رواية جواز سري البارت الثاني بقلم الكاتب مصطفى جابر حصريه وجديده على مدونة النجم المتوهج للروايات والمعلومات

رواية جواز سري البارت الثاني بقلم الكاتب مصطفى جابر حصريه وجديده على مدونة النجم المتوهج للروايات والمعلومات 

رواية جواز سري الفصل الثاني

رواية جواز سري الجزء الثاني

رواية جواز سري الحلقه الثانيه 

رواية جواز سري البارت الثاني بقلم الكاتب مصطفى جابر حصريه وجديده على مدونة النجم المتوهج للروايات والمعلومات 

انت ازاي عايزني أتجوز واحد تاني وانا متجوزاك 

يزن ببرود: اسمعي ومتبقيش غبيه احنا وضعنا دلوقتي ميسمحش انه نقول لحد علي جوازنا فالازم نخبي الموضوع ده عشان كدا لازم توافقي علي العريس وبعدين يستي أبقي اتخطبي تلات اربع شهور وطلعي فيه عيوب الدنيا وسبيه علشان تبقي قدام امك انك بتوافقي بس مفيش نصيب بدل ما يتشك فيكي. 

هدير بذهول:  وانت هتقبل علي نفسك اكلم واخرج مع راجل غيرك يا يزن ؟؟؟

يزن بخبث : طبعا لا .. انتي مراتي حبيبتي بس دا كله لأجل مصلحتك امك بدأت تشك فيكي بسبب رفضك للعرسان  وغادة كمان شاكه ان في حد في حياتك ودا غلط اسمعي مني انا عارف مصلحتك كويس اوي. 

هدير بغضب : ماشي يا يزن هسمع كلامك وهنشوف اخرتها اي. 

يزن بخبث : هو دا الكلام .. متيجي تخشي معايا نتسلي جوا شويه 

هدير بجمود: لا مش هينفع أقعد أكتر من كده عشان العريس اللي زمانه علي وصول ده سلام .

مشيت وهو قعد ببرود... 

بليل.. 

سعاد بابتسامة:  اهلا بيك يا حبيبي نورتنا وشرفتنا. 

سليم بابتسامة:  بنورك يا طنط. 

سعاد بهدؤء:  هدير تعالي هاتي القهوة لعريسك يا بنتي. 

هدير دخلت وهي باصة في الارض وهو باصص لها بابتسامة.. 

سعاد بابتسامة:  هدير دي بقا حتة مني كدا ست بيت شاطرة ومتعلمه  احسن تعليم و متربية صح. 

سليم بابتسامة:  مش محتاجة تقولي لي يا طنط سمعتكم باينه هي و غادة الناس بتحلف بأدبهم وأخلاقهم ... احم ازيك يا انسه هدير. 

هدير بتوتر : كويسة وحضرتك عامل اي. 

سليم بهدؤء:  انا كويس الحمدلله هي السجادة جديدة ولا اي. 

هدير باستغراب بصت له:  لا قديمه .. بتسأل ليه

سليم بضحك:  لا طبعا بس اصلك عماله تبصي عليها من اول ما جيتي. 

هدير ضحكت وهو ابتسم.. 

سعاد بخبث:  طب هروح أنا اعملكم كوبيتين شاي

خرجت وهو بص ل هدير بهدؤء:  مش عاوزة تسالني اي حاجه. 

هدير بهدؤء:  لا شكرا. 

سليم بابتسامة:  طب انا ممكن اسالك سؤال بسيط. 

هدير بهدؤء:  لا يا سليم  وحضرتك مرفوض وعن اذنك بقي

خرجت وهو بص لها باستغراب.. 

قام مشي.. 

سعاد جت لاقته مشي راحت لهدير:  هو في اي و الراجل مشي لي. 

هدير بتمثيل الدموع:  البيه حاول يتقرب مني وانتي برا بشكل مش كويس طردته.

سعاد بصدمة:  هو انا لحقت دا يدوب مكملتش دقايق ووو. 

هدير بدموع مقاطعه: انتي كمان مش مصدقاني ..سبيني لوحدي ادي اخرة عرسانك البيه شكله فاكراني واحدة من الشارع. 

سعاد بشك: بت الواد دا الكل بيحلف ب تربيته وأدبه انتي فيكي حاجه غلط قلبي مش مطمني. 

هدير بتوتر:  مش مطمنك اه مانتي عاوزة تخلصي مني ومش طايقة قعدتي هنا .. عاوزة ترميني زي ما رميتي غادة. 

سعاد بخضة: هو انا علشان عايزه استرك واجوزك واطمن عليكي يبقي كده برميكي ؟

هدير بدموع تمثيل: ولا تطمني ولا حاجه ممكن تسبيني اهدا عشان عمري ما هنسي الموقف اللي حصل برا ده وكله بسببك. 

سعاد بحزن:  حقك عليا انا هاخد لك حقك منه وهفضحه الندل دا.. 

هدير بخضة:  اي لا يا ماما غلط احنا ملناش دعوة احسن يأذينا احنا مش عايزين مشاكل اهو راح لحاله

سعاد بحزن:  عندك حق يا بنتي سامحيني ي ضنايا 

هدير بخبث:  مسامحكي بس عشان خاطري بلاش تجبريني علي حاجه انا ان شاءلله ربنا شايل لي نصيبي مع شخص كويس يصوني. 

سعاد بحنان : ان شاءلله يا حبيبتي تعالي كلي الجاتوة بقا اهو اللي منه احسن منه. 

هدير بضحك:  انتي وصلتي للتريند دا يا سوسو.. 

سعاد بضحك : اومال دا انا متابعه التريندات كلها. 

عند غادة.. 

غادة بفرحه:  انا بجد مبسوطه اوي يا حبيبي الحمدلله ربنا رضانا وجبر بخاطري

يزن باستغراب: رضانا ازاي مش فاهم. 

غادة بابتسامة:  انا حامل في الشهر التاني يا يزن مش مصدقة اخيرا هيبقي لينا اطفال يملوا علينا البيت. 

يزن بتوتر: اي ده بجد ... االف مبروك يا حبيبتي دا احلي خبر سمعته في حياتي. 

غادة بابتسامة:  وانا كمان مبسوطه اوي تعالى نروح عند بيت ابويا ونشوف هدير عملت اي معا عريسها

يزن بخبث:  اكيد هتوافق ربنا يفرحنا بيها احسن انا خايف اللي شوفته يكون صح. 

غادة باستغراب:  شوفت اي. 

يزن بمكر:  بصي انا مكنتش عاوز اقولك بس عشان خايف عليها وهي زي اختي انا شوفتها قبل كدا من يومين كانت راكبة عربية مع واحد ونزلت اناديها خافوا وهربوا بالعربية ولما وجهتها انكرت وقالت انه مجرد تشابه وانه انا غلطان سكت بس خايف بقي يكون في حاجه. 

غادة بصدمة:  هدير لا يا يزن اكيد انت غلطان هدير اختي متعملش كدا انا واثقه فيها. 

يزن بغيظ:  يعني واثقة فيها ومش واثقه فيا انتي وبعدين انا هقولك كدا لي يعني انا مكنتش هنطق بس عشان بعتبرها زي اختي انا غاير اتمشي. 

غادة بخضة:  لا مش قصدي والله العظيم انا بقول ممكن يكون بيتهيألك فعلا .

يزن بسخرية:  ماشي يا غادة بس خليكي فاكرة اني حذرتك وانتي ولا هنا براحتك. 

غادة بحب:  خلاص متزعلش يلا بقا عشان نفرحهم معانا ... أينعم مرات ابويا مش بتطقني بس والله حنينه لما كانت تقسى عليا كانت تيجي تتصالحني وانا وهيا ناقر ونقير. 

يزن بهدؤء:  ماشي يا حبيبتي اجهزي وهاخدك ونروح ساعة ونرجعو يام العيال انتي. 

... بعد شويه... 

سعاد فتحت بغيظ:  انتي مش كنتي عندنا امبارح هتنطي لنا كل شويه. 

غادة ببرود:  بيت ابويا اسجلهالك ولا اكتبها علي كل ركن في البيت يعني. 

سعاد بغيظ:  خشي ياختي خشي. 

غادة بغيظ : اومال فين هدير يا مرات ابويا واي اخبار العريس اومال. 

سعاد بحزن:  طلع مش كويس تعالي خشي شيلتلك حتة جاتوة كنت حاسه انك هتقرفيني وتيجي

غادة بضحك:  اعيش واقرفك يا مرات ابويا 

دخلو ويزن بص باستغراب لاقي هدير خرجت وبتبص له بهدؤء.. 

يزن باستغراب:  يعني اي عريسك طلع مش كويس يا هدير. 

هدير ببرود:  يعني استغل انه امي خرجت وحاول يقرب لي. 

يزن بغضب:  نعمم هو عبيط دا ولا اي. 

سعاد بهدؤء:  اهو راح لحاله بقا ... يلا تعالوا اقعدوا وانتي يا هدير هاتي لهم حاجه يشربوها. 

غادة بابتسامة: استني انا جيت اقولكم  خبر حلو هيخليكم مبسوطين اوي. 

سعاد بابتسامة:  باين علي مناخيرك اهو الف مبروك 

غادة باستغراب:  عرفتي منين سوسة يا مرات ابويا المهم انا حامل. 

هدير بصدمة:  حامل ؟الف مبروك يروح قلبي

غادة باستغراب:  مالك يا هدير وشك اصفر لي عشان كبرتك وبقيتي خالتوا يعني بردو هتفضلي الدلوعه بتاعتنا

بليل.. 

هدير بصدمة:  انتي بتقولي اي يا بسملة عاوزاني اسقط اختي. 

بسملة ببرود:  انا مقولتش كدا انتي اللي بتلفي وتدوري عشان اقولك اخلصي من ابنها عشان لما يزن يطلقها و يكون معاكي ميبقاش في رابط يربطهم ببعض مش كدا. 

هدير بدموع:  مش عارفه اعمل اي انا بحب يزن اوي و بحب بردو غادة مبقتش عارفه اتصرف ازاي وخايفه اقول الحقيقه اخسر الكل و يزن بقاله شهر مش معبرني وفرحان بحملها . 

بسملة بسخرية: هيعوز منك اي ما هي معاه وهتجيب له الولد اللي نفسه فيه فا مش بعيد يطلقك انتي قريب

هدير بجمود:  بس انا بردو مراته وليا حق عليه اتصرف ازاي انا دلوقتي. 

بسملة بخبث:  انا هقولك حتة خطة متخرش المياه انتي تاخدي حبوب الاجهاض اللي جبتهالك دي وتحطي ليها منها في الاكل او العصير و تشربيها ليها هيحصلها تسمم ويقوم البيبي نازل و تخلي يزن يتهمها انها مهملة واهملت في نفسها ف يقوم مطلقها وشوية وتخليه يجي يتجوزك قدام الكل واتحلت كدا. 

هدير بتوتر:  لا وقتها هيا هتكون مكسورة وانا منظري اي قدامها لما تعرف اني هتجوز طليقها

بسملة بسخرية وضحك: هههه ضحكتيني مانتي متجوازه في السر بقولك ايه من الاخر تختاري يا سعادتك انتي مع يزن يا سعادة اختك اللي هيا اصلا مش اختك. 

هدير بجمود: انا هختار اختي مش انا وهخلي يزن يطلقني أنا عندي اني اخسر نفسي وكسرة قلبي بس مستحملش أشوف اختي مقهوره بسببي .

بسملة بخبث: أنا قولت اللي عندي وانتي حره انا ماشيه بس  خدي الحبوب دي خليها معاكي احتياطي لعل وعسى تحتاجيها.

حطتها في شنطة هدير ومشيت.. 

بعد شويه.. في شقه غادة.. فتحت لاقت هدير.. 

غادة بابتسامة' تعالي يا دودو حماتك بتحبك. 

يزن وهو بيحط الاكل:  مين يا غادة قولت اصبري انا هفتح ومتتحركيش. 

هدير كورت ايديها بغيرة.. 

غادة بابتسامة:  خشي يزن بيجهز الاكل يلا تعالي

يزن بهدؤء:  اهلا يا هدير تعالي اتفضلي

قعدوا علي السفرة.

يزن كان بيأكل غادة بحب.. 

يزن بحنان:  يلا كلي دي كمان عشان خاطري يا روحي. 

غادة بابتسامة:  كفاية كدا انا شبعت والله. 

يزن بغيظ : ابني لسه جعان انا حاسس بيه. 

هدير بغيظ اووي:  انا خلصت اكل هقوم اعمل الشاي لينا 

غادة بابتسامة:  ماشي يا حبيبتي. 

دخلت المطبخ بغيرة وبصت لهم لاقت يزن متجاهلها وعمال يأكل في غادة ويضحك معاها.. 

هدير طلعت حبوب الاجهاض بجمود وكلمت بسملة.. 

هدير بجمود:  الو هي الحبوب دي هتبدء مفعولها امتي. 

بسملة بخبث:  ممكن ساعة او اتنين او بليل علي حسب يعني. 

هدير بجمود:  تمام ادعي انها تعمل مفعولها علي بليل يكون هو مشي وانفذ الخطة بتاعتك. 

بسملة بخبث:  هيا دي هدير اللي انا اعرفها. 

.. بعد دقايق.. 

هدير خرجت وشايلة صنية الشاي مسكت كوبية بغل وغيرة:  اتفضلي شايك يا غادة. 

يزن من وراها بغضب:  استنيي متشربيش يا غادة. 

هدير بصت له بتوتر وو... 

وفيت بوعدي أهو وكتبتلكم حلقه جديده ... قدرو مجهودي بقي واتفاعلو...واستنو مني حلقه جديده بكرا بإذن الله 

يتبع

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

البارت الأول من هنا

البارت الثاني من هنا

البارت الثالث من هنا