رواية الخطيئه المئه البارت التاسع والعاشر بقلم أمل أحمد سلوم حصريه وجديده
وصل عالبيت وفات فورا لغرفة زياد
زياد : اهلين اخي
جاد :… ..
زياد : شبك خير اخي ؟؟
كان عم يطلع فيه بنظرات بارده وكأنه عم يحاول يقرأ عيونه
حط ايديه بجيابه ومشي ناح الشباك وولع سيجاره
زياد : فيك شي اخي
جاد وهو عاطي لزياد ضهرو
وين ساعة امك
زياد :…… . اه 😰
التفت عليه وقرب منه خطوه
جاد : شو ماسمعتك عم قلك وين الساعه يلي عطتك ياها امي لتصلحها
زياد : بـ بصراحه انـ انسرقت مني
جاد : ايوه انسرقت منك
زياد : اي والله اخي انسرقت مني هات المصحف لاحلفلك عليه
حط ايدو عكتف زياد وقعدو ع طرف التخت وقعد حدو
جاد : مافي داعي تحلف عالمصحف انا مصدقك انها نسرقت منك
زياد : خلص بوعدك بس اشتغل جيب احسن منها لامي
جاد : انسالي موضوع الساعه هلأ وجاوبني ع سؤالي لاني مارح اسألك الا مره وحده
 |
بلع ريقه وحس انه جاد عم يحاصره بنظراته : سـسؤال شو اخي اسأل يلي بدك ياه
جاد : يعني رح تحكي الصدق وماتخبي عليي
زياد : بوعدك احكي الصدق
جاد بصوت حاد : من وين بتعرف راما
زياد : مين راما
ضربو كف متل فراق الوالدين
جاد : قلتلك مارح اسألك الا مره
زياد وهو حاطط ايدو عخدو ومصدوم ودقات قلبه عم تعلا وتوطى
هـ هي بنت شفتها واقفه بالشارع وعرضت عليها تروح معي عالشقه لنقضي وقت حلو ووافقت
غمض عيونو بقوه وهو عم يحاول يطالع كلام زياد يلي متل الرصاص من راسه اخد نفس ورجع سأل زياد وعيونو حمره متل الجمر
احكيلي كلشي صار بهديك الليله بالحرف وياويلك ازا بتحاول تكزب عليي
┬──┬┬──┬┬──┬
بغرفة راما
كانت متسطحه على تختها عم تستمع بنسمات الصيف البارده يلي عم اداعب خدودها الورديين
وقفت وراحت ب اتجاه الشباك واخدت نفس طويل وبعد ماعبت رأتيها بالهوى النظيف رجعت طلعته من جديد وكأنها بتحاول تطرد الهموم والاوجاع يلي علقت بصدرها
راما : يا الله ما اجمل منظر القمر والنجوم بالسما سبحان الخالق
فعلا جمال النّجوم والكواكب والقمر
لا يُضاهيه أي جمال آخر
ياااارب ياخالق كل شيئ ساعدني لترجعلي زاكرتي واعرف مين انا .. يارب كون معي وماتتركني يارب
بقيت واقفه. مكانها ربع ساعه بتتأمل النجوم المتلألأه وسطوع ضو القمر الفضي
رجعت لتختها وقعدت على طرفه وهي تتأمل بعيونها كل جزء من غرفتها ركن ركن وزاويه زاويه
صور عاريه عالحيطان مكياج من كل الانواع والماركات… افخم انواع عطور المخمليه… ملابس غريبه معلقه على الشماعه… اخر شي بتوقع عينها على البرواز يلي بحد تختها بتتناوله وبتصفن فيه
راما : دخيل يلي خلقك على هالوش شو حلو وكلو حنيه ياترى مين هالمره الحلوه وهدول البنتين اكيد بناتها… لك شبني ليش هيك حاسه بتقل عصدري ؟؟ معقول هالمره امي ؟؟؟ بتنزل دمعه من عينها وبترجع البرواز مكانه لتوقع الساعه يلي حدو عالارض
بتتناول رنيم الساعه وبتقلبها بين ايديها
رنيم : شو حلوه هالساعه والحجار يلي فيها بيشبهو النجوم… رح البسها ب ايدي وما اشلحها ابدا
بتلبس الساعه وبتمد ايدها وهي مبتسمه ببرائه لتبدي اعجابها بالساعه وقت صارت ب ايدها
رنيم : ياسلاااام طالعه شقفه هههه
وبعد حوسه طويله بالغرفه بترجع لتختها لتنام وبيوقع نظرها على ماضيها الاسود… ؟؟؟؟
شو هي الرسمات يلي عالحيط ولشو بترمز ياترى
ضيقت عيونها وهي بتتطلع عالخطوط وبتحاول تركز تفكيرها لتتزكر شي
راما : اففففف وبعدين مع هالشغله والله مليت وبعدين يمكن هي مو غرفتي اساسا مبينه غرفة رقاصه هههههه… .
حطت راسها عالمخده وهي بتتلو ايآت القرآن وعم تردد
قال تعالى :
{غَافِرِ الذَّنبِ وَقَابِلِ التَّوْبِ شَدِيدِ الْعِقَابِ ذِي الطَّوْلِ ۖ
لَا إِلَهَ إِلَّا هُوَ إِلَيْهِ الْمَصِيرُ} [سورة غافر :3]
ليش هالايه علقت بذهني وكيف انا فاقده الزاكره ومو ناسيه القرآن الكريم…. الحمد لله على هالنعمه هي نعمه كبيره من ربي
غمضت عيونها واستسلمت بطلتنا لنوم عميق
┬──┬┬──┬
زياد : وهاد كل شي صار بهديك الليله اخي
جاد : كنتو خمسه على بنت ؟؟😲
زياد : لو كنا عشره صدقني ماكانت رح تمانع 😏
جاد :…… .😟
زياد : ياريت لاقيها وصفي حسابي معها لك سرقتني ماكفاها اخدت كلشي مصاري معي لا وشلحتني ساعة امي 😤
جاد : حقها 👌
زياد : شلون ؟؟😯
جاد : وقت راحت معك كنت وحدك وصرتو خمسه يعني متل ماكزبت عليها هي سرقتك خالصين😶
زياد : بتوقف مع وحده عـ🤨
جاد : اخرااااس😡
زياد : 🙁
وقف جاد وبين على وجهو العصبيه .. رفع اصبعه بوجه زياد وصرخ فيه
جاد : انقلع من هالبيت ياوسخ بهالبيت ماعاد الك قعده
زياد : وين روح بحالي اخي
جاد : لجهنم. الحمره لك انت اوسخ من بنت الليل يلي باعت شرفها .. يمكن بنت الليل باعت شرفها مجبره بس انت مين جبرك تعصي الله… نسيان انه عندك اخت ياكلب
نزل زياد عند اجرين جاد وهو يترجاه ليسامحه : سامحني اخي والله توبه ماعاد عيدا… غلطت ومنك السماح
نتر اجرو بقرف وطلع من الغرفه وهو يحكي : اطلب السماح من ربك مو مني
لحقو زياد ومسكو من كتافه… بترجاك اخي انا معترف بغلطي والله هالشله كلا مارح ارجع احتك فيها
جاد : بتعاهدني على هالشي
زياد : بعاهدك اخي
جاد : بس انا اللي شرط
زياد : اعتبرو مجاب اخي
جاد : تكمل جامعتك بقسم الشريعه
سكت زياد شوي وبعدا باس جبين جاد ووافق .
حضنو بعضن ودموعهم عم تصب صب… كانت دموع زياد دموع عبد مذنب تائب وجواد دموع قهر على حال راما… .
وما اصعب دمع الرجال
دموع الرجل القوي مهما بلغت قوته ستسقط عندما يتعلق الامر بقلبه وكبرياءه وهي دموع يجب ان تقدس فهي لا تسقط الا عندما يخترق الجرح جدار صلابته
♬♫♪◖(● o ●)◗♪♫♬
بتطلع شمس نهار جديد واحداث جديده
حسين بياخد راما لعند الدكتور جمال ليكشف عليها
ورنيم بتروح لجامعتها
وجاد بيروح لعند رفيقه سعد عالشركه
اما زياد فعم يجهز حاله ليقابل عميد الجامعه لانه هاد يوم الو بالجامعه يلي رح يكفي فيها دراسته
كل واحد منهم بيتجه لوجهه مختلفه وقدر واحد لامفر منه
خلونا نتابع التفاصيل
♬♫♪◖(● o ●)◗♪♫♬
حسين : صباح الخير جمال هي جبتلك راما لتكشف عليها
اشرلو جمال ليرتاح عالكرسي وهو بيحكي .. صباح الانوار ارتاح وخلينا نشرب فنجانين قهوه لحتى الممرضات ياخدوها عالمختبر وقسم الاشعه ويعملولا اللازم
حسين : تمام
جمال : هي معك برا ؟؟
حسين : ايه برا
بيكبس،ع زر بحد مكتبه وبيحكي
جمال : انسه مادلين تفضلي لعندي
بتجي السيكرتيره وبتوقف قدام جمال : اؤمرني دكتور جمال
جمال : في صبيه قاعده عندك بره
مادلين : ايه دكتور
جمال : بتسلميها للصبايا بقسم الاشعه والمختبرات وبتخليهم يعملولا المطلوب بهي الورقه
مادلين وهي عم تتناول الاضباره من ايد جمال : حاضر دكتور .. شي تاني
جمال : وصيلنا على فنجانين قهوه لو سمحتي
مادلين : حاضر…
بتفتل حالها وبتروح عند راما بتاخدها وبتوديها لقسم الاشعه ومن بعدا عالمختبر لينعملا الفحوصات والصور اللازمه
─────────────────
─🐙⊹⊹⊹⊹⊹⊹⊹🐙
بالشركه عند سعد وجاد
جاد بتعب : صباح الخير سعد
سعد : اشرقت الانوار منيح يلي تزكرت تجي عالشركه والله جاد بيك
جاد وهو عم يشلح جاكيته : سعد سكوت ولاتبلش هه
سعد : اي شو حكينا ..
جاد : اس ماتحكي شي
خلص سكتت بس شو رأيك بفنجان قهوه تعدل مزاجك
هز جاد براسو بدون مايحكي ومسك شوية اوراق وبلش يراجع فيهم
سعد : صحيح امبيرحه اخي عمر حكالي انه هي الحراميه طلعت من المشفى وما سجنوها… شو القصه طلعت مو حراميه
رفع راسو ورمق سعد بنظره حاده
سعد : بتعرفني بخاف من النظره 😒
نزل راسه ورجع يقرأ بالاوراق يلي قدامه
سعد : طيب كيف ما انسجنت بعد ماعرفوا انها حراميه 🤔
جاد :……
سعد : اكيد بتكون مدعومه من شي حدا مهم لانه منضرها كان بيوحي انها بنـ
جاد : سسسسعد 😠😠
سعد : شووو باك عم اخد واعطي معك بالحكي
وقف جاد وتوجه ناح سعد وقعد قباله
جاد : اولا ماطلعت حراميه كان في خربطه بالبلاغ تبع المسروقات
سعد : وثانيا 😒
جاد : ثانيا اياك مره تانيه تجيب سيرة الاعراض ع السانك فهمت
سعد : لك انا شو حكيت قلت انه من لبسها مبينه بنــ
مسكلو حنكو ب ايدو وهو عم يشد عليه وعيونه متل الجمر
جاد : عم قلك ماتحكي ب اعراض الناس شي ماشفته بعينك حرام تحكي عنه هاد اسمه قذف يامحترم
سعد : تترووك تممي ولااا
نتر جاد ايدو ورجع ع كرسيه وهو عم يردد
((ان الذين يرمون المحصنات الغافلات المؤمنات لعنوا في الدنيا وفي الآخرة ولهم عذاب عظيم ))
سعد وهو منزل راسه : صدق الله العظيم…. . استغفرك ربي واتوب اليك وابوء بذنبي فأغفرلي يا ارحم الارحمين
جاد : امين يارب العالمين
سعد : ايه يعني حاصلو كيف مانسجنت 🤔
جاد : آممننننت بربي على هالنهااااار قوم من وجهي ولااا 😠
──────────────────🐙⊹⊹⊹⊹⊹⊹⊹🐙
ــ وبالجامعه ــ
رنيم : السلام عليكم كيفكم صبايا
لارا ونهال : وعليكم السلام
رنيم : شو فطرتو ولا كالعاده ناطريني لفطركم
لارا : من ايمت بننطرك لتفطرينا
نهال : شو هالحكي رنيم
رنيم بضحكه متكبره بدون صوت : هه شووو بكم عم امزح 😜 تضربو مابتلقوا مزح
لارا بتعجب : رنيم بتمزح شو عدا مابدا خير ياطير
رنيم : يييي لك والله انا حبابه ومافي مني بس انتو مابعرف كيف بسرعه بتتحسسوا
نهال : ماعلينا… اي لارا جبتيلي يلي وصيتك عليه
لارا : يييييي نسيت 😣
نهال : دايما بتنسي لك نفسي بشي مره وصيكي ع غرض وماتنسي
رنيم : على شو وصيتيها
نهال : في خلطه هنديه لتنعيم الشعر وكل يلي جربها عم يحكي عنها انه نتائجها مضمونه ميه بالميه
لوت رنيم تمها وبين انه الحكي ماعجبها : ااه ليش انتي شعرك لهلأ خشن واجعد
نهال : ههههه هص لاتعلي صوتك لك مو خشن كتير بس ناشف ومقصف وبدي عالجو
رنيم بصوت عالي نوعا ما : اي لااا شعرك خشن ومتل السلكه كمان شو انا غشيمه عن شعرك اساسا بالمدرسه كانو يحكولك ياسلكه
انحرجت نهال ونزلت راسها واحمرو خدودها من الخجل وقامت من مكانها وهي تتلفت يمين وشمال وتدعي انه مايكون حدا سمع كلام رنيم
لارا : شبك رنيم مابيصير تحكي عنها هيك احرجتيها للبنت
رنيم : بالله احرجتها ع اساس مو الكل عارفين هالشي
لارا : لااااا انتي ماعدتي تنطاقي بس نفسي افهم على شو شايفه حالك اه كيف لو الله عاطيكي شوية جمال شو كنتي ساويتي وحملت كتبها بعصبيه ونترت حالها وقامت من جنب رنيم
انغاضت رنيم من كلام لارا وحست الدم عم يغلي بعروقها بس حاولت تبين حالها طبيعيه وانه مافي شي بيهز ثقتها بنفسها
حطت شنتتها بعجرفه وهي تطلع بطرف عينها على عيون الطالبات والطلاب يلي بيراقبو تصرفاتها وكان من بينهم زياد !!!
…… ..
زياد : لك محمد مين هالبنت ؟
محمد : انو بنت زياد شو بلشنا ؟؟؟
زياد : لك شوو بلشنا انت التاني بس اسلوبها ماعجبني حسيتها بنت شي وزير لهيك سألت
لف محمد وجهو لورا وشاف رنيم رجع فتل حاله بسرعه وهو بيسأل : قصدك رنيم الشامي
زياد :ابوها وزير ولا مدير
محمد : ههههههه لاهي ولاهي اخي زياد كل ماهنالك انه هالبنت شايفه حالها كتير وماحدا بالجامعه بيحبا ولابيحب رفقتها
زياد : ايواااا شايفه حالا قلتلي
وبقلبه (( وانا روح قلبي كسر راس هيك عينات… والله شكلي رح اتسلى كتير هون 😏 ))
──────────────────🐙⊹⊹⊹⊹⊹⊹⊹🐙
حسين : كأنهم تأخرو
جمال : لاتأخرو ولاشي هيك تحاليل بتاخد وقت…
حسين : لك اخ ازا طلعت عم تمثل عليي والله لاشرب من دما والله😠
جمال : وازا صادقه🤔
حسين : نفس سؤال بنتي رنيم😩
جمال بضحكه : هههههه اي وشو جاوبتا😂
حسين : هزيتلا كتافي وبزمت 😗 هيك وقلتلا بنكون فلسنا بنتي😔
جمال : هههههههههههههههه الله عليك شو دمك خفيف لك لشو تفلس وبين ايديك كنز😏
حسين : كنز ؟؟😕
جمال بخبث : وبتعيش ملك لولد ولد ولدك بس انت احكي ايه👌
حسين : افهم بالاول😐
سلط جمال عيونو يعيون حسين وحكا بهمس : بتبيع جسد راما👹
حسين : ههههههههه وعم تحكي عني دمي خفيف ليكك طلعت مهضوم اكتر مني… . منت عارف اني بعتو من زمان😏
مال بجسمو عالمكتب ونظراتو متل نظرات ثعلب مكار : بس هالمره غير ياصاحبي غيرررر😈
حسين : حاج تحكي بالالغاز وفهمني
جمال : بتبيع اعضاء جسمها عضو عضو وشقفه شقفه وكل عضو رح تاخد مقابيلو ملايين ملايين ياصاحبي ملااايين😈
حسين : ملااااايين 😲😲
──────────────────🐙⊹⊹⊹⊹⊹⊹⊹🐙
رجعت عالبيت مو شايفه قدامها رمت كتبها عالارض و نترت الشوز من اجرها وشلحت منديلها وجلبابها وزتتهم عالتخت
رنيم : لك انا تحكي معي هيك يابنت الفران اناااا ان ماوريتك مابيكون اسمي رنيــم الشامي
اطلعت عحالها بالمرايه وصارت تتحسس معالم وجهها وتتفحص كل جزء فيه لك ليش ماني حلوه متل راما .. بشو هيه احسن مني
مسكت شعرها الاجعد وفردته وتعبت عيونها بالدموع لك ماحدا شعرو متل السلكه غير اناااا ليش هيك يااااربي شمعنى راما شعرا متل الحرير وعاطيها كل شي وهي عاصيتك وحتى صلاه مابتصلي
نزلت ع ركبها وحطت ايدها عوجهها وانفجرت بالبكي وهي تصرخ لييييشششششش ياربي ماخلقتني حلوووووه ليشششششش ليشششششش ليشششششش
ـــــــــــــــــــــــــــ
بهاللحظه بيوصل حسين وراما عالبيت وبيسمعوا صوت صراخ رنيم بيركضو لغرفتها وبيتافجئ حسين من منظر بنته وهي منهاره وعم تبكي وتصرخ وتضرب ع وجهها
بيركض عليها وبيحضنها لصدرو
حسين : رنيم حبيبتي شو صرلك بنتي مين مزعلك احكيلي
رنيم بتبكي : ليش انا مو حلوه ابي
حسين : شو هالحكي بنتي انت احلا بنت بالكون
مسكت شعرها وهي بتزيد ببكاها وين الحلاوه يلي فيي شوف شوف شعري اديشو خشن شوف بشرتي غامقه وكلا حبوب شوف عيوني كيف غايرات بنص وشي وبتقلي احلا بنت بالكون
حضنها لصدرو اكتر ونزلت من عينو دمعة قهر… كانت دمعتها نقطة ضعفه
حسين : مابيكفي امريتي اني شايفها احلا بنت بالكون
رنيم : والاميره مابدا امير يحبا ويطلع فيها بابا… ليش ماحدا بيطلع فيي وبيتقدملي ليش… شمعنى الكل بدو راما رغم وساختها
ترنحت راما مكانها من كلمة رنيم وشهقت وهي بتحكي
وسخه !!!!! ليش هيك عم تحكي عني !!!!!
التفتت رنيم وشافت راما واقفه عباب غرفتها جحضوا عيونها ونترت حالها من حضن ابوها وهجمت ع راما بكل وحشيه وصارت تشدها من شعرها وتضربها بالحيط بكل قوتها
حسين : لك رنيييييم اتركيهاا
راما : اااااه اااااااه راااااسي
رنيم : انا بكررررررهك ياوسخه ياوسخه اطلعي من حياتنا بكررررهك بكررررهك ريتو الله ياخدك ماكفاكي قتلتيلي امي هلأ جاي تخلصي عليييي بكررررررررهك راااااما بكرررررهك وبعد مافشت قلبها بيرتخي بدنها وبتنزل عركبها وبتوقع عالارض فاقده وعيها وبتوقع بحدها راما
..حسين بصدمه : رنيييييييييييم 😲
──────────────────🐙⊹⊹⊹⊹⊹⊹⊹🐙
حسين بلهفه : طمني دكتور كيفا بنتي
الدكتور : اطمن مافيها شي هبوط بالضغط مو اكتر هلأ بنحطلا سيروم مغذي وبعطيها ابره وبتقوم متل الحصان
حسين : يعني مافي داعي سفرها برا
الدكتور بإستغراب : لشو تسفرها برا عم قلك هبوط بالضغط وهلأ بنعملا اللازم… .. عن ازنك
ركى ضهرو عالحيط بخوف وتعب وقلب مرهق وانفاس متسارعه
مسح عجبينو وهو بيحاول يستجمع قوته ويقنع نفسه انها اميرته منيحه ومافيها شي
حسين : كلو بسببك ياراما بنتي يلي مالي غيرا بالدنيا صار عندا عقده نفسيه… . ان مابعتك شقفه شقفه وعملت لبنتي من تمنك عملية تجميل لتصير احلا بنت بهالدنيا مابيكون اسمي حسين الشامي 😡
──────────────────🐙⊹⊹⊹⊹⊹⊹⊹🐙
بتقوم بتعب وهي حاطه ايدها عراسها
راما : اااااه ااااه راسي شو صار وين انا ؟؟
بتطلع حواليها بإستغراب وهي عم تحكي لحالها… .لك انا مو طلعت من هالبيت شلون رجعت لهون… بتمسك راسها بقوه وبتشد عليه من الوجع بتحس بتيار كهربا بكل جسمها وبركان عم يتفجر براسها بترجع تسلط عيونها لغرفة رنيم وشريط حياتها عم يمر قدام عيونها… ..
بتشوف حالها وهي طفله عم تركض وتلعب بحضن امها وكيف اغتصبها حسين وجهاد وكيف ماتت امها وكان راسها مشقوق نصين قدامها بتشوف برائتها وطفولتها وجدايلها يلي نفلهم حسين ع مخدة الرذيله بتشوف حالا كيف كبرت وعلى شو ربيت وبعدا تحولت لبنت ليل بتشوف حالها بتضحك مع هاد وبتلاغي هاد ونايمه ع صدر هاد وبتسحب كاس من ايد ها واخر شي بتشوف شب واقف قدامها ورح تدعسه بسيارتها
وبتصرخ باعلاصوووت :لاااااااااااااااااااااااااااااااااااا
──────────────────🐙⊹⊹⊹⊹⊹⊹⊹🐙
┊ ┊ ┊ ┊
┊ ┊ ┊ ★
┊ ┊ ☆
┊ ★
☆
راااااااااااااااااامااااااااااا
بيفز من نومو مفزوع وهو حاطط ايدو على صدرو وعم يلهت
جـاد : راما راما راما صاير معها شي ياربي دخيل اسمك شو هالكابوس هاد اللهم اجعله خير
بيتتاول كاسة المي وبيشرب وبيرجع يحاول ينام بس طيف راما كان مسيطر عليه وماعم يتركه
بيقوم من فراشه وبيطلع عالبرنده يشم هوا نظيف ويطرد هالافكار يلي معششه براسه
جاد : ليش مو قادر شيلك من فكري وبالي بعد كل يلي عرفته عنك ليش قلبي عم يدقلك هيك ياراما ليش
معقول حبيتك ؟؟ لا لا مستحيل
شبك جاد شووو صرلك
وبلش يضرب على صدرو .. لك شو صرلك ماعاد هديت حاج ياقلبي هالبنت مووو من توبنا مو من توبنا
مسح وجهو واستغفر ربه ورجع لغرفته توضا وصلى ركعتين وبعدا فتح المصحف وبلش يقرأ بهدوء
──────────────────🐙⊹⊹⊹⊹⊹⊹⊹🐙
طلع النهار ورجع. حسين مع رنيم عالبيت… . فوتها لغرفتها وسطحها ع تختها وباسها ع جبينها وفتل حالو ليطلع بس رنيم مسكتلو ايدو
اطلع فيها حسين بحب : بدك شي اميرتي
رنيم : انت ليش خليت الدكتور جمال يستئصل رحم راما
حسين :…… ..
رنيم : جاوبني بابا وماتحاول تخبي عليي انا سمعتك انت والدكتور جمال عم تحكوا
قعد حدها عالتخت وهو منزل راسه وشابك ايديه ببعض
حسين : راما غلطت مع عمك جهاد الله يرحمه وحملت منه
رنيم : شوووووو
حسين : ايه بنتي وراما كان عندها مرض معدي نقلته لاخي
رنيم : ايدز ؟؟
حسين : ايه وهاد سبب موت عمك جهاد
رنيم : وكيف عاشت راما
حسين : دفعت عليها دم قلبي للمشافي لحتى تعافت واخر شي اطرو يستأصلولا الرحم وليكو عمك مات وهي بقيت عايشه الها عمر لك بنتي
رنيم : ياريت هي يلي ماتت عواض عمي
حسين : اي والله ياريت… واتصنع الحزن
رنيم : اسفه اني شكيت فيك بابا
حسين : ولايهمك حبيبتي المفروض خبرتك من قبل
رنيم : صحيح شو صار معك عند الدكتور جمال
حسين : كلام الدكتور عمر بالنسبه لزاكرتا مزبوط
رنيم : والورم يلي براسها ؟؟؟
حسين : مافي ورم ولا بطيخ في براسها كتله دهنيه مابتضر نمله
رنيم : والله هالدكتور مانزلي من زور ولا رتحتلو
حسين : انسيكي منه بنتي وركزيلي هلأ على صحتك
رنيم : قبل صحتي شو ناوي تعمل مع راما
سكت حسين شوي وبعدين حكا : رح بيعها اعضاء بشريه
رنيم : شلوووون 😲😲
حسين : ههههههه عم امزح معك بدي رجعها تخدم بالبيوت
رنيم : لا
حسين : لكان شو بدك اعمل فيها
رنيم بجديه : بيعا اعضاء بشريه بس بشرط بدي عيونا الي 😈
حسين : 😈
سكتو شوي وبعدين حست رنيم بحركه مو طبيعيه
رنيم : كأنو في حدا عند الباب
ركض حسين ليشوف مين بس ماكان في حدا
حسين : مافي حدا بيكون الهوا عم يحرك الباب… ..
رنيم : ايه
حسين : ارتاحي بنتي هلأ وبس يجهز الغدا بصحيكي
رنيم : حاضر
──────────────────🐙⊹⊹⊹⊹⊹⊹⊹🐙
متخبيه ورا الستاره وكاتمه نفسها لحتى ماتحس رنيم ع وجودها بغرفتها… . وبس تأكدت انها رنيم غطت بالنوم بتتسحب شوي شوي وبتطلع لبرا وبتفوت غرفتها وبتسكر الباب عالهدا واخيرا بتاخد نفسها وعيونها عم يلمعوا وجواتهم شعلة غضب وبراكين من نار
رامــا : بدكن تبيعوني اعضاء بشريه لكن .. اي لنشوف مين رح يضحك بالاخر ياحسين الكلب
بتروح ناح صورة امها يتحملها وبتعلق بطرف عينها دمعه بتمسحها بسرعه… .. وقت قلتلك بريه ماصدقتيني يامو ماصدقتيني كل شي بشع مريت فيه انتي سببه يامو لو صدقتيني ماكان صار كل هاد ولا كنت دفنت برائتي وطفولتي ب احضان الكلاب البشريه لارضي جوزك الخنزير ياموووو جوزك يلي 99 مره عاشرني وكنت الو مره عم تسمعي امي 99 مرررره… بس هلأ راما تغيرت يامو وتحولت لوحش بيفترس كل حدا بيحاول يقرب منها حتى لو هالحدا اختي 💔…… .وبترجع الصوره مكانها وبتحول نظرها ع الحيط يلي مرسوم عليه الخطوط وبترسم خط كبيررر
هالمره رح تكون #الخطيئه_المئه انت حفرت قبرك ب ايدك ياحسين وهلأ اجا وقت الحساب
بدك تلعب مع راما تحمل ازا فيك تتحمل
──────────────────🐙⊹⊹⊹⊹⊹⊹⊹🐙
#يتبع
♬♫♪◖(● o ●)◗♪♫♬
#الخطيئه_المئه
#امل_احمد_سلوم
#الجزء_العاشر
♬♫♪◖(● o ●)◗♪♫♬
نازله عالدرج وهي عم تتثاوب وبتمد ايديها لفوق
رنيم : شو ماجهز الغدا 😪
بينزل الجريده من ايدو وبيبتسم بحنيه
حسين : قولي ماجهز العشا الساعه تمنيه حبيبتي
قربت منه وقعدت عالكنبه بحدو رفعت اجريها وتكورت عحالها وحطت راسها ع اجريه
رنيم : مممم بعدني نعسانه كتير😴
حسين : بتتعشي وبعدا بتنامي ازا بدك انا فايت لمكتبي خلص كم شغله ورح انده لراما تحضرلك العشا
انعدلت ومسكت ريموت التلفزيون وحطت اجر على اجر : اوك بابا ناديلا بسرعه😤
حسين : ممكن اطلب من اميرتي طلب
رنيم : طبعا بابا 🤗
حسين : بدي تكوني طبيعيه مع راما هالفتره وازا بتحسني خديها معك عالجامعه وخلي الكل يشوف اديش علاقتكم منيحه مع سوا ومتفاهمين
مطت شفايفها ب انزعاج ورفعت حاجبها : وليش لحتى اعمل هيك بالله😒
حسين : نحنا شو اتفقنا😶
رنيم : شو🙄
حسين بخبث مو بدك عيونها
رنيم بلؤم اكبر : وشعرا كمان🧛♀️
حسين : تكرمي بس اعملي متل ماوصيتك
رنيم يعني بس فهمني انا شو رح استفيد من هالشي 🤔
حسين : اول شي ازا صار مع جمال اي مشكله بيتحملها وحدو والكل رح يشهد معك ومعي انه كنا نعامل راما احسن معامله
راما : وتاني شي😒
حسين : تاني شي والاهم وقت صديقاتك يشوفو راما وكيف اسلوبها ولبسها اكيد الكل رح يحترمك الك ويبزق عليها لك شبك بنتي فتحيلي مخك شوي
ابتسمت ابتسامة. غرور : اه ايه بابا فهمت 😈
حسين : تمام يالله رايح عالمكتب خلص كم شغله
رنيم : اندهلا للزفته
حسين : شو اتفقنا😒
رنيم : انده لاختي حبيبتي تحطلي العشا 😇
حسين : هههههههه……… .. رااااااما بنتي تعي لهون حبيبتي😈
بتجي راما بخطوات بطيئه وعيونها بالارض وباين عليها الخوف والانكسار
راما : نـ نعم حسين بيك😔
حسين : شو هي حسين بيك بتناديلي بابا مفهوم انتي متلك متل رنيم بهالبيت
بيلمعوا عيون راما وبتطلع على حسين بطرف عينها
رنيم بقلبها ;(( بشوف بلشت المسلسل من هلأ ومانطرت رنيم تاخدني عالجامعه هه لك على مييييين والله لخليلكو تسفوا دم😠 ))
حسين وهو عم يتصنع الحنيه : حبيبتي راما اختك تعبانه في مجال تحطيلا العشا
راما : ايه اكيد حاضر بابا تكرم انت واختي اساسا مين الي غيركن
بتفتل حالها وبتروح عالمطبخ اما حسين بيغمز لراما لحتى ناتنسى يلي وصاها عليه
بتقعد رنيم بمكانها بكل عجرفه وبترفع اجريها عالطاوله وبتسند حالها عالكرسي وبتبلش تقلب قنوات التلفزيون
رنيم : ييي مسرحية ريا وسكينه مبلشه ياربي شوووو بحباااا
بتنسجم مع المسرحيه وهي تضحك وتكركر وتضرب ع ركبتها كل شوي وهي تضحك
راما: اتفضلي العشا اختي
رنيم : شكرا😒
راما : بقدر اقعد اتفرج عالمسرحيه معك
رنيم : لا 😒… ((.وبتتزكر كلام ابوها )).. قصدي انه ليش لا يعني اي اقعدي اختي ولو مابدك ازن😇
……………
بيقعدو يحضرو المسرحيه سوا وصوت ضحكاتهم عم تعلا اكتر واكتر
حسين : العما انا وصيت رنيم تعاملها منيح بس مو لهدرجه .. قام ليروح عندهم بعدين غير رأيه ورجع لمكانه :… . يالله هيك احسن كلا يومين وبنخلص من راما للابد خليها تنبسطلا شوي خطي … ااااه ياحسون اديشو البك كبير
…… .
راما : هههههههه مو معقول احمد بدير بيموتني ضحك
رنيم : هههههه لا منعم مدبولي احلا خصوصي وقت يحكي كل شيقن انكشفن وبان
راما : ايه هههههههههه
سكتت رنيم فجأه وهي مبحلقه براما
راما : شبك لي هيك عم تطلعي فيي
رنيم : مو على اساس فاقده الزاكره شلون متزكره المسرحيه واسامي الممثلين يلي فيها ومو متزكره عيلتك او شي عن ماضيكي
حست راما انها اتورطت بدون ماتنتبه وفورا اداركت الموقف
راما : ههههههه لك مو متزكرتا بس امبيرحه وانتو مو هون جابوها للمسرحيه وتفرجت عليها وكتبو اسامي الممثلين… شوفي حتى ليكن كاتبين اعاده ياجدبه
رنيم : امممممم طيب ماشي
بلعت ريقها وتوترت من نظرات رنيم الها… .. راما : اوووف الجو كتير حامي هون بدي وقف عالشباك شوي شم شوية هوا واتفرج عالنجوم
قامت وفتحت الشباك وبلشت نسمات الصيف البارده اداعب وجهها الملائكي ومع كل هبة نسيم يطيرو خصلات شعرا الحريري ورنيم عم تراقبها وقلبها عم. يغلي غلي وولعت جواها نار الغيره والحقد بتحول نظرها مابين التلفزيون وشعر راما الحريري وهيه ماسكه خصله من شعرها الاجعد… .وفجأه بيلمعوا عيونها وبتركز بالتلفزيون وهيه بتراقب ريه عم تروح تبل الفوطه وتمشي بإتجاه مرت ابوها بخطوات بطيئه لتخنقها… . نفس صوت الطبل المخيف يلي كان بالمسرحيه علق بذهن رنيم وبدون ماتحس عحالها مسكت فوطه وحطتها بكاسة المي وعصرتها بخفه وحطتها ورى ضهرها وتحولت ل ريه
عم تمشي ب اتجاه راما خطوه خطوه ماعم تسمع الا صوت دق الطبول وعيونها بتلمع وهي بتقرب من راما اكتر واكتر واكتر لحتى صارت وراها مابيبعدها عنها الا كم خطوه .بتسحب الفوطه من ورى ضهرها وبتهجم ع راما لتخنقها… بس قبل ما تئآتي بأي حركه بيكون حسين مسكرلا تمها وساحبها لمكتبه بدون ماتحس راما على شي
…… .
حسين : لك. انتي جنيتييييي بدك تموتيها
رنيم : ماااابعرف شو صرلي ماااابعرف… . وقت بشوفها بحس ناار نااار شاعله بقلبي ونفسي ادبحها ب ايدي هدوووول
حسين : هيك مابيمشي الحال لازم تسيطري على اعصابك لك بنتي كلا كم يوم وبنفذ خطتنا وبنلعب بالملايين لعب
رنيم : حاضر بابا… .يارب احسن سيطر عحالي
──────────────────🐙⊹⊹⊹⊹⊹⊹⊹🐙
تاني نهار بتفيق راما من بكير وبتقعد عالبرنده تشرب قهوتها على انغام. فيروز
رنيم : صباح الخير اختس انتي هون رحتلك ع غرفتك مالقيتك
راما : صباح الفل يا البي… والله قلت بغير جو كرمال صحتي
رنيم : شو رأيك تروحي معي عالجامعه وهونيك بعرفك ع صديقاتي ويتغيري جو
راما : اممممم اوك فكره حلوه بس بالاول بروح اقضي مشوار صغير وبجي فورا لعندك عالجامعه
رنيم : ولوين هالمشوار بالله
راما : عم حس بصداع كتير بدي روح عالدكتور يشوف شو القصه بلكي كتبلي ع شي دوا يريحني
رنيم : لعند الدكتور عمر
راما : مين الدكتور عمر ؟؟ ااه هاد يلي كان بالمشفى ..لا لا رح روح على عياده خاصه مو حمل عجقة المشافي من على الصبح
رنيم ب ابتسامة. خبث : لكن ناطرتك انا… .وفتلت حالها لتمشي بس رجعت طلعت براما بحب
رنيم : البسي احلا شي عندك هه مابدي وصيكي بدي تكوني ملكه الكل ينسحر بجمالك
راما : هههههه طيب حبيبتي
رنيم : يالله سلام
راما : الله معك
طلعت وسكرت الباب وراها وهي تحكي : حبتك عقربه ياوسخه ان ماخليتك فرجه اليوم للكل مابيكون اسمي رنيم
──────────────────🐙⊹⊹⊹⊹⊹⊹⊹🐙
زياد : فهمت شو رح تعمل لك ياسر
ياسر : لك فهمت شو هي اول مره بنوقع بنت
زياد : لكن يالله روح لمكانك واياك تبين انك بتعرفني
ياسر : اوك
……… .
متل عادتها فايته عالجامعه وهي نافشه حالها متل الطاووس ومو عاجبها حدا
نهال : اففففف استغفر الله العظيم انا قايمه مابدي شوفها
لارا : خليكي مكانك لاتروحي هلأ بس تجي بقلعها
نهال : لا مابدي تبلش تزت حكي خليني روح
لارا : هصصصص قعدي مكانك
التفتت عليهم رنيم ب احتقار وراحت قعدت لحالها بمكان بعيد عن الكل ..بمكان بيليق بالملكات بحسب اعتقادها
… .
نهال : هههه شفتي كيف اطلعت فينا
لارا : اتركيها هي وحده خالصه
نهال : لك شوفي شوفي في شب بيتحركشا
لارا : شووو معقووول مين اعمى القلب هاد
…… .
كان واقف قبالها وعم يزت حكي
ياسر ; شو الحلو ليش قاعد لحاله
ــ مو لازمك رفيق يسليك
ــ عبرنا ياحلو
اطلعت فيه رنيم بإستغراب وحولت بنظرها حواليها ماكان في حدا
رنيم : لك هاد بيحكي معي 😮
ياسر : شو ياقمر مابدك تحن علينا… وبقلبه ( الله لايوفقك يازياد على هالاستفقاده) 🤢
وقفت رنيم بكل غرور وتوجهت لعند ياسر ونهال ولارا عم يراقبو الموقف بإهتمام🙁
رنيم : لك انت ياكلب عم تلطشني الي بهالحكي 🤨
ياسر : ليش في قمر غيرك هون ياحلوه😻
بتقرب منه خطوه تانيه وبتسفقه كف متل فراق الوالدين👌
نهال : اخ 😵
لارا : اديلوووو👊
بيطلع فيها وعيونو بتقدح شرار وبيرفع ايدو ليضربها وبترجع خطوه لورى وبيوقعو كتبها وبتغمض عيونها وهي خايفه ومرعوبه 😣
زياد : لك ياكلب ياندل بترفع ايدك على بنت والله لاربي فيك الجامعه والله
بتفتح عيونها وبتشوف زياد مكومو للشب يلي حاول يدايقها ونازل فيه ضرب
بتجمعوا الطلاب وبيفكوهم عن بعض
ياسر : بسيطه ان ما وريتك مابكون ياسر
زياد : انقلع ولا ايدك وماتعطي هي جزاة اللي بدو يطاول ع اسيادو
بتبتسم رنيم وقت يحكي زياد هي جزاة اللي بدو يطاول ع اسيادو ويتحس انه هالشب بطلها
بيطلع فيها زياد بشموخ وبيقرب منها وبيرفع كتبها عن الارض وبيناولها ياهم بكل ادب
زياد : تفضلي انسه…
رنيم : رنيم ☺
زياد : شو حلو هالاسم تشرفنا انسه رنيم وانا اسمي،زياد
رنيم : شكرا لمساعدتك
زياد : العفو ولو واجبي… انا مابتحمل هيك عالم خصوصي يلي بيلطشوا البنات الحلوين بس ليسمعوا منن كلمه
رنيم ب ارتباك : هه ا ايه ايه صح بصراحه كتير بتعرض لهيك مواقف وبنحرج مافيي انزل لمستواهم
زياد بقلبه : بقص ايدي ازا في حدا بعمرو حاكيلك مرحبا😒
اكيد انسه رنيم انتي مبين عليكي بنت عالم وناس مو من مستواهم
رنيم : شكرا كلك زوء 🤗
بتفتل حالها. بكل غرور 😏وهي بتطلع ع نهال ولارا يلي فاتحين تمهم ع اخره ومبحلقين فيها ومصدومين من الموقف يلي صار😯😯
نهال : شفتي يلي شفتو لك لارا😲
لارا : انتي شفتي يلي انا شفتو لك نهال 😲
وبيطلعو ببعض : معقوووووووول 😲
─────────────────
─🐙⊹⊹⊹⊹⊹⊹⊹🐙
بتوقف رنيم بكل غرور قدام لارا ونهال
نهال : برافو ماقصرتي فيه
لارا : ايه والله خرجو
نهال : بس مين هالشب يلي ضربو
رنيم بغرور : بيكون شي معجب شو بعرفني
نهال ولارا : معجب !!!!!!!!
رنيم : ممممم ماتزعلي مني نهولتي ماقصدت زعلك بكلامي هديك اليوم
نهال : ولايهمك اصلا انا نسيت
رنيم بخبث : يخليلي ياكي يارفيقتي… .
لارا : اي هه هيك بدي ياكن الله يخليكم لبعض
رنيم ونهال : امين
رنيم : اليوم جاي اختي عالجامعه ورح عرفكم عليها
نهال : اختك ؟؟
لارا : من ايمت عندك اخت بعمرك ماجبتي سيرتها
رنيم : هيه مو اختي شقيقتي يعني هيه اختي من امي وكانت عايشه مع ابوها ومن مده تعرضت لحادث وفقدت زاكرتا… واتصنعت البكي
نهال : لاحول ولا قوة إالا بالله
لارا : الله يشفيها طولي بالك رنيم
نهال : الهيئه كتير يتحبيها لحتى متأثره عليها لهدرجه
رنيم : لك شوووو بحبا كلمة. حب قليله قولي بعشقها عشق مالو حد
نهال : الله يخليكون لبعض
رنيم : امين يارب
لارا : لك شووووفووو هالقمر ياللي هالل علينا بسم الله ماشاء الله
نهال : تبارك الرحمن فيما خلق مين هي البنت اول مره بشوفها بالجامعه
التفتت رنيم لمكان مابيطلعوا نهال ولارا وشافت بنت متل البدر بحجابها الانيق وجلبابها الفضفاض ووجهها يلي بيشبه القمر المكتمل بليلة 14 وعيونها يلي اشعة الشمس عاطيتهم سحر فوق سحرهم
البنت : السلام عليكم ورحمة الله وبركاته
نهال ولارا : وعليكم السلام ورحمة. الله وبركاته
رنيم : 😲😲😲😲
راما : كيفك اختي اسفه طولت عليكي ☺
نهال : انتي اخت رنيم
راما : ايه انا اختها واسمي راما
نهال : اهلا وسهلا حبيبتي انا نهال وهي لارا
راما : تشرفنا حبيباتي
لارا بسرها : ولي على امتي شو جاب لجاب لك متل القمر يخزي العين
كانت رنيم بعدها مصدمه ومو مستوعبه شي
نكشتها لارا بخفه : شو رمروم وين شارده
رنيم : اه ليكني معكم اهلين راما… يالله بالازن صبايا
نهال : لوين
رنيم : حاسه حالي تعبانه شوي وبدي ارجع عالبيت… بشوفكم… يالله اختي
راما : تمنيت اقعد واتعرف عليكم صبايا بس متل ماانتو شايفين اختي بحاجتي ولازم كون معها
لارا : ولايهمك حبيبتي امانه عيديها
نهال : اي والله ياريت شنو دبتي بقلبي متل السكره
راما بحب : ان شاء الله حبيباتي يالله السلام عليكم
نهال ولارا وعليكم السلام
بتمشي رنيم وراما لعند البوابه والكل عم بيطلع براما ومبهورين بجمالها واناقتها
نهال : لك شوو هالنهار الغريب هاد
لارا : صدق اللي قال عيش كتير بتشوف كتير
نهال : لك بتصدقي انن خوات
لارا : لا ومية عظيم هههههه
نهال : ههههههه
──────────────────🐙⊹⊹⊹⊹⊹⊹⊹🐙
بيوصلو للبوابه وبترفع رنيم الريموت تبع سيارتها وبتضغط عليه بعصبيه
ياسر : شو بشوف الحلو معصب
التفتت عليه رنيم وهي بتغلي من الغضب🤯
رنيم : انقلع من هون يازباله ولا حابب تاكل كمان بدن🤬
ياسر : اي ليش لا خصوصا من هالايدين الحلوين 😻
زياد : انا ماقلتلك ماتتعرض للبنت مره تانيه 😠
التفتت رنيم لزياد وبلش قلبها يخفق بقوه 😍
ياسر : التهي بحالك وماتنحشر بشي مالك فيه 😡
زياد : هالصبيه بتكون خطيبتي
بتنصدم رنيم وراما وبيطلعوا ببعض
راما بسرها : والله هالوش مارق عليي، بس ليش بيحكي عن رنيم خطيبتو 😮
ياسر : خطيبتك قلتلي لا صدقتك انا
زياد : لااااا شكلك مارح تفهم بالزوء
ــ بس انت وياه
اطلع ياسر وزياد ناح الصوت ليشوفو راما رافعه اصبعها فيهم
ياسر : ولي على قلبي انا😍😍😍
راما : احمل درب طريقك انت وياه ودربلو من هون هيك الاعيب مكشوفه من زمان
زياد بصدمه وهو بيطلع ب ايد راما يلي ماديتها بوشو (( سااااعة امي !!!! لك كيف وصلت لايدها ومين هالبنت !!!))
راما : يالله اختي هدول عالم مو لاقيين شغله
زياد : رنيم اختااااا ؟؟؟؟
بتبقى رنيم واقفه مكانها بخيبة امل و عم تطلع بعيون زياد يلي كانت شارده بالساعه يلي شافها مع راما
رنيم : زياد
زياد : ايه ايه رنيم معك
رنيم : بجد كل هاد تمثيل منك
بلع ريقو وحاول يدارك الموقف وبعدا اجتو فكره
زياد : بصراحه اي وبصراحه اكتر اما معجب فيكي وحابب اتقدملك ومالقيت غير هالطريقه الفت نظرك
بيرجف قلب راما وبيحمرو خدودها وبتنزل راسها بالارض بخجل 🤭
رنيم : ازا عنجد هيك… فيك تشوف ابي وتركته وراحت تركض عسيارتها شغلتها وطارت فيها
ياسر بيسعل من الغبره يلي ورى السياره : كح كح كح لك تضرب انت وخططك يافاشل اتتسووو🤧
زياد : ومين قلك الخطه فشلت… وحياتك نجحت وبكفائه
ياسر : بس وحياتك الكف يلي اكلتو منها مارح انسالا ياه ابدا ورح مرمغها ب ايدي… صحيح شفتلي هالشقفه يلي كانت
#تتمة_الجزء_العاشر
رنيم : ازا عنجد هيك… فيك تشوف ابي وتركته وراحت تركض عسيارتها شغلتها وطارت فيها
ياسر بيسعل من الغبره يلي ورى السياره : كح كح كح لك تضرب انت وخططك يافاشل اتتسووو🤧
زياد : ومين قلك الخطه فشلت… وحياتك نجحت وبكفائه
ياسر : بس وحياتك الكف يلي اكلتو منها مارح انسالا ياه ابدا ورح مرمغها ب ايدي… صحيح شفتلي هالشقفه يلي كانت معها حاسس اني شايفها بس مو عارف وين
لمعو عيون زياد وحكى بهمس .. راما اي هي راما يلي سألني عنها اخي جاد بس شلون بنت ليل اخت وحده بتدرس شريعه وشو يلي قلب حال راما هيك انا لازم افهم من جاد قصة. هالبنت لاااازم؟؟؟؟؟
وبيطلع بسيارتو وبيروح لعند جاد عالشركه
──────────────────🐙⊹⊹⊹⊹⊹⊹⊹🐙
راما : انتي مخطوبه رنيم
رنيم : ههههههه قريبا جدا رح انخطب
راما : اها يعني ماكنتي مخطوبه من قبل
رنيم : سدي بوزك وماتداخلي بشي مابيخصك ورحمة. امي لو ماني فرحانه هلأ كنت حطيتك تحت دولاب السياره وفرمتك على العمله يلي عملتيها
راما : انو عمله .. ليش شو ساويت انا
رنيم : شو ساويتي… . بتجي عالجامعه وانتي لابسه حجاب وجلباب على اساس انك تقيه ومحترمه يافاجره
راما بدهشه : انـ انتي شو عـ عم تحكي يعني انا ماكنت اللبس حجاب من قبل
رنيم : هههههههههههههه حجاب شو يابعدي لك انتي ماضيكي وسخ واسود ويمكن رحمه من ربنا انه روحلك زاكرتلك يلي مابتشرف الكلاب
راما بقلبها (وهالماضي الاسود هو نفسو يلي رح يسود عيشتك وعيشة ابوكي… صبرك عليي يابنت حسين الكلب )
──────────────────🐙⊹⊹⊹⊹⊹⊹⊹🐙
وصل عالشركه بسرعه جنونيه وفات لعند جاد فورا
زياد : اخي لازم نحكي ضروري
بيطلع جاد فيه ب استغراب لانه فات عليه بهالطريقه وهو ب اجتماع لمجلس الاداره
جاد : خير اخي امي فيها شي اختي بيان فيها شي ؟؟؟
زياد وهو بيتنفس بسرعه : لا لا اطمن بس عاوزك بموضوع حياه او موت
سعد : خير زياد والله شغلت بالنا
بيطلع زياد عالموضفين وبيرجع بيطلع بجاد
جاد : طيب ياجماعه انا بعتزر منكم خلونا نأجل اجتماعنا لبكرى… تفضلو
بيطلع الموضفين وبيقوم سعد ليطلع برا بس بينده عليه زياد : خليك سعد
سعد : لك شوووو في احكي والله سيبلتي ركبي يارجل
تعو لنقعد عالجهه التانيه ونحكي براحتنا
توجهوا وقعدو على طقم كنب فاخر بغرفة المكتب تبع جاد
جاد : اي زياد شو الموضوع الخطير يلي جاي تحاكيني فيه
زياد : الساعه
جاد : شبها ؟؟؟
زياد : لقيتها
جاد :…… .
سعد : هلأ بتفوت علينا هالفوته وبتخلينا نلغي الاجتماع كرمال ساعه
زياد : مو كرمال الساعه سعد كرمال يلي لقيت معها الساعه
سعد : ومع مين لقيتها
زياد : مع راما
سعد : الحرااااميه 😲
زياد : اي راما الحراميه وحول نظرو لجاد : وهلأ متل ماحكيتلك قصتي معها بهديك الليله بدي تقلي قصتك معها ومن وين بتعرفها
جاد : رح خبـرك كل شي زياد
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
البارت الحادي عشر والثاني عشر من هنا
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹
تعليقات
إرسال تعليق