رواية قلب شايل بيت الفصل الثامن والتاسع بقلم الكاتبه مني أبو نوفل حصريه وجديده على مدونة النجم المتوهج للروايات والمعلومات
 |
رواية قلب شايل بيت الفصل الثامن والتاسع بقلم الكاتبه مني أبو نوفل حصريه وجديده على مدونة النجم المتوهج للروايات والمعلومات
الرائد جلال مش مصدق إن الليلة خطوبتي على أحن وأجمل بنت شافتها عينى، مصدقه!
نسمه: مصدقه وإنت معايا، بصدق نفسى و الناس، وبسامح وبشوف كل حاجة حلوة و لو حد زعلني بقول أكيد ميقصدش، كل ده عشان بس حبيتك، قبل منك كنت خايفة وضعيفه كنت بمثل القوه عشان أعرف أعيش قدام الناس، بس ممكن تتقي ربنا فيا! مبحبش الخيانه ولا الكذب ممكن!
جلال وهو مُبتسم: شوفت بنات كتير جمالها ميتوصفش، بنات كذا نوع، بس نوعك مختلف يمكن مفيش زيك، حبيتك عشان إنتي، عشان روحك، لا بصيت على شكلك، ولا عشان أحقق غرض وأحس إني واد جامد ومفيش بنت هتقولي على حاجه لأ، حبيتك عشانك، عشان كان لازم تتحبي، كنت هبقي مغفل لو سبتك لغيري يحبك،
نسمه: أنا بحبك
-قسم الشرطه-
الظابط عمرو: أنا كنت بموت ميت مره كل يوم لما عرفت إن جلال عايش، مش قادر أتخيل ليه الناس تحبه الحب ده كله! هو أحسن مني في ايه!
عنده عربيه! أنا كمان عندي عربيه، ظابط! أنا كمان ظابط، هو أحسن مني في ايه عشان كل يوم أسمع الناس تدعيله وتحبه! كنت لما أمشي في مكان وأشوف حب الناس ليه بتخنق، إنت لازم تخلصني منه فاهم!
العسكري حمدي: حاضر، هتسمع خبره أكيد، أنا كمان مبحبوش، واخد مساحه من حب الناس كبيرة إحنا نستحقها، الناس حباه في شغله ومنطقته في كل حاجة،
الظابط عمرو: من يوم ما القائد قالي التزم في شغلك شوف صحبك جلال بيعمل ايه وأعمل زيه وأنا كرهت جلال،
-المول-
نسمه وهى مبسوطه: واو أنا أول مره أجي هنا
جلال وهو ماسك إيد نسمه وبيضحك: لو عايزة تلفي العالم أشيلك على كتفي بس أحس إنك فرحانه وراضيه،
نسمه وفي عنيها لمعه فرح: أنا كل يوم بحبك عن اليوم إللي قبله،
جلال: في فستان عجبني بره المول قبل ما ندخل تعالي نخرج نشوف!
نسمه: يلا
جلال: بينا يا عسل يا سكر يا مانجا إنتي،
نسمه بكسوف: ما قولت يلا يا جلال
الظابط عمرو: إنت فين يا جلال! يعنى لازم كل مره أتصل بيك عشان أعرف هتيجي شغلك أمتي!
جلال: نص ساعة وهكون عندك، عندي مشاوير هخلصها،
الظابط عمرو: ماشي
جلال: عريان أوي يا نسمه، جسمك من ورا ظاهر كله، الفستان شفاف أوى
نسمه: خلاص أنا كمان محبتهوش
جلال: أنا مش بفرض عليكي حاجه، أنا مش عايز جسمك يبان بس،
نسمه: بالعكس أنا مبسوطه إنك بتخاف عليا حتي من نظرات الناس أنا بشوف ده فى عنيك،
-بيت نسمه-
مامت نسمه: الله يا نسمه ذوقك حلو و راقي أوى، ربنا يتم فرحتك على خير يا نور عين أمك
نسمه: ربنا يخليكي ليا يا ماما
مامت نسمه: أخواتك كمان مش نستيهم ولا نستيني يا نسمه، دايماً على بالك يا بنتى،
نسمه: مليش غيركم يا ماما يلا نفرح شويه ونشوف فساتين إخواتي عامله عليهم إزاي!
سيد المحامي: أسف لو بكلمك فى وقت متأخر يا نسمه
نسمه: لا أبداً، خير!
سيد المحامي: كل حاجه دلوقتي بإسمك فى البنك الفلوس كلها، إنما المحل و البيت واقفين على توقيعك، بكره إن شاء الله تشرفيني فى المكتب عشان تستلمي الورق،
نسمه: حاضر يا أستاذ سيد
-مركز الشرطه-
العسكري حمدي: إنت مش متخيل يا فندم أنا فرحان عشانك قد ايه
الرائد جلال: عقبالك يا حمدي،
الظابط عمرو: كلنا فرحانين، إحنا هنفرش الأرض ورد،
الرائد جلال: يا ولا يا جامد، أتعبلك فى فرحك يارب يا صحبى
الظابط عمرو: مش هتجوز غير لما تتجوز الأول
الرائد جلال: أما نشوف
نسمه: ماما هبقي عروسه حلوه!
مامت نسمه: وأحلي وأحلي وأحلي كمان،
نسمه: يارب يا ماما أنا خايفة
مامت نسمه:طول ما معاكي راجل يحبك متشليش هم حاجه، هتعيشي راضيه ومبسوطه، أحلي حاجه في الحب يا نسمه إنك تحسي إنك محبوبه وحد شاريكي، لا تفكري بعدها في مال ولا جمال،
العسكري حمدي: المتهم زياد يا فندم،
الظابط عمرو: أدخل يا حمدي و أقفل الباب علينا ومحدش يدخل خالص، فاهم!
العسكري حمدي: فاهم يا فندم
الظابط عمرو: تعالي يا زياد
زياد: نعم، لا عندي زياره ولا حاجه إيه سبب حضوري هنا!
الظابط عمرو: إهدي بس، تاخد سجاره!
زياد: ومالو أشرب عادي،
الظابط عمرو: محكوم عليك بكام سنة يا زياد!
زياد: يعنى عايز تفهمني إن حضرتك مش عارف!
الظابط عمرو: وإللي يخرجك من حبسك، وتعيش ملك بعدها تعمله إيه!
زياد وهو مش مصدق: بجد!
الظابط عمرو: عيب عليك، شوف إنت بتكلم مين!
زياد: أخرج مقابل إيه!
الظابط عمرو: تقتل الرائد جلال،
زياد وهو مصدوم: مش غريبه تتفق معايا إتفاق خطير زى ده في مكان شغلك!
الظابط عمرو: الدنيا أمان هنا، أحسن من مليون مكان بره الشغل، المهم أعرف رأيك دلوقتى!
زياد: إيه يضمن! مش يمكن تغدر بيا!
الظابط عمرو:أضمنلك مستقبلك و ورق نضيف كإنك مدخلتش الحبس ولا جيت هنا، أنا كلمتي عهد،
زياد بنظره كلها غل: موافق، أنا محدش ياخد حاجه كانت بتاعتي،
الظابط عمرو: عرفت إن خطوبته الليله على نسمه!
زياد وهو مصدوم: هتبقي سواد على الكل،
-مكتب سيد المحامي-
نسمه: أتمني مكنش اتأخرت على حضرتك
سيد: لا خالص، تحبي تشربي إيه!
نسمه: لا معلش عشان مش عايزة أتأخر جلال خطيبي بيني وبينه معاد،
سيد: متخافيش مش هتتأخري
نسمه: فين الورق إللي همضي عليه!
-في الكافية-
العسكري حمدي: تفتكر يا فندم زياد يضحك علينا! ده غدار
الظابط عمرو وهو بياخد نفس من السجاره: هنضرب عصفورين مع بعض والحجر هيبقي نسمه،
حمدي: مش فاهم، تقصد إيه!
الظابط عمرو: عشان جلال يموت لازم نسمه تموت، وزياد يلبسها، عشان محدش يقرفنا بعدين،
حمدي: أه وبعدين!
الظابط عمرو: سلمت سيد المحامي الفلوس!
حمدي: خد الفلوس وزمانه بيعمل الصح مع نسمه دلوقتي،
التاسع
جلال: يعنى متعرفيش نسمه راحت فين؟ بتصل بيها مبتردش،
مامت نسمه: قالت الصبح إنها هتروح عند سيد المحامي فى مكتبه عشان تمضي على ورق هو إتصل بيها إمبارح،
-مكتب سيد المحامي-
نسمه وهي بتصوت وبتجري من المحامي: الحقوني، أنا هقتلك يا مجرم، هقتلك،
سيد المحامي وهو ماسكها من وسطها و بيحاول يهجم عليها: مش هسيبك، مهما حصل،
جلال دخل فجأه: قضيه تحرش! حلو
أنا أصلا مكنتش مرتاحلك، بس قولت يمكن تطلع راجل طلعت مرا،
نسمه وهي بتجري فى حضن جلال وبتعيط: كنت هموت،
جلال: متخافيش أنا معاكي،
نسمه وهي مصدومه: طلع حيوان،
جلال: إنت زى الشاطر كده تقعد على الكرسي، و إلا هتلاقي الرصاص إللي فى المسدس ده كله فى دماغك،
سيد المحامي: إنت كده ممكن تضيع نفسك، إهدي يا جلال السلاح يطول،
جلال وهو بيزعق و غضبان: إنت عبيط! أنا مش همشي من هنا إلا لما أخلص عليك، إنت غلطت و لازم تتحاسب،
-تليفون المحامي بيرن-
جلال: عمرو صحبي بيتصل بيك! عمرو عايز ايه! انت ترد و لو حد حس إني موجود معاك هخلص عليك وقتها،
سيد وهو خايف: الو
عمرو: خلصت!
سيد: خلصت اي!
عمرو: هنهزر! نسمه مجاتش ولا ايه!
سيد: جت و مشيت،
عمرو و هو مضايق: يعنى خلصت و لا لسة!
سيد: أه اتحرشت بيها، و فاقت بعد قُرص منوم، و هربت بعدها،
عمرو و هو بيضحك: أول ضحيه من أحباب جلال، لسة جلال نفسه، طب سلام إنت يا سيد،
جلال و هو مش قادر يصدق كلام عمرو: إللي حصل من عمرو ده بجد! إنطق و إلا أقسم بالله أخلص عليك،
سيد: لا صدق، عمرو صاحبك عايز يقتلك، و إتفق مع زياد إنه يخرج و يقتلك،
قصاد حريته، كفايه ضرب ده كل إللي أعرفه،
جلال: إنت لسه مشوفتش حاجه القلم دة عشان فكرت تضايق نسمه، و القلم دة عشان لمستها، و القلم دة عشان تعديت حدودك،
سيد: بدل ما تتشطر عليا شوف صحبك، و العسكري حمدي إللي عايزين يقتلوك، و دبرولك قبل كدة الحادثه إللي فاتت، دفعلي عشان أخد من نسمه أغلي حاجه منها،
جلال و هو مصدوم وقعد على الكرسي: أخر حاجه كنت أتوقعها عمرو يعمل فيا كدة، كان صحبي و حبيبي و كل حاجه ليا كان أخويا، عشره عمري،
نسمه: متزعلش نفسك، ربنا عمل كل دة عشان تعرف حقيقة صحبك،
جلال: حتى حمدي إللي صدقت إنه بيحبني عايز يخلص منى، معرفش إزاي الناس بتكذب فى مشاعرها، حمدي يوم ما والدته تعبت، وقفت معاه و دفعت فلوس العمليه، هو ده رد الجميل!
نسمه و هي بتعيط: كفايه عشان خاطري، يلا نمشي من هنا،
جلال وقف و قال: أنا مش همشي، غير لما أجبلك حقك،
سيد: سبني، هموت سبني،
جلال: لازم تموت
نسمه و هي بتصوت: بلاش يا جلال تضيع نفسك بالله عليك بلاش، أنا مليش غيرك،
جلال: لازم تموت، عشان متلمسش حاجه مش بتاعتك بعد كدة،
سيد و هو مش قادر يتكلم و لا يتنفس عشان جلال ماسك رقبته: سامحني و إللي تطلبه هعمله، بس عايز أعيش،
جلال: يبقى نتفق
-قسم الشرطه-
العسكري حمدي: تفتكر يا فندم المحامي سيد ميعملش إللي إتفقنا عليه!
الظابط عمرو: لا هيعمل أنا ماسك عليه ورق يوديه ورا الشمس،
العسكري حمدي: طب زياد هيخرج إمتي عشان ينفذ!
الظابط عمرو: هيخرج النهاردة بالليل قبل الخطوبه ما تبدأ يعنى قول ساعتين و يخرج، عشان يلحق يجهز هيعمل إيه،
العسكري حمدي:تمام يا فندم
الظابط عمرو: جلال جاي دلوقتي ياخد حاجات و هيروح عشان يجهز نفسه، مش عايزة يجي يلاقيك معايا عشان مش يشك فينا،
-بيت نسمه-
نسمه: متعيطيش يا ماما أنا كويسة أهو،
مامت نسمه: إيه إللي بيجرالك ده يا بنتى!
نسمه: أنا كويسة يا قلبى، يلا تعالى علشان نجهز نفسنا، جلال زمانه على وصول عشان يجي ياخدنا، حاجز فى كافية حلو أوي و عازم كل صحابه و حبايبه،
مامت نسمه: ربنا يتم فرحتك على خير يا نسمه،
-قسم الشرطه-
جلال: إزيك يا عمرو يا صاحبي!
عمرو: بخير يا حبيب قلبى، جاي ليه! مش تروح تجهز نفسك و لو فى حاجه هنا هعملها مكانك،
جلال: طول عمرك بتاع الواجب يا عمرو
عمرو: أنا عنيا ليك يا صاحبي،
جلال: رجوله، هروح أنا بقا عشان مش أتأخر علي نسمه،
عمرو: هي نسمه كويسه!
جلال: ليه بتسأل السؤال ده!
عمرو: مجرد سؤال يا جلال عادى،
جلال: لا متقلقش لسه مكلماني كويسه خالص، مع السلامه
عمرو: سلام،
حمدي: لا سلام إيه، سلام كده من غير ما تسلم علي حبيبك يا فندم!
جلال: إزاي! كنت جايلك، بس إنت دايماً مستعجل،
حمدي: تقصد إيه يا فندم! و بعدين مالك كدة إنت كويس يا فندم!
جلال: عمري ما كنت كويس زى النهاردة،
-مكتب سيد المحامي-
(مكالمه تليفون بين عمرو و سيد)
سيد: نعم
عمرو: ليه لما سألت جلال علي نسمه قال إنها كويسه!
معملتش إللي إتفقنا عليه!
سيد: إتفقنا على إيه!
عمرو: إنت هتهزر! إنك تغتصب نسمه،
سيد: طب جلال هتخلص عليه إزاي!
عمرو: ملكش فيه، زياد هيخرج يخلص عليه وقت الخطوبة، إنت عملت مع نسمه إيه!
سيد: أنا معرفتش أعمل حاجة معاها جريت مني،
عمرو: إنت هتستهبل!
إنت قولت خلصت لما كلمتك قبل كدة!
بتكذب عليا!
إنت تعمل المستحيل عشان تخلص النهاردة لو هتخطفها،
سيد: أخطفها يوم خطوبتها!
عمرو: أنا عندى ورق ليك يحبسك، متخلنيش أزعل منك،
سيد: حاضر، حمدي هيعمل إيه!
عمرو: ملكش دعوة، قاعد معايا أهو عشان شويه و هينزل مع زياد يخلص شوية حاجات،
سيد: كل ده و مفيش حد هيعرف!
عمرو: أنا هنا كل حاجة تحت إيدي، خلص عشان مزعلش منك، زعلي وحش مش هيعجبك،
سيد: مع السلامه
اللواء محمد: كل ده يحصل من عمرو!
سيد: أنا عملت إللي طلبته أهو يا جلال خرجني منها بقا،
اللواء محمد: إنت مُذنب أكتر منهم، كنت هتدمر روح بريئه،
بسبب
جهلكم، و طمعكم، و مفيش إنسانيه و لا أخلاق،
جلال: هعمل إيه يا فندم! ألغي حفلة الخطوبه!
اللواء محمد: بالعكس يا جلال كل حاجه تمشي مظبوط عشان يتم القبض عليهم مُتلبسين، و التسجيل إللي معانا كفيل يجبلك حقك، جهز نفسك عشان القوه مُستعده
تابعووووووني
الفصل العاشر والحادى عشر من هنا
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق