رواية قلب شايل بيت الفصل العاشر والحادى عشر بقلم مني أبو نوفل حصريه وجديده على مدونة النجم المتوهج للروايات والمعلومات
 |
رواية قلب شايل بيت الفصل العاشر والحادى عشر بقلم مني أبو نوفل حصريه وجديده على مدونة النجم المتوهج للروايات والمعلومات
نسمه أنا خايفه أوي، خايفه يحصلك حاجه قبل ما البوليس يجي
جلال: إرقصي، كإن مفيش حاجه خالص،
نسمه: هحاول،
عمرو: ألف مبروك يا حبيب قلبى،
جلال: الله يبارك فيك، شكرا، أو عقبالك مش هتفرق،
عمرو: ليه بتتكلم كدة! حاسس إنك مش طايقني،
جلال: أنا فعلاً مش طايقك،
عمرو: ممكن أعرف السبب!
جلال: ممكن أكمل رقص مع خطيبتى! الناس إللي موجوده دى كلها فى قلوبهم فرحه ليا متتوصف، مش عايز أضيع فرحتهم و أكمل رقص، يلا يا نسمه هاتي إيدك يا حبيبتي عشان نرقص الناس معانا،
عمرو: ماشي يا جلال، أرقص، خد راحتك،
ـــــــــــــــ
اللواء محمد: إزيك يا عمرو!
عمرو: أهلا يا فندم، مبسوط إني شوفت حضرتك،
اللواء: أنا كمان مبسوط، فين العسكري حمدي!
عمرو: معرفش يا فندم كان هنا من شوية،
ـــــــــ
مامت نسمه: خلي بالك من بنتي متزعلهاش، لو حصل حاجه و زعلتها هفسخ الخطوبه،
نسمه: متعيطيش يا ماما،
جلال: مقدرش يا ست الكل، دى فى عينى، كلكم فى عينى،
ـــــــــــ
اللواء محمد: ممدوح حماية جامده على جلال و نسمه، إنت فاهم! القوة كلها تكون موجودة بعد عشر دقايق، ناس محدش يعرفها، عشان الفريق كله عمرو على علم بيه و حافظة،
الظابط ممدوح: كله جاهز يا فندم، كلهم موجودين، و الحلو إللي حصل إن حضرتك معرفتهمش، ده يدل على إن عمرو معرفش حاجه، مكنتش هقدر أستني كمان عشر دقايق يا فندم،
اللواء محمد: فخور بيك يا ممدوح،
الظابط ممدوح: كله بتوجيهات حضرتك يا فندم، و جلال أحميه برقبتي،
ـــــــــــــ
سيد المحامي: إزيك يا عمرو!
عمرو و هو متعصب: إنت جاي كمان تقعد معايا! قوم من هنا، مش لازم حد ياخد باله إنك قاعد معايا، لما تتفق معايا و تنفذ زى الرجاله تبقى تقعد معايا،
سيد المحامي: أعملك إيه يا أخي! أخطفها من خطيبها فى مناسبه زى دى!
عمرو: أخرس خالص و وطي صوتك: حسابي معاك بعدين،
سيد المحامي: الحساب يوم الحساب بقا،
العسكري حمدي: إزيك يا فندم!
عمرو: كنت فين إنت كمان! زياد فين!
العسكري حمدي: زياد هيدخل دلوقتي، بس شخص تاني، محدش هيقدر يعرفه و لو وسط جيش،
سيد المحامي: ليه! إزاي يعنى!
العسكري حمدي: لا دى لعبتي بقا،
عمرو: جدع يا حمدي،
ــــــــــــــ
سيد المحامي: زياد هيكون متنكر، محدش هيقدر يعرفه،
اللواء محمد: إزاي!
سيد المحامي: دى معلومات، حمدي لسه قايل كدة و هو قاعد مع عمرو،
اللواء محمد: أدخل المكان تانى، و أقفل التليفون و مش تتصل بيا تانى، عشان عمرو مياخدش باله،
سيد المحامي: أرجوك تسامحني، همشي على المستقيم بعد كدة، أنا إللي بقدر عليه بعمله أهو، أرجوك،
اللواء محمد: نتكلم بعدين،
ــــــــــ
جلال: أنا هروح عند اللواء محمد و هرجعلك تانى،
نسمه: لا عشان خاطري متسبنيش، أنا خايفه،
جلال: إهدي، مش لازم حد ياخد باله، ربنا موجود، القوة كلها موجوده متقلقيش،
نسمه: أنا مش خايفه غير عليك،
جلال: ربنا موجود يا حبيبتى،
ـــــــ
جلال: فى جديد يا ممدوح!
الظابط ممدوح: مش كان لازم تسيب نسمه و تيجى، كده عمرو هيشك فينا،
جلال: يشك و لا يولع، أنا ساكت عشان خاطر نسمه خايف عليها من الأذي، لو عليا أجيبه تحت جزمتي و أدفنه،
اللواء محمد: صوتك ميعلاش يا حضره الظابط، إحنا بنصلح دلوقتي مش تهد كل حاجه، إعتبر نفسك في مأموريه يا أخي،
جلال: أنا أسف يا فندم،
ــــــــ
نسمه: أنا شكلي حلو يا ماما!
مامت نسمه: جميلة جداً يا نسمه، بس مالك يا بنتى حاسه إنك متوتره كدة، و مش مبسوطه!
نسمه: لازم أكون متوتره يا ماما، مش خطوبه و ناس موجوده لازم يحصل كدة،
مامت نسمه: ربنا يفرحك يا حبيبة قلبى،
ـــــــــــ
زياد: إزيك يا باشا!
عمرو: يخرب عقلك، معرفتكش،
زياد: أنا جاهز و المسدس عمران، و من غير صوت كمان،
عمرو: شوية بس، لما جلال يرقص مع نسمه،
زياد: أوامرك،
العسكري حمدي: ربنا يستر، يعنى كان لازم هنا يا فندم، لواءات كتير، و ظباط أكتر، أنا فكرت مش عازم حد غيرنا،
عمرو: أنا برضو مش فاهم ليه كل الناس دى! قالي قبل كدة هيعملها على الضيق،
العسكري حمدي: أنا قلقان يا فندم، تيجى نأجل الموضوع!
عمرو: مش عارف،
زياد: أنا مش همشي غير و أنا مخلص عليهم، فاهمين!
عمرو: إنت نسيت نفسك! إنت عايز تفضحنا! إنت تسكت خالص، و إلا هرجعك مكان ما كنت،
ـــــــ
الظابط ممدوح: زياد أهو يا فندم، قاعد مع عمرو و حمدي،
اللواء محمد: عرفت إزاي!
الظابط ممدوح: دى لعبتنا يا فندم، أنا هقوم عشان أحمي جلال كويس، بدأ رقص مع خطيبته، حاسس إنه هينفذ دلوقتى،
اللواء محمد: زياد قام يا ممدوح،
الظابط ممدوح: عن إذنك يا فندم،
ــــــــــــــــ
جلال: مبسوطه!
نسمه: لا عشان حاسه إني فى خطر خايفه أوي مش عارفه هيحصل إيه! ليه مش قبضتم عليهم من بعيد ليه هنا!
جلال: دى أوامر يا نسمه، خايفه و أنا معاكي!
نسمه: أنا مش خايفه غير عليك،
ـــــــــــ زياد راح عند جلال و طلع المسدس وسط الناس و الزحمه عشان يضربه من غير ما حد ياخد باله ـــــــــ
الظابط ممدوح: نزل سلاحك و تعالى معايا،
زياد: إنت مين!
الظابط ممدوح: لو مش مشيت معايا بالذوق هتلاقي الرصاص كله فى ضهرك دلوقتى، إرجع معايا،
زياد: مش هتقدر تعمل حاجه،
الظابط ممدوح: لو فاكر عمرو هيعملك حاجة أحب أقولك هتشرف معاه في زنزانه واحدة،
-جلال مسك المايك-
أنا أسف للإزعاج و الحركه إللي حصلت دى، بس جاي أقولكم إن أعز صاحب ليا، أخويا و حبيبي، صاحب رحلتي، جاي النهاردة عايز يقتلني،
عمرو: إنت بتقول إيه!
جلال: مش أنا إللي بقول، الذاكره راحت مني، و كنت هموت فى الحادثه، مش كفاية عندك الحادثه مش تموتني، جاي النهاردة عشان تكمل عليا،
عارف!
أنا برضو مصدوم فى حمدي، عمري ما عملت ليه غير كل خير، حمدي برضو عايز يقتلني،
عمرو: إنت مجنون! رجعت تخرف! أنا عمري ما أذيتك،
حمدي و هو خايف: أنا بحبك يا فندم،
جلال: إخرس خالص، مش عايز أسمع صوتك،
اللواء محمد: شغل يا ممدوح التسجيل، الإتفاق إللي حصل بين عمرو و سيد المحامي، زميلكم يا أساتذه فاكر إن القسم ماشى على مزاجه، يخرج ناس من الحبس، يقتل، فاكر إنه فى ملاهي محدش هياخد باله، لا مش بس كدة ده عايز يقتل صاحب عمره،
جلال: زياد بقا فاكر إنه كدة محدش هيعرفه، مالك يا زياد! خايف! لا متخافش، عمرو هيواسيك فى السجن، هيبقي معاك في نفس الزنزانه،
زياد: لا مش خايف، و هعمل إللي جيت عشان أعمله،
-زياد خطف المسدس من إيد الظابط ممدوح و ضرب رصاصه،
الحادي عشر
جلال: حمدي!
حمدي! إنت كويس!
حمدي بعد ما الرصاصه جت فيه و بيحاول يتكلم: حتى و إحنا ظالمينك لسه قلبك حنين علينا يا باشا! مش طالب غير إنك تسامحني، خليني أقابل ربنا و أنا حاسس إن ممكن رضاك عليا ربنا يسامح و يرضي عنى،
جلال: حمدي! حمدي! رد عليا، حمدي!
اللواء محمد: البقاء لله يا جلال،
جلال و هو ماسك زياد من رقبته: أقسم بالله نهايتك هتكون على إيدي،
زياد و هو بيزعق جامد: حتى لو خرجت من السجن بعد سنين صدقني هخرج و هقتلك،
اللواء محمد: إنت مجنون! إنت مش هتخرج أصلا، إنت هتموت في السجن،
جلال: عمرو أوهمك إنه يخرجك، دلوقتى عمرو محتاج حد يوهمه إنه ممكن يخرج هو كمان، أنا مش مصدق إنك تعمل كدة يا عمرو، تعمل كدة فيا!
كنت صحبي أعز أصحابي، إنت إزاي قادر تبص فى عينى!
الظابط ممدوح: يلا يا متهم إنت و هو يلا، عن إذنك يا فندم،
اللواء محمد: شوف شغلك يا ممدوح،
جلال: أنا بعتذر على إللي حصل، و الخوف إللي صاب قلوبكم، بس دى حاجه تعرفكم إن محدش يثق فى أي شخص خلقه ربنا، حتى لو كان أخوك، أو أي حد عموماً، صدقوني دى حاجه تعلمكم، عمرو كان صاحبي يعز عليا أقول كان، من يوم ما فتحت عينى و هو أقرب حد ليا،
و كل ده ليه!
عشان الناس بتحبني، و ناجح فى شغلي، دبرلي حادثة بس ربنا نجاني، و يوم ما عرف إني عايش، عايز يقتلني تاني،بس عمرو علمني مثقش فى حد حتى لو كان من دمي، محدش يخاف من كلامي،
اللواء محمد: كفاية يا جلال، خسر صاحب يبني بجد، هيفضل طول عمره يدور على حد شبهك مش هيلاقي، صحيح الغل و الطمع و الكراهية بينزع شعور الرحمه، هو خلاص مبقاش مننا، إحنا مش هنحس إننا خسرنا عمرو، عشان المكسب إنك دايماً معانا، صاحب كلمه، و صاحب شرف، و صاحب عهد، مكنتش متخيل موت حمدي يأثر فيك بعد إللي عمله،
جلال: أنا بشكرك عشان وقفت معايا يا فندم و تعبتك،
اللواء محمد: خد بالك من نفسك، خد عروستك القمر دى و كمل السهرة،
نسمه: شكراً جداً،
اللواء محمد: ربنا يسعدكم، هستأذن أنا بقا،
جلال: مع السلامه يا فندم،
-بيت نسمه-
جلال: أنا أسف عشان حفلة الخطوبه مكانتش زى أي خطوبه، كان حقكم تحصل زى ما كنتم حابين،
مامت نسمه: إوعي يا جلال تقول كدة تاني، إنت إبني، و هتبقي جوز بنتي، أنا فرحانه عشان حقك خدته، قدرت تنصر نفسك يبني و تقدرها،
نسمه: أنا مش زعلانه يا جلال، أنا وجودك معايا أمان، لا صور و لا حفلات و لا لبس و لا خروجه تحببني فيك، الحب الحقيقي إننا نحب بعض من غير ما نبذل مجهود، نفضل نحب بعض عشان نفسنا، مش عشان نعمل حاجة تجبرنا نحب بعض،
جلال: هشيلك فى قلبي، طول ما أنا عايش هعيش عشانك و بس يا نسمه،
-السوبر ماركت-
نسمه: إنت مين!
هاشم: أنا إسمي هاشم سيد،
نسمه: إبن المحامي!
هاشم: عارف إن بابا غلط، و لازم يتعاقب، لكن ماما لو عرفت سبب حبسه ممكن تروح فيها، ماما مريضه، أرجوكي،
نسمه: والدك كان هيموتني، دى حاجة مقدرش أتنازل عنها، حتى لو هرب، مش هيقدر يهرب من ضميره، أصعب أذيه هي أذيه إنسان لإنسان،
هاشم: أنا أسف،
نسمه: أنا إللي أسفه، مقدرش أنفذ طلبك،
هاشم: دى أخر حاجة عندك!
نسمه: معنديش حاجة تانية أقولها،
ــــــــــ
جلال: عازمك على خروجه دلوقتى، جهزي نفسك أنا جاي دلوقتى عندك،
نسمه: بجد!
جلال: جد الجد كمان، ليه لما اتصلت بيكي من شويه مردتيش! كنتي فين!
نسمه: هقفل السوبر ماركت دلوقتى و هروح البيت عشان أجهز، كان في واحد هنا، معرفتش أرد عليك وقتها،
جلال: زبون!
نسمه: لا إبن سيد المحامي، عايزني أخرج والده و أنا رفصت، بس شكله غريب أوي،
جلال: عملنا تحريات عنه طلع بيشرب مخدرات، نسمه متخرجيش من السوبر ماركت لحد ما أجيلك، إنتي فاهمه!
نسمه: هو مشي خلاص يا جلال معتقدش يرجع تاني،
جلال: إنتي تسمعي كلامي، ده شمام،مضمنش الواد ده، ممكن يعملك حاجه،
ــــــــــ
هاشم: يلا يا رجاله، أنا جيت معاها بالذوق لكن مفيش فايده فى دماغها، أنا عايز السوبر ماركت ده يكون رماد دلوقتى، عايز النار تكون في كل حتة فيه،
تابعووووووني
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق