رواية حين تقع في الحب الجزء الثاني البارت الحادي عشر والثاني عشر بقلم الكاتبه ندي علي حبيب حصريه وجديده
في شقة نورهان
عمر صحي لقي نورهان بتلعب في ودنه :في ايه يا نورهان علي الصبح
نورهان :قوم النهارده الوقفه
عمر :المطلوب مني ايه
نورهان :يعني اللي اعرفه يوم الوقفه دا بيكون صيام
عمر :والواحد بيكون مهدود ومش طايق نفسه
نورهان بعصبيه :خليني اكمل المهم فا جوزها بيخدها وينزل يجيبو شكولاته وكعك وبسكويت وكدا يعني
عمر :يا روحي قومي افطري وانا هخدك واوديكي تجيبي اللي نفسك فيه
نورهان :لاء انا صايمه
عمر بغضب مسك لياقه قمصها :خير يا ما الا ما صومتي وانتي كويسه هتصومي وانتي هتعملي عملية بعد العيد
نورهان :عمر سيب هدومي انا راحه افطر اهو والله
عمر :ايوا كدا اعدلي يا روحي وروحي افطري يلا يا بطه
نورهان راحت علي المطبخ وهي بتنفخ
......................
في منزل منير الالفي
غسان :انجز يلا انت وهو خلينا نروح نحلق
اسر بزعل :يا بابا انا مش عاوز اقصر شعري انا عاوز اربيه اشمعنا شعرك طويل
 |
غسان :طب اعمل ايه اذا كان بيطول وبعدين انا رايح احلق زيك انت واخوك اهو
عاصي :بابا خلي الراجل يحط جل ليا
نور :غسان اوعي تخلي الراجل يحط چل علي راس عاصي علشان ارضية راسه متحكش
عاصي بغضب :انتي مين قالك ان راسي هتحكني ولا هو فتي وخلاص
غسان بغضب :روح اضربها وانا واقف يا عاصي بيه ما انت معدش حد بيهمك
عاصي :اسف يا بابا
غسان :نور انا هروح احلق للولاد وراجع رايح علي الشركه وقاسم معاكو علشان او هتروحو المول مع ان انا بقول خليكم لبعد الفطار احسن
نور :خلاص ماشي يا حبيبي هنفضل لبعد الفطار
غسان نزل والولاد ركبو العربيه ومشو
نسمه بصويت في المطبخ :مش مصدقههههههه
نور بخضه :نسمه في ايه ايه اللي حصل
نسمه بفرحه :نورهان حاااااااامل
نور بصدمه وفرح :اااااااه الله عرفتي منين
نسمه :بكلمها شات وعرفت منها دلوقتي
نور بفرحه :استني ارن عليها
نسمه :لالالا دي فرصه نقول للرجاله ان نورهان حامل ولازم نروح نعد معاها عند سوسو بعد العيد ونبارك ليها وكدا
نور :ايوا صحيح سيبي الموضوع دا عليا المهم عقبالك يا نسوم الله لو تكونو انتو الاتنين حامل ياااه
نسمه بتوتر:انشاء الله اكيد المهم يلا نبدء في عمل الفطار قبل ما المغرب يأدن واحنا معملناش حاجه
.......................
تحت قدام البيت
منير :الضحيه وصلت اهي
قاسم :اوبا مشاء الله حاجه حلوه
عم منصور صاحب الجواميس :السلام عليكم ازيك يا حضرت الظابط
قاسم:بخير يا حج منصور اخبارك يا راجل
منصور :الحمد الله كل سنه وانت طيب يا حج
منير :وانت بصحه والسلامه وتعاد عليك بخير انشاء الله
منصور:شوف بقي زي ما حضرت الرائد طلب وزياده طلب 3 جواميس احسن 3 في المزرعه عندك اهم ننزل
قاسم:احنا وثقين فيك يا عم الحج نزل يلا
الجواميس نزلت من العربيه الكبيره واتربطم في المخزن
قاسم طلع فلوس كتير :ودي حقك وزياده يا حج منصور
غسان وصل ركن العربيه ونزل :ازيك يا حج منصور
منصور:بخير يا غالي الامانه وصلت زي ما طلبت
غسان :طول عمرك راجل قد كلمتك تسلم يا حج
اسر :بابا انا هروح اشوف الجواميس
نور وقفت في البلكونه :اسر اسر
غسان بص ليها نظره دخلت لجوا من غير ماتكلم بخوف شديد
نور بخوف :يارب ما يعمل مشكله معايا ودخلت تاني
اسر :يا بابا بالله عاوز اشوفهم
غسان :مترحش علشان متتعورش منهم
اسر بغضب :اووووف
غسان :اسر خد اخوك واطلعو علي فوق يلا وكمل صيام اوعي تفطر علشان هزعل منك تمام
اسر :حاضر وطلع ووراه عاصي
وغسان راح شاف الجواميس وعجبوه
.....................
ساعة اذان المغرب
كانت كل العيله متجمعه بفرحه شديده بدخلت العيد والبهجه في وشهم بيفطرو
غسان :ياااه علي التمر الهندي وذكريات رمضان الحلوه
منير :كل سنه وانتم عوزه لبعض يا حبايبي وكل سنه وانتم طيبن
غسان :وانت معانا انت وست الحبايب ومنورين حياتنا كدا يارب
قاسم وهو بياكل :غسان بالله ما تعمل زي كل سنه وتزلنا لما تنزل علشان نصلي العيد المهم علشان نخلص هاجي اصحيك انا
غسان بص لنور وغمز :والله لو لحقت انزل مش هتاخر
قاسم :مش فاهم هتيجي ولا لاء
اسر :يا قاسم متخفش انا وعاصي هنفضل صحين لصبح وهخليه ينزل معانا
قاسم بضحك :ياعيني عليك يا اخويا انت عارف اللي هينام منكو العيد هيفوت عليه واخد بالك يا عاصي
عاصي :انا صاحي لصبح وعمري ما هنام لو حصل ايه
غسان بعصبيه :ياحيوان بتقول للعيال ايه اسمع يا عاصي انت واسر لازم تنامو يا حبايبي علشان تعرفو تنزلو تصلو معانا تمام
عاصي :انا عن نفسي هقدر اقاوم
اسر :وانا كمان
غسان بهمس لنور :العيال دي لو منموش هطر اخدك واروح القاهره اعيد وارجع
نور بكسوف خبطت غسان في رجله :بس يا غسان انت بتقول ايه بطل قلة ادب
غسان :اسمع يا اسر انت وعاصي عمكو قاسم جايب بلايستيشن جديد انا بقول لو تروحو تلعبو بيه ليلة العيد دي يبقي ايه فل
اسر وعاصي :ياريت
عاصي :نسمه انا هبات معاكي النهارده
نسمه بحب :من عيوني يا روحي
غسان :اسف بس اهم حاجه العيال تفرح
قاسم بتوتر :خدو البلايستيشن عندكم يا حبايبي
غسان بمقاطعه :خلاص يا قاسم هما هيباتو هيباتو تتشقلب وترمي هو دا القرار
نفين :ايه رأيكو تباتو معايا يا بنات وغمزت ليهم من تحت لتحت
نسمه ونور :والله ياماما تبقي عملتي فينا خير
غسان وقاسم :😳😳
(اشوف وشكم في العيد بقي علشان شكلنا هنضحك كتير في اللي جي 😂😂😂)
حين تقع في الحب 2
البارت الثاني عشر
للكاتبه /ندي علي حبيب
غسان :انا عن نفسي واثق ان مراتي مش هتنام غير في شقتها
قاسم :ونسمه برضو بتحب تنام في شقتها صح يا نسوم
نور:انتو بتتكلمو بنيابه عننا ليه
غسان :لا حول الله نور الواحد كان صايم خليه مؤمن اليوم كامل
منير بضحك :مين كان يتخيل في يوم ان غسان يتجوز ويكون عنده عليله
نفين بضحك :فاكر يا حج كان يقوا ايه انا مخلوق لشغلي وبس جواز ايه اللي انتو بتتكلمو عنه
غسان بص لنور :الواحد كان قبلك حاسس بنقص وانتي كملتيه يا نور
قاسم بضحك :نسيبكم ونطلع من البيت يعني ولا ايه
غسان :الله مراتي وام عيالي النت حاشر نفسك ليه
نور بكسوف وهمس :بحبك يا حضرت الرائد
غسان :احم بقول ايه يا نور انا كان عندي تيشرت اسود في احمر كدا راح فين مش لاقيه في الدولاب
نور بستغراب :غسان انت مش بتحب تلبس هدوم حمرا
غسان :معلش اطلعي شوفيه وانزلي ممكن
نور وقد فهمت ما ينوي زوجها قالت بهمس :غسان بطل تحرجني واسكت احسن وربنا انام نحت بجد
نسمه :هنروح نشتري هدوم الولاد ولا ايه
نور بصت لغسان :هنروح صح
غسان بص في ساعته :تمام بس بسرعه ربع ساعه وتكونو جهزين تمام
نور ونسمه :تمام
منير :حد علف الجواميس اللي برا ولا ايه
قاسم :اه الواد ايمن القهوجي كلفته يخلي باله منهم
غسان بضحك:يبني احسن يترفص زي السنه اللي فاتت
قاسم بضحك :وعليا النعمه لو شفت شكله وهو بيقولي حاضر يا حضرت الظابط حسيته هيعيط
غسان :ربنا يستر والعيد يعدي علي خير
...................
في بيت عمر
عمر بياكل بغيظ :يعني الواحد صايم طول اليوم والاخر يفطر سندوتشات كبده والله حرام يرضي مين دا يا مدام نورهان
نورهان وهي بتاكل :في ايه يا عمر كل ماتاكل حته هتزلني انا نسيت انك صايم والله اعمل ايه يعني
عمر مسك زيتونه وحدفها فيها بغيظ:ومشاء الله اللسان 8 متر ومبتسبش حقها في الكلام
نورهان :خلاص يا حبيبي تعالي ننزل نجيب حجات العيد وانا هعملك مكرونه بشمل ورقاق ومحشي ورق عنب واللي انت عوزه
عمر بغيظ:ونعيد في المستشفي قسم الغسيل
نورهان :لا حول الله ولا كدا عجبك ولا كدا عجبك اعمل ايه انا امو*ت نفسي علشان ترتاح
عمر :قومي يا نورهان وحياة امك خليني نروح نجيب حجات غسيل المعده اقصدي حجات العيد انجزي وقام يغسل
نورهان بسرحان :هو مش عجبه الاكل ولا ايه هي الكبده جامده شويه بس حلوه يعني
............................
في بيت انتصار
سلوي :ماما عوزه اقولك حاجه
انتصار ببتسامه :بتحبي
سلوي بكسوف :ب بحب مين
انتصار :يابت دا انا اللي مربياكي علي ايدي المهم هو يكون بيحبك
سلوي :ياماما هو الوحيد اللي طول فترة السجن وهو معايا رغم انه كان ماسكني بجرم المشهود كان محلي عليا فتره العقوبه وكان مانع عني ان اتلم علي المساجين وكنت حبس انفردي من خوفه عليا وحنين وطيب جدا
انتصار بصدمه :ايه الاشعار الحلوه دي يابت المهم انتي اسكتي واللي فيه الخير يقدمه ربنا
سلوي:المهم ياماما ممكن تعزميه عندنا في العيد
انتصار :ينور ويشرف يابنتي
سلوي باست امها من خدها بفرحه :اهلاً اهلاً بالعيد مرحب مرحب بالعيد
انتصار بضحك :العيد فرحه ياسلام واجمل فرحه وانتي اجمل فرحه في حياتي يا سلوي ربنا مايحرمني منك انتي ولا اخوكي ابداً ابداً
......................
قدام المول
غسان :نور اقسم بالله لو اتاخرتي جوا لسيبك ومشي
نور :يا روحي احنا هنخلص ونيجي علطول
عاصي :بابا بابا بابا
غسان :يانعم
عاصي :انا شوفت قاسم بيبوس نسمه
غسان بص لنور بغضب
نور :ذنبي ايه طيب
غسان بغضب:مش تربيتك وانت يا حيوان تعالي معايا يلا يا اسر هنروح نعد في كافيه
نور بغيظ :حتي لو عملو ايه تربيتك تربيتك زي ما اكون انا خلفتهم لوحدي
نسمه :نور يلا
نور مسكت ايدها :يلا يا ورحي ودخلو علي المول
نسمه :نور ايه رأيك في دي لعاصي
نور مسك الجاكت :مش هيكون ضيق شويه
نسمه :مش عارفه بس هيكون معقول بدل ما يكون مبهدل عليه
نور :تمام هاتيه تعالي نشوف هدوم اسر
وفضلو يجيبو لبس كتير للولاد
..............
في الكافيه اللي قدام المول كافيه فخم ولكن مكشوف من السقف
غسان :تطلبو ايه
اسر :انا ميلك تشك
عاصي :وانا هاخد سموزي توت
غسان :تمام انا واخد قهوه ساده واحد سموزي وواحد ميلك تشك
قاسم :وانا قهوه وسط
الجرسون :تمام با فندم ومشي
قاسم :اوبااااااا
غسان بيصب قدامه وجنبه :في ايه يلا
قاسم وهو يضغط علي شفتيها السفليه :بص وراك وانت تشوف الغزاله دي
غسان بص وراه وشال النظاره ولقي بنت لبسه لبس فاضح شويه :ايه المزززز دي بس يا عم اسكت احنا كنا علي صيام
قاسم :بس ياعم صيام ايه دا احنا في دخلة عيد والكل لازم يفرح ايه دا جايا علينا
غسان :الله يخربيتك يا اخي
البنت :ازيكم قعدين لوحدكم ليه وبتبص علي غسان اللي مش مهتم بس بيبص من تحت النظاره
عاصي ميل علي اسر :اسر
اسر :نعم
عاصي :صور البت دي وابوك بيبص عليها بسرعه من غير ما حد يحس
اسر بخبث :اشطا وصور البت وغسان باصص عليها
غسان بخبث قلع الدبله وخباها في جيبه :استني بس يا جبل المعلم متجوز الدبله في ايده لكن انا عازب
عاصي بغيظ:يريتك صورت فديو
قاسم بص علي ايد غسان ملقاش الدبله :يابن اللعيبه
البت بتقرب من غسان بدلع :وانت عازب لحد دلوقتي ليه دا انت جامد اخر حاجه يعني
غسان :تقدري تقولي مش لاقي بنت الحلال يا حلوه
البنت :ولقيتها ولا لسه دلوقتي
غسان :لقيت بنت الحرا*م بس مش مشكله كله بيعدي يعني
البنت بضحك وصوت :الله عليك انا نفسي اجرب النوع دا
قاسم بضحك:هو حبوب بندول عوزه تجربي
البنت بهمس :عندك شقه ولا تيجي انت
عاصي :فديو بسرعه انجز
اسر :حاضر اسكت متوترنيش
غسان بخبث:عندي فيلا يا سكر
البنت بهمس :هاجي ليك بكرا الساعه 8 بليل نحتفل بااي
غسان بضحك :باي يا جبل
قاسم بضحك :يعني اجيب البت تخدها انت
غسان بضحك :ياعم التقيل اصبر علي رزقك احم اسمع يلا انت وهو عارف لو امك شمت خبر عن الموضوع دا هكسر الراس دي وشاور علي رسهم
عاصي بخبث :انا ولا كأني كنت موجود
اسر :ولا انا مهما كان انت ابونا برضو
قاسم بضحك :وقدوة ليكم
غسان :تصدق العيال دي رجاله طلعين لبوهم حبايب قلبي دول
.......................
في المول
في قسم السيدات
نسمه :نور شوفي القمصان دول حلوين ازاي
نور بكسوف :انا عوزه برمودات مش بلبس دول
نسمه :يا روحي متتكسفيش هو انتي هتلبسيهم لمين دا لجوزك
نور بخجل :نسمه انتي مايعه انا اتكسف البس حاجه دي دي
نسمه :تعالي ورايا بس وانا هظبطك واشترو كتير من الانچري ودفعو الحساب ومشي
...............
في عربية غسان
نور بفرحه :انا جبت ليكم يا اسر انت وعاصي شوية هدوم حاجه فرق الخيال
غسان :المهم تكوني انبسطي يا روحي
نور بصت للولاد اللي عملين تتوشوشو
نور :في ايه بتتوشوشو كدا ليه في حاجه حصلت
غسان بص ليهم في المرايا :احم احم في ايه ياباشا انت وهو
عاصي :ولا حاجه خصوصيات ملكوش فيها
نور شافت ايد غسان وهو بيسوق بيها
نور بغضب :غسااان فين الدبله
غسان غمض عينه وقال في نفسه :يعني كان لازم اقلع الدبله
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الروايه كامله من البارت الاول حتى البارت الثلاثون من هنا
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
تعليقات
إرسال تعليق