رواية أحببت أخي الفصل الخامس والسادس بقلم الكاتبه أروي عادل حصريه وجديده على مدونة النجم المتوهج للروايات والمعلومات

إيلا ٠٠ مش ممكن انت.

هنا ركضت إيلا إليه

ثم قامة هو بضرب فارس بالمسدس على رأسه أفقده الوعى و فعل نفس الشئ مع صلاح

ثم أقترب من أيلا و مرر يده على وجهها الذى كان واضح عليها أثار الضرب ثم أشار إلى فارس و صلاح هم على الأرض فقدين الوعى قال

سيف ٠٠ دول إللى عملوا فى وشك كده

إيلا ٠٠ لأ ده عمى جمال

سيف ٠٠ هو فين

إيلا ٠٠ مش مهم هو دلوقتى .. وقولى هنخرج ازاى من هنا

حينها اعطاها سيف حبل و قال

سيف ٠٠ أمسكى أربطى معايا الاتنين دول الاول قبل ما يفوقوا

إيلا و هى بتربط فارس كانت تقول

إيلا ٠٠ مش ناقص غير انت يا حيوان إللى انا اتجوزك

سيف ٠٠ وطى صوتك . و انجزى بسرعة

إيلا ٠٠ أنا خلصت قولى هنخرج من هنا أزاى

سيف ٠٠ من الشباك

إيلا٠٠ شباك ايه هو حد قالك عليا انى سوبر مان

سيف ٠٠ ده المكان الوحيد إللى ممكن نهرب منه

إيلا ٠٠ غلط ممكن نهرب من الباب عادى انت معاك مسدس و عندك عضلات يعنى قويه كمان بتعرف تتضرب

سيف بعصبيه قال

سيف ٠٠ حد قالك عليا انى خارق للعادة. بعدين مسدس ايه إللى بتتكلمى عليه انتى مش شوفتى تحت مهم اسلاحه أد ايه ده سوق السلاح كله تحت

إيلا ٠٠ ما انا كمان مش هنزل من الشباك

سيف ٠٠ يارب أرحمنى ... إيلا أسمعى الكلام قبل ماحد يجى

إيلا ٠٠ ما تهدى على نفسك شويه. بتتعصب عليا ليه دلوقتى

سيف ٠٠ الطم على وشى منك.. انا عارف موتى هيكون على ايدك

إيلا٠٠ بردوا انا مش هنزل من الشباك ده أخر كلام عندى تمام .. بس كده

سيف ٠٠ أقسم بالله لو منزلتيش معايا دلوقتى من الشباك همشى و أسيبك هنا .. يبقى حلال عليكى الجواز من أبن عمك .. بصراحة هو لايق عليكى اصلآ

توجه سيف إلى الشباك وهنا قالت إيلا

إيلا ٠٠ أستنا .. ابقى امسكنى كويس و احنا نازلين ان عندى فوبيا من الأماكن العليا

سيف ٠٠ ما قولتيش كده ليه من الأول

إيلا ٠٠ اه عشان تتريق عليا مش كده

سيف ٠٠ الله يخربيت دماغك

إيلا ٠٠ بطل غلط فيا بقى

وهنا لاحظ سيف ان فارس بدء يفوق

لذلك سحب إيلا من أيدها و خرج من الغرفة ثم اختبئ فى إحدى الغرف المنزل وهنا قالت إيلا

بقلم٠أروى٠عادل

إيلا ٠٠ أنت مجنون عايزنا نستخبه جوه البيت

سيف ٠٠ فتحى دماغك معايا .. كلها ثوانى و هيكتشفوا هروبك معايا .. سعاتها هيخرجوا الرجاله كلهم يدوروا علينا و ماحدتش هيتوقع اننا لسه جوه البيت وأول يخرجوا . نهرب احنا براحتنا

إيلا ٠٠ واووو برافو عليك .. طيب ما انت عندك مخ بتعرف تفكر أهو

سيف ٠٠ إيلاااا

إيلا ٠٠ سورى

بقلم٠أروى٠عادل

¤¤¤¤¤¤¤¤¤¤¤¤¤¤¤¤¤¤¤¤¤

حسن ٠٠ كلها دقايق بعد ما بنت يحيى تتجوز فارس يبقى محدتش يقدر يقرب من أرض يحيى الله يرحمة

جمال ٠٠ اخيرآ بعدبعدنين كلاتها الأرض هتبقى بتعتنا

على ٠٠ الله يسمحوا يحيى هو إللى عمل أكده بعد ما كتب كل املاكه باسم إيلا

جمال ٠٠ أنى مش خابر بيعملوا ايه كل ده فوق عاد

الجدة ٠٠ روح يا حاتم شوف أتأخروا ليه

ذهب حاتم ورجع وهو يقول بتوتر وقلق

حاتم ٠٠ الحقونى

جمال ٠٠ خبر أيه

حاتم ٠٠ إيلا هربت مع المأذون ..

جمال ٠٠ واه هتجول ايه يا مخبل انت.

حاتم ٠٠ بجولك هربت ياعمى..

جمال ٠٠ واه آمال فين البهايم إللى طلعوا فوق مع المأذون

حاتم ٠٠ فارس و صلاح مربطين فوق و إيلا و المأذون مش موجودين و الشباك مفتوح أكيد هربوا من الشباك

ركضت العيله كلها على الغرفة و بعد ما فاق صلاح و فارس قال جمال

جمال ٠٠ مين عمل فيكم أكده

صلاح ٠٠ المأذون

حسن ٠٠ واه المأذون ضربكم لحاله أكده كمان رابطكم

صلاح ٠٠ هو ده إللى. حوصل

جمال ٠٠ أنتم رچاله كيف .. بقى راچل واحد يعمل فيكم أكده انتم أتنين

فارس ٠٠ خدنا على خوانا يا بوى

الجدة ٠٠ اخص على الرچاله . بقا راجل واحد يضربكم و ياخد بت عمكم منيكم و جدامكم. لع وكمان يربطكم كيف الخرفان.. وجايين تولولو كيف الولايه

فارس ٠٠ أقسم بالله ما هسيبه لازمآ أقتلو

جمال٠٠ على ياولدى حدت المأذون عبدالتواب و جوله على اللى عيمله ولده. وجوله كمان لو البت مرچعتش دلوك.. يبقى يجول على روحو يارحمن الرحيم

اتصل جمال على المأذون و بعد ما انتهى من المكالمه قال

على٠٠ جمال انى اتصلت بالمأذون عبد التواب قالى انه مابعدتش حد أهنه .. قالى كمان ان فيه راچل جاله و جالوا ان كتب الكتاب التأچل أسبوع

جمال ٠٠ واه مين الراچل اللى جاله أكده و أمال مين إللى كان أهنه..

الجدة ٠٠ أكيد ده حد من عيند أميرة

جمال ٠٠ يعنى يدخل دارى و يخطف بنت أخويا عينى عينك أكده .. وكمان يضرب ولدى .. ده مين إللى اتجرئ

و عيمل أكده عاد

حسن ٠٠ دلوك المهم نلحق قبل ما البت

مانعرفش أرضيها تانى

هنا نادى جمال على جميع الغفر إللى فى البيت وقالهم يدوروا على إيلا و المأذون المزيف ثم قال

جمال ٠٠ أنا رايدكم تقلبوا الكفر كلاته

و مترجعوش أهنه غير و همآ معاكم ولد المحروقه اللى كان عامل المأذون وبت يحيى

على ٠٠ و أنى كمان هروح ادور عليهم

حسن ٠٠ أنا چاى أمعاك يا اخويا

ثم ذهب فارس و صلاح و حاتم أيضآ لكى يبحثوا عنهم

بقلم٠أروى٠عادل

¤¤¤¤¤¤¤¤¤¤¤¤¤¤¤▪︎▪︎▪︎▪︎▪︎

فى الغرفة الذى يختبئ فيها سيف و إيلا

كان سيف ينظر من الشباك الغرفة

عندها رأى الجميع يخرجون للبحث عنهم لذلك قال بصوت واطى

سيف ٠٠ كده كلهم خرجوا مافيش فى البيت غير عمك جمال و أتنين من الغفر

إيلا ٠٠ هو انت مستخبى ليه مش انت ظابط أطلع ليهم و أضربهم

سيف ٠٠ هو حد قالك ان الظابط ده مسموح له يعمل إللى هو عايزه

إيلا ٠٠ طبعآ أمال ظابط ازاى

سيف ٠٠ أنا ظابط عشان احافظ على القانون مش العكس. .انتى عارف عشان أجي هنا و أساعدك انا عملت كام جريمة

أول جريمة انتحلت شخصية مأذون شرعى.. تانى جريمة ضربت ولاد عمك دون وجه حق.. تالت جريمة خطف أنثى إللى هو أنتى

إيلا٠٠ يعنى انت هتتسجن و هنزورك بعيش و حلاوة

سيف ٠٠ بتتريقى حضرتك مش كده. بس تصدقى ممكن تحصل . المهم يالا نطلع من هنا

إيلا ٠٠ هو لازم نطلع دلوقتى

قال سيف بسخريه

سيف ٠٠ لأ هنبات هنا . انا مش عايز غباء

إيلا٠٠ فى ايه انت كل شويه عمال تغلط فيا وانا ساكتة و انت تتمادى.. لأ على فكره انا مسمحلكش

سيف ٠٠ أولع فى نفسى دلوقتى .. هو وقت الكلام ده

إيلا ٠٠ أه صح طيب هنعمل أيه

سيف٠٠ أولآ تمشى معايا من غير ولا نفس . يعنى مش عايز أسمع صوتك مفهوم

إيلا ٠٠ أنت بتتنطط عليا ليه انا مش فاهمة

قال سيف بعصبية

بقلم٠أروى٠عادل

سيف ٠٠ إيلاااااا

إيلا ٠٠ أوكى خلاص هسكت

مسكها سيف من ذراعها و غادرة الغرفة بعد ذلك بدء يتسللوا لخارج المنزل بخطوات بطيئة حتى لا ينكشف أمرهم

بالفعل خرجوا من المنزل لكن أمام المنزل رأهم الغفير قبل أن يطلق عيار نارى فى الهواء أسرع إليه سيف و ضربو و أفقدو الوعى ثم تركه خلف الشجره حتى لا يريه أحد

بعد ما خرجوا من المنزل ركضوا بأقصى ما عندهم .. هنا قالت

آيلا٠٠ سيف أقف شويه مش قادرة أخد نفسى

سيف ٠٠ معلش هانت

إيلا ٠٠ أنا مش عارف انتى بتجرى ليه مافيش حد ورانا

قال سيف وهو مستمر بالركض

سيف ٠٠ أسمعينا أكيد الغفير فاق دلوقتى وقالهم أننا لسه خارجين من البيت يعنى أحنا قدامنا عشر دقايق بالظبط لازم فيهم نخرج من المنطقه دى.

إيلا ٠٠ طيب أحنا بتجرى كده رايحين على فين

سيف ٠٠ فى عربية مستنيانا

و أول ما وصلوا للسيارة صعدوا إليها و قادها سيف بأقصى سرعه

صرخت إيلا وهى خائفه من سرعة السيارة الفائقة

إيلا ٠٠ براحه يا سيف قلبى هيقف

سيف ٠٠ متخافيش قربنا نوصل على الفندق ..

إيلا .. فى صوت تليفون بيرن

سيف ٠٠ آه تليفونى فى الطبلون هاتى

إيلا ٠٠ هتتكلم و انت سايق بسرعة دى

سيف ٠٠ خلاص شوفى مين

بعد ما شافت مين المتصل فتحت بسرعة

( بداية المكالمة)

يحيى ٠٠ سيف انت فين

إيلا ٠٠ بابا انا إيلا

يحيى ٠٠ أيلا انتى مع سيف .. يعنى انتى كويسه

أول ما سمعت أميرة أسم إيلا أخذت الهاتف من يحيى بسرعة وقالت ببكاء

أميرة ٠٠ حبيبتى انتى كويسه طيب جرالك حاجة عملوا فيكى ايه قوليلى

إيلا ٠٠ ماما . ماما .ماما..

أميرة ٠٠ نعم يا حبيبتى

إيلا ٠٠ أهدى انا كويسه متخافيش

. و سيف معايا أطمنى بقى

هنا أخذ يحيى التليفون وقال

يحيى ٠٠ أدينى سيف يا إيلا

إيلا ٠٠ بابا عايزك يا سيف

هنا فتحت إيلا الاسبيكر

سيف ٠٠ نعم بابا

يحيى ٠٠ المأمور اتصل عليا و قالى و البلد كلها مقلوبه ان فى واحد دخل بيت العمدة و انتحل شخصية المأذون و خطف إيلا . أكيد شكك فيك أنت... عارف انت ورط نفسك فيه

سيف ٠٠ متخافش مش هيقدروا يثبته عليا حاجة

يحيى ٠٠ انت فين دلوقتي

سيف ٠٠ أنا كنت جاى على الفندق بس بعد إللى قولتوا انا هطلع على الأقصر على طول هبعتلك الوكيشن المكان إللى أنا فيه أول ما أوصل

يحيى ٠٠ و انا هحصلك مع أميرة و المحامى

سيف ٠٠ بابا أتصل بالمأمور و قولوا انى راحت الأقصر من أمبارح عشان مايشكش فيا

يحيى ٠٠ تمام

( إنتهت المكالمة)

------------------

بعد مرور ساعة على الطريق لم تنطق إيلا بولا كلمة

سيف ٠٠ غريبه مالك ساكته ليه

إيلا ٠٠ ولا حاجة

سيف ٠٠ بس شكلك مدايقه . انا عارف إللى حصل معاكى مش ساهل بس الحمدالله أهو عدى

إيلا ٠٠ مين قالك انه عدى عمى جمال مش هيسكت بس مش ده إللى مدايقنى

سيف ٠٠ أمال ايه

إيلا ٠٠ أنا. خايفه تدخل السجن و اكون انا السبب

هنا ضحكه سيف و هو يقول

سيف ٠٠ ايه خايفه انك متقدريش تجيبلى عيش و حلاوة

إيلا ٠٠ أنت بتهزر

سيف ٠٠ أعمل ايه فيكى طيب .. يا ستى ماتخفيش مافيش حد هيدخل السجن..

و مافيش حد هيقدر يثبت عليا أى حاجة . لانى معملتش حاجة غلط انا كنت بنقذ اختى

إيلا ٠٠طيب متقولش أختى بس

سيف ٠٠ أنتى تطولى تبقى أختى

إيلا ٠٠ لأ شكرآ انا مش عايزه أطول . مش ناقص غير انت اللى تكون أخويا

سيف ٠٠ إللى يخربيت لسانك .. انتى إللى يعمل معاكى خير زى إللى يعمل معاكى الشر . مافيش فايده فيكى

إيلا ٠٠ أنتى هتذلنى عشان ساعدنى.. على فكره انا كده كده كنت هعرف أهرب لوحدى

سيف ٠٠ لا واللهى

إيلا ٠٠ آه واللهى

سيف ٠٠ أحنا فيها انا ممكن أرجعك ليهم

و نشوف هتهربى لوحدك أزاى

إيلا٠٠ ايه يا سيف بهزر معاك مايبقاش قلبك اسود

بقلم٠أروى٠عادل

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

بعد منتصف الليل

فى إحدى الفنادق الفخمة فى الأقصر

فى. جناح خاص

المحامى ٠٠ العمدة جمال مش ساكت

سيف ٠٠ يعنى هيعمل ايه

المحامى٠٠ ضربك لابنه وابن أخوه بقى عمل عندهم زى التار

يحيى ٠٠ يعنى.ايه

المحامى ٠٠ متخافش .هم لحد دلوقتى مايعرفش مين إللى عمل كدة .. إللى يقلق دلوقتى وضع إيلا

أميرة ٠٠ يعنى ايه مش فاهمه

المحامى ٠٠ قانونآ إيلا من حقهم يعنى لو حد أيجى دلوقتى ياخدها من أهل أبوها محدتش يقدر يمنعوا

إيلا ٠٠ يعنى ايه الكلام ده . دول عايزين يجوزنى. لولا وجود سيف انا كان زمانى متجوزه دلوقتى

أميرة ٠٠ متخافيش يا حبيبتى محدتش يقدر يقربلك

يحيى ٠٠ طيب الحل ايه

المحامى ٠٠ نعمل زى ما كانوا عايزين يعملوا

سيف٠٠ طيب دول كانوا عايزين يجوزها تقصد إللى انا فهمتو

المحامى ٠٠ بالظبط زى ما فهمت.. إيلا تتجوز سعاتها محدتش يقدر يقرب عليها أو يجوزها غصب عنها

أميرة ٠٠ احنا ممكن نستنا الحكم فى القضية إللى انا رفعها بحق الوصايا

محامى ٠٠ تماما .. بس المحكمة هتاخد وقت .. ممكن خلال الوقت ده ياخدوا إيلا مننا و يجبروها على الجوز غصب عنها زى ما كان هيحصل النهاردة

غير كدة احنا مش متأكدين من الحكم الحكمة يكون فى صالحنا ... على فكره هو ده بالظبط إللى فكروا فيه أهل والد إيلا عشان كده أستعجلوا فى الجواز ..

كانت إيلا تسمع المحامى و هى مصدومه من كلامة

سيف ٠٠ أكيد فى حل تانى

المحامى ٠٠ للأسف أحسن حل الجواز . انشالله لحد ما توصل إيلا ل ٢١ سنه ساعتها محدتش هيبقى له حكم عليها

يحيى ٠٠ خلاص مروان كان طلب منى يخطب إيلا.. أنا هطلب منه يكتب الكتاب.. الجواز يبقى بعدين

سيف ٠٠ بابا انت بتقول أيه

أميرة ٠٠ يحيى عنده حق أحنا من الأول ماكنش عندنا أعتراض على مروان يبقى ليه لأ

يحيى ٠٠ صح أكيد مروان مش هيكون عنده مانع يكتب كتابه على إيلا

إيلا٠٠ انتم هتجوزنى وانا واقفه من غير حتى ما تاخدوا رأيه

أميرة ٠٠ عندك حل تانى

إيلا ٠٠ ماعنديش بس ده مش معناه انى أوافق على الجواز من أيه حد

يحيى ٠٠ يعنى مروان ولا أبن عمك

سكتت إيلا هى لا تعرف ماذا تقول

يحيى ٠٠ يبقى خلاص انا هتصل على مروان

سيف ٠٠ استنا يا بابا متتصلش على حد

يحيى ٠٠ يابنى مافيش وقت و كل ما نستعجل يكون أحسن..

سيف ٠٠ طالما أنتم محتاجين حد يكتب كتب كتابه على إيلا لمدة سنه .. يبقى انا

اتصدم الجميع و أولهم إيلا

#رواية٠أحببت٠أخى

#الكاتبة٠أروى٠عادل

#الفصل٠السادس

أتصدم الجميع و أكثرهم أيلا

لا يعرف سيف لماذا شعر بغصه فى صدره عندما قال يحيى ان إيلا سوف تتجوز مروان .

كما لا يعرف ايضآ لماذا يشعر بأحساس غير مريح عندما يتحدث أى أحد عن زواج إيلا

بينما قال يحيى باستغراب

يحيى ٠٠ سيف ايه إللى أنت بتقولوا ده..

سيف ٠٠ أنتو مش عايزين حد يتجوز إيلا لفترة مؤقته ..لحد لما توصل لسن القانونى ..خلاص انا هتجوزها

أميرة ٠٠ ازاى يا سيف انت زى اخوها

سيف ٠٠ حضرتك قولتيها زى أخوها.. بس انا مش أخوها

يحيى ٠٠ بس ده مش معناه انك تتجوزها

سيف ٠٠ ده هيبقى مجرد جواز سورى على الورق بس عشان اقدر أحميها من أهل أبوها وبس ...و بعد سنه نطلق

و كل واحد يعيش حياته عادى

يحيى ٠٠طيب والناس هتقول ايه.

و أمك لما تعرف

بقلم٠أروى٠عادل

سيف ٠٠ محدتش هيعرف حاجة الموضوع بينا أحنا بس مش هيخرج بره عنا

أميرة ٠٠ طيب خلال السنه دى لو انت عايز ترتبط أو إيلا

سيف ٠٠ يا جماعه الجواز ده مجرد جواز سورى يعنى كل واحد هيعيش حياته عادى مافيش حاجة هتتغير بالنسبالى انا أو إيلا

محامى ٠٠ أنا شايف إقتراح سيف ممتاز . و خصوصآ ان إيلا مش هتكون مضطرة توافق تتجوز أيه حد وخلاص عشان تخرج من الأزمة دى

أميرة ٠٠ بس إيلا بعد سنه لما تتطلق من سيف هتكون أسمها مطلقه انا مش عايزه بنتى تاخد القب المطلقة وهى فى السن ده

محامى ٠٠ فى بنات بتكتب كتابها مع الخطوبه و قبل إتمام الجواز بيتم الطلاق.. ساعتها مابيكونش أسمها مطلقة لان لم يدخل بها.. ده بيحصل عادى .

كانت إيلا تستمع إليهم و هى تشعر انها فى دوامة لا تعرف كيف تخرج منها فى أقل من ٤٨ ساعة حياتها كلها اتلخبطت.

هنا قال يحيى

يحيى ٠٠ إيلا انتى رأيك أيه

قالت إيلا بأرتباك

إيلا ٠٠ مش عارفه . و دماغى هتنفجر

و مش قادره افكر

محامى ٠٠ للأسف لازم تاخدى قرر بسرعة مافيش وقت

أميرة ٠٠ أسمعى ياحبيبتى عليكى انك تختارى أما توافقى تتجوزى مروان ده هيكون أرتباط بجد ..أو توافقى تجوزى سيف ده هيكون أرتباط سورى يعنى كأنه مش موجود .. و هتفضلوا أخوات زى ما أنتو

وقتها فضلت إيلا صامته وهى تفكر إلى ان قالت

بقلم٠أروى٠عادل

إيلا ٠٠ خلاص انا موافقه بالجواز السورى

المحامى٠٠ طيب من هيكون الولى

أميرة ٠٠ أكيد يحيى

سيف ٠٠ مش هينفع .. احنا مش عايزين نعمل ولا ثغرة تخليهم يطعنوا فى الجواز

محامى٠٠ سيف عنده حق .. مدام أميرة هو حضرتك عندك أب أو أخ

أميرة ٠٠ اه عندى أخويا بس عايش فى اسكندرية

محامى ٠٠ يبقى أخوكى هو إللى يكون الولى لإيلا

يحيى ٠٠ انا هبعت أجيبوا بطيارة خاصة لحد هنا

أميرة ٠٠ وانا هتصل بعامر أخويا أفهموا كل حاجة

محامى٠٠ وانا هروح أشوف أقرب مأذون فى المنطقة

خرجوا جميعآ من الغرفة و ظلت إيلا و سيف فقط

وهنا قال سيف

سيف ٠٠ ساكته يعنى مش عوايدك

إيلا ٠٠ هقول ايه

سيف٠٠اي حاجة مثلآ ايه رأيك فى الوضع إللى احنا في

ردت إيلا عليه بأرتباك وقالت

إيلا ٠٠ مش عارفه .. أنا حاسه ان الوضع كله غريب عليا.. لدرجة انى لحد دلوقتى مش عارفة استوعب ازاى أخويا هيبقى جوزى

سيف ٠٠ عندك حق هى حاجة غريبه بس أحنا مضطرين مش كده

إيلا ٠٠ صح أحنا مضطرين

سيف ٠٠ بس أحنا هنفضل أخوات زى ما احنا . مافيش حاجة هتتغير

هزت رأسها موافقه على كلامة وهى تقول

إيلا ٠٠ صح أحنا هنفضل أخوات زى ما احنا

سيف ٠٠ تعرفى أن دى أول مره نتفق فيها انا وانتى على حاجة واحدة .. كمان دى أول مره اقول فيها اننا أخوات و انتى ماتعترضيش

إيلا ٠٠ عشان فعلآ أحنا زى الاخوات مش كده

سيف ٠٠ أه طبعآ هو كده

لأول مره يشعر سيف انه يكذب عندما قال لأيلا بأنهم أخوات لأنه ولأول مره يشعر ان تمارا ليست شقيقته

بقلم٠أروى٠عادل

¤¤¤¤¤¤¤¤¤¤¤¤¤¤¤¤¤¤¤¤▪︎▪︎▪︎▪︎

فى الصباح

لما ينام أحد فى هذه الليله كلهم كانوا فى أنتظار عامر شقيق أميرة

عند وصول عامر بدؤوا فى كتب الكتاب فورآ

دائمآ كان مرتبط مراسم عقد القران بالفرحة و البهجة و التهنئة .. لكن الوضع هنا كان مختلف الكل صامت و طابع الحزن هو الغالب على جميع

بينما إيلا برغم انها تعلم جيدآ ان هذا الزواج ليس حقيقيآ إلا أنها كان من الواضح عليها التوتر و الارتباك كما كانت تشعر ببروده قويه تسرى فى جميع جسدها ..

عندما نظرت أميرة إلى أبنتها شعرت بما تشعر به إيلا

بعد ما تم كتب الكتاب قالت أميرة

أميرة٠٠ المفروض ان اليوم ده هو إللى بتتمنا أى أم لبنتها لكنى بالعكس حاسه انى قلبى وجعنى عليها

يحيى ٠٠ أوقات القدر و الظروف بتحكم علينا نعمل حاجات غصب عننا

سيف ٠٠ ان شاء الله كل حاجة هتكون تمام

عامر ٠٠ ان شاء الله.. طيب يا أميرة انا هرجع الأسكندرية دلوقتي عايزه حاجة

أميرة٠٠ بسرعة كدة

عامر ٠٠ معلش عندى شغلك لازم أرجع بسرعة

أميرة٠٠ تمام.. مع السلامة

يحيى ٠٠ روح يا سيف وصل عامر . الطيارة إللى جه فيها مستنيه عشان يرجع فيها بردوا

سيف ٠٠ حاضر . بس بعد كده هروح عند المأمور طلب يستفسر منى عن موضوع انتحال شخصية المأذون و خطف آيلا

المحامى ٠٠ تحب اروح معاك

سيف ٠٠ مش مستاهله. بعدين منتساش أنى أنا ظابط

ثم غادر سيف مع عامر

المحامى٠٠ وانا كمان هروح أسحب القضية الوصاية مبقاش ليها لازمه دلوقتى

ثم غادر المحامى

أميرة٠٠ طيب هنرجع على القاهرة امتى

يحيى ٠٠ لما يرجع سيف هنسافر على طول .

أميرة ٠٠ إيلا روحى نامى شويه انتى مانمتيش من أمبارح

إيلا ٠٠ و حضرتك كمان و بابا يحيى ماحدتش نام من أمبارح

يحيى ٠٠ خلاص كلنا ندخل ننام ساعتين لحد لما سيف يجى عشان تقدر نواصل يومنا

دخل يحيى و أميرة غرفتهم لكى يأخذوا قسط من النوم .. بينما إيلا لما تستطيع النوم كانت تفكر بكل ما حدث

بقلم٠أروى٠عادل

¤¤¤¤¤¤¤¤¤¤¤¤¤¤¤¤¤¤¤¤¤¤¤

فى مركز الشرطة

اول ما وصل سيف لمركز الشرطه قال المأمور وهو يشير على سيف

المأمور ٠٠ أنتو شوفتوا الشخص ده قبل كده

فارس ٠٠ لع دى أول مره أشوفو

يا جناب المأمور

صلاح ٠٠ أنى مش خابر مين ده

المأمور ٠٠ يعنى أفهم من كده انه مش ده إللى ضربكم و خطف بنت عمكم

صلاح ٠٠ لع مش هو٠٠ التانى كام أكبر فى العمر و بشنب و دقن و كان لابس خلجات غير دى

فارس ٠٠ هو مين ده

سيف ٠٠ أنا سيف يحيى أبو اليزيد

فارس٠٠ انت ولد جوز مرت عمى

سيف ٠٠ ياريت تنتبه على كلامك هى كانت مرات عمك لكن دلوقتى هى مدام يحيى أبو اليزيد

فارس٠٠ واه هو أحنا غلطنا فى البخارى أياك خلاص فهمنا انها مرت أبوك.

سيف ٠٠ ممكن أعرف انا هنا ليه ٠ و مين الشخصيات الغريبه دول

المأمور ٠٠ العمدة كان مقدم بلاغ بيتهم فيه انكم خطفتوا إيلا.. عشان كده انا جبتك هنا نحل الموضوع بشكل ودى

سيف ٠٠ يعنى هو اي حد ممكن يقدم بلاغ ٠يتهم فيه إللى هو عايزه.. ممكن أعرف حضرتك أتأكدت أزاى أن إيلا اتخطفت أصلآ..ما ممكن تكون هربت منهم مش اتخطفت

صلاح ٠٠ لا هى اتخطفت .. بعد ما الراجل إللى كان عمل نفسه مأذون

ما ضربنا و بعد أكده احنا أغمى علينا فوقنا مش لاقينها

سيف ٠٠ يعنى ضربكم هى كانت واقفه حتى ما صرختش ولا حتى هربت عشان تشوف حد يساعدكم.. ماعملتش اى حاجة بس كانت وقفه تتفرج عليكم انتم بتضربوا

بأرتباك قال فارس بقلم٠أروى٠عادل

فارس ٠٠ هو فى ايه هو انت بتحقق امعانا ولا ايه

سيف ٠٠ سيادة المأمور واضح أن إيلا متخطفتش . يمكن كانوا عايزين يجوزها غصب عنها عشان كده هربت بأردتها

المأمور ٠٠ صح الكلام ده ٠ هى ماكنتش موافقه على الجواز

صلاح ٠٠ و احنا من ميتى حدانا البت بتجول رأيها فى الچواز . عشان تيچى إيلا و تقول لع على چواز من فارس ولد عمها

فارس ٠٠ انت بتقول أيه أسكت انت

يا صلاح دلوك

سيف ٠٠ أظن كده كل حاجة بقيت واضحه .. يعنى وجودى هنا مالهوش لازمه.. كمان انا مش فاضى وعندى شغل ولازم انزل القاهرة دلوقتى

مأمور ٠٠ تقدر تتفضل دلوقتى .. وانا أسفين على الإزعاج يا حضرة الظابط

فارس ٠٠ أه جول أكده بجى. يعنى هو ظابط عشان ...

قطع المأمور عبارتة و قال

مأمور ٠٠ أظبط كلامك الإ أقسم بالله هحبسك فاهم

صلاح ٠٠ واه حبس ايه يا جناب المأمور فارس مايقصدش حاچة واصل

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

فى الفندق

طلب يحيى سيارة تنقلهم على المطار ..ثم قال

يحيى ٠٠ يالا يا أميرة هنرجع على القاهرة دلوقتى

أميرة ٠٠ طيب وسيف فين

يحيى٠٠ سيف لو ملحقناش هنا فى الفندق .هيحصلنا على المطار

فى صالة الإستقبال الفندق ينتظر كل من يحيى و أميرة و إيلا و المحامى وصول السيارة التى سوف تنقلهم للمطار

وصلت السيارة عندما كانوا على أستعداد للمغادرة

هنا جاء صوت قوى من خلفهم . أنتفضت إيلا خوف عندما سمعت لهذا الصوت ..أما أميرة لقد دب الرعب فى قلبها

بقلم٠أروى٠عادل

جمال ٠٠ رايحة فين يا أميرة مع بت أخويا هتهربى تانى اياك . ولا تكونى فاكره ان كل مره هتسلم الجرة ولا أيه عاد

يحيى٠٠ كلمنى انا مالكش دعوة بأميرة

جمال ٠٠ أنى ماليش صالح لا بيك و لا بمراتك .. انى عايز بت أخويا وكل حي يروح لحاله

أميرة ٠٠ ده مش هيحصل نجوم السما اقربلك من بنتى فاهم .. إيلا هتمشى معايا و مافيش حد هيقدر ياخدها منى

جمال ٠٠ أنى ما رايدش حديد نسوان مالهوش عازة

يحيى ٠٠ ايه نسوان دى .. احترمك نفسك يا بنى ادم انت و اتكلم كويس

جمال ٠٠ أنت هتجولى انى أحترم نفسى. شكلك مخابرش انت بتتكلم مين

يحيى ٠٠ لأ مش عارف مايهمنيش انى أعرف.. واحسنلك دلوقتى انك تمشى من وشى

المحامى ٠٠ صلوا على النبى يا جماعة ممكن نتكلم بهدوء

جمال ٠٠ لع انى ما عايزش . اتكلم من أساسو.. يالا يا غفير منك ليه هاتوها بت

أقترب الغفر من إيلا و ليمسكوا بها حاولت أميرة و يحيى أبعدهم عن إيلا لكن دون جدوى

هنا حضن يحيى أميرة و هو خائف عليها عندما رفع عليهم جمال و الغفر السلاح

عندها صرخت إيلا و هى بتقاوم بكل قوتها

هنا أمسكها جمال من أيدها وقال

جمال٠٠ امشى أمعايا من غير ولا نفس إللى اقسم بالله هجتلك.

إيلا٠٠ عايز تقتلنى أقتلنى انا مش خايف منك . لكن أوعى تحلم انى أجى معاك

هنا أشتد قبضت يده على معصمها و هو يسحبها خلفوا لكن فجأه شعر جمال بقبضت يد قويه تمسكه من ذراعه

و تسحب أيلا منه وعندما نظر خلفه

رأه إيلا فى حضن سيف لذلك قال

جمال ٠٠ أنت ايه إللى عملتوا ده . بعد يدك عنيها لأكسرهالك

سيف ٠٠ لم تحب تستقوى أستقوى على حد من حجمك. مش دى أصول الصعايدة إللى بجد

جمال ٠٠ مالكش صالح انت و بعد من أهنه أحسنلك

سيف ٠٠ طيب انا مش هبعد ورينى تقدر تعمل ايه

خرج جمال المسدس وقال

بقلم٠أروى٠عادل

جمال ٠٠اقسم بالله هطخك عيار مالكش عندى ديه

صرخت إيلا و حطت ايدها على فمها وهى مرعوبه

بينما نظر سيف لإيلا وقال بسخريه

سيف ٠٠فى ايه متخافيش ده عمك بيهزر معايا بس شكله ا هزاره تقيل شويه .

ثم نظر سيف ليحيى وقال

سيف٠٠ . بابا لو سمحت خد إيلا

وماما أميرة و اركبوا العربية و انا جاى وراكم

جمال٠٠ بقى ده يبقى أبوك .. قولى أكده .. طيب اسمع يا أبنى أبوك . خد أبوك و مراته. و أمشوا من أهنه دلوك بدل ما أطيرك نفوخك من مكانه قدام أبوك

سيف ٠٠ طيب ليه الغلط . ده انا بكلمك بكل ذوق و أدب .. ولا تكون انت مابتفهمش بأدب. شكلك كده

جمال ٠٠ بقولك ايه انى ممكن....

قطع سيف عبارته و بحده قال

سيف ٠٠ أنت ماقدرش تعمل حاجة و اخرك تتشطر على بنت.. غير كده كلك على بعضك ولا حاجة

احد الغفر قال

الغفير ٠٠ نقتلوا يا عمدة

سيف ٠٠ نزل سلاحك انت هو . احسنلكم

المحامى ٠٠ يا عمدة إللى انت بتعملوا غلط . رفع سلاحك على ظابط شرطة هيعرضك للمساءلة القانونية

جمال ٠٠ ظابط عشان أكده نافش ريشك علينا

سيف ٠٠ ريش مين و بتاع مين هو انت بتكلم مع ديك رومى .. وبعدين انا لو اتعملت معاك كأنى ظابط شرطة . أظن انك ماكنتش هتكون واقف على رجلك لحد دلوقتى .. بس انا مراعى انك عم مراتى بردوا

جمال ٠٠ كأنك اتجننت مرات مين

يا مخيل انت

سيف ٠٠ أيه ده هو أيلا مش قالتلك اننا متجوزين.. تؤتؤتؤ ليه كده يا أيلا ده عمك أكيد هيفرح ليكى

جمال ٠٠ أنا مش مصدقك و عارف انك كداب..

إيلا ٠٠ بس دى الحقيقه سيف جوزى

رفع جمال كف يده ليصفع إيلا وهنا

رايكم.

ماذا سيحدث بين سيف و جمال

هل سنتهى قصة هنا أهل أبو إيلا

هل ستتأثر علاقة سيف و آيلا بعد الزواج

تابعووووووني

الفصل السادس حتى الفصل العاشر من هنا