رواية جواز سري البارت الرابع بقلم الكاتب مصطفى جابر حصريه وجديده على مدونة النجم المتوهج للروايات والمعلومات

 رواية جواز سري البارت الرابع بقلم الكاتب مصطفى جابر حصريه وجديده على مدونة النجم المتوهج للروايات والمعلومات 

ازيك ياشيخنا حضرتك فاكرني انا هدير جينا انا والشاب دا اتجوزنا عندك من شهرين. 

الشيخ بص ليزن:  شاب مين يا بنتي انا اول مرة اشوفك. 

هدير بصدمة:  اول مرة  اي انت بتكدب. 

المأذون بغضب:  عيب تتهميني بالتهمة دي انا راجل بتاع ربنا. 

غادة بهدؤء:  اسفين يا شيخنا احنا بس بنتأكد من حاجه. 

الماذؤن بغضب:  تتاكدوا من اي ان شاءلله انا مشفتش الانسة دي 

يزن بتوتر: صدقتوني دلوقتي.. علشان تعرفوا أن هدير عايزه تلبسني مصيبة حد تاني 

المأذون بأستغراب : ثواني ... أنا فعلا شوفتك قبل كده .. مش أنت اللي .

يزن بتوتر وبنظرة شر :  انا اي يا شيخنا ركز كده .

هدير فرحت:  انت افتكرته صح قول 

الماذؤن بهدؤء:  اه افتكرته دا جالي يشهد علي جوازة واحد صاحبه من كام يوم. 

هدير بصدمة:  انت بتقول اي يا جدع انت ركز كويس انت بنفسك كتبت كتابي عليه والله . 

يزن ببرود:  هو مش قالك مشفكيش بطلي بجاحة عشان تدراي علي عملتك. 

الماذؤن بزعر:  عملتها ... اعوذو بالله وبتتهميني بالكذب ابعدي عني أنا ماشي 

هدير بدموع:  والله العظيم يزن جوزي طب استنوا هدخل للبواب. 

دخلت اوضة البواب:  لو سمحت انت فاكرني. 

البواب بنوم:  انتي مين وازاي تدخلي اوضتي كدا. 

هدير بغضب:  انت فاكرني ولا لا انطق. 

البواب ببرود:  لا طبعا انتي مين بقا عاوزة شقة مفروشة. 

هدير مسكته بغضب: بقولك اي شغل الجنان ده ميمشيش معايا ... انت عارفني كويس بأمارة المئة جنيه اللي انا ادتهالك كان مكتوب عليها هدير وغادة. 

غادة بسخرية:  حوش الولاء يا بت انا ماشيه يا مرات ابويا بنتك عندك اهي ربيها من الاول دا لو هتعرفي. 

هدير جريت علي يزن:  ابوس ايدك يا يزن قول الحقيقه طب فين القسيمه. 

يزن زقها بقرف: بطلي قرف بقا انتي لسه مصممه علي كدبك ده ..يلا يا غادة احسن لك تقطعي علاقتك بالاشكال دي. 

هدير بزعيق والناس بتتفرج:  انت فاكر هتاكلني لحم وترميني عضم دنتا بتحلم دا انا لحمي مر اوي يا يزن مش عاوز تعترف بجوازك مني طب حتي اعترف ب ابنك اللي في بطني. 

يزن بغضب:  اخرسي انا مش جوزك علشان اعترف بعيل مش ابني ...انا جوز اختك روحي شوفي غلطتي مع مينن. 

هدير بغضب:  انا معملتش حاجة غلط. 

الناس بتتهامس.. 

سعاد بعصبية:  انتي مكانك في الشارع مش عاوزة اشوف وشك في بيتي تاني فاهمه ولا لا. 

هدير بدموع:  انتي هتطرديني يا ماما. 

سعاد بغضب:  انا مش امك خلاص انا هعمل عزاء وهاخده فيكي بنتي ماتت. 

سابتها ومشيت وهي انهارت. 

غادة بصت ليها بحزن.. 

يزن مسك غادة:  انا رديتك هتيجي معايا ولا هتفضلي معاها واعملي حسابك المرة الجاية اقسم بالله ما هردك تاني 

غادة بجمود:  هاجي معاك يا يزن انا مبقتش عاوزة اعرفها تاني معرفتها ليا هتجيب لي وتجيب ل ابني العار. 

خدها ومشي.. 

هدير بصت له بتوعد ودموع:  مش انا اللي هسكت عن حقي يا يزن فااهم مش هسيبك. 

... بليل.... 

غادة قاعدة سرحانه و يزن جه جنبها:  اي يا حبيبتي مالك. 

غادة بحزن:  مش مستوعبة اي حاجه من اللي حصلت النهارده. 

يزن ببرود:  يا حبيبتي ياما هتقبلي في الدنيا. 

غادة بصت في عينه:  يزن بص لي وقولي انك معملتش كدا. 

يزن بتمثيل الصدمة:  بردو شاكة فيا يا غادة اعملك اييي عشان تصدقيني دايما شك كدا دي مبقتش عيشة يا شيخه. 

سابها وخرج وهي قعدت تعيط.. 

عند هدير.. 

هدير بدموع:  مش عارفه اتصرف ازاي دا بينكر جوازنا حتي الشيخ والشاهد انكروا. 

بسملة بهدؤء: ما بصراحه انتي غلطتي يا هدير اي اللي خلاكي تتجوزيه اهو رماكي اهو وفضلها عليكي 

هدير بغيظ:  كنت متنيلة علي عيني بحبه اعمل اي تاني هو غدر بيا الحيوان. 

بسملة بتبص للساعة: طب نشوف المشكله دي بكرا بقا ابقي تعالي لي العصر اكون صحيت. 

هدير باستغراب:  اجيلك منين انا امي طردتني وقولت لك. 

بسملة ببرود:  بس دي مشكلتك مش مشكلتي انا يا هدير انا ابويا وامي مش بيحبوا حد يقعد معايا ويبات. 

هدير بحزن:  اروح فين طيب مانا معنديش مكان اروحه. 

بسملة ببرود:  اي فندق يا هدير مش صعبة يعني. 

هدير بتوتر:  طب ممكن تسلفيني فلوس وهبقا اردهالك. 

بسملة بجمود:  منين يا حبيبتي اللي جاي علي قد اللي رايح علي يدك ممعيش قرش يوحد ربنا حتي. 

هدير بحزن: بقي كده يا بسمله ؟ .. طب تمام تمام اووي 

قامت مشيت و بسملة قفلت الباب:  هو انا ناقصة مصايب الحمد لله انها غارت من سكتي.

في بيت سعاد.. 

هدير خبطت وسعاد فتحت بجمود وكانت لابسه اسود:  خير انتي مين وعاوزة اي. 

هدير بدموع:  انا عارفة انك زعلانه مني ودا حقك بس والله العظيم هو اللي ضحك عليا ووقعني في حبه واتجوزنا وانا والله خوفت علي مشاعر اختي وقولت نداري الموضوع شويه. 

سعاد بجمود:  بردو مقولتيش عاوزة اي. 

هدير مسكت ايديها:  ابوس ايدك يا ماما سامحيني انا مليش غيرك اروح فين ولا اعمل اي انا .. هترضي ترميني علي الارصفه. 

سعاد بكسرة:  زي مانتي رضيتي تكسري ضهري وتعملي عملتك السوده دي . 

هدير بانهيار:  ورحمة ابويا يزن جوزي بصي انا عندي حل نعمل تحاليل منه ومن ابني وهثبت ان هو  ابوه. 

سعاد بعدت ببرود:  افضحي نفسك اكتر واكتر يلا خشي بس لسانك ميخاطبش لساني. 

هدير دخلت بدموع: حاضر انا هعرفكم كلكم انكم ظلمتوني. 

سعاد بقرف:  انتي اللي ظلمتي نفسك اه صحيح انا لابسه اسود عليكي. 

هدير دخلت تعيط وسعاد قعدت بحزن وكسرة... 

.. تاني يوم.. عند غادة.. 

الباب بيخبط فتحت لاقت هدير.. 

غادة بجمود:  جاية لي هنا يزن حالف عليا مدخلكيش. 

هدير بهدؤء:  انا عاوزة يزن اتكلم معاه يا غادة و غلاوتك انتي وامي انا مغلطش. 

غادة ببرود : يزن مش هنا في مكتبه ويالله امشي ..قفلت في وشها الباب.. 

هدير خبطت بغضب:  افتحي يا غادة انا عارفة انك مصدقاني عينك بتقول كدا بس خايفه تصدقي  انه انا ضرتك. 

غادة من ورا الباب:  لا مش خايفه وانتي كدابة وميشرفنيش انك تكوني اختي

هدير بغل:  ماشي يا غادة.... نزلت راحت المكتب ل يزن.. 

دخلت ببرود:  ازيك يا بيه. 

يزن بخبث:  اهلا اهلا ب حبيبتي الحلوة اي رايك في تمثيلي 

عجبتك مش كده . 

هدير بقرف: انت لي عملت معايا كدا. 

يزن ببرود: لأني مش عايز اخسر مراتي وكان اتفقنا أن جوازنا يبقي في السر ومتفقناش علي عيال وبسببك اتفضحنا.

هدير بغيظ:  طب وابنك اللي في بطني يا يزن وأنت متاكد انه ابنك. 

يزن بخبث: أنا عارف أنه ابني وانا هتصرف .. تعالي نروح شقتنا نقعدو فيها شويه

هدير بغضب :  شقتنا اي انا عاوزاك تقول للكل اني مراتك وبعدها لو هتطلقني طلقني. 

يزن بخبث:  وانتي متهونيش عليا اطلقك اللي انتي عوزاه أنا هعملهولك.

هدير ببرود : ماشي تعالى معايا دلوقتي عند غادة واعترف قدامها. 

يزن بشر:  بس كدا حاضر بس هطلقك بعدها. 

هدير بقرف:  مش مهم انا كدا كدا مش طايقه وجودك من الاساس بس عايزه اثبت للكل اني مكنتش ماشيه غلط واني متجوزاك رسمي .

يزن بخبث : تمام يالله بينا

يزن نزل معاها وركبوا العربية طلع بخاخة ورش في وشها.. 

هدير بدوخه:  انت رشيت ايي ااه عيييني 

كتم نفسها لحد ما فقدت واعيها.. 

يزن ببرود:  اتخمدي جتك القرف بقا عاوزة تفضحيني غلطتي اني اتجوزتك رسمي بس هصلحها. 

... بعد شويه... في بيت قديم.. 

هدير بتفوق بتلاقي نفسها علي سرير مربوطه وهو قاعد ببرود. 

هدير بغضب:  انت جبتني هنا لي يا يزن ؟

يزن ببرود:  متخفيش مش هجيب دكاترة وانزل لك ابنك دا مهما كان ضنايا بردو. 

هدير بدموع:  فكني يا يزن. 

يزن ببرود:  تؤ انا هسيبك هنا محبوسه علطول وفي خدامه برا هتأكلك وتكون زي ضلك واه انا مش بعمل كده عشان سواد عيونك لا يا حبيبتي انتي هتفضلي معايا لحد اما تولدي بالسلامه اخد ابني وانتي اللي بالسلامه. 

هدير بصدمة:  انت هتحرمني من ابني. 

يزن بخبث:  اه مش بدل ما اتحرم انا منه يعني. 

هدير بغضب' وهتقول للناس اي علي انه انا اختفيت ها.

يزن ببرود:  لا دي بتاعتي انا بقا مش بتاعتك المهم كلي كويس عاوز ابني يبقا شديد زي ابوه. 

هدير بقرف:  اتفووو عليك وانا هخرج من هنا  . 

يزن ببرود:  في احلامك بقا عارفة انا هقول اني لاقيت ابنك مرمي ف الشارع صعب عليا ف قولت اربيه مع غدغودة حبيبتي وابني اللي جاي اصل انا قلبي رهيف اووي . 

هدير بزعيق:  خرجني بقولك الحقوووني يا ناااس الحقوووني. 

يزن وقف:  زعقي من هنا لحد بعد الولادة محدش هيسمعك ولا هيجي ينقذك حتي. 

خرج وهي بتحاول تفك نفسها مش عارفه قعدت تعيط بانهيار.. 

.. عند غاده كانت بتكلم سعاد في التليفون .. 

سعاد بقلق:  قلبي مش مطمن يا غادة هي اه غلطت بس حاسه انه فيها حاجه. 

غادة بهدؤء:  متخفيش يا مرات ابويا دلوقتي تيجي. 

سعاد بدموع:  بكلمها مع اني حالفه انه مش هعبرها مبتردش و في الاخر تليفونها اتقفل هيا لما مشيت من عندك متعرفيش راحت فين 

غادة بقلق:  بصراحه لا هي نزلت من عندي بقالها تلات ساعات كدا. 

سعاد بخوف:  ربنا يستر تكونش راحت ل يزن. 

غادة بتفكير:  ممكن هقوم البس واروح.. لاقت يزن دخل.. اهو يزن جه اهو يا مرات ابويا 

غادة بتوتر:  بقولك يا يزن هيا هدير جت عندك المكتب ؟

يزن ببرود:  وهي هتيجي عندي لي هيا مجنونه للدرجة دي. 

غادة بقلق:  يزن انا مبهزرش جت عندك ولا لا. 

يزن بخبث:  اه جت وكانت عاوزة فلوس وانا طردتها. 

غادة باستغراب:  وهي هتعوز منك فلوس لي. 

يزن بلا مبالاة:  معرفش ابقي اسأليها حضرتي لي الحمام ولا هنفضل في حكاية اختك كتير  

غادة بحزن:  هقوم احضره.. مسكت التليفون.. سمعتي بنفسك اهو يا مرات ابويا سلام دلوقتي. 

سعاد بشك:  ماشي مع اني شاكة ان في حاجه غلط. 

قفلت معاها وقامت تحضر الحمام... 

... بعد شويه.. كانو بياكلوا غادة جت ليها رسالة. 

غادة بفرحة:  دي هدير يا يزن بعتت لي رسالة واتس. 

يزن بصدمه : أيييي ؟ رسالة اي دي  

تسلمولي عالدعم والتفاعل بتاع البارت اللي فات وأتمني التفاعل يتكرر عالحلقه دي 🤎✨

يتبع

اللي بيحب الروايات الكامله والحصريه من هنا 👇 ❤️ 👇 

روايات كامله وحصريه

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

البارت الأول من هنا

البارت الثاني من هنا

البارت الثالث من هنا

البارت الرابع من هنا