روايه عشق الريان الفصل الاول حتى الفصل الثالث عشر بقلم الكاتبه روما رمضان حصريه وجديده على مدونة النجم المتوهج للروايات والمعلومات

 روايه عشق الريان الفصل الاول حتى الفصل الثالث عشر بقلم الكاتبه روما رمضان حصريه وجديده على مدونة النجم المتوهج للروايات والمعلومات 

روايه عشق الريان الفصل الاول حتى الفصل الثالث عشر بقلم الكاتبه روما رمضان حصريه وجديده على مدونة النجم المتوهج للروايات والمعلومات 

الشخصيات

عائله الالفي

عيله من اغنا اغنيا العالم عندهم شركات في جميع الدول 

كبير عيله الالفي.  سليمان الالفي الجد عمره 70 عام شخصيه حنونه جدا و بيحب عياله و احفاده و بيخاف عليهم جدا كان متجوز من بنت عمه فاطمه و لكنها توفت كان بيعشقها جدا و عنده   اربع ابناء  

الابن الاول. سليم الالفي عمره 50 عام مهندس معماري  ذو شخصيه طيبه و حنونه و مرح جدا و بيحب زوجته جدا و اولاده عنده بنت ولد فقط و بيدير شركات الالفي 

اولاده:  

زوجه سليم الالفي.  ليلي مهران. عمرها 48 عاما شخصيه حنونه و بتحب زوجها و اولادها جدا 

بطلنا: ريان الالفي. عمره 28 عام رائد في شرطه  و الكل بيخاف منو و الكبير و صغير بيعمله الف حساب  ذو شخصيه بارده و مغرور مع الكل ماعدا جده و ابوه و امه و اخته و صديقه هو شخص ذو بشره قمحاويه و عيون زيتونيه و شعر اسود و طويل و جسم رياضي  وسيم من الاخرررر

نور الالفي: اخت ريان بنت محبوبه جدا و طيبه اووي عندها 19 عاما في كليه هندسه ذو بشره قمحاويه و عيون زيتونيه  و شفايف و ردي و شعرها بني و طويل 

الابن الثاني.  فؤاد الالفي. عمره 48 عام ذو شخصيه طماعه و بيكره اخوه جدا لانه اشطر منوو و الناس كلها بتحبه متجوز  و عنده بنت واحده فقط 

هدي مهران زوجه فؤاد و اخت ليلي عمرها 46 عام ذو شخصيه حنونه و بتحب اختها و زوجها جدا 

ريم فؤاد الالفي.  عمرها 22 عام في كليه الهندسه و بتحب ريان اووي ذو بشره برونزيه و عيون بني و شعرها اسود و قصير 

شهيره الالفي: عمرها 45 عاما شخصيه طماعه و بتكره ليلي و هدي جدا و دايما بتلعب في دماغ فؤاد كانت متزوجه من يحيي الشرقاوي و لاكن توفي حادثه عربيه و عندها ابن 

عمار الشرقاوي. ابن شهيره عمره 26 عاما متخرج من اداره اعمال و بيدير شركات ابوه ذو شخصيه طيبه جدا و بيحب ريان اووي ذو بشره قمحاويه و عيون بني و شعر اسود طويل  

صافي الالفي:  عمرها 40 عاما شخصيه طيبه جدا و حنونه متزوجه من علي مهران اخو ليلي و هدي و بتحبه جدا عندها بنت و ولد تؤام 

اسيل مهران:  عمرها 18 عاما في كليه الهندسه بنت حنونه جدا و بتحب اهلها و اخوهاا اووي ذو بشره بيضه و عيون بني  و شفايف وردي و شعر بني طويل 

رسلان مهران:  تؤام اسيل و في نفس الكليه اسيل الهندسه شخصيه مرحه جدا و بيحب اخته اووي ذو بشره بيضه و عيون بني و شعر بني 

__________________________________

عائله البحيري 

اللوا مراد البحيري: عمره 55 عام شخص حنون مع زوجته و اولاده و لاكن صارم مع الكل و بيعشق زوجته 

هناء البحيري:  عمرها 54 عاما بنت عم مراد متزوجين عن حب حنونه و طيبه جدا 

شهاب البحيري:  عمره 27 عام رائد شرطه شخص مرح جدا و بيحب اهله اووي و بيخاف ع اخته  و هو صديق ريان المقرب ذو بشره بيضه و عيون خضره و شعر بني و رياضي 

بطلتنا و هي سجده البحيري:  عمرها 20 عاما في كليه السن شخصيه طيبه و بريئه جدا ذو بشره بيضه و و لون عيون ازرق مثل البحر و شفايفها وردي و شعوها بني و طويل لاكن تخفيه تحت حجابها 

________________________ 

عائله مهران 

عيله بتتكون من اخ و اختين 

و طبعا اتعرفنا علي هدي و ليلي 

علي مهران.  عمره 42 عاما شخصيه حنونه بيدير شركات مهران كلها 

روايه_عشق_الريان 

في قصر عائله الالفي 

و تحديدا في جناح بطلنا 

تسلسلت أشعه الشمس من بين ستائر جناح ريان، لتلامس ملامحه الهادئه و هو غارق في نوم عميق. كان شكله في نووم يحمل نفس قوته و هيبته و كانه حتي و هو نايم بيحفظ قوته و هيبته رن منبه ريان فتح عينه ببطئ و قفل منبه و دخل الحمام خد شاور و طلع بعد 15 من دقائق ثم وقف قدام المراه ينشف شعره القصير  و بعد ما نشفه دخل غرفه كبيره في الجناح و دي عباره عن  غرفه ملابس و كل شئ فيها مرتبه بدقه اختار ريان قميص كحلي و بنطلون اسود، و ستره سوده و اللي دايما بتكمل هيبته و اخذ سلاحه علقه في حزمه و بعدها اخذ شاره الذهبيه، طلع من جناحه بخطوات هادئه واثقه 

علي سفره عائله 

الجد سليمان.  ريان اتاخر كده ليه اول مره يعملها

شهيره بغضب.  واحنا هنفضل نستني بيه كده لحد امتي 

سليم بزعيق.  شهيره  احترمي نفسك و واطي صوتك 

بينزل ريان و يقعد علي كرسي و هو بيقول صباح الخير،  يرد الجميع صباح النور ماعدا شهيره و فؤاد 

لتقول ليلي بحنان.  اتاخرت امبارح ليه يا حبيبي فضلت مستنياك لبعد الفجر و مجتش يا ريان 

ريان.  معلش يا امي كنت في مهمه و اتاخرت يا حبيبتي،  لتقول نور ابيه ممكن توصلني الجامعه في طريقك،  ريان بحنان حاضر يا حبيبتي اجهزي انتي يلا عشان همشي، 

لتقول نور.  انا جهزه يا ابيه يلا 

ريان. لا كلي يا نور انتي مكلتيش 

نور.  لا والله شبعانه يا ابيه 

ريان.  تمام،  بيقوم ريان و يبوس راس جده و ابوه و بيحضن امه و بعدين بيطلع علي الجميع ب حاده و بالاخص عمته شهيره،  و بيخرج هو و نور 

____________________________ 

في ڤيله عائله البحيري 

بيت ملئ بالحنان و الحب و الدفى 

بتنزل بطلتنا و بتكون لابسه بيچامه رقيقه و شعرها ديل حصان 

سجده بشقاوه.  صباح الخير يا مارو صباح الخير هنون 

اللوا مراد بضحك.  صباح الخير يا حبيبتي 

هنا.  صباح النور يروحي،  اومال فين مهاب 

سجده.  ايه دا هو ولااا مهاب لسه ناايم انا هطلع اصحيه 

هنا بخضه.  لا اوعي تطلعي انا هروح اصحي 

سجده بضحك.  الله متخفيش يا ماما مش هعمله حاجه الله 

مراد بضحك.  فاكره اخر مره عملتي ايه يا مصيبه 

سجده و هي بتفتكر هههههههههه اعمله ايه ما نومه تقيل و عشان كده جبت جردل ميه و غرقته و هو صحي فضل يقول بغرق بغرق ههههههههه كانت بتقول كده و هي بتقلد مهاب 

هنا و مراد فضلو يضحكوو،  سجده بتقول خلاص يا ماما متخفيش مره دي و بتطلع لمهاب،  

بيكون مهاب نايم بعمق 

سجده بصوت واطي.  مهاب مهاب مهاب و بعدين بتكمل يلا بقا عملت اللي عليا و هو اللي مش عايز يقوم و بتروح علي غرفتها تجيب صاروخ و كبريت و بتظبط المنبه بعد دقيقه و بتحطه جمب مهاب و بتجيب صاروخ و تولعه و تحطه تحت سرير،  بتبعد سجده و هي بتحط ايدها علي ودنها و بتقول واحد اتنين تلاته و لسه مكملتش و كان الصاروخ فرقع و المنبه بيرن و مهاب بيقوم بخضه و هو بيقول البيت بيولع بيت بيولع و بعدها بيبص بيلاقي سجده واقعه علي الارض من كتر الضحك،  مهاب و هو بيقوم و بيجري وراها بقا انتي برضو تاني و بيجري وراها و سجده بتجري 

سجده و هي بتجري علي ابوها الحقني يا بابا ابنك هيموتني 

مهاب. والله ما هسيبك يا سجده الكلب و بيجري عشان يجبها من وراه ابوه 

مراد بحده مصتنعه.  ايه يا ابن الكلب هتضربها قدامي ارجع وراه 

مهاب بغيظ.  ايوا ما انت كده دايما معاها 

هنا.  عملتي اي تاني يا مصيبه 

سجده بضحك.  ولا حاجه جبت صاروخ و ولعته و شغلت المنبه و هو اتفزع،  مراد و هنا بصولها و هما مصدومين و بعديت اتفتحو ضحك و شركهم مهاب كمان و فضلو يضحكو،  

هنا. طيب يلا يا ولاد الفطار جهاز، و بيقعدو يفطرو 

ليقول مراد.  يلا مهاب اجهز عشان نمشي 

مهاب و هو مشغول في الاكل حاضر حاضر 

مراد. ما تقوم يحيوان انت 

مهاب.  هو ايه الواحد ميعرفش ياكل في البيت دا ابدا 

سجده و هي بطلعله لسانها بطفوله. احسن احسن 

مهاب بغيظ.  يبت هضربك 

سجده و هي بترفع حواجبها.  ولا تقدر يا حبيبي 

هنا.  خلاص يولاد كل يا حبيبي ولا يهمك 

مهاب.  انتي اللي في القلب يا هنون 

مراد بحده مصتنعه و غيره .  ولد اسمها ماما و بعدين ايه انتي اللي في قلب دي احترم نفسك

بتضحك سجده و بتقول.  ايه الغيره دي يا حج 

هنا بكسوف.  كلي يبت وانتي ساكته 

سجده.  ايه دا بتكسفي يا هنون...  خلاص انا خلصت اكل و هطلع البس و اروح الكليه 

مراد بحنان.  روحي معا سواق يحبيبتي متروحيش لوحدك يا سجده 

سجده.  حاضر يا بابا،  و بتطلع سجده عشان تلبس و تروح جامعه 

بينما مهاب لسه بياكل،  مراد ايه يبني كل دا خلصت الاكل اقوم البس اتاخرنا يا حيوان 

مهاب بغيظ.  لا حول ولاقوة الابالله العلي العظيم هو مش انا ابنك يا حج ولا لقيني في شارع يعيني 

مراد.  ايوا لاقيك في شارع يلاا اطلع اتنيل البس و انا همشي و لو طلبتك و مجتيش انت عارف هعمل فيك ايه  ،  و بيروح يبوس راس هنا و بيمشي 

مهاب.  يخربيت ام شرطه و اللي عايز يدخل شرطه 

هنا بضحك.  معلش يحبيبي يلا اطلع البس،  بيطلع مهاب يلبس و يروح شغله 

بتنزل سجده و بتكون شكلها قمر،  كانت لبسه فستان ازرق بربط ازوق من نص علي شكل فيونكه و طرحه بيضه و شنطه علي ضهر بيضه و شوز ابيض و حاطه ليب جلوس شفاف ع شفايفها

هنا.  بسم الله ماشاء الله ايه القمر دا يا سجوده 

سجده بضحك.  حبيبتي يا ماما،  همشي انا بقا لاني اتاخرت 

هنا.  ماشي يحبيبتي خلي بالك من نفسك 

سجده.  حاضر يا ماما باي باي 

هنا.  باي،  و بعدين بتدخل ع مطبخ و بتقف ترغي مع الخدم  

ف هنا ذو شخصيه طيبه جدا و مش بتشوف ان في فرق بينها و بين الخدم 

_____________________ 

في المدريه 

تحديدا في مكتب اللوا مراد 

اللوا مراد.  بيرن جرس،  بيدخل العسكري و هو بيعمل تحيه 

اللوا مراد.  تروح تقول ل رائد ريان و رائد مهاب اني عايزهم ضروري 

العسكري تمام يفندم 

بينما بيوصل مهاب و بيدخل مكتب ريان ع طول بدون ما يخبط 

ريان بضيق.  مش تخبط يا حيوان 

مهاب بضحك و صوت انوثي .  معلش يا بيبي مره الجاي 

ريان بضحك.  بقا انت رائد انت مش عارف ازاي،  و بيضحكو 

بيخبط الباب 

ريان.  ادخل،  بيدخل العسكري و بيقول اللوا مراد عايز حضرتك يفندم و حضره الضابط مهاب 

ريان.  تمام،  مهاب اهو ابتدينا بقا يلا يعم 

ريان بضحك.  يلا 

#روايه_عشق_الريان 

في كليه الالسن 

كان الجو مليان حيويه و ضحك بين الطلاب.. بتكون سجده واقفه مع زملتها ساره و بيضحكو 

ساره بضحك.  لا و الدكتور طول المحاضره عينه عليكي هههههه صدقيني دكتور نادر بيحبك 

سجده بخجل.  بس يحيوانه ايه اللي انتي بتقولي دا 

ساره.  طب والله بيحبك و هنشوف 

سجده بخجل.  طب اسكتي اسكتي....  يلا بقا عندنا اخر محاضره عشان نمشي 

ساره.  يلا يختييي 

تعريف عن ساره( محجبه ذو بشره قمحاويه و عيون بني و طيبه جدا زميله سجده من ايام الثانويه) 

______________________ 

في قصر عائله الالفي 

بتكون شهيره قاعده مع فؤاد و بيتكلمو 

شهيره بحقد.  ممكن بابا يكتب كل حاجه باسم سليم و نطلع احنا من مولد بلا حمص 

فؤاد بغضب.  لا مستحيل الكلام دا يحصل 

شهيره و هي بتلعب في دماغه.  لا اكيد حصل متنساش ان كل حاجه تحت سيطرته دا حتي اي صفقه بيدخلها علي طول من غير ما ياخد رايك فيها 

فؤاد. مستحيل الكلام دا يا شهيره بابا و سليم يعملو كده ابدا 

شهيره بمكر .  لا سليم هياخد كل حاجه و بكره نشوف 

فؤاد.  بغضب مستحيل دا يحصل 

في المطبخ 

 علي سطح ليلي و هدي بيكونو واقفين مع بعض بيرغو و يضحكوو

  ليلي بضحك.  فاكره زمان لما كنتي بتجري ورايا عشان تاخدي العروسه وقتها وقعتي و اتكعبلتي في طينه 

هدي بضحك.  يلهوي اسكتي متفكرنيش وقتها قومت و كنت كلي طينه وشي و ايدي 

ليلي بضحك.  ايوا وانا و يحيي فضلنا نضحك عليكي كتيرر 

هدي.  ايوا فاكره...  حد يصدق يا ليلي ان احنا التلاته ناخد تلاته اخوات 

ليلي.  لا بس الحمدلله ان احنا مع بعض 

هدي و هي بتحضنها ربنا يخليكي ليا يا ليلي و ميحرمنيش منك ابدا 

ليلي بطيبه.  ولا يحرمني منك يحبيبتي....  يلا بقا ننزل نشوف هنعمل اي علي الغدا انهارده 

هدي.  يلا 

_______________________________ 

في المدريه تحديدا في مكتب اللوا مراد 

بيكون واقفين ريان و مهاب قدام اللوا مراد 

اللوا مراد.  دا ملف المهمه الجديده 

ريان.  تمام يفندم 

مهاب بزهق و ضحك. يلهوووي هو الواحد مش هيرتاح شويه 

اللوا مراد.  انا مش عارف انت ازاي رائد شرطه 

مهاب برفعه حاجب و غرور.  هو انا اي حد ولا ايه 

ريان بضحك.  يلا ياعم ندرس الملف 

اللوا مراد.  و الله ما في زيك يا ريان يبني مش زي الحيوان دا 

مهاب.  طب و ليه الغلط بقا..  صدقيني انا حاسس اني مش ابنك 

اللوا مراد بضحك.  يبني ما قولتلك كذا مره انك مش ابني و بعدين بيكمل بحده يلا انت و هو كل واحد علي شغله 

ريان ومهاب. تمام يفندم 

مهاب  بهمس.  الراجل ابويا دا عليه بصه بتخيليني عايز استقيل 

ريان بضحك.  انت اللي مستفز بصراحه..  يلا يعم نشوف القضيه دي عن ايه 

ماحوظه يجماعه ( انا غيرت اسم شهاب البحيري لي مهاب البحيري) 

_________________________

في ڤيله علي مهران 

جلست صافي في المطبخ و هي بتحضر الفطار الذي عباره عن مربه و جميع انواع الجبن و فطير و عسل بيدخل علي المطبخ و بيحضنها.. 

علي. فاكره زمان لما كنا عايشين لوحدينا قبل ما نخلف وسلان و اسيل كان البيت ممل 

صافي.  ايوا فاكره البيت كان ممل و كئيب اووي هما اللي جو في البيت 

علي.  ربنا يخليهم لينا يا حبيبتي 

صافي.  يارب با حبيبي.. 

بيدخل رسلان المطبخ.  ايه يا امي فين الفطار عندنااااااا كليه يا ناااس 

علي.  واطي صوتك يا ابن الكلب انت 

رسلان برفع حاجب.  علي الاساس بتشتمني انا مثلااا..  بتدخل اسيل و بتحضن ابوها و امها 

رسلان.  وانا ايه مثلاا شفاف ولا اي 

اسيل و هي بطلعله لسانها.  اه شفاف 

رسلان.  يبت متخلنيش اضربك 

اسيل.  متقدرش يحبيبي 

علي و صافي بس يولاد و يلا عشان نفطر...  و بيفطرو ف جو عائلي و جميل 

____________________ 

في المدريه 

بيكون ريان و مهاب بيشتغلو علي ملف القضيه 

مهاب بتلكيك.  اففف مش عارفه اركز 

ريان برفع حاجب.  و دا ليه بقا ان شاءلله ما تكمل يبني 

مهاب.  ما انا مش قادر اركز من. كتر خضه صبح 

ريان باستغراب.  خضه ايه 

مهاب بغيظ. بت سجده اختي مطلعه عينني 

ريان بضحك.  ليه عملت ايه 

مهاب حكلوو كل اللي حصل صبح..... فطس ريان من كترر الضحك 

ريان بضحك.  لا لا مش قادر...  صدق احسن تستهل جدعه اختك 

مهاب بغيظ.  صدق انت بارد... و بيروح قافل ملف قضيه و اهوو مش شغال 

ريان بغيظ.  انا مش عارف ايه اللي دخلك شرطه يبني لا و بقيت رائد كمان 

مهاب. والله يبني قولت اني مش عايز ادخل شرطه بس نعمل ايه في حضره اللوا بقا 

ريان.  بس احسن تستهل اللي بيحصل فيك 

مهاب بضحك.  اوقات بحس انو لقيني في شارع... و بيضحكوو 

ريان بجديه.  كده احنا هنتحرك بليل علي الجبل هيسلمو الاسلحه هناك 

مهاب بجديه عكس طبيعته.  خلاص تمام يلا نمشي عشان نحضر نفسنا 

ريان.  تمام يلا 

_________________________ 

في قصر الالفي 

في مكتب الجد سليمان بيكون قاعد هو و سليم بيتناقشو في الشغل 

سليمان.  صفقه دي كويسه لشركتنا جدا 

سليم.  معاك حق عشان كده وافقت عليها 

سليمان.  تمام انا واثق فيك يا سليم و بيتنهد و يقول نفسي فؤاد يتغير مكنش كده يا سليم 

سليم و هو بيربت علي ايده.  متقلقش هيفوق قريب 

سليمان في نفسه.  يارب يفوق قبل فوات الاوان 

بتخبط ليلي علي باب المكتب 

سليم.  ادخل 

بتدخل ليلي بابتسامه يلا يا جماعه الغدا جهاز 

سليمان.  ريان جه يا ليلي 

ليلي.  لا يا عمي قال انو هيتغدا برا انهارده 

سليمان.  تمام... و بيطلعو كلهم و بيتغدوا 

_____________________________ 

بيخرج ريان و مهاب من المدريه 

ريان.  ايه رايك نتغدا 

مهاب.  بس العزومه عليك يصحبي 

ريان بسخريه. و ايه الجديد يعني ما كل مره عليا 

مهاب بتلقائيه.  لا علي فكره مره اللي فاتت عزمتك علي قهوه 

ريان بيبصله بغيظ. يبني انا من وقت ما عرفتك معزمتنيش غير علي كوبايه قهوه 

مهاب.  خلاص يعم انت هتعيط ولا ايه احنا لما نخلص المهمه دي هعزمك عندي علي الغدا و هتناول شرف انك تاكل من ايد هنون 

ريان. لما نشوف..  يلا بقا لاني واقع من  جوع 

مهاب.  يلا 

#روايه_عشق_الريان 

في قصر البحيري 

بتكون هنا قاعده مستنيه جوزها و ولادها بيدخل اللوا مراد.  ازيك يا هنون عامله ايه انهارده 

هنا.  الحمدلله يحبيبي..  اطلع غير هدومك لحد ما سجده و مهاب يجو و هحضر الغدا علي طول 

مراد.  ماشي يا هنون..  بس سجده اتأخرت انهارده اووي ليه كده 

هنا.  لان انهارده عندها محاضرات كتير و كمان عندها امتحان 

مراد.  ماشي يحبيبي ربنا معاها 

هنا.  يارب...  و بيطلع مراد يغير هدومه 

بيدخل مهاب و بيستغراب الهدوء اللي في البيت مهاب و هو بيكلم نفسه هي الوليه امي قتلت بت سجده ولا ايه ينهار اسود لاتكون سجده عملت مصيبه و امي مستحملتش ف قتلتها بيجري مهاب بسرعه بيشوف هنا قاعده 

مهاب بستغراب.  الله اومال البيت هادي كده ليه يا هنون مش معقول يعني 

هنا بضحك.  لا ما سجده لسه مجتش من الجامعه لحد دلوقتي 

مهاب.  طب الحمدلله دا انا قولت قتلتيها ولا حاجه...  بتضحك هنا بيكمل مهاب.  طب كويس انها مجتش هطلع اريح نص ساعه كده لان عندي مهمه بليل.  بتدخل سجده و بتسمعه 

هنا بخضه.  عندك مهمه بليل هتيجي منها امتي يحبيبي طب خلي بالك علي نفسك يا مهاب عشان خاطري 

مهاب و هو بيبوس راسها و خدها.  عيوني يا هنون متقلقيش 

سجده بغيظ طفولي.  بقا بتستريح مني يا سي مهاب 

 مهاب بخضه.  ينهاار اسوح انتي جيتي امتي 

سجده بغيظ.  من وقت ما قولتلها الحمدلله هطلع استريح قبل ما سجده تيجي ماشي يا مهاااب الكلب مااشي 

مهاب و هو بيمسكها من هدومها.  يبت دا انا رجاله بشنبات بتخاف مني 

سجده.  سيب بس كده يا بابا و اوعاا كده انا مبخفش من حد 

مهاب بغيظ. والله ما ليكي غير ريان صحبي دا يعدلك 

سجده بغيظ.  ويطلع مين ريان دا كمان ان شاءلله انا مبخفش من حد يحبيبي 

مهاب. دا رائد ريان الالفي يحبيبتي طب والله لو شوفتي لتخافي من بصته ليكي بس 

سجده.  اسكت اسكت انا مبخفش دا انا بنت اللوا مراد البحيري.....  و بتكمل لهنا.  ايه دا اماال بابا فين يا ماما 

هنا. بيغير هدومه يحبيبتي و نازل و نتغدا علي طول 

سجده و هي بتشد مهاب طب يلا بسرعه يا هوبا نغير احنا كمان لان هموت من جوع 

مهاب.  يبت استني انتي مجنونه 

سجده و هي بتشده و تطلع اه مجنونه يلا بقا 

هنا بضحك.  ربنا يخليكم ليا ياارب و يرجعك يا مهاب يبني بالف سلامه 

___________________________ 

في قصر الالفي 

بتكون العيله كلها قاعده في صالون مع بعض...  بيدخل ريان و يقعد بكل برود 

سليمان.  ايه يا ريان مش تقول مساء الخير حتي 

ريان ببرود.  مساء الخير با جدي 

ليلي بحنان.  احطلك تاكل يحبيبي 

ربان.  لا يا امي كلت بره...  هطلع بس احضر نفسي عشان عندي مهمه بليل 

ليلي و سليم مع بعض.  فين يبني 

ريان.  وانا من امتي بقول اسرار شغلي 

سليم.  مش القصد نقصد هترجع امتي 

ريان.  ان شاءلله صبح 

ليلي بخوف.  متروحش يا بني 

ريان و هو بيقوم و بيحضنها.  متخفيش عليا ابنك بطل يا ليلو 

سليم بغيره مصتنعه. لم نفسك يحبيبي و سيب مراتي و روح اتجوز و احضن في مراتك براحتك.. 

سليمان ايه مش ناوي يا ريان باشا ولا ايه 

ريان.  انا قولت قبل كده جواز لا..  و بيطلع و هو طالع بيقابل عمار ابن عمته 

عمار. عامل ايه يا ريان 

ريان.  الحمدلله انت عامل ايه 

عمار.  الحمدلله بس تعبت من شغل 

ريان و هو بيطبطب عليه.  شغل كله كده 

عمار.  بس انا ماسك شركات ابويا الله يرحمه كلها 

ريان.  الله يرحمه 

عمار بتوتر.  احم كنت عايزك في موضوع يعني 

ريان.  امم موضوع ايه 

عمار و هو لسه متوتر.  احم بعدين بعدين.. اجهز انت لان عندك مهمه و لما تخلصها ان شاءلله نتكلم 

ريان بستغراب.  تمام ان شاءلله و بيطلع 

بيلف عمار وراه بيلاقي نور واقفه 

نور بحب و خجل.  ازيك يا عمار 

عمار بحب.  ازيك يا نور انا الحمدلله 

نور.  دايما يارب و لسه هتمشي لقيت عمار بيمسك ايدها 

عمار.  نور هستناكي فوق في سطح ابقي تعالي عايزك 

نور بتوتر.  حاضر و بتدخل علي جوه علي طول بيبتسم عمار عليها بحب 

في جناح ريان 

بيكون خارج من الحمام بعد ما خد شاور و غير هدومه و قاعد بيفكر هيعملو ايه في القضيه دي... لسه بيمسك فون و يرن علي مهاب لاقيه بيرن 

ريان.  سبحان الله كنت لسه هرن عليك 

مهاب. القلوب عند بعضيها المهم هنتحرك امتي 

ريان.  هنتحرك علي الفجر المهم انت جاهزت القوات و كله زي ما قولتلك 

مهاب.  كله تمام يباشا 

ريان ببرود.  تمام و قتك خلص وبيقفل في وشه سكه... بيبقي قاعد علي سرير و بيفكر ليه قلقان مره دي و هو بيفكر راح في نوم 

______________________ 

 في قصر البحيري 

بتكون سجده قاعده علي سريرها و بتكلم ساره صحبتها 

سجده بقلق.  انا خايفه اووي من امتحان بكره يا ساره 

ساره بضحك.  بقا انتي يا دحيحه خايفه 

سجده.  انتي غبيه يا ساره دكتور الماده قال هيجي زي زفت 

ساره.  مش مهم يبنتي ربنا معانا بقا 

سجده.  يارب يختي.. بيدخل مهاب عليها و هي بتكلم.. سجده.  معلش يا ساره هقغل دلوقتي و هكلمك بعدين 

سجده بستغراب.  اول مره تدخل و متخبطش ع باب 

مهاب و ببقرصها من خدها.  لا خبطت بس انتي كنتي بتكلمي ف مش سامعه 

سجده.  اه صح.. انت عايز ايه بقا.. بيحضنها مهاب و بيقولها انا همشي بقا ف قولت اجي اطمن عليكي.. سجده و هي بتحضنه و عينها بدمع. خلي بالك من نفسك يا هوبا عشان خاطري 

مهاب. حاضر يستي 

سجده بدموع.  لا اوعدني يا مهاب انك هترجع 

مهاب بتنهيده. تعالي يا سجده و بيخدها و بيقعدها جمبه.  ما قدرش اوعدك انا ممكن ارجع ولا لا بس انتي ادعيلي يحبيبتي 

سجده بعيط و بتحضنه.  بس يس متقولش كده هترجع ان شاءلله اماال هرخم علي مين يعني 

مهاب و هو بيحاول يضحكها.  قولي كده بقا انك عايزه حد تقرفي.. بتضحك سجده.. مهاب طب يلا ننزل تحت عشان همشي 

سجده.  يلا... و بينزلو.. بتكون هنا و مراد قاعدين 

هنا و هي بتحضنه.  خلي بالك من نفسك يا مهاب عشان خاطري يحبيبي 

مهاب و هو بيحضنها.  حاضر يست الكل 

مراد.  يلا جاهز يا مهاب..  مهاب اه يا بابا يلا.. 

بتروح سجده و تحضن هنا 

هنا و هي بطبطب عليها.  هيرجع يحبيبتي متقلقيش 

سجده بدموع.  ان شاءلله 

___________________________ 

 في ڤيله مهران 

بتكون صافي قاعده مع علي في صالون 

صافي.  عايزه اروح ازور بابا يا ريان و اشوف اخواتي وحشوني اووي 

علي.  حاضر يحبيبتي.. ايه رايك نروح بكره 

صافي.  خلاص ماشي هقول اسيل و رسلان يجهزوا 

علي.  ماشي 

في غرفه اسيل بتكون قاعده هي و اخوها و بيلعبه و بيضحكوو 

بتدخل عليهم صافي.  عندي ليكو مفاجأة يا ولاد 

اسيل و رسلان.  ايه هي

صافي بضحك.  هنروح بكره عند بابا 

اسيل بفرحه.  عند جدو.. و اخيرا 

رسلان.  خلاص اشطاا 

________________________ 

في قصر الالفي 

بيجهز ريان عشان يمشي و بيكون قلبه مقبوض و نش عرف سبب بتدخلي عليه ليلي و نور 

ليلي بدموع.  خلي بالك من نفسك يا ريان 

ريان.  متخافيش يا ماما و بيحضنها و بيشد نور و يحضنها... بينزل ريان و وراه ليلي و نور... بيسلم علي جده و ابوه 

سليمان.  ان شاءلله ترجعلنا بالف سلامه 

ريان.  ان شاءلله يا جدي...  و بيمشي بتكون شهيره بتبص عليه بغل 

بتقعد ليلي و بتكون قلبها مقبوض علي ابنها و بتدعيله من كل قلبها انه يبقي بخير 

______________________________

في المدريه 

ريان و مهاب و افقين و معاهم القوات 

ريان.  فهمتو ايه اللي هيحصل.. محدش يضرب نار غير لما احنا نقول 

القوات.  تمام يفندم 

اللوا مراد.  يلا تروحو ترجعو بخير ان شاءلله 

مهاب و ريان.  ان شاءلله يفندم و بيتحركو 

علي الجبل 

بيكونو هناك ناس بتسلم سلاح و اثار 

ريان ل مهاب.  يلا جاهز 

مهاب جاهز.. و بيضربو نار و ببحصل تشابك و ضرب نار 

مهاب ماسك واحد وونازل في ضرب بيجي واحد من وراه مهاب و معا سلاح 

في نفس الوقت.. ريان بهدوء لمهاب.  كده انتهت المهمه خدوهم يبني علي البوكس.. بيشوف واحد هيضرب نار علي مهاب 

ريان و هو بيجري علي مهاب.  حااسب و بتطلع طلقه من مسدس 

#روايه_عشق_الريان 

هنا بقلق. ايه يا مراد مهاب كويس 

مراد.  ايوا كويس بس للاسف ريان هو اللي اتصاب 

هنا بقلق.  ينهاار ابيض يا مراد طب و هو عامل ايه دلوقتي 

مراد. قلبه وقف مرتين في غرفه العمليات و قالو يارب يعدي ل 24 ساعه دول علي خير 

هنا.  ان شاءلله هيبقي كويس طب و مهاب عامل ايه دلوقتي 

مراد. مهاب مبطلش عياط من وقت ما اتصاب... لان لولا ريان كان زمان مهاب هو اللي اتصاب 

هنا.  طب طب انا هاجي يا مراد 

مراد بحزم.  لا يا هنا مش دلوقتي الجو متوتر كله 

هنا.  خلاص حاضر يلا عايز حاجه يا مراد بس متنساش تطمني عليه 

مراد.  ماشي يا هنا خلي بالك علي نفسك و علي سجده ..  بتقفل هنا مع مراد بتلاقي سجده بتجري عليها...  سجده..  ايه يا ماما في ايه 

هنا بشفقه.  يعيني ريان صاحب مهاب اتصاب يا سجده 

سجده بقلق.  طب و مهاب كويس 

هنا. لا مش كويس زعلان علي صاحبه ...  و كمان اللي عرفتو من ابوكي ان لولا ريان كان زمان مهاب اتصاب 

سجده.  ان شاءلله هيبقي كويس يا ماما 

هنا.  ان شاءلله يبنتي يلا اطلعي اوضتك و نامي 

سجده و هي بتحضنها. حاضر يا ماما تصبحي علي خير 

هنا. وانتي بخير يحبيبي....  يارب استرها...  اكيد مامته يعيني دلوقتي منهاره و بتروح تتوضه و تصلي و تدعي لريان 

___________________________ 

في المستشفي 

سليم. بدموع شكرا يا مراد علي وقفتك معايا..  بس انت دلوقتي اكيد عايز ترتاح 

مراد. متقولش كده يا سليم ريان كان زي مهاب ابني 

سليم. تشكر يا مراد..  بس لازم مهاب يمشي مش شايف حالته ازاي... بيتنهد مراد. ماشي هنروح و نيجي علي طول 

سليم.  تمام 

بيروح مراد لابنه.  يلا يا  مهاب نروح و نرتاح و نرجع تاني يحبيبي 

مهاب بدموع و شرود.  لا يا بابا انا هفضل هنا 

مراد.  مينفعش يا مهاب لازم تبقي قوي 

مهاب بدموع.  لو سمحت يا بابا سبني انا هفضل موجود لحد ما اطمن علي ريان بنفسي 

مراد. هنروح ناكل لقمه و نيجي علي طول يا مهاب و نجيب اكل لاهل ريان.. لازم لما يفوق يلاقيك مكانه 

مهاب بدموع.  ماشي يلا.. و بيسلمو علي الكل و بيمشو 

بتكون ليلي قاعده و دايخه بتلاحظها هدي 

هدي بدموع  لسليم.  سليم الحق ليلي 

سليم بخضه.  مالك يا ليلي 

ليله بدوخه.  مفيش.. انا عايزه ابني 

سليم بقلق.  ان شاءلله هيفوق..  بس انتي مخدتيش علاجك يا ليلي لازم تاخدي 

ليلي بدموع.  مش هاخد حاجه غير لما اطمن علي ابني... و لسه بتقوم وقعت و اغمي عليها... بيجري علي علي اخته بقلق و الكل بيجري علي ليلي و بيحاولو يفوقهااا...  و بيطلبلها دكتور 

________________________ 

في قصر البحيري 

بيوصل مراد و مهاب 

بتجري هنا علي ابنها و بتحضنه و بيصعب عليها شكله. ان شاءلله هيبقي كويس يا حبيبي متخفش 

مهاب بدموع.  انا انا اللي مفروض ابقا مكانه يا امي 

هنا. خلاص يا مهاب عشان خاطري يا بني اطلع ارتاح لحد ما احضرلك حاجه تاكلها 

مهاب.  لا ماليش نفس اكل 

هنا. مفيش الكلام دا اطلع يلا... بيسبها مهاب و بيطلع لان مش قادر يتكلم 

هنا لمراد.  انت كويس 

مراد.  اه كويس يا هنا... بس ياريت تعملي اكل لعيله ريان 

هنا.  حاضر عيوني يا مراد 

في غرفه سجده بتسمع صوت ابوها و اخوها و بتقوم علي طول عشان تطمن عليهم 

بتنزل سجده و بتجري علي ابوها و بتحضنه. حضرتك كويس 

مراد.  و هو بيحضنها اه يحبيبتي متقلقيش انا بخير 

سجده باستغراب.  مهاب فين 

مراد.  مهاب طلع يرتاح 

سجده.  طب انا هطلعله 

مراد.  بلاش يا سجده مهاب دلوقتي مش كويس 

سجده.  متقلقش يا بابا... هخليه يفرفش كده و دلوقتي تشوف 

مراد.  سجده افتكري اني قولتلك بلاش 

سجده.  متخفش... و بتطلع لمهاب.. بتخبط بس مهاب مش بيرد.. فبتدخل..  بتلاقي اخوها نايم علي سرير 

سجده.  مهاب 

مهاب.  امم عايزه ايه 

سجده. انت كويس 

مهاب.  اه كويس و ياريت تخرجي و تسبيني لوحدي ... بتحس سجده بزعل بس بتعرف ان هو زعلان علي صاحبه و كمان  ان هو مش كويس.. ف بتجيب شويه ميه و تغرقه بيها.. سجده بضحك يعم قوم بقا 

مهاب بزعيق خلي سجده تنتفض من مكانها.  انتي مبتفهميش مش قولتلك اطلعي و سيبني و كمان بتغرقيني و بيمسكها و من ايدها جاامد و بيخرجها من الغرفه... و يقولها بعصبيه.. ياريت متدخليش هنا تاني سمعتي... سجده برعشه و بكاء حاضر و بتجري علي غرفتها و مش مصدقه معامله اخوها ليها و زعيقه عليها لاول مره في حياته بتنام سجده علي سريرها و هي بتبكي 

في غرفه مهاب 

بيغير هدومه و ينزل تحت 

مهاب لابوه.  انا لازم اروح المستشفى 

مراد.  استني لازم تاكل لقمه و تروح 

مهاب.  مش عايز اكل لو سمحت يا بابا 

هنا.  مفيش حاجه اسمها كده يلا الاكل علي سفره و تكمل لمراد.  انا عملت اكل لجماعه في المستشفى ابقا خدو معاك 

مراد.  تمام.. و بيروحو يقعدو علي سفره 

هنا باستغراب. ايه دا سجده فين دي منزلتش 

مراد.  لا نزلت و قالت انها هتطلع تطمن علي مهاب كانت خايفه عليه 

هنا.  اه دي منمتش من كتر القلق..  اكيد نايمه 

بيفتكر مهاب لما زعق لاخته جامد لا و كمان طردها من اوضته و هي كانت بتطمن عليه بيحس بضيق من نفسه 

هنا.  كل يا مهاب 

مهاب بضيق من نفسه.  انا كلت يا ماما يلا بابا عشان نمشي 

مراد.  يلا 

_____________________ 

في ڤيله مهران 

بيكونوا اسيل و رسلان قاعدبن قلقنين علي ابوهم و امهم 

اسيل بقلق.  هيكونو فين يا رسلان 

رسلان بقلق هو كمان.  معرفش...  و برن عليهم محدش بيرد 

اسيل.  يارب هيكونو فين بس 

_______________ 

في المستشفى 

سليم لعمار.  عمار خد نور علي الببيت يلا 

نور بدموع.  لا لا مش عايزه امشي لما اطمن علي ريان الاول 

سليم.  نور لو سمحتي يبنتي لازم ترتاحي... بيكمل لصافي و علي..  و انتو كمان لازم تمشو عشان الولاد 

علي.  انت بتقول ايه يا سليم عايزني امشي و اسيب اختي لا طبعاا 

سليم.  متقلقش يا علي اختك في عنيا 

يلا عمار وصل نور و جدك كمان عشان يرتاح 

سليمان بدموع.  لا طبعا مش همشي 

سليم بهدوء.  عشان خاطري يا بابا انت لازم ترتاح و تاخد ادويتك..  وانتي يا شهيره روحي يلا عشان تخلي بالك من بابا 

شهيره.  كده كده كنت ماشيه دلوقتي يلا يا عمار و بيمشي الجد و نور بعد معاناه مع عمار... 

سليم.  يلا يا علي امشي انت و صافي كمان 

علي بتصميم.  لا يا سليم مش هنمشي و لو سمحت خلاص 

سليم ل فؤاد.  وانت با فؤاد لازم تمشي مكملش الجمله و كان فؤاد رد عليه...  لا طبعا مش همشي يا سليم 

بتكون هدي قاعده جمب اختها ليلي في غرفه في المستشفى و بتبكي علي اختها لان الدكتور قال انها عندها انهيار عصبي 

مراد.  السلام عليكم يا جماعه 

الكل بيرد السلام 

سليم.  جيت ليه تاني يا مراد انت لازم ترتاح 

مراد.  ايه اللي انت بتقولو دا يا سليم احنا اهل...  و بيمد ايده بالاكل خد دا اكل لازم تاكلو با جماعه مينفعش كده 

سليم.  شكرا يا مراد بس مليش نفس 

مراد.  مينفعش كده لازم تاكلو لو سمحتو يا جماعه كله 

بينما مهاب دخل لريان من غير ما حد يشوفو... و شاف شاش المربوط علي صدره 

مهاب ببكاء. مش هتقوم بقا علي فكره انا ضعيف من غيرك و بعدين انت مينفعش تسبني يا ريان يلا قوم بقا و بيفضل يعيط 

ريان و هو بيفتح عينه ببطئ. بقا في راجل يعيط يا مهاب 

مهاب بفرحه ريان انت فوقت و بيجري عليه يحضنه 

ريان. اااه براحه يا غبي 

مهاب بخضه و هو بيبعد.  معلش معلش... هروح اطمن عيلتك كلها قلقانه عليك 

ريان بتعب. ماشي 

بيخرج مهاب بفرحه.  با جماعه ريان فاق.. بيجري سليم و يدخل لريا و كذلك علي و فؤاد ما عدا صافي اللي راحت تطمن ليلي 

سليم بدموع.  ريان انت كويس 

ريان. اه يا بابا كويس و بعدين ايه دموع دي 

سليم بدموع.  كنا خايفين عليك يبني 

ريان.  الحمدلله انا كويس... فين ماما 

علي بحزن. تعبت يبني و الدكتور قال عندها انهيار عصبي و بعيدين بيكمل بفرحه. الحمدللهانك فوقت الكل كلن خايف عليك  عامل ايه دلوقتي 

ريان بخضه علي امه .   ايه طب و ماما عامله ايه دلوقتي  

سليم. متقلقش بقيت كويسه دلوقتي تلاقيها داخله عليك...... و كذلك فؤاد بيطمن علي 

اللوا مراد و هو بيحضنه.  خضتنا عليك يا بطل 

ريان بضحك.  اعيش و اخضكو براحتي 

مهاب.  اتنيل اتنيل... بيقطعه دخول ليلي 

بتدخل ليلي و هي بتجري علي ابنها و بتعيط.  يا حبيبي انت كويس انا كنت حاسه فيك انك مش كويس طمني يبني عليك 

ريان.  اهدي يا ماما انا كويس اهو متقلقيش... بتحضنه ليلي و هي بتقول الف حمد و شكر ليك يارب... بتطمن عليه هدي و صافي 

بيدخل الدكتور.  لو سمحتو يا جماعه الكل يخرج برا عشان لشوف صحته... بيخرج الكل ما عدا مهاب 

دكتور. لو سمحت يا فندم مينفعش.... بيقطعه مهاب بحده.  شوف شغلك يا دكتور و ملكش دعوه بيا... بيخاف الدكتور من نظرات مهاب و بيكشف علي ريان 

الدكتور.  كده الحمدلله انت كويس جدا 

ريان. طب و انا ممكن اخرج امتي.. بيقطعه مهاب. انت مش هتخرج غير لما تبقي كويس غير كده لا فهمت 

ريان.  لا مستحيل اقعد هنا اكتر من كده هاا يا دكتور ينفع يتكتبلي علي خروج 

الدكتور.  لازم علي الاقل تفضل يومين كمان 

ريان.  بس... بيقطعه مهاب بحده و حذر  مفيش خروج غير بعد يومين فهمت..  

__________________________ 

في قصر البحيري 

بتكون سجده قاعده علي سريرها و بتعيط... بتدخل عليها هنا هنا.  قومي يلا... هنا بخضه ايه دا انتي بتعيطي ليه 

سجده بدموع.  مفيش حاجه يا ماما 

هنا.  سجده قولي في ايه يلا بسرعهه... بتحكلها سجده كل اللي حصل بينها هي و مهاب 

هنا و هي بطبطب عليها معلش يبنتي.  مهاب كان قلقان علي صاحبه معلش و انا لما يجي هوري 

سجده بضحك.  حاضر 

هنا.  يلا يختي تعالي حضري معانا الغدا قومي يلا.... بتقوم سجده مع هنا و بينزلو....  بيكون مراد و مهاب جيهم بعد الحاح طبعا من مراد و ريان ان مهاب لازم يرتاح 

هنا.  ايه دا جيتو امتي 

مراد.  لسه جايين 

هنا.  طب و ريان عمل ايه دلوقتي بقا كويس طمني عليه 

مراد.  اه الحمدلله فاق و بقا كويس و كلها يومين و يخرج 

هنا.  طب الحمدلله.. يلا يا مراد اطلع انت و مهاب غيرو هدومكم و انزلو عشان الغدا جاهز... بيكون مهاب بيبص علي سجده اللي مكلمتهوش ولا بتبصلو حتي بيتنهد بضيق من نفسه و يطلع يغير هدومه 

علي سفره الاكل 

مراد بيلاحظ ان سجده مكلمتش مهاب نهائي من وقت ما جه 

مراد باستغراب.  ايه يا سجوده اول مره تبقي هاديه كده 

سجده بحزن.  لا مفيش حاجه  و بتكمل...  انا شبعت و بتسبهم و تطلع... بيبص مهاب علي اثرها بحزن 

مراد لهنا.  مالها سجده 

هنا بعتاب لابنها.  اسال ابنك يا مراد 

مراد.  في ايه يا مهاب.... مش بيرد مهاب علي ابوه..  فبتحكيله هنا اللي حصل 

مراد.  ليه يا مهاب 

مهاب. مكنش قصدي بس كنت.... بيقطعه مراد بحده.  اطلع صالح اختك و متنزلش و غير و هي معاك فهمت 

مهاب.  تمام و بيطلع مهاب غرفه اخته... بيخبط مهاب علي الباب 

سجده.  ادخل 

مهاب.  احم ممكن نتكلم شويه 

سجده بحزن و دموع.  لو سمحت يا مهاب انا مش قادره اتكلم دلوقتي 

مهاب بحزن.  لا هنتكلم... سجده انا اسف صدقيني مكنش قصدي انا كنت قلقان علي ريان 

سجده بدموع.  حتي و لو زعلان عليه كلمني براحه انت زعقتلي جامد يا مهاب و كمان شدتني من ايدي جامد و طردتني من اوضتك 

بيروح مهاب و يخدها في حضنه و يفضل يعتزرها

سجده بضحك.  خلاص مسمحاك

مهاب بضحك.  يعني صاف يا لبن 

سجده.  ايوا و بينزلو و يقعدو كلهم مع بعض 

_______________________________________ 

و بعد مرور اسبوع 

هنا راحت زارت رريان في المستشفى و اتعرفت علي اهله و الكل حب هنا و هي حبتهم.... و خرج ريان من المستشفي 

و اليوم بيكون عزومه ريان في قصر البحيري..... 

و اخيرا لقاء المنتظر بين سجده و ريان 

#روايه_عشق_الريان 

في قصر اللوا مراد البحيري 

الجو كان غريب النهارده ولاكن مش زحمه،  بس في تحرك..  الخدم طالعين نازلين، و اللوا مراد و مهاب مستنين ضيف مهاب..  و هو ريان الالفي 

بتخرج هنا من مطبخ.. 

هنا بابتسامه.  انا جهزت كل حاجه فاضل بس وصول ريان 

مراد بابتسامه و فرحه.  كده كله تمام 

فوق في غرفه سجده كانت لبسه دريس بينك و طرحه بيضه و سلسله فضه و خاتم فضه و كوتشي ابيض.... كانت عارفه ان ريان صاحب مهاب جاي..  و اخيرا هتشوف من شخص اللي بيحبه والدها كل دا ومهاب اللي كان خايف عليه لدرجه انو زعقلها عشانه.... لاكن مكنتش تعرف ان انهارده هتقابل شخص هيغير حياتها و دنيتها...  بتتنهد سجده و بتنزل... 

صوت الباب رئيسي اتفتح و دخل ريان بهيبه و ثقه ووقار و كان لابس بدله سوده و كان شديد الوسامه و كان جايب حلويات شرقيه معا كضيافه يعني...... وصوت مهاب و هو بيقول بحماس..  و اخيرا جيت يا ريان..  ايه يبني اتاخير دا كله

ريان بغرور مصتنع.  اعيش و اتاخر براحتي يا حبيبي.. و بعدين بيكمل بابتسامه ازيك يا هنون عامله ايه.. ملحوظه (ريان اتعود علي اسم دا من مهاب و كمان هنا لما زراته في مستشفي طلبت منو يقولها يا هنون لانها اعتبرته زي مهاب). بتحضنه هنا بفرحه.  ازيك يا ريان عامل ايه دلوقتي بقيت كويس 

ريان.  الحمدلله يا هنون 

اللوا مراد بضحك و غيره.  امشي انا بقا و اسيبك معاها براحتك ولا ايه يعني 

بيضحك ريان علي غيره مراد. ريان بضحك.  ههههههه ايه غيره دي و بعدين  بيسلم عليه بحب .. بيقطعهم نزول سجده بخجل.. بيرفع ريان عيونه و بيلاقي قدامه كتله جمال.. بتفضل عيونه ثابته عليها و قلبه بيدق لاول مره... لحد ما بيقطع نظراته صوت سجده الخجول.. 

سجده بخجل.  احم اهلا و سهلا بحضرتك ..  و بتمد ايدها و تسلم عليه 

ريان و هو بيمد ايده و يسلم عليها.  اهلا بيكي انتي سجده مش كده

سجده بخجل شديد.  اه 

ريان بضحك لمهاب. الله يبني ماهي خجوله اهي اومال بتقول ليه بقا شقيه و مبتعرفش تنام منها و لسه بيكمل كلامه...  بتقطعه سجده بغضب و نسيت ان ريان موجود اصلا 

سجده لمهاب بغضب.  بقا انا شقيه يا مهاب ماشي والله لو... و بتسكت فأجاه و بتتفكر ان ريان موجود... الكل بيضحك عليها 

مهاب بضحك.  سكتي ليه القطه كلت لسانك ولا ايه...  بتبصله سجده بغيظ شديد 

ريان. شكلك عايز تتظبط يا مهاب و انا هظبطك في شغل بكره 

سجده بفرحه و طفوله.  احسن خليه يتظبط في شغل عشان يبطل يزعجني كل شويه 

مهاب بغيظ.  بقا كده يا سجده هانم والله لاوريكي 

سجده و قد تناست خجلها.  ولا يهمني... بيضحك الكل عليهم 

هنا بابتسامه و هدوء.  يلا يا حبايبي الاكل جاهز علي سفره... 

_____________________________________

في قصر الالفي 

في غرفه نور كانت قاعده علي سريرها و هي بتبتسم بفرحه و بتتذاكر طلب عمار ايدها  من ابوها و ريان 

فلاش باااك 

الكل كانو قاعدين علي سفره بيفطرو في هدوء..  بيقطع الهدوء دا صوت عمار 

و هو بيقول.  عمي عايز حضرتك في موضوع مهم انت و ريان 

بيتذكر ريان.  ان قبل ما يروح المهمه قالو ان عايزه في موضوع و وقتها اتصاب و نسي اصلا 

سليم و ريان.  تمام 

في صالون بيكون الكل متجمع 

عمار بهدوء. انا طالب منك با خالي ايد نور 

الكل ببتصدم و بالاخص شهيره 

سليم.  انت عبيط ولا ايه... بيقطعه عمار بسرعه.  ليه بس يا خالي انا بحبها

سليم بضحك. اقصد انت عبيط و بتسأل موافق ولا لا اكيد موافق هلاقي احسن منك فين لبنتي بس طبعاا بعد ما نسمع اذا نور موافقه ولا لا... بتسكت نور بخجل.. 

سليم بخبث.  يبقا مفيش نصيب نور مش موافقه..  بتقطعه نور بسرعه و قد تناست خجلها.  لا لا يا ابيه انا موافقه مين قالك كده بس... و بتسكت و بتبص علي الارض بكسوف... بيضحك الكل عليها 

ريان بضحك.  يبقا علي خيره الله.... بس لو زعلتها بس هقتلك يا عمار 

عمار بحب.  مستحيل دي روحي 

سليم برفعه حاجب.  ايه يالا احنا مش موجودين ولا ايه 

سليمان الجد.  سيبه يا سليم دا حتي معمليش اعتبار و لا كاني موجود.. بيجري عليه عمار و هو بيبوس ايده..  ايه اللي انت بتقوله دا يا جدي بس انا مكنش فصدي والله بس 

 بيقطعه سليمان و هو بيرطب علي كتفه.  حبيبي يا عمار عارف ان مكنتش تقصد يا حبيبي و بيكمل.... يبقي علي بركه الله الخطوبه الاسبوع الجاي.. الكل بيفرح و ريان بيحضن اخته و يبركلها و هدي و ليلي بيزغرطو.. 

ليلي بضحك.  ههههههه انا كنت حاسه يا عمار ان عينك من بنتي من زمان

هدي بضحك.  ايوا ما انا ياما قولت دا هههههههه 

فؤاد بهدوء.  الف مبروك يا ولاد 

عمار و نور.  الله يبارك فيك يا عمي..  الله يبارك فيك يا خالي 

بتبتسم شهيره ابتسامه مزيفه.. كده متقوليش يا عمار دا انا امك.... و بتكمل بكدب..  هو انا هلاقي احسن من نور فين يعني و بتبارك ليهم بحقد و هي بتشتم ابنها في سرهاا 

بنرجع تاني للواقع...... 

بتكون نور مبسوطه اووي و مش مصدقه ان هتتخطب هي و عمار... بيرن فونها و بتتفاجاه انه عمار 

عمار بحب.  عامله ايه يا نوري 

نور بحب و خجل.  الحمدلله انت عامل ايه 

عمار.  الحمدلله يا روحي... انا مش مصدق ان خطبتنا الاسبوع الجاي حاسس اني بحلم 

نور.  ولا انا كمان مصدقه بجد مبسوطه اووي 

بيبتسم عمار.. حبيبتي يا نور... و بعدين بيكمل معلش هقغل دلوقتي لان عندي شغل 

نور.  ماشي في رعايه الله.. 

________________________ 

في مكان تاني اول مره نروحه 

مجهول ١. الصفقه دي لازم تتم 

مجهول ٢. تمام يباشا متقلقش 

مجهول ١. صفقه هتم الشهر الجاي.... و بيكمل بتهديد.. اهم حاجه خلي عينك مفتوحه كويس علي رائد ريان الالفي و مهاب البحيري لان دول غول المخابرات فهمت 

مجهول ٢. متقلقش يباشا كله هيبقا تمام 

___________________________

في ڤيله مهران 

صافي بفرحه... و هي بتتجه ناحيه زوجها و اولادها.. عندي خبر هيفرحكوو اووي 

علي.  قولي يلا 

اسيل و رسلان.. يلا يماما قولي 

صافي بضحك.  اهدو طيب... عمار ابن شهيره طلب ايد نور بنت عمتكو يا ولاد 

علي بفرحه لبنت اخته  بجد امتي حصل الكلام دا 

صافي.  لسه انهارده صبح و الخطوبه بعد اسبوعين 

اسيل بفرحه.  و اخيرا عندنا فرح و هلبس فستان 

رسلان.  ياا و اخيرا بقا 

علي.  يلا با ولاد البسو عشان نروح علي القصر...... 

________________________ 

في قصر البحيري 

بيكون الكل قاعد في صالون 

ريان بابتسامه... حابب اعزمكم علي خطوبه نور اختي بعد اسبوعين 

اللوا مراد. الف الف مبروك يا ريان...  هنا.  مبروك لاختك مقدمه يا ريان 

ريان. الله يبارك فيكم يا جماعه 

مهاب بضحك. صدق يالا انت قليل الاصل ما انا ببقي معاك كل يوم و مقولتش 

ريان بضحك.  هههه والله كل دا حصل انهارده الصبح و خطوبه اتحددت بعد اسبوعين 

مهاب.  الف مبروك يصحبي عقبالك 

ريان بابتسامه و عيونه جت علي سجده.  ان شاءلله قريب اووي 

بتتكسف سجده جدا من نظران ريان و بتشعر بتوتر و كل شويه قلبها يدق......القاعده بتكون حلوه كلها ضحك و هزار و دفئه وطبعاا مش بتخلي القاعده من نظرات ريان لسجده و اللي لحظها مراد و طبعاا فرح لان مش هيلاقي لريان احسن من سجده... بيعدي لوقت و ريان بيمشي بالعافيه و طبعاا وعدهم بازياره تانيه... و بيخرج معا مهاب.. 

مراد بمكر. بس ايه ايك في ريان يا سجده 

سجده بتوتر.  راي ازاي يعني 

مراد بضحك.  لا ولا حاجه 

بينما سجده بتطلع علي غرفتها بتوتر ... 

بتقترب هنا من مراد بإستغراب.  ليه سألت سجده سؤال دا 

مراد.  امم ريان طول ما هو قاعد مشلش عينه من علي سجده و حسيت سجده معجبه بشخصيته 

هنا.  معقول يا مراد 

مراد. امم انا متاكد 

________________________________

في مكان اول مره نروحه في اسكندريه 

بتكون بنت بتجري بخوف شديد  و بتوصل علي محطه القطر 

البنت. لو سمحت عايزه تذاكره لقاهره 

الراجل.  تمام اتفضلي 

بتطلع البنت القطر و بتبص علي طريق بشرود 

بعد شويه بيقف القطر و بتنزل البنت منو بحزن شديد و هي متعرفش هتروح فين 

بتفضل تلف في شارع و بيكون الجو ضلمه... بتشوف شباب قاعده و باين عليهم شربين 

الشباب.  ايه يا مزهه رايحه فين 

بتجري البنت بخوف و هي بتبكي.  و بيجري وراها شباب....  واحد بيمسكها من شباب ايه بس يا حلوه رايحه فين و لسه هيفك حجبها لاقه اللي بيدله بوكس في وشه و نزل فيهم ضرب 

_____________________________ 

عند مهاب بعد ما وصل ريان.. لف شويه بالعربيه فأجاه لاقه بنت و تلات شباب بيجرو وراها نزل بسرعه من العربيه و مسك الشباب ضرب 

مهاب.  انتي كويسه يا انسه 

البنت بخوف و هي بتبكي.  اه لا لا مش كويسه 

مهاب باستغرب.  طب اهدي طيب..  تعالي اقعدي هنا... احكيلي بقا انتي مين و اسمك ايه

البنت و هي بتبكي اسمي............ 

#روايه_عشق_الريان

في قصر الالفي 

بيكون الكل متجمع و مبسوطين 

صافي بفرحه و ضحك. و اخيرا عندنا فرح بقا و الواحد يفرح 

ليلي بفرحه. وحشتني زغروطك يا صفصف 

صافي بضحك.  بس كده عيوني،  و بدات تزغرط لولولولولولوي 

هدي.  يااا فكرتوني بايام زمان 

صافي.  و هو في احلي من ايام زمان يا هدي يااااااااا الواحد نفسه الايام دي ترجع 

ليلي.  ياريت والله 

علي بضحك.  فاكره يا ليلي يوم فرحك علي سليم قولتيلي ايه 

ليلي بضحك.  يااااااااه انت لسه فاكر 

علي بضحك.  و دي حاجه تتنسي يا ليلو 

سليم بضحك. لا عايز اعرف قلتلك ايه بقا 

علي. هههههههههههه قلتلي خدني معااك خلااص مش عايزه اتجوز 

هدي بضحك. ايوا انا فاكره وقتها بابا سليمان طلع و اتكلم معاها تنزل 

سليم بصدمه. انتو بتتكلمو جد،  الكل مات من ضحك علي شكل سليم و صدمتو 

سليم بغيظ.  بقا كده يا ليلي 

ليلي بضحك.  اعمل ايه كنت خايفه 

سليمان.  هههههههههه ايوا ايوا انا فاكر وقتها اقنعتها بالعافيه انها تنزل 

سليم بغيظ.  كمان يا ليلي هانم نزلتي بالعافيه،  الكل ضحك علي غيظ سليم 

نور بضحك.  فكروني يوم فرحي اعمل زي ماما كده 

عمار بضحك. ايوا ايوا ان شاءلله يحبيبتي هتخليني اطلع اشيلك و اتجوزك بالعافيه،  الكل ضحك 

فؤاد بضحك معاهم و لاول مره من بعد زمان... فاكره يا هدي يوم ولاده ريم 

هدي بضحك.  اسكت متفكرنيش 

ليلي بضحك.  ايوا وقتهاا مسكتي ايد فؤاد عضتي فيها لحد ما كنا هنعمل حدسه 

هدي و فؤاد مع بعض.  ايوا صح ههههههههههههه 

سليمان.  اومال ريم هترجع امتي من سفر 

هدي.  انا كلمتها و عرفتها موضوع خطوبه نور و عمار و قالت هتيجي بعد يومين 

ليلي و سليمان .  ربنا يرجعها بالسلامه 

هدي.  يارب 

بيدخل ريان عليهم و بيكون مبسوطه 

ريان بإبتسامه. مساء الخير 

الكل.  مساء النور 

سليمان بخبث و ضحك.  شكلك رايق اووي يا ريان 

ريان بضحك لاول مره.  اووي اووي يا جدي 

الكل اتصدم ان ريان بيضحك ضحك دا لاول مره 

اسيل بضحك.  غمزاتك بانت و اخيرا يا ريان 

رسلان بضحك هو كمان.  لا لا و سنانه كمان ماشاء الله ضحكتك حلوه اهي 

ليلي بصدمه.  انت سخن ولا ايه 

ثواني،  و كان ريان انفجر فضحك...  و الكل اتصدم 

ريان بضحك.  ايه اول مره تشوفو حد بيضحك ولا ايه 

سليم بضحك.  لا اول مره نشوفك بتضحك 

عمار بخبث.  اقطع دراعي ان الموضوع دا في مزهه و مش اي مزهه 

ريان برفعه حاجب.  احترم نفسك يالا 

سليمان بضحك.  لا ما هو غريبه فعلا يبقا الواد عمار كلامه صح 

ريان.  ولا كلامه صح ولا حاجه.....  و بيكمل..  اه صح انا عزمت اللوا مراد و عيلته علي حفله خطوبه نور و عمار 

سليم. كده كده كنت هكلم اللوا مراد و اعزمه بنفسي بردو 

سليمان.  ايوا يا سليم دي الاصول يبني 

ريان بضحك.  طيب يا جماعه تصبحو علي خيرر،،، الكل بيطلع عليه بصدمه... 

سليمان بضحك.  وانت من اهل الخير يحبيبي 

نور بصدمه.  انتو شوفتو اللي انا شوفتو 

فؤاد.  انا مش مصدق ان ضحك معانا اصلا..... و الكل بينفجر في ضحك.....

___________ 

في جناح ريان 

بيدخل ريان و بيكون مبسوط و بيقعد علي سرير.... 

ريان و هو بيكلم نفسه و بيحط ايده علي قلبه.  شكلي كده وقعت ولا ايه و بيتنهد و يقوم يغير هدومه..  و بيدخل ياخد شاور.. بعد شويه بيخرج ريان و بيكون لافف منشفه علي خصره و بيصفصف شعره قدام مرايا و بيدخل غرفه الملابس و بيلبس بنطون اسود قطني بيتي فقط... و يروح ينام علي سرير و هو بيفكر في سجده و اللي خطفت قلبه من اول نظره بيفضل سرحان فيها لحد ما راح في نووم..... 

______________________

 عند مهاب 

مهاب.  انتي كويسه يا انسه 

البنت و هي بتبكي.  اه لا لا مش كويسه 

مهاب بإستغراب.  طب تعالي اقعدي هنا 

بتقعد البنت..  مهاب مالك بقا و اسمك ايه 

البنت و هي بتبكي..  اسمي......  بيقطعها مهاب اولا بلاش تبكي و اتكلمي بهدوء 

البنت و هي بتمسح دموعها.  حاضر...  انا اسمي دنيا 

مهاب بهدوء.  تمام يا دنيا ايه اللي جابك هنا في الوقت دا 

دنيا بدموع.  انا من اسكندريه اصلا 

مهاب بصدمه.  من اسكندريه و بتعملي ايه هنا 

دنيا بدموع.  عشان عشان و انفجرت من البكاء 

مهاب.  طب اهدي اهدي خدي المناديل دي امسحي بيها دموعك 

بتاخد منو دنيا المنديل.  شكرا 

مهاب.  العفو.  تعالي بقا اقعدي في العربيه و فهميني في ايه يمكن اقدر اساعدك 

دنيا بخوف.  لا لا هنا كويس 

مهاب بنفاذ صبر.  تمام فهميني بقا في ايه يلا 

دنيا بدموع.  عمي عايز يجوزني راجل كبير قد ابويا 

مهاب بإستغراب.  طب و باباكي او مامتك فين 

دنيا بدموع.  ماتوا و عمي عايز يجوزني لراجل كبير 

مهاب.  و هو في حد بيعمل في بنت اخوه كده...  طب و كملي 

دنيا.  بعد وفاه بابا و ماما كنت عايشه مع عمي و مراته و عياله...  كنت عايشه معاهم كاني خدامه بخدمهم بمقابل اني اكل و اشرب و انام..  و لوعملت حاجه غلط كانوا بيضروبني....  و بعد كده كان عليهم ديون كتير لراجل اسمه عم عبده فاتح وارشه عندنا في شارع معرفش كان واخد منو فلوس كتيرر و عم عبده وقتها قالو هتنازل عن الفلوس بنقابل ان يتجوزني و عمي وافق..  و بعدها فاجاه لقيته بيقولو حضري نفسك بكره كتب كتابك علي عبده بتاع ورشه... كنت هبوس ايده عشان يرفض بس كان مصمم وقتها بناته و مراته شمتو فيا... جه تاني يووم و كان انهارده و بردو كان مصمم قبل كتب كتاب قدرت اهرب من البيت و روحت علي محطه القطر و مكنش في غير قطر لحد القاهره ف جيت هنا و بتنفجر في البكاء 

بينصدم مهاب من كل اللي دنيا قالتو 

مهاب بهدوء.  تمام تعالي معايا البيت...  بتقطعه دنيا بعصبيه و دموع 

 انت اهبل صح قولت بقا اهي بنت و ملاهش اهل اخدها بيتي صح 

بيقطعها مهاب بصدمه.  ايه الهبل دا انا كنت هخدك بيتي و ابويا و امي و اختي موجودين انتي هبله يا بت 

دنيا بخجل.  احم ما انت اللي غلطت في واحد يقول لواحده تعالي معايا البيت 

مهاب بضحك.  انا اسف يستي 

دنيا.  لا خلاص..  و بعدين انا مينفعش اجي معاك مامتك و باباك يقولو عليا ايه 

مهاب.  متخفيش انتي هتحبيهم اووي و كمان ماما و هتحبك اووي ... 

دنيا بخجل.  لا شكرا يا  .....  ايه دا صح انت اسمك ايه 

مهاب بضحك.  انا رائد مهاب البحيري 

دنيا.  اه ماشي.... و بعدين بتكمل بصدمه...  ايه انت ايه رائد 

مهاب.  ايوا و كمان ابويا اللوا مراد البحيري 

دنيا بتوتر و ارتباك.  اه اهلا 

مهاب بضحك علي توترها.  احم طب يلا يبنتي 

دنيا.  لا لا خلاص مينفعش اصلا 

 مهاب بحده مصتنعه.  يلا يا بت انتي علي عربيه 

بتخاف دنيا من صوته.  طيب طيب انت لازم تزعق يعني 

بيبتسم مهاب عليها...  و بيركب العربيه و بيتجه علي قصر البحيري 

استوووب نتعرف علي دنيا( اسمها دنيا محمد  بنت جميله جدا شعرها بني و طويل و بشره بيضه و عيون بني طولها متوسط عمرها 22 عام)  

______________________________ 

في قصر البحيري و تحديدا في غرفه سجده 

بتكون قاعده علي سريرها و لبسه بيجامه طفوليه لونها بينك.....  و بتفكر في ريان و نظراته ليها 

سجده.  استر يارب شكلي هحبه ولا ايه و بتتصل علي ساره و بتحكلها 

سجده.  بس كده يستي و من وقتها وانا قلبي بيدق بشكل غريب 

ساره بضحك.  شكلك واقعتي يا سجوده 

سجده بخجل.  شكلي كده يا ساره هانم 

ساره.  اقطع دراعي ان وشك دلوقتي عباره عن طماطم 

سجده بخجل.  بس يا بت انتي...... هتروحي بكره جامعه 

ساره.  اه يختي هروح الواحد زهق 

سجده.  ما خلاص قربنا نخلص دي اخر سنه لينا يا سوسو 

ساره.  يارب تخلص علي خير 

سجده.  ياارب و بيقطعها صوت هنا العالي 

سجده باستعجال.  ساره هكلمك بعدين سلام و بتقفل مع ساره و ببتلبس شبشبها و تنزل علي تحت تشوف في ايه 

في نفس الوقت في صالون بيكون قاعدين مراد و هنا مع بعض 

هنا.  ريان دا شخص كوبس اووي و الوقت معا كان حلو 

مراد.  فعلا يا هنون ريان بعتبره زي مهاب بظبط 

هنا.  فعلا....  بس تفتكر زي ما انت قولت فعلا مشلش عينه من على سجده 

مراد.  ايوا و كمان سجده بردو حستها اعجبت بيه.....  تعرفي يا هنون مش هلاقي احسن من ريان لسجده.....  بيقطعهم دخول مهاب و بيكون معاه دنيا 

هنا.  مين دي يا مهاب 

مهاب.  دي دنيا و هتعيش معانا 

هنا.  نعمممم انت بتقول ايه يا مهاب مين دي.. . بتنزل سجده في ايه يا جماعه ايه دا يا هوبااا مين دي 

مراد.  ما تفهمنا يبني مين دي 

مهاب.  تمام اهدوا هفهمكوو و بيحكلهم كل حاجه 

هنا. يحبيبتي يبنتي..  تعالي يا حلوه انتي اسمك ايه 

دنيا بإبتسامه.  اسمي دنيا 

مراد.  اهلا بيكي يا دنيا 

بتبتسم دنيا... بتحضنها هنا تقولها اعتبريني زي مامتك يا حبيبتي 

دنيا. شكرا يا طنط 

هنا بشهقه.  يالهوووي طنط ايه بس قوليلي زي الواد ما مهاب و سجده بيقولو هنون او ماما 

دنيا باحراج.  مينفعش...  بتقطعها هنا..  انا قولت ايه هنون او ماما فهمتي 

دنيا بإبتسامه و خجل.  ماشي يا هنون 

مهاب بضحك. شوفتي مش قولتلك امي هتحبك دا كفايه طيبه قلبها ووحنيتها 

مراد بغيره.  و ايه كمان ياسي مهاب 

مهاب بضحك علي غيره ابوه ولا حاجه يا حجوج 

سجده بضحك.  الله الله مش تعرفونا طيب علي القمر دا 

دنيا بإبتسامه.  انا دنيا وانتي 

سجده بطيبه.  وانا سجده 

هنا. سجده خدي دنيا علي غرفه اللي جمبك 

سجده.  عيوني يا هنون...  و بتاخد دنيا و تطلع....  مراد.  انت متاكد يا مهاب من البنت دي قلتوو ولا اي

مهاب.  متقلقش يا بابا 

مراد.  تمام 

هنا.  البنت صعبت عليا اووي منوو لله عمها 

مهاب.  انا استغرابت في عم يعمل في بنت اخوه كده 

مراد.  متستغربش يا مهاب مش مل الناس طيبين في منهم الحلو و في الوحش 

مهاب.  معاك حق...  يلا تصبحو علي خير 

مراد و هنا.  وانت من اهل الخير...  يلا يا مراد انت كمان لازم ترتاح اليووم كان طويل علينا 

مراد.  يلا يا هنون 

_________________ 

 في غرفه سجده بتكون قاعده هي و دنيا و اتعرفوا علي بعض 

سجده بضحك.  بس يستي و كل يووم مهاب يصحي مفزوع من نوم 

دنيا بضحك.  يالهوووي عليكي سجده 

سجده.  اه صح انتي كنتي في كليه ايه 

دنيا.  في اعلام 

سجده.  ماشاءالله 

دنيا.  وانتي 

سجده في كليه إلسن 

دنيا.  ماشاء الله دي اخر سنه ليكي صح 

سجده.  اه....  ايه رايك نشغل فيلم و تنامي معايا 

دنيا.  اشطاا يصحبي 

سجده بضحك.  اشطاا 

#روايه_عشق_الريان 

في مكان اول مره نروحه 

في اسكندريه...  في بيت عم دنيا 

سعديه مرات عم دنيا...  يالهوووووي الحقنيي يا فتحي بنت اخووك هربت و فضحتنا 

فتحي بصدمه. انتي بتقولي ايه يوليه لنتي هربت ازاي 

سعديه.  هنقول ايه لراجل و لناس بنت اخوك فضحتنا منك لله يا دنيا هنعمل ايه دلوقتي 

فتحي بزعيق.  اهدي بقا هنزل هدور عليها... و هجبها بنت ***** دي 

سعديه.  بسرعه يا فتحي بسرعه الناس زمانها علي وصول بينزل فتحي...  و بتجري سعديه علي بناتها منه و فاطمه تعالوا بسرعه يا بت انتي و هي 

فاطمه.  في ايه يا ماما 

سعديه.  البت دنيا هربت 

منه بشهقه.  ينهااار اسود اومال مين هيتجوز عم عبده يالهوووي 

فاطمه. اكيد بابا هيجبها دلوقتي و هتاخد علقه محترمه 

سعديه بضيق.  مش لما يلاقيها الاول 

فاطمه.  اكيد هيلاقيها هتروح فين يعني 

__________________________ 

في قصر البحيري 

و تحديدا في غرفه سجده 

بتدخل هنا غرفه بتلاقي دنيا و سجده نايمين جمب بعض بتفتح الستاير...  و بتصحيهم 

هنا بدراميه..  يلا يا بت انتي وهي البيت محتاج تنضيف يلاا يختييي 

سجده.. الله في ايه يا هنون  علي صبح

هنا.  يلا يختي و صحي بت اللي جمبك دي يلااااا 

سجده.  حاضر جاايين... دنيا يوليه قومي 

دنيا بضيق.  بس بقا عايزه انام 

سجده بخبث.  نامي يحبيبتي نامي....  و بتروح تجيب كوبايه مياه كبيره و بترميها علي الدنيا 

دنيا بخضه.  يالهووي بغرق بغرق الحقونيي...

سجده بضحك....  ههههههههه اه مش قادره ههههههههههههه

بتقوم دنيا و بتجري وراها طب تعالي بقا و بيجرو وراه بعض 

سجده و هي بتقعد علي الارض و تاخد نفاسها.  خلاص مش قادره 

دنيا.  منك لله يا شيخه 

سجده بضحك.  اعملك ايه يعني مش انتي اللي مكنتيش عايزه تصحي هههههههه 

دنيا.  ماشي يا سجده مااشي انا هوريكي بس اصتبري عليا 

سجده بتحدي.  لما نشووف 

علي سفره بيكون قاعد اللوا مراد و مهاب و هنا 

مراد. سجده و دنيا فين 

هنا.  جايين....  بينزلوا سجده و دنيا و هما بيضحكو 

سجده.  صباح الخير يا بابا...  صباح الخير يا هنون..  ايه دا هوبااا انت صاحي بدري يعني 

دنيا.  صباح الخير يا جماعه 

مراد و هنا.  صباح الخير يبنتي 

مهاب لسجده.. انتي مالك انتي اصحي بدري ولا لا 

سجده بضحك.  يعم براحه علي نفسك كنت هصحيك زي دنيا بظبط ههههه 

هنا.  وانتي عملتي فيها ايه 

دنيا بغيظ.  جابت كوبايه مياه كبيره و ده لقيتها عليا 

انفجر مهاب من ضحك...  ههههههههههه بمووووت. ههههههههههههه 

مراد..  هههههه مهاب دايما اللي بيصحي كده شكلها هتغير مهاب و هيبقي انتي 

سجده بضحك.  لا هي و هوباااا و يا بابا 

مهاب بغيظ.  انتي مش بتحرمي ابداا انا عارف 

بتضحك هنا...  ههه و هي دي بتحرم اصلاا 

مراد.  يلا يا مهاب عشان نمشي 

مهاب.  يلا 

مراد.  في رعايه الله 

___________________________ 

في قصر الالفي 

علي سفره بيكون الكل بيفطر 

فؤاد. عمار ممكن تروح تجيب ريم من المطار 

عمار.  تمام يخالي هي هتيجي امتي 

فؤاد.  طيارتها هتوصل بعد ساعتين 

عمار.  تمام... و بيكمل بضحك بقولك يا حمايا يا عسل انت 

سليم بضحك.  عايز ايه يالا 

عمار. هااخد نور معايا يا خالي يحبيبي 

سليم بضحك.  لا لا 

سليمان بضحك. سبيهم يابني...  خدها معاك يا عمار 

ريان بهدوء. و انا مليش راي يعني ولا ايه 

عمار بضحك.  حبيبي يا ريان اكيد موافق صح 

ريان. لا 

اسيل.  بضحك. اففف علي الكسفه يا حازم 

رسلان بضحك.  عيشنا و شوفنا عمار بيتذل هههههه 

ليلي.  خلاص عمي قال عمار ياخد نور معا يبقي عمار هياخدها 

عمار بضحك.  حمااتي العسل هااتي بوسه 

سليم بغيره و ضحك.  لم نفسك يالا بدل ما اجي ارزعك قلم ملكش دعوه مراتي 

عمار.  عيوني يحجوووج

بيقوم ريان بهدوء.  انا ماااشيه و بيمشي 

هدي ل ليلي.  ابنك دا بحالات يا ليلي امبارح كان بيضحك و دلوقتي بيكلم ببرود 

ليلي.  معرفش كان مبسوط امبارح اووي 

صافي.  يارب دايما يبقي مبسوط 

_______________________________ 

في المدريه 

بيكون قاعد اللوا مراد و مهاب و ريان 

اللوا مراد. دا ملف القضيه جديده 

ريان بهدوء.  تمام 

مهاب بضحك.  انا زهقت كل شويه قضيه جديده 

اللوا مراد.  لو مش عجبك استقيل 

مهاب و هو نسي ان ببتكلم مع ابوه اصلا. والله ياريت بس نعمل ايه في راجل ابويا بقا مفتري و بعدين بيسكت 

اللوا مراد و هو بيقوم من مكانه.  والله و ايه كمان سكت ليه 

مهاب بفزع.  الله بتقوم ليه بس والله لانت قاعد مكانك 

ريان بضحك.  انت غبي يبني انت بتكلم ابوك 

اللوا مراد و هو بيمسكه تعالي بقا.  بقا انا راجل مفتري 

مهاب بضحك.  مين قال كده بس دا انت مفيش منك و بيكمل بصوت واطي لنفسه ياارب سمحاني...  بيسمعه اللوا مراد و ريان 

اللوا مراد.  ايه يا ابن.... بيقطعه مهاب ايه ايه هتشتم نفسك.... بيسيبه اللوا مراد و بيقعد.  المهم القضيه دي غير دول تجار مخدرات و حارصين جدا 

ريان.  تمام يفندم 

و بيخرج ريان و مهاب 

في مكتب ريان 

بيقعد مهاب.  اه صح نسيت احكيلك حصل ايه امبارح 

ريان بإستغراب.  حصل ايه.... بيحكيلو مهاب موضوع دنيا 

ريان بخبث.  اممم وانت بقا وافقت انها تيجي بيتك عادي كده 

مهاب بتوتر.  اه يبني دي بنت اسيبها يعني 

ريان بخبث.  لا طبعا لازم تعمل فيها الواد الشهم و الجدع و تخدها معاك 

مهاب.  اساسا سجده اختي و هنون حبوها اوي و هي كمان حبتهم 

بيدق قلب ريان لما بيسمع اسم سجده 

ريان.  تمام يلا علي مكتبك 

_______________________________ 

عند المجهول 

مجهول١. خلي بالك ريان الالفي مش سهل 

مجهول٢.متقلقش كله تمام 

مجهول ١. البضاعه هنسلمها اخر شهر وانا مراقبه ريان كويس اوووي 

مجهول٢. تمام 

__________________________

في مطار بيكون عمار و نور واقفين مستنين ريم 

عمار و هو بيبص في ساعته.  هي اتاخرت كده ليه 

نور.  اهي جت اهي...  بتجري ريم علي نور و بتحضنها 

ريم.  الف مبرووك يا نور...  الف مبروك يا عمار بجد وحشتوني اووي 

عمار بابتسامة.  عامله ايه يا ريم 

ريم.  الحمدلله....  العيله عامله ايه 

نور.  كويسين الحمدلله

عمار.  تمام يلا..... و بيركبوا العربيه متجهين لقصر الالفي 

___________________________________

في قصر الالفي 

بيكون الكل في انتظار ريم 

بتدخل ريم مع عمار و نور 

بتجري ريم علي هدي و بتحضنها 

هدي.  و حشتيني يحبيبتي عامله ايه 

ريم.  الحمدلله يا مامي انتي عامله ايه 

و بتروح تحضن ابوها و جدها و بتسلم علي باقي العيله 

و بتدور بعينها علي ريان بس مشفتهوش  ..... وبتلحظها نور 

ريم بضحك.  طب ايه مش هناكل يجدعان ولا ايه 

رسلان بضحك.  وانا والله جعاان اووي بس هنعمل ايه لازم نستني عم ريان ههه 

ريم.  خلاص مفيش مشكله هطلع اغير هدومي و هنزل 

سليمان. فؤاد انت و سليم تعالوا علي مكتب 

سليم و فؤاد.  تمام.... 

بيقعد عمار جمب نور...  و بيرغوا 

علي بضحك.  انت بتستغل عدم وجود ريان و سليم يا عمار 

عمار بضحك.  بصراحه اه.

نور بضحكك.  هههههههه وانا كده هقول لابيه 

عمار.  ايه دا يعني مش عايزه تكلمي معايا 

نور.  لا طبعاا مقولتش كده 

عمار و هو بيغمزلها.  حبيبت قلبي 

رسلان بضحك.  بس قفشتك بتقول ايه لبنت خالي قول قول 

عمار.  وانت مالك يرخم 

رسلان.  مش انا رخم والله لما يجي ريان لاقوله 

بيمسكه عمار من ياقه القميص هتقوله ايه يالا 

رسلان.  ولا حاجه يا كبير 

اسيل بضحك هي و نور.  ناس مش بتيجي غير بالعين الحمرا 

في المكتب 

سليمان. صفقه بتاعت شركه M&R هتمسكها انت يا فؤاد 

فؤاد بدهشه.  انا ازاي مش سليم هو.... بيقطعه سليمان.  ايوا بس قولت ان انت اللي هتمسكها فهمت 

فؤاد.  تمام 

سليم.  خلاص تمام يا بابا تؤامر بحاجه تانيه 

سليمان.  لا يا سليم بيخرج سليم...  و لسه هيخرج فؤاد..  

سليمان بهدوء.  اقعد يا فؤاد انا لسه عايزك 

فؤاد بهدوء.  نعم يا بابا 

سليمان.  بلاش طمعك و انانيتك يخلووك تنسي ان سليم اخوك ماشي يبني و اظن حذرتك يا ابني 

فؤاد بتنهيده.  حاضر..  حاجه تانيه 

سليمان.  لا اتفضل يلا... بيخرج فؤاد.... 

في صالون الكل بيكون متجمع ما عدا ريان 

شهيره.  حمدالله على سلامتك يا ريمووو 

ريم.  الله يسلمك يا عمتو 

سليمان.  انتي كنتي فين يا شهيره من صبح 

شهيره بتوتر حولت اخفاءه.  هاا انا كنت في المول 

سليمان.  تمام بس ياريت تدينا خبر قبل ما تخرجي بعد كده 

شهيره و هي علي نفس توترها.  حاضر يا بابا....  بيقطهم دخول ريان 

ريان بهدوء.  مساء الخير يا جماعه 

الكل.  مساء النور 

ريان ببرود. حمدالله على سلامتك يا ريم 

ريم بابتسامة.  الله يسلمك يا ريان عامل ايه 

ريان ببرود.  كويس....  و بيكمل كلامه..  انا طالع ارتاح عشان عندي مشوار بليل ياريت محدش يزعجني 

ليلي.  مش هتتغدا معانا يحبيبي 

ريان.  لا يا امي اتغديت برا مع مهاب 

ليلي.  ماشي يحبيبي...  بيطلع ريان 

اسيل بضحك.  لا لا لا فين ريان بتاع امبارح 

صافي.  فعلا معاكي حق انهارده بقا عندو برود فظيع.....  و بتكمل ليلي..  طب هو كان فين امبارح عشان كان راجع مزاجه رايق و ضحكه مش بتفارق وشه 

ليلي.  كان معزوم في قصر اللوا مراد البحيري 

عمار بضحك.  بس يبقا اللوا مراد عنده بنت و عجبت ريان 

سليم باستغراب.  معقول 

ليلي.  سليم هو اللوا مراد مخلف بنت 

سليم.  والله مش عارف يا ليلي 

ريم بغيره و ضيق.  اكيد مش عنده يعني...  و بعدين ريان دايما يقول مستحيل احب 

بتوطي نور علي عمار.  شايف الغيره هطق منها ازاي 

عمار بضحك.  بس اسكتي 

هدي.  طب يلا جماعه الغدا جاهز 

رسلان.  اخيرا دا الواحد ميت من جوع 

علي.  نفسي يبني اشوفك بتعمل حاجه غير الاكل 

رسلان.  و هو في احلي من الاكل....  بيضحك الكل علي رسلان و علي 

_________________________________ 

في قصر البحيري 

يتكون قاعده سجده بتذاكر 

بتتصل ساره صحبتها 

ساره بصووت عالي.  بقا يا سجده يا حيونههه متجيش انهارده الكليه يا جزمهههه 

سجده بضحك.  بس بس واطي صوتك معرفتش اجي انهارده 

ساره بزعيق.  ليه ان شاءلله 

سجده.  يستي لما اشوفك هحكيلك....  المهم سجلتي محاضرات انهارده 

ساره.  اه يختي سجلتهم 

سجده.  اشطاا..  ابعتيهم بقا 

ساره.  ماشي برغم ان خساره فيكي 

سجده بضحك.  ههههههه معلش يا سوسو لما اشوفك بكره صدقيني هحكيلك......  نسيب سجده ترغي مع ساره 

في صالون بتكون قاعده دنيا و هنا 

هنا.  انا هقوم يا حبيبتي اشوف الاكل جاهز ولا لا عشان زمان مراد و مهاب جايين 

دنيا و هي بتقوم.  هاجي اساعدك يا هنون

هنا. لا يحبيبتي خليكي البنات جوه بيساعدوني (قصدها علي الخدم) 

دنيا. حاضر يا هنون 

بيدخل مهاب و مراد 

مراد.  ازيك يا دنيا يا حبيبتي 

دنيا بحب.  ازيك يا عمو 

مراد.  هنوون و سجوده فين 

دنيا.  سجده بتذاكر.  هنوون في المطبخ 

مراد. تمام...  و بيطلع علي غرفته 

مهاب.  احم ازيك يادنيا عامله ايه 

دنيا باحراج.  ازيك يا حضره الرائد 

مهاب بضحك.  ياريت ميكنش في رسميات قوليلي يا مهاب عادي 

دنيا.  احم لا مينفعش...  بيقطعها مهاب. انا يستي اللي بقولك 

دنيا.  تمام يا مهاب 

مهاب بابتسامة.  ياريت تكوني مبسوطه معانا هنا 

دنيا بإبتسامه. اه بجد مبسوطه جدا.. شكرا جدا ليكم بجد انا مش عارفه اقولك ايه يا مهاب 

مهاب.  يستي متقوليش حاجه انتي زي سجده اختي 

دنيا.  احم شكرا ليك...  بتخرج هنا من المطبخ 

هنا.  ايه دا انت جيت يا مهاب حمدالله على سلامتك يا حبيبي اومال فين مراد 

مهاب. الله يسلمك يا هنون.. بابا طلع فوق 

هنا. طيب يلا يا حبايبي علي سفره 

مهاب.  لا يا هنون انا كلت برا مع ريان انا هطلع ارتاح عندي شغل بليل 

هنا.  ماشي يحبيبي....  بتنزل سجده و مراد مع بعض و هما بيضحكوا 

هنا بإبتسامه.  يلا الاكل جاهز علي سفره.....  بيروحوا ياكلوا في جو حلو ودفئ 

#روايه_عشق_الريان 

في اسكندريه في الحاره 

في بيت عم دنيا 

فتحي بصوت مبحوح من كتر ما نادي عليها: ملقتش البت يا سعديه،  قلبت عليها الحاره. سألت كل اللي في حاره و كان الارض انشقت و بلعتها 

سعديه و هي مفزوعه: يا ساتر يارب هتكون راحت فين دي 

فتحي و هو مخنوق: معرفش هتكون فين،  مشكله هنعمل ايه مع عبده 

سعديه و هي بتلطم علي وشها: يالهوووي يالهوووي دا ممكن يودينا في داهيه 

فتحي:  معرفش معرفش منك لله يا دنيا 

سعديه: طب مش هو كان مفروض يجي يكتب عليها 

فتحي:  قولتله ان بت تعبت،  و مش هينفع نكتب انهارده خليها بكره 

سعديه بتوتر: طب هنعمل ايه 

فتحي: هنزل تاني ادور عليها بنت الك*لب دي 

سعديه:  ماشي يا خويا.... بتجري عليها فاطمه 

فاطمه:  طب و هنعمل ايه ياما 

سعديه: معرفش يختيي 

منه: ياترا راحت فين دي متعرفش حاجه اصلاا 

سعديه بغيظ:  اسكتي احنا غلطنا كنا مفروض نخلي بالنا منها ازاي مجااش في دماغي ان ممكن تهرب... دا كده عبده هيودينا في داهيه 

فاطمه: اكيد هترجع ملهاش غيرنا اصلا 

سعديه: يارب يختي 

________________________________________

عند المجهول 

مجهول ١ بصوت هادي و بارد:  ايوا يا زفت خرجت الدفعه 

مجهول ٢: ايوا متقلقيش 

مجهول ١: كويس.. بس انا عايزه الموضوع يتم من غير تراب فاهم.. اي غلطه دلوقتي هتكلفنا كتير 

مجهول ٢: كله تمام ولا غلطه كله ماشي زي ما انتي عايزه 

مجهول ١: ريان حاليا ابتدا يلف حوالين نفسه..  محدش يقرب منه دلوقتي،  بس لو قرب زياده هنعلمه الادب بطريقتنا 

مجهول ٢ متقلقيش كل حاجه تحت السيطره 

مجهول ١:تمام. بس لوحد خان انا اللي هسلمه بايدي... و تضغط علي زر انهاء المكالمه 

________________________________________

صباحا في قصر الالفي 

بيكون الكل متجمع في صالون ما عدا ريان 

ليلي: نور هتروحي امتي تجيبي الفستان 

نور: هروح كمان ساعتين 

ريم بحماس: هاجي معاكي 

نور: اشطاا وانتي كمان يا اسيل تعالي عشان تجيبي فستان ليكي 

اسيل: ايوا بقا اخيرا الواحد هيخرج 

صافي برفعه حاجب: علي الاساس مش بتخرجي 

اسيل بتمثيل: انا انا بخرج ولا بشوف شارع حتي عالم ظالمه 

بيضحك الكل عليها.. 

سليمان بهدوء: ريان فين 

ليلي: زمانه نازل يعمي 

سليم: فؤاد هنفطر و نروح شركه 

فؤاد: تمام 

سليم: وانت يا عمار روح مع البنات مينفعش يبقوا لوحدهم 

عمار: كده كده رايح معاهم عشان اجيب البدله 

رسلان بضحك: الله هو في ايه محدش معبرني ولا حد قالي تعالي معانا 

عمار بضحك: انت كده كده راشق في اي حاجه و بيضحك...  

رسلان بغيظ:  طب اسكت بدل ما اقول لريان عليك 

علي بضحك: وانا اشهد 

عمار بغيظ و ضحك: لا و علي ايه 

في جناح ريان 

بيكون لبس بدله رسميه تبع شغله و مصفصف شعره بطريقه تجنن و رش من عطره المفضل...  و نزل 

ريان ببرود: صباح الخير 

الكل: صباح النور 

ليلي: يلا يا جماعه الفطار جاهز... بيتجه الكل علي سفره 

ببكون في كرسي جمب ريان فاضي بتقعد عليه ريم 

ليلي بحنان: مش بتاكل ليه يحبيبي 

ريان بهدوء: باكل اهو 

عمار بمكر: عزمت اللوا مراد يا ريان 

ريان برفعه حاجب: وانت مالك 

رسلان بضحك: يا كسفتك يا حازم 

ليلي: ريان هو اللوا مراد عنده بنات 

ريان بإستغراب: اه عنده 

سليم بخبث: امم اسمه ايه بقا 

ريان ببرود: بلاش لف و دوران انتو عايزين ايه و بتسألو ليه 

نور بضحك: اصل عايزين يعرفو ليه يوم ما رجعت من عند اللوا مراد كان مزاجك رايق ف شاكين انها بنت اللوا 

بيقوم ريان من علي سفره الاكل ببرود و يمشي 

عمار بضحك: اقطع دراعي ان هي بنت اللوا اللي شقلبت حاله كده 

صافي:  يارب تيجي يوم خطبتكم نفسي اشوفها 

سليمان بضحك: معقول ريان هيحب 

ليلي: يارب 

سليم: شكلنا هناسب عيله البحيري قريب 

ريم بضيق: احم انا هقوم اغير هدومي عشتن نمشي 

بتلاحظ هدي ضيق بنتها 

هدي: احم شبعت... و بتطلع لبنتها 

هدي: مالك يا ريم 

ريم بضيق: ولا حاجه يا ماما 

هدي:  ريم اوعي يكون 

ريم بدموع: ايوا بحبه بس هو مش بيحبني دا مش بيطقني اصلا 

هدي: بصي يحبيبتي حوالي تشيلي ريان من دماغك خالص 

ريم بدموع و بتحضنها: ازاي يا ماما انا بحبه اووي و صعب صعب اكرهه 

هدي: يحبيبتي مقولتش تكرهي بس حوالي تشيلي فكره ان يحبك وانتي تحبي تكونو ولاد عم مش اكتر 

ريم و هي بتسمح دموعها: حاضر يا ماما 

هدي: معلش يحبيبتي كله هيعدي 

ريم: حاضر.....  هلبس بقا عشان امشي مع نور 

هدي: ماشي يحبيبتي..... و بتطلع و تسيبها 

ريم في نفسها: اسف يا ماما بس ريان مش هيكون غير ليا 

___________________________________________

في قصر البحيري 

في صالون 

سجده و دنيا مشغلين كرتون و بيتفرجو.. بيدخل عليهم مهاب 

مهاب بسخرية: هو انتم اطفال عشان تتفرجوا علي كرتون 

سجده بغيظ: وانت مالك انت 

دنيا: اه اطفال ملكش دعوه 

مهاب برفعه حاجب: والله..... بيدخل عليهم مراد 

مراد: في ايه يا زفت بتضيقهم ليه 

مهاب بغيظ: استغفر الله العظيم يارب انت كده دايما معاهم هو مش انا ابنك بردو 

مراد: ياسكت يا يالا 

سجده بضحك: احسن 

مهاب: يا بت هتخليني اضربك 

سجده و هي بتطلعله لسانها: متقدرش 

بيجري مهاب وراها بتستخبا سجده واره ابوها 

سجده بضحك: وريني بقا هتعمل ايه 

مهاب بضحك: للاسف مقدرش 

بيضحكوا دنيا و مراد عليهم 

مراد: اومال فين هنون 

سجده: هنون راحت سوق مع سواق 

مهاب: والله هنون دي غاويه تعب قلب علي الفاضي 

مراد: يلا يا زفت عشان الشغل... باي يحبايبي 

سجده و دنيا:  باي 

سجده: ايه رايك ندخل نعمل احنا الغدا انهارده 

دنيا بحماس: اشطاا... و بيدخلو المطبخ 

سجده بتفكير: نعمل اكل ايه بقا 

دنيا: اممم نعمل مكرونه بشاميل 

سجده: حلو دا و نعمل بانيه 

دنيا: هو دا الكلام 

سجده: اشطا خدي دا (مريله مطبخ) 

دنيا: ماشي... 

سجده: انا هسقط المكرونه و هعمل لحمه و انتي تبلي البانيه 

دنيا: خلاص ماشي..... 

في صالون 

بتكون هنا واقفه و بدور علي بنات 

هنا: هيكونوا فين يعني.....  فجأه بتسمع صوت من المطبخ 

بتدخل المطبخ بتلاقي سجده و دنيا بيضحكو و بيعملوا الاكل 

هنا بضحك: انتو بتعاملوا ايه 

سجده و دنيا في نفس الوقت: بنعمل الغدا 

هنا:  ماشي يلا نعمل سوا..... و بيعملوا الاكل مع بعض في وسط ضحك و هزار 

___________________________________

في المدريه 

ريان بتعب: القضيه دي مش سهله 

مهاب بتعب هو الاخر: فعلا مش سهله نهائي 

بيدخل عليهم زميلهم علي 

علي بضحك: عاملين ايه 

مهاب بضحك: مش قادرين يا خويا القضيه دي مش سهله 

علي: ايوا فعلا انا قولت نفس كلام لي اللوا مراد 

ريان: طب يلا يا ظريف انت و هو كل واحد علي شغله 

مهاب بمرح: شكلنا كده بنطرد 

علي بضحك: شكلنا ايه دا اكيد 

و بيخرجوا مهاب و علي 

بيتنهد ريان بضيق من القضيه و بيفتح الملف تاني 

ريان في نفسه: في حاجه مش مظبوطه 

تعريف عن علي (  ضابط شرطه عمره 28 عام شعره بني و بشره قمحاويه و عيون بني صديق ريان و مهاب) 

________________________

بتمرر الايام بسرعهه 

 و جه اليوم المنتظر خطوبه نور و عمار 

________________

في قصر الالفي 

بيكون القصر في حركه و توتر و شغالين طالعين نازلين 

في غرفه نور بتكون متوتره اووي 

ليلي: متقلقيش كله هيبقي تمام..... بتدخل عليهم ريم و اسيل 

اسيل: البنات اللي هيعملوا الميكب واصلوا 

هدي: دخليهم بسرعه 

في غرفه عمار 

بيكون بيجهز و هو مبسوط 

رسلان بضحك:  هتتشل من الفرحه يبني 

عمار بغيظ: اسكت يالا...... و بعدين انا كنت مستني اليوم دا بفارغ الصبر 

ريان: كفايه كلام و اجهزوا يلا 

سليم: الله مالك يا ريان هو في حد بيجهز و هو ساكت 

عمار: قولو و نبي 

ريان ببرود: انا هروح اجهز في اوضتي 

___________________

في قصر البحيري 

بيجهز مهاب و مراد 

هنا:انا خلصت...  فاضل البنات 

مراد: اايه الحلوه دي يا هنوون 

هنا: وانت كمان حلو اووي يا مراد 

مهاب: انا هنا علي فكره 

مراد: يبني انت عايز تتهزق شكلك كده 

مهاب: ور... بيقطعهم نزول سجده و دنيا 

هنا: بسم الله ماشاء الله ايه الحلاوه دي يا بنات 

دنبا و سجده: انتي احلي يا هنون 

مراد: قمرات يا ولاد 

دنيا بخجل: مرسي يا عمو 

مهاب عيونه منزلتش من علي دنيا..... بيلاحظ مراد و هنا نظرات مهاب 

مراد: طب ايه مش يلا ولا ايه مهاب: اه اه يلا

سجده و هي ماشيه جمب مهاب: مقولتش رايك يا هوبا 

مهاب: زي القمر ياحبيبتي 

سجده بابتسامة: حبيبي يا هوبااا.....  و بيركبوا العربيه و بيتجه لمكان خطوبه 

_________________

في قاعه فخامه جدا 

بيكون في ناس كتير جدا و صحافه ف اليوم خطوبه نور سليم الالفي علي عمار الشرقاوي 

في غرفه البنات 

اسيل: بجد شكلك تحفه يا نور 

ريم: ايوا فعلا... عمار مش هينزل عينه عنك طول الفرحه 

نور: بجد شكلي حلو 

صافي: زي القمر 

ليلي بدموع: بسم الله ماشاء الله ايه الحلاوه دي 

بتحضنها نور 

هدي بابتسامة: مش عايزين عياط بقا....  بيقطعهم خبط علي الباب 

اسيل: اهو العريس وصل...  و بتروح بتفتح الباب.. لاكن بيكون ريان 

اسيل بضحك: دا ابيه ريان 

بيدق قلب ريم و بتكون فرحانه 

بيدخل ريان و بيكون وسيم جدا كان لابس بدله سوده و جزمه ومصفصف شعره بطريقه تحفهه 

ريان بابتسامه: ايه الحلوه دي يا نوري 

نور و هي بتحضنه:  ربنا يخليك ليا يا ابيه 

ليلي بضحك: اومال فين عمار.... بيقطعهم دخول عمار 

عمار بضحك:  انا اهوو... بس وقف مكانه و هو بيطلع علي نور 

فكانت نور لبسه فستان ابيض صق و طويل و بكمام واسعه و سايبه شعرها و ميكب رقيق 

عمار بذهول: ايه الحلوه دي 

بتبتسم نور بخجل: شكرا انت احلي 

بيروح عمار و بيمسك ايدها: يلا 

نور بابتسامه و خجل: يلا 

استووووووووب 

#روايه_عشق_الريان 

القاعه كلها مطفيه،  نور خفيف بس بيبرق من السقف، و الكل واقف مستني لحظه... 

و فجأه... 

بدات موسيقي هاديه تدندن،  ناعمه،  بتحكي حكايه حب اتكب بقلوب صافيه.. 

الباب اتفتح ببطء و كل العيون اتوجهت ناحيته.. 

عمار دخل و ماسك ايد نور، مشين جنب بعض بخطوات هاديه متناسقه.....  نور كانت حلوه جدا ميكب رقيق و فستانها بسيط،  و عيونها فيها لمعه خفيفه،  و وشها منور،  و الخجل باين في ضحكتها.. 

عمار كان لابس بدله شيك جدا لونها غامق،  و وشه كله فرحه.... 

الناس بدات تسقف و زغاريط عليت....  و الكل كان فرحان 

بيقرب سليم من نور و بيحضنها 

سليم بفرحه و حب: ايه اللجمال دا كله يقلب ابوكي 

نور بخجل و فرحه: حبيبي يا بابا 

بتقرب شهيره من عمار و هي بتمثل الفرحه... 

شهيره بفرحه مصتنعه: مبروك يحبيبي الف مبروك.... و بتحضن نور مبروك يحبيبتي 

نورو عمار: الله يبارك فيكي يا حبيبتي.... 

وصلوا للمسرح..  و واقفوا قدام الكل..  

عمار بهمس: من انهارده..  كل خطوه في حياتي همشيها وانتي ايدك في ايدي،  بحبك يا نوري 

نور بخجل و حب شديد: وانا مش عايزه غيرك في دنيا دي كلهاا،  بحبك ❤

فجأه سابوه ايدين بعض... بسبب الناس اللي بتباركلهم لاكن عيونهم متعلقه ببعض.... 

༺༺༺༺༻༻༻༻

علي ترابيزه العيله 

الجد سليمان بفرحه: شكلهم حلو اووي بسم الله ماشاء الله 

ليلي بفرحه: ربنا يخليهم لينا ياارب 

علي بضحك:  ما تزغرطي يا ليلو بالي كتير مسمعتش زغروطه حلوه منك 

هدي بفرحه و ضحك: ايوا يلا يا ليلي 

بتزغرط ليلي بفرحه: لولولولولولولولولي 

سليم بغمزه و ضحك: مفيش احلي من زغروطك يا ليلو 

صافي: فعلا معاك حق يا سليم 

رسلان بضحك:  فككوا من كل دا هاا ايه رايكم في البدله...  فكان لابس بدله كحلي و كان وسيم جدا 

صافي بضحك: زي القمر يحبيبي 

رسلان: يعني في امل ان الاقي عروسه انهارده 

علي بضحك: انت جاي تشقط بقا 

رسلان بضحك: ايوه ههههههههه 

فؤاد باستغراب: اومال ريم و اسيل فين و كمان ريان 

ليلي: ريم و اسيل هناك اهم جايين،  لاكن ريان معرفش 

سليم: ريان بيستقبل اللوا مراد البحيري و عيلته....  هما اتأخرو و مفيش حد واقف يستقبلهم 

سليمان بعتاب: كده يا سليم يلا نروح عشان نستقبلهم مينفعش كده 

علي: معاك حق يا عمي 

سليم:  خلاص تمام يلا 

ريم بضحك:  ايه الحلاوه دي صافي هانم صغيرتي ولا عشرين سنه 

صافي بضحك: بس يا بكاشه....  و بعدين انتي احلي 

ريم: حبيبتي يا عمتوووو.... فكانت ريم لبسه فستان احمر لحد ركبه و صندل ابيض و شنطه بيضه و سايبه شعرها 

اسيل بضحك: وانا ايه شفافه يعني 

ليلي: انتي كده كده قمر يا سيلوو 

اسيل:  انتي اللي في القلب يا ليلوو... لبسه فستان بينك هادي،  نازل علي الكتفين برقه..  كانوا من شفون شفاف نازل علي دراعها برقه..  منطقه الصدر في تطريز بسيط..  الفستان كان مجسم علي خصرها و نازل باتساع....  و شعرها مرفوع نص رفعه....  فكانت قموره جدا 

اسيل بذهووول: ايه دا مين مزههه دي 

بيبص الكل علي مكان ما بتبص اسيل

༺༺༺༺༻༻༻༻

امام باب القاعه واقف الجد سليمان بهيبته، و بجنبه ابنه سليم بكل واقاره،  ووراهم ريان لابس البدله سودا كانها مصممه لي، ملامحه فيها قوه الرائد..  بس عينه هاديه و كأنه مستني حاجه 

و فجأه بتدخل عيله البحيري 

اللوا مراد البحيري دخل الاول بشموخه و جنبه زوجته هنا ببساطتها واناقتها،  ووراهم مهاب بشيكته ولابس بدله رمادي و،  دخلت دنيا لابسه فستان بينك فاتح مائل لسكري و بيلمع بلطف و حجبها بنفس لون الفستان... 

بس اللحظه اتجمدت... 

لما ظهرت هي..  سجده فستانها كان بلون السماويه القماش من الشفيون الناعم و فوقي بطانه، كان فضفاض و ناعم من عند الصدر و في تطريز بلون الفضي المطفي، و الاكمام كانت طويله و واسعه شويه من الطرف وفي شغل بسيط من الخرز الصغير حوالين الكم و بيلمع لمعه خفيفه، و حجابها كان نفس لون الفستان، مكياجها ناعم يبرز جمالها الطبيعي،  و ملامحها البريئه.. كلها خجل  و هدوء 

الجد سليمان لاحظ نظرات ريان لسجده  و بصله بطرف عينه 

هنا: تشرفنا بحضرتك 

سليمان: الشرف لينا نورتوا المكان... و بعد سلامات و ترحيب دخلت عيله البحيري 

برغم ان سجده فستانها كان بسيط، الا و لفتت نظر كل الموجودين بجمالها..... 

༺༺༺༺༺༻༻༻༻༻

اسيل بذهووول: ايه دا مين المزهه دي 

ليلي: واو مين القمر دي 

رسلان: ايه دا هو في جمال كده 

و بيكون عيله كلها منبهره بجمالها 

بتقرب عيله البحيري من عيله الالفي 

هنا بتقرب من ليلي و بتحضنها:  الف مبروك و عقبال ريان 

ليلي بضحك: الله يبارك فيكي يا حبيبتي عقبال مهاب.... و مين البنات الحلوين دول 

هنا: دي سجده بنتي 

ليلي: بسم الله ماشاء الله ايه الجمال دا 

سجده بخجل:  احم شكرا لحضرتك انتي احلي و عيونك اللي حلوين 

بتقرب عليها ليلي و تحضنها..... بيبتسم ريان لان بيحس ان امه اعجبت ب سجده و حبيتها 

ليلي و هي بتشاور علي دنيا: و دي مين 

بيبص ريان علي مهاب بخبث،  و في نفس الحظه بتبص سجده علي دنيا بخبث 

ريان و سجده  مع بعض بصوت واحد:  دي دنيا خطيبه مهاب 

مهاب و دنيا بيبصوا لبعض بصدمه،  بينما ريان و سجده بيبصوا لبعض بتفاجا.... 

سليم:  ايه دا انت خطبت امتي يا مهاب 

مهاب بتوتر:  ها احم 

اللوا مراد حب ينقذ الموقف:  احم لا لا دي قرايه فاتحه بس 

سليم:  اه قول كده عموما الف مبروك يا مهاب 

مهاب:  احم الله يبارك فيك....  بيبص مهاب علي سجده و ريان بتوعد...  بينما دنيا بتكون مكسوفه جدا من اللي سجده قلته  ... بيقطع نظرات كلام رسلان 

رسلان بضحك:  بقولك يا سجده 

سجده باستغراب:  احم نعم 

رسلان بضحك:  اسمي رسلان يستي و ابن خال ريان و ابن عمتو برضو 

سجده بابتسامه:  اهلا وسهلا 

رسلان و هو علي نفس ضحكه:  احم هي دي عيونك 

سجده بخجل شديد:  اه عيوني 

ريان بضيق:  وانت مالك انت عيونها ولا مش عيونها... الكل بيلحظ ضيق ريان 

مهاب بضحك:  طب ايه مش هنسلم علي العريس و العروسه 

بتتجه عيله البحيري مع سليم... لمباركه عمار و نور. 

علي بتضيق عيون:  امم بقا هي دي صح 

ليلي بفرحه:  ياريت والله تكون هي 

صافي بضحك:  اكيد هي دي اللي خلتك تضحك كده صح 

ريم بتكون هتموت من الغيظ و الغيره 

ريم بغيره:  هي مش حلوه اصلا 

ريان بغضب:  انتي اللي حلوه مثلا.... و بيسبهم و يمشيي

و الكل بيبص عليه بذهوووول شديد

༺༺༺༺༺༻༻༻༻༻

مراد و هو بيسلم علي عمار:  الف الف مبروك يا عمار 

عمار: الله يبارك فيك يا سياده اللوا 

هنا بتقرب من نور:  الف مبروك يحبيبتي 

نور بخجل:  الله يبارك فيكي.... و بعدين بتلاقي بنت جميله جدا و طبعا بتكون سجده 

نور:  انتي اكيد اخت مهاب مش كده 

سجده بخجل:  اه انا سجده،  و الف مبروك ربنا يتمملك علي خير 

نور:  الله يبارك فيكي...  و بتبص علي ريان بخبث و عقبالك 

دنيا بخجل:  احم الف مبروك 

نور: الله يبارك فيكي يقمر 

بيقرب مهاب من عمار و هو بيضحك: الف مبروك يا عم 

عمار بضحك:  الله يبارك فيك يا مهاب عقبالك 

مهاب بهمس: ابن عمتك دبسني تدبيسه سوده 

عمار بهمس:  عمل ايه 

بيحكيلو مهاب....  بينفجر عمار من ضحك 

مهاب بغيظ:  انت بتضحك 

عمار بضحك:  هموووت مش قادر.... و بعدين هو ريان بس ما اختك كمان 

مهاب بغيظ:  طب اتلم و خلي ليلتك تعدي علي خير 

عما بخوف مصتنع: انا اسف يا كبير 

بينما ريان عيونه ما ذالت علي سجده مش قادر يشيل عيونه عنها 

ريان لنفسه:  انا مالي مكنتش كده معقول اكون حبيتها....  و بيوقف عند كلمه حبيتها و بيتصدم....  لا انا فعلا حبيتها 

ريان بضحك: اهو شكلي وقعت 

༺༺༺༺༺༺༻༻༻༻༻༻

بتنضم عيله البحيري مع عيله الالفي 

و بيكون الكل حب هنا و سجده و دنيا 

اسيل بضحك:  بس انتي قموره اووي يا سجده...  وانتي كمان يا دنيا 

سجده بضحك:  انتي احلي 

دنيا بضحك: دا انتي اللي قمر...

و الكل بيضحك و بيهزر مع بعض في وسط جو من الفرحه 

ما عدا ريم اللي هتموت من الغيره و الغيظ من سجده....  و شهيره اللي بتتمني الحفله دي تخلص 

༺༺༺༺༻༻༻༻

ريان و مهاب و اقفين مع بعض 

مهاب:  انت يبني انت مش مركز معايا ليه 

ريان:  نعم عايز ايه يا زفت 

مهاب بغيظ: هو اللي عايز ايه..... ايه اللي انت قولتو لعيلتك دا منك لله

ريان بخبث:  الله ما شكلها هتبقا خطيبتك قريب 

مهاب:  اسكت اسكت منك لله 

ريان:  المهم عايز اقولك حاجه انت و سياده اللوا 

مهاب باستغرب:  ايه هي 

ريان:  ثواني....  و بيتجه ناحيه اللوا مراد 

ريان: احم ممكن حضرتك ثواني 

اللوا مراد:  تمام 

مهاب:  في ايه يبني 

ريان بتوتر:  احم بصراحه كده انا بحب سجده و كنت احم عايز اتقدملها....  لحظه صمت عدت علي مهاب و مراد 

مراد:  انت مجنون 

ريان برفعه حاجب:  ليه ان شاءلله قولت حاجه غلط 

مراد بضحك:  يبني انت سبني اكمل كلامي اقصد  انت مجنون عشان لسه بتسال طبعاا موافق 

مهاب بضحك:  يالهوي هو انا مش هخلص منك لا و كمان عايز تبقي جوز اختي 

ريان بضحك:  هههههه يبني انت تقدر تعيش من غيري و بيكمل احم بس ممكن يعني اتكلم معاها 

مراد:  تمام مفيش مشكله انا واثق فيك يا ريان 

ريان بابتسامة:  متقلقش وانا قد ثقه دي 

༺༺༺༺༻༻༻༻ 

عند سجده بتكون في الحمام و خارجه بتتخبط في شخص 

سجده و هي بتعتزر:  انا اسفه مكنتش اقصد و بترفع عينها بتتفأجا بريان قدامها 

ريان بابتسامة:  ولا يهمك 

سجده بتوتر:  احم تمام شكرا و لسه هتمشي،  بتلاقي اللي بيمسك ايدها 

ريان:  احم ممكن نتكلم 

سجده بتوتر و قلبها بيدق:  احم ماشي بس هتتكلم في ايه 

ريان بابتسامة: تعالي برا القاعه مش هنا 

سجده:  احم هقول.....  بيقطعها ريان متقلقيش قولت لمهاب و اللوا مراد 

سجده بتوتر:  احم تمام....  بيمد ريان ايده لسجده...  بتطلع سجده لايده بحرج و توتر شديد.. 

ريان بابتسامة:  متقلقيش...  و بيهز راسه بمعني انها تمسك ايده 

بتحط سجده ايدها في ايده بخجل شديد و قلبها بيدق جاامد. 

بيضغط ريان علي ايدها و بيخدها و يخرج بيها برا القاعه 

بتشوفهم العيله و بتتفاجا 

༺༺༻

هنا بصدمه:  مش دي سجده اللي مع ريان 

مراد:  ايوا 

ليلي باستغراب:  ازاي 

سليم بضحك:  ابنك قالي ان طلب من مراد ايد سجده 

ليلي بفرحه:  انت بتهزر صح 

بتتصدم العيله كلها من طلب ريان 

هنا:  دا بجد يا مراد 

مراد بضحك:  ايوا بجد و هو طلب مني ان يتكلم مع سجده و يقولها هو 

سليمان بفرحه لحفيده:  انا مش مصدق ان ريان هيتجوز 

صافي بضحك:  ريان هيودع ايام العزوبيه 

علي: و اخيرااا

اسيل بفرحه:  شكل افرحنا هتكتر قريب 

فؤاد بضحك:  مش مصدق ان ريان ممكن يتجوز 

علي بضحك: بصراحه ولا انا 

 بيكون الكل مبسووط بالخبر ما عدا شهيره و  ريم اللي عيونها اتملت دموع،  بتلحظها هدي 

هدي بقلق علي بنتها:  ياارب اقف معاها و شيل حب ريان من قلبها يارب

༺༺༺༺༻༻༻༻

عند نور و عمار

نور بضحك:  عمار الحق بص كده 

بيبص عمار مكان ما بتشاور ريم 

عمار بذهووول:  ايه دا،  دا ريان 

نور:  شكله كده اوي يتجوز قريب 

عمار بضحك:  مش قادر اصدق 

نور: بصراحه ولا انا،  بس بصراحه سجده قمرر اووي 

عمار بابتسامة:  تصدقي لايقين علي بعض 

نور بابتسامة: معاك حق 

༺༺༺༺༻༻༻༻

عند سجده و ريان 

سجده بخجل:  احم نعم بقا عايز ايه 

ريان بدون اي مقدمات:  انا بحبك 

استوووووووووووووب 🖐🏻

#روايه_عشق_الريان 

عند سجده و ريان 

في ركن هادي خارج القاعه... 

سجده بخجل: نعم بقا عايز ايه 

ريان بدون اي مقدمات: انا بحبك 

سجده بصدمه:  ايه 

ريان بابتسامة: بحبك 

سجده بخجل شديد و قلبها بيدق بقوه: امتي و ازاي 

ريان بتنهيده:  من يوم ما شوفتك فيه حاجه جوايا اتغيرت، وانا مش من نوع دا اللي بيصدق في الإحساس من اول مره،  لكن انتي كسرتي القاعده دي 

سجده مصدومه و بتبتسم بارتباك:  احنا قبلنا بعض يا ريان مرتين... مرتين بس...  و دي تانيه 

ريان يميل شويه بصوته:  عارف...  و عشان كده مش قادر اسكت اكتر... انا بقيت افكر فيكي بشكل مش طبيعي... انا حاسس نحيتك بحساس عمري ما حسيته... و بيكمل بتنهيده.. عمري ما فكرت احب اصلا ولا كان في قموسي احب، بس حبيتك.. انا مش مستني منك رد دلوقتي خدي كل وقتك..  انا بس حبيت اقولك اللي فقلبي 

سجده واقفه مصدومه و متوتره جدا 

سجده بخجل شديد: احم ممكن نرجع بقا 

ريان بابتسامة:  عيوني....  بس ياريت تفكري كويس 

سجده بخجل:  مااشي 

---

انضموا نور و عمار للعيله 

عمار بضحك:  قولت ولا مقولتش لما كان جاي مبسوط من العزومه 

سليم بضحك:  هههههههه حصل انا فاكر 

نور: ايوا كان جاي بيضحك و دا مش في قموس ريان الالفي 

مهاب: اهي سجده اختي دي هتربي 

ليلي بضحك:  ليه بتقول كده دي عسل 

مهاب:  بكره تعرفي و تقولي مهاب كان معا حق 

هنا بغيظ:  سجده... دي سجده دي حتي سكره كده 

دنيا:  ايوا يا طنط والله... ع فكره هقولها عن اللي انت قولته يلا بقا 

مهاب بغيظ:  والله 

مراد بضحك:  دي لو سمعتك هتنفخك يا مهاب 

صافي بضحك:  احنا كده نحظر ريان بقا 

سليمان بفرحه و ضحك:  اسكتي احنا ما صدقنا ريان هيطلع من حاله برود دي 

علي:  اه بجدد لا اسكتي يا صافي احسن 

اسيل بضحك:  اهم هناك جايين 

بيبص الكل عليهم

----

بتكون سجده ماشيه جنب ريان و وشها محمر... و ريان مبتسم 

بتروح سجده بتقف جمب ابوها بخجل 

بيبتسم مراد عليها....  مهاب بغيظ...  انتي قولت ايه لاختي خليت و وشها محمر كده 

ريان بجرائه و ضحك:  قولتلها بحبك 

بيتصدم الكل من جرائه ريان 

مهاب بغيظ شديد: والله و بتقولها قدامنا عادي كده... يبني طب اتكسف حتي 

ريان برفعه حاجب:  انت مالك 

بيضحك الكل عليهم 

رسلان بضحك:  لا معلش يا جماعه هو فين ريان 

اسيل بضحك:  اختفي 

فؤاد بصدمة:  وربنا ما قدر اصدق لحد دلوقتي 

مهاب بضحك:  ياااااه يابني انت كنت معاهم تلاجه ولا ايه 

هدي بضحك:  كلمه تلاجه قليله عليه 

هنا بضحك:  ايه دا متهزروش دا لما كان عندنا مكنش بيعمل حاجه غير ان يضحك 

ليلي:  ابني شكله هيتبدل علي ايه ايد سجوده...  ولا ايه يا سجده 

بتبسم سجده بخجل و مش بترد 

مهاب بغيظ:  اهي سجده بقا اللي هتربيك يا ريان بيه 

دنيا بضحك: تعرفي يا سجده من صبح وكل شويه يجيب في سيرتكو يقول انتي اللي هتربيه و مش بيشكر فيكي ابدا 

سجده و قد تناست خجلها و هتفت بغيظ: حسابنا في البيت يا هوبااا ان ماطلعت عليك الجديد و القديم مب..... بتسكت فجأه لما بتسمه ضحك العيله عليها... بتبص علي ريان بكسووف 

ريان بضحك:  ههههههههههه متقلقيش هطلعه انا عليه....  انت اهبل يا مهاب ازاي تجيب سيرتها انا مسمحلكش 

بتطلعله سجده لسانها... 

مهاب بغيظ:  والله بقولك ايه انا مش موافق عليك مش هستحمل تكون جوز اختي لا 

سجده بغيظ:  و انت مالك انت... بيغمزلها ريان..... بتسكت سجده بكسووف 

مراد بضحك:  ملكش دعوه بيها يا مهاب دي سجده دي حتت سكره و بيحضنها 

مهاب بضحك و غيظ: انت هتقولي

بيضحك الكل علي منغشتهم في بعض.....  و انتهت حفله الخطوبه...   و بتمشي عيله البحيري بعد هزار و ضحك و سلامات العيله....  

-----

في قصر البحيري

في صالون 

مراد بهدوء:  الكل يطلع يغير هدومه و وانتي يا سجده عايزك تنزلي  تمام... و بيتجه علي غرفته...  و هنا بتلحقه 

سجده باستغراب:  ياترا بابا عايز ايه 

مهاب: اكيد هيسالك عن رايك في ريان 

سجده بخجل:  اه ماشي 

بيقرب مهاب و بيحضنها....  مهاب:  لو انتي مش موافقه عادي قولي و متقلقيش ابدا انا جمبك دايما 

بتبتسم سجده: حبيبي يا هوبااا 

دنيا بضحك:  طيب يلا نطلع نغير هدومنا و تنزلي لعمو ولا ايه 

سجده: اه يلا... و بيتجه كل واحد علي غرفته 

----

في قصر الالفي 

بيكون الكل متجمع و مبسوطين 

ليلي بفرحه: مش قادره اصدق ان ريان هيتجوز 

سليم: مش لما سجده توافق

ليلي بضحك: من ناحية دي متاكده انها هتوافق و بتحبه كمان 

ريان بضحك: و عرفتي منين بقا انها بتحبني 

ليلي:  عندي نظره 

علي بضحك:  وانتي هتقوليلي..

عمار بضحك:  اخيرا هتجوز يا ريان 

صافي: مفيش حد مصدق

فؤاد: وانا اكتر حد مش مصدق 

بتبص ريم عليهم بضيق و تطلع علي غرفتها... بتلاحظ هدي بنتها 

---

في قصر البحيري 

بعد ما الكل طلع يغير هدومه في قصر البحيري…

سجدة في غرفتها قدام المراية، ماسكة الطرحة بتعدلها، بس دماغها مش معاها خالص…

تفتكر صوت ريان وهو بيقول: "أنا بحبك"، وتحس قلبها بيدق تاني بنفس القوة.

تحط إيدها على وشها بخجل:

سجدة بهمس لنفسها: هو أنا إيه اللي حصلي… دا احنا اتقابلنا مرتين! بس… هو شكله صادق.

تسمع خبطة خفيفة على الباب.

سجدة: ادخل.

تدخل دنيا بابتسامة واسعة: يا نهار أبيض… وشك أحمر كده ليه يا يا سجوده؟

سجدة بتتلعثم: لا… مفيش… الجو حر.

دنيا بضحك: حر؟! دا أنتي شكلك مولع. لا بقى احكيلي… هو قالك إيه برا القاعة؟

سجدة بخجل وبتلف وشها: مفيش…

دنيا: لا، دا أنا هعرف منك حتى لو هفضل قاعدة طول الليل.

---

في نفس الوقت، في قصر الألفي…

ريان واقف في بلكونة جناحه، بيشرب قهوته، وعينه سرحانة في السما.

عمار داخل عليه: انت فين يا ابني؟ من ساعة ما رجعنا وانت ساكت…

ريان بابتسامة: كنت بفكر.

عمار بضحكة: بفكر في إيه؟ ولا في مين؟

ريان وهو بيشرب: سجدة.

عمار بضحك: آه كده بقى… قلتلك ايه لما قولتلها بحبك ؟

ريان: مردتيش... بس كانت خجوله جدا...  و بيبتسم 

عمار بدهشة: إيه؟ 

ريان بابتسامه هادئه: بس متاكد انها بتحبني 

---

في قصر البحيري…

دنيا قاعدة مع سجدة على السرير، وبتقول لها: بصي… أنا شايفة إنك بتبتسمي من غير ما تحسي أول ما اسمه بيتقال، ودي كفاية بالنسبة لي.

سجدة بخجل وهي بتضحك: سكتي بقى يا دنيا .

دنيا بضحك: ماشي… بس أنا متأكدة إنك مش هتقدري تنامي الليلة.

---

في صالون 

بيكون قاعد مراد مع سجده 

مراد بهدوء: انتي عارفه اني مستحيل اغصبك علي حاجه 

سجده: ايوا عارفه 

مراد: طب وانتي ايه رايك في ريان 

سجده بخجل: احم هو و بتتوتر... 

مراد بضحك:  يعني موافقه 

سجده بخجل:  امم 

مراد بفرحه:  تعرفي ريان عندي زي مهاب بظبط.... كنت بتمني واحد ليكي زي ريان... بس اهو ريان نفسه قال بيحبك 

سجده: احم وانا كمان ان جذبت لي... 

مراد بفرحه:  و اكيد هتحبي و انا متاكد 

في آخر الليل…

سجدة في سريرها، تحاول تغمض عينيها، لكن صورة ريان مبتسم وهي قدامه مش بتروح من دماغها…

وفي نفس اللحظة، في قصر الألفي، ريان بيبص لموبايله، يكتب رسالة وبعدين يمسحها… يكتب تاني ويمسح… لحد ما قرر يكتب:

"تصبحي على خير… يا سكر"

ويبعتها…

موبايل سجدة بينور، تشوف الرسالة وتبص لها بخجل وضحكة صغيره... و تحط الموبايل علي صدرها و هي بتتنفس بعمق.... 

---

تاني يوم الصبح – قصر البحيري

سجدة بتصحى بدري، بس مش قادرة تركز في أي حاجة… بتبص في المراية وهي بترتب حجابها، وفجأة تفتكر رسالة "تصبحي على خير… يا سكر" اللي بعتها ريان… تحس قلبها يدق تاني.

هنا بتدخل الأوضة وهي شايلة صينية فطار صغيرة:

هنا بضحك: صباح السكر… ولا أقول صباح ريان؟

سجدة بخجل: ماماااا بلاش بقى.

هنا: ما هو باين من عنيكي، خليكي فاهمة إني أمك وعارفة كل حاجة.

بترن سجده علي ساره صحبتها و بتحكلها كل حاجه.... 

---

في قصر الألفي – نفس الوقت

ريان بيقف قدام المراية وهو بيظبط بدلته، بيبص لنفسه بابتسامة نصها ثقة ونصها تفكير…

عمار وهو داخل: إيه يا باشا… رايح شغلك ولا رايح تشوف العروسة؟

ريان بضحكة هادية: ولو قلت لك الاتنين؟

عمار: آه كده بقى… بس خلي بالك يا ريان، البنت دي بريئة أوي، متخوفهاش من أولها.

ريان بابتسامة: أنا عارف أتعامل معاها كويس.

---

في الجامعة

سجدة ماشية مع ساره وصاحبتهم في الكلية، لابسة لبس بسيط وأنيق، بس وشها محمر أول ما شافت عربية ريان واقفة بعيد.

ساره بضحك: إيه ده؟ هو جاي هنا؟

سجدة بتتلخبط: لا… يمكن… مش عارفة!

ريان بينزل من العربية، يمشي بخطوات واثقة ناحية سجدة، عينه عليها بس، واللي حواليها اختفوا من تركيزه.

ريان بابتسامة خفيفة: صباح الخير يا سكر.

سجدة بخجل وهي بتبص في الأرض: صباح النور.

ساره بضحك: خلاص يا جماعة… إحنا هنسيبكوا نكمل المحاضرة.

سجدة: سارررره!؛ 

ريان بضحكة: سيبيها تمشي… أنا كنت عايز أكلمك دقيقة.

---

عند سور الجامعة

ريان بهدوء: أنا عارف إني استعجلت امبارح، بس كان لازم تعرفي إحساسي…

سجدة وهي بتحاول تسيطر على ارتباكها: أنا… لسه مش عارفة أرد.

ريان بابتسامة مطمّنة: خدي وقتك… بس أوعديني إنك مش هتصديني.

سجدة بهمس:  مقدرش 

ريان بابتسامه:  حلو كده هعرف ان لسه في امل كبير....  برغم اني متاكد انك موافقه.... بس مكسوفه و بيغمزلها 

استووووووووووب🖐🏻

#روايه_عشق_الريان 

مديرية الأمن

في مكتب اللواء مراد…

الجو جدي، أوراق وتقارير على المكتب، ومهاب قاعد بيكتب حاجة على الكمبيوتر.

ريان بيخبط ويدخل بابتسامة واثقة: صباح الخير يا فندم… صباح الخير يا باشا.

مراد بابتسامة بسيطة: صباح النور يا ريان، اتفضل.

مهاب وهو بيرفع عينه من الشاشة: يااااااااااااه....  ايه تاخير دا يباشا 

ريان بضحكة خفيفة: انت مالك يخفيف 

مهاب بغيظ: كنت فين 

مراد بضحك: بطلوا هزار شوية… إحنا في شغل.

ريان بيقعد قدام مراد وبيفتح ملف: أنا جاي أبلغ حضرتك عن اخر التطورات في القضية ….

مراد: خير… قول.

ريان يبدأ يتكلم بجدية، صوته حازم وعينه على الملفات، يشرح الخطة والخطوات المطلوبة.

مهاب وهو بيسمعه، يحاول يركز، لكن كل شوية يبص له بنظرة فيها معنى: إنت فاكر إني مش واخد بالي انك كنت عند سجده في الكليه؟

ريان وهو بيكمل الشرح يلاحظ النظرة، فيقف لحظة: فيه حاجة يا باشا مهاب؟

مهاب بابتسامة باردة: لا… كمل يا عريس.

مراد بيرفع حاجبه: عريس إيه يا مهاب؟! إحنا في شغل دلوقتي.

ريان بضحكة خفيفة: لا ما هو واضح إن مهاب عنده حاجة عايز يقولها.

مهاب: أقولها؟ حاضر… بس فاكر إنك واقف قدام أبوها.

ريان يرد بثقة: عارف… وعشان كده كلمته قبل ما اروح ليها يباشا .

مراد بابتسامة فخورة: هو ده الكلام اللي يعجبني… انت راجل يا ريان و انا واثق فيك 

مهاب بغيظ : راجل اه… بس أنا لسه مش موافق.

ريان وهو واقف يستأذن: هتوافق غصب عنك… يا باشا.

مهاب بيرمي القلم: استنى لما أشوفك بره المكتب.

ريان بابتسامة منتصرة: هشوفك يا هوبا.

مراد يهز راسه وهو بيضحك على مناغشتهم، وبصوت منخفض يقول لنفسه: شكل البيت عندي هيولع قريب.

---

في قصر الالفي 

في صالون 

ليلي بابتسامة: تفتكرو سجده توافق 

صافي: باين في عينها انها معجبه بيه.... بس دا ميمنعش ان ريان يتقدم ليها رسمي 

سليم: اكيد طبعا... بس لما نعرف هتوافق ولا لا 

هدي:  ان شاءلله هتوافق....  و بتطلع علي بنتها بنظره تفحص... 

 الجد سليمان: انا حاسس انها موافقه بس هي مكسوفه اكيدد ترد 

نور: اكيد يا جماعه...  و تكمل بغرور مصتنع.. انا اخويا ميترفضش

اسيل بضحك:  لا ممكن سجده ترفضه عادي 

رسلان بضحك:  البت دي قمر... ريان محظوظ بيها اوووي 

عمار بضحك:  تغرف لو سمعك هيعمل فيك ليه 

رسلان بخوف: احم كاني مقولتش حاجه 

بيضحك الكل عليه 

فؤاد: سليم يلا لازم نروح شركه عندنا اجتمع 

سليم بتذاكر:  اه صح دا انا نسيت يلا 

ليلي:  هترجعو امتي 

فؤاد:  كلها ساعتين او تلاته 

سليم:  في رعايه الله 

عمار:  وانا هطلع اوضتي عندي شويه ملفات محتاجه مراجعه 

صافي:  ماشي يحبيبي ربنا معاك 

عمار باستغراب:  فين ماما 

ليلي: منعرفش من صبح مختفيه 

عمار بهدوء:  تمام...  و بيطلع غرفته 

بينما بيفكر الجد سليمان، با ختفاء شهيره كتير 

سليمان لنفسه:  يا ترا بتعملي مصيبه ايه يا شهيره 

------

في الجامعه _ عند سجده 

في كافتيريا 

ساره بغمزه: هاا قولي قالك ايه لدرجه انك محمره من وقت ما مشي و حتي مركزتيش في المحاضره 

سجده بخجل:  اسكتي انتي مالك الله 

ساره بغيظ: ما نلقي احبابه نسي صحابه 

سجده بضحك: هههههههه... دا انتي اللي في القلب يا سرسوره 

ساره:  ما هو باين 

سجده: خلاص هقولك........  و بتحكلها 

سجده:  و بس كده 

ساره:  يالهوي دا واقع واقع يعني....  و بتكمل بغمزه.  وانتي 

سجده باستغراب:  وانا ايه 

ساره: بتحبي؟! 

سجده بخجل:  مش عارفه بس لما بشوفه قلبي بيدق اوووي بشكل غريب... انا معجبه بيه و بشخصيته اوووي.. شخص واثق من نفسه..  بس شكلي كده حبيته

ساره بضحك:  قلبتي شاعره فجأه 

سجده بضحك و خجل:  بس يا بت.... بس انا فعلا بحبه 

ساره: هيححححح يارب عقبالي 

سجده بحب: ياارب يا سرسوره 

-----

في اسكندريه عند عم دنيا 

عبده: يلا اكتب  يا شيخنا 

فتحي: يمعلم قولتلك هجبها حتي لو تحت الارض بس اديني مهله يومين كمان 

عبده بغضب:  انا قولت اللي عندي هتحوز بنتك يعني هتجوزها....  و لما تلافيها هطلق بنتك 

فتحي بغضب:  لا مفهمتش دي بنتي انت اتجننت 

عبده بصوت عالي:  انت بترفع صوتك عاليا انا 

فتحي بتلعثم: انا مش قصدي يا معلم عبده بس دي بنتي 

عبده: وانا قولتلك هطلقها بس لما تحيب دنيا و اهو اضمن حقي 

فاطمه ببكاء: ونبي يا بابا ونبي يا ماما مش عاوزه اتجوزه 

سعديه:  لا لا انا لايمكن اوفق تجوز بنتي دا مستحيل 

عبده: اسكتي ملكيش دعوه هتحوزها يعني هتجوزها 

فتحي بضيق: خلاص يا سعديه خليه يتجوزها لحد ما نلاقي دنيا 

سعديه بغضب:  انت اتجنتت... انت عايز تجوز بنتك لواحد زي دا 

عبده بغضب:  و مالي بقا ياست سعديه... و ببكمل اكتب يشخينا 

فاطمه ببكاء و صريخ:  لا لا مش عايزه اتجوز انا لا 

الشيخ:  مينفعش اكتب و البنت مش موافقه 

عبده و هو بيحط سلاح علي راسه:  هتكتب ولا تاخدلك طلفه و تريحني 

الشيخ بخوف:  هكتب هكتب....  و بيتم كتب كتاب

عبده بسخرية:  يلا يا حلوه ولا ايه 

فاطمه ببكاء و هي بتحضن امها بخوف:  لا لا مش عايزة اجي معاك 

عبده و هو بيشدها من. حضن سعديه يلاا يبت انتي.....  و بياخدها و بيمشي تحت صريخ و بكاء فاطمه و سعديه 

سعديه بغضب و بكاء:  بقا بترمي بت يا فتحي 

فتحي بغضب:  اعمل ايه يعني اومال اتسجن... و بيسبها و يمشي 

و بتبكي سعديه علي بنتها،  بينما منه واقفه بتبكي بصمت 

------

عند المجهول 

مجهول ١:كده كله تمام دفعه تانيه و صلت 

مجهول ٢: اه يا هانم وصلت 

مجهول ١:تمام...  صفقه جايا هكون موجوده معاكو 

مجهول ٢:بس دا خطر عليكي يا هانم 

مجهول ١: ملكش دعوه و شوف شغلك 

و بتبص قدمها بخبث علي صوره ريان و بتعمل عليها اكس...  هتبقااا نهايتك علي ايدي انا يا ريان....  و بتضحك 

------

في قصر البحيري 

في المطبخ 

واقفين دنيا و هنا بيحضروا الغدا مع بعض 

هنا:  كده خلصنا كله زمان سجده و مهاب و مراد علي وصول 

دنيا بابتسامة:  اه يا هنون كله خلص...  هروح احضر سفره 

هنا:  يلا هحضرها معاكي 

بيحضروا سفره مع بعض...  بينما بيدخل مهاب و مراد 

هنا بابتسامة:  نورتو 

مراد بابتسامة:  بنورك يا هنون...  ازيك يا دنيا يحبيبتي عامله ايه 

دنيا بخجل:  الحمدلله يا عمو و حضرتك كويس 

مراد:  انا الحمدلله بخير يحبيبتي 

بينما،  مهاب بيطلع عليها بابتسامة،  و بيلاحظ دا مراد 

مراد بخبث:  شارد في ايه يا هوبا 

مهاب بتوتر:  ها ولا حاجه،  اومال سجده فين 

دنيا:  في الكليه و لسه مكملتش الجمله كانت سجده جت 

سجده بضحك:  انا جيت يا بشر 

هنا: ايه يبنتي صوتك يحبيبتي 

مراد: حمدالله على السلامة يا سجوده اتاخرتي ليه انهارده 

سجده: كان عندي محاضرات انهارده زياده 

مراد:  تمام 

مهاب بخبث:  مفيش حاجه حصلت انهارده 

سجده باستغراب:  زي ايه 

مهاب:  مثلا ريان مكلمكيش 

سجده بخجل:  اه صح نسيت...  احم هو جالي الكليه انهارده 

مهاب بغيظ: امممم...  و كان عايز ايه 

سجده بغيظ:  الله وانت مالك 

مهاب:  بقا كده 

سجده:  اه كده 

مراد: اسكت يا مهاب...  يلا يا حبيبتي اطلعي غيري عشان تاكلي 

سجده بابتسامة:  ماشي يا بابا...  و بتطلع غرفتها 

هنا باستغراب:  ريان راح ليها انهارده 

مراد:  اه..  و كلمني قبل ما يروح 

هنا بابتسامة:  تصدق لايقين علي بعض اووي 

مهاب بغيظ: والله....  بتضحك دنيا علي غيظ مهاب 

مهاب:  انتي بتضحكي 

دنيا بضحك:  انا اسفه مس قصدي هههههههه....  بيبصلها مهاب بضيق و سرعان ما تحول لنظرات حب......  ببخرجه من نظراته علي صوت هنا 

هنا:  يلا سفره جاهزه...  بتنزل سجده 

مراد:  سليم كلمني كان عايز يعرف سجده موافقه ولا لا 

هنا:  و قولتله ايه 

مراد:  قولتله انها موافقه 

مهاب باستغراب:  و هي كانت وافقت 

مراد بابتسامة:  ايوا وافقت انا كلمتها امبارح و قلتلي انها موافقه 

مهاب: اممم 

سجده بخجل:  احم بابا هو ريان جاب رقمي منين... 

مراد:  كلمني امبارحو خدوه 

مهاب:  اممم خدو... و ياترا بقا كلمك يا سجده هانم في ايه 

سجده بغيظ:  وانت مالك يرخم....  و بتكمل و هي قاصده تغيظه علي فكره ممكن اقولو انك بضايقني 

مهاب برفعه حاجب:  والله 

سجده بضحك:  والله 

مراد بابتسامة:  اه و نسيت اقولكم

هنا: نسيت ايه 

مراد:  سليم حدد معاد يجو يطلبو سجده رسمي 

هنا بفرحه:  بجد امتي 

مراد: بعد بكره 

بتبارك دنيا لسجده... 

مهاب:  الله هما مستعجلين كده ليه 

هنا بضحك:  مهاب انت غيران علي اختك 

مهاب بضيق: اه غيران 

سجده بضحك:  متخفش يا هوبااا دا انت حبيبي...  و بعدين هو انا هنساك..  دا انتي الاساس يبني 

مهاب بضحك:  يعني اكيد اهم من ريان 

سجده بحب:  طبعا يبني 

مهاب براحه: كده اطمنت 

بيضحك الكل عليهم 

-----

في قصر الالفي الكل متجمع علي سفره الاكل 

سليم بابتسامة:  سجده وقفت 

ريان بابتسامة و فرحه:  اه عوفت من اللوا مراد 

ليلي بفرحه:  بجد 

سليم: جد الجد... و كمان طلبت منهم ان نزروهم بعد بكره و نطلب ايدها رسمي،،،،،  بيفرح الكل و بيباركوا لريان 

تحت انظار غيره ريم و ضيقها و نظرات شهيره اللي بتطلع عليه بغل 

شهيره بابتسامة مزيفه:  مبروك يا ريان 

ريان بهدوء:  الله يبارك فيكى يا عمتي 

نور بفرحه:  و اخيراا بقا ريان هيعملها و يتجوز 

علي بضحك:  تعرف يا ريان لحد دلوقتي محدش مصدق 

فؤاد بضحك هو الاخر:  اه فعلا 

ريان:  ههههههه اهو هخطب و اريحكم مني 

رسلان: يبختك يبني والله،  و بيكمل و هوبيرفع ايده يارب عقبالي بقا 

عمار بخبث:  تعرف يا ريان 

ريان:  امممم 

عمار:  رسلان قال علي سجده انها زي القمر، بيطلع عليه رسلتن بخوف كبير 

رسلان في سره:  الله يخربيتك يا عمار 

ريان بغضب و بيقوم.من علي الاكل: نعمممممم انت بتقووول عليها قمررر يا رسلان دا انا هموتك انهارده 

رسلان بخوف: اهدي يا كبير واسمع...  منك لله يا عمار الكاب انت...  و بيطلع يجري....  و بيجري وراه ريان 

بيضحك الكل عليهم 

استوووووووووب 🖐🏻

#روايه_عشق_الريان

في قصر الألفي – بعد العشا

الكل لسه بيضحك على مطاردة ريان لرسلان، ورسلان راجع وهو بيعدل هدومه وكأن الحرب خلصت.

ليلي وهي بتمسح دموع الضحك: يا جماعة بجد أنتوا ولاد صغيرين!

ريان وهو بيقعد مكانه، وبصوته واثق: ده علشان يعرف إن بنت اللوا مراد مش أي حد يتكلم عليها.

سليم بابتسامة فخورة: عجبتني يا ريان… تحافظ على خطيبتك من قبل ما تبقى خطيبتك.

شهيرة وهي بتحاول تخفي غلها: أهو لسه ما بقتش خطيبتك يا حبيبي… خلي عندك أمل بس.

ريان بابتسامة باردة: أنا مش بامل يا عمتي...  انا متاكد. 

-------

> في قصر البحيري – غرفة دنيا

كانت قاعدة تبكي على حالها، وعلى اللي وصلت له بسبب عمها ومراته.

دنيا لنفسها وهي بتبكي: لحد إمتى هفضل كده؟ مينفعش أعيش هنا أكتر… الناس استحملتني كتير.

دخلت عليها سجدة ولاحظت دموعها.

سجدة بتجري عليها: مالك يا دنيا؟ بتبكي ليه؟

دنيا ببكاء: ببكي على حالي يا سجدة… كتر خيركم إنكم استحملتوني، بس مينفعش أفضل عبء عليكم.

سجدة وهي بتحضنها: بس يا هَبلة! عبء إيه وكلام فاضي إيه؟ إنتِ أختي.

دنيا: صدقيني… اعتبرتكم عيلتي وحبيتكم، بس مينفعش أفضل هنا أكتر من كده.

سجدة بقلق: قصدك إيه مينفعش تفضلي هنا؟

دنيا ببكاء: هرجع لعمي.

سجدة: انتي مجنونة يا دنيا؟! هو حد مننا عملك حاجة وحشة؟

دنيا: لا طبعًا… إنتو عاملتوني وكأني بنتكم، بس… مش قادره أكمل.

سجدة: طب هدي دلوقتي ونامي، وبعدين نتكلم.

أومأت دنيا بهدوء.

في الصالون

نزلت سجدة وهي ملامحها مش مرتاحة.

هنا: مالك يا سجدة؟ في حاجة؟

سجدة: كنت مع دنيا فوق، شكلها مش مرتاحة.

مراد رافع عينه من الجرنال: دنيا مالها؟ حد ضايقها؟

سجدة: لأ… بس حاسة إنها عبء علينا، وبتقول إنها عايزة ترجع لعمها.

هنا بحدة: ترجع لعمها؟! بعد اللي عمله فيها؟ مستحيل.

مراد بجدية: دنيا مش هتخرج من هنا غير لما تبقى في أمان… وأنا هتكفل بالموضوع. هتكلم معاها.

أومأت سجدة له بهدوء. 

مراد لمهاب: عايزك تعرف كل حاجة عن أهل دنيا.

مهاب بهدوء: تمام.

لكنه كان شاردًا وكأنه يفكر في شيء.

مراد لنفسه: يا رب يا مهاب اللي بفكر فيه يكون صح. 

---

في الإسكندرية – الحارة

في ببت عم دنيا

بيكرن الجو مشحون بتوتر..

سعدية قاعدة على الكرسي الخشبي اللي بيطلع صرير مع كل حركة، عيونها منتفخة وحمرة من كتر البكاء.

فتحى واقف قصادها، بيحاول يخلي صوته هادي، لكن نبرته متكسره

 خلاص يا سعدية… الجوازة حصلت، هنفضل نعمل إيه دلوقتي؟

سعدية رفعت وشها بسرعة، صوتها بيرتجف من القهر:حصلت غصب عني! أنا قلت مليون مرة البت فاطمة صغيرة ولسه مش جاهزة، لكن إنت… إنت اللي بعت بنت أخوك!

فتحى حاول يرد وهو بيتجنب يبص في عينيها: ما تقوليش بعت… عبده ما بيسمعش كلام حد، وأنا لو وقفتله كان هيعملها بالعافية برضه، وساعتها كنا هنخسر أكتر.

سعدية ضربت بكفها على الطاولة الخشبية، الصوت دوى في الصالة الضيقة: تخسر إيه؟! كرامتنا؟ ولا بنتي اللي اتكسرت؟! أنا عايزة بنتي يا فتحي… عايزاها ترجع بيتي دلوقتي!

فتحى سكت، كأنه الكلام اتشل من على لسانه.

في اللحظة دي، خرجت منه من أوضتها، عينيها حمرا وصوتها مبحوح: هنعمل إيه دلوقتي يا أمي؟

سعدية دموعها نزلت غصب عنها:معرفش يا منه… والله معرف.

منه بخطوات بطيئة، وقفت قدامهم وقالت وهي بتبكي:احنا السبب… لو ما كنتوش عملتوا كده في دنيا، ما كانش ده حصل… وأهو أنتم اللي بتدفعوا التمن.

سكتت لحظة، وبعدين بصت في الأرض ومشيت على أوضتها، سابت الكلمة تقطع في قلوبهم.

سعدية فضلت قاعدة مكانها، بتكلم نفسها بصوت مبحوح: بعد ما دنيا هربت… الدور جه على فاطمة… ربنا يستر على منه.

---

تاني يوم – قصر البحيري

الشمس لسه طالعة، والهدوء مالي القصر إلا من صوت عصافير واقفة على سور الجنينة.

سجدة كانت واقفة في البلكونة، بتشرب نسكافيه وبتفكر في كلام دنيا اللي قالته امبارح، وملامح القلق واضحة على وشها.

هنا دخلت وهي لابسة جلابية بيت مريحة، ماسكة كوبايه عصير:صباح الخير يا قلبي… واقفة من بدري ليه؟

سجدة بابتسامة باهتة:صباح النور… ما نمتش كويس.

هنا وهي بتقرب:بسبب دنيا؟

سجدة أومأت: مش قادرة أنسى شكلها وهي بتقول إنها عايزة ترجع لعمها… حسيت إنها بتستسلم.

في اللحظة دي، مراد دخل الصالون ومعاه مهاب، ملامحهم فيها جدية.

مراد بص للهنا وسجدة:أنا ومهاب هنروح النهاردة نشوف موضوع أهل دنيا… لازم نعرف إيه اللي بيحصل معاهم بالضبط.

هنا بقلق:خليكوا حذرين… أنا مش مرتاحة لاهلها! 

مهاب بهدوء لكنه حاسم:متقلقيش… بس الموضوع هيخلص انهاده

سجدة بلهفه: بجد يعني الموضوع هيخلص انهارده 

مراد بهدوء: ايوه

وفي اللحظة دي، ظهرت دنيا على سلم القصر، لابسة طرحتها وهدومها جاهزة للخروج

مراد وقف قدامها، صوته حاد لكن فيه حنية: رايحة فين يا دنيا؟

دنيا بابتسامة خفيفة لكنها باينه انها مكسوره: لازم امشي

مراد: انا و مهاب هنخلص موضوع انهارده و مفيش خروج من القصر يا دنيا..  فهمتي 

دنيا: بس يا عمو... لازم اجي معاكم 

مراد بهدوء: تمام يلا 

مراد لمهاب بصوت واطي: لازم نخلص الموضوع النهارده...  و همعمل الي اتفقنا عليه

هنا: ربنا معاهم...  و بتكمل لسجده.. هروح اعمل فطار يحبيبتي 

سجده بهدوء: مش جعانه يا ماما،  و بتطلع غرفتها

في غرفه سجده بتكون قاعده علي سريرها و قلقانه..  و بتفكر هيحصل ايه..  في نفس الوقت بتسمع رنه تلفونها 

بتبسم لما تلاقي ريان.. 

سجده بهدوء: الو

ريان بابتسامة: " صباح الخير.. عامله ايه النهارده"

سجده بخجل: "صباح النور..الحمدلله كويسه.. انت عامل ايه"

ريان: "الحمدلله كويس.. بعدين بيكمل بابتسامة عرفت انك وقفتي" 

سجده: اممم

ريان بضحك: "ايه الكسوف دا كله" 

سجده: "مش مكسوفه" 

ريان بضحك: "والله..  لا مكسوفه و ارهنك دلوقتي انك عباره عن طماطم" 

سجده بضحك: "الله يعم قولتلك مش مكسوفه" 

ريان بابتسامة:  "ماشي يستي مش مكسوفه..  بس ليه حاسس منبره صوتك في حاجه " 

سجده بصوت مخنوق:  "ايوه الجو عندنا مش كويس بسبب موضوع دنيا و بابا و مهاب و دنيا راحو عند عمها و انا قلقانه اووي" 

ريان بهدوء: " طب ممكن تهدي متقلقيش كله هيبقي كويس... كده كده كان لازم الموضوع يتحل "

سجده: "بس انا قلقانه عليهم اووي" 

ريان و هو بيحاول يطمنها: "متقلقيش هيبقو كويسين...  و ببكمل بهزار يحاول يخرجها من قلقها و خوفها.. و بعدين شكلك مش واثقه في الواد مهاب" 

سجده بضحك:  "لا يعم واثقه" 

ريان بابتسامة: "يبقا اتفقنا بلاش تقلقي و انا هفضل علي تواصل معاكي" 

سجده بهدوء:  "شكرا" 

ريان:  "شكرا علي ايه انا معملتش حاجه  " 

سجده بابتسامة:  "لانك طمنتني" 

---

في قصر الألفي – الصالون الكبير

الجو مليان حركة، ضحك، وكوبايات شاي على الترابيزه.

ليلي:يا جماعة، بلاش دوشة أكتر من كده… أنا عندي صداع!

هدى بابتسامة ساخرة وهي قاعدة بتقلب في مجله:هو في يوم بيعدي من غير دوشة في البيت ده؟!

اسيل وهي قاعدة على الكنبة، بتضحك:أنا شايفة إن الدوشة دي من ريحة البيت… لو هديت هنتخض.

صافي وهي بتاكل قطعة جاتوه:بصراحة أنا مستمتعة… وكمان الكيك حلو، الدوشة بتخلي طعمه أحلى.

نور وهي بتبص على الجد سليمان:جدو، قولهم حاجة بدل ما البيت يتحول لمسرح!

الجد سليمان بابتسامة واسعة:يا بنتي، سيبوهم يضحكوا… الضحك بيطول العمر. وبعدين أنا مبسوط إني لسه سامع أصواتكم كل يوم.

هدى وهي بتغمز لليلى:أهو عمي بيشجعنا… يبقى بلاش نسمع كلامك.

ليلى تتنهد وتضحك: الله هو انا قولت حاجه 

الجميع يضحك، والجو يفضل مليان هزار وكلام متداخل كعادة عيلة الألفي.

------

في اسكندريه _ الحاره

بينزل مهاب من العربيه و بينزل وراه اللوا مراد و دنيا 

مهاب لدنيا:  هو دا البيت؟ 

دنيا بتوتر: اه هو 

مراد بحنيه: متقلقيش يا دنيا كله هيبقي تمام 

دنيا: انا خايفه 

مراد: قولتلك متخافيش...  ولو انتي مش عايزه تواجيهم يبقا استني هنا في العربيه 

دنيا بارتبك: لا خلاص... و بتتنهد يلا 

مراد بهدوء: قبل ما نطلع اي حاجه يا دنيا هتحصل فوق توفقينا عليها 

دنيا: ليه هو في اي....  بيقطعها مهاب 

مهاب: متقلقيش بس اي حاجه هنقولها توافقي عليها 

أومات له دنيا بهدوء!!! 

في بيت عم دنيا 

بتكون سعديه قاعده و بجوارها فتحي 

بيسمعو خبط جاامد علي الباب 

بتطلع منه من غرفتها بفزع: ايه صوت دا 

سعديه بقلق: معرفش شوف يا فتحي 

فتحي بقلق هو الاخر: ياترا مين....  و بيروح يفتح و بيتفاجا 

فتحي بصدمه: دنيا..... 

تابعووووووني 

الفصل الرابع عشر من هنا