪﻭ ﻣﺎﻧﻊ ﺑﻬﻴﻚ ﺷﻐﻼﺕ
ﻋﻼ : ﺍﻱ ﻣﻨﻴﺢ
ﻋﺒﻴﺪﺓ : ﺷﻮ ﺍﺳﻤﻚ ﻟﺤﺘﻰ ﺍﺑﻌﺘﻠﻚ ﻃﻠﺐ ﺻﺪﺍﻗﺔ ﻭﺿﻴﻔﻚ ﻋﻠﻰ ﺍﻟﻜﺮﻭﺏ
ﺭﻫﻒ : ﺍﺳﻤﻲ ﺭﻫﻒ ﺍﻟﻬﻤﺎﻡ
ﻋﺒﻴﺪﺓ : ﻫﻬﻬﻪ ﺍﺳﻤﻚ ﻭﺍﺳﻢ ﺍﺑﻨﻚ
ﺭﻫﻒ : ﺍﻱ ﺣﺒﺖ ﻫﺎﻻﺳﻢ ﻭﺧﻠﻴﺘﻮ
ﻋﻴﺒﺪﺓ : ﻫﺎﺩ ﻫﻮ ﺣﺴﺎﺑﻚ
ﺭﻫﻒ : ﺍﻱ ﻫﺎﺩ ﻫﻮ
ﻋﺒﻴﺪﺓ : ﺑﻌﺘﻠﻚ ﻃﻠﺐ ﺍﻗﺒﻠﻴﻪ ﻭﺍﻧﺎ ﺑﻀﻴﻔﻚ
ﺭﻫﻒ : ﻣﻴﺮﺳﻲ
ﻋﺒﻴﺪﺓ : ﻫﻬﻪ ﻭﻟﻮ ﺑﺪﻧﺎ ﺧﺪﻣﺔ ﺗﺤﺮﺫ
ﺧﻠﺼﺖ ﺭﻫﻒ ﻣﻦ ﺯﻳﺎﺭﺗﺎ ﻭﺍﺧﺪﺕ ﺍﺑﻨﺎ ﻭﺭﺍﺣﺖ ﻉ ﺍﻟﺒﻴﺖ ﺣﺴﺖ ﺍﻧﻮ ﻧﻔﺴﻴﺘﺎ ﺗﻐﻴﺮﺕ ﺷﻮﻱ .. ﻃﻠﻌﺖ ﺍﻻﻛﻞ ﺣﻄﺘﻮ ﺑﺎﻟﻤﺎﻳﻜﺮﻭﻳﻒ ﻃﻠﻌﺖ ﺗﻠﻔﻮﻧﺎ ﺷﺎﻑ ﺍﻟﻄﻠﺐ ﻗﻠﺒﺘﻮ .. ﺑﻌﺪ ﺷﻮﻱ ﺍﺟﺎﻫﺎ ﺍﺷﻌﺎﺭ ﺗﻢ ﺍﺿﺎﻓﺘﻚ ﺍﻟﻲ ﻣﺠﻤﻮﻋﺔ ﻣﻐﻠﻘﺔ ﺑﻮﺳﻄﺔ ﻋﺒﻴﺪﺓ
ﻃﻔﺖ ﺍﻟﺘﻠﻔﻮﻥ ﻭﻗﺎﻟﺖ ﺍﻟﻤﺴﺎ ﺑﻔﻮﺕ ﺑﺘﻔﺮﺝ
ﺍﺟﺎ ﻧﺼﺮ ﺣﻄﺘﻠﻮ ﺍﻛﻞ ﻭﻗﻌﺪﺕ ﻗﺪﺍﻣﻮ
ﻧﺼﺮ : ﻣﺎﺑﺪﻙ ﺗﺎﻛﻠﻲ
ﺭﻫﻒ : ﻻ ﺍﻛﻠﺖ ﻋﻨﺪ ﺍﺧﺘﻲ
ﻧﺼﺮ : ﺍﻱ ﺻﺢ .. ﻛﻴﻒ ﻛﺎﻧﺖ ﻫﺎﻟﺰﻳﺎﺭﺓ
ﺭﻫﻒ : ﻣﻨﻴﺤﺔ ... ﺑﺴﻠﻤﻮ ﻋﻠﻴﻚ
ﻧﺼﺮ : ﺍﻟﻠﻪ ﻳﺴﻠﻤﻚ ﻭﻳﺴﻠﻤﻮﻥ ... ﺍﻟﺤﻤﺪ ﻟﻠﻪ
ﺭﻫﻒ ؛ ﺑﺘﺤﺐ ﺗﺸﺮﺏ ﺷﻲ ﺑﻌﺪ ﺍﻟﻌﺸﺎ
ﻧﺼﺮ : ﻻ ﻃﺎﻟﻊ ﺍﺳﻬﺮ ﺍﻧﺎ ﻭﺭﻓﻘﺎﺗﻲ
ﺭﻫﻒ : ﺍﻱ ﺍﻟﻠﻪ ﻣﻌﻚ
ﻃﻠﻊ ﻧﺼﺮ ﻭﺿﻠﺖ ﺭﻫﻒ ﻟﺤﺎﻻ ﻓﺘﺤﺖ ﺍﻟﺘﻠﻔﻮﻥ ﻭﻟﻘﺖ ﺍﺷﻌﺎﺭﺕ ﻛﺘﻴﺮ ﻋﻠﻰ ﺍﻟﻔﻴﺲ ﺑﻮﻙ
ﻓﺘﺤﺖ ﻭﻟﻘﺖ ﻋﺒﻴﺪﺓ ﻋﺎﻣﻼ ﻣﻨﺸﻮﺭ ﺗﺮﺣﻴﺐ
ﺭﺍﺣﺖ ﻉ ﺍﻟﻤﺴﻨﺠﺮ ﻭﺣﻜﺘﻮ
ﺭﻫﻒ : ﻣﺴﺎﻟﺨﻴﺮ
ﻋﻴﺒﺪﺓ : ﻣﺴﺎﻟﻨﻮﺭ
ﺭﻫﻒ : ﻟﻴﺶ ﻋﺎﻣﻠﻲ ﻣﻨﺸﻮﺭ ﺗﺮﺣﻴﺐ
ﻋﺒﻴﺪﺓ : ﻣﺎﻓﻴﻬﺎ ﺷﻲ ﻣﺸﺎﻥ ﺍﻋﻀﺎﺀ ﺍﻟﻜﺮﻭﺏ ﺑﺘﻌﺮﻓﻮ ﻋﻠﻴﻜﻲ
ﺭﻫﻒ : ﺑﺲ ﺍﻧﺎ ﻋﺄﺳﺎﺱ ﺑﺲ ﻣﺸﺎﻥ ﺍﺗﻔﺮﺝ ﻭﺍﺗﺴﻠﻰ ﻣﺎﺑﺪﻱ ﺷﺎﺭﻙ
ﻋﺒﻴﺪﺓ : ﺍﻱ ﻋﺎﺩﻱ ﻣﺎﻓﻴﻬﺎ ﺷﻲ ﻭﻛﻤﺎﻥ ﻣﻴﻦ ﻋﺎﺭﻓﻚ ﺍﻧﺘﻲ ﻭﻛﻤﺎﻥ ﺑﺘﺘﺴﻠﻲ ﻭﻛﻤﺎﻥ ﻓﻲ ﺑﻨﺎﺕ ﻛﺘﻴﺮ ﻣﻌﻨﺎ
ﺭﻫﻒ : ﺑﺼﺮﺍﺣﺔ ﺍﻧﺎ ﻣﺎﻧﻲ ﻣﻦ ﻫﺎﺩ ﺍﻟﻨﻮﻉ ﻭﻣﺎﺑﺤﺐ ﻫﻴﻚ ﺷﻐﻼﺕ
ﻋﺒﻴﺪﺓ : ﺍﻱ ﻣﺎﻓﻲ ﺷﻲ ﺷﻮ ﻓﺎﻳﺘﻲ ﻻﺳﻤﺢ ﺍﻟﻠﻪ ﺗﻔﻠﺘﻲ ﻛﻼ ﻣﺰﺡ ﻭﻛﻤﺎﻥ ﺍﻱ ﺣﺪﺍ ﻣﻦ ﺍﻟﻜﺮﻭﺏ ﺑﻌﺘﻠﻚ ﻃﻠﺐ ﺻﺪﺍﻗﺔ ﻻﺗﻮﺍﻓﻘﻲ ﻋﻠﻴﻪ
ﺭﻫﻒ : ﺍﻭﻙ .. ﺍﺳﻔﺔ ﻏﻠﺒﺘﻚ
ﻋﺒﻴﺪﺓ : ﻻ ﻭﻟﻮﻭ .. ﻭﺍﻱ ﺣﺪﺍ ﺑﻴﺰﻋﺠﻚ ﺍﻧﺖ ﺑﺲ ﺧﺒﺮﻳﻨﻲ
ﺭﻫﻒ : ﺍﻭﻙ
ﻋﺒﻴﺪﺓ : ﺍﻱ ﻛﻴﻔﻮ ﺍﺑﻨﻚ ﺍﻻﻣﻮﺭ
ﺭﻫﻒ : ﻫﻬﻪ ﺑﺨﻴﺮ ﻣﻦ ﺷﻮﻱ ﻧﺎﻡ
ﻋﺒﻴﺪﺓ : ﺍﻭﻙ ﻳﻼ ﺍﻧﺎ ﻣﺎﺑﺪﻱ ﺍﺯﻋﺠﻚ ﺑﺘﻜﻮﻧﻲ ﺳﻬﺮﺍﻧﺔ ﺍﻧﺘﻲ ﻭﺯﻭﺟﻚ
ﺭﻫﻒ : ﺟﻮﺯﻱ ﻣﺎﻧﻮ ﻫﻮﻥ
ﺭﻫﻒ ﻋﻢ ﺗﺤﻜﻲ ﺣﺎﻻ : ﻟﻚ ﻟﻴﺶ ﻟﺤﺘﻰ ﻗﻠﻮ ﻣﺎﻧﻮ ﻫﻮﻭﻥ ﻳﺎﺭﺑﻲ
ﻋﺒﻴﺪﺓ : ﻭﻳﻨﻮ
ﺭﻫﻒ ﻫﻠﻖ ﻓﺘﺤﺖ ﻋﻠﻰ ﺣﺎﻟﻲ ﺑﺎﺏ ﻛﺘﺒﺖ : ﺭﺍﺡ ﻉ ﺍﻟﺴﻬﺮﺓ
ﻋﺒﻴﺪﺓ : ﻣﻌﻘﻮﻝ ﻳﺘﺮﻛﻚ ﻭﻳﺮﻭﺡ ﻳﺴﻬﺮ ﻭﺍﻟﻠﻪ ﺍﻧﺎ ﻟﻮ ﻋﻨﺪﻱ ﻣﺮﺓ ﺣﻠﻮﺓ ﻣﺘﻠﻚ ﻭﺍﻟﻠﻪ ﻣﺎﺑﺘﺮﻛﺎ ﻭﻻ ﺛﺎﻧﻴﺔ
ﺭﻫﻒ ﺍﻧﻘﻬﺮﺕ ﻣﻦ ﻃﺮﻳﻘﺔ ﺣﻜﻴﻮ ﻭﻣﺎﺭﺩﺕ
ﻋﺒﻴﺪﺓ : ﺍﻧﺎ ﺍﺳﻒ ﺍﺩﺧﻠﺖ ﺑﺸﻲ ﻣﺎﺑﺨﺼﻨﻲ
ﺭﻫﻒ : ﻻ ﻋﺎﺩﻱ .. ﻳﻼ ﺳﻼﻡ
ﻋﺒﻴﺪﺓ : ﺳﻼﻡ
ﻓﺘﺤﺖ ﻉ ﺍﻟﻔﻴﺲ ﻭﺳﻠﻤﻠﺖ ﻋﻠﻰ ﺍﻻﻋﻀﺎﺀ ﻳﻠﻲ ﺭﺣﺒﻮ ﻓﻴﻬﺎ
ﻭﺗﻔﺘﻠﺖ ﺷﻮﻱ ﺑﺎﻟﻜﺮﻭﺏ ﻭﻛﺎﻥ ﻓﻴﻪ ﻧﻜﺖ ﺣﻠﻮﺓ ﻭﻣﻨﺎﺷﻘﺎﺕ ﺑﺘﻀﺤﻚ ﻭﺻﺎﺭﺕ ﺗﺸﺎﺭﻙ ﻭﺍﺫﺍ ﻓﻲ ﻣﻮﺿﻮﻉ ﻧﻘﺎﺵ ﺗﻘﻮﺕ ﻭﺗﺼﻴﺮ ﺗﻨﺎﻗﺶ ﻣﻌﻮﻥ
ﺻﺎﺭﺕ ﺍﻟﺴﺎﻋﺔ ١٢ ﻭﻣﺎﻧﺎ ﺣﺎﺳﺔ ﻋﻠﻰ ﺣﺎﻻ
ﺳﻜﺮﺕ ﺍﻟﺘﻠﻔﻮﻥ ﻭﻗﺎﻣﺖ ﻧﺎﻣﺖ ﺟﻨﺐ ﺍﺑﻨﺎ ﻭﻫﻴﺔ ﻋﻢ ﺗﻐﻤﺾ ﻋﻴﻮﻧﺎ ﺳﻤﻌﺖ ﺻﻮﺕ ﻧﺼﺮ ﻓﺎﺕ ﻉ ﺍﻟﺒﻴﺖ ﻏﻤﻀﺘﻮﻥ ﻭﻧﺎﻣﺖ ﺍﺟﺎ ﻧﺼﺮ ﻓﺘﺢ ﻋﻠﻴﻬﺎ ﺍﻟﺒﺎﺏ ﻭﻟﻘﺎﻫﺎ ﻧﺎﻳﻤﺔ ﺟﻨﺐ ﺍﺑﻨﺎ ﻃﻔﺎ ﺍﻟﻀﻮ ﻭﺭﺍﺡ ﻋﻠﻰ ﻏﺮﻓﺘﻮ
ﻭﻃﻠﻊ ﺗﻠﻔﻮﻧﻮ ﻭﺻﺎﺭ ﻳﺤﻜﻲ ﻣﻊ ﺣﺒﻴﺒﺘﻮ ﺍﺳﻤﻬﺎﻥ ﻉ ﺍﻟﻮﺍﺗﺲ ﺍﺏ
ﺗﺎﻧﻲ ﻳﻮﻡ ﻛﺎﻟﻌﺎﺩﺓ ﻓﺎﻗﺖ ﺟﻬﺰﺕ ﺍﻟﻔﻄﻮﺭ ﻭﻓﻴﻘﺘﻮ
ﻭﻗﻌﺪﻭ ﻳﻔﻄﺮﻭ ﺳﻮﺍ
ﻧﺼﺮ : ﻟﻴﺶ ﻛﻨﺖ ﻧﺎﻳﻤﺔ ﺑﻐﺮﻓﺔ ﻫﻤﺎﻡ
ﺭﻫﻒ : ﻟﻴﺶ ﺍﻭﻝ ﻣﺮﺓ ﺑﻨﺎﻡ ﺑﻐﺮﻓﺘﻮ
ﻧﺼﺮ : ﻻ ﻣﺎ ﺍﻭﻝ ﻣﺮﺓ ﺑﺲ ﻛﺎﻥ ﺑﺪﻱ ....
ﺭﻫﻒ : ﻻ ﺗﻜﻤﻞ ﻭﺍﻧﺎ ﻣﺎﺑﺪﻱ
ﻧﺼﺮ : ﻟﻴﺶ ﺷﻮ ﺿﺎﺭﺏ ﻣﺨﻚ
ﺭﻫﻒ : ﻭﺍﻟﻠﻪ ﺻﻮﺕ ﺿﺤﻜﻚ ﻃﻮﻝ ﺍﻟﻠﻴﻞ ﻣﻊ ﺣﺒﻴﺒﺖ ﺍﻟﻘﻠﺐ ﻫﺎﺩ ﻳﻠﻲ ﺿﺎﺭﺏ ﻣﺨﻲ
ﻧﺼﺮ : ﻗﻠﺘﻠﻚ ﻻﺗﺘﺪﺧﻠﻲ ﺑﺤﻴﺎﺗﻲ ﻫﺎﻱ ﺍﻟﺒﻨﺖ ﺍﻧﺎ ﺑﺤﺒﺎ ﻭﺭﺡ ﺍﺗﺰﻭﺟﺎ ﺣﺘﻰ ﻟﻮ ﺑﻌﺪ ﻣﻴﺖ ﺳﻨﺔ
ﺭﻫﻒ : ﻣﺰﺍﻝ ﺑﺘﺤﺒﺎ ﻟﻴﺶ ﺑﺪﻙ ﺍﻳﺎﻧﻲ ﻧﺎﻡ ﻣﻌﻚ
ﻧﺎﺻﺮ : ﻻﻧﻚ ﻣﺮﺗﻲ
ﺭﻫﻒ : ﻗﺼﺪﻙ ﺍﻟﺨﺎﺩﻣﺔ ﺍﻭ ﺍﻟﺠﺎﺭﻳﺔ
ﻧﺼﺮ : ﺭﻫﻒ ﻻﺗﻬﺘﻴﻨﻲ ﺍﻧﻚ ﻋﻢ ﺗﺴﻤﻌﻴﻨﻲ .. ﻣﺎﺑﻜﻔﻲ ﺣﺎﻭﻳﻜﻲ
ﺭﻫﻒ ﺩﻣﻌﻮ ﻋﻴﻮﻧﺎ ﻭﻣﺎﺣﻜﺖ
ﻧﺼﺮ : ﺍﺳﻒ ﻣﺎﻛﻦ ﻗﺼﺪﻱ
ﺭﻫﻒ ؛ ﻻ ﻛﻨﺖ ﻗﺎﺻﺪﺍ ... ﺑﺲ ﻳﺎﻧﺼﺮ ﻭﺍﻟﻠﻪ ﺭﺡ ﻳﺠﻲ ﻳﻮﻡ ﻭﺍﺗﺮﻛﻚ ﻭﺭﻭﺡ
ﻧﺼﺮ : ﻫﻬﻪ ﻭﻋﻮﻳﻦ ﺑﺪﻙ ﺗﺮﻭﺣﻲ ﺑﻘﺎ ﻟﻴﺶ ﺍﻟﻚ ﺣﺪﺍ ﺗﺮﻭﺣﻲ ﻟﻌﻨﺪﻭ
ﺭﻫﻒ : ﻻ ﻣﺎ ﺍﻟﻲ ﺣﺪﺍ ﺑﺲ ﺍﻧﺎ ﻣﻈﻠﻮﻣﺔ ﻭﺭﺏ ﺍﻟﻌﺎﻟﻤﻴﻦ ﺑﻮﻗﻒ ﻣﻊ ﺍﻟﻤﻈﻠﻮﻡ ﻭﺭﺡ ﻳﻜﻮﻥ ﻣﻌﻮ ﻭﺍﻧﺎ ﺑﻜﻔﻴﻨﻲ ﺍﻧﻮ ﺭﺏ ﺍﻟﻌﺎﻟﻤﻴﻦ ﻣﻌﻲ
ﻧﺼﺮ : ﺷﻮ ﻗﺼﺪﻙ ﺍﻧﺎ ﻇﺎﻟﻤﻚ
ﺭﻫﻒ : ﻻ ﺍﻧﺎ ﻛﻞ ﺍﻟﺪﻧﻴﺎ ﻇﻠﻤﺘﻨﻲ ﺗﺮﻛﺘﻮ ﻭﻗﺎﻣﺖ
ﻧﺼﺮ : ﻳﻼ ﻫﻠﻖ ﻋﻤﻠﻲ ﻣﻨﺎﺣﺔ ﻭﺍﻗﻌﺪﻱ ﺍﺑﻜﻲ
ﺭﻫﻒ : ﻫﻪ ﻻ ﺧﻠﺺ ﺑﻄﻠﺘﺎ ﻟﻬﻞ ﺍﻟﻌﺎﺩﺓ ﺍﺻﻼ ﻣﺎﺿﻞ ﺩﻣﻮﻉ
ﻃﻠﻊ ﻧﺼﺮ ﻣﻦ ﺍﻟﺒﻴﺖ ﻭﻫﻴﺔ ﻣﺎﻗﺪﺭﺕ ﺗﺨﺒﻲ ﺩﻣﻮﻋﺎ ﻭﻗﺎﻣﺖ ﺑﻠﺸﺖ ﺗﺸﺘﻐﻞ ﺑﺎﻟﺒﻴﺖ ﺑﻜﻞ ﻋﺰﻣﻬﺎ ﻭﻛﺄﻧﻮ ﻋﻢ ﺍﻃﺎﻟﻊ ﻗﻬﺮﺍ ﻟﻤﺎ ﺧﻠﺼﺖ ﺣﺴﺖ ﺍﻧﻮ ﻓﺮﻏﺖ ﺷﻮﻳﺔ ﻃﺎﻗﺔ ﺳﻠﺒﻴﺔ ﻭﺍﺑﻨﺎ ﺑﻠﺶ ﻳﻨﻖ ﺑﺪﻭ ﻳﺎﻛﻞ ﻋﻤﻠﺘﻠﻮ ﺑﺒﺮﻭﻧﺔ ﺣﻠﻴﺐ ﺷﺮﺑﻬﺎ ﻭﺣﻄﺘﻮ ﺑﺤﻀﻨﺎ ﻭﺻﺎﺭﺕ ﺗﻬﺰﻭ ﻛﺎﻥ ﺍﻟﻬﺎﺗﻒ ﺣﺪﺍ ﻣﺴﻜﺘﻮ ﻭﺻﺎﺭﺕ ﺗﻘﻠﺐ ﻓﻴﻪ .... ﻭﻟﻘﺘﻮﻥ ﻧﺎﺷﺮﻳﻦ ﺷﻐﻼﺕ ﺣﻠﻮﺓ ﻭﺻﺎﺭﺕ ﺗﻨﺎﻗﺶ ﻭﺗﻀﺤﻚ ﻭﻧﺴﺖ ﺍﻧﻬﺎ ﻣﻘﻬﻮﺭﺓ .. ﻓﺠﺄﺓ ﺻﺎﺭ ﻋﺒﻴﺪﺓ ﻳﺤﻴﻜﻬﺎ
ﻋﺒﻴﺪﺓ : ﺳﻼﻡ
ﺭﻫﻒ ؛ ﻫﻼ
ﻋﺒﻴﺪﺓ : ﻛﻴﻔﻚ
ﺭﻫﻒ : ﺍﻟﺤﻤﺪ ﻟﻠﻪ
ﻋﺒﻴﺪﺓ : ﻣﺎﻟﻘﻴﺘﻚ ﻓﺎﺗﺤﺔ ﺍﻟﺼﺒﺢ ﻗﺎﻡ ﻓﻜﺮﺗﻚ ﺯﻋﻼﻧﺔ ﻣﻨﻲ
ﺭﻫﻒ : ﻣﻨﻚ ؟ ﻟﻴﺶ ﺍﻧﺖ ﺷﻮ ﻋﻤﻠﺖ
ﻋﺒﻴﺪﺓ : ﻻﻧﻮ ﻗﻠﺘﻠﺘﻚ ﻟﻮﻧﻮ ﻋﻨﺪﻱ ﻣﺮﺓ ﺣﻠﻮﺓ ﻣﺘﻠﻚ ﻣﺎ ﺑﺘﺮﻛﻬﺎ
ﺭﻫﻒ : ﺍﺍﺍﺍﻩ ... ﻻ ﻣﺎﻧﻲ ﺯﻋﻼﻧﺔ ﺑﺲ ﺑﺘﻌﺮﻑ ﺍﻧﺖ ﺷﻐﻞ ﺍﻟﺒﻴﺖ ﻭﻋﻨﺪﻱ ﺑﻴﺒﻲ ﺻﻐﻴﺮ ﻭﺍﻧﺎ ﻣﺎﺑﺤﺐ ﺍﻟﺘﻬﻰ ﺑﺸﻲ ﺍﺫﺍ ﻛﺎﻥ ﻋﻨﺪﻱ ﺷﻐﻞ
ﻋﺒﻴﺪﺓ : ﺣﻠﻮﻭ ﻛﺘﻴﺮ ﻭﺍﻟﻠﻪ ﻣﺒﻴﻦ ﺍﻧﻚ ﺳﺖ ﺑﻴﺖ ﺷﺎﻃﺮﺓ
ﺿﺤﻜﺖ ﺭﻫﻒ ﻭﻛﺘﺒﺖ : ﻫﻴﻚ ﺑﻘﻮﻟﻮ
ﻋﺒﻴﺪﺓ : ﻋﻨﺠﺪ ﻻ ﺗﺰﻋﻠﻲ ﻣﻨﻲ ﺑﺲ ﻋﻨﺠﺪ ﻧﻴﺎﻟﻮﻭ ﺟﻮﺯﻙ ﻋﻠﻴﻜﻲ
ﺭﻫﻒ ﺑﻘﻠﺒﺎ : ﻳﻠﻲ ﺑﻴﻌﺮﻑ ﺑﻴﻌﺮﻑ ﻭﺍﻟﻲ ﻣﺎﺑﻴﻌﺮﻑ ﺑﻘﻮﻝ ﻛﻒ ﻋﺪﺱ ﻭﻛﺘﺒﺖ : ﻫﻬﻬﻬﻪ ﺍﻱ ﻭﺍﻟﻠﻪ ﻧﻴﺎﻟﻮ
ﻋﺒﻴﺪﺓ : ﻭﺍﻛﻴﺪ ﺑﺪﻙ ﺗﻄﺒﺨﻲ ﺍﻟﻴﻮﻡ ﻣﺎﻫﻴﻚ
ﺭﻫﻒ : ﺍﻛﻴﺪ .. ﺑﺲ ﻟﻴﺶ ﻋﻢ ﺗﺴﺄﻝ
ﻋﺒﻴﺪﺓ : ﻫﻴﻚ ﺳﺆﺍﻝ ﻭﺍﻟﻠﻪ .. ﺍﻱ ﻭﺷﻮﺑﺪﻙ ﺗﻄﺒﺨﻲ
ﺭﻫﻒ : ﻉ ﻓﻜﺮ ﺍﻋﻤﻞ ﻣﻘﻠﻮﺑﺔ
ﻋﺒﻴﺪﺓ : ﻳﺎ ﺍﻣﻴﻴﻲ ﺷﻮ ﺑﺤﺒﻬﺎ ﻟﻬﻞ ﺍﻻﻛﻠﺔ
ﺭﻫﻒ ؛ ﻫﻬﻬﻬﻪ ﻟﻮ ﻓﻴﻨﻲ ﻛﻨﺖ ﺑﻌﺘﻠﻚ ﺻﺤﻦ ﺑﺲ ﻣﺎﺑﺼﻴﺮ
ﻋﺒﻴﺪﺓ : ﻻ ﺷﻮ ﺗﺒﻌﺘﻴﻠﻲ ﺍﻧﺎ ﺑﻘﻮﻝ ﻻﻣﻲ ﺗﻌﻤﻠﻲ ﺍﻳﺎﻫﺎ ﺷﻜﺮﺍ ﺳﻠﻒ
ﺭﻫﻒ : ﻫﻬﻬﻬﻪ ﺍﻫﻼ ﻭﺳﻬﻼ ..
ﻋﺒﻴﺪﺓ : ﻭﺍﻟﻠﻪ ﺣﺎﺳﺲ ﻫﺎﻻﻳﺎﻡ ﻳﻠﻲ ﺑﺠﻲ ﻓﻴﻬﻦ ﻟﻬﻮﻥ ﻋﻢ ﻳﺮﻛﻀﻮ ﺭﻛﺾ ﻣﺎﺑﻠﺤﻖ ﺍﺟﻲ ﺍﻻ ﺑﺮﺟﻊ ﺑﺮﻭﺡ
ﺭﻫﻒ : ﺑﻌﻴﻨﻚ ﺍﻟﻠﻪ ﺍﺯﻣﺔ ﻭﺑﺪﺍ ﺗﻤﺮ
ﻋﺒﻴﺪﺓ : ﺍﻱ ﻭﺍﻟﻠﻪ ﺑﻌﻴﻦ ﺍﻟﻠﻪ
ﺭﻫﻒ : ﺍﻳﻤﺖ ﺭﺍﺟﻊ ﻟﻴﺶ
ﻋﺒﻴﺪﺓ : ﺑﻌﺪ ﺑﻜﺮﺍ
ﺭﻫﻒ : ﺍﻟﻠﻪ ﻳﺤﻤﻴﻚ ﻭﻳﺒﻌﺪ ﻋﻨﻚ ﺍﻟﺨﻄﺮ
ﻋﺒﻴﺪﺓ : ﺗﺴﻠﻤﻲ
ﺑﻌﺘﻠﻮﻭ ﻭﺟﻬﺎ ﺧﻼﻧﺔ :
ﺭﻫﻒ ﺍﺑﻨﺎ ﻧﺎﻡ ﺑﺤﻀﻨﺎ ﻗﺎﻣﺖ ﻧﻴﻤﺘﻮ ﺑﻐﺮﻓﺘﻮ ﻓﺘﺤﺖ ﺍﻟﺘﻠﻔﻮﻥ ﻟﻘﺖ ﻋﺒﻴﺪﺓ ﻣﺎﻧﻮ ﺑﺎﻋﺖ ﺷﻲ ﻣﺴﺤﺖ ﺍﻟﻤﺤﺎﺩﺛﺔ ﻭﻃﻔﺖ ﺍﻟﻮﺍﻳﻔﻲ ﻣﺸﺎﻥ ﻣﺎﻳﺒﻌﺖ ﻣﺮﺓ ﺗﺎﻧﻴﺔ ﻭﺭﺍﺣﺖ ﺑﺴﺮﻋﺔ ﻧﺰﻟﺖ ﻉ ﺍﻟﺨﻀﺮﺟﻲ ﻳﻠﻲ ﺑﺎﻟﺤﺎﺭﺓ ﻣﺸﺎﻥ ﺗﺠﻴﺐ ﻏﺮﺍﺽ ﺍﻟﻤﻘﻠﻮﺑﺔ ﻗﺒﻞ ﻣﺎﻳﻔﻴﻖ ﺍﺑﻨﺎ .. ﺟﺎﺑﺖ ﺑﺴﺮﻋﺔ ﻭﺟﻬﺰﺕ ﻛﻠﺸﻲ ﻭﺟﻬﺰﺕ ﺍﻟﺴﻄﻠﺔ ﺑﺴﺮﻋﺔ ﻣﺸﺎﻥ ﺗﻠﺤﻖ ﻧﻮﻣﺖ ﺍﺑﻨﺎ ﻭﺭﻛﺒﺖ ﻋﻠﻰ ﺍﻟﻤﻘﻠﻮﺑﺔ ﻭﺻﺎﺭﺕ ﺗﺠﻠﻲ .. ﻭﺑﺼﻴﺮ ﺍﺑﻨﺎ ﻳﺒﻜﻲ ﺑﺘﻨﺸﻒ ﺍﺩﻳﻬﺎ ﻭﺑﺘﺠﻴﺒﻮ ﻭﺑﺘﻘﻌﺪ ﺑﺘﻼﻋﻮ ﻋﻠﻰ ﻛﺮﺳﻲ ﺑﺎﻟﻤﻄﺒﺦ ﻭﻛﻞ ﺷﻮﻱ ﺗﺸﻮﻑ ﺍﻟﻄﺒﺨﺔ .. ﺍﺳﺘﻮﺕ ﺍﻟﻄﺒﺨﺔ ﻭﺍﺧﺪﺕ ﺍﺑﻨﺎ ﺣﻄﺘﻮ ﻗﺪﺍﻡ ﺍﻝ TV ﻟﻘﺘﻮ ﺳﺎﻛﺖ ﺑﺴﺮﻋﺔ ﺭﺍﺣﺖ ﻛﻤﻠﺖ ﺷﻐﻞ ﺍﻟﻤﻄﺒﺦ ﻭﺭﺟﻌﺖ ﻟﻌﻨﺪﻭ .. ﺑﻠﺸﺖ ﺍﻟﺪﻧﻴﺎ ﺗﻌﺘﻢ ﻭﺟﻮﺯﺍ ﻣﺎﺑﻴﺠﻲ ﻏﻴﺮ ﻟﻠﻴﻞ ..
ﻓﺎﺕ ﻉ ﺍﻟﺒﻴﺖ ﻭﺻﺎﺭ ﻳﻨﺪﻩ ﻟﺮﻫﻒ
ﻃﻠﻌﺖ ﺭﻫﻒ ﻭﻫﻴﺔ ﺣﺎﻣﻠﺔ ﺍﺑﻨﺎ ﻣﻦ ﻏﺮﻓﺔ ﺍﻟﻘﻌﺪﺓ
ﻧﺼﺮ : ﻣﺴﺎﻟﺨﻴﺮ
ﺭﻫﻒ ﻣﻦ ﺩﻭﻥ ﻧﻔﺲ : ﻣﺴﺎﻟﻨﻮﺭ
ﻧﺼﺮ : ﺑﺴﺮﻋﺔ ﺣﻄﻴﻠﻲ ﻋﺸﺎ ﻣﻴﺖ ﻣﻦ ﺍﻟﺠﻮﻉ
ﺭﻫﻒ : ﺍﻣﺴﻚ ﺍﺑﻨﻚ ﻟﺤﺘﻰ ﺣﻄﻠﻚ ﻋﺸﺎ
ﻧﺼﺮ : ﻫﺎﺗﻴﻪ ﻟﻬﻞ ﺍﻻﺭﻧﻮﺏ ﻫﺎﺗﻴﻪ
ﺣﻄﺖ ﻋﺸﺎ ﻭﻗﻌﺪﻭ ﻳﺎﻛﻠﻮ
ﻧﺼﺮ : ﻳﺎﺳﻼﻡ .. ﻟﻚ ﻳﺴﻠﻤﻮ ﺍﺩﻳﻜﻲ ﻋﻠﻰ ﺍﻻﻛﻞ ﺍﻟﻄﻴﺐ
ﺭﻫﻒ : ﺻﺤﺔ ﻭﻫﻨﺎ
ﻧﺼﺮ : ﻭﻟﻴﺶ ﻋﻢ ﺗﺮﺩﻱ ﻣﻦ ﻏﻴﺮ ﻧﻔﺲ
ﺭﻫﻒ : ﻭﻻ ﺷﻲ
ﻧﺼﺮ : ﺍﺍﺍﻩ ﺗﺬﻛﺮﺕ ﻣﺒﻮﺯﻣﺔ ﻣﻦ ﺍﻟﺼﺒﺢ
ﺭﻫﻒ : ﻣﻤﻜﻦ ﺗﺤﺴﻦ ﺍﻟﻔﺎﻇﻚ ﺷﻮﻱ
ﻧﺼﺮ : ﻟﻴﺶ ﻛﻠﻤﺔ ﻣﺒﻮﺯﻣﺔ ﺷﻮﻓﻬﺎ ... ﻫﻠﻖ ﺻﺮﺗﻲ ﺭﺍﻗﻴﺔ ﻳﺎﺑﻨﺖ ﻋﻤﻲ
ﺭﻫﻒ : ﻟﻴﺶ ﺷﻮ ﺷﺎﻳﻔﻨﻲ ﻛﻨﺖ ﺍﻣﺸﻲ ﻣﻊ ﻭﻻﺩ ﺍﻟﺸﻮﺭﺍﻉ
ﻧﺼﺮ : ﺧﻠﺼﻴﻨﺎ ﺳﻜﺮﻱ ﻋﻠﻰ ﺍﻟﺴﻴﺮﻳﺔ ﻣﺎﻧﻲ ﻃﺎﻳﻖ ﺟﺎﺩﻟﻚ
ﺭﻫﻒ : ﺍﻛﻠﻨﺎ ﺥ ....
ﻧﺼﺮ : ﻣﺸﺎﻟﻠﻪ ﺷﻮ ﻫﺎﻟﺤﻜﻲ ﻫﺎﺩ ﻭﻋﻢ ﺗﺤﻜﻲ ﻋﻨﻲ ﻣﺸﺎﻥ ﺣﺴﻦ ﺍﻟﻔﺎﻇﻲ ﺍﺍﺍﺍﺥ
ﻗﺎﻡ ﻓﺎﺕ ﻉ ﺍﻟﻐﺮﻓﺔ ﻏﺴﻞ ﻭﻏﻴﺮ ﺗﻴﺎﺑﻮ ﻭﻃﻠﻊ ﺑﺄﻳﺪﻭ ﻣﻔﺘﺎﺡ ﺍﻟﺴﻴﺎﺭﺓ
ﺭﻫﻒ : ﺷﻮ ﻉ ﻭﻳﻦ
ﻧﺼﺮ : ﻉ ﺍﻟﻘﻬﻮﺓ .. ﺑﺪﻙ ﺷﻲ
ﺭﻫﻒ : ﻻ ﺳﻼﻣﺘﻚ
ﻧﺼﺮ : ﻳﻼ ﺳﻼﻡ
ﺭﻫﻒ : ﺍﻟﻠﻪ ﻣﻌﻚ
ﻧﺼﺮ : ﺍﺍﺍﻩ ﺻﺢ ﻻﺗﻨﺎﻣﻲ ﺣﺘﻰ ﺍﺭﺟﻊ ﻋﺎﻭﺯﻙ
ﺭﻫﻒ : ﻭﺍﻟﻠﻪ ﻣﺎ ﺑﻮﻋﺪﻙ ﻻﻧﻮ ﻧﻌﺴﺎﻧﺔ ﻭﺑﺪﻱ ﻧﺎﻡ
ﻧﺼﺮ : ﺍﻱ ﺣﺎﻭﻟﻲ ﺣﺎﻭﻟﻲ .. ﻭﺍﻧﺎ ﻛﻤﺎﻥ ﻣﺎﺭﺡ ﺍﺗﺄﺧﺮ
ﻃﻠﻊ ﻭﺻﺎﺭﺕ ﺭﻫﻒ ﺗﻘﻮﻝ : ﻟﻜﻦ ﻻﻧﻮ ﺍﻧﺎ ﺟﺎﺭﻳﺔ ﻋﻨﺪﻭ ﺍﻟﺼﺒﺢ ﺧﺪﺍﻣﺔ ﻭﺍﻟﻤﺴﺎ ﺑﺪﻭ ﻳﺎﺧﺪ ﺣﻘﻮﻗﻮ ﻭﻳﺎﺭﻳﺖ ﺑﺤﺒﻨﻲ ﻻ ﺑﺲ ﻣﺸﺎﻥ ﺷﻬﻮﺗﻮ ... ﻳﺎﺭﺑﻲ ﺷﻮ ﺍﻋﻤﻞ .. ﺷﻮ ﺍﻋﻤﻞ ﻻﻧﻲ ﻋﻢ ﺍﻗﺪﺭ ﺍﺧﻠﺺ ﻣﻨﻮ ﻭﻻ ﻋﻢ ﺍﻗﺪﺭ ﻗﺮﺑﻮ ﻣﻨﻲ ﺩﺧﻴﻠﻚ ﻳﺎﺭﺏ ﺷﻮ ﺍﻟﺤﻞ ... ﺑﺲ ﻃﻮﻝ ﻣﺎﻫﺎﻱ ﺍﻟﺸﺎﺿﻮﻣﺔ ﺍﺳﻤﻬﺎﻥ ﻋﻢ ﺗﺤﺎﻛﻴﻪ ﺭﺡ ﻳﻀﻞ ﻳﻜﺮﻫﻨﻲ ... ﺍﻧﺎ ﻻﺯﻡ ﺧﻠﻴﻬﺎ ﺗﺒﻌﺪ ﻋﻨﻮ ﺑﺄﻱ ﻃﺮﻳﻘﺔ ﺍﻧﺎ ﺍﺫﺍ ﺿﻠﻴﺖ ﺳﺎﻛﺘﺔ ﻫﻴﻚ ﺑﻜﺮﺍ ﺑﻴﺘﺰﻭﺟﺎ ﻭﻣﺎﺑﻌﻮﺩ ﺷﻮﻓﻮ ﻧﻬﺎﺋﻴﺎ ﺻﺢ ﺍﻧﺎ ﺑﻠﺸﺖ ﺍﻛﺮﻫﻮ ﺑﺲ ﻗﺪ ﻣﺎ ﻛﺎﻥ ﺑﻀﻞ ﺟﻮﺯﻱ ﻭﻻﺯﻡ ﺣﺎﻓﻆ ﻋﻠﻴﻪ
ﺭﺍﺣﺖ ﺷﺎﻟﺖ ﺍﻟﻌﺸﺎ ﻭﺣﻄﺖ ﺍﺑﻨﺎ ﻗﺪﺍﻡ ﻃﻴﻮﺭ ﺍﻟﺠﻨﺔ ﻭﺣﻄﺘﻠﻮ ﻛﻢ ﻟﻌﺒﺔ ﻗﺪﺍﻣﻮ ﻭﻓﺘﺤﺖ ﺍﻟﻨﺖ ﻭﻓﺎﺗﺖ ﻉ ﺍﻟﻔﻴﺲ ﻭﺻﺎﺭﺕ ﺗﺘﻔﺮﺝ .. ﻭﺷﺎﻓﺖ ﻣﻨﺸﻮﺭ ﻟﻌﺒﻴﺪﺓ ﺑﻘﻠﺐ ﺍﻟﻜﺮﻭﺏ
ﺑﻴﺤﻜﻲ ﻋﻦ ﺍﻟﻤﺮﺗﺒﻄﻴﻦ ﻭﺍﻟﺴﻨﺎﺟﻞ ﻭﻫﻴﻚ ﺷﻲ ﻓﺎﺗﺖ ﻉ ﺍﻟﻜﻮﻣﻨﺘﺎﺕ ﻭﻟﻘﺖ ﻭﺣﺪﺓ ﻛﺎﺗﺒﺘﻠﻮ ﺑﺘﻌﻠﻴﻖ ﺑﺤﺒﻚ
ﺿﺤﻜﺖ ﻭﻓﺎﺗﺖ ﻋﻠﻰ ﺍﻟﺮﺩﻭﺩ ﻭﻛﺎﻥ ﻋﺒﻴﺪﺓ ﻗﺎﻳﻼ ﺗﺤﺒﻚ ﺍﻟﻌﺎﻓﻴﺔ
ﻫﺪﻳﻚ ﺭﺩﺕ ﻋﻠﻴﻪ : ﻟﻚ ﺑﺤﺒﻚ ﺑﺤﺒﻚ ﻟﻴﺶ ﻣﺎﻋﻢ ﺗﻔﻬﻢ
ﻋﺒﻴﺪﺓ : ﻟﻮ ﺳﻤﺤﺘﻲ ﻫﺎﺩ ﺍﻟﻤﻮﺿﻮﻉ ﻣﺎﺑﻴﻨﺤﻜﺎ ﻓﻴﻪ ﻫﻮﻥ
ﺍﻟﺒﻨﺖ : ﻟﻜﻦ ﻭﻳﻦ ﺑﺪﻧﺎ ﻧﺤﻜﻲ ﺍﺫﺍ ﻻﻃﻠﺐ ﺍﻟﺼﺪﺍﻗﺔ ﻗﺒﻠﺘﻮ ﻭﻻ ﻃﻠﺐ ﺍﻟﻤﺮﺍﺳﻠﺔ ﻗﺒﻠﺘﻮ ... ﻭﺍﻧﺎ ﺑﺪﻱ ﺍﺣﻜﻲ ﻗﺪﺍﻡ ﺍﻟﻜﻞ ﻭﺍﻟﻠﻪ ﺑﺤﺒﻚ ﺑﺤﺒﻚ
ﻭﻛﺎﻥ ﻓﻲ ﺣﻜﻲ ﻛﺘﻴﺮ ﻭﻫﻴﺔ ﻋﻦ ﺗﻘﺮﺍ ﻓﺠﺎﺓ ﻟﻘﺖ ﻛﻞ ﺍﻟﺮﺩﻭﺩ ﺍﻧﻤﺴﺤﺖ
ﺭﻫﻒ : ﻭﻳﻦ ﺭﺍﺣﻮ ﻫﺪﻭﻝ ... ﻫﻬﻬﻪ ﺑﺲ ﻭﺍﻟﻠﻪ ﻣﺎﻧﻮ ﻗﻠﻴﻞ ﻫﺎﻟﻌﺒﻴﺪﺓ ﻃﻠﻊ ﻋﻨﺪﻭ ﻣﻌﺠﺒﻴﻦ .. ﺑﺲ ﻭﺍﻟﻠﻪ ﺷﺨﺼﻴﺔ ﺍﻟﻠﻪ ﻳﺤﻤﻴﻪ ﻟﺸﺒﺎﺑﻮ ... ﻳﺎﺭﺑﻲ ﺻﺎﺭ ﻋﻨﺪﻱ ﻓﻀﻮﻝ ﻻﻋﺮﻑ ﺭﺍﻳﺤﺔ ﺣﻜﻴﻪ ﻣﺴﻨﺠﺮ ﻟﺸﻮﻑ ﺷﻮ ﻗﺼﺘﻮ ﻫﻬﻬﻪ
ﺍﻟﻤﺤﺎﺩﺛﺔ *
ﺭﻫﻒ : ﻣﺴﺎﺋﻮﻭ
ﻋﺒﻴﺪﺓ : ﻫﻼ ﻣﺴﺎﻟﻮﺭﺩ
ﺭﻫﻒ : ﻟﻚ ﺷﻮ ﺻﺎﻳﺮ ﺑﺎﻟﻜﺮﻭﺏ
ﻋﺒﻴﺪﺓ : ﻫﻬﻬﻬﻪ ﻳﻌﻨﻲ ﺷﻔﺘﻲ ﺷﻮ ﺻﺎﻳﺮ
ﺭﻫﻒ : ﺍﻱ ﺷﻔﺖ ﺑﺲ ﻣﺎﻟﺤﻘﺖ ﺍﻗﺮﺍ ﻛﻠﺸﻲ
ﻋﺒﻴﺪﺓ : ﻟﻚ ﺍﺍﺍﺥ ﺷﻮﺑﺪﻱ ﺍﺣﻜﻲ ﻻﺣﻜﻲ
ﺭﻫﻒ : ﻫﻬﻬﻪ ﻟﻚ ﺣﻜﻴﻠﻲ ﻭﺍﻟﻠﻪ ﺻﺎﺭ ﻋﻨﺪﻱ ﻓﻀﻮﻝ
ﻋﺒﻴﺪﺓ : ﻟﻚ ﻫﺎﻱ ﻭﺣﺪﺓ ﻭﺍﻟﻠﻪ ﻣﺎﺑﻌﺮﻑ ﺷﻮ ﺍﺣﻜﻲ ﻋﻨﺎ ﺑﺲ ﻫﺎﻱ ﻭﺣﺪﺓ ﻛﻞ ﻣﺮﺓ ﺑﺘﻔﻮﺕ ﺑﺤﺴﺎﺏ ﺷﻜﻞ ﻭﺑﺘﺪﺑﻖ ﺷﺐ ﻭﺑﺘﺼﻴﺮ ﺗﺒﻌﺘﻠﻮ .. ﻭﻧﺤﻨﺎ ﺑﻨﻌﺮﻑ ﺍﻧﻮ ﻫﻴﺔ ﻧﻔﺲ ﺍﻟﺒﻨﺖ ﻳﻌﻨﻲ ﺷﻮ ﻣﺼﻠﺤﺘﺎ ﻭﺍﻟﻠﻪ ﻣﺎﺑﻌﺮﻑ ﻭﻫﻠﻖ ﺷﻜﻠﻮ ﺍﺟﺎ ﺍﻟﺪﻭﺭ ﻟﻌﻨﺪﻱ
ﺭﻫﻒ : ﻃﻴﺐ ﺍﻧﺖ ﺍﺣﻜﻲ ﻣﻌﺎ ﺷﻮ ﺧﺴﺮﺍﻥ ﺑﺘﺘﺴﻠﻰ
ﻋﺒﻴﺪﺓ : ﺑﺰﻋﻞ ﻣﻨﻚ ﺑﻌﺪﻳﻦ .. ﻟﻴﺲ ﺍﻧﺎ ﺑﺘﻌﺮﻓﻴﻨﻲ ﻣﻦ ﻫﺎﺩ ﺍﻟﻨﻮﻉ
ﺭﻫﻒ : ﺍﻛﻴﺪ ﻣﺎﻧﻚ ﻣﻦ ﻫﺎﺩ ﺍﻟﻨﻮﻉ ﺑﺲ ﺍﻧﻮ ﻛﻞ ﺍﻟﺸﺒﺎﺏ ﺑﻴﺤﻜﻮ ﻣﻊ ﺑﻨﺎﺕ ﻭﻫﻴﻚ
ﻋﺒﻴﺪﺓ : ﻋﻨﺠﺪ ﺍﻧﺎ ﻣﺎﻧﻲ ﻣﻦ ﻫﺎﺩ ﺍﻟﻨﻮﻉ
ﺭﻫﻒ : ﻫﻬﻬﻪ ﻏﺮﻳﺐ .. ﺑﺲ ﺣﻠﻮ ﺍﻧﻚ ﻣﺎﺗﺤﻜﻲ
ﻋﺒﻴﺪﺓ : ﻋﻴﻮﻧﻚ ﺍﻟﺤﻠﻮﻳﻦ
ﺭﻫﻒ : ﺗﺴﻠﻢ
ﻋﺒﻴﺪﺓ : ﺍﻱ ﺻﺢ ﻗﻮﻟﻴﻠﻲ ﻃﻠﻌﺖ ﻃﻴﺒﺔ ﺍﻟﻤﻘﻠﻮﺑﺔ
ﺭﻫﻒ : ﺍﻱ ﻭﺍﻟﻠﻪ ﺍﺷﺘﻬﻴﺘﻚ ﻣﻨﻌﺎ
ﻋﺒﻴﺪﺓ : ﺍﻟﻒ ﺻﺤﺎ ﻭﻫﻨﺎ .. ﺧﻠﺺ ﻛﺄﻧﻮ ﺍﻛﻠﺖ
ﺭﻫﻒ : ﻫﻬﻬﻬﻬﻪ
ﻋﺒﻴﺪﺓ : ﺩﻭﻭﻡ ﻫﺎﻟﻀﺤﻜﺔ ﺍﻟﺤﻠﻮﺓ
ﺭﻫﻒ : ﺍﻟﻠﻪ ﻳﺤﻠﻲ ﺍﻳﺎﻣﻚ
ﺭﻫﻒ : ﻳﻼ ﺍﻧﺎ ﺻﺎﺭ ﻻﺯﻡ ﺳﻜﺮ
ﻋﺒﻴﺪﺓ : ﺍﻱ ﻣﺎﺑﺪﻱ ﻋﻄﻠﻚ ﻋﻦ ﺷﻲ ﻳﻼ ﺳﻼﻡ
ﺭﻫﻒ : ﺳﻼﻡ
ﺳﻜﺮﺕ ﻭﺍﻻﺑﺘﺴﺎﻣﺔ ﻋﻰ ﻭﺟﻬﺎ ﻭﻗﺎﻟﺖ : ﻫﻬﻬﻬﻪ ﻭﺍﻟﻠﻪ ﻫﺎﻟﺸﺐ ﻣﻬﻀﻮﻡ .
ﺳﻬﺮﺕ ﻫﻴﻚ ﺷﻲ ﺳﺎﻋﺔ ﻣﻊ ﺍﺑﻨﺎ ﺻﺎﺭﺕ ﺗﻼﻋﺒﻮ ﻭﺑﺎﻻﺧﻴﺮ ﺍﺑﻨﺎ ﺑﻠﺶ ﻳﻨﻖ ﺑﺪﻭ ﻳﻨﺎﻡ ﻗﺎﻣﺖ ﻏﻴﺮﺗﻮ ﻭﻃﻌﻤﺘﻮ ﻭﻫﺰﺗﻮ ﻭﻧﺎﻡ
ﺭﻫﻒ : ﻭﻫﻠﻖ ﻳﺎﺭﻫﻒ ﺷﻮ ﺑﺪﻙ ﺗﻌﻤﻠﻲ ﺗﻨﺎﻣﻲ ﻭﻻ ﺗﺴﺘﻨﻲ ﺟﻮﺯﻙ ... ﺑﺲ ﺍﻧﺖ ﻋﻢ ﺗﻘﻮﻟﻲ ﺑﺪﻙ ﺗﻘﺮﺑﻴﻪ ﻣﻨﻚ ﻻﺯﻡ ﺍﻋﻤﻞ ﻛﻠﺸﻲ ﺑﻘﻠﻲ ﻋﻠﻴﻪ ﺍﺣﺴﻦ ﻣﺎﻳﺼﻴﺮ ﻳﻜﺮﻫﻨﻲ ﺍﻛﺘﺮ .. ﺭﺡ ﻧﻘﻲ ﺷﻲ ﻗﻴﺺ ﻧﻮﻡ ﺣﻠﻮ ﻭﺍﻧﻄﺮﻭ .. ﺭﺍﺣﺖ ﻓﺘﺤﺖ ﺍﻟﺨﺰﺍﻧﺔ ﻧﻘﺖ ﻗﻤﻴﺺ ﻧﻮﻡ ﺍﺳﻮﺩ ﻗﺼﻴﺮ ﺷﻔﺎﻑ ﻭﻗﻌﺪﺕ ﻋﻠﻰ ﺍﻟﺘﺨﺖ ﺗﻨﻄﺮﻭ ﻭﻓﺘﺤﺖ ﺍﻟﺘﻠﻔﻮﻥ ﺗﺘﺴﻠﻰ ﻓﻴﻪ ﻟﺒﻴﻦ ﻣﺎﻳﺠﻲ ﺭﺟﻌﺖ ﻓﺘﺤﺖ ﺍﻟﻔﻴﺲ ﻭﺻﺎﺭ ﺗﻘﻠﺐ ﻓﻴﻪ .. ﻭﻓﺠﺄﺓ ﺳﻤﻌﺖ ﺻﻮﺕ ﺍﻟﺒﺎﺏ ﻋﻢ ﻳﻨﻔﺘﺢ ﺑﺴﺮﻋﺔ ﻃﻠﻌﺖ ﻣﻦ ﺍﻟﻔﻴﺲ ﻭﺣﻄﺖ ﻣﻮﺑﺎﻳﻼ ﺻﺎﻣﺖ ﻭﺣﻄﺘﻮ ﻋﻠﻰ ﺟﻨﺐ ..
ﻓﺘﺢ ﺍﻟﺒﺎﺏ ﻭﺍﺗﻔﺎﺟﻰ ﻓﻴﻬﺎ
ﻧﺼﺮ : ﺷﻮ ﻫﺎﺩ ﻳﺎﻣﺮﺗﻲ
ﺭﻫﻒ : ﻣﺎ ﺍﻧﺖ ﺑﺪﻙ ﻫﻴﻚ ﺍﺫﺍ ﻣﺎﺑﺪﻙ ﺑﻘﻮﻡ ﺑﻠﺒﺲ ﻣﺎﻋﻨﺪﻱ ﻣﺎﻧﻊ
ﻧﺼﺮ : ﻫﻬﻬﻬﻪ ﻟﻚ ﺷﻮ ﺗﻘﻮﻣﻲ ﺗﻠﺒﺴﻲ ﺷﻠﺢ ﻗﻤﻴﺼﻮ ﻭﺭﻣﻬﺎ ﻉ ﺍﻻﺭﺽ ﻭﻗﺮﺏ ﻟﻌﻨﺪﺍ .................
.................................
ﺑﻌﺪ ﺷﻮﻱ ﻃﺎﻟﻌﺔ ﺭﻫﻒ ﻣﻦ ﺍﻟﺤﻤﺎﻡ ﻭﻻﺑﺴﺔ ﺑﺮﻧﺲ ﻭﻻﻓﺔ ﺷﻌﺮﺍ ﺑﺎﻟﻤﻨﺸﻔﺔ
ﻓﺎﺗﺖ ﻉ ﺍﻟﻐﺮﻓﺔ ﻟﻘﺖ ﻧﺼﺮ ﻭﺍﻗﻒ ﻋﻠﻰ ﺍﻟﺸﺒﺎﻙ ﻋﻢ ﻳﺪﺧﻦ
ﺭﻫﻒ : ﺍﻟﺤﻤﺎﻡ ﺣﺎﻣﻲ ﺍﺫﺍ ﺑﺪﻙ ﺗﺘﺤﻤﻢ
ﻧﺼﺮ : ﺟﺎﻱ ﻟﺤﺘﻰ ﺧﻠﺺ ﺍﻟﺴﻴﺠﺎﺭﺓ
ﺧﻠﺺ ﺍﻟﺴﻴﺠﺎﺭﺓ ﺭﻣﺎﻫﺎ ﻭﻓﺎﺕ ﻉ ﺍﻟﻐﺮﻓﺔ ﺍﺧﺪ ﻣﻨﺸﻔﺔ ﻭﻃﻠﻊ ﻉ ﺍﻟﺤﻤﺎﻡ
ﺻﺎﺭ ﺗﻠﻔﻮﻧﻮ ﻳﺮﻥ ﻗﺮﺑﺖ ﻣﻨﻮ ﻛﺎﻥ ﻣﻜﺘﻮﺏ ﺣﺒﻲ
ﺍﻧﻘﻬﺮﺕ ﻛﺘﻴﺮ .. ﺣﻄﺘﻮ ﺻﺎﻣﺖ .. ﺑﺲ ﻣﻦ ﺟﻮﺍ ﺻﺎﺭﺕ ﺗﻐﻠﻲ ﺍﻧﻮ ﻟﻴﺶ ﻣﺴﻤﻴﻬﺎ ﺣﺒﻲ ﻭﺍﻧﺎ ﻣﺴﻤﻴﻨﻲ ﺍﻟﺒﻴﺖ ﻟﻚ ﺗﻀﺮﺏ ﻣﻨﻚ ﺍﻟﻬﺎ ﺭﺟﻌﺖ ﺩﻗﺖ ﻣﺮﺓ ﺗﺎﻧﻴﺔ
ﺭﻫﻒ ﻣﺸﺎﻥ ﺗﻘﻬﺮﺍ ﻓﺘﺤﺖ ﺧﻂ
ﺭﻫﻒ : ﺍﻟﻮ
ﺍﺳﻤﻬﺎﻥ : ﻭﻳﻨﻮ ﻧﺼﺮ
ﺭﻫﻒ : ﻭﺍﻟﻠﻪ ﻋﻢ ﻳﺘﺤﻤﻢ
ﺍﺳﻤﻬﺎﻥ : ﺷﻮﻭﻭ
ﺭﻫﻒ : ﻟﻴﺶ ﺗﻔﺎﺟﺌﺘﻲ
ﺍﺳﻤﻬﺎﻥ : ﻟﻴﺶ ﻋﻢ ﻳﺘﺤﻤﻢ
ﺭﻫﻒ : ﻫﻬﻬﻬﻬﻪ ﻳﻌﻨﻲ ﺷﻮ ﻫﺎﻟﺴﺆﺍﻝ .. ﺍﺍﺍﻩ ﺻﺢ ﺍﻧﺘﻲ ﻣﺎﻧﻚ ﻣﺘﺰﻭﺟﺔ ﻟﺤﺘﻰ ﺗﻌﺮﻓﻲ ﻟﻴﺶ ﺑﻴﺤﻤﻤﻮﺍ ﺍﻟﻤﺘﺰﻭﺟﻴﻦ
ﺍﺳﻤﻬﺎﻥ : ﺍﻧﺘﻲ ﻭﺣﺪﺓ ﻛﺬﺍﺑﺔ .. ﻗﻮﻟﻴﻠﻲ ﻭﻳﻨﻮ ﻧﺼﺮ
ﺭﻫﻒ : ﻋﻢ ﻗﻠﻚ ﻋﻢ ﻳﺘﺤﻤﻢ ﺍﻧﺖ ﻣﺎﺑﺘﻔﻬﻤﻲ
ﺍﺳﻬﻤﺎﻥ : ﻛﺬﺍﺑﺔ ﻫﻮ ﻣﺎﺑﺤﺒﻚ ﻭﻻ ﺣﺘﻰ ﺑﻘﺮﺏ ﻣﻨﻚ
ﺭﻫﻒ : ﺣﺒﻴﺒﺘﻲ ﻻ ﺗﻨﺴﻲ ﺍﻧﻮ ﻋﻨﺎ ﻭﻟﺪ ﻭﻫﺎﺩ ﺍﻟﻮﻟﺪ ﺍﻛﻴﺪ ﻣﺎ ﺍﻧﺎ ﺟﺒﺘﻮ ﻟﺤﺎﻟﻲ
ﺍﺳﻤﻬﺎﻥ : ﺍﺻﻼ ﻫﻮ ﻗﻠﻲ ﻏﻠﻄﺔ
ﺭﻫﻒ : ﻫﻬﻬﻬﻪ ﻋﻢ ﻳﻀﺤﻚ ﻋﻠﻴﻜﻲ .. ﺑﻌﺪﻳﻦ ﺍﺗﻨﻲ ﺣﻄﻴﻬﺎ ﺑﻌﻘﻠﻚ ﻳﻌﻨﻲ ﻣﻌﻘﻮﻝ ﺗﺄﻣﻨﻲ ﻋﻠﻰ ﺭﺟﺎﻝ ﻣﻊ ﻣﺮﺓ ﺣﻠﻮﺓ ﻣﺘﻠﻲ ﻭﻣﺎﻳﺼﻴﺮ ﺑﻴﻨﺎﺗﻮﻥ ﺷﻲ ﻟﻚ ﺍﺫﺍ ﺑﺎﻟﺤﺮﺍﻡ ﺑﻴﻌﻤﻠﻮﻫﺎ ﻛﻴﻒ ﺍﺫﺍ ﺑﺎﻟﺤﻼﻝ ﻫﻬﻬﻬﻬﻬﻬﻪ
ﻭﺳﻜﺮﺕ ﺑﻮﺟﻬﺎ
....................
ﻋﺼﺒﺖ ﺍﺳﻤﻬﺎﻥ ﻭﺻﺎﺭﺕ ﺗﺼﺮﺥ ﻭﺗﺨﺒﻂ ﻛﻠﺸﻲ ﺣﻮﻟﻴﻬﺎ
#ﻭﺭﺩﺓ_ﺫﺍﺑﻠﺔ
#مريم_اليوسف
#ﺍﻟﺠﺰﺀ_اﻟﺜﺎﻧﻲ
ﺟﻦ ﺟﻨﻮﻧﺎ ﺍﺳﻤﻬﺎﻥ ﻣﻦ ﻳﻠﻲ ﺳﻤﻌﺘﻮ ﻭﺻﺎﺭﺕ ﺗﻜﺴﺮ ﻛﻠﺸﻲ ﺣﻮﻟﻴﻬﺎ ﺑﻌﺪﻳﻦ ﻫﺪﻳﺖ ﻭﻗﻌﺪﺕ ﻭﺣﻄﺖ ﺭﺍﺳﺎ ﺑﻴﻦ ﺍﺩﻳﻬﺎ ﻭﺻﺎﺭﺕ ﺗﻬﺰ .. ﻭﺗﻘﺰﻝ ﺍﻧﺎ ﺑﻔﺮﺟﻴﻚ ﻳﺎ ﻧﺼﺮ
ﻣﺴﻜﺖ ﺗﻠﻔﻮﻧﺎ ﻭﺣﻈﺮﻭﺗﻮ
...................
ﻃﻠﻊ ﻣﻦ ﺍﻟﺤﻤﺎﻡ ﻧﺼﺮ ﻛﺎﻧﺖ ﺭﻫﻒ ﻣﺨﻠﺼﺔ ﻟﺒﺲ ﻭﻛﺎﻧﺖ ﻣﻦ ﺟﻮﺍ ﻓﺮﺣﺎﻧﺔ ﻻﻧﻮ ﻗﻬﺮﺕ ﺍﻻﻧﺴﺎﻧﺔ ﻳﻠﻲ ﻋﻢ ﺗﻨﻘﻬﺮ ﻛﻞ ﻳﻮﻡ ﺑﺴﺒﺒﻬﺎ
ﺭﻫﻒ : ﺍﻧﺎ ﺭﺍﻳﺤﺔ ﻧﺎﻡ ﻋﻨﺪ ﻫﻤﺎﻡ ﺗﺼﺒﺢ ﻋﻠﻰ ﺧﻴﺮ
ﻧﺼﺮ : ﻭﺍﻧﺘﻲ ﺑﺨﻴﺮ
ﻃﻠﻌﺖ ﻭﻫﻮ ﻗﻌﺪ ﻣﺴﻚ ﺗﻠﻔﻮﻥ ﻗﻠﺐ ﻓﻴﻪ ﻭﻗﺎﻝ ﻋﺠﺐ ﺍﺳﻤﻬﺎﻥ ﻟﻬﻠﻖ ﻣﺎ ﺩﻗﺖ .. ﻳﻼ ﺍﺣﺴﻦ . ﻃﺒﻌﺎ ﺭﻫﻒ ﻣﺴﺤﺖ ﺍﻟﻤﻜﺎﻟﻤﺎﺕ
ﻟﺒﺲ ﻭﻗﻌﺪ ﻳﻨﺸﻒ ﺷﻌﺮﻭ ﻭﺻﺎﺭ ﻳﺒﻌﺘﻼ ﻉ ﺍﻟﻮﺍﺗﺲ ﻣﺎ ﻳﻮﺻﻼ ﺍﻟﺤﻜﻲ .. ﻓﺘﺢ ﺍﻟﻔﻴﺲ ﻟﻘﺎﻫﺎ ﺣﺎﻇﺮﺗﻮ ﺻﺎﺭ ﻳﺪﻗﻼ ﻣﺎ ﺗﺮﺩ
ﻧﺼﺮ : ﻟﻚ ﺷﺒﺎ ﻫﺎﻱ ﻟﻴﺶ ﺣﺎﻇﺮﺗﻨﻲ ... ﻳﺎﺭﺑﻲ ﻋﻨﺠﺪ ﺍﻟﻨﺴﻮﺍﻥ ﺑﻨﺺ ﻋﻘﻞ ﺑﻜﺮﺍ ﺑﺸﻮﻑ ﺷﺒﺎ
ﺣﻂ ﺭﺍﺳﻮ ﻭﻧﺎﻡ
ﺗﺎﻧﻲ ﻳﻮﻡ ﻓﺎﻕ ﻧﺼﺮ ﻭﺭﺍﺡ ﻋﻠﻰ ﺷﻐﻠﻮ ﻭﺭﻫﻒ ﻗﻀﺖ ﻳﻮﻣﺎ ﻋﺎﺩﻱ ﺧﻠﺼﺖ ﻭﻗﻌﺪﺕ ﻉ ﺍﻟﻔﻴﺲ ﺑﻮﻙ
ﺣﻜﺎﻫﺎ ﻋﺒﻴﺪﺓ : ﻣﺮﺣﺒﺎ ﺭﻫﻒ
ﺭﻫﻒ : ﻫﻼ ﻋﺒﻴﺪﺓ ﻛﻴﻔﻚ
ﻋﺒﻴﺪﺓ : ﺍﻟﺤﻤﺪ ﻟﻠﻪ ..... ﺍﻟﻤﻬﻢ ﺑﺪﻱ ﻣﻨﻚ ﺧﺪﻣﺔ
ﺭﻫﻒ : ﺷﻮ ﻫﻴﺔ
ﻋﺒﻴﺪﺓ : ﻓﻲ ﺻﺒﻴﺔ ﻣﻌﻨﺎ ﺑﺎﻟﻜﺮﻭﺏ ﻫﻠﻖ ﺑﺒﻌﺘﻠﻚ ﺭﺍﺑﻂ ﺻﻔﺤﺘﺎ
ﺭﻫﻒ : ﺍﻱ ﺷﺒﺎ
ﻋﺒﻴﺪﺓ : ﺑﺪﻱ ﻣﻨﻚ ﺗﺤﻜﻴﻬﺎ ﻭﺗﺴﺄﻟﻴﻬﺎ ﻋﻨﻲ
ﺭﻫﻒ : ﻣﺎﻓﻬﻤﺖ
ﻋﺒﻴﺪﺓ : ﺑﺼﺮﺍﺣﺔ ﺍﻧﺎ ﻣﻌﺠﺐ ﻓﻴﻬﺎ ﻭﻋﻢ ﺍﺑﻌﺘﻼ ﻃﻠﺐ ﺻﺪﺍﻗﺔ ﻣﺎﻋﻢ ﺗﻘﺒﻞ ﻓﺎ ﻳﻤﻜﻦ ﺗﻘﺒﻞ ﻃﻠﺒﻚ ﻻﻧﻚ ﺑﻨﺖ ﻭﺗﺤﻜﻴﻬﺎ ﻭﺗﻘﻮﻟﻴﺎ ﺍﻧﻮ ﻋﺒﻴﺪﺓ ﻣﻌﺠﺐ ﻓﻴﻜﻲ
ﺭﻫﻒ : ﺑﺲ ﻫﻴﻚ ﺗﻜﺮﻡ
ﻋﺒﻴﺪﺓ : ﺍﻟﻠﻪ ﻳﻜﺮﻣﻚ ﻳﺎﺭﺏ .. ﺍﺣﻼ ﺻﺪﻳﻘﺔ ﻭﺍﻟﻠﻪ
ﺭﻫﻒ : ﻫﻬﻬﻬﻪ ﻳﻼ ﺭﺡ ﺣﻜﻴﻬﺎ ﻭﺭﺩ ﻋﻠﻴﻚ ﺧﺒﺮ
ﺑﻌﺪ ﺳﺎﻋﺔ
ﺭﻫﻒ ﺑﻌﺘﺖ : ﺍﻟﻮ
ﻋﺒﻴﺪﺓ : ﺍﻱ ﺷﻮ ﺻﺎﺭ ﻣﻌﻚ
ﺭﻫﻒ : ﻗﺎﻝ ﻫﻴﺔ ﻣﺨﻄﻮﺑﺔ
ﻋﺒﻴﺪﺓ : ﺍﻣﻤﻢ .. ﻃﻴﺐ ﻣﺎﺷﻲ ﻋﺰﺑﺘﻚ
ﺭﻫﻒ : ﻋﺬﺍﺑﻚ ﺭﺍﺣﺔ
ﻋﺒﻴﺪﺓ : ﺍﻧﺎ ﺑﺪﻱ ﺳﻜﺮ ﺳﻼﻡ
ﺭﻫﻒ : ﺳﻼﻡ
ﺭﻫﻒ : ﺷﻜﻠﻮ ﺯﻋﻞ .. ﺍﻱ ﺷﻮ ﺍﻋﻤﻠﻮ
ﻓﺠﺄﺓ ﺍﻧﻔﺘﺢ ﺍﻟﺒﺎﺏ ﻭﻓﺎﺕ ﻧﺼﺮ ﺑﻴﻦ ﻋﻠﻰ ﺍﻟﻐﻀﺐ ﻭﻓﺎﺕ ﻣﺘﻞ ﺍﻟﺤﻴﻮﺍﻥ ﻣﺴﻜﺎ ﻣﻦ ﺷﻌﺮﺍ
ﻧﺼﺮ : ﺷﻮ ﻗﻠﺘﻴﻼ ﻻﺳﻤﻬﺎﻥ ﻣﺒﺎﺭﺡ
ﺭﻫﻒ : ﻧﺼﺮ ﺗﺮﻛﻨﻲ ﻋﻢ ﺗﻮﺟﻌﻨﻲ
ﻧﺼﺮ ﺑﺼﻮﺕ ﻋﺎﻟﻲ : ﺷﻮﻭﻭ ﻗﻠﺘﻴﻼ
ﺭﻫﻒ : ﻟﻚ ﻗﻠﺘﻼ ﺍﻧﻚ ﻋﻢ ﺗﺘﺤﻤﻢ ﺷﻮ ﻓﻴﻬﺎ
ﻧﺼﺮ : ﻣﻴﻦ ﻃﻠﺐ ﻣﻨﻚ ﺗﺮﺩﻱ ﻋﻠﻴﻬﺎ ﺍﻭ ﻣﻴﻦ ﻃﻠﺐ ﻣﻨﻚ ﺗﻘﺮﺑﻲ ﻋﻠﻰ ﺗﻠﻔﻮﻧﻲ ﻣﻦ ﺍﺻﻠﻮ
ﺭﻫﻒ : ﺧﻠﺺ ﻣﺸﺎﻥ ﺍﻟﻠﻪ ﺗﺮﻛﻨﻲ ﻭﺍﻟﻠﻪ ﻣﻌﺪ ﻋﻴﺪﺍ
ﻧﺼﺮ : ﺍﻛﻴﺪ ﻣﺎﺭﺍﺡ ﺗﻌﻴﺪﻳﻬﺎ ﻻﻧﻮ ﺭﺡ ﻋﻠﻤﻚ ﻛﻴﻒ ﺗﻘﺮﺑﻲ ﻉ ﺗﻠﻔﻮﻧﻲ ﻣﺮﺓ ﺗﺎﻧﻴﺔ
ﺭﻫﻒ : ﻧﺼﺮ ﻣﺸﺎﻥ ﺍﻟﻠﻪ ﻻ ﺗﻀﺮﺏ ﻭﺍﻟﻠﻪ ﺍﻟﺘﻮﺑﺔ
ﻧﺼﺮ : ﻗﻠﺘﻴﻠﻲ ﺍﻟﺘﻮﺑﺔ ﻳﺎﻛﻠﺒﺔ ﺑﺲ ﺍﻧﺘﻲ ﺷﻜﻠﻮ ﺟﻠﺪﻙ ﻋﻢ ﻳﺤﻜﻚ ﻣﻦ ﺯﻣﺎﻥ
ﺭﻫﻒ : ﻧﺼﺮ ﻣﺸﺎﻥ ﺍﻟﻠﻪ
ﻣﺎ ﺭﺩ ﻋﻠﻴﻬﺎ ﺷﻜﻞ ﻗﺸﺎﻁ ﺍﻟﺒﻨﻄﻠﻮﻥ ﻭﻃﻮﺍﻩ ﺑﺄﻳﺪﻭ ﻭﺻﺎﺭ ﻳﻀﺮﺑﻬﺎ ﻭﻛﺎﻥ ﻋﻢ ﻳﻔﺠﺮ ﻛﻞ ﻏﻀﺒﻮ ﻋﻠﻴﻬﺎ ﻭﻫﻴﺔ ﻋﻢ ﺗﺒﻜﻲ ﻭﺗﺼﺮﺥ ﻭﺗﻘﻮﻟﻮ : ﻣﺸﺎﻥ ﺍﻟﻠﻪ ﺗﺮﻛﻨﻲ ﻭﺻﺎﺭﺕ ﺗﺨﺒﻲ ﻭﺟﻬﺎ ﺑﻴﻦ ﺍﺩﻳﻬﺎ ﻣﺸﺎﻥ ﻣﺎ ﻳﺼﻴﺒﺎ ﻭﺗﺒﻜﻲ ﻣﻦ ﻛﻞ ﻗﻠﺒﺎ ﻭﺗﺼﺮﺥ ﻭﻫﻮ ﻣﺘﻞ ﺍﻟﺤﻴﻮﺍﻥ ﻣﺎﻓﻲ ﺑﻘﻠﺒﻮ ﺭﺣﻤﺔ
ﺑﺎﻻﺧﻴﺮ ﻫﻮ ﺗﻌﺐ ﻭﻗﻌﺪ ﻋﻠﻰ ﺟﻨﺐ ﻭﻫﻴﺔ ﺿﺎﻣﺔ ﺟﺴﻤﺎ ﻭﻋﻢ ﺗﺒﻜﻲ ﻣﻦ ﺍﻟﻮﺟﻊ
ﺭﻫﻒ : ﺍﺍﺍﺍﺍﻩ .. ﺭﻭﺡ ﻳﺎ ﻧﺼﺮ ﺍﻟﻠﻪ ﻻ ﻳﺴﺎﻣﺤﻚ
ﺻﺎﺭ ﺍﺑﻨﺎ ﻳﺒﻜﻲ ﻭﻓﺎﻕ ﻋﻠﻰ ﺻﻮﺕ ﺍﻟﻌﻴﺎﻁ ﻭﺍﻟﺼﺮﻳﺦ
ﻧﺼﺮ : ﻫﺎﺩ ﺩﺭﺱ ﺻﻐﻴﺮ
ﺗﺮﻛﻬﺎ ﻭﻃﻠﻊ ﻭﻫﻴﺔ ﻋﻢ ﺗﺪﻋﻲ ﻋﻠﻴﻪ ﻣﻦ ﻛﻞ ﻗﻠﺒﺎ ﻭﺗﻘﻮﻟﻮ ﺭﻭﺡ ﺍﻥ ﺷﺎﺀ ﺍﻟﻠﻪ ﺗﺮﻭﺡ ﻭﻣﺎ ﺗﺮﺟﻊ .. ﺍﻥ ﺷﺎﺀ ﺍﻟﻠﻪ ﺑﺠﻴﺒﻮﻙ ﻣﺤﻤﻞ ... ﻋﻢ ﺗﻀﺮﺑﻴﻨﻲ ﻋﺸﺎﻥ ﻭﺣﺪﺓ ﻓﻠﺘﺎﻧﺔ .. ﺍﻟﻠﻪ ﻳﻠﻌﻨﻚ ﻭﻳﻠﻌﻨﺎ .. ﺍﻟﻠﻪ ﻻ ﻳﺴﺎﻣﺤﻚ ﻳﺎﻋﻼ ﻻ ﺍﻧﺘﻲ ﻭﻻ ﻋﻤﺎﻣﻲ ﻋﻠﻰ ﻫﺎﻟﺠﻮﺍﺯﺓ ﻳﻠﻲ ﺟﻮﺯﺗﻮﻧﻲ ﺍﻳﺎﻫﺎ ﺭﻭﺣﻮ ﺷﻜﻴﺘﻜﻮﻥ ﻻ ﺍﻟﻠﻪ ﻭﻳﻨﻚ ﻳﺎﺑﺎﺑﺎ ﻭﻳﻨﻚ ﻳﺎﻣﺎﻣﺎ ﻟﻴﺶ ﺭﺣﺘﻮ ﻭﺗﺮﻛﺘﻮﻧﻲ ﺗﻌﺎﻟﻮ ﺷﻮﻓﻮ ﺑﻨﺘﻜﻦ ﺷﻮ ﻋﻢ ﻳﺼﻴﺮ ﻓﻴﻬﺎ ... ﺍﺍﺍﺍﻩ ﻳﺎ ﻣﺎﻣﺎ ﻭﻳﻨﻚ ﺗﻌﺎﻟﻲ ﺷﻮﻓﻲ ﺑﻨﺘﻚ ﺍﻟﺼﻐﻴﺮﺓ ﺷﻮ ﻋﻢ ﻳﺼﻴﺮ ﻓﻴﻬﺎ ﺗﻌﺎﻟﻲ ﺷﻮﻓﻲ ﺑﻨﺘﻚ ﺍﻟﻤﺪﻟﻠﺔ .. ﺍﺍﺍﺍﻩ ..
ﻫﻤﺎﻡ ﻋﻢ ﻳﺒﻜﻲ ﺑﺼﻮﺕ ﻗﻮﻱ
ﺭﻫﻒ : ﺟﺎﻱ ﻳﺎﻣﺎﻣﺎ ﺟﺎﻱ
ﻗﺎﻣﺖ ﻭﺟﺴﻤﺎ ﻛﻠﻮ ﻋﻢ ﻳﻬﺐ ﻋﻠﻴﻬﺎ ﻣﺘﻞ ﺍﻟﻨﺎﺭ
ﺭﺍﺣﺖ ﻟﻌﻨﺪ ﺍﺑﻨﺎ ﺣﻄﺘﻮ ﺑﺤﻀﻨﺎ ﻭﺻﺎﺭﺕ ﺗﻄﺒﻄﺐ ﻋﻠﻴﻪ ﺭﺟﻊ ﻧﺎﻡ ﻭﻫﻴﺔ ﺩﻣﻮﻋﺎ ﻋﻠﻰ ﺧﺪﺍ ﻣﺘﻞ ﺍﻟﺸﻼﻝ ﻭﻋﻢ ﺗﻜﺘﻢ ﺷﻬﻘﺎﺗﺎ ﻣﺸﺎﻥ ﻣﺎﻳﻔﻴﻖ ﻧﻴﻤﺘﻮ ﻣﻜﺎﻧﻮ ﻭﻧﺎﻣﺖ ﻋﻠﻰ ﺍﻻﺭﺽ ﻭﺻﺎﺭﺕ ﺗﺒﻜﻲ
ﺭﻫﻒ : ﻟﻴﺶ ﻫﻴﻚ ﺍﻧﺎ ﺣﻈﻲ ﻟﻴﺶ ﻛﻠﻮﻥ ﻋﺎﻳﺸﻴﻦ ﻭﻣﺒﺴﻮﻃﻴﻦ ﺍﻻ ﺍﻧﺎ ﻟﻴﺶ ﻋﺎﻳﺸﺔ ﻭﺍﻟﻠﻪ ﺑﺤﺎﺟﺔ ﺣﺪﺍ ﻳﺤﺒﻨﻲ ﻭﻳﺤﺲ ﻓﻴﻨﻲ ﻣﺤﺘﺎﺟﺔ ﺑﺤﺪﺍ ﻳﻬﺘﻢ ﻓﻴﻨﻲ ﺍﺍﺍﺍﻩ ﻳﺎﺭﺑﻲ ﺍﺍﺍﺍﻩ ﺩﺧﻴﻠﻚ ﻣﻮﺗﻨﻲ ﻭﺭﻳﺤﻴﻦ ﻭﺍﻟﻠﻪ ﻣﻠﻴﺖ ﻣﻦ ﻫﺎﻟﺤﻴﺎﺓ .. ﺩﺧﻴﻠﻚ ﻳﺎﺭﺏ ﻣﺎﻓﻲ ﻏﻴﺮ ﺍﻧﺖ ﻋﻢ ﺗﺴﻤﻌﻨﻲ
.................
ﻣﺮﻕ ﻳﻮﻣﻴﻦ ﻋﻠﻴﻬﺎ ﻭﻧﺎﺻﺮ ﻣﺎ ﺍﺟﺎ ﺍﺑﺪﺍ ﻋﻠﻰ ﺍﻟﺒﻴﺖ ﻭﺗﻠﻔﻮﻧﺎ ﻛﺎﻧﺖ ﻣﺴﻜﺮﺗﻮ ﻧﻬﺎﺋﻴﺎ ﻳﻤﻜﻦ ﻣﺸﺎﻥ ﺗﺮﻳﺢ ﺣﺎﻻ ﺍﻭ ﻟﺘﺸﻮﻑ ﻣﻴﻦ ﺑﺪﻭ ﻳﺴﺄﻝ ﻋﻨﺎ ﺑﺲ ﻣﺤﺪﺍ ﻻﺣﻆ ﺍﻧﻮ ﻣﺴﻜﺮﺍ ﺗﻠﻔﻮﻧﺎ ﻻ ﺍﺧﺘﺎ ﻭﻻ ﺟﻮﺯﺍ
ﻭﺍﻗﻔﺔ ﻗﺪﺍﻡ ﺍﻟﻤﺮﺍﻱ ﺷﻠﺤﺖ ﻛﻨﺰﺗﺎ ﻭﺻﺎﺭﺕ ﺗﺸﻮﻑ ﺍﻟﺰﺭﺍﻕ ﻳﻠﻲ ﻋﻠﻰ ﺟﺴﻤﺎ ﻣﻦ ﺍﺛﺎﺭ ﺍﻟﻘﺸﺎﻁ
ﺻﺎﺭﺕ ﺗﻠﻤﺴﻮﻥ ﺷﻮﻱ ﺷﻮﻱ ﻭﻟﻘﺘﻮﻥ ﻋﻢ ﻳﻮﺟﻌﻮﻫﺎ
ﺭﻫﻒ : ﺭﻭﺡ ﺍﻟﻠﻪ ﻳﺤﺮﻗﻠﻚ ﻗﻠﺒﻚ ﻣﺘﻞ ﻣﺎ ﺣﺮﻗﺘﻠﻲ ﻗﻠﺒﻲ ﺍﻧﺎ ﺧﻠﺺ ﻣﻌﺪ ﺍﻟﻲ ﻧﻔﺲ ﻗﺎﻭﻡ .. ﺍﻭ ﺣﺎﺭﺏ .. ﻫﻬﻬﻬﻪ ﻟﻴﺶ ﻟﺤﺘﻰ ﺣﺎﺭﺏ ﺣﺘﻰ ﺍﻛﺴﺒﻚ ﻭﺍﻟﻠﻪ ﻣﺎﻓﺸﺮﺕ ﺗﺮﺟﻊ ﺗﻠﻤﺴﻨﻲ ﻳﺎﻭﺍﻃﻲ ﻣﺎ ﺍﻧﺘﻲ ﺑﺪﻙ ﺗﺘﺰﻭﺝ ﺷﻤﺄﺭﻳﻴﻦ ﺭﺡ ﺧﻠﻴﻚ ﺗﺘﺰﻭﺝ ﺑﺲ ﻣﻘﺎﺑﻞ ﻃﻼﻗﻲ ﻫﻠﻖ ﺑﺪﻱ ﺣﺎﺭﺏ ﻟﺤﺘﻰ ﺍﺧﻠﺺ ﻣﻨﻚ .... ﻻﻓﺘﺢ ﻫﺎﻟﺘﻠﻔﻮﻥ ﻟﺸﻮﻑ ﻣﻴﻦ ﻓﻘﺪﻟﻲ ﺑﺲ ﻟﻮ ﺣﺪﺍ ﻻﺣﻆ ﻏﻴﺎﺑﻲ ﻛﺎﻧﻮ ﺩﻗﻮ ﻉ ﺍﻻﺭﺿﻲ ..
ﻓﺘﺤﺖ ﺍﻟﺘﻠﻔﻮﻥ ﻭ ﻭﺑﺎﻟﻔﻌﻞ ﻣﺎﻟﻘﺖ ﺣﺪﺍ ﻣﺘﺬﻛﺮﺍ ﺍﺑﺪﺍ
ﺑﺲ ﺻﺎﺭ ﺗﻠﻔﻮﻧﺎ ﻳﻄﻨﻄﻦ ﻭﻛﺎﻥ ﺭﺳﺎﺋﻞ ﻣﺴﻨﺠﺮ ﻣﻦ ﻋﺒﻴﺪﺓ ﻭﻛﺎﻥ ﺧﻼﻝ ﻫﺎﻟﻴﻮﻣﻴﻦ ﻋﻠﻰ ﺟﻮﻝ ﻋﻢ ﻳﺒﻌﺘﻼ
ﻋﺒﻴﺪﺓ : ﻣﺴﺎﻟﺨﻴﺮ
ﺻﺒﺎﺣﻮ
ﺭﻫﻒ ﻭﻳﻨﻚ ﻭﻳﻦ ﻏﺎﻃﺔ
ﺍﻟﻮﻭﻭﻭﻭ
ﻣﺴﺎﻟﺨﻴﺮ
ﻓﻲ ﺣﺪﺍ ﻫﻮﻥ
ﻟﻚ ﻭﻳﻨﻚ ﺻﺎﻳﺮ ﻣﻌﻚ ﺷﻲ
ﺭﻫﺎﺍﺍﺍﺍﺍﻑ
ﻭﻟﻮﻭﻭﻭﻭ
ﺭﻫﻒ : ﻣﺎﻓﻲ ﻏﻴﺮ ﺍﻧﺖ ﻻﺣﻈﺖ ﻏﻴﺎﺑﻲ ﻭﺍﻟﻠﻪ ﺍﻧﻚ ﺍﺣﺴﻦ ﻣﻨﻮﻥ ﻛﻠﻮﻥ ... ﺻﻔﻨﺖ ﺷﻮﻱ ﻭﻗﺎﻟﺖ ﺷﻮ ﺻﺎﺭ ﻟﻮ ﺍﻧﺖ ﻛﻨﺖ ﺟﻮﺯﻱ ﺑﺪﺍﻝ ﻫﺎﺩ ﺍﻟﺤﻴﻮﺍﻥ
ﺑﻌﺘﻼ ﺭﺳﺎﻟﺔ
ﻋﺒﻴﺪﺓ : ﻣﺮﺣﺒﺎ
ﻛﻴﻔﻚ
ﺷﻔﺘﻚ ﺍﻭﻥ ﻻﻳﻦ ﺑﻌﺘﻠﻚ ﺑﺴﺮﻋﺔ ﺷﻮ ﻭﻳﻦ ﻛﻨﺘﻲ
ﺭﻫﻒ : ﻫﻼ ﻋﺒﻴﺪﺓ ﻛﻴﻔﻚ
ﻋﺒﻴﺪﺓ : ﻟﻚ ﺍﻧﺎ ﻣﻨﻴﺢ ﺍﻧﺘﻲ ﻛﻴﻔﻚ .. ﻭﻳﻦ ﻏﺎﻃﺔ
ﺭﻫﻒ ﺻﺎﺭﺕ ﺗﺒﻜﻲ ﻭﻣﺘﻤﻨﺎﻱ ﺗﺤﻜﻴﻠﻮ ﻛﻠﺸﻲ ﺑﺲ ﻣﺎﺑﺼﻴﺮ
ﻋﺒﻴﺪﺓ : ﺍﻟﻮﻭﻭ .. ﻟﻚ ﻭﻳﻦ ﺭﺣﺘﻲ
ﺭﻫﻒ : ﺍﻱ ﻣﻌﻚ ﻋﻢ ﻗﻠﻚ ﻣﻨﻴﺤﺔ
ﻋﺒﻴﺪﺓ : ﻻ ﻣﺎﻧﻚ ﻣﻨﻴﺤﺔ ﻗﻮﻟﻴﻠﻲ ﺷﻮ ﺻﺎﻳﺮ ﻣﻌﻚ
ﺭﻫﻒ : ﻋﻨﺠﺪ ﻣﺎﺻﺎﻳﺮ ﺷﻲ
ﻋﺒﻴﺪﺓ : ﺑﺲ ﺍﻧﺎ ﺍﺣﺴﺎﺳﻲ ﻣﺎﺑﺨﻴﺐ ﻗﻮﻟﻴﻠﻲ ﺷﺒﻚ
ﺭﻫﻒ : ﻣﺎﻓﻲ ﺷﻲ ﻣﻬﻢ ﻣﻮﺿﻮﻉ ﺗﺎﻓﻪ
ﻋﺒﻴﺪﺓ : ﺷﻔﺘﻲ ﺍﻧﻮ ﻓﻲ ﺷﻲ ﺍﺣﻜﻲ ﺷﻮ ﺻﺎﻳﺮ ﻣﻌﻚ
ﺭﻫﻒ : ﻭﺍﻟﻠﻪ ﻣﻮﺿﻮﻉ ﺗﺎﻓﻪ
ﻋﺒﻴﺪﺓ : ﻣﻌﻠﻴﺶ ﺍﻧﺎ ﺑﺪﻱ ﺍﻋﺮﻓﻮ
ﺭﻫﻒ : ﺑﺼﻔﺘﻚ ﺷﻮ ﺑﺪﻙ ﺗﻌﺮﻓﻮ
ﻋﺒﻴﺪﺓ : ﺑﺼﻔﺘﻲ ﺻﺪﻳﻘﻚ ﻭﺑﺨﺎﻑ ﻋﻠﻴﻜﻲ ﻭﻋﻠﻰ ﻣﺼﻠﺘﻚ .. ﺍﻻ ﺍﺫﺍ ﻣﺎﻧﻚ ﻣﻌﺘﺒﺮﺗﻴﻨﻲ ﺻﺪﻳﻖ ﺳﺎﻋﺘﻬﺎ ﺍﻧﺎ ﺍﺳﻒ
ﺭﻫﻒ : ﻻ ﻣﻮ ﻫﻴﻚ ﻭﺍﻟﻠﻪ ﺍﻧﺖ ﺍﻛﺘﺮ ﻣﻦ ﺻﺪﻳﻖ
ﻋﺒﻴﺪﺓ : ﻃﻴﺐ ﺍﺣﻜﻴﻠﻲ ﺷﻮ ﺻﺎﻳﺮ ﻣﻌﻚ
ﺭﻫﻒ : ﺭﺡ ﺍﺣﻜﻴﻠﻴﻚ ﺑﺲ ﺣﻠﻔﺘﻚ ﺑﺎﻏﻠﻰ ﺷﻲ ﻋﻨﺪﻙ ﻫﺎﻟﺸﻲ ﻳﻀﻞ ﺳﺮ ﺑﻴﻨﻲ ﻭﺑﻴﻨﻚ
ﻋﺒﻴﺪﺓ : ﺍﻛﻴﺪ ﺳﺮ ﺍﺣﻜﻲ
ﺭﻫﻒ : ﻭﺍﻟﻠﻪ ﻣﺎﻧﻲ ﻋﺮﻓﺎﻧﻲ ﻣﻦ ﻭﻳﻦ ﺑﺪﻱ ﺑﻠﺶ
ﻋﺒﻴﺪﺓ : ﺑﻠﺸﻲ ﻣﻦ ﻣﺤﻞ ﻣﺎﺑﺪﻙ
ﺭﻫﻒ : ﻟﻜﻦ ﺭﺡ ﺍﺣﻜﻴﻠﻚ ﻛﻞ ﻗﺼﺘﻲ ﻣﻦ ﺍﻭﻻ
ﻋﺒﻴﺪﺓ : ﺑﻜﻮﻥ ﺍﺣﺴﻦ .. ﻳﻼ ﺍﺣﻜﻲ ﻋﻢ ﺍﺳﻤﻌﻚ
ﺭﻫﻒ : ﺑﺲ ﺭﺡ ﺗﻜﻮﻥ ﻃﻮﻳﻠﺔ
ﻋﺒﻴﺪﺓ : ﻣﺎ ﺑﺄﺛﺮ ﻗﺎﻋﺪ ﻋﻠﻰ ﻫﺎﻟﺤﺎﺟﺰ ﻭﻣﺎﻋﻨﺪﻱ ﺷﻲ ﻳﻼ ﺍﺣﻜﻲ
ﺭﻫﻒ : ﺑﺲ ﻭﻋﺪﻧﻲ ﺍﻧﻮ ﻫﺎﻟﺤﻜﻲ ﻳﻀﻞ ﺑﻴﻨﺘﺎﻧﺎ
ﻋﺒﻴﺪﺓ : ﺭﻫﻒ ﺧﻠﺼﻴﻨﺎ
ﺭﻫﻒ : ﻗﺼﺘﻲ ﺑﻠﺸﺖ ﻟﻤﺎ ﺍﺟﺖ ﻗﺬﻳﻔﺔ ﻋﻠﻰ ﺑﻴﺘﻨﺎ ﻭﻣﺎﺗﻮ ﺍﻟﺒﺎﺏ ﻭﺍﻟﻤﺎﻣﺎ ﺍﻧﺎ ﺗﺼﺎﻭﺑﺖ ﺍﺻﺎﺑﺎﺕ ﺧﻔﻴﻔﺔ ﺑﺲ ﺍﻻﺻﺎﺑﺔ ﻳﻠﻲ ﺻﺎﺭﺕ ﺑﻘﻠﺒﻲ ﻛﺒﻴﺮﺓ ﻛﺘﻴﺮ ﺿﻠﻴﺖ ﻟﺤﺎﻟﻲ ﺑﻬﻞ ﺍﻟﺤﻴﺎﺓ ﻭﺍﻧﺎ ﺑﻨﺖ ﻓﻴﻚ ﺗﻘﻮﻝ ﻣﻦ ﺍﻟﻨﻮﻉ ﺍﻟﺤﺮﻳﺺ ﻳﻠﻲ ﻣﺎﺑﻴﻄﻠﻊ ﻭﻻ ﺑﻔﻮﺕ ﺻﺢ ﻛﺎﻥ ﻣﻌﻲ ﻫﺎﺗﻒ ﺑﺲ ﻭﺍﻟﻠﻪ ﻭﻻ ﻣﺮﺓ ﺣﻜﻴﺖ ﻣﻊ ﺷﺐ ﻣﻊ ﺍﻧﻮ ﻛﺎﻥ ﻓﻲ ﻛﺘﻴﺮ ﺷﺒﺎﺏ ﺣﻮﻟﻲ ﻳﺘﻤﻨﻮ ﻳﺤﻜﻮﻧﻲ
ﻋﺒﻴﺪﺓ : ﺍﻱ ﻛﻤﻠﻲ
ﺭﻫﻒ : ﺍﻟﻤﻬﻢ ﻛﺎﻧﺖ ﺣﺎﻟﺘﻲ ﺣﺎﻟﺔ ﻭﺗﻌﺒﺖ ﻧﻔﺴﻴﺘﻲ ﻛﺘﻴﺮ ﺻﺢ ﻋﻼ ﺍﺧﺘﻲ ﻛﺎﻧﺖ ﻣﻌﻲ ﺑﺲ ﻫﻴﺔ ﻋﻨﺪﺍ ﺍﺧﻮﻙ ﻭﻭﻻﺩﺍ ﺗﻬﺘﻢ ﻓﻴﻬﻦ
ﻋﺒﻴﺪﺓ : ﻛﻼﻣﻚ ﺻﺢ
ﺭﻫﻒ : ﺻﺮﺕ ﺍﺳﺒﻮﻉ ﻗﻀﻴﻪ ﻋﻨﺪ ﻋﻤﻴﺘﻲ ﻭﺍﺳﺒﻮﻉ ﻋﻨﺪ ﺧﺎﻟﺘﻲ .. ﺑﺲ ﻛﻨﺖ ﺍﺭﺗﺎﺡ ﻛﺘﻴﺮ ﻟﻤﺎ ﻛﻮﻥ ﻋﻨﺪ ﺧﺎﻟﺘﻲ .. ﺧﺎﻟﺘﻲ ﺍﻧﺴﺎﻧﺔ ﺣﻨﻮﻧﺔ .. ﺑﺲ ﻣﺘﻞ ﻣﺎﺑﺘﻌﺮﻑ ﺍﻧﺎ ﺻﺒﻴﺔ ﻭﻛﻨﺖ ﻋﻠﻰ ﻭﺵ ﺯﻭﺍﺝ ﺍﻗﺘﺮﺣﻮ ﻋﻠﻲ ﺍﺗﺰﻭﺝ ﺍﺑﻦ ﻋﻤﻲ ﻧﺼﺮ ﻭﻫﻮ ﻳﻠﻲ ﻫﻠﻖ ﺯﻭﺟﻲ
ﻋﺒﻴﺪﺓ : ﺍﻱ
ﺭﻫﻒ : ﺍﻧﺎ ﺭﻓﻀﺖ ﻻﻧﻮ ﺑﻌﺮﻑ ﺍﻧﻮ ﻧﺼﺮ ﺑﺤﺐ ﺑﻨﺖ ﺗﺎﻧﻴﺔ ﻭﺍﺳﻤﺎ ﺍﺳﻤﻬﺎﻥ ﻣﺎ ﺑﺲ ﺍﻧﺎ ﺑﻌﺮﻑ ﻛﻞ ﺍﻟﻤﻨﻄﻘﺔ ﺑﺘﻌﺮﻑ
ﻋﺒﻴﺪﺓ : ﺍﺳﻤﻬﺎﻥ ﺑﻨﺖ ﺍﺑﻮ ﺑﺪﺭ
ﺭﻫﻒ : ﺍﻱ ﻫﺎﻱ ﻣﺎﻏﻴﺮﺍ
ﻋﺒﻴﺪﺓ : ﺍﻱ ﻭﺑﻌﺪﻳﻦ
ﺻﺎﺭﻭ ﻛﻠﻮﻥ ﻳﻘﻨﻌﻮﻧﻲ ﺍﺗﺰﻭﺟﻮ ﻭﺍﻧﻮ ﻫﻮ ﺍﻟﻮﺣﻴﺪﻳﻠﻲ ﺭﺡ ﻳﺤﻤﻴﻨﻲ ﻭﻗﺪ ﻣﺎ ﻛﺎﻥ ﺑﻀﻞ ﺍﺑﻦ ﻋﻤﻲ
ﻋﺒﻴﺪﺓ : ﺑﺲ ﻛﻴﻒ ﻗﺒﻠﺘﻲ ﺗﺘﺰﻭﺟﻲ ﻭﺍﺣﺪ ﻣﺎﺑﺤﺒﻚ
ﺭﻫﻒ : ﻣﺎ ﻛﺎﻥ ﻓﻲ ﺧﻴﺎﺭ ﺗﺎﻧﻲ .. ﺣﺘﻰ ﺍﺧﺘﻲ ﻋﻼ ﺻﺎﺭﺕ ﺗﻘﻠﻲ ﺍﻧﻮ ﺧﺎﻟﺘﻲ ﻭﻋﻤﺘﻲ ﺑﻠﺸﻮ ﻳﻤﻠﻮ ﻣﻨﻲ .. ﺣﺴﻴﺖ ﻛﻞ ﺍﻟﺪﻧﻴﺎ ﺩﺍﻗﺖ ﻓﻴﻨﻲ ﻭﻣﺎ ﺍﻟﻲ ﺍﻱ ﺣﺪﺍ ﺿﻞ ﻋﻨﺪﻭ ﻟﻚ ﺣﺘﻰ ﺑﻴﺖ ﺍﻫﻠﻲ ﻣﺎﺿﻞ ﻣﻨﻮ ﺷﻲ ﻛﻠﻮ ﺻﺎﺭ ﻉ ﺍﻻﺭﺽ
ﻋﺒﻴﺪﺓ : ﺑﻌﻴﻦ ﺍﻟﻠﻪ ... ﺑﺲ ﺍﻛﻴﺪ ﺟﻮﺯﻙ ﺣﺒﻚ ﻭﻧﺴﻲ ﻫﺪﻳﻚ ﺻﺢ .. ﻻﻧﻮ ﺍﻧﺘﻲ ﻣﺸﺎﺀ ﺍﻟﻠﻪ ﻋﻨﻚ ﺟﻤﺎﻝ ﻭﺍﺧﻼﻕ ﻭﺳﺖ ﺑﻴﺖ ﻭﻣﺎ ﻧﺎﻗﺼﻚ ﺷﻲ ﺍﺑﺪﺍ
ﺭﻫﻒ : ﻫﻬﻬﻬﻬﻬﻪ
ﻋﺒﻴﺪﺓ : ﻟﻴﺶ ﻋﻢ ﺗﻀﺤﻜﻲ
ﺭﻫﻒ : ﻇﻨﻚ ﻣﺎﻃﻠﻊ ﺑﻤﺤﻠﻮ .. ﻻﻧﻮ ﻫﻮ ﻟﻠﻴﻮﻡ ﺑﺤﺒﺎ
ﻋﺒﻴﺪﺓ : ﺷﻮﻭﻭﻭﻭﻭ ... ﻋﻢ ﺗﺤﻜﻲ ﺟﺪ
ﺭﻫﻒ : ﺍﻱ ﻭﺍﻟﻠﻪ ﺟﺪ .. ﺣﺘﻰ ﻫﻠﻖ ﻋﻢ ﻳﻌﻤﺮ ﺑﻴﺖ ﻣﺸﺎﻥ ﻳﺘﺰﻭﺟﺎ .. ﻭﻛﻞ ﻳﻮﻡ ﺍﻧﺎ ﻭﺍﻳﺎﻩ ﺑﻨﺘﻘﺎﺗﻞ ﻭﺑﻘﻠﻲ ﺍﺣﻤﺪﻱ ﺭﺑﻚ ﺍﻧﻮ ﺍﺗﺰﻭﺟﺘﻚ ﻭﺣﺎﻭﻳﻜﻲ
ﻋﺒﻴﺪﺓ : ﻋﻨﺠﺪ ﻫﻴﻚ ﺑﻴﺤﻜﻲ ﻣﻌﻚ
ﺭﻫﻒ ﺩﻭﻣﻮﻋﺎ ﺻﺎﺭﻭ ﻳﻨﺰﻟﻮ ﻋﻠﻰ ﺷﺎﺷﺔ ﺍﻟﺘﻠﻔﻮﻥ ﻣﺴﺤﺘﻮﻥ ﻭﻛﺘﺒﺖ : ﺍﻱ ﻭﺍﻟﻠﻪ ﻋﻠﻰ ﻃﻮﻝ ﻫﻴﻚ ﺑﻴﺤﻜﻲ ﻣﻌﻲ
ﻋﺒﻴﺪﺓ : ﺑﺲ ﺍﻧﺘﻮ ﻋﻨﻜﻦ ﻭﻟﺪ
ﺭﻫﻒ ؛ ﺍﻱ ﻭﺍﺫﺍ ﻋﻨﺎ ﻭﻟﺪ
ﻋﺒﻴﺪﺓ : ﻗﺼﺪﻱ ﻳﺎﺭﺑﻲ ﻛﻴﻒ ﺑﺪﻱ ﺍﺷﺮﺣﻠﻚ ﺍﻳﺎﻫﺎ
ﺭﻫﻒ : ﻓﻬﻤﺖ ﻋﻠﻴﻚ ﺑﺪﻙ ﺗﻘﻠﻲ ﺍﻧﻮ ﻛﻴﻒ ﺑﻘﺮﺏ ﻋﻠﻲ ﻭﻫﻮ ﻣﺎ ﺑﺤﺒﻨﻲ ﻣﺎ ﻫﻴﻚ ﻗﺼﺪﻙ
ﻋﺒﻴﺪﺓ : ﺑﺼﺮﺍﺣﺔ ﺍﻱ
ﺭﻫﻒ : ﺍﻱ ﻋﻨﺪﻭ ﻛﻠﺸﻲ ﻟﺤﺎﻝ .. ﻳﻌﻨﻲ ﻓﻴﻚ ﺗﻘﻮﻝ ﺑﻴﻘﻀﻲ ﺷﻬﻮﺗﻮ
ﻋﺒﻴﺪﺓ : ﻻ ﺗﺰﻋﻠﻲ ﺑﺲ ﻋﻨﺠﺪ ﺟﻮﺯﻙ ﻭﺍﺣﺪ ﺑﻼ ﺿﻤﻴﺮ ﻭﻭﺍﺣﺪ ﺣﻴﻮﺍﻥ ﻛﻤﺎﻥ
ﺭﻫﻒ : ﻻ ﻟﻴﺶ ﻟﺤﺘﻰ ﺍﺯﻋﻞ ﺍﻧﺎ ﺍﺻﻼ ﺻﺮﻟﻲ ﻳﻮﻣﻴﻦ ﻋﻢ ﺍﺩﻋﻴﻪ ﻋﻠﻴﻪ ﻣﺎﻳﺮﺟﻊ ﻏﻴﺮ ﻣﺤﻤﻞ
ﻋﺒﻴﺪﺓ : ﻻ ﺣﺮﺍﻡ ﺗﺪﻋﻲ ﻋﻠﻴﻪ ﻫﻴﻚ ﻓﻲ ﺍﻟﻠﻪ ﻭﺷﺎﻳﻒ ﻛﻠﺸﻲ
ﺭﻫﻒ : ﺑﻌﺮﻑ ﺍﻧﻮ ﻓﻲ ﺍﻟﻠﻪ ﺑﺲ ﻳﻠﻲ ﻋﻤﻠﻮ ﻣﻌﻲ ﻣﻦ ﺍﻧﻬﺎﺭﻳﻦ ﻣﺤﺪﺍ ﺑﻴﻌﻤﻠﻮ
ﻋﺒﻴﺪﺓ : ﻟﻴﺶ ﺷﻮ ﻋﻤﻞ
ﺭﻫﻒ : ﻟﻜﻦ ﺍﻧﺎ ﻟﻴﺶ ﺻﺮﻟﻲ ﻳﻮﻣﻴﻦ ﻃﺎﻓﻲ ﺗﻠﻔﻮﻧﻲ
ﻋﺒﻴﺪﺓ : ﻋﻨﺠﺪ ﺷﻮ ﻋﻤﻞ
ﺭﻫﻒ : ﺿﺮﺑﻨﻲ ﺑﺪﻭﻥ ﺭﺣﻤﺔ ﺍﻟﻠﻪ ﻻ ﻳﻮﻓﻘﻮ ﻭﺍﻟﻠﻪ ﺍﻟﺤﻴﻮﺍﻧﺎﺕ ﻣﺎ ﺑﺘﻨﻀﺮﺏ ﻫﻴﻚ ﺍﻗﺴﻢ ﺑﺎﻟﻠﻪ ﺟﺴﻤﻲ ﻣﺎﻋﻢ ﺍﻗﺪﺭ ﺣﺮﻛﻮ ﻛﻠﻮ ﻛﻠﻮ ﺍﺯﺭﻕ
ﻋﺒﻴﺪﺓ : ﻟﻚ ﻭﺻﻠﺖ ﻣﻌﻮ ﻳﻀﺮﺑﻚ
ﺭﻫﻒ : ﻫﺎﻱ ﻣﺎ ﺍﻭﻝ ﻣﺮﺓ
ﻋﺒﻴﺪﺓ : ﺷﻮﻭﻭﻭ ﻛﻤﺎﻥ
ﺭﻫﻒ : ﺍﻱ ﻭﺍﻟﻠﻪ ﺑﺲ ﻫﺎﻟﻤﺮﺓ ﻏﻴﺮ .. ﻏﻴﺮ .. ﺭﺍﺳﻲ ﺻﺮﻟﻮ ﻳﻮﻣﻴﻦ ﻋﻢ ﻳﻮﺟﻌﻨﻲ ﻣﺘﻞ ﺍﻟﻤﻄﻮﺷﻲ
ﻋﺒﻴﺪﺓ : ﻟﻚ ﻭﺍﻟﻠﻪ ﺣﺮﺍﻡ ﻳﻜﻮﻥ ﺭﺟﺎﻝ ﻭﻓﻲ ﺑﻮﺟﻬﻮ ﺷﻮﺍﺭﺏ
ﺭﻫﻒ : ﺍﻱ ﻭﺍﻟﻠﻪ ﺣﺮﺍﻡ ﻳﻜﻮﻥ ﺭﺟﺎﻝ
ﻋﺒﻴﺪﺓ : ﺑﺲ ﺍﻧﺘﻲ ﻟﻴﺶ ﻟﻬﻠﻖ ﻣﺎ ﻧﺰﻟﺘﻲ ﻭﺍﺷﺘﻜﻴﺘﻲ ﻋﻠﻴﻪ
ﺭﻫﻒ : ﺍﺷﺘﻜﻲ ﻋﻠﻴﻪ ﻻ ﻻ
ﻋﺒﻴﺪﺓ : ﺍﻱ ﺍﺷﺘﻜﻲ ﻋﻠﻴﻪ ﻫﺎﺩ ﻻﺯﻡ ﻳﺘﻌﺎﻗﺐ ﻭﺍﻧﺘﻲ ﻣﺎﻻﺯﻡ ﺗﺴﻜﺘﻲ
ﺭﻫﻒ : ﻣﺴﺘﺤﻴﻞ ﺑﺪﻙ ﺍﻳﺎﻧﻲ ﺍﻧﻔﻀﺢ
ﻋﺒﻴﺪﺓ : ﻟﻚ ﻫﺎﺩ ﻋﻢ ﻳﻀﺮﺑﻚ
ﺭﻫﻒ : ﺑﺲ ﻗﺪ ﻣﺎﻛﺎﻥ ﺑﻀﻞ ﺍﺑﻦ ﻋﻤﻲ
ﻋﺒﻴﺪﺓ : ﻣﺎﺑﻌﺮﻑ ﺑﺲ ﻫﻴﻚ ﻋﻢ ﺗﺨﻠﻴﻪ ﻳﺘﻤﺎﺩﺍ ﺍﻛﺘﺮ
ﺭﻫﻒ : ﻻ ﻣﺎ ﺭﺡ ﺍﺳﻤﺤﻠﻮ ﺍﺻﻼ ﺍﻧﺎ ﻋﻢ ﺧﻄﻂ ﻟﺸﻲ
ﻋﺒﻴﺪﺓ : ﻭﺷﻮ ﻫﻮ
ﺭﻫﻒ : ﺧﻠﺺ ﺑﻌﺪﻳﻦ
ﻳﻼ ﺍﻧﺎ ﻻﺯﻡ ﺳﻜﺮ ﺳﻼﻡ
ﻋﺒﻴﺪﺓ : ﺍﻭﻙ ﺳﻼﻡ
ﺑﺲ ﻻ ﺗﻘﻄﻌﻴﻨﻲ
ﺭﻫﻒ : ﺍﻥ ﺷﺎﺀ ﺍﻟﻠﻪ
ﻃﻔﺖ ﺍﻟﻨﺖ ﻭﺳﻜﺮﺕ ﺍﻟﺘﻠﻔﻮﻥ ﻭﺭﻣﺘﻮ ﻋﻠﻰ ﺟﻨﺐ ﻭﺻﺎﺭﺕ ﺗﻨﻔﺦ ﺑﻌﺪﻳﻦ ﺻﺎﺭﺕ ﺗﺒﻜﻲ
ﺍﻧﺘﻔﺢ ﺍﻟﺒﺎﺏ ﻭﻛﺎﻥ ﻧﺎﺻﺮ
ﻣﻦ ﻻ ﺳﻼﻡ ﻭﻻ ﻛﻼﻡ : ﺷﻮ ﻟﺴﻪ ﻣﺎﻣﺘﻲ ﺍﻧﺎ ﻗﻠﺖ ﺑﺘﻜﻮﻧﻲ ﻣﺘﻲ ﻭﺍﺭﺗﺤﺖ ﻣﻨﻚ
ﺭﻫﻒ : ﺍﻟﻠﻪ ﻛﺮﻳﻢ ﺍﻻ ﻣﺎﻳﺠﻲ ﻫﺎﻟﻴﻮﻡ
ﻧﺼﺮ : ﻭﺍﻟﻠﻪ ﺑﺘﺮﻳﺤﻲ
ﺭﻫﻒ : ﺑﻌﺮﻑ
ﻧﺼﺮ : ﻭﻳﻦ ﻫﻤﺎﻡ ﻣﺸﺘﻘﻠﻮ
ﻣﺎ ﺭﺩﺕ ﻋﻠﻴﻪ
ﺗﺠﺎﻫﻼ ﻭﻓﺎﺕ ﻋﻠﻰ ﻏﺮﻓﺔ ﺍﺑﻨﻮ ﻟﻘﺎﻩ ﻧﺎﻳﻢ ﻗﻌﺪ ﺣﺪﻭ ﻭﺻﺎﺭ ﻳﻠﻤﺴﻠﻮ ﻋﻠﻰ ﻭﺟﻬﻮ ﻭﻋﻠﻰ ﺍﺩﻳﻪ ﺑﺮﺍﺱ ﺍﺻﺎﺑﻴﻌﻮ
ﻗﺮﺏ ﻭﺑﺎﺳﻮ ﻋﻠﻰ ﺟﺒﻴﻨﻮ ﻗﺎﻣﺖ ﺭﻫﻒ ﻭﻭﻗﻔﺖ ﺑﺎﻟﺒﺎﺏ ﺗﺸﻮﻑ ﺷﻮ ﻋﻢ ﻳﻌﻤﻞ ﻭﺻﺎﺭﺕ ﺗﻘﻮﻝ ﺑﻘﻠﺒﺎ : ﺣﻨﻨﻮﻭﻭﻥ
ﺭﻫﻒ ؛ ﺗﺼﺎﻟﺤﺘﻮ
ﻧﺎﺻﺮ ﻣﺸﺎﻥ ﻳﻐﻴﻈﺎ : ﺍﻱ ﻭﻃﻘﻲ ﻣﻮﺗﻲ
ﺭﻫﻒ : ﺍﻱ ﺍﻟﻠﻪ ﻳﻬﻨﻴﻜﻦ
ﻧﺼﺮ : ﻗﺎﻝ ﻳﻌﻨﻲ ﻣﺎﻧﻮ ﻫﺎﻣﻚ
ﺭﻫﻒ : ﻣﺎ ﻭﻗﺘﻮ ﻫﺎﻟﺤﻜﻲ ﺗﻌﺎﻝ ﻉ ﺍﻟﺼﺎﻟﻮﻥ ﺑﺪﻱ ﺍﺣﻜﻲ ﻣﻌﻚ ﺑﻤﻮﺿﻮﻉ
ﻧﺼﺮ : ﺗﻔﻀﻠﻲ ﻟﻨﺸﻮﻑ ﺍﺧﺮﺗﻬﺎ ﻣﻌﻚ
ﺭﺍﺣﺖ ﻭﻗﻌﺪﺕ ﻭﺭﻛﺖ ﺍﺩﻳﻬﺎ ﻋﻠﻰ ﺭﺟﻠﻴﻬﺎ ﻭﺷﺒﻜﺘﻮﻥ ﺑﺒﻌﺾ ﻭﻫﻮ ﻗﻌﺪ ﻗﺪﻣﺎ
ﺭﻫﻒ : ﻧﺼﺮ ﻃﻠﻘﻨﻲ
ﻧﺼﺮ : ﺭﺟﻌﻨﺎ ﻟﻨﻔﺲ ﺍﻟﻤﻮﺍﻝ
ﺭﻫﻒ : ﺍﻱ ﻃﻠﻘﻨﻲ ﺍﻧﺎ ﻣﻌﺪ ﺑﺪﻱ ﻛﻤﻞ ﻣﻌﻚ
ﻧﺼﺮ : ﺍﺫﺍ ﻃﻠﻘﺘﻚ ﻭﻳﻦ ﺑﺪﻙ ﺗﺮﻭﺣﻲ
ﺭﻫﻒ : ﺑﻀﻞ ﻗﺎﻋﺪﺓ ﻫﻮﻥ ﺑﺮﺑﻴﻠﻚ ﺍﺑﻨﻚ
ﻧﺼﺮ : ﻻ ﺍﺫﺍ ﺑﺪﻙ ﺗﺘﻄﻠﻘﻲ ﺑﺪﻙ ﺗﻨﺴﻲ ﺍﺑﻨﻚ ﻭﻫﺎﺩ ﺍﻟﺒﻴﺖ ﺑﻌﺪﻳﻦ ﻣﺎ ﻧﺤﻨﺎ ﻋﺎﻳﺸﻴﻦ ﻣﺘﻞ ﺍﻟﻤﻄﻠﻘﻴﻦ ﻟﻴﺶ ﺑﺪﻙ ﺗﺘﻄﻠﻘﻲ
ﺭﻫﻒ : ﺑﺲ ﺍﺗﻄﻠﻖ ﻉ ﺍﻻﺧﻴﺮ ﻣﺸﺎﻥ ﻣﺎ ﺗﻄﺎﻟﺒﻨﻲ ﺑﺤﻘﻮﻗﻚ ﻭﻛﻤﺎﻥ ﻣﺸﺎﻥ ﻣﺎﻳﺤﻘﻠﻚ ﺗﻤﺪ ﺍﺩﻳﻚ ﻋﻠﻲ ﻣﺮﺓ ﺗﺎﻧﻴﺔ
ﻧﺼﺮ : ﻫﻬﻬﻬﻬﻬﻪ ﺿﺤﻜﺘﻴﻨﻲ ﺍﻱ ﺧﺮﺳﻲ ﻭﻫﺎﻟﺤﻜﻲ ﻻ ﺗﻌﻴﺪﻳﻪ
ﺭﻫﻒ ﺑﻘﻠﺒﺎ ؛ ﺍﻟﻠﻪ ﻳﻠﻌﻨﻚ ﺷﻮ ﻟﺌﻴﻢ ﻣﺸﺎﻥ ﺗﻌﻤﻞ ﺣﺎﻟﻚ ﻗﺪﺍﻡ ﺍﻟﻨﺎﺱ ﺍﻧﻚ ﺍﻻﻧﺴﺎﻥ ﺍﻟﺸﻬﻢ ﻳﻠﻲ ﺳﺘﺮ ﻋﻠﻰ ﺑﻨﺖ ﻋﻤﻮ ﺑﺲ ﻭﺍﻟﻠﻪ ﺭﺡ ﺍﻋﻤﻞ ﺍﻟﻤﺴﺘﺤﻴﻞ ﻟﺤﺘﻰ ﺍﺗﻄﻠﻖ ﻣﻨﻚ ﻳﺎﻭﺍﻃﻲ
ﻧﺼﺮ : ﺷﻮ ﻭﻳﻦ ﺻﺎﻓﻨﺔ
ﺭﻫﻒ : ﻣﺎ ﺍﻧﺖ ﻋﻢ ﺗﺸﺘﻐﻞ ﻟﻴﻞ ﻭﺍﻧﻬﺎﺭ ﻟﺤﺘﻰ ﺗﺘﺰﻭﺝ ﺍﺳﻤﻬﺎﻥ
ﻧﺼﺮ : ﺍﻳﻲ ﻭﺑﻌﺪﻳﻦ ﻟﻮﻳﻦ ﺑﺪﻙ ﺗﻮﺻﻠﻲ
ﺭﻫﻒ : ﺧﻮﺩ ﺩﻫﺒﺎﺗﻲ ﻭﺍﺗﺰﻭﺟﻮ
ﻧﺼﺮ : ﺷﻮﻭﻭ ﻋﻢ ﺗﻘﻮﻟﻲ
ﺭﻫﻒ : ﻣﺘﻞ ﻣﺎﺳﻤﻌﺖ ﻣﺎ ﺍﺣﺴﻦ ﻣﺎ ﻣﻘﻀﻴﻨﻬﺎ ﻉ ﺍﻟﺘﻠﻔﻮﻧﺎﺕ ﻭﺑﺎﻟﺤﺮﺍﻡ ﺗﺰﻭﺟﻮ ﻭﺍﻧﻀﺒﻮ ﺑﺎﻟﺤﻼﻝ ﺣﺎﺟﺘﻜﻦ
ﻧﺼﺮ : ﺷﻮ ﻗﺼﺪﻙ ﺑﺎﻟﺤﺮﺍﻡ ﻧﺤﻨﺎ ﻣﺎﻧﺎ ﻋﻢ ﻧﻌﻤﻞ ﺷﻲ ﺑﺎﻟﺤﺮﺍﻡ
ﺭﻫﻒ : ﻗﺼﺪﻱ ﺍﻟﺤﻜﻲ ﻉ ﺍﻟﺘﻔﻮﻧﺎﺕ ﻣﺎﻧﻮ ﺣﺮﺍﻡ ﻭﺍﻧﺎ ﺭﺡ ﺳﺎﻋﺪﻙ
ﻧﺼﺮ : ﻭﺷﻮ ﺭﺡ ﺗﺴﺘﻔﺎﺩﻱ ﺍﻧﺖ ﺍﺫﺍ ﺯﻭﺟﺘﻴﻨﻲ
ﺭﻫﻒ : ﺑﺪﻱ ﺗﻌﺘﻘﻨﻲ ﻟﻮﺟﻪ ﺍﻟﻠﻪ ﻭﻛﻤﺎﻥ ﻫﺪﻭﻝ ﺍﻟﺪﻫﺒﺎﺕ ﺍﻧﺖ ﺟﺒﺘﻮﻥ ﺧﺪﻭﻥ ﻭﻓﻚ ﺩﻗﻴﺘﻚ ﻣﺸﺎﻥ ﻣﺎﺗﻀﻞ ﺗﻬﺘﻨﻲ ﺍﻧﻚ ﺣﺎﻭﻳﻨﻲ ﻋﻨﺪﻙ
ﻧﺼﺮ ﺻﻔﻦ ﻭﻋﺠﺒﻮ ﺍﻟﺤﻜﻲ ﻭﻗﺎﻝ : ﻛﻴﻒ ﺍﻧﺎ ﻛﻨﺖ ﻧﺴﻴﺎﻥ ﻣﻮﺿﻮﻉ ﺩﻫﺒﺎﺗﺎ
ﺭﻫﻒ : ﺷﻮ ﻗﻠﺖ
ﻧﺼﺮ ؛ ﺑﻔﻜﺮ ﻭﺑﺮﺩ ﻋﻠﻴﻜﻲ ﺧﺒﺮ
ﺭﻫﻒ : ﻣﺎﺑﺪﺍ ﺗﻔﻜﻴﺮ .. ﻗﻮﻡ ﺟﺒﻠﻚ ﺍﻳﺎﻫﻦ
ﻧﺼﺮ : ﻻ ﺧﻠﺺ ﺧﻠﻴﻬﻦ ﻟﻠﻤﺴﺎ ...
ﺭﻫﻒ : ﻣﺘﻞ ﻣﺎﺑﺪﻙ
ﻧﺼﺮ : ﻟﻴﻜﻲ ﺍﻧﺎ ﻋﺰﻣﺖ ﺭﻓﻘﺎﺗﻲ ﺑﺎﻟﺸﻐﻞ ﻉ ﺍﻟﻌﺸﺎ ﺑﺪﻱ ﻣﻨﻚ ﺗﺤﻀﺮﻳﻠﻲ ﻋﺸﺎ ﻳﻜﻮﻥ ﻣﺤﺘﺮﻡ
ﺭﻫﻒ ﺑﻘﻠﺒﺎ : ﺑﻜﻞ ﻋﻴﻦ ﻭﻗﺤﺔ ﻋﻢ ﺗﻄﻠﺐ ﻣﻨﻲ ﻋﺸﺎ ﺑﻌﺪ ﻣﺎ ﺿﺮﺑﺘﻨﻲ ﻳﺎﺭﻳﺖ ﻗﻠﺘﻠﻲ ﻛﻴﻒ ﺻﺮﺗﻲ ﺍﻥ ﺷﺎﺀ ﺍﻟﻠﻪ ﺗﺎﻛﻠﻮ ﺳﻢ ﺍﻧﺖ ﻭﺍﻳﺎﻫﻢ
ﻧﺎﺻﺮ : ﺷﻮ ﻗﻠﺘﻲ
ﺭﻫﻒ : ﺍﻧﺎ ﺟﺴﻤﻲ ﻛﻠﻮ ﻋﻢ ﻳﻮﺟﻌﻨﻲ ﻣﻦ ﺍﻟﻘﺘﻠﻲ ﻳﻠﻲ ﺣﻀﺮﺗﻚ ﻋﻤﻠﺘﻠﻲ ﺍﻳﺎﻫﺎ ﻣﺎﻧﻲ ﻗﺪﺭﺍﻧﻲ ﺧﻠﻲ ﺍﻣﻚ ﺗﻌﻤﻠﻮﻥ ﻋﺸﺎ
ﻧﺎﺻﺮ : ﻫﻮ ﺍﻧﺎ ﻛﻤﺎﻥ ﻫﻴﻚ ﻓﻜﺮﺕ ﺑﺲ ﻫﻨﻦ ﺍﻛﺪﻭ ﻋﻠﻲ ﺍﻧﻮ ﻳﺎﻛﻠﻮ ﻣﻦ ﺗﺤﺖ ﺍﺩﻳﻜﻲ ﻻﻧﻮ ﻛﺘﻴﺮ ﻋﺠﺒﻮﻥ ﻃﺒﺨﻚ ﻫﺪﻳﻚ ﺍﻟﻤﺮﺓ
ﺭﻫﻒ : ﻃﻴﺐ ﻣﺎﺷﻲ ﺍﻧﺖ ﺟﻴﺐ ﻋﺪﺓ ﺍﻟﻄﺒﺦ ﻭﺍﻧﺎ ﺑﻄﺒﺦ
ﻧﺼﺮ : ﻫﻠﻖ ﺑﻨﺰﻝ ﺑﺠﺒﻠﻚ ﺍﻟﻐﺮﺍﺽ ﺑﺲ ﻻ ﺗﺴﻮﺩﻳﻠﻲ ﻭﺟﻬﻲ
ﺭﻫﻒ ﺑﻨﺒﺮﺓ ﻗﻬﺮ : ﻭﺟﻬﻚ ﺍﺑﻴﺾ ﻣﻦ ﻳﻮﻡ ﻳﻮﻣﻮ
ﻭﺑﻘﻠﺒﺎ : ﺍﻥ ﺷﺎﺀ ﺍﻟﻠﻪ ﺗﺎﻛﻠﻮ ﺳﻢ ﺍﻟﻌﻤﺎ ﻣﺎ ﺍﺣﻘﺮﻭ ﻭﻻ ﻛﺄﻧﻮ ﺿﺎﺭﺑﻨﻲ ﺍﻭ ﻋﺎﻣﻠﻲ ﺷﻲ ﻟﻚ ﺍﻟﻠﻪ ﻳﻠﻌﻨﻲ ﺍﺫﺍ ﺑﻌﺪ ﺑﻌﻴﺶ ﻋﻨﺪﻙ ﺑﺲ ﻛﻠﺸﻲ ﺑﻮﻗﺘﻮ ﺣﻠﻮ
.............
ﺭﺍﺡ ﻧﺼﺮ ﺟﺎﺏ ﺍﻟﻐﺮﺍﺽ ﻭﺍﺟﺎ
ﻗﺮﺑﺖ ﻭﻓﺘﺤﺖ ﺍﻟﻜﻴﺎﺱ
ﺭﻫﻒ : ﺷﻮ ﻫﺎﺩ
ﻧﺼﺮ : ﺷﻮ ﺷﺎﻳﻔﻲ
ﺭﻫﻒ : ﻛﺄﻧﻮ ﺟﺎﻳﺐ ﻏﺮﺍﺽ ﺍﻟﻤﺤﺸﻲ ﻭﺍﻟﻜﺒﺔ
ﻧﺼﺮ : ﺍﻱ
ﺭﻫﻒ : ﻣﺸﺎﻟﻠﻪ ﻋﻨﻚ ﻣﻨﻘﻲ ﺍﺳﻬﻞ ﺍﻛﻠﺘﻴﻦ
ﻧﺼﺮ : ﻫﻠﻖ ﺟﺒﺘﻮﻥ ﺩﺑﺮﻱ ﺣﺎﻟﻚ
ﺭﻫﻒ : ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ .. ﻟﻚ ﺍﻧﺖ ﻣﺎﺑﺘﺸﻮﻑ ﻟﻚ ﻣﺎﻧﻚ ﺷﺎﻳﻒ ﻛﻴﻒ ﺣﺎﻟﺘﻲ ﻭﺍﺑﻨﻚ ﻣﺎ ﺑﺪﻭ ﻣﻴﻦ ﻳﺸﻴﻠﻮ ﻟﺤﺘﻰ ﺍﻋﻤﻞ ﻛﻞ ﻫﺎﻻﻛﻞ ﻟﻚ ﻭﺍﻟﻠﻪ ﺍﻧﺖ ﻣﺎﻓﻲ ﺑﻘﻠﺒﻚ ﺭﺣﻤﺔ
ﻧﺼﺮ : ﻣﻌﻚ ﻭﻗﺖ ﻟﻠﻤﺴﺎ ﻭﻛﻤﺎﻥ ﺍﻧﺪﻫﻲ ﻟﻠﺠﺎﺭﺓ ﺗﺠﻲ ﺗﺴﺎﻋﺪﻙ
ﺭﻫﻒ : ﻟﻴﺶ ﻣﺎ ﺗﺮﻭﺡ ﺗﺠﻴﺐ ﻭﺣﺪﺓ ﻣﻦ ﺍﺧﻮﺍﺗﻚ
ﻧﺼﺮ : ﻣﺎﻧﻮﻥ ﻓﺎﺿﻴﻦ
ﺭﻫﻒ : ﻟﻴﺶ ﺷﻮ ﻋﻨﺪﻥ ﺑﻠﻠﻪ
ﻧﺼﺮ : ﺑﺪﻭﻥ ﻳﻨﺰﻟﻮ ﻉ ﺍﻟﺴﻮﻕ
ﺭﻫﻒ : ﻟﻚ ﺷﻜﻴﺘﻚ ﻻﻟﻠﻪ
ﻧﺎﺻﺮ : ﺑﺘﺨﺮﺳﻲ ﻭﻻ ﺧﺮﺳﻚ ﺑﻄﺮﻳﻘﺘﻲ ﺍﻧﻘﺒﺮﻱ ﺑﻠﺸﻲ ﺑﺎﻟﻌﺸﺎ ﻟﻮ ﻣﺎﻧﻲ ﻋﺎﻳﺰﻙ ﻛﺎﻥ ﺍﻟﻲ ﻣﻌﻚ ﺗﺼﺮﻑ ﺗﺎﻧﻲ
ﺭﻫﻒ ﻋﻢ ﺗﻄﻠﻊ ﻋﻠﻴﻪ ﺑﻄﺮﻑ ﻋﻴﻨﺎ ﻭﻋﻢ ﺗﻨﻔﺦ
ﺭﺍﺡ ﻧﺼﺮ ﻭﺭﻫﻒ ﺑﺴﺮﻋﺔ ﻧﺪﻫﺖ ﻟﻠﺠﺎﺭﺓ
ﺍﺟﺖ ﺍﻟﺠﺎﺭﺓ ﻭﺟﺎﺑﺖ ﺑﻨﺘﺎ ﻣﻌﺎ ﺍﻟﺒﻨﺖ ﺷﺎﻟﺖ ﻫﻤﺎﻡ ﻭﺻﺎﺭﺕ ﺗﻼﻋﺒﻮ ﻭﺭﻫﻒ ﻭﺍﻟﺠﺎﺭﺓ ﺑﻠﺸﻮ ﺑﺘﺠﻬﻴﺰ ﺍﻟﻌﺸﺎ
.........................
ﺍﻟﻤﺴﺎ
ﺭﻫﻒ : ﻋﺰﺑﺘﻚ ﻣﻌﻲ
ﺍﻟﺠﺎﺭﺓ : ﻧﺤﻨﺎ ﻟﺒﻌﺾ ﻻ ﺗﺤﻜﻲ ﻫﻴﻚ
ﺭﻫﻒ : ﻋﻨﺠﺪ ﻳﻜﺘﺮ ﺧﻴﺮﻙ ﻟﻮﻻﻛﻲ ﻣﺎﻛﻨﺖ ﺧﻠﺼﺖ
ﺍﻟﺠﺎﺭﺓ : ﺧﻴﺮ ﺍﻟﻠﻪ ﻭﺍﻳﻤﺖ ﻣﺎ ﺍﺣﺘﺠﺘﻲ ﻣﺴﺎﻋﺪﺓ ﺍﻧﺪﻫﻲ ﻋﻠﻲ
ﺭﻫﻒ : ﺍﻥ ﺷﺎﺀ ﺍﻟﻠﻪ
ﻃﻠﻌﺖ ﺍﻟﺠﺎﺭﺓ ﻭﺭﻫﻒ ﺣﻄﺖ ﺍﻟﻠﻤﺴﺎﺕ ﺍﻻﺧﻴﺮﺓ ﻋﻠﻰ ﺍﻟﺴﻔﺮﺓ ﺑﺲ ﻛﺎﻧﺖ ﺣﺎﺳﺔ ﺟﺴﻤﺎ ﺭﺡ ﻳﻤﻮﺗﺎ ﻣﻦ ﺍﻟﻮﺟﻊ
ﺍﺟﺎ ﻧﺼﺮ ﻫﻮ ﻭﺭﻓﻘﺎﺗﻮ ﻭﻗﻌﺪﻭ ﺍﻛﻠﻮ ﻭﻣﺎ ﺧﻠﻮ ﺷﻲ ﻋﻠﻰ ﺍﻟﺴﻔﺮﺓ
ﻗﺎﻣﻮ ﻭﻗﻌﺪﻭﺑﺎﻟﺼﺎﻟﻮﻥ ﺍﺟﺖ ﺭﻫﻒ ﻭﻟﻘﺖ ﺍﻟﺴﻔﺮﺓ ﻋﻢ ﺗﺼﻔﺮ ﻭﻛﺄﻧﻮ ﻣﺮ ﻋﻠﻴﻬﺎ ﺷﻲ ﻋﺎﺻﻔﺔ ﻣﻊ ﺍﻧﻮ ﻫﻴﺔ ﺟﻮﻋﺎﻧﺔ ﻭﻟﺴﻪ ﻣﺎ ﺍﻛﻠﺖ
ﺍﺧﺪﺕ ﺍﻟﺴﻔﺮﺓ ﻋﻠﻰ ﺍﻟﻤﻄﺒﺦ ﻭ ﺍﻟﺪﻣﻌﺔ ﻋﺎﻟﻘﺔ ﺑﻌﻴﻨﺎ ﻣﺎ ﺿﻞ ﺷﻲ ﻧﻬﺎﺋﻴﺎ ﻭﺑﻄﻨﺎ ﻋﻢ ﻳﺰﻗﺰﻕ
ﺭﻫﻒ : ﻟﻚ ﺍﻧﺎ ﺍﻟﺤﻖ ﻋﻠﻲ ﺣﻄﻴﺘﻠﻮﻥ ﻛﻞ ﺍﻻﻛﻞ ﻣﺎﻧﻲ ﻋﺮﻓﺎﻧﻲ ﺍﻧﻮﻥ ﺣﻤﻴﺮ ﻭﻣﺎﺑﺨﻠﻮ ﺷﻲ ﻟﻚ ﺍﻥ ﺷﺎﺀ ﺍﻟﻠﻪ ﺯﻗﻮﻡ ﺍﻟﻌﻤﺎ ﺑﻘﻠﺒﻮﻥ
ﻧﺼﺮ ﻣﻦ ﺍﻟﺼﺎﻟﻮﻥ : ﺭﻫﻒ ﻋﻤﻠﻴﻨﺎ ﻛﺎﺳﺔ ﺷﺎﻱ ﻭﻫﺎﺗﻲ ﺍﻟﻔﻮﺍﻛﻪ
ﺭﻫﻒ : ﻟﺴﻪ ﺑﺪﻙ ﺗﺎﻛﻠﻮ ﻓﻮﻛﻪ ﺍﻟﻌﻤﺎ ﺷﻮ ﻋﺠﻮﻝ
ﺭﻛﺒﺖ ﻋﻠﻰ ﺍﺑﺮﻕ ﺍﻟﺸﺎﻱ ﻭﺍﺧﺪﺗﻠﻮﻥ ﺟﺎﻁ ﺍﻟﻔﻮﺍﻛﻪ
ﺣﻜﻲ ﺭﻓﻴﻘﻮ ﻟﻨﺼﺮ ﻭﻗﺎﻝ : ﻳﺴﻠﻢ ﺍﺩﻳﻜﻲ ﺍﺧﺘﻲ ﺍﻡ ﻫﻤﺎﻡ ﻋﻨﺠﺪ ﻫﺎﻻﻛﻞ ﻻ ﻳﻌﻼ ﻋﻠﻴﻪ
ﺭﻫﻒ : ﺻﺤﺔ ﻭﻫﻨﺎ ﻭﺍﻫﻼ ﻭﺳﻬﻼ ﻓﻴﻜﻢ
ﺣﻜﻲ ﺭﻓﻴﻘﻮ ﺍﻟﺘﺎﻧﻲ : ﺑﺼﺮﺍﺣﺔ ﺍﻧﺎ ﺑﺤﺴﺪﻭ ﻟﻨﺼﺮ ﻋﻠﻴﻜﻲ ﺍﻟﻠﻪ ﻳﺒﻌﺘﻠﻲ ﻭﺣﺪﺓ ﺗﻜﻮﻥ ﻣﺘﻠﻚ
ﻧﺼﺮ ﺣﺲ ﺑﻨﻮﻉ ﻣﻦ ﺍﻧﻮﺍﻉ ﺍﻟﻐﻴﺮﺓ ﻭﺍﻧﻘﻬﺮ ﻭﻏﻤﺰ ﺭﻫﻒ ﺗﺮﻭﺡ
ﺭﻫﻒ : ﺷﻜﺮﺍ ﻫﺎﺩ ﻣﻦ ﺯﻭﻗﻚ
ﺗﺮﻛﺘﻮﻥ ﻭﻓﺎﺗﺖ ﻭﻫﻴﺔ ﺣﺎﺳﺔ ﺍﻧﻬﺎ ﻣﺒﺴﻮﻃﺔ
ﺭﻫﻒ : ﻫﻬﻬﻬﻪ ﻛﻞ ﺍﻟﻌﺎﻟﻢ ﻋﻢ ﺗﺤﺴﺪﻙ ﻋﻠﻲ ﻭﺍﻧﺖ ﻣﺎﻧﻚ ﻣﻘﺪﺭ ﺑﺲ ﻛﺄﻧﻮ ﺍﻧﻘﻬﺮ ﻫﻬﻬﻬﻬﻪ ﻣﻌﻘﻮﻝ ﺑﻠﺶ ﻳﻐﺎﺭ .. ﻫﺎﺩ ﺑﺪﻭ ﻳﻐﺎﺭ ﻟﻚ ﻭﺍﻟﻠﻪ ﻫﺎﺩ ﺣﻤﺎﺭ ﻻ ﻣﺸﺎﻋﺮ ﻭﻻ ﺑﻄﻴﺦ
ﺑﺲ ﺑﻴﻌﺮﻑ ﻳﺤﺐ ﺳﻮﺳﻮ ... ﻭﻫﻲ ﻏﻠﻲ ﺍﻟﺸﺎﻱ ﻃﺎﻟﻌﻮ ﺍﻧﺎ ﻭﻻ ﺍﻧﺪﻫﻠﻮ ... ﻻ ﺧﻠﻴﻨﻲ ﺍﻧﺎ ﻃﺎﻟﻌﻮ ﺧﻠﻴﻪ ﻳﻨﻘﻬﺮ ﺷﻮﻱ
ﺍﺧﺪﺕ ﺍﻟﺸﺎﻱ ﻭﻃﻠﻌﺖ
ﺭﻫﻒ : ﺍﻫﻼ ﻭﺳﻬﻼ . ﻭﺣﺒﺖ ﺗﻔﺘﺢ ﺣﺪﻳﺚ ﻭﻗﺎﻟﺖ ﻭﻫﻴﺔ ﻭﺍﻗﻔﺔ : ﺷﻮﻓﻮﻟﻲ ﺍﻟﺸﺎﻱ ﻻﻧﻮ ﻣﺎ ﺍﻧﺘﺒﻬﺖ ﺍﺷﻘﺪ ﺣﻄﻴﺖ ﺳﻜﺮ ﻻﻧﻮ ﺭﺍﺳﻲ ﻣﺸﻮﺵ ﻭﺗﻌﺒﺎﻧﺔ
ﻧﺼﺮ ﻛﺎﻥ ﺭﺡ ﻳﺠﻦ ﻭﻋﻢ ﻳﻬﺰ ﺭﺟﻠﻮ ﻫﻴﺔ ﺗﺠﺎﻫﻠﺘﻮ ﻭﺩﺍﺭﺕ ﺿﻬﺮﺍ
ﺍﺧﺪﻭ ﻛﺎﺳﺎﺕ ﺍﻟﺸﺎﻱ ﻭﺷﺮﺑﻮ
# ﺍﻟﻠﻪ ﺍﻱ ﺷﻮ ﻫﺎﻟﺸﺎﻱ ﻭﻻ ﺍﻃﻴﺐ
ﺭﻫﻒ : ﻳﻌﻨﻲ ﻣﻨﻴﺢ ﺣﻠﻮﻫﺎ
# ﻋﻢ ﻳﻘﻠﻚ ﻭﻻﺍﻃﻴﺐ ﺍﻱ ﻇﺎﺑﻂ ﺍﻟﻠﻪ ﻳﻌﻄﻴﻜﻲ ﺍﻟﻌﺎﻓﻴﺔ ﻋﺬﺑﻨﺎﻛﻲ ﺍﻟﻴﻮﻡ
ﺭﻫﻒ : ﻻﻳﻮﻩ ﻻ ﻭﺍﻟﻠﻪ ﻻ ﻋﺬﺍﺏ ﻭﻻ ﺷﻲ ﺍﻟﻤﻬﻢ ﺍﻧﻜﻦ ﺍﻛﻠﺘﻮ ﻭﺷﺒﻌﺘﻮ
ﻧﺼﺮ : ﺭﻫﻒ ﻣﻤﻜﻦ ﺧﻤﺲ ﺩﻗﺎﻳﻖ
ﺭﻫﻒ : ﻳﻼ
ﺭﺍﺣﺖ ﻗﺪﺍﻣﻮ ﻋﻠﻰ ﺍﻟﻤﻄﺒﺦ ﻭﻫﻮ ﻟﺤﻘﺎ
ﺭﻫﻒ : ﺷﻮﺑﺪﻙ
ﻧﺼﺮ : ﺷﻮ ﺭﺍﻳﻚ ﺗﺎﺧﺪﻱ ﻛﺎﺳﺔ ﻭﺗﺮﻭﺣﻲ ﺗﻘﻌﺪﻱ ﻣﻌﻨﺎ
ﺭﻫﻒ : ﻭﻟﻴﺶ ﻷ ﺍﻧﺖ ﻟﻴﺶ ﻣﺰﻋﻮﺝ ﻣﺎ ﺍﻧﺖ ﺑﺪﻙ ﺗﺠﻴﺒﻦ ﻭﺗﻌﺸﻴﻬﻦ
ﻧﺼﺮ : ﺟﻴﺒﻦ ﻋﺸﻴﻬﻦ ﻣﺎ ﻗﻌﺪﻭﻥ ﻣﻊ ﻣﺮﺗﻲ
ﺭﻫﻒ : ﻫﻬﻬﻬﻬﻪ ﺣﺎﺳﺴﺘﻚ ﻏﻴﺮﺍﻥ
ﻧﺼﺮ : ﻷ ﻟﻴﺶ ﻟﺤﺘﻰ ﻏﺎﺭ ﻭﻛﻤﺎﻥ ﺑﺪﻱ ﻏﺎﺭ ﻋﻠﻴﻜﻲ ﺍﻱ ﺭﻭﺣﻲ ﺭﻭﺣﻲ ﻣﻦ ﺧﻠﻘﺘﻲ ﺭﻭﺣﻲ ﺍﻧﺪﻓﺲ ﺣﺪ ﺍﺑﻨﻚ ﺍﻧﺘﻬﺖ ﻣﻬﻤﺘﻚ
ﺭﻫﻒ : ﺑﺪﻱ ﺍﻧﻘﺒﺮ ﻻﻗﻲ ﺷﻲ ﺍﺗﺴﻮﻓﻘﻮ ﻻﻧﻮ ﻣﻴﺘﺔ ﻣﻦ ﺍﻟﺠﻮﻉ
ﻧﺎﺻﺮ : ﺍﻱ ﻛﻠﻲ ﻣﻴﻦ ﻣﺎﺳﻜﻚ
ﺭﻫﻒ : ﻭﺍﻟﻠﻪ ﻣﺤﺪﺍ ﻣﺎﺳﻜﻨﻲ ﺑﺲ ﺍﻧﺖ ﻭﺭﻓﻘﺎﺗﻚ ﺍﻟﻐﻮﺍﻝ ﻣﺎﺧﻠﻴﺘﻮ ﺷﻲ ..
ﻧﺎﺻﺮ : ﺍﻱ ﺩﺑﺮﻱ ﺣﺎﻟﻚ ﺑﺸﻲ ﺷﻐﻠﺔ ﻻ ﺗﺼﺮﻋﻲ ﺭﺍﺳﻲ
ﺭﻫﻒ : ﺍﻱ ﺭﺡ ﺩﺑﺮ ﺭﻭﺡ ﺍﻧﺖ ﻟﻌﻨﺪ ﺭﻓﻘﺎﺗﻚ
ﺗﺮﻛﻬﺎ ﻭﻃﻠﻊ
ﻓﺘﺤﺖ ﺍﻟﺒﺮﺍﺩ ﻟﻘﺖ ﻗﺪﺍﻣﺎ ﺯﻳﺖ ﻭﺯﻋﺘﺮ ﻃﺎﻟﻌﺘﻮﻥ ﻋﻤﻠﺖ ﺳﻨﺪﻭﻳﺸﺔ ﻭﻗﻌﺪﺕ ﺗﺎﻛﻼ ﻭﺩﻣﻮﻋﺎ ﺻﺎﺭﻭ ﻳﻨﺰﻟﻮ ﻭﺍﻟﻠﻘﻤﺔ ﻏﺼﺐ ﺗﻨﺒﻠﻊ ﻣﻌﺎ ﻭﻛﻞ ﺷﻮﻱ ﺗﻐﺺ ﺧﻠﺼﺘﺎ ﻭﺷﺮﺑﺖ ﻛﺎﺳﺔ ﻣﻲ ﻭﺭﺍﺣﺖ ﺗﻤﺪﺩﺕ ﺟﻨﺐ ﺍﺑﻨﺎ ﻭﺩﻣﻮﻋﺎ ﻋﻠﻰ ﺧﺪﻭﺩﺍ
ﻓﺘﺤﺖ ﺍﻟﺘﻠﻔﻮﻥ ﻭﻛﺎﻥ ﻋﺒﻴﺪﺓ ﻣﺤﻜﻴﻬﺎ
ﺭﻫﻒ : ﻫﻼ ﻋﺒﻴﺪﺓ ﻛﻴﻔﻚ
ﻋﺒﻴﺪﺓ : ﻟﻚ ﻭﻳﻦ ﺑﺘﺨﺘﻔﻲ ﺍﻧﺘﻲ .. ﻣﻦ ﺍﻟﻀﻬﺮ ﻋﻢ ﺍﺑﺘﻌﻠﻚ
ﺭﻫﻒ : ﻛﺎﻥ ﻋﻨﺪﻱ ﻋﺰﻳﻤﺔ
ﻋﺒﻴﺪﺓ : ﻋﺰﻳﻤﺔ ﺷﻮ
ﺭﻫﻒ : ﺟﻮﺯﻱ ﺍﻟﻤﺼﻮﻥ ﺟﺎﻳﺐ ﺭﻓﻘﺎﺗﻮ ﻭﺑﺪﻭ ﻋﺸﺎ
ﻋﺒﻴﺪﺓ : ﻭﺧﻼﻛﻲ ﺗﻄﺒﺨﻲ ﻭﺍﻧﺖ ﻫﻴﻚ
ﺭﻫﻒ : ﺍﻱ ﻟﻴﺶ ﻓﺎﺭﻗﺔ ﻣﻌﻮ ﺍﺫﺍ ﻋﻢ ﺍﺗﻮﺟﻊ ﺍﻭ ﻋﻢ ﻣﻮﺕ ﻣﺎﺑﻬﻤﻮ ﺍﻟﻤﻬﻢ ﻫﻮ ﻳﻀﻞ ﻣﺮﻭﻕ ﻭﻳﺼﻴﺮ ﻳﻠﻲ ﺑﺪﻭ ﺍﻳﺎﻩ
ﻋﺒﻴﺪﺓ : ﻻ ﻫﺎﺩ ﻣﺎﻧﻮ ﺍﻧﺴﺎﻥ ﺧﺎﻟﺺ ﻟﻚ ﻛﻴﻒ ﻣﺴﺘﺤﻤﻠﺔ ﺗﻀﻠﻲ ﻋﻨﺪﻭ
ﺭﻫﻒ : ﻭﺣﻴﺎﺗﻚ ﻣﺎﻧﻲ ﻣﻄﻮﻟﺔ ﻭﺭﺡ ﺍﺗﻄﻠﻖ ﻣﻨﻮ ﻻﺑﻦ ﻫﺎﻟﺤﺮﺍﻡ
ﻋﺒﻴﺪﺓ : ﻋﻢ ﺗﺤﻜﻲ ﺟﺪ ﻭﻻ ﺑﺲ ﺑﻮﻗﺖ ﺍﻟﺸﺪﺓ ﺑﺘﺤﻜﻲ ﻫﻴﻚ
ﺭﻫﻒ : ﻭﺍﻟﻠﻪ ﺑﺪﻱ ﺍﺗﻄﻠﻖ ﺍﻧﺎ ﻣﻌﺪ ﺍﺳﺘﺤﻤﻞ
ﻋﺒﻴﺪﺓ : ﻭﻳﻦ ﺑﺪﻙ ﺗﺮﻭﺣﻲ ﻃﻴﺐ
ﺭﻫﻒ : ﺍﻟﻠﻪ ﻣﺎ ﺑﻴﻨﺴﻰ ﺣﺪﺍ
ﻋﺒﻴﺪﺓ : ﺭﻭﺣﻲ ﻟﻌﻨﺪ ﺍﺧﺘﻚ ﻋﻼ
ﺭﻫﻒ : ﻣﺴﺘﺤﻴﻞ ﺭﻭﺡ ﻟﻌﻨﺪﺍ ﻫﻴﺔ ﻋﻨﺪﺍ ﺑﻴﺖ ﻭﻭﻻﺩ ﻭﻳﻦ ﺑﺪﻱ ﺭﻭﺡ ﻟﻌﻨﺪﺍ ﻛﻤﺎﻥ ﺍﻧﺎ ﺣﺎﻣﻠﺔ ﺑﻘﻠﺒﻲ ﻋﻠﻴﻬﺎ ﻻﻧﻮ ﻫﻴﺔ ﻳﻠﻲ ﺍﻗﻨﻌﺘﻨﻲ ﺍﺗﺰﻭﺟﻮ .. ﺑﺲ ﺍﻟﻠﻪ ﻣﺎﺑﻴﻘﻄﻊ ﺍﺫﺍ ﺑﺪﻱ ﺍﺻﻔﻰ ﺑﺎﻟﺸﺎﺭﻉ ﺑﺪﻱ ﺍﺗﻄﻠﻖ ﻣﻨﻮ .... ﺍﻟﻤﻬﻢ ﺍﻧﺖ ﺷﻮ ﺍﺧﺒﺎﺭﻙ
ﻋﺒﻴﺪﺓ : ﻋﻢ ﺍﺣﻜﻲ ﻣﻊ ﻭﺣﺪﺓ ﺟﺪﻳﺪﺓ ﺑﺎﻳﻨﺘﺎ ﻣﻬﻀﻮﻣﺔ
ﻫﻴﺔ ﻟﻤﺎ ﻗﺮﺕ ﻫﻴﻚ ﺗﺠﻠﺴﺖ ﻭﺣﺴﺖ ﺩﺍﻕ ﺻﺪﺭﺍ ﻭﺯﻋﻠﺖ ﻛﺘﻴﺮ
ﻋﺒﻴﺪﺓ : ﺷﻮ ﻭﻳﻦ ﺭﺣﺘﻲ
ﺭﻫﻒ ﺣﺴﺖ ﺣﺎﻻ ﺑﺪﺍ ﺗﺒﻜﻲ ﺍﻛﺘﺮ
ﺭﻫﻒ : ﻳﺎﺭﺑﻲ ﺍﻧﺎ ﺷﺒﻨﻲ ﻟﻴﺶ ﺍﻧﻘﻬﺮﺕ .. ﻟﻚ ﺷﻮﺑﺪﻱ ﻣﻨﻮ ﻣﻌﻘﻮﻝ ﻋﻢ ﺣﺒﻮ ... ﻻ ﻻ ﺷﻮ ﺣﺒﻮ ... ﻫﻮ ﺑﺲ ﺻﺪﻳﻖ
ﺑﺲ ﺍﻧﺎ ﻋﻠﻰ ﻃﻮﻝ ﻋﻢ ﻓﻜﺮ ﻓﻴﻪ ... ﺭﻫﻒ ﺷﻮ ﻋﻢ ﻳﺼﻴﺮ ﻣﻌﻚ ﻻ ﺗﺠﻨﻲ
ﻋﺒﻴﺪﺓ : ﺭﻫﻬﻬﻬﻒ ﻭﻳﻦ ﺭﺣﺘﻲ ﻭﻟﻴﻪ ﺩﺑﻪ
ﺭﻫﻒ ﻋﻢ ﺗﺘﻄﻠﻊ ﻋﻠﻰ ﺍﻟﻤﺤﺎﺩﺛﺔ ﻭﺗﺤﻜﻲ ﺣﺎﻻ : ﻳﺎﺭﺑﻲ ﺷﻮ ﻋﻢ ﻳﺼﻴﺮ .. ﻟﻚ ﻫﻮ ﻣﺠﺮﺩ ﺻﺪﻳﻖ ... ﺍﻧﺎ ﺭﺡ ﻧﺎﻡ ﺷﻜﻠﻲ ﻛﺘﻴﺮ ﺗﻌﺒﺖ ﺍﻟﻴﻮﻡ
ﺭﻫﻒ : ﻋﺒﻴﺪﺓ ﺍﻧﺎ ﻧﻌﺴﺎﻧﺔ ﻛﺘﻴﺮ ﺗﺼﺒﺢ ﻋﻠﻰ ﺧﻴﺮ
ﻋﺒﻴﺪﺓ : ﺍﻭﻙ ﻣﺎﺑﺪﻱ ﺍﺯﻋﺠﻚ .. ﻭﺍﻧﺘﻲ ﺑﺨﻴﺮ
ﻣﺴﺤﺖ ﺍﻟﻤﺤﺎﺩﺛﺔ ﻭﻃﻔﺖ ﺍﻟﻨﺖ ﻭﺣﻄﺖ ﺭﺍﺳﺎ ﻭﻧﺎﻣﺖ
..........................
ﻧﺼﺮ ﻗﺎﻋﺪ ﻣﻊ ﺭﻓﻘﺎﺗﻮ ﺑﺲ ﻛﺎﻥ ﺻﺎﻓﻦ
# ﻧﺼﺮ ﺷﺒﻚ ﻭﻳﻦ ﺷﺎﺭﺩ
ﻧﺼﺮ : ﺍﺍﺍﻩ ﻣﻌﻚ ﻣﻌﻚ
# ﻻ ﺍﻧﺖ ﻣﺎﻧﻚ ﻋﻠﻰ ﺑﻐﻀﻚ
ﻧﺼﺮ : ﺍﻱ ﻭﺍﻟﻠﻪ ﺣﺎﺳﺲ ﺣﺎﻟﻲ ﺗﻘﻠﺖ ﺑﺎﻟﻌﺸﺎ ﻭﻣﺘﻀﺎﻳﻖ
# ﻫﻮ ﻣﻌﻚ ﺣﻖ ﺍﺗﻘﻞ ﻣﺸﺎﻟﻠﻪ ﻫﺎﻻﻛﻞ ﻻ ﻳﻌﻼ ﻋﻠﻴﻪ ﺍﺑﺪﺍ
ﻧﺼﺮ ﺍﺗﻄﻠﻊ ﻓﻴﻪ ﻭﻣﺎ ﺣﻜﺎ
# ﻟﻜﻦ ﻧﺤﻨﺎ ﻟﻨﻘﻮﻡ ﻧﺮﻭﺡ ﻭﺍﻧﺖ ﻗﻮﻡ ﺍﺭﺗﺎﺡ
ﻧﺼﺮ : ﻻ ﺧﻠﻴﻜﻦ ﺳﻬﺮﺍﻧﻴﻦ
# ﺧﻠﺺ ﻏﻴﺮ ﻣﺮﺓ ﻭﺩﺍﻳﻤﺔ ﻉ ﺍﻟﻌﺸﺎ ﻳﻼ ﺷﺒﺎﺏ
.........................
ﺭﻫﻒ ﻋﻢ ﺗﺤﻠﻢ
ﻧﺼﺮ : ﺭﻫﻒ ﺗﻌﺎﻟﻲ ﻉ ﻏﺮﻓﺘﻲ ﻋﺎﻳﺰﻙ
ﺭﻫﻒ : ﻧﺼﺮ ﺗﻌﺒﺎﻧﺔ ﺗﺮﻛﻨﻲ
ﻧﺼﺮ : ﺣﺒﻴﺒﺘﻲ ﺍﻧﺎ ﻣﺸﺘﻘﻠﻚ ﺍﻧﺘﻲ ﻣﺎﻧﻚ ﻣﺸﺘﺎﻗﺘﻴﻠﻲ
ﺭﻫﻒ : ﻻ ﻣﺎﻧﻲ ﻣﺸﺘﺎﻗﺔ ﻟﺤﺪﺍ
ﻗﺮﺏ ﻭﻗﺪ ﺣﺪﺍ ﻭﺻﺎﺭ ﻳﻠﻌﺒﻼ ﺑﺸﻌﺮﺍﺗﺎ .. ﻓﺘﺤﺖ ﻋﻴﻮﻧﺎ ﻗﺎﻡ ﻟﻘﺘﻮ ﻋﺒﻴﺪﺓ
ﺭﻫﻒ : ﻫﺎﺩ ﺍﻧﺖ
ﻋﺒﻴﺪﺓ : ﺍﻱ ﺍﻧﺎ ﺭﻫﻒ ﺍﻧﺎ ﺑﺤﺒﻚ
ﻓﺮﺣﺖ ﻛﺘﻴﺮ ﻭﻗﻌﺪﺕ ﻭﻋﺒﻴﺪﺓ ﺣﻂ ﺍﺩﻳﻪ ﻋﻠﻰ ﺧﺎﺻﺮﺗﺎ ﻭﺻﺎﺭ ﻳﺘﻄﻠﻊ ﺑﻌﻴﻮﻧﺎ
ﻋﺒﻴﺪﺓ : ﺑﺤﺒﻚ
ﺭﻫﻒ : ﻭﺍﻧﺎ ﻛﻤﺎﻥ ﺑﺤﺒﻚ
ﻗﺮﺏ ﻭﻃﺒﻊ ﺑﻮﺳﺔ ﻋﻠﻰ ﺷﻔﺎﻓﻬﺎ ﻭﻫﻴﺔ ﻛﻞ ﺟﺴﻤﺎ ﺻﺎﺭ ﻳﺮﺟﻒ
ﻋﺒﻴﺪﺓ : ﻟﻴﺶ ﻋﻢ ﺗﺮﺟﻔﻲ
ﺭﻫﻒ : ﺍﻭﻝ ﻣﺮﺓ ﺑﺤﺲ ﺑﻬﻞ ﺍﻟﺸﻌﻮﺭ
ﻋﺒﻴﺪﺓ : ﺣﻠﻮﻭ
ﺭﻫﻒ : ﻛﺘﻴﻴﻴﻴﺮ
ﻋﺒﻴﺪﺓ : ﺭﻫﻒ ﺑﻜﻔﻲ ﺣﺎﺝ ﺗﺮﺟﻔﻲ ... ﺭﻫﻒ ﺭﻫﻒ ﺭﻫﻔﻔﻒ
ﻓﺎﻗﺖ ﻣﺮﻋﻮﺑﺔ ﻋﻠﻰ ﺻﻮﺕ ﻧﺼﺮ ﻋﻢ ﻳﻘﻮﻝ ﺭﻫﻒ ﺭﻫﻔﻒ
ﺭﻫﻒ : ﺷﻮﻓﻲ
ﻧﺼﺮ : ﺻﺮﻟﻲ ﺳﺎﻋﺔ ﻋﻢ ﻓﻴﻘﻚ ﻭﺍﻧﺘﻲ ﻋﻢ ﺗﺮﺟﻔﻲ ﻓﻜﺮﺗﻚ ﻣﻜﻮﺑﺴﺔ ﻭﻋﻢ ﻓﻴﻘﻚ
ﺍﺗﺬﻛﺮﺕ ﺍﻟﺤﻠﻢ ﻭﺣﺴﺖ ﺑﺸﻌﻠﺔ ﻧﺎﺭ ﺻﺎﺭﺕ ﺑﺼﺪﺭﺍ ﻭﺗﻐﻴﺮﺕ ﻣﻼﻣﺤﺎ
ﻧﺼﺮ : ﺍﻧﺖ ﻣﻨﻴﺤﺔ
ﺭﻫﻒ ﻣﻦ ﻏﻴﺮ ﻧﻔﺲ : ﺍﻱ
ﻧﺼﺮ : ﺍﻱ ﻗﻮﻣﻲ ﻣﻌﻲ
ﺭﻫﻒ : ﻉ ﻭﻳﻦ
ﻧﺎﺻﺮ : ﻉ ﻏﺮﻓﺘﻨﺎ ﻉ ﻭﻳﻦ ﻳﻌﻨﻲ
ﺭﻫﻒ : ﻟﻚ ﺍﻧﺖ ﻣﺎﺑﺘﺨﺠﻞ ﻣﻦ ﺣﺎﻟﻚ ﺟﺎﻱ ﻟﻌﻨﺪﻱ ﻭﻻ ﻛﺄﻧﻮ ﻭﻻ ﻋﺎﻣﻞ ﺷﻲ
ﻧﺼﺮ : ﻟﻴﺶ ﺷﻮ ﻋﻤﻠﺖ
ﺭﻫﻒ : ﻟﻚ ﻣﻦ ﺍﻧﻬﺎﺭﻳﻦ ﺿﺮﺑﺘﻨﻲ ﺑﺪﻭﻥ ﺭﺣﻤﺔ ﻭﺍﻟﻴﻮﻡ ﺧﻠﻴﺘﻨﻲ ﺍﺷﺘﻐﻞ ﻃﻮﻝ ﺍﻻﻧﻬﺎﺭ ﻣﺘﻞ ﺍﻟﺤﻤﺎﺭﺓ ﻭﻫﻠﻖ ﺟﺎﻱ ﺑﺪﻙ ﺣﻘﻮﻗﻚ ﻟﻚ ﻣﺸﺎﻥ ﺍﻟﻠﻪ ﺍﻋﺘﺒﺮﻧﻲ ﺍﻱ ﺷﻲ ﻟﻚ ﺍﻧﺎ ﺍﻧﺴﺎﻧﺔ ﻭﺍﻟﻠﻪ ﺗﻌﺒﺎﻧﺔ ﻟﻴﺶ ﻣﺎ ﻋﻢ ﺗﺤﺲ
ﻧﺼﺮ : ﺧﻠﺺ ﺧﻠﺺ ﻻ ﺗﻌﻤﻠﻴﻠﻲ ﻣﺤﻀﺮﺍﺕ ﻫﻠﻖ ﺍﺭﺟﻌﻲ ﻧﺎﻣﻲ
ﺭﺟﻌﺖ ﺣﻄﺖ ﺭﺍﺳﺎ ﻋﻠﻰ ﺍﻟﻤﺨﺪﺓ ﻭﺻﺎﺭﺕ ﺗﻔﻜﺮ ﺑﺎﻟﻤﻨﺎﻡ ﻭﺣﺴﺖ ﺷﻌﻮﺭ ﺟﻮﺍﺗﺎ ﻣﺘﻞ ﺷﻌﻮﺭ ﺍﻟﺨﻮﻑ ﻭﻣﺎﺑﺘﻌﺮﻑ ﺷﻮ ﺳﺒﺒﻮ
ﻃﻠﻊ ﻧﺼﺮ ﻗﻌﺪ ﺑﺎﻟﺼﺎﻟﻮﻥ ﻭﺷﻐﻞ ﺍﻟﺘﻠﻔﺰﻳﻮﻥ ﻭﺻﺎﺭ ﻳﻘﻠﺐ
ﺑﺲ ﺍﺑﺪﺍ ﻣﺎ ﻛﺎﻥ ﻣﻨﺘﺒﻪ ﻟﻠﺘﻠﻔﺰﻳﻮﻥ ﻛﻞ ﺗﻔﻜﻴﺮﻭ ﻋﻨﺪ ﺭﻫﻒ ﻭﺍﻧﻮ ﺑﺪﻭ ﺍﻳﺎﻫﺎ ﺑﺲ ﻫﺎﻟﻤﺮﺓ ﻣﺎﺑﺪﻭ ﺍﻳﺎﻫﺎ ﻟﻴﻘﻀﻲ ﺷﻬﻮﺗﻮ ﻷ ﻫﺎﻟﻤﺮﺓ ﺑﺪﻭ ﺍﻳﺎﻫﺎ ﺍﻟﻬﺎ ﺑﺪﻭ ﻳﻀﻤﺎ ﻟﺼﺪﺭﻭ ﻭﻳﻘﺮﺑﺎ ﻣﻨﻮ
ﻧﺼﺮ : ﻧﺼﺮ ﺷﻮ ﻋﻢ ﻳﺼﻴﺮ ﻣﻌﻚ .... ﻣﻌﻘﻮﻝ ﻋﻢ ﺗﺤﺒﺎ .. ﻻ ﻻ ﻭﺍﺳﻤﻬﺎﻥ ... ﺑﺲ ﺭﻫﻒ ﺗﻌﻮﻳﺾ ﻟﺤﺘﻰ ﺍﺳﻤﻬﺎﻥ ﺗﺼﻴﺮ ﻋﻨﺪﻱ ... ﺑﺲ ﻟﺴﻪ ﺍﻟﻮﻗﺖ ﺑﻜﻴﺮ ﻭﻣﺎﺭﺡ ﻣﺮﻕ ﻫﺎﻱ ﺍﻟﻠﻴﻠﺔ ﻫﻴﻚ
ﻗﺎﻡ ﻭﻓﺘﺢ ﺍﻟﺒﺎﺏ ﻫﻴﺔ ﻋﻤﻠﺖ ﺣﺎﻻ ﻧﺎﻳﻤﺔ ﺭﻓﻊ ﻋﻨﺎ ﺍﻟﻐﻄﺎ ﻭﺻﺎﺭ ﻳﻔﻴﻘﺎ
ﺭﻫﻒ : ﻧﺼﺮ ﺷﻮ ﺑﺪﻙ
ﻧﺼﺮ : ﻋﻢ ﻗﻠﻚ ﻗﻮﻣﻲ ﻣﻌﻲ ﺍﻟﻠﻴﻞ ﺑﻌﺪﻭ ﺑﺄﻭﻟﻮ
ﺭﻫﻒ : ﻃﻴﺐ ﺭﻭﺡ ﻭﻳﻦ ﻣﺎ ﺑﺪﻙ ﺗﺮﻛﻨﻲ ﺑﺤﺎﻟﻲ
ﻧﺼﺮ : ﻟﻚ ﺧﻠﺼﻴﻨﺎ ﻗﻮﻣﻲ ﻣﺎﺑﺪﻱ ﻋﻴﺪ ﻛﻼﻣﻲ
ﺭﻫﻒ : ﺑﺲ
ﻧﺼﺮ ﺑﺼﻮﺕ ﻋﺎﻟﻲ ﺧﻮﻓﺎ ﻟﺮﻫﻒ : ﺧﻠﺼﻴﻴﻴﻴﻨﺎ
ﻗﺎﻣﺖ ﻭﻫﻴﺔ ﻋﻢ ﺗﺘﺄﻓﺄﻑ
#ﻭﺭﺩﺓ_ﺫﺍﺑﻠﺔ
#مريم_اليوسف
#ﺍﻟﺠﺰﺀ_الثالث
ﻓﺎﻗﺖ ﺍﻟﺼﺒﺢ ﻭﻛﺎﻧﺖ ﺑﺘﺨﺖ ﻧﺼﺮ ﺍﺟﺖ ﺑﺪﺍ ﺗﻘﻮﻡ ﺑﺲ ﻣﺎ ﺍﻟﻬﺎ ﺣﻴﻞ ﻧﻬﺎﺋﻴﺎ ﻭﺍﺗﺬﻛﺮﺕ ﺷﻮ ﺻﺎﺭ ﻟﻴﻠﺔ ﻣﺒﺎﺭﺡ ﻭﺻﺎﺭﺕ ﺗﺒﻜﻲ ﻟﻚ ﺑﻜﺮﻫﻚ ﺑﻜﺮﻫﻚ ﺍﻟﻠﻪ ﻳﻠﻌﻨﻚ ﻭﻳﻠﻌﻦ ﻗﺮﻓﻚ
ﺍﻧﻔﺘﺢ ﺍﻟﺒﺎﺏ ﻭﻓﺎﺕ ﻧﺼﺮ ﻭﻫﻮ ﺷﺎﻳﻞ ﺍﺑﻨﻮ
ﻧﺼﺮ : ﺣﺒﻴﺒﻲ ﻫﻤﺎﻡ ﻗﻮﻝ ﺻﺒﺎﺡ ﺍﻟﺨﻴﺮ ﻟﻠﻤﺎﻣﺎ
ﻣﺴﺤﺖ ﺩﻣﻮﻋﺎ ﻭﻣﺎﺭﺩﺕ ﻗﺎﻣﺖ ﻣﻦ ﻋﻠﻰ ﺍﻟﺘﺨﺖ ﺑﺼﻌﻮﺑﺔ
ﻧﺼﺮ : ﺷﺒﻚ ﻋﻢ ﻧﺼﺒﺢ
ﺭﻫﻒ : ﻧﺼﺮ ﻣﻤﻜﻦ ﺍﻃﻠﺐ ﻃﻠﺐ
ﻧﺼﺮ : ﺷﻮ ﺑﺪﻙ
ﺭﻫﻒ : ﻣﺸﺎﻥ ﺍﻟﻠﻪ ﺍﻋﺘﻘﻨﻲ ﺑﺤﺎﻟﻲ ﺍﻧﺎ ﻣﻌﺪ ﺑﺪﻱ ﺍﻳﺎﻙ ﺍﻧﺎ ﺑﻜﺮﻫﻚ
ﻧﺼﺮ : ﺷﻮ ﺻﺎﻳﺮ ﻟﻘﻌﻠﻚ ﺍﻧﺘﻲ
ﺭﻫﻒ : ﻻﻧﻚ ﻣﺎ ﺑﺘﺤﺲ ﺑﻼ ﻣﺸﺎﻋﺮ ﺑﺘﻀﻞ ﺗﻌﺎﻣﻠﻨﻲ ﻣﺘﻞ ﺷﻲ ﺣﻴﻮﻧﺔ ﻋﻨﺪﻙ
ﻧﺼﺮ : ﻛﻠﻮ ﻛﻢ ﻛﻒ ﺿﺮﺑﻨﺎﻛﻲ ﺍﻳﺎﻩ ﺻﺮﻋﺘﻴﻨﻲ
ﺷﻠﺤﺖ ﺍﻟﻜﻨﺰﺓ ﻳﻠﻲ ﻛﺎﻧﺖ ﻻﺑﺴﺘﺎ ﻭﻗﺎﻟﺘﻠﻮ ﺷﻮﻑ ﻫﺎﻱ ﺍﺛﺎﺭ ﻛﻢ ﻛﻒ ﺑﺲ ﺷﻜﻠﻚ ﺑﻠﻴﻞ ﻣﺎ ﺍﻧﺘﺒﻬﺖ ﻛﺎﻥ ﻋﺘﻢ ﺍﻭ ﺍﻧﺖ ﻣﺎﺑﺪﻙ ﺗﺸﻮﻑ
ﻧﺼﺮ ﻟﻤﺎ ﺷﺎﻑ ﻫﻴﻚ ﺟﺴﻤﺎ ﻣﺼﺒﻎ ﺍﺣﻤﺮ ﻭﺍﺯﺭﻕ ﺣﺲ ﺑﺘﺄﻧﻴﺐ ﺍﻟﻀﻤﻴﺮ
ﻧﺼﺮ : ﺷﻮ ﺑﺪﻙ ﻫﻠﻖ
ﺭﺍﺣﺖ ﻟﻌﻨﺪ ﺧﺰﺍﻧﺘﺎ ﻓﺘﺤﺘﺎ ﻭﻃﻠﻌﺖ ﺻﻨﺪﻭﻕ ﺻﻐﻴﺮ ﻓﺘﺤﺘﻮ ﻭﻓﻀﺘﻮ ﻋﻠﻰ ﺍﻟﺘﺨﺖ ﻭﻗﺎﻟﺖ : ﺧﺪﻭﻥ ﻭﺭﻭﺡ ﺍﺗﺰﻭﺝ ﻭﺍﻧﺎ ﻣﺸﺎﻥ ﺍﻟﻠﻪ ﻋﻴﻔﻨﻲ ﺑﺤﺎﻟﻲ
ﻧﺎﺻﺮ : .....
ﺭﻫﻒ : ﻭﺍﻟﻠﻪ ﻋﻢ ﺍﺣﻜﻲ ﺟﺪ ﺧﺪﻭﻥ ﻭﺭﻭﺡ ﺗﺰﻭﺝ ﺍﻧﺘﻮ ﺑﺘﺤﺒﻮ ﺑﻌﺾ ﻭﺑﻜﻔﻲ ﻓﺮﺍﻕ ... ﻟﻚ ﻣﺎﺑﺪﺍ ﺗﻔﻜﻴﺮ ﺍﻧﺖ ﻧﺎﻗﺼﻚ ﻣﺼﺎﺭﻱ ﺧﺪﻭﻥ ﻭﺭﻭﺡ ﺍﺗﺰﻭﺝ
ﺭﺟﻌﺘﻦ ﻉ ﺍﻟﺼﻨﺪﻭﻕ ﻋﻄﺘﻮ ﺍﻳﺎﻫﻦ ﻭﺍﺧﺪﺕ ﺍﺑﻨﺎ ﻣﻨﻮ ﻭﻗﺎﻟﺖ ﺭﻭﺡ ﻣﺎ ﺑﺪﺍ ﻭﻗﻔﺔ ... ﺑﺲ ﺍﺳﻤﺎﻉ ﻳﺎﻧﺼﺮ ﺍﻟﻤﻘﺎﺑﻞ ﺑﺪﻱ ﻣﻨﻚ ﺗﻨﺴﻰ ﺍﻧﻮ ﻣﺮﺗﻚ ﺍﻧﺎ ﺍﻡ ﺍﺑﻨﻚ ﻣﻮ ﺍﻛﺘﺮ ﻣﺎﺷﻲ
ﻧﺼﺮ ﺣﺲ ﺍﻧﻮ ﺍﺩﻳﻖ ﻻﻧﻮ ﻣﻌﺪ ﺑﺪﺍ ﺍﻳﺎﻩ ﺑﺲ ﻣﺎ ﺑﻴﻨﻼ
ﻭﻗﺎﻝ : ﺍﻱ ﺍﻧﺎ ﺍﺻﻼ ﻟﻤﺎ ﺭﺡ ﺍﺗﺰﻭﺝ ﺍﺳﻤﻬﺎﻥ ﻣﻌﺪ ﻓﻜﺮ ﻓﻴﻜﻲ ﻧﻬﺎﺋﻴﺎ ﻭﻣﻌﺪ ﺗﻠﺰﻣﻴﻨﻲ ﺍﺧﺪ ﺍﻟﺪﻫﺒﺎﺕ ﻭﻃﻠﻊ
ﻗﻌﺪﺕ ﻉ ﻃﺮﻑ ﺍﻟﺘﺨﺖ ﻭﺻﺎﺭﺕ ﺗﺒﻜﻲ ﻣﻦ ﻛﻞ ﻗﻠﺒﺎ
ﺣﺴﺖ ﺣﺎﻻ ﺿﺎﻳﻌﺔ ﻭﻛﺄﻧﻮ ﺑﻌﺎﻟﻢ ﻏﻴﺮ ﻋﺎﻟﻤﺎ ﻗﺎﻣﺎ ﺍﺷﺘﻐﻠﺖ ﺷﻐﻼﺕ ﺍﻟﺒﻴﺖ ﻭﻗﻌﺪﺕ ﻗﺪﺍﻡ ﺍﻟﺘﻠﻔﺰﻳﻮﻥ ﻭﺻﺎﺭﺕ ﺗﻘﻠﺐ
ﻃﻠﻌﺖ ﺑﻮﺟﻬﺎ ﻗﻨﺎﺓ ﺩﻳﻨﻴﺔ ﻭﺑﻨﻔﺲ ﺍﻟﻮﻗﺖ ﺻﺎﺭ ﻫﻤﺎﻡ ﻳﺒﻜﻲ ﺗﺮﻛﺖ ﻋﻠﻴﻬﺎ ﻭﺟﺎﺑﺖ ﺍﺑﻨﺎ ﻭﺭﺟﻌﺖ ﻟﻘﺪﺍﻡ ﺍﻟﺘﻠﻔﺰﻳﻮﻥ ﻭﺣﺎﺳﺔ ﺣﺎﻻ ﻣﺘﺪﺍﻳﻘﺔ ﻛﺘﻴﺮ
ﻭﻫﻴﺔ ﺷﺎﺭﺩﺓ ﺑﻌﺎﻟﻢ ﺗﺎﻧﻲ ﺳﻤﻌﺖ ﻭﺣﺪﺓ ﻣﺘﺼﻠﺔ ﺑﺸﻴﺦ ﻋﻢ ﺗﺤﻜﻴﻠﻮ ﻣﺸﻜﻠﺘﺎ
ﺍﻟﻤﺘﺼﻠﺔ : ﻳﺎ ﺷﻴﺦ ﺑﺪﻱ ﻗﻠﻚ ﺍﻧﻮ ﺍﻧﺎ ﻋﻨﺪﻱ ﺍﺻﺪﻗﺎﺀ ﺷﺒﺎﺏ ﻉ ﺍﻟﻔﻴﺲ ﺑﻮﻙ ﻭﺑﺤﻜﻲ ﻣﻌﻮﻥ ﺑﻌﻠﻢ ﺯﻭﺟﻲ ﺑﺲ ﻋﻢ ﺣﺲ ﻋﻢ ﺍﻋﻤﻞ ﺷﻲ ﻏﻠﻂ
ﺍﻟﺸﻴﺦ ﺑﻄﺮﻳﻘﺔ ﻟﺌﻴﻤﺔ : ﺍﻛﻴﺪ ﻋﻢ ﺗﻌﻤﻠﻲ ﺷﻲ ﻏﻠﻂ ﻭﺍﻧﺘﻲ ﻭﺯﻭﺟﻚ ﺭﺡ ﺗﺘﺤﺎﺳﺒﻮ .. ﻫﺎﻱ ﺍﻟﺘﻠﻔﻮﻧﺎﺕ ﺧﺮﺍﺏ ﺑﻴﻮﺕ ﺍﺗﻘﻲ ﺍﻟﻠﻪ ﻳﺎﺑﻨﺘﻲ ﻫﺎﺩ ﺍﻟﺸﻲ ﻏﻠﻂ .. ﺭﺡ ﺳﻬﻠﻚ ﺍﻳﺎﻫﺎ ﻣﻤﻜﻦ ﺍﻧﺘﻲ ﺗﺤﺒﻲ ﺷﺨﺺ ﻣﻦ ﺍﺻﺪﻗﺎﺋﻚ ﻫﺎﻱ ﻣﺎ ﺍﺳﻤﻬﺎ ﺧﻴﺎﻧﺔ
ﺍﻟﻤﺘﺼﻠﺔ : ﺻﺢ
ﺍﻟﺸﻴﺦ : ﻳﺎ ﺑﻨﺘﻲ ﺍﻟﺸﻴﻄﺎﻥ ﺻﺎﻳﺮ ﻣﻮﺟﻮﺩ ﺑﻜﻞ ﻣﻜﺎﻥ ﻳﻤﻜﻦ ﺯﻭﺟﻚ ﻻﻧﻮ ﻭﺍﺛﻖ ﻓﻴﻜﻲ ﺳﺎﻣﺤﻠﻚ ﺑﺲ ﻻ ﺗﺨﻠﻲ ﺍﻳﻤﺎﻧﻚ ﻳﺴﻤﺤﻠﻚ
ﺍﻟﻤﺘﺼﻠﺔ : ﻣﻌﻚ ﺣﻖ ﻳﺎﺷﻴﺦ .. ﺟﺰﺍﻙ ﺍﻟﻠﻪ ﺧﻴﺮ
ﺧﻠﺺ ﺍﻻﺗﺼﺎﻝ ﻭﺻﺎﺭ ﻳﻘﻮﻝ ﺍﻟﺸﻴﺦ ﺍﻧﺘﺒﻬﻮ ﻳﺎﺟﻤﺎﻋﺔ ﺍﻧﺘﺒﻬﻮ ﻫﺬﺍ ﺍﻟﻬﺎﺗﻒ ﻭﺭﺍﺋﻪ ﺍﻟﻤﺼﺎﺋﺐ ﻭﺍﻟﻌﻴﺎﺫ ﺑﺎﻟﻠﻪ ﻛﻢ ﻣﻦ ﺯﻭﺟﺔ ﺗﻄﻠﻘﺖ ﻣﻦ ﺯﻭﺟﻬﺎ ﺑﺴﺒﺐ ﺍﻟﻬﺎﺗﻒ ﻛﻢ ﺯﻭﺝ ﻃﻠﻖ ﺯﻭﺟﺘﻪ ﺑﺴﺒﺐ ﺍﻟﻬﺎﺗﻒ
ﺍﻧﺎ ﺍﻟﻴﻮﻡ ﺧﺼﺼﺖ ﻫﺬﻩ ﺍﻟﺤﻠﻘﺔ ﻟﻠﻨﺼﺤﻴﺔ ﻻﻧﻲ ﺍﺭﻯ ﺍﻻﻣﺔ ﺗﻨﺤﺮﻑ ﺍﻧﺎ ﻣﺎ ﻋﻢ ﻗﻠﻜﻦ ﻻ ﺗﺤﻤﻠﻮ ﻫﻮﺍﺗﻒ ﻭﻻ ﺗﻨﺰﻟﻮ ﻓﻴﺲ ﺑﺲ ﻛﻠﻪ ﺑﺤﺪﻭﺩ .. ﺍﺳﻤﻌﻲ ﻳﺎ ﺍﺧﺘﻲ ﺍﺳﻤﻊ ﻳﺎ ﺍﺧﻲ ﻣﺎ ﻛﻞ ﻣﻦ ﻗﺎﻝ ﻛﻼﻡ ﺣﻠﻮ ﻫﻮ ﺷﺎﻋﺮ ﻭﺭﻭﻣﻨﺴﻲ ﺍﻭ ﺷﺎﻋﺮﺓ ﺍﻭ ﺭﻭﻣﻨﺴﻴﺔ .. ﺑﻞ ﻫﻢ ﺧﺒﻴﺮﻳﻦ ﻓﻲ ﻫﺬﻩ ﺍﻻﻣﻮﺭ ﻭﻳﻌﺮﻓﻮﻥ ﻧﻘﺎﻁ ﺍﻟﻀﻌﻒ ﻭﻳﺴﺘﻐﻠﻮﻧﻬﺎ ﻭﺍﻻﻧﺴﺎﻥ ﺑﻴﻨﻀﺤﻚ ﻋﻠﻴﻪ ﺑﻜﻠﻤﺘﻴﻦ ﺣﻠﻮﻳﻦ ﺧﻠﻴﻜﻦ ﻭﺍﺛﻘﻴﻦ ﺍﻧﻬﻢ ﻛﺎﺫﺑﻴﻦ
ﺍﺗﺼﺎﻝ ﺟﺪﻳﺪ
ﻭﺭﻫﻒ ﻋﻄﺖ ﻛﻞ ﺍﻫﺘﻤﺎﻣﺎ ﻟﻠﺒﺮﻧﺎﻣﺞ
ﺍﻟﺸﻴﺦ : ﺍﻟﻮ ﻣﻴﻦ ﻣﻌﻲ
ﺍﻟﻤﺘﺼﻠﺔ : ﻳﺎ ﺷﻴﺦ ﺍﻧﺎ ﻋﻨﺪﻱ ﻣﺸﻜﻠﺔ ﺑﺲ ﻋﻨﺪﻱ ﻋﺬﺭ
ﺍﻟﺸﻴﺦ : ﺍﺣﻜﻲ ﻳﺎﺑﻨﺘﻲ ﻋﻢ ﺍﺳﻤﻌﻚ
ﺍﻟﻤﺘﺼﻠﺔ : ﻳﺎ ﺷﻴﺦ ﺍﻧﺎ ﺟﻮﺯﻱ ﺑﺤﻴﺎﺗﻮ ﻣﺎ ﺳﻤﻌﻨﻲ ﻛﻠﻤﺔ ﺣﻠﻮﺓ ﻭﺑﻀﻞ ﻳﻀﺮﺑﻲ ﻣﺎ ﺑﻌﺎﻣﻠﻨﻲ ﺑﺮﻭﻣﻨﺴﻴﺔ ﻭﻻ ﻣﺮﺓ ﺟﺒﻠﻲ ﻫﺪﻳﺔ ﻭﺍﻧﺎ ﻛﺘﻴﺮ ﺗﻌﺒﺖ ﻣﻌﻮ .. ﻭﺍﺗﻌﺮﻓﺖ ﻋﻠﻰ ﺷﺨﺺ ﻉ ﺍﻟﻔﻴﺲ ﺑﻮﻙ ﻭﺣﺒﻴﻨﺎ ﺑﻌﺾ ﻭﻋﻮﺿﻨﻲ ﻋﻦ ﻛﻠﺸﻲ ﻋﺸﺘﻮ ﻣﻊ ﺯﻭﺟﻲ ﻭﻫﻠﻖ ﻧﺎﻃﺮﻧﻲ ﺣﺘﻰ ﺍﺗﻄﻠﻖ ﻭﻧﺘﺰﻭﺝ ﺍﻧﺎﻋﻢ ﺍﺣﻜﻴﻠﻚ ﻗﺼﺘﻲ ﺑﺪﻱ ﺗﻘﻠﻲ ﺷﻮ ﺭﺃﻳﻚ
ﺍﻟﺸﻴﺦ : ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ﺍﻟﻌﻠﻲ ﺍﻟﻌﻈﻴﻢ
ﺍﺳﻤﻌﻲ ﻳﺎﺑﻨﺘﻲ ﺍﻧﺘﻲ ﻟﻤﺎ ﺟﻮﺯﻙ ﻛﺎﻥ ﻫﻴﻚ ﻣﻌﻚ ﻟﻴﺶ ﻣﺎ ﻟﺠﺌﺘﻲ ﻟﺮﺏ ﺍﻟﻌﺎﻟﻤﻴﻦ .... ﻟﻴﺶ ﺳﺎﻛﺘﺔ ... ﺧﺎﻳﻔﺔ ﺗﻮﺍﺟﻬﻲ ﺣﺎﻟﻚ ﻣﺎ ﻫﻴﻚ ﺭﺣﺘﻲ ﺍﻟﺠﺌﺘﻲ ﻟﻠﻔﻴﺲ ﺑﻮﻙ .. ﻭﺻﺮﺗﻲ ﺗﺒﺤﺜﻲ ﻋﻦ ﺍﻟﺤﺐ .... ﻭﺑﻤﺴﺎﻋﺪﺕ ﺍﻟﺸﻴﻄﺎﻥ
ﺳﻜﺖ ﺷﻮﻱ ﺑﻌﺪﻳﻦ ﺻﺎﺭ ﻳﺤﻜﻲ ﺑﺼﻮﺕ ﻋﺎﻟﻲ ﻏﺎﺿﺐ : ﺟﻮﺯﻙ ﻣﺎ ﺑﺴﻤﻌﻚ ﻛﻼﻡ ﺣﻠﻮ ﺍﻟﺠﺌﻲ ﺍﻟﻰ ﺍﻟﻠﻪ
ﺟﻮﺯﻙ ﺑﻴﻀﺮﺑﻚ ﺍﻟﺠﺌﻲ ﺍﻟﻰ ﺍﻟﻠﻪ
ﺟﻮﺯﻙ ﻣﺎﻧﻮ ﺭﻭﻣﻨﺴﻲ ﺍﻟﺠﺌﻲ ﺍﻟﻰ ﺍﻟﻠﻪ
ﻣﺎ ﺗﻠﺠﺌﻲ ﻟﻠﻔﻴﺲ ﺑﻮﻙ .. ﻭﻣﻦ ﻛﻞ ﻋﻘﻠﻚ ﻣﺘﻮﻗﻌﺔ ﺍﻧﻮ ﻫﺎﺩ ﻳﻠﻲ ﻋﻢ ﺗﺤﻜﻲ ﻣﻌﻮ ﺑﺪﻭ ﻳﺘﺰﻭﺟﻚ .. ﺍﻧﺎ ﺑﺄﻛﺪﻟﻚ ﻣﻠﻴﻮﻥ ﺑﺎﻟﻤﻴﺔ ﻫﺎﺩ ﻭﺍﺣﺪ ﻛﺬﺍﺏ .. ﺣﺘﻰ ﻟﻮ ﺍﺗﺰﻭﺟﻚ ﺭﺡ ﻳﻀﻞ ﻳﻬﺘﻚ ﺍﻧﻚ ﺧﻨﺘﻲ ﺯﻭﺟﻚ ... ﻧﻌﻢ ﺍﻧﺘﻲ ﺧﺎﺋﻨﺔ .. ﺍﻭ ﻳﺎ ﺧﺪ ﻣﻨﻚ ﻳﻠﻲ ﺑﺪﻭ ﺍﻳﻬﺎ ﻭﻳﺮﻣﻴﻜﻲ ﺳﺎﻋﺘﻬﺎ ﺑﺘﺘﺬﻛﺮﻱ ﺭﺑﻚ ﺳﺎﻋﺘﻬﺎ ﺑﺘﻠﺠﺌﻴﻮ ... ﺭﻭﺣﻲ ﻳﺎﺑﻨﺘﻲ ﺻﻠﺤﻲ ﻏﻄﻠﺘﻚ ﻭﺭﺟﻌﻲ ﺍﻟﻰ ﺑﻴﺖ ﻭﻭﻻﺩﻙ ﻭﺍﺳﺘﻐﻔﺮ ﺭﺑﻚ ﺑﺮﻛﻲ ﺑﻴﻐﻔﺮﻟﻚ ﻭﺍﺫﺍ ﻟﻘﻴﺘﻲ ﺣﺎﻟﻚ ﺗﻌﺒﺎﻧﺔ ﻣﻌﻮ ﺍﺗﻄﻠﻘﻲ ﺍﺣﺴﻦ ﻣﺎﻧﻚ ﻋﻢ ﺗﺨﻮﻧﻴﻪ ﻣﻦ ﻧﺺ ﺑﻴﺘﻮ ﺭﻭﺣﻲ ﻳﺎ ﺑﻨﺘﻲ ﺍﻟﻠﻪ ﻳﻬﺪﻳﻜﻲ
ﺍﻧﺘﻬﻰ ﺍﻻﺗﺼﺎﻝ
ﺍﻟﺸﻴﺦ : ﻟﻚ ﺑﺪﻛﻦ ﺭﻭﻣﻨﺴﻴﺔ ﺑﺪﻛﻦ ﺣﻨﺎﻥ ﻟﻚ ﻓﻲ ﻋﺎﻟﻢ ﺑﺘﺘﻤﻨﻰ ﺗﻌﻴﺶ ﻋﻴﺸﺘﻜﻦ ﻓﻲ ﻋﺎﻟﻢ ﻋﻢ ﺗﺤﺴﺪﻛﻦ ﻋﻠﻰ ﺍﺯﻭﺍﺟﻜﻢ .. ﺍﺳﻤﻌﻲ ﻳﺎ ﺍﺧﺘﻲ ﺍﺷﻘﺪ ﻣﺎﻛﺎﻥ ﺯﻭﺟﻚ ﻗﺎﺳﻲ ﻣﻌﻚ ﺍﺻﺤﻚ ﺗﺪﻭﺭﻱ ﻋﻠﻰ ﺑﺪﺍﻟﻮ ﻻﻧﻮ ﺭﺡ ﺗﻨﺪﻣﻲ ﺍﻟﺠﺌﻮ ﺍﻟﻰ ﺍﻟﻠﻪ ﻭﻫﻮ ﺍﻟﻘﺎﺩﺭ ﻋﻠﻰ ﻛﻞ ﺷﻲﺀ ﻟﻚ ﺍﻟﻌﺎﻟﻢ ﻭﺻﻠﺖ ﻟﻠﻤﺮﻳﺦ ﻭﻧﺤﻨﺎ ﺩﺍﻳﺮﻳﻦ ﻋﻠﻰ ﺟﻮﺯﻱ ﻣﺎﻧﻮ ﺭﻭﻣﻨﺴﻲ ﻭﻣﺎﻧﻮ ﺣﻨﻮﻥ ... ﺍﻟﻌﺎﻟﻢ ﻋﻢ ﺗﻤﻮﺕ ﻭﺗﻨﻘﺘﻞ ﺑﺒﻮﺭﻣﺎ ﻭﺑﺎﻟﺪﻭﻝ ﺍﻟﻌﺮﺑﻴﺔﻭﻧﺤﻨﺎ ﺩﺍﻳﺮﻳﻦ ﻉ ﺍﻟﺮﻭﻣﻨﺴﻴﺔ .. ﺍﻟﻐﺮﺏ ﻋﻢ ﻳﻨﻬﺶ ﺑﺄﺭﺍﺿﻴﻨﺎ ﻭﻧﺤﻨﺎ ﻋﻢ ﻧﺪﻭﺭ ﻋﻠﻰ ﺍﻟﺮﻭﻣﻨﺴﻴﺔ .. ﺍﺗﻘﻮ ﺍﻟﻠﻪ ﺍﺗﻘﻮﺍ ﺍﻟﻠﻪ ﻓﻲ ﺍﻭﻻﺩﻛﻢ ﺍﺳﻤﻌﻲ ﺍﻧﺘﻲ ﻭﺍﻳﺎﻫﺎ ﺍﻭ ﺍﻧﺖ ﻭﺍﻳﺎﻩ ﻓﻜﺮﻭ ﺑﻮﻻﺩﻛﻦ .. ﻓﻜﺮ ﺷﻮ ﻧﻬﺎﻳﺔ ﺍﻟﻌﺎﺑﻜﻦ ﺍﻟﻮﺳﺨﺔ ﻓﻜﺮﻭ ﺑﺎﻭﻻﺩﻛﻦ ﺷﻮ ﺭﺡ ﻳﺼﻴﺮ ﻓﻴﻬﻦ ﺭﺡ ﻳﺘﺸﺮﺩﻭ ﻭﻳﺮﺑﻮ ﻋﻨﺪ ﺑﻴﺖ ﺟﺪﻭﻥ ﻭﺍﻧﺘﻲ ﺭﻭﺣﻲ ﻟﻌﻨﺪﻭ ﻻﻧﻚ ﺑﺘﺤﺒﻴﻪ ﻭﺩﺍﻳﺮﺓ ﻋﻠﻰ ﺍﻟﺮﻭﻣﻨﺴﻴﺔ .. ﻣﺎ ﺑﺘﺤﺒﻲ ﺟﻮﺯﻱ ﺍﺗﻄﻠﻘﻲ ﻣﻨﻮ ﻻ ﺗﺨﻮﻧﻴﻪ ﻣﺎ ﺑﺘﺤﺐ ﻣﺮﺗﻚ ﻃﻠﻘﺎ ﻭﻻ ﺗﺨﻮﻧﺎ ﺍﺗﻘﻮﺍ ﺍﻟﻠﻪ
ﺍﺳﻤﻌﻮﺍ ﻳﺎ ﺍﺑﻨﺎﺋﻲ ﺻﺢ ﺍﻟﺤﺐ ﺿﺮﻭﺭﻱ ﺑﺤﻴﺎﺓ ﺍﻟﺰﻭﺟﻴﻦ ﺑﺲ ﺍﻧﺘﻲ ﺍﻭ ﺍﻧﺖ ﺣﺎﻭﻝ ﺗﺒﻨﻲ ﻫﺎﺩ ﺍﻟﺤﺐ ﻭﺍﺫﺍ ﻣﺎ ﻗﺪﺭﺗﻮ ﻓﺎﻟﻄﻼﻕ ﺍﻓﻀﻞ ﻣﻦ ﻣﻌﺼﻴﺔ ﺍﻟﻠﻪ
ﻭﻫﻜﺬﺍ ﺍﺗﻨﻬﺖ ﺣﻠﻘﺘﻨﺎ ﻟﻠﻴﻮﻡ ﻭﺍﻟﺴﻼﻡ ﻋﻠﻴﻜﻢ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ
ﺳﻜﺮﺕ ﺍﻟﺘﻠﻔﺰﻳﻮﻥ ﻭﺍﻟﺸﻌﻮﺭ ﺑﺎﻟﺬﻧﺐ ﻋﻢ ﻳﺎﻛﻼ
ﺭﻫﻒ : ﻳﺎﺭﺏ ﺗﺴﺎﻣﺤﻨﻲ ﻳﺎﺭﺏ ﺗﻐﻔﺮﻟﻲ .... ﻳﺎﺭﺏ ﻣﺎﻟﻲ ﻏﻴﺮﻙ ﻟﻚ ﺍﻧﺎ ﺷﻮ ﻋﻤﻠﺖ ﻟﻴﺶ ﻻﺣﻜﻲ ﻣﻊ ﻋﺒﻴﺪﺓ ﻟﻴﺶ ﻟﻚ ﻭﻳﻦ ﻛﺎﻥ ﻋﻘﻠﻲ ﻳﺎﺭﺏ ﻳﺎﺭﺏ ﺍﻧﺎ ﺍﺳﻔﺔ ﻳﺎﺭﺏ ﺍﻧﺎ ﺍﺳﻔﺔ ﻛﻠﻮ ﻣﻨﻚ ﻳﺎ ﻧﺼﺮ ﻛﻠﻮ ﻣﻨﻚ ﻟﻮﻧﻚ ﻣﻬﻨﻴﻨﻲ ﻣﺎ ﻛﻨﺖ ﻓﺘﺤﺖ ﻓﻴﺲ ﺑﻮﻙ ﻣﻦ ﺍﺻﻠﻮ .. ﺑﺲ ﺍﻧﺎ ﺍﻟﻤﺬﻧﺒﺔ ﺍﻧﺎ ﻟﻚ ﻛﻴﻒ ﻫﻴﻚ ﻛﻨﺖ ﻏﺒﻴﺔ ﻣﻌﻘﻮﻝ ﻣﺎ ﺿﻞ ﺷﻲ ﺍﺗﺴﻠﻰ ﻓﻴﻪ ﻏﻴﺮ ﺍﻟﺤﻜﻲ ﻣﻊ ﻋﺒﻴﺪﺓ ﻳﺎﺭﺏ ﺳﺎﻣﺤﻨﻲ ﻟﻚ ﺣﺘﻰ ﻣﺸﺎﻋﺮﻱ ﺑﻠﺸﺖ ﺗﻨﺠﺮﻑ ﻟﻌﻨﺪﻭ ﻳﺎﺭﺏ ﻳﺎﺭﺏ
ﻗﻌﺪﺕ ﻭﺻﺎﺭﺕ ﺗﺒﻜﻲ ﻣﻦ ﻗﻠﺒﺎ ﻭﺷﻌﻮﺭﺍ ﺑﺎﻟﺬﻧﺐ ﻋﻢ ﻳﺎﻛﻼ
ﺭﻫﻒ : ﺑﺲ ﻛﻠﻮ ﻣﻨﻚ ﻳﺎ ﻧﺼﺮ ﻭﺍﻟﻠﻪ ﺭﺡ ﺍﺗﺮﻛﻚ ﻭﻟﻮ ﺑﻀﻞ ﺑﻌﻤﺮﻱ ﻳﻮﻡ ﻭﺍﺣﺪ
ﺭﻥ ﺗﻠﻔﻮﻧﺎ ﻭﻛﺎﻧﺖ ﺧﺎﻟﺘﺎ ﻣﻦ ﺑﻴﺮﻭﺕ
ﺣﺎﻭﻟﺖ ﺗﻐﻴﺮ ﻧﺒﺮﺓ ﺻﻮﺗﺎ
ﺭﻫﻒ : ﺍﻫﻼ ﺧﺎﻟﺘﻲ
ﺧﺎﻟﺘﺎ ﻓﺎﻃﻤﺔ : ﻛﻴﻔﻚ ﺭﻫﻮﻓﺔ ﺣﺒﻴﺒﺔ ﻗﻠﺒﻲ
ﺭﻫﻒ : ﻣﺸﺘﺎﻗﺘﻠﻚ ﺧﺎﻟﺘﻲ ﻛﻴﻔﻚ ﺍﻧﺘﻲ
ﻓﺎﻃﻤﺔ : ﻣﺸﺎﻥ ﺍﻟﻠﻪ ﻳﺎﺧﺎﻟﺘﻲ ﺷﺒﻚ ﺻﺎﻳﺮ ﻣﻌﻚ ﺷﻲ
ﺭﻫﻒ : ﺷﺒﻚ ﺧﺎﻟﺘﻲ ﻟﻴﺶ ﻫﻴﻚ ﻋﻢ ﺗﺤﻜﻲ
ﻓﺎﻃﻤﺔ : ﻳﺎﻋﻤﺮﻱ ﻭﺍﻟﻠﻪ ﻗﻠﺒﻲ ﻋﻢ ﻳﻐﻠﻲ ﻋﻠﻴﻜﻲ ﺍﻣﻚ ﺍﺟﺘﻨﻲ ﺑﺎﻟﻤﻨﺎﻡ ﻭﻗﺎﻟﺘﻠﻲ ﺑﻨﺘﻲ ﺭﻫﻒ ﻋﻢ ﺗﺘﻌﺬﺏ ﻟﻴﺶ ﻣﺎﻧﻜﻦ ﻋﻢ ﺗﻨﺘﺒﻬﻮ ﻋﻠﻴﻬﺎ
ﺭﻫﻒ ﻣﺎﻗﺪﺭﺕ ﺗﺨﺒﻲ ﺩﻣﻮﻋﺎ ﻭﺣﻜﺘﻲ ﻭﺻﻮﺗﺎ ﻋﻢ ﻳﻘﻄﺶ : ﻣﺎﻣﺎ ﺷﻔﺘﻲ ﻣﺎﻣﺎ ﺑﺎﻟﻤﻨﺎﻡ
ﻓﺎﻃﻤﺔ : ﺭﻫﻒ ﺍﻧﺘﻲ ﻋﻢ ﺗﺒﻜﻲ
ﺭﻫﻒ ﺫﺍﺩ ﺑﻜﺎﻫﺎ
ﻓﺎﻃﻤﺔ : ﻳﻌﻨﻲ ﻓﻴﻜﻲ ﺷﻲ ﻣﺸﺎﻥ ﺍﻟﻠﻪ ﻳﺎ ﻗﻠﺒﻲ ﻗﻮﻟﻴﻠﻲ ﺷﺒﻚ ﻣﻴﻦ ﻋﻢ ﻳﺪﺍﻳﻘﻚ
ﺭﻫﻒ : ﺗﻌﺒﺎﻧﺔ ﻳﺎﺧﺎﻟﺘﻲ ﺗﻌﺒﺎﻧﺔ
ﻓﺎﻃﻤﺔ : ﺳﻼﻣﺔ ﻗﻠﺒﻚ ﻣﻦ ﺍﻟﺘﻌﺐ ﻗﻮﻟﻴﻠﻲ ﺷﺒﻚ
ﺭﻫﻒ : ﻗﺼﺔ ﻃﻮﻳﻠﺔ ﺑﺒﻘﺎ ﺑﺤﻜﻴﻠﻚ ﺍﻳﺎﻫﺎ ﻟﻤﺎ ﺑﺘﺠﻲ
ﻓﺎﻃﻤﺔ : ﻭﺍﻟﻠﻪ ﺍﻧﺎ ﻣﻘﺼﺮﺓ ﻛﺘﻴﺮ ﻣﻌﻚ ﻳﺎﻗﻠﺒﻲ ﻭﻣﺎﻧﻲ ﻋﻢ ﺍﺳﺄﻝ ﻋﻨﻚ ﺑﺲ ﻛﻨﺖ ﻣﺸﻐﻮﻝ ﺑﺄﺑﻨﻲ ﻗﻴﺲ
ﺭﻫﻒ : ﻟﻴﺶ ﺷﺒﻮ ﻗﻴﺲ
ﻓﺎﻃﻤﺔ : ﻃﻠﻖ ﻣﺮﺗﻮﻭ
ﺭﻫﻒ : ﺷﻮﻭﻭﻭ ﻟﻴﺶ
ﻓﺎﻃﻤﺔ : ﺑﻌﺪﻳﻦ ﺑﺤﻜﻴﻠﻚ ﻛﻠﺸﻲ ﺍﻧﺎ ﻳﻮﻣﻴﻦ ﻭﻧﺎﺯﻟﺔ ﻟﻌﻨﺪﻙ ﻳﺎ ﺿﻮ ﻋﻴﻮﻧﻲ
ﺭﻫﻒ : ﻳﻘﺒﺮﻭﻧﻲ ﻋﻴﻮﻧﻚ
ﻓﺎﻃﻤﺔ ﺑﻌﻴﺪ ﺍﻟﺸﺮ ﻋﻨﻚ ﻳﻼ ﺑﺪﻙ ﺷﻲ ﺣﺒﻴﺒﺘﻲ
ﺭﻫﻒ ؛ ﺳﻼﻣﺔ ﻋﻤﺮﻙ
ﺳﻜﺮﺕ ﺍﻟﺨﻂ ﻣﻊ ﺧﺎﻟﺘﻼ ﻭﻛﺎﻥ ﻋﺒﻴﺪﺓ ﻋﻢ ﻳﺒﻌﺘﻼ
ﺭﻫﻒ : ﺧﻠﺺ ﺍﻧﺎ ﻻﺯﻡ ﻻﻗﻲ ﺣﻞ ﻟﻬﻞ ﺍﻟﻤﻬﺰﻟﺔ
ﻋﺒﻴﺪﺓ : ﺻﺒﺎﺣﻮ
ﺭﻫﻒ : ﺻﺒﺎﺡ ﺍﻟﻨﻮﺭ
ﻋﺒﻴﺪﺓ : ﻛﻴﻔﻚ
ﺭﻫﻒ : ﻣﻦ ﺍﻟﻠﻪ ﺑﺨﻴﺮ
ﻋﺒﻴﺪﺓ : ﺷﺒﻚ ﻣﺎﻧﻚ ﻋﻠﻰ ﺑﻌﻀﻚ
ﺭﻫﻒ : ﻣﺎﻓﻲ ﺷﻲ ﺍﻟﻤﻬﻢ ﺑﺪﻱ ﺍﺣﻜﻲ ﻣﻌﻚ ﺑﻤﻮﺿﻮﻉ
ﻋﺒﻴﺪﺓ : ﺷﻮﻓﻲ
ﺭﻫﻒ : ﺍﻧﺎ ﻣﻌﺪ ﺍﺣﻜﻲ ﻣﻌﻚ ﻭﺑﺪﻱ ﺍﻟﻐﻲ ﺍﻟﺼﺪﺍﻗﺔ ﻭﺍﻋﻤﻠﻚ ﺣﻈﺮ
ﻋﺒﻴﺪﺓ : ﻟﻴﺶ
ﺭﻫﻒ : ﻭﻻ ﺷﻲ ﺑﺲ ﻫﻴﻚ ﻣﺎﺑﺪﻱ ﺍﺣﻜﻲ ﻣﻊ ﺣﺪﺍ
ﻋﺒﻴﺪﺓ : ﺍﻧﺘﻲ ﺻﺎﻳﺮ ﻣﻌﻚ ﺷﻲ
ﺭﻫﻒ : ﻻ ﺑﺲ ﻫﻴﻚ ..
ﻋﺒﻴﺪﺓ : ﻃﻴﺐ ﻋﻄﻴﻨﻲ ﺳﺒﺐ
ﺭﻫﻒ : ﺍﻧﺖ ﺍﺫﺍ ﻣﺘﺰﻭﺝ ﺑﺘﺮﺿﻰ ﻣﺮﺗﻚ ﻳﻜﻮﻥ ﻋﻨﺪﺍ ﺻﺪﻳﻖ ﻭﺍﻧﺖ ﻣﺎ ﺑﺘﻌﺮﻑ ﺟﺎﻭﺑﻨﻲ ﺑﺼﺮﺍﺣﺔ
ﻋﺒﻴﺪﺓ : ﺑﺼﺮﺍﺣﺔ ﻷ .. ﺑﺲ ﺍﻧﺎ ﻏﻴﺮ ﺯﻭﺟﻚ
ﺭﻫﻒ : ﻏﻴﺮﻭ ﺍﻭ ﻷ ﺑﺎﻟﻨﻬﺎﻱ ﺍﻧﺎ ﻣﺮﻯ ﻣﺘﺰﻭﺟﺔ .. ﺻﺢ ﻧﺤﻨﺎ ﻣﺎ ﺣﻜﻴﻨﺎ ﺷﻲ ﺍﻭ ﻛﺎﻥ ﺑﻴﻨﺘﻨﺎ ﺷﻲ ﺑﺲ ﺍﻧﺎ ﺍﺧﻼﻗﻲ ﻣﺎﺑﺘﺴﻤﺤﻠﻲ ﺍﻋﻤﻞ ﻫﻴﻚ ﻳﻼ ﺳﻼﻡ
ﻋﺒﻴﺪﺓ : ﺭﻫﻒ ﻟﺤﻈﺔ
ﺭﻫﻒ : ﺷﻮﻓﻲ
ﻋﺒﻴﺪﺓ : ﻣﺎﻗﻠﺘﻲ ﺑﺪﻙ ﺗﻨﻄﻠﻘﻲ
ﺭﻫﻒ : ﺍﻱ ﺻﺢ ﻗﻠﺖ
ﻋﺒﻴﺪﺓ : ﺑﺼﺮﺍﺣﺔ ﺍﻧﺎ ﺣﺒﻴﺘﻚ ﻭﺑﺪﻱ ﺍﺗﺰﻭﺟﻚ
ﺷﻬﻘﺖ ﻭﺣﻄﺖ ﺍﻳﺪﺍ ﻋﻠﻰ ﺗﻤﺎ ﻭﺻﺎﺭ ﻗﻠﺒﺎ ﻳﺪﻕ ﺑﺴﺮﻋﺔ
ﺭﻫﻒ : ﻟﻚ ﺷﻮ ﻋﻢ ﻳﻘﻮﻝ ﻫﺎﺩ ﻻ ﺍﻧﺎ ﻫﺎﺩ ﻳﻠﻲ ﻛﻨﺖ ﺧﺎﻳﻔﺔ ﻣﻨﻮ .. ﺭﻫﻒ ﺍﺻﺤﻚ ﺗﻀﻌﻔﻲ .. ﺧﻠﺺ ﺍﻧﺎ ﻻﺯﻡ ﺍﻧﻬﻲ ﻫﺎﻟﺸﻐﻠﺔ ﻫﻮﻥ
ﺭﻫﻒ : ﻭﺍﻧﺎ ﺑﻄﻠﺖ ﺍﺗﻄﻠﻖ
ﻋﺒﻴﺪﺓ : ﻟﻚ ﻛﻴﻒ ﺑﺪﻙ ﺗﻜﻤﻠﻲ ﺣﻴﺎﺗﻚ ﻣﻊ ﻫﻴﻚ ﻭﺍﺣﺪ ﺍﻧﺖ ﺑﺪﻙ ﺣﺪﺍ ﻳﺤﺒﻚ ﻭﺗﺤﺒﻴﻪ
ﺭﻫﻒ : ﺑﺲ ﺍﻧﺎ ﻣﺎﺑﺤﺒﻚ
ﻋﺒﻴﺪﺓ : ﻛﺬﺍﺑﺔ .. ﺍﻧﺖ ﻗﻠﺘﻲ ﺍﻧﻚ ﺍﺭﺗﺤﺘﻴﻠﻲ ﻳﻌﻨﻲ ﺍﻧﻚ ﺣﺒﻴﺘﻴﻨﻲ
ﺭﻫﻒ : ﻫﻬﻬﻬﻬﻬﻪ ... ﻋﺒﻴﺪﺓ ﺑﺘﻤﻨﺎﻟﻚ ﺣﻴﺎﺓ ﺳﻌﻴﺪﺓ ﻭﺳﻼﻡ
ﻋﺒﻴﺪﺓ : ﻟﺤﻈﺔ ﺷﻮﻱ
Blouk
ﺭﻫﻒ : ﺍﻭﻭﻭﻭﻑ ﺍﻟﻠﻪ ﺍﻋﻠﻢ ﻟﻮﻧﻲ ﻣﻜﻤﻠﺔ ﺣﻜﻲ ﻣﻌﻮ ﻣﺎﺑﻌﺮﻑ ﻭﻳﻦ ﻛﻨﺖ ﺻﺮﺕ ﺍﻟﺤﻤﺪ ﻟﻠﻪ
ﻓﺎﺗﺖ ﻉ ﺍﻟﻔﻴﺲ ﻋﻤﻠﺖ ﻣﻐﺎﺩﺭﺓ ﻟﻠﻤﺠﻤﻮﻋﺔ
ﻗﺎﻣﺖ ﺷﺎﻟﺖ ﺍﺑﻨﺎ ﻭﺍﺧﺪﺗﻮ ﻋﻠﻰ ﻏﺮﻓﺘﻮ
..................
ﻣﺮﻕ ﻳﻮﻣﻴﻦ
ﻭﻧﺼﺮ ﻣﺎ ﻛﺎﻥ ﻳﺠﻲ ﻟﻌﻨﺪ ﺭﻫﻒ ﻭﻫﻴﺔ ﻣﺮﺗﺎﺣﺔ ﻣﻦ ﻫﺎﻟﺸﻲ ﺑﺲ ﻣﺎﻧﺎ ﻣﺮﺗﺎﺣﺔ ﺍﺑﺪﺍ ﻭﺣﺎﺳﺔ ﺣﺎﻻ ﺗﻌﻠﻘﺖ ﺑﻌﺒﻴﺪﺓ ﻣﻊ ﺍﻧﻮ ﺣﻜﻮ ﻣﻊ ﺑﻌﺾ ﻓﺘﺮﺓ ﻛﺘﻴﺮ ﻗﺼﻴﺮﺓ ...
ﺭﻫﻒ : ﺭﻫﻒ ﺣﺎﺝ ﺗﻔﻜﺮﻱ ﻻﺯﻡ ﺗﺸﻠﻲ ﻛﻞ ﻫﺎﻻﻭﻫﺎﻡ ﻣﻦ ﺭﺍﺳﻚ ﺧﻠﺺ ﻳﺎﺭﺑﻲ ﺑﺲ ﻭﺍﻟﻠﻪ ﺍﻟﻮﺣﺪﺓ ﺭﺡ ﺗﻘﺘﻠﻨﻲ ... ﺑﺲ ﻻﺯﻡ ﺣﺎﻭﻝ ﻭﺿﻞ ﻋﻨﺪ ﻣﻮﻗﻔﻲ
ﺭﺡ ﺷﻮﻑ ﺧﺎﻟﺘﻲ ﺍﻳﻤﺖ ﺑﺪﺍ ﺗﺠﻲ
ﺭﻫﻒ : ﺍﻟﻮ ﺧﺎﻟﺘﻲ ... ﻛﻴﻔﻚ ﺷﻮ ﺍﺧﺒﺎﺭﻙ .... ﻋﻨﺠﺪ .. ﻭﺍﻳﻤﺖ ﺑﺪﻙ ﺗﺠﻲ .... ﺷﻮ ﺷﻬﺮ ﻭﺍﻟﻠﻪ ﻛﺘﻴﺮ ... ﺍﻟﻠﻪ ﻳﺨﻠﻴﻜﻲ ﺣﺎﻭﻟﻲ ﺗﺠﻲ ﻗﺒﻞ ﺷﻬﺮ ... ﺍﻱ ﺣﺎﻭﻟﻲ ﺍﻟﻠﻪ ﻳﺨﻠﻴﻜﻲ ... ﺑﺎﻱ ﺳﻼﻡ
ﺭﻫﻒ : ﻳﺎﺭﺑﻲ ﻫﺎﻱ ﺧﺎﻟﺘﻲ ﻛﻤﺎﻥ ﻣﺎﻧﺎ ﺟﺎﻱ ... ﻟﻘﻮﻡ ﺭﻭﺡ ﻉ ﺑﻴﺖ ﻋﻤﻲ ﺷﻮﻑ ﺷﻮ ﺍﻟﻮﺿﻊ ﺍﻥ ﺷﺎﺀ ﺍﻟﻠﻪ ﻣﺎﺷﻮﻓﻚ ﻳﺎ ﻧﺼﺮ
ﻗﺎﻣﺖ ﻟﺒﺴﺖ ﻭﻟﺒﺴﺖ ﺍﺑﻨﺎ ﻭﺭﺍﺣﻮ ﻉ ﺑﻴﺖ ﻋﻤﺎ
ﺍﻡ ﻧﺼﺮ ﻗﻮﻣﻲ ﺳﺎﺭﺓ ﺷﻮﻓﻲ ﻣﻴﻦ
ﻗﺎﻣﺖ ﺳﺎﺭﺓ ﻭﻓﺘﺤﺖ
ﺳﺎﺭﺓ : ﻣﺎﻣﺎ ﻫﺎﻱ ﺭﻫﻒ
ﻧﺼﺮ : ﺭﻫﻒ ؟؟
ﻗﺎﻡ ﻳﺸﻮﻓﺎ
ﺭﻫﻒ ﻟﻤﺎ ﺷﺎﻓﺘﻮ ﺗﻔﺎﺟﺌﺖ ﺑﺲ ﺍﻧﻘﻬﺮﺕ ﻛﺘﻴﺮ ﻭﻛﺄﻧﻮ ﺷﺎﻓﺖ ﺷﻲ ﻋﻔﺮﻳﺖ
ﻧﺼﺮ : ﺭﻫﻒ ﺷﻮ ﻋﻢ ﺗﻌﻤﻠﻲ ﻫﻮﻥ
ﺭﻫﻒ : ﺷﻮﻭﻭ
ﻧﺼﺮ : ﻗﺼﺪﻱ ﺻﺎﻳﺮ ﻣﻌﻚ ﺷﻲ ﺍﻭ ﻣﻊ ﻫﻤﺎﻡ
ﺭﻫﻒ : ﻻ ﺑﺲ ﻣﻠﻴﺖ ﻭﻗﻠﺖ ﺍﺟﻲ ﺯﻭﺭ ﺍﻫﻠﻚ .. ﺑﺲ ﻣﺎﻳﻜﻮﻥ ﻋﻨﺪﻙ ﻣﺎﻧﻊ
ﻧﺼﺮ : ﻻ ﺍﻟﺒﻴﺖ ﺑﻴﺘﻚ ﺑﺲ ﻓﻜﺮﺕ ﺻﺎﺑﻜﻦ ﺷﻲ ﻻ ﺳﻤﺢ ﺍﻟﻠﻪ
ﺭﻫﻒ : ﻻ ﺗﻔﻜﺮ ﺭﺍﺳﻚ ﺑﻴﻮﺟﻌﻚ
ﺍﻡ ﻧﺼﺮ : ﺷﻮ ﻫﻠﻖ ﺣﺒﻴﺘﻮ ﺑﻌﺾ ﺗﻌﺎﻟﻲ ﺭﻫﻒ ﺗﻌﺎﻟﻲ ﻋﻄﻴﻨﻲ ﻫﺎﻟﻘﻤﺮ
ﻗﺮﺑﺖ ﺭﻫﻒ ﻭﻋﻄﺖ ﺍﻟﻮﻟﺪ ﻟﺴﺘﻮ
ﺍﻡ ﻧﺼﺮ ﻭﻫﻴﺔ ﻋﻢ ﺗﺒﺴﻮ ﻟﻬﻤﺎﻡ ﻗﺎﻟﺖ : ﻫﻠﻖ ﺑﻌﺪﻧﺎ ﺑﺴﻴﺮﺗﻚ ﻋﻢ ﻗﻠﻮ ﻟﻨﺼﺮ ﻳﺮﻭﺡ ﻳﺠﻴﺒﻚ ﺍﺷﺘﻨﻘﻨﺎﻟﻚ ﺍﻟﻚ ﻭﻟﻬﻤﺎﻡ
ﺭﻫﻒ : ﺷﺎﻳﻔﺔ ﻗﻠﺒﻲ ﺣﺴﻨﻲ ﻭﺟﻴﺖ ﻫﻬﻬﻬﻪ
ﺍﻡ ﻧﺼﺮ : ﻳﺎﻣﻴﺖ ﺍﻫﻼ ﻭﺳﻬﻼ ﻓﻮﺗﻮ ﻓﻮﺗﻮ
ﻓﺎﺗﻮ ﻛﻠﻮﻥ ﻭﻗﻌﺪﻭ ﻭﺍﻟﻜﻞ ﺻﺎﺭ ﻳﻠﻌﺐ ﻫﻤﺎﻡ
ﻭﻧﺼﺮ ﻗﻌﺪ ﻭﺻﺎﺭ ﻳﺘﻄﻠﻊ ﻋﻠﻰ ﺭﻫﻒ
ﺳﺎﺭﺓ : ﺍﺧﻲ ﻣﺎﻛﻨﺖ ﺗﻘﻮﻝ ﺑﺪﻙ ﺗﺮﻭﺡ ﻉ ﺍﻟﺸﻐﻞ ﻭﺍﻧﻚ ﻣﺴﺘﻌﺠﻞ
ﻧﺼﺮ : ﻳﻼ ﺭﺍﻳﺢ ﺑﺪﻛﻢ ﺷﻲ
ﺍﻡ ﻧﺼﺮ : ﻻ ﺍﻟﻠﻪ ﻣﻌﻚ ﺭﻭﺡ ﺍﺗﻴﺴﺮ
ﻧﺼﺮ : ﺑﺪﻙ ﺷﻲ ﺭﻫﻒ
ﺭﻫﻒ : ﻟﻴﺶ ﻣﻦ ﺍﻳﻤﺖ ﺑﺘﺴﺄﺑﻨﻲ ﺍﺫﺍ ﺑﺪﻱ ﺷﻲ ﻭﻻ ﻗﺪﺍﻡ ﺍﻫﻠﻚ ﻋﻢ ﺗﻌﻤﻞ ﺣﺎﻟﻚ ﻣﻬﺘﻢ
ﻧﺼﺮ ﺯﻭﺭﺍ ﻭﻃﻠﻊ
ﺍﻡ ﻧﺼﺮ : ﺑﻨﺘﻲ ﻟﻴﺶ ﻫﻴﻚ ﻋﻢ ﺗﺤﻜﻲ ﻣﻊ ﺯﻭﺟﻚ
ﺭﻫﻒ : ﺑﺘﻌﺮﻓﻲ ﺍﺑﻨﻚ ﺍﻧﻮ ﻣﺎﺑﻄﻴﻘﻨﻲ ﻭﺑﺪﻭ ﻳﺘﺰﻭﺝ ﻭﻣﺴﻜﻨﻲ ﻋﻨﺪﻭ ﺷﻔﻘﺔ ﻭﺑﺤﻴﺎﺗﻮ ﻣﺎ ﺳﺄﻟﻨﻲ ﺍﺫﺍ ﺑﺪﻱ ﺷﻲ ﻟﻴﺶ ﻳﻌﻨﻲ ﻫﻠﻖ ﻋﻢ ﻳﻌﻤﻞ ﺣﺎﻟﻮ ﻣﻬﺘﻢ
ﺍﻡ ﻧﺼﺮ : ﻭﺍﻟﻠﻪ ﻣﺎﺑﻌﺮﻑ ﺷﻮ ﻗﻮﻝ
ﺭﻫﻒ : ﻻ ﺗﻘﻮﻟﻲ ﺷﻲ ﻣﺎﻓﻲ ﺩﺍﻋﻲ ﺗﻘﻮﻟﻮ ﺷﻲ ﺍﻟﻤﻬﻢ ﻛﻴﻔﻜﻦ
ﺳﺎﺭﺓ : ﻭﺍﻟﻠﻪ ﺍﻟﺤﻤﺪ ﻟﻠﻪ
ﺭﻫﻒ : ﺍﻱ ﺍﻟﺤﻤﺪ ﻟﻠﻪ ... ﻭﺍﻳﻤﺖ ﺑﺪﻛﻦ ﺗﺨﻄﺒﻮ ﻟﻨﺼﺮ
ﺳﺎﺭﺓ : ﻣﺒﺎﺭﺡ ﺭﺍﺣﻮ ﺍﻫﻠﻲ ﺣﺪﺩﻭ ﻣﻮﻋﺪ ﺍﻟﺨﻄﺒﺔ ﻭﺍﻟﻌﺮﺱ
ﺍﻡ ﻧﺼﺮ ﺻﺎﺭﺕ ﺗﻐﻤﺰﺍ ﻟﺴﺎﺭﺓ ﺍﻧﻮ ﻣﺎ ﺗﺤﻜﻲ ﺑﺲ ﺳﺎﺭﺓ ﻣﺎ ﺍﻧﺘﺒﻬﺖ
ﺳﺎﺭﺓ ﺣﺴﺖ ﺍﻧﻮ ﺍﻧﺠﺮﺣﺖ ﻛﺮﺍﻣﺘﺎ ﺻﺢ ﻫﻴﺔ ﻣﻌﺪ ﺣﺒﺘﻮ ﺑﺲ ﺷﻌﻮﺭ ﺻﻌﺐ ﻛﺘﻴﺮ
ﺳﺎﺭﺓ : ﻭﺍﻳﻤﺖ ﺍﻟﺨﻄﺒﺔ ﻭﺍﻟﻌﺮﺱ
ﺳﺎﺭﺓ : ﺍﻟﺨﻄﺒﺔ ﺑﻌﺪ ﻳﻮﻣﻴﻦ ﻭﺍﻟﻌﺮﺱ ﺍﺧﺮ ﺍﻟﺸﻬﺮ ﻳﻌﻨﻲ ﺷﻲ ﺗﻠﺖ ﺍﺳﺎﺑﻴﻊ
ﺭﻫﻒ : ﺍﻱ ﺑﺎﻟﻬﻨﺎ
ﺻﺎﺭ ﺗﻠﻔﻮﻥ ﺭﻫﻒ ﻳﺠﻲ ﻋﻠﻴﻪ ﺭﺳﺎﺋﻞ ﻭﺍﺗﺲ ﺍﺏ
ﻋﻼ : ﻣﺮﺣﺒﺎ ﺭﻫﻮﻑ ﺷﻮ ﻭﻳﻦ ﻣﺨﺘﻔﻴﺔ
ﺭﺩﺕ ﺭﻫﻒ ﻭﻫﻴﺔ ﻣﺨﻨﻮﻗﺔ : ﺍﻫﻼ ﻋﻼ ﻭﺍﻟﻠﻪ ﻣﺨﺘﻔﻴﺔ ﺑﻬﻞ ﺍﻟﺒﻴﺖ
ﻋﻼ : ﺍﻧﺘﻲ ﻫﻸ ﺑﺎﻟﺒﻴﺖ
ﺭﻫﻒ : ﻻ ﻋﻨﺪ ﺑﻴﺖ ﻋﻤﻲ
ﻋﻼ : ﻳﻴﻲ ﻛﻨﺖ ﻗﺮﻳﺒﺔ ﻣﻨﻚ ﻗﻠﺖ ﻣﺮ ﻋﻠﻴﻜﻲ
ﺭﻫﻒ : ﻭﻳﻦ ﻗﺮﻳﺒﺔ ﻣﻨﻲ ﻋﻨﺪ ﻣﻴﻦ
ﻋﻼ : ﻛﻨﺎ ﺍﻧﺎ ﻭﻣﺮﺕ ﻋﻤﻲ ﻭﺑﻨﺎﺕ ﺣﻤﺎﻱ ﻋﻢ ﻧﺨﻄﺐ ﻟﻌﺒﻴﺪﺓ
ﺍﻧﺼﺪﻣﺖ ﻭﺟﻤﺪﺕ ﻭﻋﻴﻨﺎ ﻋﻠﻰ ﺍﻟﺘﻠﻔﻮﻥ
ﻋﻼ : ﺭﻫﻒ ﻭﻳﻦ ﺻﺮﺗﻲ ... ﺍﻟﻮﻭﻭﻭﻭ ... ﻟﻚ ﻭﻳﻨﻚ ﺭﺩﻱ ... ﻃﻴﺐ ﺑﺘﻜﻮﻧﻲ ﺍﻧﺸﻐﻠﺘﻲ ﺑﺒﻘﻰ ﺑﺤﻜﻴﻜﻲ
ﺭﻫﻒ ﺑﻌﺪﺍ ﻣﺼﺪﻭﻣﺔ ﻭﺻﺎﺭﻭ ﺍﺩﻳﻬﺎ ﻳﺮﺟﻔﻮ ﻭﺩﻣﻮﻋﺎ ﻣﻌﺪ ﻗﺪﺭﺕ ﺗﺨﺒﻴﻬﻦ
ﺳﺎﺭﺓ : ﺭﻫﻒ ﺷﺒﻚ
ﺍﻡ ﻧﺼﺮ : ﺑﻨﺘﻲ ﺷﺒﻚ ﻟﻴﺶ ﻋﻢ ﺗﺒﻜﻲ
ﺭﻫﻒ : .....
ﺍﻡ ﻧﺼﺮ : ﻛﻠﻮ ﻣﻨﻚ ﻳﺎ ﺍﻡ ﻟﺴﺎﻥ ﻟﻴﺶ ﻟﺘﺨﺒﺮﻳﻬﺎ
ﺳﺎﺭﺓ : ﻣﺎﺑﻌﺮﻑ ﺍﻧﻮ ﺭﺡ ﺗﺰﻋﻞ
ﺍﻡ ﻧﺼﺮ : ﺷﻮ ﻳﻌﻨﻲ ﻣﺎ ﺭﺡ ﺗﺰﻋﻞ ﻗﺪ ﻣﺎﻛﺎﻥ ﺑﻀﻞ ﺟﻮﺯﺍ ﻭﻣﺎﻓﻲ ﺍﻱ ﻭﺣﺪﺓ ﺑﺘﺤﺐ ﺗﻨﺰﻝ ﻋﻠﻴﻬﺎ ﺿﺮﺓ
ﺿﻤﺘﺎ ﺍﻡ ﻧﺼﺮ ﻟﺮﻫﻒ ﻭﺭﻫﻒ ﺻﺎﺭﺕ ﺗﺒﻜﻲ ﻣﻦ ﻛﻞ ﻗﻠﺒﺎ ﻋﻠﻰ ﺻﺪﺭ ﻣﺮﺕ ﻋﻤﺎ
ﺭﻫﻒ : ﻟﻴﺶ ﺍﻧﺎ ﻣﺎﻟﻲ ﺣﻆ .. ﻟﻴﺶ ﻛﻞ ﺍﻟﻌﺎﻟﻢ ﻭﺍﻗﻒ ﺿﺪﺩﻱ ... ﻣﺮﺕ ﻋﻤﻮ ﺍﻧﺎ ﺗﻌﺒﺖ ﻟﻴﺶ ﺑﺤﺲ ﻛﻞ ﺍﻟﻌﺎﻟﻢ ﺑﺘﻜﺮﻫﻨﻲ ﻭﻣﺤﺪﺍ ﺑﺪﻭ ﺍﻳﺎﻧﻲ
ﺍﻡ ﻧﺼﺮ : ﻻ ﺗﺤﻜﻲ ﻫﻴﻚ ﻳﺎﺑﻨﺘﻲ ﻧﺤﻨﺎ ﻛﻠﻨﺎ ﺑﻨﺤﺒﻚ
ﺭﻫﻒ : ﺍﻧﺎ ﺑﺪﻱ ﻗﻮﻡ ﺭﻭﺡ ﻉ ﺍﻟﺒﻴﺖ
ﺍﻡ ﻧﺼﺮ : ﻻ ﻭﺍﻟﻠﻪ ﻣﺎﺑﺨﻠﻴﻜﻲ ﺗﺮﻭﺣﻲ ﻭﺍﻧﺘﻲ ﻫﻴﻚ ﻗﻮﻣﻲ ﺍﺭﺗﺎﺣﻲ ﺑﻐﺮﻓﺔ ﻧﺼﺮ ﻭﻫﻤﺎﻡ ﻣﻊ ﺳﺎﺭﺓ ﺑﺘﻠﻌﺒﻮ
ﻗﺎﻣﺖ ﻭﻓﺎﺗﺖ ﻋﻠﻰ ﻏﺮﻓﺔ ﻧﺼﺮ ﻭﺻﺎﺭﺕ ﺗﺒﻜﻲ
ﺭﻫﻒ : ﻳﺎﺭﺏ ﺳﺎﻣﺤﻨﻲ ﺑﻌﺮﻑ ﻣﺎ ﻣﻦ ﺣﻘﻲ ﺍﺯﻋﻞ ﺑﺲ ﻭﺍﻟﻠﻪ ﻗﻠﺒﻲ ﺧﺎﻧﻲ ﻭﻣﺸﻲ ﺑﻄﺮﻳﻖ ﻏﻠﻂ .. ﺍﺻﻼ ﻗﻠﺒﻲ ﻣﺘﻞ ﺍﻟﻄﻴﺮ ﺍﻟﺠﺮﻳﺢ ﻳﻠﻲ ﺻﺎﺣﺒﻮ ﻫﻮ ﻳﻠﻲ ﺟﺎﺭﺣﻮ ﻭﻋﻢ ﻳﺪﻭﺭ ﻋﻠﻰ ﺷﺨﺺ ﺗﺎﻧﻲ ﻳﺪﺍﻭﻳﻪ ﺍﺍﺍﺍﻩ ﻳﺎﺭﺑﻲ .. ﺧﻠﺺ ﻭﻋﺪ ﻳﺎﺭﺏ ﻭﻋﺪ ﺍﻧﻮ ﻣﻌﺪ ﻓﻜﺮ ﺑﺤﺪﺍ ﺑﺎﻟﺤﺮﺍﻡ ﺧﻠﺺ ﻳﺎﺭﺏ ﺳﺎﻣﺤﻨﻲ ﻭﺳﺎﻋﺪﻧﻲ ..... ﺧﻠﺺ ﺭﻫﻒ ﻻﺯﻡ ﺗﻘﻮﻱ ﻣﺸﺎﻥ ﺗﻘﺪﺭﻱ ﺗﻮﺍﺟﻬﻲ ﻧﺼﺮ ﻭﻋﺒﻴﺪﺓ ﻭﺗﺸﻴﻠﻬﻦ ﻣﻦ ﺣﻴﺎﺗﻚ ﺧﻠﺺ ﻟﻬﻮﻥ ﻭﺑﻜﻔﻲ .. ﺑﺲ ﺍﻟﺸﻐﻠﺔ ﺑﺪﺍ ﺷﻮﻳﺔ ﻭﻗﺖ ﻭﻫﻠﻖ ﻗﻮﻱ ﺣﺎﻟﻚ ﻭﻗﻮﻣﻲ ﻏﺴﻠﻲ ﻭﺟﻬﻚ ﻭﺻﺮﻟﻲ ﺭﻛﻌﺘﻴﻦ ﻟﻮﺟﻪ ﺍﻟﻠﻪ ﻭﺑﺘﺮﺗﺎﺣﻲ
ﻭﺑﺎﻟﻔﻌﻞ ﻗﺎﻣﺖ ﺗﻮﺿﺖ ﻭﺻﻠﺖ ﻭﺣﺴﺖ ﺍﻧﻮ ﺍﺭﺗﺎﺣﺖ ﺷﻮﻱ ﺑﺲ ﻓﻲ ﺟﻮﺍﺗﺎ ﺍﺣﺴﺎﺱ ﺍﻧﻮ ﻫﻴﺔ ﻟﻌﺒﺔ ﻣﺤﻄﻮﻃﺔ ﻉ ﺍﻟﺮﻑ ﻭﺍﻟﻜﻞ ﺑﻴﺘﺤﻜﻢ ﻓﻴﻬﺎ ﻭﻻﺯﻡ ﺗﻄﺎﻟﻊ ﻫﺎﻟﻠﻌﺒﺔ ﻣﻦ ﺟﻮﺍﺗﺎ ﻭﺗﻜﻮﻥ ﻫﻴﺔ ﺍﻟﻤﺴﺆﻭﻟﺔ ﻋﻦ ﺣﻴﺎﺗﺎ
ﺭﻫﻒ : ﺍﻟﺴﻌﺎﺩﺓ ﻣﺎ ﺭﺟﻞ ﺍﻟﺴﻌﺎﺩﺓ ﻫﻴﺔ ﺍﻧﻚ ﺗﻜﻮﻧﺔ ﺣﺮﺓ ﻭﻳﻠﻌﻦ ﺍﺣﺴﻦ ﺯﻟﻤﺔ ﻋﻠﻰ ﻭﺟﻪ ﺍﻟﻜﺮﺓ ﺍﻻﺭﺿﻴﺔ
ﻗﺎﻣﺖ ﻭﻏﻴﺮﺕ ﻣﻼﻣﺤﺎ ﻭﺭﺳﻤﺖ ﺍﺑﺘﺴﺎﻣﺔ ﻋﻠﻰ ﻭﺟﻬﺎ ﻭﻃﻠﻌﺖ ﻟﻌﻨﺪ ﻣﺮﺕ ﻋﻤﺎ
ﺍﻡ ﻧﺼﺮ : ﻣﺒﻴﻦ ﺍﻧﻚ ﺻﺮﺗﻲ ﺍﺣﺴﻦ
ﺭﻫﻒ : ﺍﻱ ﻭﺍﻟﻠﻪ ﺍﺣﺴﻦ
ﺑﻮﻗﺖ ﺍﻟﻌﺸﺎ ﺍﺟﺎ ﻧﺼﺮ ﻭﻛﺎﻥ ﻣﺒﻴﻦ ﻋﻠﻴﻪ ﻛﺘﻴﺮ ﻣﻌﺼﺐ
ﺍﻡ ﻧﺼﺮ : ﺷﺒﻚ ﺍﺑﻨﻲ ﻣﺎﻧﻚ ﻋﻠﻰ ﺑﻌﻀﻚ
ﻧﺼﺮ : ﺗﻘﺎﺗﻠﺖ ﺍﻧﺎ ﻭﺭﻓﻴﻘﻲ ﺯﻳﺎﺩ
ﺍﻡ ﻧﺼﺮ : ﻭﺷﻮ ﺻﺎﺭ
ﻧﺼﺮ : ﺻﺎﻳﺮ ﻭﺍﺣﺪ ﺣﻘﻴﺮ ﻭﻋﻢ ﻳﺘﺪﺧﻞ ﺑﺸﻐﻼﺕ ﻣﺎ ﺑﺘﻌﻨﻴﻪ ﻭﺗﻀﺎﺭﺑﻨﺎ
ﺍﻡ ﻧﺼﺮ : ﺷﻮﻭﻭ ﺗﻀﺎﺭﺑﺘﻮ ﻭﺷﻮ ﺻﺎﺭ ﺑﻌﺪﻳﻦ
ﻧﺼﺮ : ﺍﻱ ﺧﻠﺺ ﺷﻴﻠﻨﺎ ﻣﻨﻮ
ﺍﻡ ﻧﺼﺮ : ﺑﺪﻱ ﺍﺣﻜﻲ ﻣﻌﻚ
ﻣﺼﺮ : ﺷﻮﻓﻲ
ﺍﻡ ﻧﺼﺮ : ﺍﺧﺘﻚ ﺳﺎﺭﺓ ﻗﺎﻟﺖ ﻟﺮﻫﻒ ﺍﻧﻮ ﺑﻌﺪ ﺍﻧﻬﺎﺭﻳﻦ ﺧﻄﺒﺘﻚ ﻭﺍﺧﺮ ﺍﻟﺸﻬﺮ ﻋﺮﺳﻚ ﻭﻫﻴﺔ ﻳﺎﺣﺮﺍﻡ ﻧﺸﻒ ﻗﻠﺒﺎ ﻛﺘﺮ ﻣﺎﺑﻜﺖ
ﻧﺼﺮ : ﺍﻣﻲ ﺷﻮ ﻳﻌﻨﻲ
ﺍﻡ ﻧﺼﺮ ؛ ﻟﻚ ﻭﺍﻟﻠﻪ ﺣﺮﺍﻡ ﺗﻜﺴﺮ ﺧﺎﻃﺮﺍ ﻟﻬﻞ ﺍﻟﺒﻨﺖ
ﺭﻫﻒ ﻛﺎﻧﺖ ﻋﻢ ﺗﺘﺴﻤﻊ ﻋﻠﻴﻬﻦ ﻣﻦ ﺍﻟﻤﻄﺒﺦ
ﻧﺼﺮ : ﻟﻚ ﺍﻧﺎ ﻣﺎﺣﺮﺍﻡ ﻛﻞ ﻫﺎﻟﻔﺘﺮﺓ ﻣﺘﺤﻤﻼ ﻟﻚ ﺑﺪﻛﻦ ﺗﺤﺮﻣﻮﻧﻲ ﻣﻦ ﺍﻟﺒﻨﺖ ﻳﻠﻲ ﺑﺤﺒﺎ ﻣﺎﺣﺰﺭﺗﻲ ﻻ ﺍﻧﺘﻲ ﻭﻻ ﻫﻴﺔ ... ﺳﻤﻌﻲ ﻳﺎ ﺭﻫﻒ ﺧﺎﻧﻢ ﺍﻧﺎ ﺭﺡ ﺍﺗﺰﻭﺝ ﻗﻠﺘﻲ ﺍﻱ ﻭﻗﻠﺘﻲ ﻷ ﻋﻢ ﺗﻔﻬﻤﻲ ﻭﻣﺎ ﻋﺄﺳﺎﺱ ﺍﻧﺘﻲ ﺑﺪﻙ ﺍﻳﺎﻧﻲ ﺍﺗﺰﻭﺝ ﺷﻮ ﺻﺮﻟﻚ ﻫﻠﻖ ....
ﺍﻡ ﻧﺼﺮ : ﻟﻚ ﺳﻜﻮﺕ
ﻧﺼﺮ : ﻣﺎﻧﻲ ﺳﺎﻛﺖ .. ﻭﺍﻧﺎ ﻳﻠﻲ ﺑﺮﺍﺳﻲ ﺑﺪﻱ ﺍﻋﻤﻠﻮ ﻭﺍﻧﺘﻲ ﻣﺪﺍﻡ ﺭﻫﻒ ﺍﺫﺍ ﻣﺎﻋﺠﺒﻚ ﻫﺎﻟﺤﻜﻲ ﺩﻗﻲ ﺭﺍﺳﻚ ﺑﻤﻠﻴﻮﻥ ﺣﻴﻂ
ﺣﻄﺖ ﺍﻳﺪﺍ ﻋﻠﻰ ﺗﻤﺎ ﻭﺻﺎﺭﺕ ﺗﺒﻜﻲ
ﻧﺼﺮ : ﺣﻄﻮﻟﻲ ﻋﺸﺎ ﺟﻮﻋﺎﻥ
ﺍﻡ ﻧﺼﺮ ؛ ﺍﻟﻠﻪ ﻳﺼﻠﺤﻚ
ﻗﺎﻣﺖ ﻭﻓﺎﺗﺖ ﻉ ﺍﻟﻤﻄﺒﺦ ﻭﺷﺎﻓﺖ ﺭﻫﻒ ﻋﻢ ﺗﺒﻜﻲ
ﺍﻡ ﻧﺼﺮ : ﺧﻠﺺ ﺑﻨﺘﻲ ﺑﻜﻔﻲ ﺗﺒﻜﻲ
ﺭﻫﻒ : ﺍﻧﺎ ﻣﺎﻧﻲ ﺯﻋﻼﻧﺔ ﻭﺍﻟﻠﻪ ﻻﻧﻮ ﺑﺪﻭ ﻳﺘﺰﻭﺝ ﺑﺲ ﻣﻘﻬﻮﺭﺓ ﻋﻠﻰ ﻛﺮﺍﻣﺘﻲ ﻛﺘﻴﺮ
ﺍﻡ ﻧﺼﺮ : ﻭﺍﻟﻠﻪ ﻛﺮﺍﻣﺘﻚ ﻋﺎﻟﻴﺔ ﻭﻣﺤﺪﺍ ﺑﻤﺴﺎ
ﺭﻫﻒ : ﻣﺸﺎﻥ ﺍﻟﻠﻪ ﻟﻚ ﻣﺎﺿﻠﻠﻲ ﻛﺮﺍﻣﺔ ﺻﺎﺭﺕ ﺑﻴﻦ ﺍﻟﺼﺮﺍﻣﻲ .. ﺍﻧﺎ ﺭﺍﻳﺤﺔ ﺑﺎﻻﺫﻥ
ﺍﻡ ﻧﺼﺮ : ﻉ ﻭﻳﻦ ﺭﺍﻳﺤﺔ ﻫﻠﻖ ﺧﻠﻴﻜﻲ ﻧﺼﺮ ﺑﻮﺩﻳﻜﻲ
ﺭﻫﻒ : ﻻ ﻟﻴﻜﻲ ﺍﻟﺒﻴﺖ ﻗﺮﻳﺐ ﻭﻣﺎﺑﺪﻱ ﺷﻲ ﻣﻦ ﺍﺑﻨﻚ ﺑﺲ ﺍﻻ ﺍﻟﻠﻪ ﻣﺎﻳﻔﺮﺟﺎ
ﻃﻠﻌﺖ ﺭﻫﻒ ﻭﻛﺎﻥ ﻧﺼﺮ ﻗﺎﻋﺪ ﺑﺎﻟﺼﺎﻟﻮﻥ ﻣﺎﺣﻜﺘﻮ ﻓﺎﺗﺖ ﺍﺧﺪﺕ ﺍﺑﻨﺎ ﻭﻃﻠﻌﺖ
ﻧﺼﺮ : ﻋﻮﻳﻦ ﻳﺎ ﻣﻬﻮﻥ
ﺭﻫﻒ : ﻉ ﺍﻟﺒﻴﺖ
ﻧﺼﺮ : ﺧﻠﻴﻜﻲ ﻫﻠﻖ ﺑﻮﺩﻳﻜﻲ
ﺭﻫﻒ : ﻻ ﻣﺘﺸﻜﺮﺓ
ﻃﻠﻌﺖ ﻭﻃﺒﺸﺖ ﺍﻟﺒﺎﺏ
ﻧﺼﺮ : ﺍﻭﻭﻭﻑ
ﻃﻠﻌﺖ ﺍﻡ ﻧﺼﺮ ﻭﻣﻌﺎ ﺍﻟﻌﺸﺎ
ﺍﻡ ﻧﺼﺮ : ﺭﺍﺣﺖ ﺭﻫﻒ
ﻧﺼﺮ : ﺍﻱ ﺭﺍﺣﺖ
ﺍﻡ ﻧﺼﺮ : ﺑﺮﺿﺎﻱ ﻋﻠﻴﻚ ﺧﻒ ﻋﻨﻬﺎ ﺷﻮﻱ ﺣﺮﺍﻡ ﻫﻲ ﺑﻨﺖ ﻣﻜﺴﻮﺭﺓ ﺍﻟﺨﺎﻃﺮ
ﻧﺼﺮ : ﺍﻣﻲ ﻃﻠﻌﻲ ﻣﻦ ﺭﺍﺳﻲ
ﺍﻡ ﻧﺼﺮ : ﺑﺪﻙ ﺗﺘﺰﻭﺝ ﺗﺰﻭﺝ ﺑﺲ ﻻﺗﻀﻞ ﺗﺴﻤﻌﺎ ﺣﻜﻲ ﻃﺎﻟﻊ ﻧﺎﺯﻝ ﻋﺎﻣﻠﻬﺎ ﻟﻚ ﻳﺎﻋﻤﻲ ﻋﺎﻣﻠﻬﺎ ﻣﺘﻞ ﺍﺧﺘﻚ ﺳﺎﺭﺓ ﻳﻌﻨﻲ ﺷﻮ ﺯﻧﺒﺎ ﻫﻴﺔ ﺑﺘﻀﻞ ﺣﺎﻃﻂ ﺣﻄﺎﻫﺎ
ﺑﻌﺪ ﻣﺎﻣﺎﺗﻮ ﺍﻫﻼ ﻣﺎ ﺿﻠﻼ ﺑﻬﻞ ﺍﻟﺤﻴﺎﺓ ﻏﻴﺮﻧﺎ ﻭﺍﻧﺖ ﺳﺘﺮﺕ ﻋﻠﻴﻬﺎ ﻋﻤﻠﺖ ﻣﻌﺮﻭﻑ ﻛﻤﻠﻮ .. ﻭﻫﺎﻱ ﺣﺒﻴﺒﺘﻚ ﺭﺡ ﺗﺼﻴﺮ ﺍﻟﻚ ﻋﻦ ﻗﺮﻳﺐ .. ﻣﺎﻧﻲ ﻋﻢ ﻗﻠﻚ ﺣﺒﺎ ﻟﺮﻫﻒ ﺑﺲ ﻋﺎﻣﻠﻬﺎ ﺑﺄﺣﺘﺮﺍﻡ
ﺻﻔﻦ ﻧﺼﺮ ﺷﻮﻱ ﻭﺣﺲ ﺑﺘﺄﻧﻴﺐ ﺍﻟﻀﻤﻴﺮ ﻋﻠﻴﻬﺎ ﻭﻣﻦ ﺍﻭﻝ ﻣﺎﺗﺰﻭﺟﺎ ﻣﺎﻋﻤﻠﻬﺎ ﻭﻻ ﻳﻮﻡ ﺑﺎﺣﺘﺮﺍﻡ
ﻧﺼﺮ : ﺧﻠﺺ ﻣﺎﻣﺎ ﺭﺡ ﺣﺴﻦ ﻣﻌﺎﻣﻠﺘﻲ ﻣﻌﺎ
ﺍﻡ ﻧﺼﺮ : ﺍﻟﻠﻪ ﻳﺮﺿﻰ ﻋﻠﻴﻚ
...................
ﻓﺎﺗﺖ ﺭﻫﻒ ﻋﻠﻰ ﺑﻴﺘﺎ ﻧﻴﻤﺖ ﺍﺑﻨﺎ ﺑﻐﺮﻓﺘﻮ ﻭﺭﺣﺖ ﻋﻠﻰ ﻏﺮﻓﺘﺎ ﺣﻄﺖ ﺭﺍﺳﺎ ﻉ ﺍﻟﻤﺨﺪﺓ ﻭﻧﺎﻣﺖ ﻭﻫﻴﺔ ﻋﻢ ﺗﺒﻜﻲ
ﻣﺮﻕ ﺍﻭﻝ ﺍﺳﺒﻮﻉ ﻭﻫﻴﺔ ﻋﻠﻰ ﺣﺎﻻ ﻭﻣﺎﻛﺎﻧﺖ ﺗﺸﻮﻑ ﺣﺪﺍ ﻭﻧﺼﺮ ﻛﺎﻥ ﻣﺸﻐﻮﻝ ﺑﺘﺤﻀﺮﻳﺎﺕ ﻋﺮﻭﺱ
ﺍﻧﺪﻕ ﺍﻟﺒﺎﺏ ﻋﻠﻰ ﺭﻫﻒ ﺭﺍﺣﺖ ﻓﺘﺤﺖ ﺍﻟﺒﺎﺏ ﻭﻛﺎﻧﺖ ﻋﻼ
ﺑﻮﺳﺘﺎ ﻭﻓﺎﺗﺖ
ﻋﻼ : ﻟﻚ ﻭﻳﻨﻚ ﻣﺎ ﻋﻢ ﺗﺒﻴﻨﻲ ﻭﻻ ﻋﻢ ﺗﺤﻜﻲ
ﺭﻫﻒ : ﻭﺍﻟﻠﻪ ﺑﻬﻞ ﺍﻟﺒﻴﺖ
ﻋﻼ : ﻟﻚ ﻟﻴﺶ ﻋﻢ ﺗﻀﻠﻲ ﻗﺎﺑﺮﺓ ﺣﺎﻟﻚ ﺑﻬﻞ ﺍﻟﺒﻴﺖ ﻃﻠﻌﻲ ﺷﻤﻲ ﻫﻮﺍ ﻃﻠﻌﻲ ﺷﻮﻓﻲ ﺍﻟﻨﺎﺱ
ﺭﻫﻒ : ﺷﻮ ﺗﺸﺮﺑﻲ
ﻋﻼ : ﻭﻻ ﺷﻲ ﺍﻧﺎ ﻣﺴﺘﻌﺠﻠﺔ
ﺭﻫﻒ : ﻟﻜﻦ ﻟﻴﺶ ﺟﺎﻱ
ﻋﻼ : ﺟﺎﻱ ﺍﻋﺰﻣﻚ ﻋﻠﻰ ﻋﺮﺱ ﻋﺒﻴﺪﺓ ﺑﻜﺮﺍ
ﺭﻫﻒ ﻣﺎ ﺍﻧﻘﻬﺮﺕ ﻭﻻ ﺷﻲ ﻻﻧﻮ ﻛﺎﻧﺖ ﻋﺎﻳﺸﺔ ﺑﻔﺘﺮﺓ ﻛﺮﻫﺎﻧﺔ ﻛﻞ ﺍﻟﻌﺎﻟﻢ ﺑﺲ ﺍﺗﻔﺎﺟﺌﺖ ﺑﺴﺮﻋﺔ ﺍﻟﻌﺮﺱ
ﺭﻫﻒ : ﺍﻑ ﺑﻜﺮﺍ ﻣﺎ ﻣﻦ ﺍﺳﺒﻮﻉ ﻗﺘﻠﻲ ﺍﻧﻜﻦ ﺧﻄﺒﺘﻮﻟﻮ
ﻋﻼ : ﻟﻚ ﺍﻫﻼ ﻟﻠﺒﻨﺖ ﺑﺪﻭﻥ ﻳﺴﺎﻓﺮﻭ ﻭﻧﺤﻨﺎ ﻗﻠﻨﺎ ﺑﻨﺰﻭﺟﻮﻥ ﺍﺣﺴﻦ ﻣﺎﺗﺮﻭﺡ ﻣﻊ ﺍﻫﻼ ﻭﺗﻤﻂ ﺍﻟﺴﻴﺮﺓ
ﺭﻫﻒ : ﺍﻱ ﺍﻟﻒ ﻣﺒﺮﻭﻙ
ﻋﻼ : ﺍﻟﻠﻪ ﻳﺒﺎﺭﻙ ﺑﻌﻤﺮﻙ .. ﻋﻘﺒﺎﻝ ﻣﺎﻧﻔﺮﺡ ﺑﻬﻞ ﺍﻻﻣﻮﺭ ﺍﻟﺼﻐﻴﺮ
ﺭﻫﻒ : ﺍﻥ ﺷﺎﺀ ﺍﻟﻠﻪ
ﻋﻼ : ﻳﻼ ﺳﻼﻡ ..
ﺭﻫﻒ : ﺍﻟﻠﻪ ﻣﻌﻚ
ﻭﻗﻔﺖ ﻋﻼ ﻭﺍﻟﺘﻔﺖ ﻋﻠﻰ ﺭﻫﻒ ﻭﻗﺎﻟﺖ : ﺻﺢ ﻛﻴﻔﻮ ﻧﺼﺮ
ﺭﻫﻒ : ﺑﺄﺣﺴﻦ ﺣﺎﻻﺗﻮ
ﻋﻼ : ﻟﻴﺶ ﻓﻲ ﺷﻲ
ﺭﻫﻒ : ﺍﻱ ﺭﺡ ﻳﺘﺰﻭﺝ
ﻋﻼ : ﺷﻮﻭﻭﻭ
ﺭﻫﻒ : ﺍﻱ ﻟﻴﺶ ﻣﺴﺘﻐﺮﺑﺔ ... ﻟﻴﺶ ﻣﺎﻣﻌﻚ ﺧﺒﺮ
ﻋﻼ : ﻻ ﻣﺎﻣﻌﻲ ﺧﺒﺮ ..
ﺭﻫﻒ : ﻛﻞ ﺍﻟﻤﻨﻄﻘﺔ ﺑﺘﻌﺮﻑ ﻣﻌﻘﻮﻝ ﺍﻧﺘﻲ ﻣﺎ ﺑﺘﻌﺮﻓﻲ .. ﺍﻭ ﺍﻧﺘﻲ ﻋﺎﻣﻠﺔ ﺣﺎﻟﻚ ﻣﺎﺑﺘﻌﺮﻓﻲ
ﻋﻼ : ﻭﺍﻟﻠﻪ ﻣﺎﻣﻌﻲ ﺧﺒﺮ
ﺭﻫﻒ : ﻭﻫﻲ ﺻﺎﺭ ﻣﻌﻚ ﺧﺒﺮ ﺷﻮﺑﺪﻙ ﺗﻌﻤﻠﻲ
ﻋﻼ : ﺍﺧﺘﻲ ﺍﻧﺘﻲ ﻣﻨﻴﺤﺔ
ﺭﻫﻒ : ﺑﺄﺣﺴﻦ ﺣﺎﻻﺗﻲ ﺷﺎﻳﻔﺔ ﺷﻘﺪ ﻣﻨﻴﺤﺔ
ﻋﻼ : ﺍﺧﺘﻲ ﺯﻋﻼﻧﺔ ﻣﻨﻲ
ﺭﻫﻒ : ﺍﻱ ﺯﻋﻼﻧﺔ ﻣﻨﻚ ﻭﻣﻦ ﻛﻞ ﺍﻟﺪﻧﻲ ﻻﻧﻮ ﺍﻧﺘﻲ ﺍﻭﻝ ﻭﺣﺪﺓ ﺷﺠﻌﺘﻴﻨﻲ ﻋﻠﻰ ﻫﺎﻟﺠﺎﺯﺓ
ﻋﻼ : ﺍﺳﻔﺔ ﺍﺧﺘﻲ ﻣﺎﻛﻨﺖ ﺑﻌﺮﻑ ﺍﻧﻮ ﺭﺡ ﻳﺼﻴﺮ ﻫﻴﻚ
ﺭﻫﻒ : ﺍﻱ ﺍﻟﻠﻪ ﻳﺴﺎﻣﺤﻚ ﻭﻫﻠﻖ ﺭﻭﺣﻲ ﺭﺡ ﺗﺘﺄﺧﺮﻱ
ﻋﻼ : ﺭﻫﻒ ..
ﺭﻫﻒ : ﺍﺧﺘﻲ ﺭﺡ ﺗﺘﺄﺧﺮﻱ ﻳﻼ ﺍﻟﻠﻪ ﻣﻌﻚ
ﻃﻠﻌﺖ ﻭﻃﺒﺸﺖ ﺍﻟﺒﺎﺏ ﻭﺭﺍﻫﺎ
ﺭﻫﻒ : ﻫﻪ ﺭﺡ ﺗﺘﺰﻭﺝ ﻳﺎ ﻋﺒﻴﺪﺓ ﺍﻱ ﺍﻟﻒ ﻣﺒﺮﻭﻙ ﻫﻬﻬﻬﻬﻪ ﺟﻴﺖ ﻣﺎﻣﺎ ﺟﻴﺖ
ﺗﺎﻧﻲ ﻳﻮﻡ ﺟﻬﺰﺕ ﺣﺎﻻ ﺭﻫﻒ ﻭﻃﻠﻌﺖ ﻛﺘﻴﺮ ﺣﻠﻮﺓ ﻭﺭﺍﺣﺖ ﻉ ﺍﻟﻌﺮﺱ ﻭﺍﻻﺑﺘﺴﺎﻣﺔ ﻋﻠﻰ ﻭﺟﻬﺎ ﻭﺍﺑﺪﺍ ﻣﺎﻛﻨﺖ ﻣﻘﻬﻮﺭﺓ ﻭﺍﻋﺘﺒﺮﺕ ﻳﻠﻲ ﻣﺮﺕ ﻓﻴﻪ ﺿﻌﻒ ﻭﺭﺍﺡ ﻭﺍﺑﺪﺍ ﻣﺎ ﻛﺎﻥ ﺣﺐ ﻻﻧﻮ ﻣﻬﻤﺎ ﻛﺎﺑﺮﺕ ﻧﺼﺮ ﻫﻮ ﻳﻠﻲ ﺷﺎﻏﻞ ﺑﻼ ﺑﺲ ﻛﻤﺎﻥ ﻋﻢ ﺗﺤﺎﻭﻝ ﺗﺘﺨﻠﺺ ﻣﻨﻮ
ﻛﺎﻧﻮ ﻋﺎﻣﻠﻴﻦ ﺣﻔﻠﺔ ﻋﺎﺩﻳﺔ ﻭﻋﺎﻣﻠﻴﻦ ﻏﺪﺍ ﺍﺗﻐﺪﺕ ﺍﻟﻌﺎﻟﻢ ﻭﺭﺍﺣﻮ ﺟﺎﺑﻮ ﺍﻟﻌﺮﻭﺱ
ﻭﺭﺟﻌﻮ ﻭﺻﻤﺪﻭ ﺍﻟﻌﺮﻭﺱ ﻭﺍﻟﻌﺮﻳﺲ ﺑﺴﺎﺣﺔ ﺍﻟﺒﻴﺖ ﻻﻧﻮ ﺍﻟﺒﻴﺖ ﻛﺎﻥ ﻛﺒﻴﺮ ﻭﺷﻐﻠﻮ ﺍﻏﺎﻧﻲ ﻭﻗﺎﻡ ﺍﻟﻌﺮﻳﺲ ﻭﺍﻟﻌﺮﻭﺱ ﻳﺮﻗﺼﻮ ﻭﻋﺒﻴﺪﺓ ﻛﺎﻥ ﻋﻢ ﻳﺪﻭﺭ ﺑﻌﻴﻮﻧﻮ ﻋﻠﻰ ﺭﻫﻒ
ﻭﻫﻮ ﻋﻢ ﻳﺮﻗﺺ ﺍﺟﺖ ﻋﻴﻨﻮ ﺑﻌﻴﻨﺎ ﻭﺻﻔﻦ ﻓﻴﻬﺎ ﻫﻴﺔ ﺗﺠﺎﻫﻠﺘﻮ ﻭﺻﺎﺭﺕ ﺗﺘﻄﻠﻊ ﻋﻠﻰ ﻧﺎﺣﻴﺔ ﺗﺎﻧﻴﺔ ﻭﻋﻢ ﺗﺰﻗﻒ ﻭﻣﺒﺘﺴﻤﺔ
ﻋﺒﻴﺪﺓ ﻟﻠﻌﺮﻭﺱ : ﺑﻜﻔﻲ ﺗﻌﺒﺖ
ﺭﺟﻌﻮ ﻋﻠﻰ ﻣﻜﺎﻧﻮ ﻭﻋﻴﻮﻧﻮ ﻣﻌﺪ ﻓﺎﺭﻗﺖ ﺭﻫﻒ ﻭﻫﻴﺔ ﻻﺣﻈﺖ ﻧﻈﺮﺍﺗﻮ ﻋﻠﻴﻬﺎ ﻣﻦ ﺩﻭﻥ ﻣﺎ ﺗﺘﻄﻠﻊ ﺑﺲ ﺣﺴﺖ ﻓﻴﻪ ﻗﺎﻣﺖ ﺍﺳﺘﺎﺫﻧﺖ ﻭﺭﺍﺣﺖ ﻋﻠﻰ ﺑﻴﺘﺎ
ﻓﺘﺤﺖ ﺍﻟﺒﺎﺏ ﻭﻓﺎﺗﺖ ﻭﻛﺎﻥ ﻧﺼﺮ ﻗﺎﻋﺪ ﻧﺎﻃﺮﺍ
ﻧﺼﺮ : ﻭﻳﻨﻚ ﻟﻬﻠﻖ ﻳﺎﻣﺪﺍﻡ
ﺭﻫﻒ : ﺑﻌﺮﺱ ﺍﺑﻦ ﺣﻤﺎﻫﺎ ﻟﻌﻼ ﻋﻘﺒﺎﻟﻚ
ﻧﺼﺮ : ﺍﺍﺍﻩ ﻧﺴﻴﺖ
ﺭﻫﻒ : ﺗﺼﺒﺢ ﻋﻠﻰ ﺧﻴﺮ
ﻧﺼﺮ : ﻭﺍﻧﺘﻲ ﺑﺨﻴﺮ
ﻓﺎﺗﺖ ﻋﻠﻰ ﻏﺮﻓﺔ ﺍﺑﻨﺎ ﺑﺪﻟﺖ ﺗﻴﺎﺑﺎ ﻭﻧﻴﻤﺖ ﺍﺑﻨﺎ ﻭﻧﺎﻣﺖ ﺟﻨﺒﻮ ﺑﻌﺪ ﺷﻮﻱ ﺳﻤﻌﺖ ﻃﺒﺸﺖ ﺍﻟﺒﺎﺏ
ﺭﻫﻒ : ﺩﺭﺏ ﺍﻟﺴﺪ ﻳﻠﻲ ﻣﺎ ﻳﺮﺩ
............................
ﻣﺮﻗﻮ ﺍﺳﺒﻮﻋﻴﻦ ﻛﻤﺎﻥ ﻭﺭﻫﻒ ﻋﻠﻰ ﻃﻮﻝ ﻟﺤﺎﻻ ﺍﻭﻗﺎﺕ ﺗﻄﻠﻊ ﻋﻠﻰ ﺍﻟﺠﻴﺮﺍﻥ ﻭﺍﻫﻢ ﺍﻟﺸﻲ ﻛﺎﻧﺖ ﺗﺤﻤﺪ ﺭﺑﺎ ﺍﻧﻮ ﺍﻟﻠﻪ ﺧﻠﺼﺎ ﻣﻦ ﻋﺒﻴﺪﺓ ﻗﺒﻞ ﻣﺎﺗﺘﻌﻠﻖ ﻓﻴﻪ ..
ﻭﺍﻗﻔﺔ ﻋﻠﻰ ﺍﻟﻤﺮﺍﻱ ﻋﻢ ﺗﺤﻜﻲ ﺣﺎﻻ : ﺷﻮ ﻳﺎﺭﻫﻒ ﺑﻌﺪﻙ ﻣﺼﻤﻤﺔ ﻋﻠﻰ ﺍﻟﻄﻼﻕ .... ﺍﻱ ﺑﻌﺪﻧﻲ ... ﻻﻧﻮ ﺍﻧﺎ ﻣﺎﻧﻲ ﺷﻲ ﺧﺎﺩﻣﺔ ﻋﻨﺪﻥ . ﺧﻠﺺ ﻻﺯﻡ ﺗﻔﺮﺿﻲ ﺷﺨﺼﻴﺘﻚ ﻭﺗﻔﺮﺟﻴﻬﻦ ﺍﻧﻮ ﻣﺎﻧﻬﺎﻳﺔ ﺍﻟﻌﺎﻟﻢ ﺍﺫﺍ ﺍﻟﻮﺣﺪﺓ ﺍﺗﻄﻠﻘﺖ ﻭﺍﻧﻮ ﺭﺡ ﺍﻗﺪﺭ ﺍﺳﺲ ﺣﺎﻟﻲ ﻭﺍﻧﺎ ﻟﺤﺎﻟﻲ ﺣﺎﺝ ﺑﻀﻠﻮ ﻳﻤﻨﻨﻮﻧﻲ ﺍﻧﻮﻥ ﺣﺎﻭﻳﻨﻲ ﻋﻨﺪﻥ
ﺍﻧﺪﻕ ﺍﻟﺒﺎﺏ
ﺭﻫﻒ : ﻳﺎﺗﺮﻯ ﻣﻴﻦ ﺟﺎﻱ ﻫﻠﻖ .. ﻧﺼﺮ ﺑﻜﻮﻥ ﻣﺸﻐﻮﻝ ﺑﻌﺮﻭﺳﻮ ﻭﺍﻛﻴﺪ ﻣﺎﺭﺡ ﻳﺘﺬﻛﺮﻧﻲ
ﻃﻠﻊ ﺻﻮﺕ ﻣﻦ ﻭﺭﺍ ﺍﻟﺒﺎﺏ
ﻓﺎﻃﻤﺔ : ﺭﻫﻒ ﺣﺒﻴﺒﺘﻲ ﺍﻧﺘﻲ ﺑﺎﻟﺒﻴﺖ
ﺭﻫﻒ : ﺧﺎﻟﺘﻴﻴﻲ
ﻃﻠﻌﺖ ﺑﺴﺮﻋﺔ ﻓﺘﺤﺖ ﺍﻟﺒﺎﺏ ﻭﺿﻤﺘﺎ ﻭﺻﺎﺭﺕ ﺗﺒﻮﺳﺎ ﺑﻠﻬﻔﺔ ﻭﺗﺒﺴﻼ ﺭﺍﺳﺎ ﻭﺍﺩﻳﻬﺎ
ﻭﻣﻦ ﺍﻟﻔﺮﺣﺔ ﺩﻣﻌﻮ ﻋﻴﻮﻧﺎ
ﻓﺎﻃﻤﺔ ﻣﺴﻜﺘﻼ ﻭﺟﻬﺎ ﺑﻴﻦ ﺍﺩﻳﻬﺎ ﻭﺍﺗﻄﻠﻊ ﺑﻌﻴﻮﻧﺎ
ﻓﺎﻃﻤﺔ : ﻳﺎﻋﻤﺮﻱ ﻟﻴﺶ ﻫﻴﻚ ﺗﻌﺒﺎﻧﺔ ﻭﻭﺟﻬﻚ ﺗﻌﺒﺎﻧﺔ
ﺭﻫﻒ : ﺧﺎﻟﺘﻲ ﺍﺷﺘﻘﺘﻠﻚ ﻛﺘﻴﻴﻴﺮ
ﻓﺎﻃﻤﺔ : ﻭﺍﻧﺎ ﻛﻤﺎﻥ ﻳﺎﻋﻤﺮﻱ ﻓﻮﺗﻲ ﻳﺎﺭﻭﺣﻲ ﻓﻮﺗﻲ
( ﻓﺎﻃﻤﺔ ﺧﺎﻟﺘﺎ ﻟﺮﻫﻒ ﻣﺮﺓ ﻗﻮﻳﺔ ﻛﺘﻴﺮ ﻭﻗﺪ ﻣﻴﺔ ﺯﻟﻤﺔ ﻭﻛﻠﻤﺘﺎ ﻣﺎﺑﺘﺼﻴﺮ ﺗﻨﺘﻴﻦ ﺑﻜﻞ ﺍﻟﻤﻨﻄﻘﺔ ﻻﻧﻮ ﺑﻨﺖ ﻋﺰ ﻭﺟﺎﻩ ﻭﺍﻟﻤﻨﻄﻘﺔ ﻛﻼ ﻛﺎﻧﺖ ﺗﺤﺴﺐ ﺣﺴﺎﺏ ﻟﻬﻲ ﺍﻟﻌﻴﻠﺔ )
ﻓﺎﺗﺖ ﺭﻫﻒ ﻣﻊ ﺧﺎﻟﺘﺎ ﻗﻌﺪﺕ ﺣﺪﺍ ﻭﺿﻤﺘﺎ ﻭﺣﻄﺖ ﺭﺍﺳﺎ ﻋﻠﻰ ﺻﺪﺭ ﺧﺎﻟﺘﺎﻭﺻﺎﺭﺕ ﺗﺸﻜﻴﻼ ﻫﻤﺎ
ﻭﻓﺎﻃﻤﺔ ﻋﻢ ﺗﺴﻤﻊ ﺣﻜﻲ ﻭﺑﻜﻲ ﺭﻫﻒ ﻭﻫﻴﺔ ﺳﺎﻛﺘﺔ ﻭﻋﻢ ﺗﻬﺰ ﺑﺮﺍﺳﺎ
ﺭﻫﻒ : ﻭﻫﺎﺩ ﻛﻠﺸﻲ ﺻﺎﺭ ﻣﻌﻲ ﻳﺎﺧﺎﻟﺘﻲ ﻣﺸﺎﻥ ﺍﻟﻠﻪ ﺳﺎﻋﺪﻳﻨﻲ ﺍﻧﺎ ﻭﺍﻟﻠﻪ ﺗﻌﺒﺖ
ﻓﺎﻃﻤﺔ : ﺍﺧﺲ ﻉ ﺍﻟﺮﺟﺎﻝ .. ﻫﻴﻚ ﻋﻤﻞ ﻓﻴﻜﻲ ﻫﺎﻟﻮﺍﻃﻲ ﻳﺎﻋﻤﺮﻱ .. ﻟﻚ ﻭﻗﻔﺖ ﺑﻮﺟﻬﻮﻥ ﻗﻠﺘﻠﻮﻥ ﺑﻼﻫﺎ ﻟﻬﻞ ﺍﻟﺠﺎﺯﺓ ﺍﻟﻮﻻﺩ ﻣﺎﺑﺤﺒﻮ ﺑﻌﺾ ﻧﻂ ﻋﻤﻚ ﻭﻗﺎﻝ ﺑﻜﺮﺍ ﺑﺤﺒﻮ ﺑﻌﺾ ﻭﻻ ﺗﺎﻛﻠﻲ ﻫﻢ .. ﻗﻠﺘﻠﻮﻥ ﺭﻫﻒ ﻫﻲ ﻏﺎﻟﻴﺔ ﻗﺎﻝ ﻋﻤﻚ ﺭﻫﻒ ﺑﻌﻴﻮﻧﺎ ﻭﻣﺤﺪﺍ ﺑﻀﻴﻤﺎ ﺑﻴﻮﻡ ﻣﻦ ﺍﻻﻳﺎﻡ ... ﻭﻳﻮﻡ ﻳﻠﻲ ﺳﺎﻓﺮﺕ ﻭﻛﺎﻥ ﻳﻮﻡ ﻋﺮﺳﻚ ﻗﻠﺘﻠﻮﻥ ﺍﻣﺎﻧﺔ ﺭﻫﻒ ﺍﻣﺎﻧﺘﻜﻦ
ﻗﺎﻝ ﻋﻤﻚ ﻭﻧﺤﻨﺎ ﻗﺪ ﺍﻻﻣﺎﻧﺔ ... ﻫﻴﻚ ﻋﻤﻠﻮ ﻓﻴﻜﻲ ﻫﻴﻚ ﻣﺎﻧﻚ ﻣﺮﺗﻮ ﻟﻬﻞ ﺍﻟﻮﺍﻃﻲ ﻉ ﺍﻟﻄﺎﻟﻌﺔ ﻭﺍﻟﻨﺎﺯﻟﺔ ﺑﻘﻠﻚ ﻣﻨﻴﺢ ﻳﻠﻲ ﺣﺎﻭﻳﻜﻲ ﻟﻚ ﻗﺒﻞ ﻣﺎﺗﻜﻮﻧﻲ ﻣﺮﺗﻮ ﺍﻧﺘﻲ ﺑﻨﺖ ﻋﻤﻮ ﻭﻣﺠﺒﻮﺭ ﻓﻴﻜﻲ ﻭﻛﻤﺎﻥ ﻣﻦ ﻟﻴﻠﺔ ﺍﻟﻌﺮﺱ ﺑﺸﺮﻙ ﺍﻧﻮ ﺑﺪﻭ ﻳﺘﺰﻭﺝ ﻋﻠﻴﻜﻲ .... ﻟﻚ ﻟﻴﺶ ﻣﺎﺣﻜﻴﺘﻨﻲ ﺧﺒﺮﺗﻨﻲ ﻛﻨﺖ ﻣﻦ ﻭﻗﺘﺎ ﺟﻴﺖ ﻭﻣﺎﺧﻠﻴﺘﻚ ﺗﻘﻌﺪﻱ ﻋﻨﺪﻭﻥ ﻭﻻ ﺩﻗﻴﻘﺔ
ﺭﻫﻒ : ﺑﺎﻻﻭﻝ ﻗﻠﺖ ﺑﺮﻛﻲ ﺑﻴﺘﻐﻴﺮ ﻭﺑﺼﻴﺮ ﺑﺤﺒﻨﻲ ﻭﺑﻌﺪﻳﻦ ﺣﻤﻠﺖ ﺑﻬﻤﺎﻡ ﻗﻠﺖ ﺻﺎﺭ ﻋﻨﺪﻱ ﻭﻟﺪ ﻭﻣﺎﺑﺪﻱ ﺩﻣﺮﻭﻟﻮ ﺣﻴﺎﺗﻮ ﻭﻛﻤﺎﻥ ﻗﻠﺖ ﺑﺮﻛﻲ ﺑﻴﺘﻐﻴﺮ ﻻﻧﻮ ﺻﺎﺭ ﻋﻨﺪﻭ ﻭﻟﺪ ﺑﺲ ﻷ ﻛﻞ ﻣﺎﻟﻮ ﻛﺎﻥ ﻳﺘﺤﺎﻗﺮ ﻣﻌﻲ .. ﻭﺍﻟﻠﻪ ﻣﺎﺧﻠﻴﺖ ﺷﻲ ﺍﻻ ﻭﻋﻤﻠﺘﻮ ﻣﻌﻮ ﻭﻫﻮ ﻣﺎ ﻳﺤﺲ ﻭﻻ ﻳﻘﺪﺭ
ﻓﺎﻃﻤﺔ : ﻭﻋﻤﺮﻭ ﻣﺎ ﻳﻨﻌﻤﻠﻮ ﺷﻲ .. ﻗﻮﻣﻲ ﻫﻠﻖ ﺑﺪﻱ ﺣﻂ ﺣﺪ ﻟﻬﻞ ﺍﻟﻘﺼﺔ ﻭﺍﻟﻴﻮﻡ ﻗﺒﻞ ﺑﻜﺮﺍ ﺑﺪﻭ ﻳﻄﻠﻘﻚ ﻫﺎﻟﻮﺍﻃﻲ
ﺭﻫﻒ : ﺧﺎﻟﺘﻮ ﺧﻠﻴﻜﻲ ﻟﺒﻜﺮﺍ ﺑﻨﻌﻤﻠﻮﻥ ﺍﻳﺎﻫﺎ ﻣﻔﺎﺟﺌﺔ ﺑﻴﻮﻡ ﻋﺮﺳﻮ ﻭﺧﻠﻲ ﻳﻮﻡ ﻃﻼﻗﻲ ﺑﻨﻔﺲ ﻳﻮﻡ ﺯﻭﺍﺟﻮ
ﻓﺎﻃﻤﺔ : ﺍﻱ ﻭﺍﻟﻠﻪ ﺟﺒﻴﺘﻴﻬﺎ ﺗﻌﺎﻟﻲ ﻟﻌﻨﺪﻱ ﺗﻌﺎﻟﻲ ﻭﺍﻟﻠﻪ ﺭﻭﺣﻲ ﻧﻄﻔﺖ ﻋﻠﻴﻜﻲ . ﻗﺮﺑﺖ ﺍﻛﺘﺮ ﻣﻦ ﺧﺎﻟﺘﺎ ﻭﻫﺪﻳﻚ ﺿﻤﺘﺎ
ﺭﻫﻒ : ﺍﺍﺍﺍﺥ
ﻓﺎﻃﻤﺔ : ﺷﺒﻚ ﺭﻫﻮﻓﺔ ﺣﺒﻴﺒﺔ ﻗﻠﺒﻲ
ﺭﻫﻒ : ﻛﻮﻋﻲ ﻋﻢ ﻳﻮﺟﻌﻨﻲ ﺷﻮﻱ
ﻓﺎﻃﻤﺔ : ﻣﻦ ﺷﻮ
ﺭﻫﻒ : ﻣﻦ ﺍﻟﻘﺘﻠﺔ ﻳﻠﻲ ﺿﺮﺑﻨﻲ ﺍﻳﺎﻫﺎ ﺟﺴﻤﻲ ﺻﺢ ﺑﺲ ﻫﻮﻥ ﻋﺎﻟﻌﻀﻤﺔ ﺑﻌﺪﺍ ﻋﻢ ﺗﻮﺟﻌﻨﺎ
ﻓﺎﻃﻤﺔ : ﺷﻮ ﺷﻮ ﺷﻮ ﺿﺮﺑﻚ .. ﻻ ﻫﺎﺩ ﺫﻭﺩﻫﺎ ﻛﺘﻴﺮ ﻟﻚ ﺍﻧﺘﻲ ﻣﻦ ﺳﻼﺳﻠﺔ ﻋﻴﻠﺔ ﺍﻻﻏﺎ ﻟﻚ ﻧﺤﻨﺎ ﻣﺤﺪﺍ ﺑﻤﺪ ﺍﻳﺪﻭﺍ ﻋﻠﻰ ﺑﻨﺎﺗﻨﺎ .. ﻻ ﺣﺪﺍ ﺑﻴﺘﺰﻭﺝ ﻋﻠﻴﻬﻦ ﺍﻟﻠﻪ ﻳﺠﻴﺒﻚ ﻳﺎ ﺑﻜﺮﺍ
ﺍﺍﺍﺍﺍﺥ ﺷﻮ ﻗﻠﺒﻲ ﺣﺎﻣﻞ ﻣﻨﻜﻦ ﻳﺎ ﺑﻴﺖ ﺍﺑﻮ ﻧﺼﺮ
ﺭﻫﻒ : ﺑﺲ ﺑﻴﺖ ﻋﻤﻲ ﻣﻨﺎﺡ ﺑﺲ ﻧﺼﺮ
ﻓﺎﻃﻤﺔ : ﻣﺤﺪﺍ ﻣﻨﻴﺢ ﻛﻠﻮﻥ ﺍﺿﺮﺏ ﻣﻦ ﺑﻌﺾ
ﺭﻫﻒ ﺣﺴﺖ ﺧﺎﻟﺘﺎ ﺗﻮﺗﺮﺕ ﻭﺳﺄﻟﺘﺎ ﺧﺎﻟﺘﻲ ﻣﺎﻗﻠﺘﻴﻠﻲ ﺷﺒﻮ ﻗﻴﺲ
ﻓﺎﻃﻤﺔ : ﻃﻠﻖ ﻣﺮﺗﻮ
ﺭﻫﻒ : ﻟﻴﺶ ﻣﻊ ﺍﻧﻮ ﻛﺘﻴﺮ ﺑﺤﺒﺎ
ﻓﺎﻃﻤﺔ : ﻣﺎﻃﻠﻌﺖ ﻣﺮﺗﻮ ﻣﺘﻌﺮﻓﺔ ﻋﻠﻰ ﻭﺍﺣﺪ ﻋﺎﻟﻔﻴﺲ ﺑﻮﻙ ﻭﺣﺎﺑﺒﺘﻮ ﻗﺎﻡ ﻗﻴﺲ ﻛﺸﻔﺎ ﻭﻃﻠﻘﺎ ﻭﻗﻠﻌﺎ ﻣﻦ ﺍﻟﺒﻴﺖ
ﺭﻫﻒ : ﻳﻴﻴﻲ
ﻓﺎﻃﻤﺔ : ﻭﺍﻟﻠﻪ ﻫﺎﻟﺘﻠﻔﻮﻧﺎﺕ ﺻﺎﻳﺮﺓ ﺧﺮﺍﺏ ﺑﻴﻮﺕ
ﺭﻫﻒ : ﺍﻱ ﻭﺍﻟﻠﻪ ﺍﻟﻠﻪ ﻳﺠﻴﺮﻧﺎ
ﺻﻔﻨﺖ ﺷﻮﻱ ﺭﻫﻒ ﻭﻗﺎﻟﺖ ﺍﻟﻒ ﺣﻤﺪ ﻭﺷﻜﺮ ﺍﻟﻚ ﻳﺎﺭﺏ
................
ﺗﺎﻧﻲ ﻳﻮﻡ
ﺭﻫﻒ : ﻳﻼ ﺧﺎﻟﺘﻲ ﻗﻮﻣﻲ ﻟﻨﺮﻭﺡ ﺭﺡ ﻳﺨﻠﺺ ﺍﻟﻌﺮﺱ
ﻓﺎﻃﻤﺔ : ﻳﻼ
ﺭﻫﻒ : ﻫﻬﻬﻬﻬﻬﻬﻪ
ﻓﺎﻃﻤﺔ : ﺷﺒﻚ
ﺭﻫﻒ : ﻣﺎ ﻋﺰﻣﻮﻧﻲ ﻫﻬﻬﻬﻪ
ﻓﺎﻃﻤﺔ : ﻫﻬﻬﻬﻬﻬﻬﻬﻪ ﺍﺍﺍﻩ ﻋﻠﻴﻜﻲ ﺍﻣﺸﻲ ﺍﻣﺸﻲ ﻭﺍﻟﻚ ﻧﻔﺲ ﺗﻨﻜﺘﻲ ﻛﻤﺎﻥ
ﺭﺍﺣﻮ ﻉ ﺑﻴﺖ ﺍﺑﻮ ﻧﺼﺮ ﻭﻓﺎﺗﻮ ﻭﻛﺎﻥ ﺍﻟﺒﻴﺖ ﻣﻠﻴﻨﺎ ﻧﺴﻮﺍﻥ ﻭﺯﻟﻢ ﻭﺍﻟﻌﺮﻭﺱ ﻭﺍﻟﻌﺮﻳﺲ ﻣﺼﻤﻮﺩﻳﻦ
ﻭﺍﻟﻜﻞ ﺍﻧﺼﺪﻡ ﺑﻔﺎﻃﻤﺔ
ﻓﺎﻃﻤﺔ : ﻭﻗﻔﻮ ﺍﻟﻤﻮﺳﻴﻘﺎ
ﻭﻗﻔﺖ ﺍﻟﻤﻮﺳﻴﻘﺎ ﻭﺍﻟﺼﻤﺖ ﻋﻢ ﺍﻟﺒﻴﺖ
ﻭﻧﺼﺮ ﺍﺗﻄﻠﻊ ﻋﻠﻰ ﺭﻫﻒ ﻭﺧﺎﻟﺘﺎ ﺑﺲ ﻣﺎﻫﻤﻮ
ﻓﺎﻃﻤﺔ : ﺍﺑﻮ ﻧﺼﺮ ﻭﻳﻨﻚ
ﻃﻠﻊ ﺍﺑﻮ ﻧﺼﺮ ﻫﻮ ﻭﺍﻟﺰﻟﻢ ﺍﻟﻜﺒﺎﺭ ﻣﻦ ﻏﺮﻓﺔ ﺍﻟﻀﻴﻮﻑ
ﺍﺑﻮ ﻧﻀﺮ : ﺍﻫﻼ ﺍﺧﺘﻲ ﺍﻡ ﻗﻴﺲ
ﻓﺎﻃﻤﺔ : ﺑﺘﺘﺬﻛﺮ ﺷﻮ ﻗﻠﺘﻠﻲ ﻟﻤﺎ ﺍﺧﺪﺗﻮ ﺭﻫﻒ ﻋﺮﻭﺱ ... ﺷﻜﻠﻚ ﻧﺴﻴﺎﻥ ﺍﻧﺎ ﺑﺬﻛﺮﻙ ... ﻗﻠﺘﻠﻚ ﻫﺎﻟﺒﻨﺖ ﻋﻨﻜﻦ ﺍﻣﺎﻧﺔ .. ﻗﻠﺘﻠﻲ ﺑﻌﻴﻮﻧﻲ ... ﻗﻠﺘﻠﻚ ﺑﻨﺎﺗﻨﺎ ﻣﺎﺑﺘﻨﻀﺎﻡ ﻭﺑﻨﺎﺗﻨﺎ ﺑﻨﺎﺕ ﻋﺰ ﻗﻠﺘﻲ ﻛﻠﻮ ﻋﻠﻰ ﺭﺍﺳﻲ
ﻧﺰﻝ ﻧﺼﺮ ﻣﻦ ﻋﻠﻰ ﺍﻻﺳﻜﻲ ﻭﻗﺎﻝ ﺧﻴﺮ ﺷﻮﻓﻲ
ﻓﺎﻃﻤﺔ : ﺍﻧﺖ ﺑﺘﺨﺮﺱ ﻭﺍﻧﺎ ﻣﺎﻧﻲ ﻋﻢ ﺣﻜﻴﻜﻲ ﺍﻟﻚ ﻻﻧﻮ ﻣﺎﺑﺸﺮﻓﻨﻲ ﺍﺣﻜﻲ ﻣﻊ ﻋﺎﻟﻢ ﻣﺘﻠﻚ
ﺍﺑﻮ ﻧﺼﺮ : ﺗﻔﺼﻠﻲ ﺍﺧﺘﻲ ﺑﻨﺤﻜﻲ ﺟﻮﺍ
ﻓﺎﻃﻤﺔ : ﻻ ﻫﻮﻥ ﺟﺎﻱ ﺍﺣﻜﻲ
ﺍﺑﻮ ﻧﺼﺮ : ﻃﻴﺐ ﻳﺎ ﺍﺧﺘﻲ ﺍﻧﺖ ﺑﺲ ﺍﻣﺮﻱ
ﻓﺎﻃﻤﺔ : ﻣﺎ ﺑﻴﺄﻣﺮ ﻋﻠﻴﻚ ﻇﺎﻟﻢ .. ﺑﺪﻧﺎ ﻧﻄﻠﻘﻮﻟﻨﺎ ﻫﺎﻟﺒﻨﺖ
ﺍﻟﻜﻞ ﺷﻮﻭﻭ
ﻓﺎﻃﻤﺔ : ﻣﺘﻞ ﻣﺎﺳﻤﻌﺘﻮ .. ﻣﻦ ﺍﻻﺧﻴﺮ ﺑﻨﺎﺗﻨﺎ ﻣﺎﺑﻴﻨﺰﻝ ﻋﻠﻴﻬﻦ ﺿﺮﺓ .. ﻣﺎ ﺭﺡ ﺍﺣﻜﻲ ﺍﻧﻜﻦ ﻋﻢ ﺗﻤﻨﻮﻧﻮﻫﺎ ﺍﻧﻜﻦ ﻣﻌﻴﺸﻴﻨﺎ ﻋﻨﻜﻦ ﻭﺍﻧﻜﻦ ﺣﺎﻭﻳﻨﻬﺎ ﻭﻋﻢ ﺗﻀﺮﺑﻮﻫﺎ ﻛﻤﺎﻥ
ﺍﺑﻮ ﻧﺼﺮ : ﺍﻧﺘﻲ ﺷﻮ ﻋﻢ ﺗﺤﻜﻲ ﻣﻴﻦ ﻋﻢ ﻳﻤﻨﻨﺎ ﻭﻣﻴﻦ ﻋﻢ ﻳﻀﺮﺑﺎ ﺍﻛﻴﺪ ﻓﻲ ﻏﻠﻂ
ﻓﺎﻃﻤﺔ : ﻭﺍﻟﻠﻪ ﺍﺳﺄﻝ ﺍﻟﻤﺤﺮﻭﺱ ﻳﻠﻲ ﻋﻨﺪﻙ .. ﺍﺳﺄﻝ ﺍﺑﻨﻚ ﺍﻟﺮﺟﺎﺍﻝ ﻳﻠﻲ ﻋﻢ ﻳﻤﺪ ﺍﻳﺪﻭ ﻋﻠﻰ ﻣﺮﻯ ﻋﻠﻰ ﺿﻠﻊ ﻗﺎﺻﺮ
ﺍﺑﻮ ﻧﺼﺮ : ﻋﻨﺠﺪ ﻳﻠﻲ ﻋﻢ ﺍﺳﻤﻌﻮ ﻳﺎﻧﺼﺮ
ﻧﺼﺮ : .......
ﺍﺑﻮ ﻧﺼﺮ : ﻟﻚ ﺍﻟﻠﻪ ﻳﻠﻌﻨﻚ ﻟﻚ ﻫﺎﻱ ﺑﻨﺖ ﻋﻤﻚ ﻫﻴﻚ ﺑﺘﻌﻤﻞ ﻓﻴﻬﺎ .. ﺧﻠﺺ ﺍﺧﺘﻲ ﺣﻘﻚ ﻋﻠﻰ ﺭﺍﺳﻨﺎ ﺑﺲ ﺗﻔﻀﻠﻲ ﻟﺠﻮﺍ ﺧﻠﻴﻨﺎ ﻧﺤﻜﻲ ﻣﺎﺣﻠﻮﺓ ﻗﺪﺍﻡ ﺍﻟﻌﺎﻟﻢ
ﻓﺎﻃﻤﺔ : ﻣﺎﺿﻞ ﻋﻨﺪﻱ ﺷﻲ ﻗﻮﻟﻮ ﺧﻨﻦ ﻛﻠﻤﺘﻴﻦ ﻣﺎﻓﻲ ﻏﻴﺮﻭﻥ ﺭﻫﻒ ﺑﺪﺍ ﺗﺘﻄﻠﻖ ﻭﻫﻠﻖ ﻗﺒﻞ ﺑﻜﺮﺍ
ﻧﺼﺮ : ﺷﻮ ﻫﺎﺩ ﻳﺎ ﺭﻫﻒ
ﺭﻫﻒ : ﻣﺘﻞ ﻣﺎﺳﻤﻌﺖ .. ﻣﺎﺑﺪﻱ ﺿﻞ ﻗﺎﻋﺪﺓ ﻋﻠﻰ ﻗﻠﺒﻚ
ﻧﺼﺮ : ﺑﺲ ﻫﻴﻚ ﻋﻢ ﺗﺨﺮﺑﻲ ﺑﻴﺘﻚ
ﺭﻫﻒ : ﻟﻴﺶ ﻫﻮ ﻋﻤﺮﺍﻥ ... ﻧﺼﺮ ﻃﻠﻘﻨﻲ
ﺍﺑﻮ ﻧﺼﺮ : ﻟﻚ ﺭﻫﻒ ﻣﺎ ﺍﻟﻬﺎ ﻣﻜﺎﻥ ﺗﺮﻭﺡ ﻋﻠﻴﻪ
ﻓﺎﻃﻤﺔ : ﺑﺘﺠﻲ ﻟﻌﻨﺪﻱ ﻭﺍﻧﺎ ﺑﺤﻄﺎ ﺑﻌﻴﻮﻧﺎ .. ﻻﻧﻮ ﺑﻴﺖ ﻋﻤﺎ ﻣﺎﻃﻠﻌﻮ ﻗﺪ ﺍﻻﻣﺎﻧﺔ
ﺍﻟﻌﺎﻟﻢ ﺑﻠﺸﺖ ﺗﻨﺴﺤﺐ ﻭﻣﺎﺿﻞ ﺣﺪﺍ
ﺍﺑﻮ ﻧﺼﺮ : ﻟﻚ ﺍﻟﻠﻪ ﻳﺴﻮﺩ ﻭﺟﻬﻚ .. ﺣﺴﺒﻨﺎﻙ ﺭﺟﺎﻝ ﻃﻠﻌﺖ ﻃﺮﻃﻮﺭ ﻭﻣﺎﺷﻲ ﻣﻦ ﺗﺤﺖ ﺍﻣﺮ ﺍﻟﺨﺎﻧﻢ ﻭﺍﺷﺮ ﻋﻠﻰ ﺍﺳﻤﻬﺎﻥ
ﺗﺼﺮ : ﺍﺳﻤﻬﺎﻥ ﻣﺎﺩﺧﻼ
ﻓﺎﻃﻤﺔ : ﺑﻌﺪﻳﻦ ﺑﺘﺘﺤﺎﺳﺒﻮ ﺑﻴﻦ ﺑﻌﻀﻜﻦ ﻃﻠﻘﻮﻟﻨﺎ ﺍﻟﺒﻨﺖ ﺧﻠﻴﻨﺎ ﻧﺘﻴﺴﺮ
ﻧﺼﺮ : ﻭﺍﻧﺎ ﻣﺎﺑﺪﻱ ﻃﻠﻖ
ﻓﺎﻃﻤﺔ : ﻃﻠﻖ ﻭﺍﺟﺮﻙ ﻓﻮﻕ ﺭﻗﺒﺘﻚ ﺍﺣﺴﻦ ﻣﺎ ﻭﺻﻞ ﺍﻟﺸﻐﻠﺔ ﻟﺨﻮﺍﻻ ﻟﻠﺒﻨﺖ ﻭﺍﻧﺘﻮ ﺑﺘﻌﺮﻓﻮ ﻣﻴﻦ ﺧﻮﺍﻻ
ﺍﺑﻮ ﻧﺼﺮ : ﻟﻚ ﻭﺍﻟﻠﻪ ﺍﻻﻣﻮﺭ ﻣﺎﺑﺘﻨﺤﻞ ﻫﻴﻚ ﻳﺎ ﺍﺧﺘﻲ
#ﻭﺭﺩﺓ_ﺫﺍﺑﻠﺔ
#مريم_اليوسف
#ﺍﻟﺠﺰﺀ_ﺍﻟﺮﺍﺑﻊ_ﻭﺍﻻﺧﻴﺮ
ﺍﺑﻮ ﻧﺼﺮ : ﻟﻚ ﻭﺍﻟﻠﻪ ﺍﻻﻣﻮﺭ ﻣﺎﺑﺘﻨﺤﻞ ﻫﻴﻚ ﻳﺎ ﺍﺧﺘﻲ
ﻓﺎﻃﻤﺔ : ﺍﻟﻤﻮﺿﻮﻉ ﻋﻨﺎ ﺧﺎﻟﺺ ﻭﺍﻟﺒﻨﺖ ﺑﺪﺍ ﺍﻟﻄﻼﻕ .. ﻟﻴﺶ ﻣﺼﺮﻳﻦ ﺗﻀﻞ ﺗﻌﺬﺑﻮﻫﺎ ﻟﻬﻞ ﺍﻟﺒﻨﺖ ﻣﻌﻜﻦ
ﺍﺑﻮ ﻧﺼﺮ : ﻃﻠﻘﺎ
ﻧﺼﺮ : ﺑﺎﺑﺎ ﺑﺲ
ﺍﺏ ﻧﺼﺮ : ﻃﻠﻘﺎﺍﺍ
ﻧﺼﺮ : ﺭﻫﻒ ﺍﻧﺖ ﻃﺎﻟﻖ
ﺣﺎﻭﻟﺖ ﺗﺒﻴﻦ ﺍﻧﻬﺎ ﻗﻮﻳﺔ ﻗﺪ ﻣﺎﻓﻴﻬﺎ ﺑﺲ ﻫﺎﻟﺠﻤﻠﺔ ﺩﺑﺤﺘﺎ ﺑﺲ ﺍﻫﻮﻥ ﻣﻦ ﻣﻨﻈﺮﻭ ﻫﻮ ﻋﺮﻳﺲ
ﻓﺎﻃﻤﺔ : ﻭﻫﻴﻚ ﻭﺻﻠﻨﺎ ﺣﻘﻨﺎ ﺍﻣﺸﻲ ﺑﻨﺘﻲ ﺍﻣﺸﻲ
ﻧﺼﺮ : ﺑﺲ ﺍﺑﻨﻲ ﺑﻴﺮﺑﻰ ﻋﻨﺪﻱ
ﻓﺎﻃﻤﺔ : ﻫﻬﻬﻪ ﺍﻱ ﺭﻭﺡ ﺭﻭﺡ ﺍﻟﺘﻬﻰ ﺑﻤﺮﺗﻚ ﺑﺤﺒﻴﺒﺖ ﻗﻠﺒﻚ
---------------------
ﻗﺎﻋﺪ ﻭﺣﺎﻃﻂ ﺭﺍﺳﻮ ﺑﻴﻦ ﺍﺩﻳﻪ ﺍﺟﺖ ﺍﺳﻤﻬﺎﻥ ﻣﻦ ﻭﺭﺍﻩ ﻭﻫﻴﺔ ﻻﺑﺴﺔ ﻓﻤﻴﺺ ﻧﻮﻡ ﺍﺑﻴﺾ ﺣﻀﻨﺘﻮ ﻣﻦ ﺿﻬﺮﻭ ﻭﺑﺎﺳﺘﻮ ﻋﻠﻰ ﺭﻗﺒﺘﻮ
ﺍﺳﻤﻬﺎﻥ : ﺣﺒﻴﺒﻲ ﺷﺒﻚ ﻻﺯﻡ ﺗﻔﺮﺡ ﻭﺍﺧﻴﺮﺍ ﺍﺟﺘﻤﻌﻨﺎ ﺑﺒﻴﺖ ﻭﺍﺣﺪ
ﻧﺼﺮ : ﻣﻘﻬﻮﺭ ﺭﻫﻒ ﺫﻟﺘﻨﻲ ﻗﺪﺍﻡ ﻛﻞ ﺍﻟﻨﺎﺱ
ﺍﺳﻤﻬﺎﻥ : ﺧﻠﺺ ﺍﻧﺴﺎﻫﺎ ﻭﻣﻨﻴﺢ ﺍﻧﻚ ﻃﻠﻘﺘﺎ
ﻧﺼﺮ : ﻣﺎﺭﺡ ﺗﺤﺴﻲ ﻓﻴﻨﻲ
ﺍﺳﻤﻬﺎﻥ : ﺑﺎﻟﻌﻜﺲ ﺍﻧﺎ ﺣﺎﺳﺔ ﻓﻴﻚ ﻛﺘﻴﺮ ﻣﺸﺎﻥ ﻫﻴﻚ ﻋﻢ ﺣﺎﻭﻝ ﻧﺴﻴﻚ .. ﻟﻚ ﺍﻱ ﻳﻼ ﻓﺮﺩﻫﺎ ... ﺣﺒﻴﺒﻲ ﺻﻮﺻﻮ ﻟﻚ ﻫﻲ ﻟﻴﻠﻴﺘﻨﺎ
ﺍﺑﺘﺴﻢ ﻭﺳﺤﺒﺎ ﻣﻦ ﺍﻳﺪﺍ ﺑﺴﺮﻋﺔ ﺍﺟﺖ ﻧﺎﻳﻤﺔ ﺑﺤﻀﻨﻮ ......
...................
ﺑﻌﺪ ﺷﻬﺮﻳﻦ
ﺭﻫﻒ : ﺧﺎﻟﺘﻲ ﺷﻮ ﻋﻢ ﺗﻌﻤﻠﻲ
ﻓﺎﻃﻤﺔ : ﻋﻢ ﺍﻋﻤﻞ ﺭﺯ ﺑﺤﻠﻴﺐ
ﺭﻫﻒ : ﻳﺎ ﺳﻼﻡ ﺷﻮ ﺑﺤﺒﺎ
ﻓﺎﻃﻤﺔ : ﻣﺸﺎﻥ ﻫﻴﻚ ﺍﻧﺎ ﻋﻢ ﺍﻋﻤﻼ ﻭ ﻗﻴﺲ ﻛﻤﺎﻥ ﺑﺤﺒﺎ
ﺭﻫﻒ : ﻋﻨﺠﺪ ﻳﺎﺭﻳﺖ ﻛﺎﻥ ﻫﻮﻥ ﻛﺎﻥ ﺍﻧﺒﺴﻂ ﻛﺘﻴﺮ
ﻓﺎﻃﻤﺔ : ﻣﺸﺎﻥ ﻫﻴﻚ ﺍﻧﺎ ﻋﻢ ﺍﻋﻤﻼ
ﺭﻫﻒ : ﻗﻴﺲ ﺟﺎﻱ
ﻓﺎﻃﻤﺔ : ﺍﻱ ﺟﺎﻱ ﺍﻟﻴﻮﻡ
ﺭﻫﻒ : ﻳﻌﻨﻲ ﻣﺎﻣﺸﺎﻧﻲ ﻋﻢ ﺗﻌﻤﻠﻴﻬﺎ
ﻓﺎﻃﻤﺔ : ﻻ ﻭﺍﻟﻠﻪ ﻣﺎﻫﻴﻚ ﺑﺲ ﺍﻧﺎ ﻣﻦ ﺍﻧﻬﺎﺭﻳﻦ ﺑﺪﻱ ﺍﻋﻤﻼ ﻗﺎﻡ ﺑﻌﺘﻠﻲ ﻗﻴﺲ ﺍﻧﻮ ﺟﺎﻱ ﻓﺄﺟﻠﺘﺎ
ﺭﻫﻒ : ﻫﻬﻬﻪ ﻋﻢ ﺍﻣﺰﺡ ﻣﻌﻚ .. ﻳﻼ ﺍﻧﺎ ﺭﺍﻳﺤﺔ ﺷﻮﻑ ﻫﻤﺎﻡ
ﺭﺍﺣﺖ ﻋﻠﻰ ﻏﺮﻓﺘﺎ ﻟﻘﺖ ﺗﻠﻔﻮﻧﺎ ﻋﻢ ﺗﺠﻴﻪ ﺭﺳﺎﺋﻞ ﻓﺘﺤﺘﻮ ﻭﻛﺎﻥ ﺭﻗﻢ ﻏﺮﻳﺐ
ﻛﺎﻥ ﺑﺎﻋﺘﻼ ﻭﺍﺗﺲ ﺍﺏ
ﺍﻟﻮ
ﻣﺮﺣﺒﺎ
ﻛﻴﻔﻚ
ﻣﺒﺮﻭﻙ ﺍﻟﻄﻼﻕ
ﻣﻦ ﻳﻮﻡ ﻳﻠﻲ ﺍﺗﻄﻠﻘﺘﻲ ﻓﻴﻪ ﻭﺍﻧﺎ ﻋﻢ ﺣﺎﻭﻝ ﺟﻴﺐ ﺭﻗﻤﻚ
ﻭﺍﻟﻴﻮﻡ ﻟﺤﺘﻰ ﺍﻗﺪﺭﺕ ﺍﻭﺻﻞ ﻟﻬﺎﺗﻒ ﺍﺧﺘﻚ ﻭﺟﺒﺘﻮ
ﻟﻴﺶ ﻣﺎﺣﻜﻴﺘﻲ ﺍﻧﻚ ﺑﺪﻙ ﺗﺘﻄﻠﻘﻲ ﻣﺎ ﻛﻨﺖ ﺗﺰﻭﺟﺖ
ﺍﻧﺎ ﻋﻢ ﺍﻛﻞ ﺍﺻﺎﺑﻴﻌﻲ ﻧﺪﺍﻣﺔ ﻻﻧﻮ ﺍﺳﺘﻌﺠﻠﺖ ﺑﺎﻟﺰﻭﺍﺝ
ﺭﻫﻒ ﺍﻧﺎ ﺑﺤﺒﻚ ﻭﻣﺴﺘﻌﺪ ﻫﻸ ﻃﻠﻖ ﻣﺮﺗﻲ ﻭﺍﺗﺰﻭﺟﻚ
ﺭﻫﻒ ﻋﻢ ﺗﻘﺮﺃ ﺍﻟﺮﺳﺎﺋﻞ ﻭﻣﺼﺪﻭﻣﺔ ﻭﻋﺮﻓﺖ ﻣﻴﻦ ﻳﻠﻲ ﻋﻢ ﻳﺒﻌﺖ ﺑﺲ ﻣﺎﻓﻲ ﺷﻲ ﺑﻘﻠﺒﺎ ﺗﺠﺎﻫﻮ
ﺑﻌﺘﺖ ﻣﻴﻦ
# ﻫﻠﻖ ﻣﻌﺪ ﺗﻌﺮﻓﻲ ﻣﻴﻦ
ﺍﻧﺎ ﻋﺒﻴﺪﺓ
ﺭﻫﻒ : ﺍﻫﻠﻴﻦ ﻋﺒﻴﺪﺓ
ﻋﺒﻴﺪﺓ : ﻟﻴﺶ ﻣﺎ ﻗﻠﺘﻴﻠﻲ ﺍﻧﻚ ﺑﺪﻙ ﺗﺘﻄﻠﻘﻲ
ﺭﻫﻒ : ﻭﻟﻴﺶ ﻟﺤﺘﻰ ﺧﺒﺮﻙ
ﻋﺒﻴﺪﺓ : ﺍﻧﺎ ﺑﺤﺒﻚ ﺍﻧﺎ ﺑﻤﻮﺕ ﻓﻴﻜﻲ ﺭﻫﻒ ﺑﺪﻱ ﺍﻳﺎﻛﻲ ﺍﻧﺎ ﺭﺡ ﻃﻠﻖ ﻣﺮﺗﻲ ﻭﺍﺑﻌﺘﺎ ﻟﻌﻨﺪ ﺍﻫﻼ ﻭﺍﻧﺘﻲ ﺑﺪﻙ ﺷﻬﺮ ﺑﺘﺨﻠﺼﻲ ﺍﻟﻌﺪﺓ ﻭﺑﻨﺘﺰﻭﺝ
ﺭﻫﻒ : ﻻ ﻭﺍﺛﻖ ﻣﻦ ﺣﺎﻟﻚ ﻛﺘﻴﺮ .
ﺍﻧﺎ ﻣﺎﺑﺪﻱ ﺍﺗﺰﻭﺟﻚ ﻭﻣﺎﺑﺤﺒﻚ
ﻋﺒﻴﺪﺓ : ﺍﻧﺘﻲ ﻭﺣﺪﺓ ﻛﺬﺍﺑﺔ
ﺭﻫﻒ : ﻋﻢ ﻗﻠﻚ ﻭﺍﻟﻠﻪ ﻣﺎﺑﺤﺒﻚ ﺷﺒﻚ ﻣﺎﺑﺘﺼﺪﻕ
ﻋﺒﻴﺪﺓ : ﻃﻴﺐ ﻣﺎﺷﻲ ﺑﺲ ﺍﻧﺎ ﺑﺤﺒﻚ ﻭﺑﺪﻱ ﺍﻳﺎﻛﻲ ﻭﺑﺪﻱ ﺍﺗﺰﻭﺟﻚ ﻭﺍﺫﺍ ﻣﺎﺑﻜﻴﻔﻚ ﻏﺼﺐ ﻋﻨﻚ
ﺭﻫﻒ : ﻭﻣﺮﺗﻚ
ﻋﺒﻴﺪﺓ : ﺭﺡ ﻃﻠﻘﺎ
ﺭﻫﻒ : ﻻ ﺗﻜﻮﻥ ﻣﺘﻞ ﻧﺼﺮ ﻭﺧﻠﻴﻚ ﺯﻟﻤﺔ ﻭﺿﻞ ﻣﻊ ﻣﺮﺗﻚ ﻭﺣﺒﻮ ﺑﻌﺾ ﺍﻧﺎ ﻣﺎﻧﻲ ﺍﻟﻚ ﻭﻻ ﺭﺡ ﻛﻮﻥ ﺑﻴﻮﻡ ﻣﻦ ﺍﻻﻳﺎﻡ ﺍﻟﻚ
ﻋﺒﻴﺪﺓ : ﺭﻫﻒ ﺍﻧﺎ ﻣﺎﻋﻢ ﺍﻗﺪﺭ ﻓﻜﺮ ﻏﻴﺮ ﻓﻴﻜﻲ
ﺭﻫﻒ : ﻻ ﺗﻔﻜﺮ ﻓﻴﻨﻲ ﺑﺘﻨﺴﺎﻧﻲ ﻭﻫﻠﻖ ﺳﻼﻡ
ﺭﺡ ﺍﺣﻈﺮﻙ ﻉ ﺍﻟﻮﺍﺗﺲ ﺍﺏ ﻭﺍﺫﺍ ﺑﺘﺤﺎﻭﻝ ﺍﺗﺪﺍﻳﻘﻨﻲ ﺭﺡ ﻏﻴﺮ ﺭﻗﻤﻲ .
ﺍﻓﻬﺎﻡ ﺍﻧﺎ ﻣﺎﺑﺤﺒﻚ ﻭﺑﻌﺘﺒﺮ ﻛﻞ ﺍﻟﺰﻟﻢ ﻣﺘﻞ ﺑﻌﻀﻮﻥ ﻳﻼ ﺳﻼﻡ
ﻋﺒﻴﺪﺓ ﺟﺎﺭﻱ ﺍﻟﻜﺘﺎﺑﺔ .. ﺣﻈﺮﺗﻮ ﻗﺒﻞ ﻣﺎﺗﻌﺮﻑ ﺷﻮ ﻋﻢ ﻳﻜﺘﺐ
ﺭﻫﻒ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ .. ﻣﺴﺘﺤﻴﻞ ﺧﻠﻲ ﻣﺮﺗﻚ ﺗﻤﺮ ﺑﻨﻔﺲ ﺗﺠﺮﺑﺘﻲ ﻫﻴﺔ ﻣﺎﻟﻬﺎ ﺫﻧﺐ ... ﻭﺑﻌﺪﻳﻦ ﻟﻴﺶ ﻋﻢ ﺑﺮﺭ ﻟﺤﺎﻟﻲ ﺍﻧﺎ ﺧﻠﺺ ﻣﺎﺑﺤﺒﻮ .. ﻫﻬﻬﻪ ﻫﺎﺩ ﻳﻠﻲ ﻧﺎﻗﺺ ﻋﺒﻴﺪﺓ ﺍﻓﻨﺪﻱ
...................................
ﻧﺼﺮ : ﺍﺳﻤﻬﺎﻥ ﻗﻮﻣﻲ ﻋﻤﻠﻴﻠﻲ ﻓﻄﻮﺭ ﺑﺪﻱ ﺭﻭﺡ ﻉ ﺍﻟﺸﻐﻞ
ﺍﺳﻤﻬﺎﻥ : ﺣﺒﻴﺒﻲ ﻭﺍﻟﻠﻪ ﻧﻌﺴﺎﻧﺔ ﺭﻭﺡ ﻛﻮﻝ ﺍﻱ ﺷﻐﻠﺔ
ﻧﺼﺮ : ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ﺍﻟﻌﻠﻲ ﺍﻟﻌﻈﻴﻢ
ﻗﺎﻡ ﺭﺍﺡ ﻉ ﺍﻟﻤﻄﺒﺦ ﻋﻤﻞ ﺳﻨﺪﻭﻳﺸﺔ ﺯﻋﺘﺮ ﻭﺭﺍﺡ ﻋﻠﻰ ﺷﻐﻠﻮ .... ﺍﺍﺍﺍﺥ ﺍﻟﻠﻪ ﻳﺮﺣﻢ ﺍﻳﺎﻣﻚ ﻳﺎ ﺭﻫﻒ ﻗﺎﻝ ﻣﺎﺑﺘﻌﺮﻑ ﺧﻴﺮﻭ ﻟﺘﺠﺮﺏ ﻏﻴﺮﻭ ... ﺷﻮ ﻧﺼﺮ ﺷﻜﻠﻚ ﻋﻢ ﺗﺤﻦ .. ﺍﻱ ﻭﺍﻟﻠﻪ ﻋﻢ ﺣﻦ ... ﺭﻫﻒ ﻻﺯﻡ ﺗﺮﺟﻊ ﻋﺎﻟﺒﻴﺖ ﻣﻦ ﻳﻮﻡ ﻳﻠﻲ ﻃﻠﻘﺘﺎ ﻣﺎﻋﺮﻓﺖ ﻃﻌﻤﺖ ﺗﻤﻲ .... ﻭﺑﻜﻮﻥ ﺭﺍﺳﻬﺎ ﻻﻥ ﺷﻮﻱ ﻳﻼ ﺍﻟﻴﻮﻡ ﺑﺮﻭﺡ ﻭﺑﺸﻮﻓﺎ
........................
ﺳﻤﻌﺖ ﺍﻟﺒﺎﺏ ﻋﻢ ﻳﻨﺪﻕ ﺭﺍﺣﺖ ﻓﺘﺤﺖ ﻭﻛﺎﻥ ﻗﻴﺲ
ﺭﻫﻒ : ﺍﻫﻼ ﻭﺳﻬﻼ ﻓﻮﺕ ﻓﻮﺕ ﻳﺎﻣﻴﺖ ﺍﻫﻼ ﻭﺳﻬﻼ ﺑﺄﺑﻦ ﺧﺎﻟﺘﻲ
ﻗﻴﺲ : ﻛﻴﻔﻚ ﺭﻫﻒ
ﺭﻫﻒ : ﺍﻟﺤﻤﺪ ﻟﻠﻪ ﺗﻔﻀﻞ ﻓﻮﺕ ... ﺧﺎﻟﺘﻲ ﺗﻌﻲ ﺷﻮﻓﻲ ﻣﻴﻦ ﺍﺟﺎ
ﻃﻠﻌﺖ ﺍﻡ ﻗﻴﺲ ﻣﻦ ﺍﻟﻤﻄﺒﺦ ﻭﺭﺍﺣﺖ ﺿﻤﺖ ﺍﺑﻨﺎ ﻭﺻﺎﺭﺕ ﺗﺒﻮﺳﻮ
ﻗﻴﺲ : ﻛﻴﻔﻚ ﻣﺎﻣﺎ
ﻓﺎﻃﻤﺔ : ﻣﺸﺘﺎﻗﺘﻠﻜﻦ ﻳﺎﻧﻮﺭ ﻋﻴﻮﻧﻲ .. ﻗﻠﻲ ﻛﻴﻔﻦ ﺍﺧﻮﺍﺗﻚ
ﻗﻴﺲ ﻛﻠﻮﻥ ﺑﺨﻴﺮ
ﻓﺎﻃﻤﺔ : ﻭﺍﺑﻮﻙ ﺷﻮ ﺍﺧﺒﺎﺭﻭ
ﻗﻴﺲ : ﻭﺍﻟﻠﻪ ﺍﺑﻲ ﺿﺎﻳﺞ ﻋﻠﻴﻜﻲ
ﻓﺎﻃﻤﺔ : ﻛﻼ ﺷﻬﺮ ﺯﻣﺎﻥ ﻟﺤﺘﻰ ﺗﺤﺼﻞ ﺭﻫﻒ ﻋﻠﻰ ﺍﻟﺤﻀﺎﻧﺔ ﺑﺎﺧﺪﺍ ﻭﺑﻨﺮﻭﺡ ﺍﻧﺎ ﻭﺍﻳﺎﻫﺎ
ﻗﻴﺲ ﺍﺗﻄﻠﻊ ﻋﻠﻰ ﺭﻫﻒ ﺑﻄﺮﻑ ﻋﻴﻨﻮ ﻭﻗﺎﻝ ﻛﻴﻔﻚ ﺭﻫﻒ
ﺭﻫﻒ : ﺍﻟﺤﻤﺪ ﻟﻠﻪ
ﺭﻫﻒ : ﺍﻧﺎ ﺭﺍﻳﺤﺔ ﺟﻬﺰ ﺍﻟﻔﻄﻮﺭ
ﻗﺮﺑﺖ ﻓﺎﻃﻤﺔ ﻣﻦ ﻗﻴﺲ ﻭﻫﻤﺴﺖ ﺑﺄﺩﻧﻮ ﻟﻴﺶ ﻫﻴﻚ ﺣﻜﻴﺖ ﻣﻊ ﺑﻨﺖ ﺧﺎﻟﺘﻚ
ﻗﻴﺲ : ﺷﻮ ﺣﻜﻴﺖ
ﻓﺎﻃﻤﺔ : ﻗﻠﺘﻼ ﻛﻴﻔﻚ ﺑﻼ ﻧﻔﺲ
ﻗﻴﺲ : ﻣﺎﻓﻲ ﺷﻲ ﺍﻟﻤﻬﻢ ﻣﺎﻗﻠﺘﻴﻠﻲ ﻟﻴﺶ ﺍﺗﻄﻠﻘﺖ
ﻓﺎﻃﻤﺔ : ﺧﻠﺺ ﺑﻌﺪﻳﻦ ﺳﺎﻟﻔﺔ ﻃﻮﻳﻠﺔ
ﻗﻴﺲ : ﺍﻣﻤﻤﻢ ... ﻳﺸﻮﻓﻮ ﺗﻨﻘﺎﻳﺘﻮﻥ ﻣﺎ ﺍﺣﻼﻫﺎ
ﻓﺎﻃﻤﺔ : ﻋﻦ ﺷﻮ ﻋﻢ ﺗﺤﻜﻲ
ﻗﻴﺲ : ﻣﺎﻓﻲ ﺷﻲ ﺍﻧﺎ ﻗﺎﻳﻢ ﻓﻮﺕ ﻋﻐﺮﻓﺘﻲ ﻭﻏﻴﺮ ﺗﻴﺎﺑﻲ
ﻓﺎﻃﻤﺔ : ﻓﻮﺕ ﻉ ﻏﺮﻓﺔ ﺍﺧﺘﻚ ﻻﻧﻮ ﻏﺮﻓﺘﻚ ﺍﺧﺪﺗﺎ ﺭﻫﻒ ﻻﻧﻬﺎ ﻛﺒﻴﺮﺓ ﻣﺸﺎﻥ ﺗﻨﺎﻡ ﻫﻴﺔ ﻭﺍﺑﻨﺎ
ﻗﻴﺲ : ﻛﻤﺎﻥ ﺍﺧﺪﺕ ﻏﺮﻓﺘﻲ ﺑﻌﺪ ﻣﺎ ﺍﺧﺪﺕ ﺭﻭﺣﻲ
ﻓﺎﻃﻤﺔ : ﺷﻮ ﻗﻠﺖ
ﻗﻴﺲ : ﻣﺎﻓﻲ ﺷﻲ
ﻓﺎﺕ ﻏﻴﺮ ﺗﻴﺎﺑﻮ ﻭﻃﻠﻊ ﻛﺎﻧﺖ ﺭﻫﻒ ﻣﺠﻬﺰﺓ ﺍﻟﻔﻄﻮﺭ ﻭﻗﻌﺪ ﻓﻄﺮ ﻭﻛﺎﻥ ﻣﺘﺠﺎﻫﻞ ﺭﻫﻒ ﻭﻭﺟﻮﺩﺍ ﺗﻤﺎﻣﺎ
ﻭﻫﻴﺔ ﺣﺴﺖ ﺍﻧﻮ ﻫﻮ ﻣﺎﻧﻮ ﻃﺎﻳﻘﺎ ﻗﺎﻣﺖ ﺗﺮﻛﺘﻮ ﻭﻓﺎﺗﺖ ﻋﻠﻰ ﻏﺮﻓﺘﺎ
ﺭﻫﻒ : ﺷﺒﻮ ﻫﺎﺩ ﻭﻋﻠﻰ ﺷﻮ ﺷﺎﻳﻒ ﺣﺎﻟﻮ ﻣﺎﻛﺎﻥ ﻫﻴﻚ ﻣﻦ ﺯﻣﺎﻥ ﻣﻌﻘﻮﻝ ﻣﺪﺍﻳﻖ ﻣﻨﻲ ﻻﻧﻮ ﺑﺪﻱ ﻋﻴﺶ ﻣﻌﻮﻥ .. ﻣﻌﻘﻮﻭﻭﻝ ... ﻻ ﻳﺎﺭﺑﻲ ﻭﻳﻦ ﺑﺪﻱ ﺭﻭﺡ ﺑﺤﺎﻟﻲ ﻛﻞ ﺍﻟﻌﺎﻟﻢ ﺑﺘﻜﺮﻫﻨﻲ ﻛﻞ ﺍﻟﻌﺎﻟﻢ ﻣﺎﺑﺪﻫﺎ ﺍﻳﺎﻧﻲ ﻗﻌﺪﺕ ﻭﺻﺎﺭﺕ ﺗﺒﻜﻲ
ﺭﻫﻒ : ﺍﺫﺍ ﻫﺎﻟﺤﻜﻲ ﻣﻈﺒﻮﻁ ﺭﺡ ﺍﺗﺮﻙ ﺧﺎﻟﺘﻲ ﻭﺭﻭﺡ ﺣﺘﻰ ﻟﻮ ﺑﺪﻱ ﻋﻴﺶ ﺑﺎﻟﺸﺎﺭﻉ ... ﺍﻭﻭﻑ ﻳﺎﺍﺍﻩ ﻭﺍﻟﻠﻪ ﻣﻠﻴﺖ
ﻓﺎﻃﻤﺔ : ﻟﻚ ﺷﺒﻚ ﻟﻴﺶ ﻫﻴﻚ ﻋﻢ ﺗﻌﺎﻣﻼ ﻟﺮﻫﻒ
ﻗﻴﺲ : ﻟﻚ ﻣﺎﻧﻲ ﻋﻢ ﺍﻋﻤﻼ ﺷﻲ ﺩﺍﻳﻤﺔ ﺷﺒﻌﺖ
ﻓﺎﺕ ﻗﻴﺲ ﻋﻠﻰ ﻏﺮﻓﺘﻮ ﻭﻃﺒﺶ ﺍﻟﺒﺎﺏ ﻏﻤﺾ ﻋﻴﻮﻧﻮ ﻭﺻﺎﺭ ﻳﺘﺬﻛﺮ
# ﻓﻼﺍﺍﺍﺍﺵ ﺑﺎﺍﺍﻙ #
ﻗﻴﺲ : ﺑﺘﻮﺻﻠﻲ ﻫﺎﻱ ﺍﻟﺮﺳﺎﻟﺔ ﻟﺮﻫﻒ ﻋﻢ ﺗﻔﻬﻤﻲ
ﻧﻮﺭ : ﺍﻭﻙ
ﻗﻴﺲ : ﺧﻠﻴﻬﺎ ﺗﻘﺮﺍﻫﺎ ﻗﺪﺍﻣﻚ ﺑﺪﻱ ﺍﺳﻤﻊ ﺟﻮﺍﺑﺎ ﻣﻌﺪ ﺍﺳﺘﺤﻤﻞ ﺍﻛﺘﺮ ﻣﻦ ﻫﻴﻚ
ﻧﻮﺭ : ﻣﺎﺷﻲ .. ﻣﺎﺷﻲ .. ﻳﻼ ﺳﻼﻡ
ﺭﺟﻌﺖ ﻧﻮﺭ
ﻗﻴﺲ : ﺷﻮ ﻗﺮﺗﻬﺎ
ﻧﻮﺭ : ﺍﻱ
ﻗﻴﺲ : ﻭﺷﻮ ﻗﺎﻟﺘﻠﻚ
ﻧﻮﺭ : ﻗﺎﻝ ﻫﻴﺔ ﻣﺎﺑﺘﺤﺒﻚ ﻭﺑﺘﺤﺐ ﺍﺑﻦ ﻋﻤﻬﺎ ﻧﺼﺮ
ﻗﻴﺲ : ﺷﻮﻭﻭﻭ ﻫﻴﺔ ﻫﻴﻚ ﻗﺎﻟﺘﻠﻚ
ﻧﻮﺭ : ﺍﻱ ﻫﻴﺔ ﻫﻴﻚ ﻗﺎﻟﺘﻠﻲ ﺑﺎﻟﺤﺮﻑ ﺍﻟﻮﺍﺣﺪ
ﻗﻴﺲ : ﺍﻭﻙ ﻳﺴﻠﻤﻮ ﻓﻴﻜﻲ ﺗﺮﻭﺣﻲ
#### ﺑﺎﺍﺍﺍﺍﺍﺍﻙ ####
ﻗﻴﺲ : ﻫﻬﻬﻬﻬﻪ ﻫﺎﺩ ﻳﻠﻲ ﻃﻠﻌﻠﻚ ﻣﻦ ﺍﺑﻦ ﻋﻤﻚ .. ﺑﺲ ﻛﻞ ﺍﻟﻨﺴﻮﺍﻥ ﺧﺎﻳﻨﺎﺕ ﻣﺎ ﺑﺲ ﻫﻴﺔ ﻟﻚ ﺣﺘﻰ ﻣﺮﺗﻲ ﻃﻠﻌﺖ ﺧﺎﻳﻨﺔ ﻟﺒﺲ ﻭﻃﻠﻊ
ﺑﻌﺪ ﺷﻮﻱ ﺍﻧﺪﻕ ﺍﻟﺒﺎﺏ ﻃﻠﻌﺖ ﺭﻫﻒ ﺗﻔﺘﺢ ﻭﻛﺎﻥ ﻧﺼﺮ
ﻧﺼﺮ : ﻣﺮﺣﺒﺎ ﻣﺪﺍﻡ ﺭﻫﻒ ﺑﺪﻱ ﺷﻮﻑ ﺍﺑﻨﻲ ﺍﺫﺍ ﻣﺎﻋﻨﺪﻙ ﻣﺎﻧﻊ
ﺭﻫﻒ : ﻻ ﺗﻔﻀﻞ
ﻓﺎﻃﻤﺔ ﻟﻤﺎ ﻋﺮﻓﺖ ﺍﻧﻮ ﻧﺼﺮ ﻣﺎﻓﻌﻠﺖ ﺗﻄﻠﻊ
ﻧﺼﺮ : ﻭﻳﻨﻮ
ﺭﻫﻒ : ﻧﺎﻳﻢ ﺟﻮﺍ ﺗﻔﻀﻞ
ﻓﺎﺗﺖ ﻭﻫﻮ ﻓﺎﺕ ﻭﺭﺍﻫﺎ ﻭﺳﻜﺮ ﺍﻟﺒﺎﺏ
ﺭﻫﻒ : ﻟﻴﺶ ﺳﻜﺮﺗﻮ
ﻧﺼﺮ : ﺑﺪﻱ ﺍﺣﻜﻲ ﻣﻌﻚ
ﺭﻫﻒ : ﺑﺨﺼﻮﺹ ﺷﻮ
ﻧﺼﺮ : ﺭﻫﻒ ﺑﺤﺒﻚ
ﺭﻫﻒ : ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻬﻬﻪ
ﻧﺼﺮ : ﻋﻢ ﺍﺣﻜﻲ ﺟﺪ ﺍﻧﺎ ﻟﻤﺎ ﻃﻠﻘﺘﻚ ﺣﺴﻴﺖ ﺭﻭﺣﻲ ﻃﻠﻌﺖ ﻣﻨﻲ ﻭﻣﺎﻛﻨﺖ ﺑﻌﺮﻑ ﺍﻧﻲ ﺑﺤﺒﻚ ﻏﻴﺮ ﻟﻤﺎ ﻋﻢ ﺍﺷﺘﻘﻠﻚ ﻛﻞ ﻳﻮﻡ ﻭﺍﻟﻠﻪ ﻛﻞ ﻳﻮﻡ ﻋﻢ ﺍﺷﺘﻘﻠﻚ ﻟﻚ ﺍﻧﺎ ﻣﺎﺑﺲ ﻃﻠﻌﺖ ﺑﺤﺒﻚ ﺍﻧﺎ ﻃﻠﻌﺖ ﻣﻴﺖ ﻋﻠﻴﻜﻲ
ﺭﻫﻒ : ﻳﻌﻨﻲ ﻫﻲ ﻣﺰﺣﺔ ﺟﺪﻳﺪﺓ
ﻧﺼﺮ : ﻟﻚ ﺻﺪﻗﻴﻨﻲ .. ﺍﺟﺎ ﺑﺪﻭ ﻳﻘﺮﺏ
ﺭﻫﻒ : ﺧﻠﻴﻚ ﻋﻨﺪﻙ ﺍﺫﺍ ﺑﺘﻘﺮﺏ ﺧﻄﻮﺓ ﺑﻌﻴﻂ ﻋﻤﻼﺕ ﺻﻮﺗﻲ ﻭﺑﺨﻠﻲ ﺧﺎﻟﺘﻲ ﺗﺘﺼﺮﻑ ﻣﻌﻚ
ﻧﺼﺮ : ﻃﻴﺐ ﺳﻤﻌﻴﻨﻲ ﺧﻠﻴﻨﺎ ﻧﺮﺟﻊ ﻋﻠﻰ ﺑﻴﺘﻨﺎ ﻭﺑﻨﺮﺑﻲ ﺍﺑﻨﺎ ﻭﺑﻮﻋﺪﻙ ﻟﻌﻮﺿﻚ ﻋﻦ ﻛﻞ ﻳﻮﻡ ﺍﺳﻴﺘﻚ ﻓﻴﻪ
ﺭﻫﻒ : ﻭﻟﻴﺶ ﻣﺎ ﺻﺤﻴﺖ ﻋﻠﻰ ﺣﺎﻟﻚ ﻟﻤﺎ ﻛﻨﺖ ﻋﻨﺪﻙ
ﻧﺼﺮ : ﺍﺧﺮ ﻓﺘﺮﺓ ﺑﻠﺸﺖ ﺣﺲ ﻓﻴﻜﻲ ﻭﻛﻨﺖ ﺍﺷﺘﻘﻠﻚ ﺑﺲ ﺍﻧﺘﻲ ﺻﺮﺗﻲ ﺗﺼﺪﻳﻨﻲ ﻭﻛﻨﺖ ﻭﺍﻋﺪ ﺍﺳﻤﻬﺎﻥ ﺑﺎﻟﺰﻭﺍﺝ ﻭﻛﻨﺖ ﻣﺄﻗﻨﻊ ﺣﺎﻟﻲ ﺍﻧﻲ ﺑﺤﺒﺎ ﺑﺲ ﻫﻠﻖ ﺍﻛﺘﺸﻔﺖ ﺍﻧﻮ ﺍﻟﺤﺐ ﻛﻠﻮ ﺻﺎﺭ ﺍﻟﻚ
ﺭﻫﻒ : ﻭﺍﺳﻤﻬﺎﻥ ﺷﻮ ﺑﺪﻭ ﻳﺼﻴﺮ ﻓﻴﻬﺎ
ﻧﺼﺮ : ﻣﺎﺭﺡ ﻳﺼﻴﺮ ﻋﻠﻴﻬﺎ ﺷﻲ ﺍﻧﺘﻲ ﺑﺒﻴﺘﻚ ﻭﻫﻴﺔ ﺑﺒﻴﺘﻬﺎ ﺍﺭﺟﻌﻲ ﺧﻠﻴﻨﺎ ﻧﺮﺑﻲ ﺍﺑﻨﺎ ﺳﻮﻯ ﻻ ﺗﻔﻜﺮﻱ ﻓﻴﻨﻲ ﺑﺲ ﻓﻜﺮﻱ ﺑﺄﺑﻨﺎ ﻭﻣﺎﺣﻠﻮﺓ ﻳﻌﻴﺶ ﺑﻴﻦ ﻭﺑﻴﻨﻚ ﻭﺑﻌﺪﻳﻦ ﺍﻧﺘﻲ ﻫﻮﻥ ﻣﺮﺗﺎﺣﺔ ﻋﻨﺪ ﺧﺎﻟﺘﻚ ﺑﺪﺍ ﺗﺘﺤﻤﻠﻚ ﻳﻮﻡ ﻳﻮﻣﻴﻦ ﺷﻬﺮ ﺷﻬﺮﻳﻦ ﻭﺑﻌﺪﻳﻦ ﺍﺍﺍﻩ ﻗﻮﻟﻴﻠﻲ ﻭﺑﻌﺪﻳﻦ ... ﻭﻫﻤﺎﻡ ﺍﻟﻮﻟﺘﻬﺎ ﻭﺍﺧﺮﺗﺎ ﺭﺡ ﻳﺮﺟﻊ ﻳﻌﻴﺶ ﻋﻨﺪﻱ ﻓﻤﺤﺪﺍ ﺭﺡ ﻳﻜﻮﻥ ﺧﺴﺮﺍﻥ ﻏﻴﺮ ﺍﻧﺘﻲ
ﺭﻫﻒ : ﺍﻭﻻ ﺍﻧﺎ ﻣﺎﻧﻲ ﺧﺮﺍﺏ ﺑﻴﻮﺕ ﻣﺘﻞ ﻣﺮﺗﻚ ﻣﺸﺎﻥ ﺍﺧﺮﺑﻼ ﺑﻴﺘﺎ ﻭﺛﺎﻧﻴﺎ ﺍﺑﻨﺎ ﺭﺡ ﻳﻀﻞ ﻣﻌﻲ ﻻﺧﺮ ﻳﻮﻡ ﻭﻣﺤﺪﺍ ﺭﺡ ﻳﺎﺧﺪﻭ ﻣﻨﻲ ﻭﻉ ﺧﺎﻟﺘﻲ ﻻ ﺗﺎﻛﻞ ﻫﻢ ﺍﻧﺎ ﺭﺡ ﺍﻗﻌﺪ ﻟﺤﺎﻟﻲ ﻭﺍﺳﺲ ﺣﺎﻟﻲ ﻣﻦ ﺍﻭﻝ ﻭﺟﺪﻳﺪ ﻭﻣﺎﻧﻲ ﺑﺤﺎﺟﺔ ﺣﺪﺍ ﻭﺍﻫﻢ ﺷﻲ ﺍﻧﺘﻲ ﻣﺎ ﺑﺘﺴﺘﺎﻫﻞ ﻭﻻ ﻓﺮﺻﺔ ﻻﻧﻮ ﺍﻧﺎ ﻛﺘﻴﺮ ﺣﺎﻭﻟﺖ ﻣﻌﻚ ﻭﺍﻧﺖ ﺗﺼﺪﻧﻲ ﻭﻛﻠﻤﺔ ( ﻣﻨﻴﺢ ﻳﻠﻲ ﺣﺎﻭﻳﻜﻲ ) ﺣﻄﻴﻠﻲ ﺍﻳﺎﻫﺎ ﺑﻴﻦ ﻗﻮﺳﻴﻦ ﺍﻧﺎ ﺑﺤﻴﺎﺗﻲ ﻣﺎﺭﺡ ﺳﺎﻣﺤﻚ ﻋﻠﻴﻬﺎ ﻭﻫﻠﻖ ﺗﻔﻀﻞ ﻃﻼﻉ ﻟﺒﺮﺍ ﺍﺑﻨﻚ ﻧﺎﻳﻤﺔ ﻭﻣﻌﺪ ﻳﻔﻴﻖ ﺑﺴﺎﻋﺔ ﺍﺫﺍ ﺑﺪﻙ ﺑﺘﺤﺐ ﺗﺠﻲ ﻣﺮﺓ ﺗﺎﻧﻴﺔ
ﻧﺼﺮ : ﺑﺴﻴﻄﺔ ﻳﺎ ﺭﻫﻒ ﻗﺪ ﻣﺎﻋﻨﺪﺗﻲ ﺑﺲ ﻣﺮﺟﻮﻋﻚ ﻟﻌﻨﺪﻱ
ﻓﺘﺢ ﺍﻟﺒﺎﺏ ﻟﻴﻄﻠﻊ .. ﺑﻴﻄﻠﻊ ﺑﻮﺟﻬﻮ ﻗﻴﺲ
ﻗﻴﺲ : ﺷﻲ ﺣﻠﻮ ... ﺷﻮ ﻳﺎﺑﻨﺖ ﺧﺎﻟﺘﻲ ﻋﺄﺳﺎﺱ ﺍﺗﻄﻠﻘﺘﻲ .. ﺷﻮ ﻋﻢ ﺗﻌﻤﻠﻲ ﺍﻧﺘﻲ ﻭﺍﻳﺎﻩ ﺑﻐﺮﻓﺔ ﻟﺤﺎﻟﻜﻦ ﻭﻣﺴﻜﺮﻳﻦ ﺍﻟﺒﺎﺏ
ﻧﺼﺮ : ﻭﺍﻧﺖ ﺷﻮ ﺩﺧﻠﻚ ﻫﻲ ﻣﺮﺗﻲ ﻭﻣﺤﺪﺍ ﺩﺧﻠﻮ ﺑﻴﻨﺎﺗﻨﺎ
ﻗﻴﺲ : ﺷﻮ ﻋﻢ ﺍﺳﻤﻊ ﻳﺎﺭﻫﻒ .. ﺟﻮﺯﻙ؟
ﻧﺼﺮ : ﺟﻮﺯﺍ ﻭﻏﺼﺐ ﻋﻨﻚ
ﻗﻴﺲ : ﻣﺰﺍﻝ ﻣﺮﺗﻚ ﺧﺪﺍ ﻭﻓﺮﻗﻨﺎ ﺑﺮﻳﺤﺔ ﻃﻴﺒﺔ ﺍﻧﺖ ﻭﺍﻳﺎﻫﺎ
ﻃﻠﻌﺖ ﻓﺎﻃﻤﺔ ﻣﻦ ﻏﺮﻓﺘﺎ ﻋﻠﻰ ﺍﻟﺼﻮﺕ
ﻧﺼﺮ : ﺷﺎﻳﻔﺔ ﻳﺎﻣﺪﺍﻡ ﻫﺎﻱ ﺗﻘﻠﻴﻌﺔ ﺑﺸﺮﻑ
ﺻﺎﺭﺕ ﺗﺒﻜﻲ
ﺭﻫﻒ : ﻟﻚ ﻃﻼﻉ ﻣﻦ ﺣﻴﺎﺗﻲ ﺍﻧﺎ ﺑﻜﺮﻫﻚ ﺑﻜﺮﻫﻚ ﻭﺍﻧﺎ ﻣﺴﺘﺤﻴﻞ ﺍﺭﺟﻌﻠﻚ ﻭﻣﺘﺴﺤﻴﻞ ﻛﻮﻥ ﻣﺮﺗﻚ ﻣﺮﺓ ﺗﺎﻧﻴﺔ
ﻓﺎﻃﻤﺔ : ﻟﻚ ﺍﻧﺖ ﻣﻌﺪ ﺗﺤﻞ ﻋﻦ ﻫﺎﻟﺒﻨﺖ
ﻧﺼﺮ : ﻣﺮﺗﻲ ﻭﺑﺪﻱ ﺭﺟﻌﺎ
ﺭﻫﻒ : ﻟﻚ ﻣﺎﺑﺪﻱ ﺍﻳﺎﻙ ﻣﺎﺑﺪﻱ ﺍﻳﺎﻙ ﺭﻭﻭﻭﺡ ..
ﻧﺼﺮ : ﺑﺴﻴﻄﺔ ﻳﺎﺭﻫﻒ
ﻃﻠﻊ ﻭﻃﺒﺶ ﺍﻟﺒﺎﺏ
ﻭﺍﻗﻒ ﻗﻴﺲ ﻣﺎﻋﻢ ﻳﺤﻜﻲ
ﺭﻫﻒ : ﻗﻴﺲ ﺍﻧﺖ ﻣﻦ ﺍﻭﻝ ﻣﺎﺟﻴﺖ ﺍﻟﻴﻮﻡ ﻭﺍﻧﺎ ﺣﺎﺳﺴﺘﻚ ﻣﺎﻧﻚ ﻃﺎﻳﻘﻨﻲ ﺍﻭ ﻣﺎﻧﻚ ﻃﺎﻳﻖ ﻭﺟﻮﺩﻱ .. ﺍﻧﺎ ﺍﻟﻈﺎﻫﺮ ﺗﻘﻠﺖ ﻋﻠﻴﻜﻦ ﻭﺭﺡ ﺍﺗﺮﻛﻦ ﻭﺍﻧﺖ ﺧﺎﻟﺘﻲ ﺭﺟﻌﻲ ﻟﻌﻨﺪ ﻋﻴﻠﺘﻚ ﻭﻭﻻﺩﻙ ﻣﺎﻓﻲ ﺩﺍﻋﻲ ﺗﻀﻠﻲ ﻫﻮﻥ ﻣﺸﺎﻧﻲ
ﻓﺎﻃﻤﺔ : ﻻ ﻳﺎﺑﻨﺘﻲ ﺍﻧﺎ ﺑﺤﻄﻚ ﺑﻌﻴﻮﻧﻲ ﺑﺲ ﻗﻴﺲ ﻣﺎﻗﺼﺪﻭ
ﺗﺮﻛﺘﻮﻥ ﻭﻓﺎﺗﺖ ﻉ ﺍﻟﻐﺮﻓﺔ ﻭﻗﻔﻠﺖ ﻋﻠﻰ ﺣﺎﻻ
ﻓﺎﻃﻤﺔ : ﺭﻫﻒ ﻳﺎﺑﻨﺘﻲ ﺍﻓﺘﺤﻲ ﺷﻮ ﻋﻢ ﺗﻌﻤﻠﻲ .. ﺭﻫﻔﻒ ... ﻟﻚ ﻟﻴﺶ ﻫﻴﻚ ﺣﻜﻴﺘﺎ
ﻗﻴﺲ : .....
ﺑﻌﺪ ﺷﻮﻱ ﻃﻠﻌﺖ ﺭﻫﻒ ﻭﻫﻴﺔ ﺣﺎﻣﻠﺔ ﺍﺑﻨﺎ ﻭﺷﻨﺘﺎﻳﺖ ﺗﻴﺎﺑﺎ ﺑﺄﻳﺪﺍ ﺍﻟﺘﺎﻧﻲ
ﻓﺎﻃﻤﺔ : ﻭﺍﻟﻠﻪ ﺧﻄﻮﺓ ﺑﺮﺍﺕ ﻫﺎﻟﺒﻴﺖ ﻣﺎﺑﺘﻄﻠﻌﻲ
ﺭﻫﻒ : ﺧﻠﺺ ﺧﺎﻟﺘﻲ ﺑﻜﻔﻲ ﻟﻬﻮﻥ ﺑﻘﻮﻝ ﺍﻟﻤﺘﻞ ﺗﻘﻞ ﺍﻟﻄﺤﺶ ﻉ ﺍﻣﻚ ﻭﺍﺑﻮﻙ ﺑﻴﻜﺮﻫﻮﻙ .. ﺍﻧﺎ ﺗﻘﻠﺖ ﻋﻠﻴﻜﻦ ﻭﺍﺳﺘﺮﻭ ﻣﺎﺷﻔﺘﻮ ﻣﻨﻲ
ﻓﺎﻃﻤﺔ : ﻋﻢ ﻗﻠﻚ ﻭﺍﻟﻠﻪ ﻣﺎﺑﺘﻄﻠﻌﻲ ﺧﻄﻮﺓ .. ﻭﻻ ﻭﺍﻟﻠﻪ ﺑﺰﻋﻞ ﻣﻨﻚ
ﺭﻫﻒ : ﺧﺎﻟﺘﻲ ﻣﺎﻓﻲ ﺍﻱ ﺣﺪﺍ ﺑﻴﻘﺪﺭ ﻳﻤﻨﻌﻨﻲ ﺍﻧﻲ ﺍﻃﻠﻊ ﻓﺒﻌﺪﻱ ﻋﻦ ﻃﺮﻳﻘﻲ ﺍﺣﺴﻦ ﻭﺍﻟﻠﻪ ﺑﺪﻕ ﻟﻨﺼﺮ ﻭﺑﺮﺟﻊ ﻟﻌﻨﺪﻭ
ﻗﻴﺲ : ﺭﺟﻌﻲ ﺍﻟﺸﻨﺘﺔ ﻋﻠﻰ ﺍﻟﻐﺮﻓﺔ ﺑﻼ ﻋﻼﻙ ﻓﺎﺿﻲ
ﺭﻫﻒ : ﺍﻧﺖ ﻣﺎﺩﺧﻠﻚ ﻓﻴﻨﻲ
ﻗﻴﺲ : ﻋﻢ ﻗﻠﻚ ﺭﺟﻌﻴﻬﺎ .. ﺍﺣﺴﻦ ﻭﺍﻟﻠﻪ ﺑﺘﺸﻮﻓﻲ ﺷﻲ ﻣﺎﺑﻴﻌﺠﺒﻚ
ﺭﻫﻒ : ﺷﻮ ﺑﺘﻌﻤﻞ
ﻗﻴﺲ : ﻫﻠﻖ ﺑﺎﺧﺪﻙ ﻋﻠﻰ ﺑﻴﺮﻭﺕ ﻭﺑﺎﺧﺪﻟﻚ ﻭﺍﺭﻗﻚ ﻟﺸﻮﻑ ﻛﻴﻒ ﺑﺪﻙ ﺗﺘﺼﺮﻓﻲ ﻭﺍﻗﺘﺎ
ﺭﻫﻒ : ﻣﺎﺑﺘﻘﺪﺭ ﺑﻘﻠﻮﻥ ﻉ ﺍﻟﺤﺪﻭﺩ ﺍﻧﻚ ﺧﺎﻃﻔﻨﻲ
ﻗﻴﺲ : ﺭﺡ ﺍﺧﺪﻙ ﻣﻦ ﻃﺮﻳﻖ ﺗﻬﺮﻳﺐ
ﺭﻫﻒ : ﻟﻴﺶ ﻓﻲ ﻃﺮﻗﺎﺕ ﺗﻬﺮﻳﺐ
ﻗﻴﺲ : ﻫﻬﻬﻬﻬﻪ ﻛﺘﻴﺮ
ﺭﻫﻒ ﺍﻧﺘﺒﻬﺖ ﻋﻠﻰ ﺣﺎﻻ ﻛﻴﻒ ﻋﻢ ﺗﺘﺒﺎﺩﻝ ﻣﻌﻮ ﺍﻟﺤﺪﻳﺚ ﻭﺻﺎﺭﺕ ﺗﻀﺤﻚ
ﻗﻴﺲ : ﺭﺟﻌﻲ ﺍﻟﺸﻨﺘﺔ ﻭﺗﻌﺎﻟﻲ ﻟﻨﺎﻛﻞ ﺭﺯ ﺑﺤﻠﻴﺐ ﺗﻌﺎﻟﻲ ﺑﺲ ﺍﻧﺎ ﺍﻧﻘﻬﺮﺕ ﻻﻧﻮ ﻟﻘﻴﺘﻮ ﻋﻨﺪﻙ ﺑﺎﻟﻐﺮﻓﺔ ﺑﺲ ﻫﻴﻚ ﺍﻧﺎ ﺍﺳﻒ
ﺭﻫﻒ : ﺑﺲ
ﻗﻴﺲ : ﺧﻠﺼﻴﻨﺎ ﺑﻼ ﺑﺴﺒﺴﺘﻚ ﺭﺟﻌﻲ ﺍﻟﻮﻟﺪ ﻭﻧﻴﻤﻪ ﻣﻜﺎﻧﻮ ﺣﺮﺍﻡ ﻋﻠﻴﻜﻲ
ﻃﻠﻌﺖ ﻭﻗﻌﺪﺕ ﻣﻌﻮﻥ ﻭﺻﺎﺭﻭ ﻳﺎﻛﻠﻮ ﺭﺯ ﺑﺤﻠﻴﺐ
ﻗﻴﺲ ﺗﺮﺩﺩ ﻗﺒﻞ ﻣﺎ ﻳﺴﺄﻻ ﺑﺲ ﺑﺎﻻﺧﻴﺮ ﺣﻜﻲ
ﻗﻴﺲ : ﺭﻫﻒ
ﺭﻫﻒ : ﺍﻱ ﻗﻠﻲ
ﻗﻴﺲ : ﻋﻢ ﺗﺤﻜﻲ ﻣﻊ ﻧﻮﺭ
ﺭﻫﻒ : ﻧﻮﺭ ؟ﻣﻴﻦ ﻧﻮﺭ
ﻗﻴﺲ : ﻧﻮﺭ ﻳﻠﻲ ﻛﺎﻧﺖ ﻣﻌﻚ ﺑﺎﻟﺜﺎﻧﻮﻳﺔ
ﺭﻫﻒ : ﺍﻳﻴﻲ ﺍﺗﺬﻛﺮﺗﺎ .. ﺑﺲ ﺍﻧﺎ ﻣﺎﻧﻲ ﺭﻓﻴﻘﺘﺎ ﻣﺎ ﻛﻨﺖ ﺣﺒﺎ ﻭﺑﺤﻴﺎﺗﻲ ﻣﺎ ﻭﻗﻔﺖ ﻣﻌﺎ
ﻗﻴﺲ : ﻣﺘﺄﻛﺪﺓ
ﺭﻫﻒ : ﻫﻬﻬﻪ ﺍﻱ ﻣﺘﺄﻛﺪﺓ ﺑﺲ ﺍﻧﺖ ﻟﻴﺶ ﻋﻢ ﺗﺴﺄﻝ ﺷﻜﻠﻚ ﻋﻢ ﺗﺤﻦ ﻻﻳﺎﻡ ﺯﻣﺎﻥ ﺑﺲ ﺍﺗﻄﻤﻦ ﺍﺗﺰﻭﺟﺖ ﻣﻦ ﺯﻣﺎﻥ
ﻗﻴﺲ : ﺣﻦ ﻻﻳﺎﻡ ﺯﻣﺎﻥ
ﺭﻫﻒ : ﺍﻱ ﻟﻴﺶ ﺍﻧﺘﻮﻣﺎﻛﻨﺘﻮ ﺗﺤﺒﻮ ﺑﻌﺾ
ﻗﻴﺲ : ﺷﻮﻭﻭ ﻧﺤﺐ ﺑﻌﺾ
ﺭﻫﻒ : ﻟﻚ ﺍﻱ ﺍﻧﺖ ﻭﻧﻮﺭ ﻣﺎ ﻛﺎﻧﺖ ﻛﻞ ﺍﻟﻤﺪﺭﺳﺔ ﺑﺘﻌﺮﻑ ﺍﻧﻜﻦ ﺑﺘﺤﺒﻮ ﺑﻌﺾ
ﻗﻴﺲ : ﻻ ﺍﻛﻴﺪ ﺍﻧﺘﻲ ﻏﻠﻄﺎﻧﺔ
ﺭﻫﻒ : ﻻ ﻣﺎﻧﻲ ﻏﻠﻄﺎﻧﺔ ﺷﻜﻠﻚ ﺍﻧﺖ ﺍﻟﻨﺴﻴﺎﻥ ﺍﻭ ﻣﺎﺑﺪﻙ ﺗﻌﺘﺮﻑ ﻭﺑﺎﻟﻌﻼﻣﺔ ﻛﻨﺖ ﺗﺠﻲ ﻉ ﺍﻟﻤﺪﺭﺳﺔ ﻟﺤﺘﻰ ﺗﺸﻮﻓﺎ ﻭﺍﻧﺎ ﺍﻛﺘﺮ ﻣﻦ ﻣﺮﺓ ﺷﻔﺘﻚ ﻭﺍﻗﻒ ﻣﻌﺎ
ﻗﻴﺲ : ﺷﻮﻭﻭﻭ ... ﻃﻴﺐ ﺷﻮ ﻋﺮﻓﻚ ﺍﻧﻮ ﺑﻨﺤﺐ ﺑﻌﺾ
ﺭﻫﻒ : ﻫﻴﺔ ﻛﺎﻧﺖ ﻃﺎﺑﻠﺔ ﺍﻟﺪﻧﻴﺎ ..
ﻗﻴﺲ : ﺭﻫﻒ ﺑﺲ ﺍﻧﺎ ﻣﺎﻛﻨﺖ ﺑﺤﺒﺎ
ﻫﻤﺎﻡ ﺻﺎﺭ ﻳﺒﻜﻲ
ﺭﻫﻒ : ﺑﺎﻻﺫﻥ ﺑﻨﺤﻜﻲ ﺑﻌﺪﻳﻦ
ﻃﻠﻌﺖ ﻓﺎﻃﻤﺔ ﻣﻦ ﺍﻟﻤﻄﺒﺦ ﻭﻣﻌﺎ ﺍﻟﺮﺯ ﺑﺤﻠﻴﺐ
ﻓﺎﻃﻤﺔ : ﺷﻮ ﻭﻳﻨﺎ ﺭﻫﻒ
ﻗﻴﺲ : ﺍﺑﻨﺎ ﺻﺎﺭ ﻳﺒﻜﻲ
ﻓﺎﻃﻤﺔ " ﻳﻼ ﻫﻠﻖ ﺑﻌﺪ ﻣﺎﺗﺮﺿﻌﻮ ﺑﺘﺠﻲ ﺑﺘﺎﻛﻞ
ﻗﻴﺲ : ﺍﻣﻲ ﻗﻮﻟﻴﻠﻲ ﻟﻴﺶ ﺭﻫﻒ ﺍﺗﻄﻠﻘﺖ
ﻓﺎﻃﻤﺔ : ﻳﺎﺣﺮﺍﻡ ﻫﺎﻟﺒﻨﺖ ﻣﻦ ﻳﻮﻡ ﻳﻮﻣﺎ ﻣﻜﺴﻮﺭﺓ ﺍﻟﺨﺎﻃﺮ ﻭﻣﺎﻟﻬﺎ ﺣﻆ .
ﻗﻴﺲ : ﻟﻴﺶ ﺷﻮ ﺻﺎﺭ
ﻓﺎﻃﻤﺔ : ﻟﻚ ﻣﺎ ﺍﻟﻤﻐﻀﻮﺏ ﺟﻮﺯﺍ ﺗﺰﻭﺟﺎ ﺑﺲ ﻻﻧﻮ ﻣﺎﺿﻠﻼ ﺣﺪﺍ ﻭﻛﺎﻥ ﻳﻀﻞ ﻳﻬﺘﺎ ﺍﻧﻮ ﺣﺎﻭﻳﻬﺎ ﻭﻫﻮ ﻣﺎﺑﺤﺒﺎ ﻭﺗﺰﻭﺝ ﻋﻠﻴﻬﺎ
ﻗﻴﺲ : ﺷﻮﻭﻭﻭ ... ﻟﻴﺶ ﻣﺎ ﺍﺧﺪﻭ ﺑﻌﺾ ﻋﻦ ﺣﺐ
ﻓﺎﻃﻤﺔ : ﻟﻚ ﺍﻱ ﺣﺐ ﺭﻫﻒ ﺑﺤﻴﺎﺗﺎ ﻣﺎﺣﺒﺘﻮ ﻭﻻ ﻫﻮ ﺣﺒﺎ .. ﻳﺎﺣﺮﺍﻡ ﺍﻧﻈﻠﻤﺖ ﺑﻬﻞ ﺍﻟﺠﻮﺍﺯﺓ ﻭﻫﻠﻖ ﻫﺎﻟﻮﻟﺪ ﺍﻟﺼﻐﻴﺮ ﻋﻢ ﻳﻨﻈﻠﻢ ﻣﻌﺎ
ﻗﻴﺲ : ﻟﻚ ﺍﻛﻴﺪ ﻓﻲ ﺷﻲ ﻏﻠﻂ
ﻓﺎﻃﻤﺔ : ﺷﺒﻚ ﻣﺎﻣﺎ
ﻗﻴﺲ : ﺍﺫﺍ ﻃﻠﻊ ﻳﻠﻲ ﺑﺒﺎﻟﻲ ﺻﺢ ﻓﺄﻧﺎ ﻭﺍﺣﺪ ﺟﺤﺶ
ﻓﺎﻃﻤﺔ : ﻟﻚ ﺷﻮﻓﻲ
ﻗﻴﺲ : ﻫﻠﻖ ﺣﺘﻰ ﺗﺠﻲ ﺭﻫﻒ ﺑﺤﻜﻲ
ﻃﻠﻌﺖ ﺭﻫﻒ ﻣﻊ ﺍﺑﻨﺎ
ﺭﻫﻒ : ﻟﻴﻚ ﻣﺎﻣﺎ ﺗﻴﺘﻲ ﻋﻤﻠﺘﻠﻨﺎ ﺭﺯ ﺑﺤﻠﻴﺐ ﻳﻤﻴﻲ
ﻗﻌﺪﺕ ﻭﺻﺎﺭﺕ ﺗﻄﻌﻤﻲ ﺍﺑﻨﺎ
ﻗﻴﺲ : ﺭﻫﻒ ﺑﺪﻱ ﺍﺳﺄﻟﻚ
ﺭﻫﻒ : ﺍﺳﺄﻝ
ﻗﻴﺲ : ﻧﻮﺭ ﺑﺄﻳﺎﻡ ﺍﻟﺜﺎﻧﻮﻳﺔ ﻣﺎﺟﺎﺑﺘﻠﻚ ﺭﺳﺎﻟﺔ
ﺭﻫﻒ : ﻻ ﺭﺳﺎﻟﺔ ﺷﻮ
ﻗﻴﺲ : ﺍﻧﺎ ﻋﻄﻴﺘﺎ ﺍﻳﺎﻫﺎ ﺑﺄﻳﺪﻱ ﻗﻠﺘﻼ ﻋﻄﻲ ﻫﺎﻱ ﺍﻟﺮﺳﺎﻟﺔ ﻟﺮﻫﻒ
ﺭﻫﻒ : ﻻ ﻣﺎ ﻣﺎﺻﺎﺭ ﻫﻴﻚ ﺷﻲ ﻭﺷﻮﻓﻴﻬﺎ ﺍﻟﺮﺳﺎﻟﺔ
ﻗﻴﺲ : ﻣﺘﺄﻛﺪﺓ
ﺭﻫﻒ : ﺍﻱ ﻣﺘﺄﻛﺪﺓ ﻫﺎﻟﺤﻜﻲ ﻣﻦ ٥ ﺳﻨﻴﻦ ﻣﺎﺻﺮﻟﻮ ﺯﻣﺎﻥ ﻳﻌﻨﻲ ﻣﺎﺣﻠﻲ ﺍﻧﺴﻰ
ﻗﻴﺲ : ﻃﻴﺐ ﺍﻧﺘﻲ ﺑﻮﻗﺘﺎ ﻛﻨﺘﻲ ﺗﺤﺒﻴﻪ ﻟﻨﺼﺮ
ﺭﻫﻒ : ﻫﻬﻬﻪ ﺍﻛﻴﺪ ﻻ ﻭﻣﺎﻛﻨﺖ ﻣﻔﻜﺮﺓ ﻓﻴﻪ ﻻﻧﻮ ﺍﻛﺒﺮ ﻣﻨﻲ ﺑﻌﺸﺮ ﺳﻨﻴﻦ ﺑﺲ ﺳﺒﺤﺎﻥ ﻛﺘﺎﺏ ﺍﻟﻨﺼﻴﺐ ... ﺑﺲ ﺍﻧﺖ ﺷﻮﺑﺪﻙ ﺑﻜﻞ ﻫﺎﻻﺳﺄﻟﺔ
ﻗﻴﺲ : ﻣﺎﺑﻌﺮﻑ ﺷﻮ ﺭﺡ ﺗﻘﻮﻟﻮ ﻋﻨﻲ ﻣﺠﻨﻮﻥ ﻣﺮﺍﻫﻖ ﻗﻮﻟﻮ ﻳﻠﻲ ﺑﺪﻛﻦ ﺍﻳﺎﻩ ..
ﻓﺎﻃﻤﺔ : ﻟﻚ ﺷﻮﻭﻓﻲ
ﻗﻴﺲ : ﺑﺘﺘﺬﻛﺮﻱ ﻟﻤﺎ ﺭﺣﺖ ﺍﻧﺎ ﻋﺒﻴﺮﻭﺕ ﻣﻦ ٥ ﺳﻨﻴﻦ ﺗﻘﺮﻳﺒﺎ
ﻓﺎﻃﻤﺔ : ﺻﺢ
ﻗﻴﺲ : ﺑﺘﻌﺮﻓﻲ ﻟﻴﺶ ﺭﺣﺖ
ﻓﺎﻃﻤﺔ : ﻻ ﺑﺲ ﺑﺘﺬﻛﺮ ﻛﻨﺖ ﻣﺘﻞ ﺍﻟﻤﺠﻨﻮﻥ ﻭﺑﻴﻦ ﻳﻮﻡ ﻭﻟﻴﻠﺔ ﺳﺎﻓﺮﺕ
ﻗﻴﺲ : ﻣﺎ ﺍﻧﺎ ﺳﺎﻓﺮﺕ ﻣﺸﺎﻥ ﺍﻟﺨﺎﻧﻢ ﻭﺍﺷﺮ ﻋﻠﻰ ﺭﻫﻒ
ﺭﻫﻒ : ﻋﺸﺎﻧﻴﻴﻲ
ﻗﻴﺲ : ﺍﻱ ﻋﺸﺎﻧﻚ ﻻﻧﻮ ﺍﻧﺎ ﻛﻨﺖ ﺑﺤﺒﻚ
ﺭﻫﻒ : ﺷﻮﻭﻭ
ﻗﻴﺲ : ﺍﻱ ﻛﻨﺖ ﺑﺤﺒﻚ ﻭﻛﻨﺖ ﺍﺟﻲ ﻉ ﺍﻟﻤﺪﺭﺳﺔ ﻣﺸﺎﻧﻚ ﻭﻛﺘﺒﺘﻠﻚ ﺭﺳﺎﻟﺔ ﻭﺑﻌﺘﺎ ﻣﻊ ﻧﻮﺭ ﻭﻫﻴﺔ ﻋﺄﺳﺎﺱ ﺟﺎﺑﺘﻠﻚ ﺍﻟﺮﺳﺎﻟﺔ ﻭﺭﺩﺗﻠﻲ ﻗﺎﻝ ﺍﻧﺘﻲ ﺑﺘﺤﺒﻲ ﺍﺑﻦ ﻋﻤﻚ ﻧﺼﺮ
ﺭﻫﻒ : ﻟﻚ ﺷﻮ ﻋﻦ ﺗﺤﻜﻲ ﻣﺎﻧﻲ ﻋﻢ ﺍﻓﻬﻢ ﺷﻲ
ﻗﻴﺲ : ﻳﻠﻲ ﺍﺳﻤﻌﺘﻴﻪ ﻛﻠﻮ ﺻﺤﻴﺢ
ﺭﻫﻒ : ﺑﺲ ﺍﻧﺎ ﻣﺎﻛﺎﻥ ﻣﻌﻲ ﺧﺒﺮ ﺑﻜﻞ ﻫﺎﺩ ﺍﻟﺤﻜﻲ
ﻗﻴﺲ : ﻭﺍﻟﻠﻪ ﻫﺎﺩ ﻳﻠﻲ ﺻﺎﺭ
ﺭﻫﻒ : ﺑﺲ ﺍﻧﺘﻲ ﻟﻴﺶ ﻣﺎﺟﻴﺖ ﻭﺍﺟﻬﺘﻨﻲ ﺍﻟﻲ ﻟﻴﺶ ﺑﻌﺘﺖ ﻣﻊ ﻧﻮﺭ
ﻗﻴﺲ : ﻛﻨﺖ ﺧﺠﻼﻥ
ﺭﻫﻒ : ﻳﻼ ﺷﻲ ﻣﺎﺿﻰ ﻭﺭﺍﺡ ﻭﻣﺎﻛﺎﻥ ﻓﻲ ﺩﺍﻋﻲ ﺗﻔﺘﺤﻮ
ﻗﻴﺲ : ﺷﻮ ﻣﺎﺿﻲ ﻭﺭﺍﺡ .. ﻟﻚ ﺭﺍﺡ ﺳﻨﻴﻦ ﻣﻦ ﻋﻤﺮﻱ ﻭﺍﻧﺎ ﺑﻌﻴﺪ ﻋﻦ ﺍﻟﺒﻠﺪ ﻣﺸﺎﻥ ﻣﺎﺷﻮﻓﻚ ﻭﻛﻨﺖ ﻛﻞ ﻳﻮﻡ ﺍﺗﻌﺬﺏ
ﺭﻫﻒ : ﻗﻴﺲ ﺍﻧﺎ ﻣﺎﻧﻲ ﻋﻢ ﺍﻓﻬﻢ ﻋﻠﻴﻚ
ﻗﻴﺲ : ﻟﻚ ﺍﻧﺎ ﻟﻠﻴﻮﻡ ﺑﺤﺒﻚ
ﻓﺎﻃﻤﺔ ﻭﺭﻫﻒ : ﺷﻮﻭﻭﻭﻭﻭ
ﻗﻴﺲ ﻗﻌﺪ ﻗﺪﺍﻣﺎ ﻋﻠﻰ ﺭﻛﺎﺑﻮ ﻭﻗﺎﻝ ﺭﻫﻒ : ﺍﻧﺎ ﺑﺤﺒﻚ ﻭﻛﺘﻴﺮ ﻭﻻ ﻳﻮﻡ ﻧﺴﻴﺘﻚ ﺣﺎﻭﻟﻮ ﻳﻔﺮﻗﻮﻧﺎ ﺑﺲ ﺷﻜﻠﻮ ﺭﺏ ﺍﻟﻌﺎﻟﻤﻴﻦ ﻛﺎﺗﺒﻠﻨﺎ ﻧﺮﺟﻊ ﻟﺒﻌﺾ
ﺭﻫﻒ : ﻗﻴﺲ ﺍﻧﺎ ﺑﺤﺘﺮﻡ ﻣﺸﺎﻋﺮﻙ ﺑﺲ ﺍﻧﺎ ﻣﺴﺘﺤﻴﻞ ﻛﻮﻥ ﺍﻟﻚ
ﻗﻴﺲ : ﻟﻴﺶ .. ﻣﺸﺎﻥ ﺍﻟﻠﻪ ﺍﻧﺎ ﻋﻢ ﺍﺗﻌﺬﺏ ﺻﺮﻟﻲ ﺳﻨﻴﻦ ﺧﻠﻴﻨﺎ ﻧﺘﺰﻭﺝ
ﻓﺎﻃﻤﺔ : ﻣﺎﻣﺎ ﺭﻫﻒ ﺑﺎﻟﻌﺪﺓ ﺍﻧﻄﺮ ﻟﺤﺘﻰ ﺗﺨﻠﺺ ﺍﻟﻌﺪﺓ ﻭﺑﺘﺘﺰﻭﺟﻮ
ﺭﻫﻒ : ﻻ ﺧﺎﻟﺘﻲ ﺍﻧﺎ ﻣﺴﺘﺤﻴﻞ ﺍﺗﺰﻭﺝ
ﻓﺎﻃﻤﺔ : ﻟﻴﺶ ﻳﺎﺑﻨﺘﻲ ﺑﻌﺪﻙ ﺻﺒﻴﺔ ﻭﺑﺄﻭﻝ ﻋﻤﺮﻙ ﻭﻗﻴﺲ ﻃﻠﻊ ﺑﺤﺒﻚ ﻭﺍﻧﺎ ﻣﺎﺭﺡ ﻻﻗﻲ ﻛﻨﺔ ﺍﺣﺴﻦ ﻣﻨﻚ
ﺭﻫﻒ : ﻟﻚ ﻧﺴﻴﺎﻧﻴﻦ ﻫﻤﺎﻡ .. ﺍﺫﺍ ﺭﺡ ﺍﺗﺰﻭﺝ ﺭﺡ ﻳﺎﺧﺪﻭﻩ ﻣﻨﻲ ﻭﺍﻧﺎ ﻣﺴﺘﺤﻴﻞ ﻓﺮﻁ ﻓﻴﻪ ﻫﻤﺎﻡ ﻗﻠﺒﻲ ﻭﻋﻤﺮﻱ ﺍﺳﻔﺔ ﻗﻴﺲ ﺑﺲ ﻋﻨﺠﺪ ﻣﺎﻟﻨﺎ ﻧﺼﻴﺐ ﻧﻜﻮﻥ ﻟﺒﻌﺾ ﻭﺑﻌﺪﻳﻦ ﺍﻧﺎ ﺑﻌﺘﺒﺮﻙ ﻣﺘﻞ ﺍﺧﻲ ﻣﻮ ﺍﻛﺘﺮ
ﻗﻴﺲ : ﺍﻧﺎ ﻣﺎﻧﻲ ﺍﺧﻮﻛﻲ ﻻﺯﻡ ﺗﻌﻄﻲ ﺣﺎﻟﻚ ﻣﺠﺎﻝ ﺍﻧﺘﻲ ﻋﺸﺘﻲ ﻗﻬﺮ ﻛﺘﻴﺮ ﺍﻧﺘﻲ ﻛﻮﻧﻲ ﻣﻌﻲ ﻭﺑﻮﻋﺪﻙ ﻋﻮﺿﻚ ﻋﻦ ﻛﻞ ﺩﻣﻌﺔ ﻧﺰﻟﺖ ﻣﻦ ﻋﻴﻨﻚ
ﺭﻫﻒ : ﻟﻮ ﺳﻤﺤﺘﻮ ﺍﻧﺎ ﺑﺪﻱ ﻓﻮﺕ ﺍﺭﺗﺎﺡ
ﺗﺮﻛﺘﻮﻥ ﻭﻓﺎﺗﺖ
ﺭﻫﻒ : ﻣﻌﻘﻮﻝ ﺍﻟﻘﺪﺭ ﻗﺮﺭ ﻳﻀﺤﻜﻠﻲ ﺑﺲ ﻫﻤﺎﻡ ﺍﻛﻴﺪ ﺭﺡ ﻳﺎﺧﺪﻭﻩ ﻣﻨﻲ
ﺑﺲ ﻗﻴﺲ ﻭﺍﻟﻠﻪ ﺷﺐ ﻣﺎﻓﻲ ﻣﻨﻮ ﻣﻌﻘﻮﻝ ﺣﺒﻮ .. ﻟﻚ ﻳﺎﺭﺑﻲ ﻟﻴﺶ ﺑﺘﺤﻄﻨﻲ ﺑﻜﻞ ﻣﻮﻗﻒ ﺍﺻﻌﺐ ﻣﻦ ﺍﻟﺘﺎﻧﻲ ﻳﺎﺭﺑﻲ ﺩﺧﻴﻠﻚ
ﺭﻫﻒ : ﻃﻴﺐ ﻭﺑﻌﺪﻳﻦ ﻳﺎﺭﻫﻒ ﻫﻴﻚ ﺑﺪﻙ ﺗﻀﻠﻲ .. ﻟﻨﺼﺮ ﺍﻧﺎ ﻣﺴﺘﺤﻴﻞ ﺍﺭﺟﻌﻠﻮ ﻃﻴﺐ ﺍﻧﺎ ﻭﻳﻦ ﺑﺪﻱ ﺭﻭﺡ ﺑﺤﺎﻟﻲ ﻣﻌﻘﻮﻝ ﺿﻞ ﻃﻮﻝ ﺣﻴﺎﺗﻲ ﻫﻴﻚ ... ﻳﺎﺭﺑﻲ ﺩﺧﻴﻠﻚ ﻋﻘﻠﻲ ﻣﺸﻮﺵ ﺩﺧﻴﻠﻚ ﻳﺎﺭﺑﻲ ﺳﺎﻋﺪﻧﻲ
............................................
ﻗﺎﻋﺪﺓ ﻭﻫﻴﺔ ﻋﻢ ﺗﺒﻜﻲ ﺑﻐﺮﻓﺘﺎ ﺑﺘﺪﻕ ﻋﻠﻴﻬﺎ ﺧﺎﻟﺘﺎ
ﺭﻫﻒ : ﻓﻮﺗﻲ ﺧﺎﻟﺘﻲ
ﻓﺎﺗﺖ ﻓﺎﻃﻤﺔ ﻭﻗﻌﺪﺕ ﺣﺪﺍ
ﻓﺎﻃﻤﺔ : ﺑﺸﻮ ﻋﻢ ﺗﻔﻜﺮﻱ
ﺭﻫﻒ : ﻋﻢ ﺍﺩﻋﻲ ﺍﻥ ﺷﺎﺀ ﺍﻟﻠﻪ ﻣﻮﺕ ﻭﺍﺭﺗﺎﺡ
ﻓﺎﻃﻤﺔ : ﺑﻌﻴﺪ ﺍﻟﺸﺮ ﻋﻨﻚ ﻳﺎﻋﻤﺮﻱ
ﺭﻫﻒ : ﻣﺸﺎﻥ ﺍﻟﻠﻪ ﻗﻮﻟﻴﻠﻲ ﺍﻧﺎ ﺷﻮ ﻓﺎﻳﺘﺪﻱ ﻣﻦ ﻫﺎﻟﻌﻴﺸﺔ ﺍﺫﺍ ﺭﺟﻌﺖ ﻟﻌﻨﺪ ﻧﺼﺮ ﺭﺡ ﻋﻴﺶ ﻃﻮﻝ ﻋﻤﺮﻱ ﻣﺬﻟﻮﻟﺔ ﻭﺭﺡ ﺍﺩﻓﻦ ﺣﺎﻟﻲ ﺑﺎﻟﺤﻴﺎ ﻻﻧﻮ ﺑﻌﻤﺮﻱ ﻣﺎﺭﺡ ﺣﺒﻮ ﻭﺍﺫﺍ ﺿﻠﻴﺖ ﻫﻴﻚ ﻛﻞ ﺍﻟﻌﺎﻟﻢ ﺑﺘﺼﻴﺮ ﺑﺪﺍ ﺗﺤﻜﻲ ﻋﻠﻲ ﻭﻛﻠﻤﺔ ﻣﻄﻠﻘﺔ ﻣﺎﻧﺎ ﻗﻠﻴﻠﺔ ... ﻭﺍﺫﺍ ﺗﺰﻭﺟﺖ ﻗﻴﺲ ﺭﺡ ﺍﺧﺴﺮ ﺍﺑﻨﻲ ﻣﺸﺎﻥ ﺍﻟﻠﻪ ﻗﻮﻟﻴﻠﻲ ﺷﻮ ﺍﻋﻤﻞ .. ﺍﻧﺎ ﺭﺡ ﺍﺧﺘﻨﻖ
ﻓﺎﻃﻤﺔ : ﻃﻮﻟﻲ ﺑﺎﻟﻚ ﻳﺎﻋﻤﺮﻱ ﺍﻧﺘﻲ ﻛﺘﻴﺮ ﺗﻌﺬﺑﺘﻲ ﺑﺤﻴﺎﺗﻚ ﻭﻻﺯﻡ ﺗﺸﻮﻓﻲ ﺣﻴﺎﺗﻚ
ﺭﻫﻒ : ﻗﺼﺪﻙ ﻣﻊ ﻗﻴﺲ
ﻓﺎﻃﻤﺔ : ﺍﻱ ﻳﺎﺑﻨﺘﻲ ﺍﻟﺤﻴﺎﺓ ﻃﻮﻟﻴﻪ ﻭﺍﻛﻴﺪ ﻣﺎﺭﺡ ﺗﻘﻀﻴﻬﺎ ﻫﻴﻚ .. ﻭﻟﻌﻨﺪ ﻫﺪﺍﻙ ﺍﻟﻮﺍﻃﻲ ﻣﺎﻓﻲ ﺭﺟﻌﺔ ﻻﻧﻮ ﻣﺘﻞ ﻣﺎﻗﻠﺘﻲ ﺑﺪﻙ ﺗﻌﻴﺸﻲ ﺟﺴﺪ ﺑﻼ ﺭﻭﺡ ﻭﻛﻠﺸﻲ ﻋﻤﻠﻮ ﻣﻌﻚ ﻣﺴﺘﺤﻴﻞ ﺗﻨﺴﻴﻪ ﻃﻮﻝ ﻋﻤﺮﻙ
ﺭﻫﻒ : ﻭﺍﺑﻨﻲ ﻳﺎﺧﺎﻟﺘﻲ ﻭﺍﺑﻨﻲ
ﻓﺎﻃﻤﺔ : ﻳﺎﺑﻨﺘﻲ ﺍﻟﻮﻟﺪ ﺍﻟﻮﻥ ﻭﻫﻠﻖ ﺍﻭ ﺑﻌﺪﻳﻦ ﺭﺡ ﻳﺎﺧﺪﻭﻩ ﻓﺄﺫﺍ ﺍﺧﺪﻭﻩ ﻣﻦ ﻫﻠﻖ ﺍﺣﺴﻦ ﻣﺎﻳﻜﺒﺮ ﻭﺗﺘﻌﻠﻘﻲ ﻓﻴﻪ ﺍﻛﺘﺮ ﻭﻫﻴﻚ ﻫﻴﻚ ﺭﺡ ﻳﺎﺧﺪﻭﻩ
ﺭﻫﻒ : ﻣﺴﺘﺤﻴﻞ ﺍﺗﺨﻠﻰ ﻋﻨﻮ
ﻓﺎﻃﻤﺔ : ﻫﻮ ﻟﻤﺎ ﻳﻜﺒﺮ ﺭﺡ ﻳﺘﺮﻛﻚ ﻭﻳﺮﻭﺡ ﻳﻌﻴﺶ ﺣﻴﺎﺗﻮ ﻭﺍﻧﺘﻲ ﺑﺪﻙ ﺗﻀﻠﻲ ﻫﻴﻚ ﻟﺤﺎﻟﻚ
ﺭﻫﻒ : ﻣﺎﺑﻌﺮﻑ .. ﺑﺲ ﻣﺴﺘﺤﻴﻞ ﺧﻠﻴﻪ ﻳﻘﻮﻝ ﻳﻮﻡ ﻣﻦ ﺍﻻﻳﺎﻡ ﺍﻣﻲ ﺗﺮﻛﺘﻨﻲ ﻭﺭﺍﺣﺖ ﺗﺰﻭﺟﺖ .. ﻭﺭﺡ ﻳﻜﺮﻫﻨﻲ ﻃﻮﻝ ﻋﻤﺮﻭ
ﻓﺎﻃﻤﺔ : ﻻ ﻣﺎﺭﺡ ﻳﻔﻜﺮ ﻫﻴﻚ
ﺭﻫﻒ : ﺍﻧﺎ ﻣﺘﺄﻛﺪﺓ ﺍﻧﻮ ﺭﺡ ﻳﻘﻮﻝ ﻫﻴﻚ ﻭﻛﻤﺎﻥ ﺍﺑﻮﻩ ﻫﻮ ﻳﻠﻲ ﺑﻌﺒﻲ ﺑﺮﺍﺳﻮ ﻫﺎﻟﺤﻜﻲ
ﻓﺎﻃﻤﺔ : ﻃﻴﺐ ﺣﺒﻴﺘﻲ ﻣﻌﻚ ﺷﻬﺮ ﺗﻔﻜﺮﻱ ﺑﺘﻜﻮﻥ ﺧﻠﺼﺖ ﻋﺪﺗﻚ .. ﻭﺍﻧﺎ ﻣﺎﺭﺡ ﺍﺗﺨﻠﻰ ﻋﻨﻚ ﻭﺭﺡ ﻛﻮﻥ ﻣﻌﻚ ﺑﻜﻞ ﻗﺮﺍﺭ ﺑﺪﻙ ﺗﺎﺧﺪﻳﻪ
ﺭﻫﻒ : ﺍﻥ ﺷﺎﺀ ﺍﻟﻠﻪ
..................
ﺑﻠﺸﺖ ﺍﻻﻳﺎﻡ ﺗﻤﺮ ﻭﺭﻫﻒ ﻛﻞ ﻳﻮﻡ ﻭﺟﻬﺎ ﺑﻮﺟﻪ ﻗﻴﺲ ﻭﻗﻴﺲ ﻋﻢ ﻳﺤﺎﻭﻝ ﺑﻜﻞ ﺍﻟﻄﺮﻕ ﻳﺨﻠﻴﻬﺎ ﺗﺤﺒﻮ ﻭﺑﺎﻟﻔﻌﻞ ﺭﻫﻒ ﺑﻠﺸﺖ ﺗﺘﻌﻠﻖ ﻓﻴﻪ ﻭﺗﺤﺒﻮ .. ﻭﻧﺼﺮ ﻛﻤﺎﻥ ﻛﻞ ﻳﻮﻡ ﻋﻢ ﻳﺮﻭﺡ ﻟﻌﻨﺪ ﺭﻫﻒ ﻣﺸﺎﻥ ﺗﺮﺟﻊ ﻋﻠﻰ ﺑﻴﺘﺎ
ﻭﻫﻴﻚ ﻣﻀﺎ ﺷﻬﺮ
.........................
ﻓﺎﻗﺖ ﺭﻫﻒ ﺍﻟﺼﺒﺢ ﻃﻠﻌﺖ ﻣﻦ ﺍﻟﻐﺮﻓﺔ ﻟﻘﺖ ﻗﻴﺲ ﻗﺎﻋﺪ ﺑﺎﻟﺼﺎﻟﻮﻥ ﻋﻢ ﻳﺸﺮﺏ ﻗﻬﻮﺓ . ﺻﺢ ﻫﻴﺔ ﺑﻠﺸﺖ ﺗﺤﺒﻮ ﺑﺲ ﻋﻢ ﺗﺤﺎﻭﻝ ﺗﺘﺠﺎﻫﻠﻮ ﻭﺗﺘﺠﺎﻫﻞ ﻣﺸﺎﻋﺮﺍ ﻻﻧﻮ ﻋﺎﻃﻔﺔ ﺍﻻﻣﻮﻣﺔ ﻋﻨﺪﺍ ﻃﺎﻏﻴﺔ ﻋﻠﻰ ﻛﻞ ﺣﻮﺍﺳﺎ
ﺭﻫﻒ : ﺻﺒﺎﺡ ﺍﻟﺨﻴﺮ
ﻗﻴﺲ ﺑﺄﺑﺘﺴﺎﻣﺔ : ﺻﺒﺎﺡ ﺍﻟﻔﻞ
ﺭﻫﻒ : ﻭﻳﻨﺎ ﺧﺎﻟﺘﻲ
ﻗﻴﺲ : ﻧﺰﻟﺖ ﺗﺠﻴﺐ ﺷﻮﻳﺔ ﺧﻀﺮﺍ
ﺭﻫﻒ : ﺍﻱ ﻃﻴﺐ ﻣﺎﺷﻲ
ﻗﻴﺲ : ﻗﻌﺪﻱ ﻟﻨﺸﺮﺏ ﻗﻬﻮﺓ
ﺭﻫﻒ : ﺻﺤﺔ ﻭﻫﻨﺎ
ﻗﻴﺲ ﻭﻗﻒ ﻭﻣﺴﻜﺎ ﻣﻦ ﺍﻳﺪﺍ
ﻗﻴﺲ : ﻟﻴﺶ ﻋﻢ ﺗﺘﻬﺮﺑﻲ ﻣﻨﻲ
ﺭﻫﻒ : ﻟﻴﺶ ﻋﻢ ﺗﻌﻤﻞ ﻫﻴﻚ ﺍﻧﺖ
ﻗﻴﺲ : ﺷﻮ ﻋﻢ ﺍﻋﻤﻞ
ﺭﻫﻒ : ﻋﻢ ﺗﺤﺎﻭﻝ ﺗﺨﻠﻴﻨﻲ ﺣﺒﻚ
ﻗﻴﺲ : ﻻﻧﻮ ﺑﺪﻱ ﻫﺎﻟﺸﻲ
ﺭﻫﻒ : ﻗﻴﺲ ﺑﺘﺮﺟﺎﻙ ﺍﺗﺮﻛﻨﻲ ﺍﻧﺎ ﺍﺑﻨﻲ ﻣﺴﺘﺤﻴﻞ ﺍﺗﺨﻠﻰ ﻋﻨﻮ
ﻗﻴﺲ : ﺭﻫﻒ ﺑﺲ ﺍﻧﺎ ﺑﺤﺒﻚ ﺑﺘﺮﺟﺎﻛﻲ ﻻﺗﺪﺑﺤﻴﻨﻲ ﻣﺮﺓ ﺗﺎﻧﻲ ﻭﺍﻧﺘﻲ ﻛﻤﺎﻥ ﻻﺗﻨﻜﺮﻱ ﺍﻧﻚ ﺑﻠﺸﺘﻲ ﺗﺤﺒﻴﻨﻲ
ﺭﻫﻒ : ﺑﺪﻭﻥ ﻟﻒ ﻭﻻ ﺩﻭﺭﺍﻥ
ﻗﻴﺲ : ﺍﻱ
ﺭﻫﻒ : ﺍﻱ ﻋﻢ ﺣﺲ ﺗﺠﺎﻫﻚ ﺷﻌﻮﺭ ﺑﺤﻴﺎﺗﻲ ﻣﺎﻋﺸﺘﻮ ﻭﺣﺎﺳﺔ ﺣﺎﻟﻲ ﻣﺮﺍﻫﻘﺔ ﻋﻤﺮﺍ ١٥ ﺳﻨﺔ
ﻗﻴﺲ : ﻟﻚ ﻟﻴﺶ ﻣﺎﺑﺘﺨﻠﻴﻨﺎ ﻧﺘﻮﺝ ﻫﺎﻟﺤﺐ ﻭﺗﻨﺠﺘﻤﻊ ﺍﻧﺎ ﻭﺍﻧﺘﻲ .. ﺭﻫﻒ ﺍﻟﻠﻪ ﻳﻤﻜﻦ ﺑﻌﺘﻨﻲ ﻣﺸﺎﻥ ﻋﻮﺿﻚ
ﺭﻫﻒ : ﺍﺑﻨﻲ ﻣﺎﺑﻴﺘﻌﻮﺽ
ﻗﻴﺲ : ﺭﻫﻒ ﺍﺑﻨﻚ ﺑﻜﺮﺍ ﺑﻴﻜﺒﺮ ﻭﺑﺮﻭﺡ ﻳﺸﻮﻑ ﺣﻴﺎﺗﻮ ﻭﺑﻴﻨﺴﺎﻛﻲ ﺍﻧﺘﻲ ﻫﻴﻚ ﺑﺪﻙ ﺗﻀﻠﻲ ﻭﺣﺪﺍﻧﻴﺔ
ﺭﻫﻒ : ﻻ ﺍﻧﺎ ﻗﺮﺭﺕ
ﻗﻴﺲ : ﺷﻮ ﻗﺮﺭﺗﻲ
ﺭﻫﻒ : ﺭﺡ ﺍﺭﺟﻊ ﻟﻌﻨﺪ ﻧﺼﺮ
ﻗﻴﺲ : ﻻﺍﺍ ﺍﻧﺘﻲ ﺍﻛﻴﺪ ﺟﻨﻴﺘﻲ
ﺭﻫﻒ : ﻻ ﻣﺎﺟﻨﻴﺖ ﻭﻫﺎﺩ ﻫﻮ ﺍﻟﺤﻞ ﺍﻻﻣﺜﻞ
ﻗﻴﺲ : ﺑﺘﻌﺮﻓﻲ ﺍﻧﻮ ﺍﻧﺘﻲ ﺍﺫﺍ ﺑﺘﺮﺟﻌﻴﻠﻮ ﺭﺡ ﺗﺪﻣﺮﻱ ﺣﺎﻟﻚ ﻭﺗﺪﻣﺮﻳﻨﻲ ﻣﻌﻚ
ﺭﻫﻒ : ﻣﺎﺑﻬﻤﻨﻲ ﺍﻧﺎ ﻟﺴﺘﻴﻦ ﺟﻬﻨﻢ ﺍﻟﻤﻬﻢ ﺍﺑﻨﻲ
ﻗﻴﺲ : ﻭﺍﻧﺎ
ﺭﻫﻒ : ﺑﺘﻨﺴﻰ ﻭﺑﺘﺤﺐ ﻭﺑﺘﺘﺰﻭﺝ
ﻗﻴﺲ : ﻟﻮ ﺑﺪﻱ ﺍﻧﺴﻰ ﻛﻨﺖ ﻧﺴﻴﺖ ﻣﻦ ﺯﻣﺎﻥ
ﺭﻫﻒ : ﻣﺸﺎﻥ ﺍﻟﻠﻪ ﺣﺎﺝ ﺗﻀﻐﻂ ﻋﻠﻲ ﺍﻧﺎ ﺍﺧﺪﺕ ﻗﺮﺍﺭﻱ ﻭﺧﻠﺼﺖ ﻭﻫﻠﻖ ﺣﺘﻰ ﺗﺠﻲ ﺧﺎﻟﺘﻲ ﺭﺡ ﺧﺒﺮﺍ ﻭﺭﻭﺡ
ﺍﻧﻔﺘﺢ ﺍﻟﺒﺎﺏ
ﺭﻫﻒ : ﻭﻫﻲ ﺍﺟﺖ
ﻓﺎﻃﻤﺔ : ﺧﻴﺮ ﺷﺒﻜﻦ ﻳﺎﻭﻻﺩ
ﻗﻴﺲ : ﻗﺎﻝ ﺑﻨﺖ ﺍﺧﺘﻚ ﺑﺪﺍ ﺗﺮﺟﻊ ﻟﺰﻭﺟﺎ
ﻓﺎﻃﻤﺔ : ﺷﻮﻭﻭ ﺍﻧﺘﻲ ﻋﻢ ﺗﺤﻜﻲ ﺟﺪ
ﺭﻫﻒ : ﺍﻱ ﺧﺎﻟﺘﻲ ﻫﺎﺩ ﺍﻧﺴﺐ ﺣﻞ ﻭﺍﻧﺎ ﻓﻜﺮﺕ ﻣﻨﻴﺢ
ﻓﺎﻃﻤﺔ : ﻳﺎﺧﺎﻟﺘﻲ ﺭﺡ ﺗﻨﺪﻣﻲ
ﺭﻫﻒ : ﻣﻌﻠﺶ ﺍﻧﺎ ﺭﺿﻴﺎﻧﺔ
ﻗﻴﺲ : ﻃﻴﺐ ﺷﻮ ﺭﺃﻳﻚ ﺍﻧﺎ ﺑﺤﻜﻲ ﻣﻊ ﻧﺼﺮ ﻭﺑﻘﻠﻮ ﺍﻧﻮ ﻳﺨﻠﻲ ﻫﻤﺎﻡ ﻣﻌﻚ
ﺭﻫﻒ : ﺍﻧﺖ ﻋﻢ ﺗﺤﻜﻲ ﺟﺪ
ﻗﻴﺲ : ﺍﻱ ﺟﺪ ﻭﺍﺫﺍ ﻣﺎﻗﺒﻞ ﺍﻟﻚ ﺣﺮﻳﺔ ﺍﻻﺧﺘﺎﺭ ﻭﺍﺫﺍ ﻗﺒﻞ ﺭﺡ ﺟﻴﺐ ﺍﻟﺸﻴﺦ ﻓﻮﺭﺍ ﻭﻧﺘﺰﻭﺝ ﺷﻮ ﻗﻠﺘﻲ
ﺭﻫﻒ : ﻭﺍﻧﺎ ﻣﻮﺍﻓﻘﺔ
ﻗﻴﺲ : ﻟﻜﻦ ﺍﺩﻋﻲ
ﺭﻫﻒ : ﻳﺎﺍﺍﺍﺭﺏ ..
..............................
ﻗﻴﺲ : ﻳﻌﻨﻲ ﻣﺎﻋﻨﺪﻙ ﻣﺎﻧﻊ
ﻧﺼﺮ : ﻻ .. ﺑﺼﺮﺍﺣﺔ ﺍﻧﺎ ﺍﺳﻴﺘﻴﺎ ﻛﺘﻴﺮ ﻟﺮﻫﻒ .. ﻭﺭﺡ ﺧﻠﻴﻬﺎ ﺗﻌﻴﺶ ﺣﻴﺎﺗﺎ ﻭﺗﻨﺒﺴﻂ .. ﻭﻫﻤﺎﻡ ﺭﺡ ﻳﻀﻞ ﻣﻌﺎ ﻭﺍﻧﺎ ﻭﻗﺖ ﻳﻠﻲ ﺑﺪﻱ ﺷﻮﻓﻮ ﺑﺮﻭﺡ ﺑﺸﻮﻓﻮ
ﻗﻴﺲ : ﺑﺼﺮﺍﺣﺔ ﺍﻧﺎ ﻣﺎﺗﺨﻴﻠﺘﻚ ﺗﻮﺍﻓﻘﻚ .. ﻭﻫﻠﻖ ﺑﻤﻮﻗﻔﻚ ﻫﺎﺩ ﻛﺒﺮﺕ ﺑﻨﻈﺮﻱ ﻛﺘﻴﺮ
ﻧﺼﺮ : ﺍﻟﻤﻬﻢ ﺩﻳﺮ ﺑﺎﻟﻚ ﻋﻠﻴﻬﺎ ﻭﺣﻄﺎ ﺑﻌﻴﻮﻧﻚ ﺭﻫﻒ ﻣﻈﻠﻮﻣﺔ
ﻗﻴﺲ ؛ ﺭﻫﻒ ﺑﻘﻠﺒﻲ ﻭﺑﻌﻴﻮﻧﻲ ... ﻳﻼ ﺍﻧﺎ ﺑﺎﻻﺫﻥ
ﻧﺼﺮ : ﻗﺎﻋﺪﻳﻦ
ﻗﻴﺲ : ﻏﻴﺮ ﻣﺮﺓ
ﻃﻠﻊ ﻗﻴﺲ ﻭﻧﺼﺮ ﻭﺻﻠﻮ ﻟﻠﺒﺎﺏ
ﻭﻃﻠﻌﺖ ﺍﺳﻤﻬﺎﻥ ﻣﻦ ﺍﻟﻐﺮﻓﺔ
ﺍﺳﻤﻬﺎﻥ : ﻟﻚ ﺍﻧﺖ ﻣﺠﻨﻮﻥ ﺑﺪﻙ ﺗﺨﻠﻲ ﺍﺑﻨﻚ ﻳﺮﺑﺎ ﻋﻨﺪ ﺍﻟﻐﺮﻳﺐ
ﻧﺼﺮ : ﻫﻬﻬﻬﻪ ﺷﻮ ﺻﺪﻗﺘﻲ ﺍﻧﺘﻲ .. ﻣﺴﺘﺤﻴﻞ ﺧﻠﻲ ﺍﺑﻨﻲ ﻋﻨﺪﻭﻥ ﻭﻻ ﺩﻗﻴﻘﺔ .
ﺍﺳﻤﻬﺎﻥ : ﻟﻜﻦ ﻟﻴﺶ ﻫﻴﻚ ﻗﻠﺘﻠﻮ
ﻧﺼﺮ : ﻣﺸﺎﻥ ﻳﺘﺰﻭﺟﻮ ﻭﺍﻧﻬﺎﺭ ﺍﻟﻌﺮﺱ ﺭﺡ ﺟﻴﺐ ﺍﺑﻨﻲ ﻭﺍﺣﺮﻗﻼ ﻗﻠﺒﺎ ﻟﺮﻫﻒ ﻭﺍﻧﺰﻋﻼ ﻟﻴﻠﺔ ﻓﺮﺣﻬﺎ ﻣﺘﻞ ﻣﺎﻧﺰﻋﻮﻫﺎ ﻋﻠﻲ ﻫﻴﺔ ﻭﺧﺎﻟﺘﺎ
ﺍﺳﻤﻬﺎﻥ : ﻫﻬﻬﻬﻬﻬﻪ ﻭﺍﻟﻠﻪ ﻣﺎﺑﺘﻘﺼﺮ
ﻧﺼﺮ : ﺑﺴﻴﻄﺔ ﻳﺎﺭﻫﻒ ﺧﺎﻧﻢ ﻋﻢ ﺗﺤﺒﻲ ﻭﺗﺘﻤﻌﺸﻘﻲ ﻣﻦ ﻭﺭﺍ ﺿﻬﺮﻱ ﺍﻟﻠﻪ ﻻ ﻳﺨﻠﻴﻨﻲ ﺍﺫﺍ ﺭﺡ ﺧﻠﻴﻜﻲ ﺗﺘﻬﻨﻲ
ﺍﻛﻴﺪ ﻫﻴﺔ ﻭﺧﺎﻟﺘﺎ ﻋﻢ ﻳﺨﻄﻄﻮ ﻣﻦ ﺯﻣﺎﻥ ﻭﺍﻟﻠﻪ ﺍﻋﻠﻢ ﺍﺫﺍ ﻣﺎﻛﺎﻧﺖ ﺣﺎﺑﺘﺘﻮ ﻭﻫﻴﺔ ﻋﻨﺪﻱ ..
.......................
ﻓﺎﺕ ﻗﻴﺲ ﻭﻛﺎﻧﺖ ﺭﻫﻒ ﻗﺎﻋﺪﺓ ﻋﻢ ﺗﺘﻔﺮﺝ ﻋﻠﻰ ﺍﻟﺘﻠﻔﺰﻳﻮﻥ ﻣﻊ ﺧﺎﻟﺘﺎ
ﻗﻴﺲ : ﺷﻮ ﺭﻫﻒ ﻛﺄﻧﻮ ﻣﺎﻧﻚ ﻣﺘﻠﻬﻔﺔ ﻟﺘﻌﺮﻓﻲ ﺷﻮ ﺻﺎﺭ
ﺭﻫﻒ : ﻻﻧﻮ ﺑﻌﺮﻑ ﻧﺼﺮ ﻣﺴﺘﺤﻴﻞ ﻳﻘﺒﻞ
ﻗﻴﺲ : ﻭﺍﺫﺍ ﻗﻠﺘﻠﻚ ﻗﺒﻞ
ﺭﻫﻒ : ﻣﺎﺑﺼﺪﻕ
ﻗﻴﺲ : ﻟﻚ ﻭﺍﻟﻠﻪ ﻗﺒﻞ ﻭﻗﺎﻝ ﻣﺎﻋﻨﺪﻭ ﻣﺎﻧﻊ
ﺭﻫﻒ : ﻋﻢ ﺗﺤﻜﻲ ﺟﺪ
ﻗﻴﺲ : ﻭﺍﻟﻠﻪ ﺟﺪ .. ﻗﺎﻝ ﻫﻮ ﺍﺳﺎﻛﻲ ﻛﺘﻴﺮ ﻭﻣﻌﺪ ﺑﺪﻭ ﻳﻌﺰﺑﻚ ﺍﻛﺘﺮ ﻣﻦ ﻫﻴﻚ
ﺭﻫﻒ : ﺷﻮ ﻳﻌﻨﻲ ﻳﻌﻨﻲ ﺍﺑﻨﻲ ﺭﺡ ﻳﻀﻞ ﻣﻌﻲ ..
ﻗﻴﺲ : ﺍﻱ ﺍﻧﺘﻲ ﺭﺡ ﺗﻀﻠﻲ ﻣﻌﻲ
ﻫﻴﺔ ﺧﺠﻠﺖ ﻭﻣﺎﺭﺩﺕ
ﻗﻴﺲ : ﻟﻚ ﻳﺴﻠﻤﻠﻲ ﺍﻟﺨﺠﻮﻝ ... ﻳﻼ ﺍﻣﻲ ﻭﻫﺎﻱ ﺍﻟﻮﻟﺪ ﺍﻣﻨﺎ ﻋﻠﻴﻪ ﻭﺭﻫﻒ ﻭﺧﻠﺼﺖ ﻋﺪﺗﺎ .. ﺑﺎﻗﻲ ﺗﺠﺰﻳﻠﻨﺎ ﻟﻌﺮﺳﻨﺎ
ﺭﻫﻒ : ﺑﺪﻧﺎ ﻧﻌﻤﻞ ﻋﺮﺱ
ﻗﻴﺲ : ﻣﻌﻘﻮﻝ ﻣﺎ ﺍﻋﻤﻠﻚ ﻋﺮﺱ .. ﺑﺲ ﺭﺡ ﻳﻜﻮﻥ ﺻﻐﻴﺮ ﺷﻮﻱ
ﺭﻫﻒ : ﺑﺲ ﺷﻮﺑﺪﺍ ﺗﺤﻜﻲ ﺍﻟﻌﺎﻟﻢ ﻋﻨﻲ ﺍﻧﻮ ﻟﺴﻪ ﻣﺎﺧﻠﺼﺖ ﻋﺪﺓ ﺩﻏﺮﻱ ﺗﺰﻭﺟﺖ
ﻓﺎﻃﻤﺔ : ﺧﺎﻟﺘﻲ ﻟﻘﻴﺘﻲ ﺷﻐﻠﺔ ﺗﺎﻧﻴﺔ ﺗﻨﻘﻲ ﻋﻠﻴﻬﺎ .. ﻭﺍﻟﻌﺎﻟﻢ ﺣﻜﻴﻬﺎ ﻣﺘﻞ ﺭﺟﻠﻚ ﻻ ﺗﻬﺘﻤﻲ ﻟﺤﺪﺍ ﻭﺷﻮﻣﺎﺑﺪﻭﻥ ﻳﺤﻜﻮ ﻧﺤﻨﺎ ﻣﺎﻧﺎ ﻋﻢ ﻧﻌﻤﻞ ﺷﻲ ﺑﺎﻟﺤﺮﺍﻡ ﻻ ﺳﻤﺢ ﺍﻟﻠﻪ
............
ﺑﻌﺪ ﺍﺳﺒﻮﻉ ﺟﻬﺰﻭ ﻟﻜﻠﺸﻲ ﻭﺍﺟﺖ ﻋﻴﻠﺔ ﻗﻴﺲ ﻣﻦ ﺑﻴﺮﻭﺕ ﻭﻋﻤﻠﻮ ﺣﻔﻠﺔ ﺻﻐﻴﺮﺓ ﻋﻠﻰ ﺍﻟﺪﻳﻖ ﻭﻛﺎﻥ ﻛﻞ ﺍﻟﻘﺮﺍﻳﺒﻦ ﺑﺎﻟﺤﻔﻠﺔ ﺣﺘﻰ ﺍﻡ ﻧﺼﺮ ﺍﺟﺖ
ﺧﻠﺼﺖ ﺍﻟﺤﻔﻠﺔ
ﻗﻴﺲ : ﻣﺎﺻﺎﺭ ﺍﻟﻮﻗﺖ ﻳﺎﻋﺮﻭﺱ ﻧﻔﻮﺕ ﻋﻠﻰ ﻏﺮﻓﺘﻨﺎ
ﺭﻫﻒ ﺑﺨﺠﻞ : ﻣﺘﻞ ﻣﺎﺑﺪﻙ
ﻃﻠﻌﺖ ﻓﺎﻃﻤﺔ ﻣﻦ ﻏﺮﻓﺔ : ﻭﻗﺎﻟﺖ ﻫﻤﺎﻡ ﻳﻘﺒﺮ ﻗﻠﺒﻲ ﻧﺎﻡ ﻭﺍﻧﺘﻮ ﻗﻮﻣﻮ ﻓﻮﺗﻮ ﺍﺭﺗﺎﺣﻮ
ﻗﺎﻡ ﻗﻴﺲ ﻭﻣﺴﻚ ﺭﻫﻒ ﻣﻦ ﺍﻳﺪﺍ ﻭﻓﺎﺗﻮﻋﻠﻰ ﺍﻟﻐﺮﻓﺔ ﻛﺎﻧﺖ ﻻﺑﺴﺔ ﻓﺴﺘﺎﻥ ﺍﺑﻴﺾ ﻋﺎﺩﻱ ﻭﻣﺎﻧﻮ ﻣﻔﺮﺵ ﻛﺘﻴﺮ
ﺳﻜﺮ ﺍﻟﺒﺎﺏ ﻭﻛﺎﻧﺖ ﺍﻟﻐﺮﻓﺔ ﻓﻴﻬﺎ ﺍﺿﻮﻳﺔ ﺧﻔﻴﻔﺔ ﻭﻣﺰﻳﻨﺔ ﺑﺄﺣﻠﻰ ﺯﻳﻨﺔ
ﻗﻴﺲ : ﻭﺍﺧﻴﺮﺍ ﻳﺎﺭﻫﻒ ﺻﺮﺗﻲ ﺍﻟﻲ .. ﻣﺎﻛﻨﺖ ﻣﺘﺨﻴﻞ ﺍﺑﺪﺍ ﻳﺠﻲ ﻫﺎﺩ ﺍﻟﻴﻮﻡ
ﺭﻫﻒ : ﺍﻟﻠﻪ ﻛﺮﻳﻢ
ﻗﻴﺲ : ﺍﻱ ﻭﺍﻟﻠﻪ ﺍﻟﻠﻪ ﻣﺎﻓﻲ ﺍﻛﺮﻡ ﻣﻨﻮ ... ﻳﻼ ﺗﻌﺎﻟﻲ ﻧﺼﻠﻲ ﺭﻛﻌﺘﻴﻦ ﺷﻜﺮ ﻟﺮﺏ ﺍﻟﻌﺎﻟﻤﻴﻦ
ﺭﻫﻒ ؛ ﻳﻼ
ﺻﻠﻮ ﻭﻗﺎﻣﺖ ﺭﻫﻒ ﻗﻌﺪﺕ ﻋﻠﻰ ﺍﻟﺘﺨﺖ
ﻭﻗﻒ ﻗﻴﺲ ﺷﻠﺢ ﺟﺎﻛﻴﺖ ﺍﻟﺒﺪﻟﺔ ﻭﻋﻠﻘﻮ ﻭﻗﻌﺪ ﺣﺪ ﺭﻫﻒ
ﺭﻓﻊ ﺍﻳﺪﻭ ﻭﺻﺎﺭ ﻳﻠﻤﺴﻼ ﻋﻠﻰ ﺧﺪﺍ ﺑﻌﺪﻳﻦ ﻋﻠﻰ ﺷﻔﺎﻓﺎ
ﻭﻫﻴﺔ ﻋﻴﻮﻧﺎ ﺑﺎﻻﺭﺽ ﻭﺧﺠﻼﻧﺔ ﻛﺘﻴﺮ
ﻗﻴﺲ : ﻣﻦ ﺷﻮ ﺧﺠﻼﻧﺔ ﻳﻠﻲ ﺑﺸﻮﻓﻚ ﺑﻘﻮﻝ ﺍﻭﻝ ﻣﺮﺓ ﺑﺘﺘﺰﻭﺟﻲ ﻫﻬﻬﻬﻪ
ﺭﻫﻒ : ﺑﺼﺮﺍﺣﺔ ﺍﻭﻝ ﻣﺮﺓ ﺑﻤﺮ ﻫﺎﻟﺘﺠﺮﺑﺔ ﻻﻧﻮ ﻟﻴﻠﺔ ﻋﺮﺳﻲ ﺍﻻﻭﻝ ﻗﻀﻴﺘﺎ ﻛﻼ ﺑﻜﻲ
ﻗﻴﺲ : ﻫﺸﺶ .. ﻣﺎﺑﺪﻱ ﺍﺳﻤﻊ ﺍﻱ ﺷﻲ ﺑﺨﺺ ﺯﻭﺍﺟﻚ ﺍﻻﻭﻝ ﻻﻧﻮ ﺍﻧﺎ ﺑﻐﺎﺭ
ﺭﻫﻒ : ﺍﻟﻠﻪ ﻳﺨﻠﻴﻠﻲ ﺍﻳﺎﻙ ﻭﻻ ﻳﺤﺮﻣﻨﻲ ﻣﻨﻚ
ﻗﺮﺑﻬﺎ ﻣﻨﻮ ﻭﻗﺮﺏ ﻳﺒﻮﺳﺎ ... ﻓﺠﺄﺓ ﺻﺎﺭ ﺍﻟﺒﺎﺏ ﻳﻨﺪﻕ ﺑﻘﻮﺓ
ﺭﻫﻒ : ﺷﻮﻓﻲ ﺷﻮ ﺻﺎﻳﺮ
ﻗﻴﺲ : ﻣﺎﺑﻌﺮﻑ ﺧﻠﻴﻜﻲ ﺍﻧﺎ ﻃﺎﻟﻊ ﺷﻮﻑ ﺷﻮﻓﻲ
ﻃﻠﻊ ﻗﻴﺲ
ﻗﻴﺲ : ﻧﺼﺮ ﺷﻮﺑﺪﻙ
ﻧﺼﺮ : ﺟﺎﻱ ﺍﺧﺪ ﺍﺑﻨﻲ
ﻗﻴﺲ : ﺍﻧﺖ ﺷﻮ ﻋﻢ ﺗﺤﻜﻲ
ﻧﺼﺮ : ﻣﺘﻞ ﻣﺎﺳﻤﻌﺖ ﺍﻧﺎ ﻣﺴﺘﺤﻴﻞ ﺧﻠﻲ ﺍﺑﻨﻲ ﻳﺮﺑﻰ ﻋﻨﺪ ﺣﺪﺍ ﻏﺮﻳﺐ ﻭﺍﻣﻮ ﻫﻠﻖ ﻋﺮﻭﺱ ﻳﻌﻨﻲ ﻣﺎﺭﺡ ﺗﻔﻀﺎﻟﻮ
ﻗﻴﺲ : ﻟﻚ ﻣﺎ ﻋﺄﺳﺎﺱ ﻣﺎﻋﻨﺪﻙ ﻣﺎﻧﻊ
ﻧﺼﺮ : ﻭﻏﻴﺮﺕ ﺭﺃﻳﻲ ..
ﻓﺎﻃﻤﺔ : ﺍﻧﺖ ﺷﻮ ﻋﻢ ﺗﺨﺒﺺ
ﻧﺼﺮ : ﻭﺍﻟﻠﻪ ﻣﺘﻞ ﻣﺎﺳﻤﻌﺘﻲ ﺍﺑﻨﻲ ﻭﺑﺪﻱ ﺍﺧﺪﻭ ﻭﻣﺎﻓﻲ ﺍﻱ ﺣﺪﺍ ﺑﺎﻟﺪﻧﻴﺎ ﺑﻴﻘﺪﺭ ﻳﻤﻨﻌﻨﻲ
ﻃﻠﻌﺖ ﺭﻫﻒ ﻭﻫﻴﺔ ﺑﻌﺪﺍ ﺑﻔﺴﺘﺎﻥ ﺍﻟﻌﺮﺱ
ﺭﻫﻒ : ﺷﻮﻭﻓﻲ
ﻧﺼﺮ : ﻫﺎﻩ ﻭﻫﺎﻱ ﺍﻟﻌﺮﻭﺱ ﻣﺒﺮﻭﻙ ﻳﺎﻋﺮﻭﺱ .. ﺑﺲ ﻣﻦ ﺑﻌﺪ ﺍﺫﻧﻚ ﺑﺪﻱ ﺍﺑﻨﻲ
ﺭﻫﻒ : ﻻ ﺍﺑﻨﻲ ﻣﺎﺑﺘﺎﺧﺪﻭ
ﻧﺼﺮ : ﻟﻮﻧﻚ ﻣﻬﺘﻤﺔ ﺑﺎﺑﻨﻚ ﻣﺎ ﺑﺘﺘﺰﻭﺟﻲ ﻳﺎﻣﺪﺍﻡ ... ﻭﻫﻠﻖ ﻭﻳﻨﻮ ﻫﻤﺎﻡ
ﺭﻫﻒ : ﻧﺼﺮ ﻣﺸﺎﻥ ﺍﻟﻠﻪ ﻻ ﺗﻌﻤﻼ
ﻧﺼﺮ : ﺍﺑﻨﻲ ﻭﻳﻨﻮﻭﻭﻭ
ﻭﻉ ﺍﺛﺮ ﺍﻟﻀﺠﺔ ﻓﺎﻕ ﻫﻤﺎﻡ ﻭﺻﺎﺭ ﻳﺒﻜﻲ .. ﺳﻤﻌﻮ ﻧﺼﺮ ﻭﻓﺎﺕ ﺑﺴﺮﻋﺔ ﺣﻤﻠﻮ ﻭﻃﻠﻊ
ﻫﺠﻤﺖ ﻋﻠﻴﻪ ﺭﻫﻒ ﺑﺪ ﺗﺎﺧﺪ ﻣﻨﻮ ﺍﻟﻮﻟﺪ ﺑﺲ ﻗﻴﺲ ﻣﻨﻌﺎ ﺗﻘﺮﺏ ﻭﻫﻮ ﻗﺮﺏ
ﻗﻴﺲ : ﺭﺟﻊ ﺍﻟﻮﻟﺪ ﻻﻣﻮ
ﻧﺼﺮ : ﺍﻧﺎ ﺣﻜﻴﺖ ﻳﻠﻲ ﻋﻨﺪﻱ ﻭﺍﺑﻨﻲ ﻣﺎﺑﻴﺮﺑﻰ ﻋﻨﺪ ﺍﻟﻐﺮﺏ .. ﻭﺣﺒﻴﺖ ﺍﻋﻤﻠﻜﻦ ﺍﻳﺎﻫﺎ ﻣﻔﺎﺟﺌﺔ ﻣﺘﻞ ﺍﻟﻤﻔﺎﺟﺌﺔ ﻳﻠﻲ ﻋﻤﻠﺘﻮﻟﻲ ﺍﻳﺎﻫﺎ ﻟﻴﻠﺔ ﻋﺮﺳﻲ
ﺭﻫﻒ ﻭﻫﻴﺔ ﻋﻢ ﺗﺒﻜﻲ : ﻗﻴﺲ ﻣﺸﺎﻥ ﺍﻟﻠﻪ ﺑﺪﻱ ﺍﺑﻨﻲ .. ﺧﺎﻟﺘﻲ ..
ﻧﺼﺮ ﺍﺧﺪ ﺍﺑﻨﻮ ﻭﻃﻠﻊ ﺑﺴﺮﻋﺔ
ﻭﺭﻫﻒ ﺻﺎﺭﺕ ﺗﺼﺮﺥ ﻋﻤﻼﺕ ﺻﻮﺗﺎ : ﻟﻚ ﺑﺪﻱ ﺍﺑﻨﻲ .. ﺑﺪﻱ ﺍﺑﻨﻲ
ﻣﺴﻜﺎ ﻗﻴﺲ ﻭﺿﻤﺎ ﻭﻫﻴﺔ ﺻﺎﺭﺕ ﺗﺒﻜﻲ ﻭﻧﻀﺮﺑﻮ ﻋﻠﻰ ﺻﺪﺭﻭ ﻭﺗﻘﻮﻝ ﺑﺪﻱ ﺍﺑﻨﻲ
ﺭﻫﻒ : ﻳﺎﺭﺑﻲ ... ﻳﺎﺭﺑﻲ ﻟﻴﺶ ﻫﻴﻚ ﺣﻈﻲ ... ﺍﻟﺤﻘﻴﺮ ﻋﻤﻞ ﻣﻌﻲ ﻣﺘﻞ ﻣﺎ ﻋﻤﻠﺖ ﻣﻌﻮ .. ﻣﺸﺎﻥ ﺍﻟﻠﻪ ﺣﺪﺍ ﻳﻮﻗﻔﻮ .. ﺧﺎﻟﺘﻲ ﻗﻴﺲ ..
ﻭﺍﻗﻔﻴﻦ ﻭﻣﺎﻃﺎﻟﻊ ﺑﺄﻳﺪﻫﻦ ﺷﻲ
.....................
ﺑﻌﺪ ﺳﺎﻋﺎﺕ
ﻗﺎﻋﺪﻳﻦ ﻛﻠﻮﻥ ﺑﺎﻟﺼﺎﻟﻮﻥ ﺍﻟﻜﻞ ﺳﺎﻛﺖ ﻭﺭﻫﻒ ﺩﻣﻮﻋﺎ ﻋﻠﻰ ﺧﺪﻭﺩﺍ ﻣﺎ ﺍﻧﻘﻄﻌﻮ ﻭﻋﻢ ﺗﻔﺮﻙ ﺍﺩﻳﻬﺎ ﻭﺗﻬﺰ ﻟﻘﺪﺍﻡ ﻭﻟﻮﺭﺍ
ﺭﻫﻒ : ﻗﻴﺲ
ﻗﻴﺲ : ﺍﻱ ﺣﺒﻴﺒﺘﻲ
ﺭﻫﻒ : ﻃﻠﻘﻨﻲ
ﻗﻴﺲ : ﻣﺴﺘﺤﻴﻞ
ﻗﺎﻣﺖ ﻭﺭﻛﻌﺖ ﻋﻨﺪ ﺭﺟﻠﻴﻪ ﻭﻣﺴﻜﺘﻠﻮ ﺍﺩﻳﻪ ﻭﺻﺎﺭﺕ ﺗﺒﻮﺳﻦ
ﺭﻫﻒ : ﺑﺘﺮﺟﺎﻙ ﻣﺸﺎﻥ ﺍﻟﻠﻪ ﻣﺸﺎﻥ ﻛﻠﺸﻲ ﺑﺘﺤﺒﻮ ﻃﻠﻘﻨﻲ
ﻗﻴﺲ : ﻗﻠﺘﻠﻚ ﻣﺴﺘﺤﻴﻞ ﻭﻻ ﺗﺤﻠﻤﻲ
ﺭﻫﻒ : ﻟﻚ ﻫﺎﺩ ﺍﺑﻨﻲ ﺍﺑﻨﻲ ﻟﻴﺶ ﻣﺤﺪﺍ ﺣﺎﺳﺲ ﻓﻴﻨﻲ ﻟﻚ ﺍﻟﻨﺎﺭ ﺷﺎﻋﻠﺔ ﺟﻮﺍﺗﻲ
ﻗﻴﺲ : ﺑﻮﻋﺪﻙ ﻛﻠﺸﻲ ﻳﺘﺼﻠﺢ
ﺭﻫﻒ : ﻣﺎﻓﻲ ﺷﻲ ﺭﺡ ﻳﺘﺼﻠﺢ .. ﻃﻠﻘﻨﻲ ﺑﻮﺱ ﺍﻳﺪﻙ
ﻗﻴﺲ : ﻭﺑﻌﺪﻳﻦ
ﺭﻫﻒ : ﺭﺡ ﺍﺭﺟﻊ ﻟﻨﺼﺮ
ﻗﻴﺲ : ﻟﻚ ﺍﻧﺘﻲ ﻣﺠﻨﻮﻧﺔ ﺑﻌﺪ ﻣﺎﺻﺮﺗﻲ ﺍﻟﻲ ﻭﻣﻠﻜﻲ ﺑﺪﻙ ﺍﻳﺎﻧﻲ ﺳﻠﻤﻚ ﻟﻬﺪﺍﻙ ﺍﻟﻮﺍﻃﻲ
ﺭﻫﻒ : ﻭﺍﺑﻨﻲ
ﻗﻴﺲ : ﺍﺑﻨﻚ ﺑﺎﻟﻨﻬﺎﻱ ﺍﻟﻮﻥ ﻫﺪﻭﻟﻴﻚ ﺍﻫﻠﻮ .. ﻭﺑﺘﺸﻮﻓﻴﻪ ﻭﻗﺖ ﺑﺪﻙ
ﺭﻫﻒ : ﻻ ﻻ ﻣﺴﺘﺤﻴﻞ ﺧﻠﻲ ﺍﺑﻨﻲ ﻳﺮﺑﻰ ﺑﻌﻴﺪ ﻋﻨﻲ
ﻗﻴﺲ : ﺭﻫﻒ ﺍﻧﺎ ﺍﺳﺘﺤﻤﻠﺖ ﻛﺘﻴﺮ .. ﻃﻼﻕ ﻣﺎﺭﺡ ﻃﻠﻖ ﻭﻣﻦ ﻫﺎﺩ ﺍﻟﺒﻴﺖ ﻣﺎ ﺍﻟﻚ ﻃﻠﻌﺔ ﻋﻢ ﺗﻔﻬﻤﻲ
ﺭﻫﻒ : ﻟﻴﺶ ﻫﻴﻚ ﻋﻢ ﺗﺤﻜﻴﻨﻲ
ﻗﻴﺲ : ﺟﻮﺯﻙ ﻭﺑﺤﻘﻠﻲ ﻋﺎﻣﻠﻚ ﻣﺘﻞ ﻣﺎﺑﺪﻱ
ﻓﺎﻃﻤﺔ : ﺷﺒﻚ ﺍﺑﻨﻲ ﻟﻴﺶ ﻫﻴﻚ ﻋﻢ ﺗﺤﻜﻴﻬﺎ
ﻗﻴﺲ : ﺍﻣﻲ ﻣﺎﻧﻚ ﺷﺎﻳﻔﺘﻴﻬﺎ ﺷﻮ ﻋﻢ ﺗﺨﺒﺺ .. ﺧﻠﺺ ﺍﻧﺎ ﺻﺒﺮﻱ ﻧﻔﺬ .. ﺭﻫﻒ ﻗﻮﻣﻲ ﻗﺪﺍﻣﻲ ﻉ ﺍﻟﻐﺮﻓﺔ ﻳﻼ
ﺍﺗﻄﻠﻌﺖ ﻋﻠﻴﻪ ﻭﻫﻴﺔ ﻣﺴﺘﻐﺮﺑﺔ
ﻗﻴﺲ : ﻛﻼﻣﻲ ﻭﺍﺿﺢ .. ﻗﻮﻣﻲ ﺑﺪﻧﺎ ﻧﻨﺪﻓﺲ ﺍﻧﺎﻡ
ﻗﺎﻣﺖ ﻭﻋﻢ ﺗﺒﻜﻲ ﺭﻓﻌﺖ ﻓﺴﺘﺎﻧﺎ ﻭﻓﺎﺗﺖ ﻉ ﺍﻟﻐﺮﻓﺔ ﻭﺭﺍﻩ ﻫﻮ ﻃﻠﻊ ﺑﺠﺎﻣﺔ ﻓﺎﺕ ﻉ ﺍﻟﺤﻤﺎﻡ ﻏﻴﺮ ﺗﻴﺎﺑﻮ ﻭﻃﻠﻊ ﺩﺍﺭ ﻭﺟﻬﻮ ﻧﺎﺣﻴﺔ ﺍﻟﺤﻴﻂ ﻭﻧﺎﻡ ﻭﻫﻴﺔ ﻗﻌﺪﺕ ﺑﺎﻟﺰﺍﻭﻳﺔ ﻭﺻﺎﺭﺕ ﺗﺒﻜﻲ
ﺿﻠﺖ ﺗﺒﻜﻲ ﻉ ﺍﻟﺼﺎﻣﺖ ﻟﺤﺘﻰ ﺳﻤﻌﺖ ﺍﻟﺠﺎﻣﻊ ﻋﻢ ﻳﻘﻮﻝ ﺍﻟﻠﻪ ﺍﻛﺒﺮ
ﻭﻛﺎﻥ ﻋﻢ ﻳﺄﺫﻥ ﺍﻟﻔﺠر
#تتمة_الجزء_الرابع_والاخير
ﻗﺎﻣﺖ ﻭﻋﻢ ﺗﺒﻜﻲ ﺭﻓﻌﺖ ﻓﺴﺘﺎﻧﺎ ﻭﻓﺎﺗﺖ ﻉ ﺍﻟﻐﺮﻓﺔ ﻭﺭﺍﻩ ﻫﻮ ﻃﻠﻊ ﺑﺠﺎﻣﺔ ﻓﺎﺕ ﻉ ﺍﻟﺤﻤﺎﻡ ﻏﻴﺮ ﺗﻴﺎﺑﻮ ﻭﻃﻠﻊ ﺩﺍﺭ ﻭﺟﻬﻮ ﻧﺎﺣﻴﺔ ﺍﻟﺤﻴﻂ ﻭﻧﺎﻡ ﻭﻫﻴﺔ ﻗﻌﺪﺕ ﺑﺎﻟﺰﺍﻭﻳﺔ ﻭﺻﺎﺭﺕ ﺗﺒﻜﻲ
ﺿﻠﺖ ﺗﺒﻜﻲ ﻉ ﺍﻟﺼﺎﻣﺖ ﻟﺤﺘﻰ ﺳﻤﻌﺖ ﺍﻟﺠﺎﻣﻊ ﻋﻢ ﻳﻘﻮﻝ ﺍﻟﻠﻪ ﺍﻛﺒﺮ
ﻭﻛﺎﻥ ﻋﻢ ﻳﺄﺫﻥ ﺍﻟﻔﺠﺮ
ﺭﻫﻒ : ﺍﻟﻠﻪ ﺍﻛﺒﺮ ﻋﻠﻰ ﻛﻞ ﻣﻦ ﻃﻐﻰ ﻭﺗﺠﺒﺮ ... ﺍﻟﻠﻪ ﺍﻛﺒﺮ ﻋﻠﻴﻚ ﻳﺎ ﻧﺼﺮ
ﻃﺎﻟﻌﺖ ﺑﺠﺎﻣﺔ ﻣﻦ ﺧﺰﺍﻧﺘﺎ ﻓﺎﺗﺖ ﻉ ﺍﻟﺤﻤﺎﻡ ﻏﻴﺮﺕ ﺗﻴﺎﺑﺎ ﻭﺗﻮﺿﺖ ﻭﻃﻠﻌﺖ ﻟﺒﺴﺖ ﺗﻮﺏ ﺍﻟﺼﻼﺓ ﻭﻣﺪﺓ ﺳﺠﺎﺓ ﺍﻟﺼﻼﺓ ﻭﺻﺎﺭﺕ ﺗﺼﻠﻲ ﻭﻛﻞ ﻣﺎ ﺗﺴﺠﺪ ﺗﺒﻜﻲ ﺑﺤﺮﻗﺔ ﻭﺗﺪﻋﻲ
ﺣﺲ ﻋﻠﻴﻬﺎ ﻗﻴﺲ ﻭﻫﻴﺔ ﻋﻢ ﺗﺼﻠﻲ ﻭﺻﻮﺕ ﺷﻬﻘﺎﺗﺎ ﻣﺴﻤﻮﻋﺔ
ﻗﻴﺲ : ﺍﻟﻠﻪ ﻳﻬﺪﻱ ﺑﺎﻟﻚ ﻭﻳﺮﻳﺢ ﻗﻠﺒﻚ
ﺣﺴﺖ ﻗﻠﺒﺎ ﺑﺮﺩ
ﺧﻠﺼﺖ ﺻﻼﺓ ﻭﺭﻓﻌﺖ ﺍﻳﺪﻳﻬﺎ ﻭﺻﺎﺭﺕ ﺗﺪﻋﻲ
ﺭﻫﻒ : ﻳﺎﺭﺏ ﻟﻴﺶ ﻋﻠﻰ ﻃﻮﻝ ﻻﺯﻡ ﺗﻜﻮﻥ ﺳﻌﺎﺩﺗﻲ ﻧﺎﻗﺼﺔ ... ﺩﺧﻴﻞ ﺍﺳﻤﻚ ﻳﺎﺭﺏ ﻣﺎﺑﺪﻱ ﺷﻲ ﻣﻦ ﻫﺎﻟﺪﻧﻴﺎ ﻏﻴﺮ ﺍﺑﻨﻲ .. ﻳﺎﺭﺏ ﺍﺧﺘﺮﻟﻲ ﻃﺮﻳﻖ ﺍﻟﺼﺢ ... ﻳﺎﺭﺏ ﺑﺲ ﻭﺍﻟﻠﻪ ﺣﺒﻴﺘﻮ ﻟﻘﻴﺲ ﻭﻓﺮﺍﻗﻮ ﻋﻨﺪﻱ ﻣﺘﻞ ﻓﺮﺍﻕ ﻫﻤﺎﻡ ﺑﺲ ﻫﻤﺎﻡ ﺻﻐﻴﺮ ﻭﺑﺤﺎﺟﺘﻲ ﺍﻛﺘﺮ .. ﻭﺍﻧﺎ ﻭﺍﻟﻠﻪ ﺗﻌﺒﺖ ﻣﺎﺻﺪﻗﺖ ﺍﻧﻮ ﺿﺤﻜﺘﻠﻲ ﺍﻟﺪﻧﻴﺎ ﻭﻟﻘﻴﺖ ﺷﺐ ﺑﺤﺒﻨﻲ ﻣﻦ ﻛﻞ ﻗﻠﺒﻮ ﻳﺎﺭﺏ ﻣﺎﻟﻲ ﻏﻴﺮﻙ .. ﻭﺍﻧﺎ ﺭﺿﻴﺎﻧﺔ ﺑﻜﻠﺸﻲ ﺑﺘﻜﺘﺒﻠﻲ ﺍﻳﺎﻩ
ﻣﺴﺤﺖ ﻭﺟﻬﺎ ﻭﻗﺎﻣﺖ ﺗﻤﺪﺩﺕ ﻋﻠﻰ ﺍﻟﺘﺨﺖ ﻭﺿﻬﺮ ﻗﻴﺲ ﻛﺎﻥ ﺑﻮﺟﻬﺎ ﻣﺪﺕ ﺍﻳﺪﺍ ﺑﺪﺍ ﺗﺤﻄﺎ ﻋﻠﻴﻪ ﺑﺲ ﺗﺮﺩﺩﺕ ﻻﻧﻮ ﺧﺎﻓﺖ ﺗﺘﻌﻠﻖ ﻓﻴﻪ ﻭﺗﺘﺮﻛﻮ ﺑﺮﻣﺖ ﻟﺘﺎﻧﻲ ﺟﻬﺔ ﻭﻧﺎﻣﺖ
ﻗﺎﻡ ﻗﻴﺲ ﺗﻮﺿﺎ ﻭﺻﻠﻰ ﻭﻗﻌﺪ ﻳﺪﻋﻲ
ﻗﻴﺲ : ﻳﺎﺭﺏ ﺑﻜﻔﻲ ﻋﺬﺍﺏ .. ﺍﻧﺎ ﻭﺍﻟﻠﻪ ﺗﻌﺬﺑﺖ ﻛﺘﻴﺮ ﺑﺤﺒﺎ ﻟﺮﻫﻒ ﻳﺎﺭﺏ ﻻﺗﺤﺮﻣﻨﻲ ﻣﻨﻬﺎ ﻣﺮﺓ ﺗﺎﻧﻴﺔ ﻳﺎﺭﺏ ﺗﻬﺪﻳﻬﺎ ﻭﺗﺮﺟﻌﻼ ﺍﺑﻨﺎ ﻋﻠﻰ ﺣﻀﻨﺎ ﻻﻧﻮ ﺍﺫﺍ ﻣﺎ ﺭﺟﻊ ﺭﺡ ﺍﺧﺴﺮﺍ ﻳﺎﺭﺭﺭﺏ ﻣﺎﻟﻨﺎ ﻏﻴﺮﻙ
ﺧﻠﺺ ﻭﻗﺎﻡ ﻭﺳﻤﻊ ﺻﻮﺗﺎ ﻭﻫﻴﺔ ﻋﻢ ﺗﺘﺸﻠﻬﻒ .. ﺳﺤﺒﺎ ﻣﻦ ﺍﻳﺪﺍ ﻭﺑﺮﻣﺎ ﻟﻌﻨﺪﻭ ﻭﺿﻤﺎ ﻋﻠﻰ ﺻﺪﺭﺍ ﻭﺻﺎﺭ ﻳﻤﺴﺤﻼ ﻋﻠﻰ ﺷﻌﺮﺍ
ﻗﻴﺲ : ﺭﻫﻒ ﻫﺸﺸﺶ .. ﺣﺎﺝ ﺗﺒﻜﻲ ﺍﻥ ﺷﺎﺀ ﺍﻟﻠﻪ ﺭﺏ ﺍﻟﻌﺎﻟﻤﻴﻦ ﺭﺡ ﻳﻨﺼﺮﻧﺎ
ﺭﻫﻒ : ﺧﺎﻳﻔﺔ .. ﺧﺎﻳﻔﺔ ﻣﺎﻋﻮﺩ ﺷﻮﻓﻮ
ﻗﻴﺲ : ﺭﺡ ﺗﺸﻮﻓﻴﻪ ﻭﻣﺎﺭﺡ ﻳﻔﺎﺭﻗﻚ
ﺭﻫﻒ : ﺷﻮ ﻋﻢ ﺗﺤﻜﻲ ﺍﻧﺖ
ﻗﻴﺲ : ﻗﻠﺒﻲ ﺣﺎﺳﺴﻨﻲ ﺍﻧﻮ ﺭﺡ ﻳﺮﺟﻌﻠﻚ
ﺭﻫﻒ : ﻋﻨﺠﺪ
ﻗﻴﺲ : ﺍﻱ ﻭﺍﻟﻠﻪ ﻫﻴﻚ ﺍﺣﺴﺎﺳﻲ ﺑﺲ ﺍﻧﺘﻲ ﺍﺻﺒﺮﻱ
ﺭﻫﻒ : ﻳﺎﺭﺭﺭﺏ
ﻗﻴﺲ : ﻳﻼ ﻧﺎﻣﻲ ﺣﺒﻴﺒﺘﻲ ﺗﻌﺒﺘﻲ ﻛﺘﻴﺮ
ﻏﻤﻀﺖ ﻋﻴﻮﻧﺎ ﻭﻧﺎﻣﺖ
ﻓﺎﻗﺖ ﺍﻟﺼﺒﺢ ﻋﻠﻰ ﺭﻳﺤﺔ ﺍﻟﻘﻬﻮﺓ ﻓﺘﺤﺖ ﻋﻴﻮﻧﺎ ﻭﻛﺎﻥ ﻗﻴﺲ ﻣﻌﻮ ﻓﻨﺠﺎﻧﻴﻦ ﻗﻬﻮﺓ ﻋﻠﻰ ﺻﻴﻨﺔ ﻭﻗﺎﻋﺪ ﻋﻢ ﻳﺘﺄﻣﻼ
ﺗﺠﻠﺴﺖ ﺭﻫﻒ ﻭﻗﺎﻟﺖ : ﺻﺒﺎﻟﺨﻴﺮ
ﻗﻴﺲ : ﺻﺒﺎﺡ ﺍﻟﻨﻮﺭ ﺣﺒﻴﺒﺘﻲ
ﺭﻫﻒ : ﻟﻴﺶ ﻣﻌﺬﺏ ﺣﺎﻟﻚ
ﻗﻴﺲ : ﻋﺬﺍﺑﻚ ﺭﺍﺣﺔ ﻳﻼ ﻣﺴﻜﻲ ﻓﻨﺠﺎﻧﻚ
ﺭﻫﻒ : ﻭﻳﻨﺎ ﺧﺎﻟﺘﻲ
ﻗﻴﺲ : ﻣﺎﻟﻘﻴﺘﺎ ﺷﻜﻼ ﺭﺍﺣﺖ ﻟﻌﻨﺪ ﺑﺎﺏ ﻭﺍﺧﻮﺍﺗﻲ ﻋﻠﻰ ﺑﻴﺘﻨﺎ ﺍﻟﺘﺎﻧﻲ
ﺭﻫﻒ ﻭﻫﻴﺔ ﻋﻢ ﺗﺸﺮﺏ ﺍﻟﻘﻬﻮﺓ : ﻗﻴﺲ ﺳﺎﻣﺤﻨﻲ
ﻗﻴﺲ : ﻋﻠﻰ ﺷﻮ
ﺭﻫﻒ : ﻋﻠﻰ ﻛﻠﺸﻲ ﻋﻠﻰ ﻟﻴﻠﺘﻚ ﻳﻠﻲ ﻧﺰﻋﺘﻠﻚ ﺍﻳﺎﻫﺎ ﻭﻋﻠﻰ ﻃﻠﺐ ﻃﻼﻗﻲ
ﻗﻴﺲ : ﻗﺼﺪﻙ ﻟﻴﻠﺘﻨﺎ ﺧﻠﺺ ﻻﺗﻔﻜﺮﻱ .. ﻭﻛﻤﺎﻥ ﻋﻠﻰ ﺍﻟﻄﻼﻕ ﺭﺡ ﺳﺎﻣﺤﻚ ﺑﺲ ﻻﻧﻚ ﻛﻨﺖ ﺑﺤﺎﻟﺔ ﺻﻌﺒﺔ ﺑﺲ ﺗﺎﻧﻲ ﻣﺮﺓ ﻣﺎﺭﺡ ﺍﺳﻤﺤﻠﻚ ﺗﻌﻴﺪﻫﺎ .. ﻻﻧﻮ ﻋﻨﺠﺪ ﻭﻗﺘﺎ ﺭﺡ ﺍﺯﻋﻞ
ﺭﻫﻒ : ﺑﺲ ﺑﺪﻱ ﻣﻦ ﻫﻠﻖ ﺗﻌﺮﻑ ﺍﻧﻮ ﺍﺫﺍ ﻣﺎﺭﺟﻌﻠﻲ ﺍﺑﻨﻲ ﺭﺡ ﺍﻃﻠﺐ ﺍﻟﻄﻼﻕ
ﻗﻴﺲ : ﺭﻫﻒ ﻣﺎﺑﺴﻤﺤﻠﻚ ﺍﻧﺘﻲ ﻗﻠﺒﻲ ﻭﻋﻤﺮﻱ ﻭﺍﺫﺍ ﺑﺘﻘﻮﻡ ﺍﻟﻘﻴﺎﻣﺔ ﻣﺎﺭﺡ ﺍﺗﺨﻠﻰ ﻋﻨﻚ ﺍﻓﻬﻤﻲ ... ﻟﻚ ﺍﻧﺎ ﺻﺪﻗﺖ ﺗﺼﻴﺮﻱ ﻣﻠﻜﻲ
ﺭﻫﻒ : ﺍﻭﻝ ﻣﺮﺓ ﺑﻼﻗﻲ ﺣﺪﺍ ﻣﺘﻤﺴﻚ ﻓﻴﻨﻲ ﻟﻬﻞ ﺍﻟﺪﺭﺟﺔ ﺍﻭ ﺍﻭﻝ ﻣﺮﺓ ﺑﺸﻮﻑ ﺣﺪﺍ ﺑﺤﺒﻨﻲ ﻟﻬﻞ ﺍﻟﺪﺭﺟﺔ
ﻗﻴﺲ : ﺑﺲ ﻟﻮ ﺑﻌﺮﻑ ﺍﻧﻮ ﻧﻮﺭ ﻛﺎﻧﺖ ﻛﺬﺍﺑﺔ ﻣﻦ ﻭﻗﺘﺎ ﻛﻨﺖ ﺗﺰﻭﺟﺘﻚ ﻭﻻ ﺧﻠﻴﺘﻚ ﺗﺮﻭﺣﻲ ﻟﻬﻴﻚ ﻭﺍﺣﺪ
ﺭﻫﻒ : ﻫﻴﻚ ﺭﺏ ﺍﻟﻌﺎﻟﻤﻴﻦ ﻛﺎﺗﺐ
ﻗﻴﺲ : ﺑﺲ ﺍﻧﺎ ﻛﻞ ﺍﻟﻤﺎﺿﻲ ﻣﺎﺑﻬﻤﻨﻲ
ﺭﻫﻒ : ﻗﻴﺲ ﺑﺪﻱ ﺍﺑﻨﻲ
ﻗﻴﺲ : ﻭﺣﻴﺎﺗﻚ ﻋﻨﺪﻱ ﺭﺡ ﺍﻋﻤﻞ ﻛﻠﺸﻲ ﺑﻴﻄﻠﻊ ﺑﺄﻳﺪﻱ ﻟﺤﺘﻰ ﺭﺟﻊ ﺍﺑﻨﻚ ﻟﺤﻀﻨﻚ ﻭﺍﺭﺟﻊ ﺷﻮﻑ ﺍﻟﺒﺴﻤﺔ ﻋﻠﻰ ﻭﺟﻬﻚ ﻫﺎﻟﺤﻠﻮ
ﺭﻫﻒ : ﺗﺴﻠﻤﻠﻲ ﻳﺎﺭﺏ
ﺍﻧﺪﻕ ﺍﻟﺒﺎﺏ
ﻗﻴﺲ : ﺍﻛﻴﺪ ﻫﺎﻱ ﻣﺎﻣﺎ ﺍﻧﺎ ﻗﺎﻳﻢ ﺍﻓﺘﺢ
ﻗﺎﻡ ﻓﺘﺢ ﺍﻟﺒﺎﺏ ﻭﺭﻫﻒ ﻣﻦ ﺟﻮﺍ ﺳﻤﻌﺖ ﺻﻮﺕ ﻫﺰﻻ ﻛﻴﺎﻧﺎ ﻭﺧﻼﻫﺎ ﺗﻘﻮﻡ ﺑﺴﺮﻋﺔ .. ﻭﻗﻔﺖ ﻋﻠﻰ ﺑﺎﺏ ﺍﻟﻐﺮﻓﺔ ﻭﻣﺎﻧﺎ ﻣﺼﺪﻗﺔ ﻋﻴﻮﻧﺎ
ﺭﻫﻒ : ﻫﻤﺎﺍﻡ
ﺍﻡ ﻧﺼﺮ : ﺍﻱ ﺣﺒﻴﺒﺘﻲ ﻫﻤﺎﻡ
ﺭﺍﺣﺖ ﻣﺴﻜﺘﻮ ﻭﺿﻤﺘﻮ ﻟﻘﻠﺒﺎ ﻭﺻﺎﺭﺕ ﺗﺒﻮﺳﻮ ﺑﻠﻬﻔﺔ ﻭﻛﺄﻧﺎ ﺻﺮﻻ ﻣﻴﺔ ﺳﻨﺔ ﻣﺎﻧﻬﺎ ﺷﺎﻳﻔﺘﻮ
ﺭﻫﻒ : ﻳﺎﻋﻤﺮﻱ ﻳﺎﻣﺎﻣﺎ ﻳﺎ ﺭﻭﺣﻲ .. ﺍﺷﺘﻘﺘﻠﻚ ﻳﺎﻋﻤﺮﻱ ﺍﺷﺘﻘﺘﻠﻚ
ﺍﻡ ﻧﺼﺮ : ﺧﻠﺺ ﻣﻌﺪ ﺗﺸﺘﺎﻗﻴﻠﻮ
ﺭﻫﻒ : ﺷﻮ ﻳﻌﻨﻲ ﻣﺮﺕ ﻋﻤﻮ
ﺍﻡ ﻧﺼﺮ : ﻋﻤﻚ ﺑﻬﺪﻟﻮ ﻟﻨﺼﺮ ﻻﻧﻮ ﺟﺎﺏ ﺍﺑﻨﻚ ﻣﻨﻚ .. ﻭﻋﻤﻚ ﺧﺠﻼﻥ ﻣﻨﻚ ﻛﺘﻴﺮ ﻭﻣﻦ ﻋﻤﺎﻳﻞ ﻧﺼﺮ ﻣﻌﻚ .. ﻭﻗﻠﻮ ﻟﻨﺼﺮ ﻟﺴﻪ ﻻﺣﻘﺎ ﻋﻠﻰ ﺍﺑﻨﺎ ﺍﺧﺪ ﻫﻤﺎﻡ ﻣﻨﻮ ﻭﻗﻠﻌﻮ ﻣﻦ ﺍﻟﺒﻴﺖ ﻭﻗﻠﻮ ﺍﻧﺖ ﺑﻌﺘﺎ ﻫﻴﺔ ﻭﺍﺑﻨﺎ ﻭﻣﺎ ﺍﻟﻚ ﺷﻲ ﻋﻨﺪﺍ
ﺭﻫﻒ : ﺍﻱ ﻭﺑﻌﺪﻳﻦ
ﺍﻡ ﻧﺼﺮ : ﻋﻤﻚ ﻗﺮﺭ ﺍﻧﻮ ﻫﻤﺎﻡ ﻳﻀﻞ ﻋﺎﻳﺶ ﻣﻌﻚ ﻻﻧﻮ ﻣﻦ ﺣﻘﻚ ﻭﺍﻧﺘﻲ ﺑﻤﺜﺎﺑﺔ ﺑﻨﺘﻮ ﻭﻣﺎﺭﺡ ﻳﺤﺮﻣﻚ ﻣﻦ ﺍﺑﻨﻚ ﻭﻗﺎﻝ ﺣﻘﻚ ﺗﻌﻴﺸﻲ ﻭﺗﻨﺒﺴﻄﻲ ﺑﺤﻴﺎﺗﻚ ﺑﺲ ﻫﻤﺎﻡ ﺑﺪﻙ ﺗﺴﻤﺤﻴﻠﻨﺎ ﻓﻴﻪ ﻋﺎﻟﻘﻠﻴﻠﺔ ﻳﻮﻣﻴﻦ ﺑﺎﻻﺳﺒﻮﻉ
ﺭﻫﻒ : ﺍﻛﻴﺪ ﺍﻟﻤﻬﻢ ﺍﻧﻮ ﺻﺎﺭ ﺍﻟﻲ
ﺍﻡ ﻧﺼﺮ : ﺍﻧﺎ ﻫﻠﻖ ﺑﺎﻻﺫﻥ ﺻﺎﺭ ﻻﺯﻡ ﺭﻭﺡ
ﺭﻫﻒ : ﻣﺮﺕ ﻋﻤﻮ ﻭﺷﻮ ﻋﺸﺎﻥ ﻧﺼﺮ ﺑﺮﻛﻲ ﺭﺟﻊ ﺍﻋﺘﺮﺿﻠﻲ ﻃﺮﻳﻘﻲ
ﺍﻡ ﻧﺼﺮ : ﻻ ﺗﺎﻛﻠﻲ ﻫﻢ ﺍﻟﻴﻮﻡ ﺍﻟﺼﺒﺢ ﺍﻛﺘﺸﻒ ﺍﻧﻮ ﻣﺮﺗﻮ ﺣﺎﻣﻞ ﻭﻣﺎﻧﻮ ﻋﺎﻃﻲ ﻓﺮﺣﺘﻮ ﻟﺤﺪﺍ ﻭﻫﻤﺎﻡ ﻧﺴﻴﻪ ﻣﻦ ﻭﻗﺖ ﺳﻤﻊ ﻫﺎﻟﺨﺒﺮ
ﺭﻫﻒ : ﺍﻱ ﺍﻟﻒ ﻣﺒﺮﻭﻙ ﻭﺍﻟﻠﻪ ﻳﻬﻨﻴﻪ
ﺍﻡ ﻧﺼﺮ : ﻭﻳﻬﻨﻴﻜﻲ ﻳﺎﺭﺏ ..
ﻃﻠﻌﺖ ﺍﻡ ﻧﺼﺮ ﻭﺭﻫﻒ ﺭﺟﻌﺖ ﺿﻤﺖ ﺍﺑﻨﺎ ﻭﺻﺎﺭﺕ ﺗﺒﻮﺳﻮ
ﻗﻴﺲ : ﻋﻔﻜﺮﺓ ﺍﻧﺎ ﻋﻢ ﻏﺎﺭ
ﺭﻫﻒ : ﺍﻱ ﻏﺎﺭ ﺷﻮ ﺍﻋﻤﻠﻚ ﻫﺎﺩ ﺍﺑﻨﻲ ﻭﻣﺸﺘﺎﻗﺘﻠﻮ
ﻗﻴﺲ : ﻃﻴﺐ ﺍﻋﺘﺒﺮﻳﻨﻲ ﺍﺑﻨﻚ ﻭﺍﺷﺘﺎﻗﻴﻠﻲ ﻭﻋﻄﻴﻨﻲ ﺷﻲ ﺑﻮﺳﺔ
ﺭﻫﻒ : ﻫﻬﻬﻬﻬﻪ ﺍﻧﺖ ﺻﺮﺕ ﻛﺒﻴﺮ ﻋﻠﻰ ﻫﻴﻚ ﺷﻐﻼﺕ
ﻗﻴﺲ : ﺍﻧﺎ ﻛﺒﻴﺮ ﻋﻠﻰ ﻫﻴﻚ ﺷﻐﻼﺕ ﺑﺴﻴﻄﺔ ﻣﺎﺭﺡ ﺣﻜﻴﻜﻲ ﺷﻲ ﻫﻠﻖ ﻗﺪﺍﻡ ﺍﺑﻨﻚ
ﺭﻫﻒ : ﻫﻬﻬﻬﻪ ﻣﺴﻜﻮ ﺷﻮﻱ ﺍﻧﺎ ﻓﺎﻳﺘﺔ ﺍﻋﻤﻠﻮ ﺷﻲ ﻳﺎﻛﻠﻮ
ﻗﻴﺲ : ﺍﻱ ﻫﺎﺗﻴﻪ ﻟﻬﻞ ﺍﻻﻣﻮﺭ
ﺍﺧﺪ ﻗﻴﺲ ﻫﻤﺎﻡ ﻭﺻﺎﺭ ﻳﺒﻮﺳﻮ ﻳﺮﻓﻌﻮ ﻟﻔﻮﻕ ﻭﻫﻤﺎﻡ ﻋﻢ ﻳﻀﺤﻚ ﻭﻓﺮﺣﺎﻥ ﺑﻴﻦ ﺍﺩﻳﻪ
ﻗﻴﺲ : ﺷﻔﺖ ﺍﻣﻚ ﺷﻘﺪ ﻓﺮﺣﺖ ﻟﻤﺎ ﺷﺎﻓﺘﻚ .. ﺍﻟﻠﻪ ﻻ ﻳﺤﺮﻣﻬﺎ ﻣﻨﻚ .. ﻟﻚ ﺗﺨﻴﻞ ﻳﺎﺯﻟﻤﺔ ﻛﺎﻧﺖ ﺑﺪﺍ ﺗﺘﺮﻛﻨﻲ ﻣﺸﺎﻧﻚ .. ﺍﻱ ﻭﺍﻟﻠﻪ ﻣﺘﻞ ﻣﺎﻋﻢ ﻗﻠﻚ ... ﻫﻬﻬﻬﻬﻬﻬﻪ ﻭﻋﻢ ﺗﻀﺤﻚ ﻛﺄﻧﻚ ﻋﺮﻓﺎﻥ ﺷﻮ ﻋﻢ ﺍﺣﻜﻲ ﻟﻚ ﺩﺧﻴﻞ ﺭﻭﺣﻚ
ﻃﻠﻌﺖ ﺭﻫﻒ ﻭﻣﻌﻬﺎ ﺻﺤﻦ ﺳﻴﺮﻻﻙ ﻭﻋﻴﻮﻧﻬﺎ ﻛﺎﻧﻮ ﻋﻢ ﻳﺮﻗﺼﻮ ﻣﻦ ﺍﻟﻔﺮﺡ
ﺭﻫﻒ : ﻋﺬﺑﻚ ﺣﺒﻴﺒﻲ
ﻗﻴﺲ : ﻫﻮ ﻻ ﺑﺲ ﺍﻣﻮ ﺍﺍﺍﺥ ﻟﻮ ﺗﻌﺮﻓﻲ ﺷﻘﺪ ﻋﻢ ﺗﻌﺬﻳﻨﻲ
ﺭﻫﻒ : ﺍﺳﻔﺔ ﻳﺎﺭﻭﺣﻲ ﺍﺳﻔﺔ .. ﻭﺣﻴﺎﺗﻚ ﻣﻌﺪ ﺍﺯﻋﻠﻚ
ﻗﻴﺲ : ﻟﻚ ﺍﻧﺎ ﻣﺎﺑﺰﻋﻞ ﻣﻨﻚ ﻳﺎﻗﻤﺮ ... ﻟﻴﻜﻲ ﺣﺒﻴﺒﺘﻲ ﺍﻧﺎ ﺭﺍﻳﺢ ﻟﻌﻨﺪ ﺍﻫﻠﻲ ﻻﻧﻮ ﺭﺍﺟﻌﻴﻦ ﻋﻠﻰ ﺑﻴﺮﻭﺕ ﻭﺩﻋﻮﻥ ﻭﺭﺍﺟﻊ
ﺭﻫﻒ : ﻋﻨﺠﺪ ﻭﺧﺎﻟﺘﻲ ﻛﻤﺎﻥ
ﻗﻴﺲ : ﺍﻱ ﻭﺧﺎﻟﺘﻚ
ﺭﻫﻒ : ﺧﻠﻴﻨﻲ ﻗﻮﻡ ﻣﻌﻚ
ﻗﻴﺲ : ﻻ ﺣﺒﻴﺒﺘﻲ ﺍﻟﺠﻮ ﺑﺮﺍ ﺑﺮﺩ ﻣﺸﺎﻥ ﻫﻤﻮﻣﺔ ﺧﻠﻴﻜﻲ ﺍﻧﺘﻲ ﻭﺍﺑﻨﻚ ﺷﺒﻌﻲ ﻣﻨﻮﻣﻨﻴﺢ
ﺭﻫﻒ : ﻃﻴﺐ ﻣﺎﺷﻲ ﺍﻟﻠﻪ ﻣﻌﻚ ﺳﻠﻤﻠﻲ ﻋﻠﻴﻬﻦ
ﻗﻴﺲ : ﺍﻭﻙ
ﻓﺎﺕ ﻟﺒﺲ ﻭﺭﺍﺡ ﻟﻌﻨﺪ ﺍﻫﻠﻮ
ﺭﻫﻒ : ﺍﻟﻒ ﺣﻤﺪ ﻭﺷﻜﺮ ﺍﻟﻚ ﻳﺎﺭﺏ .. ﺍﻟﻒ ﺣﻤﺪ ﻭﺷﻜﺮ ﺍﻟﻚ ﻳﺎﺭﺏ
ﺻﺎﺭ ﺍﻟﻀﻬﺮ ﻭﺻﺎﺭ ﻭﻗﺖ ﻧﻮﻣﺖ ﻫﻤﺎﻡ ﻧﻴﻤﺘﻮ ﻭﺣﺒﺖ ﺗﻌﻤﻞ ﻣﻔﺎﺟﺌﺔ ﻟﻘﻴﺲ
ﺑﺲ ﻣﺎﻟﺤﻘﺖ ﺳﻤﻌﺖ ﺻﻮﺕ ﺍﻟﺒﺎﺏ ﻋﻢ ﻳﻨﻔﺘﺢ ﺭﺍﺣﺖ ﺑﺴﺮﻋﺔ ﻟﻮﺭﺍ ﺍﻟﺒﺎﺏ ﻭﻟﻤﺎ ﻓﺎﺕ ﺣﻄﺖ ﺍﺩﻳﻬﺎ ﻋﻠﻰ ﻋﻴﻮﻧﻮ
ﻗﻴﺲ : ﻣﻴﻦ
ﺭﻫﻒ : ﺣﺰﻳﺮ
ﻗﻴﺲ : ﺍﻣﻤﻤﻤﻢ ﻣﺎ ﻋﺮﻓﺖ
ﺭﻫﻒ : ﻃﻴﺐ ﺍﻭﻝ ﺣﺮﻑ ﻣﻦ ﺍﺳﻤﻲ ﺭﻫﻒ
ﻗﻴﺲ : ﻫﻬﻬﻬﻬﻬﻪ ﺍﺫﺍ ﻫﺎﺩ ﺍﻭﻝ ﺣﺮﻑ ﺷﻮ ﺗﺎﻧﻲ ﺣﺮﻑ
ﺭﻫﻒ : ﺣﺒﻴﺒﺖ
ﻗﻴﺲ : ﻭﺍﻟﺘﺎﻟﺖ
ﺭﻫﻒ : ﻻ ﻫﺎﺩ ﺍﻧﺖ ﺑﺪﻙ ﺗﺤﺰﺭﻭ
ﻗﻴﺲ : ﺍﻣﻤﻤﻢ ﺍﻧﺎ ﺑﻘﻮﻭﻭﻝ ﻗﻴﺲ
ﺭﻫﻒ : ﺻﺢ ﺣﺰﺭﺕ ﺷﺎﻟﺖ ﺍﺩﻳﻬﺎ ﻋﻦ ﻋﻴﻮﻧﻮ ﻭﻭﻗﻔﺖ ﻗﺪﺍﻣﻮ
ﻭﻋﻢ ﺗﺘﻄﻠﻊ ﻋﻠﻴﻪ ﻭﻫﻴﺔ ﻣﺒﺘﺴﻤﺔ
ﻗﻴﺲ : ﺷﺒﻚ ﻟﻴﺶ ﻫﻴﻚ ﻋﻢ ﺗﺘﻄﻠﻌﻲ ﻋﻠﻲ
ﺭﻫﻒ : ﺑﺪﻱ ﻗﻠﻚ ﺳﺮ
ﻗﻴﺲ : ﺑﺼﻮﺕ ﻭﺍﻃﻲ ﻭﺷﻮ ﻫﻮ
ﺭﻫﻒ : ﻫﻤﺎﻡ ﻧﺎﻡ
ﻗﻴﺲ : ﻫﻬﻬﻪ ﻭﺷﻮ ﻳﻌﻨﻲ
ﺭﻫﻒ : ﻭﻣﺎ ﺑﻔﻴﻖ ﻗﺒﻞ ﺳﺎﻋﺘﻴﻦ
ﻗﻴﺲ : ﻋﻨﺠﺪ .. ﺍﻱ ﺣﻠﻮ ﻛﺘﻴﺮ ﻭﺷﻮ ﺍﻟﻤﻄﻠﻮﺏ ﻣﻨﻲ
ﺭﻫﻒ : ﻋﻢ ﻗﻠﻚ ﻫﻤﺎﻡ ﻧﺎﺍﻡ ﻭﻣﺎﺑﻔﻴﻖ ﺑﺴﺎﻋﺘﻴﻦ
ﻗﻴﺲ : ﺍﻣﻤﻤﻢ ﻓﻬﻤﺖ ﻋﻠﻴﻜﻲ ﺑﺪﻙ ﺍﻳﺎﻧﻲ ﺍﻃﻠﻊ ﻣﻦ ﺍﻟﺒﻴﺖ ﻣﺸﺎﻥ ﻣﺎ ﺍﺯﻋﺠﻮ ﻣﺎ ﻫﻴﻚ
ﺭﻫﻒ : ﻗﻴﻴﻴﻴﻴﺲ
ﻗﻴﺲ : ﻟﻚ ﻗﻠﺒﻮ ﻟﻘﻴﺲ ﻭﻋﻤﺮﻭ ﻟﻘﻴﺲ
ﻧﺰﻝ ﻟﻌﻨﺪﺍ ﻭﺣﻤﺎﻻ ﻭﻗﺎﻝ : ﺑﺪﻱ ﻗﻠﻚ ﺳﺮ
ﺭﻫﻒ ﺑﺼﻮﺕ ﻭﺍﻃﻲ : ﻭﺷﻮ ﻫﻮ
ﻗﻴﺲ : ﺻﺎﺭ ﻭﻗﺘﻲ ﺍﺷﺒﻊ ﻣﻨﻚ
ﺭﻫﻒ : ﻗﻴﻴﺲ ﻋﻠﻰ ﻓﻜﺮﺓ ﺍﻧﺎ ﺑﺨﺠﻞ
ﻗﻴﺲ : ﻫﻬﻬﻬﻪ ﻣﻨﻴﺢ ﻗﻠﺘﻴﻠﻲ ﻣﺎﻛﻨﺖ ﺑﻌﺮﻑ
ﺭﻫﻒ : ﺷﻮ ﻣﺎﻧﻚ ﻣﺼﺪﻕ
ﻗﻴﺲ : ﻫﻬﻬﻬﻬﻬﻬﻪ ﻟﻚ ﺑﺤﺒﻚ ﻳﺎ ﻣﺠﻨﻮﻧﺔ
ﺭﻫﻒ : ﺍﻟﻠﻪ ﻻ ﻳﺤﺮﻣﻨﻲ ﻣﻨﻚ
ﺿﻤﺘﻮ ﻣﻦ ﺭﻗﺒﺘﻮ ﻭﺣﻄﺖ ﺭﺍﺳﺎ ﻋﻠﻰ ﻛﺘﻔﻮ ﻭﻫﻮ ﻛﻤﻞ ﻋﻠﻰ ﻏﺮﻓﺔ ﺍﻟﻨﻮﻡ .....
ﻭﻫﻮﻥ ﺧﻠﺼﺘﺎ ﻗﺼﺘﻨﺎ ﻋﻄﻮﻧﺎ ﺭﺃﻳﻜﻦ
ﻃﺒﻌﺎ ﻗﻴﺲ ﻗﺮﺭ ﻳﺒﻘﺎ ﺑﺎﻟﺒﻠﺪ ﻣﺸﺎﻥ ﺭﻫﻒ ﻭﻣﺸﺎﻥ ﻫﻤﺎﻡ ﻳﻀﻞ ﻗﺮﻳﺐ ﻣﻦ ﺑﻴﺖ ﺟﺪﻭ
ﺍﻧﺘﻬﺖ
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق