دخلت اغسل بنت بنوت ولقيت بطنها عامله تكبر والمصيبه لما عرفنا أن بسبب اختها بقلم هويدا زغلول كامله
دخلت اغسل بنت بنوت ولقيت بطنها عامله تكبر والمصيبه لما عرفنا أن بسبب اختها
انا ام أحمد المغسلة طبعا عارفني كويس انا النهارده جايبه لكم حكايه غريبه جدا بس قبل ما بدأ الحكايه في يوم كنت في البيت ولقيت واحده ست اسمها ساميه جايه بتقولي
ساميه
سلام عليكم ورحمه الله انا كنت عايزة ام احمد المغسلة الناس قالو لي انها ساكنه في البيت ده
المغسله
اهلا وسهلا بيكي انا ام احمد المغسله مين حضرتك تعالي اتفضلي
ودخلت وقعدت وقالت لي
ساميه
انا كنت جايه لك بعد ما سمعت عنك كتير اوي عرفت انك ست بتاعت ربنا ومفيش منك وكمان بتعرفي أسرار الناس اللي بتتوفي
 |
المغسله
الحمد لله فضل ونعمه يا حبيبتي انا عايزة اعرف ايه الموضوع خير انتي عندك حد اتوفي ولا إيه
ساميه
ايوه يا حبيبتي بنت اخويا اتوفت امبارح وهي بتعمل عملية كده ربنا اختارها يعني وهي لسه شابه بنت بنوت بس مش صغيرة اوي في السن والحمد لله على كل حال
المغسله
البقاء لله يا حبيبتي ربنا يرحمها ويغفر لها يارب ان شاء الله ربنا يعوض شبابها في الجنه بس هي ايه اللي حصل معاها عشان انتي تيجي لي انا بالزات
ساميه
اصل بنتي من ساعت ما اتوفت وهي في حاجة غريبه بتحصلها واحنا مش عاوفين ايه هي البنت حالتها وحشه جدا انا كنت جايه لك عشان خاطر تيجي تبصي عليها
المغسله
طيب يعني ايه برضو اللي بيحصلها وحالتها وحشه إزاي
ساميه
هي كانت داخله تعمل عمليه الزايده واختها اصلا دكتورة هي اللي عملت لها العملية دي والبنت راحت في العمليات واختها جابتها البيت عشان تتغسل وكل لما نجيب لها مغسله تلاقي بطنها بتكبر جدا
المغسلة
لا حول ولا قوة الا بالله ده ازاي يعني الكلام ده هي مش المفروض ان اختها دكتورة وهي اللي عامله ليها العمليه طيب معرفتش السبب إيه
ساميه
اختها بتقول ان الزايدة انفجرت في بطنها وهو ده السبب بس البنت كل لما مغسله تدخل عليها تلاقي بطنها بتكبر بطريقة بشعه تتخض وتمشي
المغسلة
غريبه اوي الحكايه دي طيب كان المفروض تجيبوا دكتور تاني أو برضو كانت المفروض انها تتغسل في المستشفى طالما اتوفت هناك بسبب عمليه يبقا بتفضل هناك
ساميه
لا ماهي اختها دكتورة وقالت انها تيجي البيت تتغسل بنات اخويا دول أصلهم يتاما اخويا بعد لما هما عاشوا مع امهم وهي اللي ربتهم وبعدين اااا.....
المغسلة
وبعدين ايه سكتي ليه كملي تقصدي يعني امهم اتوفت صح كده
ساميه
لا ماشوفتش امهم عايشه بس مع راجل تاني اصلا مرات اخويا دي كانت سمعتها استغفر الله العظيم بقا انا مش عايزة اجيب سيرتها
المغسلة
لا طبعا مش هينفع تجيبي في سيرة حد الله يرضي عنك وهي الله يعينها بقا
ساميه
حاضر انا هسكت بس اصل كان في بينها وبين اخويا مشاكل علطول عشان كده عملت عملتها
المغسلة
علي العموم انا هاجي معاكي عشان اشوف المتوفيه دي حكايتها ابه وايه اللي حصل معاها بالظبط
ساميه
ربنا يخليكي يا ام احمد انتي فعلا باين عليكي ست جدعه زي ما سمعت عنك
المغسلة
انا بعمل ده لله يا ست ساميه وربنا بيقدرني الحمد لله علي خدمة الناس
ساميه
طيب يلا بينا نروح دلوقتي علي هناك عشان نلحق قبل الليل ما يجي
وبعدها روحت معاها ودخلت علي المتوفيه وفعلا لقيت البنت بطنها بتكبر جدا بطريقه بشعه وكانت اختهل معايا في الاوضه وكانت بتعيط وقالت
أمل
يا حبيبتي يا سها يا حبيبتي الف رحمه ونور تنزل عليكي يا اختي
المغسلة
البقاء لله يا بنتي هو انتي تقربي لها ايه بالظبط
أمل
انا اختها الدكتورة امل انا اللي كنت بعملها العمليه وبعدين تختي راحت في العملية لان الضغط بتاعها علي جامد وقت العمليه ومقدرناش نسيطر عليه تصورى حضرتك كانو بيحققوا معايا
المغسلة
طيب هو مش المفروض يا بنتي انها تغضل في المستشفى وتتغسل هناك وتتدفن بعدها علطول ايه اللي خلاكم تجيبوها تتغسل هنا في البيت
أمل
حضرتك انا قدرت اجيبها البيت بحكم اني دكتورة وكده وبعدين اصلا قبل ما اجيبها هنا وقالوا يغسلوها هناك اللي بيغسلوا خافوا لما شافو المنظر اللي حضرتك شايفاه ده
المغسلة
لا حول ولا قوة الا بالله العلي العظيم ربنا يرحمها طيب ممكن تسبيني معاها عسان اشوف شغلي
أمل
انا لا يمكن اخرج واسيب اختي عشان انا لازم احضر علي غسلها ارجوكي خليني معاها هنا
المغسلة
معلش مش هينفع انا بغسل لوحدي ومش بحب حد يكون موجود معايا من فضلك يا بنتي اخرجي بره ولما اغسلها واكفنها تقدرى تيجي تبصي عليها لاخر مره
أمل
وانا مش خارجه من هنا ومش هسيب اختي لوحدها
وخرجت وندهت لعمتها ودخلن وقالت
ساميه
اخرجي يا امل وسيبي الست اللي بتغسل لوحدها عشان تشوف شغلها
أمل
بس انا عايزة افضل مع اختي يا عمتي مش عايزة اسيبها لوحدها
ساميه
معلش بقا يا امل يلا يابنتي اسمعي الكلام يلا بقا خلينا ندفن اختك قبل المغرب ما يجي علينا
وفعلا خرجت وساميه قالت لي
ساميه
معلش يا ام أحمد اصل انا مش معرفاها انك انتي جايه عشان تتكلمي مع اختها واكيد انتي فاهماني بقا
المغسلة
تمام يا ست ساميه روحي انتي بقا
وخرجت ساميه وانا قولت المتوفيه
المغسلة
انتي ايه اللي حصل معاكي يا بنتي احكي لي انا جايه هنا عشان اعرف الحقيقه منك عشان اللي بيحصلك ده غريب اوي
لقيتها قعدت وعيطت وقالت
فاتن
اختي السبب اختي السبب هي اللي خلتني يحصلي كده انا معرفش هي ليه عملت فيا كده
المغسلة باستغراب
اختك عملت فيكي ايه بالظبط قولي لي
فاتن
اختي طول عمرها انانيه ومش بتحب غير نفسها بابا وماما خلوها تكمل علامها لوحدها ودخلت الطب وبقت دكتورة وانا خلوني ابقي معايا دبلوم وهي اتجوزت وانا لا
المغسلة
طيب الجواز ده نصيب انما ليه خلوها هي تكمل علامها وانتي لا بس برضو شكل الحكايه فيها نصيب برضوا يعني انتي دبلوم وهي طب فرق كبير برضو
فاتن
هي دخبت جامعه خاصه اصلا وبعدين اللي امي عملته خلانا عايشين وسط الناس موطين رأسنا مش عارفين نمشي وسط الناس
المغسلة
طيب برضو معرفتش اختك عملت فيكي كده ليه
فاتن
انا هحكي لك كل حاجه
فلاش بااااك
كانت امل داخله البيت ومتعصبه وقالت
أمل
يا ماما شوفتي اللي حصل من الست اللي إسمها حماتي دي الست دي مش عارفة هي عايزة مني ايه بالظبط
الأم
عملت فيكي ايه الوليه دي مش كفاية اننا وافقنا علي أنك تتجوزي أبنها وانتي دكتورة اد الدنيا وهو حتت موظف
فاتن
ايه يا ماما الكلام ده بس ده بدل ما تقولي لها كلمتين كويسين في حق حماتها وجوزها تقومي تقولي لها الكلام ده
الأم
اخرسي انتي يا بت انتي مش ناقص الا انتي كمان تتكلمي غورى خشي جوه انتي ايه اللي بيدخلك في الحوارات دي اصلا
فاتن
حرام عليكي يا ماما انتي ليه لتعملي معانا كده يعني
أمل
بقولك ايه ملكيش دعوه انتي باي حاجه واسمعي الكلام اللي ماما بتقوله احنا مش ناقصينك علي فكرة
فاتن
يا امل اسمعي كلامي انتي جوزك راجل محترم وامه ست كويسه انتي عارفه انتي لما تبقي كويسه معاها هي هتبقا كويسه معاكي والله اسمعي كلامي
أمل
مش ناقص غيرك انتي يا ختي ياللي بتاعت الدبلوم انتي كمان هتتكلمي
وفي اللحظه دي دخل أبوهم وقال
الأب
في ايه يا ولاد مالكم صوتكم عالي كده ليه انا سامع صوتكم من علي السلم وانا جاي
أمل
تعالي يا بابا تعالي شوفي اللي حصلي علي فكرة بقا انا عايزة أطلق من جوزي انا مش طايقه اعيش معاه
الأب
ليه بس يا دكتورة ايه اللي حصل هو انتي كل يومين تيجي زعلانه مع شريف جوزك كده ليه بس
أمل
عشان هو مش مقدر النعمه اللي معاه وكل يوم يعملي مشكله مع أمه بيدخلها في حياتنا ليه معرفش انا
الأب
طيب انا هتكلم معاه واشوفوا هو مزعلك في ايه بس ونحل المشكله اللي بينكم يمكن ربنا يهدي سركم
الأم
بقولك ايه ما طلقك بنتك منه هو يعني اللي خلقه مخلقش غيره طلقها وانا اجوزها سيد سيده بنتك دكتورة واي حد يتمناها
الأب
ايه الكلام اللي انتي بتقوليه يا هيام انتي اتجننتي ولا ايه يا وليه انتي عايزة بنتك تطلقك من جوزها وتتجوز واحد تاني انتي جرا في مخك حاجه ولا إيه
الأم
ايوه ما انت هتدافع عنه بقا عشان انت بتحبه ياخويا روح كده بلا هم وقرف
الأب
تعرفي تسكتي انتي خالص وانتي يا امل يا بنتي ادخلي ريحي جوه وانا هتكلم مع جوزك وافهم منه ايه الحكايه وليه هو بيدخل امه بينكم مش هو ده كل اللي مزهقك منه
فاتن
والله يا بابا انا قولت كده وماما مش عاجبها كلامي خالص وزعقت فيا كمان
الأب
معلش يا فاتن يا حبيبتي هي ماما عامله علي انك مينفعش انك تتدخلي في امور المتجوزين دي وانتي لسه صغيره
هيام
لا يا حبيبي بنتك مش صغيرة بنتك كبيرة بس هي اللي فاتها قطر الجواز ومبقاش حد عايز يقول عليها
الأب
لا حول ولا قوة الا بالله انتي يا وليه لسانك ده إيه بس اعوزو بالله منك
وفي اللحظه دي دخلت فاتن الاوضه وفضلت تعيط وآلام قالت
هيام
هو انا يعني كنت قولت ايه عشان انت تزعق لي كده قدام بنتك ده الواحد زهق منك انت وعيالك اعوزو بالله منك انت
وبعدها تاني الاب راح شغله وامل قالت لأمها
أمل
احنا هنعمل ايه بقا يا ماما في الوليه حماتي دي انا نفسي اخلص عليها تعرفي انا فكرت اني وانا بدي لها حقنه الفيتامينات اللي بديها لها دي احط لها في جسمها هوا واخلص
هيام
اوعي تفكري في كده يا عبيطه انتي انتي هبله يا بت ولا ايه انتي عايزة تودي روحك في داهيه بطلي الكلام العبيط ده احنا لازم نخطط لحماتك دي ونشوف لها صرفه
أمل
ايوه انتي عايزاني اعمل ايه بقا
هيام
سبيني دلوقتي افكر واقولك انا هعمل إيه بس اسمعي من هنا لحد لما اكون فكرت اوعي تعملي حاجه ترجعي تندمي عليها
أمل
ماهو انا مش هعمل ماشي بس اعرف ايه اللي في دماغك الاول
هيام
اصل انا اعرف واحده من اللي هما بيعملوا اعمال وكده انا بقا بفكر اروح لها اخليها تعمل عمل لحماتك تخليها تلف حوالين نفسها كده
أمل
اااه حلو اوي ده بس هنروح لها امتي بقا عشان نعمل العمل ده
هيام
لا هنروح امتي دي معرفش سبيها كده بظروفها عشان انا دلوقتي لازم اخرج هاروح مشوار كده وارجع
أمل
الله انتي رايحه فين يا ماما علي الصبح كده عشان انا كمان نازله رايحه المستشفى
هيام
ما تروحي انتي يلا والبت فاتن هتنضف البيت وتعمل الأكل علي ما نرجع
وكانت فاتن واقفه جوه وسامعه كل اللي هما قالوه وامها ندهت عليها وخرجت وقالت
فاتن
انتو نازلين مش كده
هيام
ايوه انا هروح مشوار واختك رايحه شغلها ومش هيبقا في حد هنا غيرك ياريت بقا تنضفي وتعملي كل حاجه علي ما نرجع
فاتن
طيب ماهو انا هعمل كل حاجه اومال مين يعني اللي هيعمل كده
ونزلت الام وامل كانت لسه موجوده وفاتن قالت لها
فاتن
يا امل يا حبيبتي بلاش تسمعي كلام ماما دي عايزة تخرب عليكي حياتك هي مش عايزاكي تبقي مبسوطه وانتي لو عملت عمل لحماتك انتي اللي هتشيلي ذنبها
أمل
يا نهارك اسود يعني انتي كنتي بتتسنطي علينا ده انتي يومك مش فايت بس لما ماما ترجع من برة
فاتن
مفيش فايده فيكي انا عارفه انك مش هتجبيها لبر انا عارفه بس لو عملتي حاجه ربنا هيبقا شاهد عليكي
وبعدها مشيت امل راحت المستشفى وهناك راح لها شريف وقالها
شريف
انا جيت لك اهو عشان نرجع بيتنا يا امل انتي عارفة اني لحبك ولاخر لحظه انا عايزك بلاش تركبي دماغك كده
امل
وانا مش عايزاك يا شريف انا لا يمكن اعيش مع امك دي في بيت واحد انت بقا لو عايزني ارجع يبقا تشوف ليا شقه بعيد عنها
اقرا ايضارواية نوح الباشا (سفر كرياتور)الفصل الثانى والعشرون 22بقلم ندا الشرقاوي حصريه
سكريبت كامل وتعانقت الارواح بقلم الست ورد
رواية فات أوان الندم الفصل الثالث 3 بقلم أمانى سيد حصريه فى مدونة موسوعة القصص والروايات
رواية ملاك الأدهم الفصل الثامن عشر 18 بقلم الكاتب عادل عبد الله
شريف
ايه اللي انتي بتقوليه ده بس يا امل ما انتي عارفه امكانياتي كويس هو انا حمل اني اشتري شقه
أمل
مليش في يا حبيبي انا عايزة شقه يعني عايزة شقة لو هتجيب ماشي مش هتجيب يبقا تمشي من هنا لوحدك انا مش راجعه معاك
شريف
بقا كده يا امل بقا دي اخرتها طيب ليه كده يا بنت الناس ده حتي بحبك علي العموم انا ليا كلام مع أبوكي.
ومشي شريف والممرضه كانت بتسمعهم وقالت لها
سحر
يا عيني عليكي يا دكتورة بقا كل المشاكل اللي عندك ده مع جوزك طيب والسبب مين بقا
أمل
بقولك ايه يا سحر انتي متتدخليش في اللي ملكيش فيه انتي كمان ماشي
سحر
يا دكتورة انا اسفه اني بتدخل بس انا كنت عايزة اساعدك بس في اللي انتي فيه ده واشوف حل ليكي واقولك علي فكرة تخلصك من الوليه حماتك دي
أمل
وايه بقا أن شاء الله يا ختي الحل اللي عندك مش ناقص الا انتي كمان اللي هتحلي لي مشاكلي
سحر
الله يسامحك يا دكتورة بس انا هاقولك علي طريقة انا اعرف شيخ انما ايه سرة باتع أوي
امل
يعني ايه سرة باتع دي
سحر
يعني ممكن بعمل عمل لحماتك يجيبها الأرض تمرض بقا وتتعب وتروح فيها كمان
أمل
ايه ده هو انتي كمان بتعرفي ناس من دي اصل اناااا........ وافتكرت كلام أمها ليها عن الست اللي ممكن تعمل عمل لحماتها وسحر قالت
سحر
ايه يا دكتورة انتي رحتي فين كده وسحرتي في إيه
أمل
هااا لا انا معاكي يا سحر علي العموم سبيني افكر في اللي انتي بتقوليه ده وبعدين نشوف الحكايه دي
وفي الشارع شريف كان ماشي وفجاه شاف حماته ركبه في عربيه شكلها شيك اوي مع واحد وعماله تهزر معاه وشريف قال لنفسه
شريف
يا نهار اسود هي مش دي حماتي برضو ولا انا بيتهأيلي بس انا متأكد انها هي ومين الراجل اللي هي راكبه معاه ده بقا حماتي ليها الكلام ده
وبعدها رجع البيت ودخل وهو متضايق وامه قالت له
الأم
ايه يا حبيبي مرضتش ترجع معاك برضو مش انا قولت لك يا شريف انت دلعت البت دي اوي يا بني انا مش عارفة انت صابر عليها لحد دلوقتي ليه كده يا شريف يا بني ما ترد عليا
شريف
هااا نعم يا ماما في ايه بس مالك
الأم
انا اللي مالي ولا انت اللي مالك انت راجع مسهم ليه كده يابني ايه اللي حصل مع اللي ماتتسماش مراتك
شريف
مرضتش ترجع بس انا متضايق عشان حاجه تانيه خالص يا أمي
الأم
خير يابني كفا الله الشر ايه اللي مضايقك في حاجة حصلت ولا ايه
شريف
تعرفي وانا جاي يا أمي شوفت مين شوفت حماتي مع واحد غريب في عربيه ملاكي وعماله تعمل حركات غريبه معاه
الأم بصدمه
يلهوي انت بتقول ايه يابني إزاي يعني شوفت حماتك مع واحد ده ايه قلة الأدب دي معقوله حماتك تعمل كده استغفر الله العظيم
شريف
بقولك ايه يا أمي اوعي حد يعرف بالكلام اللي انا قولته ده أرجوكي انا مش عايز مشاكل اكتر من كده
الأم
لا طبعا يا أبني وهو ده برضو كلام يتقال يا حبيبي انا مش هاقول حاجه متخافش
وبعدها في البيت عند فاتن كانت هي وابوها لوحدهم في البيت وراحت لهم ام شريف وقالت لفاتن
الحما
ازيك يا فاتن عامله هو مفيش حد هنا ولا إيه
فاتن
أهلا وسهلا يا طنط اتفضلي ده بابا هو موجود جوه اهو اتفضلي وانا هدخل انادي عليه
الحما
الله يعني بابا هو اللي هنا وماما مش هنا غريبه اوي دي اومال ماما فين علي كده بقا
فاتن
راحت مشوار وزمانها راجعه اتفضلي
وخرج الاب من جوه وقال
الاب
يا هلا بيكي يا ست ام شريف ده ايه النور ده
الحما
ده نورك يا خويا اهلا اهلا بقولك ايه يا فاتن ما تعملي كده كوبايتبن شاي ليا انا وابوكي
ودخلت فاتن جوه والحما قالت للاب
الحما
الا هو انت متعرفش ام بناتك فين دلوقتي يا حج محمود ولا تعرف
محمود
لا عارف طبعا هي عند اختها قالت انها رايحه معاها تكشف عند الدكتور
الحما
ااه طيب انت متأكد بقا من الكلام ده ولا هي بتقولك كده وخلاص
محمود
لا انا متأكد طبعا ليه هو في حاجة ولا إيه
الحما
لا أبدا انا بس عايزك تاخد بالك من الست بتاعتك اصل باين عليها كده بتعرف حد انا عارفه اني ماينفعش اقول حاجه زي كده بس انا قولت حرام عليا ابقي عارفه حاجه زي كده واسيبك علي عماك يا خويا
محمود
يعني ايه الكلام اللي انتي بتقوليه ده ياام شريف وبعدين انتي جبتي منين الكلام ده أصلا
الحما
انا في ناس شافوها مع واحد في عربيه وقالو لي وانا جيت اقولك عشان متبقاش علي عماك ده اللي اني قصدي عليه والله وبحذرك انك تاخد بالك يلا بالاذن انا بقا
ومشيت الحما ومحمود قاعد مصدوم ومش طايق نفسه وفاتن خرجت من جوه وقالت
فاتن
هي طنط مشيت يا بابا اصل انا كنت جايبه لها الشاي أهو يا بابا بابا انتي ليه بترد عليا
وسابها ودخل جوه اوضته وتاني يوم واحده من الجيران قالت له نفس الكلام ودخل علي مراته ونزل فيها ضرب وقال
محمود
بقا انتي بتخونيني بعد العمر ده كله تعمل فيا كده ياهيام ياواطيه
هيام
بقولك ايه انت هتخرف ولا إيه يا راجل انت ايه الكلام ده ابعد عني
محمود
انا مش هسيبك غير لما اخلص عليكي هو انتي فاكرة اني هعديها بالساهل كده
ودخلت امل وفاتن
فاتن
هو ايه يا بابا انت بتضرب ماما ليه حرام عليك
محمود
اقول لبناتك وافضحك قدامهم امكم بتعرف عليا واحد يا بنات اااه امكم بتخوني
امل وفاتن مصدومين وامل قالت
أمل
ايه الكلام اللي انت بتقوله ده يابابا ازاي يعني
محمود
ايوه ياامل امك عملت كده اسألي حماتك ماهي جات هنا وقالت لي ان في ناس شافوها مع واحد في عربيه والست ام احمد جارتنا قالت لي نفس الكلام ده
أمل
حماتي بقا حماتي قالت كده طيب وهي عرفت منين
فاتن
يابابا اكيد الناس دي غلطانه
هيام
لا مش غلطانه انا فعلا بعرف عليك واحد تاني وعايزاك تطلقني عشان أروح اتجوزه طلقني يا محمود طلقني
محمود
انا مش هطلقك انا لازم اخلص عليكي انتي واحده فاجرة اصلا وانا لا يمكن اخليكي تعيشي دقيقة واحده بعد النهارده
ولسه هيمسكها من رقبتها فحأه مسك قلبه وقال
محمود
اااه يا قلبي اااه الحقووني قلبي هيقف اااه ووقع في الأرض وبعدها راح والام هربت ومحدش شافها تاني والحما قالت لامل
الحما
الله اومال امكم فين يا بنات هي مش المفروض انها تبقا قاعده دلوقتي في العزا بتاع المرحوم جوزها
امل وفاتن بيبصوا لها بغيظ وساميه قالت
ساميه
دي سافرت البلد عند قرايبها اصلها تعبت أوي من ساعه اخويا ما راح والدكتور قال انها تسافر أحسن
الحما
والله طيب ربنا يصبرها يارب
وامل خرجت وندهت لشريف وقالت له.
امل
ياريت تاخد امك وتخليها تمشي من هنا انا مش عايزاها في عزا أبويا يا شريف
شريف
الله ايه الكلام بتاعك ده يا امل ليه طيب هي امي عملت ايه لده كله مش فاهم انا
أمل
امك هي السبب ان ابويا راح وان امي هربت ارجوك تاخدها وتمشي ولا انت مش عارف انها جات وقالت لابويا كلام علي أمي
شريف
بقولك إيه يا امل امي ملهاش دعوه بحاجه وبعدين انا شايف امك بعنيا دول مع واحد غريب انا لو واحد غيري كان طلقك ورماكي بعد اللي عرفته علي أمك
امل
بتعيط حرام عليك انت ليه بتكلمي كده ازاي تجيب في سبرة امي كده ليه يا شريف
شريف
اصلك انتي بتتهمي امي وبتقولي أنها هي السبب لا يا حبيبتي امك هي السبب في اللي حصل لابوكي الله يرحمه الراجل الطيب ده اسمعي يا بنت الناس هما يومين العزا يخلصوا وترجعي بيتك انتي سامعه
قال كلامه وسابها ومشي والستات مشيت وساميه قالت لهم
ساميه
اودي وشي من الناس فين انا يا بنات شوفتو امكم عملت إيه في اخويا الله يرحمك يا محمود والله ما تستاهل منها البي حصل ده دي سيرتها علي كل لسان
فاتن
ارجوكي يا عمتي مش وقته الكلام ده احنا فينا اللي مكفينا
أمل
منها لله حماتي هي اللي اتكلمت وقالت علي اللي حصل كله بس انا هوريها والله انا مش هسيبها
ساميه
وهي حماتك يعني مش قالت الحقيقة يا امل مش امك فعلا عملت كده بقولكم ايه انة همشي بقا ارجع بيتي بدال يا يجرا لي حاجه في البيت ده
ومشيت عمتهم من عندهم وفاتن قالت لامل
فاتن
هنعمل ايه دلوقتي يا امل في المصيبة دي انا الستات كلهم كلنوا قاعدين عمالين يبصوا لي بصات غريبه اوي
أمل
بقولك ايه انتي كمان انا مش نقصاكي ماشي كفايه اللي حصلنا من تحت راس حماتي
فاتن
وهي حماتك يعني اتبلت علي ماما ماهي قالت الحقيقة انتي مش فاكرة لما كانت بتكلم واحد في التليفون وانتي قولتي لي متكلمش اهي كل الناس عرفت وفي الاخر هربت معاه
أمل
اخرصي انا مش عايزة اسمع صوتك ده خالص انا هرجع بيتي بكرة
وفعلا رجعت بيتها وهي ناويه تنتقم من حماتها وراحت لسحر وقالت لها
أمل
اسمعي يا سحر انا كنت عايزاكي توديني للشيخ اللي انتي قولتي لي عليه ده تعرفي
سحر
من عنيا النهارده بعد السغل نروحله
وفعلا راحوا للدجال وقال لامل
الدجال
انا هعملك عمل بس لازم عشان يجيب نتيجه بسرعه يتدحط جوه جثه وتكون لحد من قريبك
أمل
ازاي يعني مش فاهمه
سحر
انا هفهمك يادكتورة الشيخ يقصد ان العمل يتحط جوه حد يكون متوفي من عيلتك يعني قريبك
امل
ايه ده وده اجيبه منين ده بقا أن شاء الله
الدجال
معرفش انا قولت لك علي اللي فيها وانتي المفروض تتصرفي يلا بقا دلوقتي تقدروا تمشوا
وبعدها أمل وسحر مشيوا وامل قالت
أمل
طيب انا هعمل اللي الراجل ده طلبوا مني ازاي بقا ياسحر
سحر
مش عارفه يا ست الدكتورة بس انا بقول يعني نستني بقا لما حد كن قرايبك يتوفي
وبعدها عدت الايام وفاتن تعبت جامد اوي وراحت المستشفى وامل قالت لها
أمل
انتي لازم تعملي الزايده يا فاتن لازم وبسرعه انا هخليهم يجهزوا اوضته العمليات
وفي الوقت ده دخلت سحر وراها وقالت لها
سحر
فرصتك وجات لحد عندك يا دكتورة اختك في العمليات القلب يقف وتروح قضاء وقدر وانتي ساعتها تحطي العمل فيها
أمل
انتي بتقولي ايه يا سحر انتي عايزاني اخلص علي أختي لا لا مش هينفع اعمل كده
سحر
اسمعي كلامي دي فرصتك عشان تخلصي من الوليه حماتك دي يلا يادكتورة
وفضلت سحر توسوس لامل زي ما تكون شيطان رجيم وفعلا امل عملت كده وخلت اختها تروح عشان تحط العمل جواها بس فاتن قالت علي كل حاجه
بااااااااااااك
المغسلة
ياااه هو في غل وحقد يوصل الشخص لانه ينتقم بالطريقة دي لا حول ولا قوه الا بالله بقا اختك عشان تنتقم من حماتها تعمل فيكي كده انا مش عارفة اقول ايه يا بنتي ارتاحي وربنا هجيب لك حقك
وبعدها غسلت فاتن وكفنتها وحكيت كل حاجه للعمه اللي اتصدمت وقالت لامل
أمل
بقا انتي تعملي في اختك كده يا مجرمه يا حيوانه انا هبلغ عنك انتي لازم تاخدي جزاتك
وفعلا العمه بلغت عن امل اللي دخلت السجن وبعدها الحكايه بتاعت فاتن المسكينة اللي راحت ضحية دي انتهت لحد كده
وبكده تكون خلصت حكايتنا
اللي بيحب الروايات الكامله والحصريه من هنا 👇 ❤️ 👇
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تعليقات
إرسال تعليق