رواية أحببت أخي الفصل السابع والثامن والتاسع والعاشر بقلم الكاتبه أروي عادل حصريه وجديده على مدونة النجم المتوهج للروايات والمعلومات
 |
رواية أحببت أخي الفصل السابع والثامن والتاسع والعاشر بقلم الكاتبه أروي عادل حصريه وجديده على مدونة النجم المتوهج للروايات والمعلومات
رفع جمال كف يده ليصفعها وهنا أمسك سيف يده
وهو يشتد قبضت يده على معصم جمال ويقول
بقلم٠أروى٠عادل
سيف٠٠ ده أكبر غلط ممكن تكون عملتو فى حياتك انك ترفع أيدك على مرات سيف أبو اليزيد.. انا فوتها لما ضربتها أول مره بس دلوقتى لأ
حاول جمال أن يسحب يده من قبضت يد سيف لكن دون جدوى .. وعندما حاول يتدخل أحد الغفر ضربه سيف بيده الاخره
ثم أخرج المسدس و صوبة على رأس جمال و هو مازال ماسك معصمه
جمال ٠٠ أنت بترفع المسدس عليا انت..
قطع سيف عبارته بحده وقال بعصبيه
سيف ٠٠ ولا نفس انت فاهم . انت راجل طماع انانى كل همك تنهب بنت اخوك..اللى زيك خساره فيك الحياة إللى انت عيشها.... و انا هريحك منها
يحيى ٠٠ نزل المسدس يا سيف ماينفعش كده.. احنا مش فى غابه
سيف ٠٠ لأ يا بابا ده مايستحقش يعيش
إيلا٠٠ سيف هو مايستهلش تضيع نفسك عشانه . سيف بالله عليك تسيبو..سيف سيبو بقى عشان خاطرى .
سيف ٠٠ تمام هسيبو.. عشان خاطرك انتى و بس.. وانت خليك فاكر ان إللى انقذتك من أيدى واحده ست.. كفايه العار ده عليك قدام البلد كلهة
وهنا جاءت الشرطة
الظابط ٠٠ فى ايه إللى بيحصل هنا
وبعد ماعرف سيف عن نفسه قال
سيف ٠٠ دى إيلا مراتى و ده عمها حاول الاعتداء بضرب و خطف مراتى قدام الناس كلها.. وممكن تسألهم
جمال ٠٠ كداب دى مش مراته . دى بنت أخويا
سيف ٠٠ اتفضل دى نسخه من قسيمة الزواج تقدر تتأكد منها. بنفسك..
بعد ما تطلع جمال والظابط لقسيمه
بقلم٠أروى٠عادل
الظابط ٠٠ القسمة مظبوطة
جمال ٠٠ مستحيل اتجوزها كيف و ميتا
الظابط ٠٠ عمدة اتفضل معايا على قسم الشرطة وانت كمان يا سيادة الرأئد سيف عشان نعمل محضر بالواقعه
هنا قال سيف بسخريه
سيف٠٠ لا انا مش عايز اقدم شكوى عليه .. هو بردوا ابو نسب..
جمال ٠٠ يا جناب الظابط انت متأكد أن القسيمة دى سليمه
الظابط ٠٠ ايه يا عمدة هو انا هكدب عليك
سيف ٠٠ تحب تخلى القسيمة معاك لو عايز تتأكد أكتر..
جمال ٠٠ لع خليها أمعاك أنى أعرف أتأكد كيف
سيف ٠٠ تمام طيب عن أذنكم احنا أتأخرنا على الطيارة
إيلا ٠٠ أستنا يا سيف عايزه أقول للعمدة حاجة
سيف ٠٠ اتفضلى براحتك
إيلا ٠٠ حضرة العمدة تعرف أنا عمرى فى حياتى كلها مافكرت انا ولا أمى أننا ناخد ميراث بابا منكم.. ولا حتى خطر على بالى انى اطلب حقى منكم....بس بعد إللى حصل واللى عملتو معايا و البهدله و الضرب إللى انا شوفتها على ايدك.. انا هاخد منك ميراث بابا كامل .. كل مليم بابا سابوا انا خدوا منكم.. مش هسيب حقى لو فيها موتى
ثم تطبعت بالمحامى و قالت
إيلا ٠٠٠ حضرة المحامى انا عايزك ترفعلى قضيه النهاردة على اعمامى..انهم سرقوا ميراثى انا و ماما
ثم تطلعت مره اخرى بجمال وقالت
إيلا٠٠٠ هنتقابل فى المحاكم كتير بعد كده... سلام
قالت عبارتها ثم غادرة تاركه جمال يستشيط غضبآ.. يلعن اخيه المتوفى الذى كتب ميراثه لابنته
ثم غادروا جميعآ بالسيارة إللى المطار أمام أعين جمال الذى واقف مثل العاجز لما يستطيع أن يفعل لهم أى شئ
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى فيلا ابو اليزيد
عندما وصلوا للفيلا كانوا أصدقاء إيلا فى أستقبلهم
أيضآ عائلة ملك
بعد الترحيب قالت نوال أم ملك
بقلم٠أروى٠عادل
نوال ٠٠ الحمد لله انها رجعت بالسلامة متعرفيش أحنا كنا قلقنين ازاى لما عرفنا إللى حصل من ملك
أميرة ٠٠ الحمدالله يا نوال انا كنت ممكن أموت لو إيلا جرالها حاجة
نوال ٠٠ بعد الشر عليك و الحمدالله أنها جات سليمه..
ملك ٠٠ أنا أسفه يا إيلا انا مقدرتش أعمل حاجة لما عمك أخدك
إيلا ٠٠ يعنى كنتى هتقدرى تعملى ايه اكتر من إللى انتى عملتى
ميرنا ٠٠ خلاص بقى أنسوا .. المهم دلوقتى انك معانا و بخير
رقية٠٠ و الله أول مره أسمع ميرنا تقول حاجة صح
ميرنا ٠٠قصدك أيه بقى .. على فكرة انا طول عمرى صح
إيلا ٠٠ فى دى يا ميرنا عندك حق
ميرنا٠٠ ماشى يا إيلا بتتريقى عليا مش كده . تصدقى انا غلطانه انى جيت أشوفك انا ماشيه
أميرة ٠٠ أستنى يا ميرنا رايحه فين..
رقيه ٠٠ عن أذنكم بقى ألحق ميرنا عشان توصلنى معاها
أميرة ٠٠ ليه كده يا إيلا زعلتيها
آيلا ٠٠ مين ميرنا .. لأ تلاقيها عندها مشوار و عملت الحوار ده عشان تلحق مشوارها
أميرة ٠٠ بس دى شكلها زعلانه بجد
ملك ٠٠ لأ يا طنط هى ولا زعلانه ولا حاجة . دى طريقتها لما تحب تخلع من المكان
نوال٠٠ طيب نستأذن أحنا عشان ترتاحوا من السفر و الحمدالله اننا أطمنا عليكى يا إيلا
إيلا ٠٠ ميرسى يا طنط
¤¤¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎
فى نفس الوقت فى جنينة الفيلا
مروان ٠٠ كان المفروض تقولنا عشان نكون معاك فى الظروف إللى زى دى
حازم ٠٠ مروان عنده حق يا سيف . احنا صحاب و لازم نقف جانب بعض
سيف ٠٠ يا جماعة الموضوع حصل بسرعة ملحقتش أقول لأى حد
مروان ٠٠ طيب إيلا عامله ايه دلوقتي
سيف ٠٠ هى كويسه أوى
حازم ٠٠ طيب حلتوا الموضوع ازاى
سيف ٠٠ ده موضوع طويل بس المهم فى الاخر انه اتحل
مروان ٠٠تمام المهم ان إيلا تمام
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
بعد مرور أسبوعين فى إحدى الكافيهات
منذ رجعت إيلا من الصعيد و هى متغيرة بتحاول تتجنب الكلام مع سيف
هنا حكت إيلا لملك كل ما حدث
بقلم٠أروى٠عادل
ملك ٠٠ بتقولى إيه جواز
إيلا ٠٠ واطى صوتك هتفضحينى .. انا غلطانه انى حكيتلك
ملك ٠٠ يعنى انتى و سيف متجوزين.. طيب ازاى
إيلا٠٠ قولتلك ده جواز سورى على الورق بس
ملك ٠٠ بس ازاى يعنى انتى كنتوا أخوات دلوقتى متحوزين طيب هتتعاملوا مع بعض ازاى
إيلا ٠٠ هو ده إللى مدايقنى .. انا مش عارفه اتعامل معاه . بحاول اتجنب وجودى معاه فى مكان
ملك ٠٠ طيب و سيف
إيلا ٠٠ بيتعامل عادى .. بس أكيد ملاحظ حالتى
ملك ٠٠ بصراحة انا مش عارفه أقولك ايه .لانه لسه مش مستوعبه انك انتى
و سيف متجوزين
إيلا ٠٠ قولتلك ده مش جواز حقيقة
ده مجرد جواز على الورق و بس
ملك ٠٠ طيب لما هو كده انتى قلقانه ليه . ولا خايفه انك تحبى سيف
إيلا ٠٠ أنتى مجنونه لا طبعآ انا عمرى
ما فكرت فى سيف كده.. ده أخويا
ملك ٠٠ هو فى أخوات بيتجوزوا
إيلا ٠٠ تصدقى انا غلطانه انى حكيتلك انتى لخبطينى اكتر
ملك٠٠ آيلا لازم تتعاملى طبيعى مع سيف لان توترك ده هيخلى يحس ان في حاجة
إيلا ٠٠ عندك حق
ملك ٠٠ إيلا انتى ليه رافضتى تتجوزى مروان
إيلا ٠٠ أنا مش رافضت انا بس ماكنتش عايزه أخد قرر جوازى من مروان تحت ضغط
ملك ٠٠ بس مروان بيحبك
إيلا ٠٠ عارفه بس انا مش عايزه أتجوز دلوقتى
ملك ٠٠ بس انتى اتجوزتى
إيلا ٠٠ قولتلك انه جواز مش حقيقى
ملك ٠٠ طيب اسكتى ميرنا و رقيه جايين علينا
ميرنا٠٠ مساء الخير يا بنات
ملك ٠٠ اتأخرتوا ليه
كان الحزن واضح على رقية
رقية ٠٠ معلش انا ماكنتش جايه
إيلا ٠٠ مالك فى إيه
هنا بكت رقية
ملك ٠٠ اهدى فى ايه مالك مامتك و ريهام اختك كويسين
ميرنا ٠٠ فى مصيبه حصلت مع ريهام أخت رقيه
إيلا٠٠ لا إله إلا الله. ماتقولوا فى أيه قلقتونا
رقية ٠٠ ريهام اتعرفت على شاب من فترة كده .. رسم عليها الحب و عشمها بالجواز بعد كده طلب منها تبعت ليه صور ليها فى الأول كانت صور عادى و بعد كده بعتت له صور بالبس البيت
ملك٠٠ يعنى عبارة عن ايه لبس البيت ده
رقيه ٠٠ أنتى عارفه بابا مسافر على طول و احنا مش عندنا أخوات ولاد عشان كده بنقعد فى البيت براحتنا
ملك ٠٠ يعنى كانت لبسه حاجات عريانه
رقيه ٠٠ يعنى بس مش أوى
إيلا ٠٠ كملى . أكيد الموضوع مخلصش هنا
رقيه ٠٠ لأ . فجأة ابتدا يطلب منها تجاوزات أكيد فاهمين قصدى
ملك ٠٠ آه فاهمين وبعدين
رقيه ٠٠ هى رافضت . بس هو هددها بالصور أما توافق على إللى هو عايزه.. او يفضحها.. و ينشر صورها على النت.. ده غير كده مركب ليها صور أباحية
ملك ٠٠ دى فعلآ مصيبه.. هتعملى ايه
رقيه ٠٠ أنا مش عارفه أعمل ايه.. اقول لماما بس دى كانت تموت فيها .. طيب أقول لبابا ده ممكن يقتل ريهام فيها
ملك ٠٠ وانتى عرفتى ازاى
رقية ٠٠ صاحبتها عزه جات قالتى بعد ما الكلب ده أبتزها و ضحك عليها هى الأول. و دلوقتى بيبتز ريهام لا أيه طلب منها تروح له العوامة بتاعته
ميرنا ٠٠ طيب ماتبلغ عنه مباحث الانترنت
رقية ٠٠ ميرنا احنا عايشين فى مكان شعبى لو حاجة زى دى اتعرفت هتبقى فضيحه
ملك ٠٠ و أيه علاقة المكان بالفضيحة
إيلا ٠٠ له علاقه . افهمك يعنى البس إللى ممكن يكون بالنسبالك عادى عندهم بيكون لبس فاضح
رقية٠٠ ده صح يعنى البس اللى ريهام كانت لابسه فى البيت ..ممكن ميرنا تكون بتخرج بنفس البس عادى.. بس احنا عندنا البس ده عريان
ملك٠٠ على فكرة الموضوع ده عندك أنتى يا إيلا
ميرنا ٠٠ آه صح احنا ازاى مافكرناش فيها. يا رقية إيلا ممكن تحل الموضوع ده بسهوله
إيلا ٠٠ فهمت عايزنى أخترق تليفونه الواد ده
رقية ٠٠ ايوه طبعآ
إيلا ٠٠ طيب هاتى ليا بياناته و اشوف
هنا اخرجت ورقه و قلم شنطتها ثم قالت وهى تكتب
بقلم٠أروى٠عادل
رقية ٠٠ أسمه شريف يوسف الجبرى .. ده حسابه على الفيس و أنستا ده رقم الواتس
بعد ما اخذت إيلا بياناته قالت ملك
ملك ٠٠ ايه ده .. مش هو ده شريف بتاعى النادى
ميرنا ٠٠ أه هو
رقية ٠٠ انتم تعرفوا
ملك ٠٠ أه هو عضو فى نفس النادى اللى احنا فيه
ميرنا ٠٠ و كان هيموت و يصاحب إيلا .. بس إيلا بهدلته قدام النادى كله
حينها تذكرته إيلا وقالت
إيلا ٠٠ آه انا افتكرته .. بس ايه إللى وقع أختك فى واحد زى ده
رقية ٠٠ عرفته عن طريق صاحبتها عزه. وهو كمان عمل مع عزه نفس الحوار.. قبل ريهام
إيلا ٠٠ ده أخدها تجاره بقى
ملك ٠٠ أكيد شاب و سيم و غنى يعنى عنده كل المقومات اللى يقدر يضحك بيها على البنات الصغيرة و يستغلهم
رقية٠٠ إيلا هتقدرى تدخلى على تليفونه
و تمسحى صور ريهام
إيلا ٠٠ طبعآ اقدر و بسهوله كمان . بس المشكلة انه ممكن يكون محتفظ بنسخه أحتياطية من الصور فى مكان تانى ساعتها هيعرف ان فى حد مسح الصور
و ياخد أحتياطه
ملك ٠٠ طيب الحل ايه
إيلا ٠٠ نحاول نعرف اذا كان عنده نسخه تانى ولا لأ
ميرنا ٠٠ طيب دى هنعرفها ازاى
إيلا ٠٠ عن طريق عزه هنتكلم معاه يمكن تكون عارفه حاجة .. معاكى رقمها
رقية ٠٠ لأ مع ريهام
إيلا ٠٠ خلاص لما تروحى اتكلمى معاها .. و نتقابل كلنا هنا بكرة تمام
رقية ٠٠ تمام طيب انا هروح دلوقتى عشان اتأخرت
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى فيلا ابو اليزيد
لأن أم سيف سافرت يومين جاءت مايا لتبقى عند باباها لحين رجوع والدتها
لذا قالت أمير بوجهها البشوش كالمعتاد
أميرة ٠٠ و اللهى وحشانى يا مايا كده بردوا متسأليش عليا طول الفتره دى
ردت مايا ببرود و وقاحه
بقلم٠أروى٠عادل
مايا٠٠ من أمتى انا بسأل عنك اصلآ
أميرة ٠٠ ليه كدة ياحبيبتى
مايا ٠٠ بقولك أيه ما بلاش تقوليلى كل شويه حبيبتى حبيبتى لان انا عارفه كويس أوى انك مش بتحبينى زى ما انا مابحبكيش
أميرة ٠٠ ليه بس بتقولى كده
مايا ٠٠ يوووو بقى انا طالع انام عشان اخلص منك
انصرفت مايا على غرفتها
هنا دخل يحيى و سيف
يحيى ٠٠ آمال فين مايا
أميرة ٠٠ طلعت تنام
سيف ٠٠ بدرى كده ليه
أميرة٠٠ يمكن تعبانه شويه
كان واضح على أميرة انها مضايقه من كلام مايا
يحيى ٠٠ أميرة مالك. مايا قالتلك حاجة دايقتك مش كده
أميرة ٠٠ لأ ابدآ . انا مدايقه عشان إيلا اتأخرت شوية
سيف ٠٠ هى آيلا لسه بره لحد دلوقتى
يحيى ٠٠ الساعة لسه ٩
سيف ٠٠ من أمتى هى بتتأخر بره لحد
الساعة ٩
يحيى ٠٠ فى ايه يا سيف لسه بدرى
هنا جاءت إيلا قالت
إيلا ٠٠ مساء الخير
قال سيف بسخريه
سيف ٠٠ ما لسه بدرى ..كنت اتأخرى كمان شويه
إيلا ٠٠ يعنى أرجع تانى طالما لسه بدرى ولا ايه
سيف٠٠ لأ كمان بتهزرى
يحيى ٠٠ فى ايه يا سيف براحه عليها.. إيلا اطلعى غيرى هدومك و انزلى عشان نتعشا سوى
قالت إيلا وهى بتسخر من سيف
إيلا ٠٠ أنا مش عارفه انت ليه مطلعتش زى باباك أمور كده و كيوت و لطيف و ذوق . لكن انت اعوذه بالله شيطان رجيم ماشى على الأرض
بعصبيه قال سيف
سيف٠٠ إيلاااا لمى لسانك احسن
و اللهى٠٠٠
قطعت أيلا عبارته و قالت
إيلا ٠٠ أستنا من غير تهديد . انا طالعه أوضتى لأنى ماليش نفس اتخانق معاك النهاردة
¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى صباح اليوم التالى
تحرس أميرة يوم الجمعة أن تقوم بأعداد وجبة الغداء بنفسها
أميرة و إيلا فى المطبخ لأعداد الطعام الغداء
إيلا ٠٠ هى هتقعد هنا كام يوم
أميرة ٠٠ لحد لما مامتها ترجع من السفر
إيلا ٠٠يارب ترجع بسرعة .. عشان تغور من هنا بسرعة
أميرة ٠٠ إيلا عيب كده اوعى تنسى ان ده بيت أبوها
إيلا ٠٠ أنتى عارفه انها بتعمل حاجات بتنرفزنى و تعصبنى
أميرة ٠٠ آيلا انا مش عايزه مشاكل معاها استحمليها عشان خاطرى
إيلا ٠٠ حاضر يا ماما
انتهت أميرة و إيلا من إعداد الطعام
التف الكل حول المائدة لتناول وجبة الغداء
يحيى ٠٠ تسلم أيدك يا أميرة المكرونه بالبشامل تحفه
أميرة٠٠ دى عمايل أيد إيلا
يحيى ٠٠ آه انا شايف اننا اتحسنا فى الأكل كتير تسلم ايدك يا إيلا
إيلا ٠٠ ميرسى يا بابا
سيف ٠٠ كويس انها طلعت بتعرف تعمل حاجة
إيلا ٠٠ هو انت متقدرش تقول كلمة كويسه
سيف٠٠ كلمة كويسه عشان عرفتى تعملى صينية مكرونه بالبشامل
مايا ٠٠ بابا هو انت مش عندك طباخ ولا ايه
يحيى ٠٠ لأ موجود ياحبيبتى
مايا ٠٠ طيب ياريت تطلب منه. انه هو إللى يعمل الأكل طول ما انا هنا لأن معدتى مش أخده على العك ده
كانت إيلا على وشك الانفجار فى وجه مايا لكن أميرة أمسكت يد إيلا و منعتها من التحدث
أميرة ٠٠ ليه يا حبيبتى الاكل مش عجبك
مايا ٠٠ انا مابكلش الاكل ده
أميرة ٠٠ طيب قوليلى تحبى تكلى ايه وانا هعملو ليكى
مايا ٠٠ لأ متشكره انا بفضل أكل الطباخ
على أقل بيكون أكل نضيف
قال يحيى بعصبية
يحيى ٠٠ مايا ياريت تخلى عندك
وهنا
#رواية٠أحببت٠أخى
#الكاتبة٠أروى٠عادل
#الفصل٠الثامن
أميرة ٠٠ ليه يا حبيبتى الاكل مش عجبك
مايا ٠٠ انا مابكلش الاكل ده
أميرة ٠٠ طيب قوليلى تحبى تكلى ايه وانا هعملو ليكى
مايا ٠٠ لأ متشكره انا بفضل أكل الطباخ
على أقل بيكون أكل نضيف
قال يحيى بعصبية
يحيى ٠٠ مايا ياريت تخلى عندك
وهنا وقبل أن يكمل يحيى عبارته قالت أوقفته أميرة وقالت
أميرة٠٠ لوسمحت يا يحيى ممكن تسيبها تقول إللى هى عايزاه .. أنا إللى غلطانه كان المفروض أسألها الأول هى تحب تاكل ايه .. معلش يا مايا حقك عليا
كان واضح على إيلا الأنزعاج من مايا
آيلا ٠٠ بس يا ماما حضرت.......
قطعت أميرة عبارتها وقالت صيغة أمر
أميرة ٠٠ خلاص يا إيلا ولا كلمة الموضوع إنتهى
إيلا ٠٠ تمام
هنا قامت إيلا من على مائدة الطعام وهى تشعر بالضيق
يحيى ٠٠ رايحه فين
إيلا ٠٠ طالعه أوضتى
يحيى ٠٠ و الغدا
إيلا ٠٠ الحمدالله شبعت
بعد ما غادرة إيلا قال يحيى
يحيى ٠٠ ليه كدة يا أميرة خلتيها تقوم من على الاكل
أميرة ٠٠ لم تجوع هتنزل تاكل
بعد الانتهائهم من الطعام قال سيف لشقيقته
سيف ٠٠ ينفع إللى عملتى على الاكل ده
مايا ٠٠ هو انا عملت أيه
سيف ٠٠ أسمعى يا مايا ماما أميرة حد محترم فبلاش الطريقه المستفزه إللى بتتكلمى بيها معاها فاهمه
مايا ٠٠ سيف احنا لينا أم واحده و هى مامى صافى إللى أسمها أميرة دى مش مامتك على فكره .. انا مش عارفه انت بتحبها على ايه
سيف ٠٠ أنا عايش معاها بقالى اكتر من
عشر سنين عمرها مزعلتنى او حتى دايقتنى بالعكس عملتنى أحسن معامله احسن حتى من بنتها.. قدرت تكسب حبى و أحترامى ليها
مايا ٠٠ أنا مش عارف هى عامله ايه ليكى انت و بابا. ناقص تقولوا فيها شعر كمان
سيف ٠٠ لانها تستاهل .. مايا إللى حصل النهاردة على الاكل مش عايزوا يتكرر تانى
مايا ٠٠ أيه خايف أميرة هانم تزعل
سيف ٠٠ لأ خايف عليكى انتى من إيلا. مش عشان تسكت المردى احترام لماما تسوقى فيها
مايا ٠٠ صح شوفتها بتبص عليا أزاى.. دى كانت هتاكلنى
سيف ٠٠ طيب كويس انك اخدتى بالك
و مش كل مره ماما أميرة هتكون موجوده عشان تحوش عنك آيلا
مايا ٠٠ ليه هو أنا هخاف منها .. أساسآ دى اخرها تبصلى من فوق لتحت و هى مدايقه. بس متقدرش تعملى أكتر من كده معايا
سيف ٠٠ على عموم انا ماليش دعوة .
و براحتك بس أوعى تقولى انى
ما حذرتكيش
مايا٠٠ يعنى ايه مالكش دعوة هو مش انا أختك
سيف ٠٠ و إيلا كمان تعتبر زى أختى
مايا ٠٠ ازاى تقارنى انا بواحده زى إللى أسمها إيلا
سيف ٠٠ والله شكلك مش هتجيبها لبر مع إيلا على العموم انا حذرتك
و خلاص.. يالا سلام
مايا ٠٠ رايح فين
سيف ٠٠ رايح الجيم
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى غرفة إيلا
أميرة ٠٠ أيه زعلانه
إيلا ٠٠ مش من حقى ازعل
أميرة٠٠ إيلا انا طلبت منك تستحملى مايا
إيلا ٠٠ تمام أستحملها بس ده لما تدايقنى أنا ...بس انتى لأ يا ماما انا مش هسمح انها تدايقك أو تغلط في حقك
أميرة ٠٠ انا مش عارفه .مين قالك ان مايا دايقتنى.. ياحبيبتى انا مدايقتش منها
إيلا ٠٠ ماما أوعى تفتكرى انى مش أخده بالى انك من الصبح و انتى فى حاجة مدايقكى
أميرة ٠٠ ده مش معناه ان مايا هى إللى مدايقنى
إيلا ٠٠ لا هى .. ماما انا بنتك أكتر واحده عارفاكى و فهماكى فى الدنيا كلها. يعنى انا بعرف مالك و فيكى ايه..
و أيه إللى مدايقك ومن غير حتى
ما تتكلمى
أميرة ٠٠ ربنا يخليكى ليا ياحبيبتى .. بس عشان خاطرى استحمليها هى كلها يومين و هتمشى
إيلا ٠٠ حاضر لو عملت معايا اي حاجة هستحملها بس مش هستحمل تغلط معاكى فى أيه حاجة تمام
هنا جاءت الخادمة سعاد بعد ما طرقت الباب ثم قالت
سعاد ٠٠ إيلا هانم أنسه ملك مستنياكى تحت فى الصالون
إيلا ٠٠ سعاد انا كل مره هقولك بلاش هانم دى أسمى إيلا و بس تمام
سعاد ٠٠ حاضر
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى الصالون
ملك ٠٠ انت نسيتى لو أيه
إيلا ٠٠ قصدك ايه
ملك ٠٠ احنا مش اتفقنا نقابل عشان موضوع أخت رقيه
إيلا ٠٠ أه طبعآ فكره .. طيب هقول لماما انى خارجه و أجى معاكى
عندما كانوا على أستعداد للخروج حينها جاءت مايا
مايا ٠٠ هاى ملك أخبارك
ملك ٠٠ هاى مايا انتى هنا من أمتى
مايا ٠٠ من أمبارح.. بقولك عايزين نقعد مع بعض شويه
مالك ٠٠ طبعآ بس انا دلوقتى عندى مشوار
مايا ٠٠ أوكى يبقى نسهر مع بعض النهاردة . على فكره چودى و شيرى جايين يسهروا معايا هنا النهاردة ياريت تبقى تيجى
ملك ٠٠ تمام
إيلا ٠٠ طيب يلا يا ملك هنتأخر
ملك ٠٠ أوكى باى مايا
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى إحدى الكافيهات
وصلوا الأصدقاء الأربعة على الكافيه وبعد ماتعرفوا على عزه قالت أيلا
إيلا ٠٠ أسمعى يا عزة لازم تعرفى أننا كلنا هنا زى أخواتك . و عايزين نساعدك زى ريهام بالظبط
حينها قالت عزة بحزن و أسى
عزة ٠٠ متشكرة. بس انا خلاص ضعت . المهم دلوقتى تلحقوا ريهام
ملك ٠٠ عشان نلحقها لازم نعرف شوية حاجات عن شريف يوسف
عزة ٠٠ عايزين تعرفوا ايه.
إيلا ٠٠ أنا الأول عايزه أعرف انتى عرفت. شريف منين
عزه ٠٠ أنا كنت بشتغل فى مركز تحميل كبير أوى .و صاحبة المركز التجميل باعتتنى أعمل بدكير و مناكير. لزبونه.
الزبونه دى كانت أم شريف يوسف . من هنا اتعرفت على شريف......
إيلا ٠٠ تمام كملى يا عزة
عزة٠٠ بس اتعرفت على شريف و أنبهرت بشخصيته مصدقتش نفسى لما قالى انه بيحبنى .. و كان بيطلب نتقابل كتير فى الأول. وفى مره فيهم اخدت معايا ريهام بس واللهى انا ماكنتش أعرف أنه واطى
و أستغلالى.. انا كنت مكسوفه اروح اقابله لوحدى عشان كده اخدت ريهام معايا
ميرنا ٠٠ بعدين ايه إللى حصل
عزة٠٠ بعد كده بقى يقولى انه عايز بشوفنى بكل حالاتى . و يقولى ابعتى صورة ليكى بلبس البيت وكل مره كان بيطلب صور اجرئ من إللى قبلها و انا زى العبيطه كنت ببعت صور ليا .... لحد ما فى يوم قالى انه عايز يشوفنى فى مكان لوحدنا ولما رافضت ظهر على حقيقتوا بقى يهددنى بصورى . كمان كان مركب صور ليا مش محترمة .. غصب عنى وافقت ..و روحت العوامة معاه و هناك حصل إللى حصل..و بعد ما اخد كل إللى عايزه منى رامانى لواحد صاحبه أسمه رامى.. و رامى وقتها قالى انه شريفه رامانى عشان لقى واحده غيرى و هى ريهام صاحبتى انه هيعمل مع ريهام زى ما عمل معايا . عشان كده روحت وقولت للرقية لأنى انا عارفه رقيه هتعرف تتصرف
ميرنا ٠٠ حرام عليكى اخدتى عيلة صغيرة زى ريهام معاكى و انتى رايحه تقابلى شاب زى ده
عزة ٠٠ أنا عارفه انى غلطانه .. بس ريهام كمان غلطانه كانت عارفه انه حبيبى رغم كده خدت رقم تليفونه
و تكلمت معاه .. برغم كده انا جيت عشان أحذرها من شريف
رقيه ٠٠ عزة عندها حق أختى ٠ غلطت بردوا
إيلا ٠٠ أحنا مش جايين هنا عشان نقول مين إللى غلطت أحنا جايين عشان نحل الموضوع
ميرنا ٠٠ إيلا عندها حق مش مهم مين اللى غلط المهم نحل الغلطة دى ازاى
إيلا ٠٠ عزة ممكن تقوليلى .. هى الصور إللى بيهددكم بيها على تليفونه بس ولا عمل منها نسخه تانيه
عزة ٠٠ أه عنده نسخة على الاب توب..
إيلا ٠٠ عرفتى منين انه محتفظ بنسخه على الاب توب
عزة٠٠ للأن مسح صورى من على تليفونه.. بعدها رجع يهددنى بصورى تانى.. ولما سألت رامى قالى انه بيحتفظ بكل الصور على الاب توب
ملك ٠٠ يعنى كلامك طلع صح يا إيلا هو محتفظة بنسخة تانيه على الاب توب
بقلم٠أروى٠عادل
إيلا ٠٠ طيب تعرفى فين الاب توب ده
عزة ٠٠ فى العوامة
إيلا ٠٠ متأكدة
عزة ٠٠ أه متأكدة . لان رامى مسح صورى من على الاب توب قدامى فى العوامة
ملك ٠٠ يعنى إللى أسمه رامى مسح صورك من على الاب توب عادى كده .. ايه فجأه طلع عنده ضمير ماهو أكيد زى صاحبه
عزة ٠٠ لأ رامى زى شريف كلهم زى بعض هو مسح صورى و هو سكران .. لانه تانى يوم ماكنش فاكر انه مسح صورى من على الاب توب اساسآ
رقيه ٠٠ فين العوامة دى
بعد ما قالت عزة مكان العوامة
رقية٠٠ أقدر اتدخل العوامة ازاى
آيلا ٠٠ بتفكرى فى ايه
رقية ٠٠ لازم اروح العوامة دى و امسح صور اختى من على الاب توب و انتى
يا آيلا تمسحي الصور من على تليفون
إيلا ٠٠ أكيد الموضوع مش بالسهولة دى . يعنى هتتدخلى العوامة ازاى..
ايه هتقولى لباب افتح يا سمسم هيروح فاتح على طول
رقيه ٠٠ اظن مش وقت تريقه خالص
يا آيلا
إيلا ٠٠ أنا مش بتريق بس لازم بفكر صح
ملك ٠٠ إيلا بتتكلم صح يا رقية
حينها أتت فكره شيطانيه برأس لذلك قالت
إيلا ٠٠ عزة ممكن أطلب منك خدمة
عزة ٠٠ اتفضلى
إيلا ٠٠ اطلبى من إللى أسمه رامى أنكم تتقابلوا بكرة فى العوامة .. لما تروحى العوامة مع رامى تحطى له منوم فى عصير او اى حاجة بيشربها. و احنا هتكون مستنين بره أول ما ينام تفتحلنا الباب
عزة ٠٠ أنا موافقه بس بشرطة
إيلا٠٠ نعم
عزة ٠٠ تمسحى صورى انا كمان من على تليفون شريف تمام
إيلا ٠٠ تمام . من غير ما كنتى تقوليلى انا كنت همسحهم بردوا
عزة ٠٠ يبقى ميعادنا بكرة انا هتصل على رقية و هقولها الميعاد إللى هنتقابل فى انا و رامى
إيلا ٠٠ يبقى فاضل نجيب المنوم. و ده لازم يتصرف بروشتة
ميرنا ٠٠ ماما بتستعمل منوم ممكن اخده منه هى مش هتاخد بها
ملك ٠٠ تمام يبقى خدى رقية و عزة معاكى وصليهم بالمر أديهم المنوم . كده كلنا هنستنا أتصل عزة بكرة
¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى فيلا ابو اليزيد
الجنينه
عندما وصلت إيلا و ملك الفيلا كانت مايا. و جودى و شيرى فى جنينة الفيلا كما كان مروان و حازم و جاسر أصدقاء سيف
هنا قالت آيلا
آيلا ٠٠ هو عندنا حفلة وانا مش عارفة ولا أيه
ملك ٠٠ أه صح مش مايا كانت بتقول هتسهر هى و صحابها النهاردة
إيلا ٠٠ آه نسيت انتى كمان معزومة على السهره دى
ملك٠٠ ماتبقيش عبيطة احنا مع بعض فى السهرة دى
إيلا ٠٠ مين انا .مستحيل انسى
هنا أشار مروان إليهم وهنا قالت ملك
بقلم٠أروى٠عادل
ملك ٠٠ تعالى نشوف مروان
إيلا ٠٠ تمام هنشوف مروان و نمشى على طول
---------------
ملك ٠٠ نعم يا مروان عايزنى
مروان ٠٠ أزيك يا إيلا عامله ايه دلوقتي
إيلا ٠٠ الحمد لله تمام
مروان ٠٠ طيب انتم رايحين فين متقعدوا اسهروا معانا
أديقك سيف من أهتمام مروان بإيلا لذلك قال
سيف ٠٠ لأ إيلا مابتحبش السهر
الدايقت إيلا انا سيف رد بنيابه عنها لذا قالت
إيلا ٠٠ لأ ده كان زمان دلوقتى انا بعشق السهر
وقتها اردت مايا تضايق إيلا لذا قالت
مايا ٠٠ غريبه مع أنى بعرف عندك أنى بتشربى اللبن و تنامى بدرى
إيلا ٠٠ غريبة دى أول مره أعرف انك مهمته بيا و تعرفى عنى روتينى قبل النوم .ده انتى حتى عارفاه اكتر منى
أراده سيف تغير الموضوع فقال
سيف ٠٠ إيلا صح انتى اتأخرتى ليه
ملك ٠٠ بصراحة انا إللى أخرت إيلا عشان كنت بشترى شوية حاجات
سيف ٠٠ وحاجات ايه دى فين انا شايف أيدكم فاضيه
قالت ملك بأرتباك خوف انا يكتشف سيف كذباها
ملك ٠٠ آه ده لانه روحت الحاجات إللى أشتريتها على الفيلا قبل ما أجى على هنا
ثم جالسوا الجميع يتبادلون أطراف الحديث تاره يضحكون و تارة يلعبون
و هكذا
بينما إيلا كانت تجلس بالقرب منهم لكن ليس معاهم و كانت مندمجه فى هاتفها
هنا جاء مروان و جلس بجوارها وقال
مروان ٠٠ مالك قاعدة لوحدك ليه تعالى أقعدى معانا
إيلا ٠٠ لأ معلش انا مرتاحه كده
مروان٠٠ عشان مايا مش كده . انا ملاحظ انكم مش متفقين
إيلا ٠ ٠ ده حقيقه عادى انا متعودة على رخمتها
مروان ٠٠ طيب بدايقك لو أقعد معاكى
إيلا ٠٠ لأ ابدآ
كان سيف ينظر لهم وهو يشعر بضيق من جلوس مروان برفقة إيلا لذلك ذهب آليهم و قال
سيف ٠٠ إيلا تعالى أقعدى معانا
إيلا ٠٠ لأ مش عايزه . اساسآ ان طالعه أنام
حينها جاءت چودى خلف سيف وقالت
بقلم٠أروى٠عادل
جودى ٠٠ مايا كان عندها حق و طلعتى بتنامى بدرى
إيلا ٠٠ هو فى ايه ..هو النوم بدرى حاجة مش محترمة. و لا محرمه.. انا مش عارفه
جودى٠٠ لا بس إللى يشوفك من شويه وانتى بتقولى أد ايه بتحبى السهر . مايشوفش كلامك دلوقتى ..طيب ما كنتى تقولى من الأول انك عايزه تنامى بدرى زى البيبيهات
ردت إيلا بسخريه على كلام چودى المستفز
إيلا ٠٠ لأ هو انتى متعرفيش . أنا مجنونه و كل ساعة بحال.. يعنى دلوقتى إللى يشوفنى يقول عليا لطيفة و كيوت و ممكن بعد ثانيه تشوفنى واحده شرانيه و مؤذيه و لسانى اطول منك
جودى ٠٠ هو انتى بتهددنى ولا انا متهيألى
إيلا ٠٠متهيألك أيه بس و دى تيجى .. انا فعلآ بهددك
سيف ٠٠ فى آيه يا إيلا ٠٠ على فكرة چودى كانت بتهزر معاكى مش أكتر
هنا قالت إيلا ببرود
إيلا ٠٠ تمام . وانا كمان كنت بهزر مش أكتر.. واهو هزار بهزار بقى
چودى ٠٠ تصدقى انتى بنى أدمه بارده وانا غلطان انى بتكلم معاكى من الأول
إيلا ٠٠ أظن كده هى مش بتهزر. هى غلطت فيا صح
سيف ٠٠ چودى مايصحش تتكلمى معاها بطريقة دى
إيلا ٠٠ لأ استنا .. انا ليه لسان و بعرف ارد كويس أوى
كان سيف عارف انا إيلا لن تصمت على أهانات جودى لذلك
سيف ٠٠ إيلا خلاص مش لازم تعملى مشكله
آيلا ٠٠ يا سلام ما قولتش للسنيوره ليه الكلام ده و هى بتغلط فيا. و ردى هو اللى هيعمل مشكله
كان صوت إيلا عالى لذلك جاؤوا جميع الأصدقاء ليعرفوا ماذا حدث
چودى ٠٠ عشان انتى إللى استفزتينى الأول .. يبقى تستحملى
إيلا ٠٠ أسمعى يا بت انتى انا لحد دلوقتى ساكته عشان انتى تعتبرى فى بيتى . لكن أقسم بالله كلمة تانى و هنسا أنك فى بيتى.. و أعرفك قيمتك قدام الكل
مايا ٠٠ إيلا أنتى اتجننتى. ازاى تكلمى مع صاحبتى كده
إيلا٠٠ تعرفى تخرسى أنتى دلوقتى .لان مش وقتك خالص
چودى ٠٠ فى ايه انتى محدتش مالى عينك ولا أيه
إيلا ٠٠ تصدقى أه محدتش مالى عينى
سيف ٠٠ خلاص بقى يا إيلا
مروان ٠٠ إيلا مغلطتش . چودى إللى بدأت
سيف ٠٠ مروان . مش وقتك دلوقتى انت كنان
مايا ٠٠ أسمعى يا أيلا چودى تعتبر ضيفتى و أهانتها تعتبر أهانه ليه .
و متهيألى انك لازم تتأسفى ليها
إيلا ٠٠ أنتى عايزانى أتأسف .
مايا ٠٠ أه مش أنتى إللى غلطتى
ملك ٠٠ بس انتى ماكنتيش موجوده. عرفتى منين ان إيلا هى إللى غلطانه
مايا ٠٠ أنى إيلا على طول بتعمل مشاكل . عشان كده لازم تعتذر
كانت إيلا وعدا أميرة انها سوف تستحمل مايا لكنها على وشك تخلف وعدها
إيلا٠٠ الله ما طولك يا روح.. لو كنتى فاكره انى. ممكن أعتذر لوحده زى دى يبقى انتى عبيطه و بتحلمى . وأقولك على حاجة كمان ..طظ فيكى . وطظ فى صاحبتك. و أخبطوا رأسكم فى أكبر حيطه فى الفيلا.. تكم القرف
قالت عبارتها ثم انصرفن دون أنتظار رد من أحد تاركه خلفها مايا و چودى على وشك الانفجار من الغضب
بقلم٠أروى٠عادل
مايا٠٠ انتى واحده ...
قطع سيف عبارته بحده وقالت
سيف ٠٠ خلاص ولا كلمة تانى الموضوع خلص فاهمين
چودى ٠٠ بس انا مش هسكت على الاهانه دى
سيف ٠٠ أهانة ايه . انتى اللى غلطانه من الأول . لم حاولتى تتريقى عليها . كنتى فاكره ايه.هتسمعك بتتريقى
و تسكت
چودى ٠٠ انت معايا ولا معاها
سيف ٠٠ أنا مع الحق .. و أوعى تنسى ان إيلا بتكون أختى
مايا ٠٠ لأ مش أختك . انا بس إللى أختك.. ايه مش كفاية خدت منى بابا كمان هتاخد منى أخويا
سيف ٠٠ إيلا مخدتش حد من حد أفهمى به .
هنا نفهم لماذا مايا بتكره إيلا .. لانها تظن أن إيلا سرقة منها والدها
¤¤¤¤¤¤¤¤¤¤¤¤¤¤¤¤¤¤¤¤¤¤¤¤
اليوم التالى
فى العوامة
إيلا و أصدقائها أمام العوامة فى أنتظار أشارة من عزه لتفتح لهم الباب
أما عند عزة لقد أعطت رامى المنوم و عندما نام فتحت الباب لإيلا و أصدقائها عندما دخلوا العوامة قالت آيلا
إيلا ٠٠ فين الاب توب
أشارت عزة لغرفة و قالت
عزة ٠٠ فى الأوضة إللى هناك دى .. بس بسرعة قبل ما يفوق أو حد يجى
دخلوا أصدقاء الغرفة الموحود بها الاب توب و حاولت إيلا فتح الاب توب و بعد كذا محاولة فتح الاب توب
إما عزة فضلت برة تراقب المكان
و عندما فتحت إيلا الاب توب هنا كانت الصدمة لم تكن عزة ولا ريهام الضحايا شريف و رامى بل كان هناك العديد من الفتيات
إيلا ٠٠ ايه صور البنات دى كلها
رقية ٠٠ ده مش بنى أدم ده حيوان
ملك٠٠ بسرعة يا أيلا امسحى كل الصور من على الاب توب
إيلا ٠٠ مسحت كل حاجة من على الاب توب
ميرنا ٠٠ فى احتمال يرجع الصور تانى
إيلا ٠٠ مستحيل ده انا كمان زرعت فيروس فى الجهاز.. استحاله الجهاز ده يرجع يشتغل تانى زى الأول
رقية ٠٠ يبقى دلوقتى فاضل تخترقى تليفونه و تمسحى الصور
بعد خمس دقائق كانت إيلا مهكره هاتف شريف و مسحت جميع الصور من على تليفونه
حينها دخلت عزة وقالت برعب
عزة ٠٠ الحقوا فى حد جه بره
رقية ٠٠ شريف
عزة ٠٠ مش عارفه
إيلا ٠٠ استخبوا بسرعة
أستخبوا الاصدقاء وهنا سمعوا صوت زعيق و خناق بين بنت و شاب خارج الغرفة .. ثم سمعوا صارخه قويه ثم عما الصمت فى المكان لذا قالت
ملك ٠٠ الصوت سكت اكيد مشيوا
إيلا ٠٠ أنا طلع اتسحب براحة أشوف لسه فى حد بره ولا لاء
أول ما خرجت اتسعت عينيها من هول ما رأت ثم صرخت هى مرتعب
#رواية٠أحببت٠أخى
#الكاتبة٠أروى٠عادل
#الفصل٠التاسع
عزة ٠٠ الحقوا فى حد جه بره
رقية ٠٠ شريف
عزة ٠٠ مش عارفه
إيلا ٠٠ استخبوا بسرعة
أستخبوا الاصدقاء وهنا سمعوا صوت زعيق و خناق بين بنت و شاب خارج الغرفة .. ثم سمعوا صارخه قويه ثم عما الصمت فى المكان لذا قالت
ملك ٠٠ الصوت سكت اكيد مشيوا
إيلا ٠٠ أنا طلع اتسحب براحة أشوف لسه فى حد بره ولا لاء
أول ما خرجت اتسعت عينيها من هول ما رأت و صرخت بفزع وهى تشاهد
فتاة تحمل سكيناً بيدها ملطخه بالدماء
هناك أيضاً جثه رجل ملقى على الأرض
وعندما سمعت الفتاة ايلا تصرخ تطلعت بإيلا بذعر. والقت السكين من يدها وركضت مسرعةً خارج العوامة.
وعندما سمعوا الأصدقاء أيلا تصرخ خرجوا من الغرفة يركضون ليعلموا ما يحدث
وعندما شاهدوا جثة شخص ملقى على الأرض ملطخة بالدماء، صرخوا هم أيضاً.
كانت صدمة قوية للفتيات لرؤية هذا المشهد القبيح
هنا حاولت آيلا السيطرة على أنفعالها عندما قالت
بقلم٠أروى٠عادل
إيلا ٠٠ اسكتوا بطلوا صويت أهدوا هنروح فى داهية
ملك ٠٠ نهدى ازاى ده قتيل
إيلا ٠٠ عارفه انه فتيل بس لو حد جه دلوقتى على صراخنا و شافنا جانب الجثه هيقول ايه
رقيه ٠٠ هيقول اننا أحنا إللى قتلنا صح..
يا نهار اسود و مهبب..يا نهار اسود و مهبب
قالت عزة بصراخ و رعب
عزة ٠٠ انتم عملتوا ايه ..أنا ماليش دعوة بيكم .
ملك ٠٠ أنتى هتستعبطى انتى كنتى معانا من الاول احنا مالناش دعوة بالجثه دى
عزة ٠٠ بردوا انا ماليش دعوة .انا لازم أمشى من هنا
إيلا ٠٠ اخرسى بقى وطى صوتك هتودينا فى داهيه
ميرنا ٠٠مين إللى عمل كدا
إيلا٠٠ كان فيه بنت ماسكه السكينة أول
ما شافتنى طلعت تجرى
ملك٠٠ و سبتيها تهرب ليه
إيلا ٠٠ أنا أتصدمت من المنظر
و مقدرتش اتحرك .حسيت انى مشلوله
ملك ٠٠ عزة انتى عارفه مين ده
عزة ٠٠ ده معاذ صاحب شريف و رامى
ميرنا ٠٠ هنعمل ايه فى المصيبة دى
رقيه ٠٠ نبلغ البوليس
ملك ٠٠ هنقول ايه البوليس . هنقول كمان أحنا دخلنا العوامة ازاى و كنا بنعمل ايه هنا . ماحدتش هيصدقنا اننا مالناش دعوة بالجثه دى
ميرنا ٠٠ يعنى أحنا هنلبس الجريمة دى
إيلا ٠٠ اسمعوا احنا أول حاجة لازم حد فينا يشوف نبضه يعرف هو مات ولا لسه فيه الروح
ملك ٠٠ أنا مقدرش اقرب له
ميرنا ٠٠ ولا انا
رقيه ٠٠ وانا كمان
إيلا ٠٠ خلاص هشوف نبضه أنا
اقتربت إيلا للجثة عندما كادت تلمسه فتح عينيه و هنا صرخت إيلا و أبتعدت هى تقول
بقلم٠أروى٠عادل
إيلا ٠٠ ده لسه عايش .
ميرنا ٠٠ أتصلوا بالاسعاف بسرعة
إيلا ٠٠ أستنى . أحنا هنتصل من تليفونه هو
ملك ٠٠ ليه
إيلا ٠٠ عشان نتصل على الإسعاف من تليفونه ولا انتى عايزه نتصل من تليفون واحده فينا
ميرنا ٠٠ صح عندك حق
أخذت إيلا تليفون معاذ و أتصالت على الإسعاف من هاتف معاذ بعد ما فتحتوا ملك بالبصمة أصبعوا
ثم قامت بالاتصال والإسعاف ثم البوليس بعد ذلك تركت التليفون مكانه
ملك ٠٠ هنعمل ايه تانى
إيلا ٠٠ هنمشى من هنا حالآ .. اسمعوا مش لازم حد يشوفنا و أحنا خارجين
بالفعل خرجوا جميعآ من العوامة دون أن يراهم أحد
ركبوا الاصدقاء السيارة عندما كانوا على وشك المغادرة المكان
هنا صرخت عزة بعد ما رأت شريف ينزل من سيارتة ويدخل العوامة
هنا قالت
عزة٠٠ شريف . شريف
ملك ٠٠ فى ايه تانى. بتصرخى ليه
عزة ٠٠ ده شريف إللى لسه نازل من العربية
ميرنا ٠٠ حرام عليكى انا دمى نشف
عزة ٠٠ دلوقتى اكيد أول لما رامى يفوق هيقول انى انا كنت معاه فى العوامة
إيلا ٠٠ عزة أهدى بقى انتى كده هتودينا فى داهيه بصوتك ده
ملك ٠٠ ممكن نمشى من هنا وبعد كدا نتخانق براحتنا
غادروا الاصدقاء المكان
بعد ما دخل شريف العوامة شاف معاذ وهو ملقى على الأرض و ملطخ بالدماء
بعد ما استوعب شريف الموقف... وبعد دقائق سمع صوت فى أحدى الغرفة عندما دخل الغرفة
كان رامى ملقى على السرير و هو بيحاول يقف على قدميه..هنا اسرعة إليه شريف و هو يقول
شريف ٠٠ رامى انت كويس
رامى٠٠ أه بس رأسى تقيله
شريف ٠٠ ايه إللى حصل
رامى ٠٠ معرفش ان كنت مع عزة بعد كدة حسيت انى عايز انام وبس
شريف ٠٠ و معاذ كان معاك
رامى ٠٠ لأ بتسأل ليه
شريف ٠٠ معاذ اتقتل
رامى ٠٠ أنتى بتقول أيه .اتقتل ازاى يعنى
شريف ٠٠ تعالى شوف
أخذ شريف رامى ليرى جثة معاذ
أهتز رامى من الصدمة هو يرجع للخلف
رامى ٠٠ مين عمل فيه كده. اوعى تكون انت
شريف ٠٠ انت بتخرف تقول ايه.. وانا هقتله ليه
رامى ٠٠ امال مين
شريف ٠٠ هنعرف دلوقتى
رامى ٠٠ ازاى
شريف ٠٠ أنا حطت كاميرا فى العوامه كلها
عندما شاهد شريف تسجيل الكاميرا كانت الصدمة
قبل أن يكمل مشاهدة التسجيل الفيديو سمعوا صوت سيارة الاسعاف و بعدها صوت سيارة الشرطة
قامة شريف بأخفاء تسجيل الفيديو .كما قامة أيضآ بأخفاء أداة الجريمة السكين و ايضآ هاتف معاذ
بقلم٠أروى٠عادل
لان معاذ كان مازال على قيد الحياه لديه نبض لذلك نقلتوا سيارة الاسعاف بسرعة
هنا سأل الظابط جاسر .شريف و رامى
الظابط جاسر٠٠ ممكن أعرف ايه إللى حصل
شريف٠٠ احنا لسه وصلين منعرفش حاجة
الظابط جاسر ٠٠ يعنى انتو إللى بلغتوا
هنا قال شريف و رامى فى نفس الوقت
رامى ٠٠ اه احنا
شريف٠٠ لاء مش أحنا
كان واقف ظابط أخر و عندما سمع ردهم قال
سيف ٠٠ أنتو ولا مش انتو.. ممكن تتفقوا على رد واحد
شريف ٠٠ لأ مش احنا
وجه سيف كلامه لرامى و قال
سيف ٠٠ أمال ليه انت قولت انكم انتو إللى أتصلتوا
شريف٠٠ معلش رامى متوتر عشان...
قطع سيف عبارته وقال بطريقه ساخره
سيف ٠٠ ممكن تسيبوا هو يرد .. ده بعد أذنك يعنى
رامى ٠٠ هو صح انا متوتر مش عارف أركز . ده صاحب عمرى إللى اتقتل
سيف ٠٠ ده يخليك مش عارف ان كنتوا اتصلتوا بالبوليس ولا لأ
شريف ٠٠ لأ طبعآ عارفين
سيف ٠٠ هو حضرتك المحامى بتاعه
شريف ٠٠ لأ بس ...
قطع عبارته سيف مره أخرى
سيف ٠٠ طيب ده أخر انذار ليك ..ممكن بقى تسيبو هو يرد
رامى ٠٠ أحنا منعرفش مين إللى اتصل . بس انا اتلخبط عشان متوتر شويه
سيف ٠٠ تمام . أنتم وصلتوا العوامة من أمتى بالظبط
شريف و رامى فى نفس الوقت
شريف ٠٠ لسه وصلين
رامى ٠٠ من ساعة
سيف ٠٠ ليه هو أنتو مش جايين مع بعض
فى نفس الوقت قال
بقلم٠أروى٠عادل
شريف ٠٠ أه
رامى ٠٠ لأ
هنا ضحكه سيف بسخرية وقال
سيف ٠٠ ماتتفقوا على رأى بقى.. حيرتونى
شريف٠٠ هو أحنا بيتحقق معانا ليه .
سيف ٠٠ لو كنت مش أخد بالك فى جريمة قتل حصلت و طبيعى اننا نحقق مع كل شخص موجود فى مكان الحادث ولا ايه
رامى ٠٠ يعنى أحنا متهمين
سيف ٠٠ لحد دلوقتي مافيش حاجة أكيده
شريف ٠٠ سيف تقصد ايه
سيف ٠٠ سيف ده لما نكون مع بعض فى النادى أنما أنا هنا الرائد سيف تمام
هنا نعرف ان شريف و سيف يعرفوا بعض من قبل فى النادى
شريف ٠٠ تمام فهمت
سيف ٠٠ كويس. قولولى بقى انتو جيتوا مع بعض ولا لأ
رامى ٠٠ أنا جيت الأول و شريف أيجى بعدى
سيف ٠٠ يعنى انتى جيت الأول.. طيب ليه ماطلبتش البوليس و الإسعاف
رامى ٠٠ كنت خايف و متوتر و فجأة لقيت شريف جه
سيف ٠٠ بردوا نفس السؤال ليه بعد ما شريف وصل مابلغتوش
شريف ٠٠ ملحقناش انتو وصلتوا حتى قبل ما نفكر نعمل حاجة
سيف٠٠ تمام ٠ قولى هو الضحية ليه علاقات نسائية
شريف ٠٠ عادى زى أى شاب
سيف ٠٠ يعنى مكانش بيجيب بنات العوامة
شريف ٠٠ لأ طبعآ
هنا قال سيف لأحدى العساكر
سيف ٠٠ نادى على البواب
جاءه البواب
البواب ٠٠ نعم يا باشا
جاسر ٠٠ و قولى يا عم ...
البواب٠٠ خدامك حسين يا باشا
جاسر ٠٠ براحه كده قولى من دخل العوامة النهاردة. و مين خرج منها
البواب ٠٠ يا باشا انا بواب على المكان كله
و فى هنا أكتر من ١٠ عوامات و فى ناس كتير داخله و ناس خارجه وانا مابخدتش بالى مين دخل و مين خرج
جاسر٠٠ ياعم حسين ازاى بواب و متخدش بالك من إللى داخل و مين إللى خارج ده أساس شغلك
البواب ٠٠ يا باشا انا راجل كبير و النظر بقى على أد
سيف ٠٠ طيب مافيش كاميرات على المكان ده
البواب ٠٠ معظم أصحاب العوامات هنا مش بيحبوا يركبوا كاميرات
سيف ٠٠ واضح عشان يكونوا براحتهم
جاسر ٠٠ طيب قولى يا عم حسين فى بنات بتجى فى العوامه هنا العوامة هنا
حينها تطلع حسين بشريف ثم قال
البواب ٠٠ معرفش أسألوا شريف بيه
سيف ٠٠ ليه كده يا حسين ده انا لحد دلوقتى بقول راجل كبير ومحترم.. هتزعلنى منك ليه بس .. بص يا حسين انا زعلى وحش أوى . تحب أزعل منك
أترعب البواب من طريقة سيف لذلك قال
البواب ٠٠ يا باشا انا عبد المأمور .. بنفذ أوامر شريف بيه
سيف ٠٠ تمام .. و أيه هى أوامر شريف بيه
قال البواب بخوف
البواب ٠٠ أنى أسمح لأى بنت تدخل العوامة من غير ما أسألها داخله ليه أو عايزه مين
سيف ٠٠ و البنات دول يتطلعوا كام بنت كدا
البواب ٠٠ والله يا باشا ما أعرف بس دول يطلعوا كتير
جاسر٠٠ ممكن أعرف أسماء البنات إللى بتيجى هنا
شريف ٠٠ ليه دول بنات عائلات محترمة
سيف ٠٠و بنات العائلات المحترمة هتيجى عوامة ليه
شريف ٠٠ أنت فاهم غلط أحنا بنعمل حفلات فى العوامة و ساعات بنسهر هنا مع صحابنا مش أكتر من كده
جاسر ٠٠ تمام أحنا عايزين نعرف مين هم صحابكم دول ..
شريف ٠٠ طيب ليه أيشمعنا عايزين أسماء البنات
سيف ٠٠ لان إللى أتصلت بالاسعاف و البوليس كانت بنت . و كمان اتصلت من تليفون المجنى عليه إللى هو أختفى من مسرح الجريمة مع أداه الجريمة
جاسر ٠٠ يعنى كان موجود مع المجنى عليه واحده ست
هنا جاء أتصال لسيف يقول ان الضحية لقى مصرعه لذلك قال سيف
سيف ٠٠ البقاء لله المجنى علية مات.
جاسر ٠٠ دلوقتى ماينفعش حد يقرب من العوامة لانه دى بقيت مسرح جريمة قتل
سيف ٠٠ شمعلى المكان يابنى .. هنكمل تحقيق فى قسم الشرطة .. طبعآ أنتو هتشرفوا معانا شويه نستكمل التحقيق فى القسم
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى أحدى الأماكن الخاويه تقف ميرنا بسيارتها وهى تتنفض و تبكى برعب
كما حال الفتيات لذا صرخت إيلا وهى تقول بقوة
إيلا ٠٠ بس أخرسوا شويه كفايه
عزة ٠٠ أنا ماليش دعوة زى ما ورطنى فى حوار ده طلعينى منه
إيلا ٠٠ أطلعك ازاى أحنا كلنا متورطين هنا زى بعض
عزة ٠٠ لأ معلش ماحدتش فيكم زيه انا إللى دخلت مع رامى.وانا و حطت المنوم لرامى انا المعروفه عندهم أنما أنتو ماحدتش شافكم و لا يعرفكم
ملك ٠٠ أحنا مع بعض فى الموضوع ده متخافيش
عزة٠٠ ماخفش ازاى فى واحد اتقتل ولا انتى مش اخده بالك
آيلا ٠٠ لأ هى أخده بالها لكن انتى إللى مش أخده بالك باللى انتى بتعملى ده هيضيعنا كلنا
عزة ٠٠ عايزانى أعمل ايه.. و أفرض دلوقتى رامى قال لهم انى كنت معاه
إيلا ٠٠ و حتى لو رامى قال انك كنتى معاه .. ساعتها هتقولى إنك مشيتى أول ما رامى نام و متعرفيش حاجة
عزة ٠٠ طيب ما كدة ممكن ألبس قضية أداب
إيلا ٠٠ متخافيش قضية أداب لازم فيها تلبس
عزة ٠٠ و الفضيحه
ملك ٠٠ فضيحه و لا قضية قتل
آيلا ٠٠ متخافيش رامى أو حتى شريف مش هيقولوا إنك كنتى فى العوامة
رقية ٠٠ أنتى جايبه الثقه دى منين
إيلا ٠٠ لأنهم هيخافوا ان عزة تقول على حقيقتهم و انهم أستغلوها و أبتزوها بصورها عشان يعملوا معاها إللى همآ عايزينوا
ملك ٠٠ صح عندك حق يا إيلا ما أظنش أن شريف ولا رامى أغبياء عشان يقولوا انا عزة كانت موجودة فى العوامة
ميرنا ٠٠ طيب حتى لو ما قالوش بس ممكن رامى يسألها لو كانت شافت حاجة
إيلا ٠٠ ساعتها هتقول زى ما أتفقنا انها مشيت ما شافتش حاجة
عزة ٠٠ تفتكروا هيصدقنى
رقية ٠٠ لازم هيصدقك معندهوش خيار تانى
ملك ٠٠ بس يا أيلا انتى شوفتى البنت اللى قتلت هتسيبها تفلت بعملتها
إيلا٠٠ تلقيها بنت غلبانه من إللى بيضحكوا عليهم.. حاولت تاخد حقها و تغسل عارها
رقية ٠٠ ده مايمنعش انها قاتله
إيلا ٠٠ البوليس بقى هو إللى. بتصرف معاها
ميرنا ٠٠ البوليس هيعرفها ازاى
إيلا ٠٠ أكيد من بصماتها إللى على السكينة
عزة ٠٠ يارب عدى الموضوع ده على خير يارب
ملك ٠٠ أنا تعبت عايزه أروح
رقية ٠٠ وانا كمان
إيلا٠٠ يبقى خلاص كل واحده فينا تروح على بيتها و تنسى خالص إللى حصل
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى فيلا أبو اليزيد
فى غرفة إيلا
عندما دخلت إيلا الفيلا توجهت إلى غرفتها مباشر دون النظر لأحد
عندما أغلقت بابا الغرفه خلفها
هنا سقط من عليها قناع القوة التى كانت تطصنع به أمام أصدقاء
ركضت الى الحمام لكى تتقيئ ما بجوفها هى تتذكر كل ما حدث
ثم جلست على الأرض و هى تضم ساقيها إلى صدرها و تحيطهما بذراعيها و تستند برأسها عليهم
و هى تبكى و دموعها تنهمر بصمت خوفآ انا يسمعها أحد
¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى الصباح
يلتف الجميع حول مائدة الإفطار
لكن و على الغير العادة لم تنضم أليهم إيلا
لذلك قال سيف
سيف٠٠ أمال فين إيلا
أميرة ٠٠ مش عارفه انا بعت سعاد تناديها
جاءت سعاد
سعاد٠٠ أنسة إيلا بتقول هى عايزه تنام .. لما تصحى تبقى تفطر براحتها
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى اليوم التالى
مره يومين و لم تخرج إيلا غرفتها
على مائدة الطعام العشاء
سعاد ٠٠ أنسه إيلا مش عايزه تتعشا
أميرة ٠٠ لأ كدا كتير
مايا ٠٠ أحسن نستريح من دوشتها شوية
سيف ٠٠ مايا مش وقتك خالص دلوقتى .. هى مطلعتش من أوضتها بردوا النهاردة
أميرة ٠٠ لأ.. بس هى بتقول انها تعبان شويه
سيف ٠٠ تعبانه عندها أيه
أميرة ٠٠ والله ما انا عارفه
يحيى ٠٠ أنا هطلع أشوفها
سيف ٠٠ لأ معلش يا بابا انا هطلع أشوفها
هنا جاءت ملك كان واضح عليها الارتباك وهى تقول
ملك ٠٠ فين آيلا
أميرة ٠٠ بسم الله الرحمن الرحيم . خير مالك يا ملك
ملك ٠٠ مافيش بس عايز إيلا بسرعة
قالت أميرة بأستغراب
أميرة ٠٠ فوق فى أوضتها
غادرة ملك إلى غرفت إيلا بسرعة هنا قال سيف
سيف ٠٠ هو فى ايه
مايا ٠٠ أكيد إيلا عاملة مصيبة
يحيى ٠٠ مايا ياريت مالكيش دعوه بإيلا
مايا ٠٠ أه صح دى إيلا حبيبت قلبك. ماينفعش حد يتكلم عليها
أميرة ٠٠ عن أذنكم . هروح اعمل قهوة
غادرة أميرة للمطبخ وهنا قال
سيف ٠٠ مايا تعرفى لو عرفت انك انتى السبب فى ان إيلا بقالها يومين مش عايزه تنزل من أوضتها .. تعرفى هعمل فيكى أيه
مايا ٠٠ أنت كمان يا سيف حتى بعد ما بهدلتنى انا و چودى قدامك بتقول كدا ..
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى غرفة إيلا
أندفعت ملك داخل الغرفة دون أن تطرق الباب و قالت
ملك ٠٠ أنتى قاعدة هنا ولا على بالك حاجة.. حتى تليفونك مقفول
قالت إيلا بخوف من طريقة كلام ملك
إيلا ٠٠ فى ايه .. مالك داخله بزعبيبك كده ليه
ملك ٠٠فى كارثة و كلنا هنروح فيها.. احنا خلاص كلنا ضعنا
#رواية٠أحببت٠أخى
#الكاتبة٠أروى٠عادل
#الفصل٠العاشر
ملك ٠٠ قاعدة انتى هنا ولا على بالك حاجه . حتى تليفونك مقفول
آيلا ٠٠ فى ايه .ايه إللى حصل لده كله
ملك٠٠فى كارثة و كلنا هنروح فيها. أحنا خلاص ضعنا
إيلا٠٠ أبوس ايدك اتكلمى على طول . انا أعصابى خلاص معدتش مستحمله
ملك ٠٠ من غير ما أتكلم خدى شوفى بنفسك
حينها اعطتها ملك هاتفها لذا قالت إيلا
بقلم٠أروى٠عادل
إيلا ٠٠ ايه ده
ملك ٠٠ فيديو اتبعت لينا كلنا انا و رقية ميرنا وأكيد كمان ليكى بس انتى قفله تليفونك
أخذت إيلا هاتف ملك كانت الصدمة التى هزت لها كيان إيلا عندما رأت فيديو ليها هى و أصدقائها فى العوام
و هم بجوار جثة معاذ
كانت إيلا تنظر إلى الفيديو برعب و كأنها لأول مره بتشوف هذا المشهد
هنا بدأت الدنيا تسود أمامها شئ فشئ حتى أصبح الظلام هو سيد المكان
هنا سقطت إيلا مغشى عليها
بينما صرخت ملك هى تنادى على صديقتها المغشى عليها
وعندما سمعت باقى الأسرة صراخ ملك ركضوا مسرعين ليعلموا ما يحدث
صرخت أميرة عندما رأت إيلا ملقيه على الأرض فاقدة الوعى
بينما أسرع إليها سيف و حملها من على الأرض و وضعها على الفراش و سأل ملك
سيف ٠٠ ايه إللى حصل
ملك ٠٠ معرفش هى وقعت فجأه
أميرة ٠٠ إيلا ردى عليا . إيلا . إيلا
حينها اتصل يحيى بالطبيب ثم قال
يحيى ٠٠ أنا اتصلت بالدكتور .و هو جاى حالآ
سيف ٠٠ ملك طيب انتى قولتلها ايه خلها يغمى عليها
سكتت ملك لذلك قال سيف
سيف ٠٠ ملك ردى ايه إللى حصل .. انتى كنتى جاى و شكلك متوتره . اكيد فى حاجة حصلت او قولتها حاجة زعلتها
لما ترد ملك على سيف بل جلست فى الأرض تبكى بهستريا
أميرة ٠٠ فى أيه فهمينا يا بنتى
يحيى ٠٠ سيبوها انتم مش شايفين حالتها
هنا جاء الطبيب الذى كان يقتن بجوارهم وبعد ما قامه بفحص آيلا خرج من الغرفه حينها سأله سيف ا
سيف ٠٠ خير يا دكتور إيلا مالها
الدكتور ٠٠ دى حالة هبوط حاد فى الدورة الدموية
يحيى ٠٠ ده من أيه يا دكتور
الدكتور ٠٠ ده بيكون نتيجة كذا حاجة من الوضح ان آيلا بقالها فترة مابتكلش كويس.. ده غير ضغطها المنخفض ممكن كمان الحالة النفسيه مش فى احسن حالتها.. على العموم انا علقت ليها محلول . بس لازم نتابع الضغط بتاعها لحد ما يتظبط
سيف ٠٠ هى هتكون كويسة يا دكتور
الدكتور ٠٠ اه ان شاء الله بعد المحلول هتبقى كويسه بس هتكون دايخه شويه و عندها شعور بالغثيان بس لازم يومين راحه تامة .. انا هاجى أشوفها بكرة
يحيى ٠٠ متشكر يا دكتور
الدكتور ٠٠ على ايه يا يحيى بيه ده واجبنا
بعد ما غادر الدكتور
قال سيف بعصبية
بقلم٠أروى٠عادل
سيف ٠٠ سعاد .سعاد
سعاد٠٠ نعم يا سيف بيه
سيف ٠٠ أنتى بقالك يومين بتقولى انها بتاكل فى أوضتها
سعاد٠٠ انا بجيبلها الاكل بس هى بترجع الاكل زى ماهو بتقول. ماليش نفس
سيف ٠٠ ماقولتيش ليه
سعاد ٠٠ هى قالتى انها هتنزل تأكل لما تجوع. انا افتكرت انها بتنزل تاكل عادى زى ما بتعمل على طول
يحيى ٠٠ طيب خلاص روحى انتى..
دخل سيف و يحيى الغرفة وقال يحيى
يحيى ٠٠ الف سلامة عليكى يا حبيبتى .
بصوت ضعيف يكاد يكون مسموع
إيلا ٠٠ الله يسلمك يا بابا
أميرة ٠٠ كده يا إيلا تخضينا عليكى
سيف٠٠ أكيد كانت عايزه تشوف هى غاليه علينا أد أيه
إيلا ٠٠ والله أبدآ .. انا اسفه انى قلقتكم
سيف ٠٠ طيب هو ايه إللى حصل
تطلعت ايلا بملك ثم قالت بأرتباك
إيلا ٠٠ مافيش حاجة انا الحمد الله كويسه
ملك ٠٠ أنا أسفه يا إيلا انا السبب
سيف ٠٠ السبب ازاى يعنى
قبل أن تجيب ملك ردت آيلا كاذبه
إيلا ٠٠ قصدها أنى اتخضيت لما ملك دخلت عليا بسرعة هى فاكره ان ده هو إللى خلينى افقد الوعى
أميرة ٠٠ يا حرام ده ملك كانت خايفه عليكى خالص
ملك ٠٠ طبعآ يا طنط إيلا دى اكتر من أختى
مايا ٠٠ أنا بقى عندى فضول أعرف انتى كنتى متوتره و شكلك كأنك خايفه من حاجة وانتى بتسألى عن إيلا
ردت ملك بأرتباك وقالت كاذبه ايضآ
بقلم٠أروى٠عادل
ملك ٠٠ آه . ده تليفونى
سيف ٠٠ مالو
ملك ٠٠ هو مين إللى مالو
سيف ٠٠ تليفونك
ملك ٠٠ آه صح . لقيت حد حاول يهكر تليفونى... عشان كده جيت أجرى على إيلا.. انتم عارفين انها هى الوحيده إللى بتعرف فى الحاجات دى
أميرة ٠٠ ربنا يخليكم لبعض
يحيى ٠٠ طيب انا رايح على الشركة . إيلا خلى بالك على نفسك يا حبيبتى
سيف ٠٠ وانا كمان رايح الشغل عندى قضية مهمه
مايا ٠٠ صح يا سيف هو انت. إللى ماسك قضية المرحوم معاذ
بسرعة قالت ملك بدون تفكير
ملك ٠٠ ايه ده هو مات
سيف ٠٠ أنتى كنتى تعرفيه
مايا ٠٠ أكيد كنتى بتشوفيه فى النادى
حينها قالت ملك بأرتباك
ملك٠٠ آه . طبعآ .كنت بشوفه فى النادى آمال هشوفو فين يعنى
مايا ٠٠ تصدقى انه اتقتل
آيلا ٠٠ عرفتوا مين إللى قتلوا
سيف ٠٠ لسه
إيلا ٠٠ طيب انتم شكين في حد
سيف ٠٠ أنا كنت شكك فى صحابه بس بعد التحقيق معاهم لأ مش همآ إللى قتلوا
ملك ٠٠ مش في بصمات بتعرفوا منها مين القاتل
سيف ٠٠ صح بس السكين اللى اتقتل بيها معاذ اختفت كمان تليفونه اختفى
إيلا ٠٠ ( بدهشه) ازاى اختفوا
سيف ٠٠ عادى أختفوا .. بعدين من أمتى انتى بتهتمى بالحاجات دى
تطلعت به بتوتر ثم قالت
إيلا ٠٠ لأ بس ده أول حد أعرفوا يتقتل
سيف ٠٠ أنتى كمان كنتى تعرفيه
إيلا٠٠ مش بالظبط بس كنت بشوفوا فى النادى .
أميرة ٠٠ كفاية بقى كلام عن الموضوع ده انا جسمى قشعر
سيف ٠٠ صح و انا كمان اتأخرت .. ماما خدى بالك على إيلا و خليها تأكل كويس . يلا سلام
غادر سيف و مايا ثم قالت أميرة
أميرة ٠٠ لحد لما المحلول يخلص أقوم أنا احضر ليكى أكل . ملك خلى بالك منها
ملك ٠٠ حاضر يا طنط
بعد ما غادرة أميرة قالت إيلا
إيلا ٠٠ أقفلى الباب
بعد ما قفلت الباب قالت
ملك ٠٠ ده مات يا آيلا. هنعمل ايه
إيلا ٠٠ هنعمل ايه يعنى..احنا مالنا..
هو أحنا إللى كنا قتلنا
ملك ٠٠ أنتى مش شوفتى الفيديو
هنا طرق أحد على الباب عندما فتحت ملك
سعاد ٠٠ أنسه ميرنا و الانسه رقية مستنين تحت
ملك ٠٠ خليهم يطلعوا
عندما رأت ميرنا و رقية إيلا بوجها الشاحب المحلول المعلق فى ذراعها قالوا
ميرنا ٠٠ مالك يا إيلا
رقية ٠٠ ايه إللى حصل
إيلا ٠٠ الحمدالله انا كويسه يا بنات .. هو ضغطى واطى شويه.. المهم ملك هاتى تليفونى من على التسريحه
أخذت إيلا هاتفها و قامت بفتحوا لقد تم أرسال إليها نفس الفيديو وهنا قالت
بقلم٠أروى٠عادل
إيلا ٠٠ ده معناه أيه
ميرنا ٠٠ معناه اننا أحنا أنتهينا يا بنات
ملك ٠٠ بس ده لو حد شافنا جوه العوامة وقت الحادثه ليه بعت الفيديو
و مابلغش البوليس
إيلا ٠٠ أكيد حد مش عايز يبلغ
و هيستغل الموقف لصالحه..
رقية ٠٠ تقصدى يطلب فلوس يعنى تمن سكوته
ملك ٠٠ ياريت يكون الموضوع على أد الفلوس و بس
ميرنا ٠٠ آمال هيكون أيه تانى
إيلا ٠٠ بس إللى مش قادرة أفهموا طالما كان فيه كاميرا يبقى أكيد صور كل حاجة حصلت. فى اليوم الشئوم..اكيد عرف كمان اننا أحنا مالناش دعوة ليه بجريمة القتل ليه بعت الفيديو لينا
ملك ٠٠ واضحه أكيد قال يستفيد من الحوار يطلع بقرشين محترمين.. وخصوصآ.. اننا من عيلة معروفة
رقية ٠٠ مين إللى هيعمل كدة
إيلا ٠٠ شريف . أكيد هو.. أحنا كلنا شوفنا و هو داخل العوامة قبل البوليس يوم الحادثة
ميرنا ٠٠ بس شريف مش محتاج فلوس عشان يعمل كده
رقيه ٠٠ يبقى عايز حاجة غير الفلوس
إيلا ٠٠ ده إللى انا خايفه منه
ميرنا ٠٠ يعنى هيكون عايز أيه
ملك ٠٠ إللى بيخدوا من كل بنت.. بعد ما يبتزها ويستغلها
رقية ٠٠ لأ مش ممكن يعنى أحنا عملنا كل ده عشان مايستغلش بنت تانى. نقوم نقع احنا فى نفس الفخ
إيلا ٠٠ أكيد احنا مش هنسمحلوا يلعب بينا.. وفى الاخر كل ده مجرد افتراضات مننا
ملك ٠٠ لأ وايه سيف بيقول ان السكينة إللى اتقتل بيها معاذ و كمان التليفون أختفوا
رقية ٠٠ لأ كانوا موجودين لما خرجنا من العوامة
ملك ٠٠ بس اختفوا لما البوليس وصل
ميرنا ٠٠ مافيش حد دخل غير شريف
آيلا ٠٠ يعنى شريف و رامى الاتنين كانوا موجودين مع جثة معاذ .. بس ليه خبوا السكينة و التليفون أكيد فى حاجة أحنا مش فهمنها
ملك ٠٠ المهم دلوقتى هنرد على بعت الفيديو ولا لأ
إيلا ٠٠ لأ مش هنرد عليه ولا حتى نفتح الرسايل إللى يبعتها..
رقيه ٠٠ ليه
إيلا٠٠ هو بعت الفيديو ده عشان يلعب بأعصابنا و يخلينا نوافق على أى طلب يطلبوا مننا عشان كده لازم نكون هاديين و مافيش واحده فين تعمل حاجة من غير ما نكون كلنا عارفين بيها ..
ميرنا ٠٠ أنا إللى فهمتوا اننا مش هنرد عليه صح
ملك ٠٠ صح
رقيه ٠٠ كده ممكن يتعصب. ويعمل أي حاجة
آيلا ٠٠ هو فعلآ هيتعصب ده هيخلي يظهر و نعرف مين ده .. اذا كان توقعنا صح وهو شريفه يبقى ساعتها على اقل هنعرف أخنا بنتعامل مع مين
ملك ٠٠ ساعتها نتأكد أذا كان شريف ولا لأ
هنا جاء أشعار لإيلا
إيلا ٠٠ أيه ده ده بعتلى رساله تانى
ملك ٠٠ أكيد هيبعت لينا كلنا دلوقتى
لكن مره ربع ساعة لما يبعث أى رساله لصدقائها آيلا لذا قالت رقيه
رقية ٠٠ معناه ايه انه بعت رساله لإيلا بس
ملك ٠٠ افتحى الرسالة يا إيلا و نعرف عايز ايه
إيلا ٠٠ أحنا مش قولنا مش هنفتح أى رسالة هو بعتها
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
بعد مرور اسبوع
و خلال ذلك الفتره..أتت إليهم رسايل عديده لكن الاصدقاء على اتفقهم لم تفتح واحده منهم أى من هذه الرسايل
بينما إيلا رجعت تواصل حياتها بشكل طبيعى...
إيلا ٠٠ ماما البنات جايين و هروح معاهم النادى
سيف ٠٠ أنتى لسه تعبانه
إيلا ٠٠ لأ خلاص انا بقيت كويسه .. بعدين زهقت من القاعدة الدكتور قال يومين و انا بقالى اسبوع فى السرير
أميرة ٠٠ خلاص روحى ياحبيبتى بس خلى بالك على نفسك
سيف ٠٠ استنى انا هوصلك
إيلا ٠٠ لأ ملك جايه تخدنى
سيف ٠٠ أنا كده كده رايح النادى هروح اغير و نمشى على طول
يحيى ٠٠ سيف أنا كنت عايزك فى موضوع. بس خلاص لما تجى من النادى
نبقى نتكلم
سيف ٠٠ أوكى تمام
أتصلت إيلا بملك و قالت لها انها سوف تذهب للنادى برفقة سيف
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى سيارة سيف
سيف ٠٠ ممكن أعرف مالك
إيلا ٠٠ مالى. ما انا كويسه
سيف ٠٠ لأ في حاجة بقالها كام يوم مدايقكى مخليكى مش طبيعيه
إيلا٠٠ لا انت أكيد متهيألك
سيف ٠٠ إيلا انا بعرفك أكتر من نفسك .. فى حاجة وانا متأكد
إيلا ٠٠ لأ مافيش . بعدين بلاش تعمل عليا ظابط
سيف ٠٠ هههه ماشى على العموم انا هعرف انتى مخبيه عليا ايه
هنا رن هاتف سيف عندما نظرت إيلا للمتصل قالت
إيلا ٠٠ اتفضل رد چودى هانم بتتصل
سيف ٠٠ سيبها أبقى اتصل عليها بعدين
إيلا ٠٠ ليه كده بس يمكن الهانم تزعل منك
سيف٠٠ إيلا اهدى انا مش عايز اتخانق معاكى.. بعدين انا عايز أعرف انتى مابتحبيش چودى ليه
إيلا ٠٠ كفاية عليها انك انت تحبها . لو انى مش عارفه انت بتحبها على أيه. على العموم دى أذوق.. وطول عمرك ذوقك معدوم
سيف ٠٠ أنا حاسس انك بتغيرى منها
إيلا ٠٠ نعم مين إللى أغير منها دى كمان .لا تكون أحلى منى مثلآ
سيف ٠٠ لأ طبعآ أنتى أساسآ مافيش بنت أحلى منك
رغم أن سيف كان جاد فى حديثه إللى ان إيلا أفتكرتو يسخر منها لذلك قالت
إيلا ٠٠ أنت بتتريق عليا مش كده طيب يكون فى علمك انا ..
قطع سيف عبارتها و قال
سيف ٠٠ ششش انا مش بتريق انا بتكلم بجد أنتى أجمل بنت شافتها عينيا مافيش واحده على وجه الأرض تتقارن بيكى
أحمر وجهها خجل من كلام سيف ثم قالت
إيلا ٠٠ ولا حتى چودى
سيف ٠٠ ولا حتى چودى .. يا عبيطه انتى أختى
لا تعرف لماذا اتعصبت إيلا عندما ذكر أنهم أخوات
إيلا ٠٠ آه أختك .. طيب أحنا وصلنا
يا أخويا على النادى عن أذنك يا أخويا
سيف ٠٠ رايحه فين أستنى أركن العربية و ندخل سوا
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
داخل النادى على إحدى الطاولات
كانت تجلس ملك و رقية و ميرنا و جاسر شقيق ميرنا و صديق سيف و أيضآ يجلس مروان و حازم
عندما وصل سيف و إيلا قال سيف بصوت واطى لا يسمعوا غير أيلا
سيف ٠٠ هى دى الخروجه مع صحابك كل واحده جايبه أخوها معاها
إيلا ٠٠ طيب ما انا كمان جايبه أخويا معايا ..هو مش انت أخويا بردوا و جاى معايا .. بعدين تعالى مافيش حد غريب دول كلهم صحابك ٠٠٠٠٠
حينها رفعت يدها وقالت
بقلم٠أروى٠عادل
آيلا ٠٠ هاى
ملك ٠٠ اتأخرتى لية
إيلا ٠٠ أبدآ ده مسافة السكه .. خلاص روح انت يا سيف أنا هقعد مع الجماعة
كانت تقصد تدايق سيف هى تعرف جيدآ انه لا يحبها أن تختلط بالشباب حتى لو كانوا أصدقائه
جاسر ٠٠ ما تقعد يا سيف رايح فين
سيف ٠٠ تمام أقعد شوية مافيهاش حاجة
مروان ٠٠ عامله ايه دلوقتي يا إيلا
إيلا ٠٠ انا تمام الحمدالله
مروان ٠٠ انا زعلت أوى لما عرفت انك تعبانه كنت بسأل عليكى دايمآ ملك
و سيف
نظرت إيلا إلى سيف وقالت
إيلا ٠٠ ملك قالتى و ميرسى على سؤالك
هنا وقف سيف وقال مش يالا يا شباب نسيب البنات لوحدهم و نروح نتدرب فى الجيم
جاسر ٠٠ فى ايه يا سيف انت مبتزهقش من التمرينات
سيف ٠٠ عيب على ظابط شرطة يقول الكلام ده
مروان ٠٠ خلاص هنتغدا كلنا سوا هنا النهاردة بعد التمرين
بعد ما غادروا الشباب قالت
ملك ٠٠ حد فيكم فتحت الرسايل
ميرنا ٠٠ لأ
إيلا ٠٠ بالله عليكم بلاش نتكلم فى الموضوع ده خالص
هنا جاءه صوت من خلفهم و قال
شريف ٠٠ أربع جميلات على نفس التربيزه .. قلبى الضعيف لا يحتمل ..
ثم سحب كرسى و جلس على نفس الطاولة وقال
شريف ٠٠ أنا سمحت لنفسى أقعد معاكم من غير مستأذن زى كده لما انتو دخلتوا العوامة بتعتى من غير أستأذان يعنى واحد بواحده
كانت الصدمة واضحه على القتيات لم تنطق ولا واحده منهم بحرف كأنهم فقدوا النطق تمامآ.. لكنهم حينها أتأكدوا انهم هو من يرسل لهم فيديو الحادثه
ماذا يريد شريف من الفتيات
هل سيكتشف سيف ما يحدث
ماذا سيفعلون الفتيات مع شريف
هل ستضعف اى من الفتيات أمام أبتزاز شريف
تابعووووووني
الفصل الحادي عشر حتى الفصل الخامس عشر من هنا
أدخلوا واعملوا متابعة لصفحتي عليها كل الروايات بمنتهي السهوله من هنا 👇 ❤️ 👇
تعليقات
إرسال تعليق