رواية أنثي الرماد الفصل التاسع والاخير بقلم الكاتبه زهرة البنفسج حصريه وجديده
عرسنا كان اغرب عرس بمر على تاريخ البشرية… لبست فستان اسود طويل من الحرير والدانتيل … وطرحة دانيتل اسود.
وقبالي طارق يلي كان لابس بدلة سودي.
وكنا واقفين على سطح جبل… والهوا عم يعصف فينا… وعم يحركلي شعري وفستاني… شعر طارق تناثر على وجهو.. وبدلتو كانت عم تطير.
وقفنا قدام قبرين.
طارق: انت مجنونةةةةة.
عبير: شوفي مرة تانية.
طارق: لككك رح نطيرررررر.
عبير: لا مو لهدرجة.
طارق: ذكريني ليش لازم نعمل عرسنا بمقبرة؟
عبير: لازم بابا وماما يحضرو عرسنا… كم مرة بدي احكيلك.
طارق: طب ليش اسود؟
عبير: لانو لازم نحترم الميت.
صار يضحك… مافي احلى من ضحكتو.
وهيك تم زواجنا… على جبل… لابسين اسود… والحضور كانوا عبارة عن قبرين.
بعدها رحنا على بيتنا.
 |
قصرو.
لما دخلت على الجنينة فكرت حالي بمكان تاني… الجنينة كانت خضرة وكلها ورد… والشجر اخضر وعم يطلع منو تفاح… والقصر… تحول مية وتمانين درجة… النوافذ كانت عم تلمع… والخدم كانوا عم يمشو بكل مكان… والستاير جديدة وكلشي نظيف.
عبير: كثير متغير البيت.
مسكلي اصابعي وباسن وقال: من اول ما دخلتي لهون وكلشي عم يتغير للاحسن.
ابتسمتلو.
طلعنا على غرفتنا…. وانا فوراً دخلت على الحمام… اخدت دوش.. ولبست تياب نوم وطلعت.
كنت كثير متوترة… وانا عم ادعي يارب لاقي كتاب بيشرح كيف المراة لازم تتصرف لما تنفصل عن زوجها فترة طويلة وترجعلو.
كان برا… لابس بجامة… كان عم ينزل الستارة عن الحيط القزيز… وانا بلعت ريقي.
طلعت على التخت وصرت رتبو بدون ما اطلع عليه.
طارق: احم…. الجو شوب كأنو.
عبير: اي.
صار يهوي… وبعدها شلح القميص… انا بلعت ريقي مىة تانية.
هويت… وقلت: كثير شوب…
وبلشت فك بزرار القميص.
شهقت وصرخت لما نط لعندي… وسحبني لعندو.
وباسني…. وانا لفيت ايدي حوالين رقبتو وبادلتو.
وبعدها غرقنا.
ونسينا كل الماضي… لنفتح صفحات جديدة.
انا وياه سوا.
لوحدنا.
____________
عبير: سمية…. وينو طارق.
وقفت الخدامة وقالتلي: السيد طارق بمكتبو مدام عبير.
عبير: طيب.
رحت على مكتبو.. دقيت الباب وفتحتو مديت راسي وقلتلو: حبيبي؟
كان قاعد ورا المكتب… وبايدو اوراق.. لما شافني ابتسم… وانا تسارعت ضربات قلبي.
مشيت لعندو ولفيت حوالين المكتب وهو فتحلي ايديه… قعدت بحضنو… ولفيت ايدي حوالين رقبتو وصرت امسح على تفاحة ادم يلي كانت عم تتحرك تحت اصابعي.
ولف ايديه حوالين خصري.
عبير: صحيت ومالقيتك…. مو اتفقنا انو لاعد تتعب حالك بالشغل.
طارق: ما اجاني نوم… وانتِ نايمة ماحبيت ازعجك.
قربت شفايفي من رقبتو.. وصرت بوسو… بحب بوسو من هي المنطقة لاني بقدر اسمع ضربات قلبو العنيفة بالوريد النافر عند خط الرقبة..
مسحت خدو لرقبتو باصابعي ومن الطرف الثاني كنت عم حرك شفايفي على جلدو.
طارق بانفاس متقطعة: ذكريني… مين المنحرف بيناتنا.
ضحكت.
عبير: في موضوع اجيت حكيك في.
طارق: شوفي حبيبتي.
عبير: صلنا سنة متزوجين… وبلشت حس انو في شي ناقص بحياتنا.
طارق: شوفي؟ انا مقصر معك بشي…؟ شو هو الشي الناقص.
قربت لعند دانو.. ولفيت رقبتو… وهو تكمش بخصري.. همستلو: لازمنا طفل.
تجمدت اصابعو حوالين خصري… مابعدت عنو… تركتو يستوعب كلامي… كان صدرو ساكن… وبعدها بلش يطلع وينزل.
عبير: حبيبي!؟
بعدت عنو وتفحصت ملامحو… نجرحت وقت شفت العذاب بعيونو… وملامحو المنكمشة.
عبير: شو قلت؟
طارق: بس نحن مو لازمنا… انا مبسوط هيك… انا وانت وبس… مافي داعي يكون عنا ولاد.
عبير ببرود: بس انا بدي ولد.
طارق: بس انا مابدي.
بعدت عنو ولفيت ايدي ضد صدري وقلبت خلقتي.
طارق: خلص.. عبير… الله يوفقك.
عبير: بس انا بدي ولد… بدي ولد منك.
طارق: روحي نامي حبيبي وبكرة منحكي.
وقفت من حضنو… وتحركت بعصبية ناحية الباب.. التفتت لعندو شفتو طامس راسو بالاوراق.
عبير: انا صرت كبيرة… وبلشت غرزة الامومة تتحرك جواتي… وهشي مارح يكون بصالح علاقتنا طارق.
تيبس… وظهرت الصدمة على وجهو..
بس انا صفقت الباب.. ورحت على الغرفة.
شديت الحرام ودفنت حالي في.
سمعت صوت الباب عم يفتح… سمعت صوت خطواتو.. سحب الحرام من فوقي وشلفو على الارض.
طارق: بدك تطلقي مني!!؟
عبير: ….
قعد على التخت جنبي وانحنى… ودفن وجهو بين ايديه.
جلست حالي… وقعدت ورا.. لفيت ايدي حوالين خصرو وسندت راسي على ظهرو وقلتلو: انا بحبك وبدي اياك.. وبدي ولد منك.
طارق: ….
عبير: مشان الله طارق… بليز طارق… انا بدي ولد طارق… طارق.
طارق: خلص عبير… خلص… مشان الله… سمعيني.
تركتو ونطيت من على التخت وقفت قدامو وقلتلو: انت سمعني… سمعني طارق… حياتي معك ناقصة.. ايمت رح تفهم انو انا مشتهية ولد… ولد منك انت.
كان دافن وجهو بايدي وقال: صعب… صعب كثير.
قعدت جنبو وقلتلو: شو الصعب؟
طارق: انا……. انا…..
عبير: اي؟ شووووو!
طارق: ولا مراة بالعالم قدرت تجبلي ولد… محد بيقدر.
عبير: عادي… منروح على دكتور.
رفع راسو… كانت ملامحو كانو شخص عم يحترق… وقف ومشي لناحية الحمام ودخل… سمعت صوت المي….. وبعد خمس دقائق طلع.. عيونو كانو حمر.. وجهو مي.
طارق: بركي كنت انا السبب… بركي كانت المشكلة مني…. هاد…. هاد الشي بهز كبريائي كرجل.
عبير: منروح على دكتور… سواء المشكلة مني او منك… رح نحاول نحلها… اما نوقف هيك بدون مانفهم شو قصة سبب الحمل رح يكون مشكلة كبيرة.
مشي لعندي ولفني بين ايديه ودفن وجهو برقبني وهمسلي: بترجاكِ عبير…. بلا…. انا مكتفي فيكِ… مابدي… مابدي غيرك.
دفشتو عني وقلتلو: اما انا بدي…. بدي ولد… ياهيك يا اما….
طارق: يا اما؟
عبير: ….
مشيت وسحبت الحرام…. وتغطيت..
اما هو بقي ساكن… وما طالع ولا صوت.
وبعدها طلع من الغرفة.
وسكر الباب.
وانا زفرت وانا مخنوقة… وحطيت راسي ونمت.
صحيت على شخص عم يهزني ويقول: عبير… اصحي عبير.
فتحت عيوني.. لقيتو فوق راسي قلتلو: شوفي!
طارق: قومي لبسي.
عبير: لوين.
طارق: رايحين على دكتور… مو انت بدك ولد.
طار عقلي.
نطيت من التخت وبسرعة لبست… وهو قاعد عم يتزورني وعلى وجهو ملامح شخص تعرض للخيانة.
طلعنا على عيادة دكتورة مشهورة ومعروفة بشطارتها.
نزلت من السيارة ولحقتو على العيادة.
كل الانظار التفتتت على الشخصية يلي دخلت على العيادة.
كان شكل طارق ملفت كثير.
شعر كستنائي مرفوع لورا… وعيون خضر حادات.
وشخصية مبهرة.
وانا كعبي عم يطرق طرق على الارض.. وفستاني الاسود مفرود حوالين جسمي.
قعدنا قدام الدكتورة… وعملنا فحص… طلعت سليمة مية بالمية… ومتل ماكنت متوقعة… كانت المشكلة بطارق.
لما سمع هيك… فتل راسو… وشفت العذاب بعيونو.. كنت بدي واسي.. بس معليش ضروري يتعرض لهيك موقف كرمال يتقبل الفكرة اسرع.
دخل على حمام العيادة… غسل وجهو وطلع وملامح البرود على وجهو.
وقعدنا قدام الدكتورة.
الدكتورة: المشكلة جداً بسيطة… وبتنحل… بس الحمل الطبيعي مارح ينجح بسبب المشكلة يلي حكيتلكم عنها.
عبير: كيف رح يتم الحمل لكن.
الدكتورة: زراعة…. رح نعملك زراعة اجنة.
عبير: وبتنجح؟
الدكتورة: منقول ان شاء الله.
كان طاير عقلي… وطارق ماطلع منو ولا صوت ولا حرف.
الدكتورة كان رح يطير عقلها لما شافتني انا وطارق عم ندخن… انا عم دخن بجهة… وهو عم يدخن بجهة.
وقالتلنا: من هلق عم قلكن… الحمل مارح يتم اذا كان الاب والام مدخنين.
وهيك طفيت السيكارة… وكزتو لطارق يلي قلب عيونو وطفى سيكارتو.
لما رجعت على البيت كلشي باكيتات دخان… سحبتن وكبيتن بالحاوية… وامرت الخدم بمنع اي مدخن يشغل سيكارة جوات البيت.
قربت من طارق يلي كان على وشك يشغل سيكارتو… وسكبتها من تمو… جعدتها وكبيتها بالزبالة..
طارق: يعني شو هلعيشة هي… بسببك صرت مدخن… وهلق بدك تفرضي علي الاقلاع عنها.
ضحكت وسحبت كيس كبير مليان شراب وقلتلو: هي البديل.
طارق: شراب ومصاص ههه… شو شايفتيني طفل.
فتحت شرابة وحطيتا بتمو … وحطيت شرابة بتمي.. نطيت وقعدت بحضنو ولفيت رقبتو… وسندت راسي على صدرو وقلتلو: قلبك عم يخفق بسرعة.
طارق: هممم.
عبير: طارق..
صرت امسح على صدرو… حسيت على اصابعو عم تلفني من خصري وقلي: عيونو.
عبير: انا كثير مبسوطة.
طارق:....
سحبت حالي لفوق.. قربت وجهي من رقبتو وصرت بوسو وعض جلدو… وانا عم امسح على خدو ودقنو وهمستلو: تخيل تجينا بنت..
رققت صوتي ونعمتو وهمست: بنت بتشبهني.
طارق: اوه.
شد ايديه حوالين خصري… وقال: انت مو انثى الرماد… انت انثى الاغراء…. انت مرعبة.
صرت اضحك.
طارق: انا خايف.
رفعت راسي وشفت ملامح وجهو… كانت هادية هل مرة… بس عيونو كان فيهم شوية خوف.
عبير: من شو؟
طارق: خايف يجيني صبي.
بلع ريقو وقال: واضطر سمي ملهم.
عبير: مارح نسمي ملهم…. رح نسمي اسم تاني.
طارق: اسم تاني؟
عبير: اي…. ربي ابنك بطريقة صحيحة… بالطريقة يلي انت كنت تتمنى تتربى عليها.
بلع ريقو وراقبت تفاحة ادم يلي تحركت برقبتو وقال: لهيك خايف… خايف ربي ابني متل ما ابي رباني.
عبير: انا متأكدة انك رح تكون اب مثالية… لا تخاف… انا لو ماني شايفتك قدها ما بطلب منك نجيب ولد.
ابتسملي..
قربت وبستو.
………….
رحنا على الدكتورة بعد ماحددنا موعد… وعملت عملية الزرع… زرعت طفلين.
وبعدها قعدت بالفرشة شهرين لبين ما ثبت الحمل.
توقعت طارق يتهرب.. ويتركني لحالي صارع تعب الحمل… بس طارق ما تركني ابداً… صار يخاف علي من الهوا يلي بتنفسو.
وصار يلبيلي كل طلباتي.
هيك لمر فترة الحمل…. ودخلت شهري.
وبلشت اطلق.
طارق بوقتها كثير كان مرعوب… وركض فيني ركض على المشفى وقلب الدنيا كرمال يجيب احسن الدكاترة.
توقعتو يتركني بغرفة العمليات.
بس بقي معي… مسكلي ايدي… وساندني.
كانت ولادتي كثير صعبة.
وبقيت ساعتين عم عاني وصوت صياحي عبى المشفى كلو.
هيك لحتى سمعت صوتو.
ابني الاول.
ماهر… لما سمعت صوتو نسيت كلشي نسيت الوجع نسيت الساعات الطويلة يلي قضيتها وانا عم حاول طالعو.
وبعدها صوت ابني الثاني.
ساهر.
لما سمعت صوتهم…. حسيت حالي خلقت من حديد… حسيت الربيع عم ينبت جواتي ويزهر.
ونسيت كل الوجع.
لما اطلعت على طارق.. كان عم يبكي… وطاير عقلو من الفرح.
هون عرفت.
انا هو بشاطرني نفس الاحساس.
وانو رح يكون.
احسن اب بالعالم.
انتهت
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
أدخلوا واعملوا متابعة لصفحتي عليها كل الروايات بدون لينكات بمنتهي السهوله من هنا 👇 ❤️ 👇
❤️❤️💙🌹🌺❤️💙🌹🌺❤️💙🌹🌺❤️💙🌹🌺❤️
تعليقات
إرسال تعليق