رواية حين تقع في الحب الجزء الثاني البارت التاسع والعاشر بقلم الكاتبه ندي علي حبيب حصريه وجديده
في الصباح في منزل منير الالفي
في المطبخ
نسمه وهي جايا من الصاله :يلا يا نور انا طلعت كل حاجه علي السفره يلا نطلع نفطر
نور بتعب :يلا يا روحي وطلعوا كل وحده قعدت جنب جوزها
منير :سفره ديما انشاء الله يلا بسم الله
غسان بص علي نور من تحت لتحت لقاها بتلعب في طبقها
اسر :ماما
نور :نعم يا روحي
اسر :ممكن تعمليلي سندوتش علشان عندي تمرين في الجيم
نور :حاضر يا حبيبي وعملت ليه
قاسم :وانت عامل ايه في الجيم يا باشا مصر
اسر بحماس :والله يا بابا اقصدي يا قاسم حاجه جميله كدا والتمارين حلوه يعني
قاسم بحزن لما سمع اسم بابا من اسر ونسمه شافت دا في عيونه
نسمه في نفسها بحزن :امتي هتعترف ليا يا قاسم امتي هنخلص من السر اللي بينا دا
قاسم :الحمد الله يا حبيبي المهم تروح تدرب مش تعمل زي ابوك في ايامه
غسان بيضربه من تحت السفره :احم احم
 |
نور مبصتش ليه ودا خلي غسان يستغرب جداً
نفين :مبتكليش ليه يا نور
نور :والله يا ماما مش حبه اكل ونفسي مش جايا للاكل خالص انا هطلع الشقه شويه وانزل
نفين :ماشي يا حببتي
غسان :قاسم عوزك في موضوع
قاسم بستغراب:تمام وراحو علي غرفة المكتب
...............
في المكتب
غسان :وانت ناوي تعمل ايه بقالك 9 سنين مخبي علي ابنك انك ابوه
قاسم :غسان انا ضعيف نسمه عمرها ما هتتقبل اسر ابن ليا افهم
غسان :وابنك يا قاسم اللي كل ورقه غلط في غلط دا ذنبه ايه
قاسم بغضب :ذنبه ان كان عنده ام غزل
غسان بغضب قام :اسمع عرف ابنك قبل ما يكبر علشان يقدر يتقبل لكن لو كبر هيكر*هني انا مش انت وسابه وطلع
قاسم دموعه نزلت لما سمع كلمة بابا :اقولك ايه يا غسان وانا لما سمعت كلمة بابا من اسر كنت شبة الجبل اللي اتهد هقدر اقوله انا ابوك يا اسر مقدرش
....................
في شقة نور
نور وقفه غي المطبخ بتغسل المواعين
غسان دخل عليها
غسان :نور اعمليلي كوباية شاي
نور بوجه خالي من التعابير :حاضر
غسان :نور مالك
نور :مفيش
غسان مسك ايدها :مفيش ازاي والشفايف الحلوه دي مبوزه كدا
نور بدموع :غسان مفيش ابعد سبني
غسان :ولما مفيش ليه بتعيطى
نور بعياط:علشان انت كل مره بتزعلني وتيجي تضخك عليا بكلمتين وانا زي الهبله اسمع كلامك بس انا لسه زعلانه منك من ساعة مضربتني بالم قدام العيله تحت
غسان مسح عيونها بخبث :بعد اللي حصل امبارح وزعلانه
نور بدموع :مش كل مره تزعلني تصالحني بالطريقه دي
غسان بخبث وهو بيقرب ليها :دي ازاي يعني
نور بخجل :ابعد متوترنيش ومتغيرش الموضوع انا اللي اعرفه لما الراجل يزعل مراته يروح يجيب ليها ورد ويعمل جو رومانسي وكدا
غسان :ما دا من ضمن الرومانسيه برضو
نور :غسان انا بتكلم جد
غسان بعصبيه:نور ورد ايه وكلام فاضي ايه يا حببتي جوزك ظابط وليه مركزه ابقي بيقف ليا كتايب الجيش واروح اجيب ورد علشان زعلت مراتي
نور بغيظ :يعني لما البطل بيزعل حببته بيعمل اللي انت بتعمله دا في رأيك يا حضرت الرائد
غسان :يا حببتي احنا متجوزين لكن الباقي بيكونو مخطوبين وبيحبو بعض بقي
نور بعياط :ابعد انا زعلانه منك
غسان اخدها في حضنه :اوعدك اوعدك عمري ما همد ايدي عليكي تاني ودا وعد رجل لمراته
نور :يلا ننزل ليفكرو حاجه دلوقتي
غسان :نور يا مراتي انتي احياناً بتحسييني اني شقطك ليه مش عارف
نور :يلا يا غسان ننزل احسن تيجي تبص تلاقي عاصي بيشتم في نسمه تحت
غسان :ايوا صحيح نسيت اتكلم مع الحيوان اللي تحت دا ازاي يقول الفاظ اللي بيقوله دي امسكه في ايدي بس
نور بضحك وهي بتقلد عاصي :يابابا دي هي اللي بتنرفزني
غسان :الام عوزه طفله العيال هتطلع ايه ونزل ونور وراه
.....................
في منزل عمر
نورهان بتعب شديد :عمر عمر
عمر فتح الباب ودخل :ايه يا روحي مالك
نورهان بعياط فتحت دراعها علشان يحضنها :بطني بتوجعني ومش عرفه اعد خالص
عمر وهو حضنها وهي قعده علي رجله :بس اهدي قومي يلا نروح عند الدكتور نشوف ايه سبب وجع بطنك دا
نورهان بعياط :انا لسه عوزه انام مليش دعوه بقي
عمر :خلاص لما نيجي نامي
نورهان بعياط :لاء انا عوزه انام الاول
عمر :خلاص نامي ولما تصحي نروح لدكتور
نورهان لعياط :مش عرفه انام خالص
عمر بص لسقف وغمض عينه :اول*ع في نفسي يا نورهان علشان ترتاحي مني خالص
نورهان بعياط :انت بتزعق ليا ليه انا عملت ايه دلوقتي بقي ذنبي ايه ان بطني بتوجعني يعني
عمر :قومي يلا هنروح لدكتور ومفيش اعتراض يلا
.....................
في منزل انتصار وهو قريب من منزل عمر
سلوي كانت قاعده قدام الشباك بتاع قوضتها بتبص علي الزرع بسرحان ودموع :انا ليه كدا ليه ديماً بقع في المشاكل غصب عني ليه مش مش زي اي بنت تحب وتتحب ليه ديماً الوحش بيحصل ليا
احمد من قدام الشباك :علشان عمرك ما كنتي وحشه ولكن تفكيرك غلط يا سلوي
سلوي بصدمه وفرحه في نفس الوقت:....
❤️🌺🌹💙❤️🌺💙❤️🌹💙
حين تقع في الحب 2
البارت العاشر
للكاتبه /ندي علي حبيب
في منزل انتصار
سلوي بصدمه :حضرت الظابط انت بتعمل ايه عندنا
احمد :متنسيش ان انا كنت صحبك في يوم وبطلي نداله
سلوي بضحك :مش كدا والله بس انا استغرب يعني تعالي اتفضل ادور وانا افتح الباب
احمد :تمام
سلوي راحت فتحت الباب :اتفضل يا حضرت الظابط
احمد ببتسامه :انا مش في الشغل ولا بقيت السجان اسمي احمد بس
انتصار بخضة:في ايه يابني جي ليه بنتي عملك حاجه
احمد بهمس :الظاهر الست الولده بتثق فيكي اوي
سلوي بهمس :ثقه عمياء
احمد :متقلقيش يا امي انا جي ابارك لسلوي ان القضيه انتهت
سلوي بفرحه :الحمدالله ادخل يا احمد واقف ليه
انتصار :ادخل يابني علي الصالون علي ما اعمل حاجه تشربوها
اخمد دخل :تسلمي يا ست الكل وراح قعد في الصالون
......................
في شقة نسمه
نسمه :يا سوسو والله هنيجي انا ونور متفقين هنيجي تاني يوم العيد وخلاص كلها يومين والعيد يجي
سكينه :المهم انتي عمله ايه مع جوزك
نسمه :الحمد الله بخير
سكينه :تمام خلي بالك علي نفسك ورني ليا علطول
نسمه :حاضر وقفلت الفون وطلعت برا الغرفه لقت قاسم
قاسم وهو بيشتغل علي الفون ومشغول
نسمه :حبيبي انت طلعت
قاسم :ايوا بس نازل تاني كنتي بتكلمي مين
نسمه قعدت جنبه:دي سوسو عوزاني انا والبنات نروح ليها
قاسم :اممم وهتروحو امتي
نسمه :المفروض تاني يوم العيد
قاسم :طيب وانتي كنتي ناويه تعرفيني امتي
نسمه :كنت جايا اقولك وربنا
قاسم :تمام المهم انا مش عارف مركز بليل هبقي اكلم في الموضوع دا تمام
نسمه :تمام انا هنزل انا تحت
قاسم :ماشي يا حببتي
.........................:..
عند نورهان عند الدكتوره
الدكتوره :والاعراض دي بتيجي لحضرتك من امتي
نورهان :هو بصراحه انا بقالي اسبوعين بحس بمغص بس بيروح وكنت مطنشه الموضوع لكن النهارده اول مره يكون صعب كدا
الدكتوره :تمام شوفي يا نورهان في الظروف دي بيكون موجود حمل بس انتي بسبب المغص دا ومن التحاليل الموجوده قدامي عندك حمل خارجي
نورهان بستغراب وسط فرحتها:مش فاهمه حمل خارجي ازاي
الدكتوره :الحمل الخارجي دا بيكون طفل جوا الرحم طبيعي وطفل خارج الرحم ودا لازم ينزل علشان لو كبر في بطنك هنحتاج نفتح وتبقي جراحه ودا خطر علي البيب الطبيعي
عمر :تقصدي ان في واحد هينزل
الدكتوره :يا عمر بيه انت تعتبر المدام حامل في واحد بس التاني دا كدا او كدا هيموت لوحده علشان مفيش اي طريقة غذا وصله ليه
عمر :تمام العمليه ممكن تكون امتي يا دكتوره
الدكتوره :انا تحت امركم الوقت اللي انتو جهزين فيه بس اهم حاجه قريب علشان مش عوزين جراحه وتهتم بصحة المدام كويس علشان اكلها بسيط جداً ودا خطر
عمر :تمام متشكرين يا دكتوره جداً واهد نورهان ونزلو
نورهان بصدمه :عمر هو انا بجد حامل
عمر بفرحه :بجد يا روح عمر
نورهان بدموع :تعرف انا كنت حسه بس رغم كدا حبيت اتاكد شعور جميل اووي تكون حاجه جواك بتنام معاك وبتاكل معاك وبتتنفس هواك شعور جميل جداً
عمر بفرحه مسح عيونها :بلاش العيون اللي مش عارف لونه ايه دي تعيط ويلا نروح عند امي نعرفها
نورهان :يلا وركبت العربيه وراحت
.........................
في الصالون في منزل منير الالفي
الكل متجمعين
قاسم :غسان اكيد هتيجي تصلي العيد
غسان :هاجي بس وحياة امك يا اخي ما تيجي تصحيني انا هصحي لوحدي
اسر :بابا انا هاجي اصلي معاك صلاة العيد
غسان :اكيد ياروح بابا هتيجي
عاصي طلع علي رجل غسان :بايا هو بيقولو ايه في صلاة العيد
غسان :اسمع بقي يا سيدي بنروح الجامع وناس كتير اووي بتكون هناك بعدين نقول الله اكبر الله الله اكبر كبيرا والحمدالله كبيرا وسبحان الله بكرةً واصيلا وبنفضل نقول كدا لحد ما النهار يطلع
عاصي :وماما هتيجي
غسان :لاء ماما والستات بيفضلوا في البيت يعملوت اكل رقاق ومكرونه وبط ولحمه وحجات حلوه وكدا
عاصي :الله الله انا عاوز العيد يجي بقي
نور بضحك :هيجي يا لمض المهم غسان
غسان بص ليها :امممم
نور :عوزه فلوس علشان نجيب هدوم جديده علي العيد للولاد
غسان :خلاص لما نطلع هديكي الفيزا
نور :تمام
قاسم :وانتي يا نسوم مش عوزه حاجه
نسمه :لسه هفكر
غسان بضحك :البس يا معلم
الكل ضحك
منير :كل سنه وانتي طيبه يا غاليا
نفين :وانت طيب يا حج
غسان :كل سنه وانتي طيبه يا امي
نفين :وانت طيب وبخير كدا يا حبيبي
.......................
عند انتصار
احمد :المهم الحمدالله ان القضيه اتقفلت والموضوع عدي علي خير
انتصار وسلوي :الحمدالله
احمد :المهم كل سنه وانتى طيبن
انتصار :وانت طيب يابني
احمد :يلا استاذن انا بقي
سلوي :ليه كدا خليك انت قعدت حاجه
اخمد في نفسه :ورغم القعدة معاكي بالدنيا ومافيها يا شيخه كنت قربت احب الشغل والمناوبات علشان اسهر معاكي
احمد ببتسامه:يلا مره تانيه لو احتجتي حاجه رقمي مش بيعيد تمام
انتصار :انشالله يسترك يصلح حالك انت وكل اللي ذيك يابني
احمد :يارب يا امي يا رب يلا يلام عليكم ومشي
وبعد وقت عمر وصل
عمر :ست الحبايب يا حبيبه حبيبه
انتصار بفرحه :حبايب قلبي ونور عيوني ادخلو ادخلو
عمر باس راسها :كل سنه وانتي طيبه يا حببت قلبي
انتصار :وانت بصحه والسعاده ويرزقك ياعمر بذريه الصالحه انت ونورهان يا رب
عمر بص لنورهان ومسك ايدها :مخلاص رزقنا نورهان حامل
سلوي بفرحه حضنت نورهان :الف مبروك يا روح قلبي عقبال ما نشوفه في حضنك يا روحي
نورهان :الله يبارك فيكي يا سلوي
انتصار :انا مش مصدقه بعد العمر دا هشوف عيالك في ايدي يا عمر ربنا يكملك علي خير يارب ودخلو قعدو في جو اسري سعيد
.....................
في شقة غسان
غسان قاعد بيذاكر لاسر :لازم تركز في الرياضه علشان دي الماده اللي هتفضل معاك في مسار دراستك
اسر :طب وانا مستوايه كدا يدخلني شرطه
غسان :اسمع انت اهم حاجه صحتك وبرضو دراستك بس انت لازم تكون راجل جنتل كدا بعضلات وحركات فاهم
اسر نفخ دراعه :ايه رايك انا لسه بعمل عضلات الدراع بعدين هعمل عضلات البطن علشان اكون ذيك كدا
غسان :ايوا لازم تكون طول عمرك زي ابوك تمام
اسر :تمام يا بوب انا هدخل انام انا بقي
غسان :تصبح علي خير عاصي عاصي انت يلا
عاصي بنوم :نعم يا بابا
غسان :اسمع علشان مش هكتر في الكلام انا لو سمعتك بتشتم حد تاني مهما كان مين هزعلك جامد فاهم
عاصي :يابابا هما اللي بيعصبوني وبيقولو انت ولد طري
غسان بستغراب :طري وكمل بغضب :المهم انا عرفتك ومش عاوز كلام كتير
عاصي بنوم :حاضر ودخل ينام
............
في غرفة غسان
دخل لقي نور نايمه علي الكرسي وعلي صدرها كتاب كانت بتقرا فيه لبسه شورت ابيض وبلوزه حملات حمرا
غسان بضحك :اربي مين العيال ولا امهم طيب وشال نور بحنان نيمها علي السرير وراح نام جنبها
نور تزحزحت ونامت علي صدره وغسان ابتسم واخدها في حضنه
نور بنوم :غسان الفيزا
غسان بضحك :في الدرج جنبك
نور باست خده ونامت
غسان :دي المقابل يعني
نور بنوم :اممممم
غسان بخبث :بس الفيزا فيها فلوس كتير
نور فهمت :نام يا غسان بحترم احسن اسيبك وانام مع الولاد
غسان :انا محترم والله اهو وحضنها
نور :بكرا صيام علشان الوقفه بس انا هروح انا ونسمه نجيب شويه طلبات من المول تمام
غسان باس راسها :تمام قاسم هيكون معاكو علشان عندي شويه شغل في الشركه وراجع قبل الفطار
نور :تمام يا حبيبي
(انتظرو العيد بقي 😂 لما نشوف عيلة الالفي العيد عندهم ازاي )
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الروايه كامله من البارت الاول حتى البارت الثلاثون من هنا
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
إرسال تعليق