سكريبت أنا السبب بقلم الكاتبه إسراء هاني شويخ الفصل الاول والثاني حصريه وجديده على مدونة النجم المتوهج للروايات والمعلومات
 |
سكريبت أنا السبب بقلم الكاتبه إسراء هاني شويخ الفصل الاول والثاني حصريه وجديده على مدونة النجم المتوهج للروايات والمعلومات
كان قاعد في غرفة في المصحة زي ما هو من ٣ سنين لما دخلت عليه الدكتورة وسألت بابتسامه " عامل ايه النهاردة "
بصلها شويا وسكت بعدين رد " تعرفي انك شبهها "
قعدت على كرسي قدامه وسألت بنفس الابتسامة " مراتك مش كدة "
هز رأسه وابتسم اول ما افتكرها " كانت ملاك مش بشر كنت دايما بسأل نفسي ايه عملت حلو في حياتي عشان ربنا يكافئني فيها كانت ضحكتها بلسم لكل وجع كنت بنسى الدنيا اول ما بشوفها "
كان صوتها فيه وجع هزت راسها بيأس وقلة حيلة ٣ سنين ونفس السيناريو وبدون اي تحسن سألته بتعب " طيب مش عايز تخرج "
بصلها وسأل بسخرية " انتي لسة جاية من برة ممكن تقوليلي في ايه برة يشجعني أخرج "
= أهلك
تقلبت ملامحه مية درجة ورد بحدة " دول بقى اللي مش عايز أخرج عشانهم "
بلع غصة مريرة وقال بحرقة " زي ما قت.لوها "
سألته بحيرة " انت مش قولتلي انك انت اللي قت.لتها "
هز رأسه ورد ودموعه بعيونه كأنه الوجع امبارح " ايوة هما اللي خلوني اقت.لها غلطتي انا اللي رديت عليهم "
سألت " مش يمكن ما كنتش تقدر عليهم "
فرك ايدي ببعض من التوتر وقال " كان لازم أخدها وأهرب بس بس هيا اللي قالتلي أعمل كدة هيا قالتلي هتستحمل بس بس أخلفت وعدها "
غمضت عينيها بحزن وقالتله " تقدر تقولي حصل ايه بالظبط "
فلاش باااك
" انت هتتجوز أرملة اخوك وده اخر كلام عندي "
كان واقف بثبات لما رد بهدوء " مش هتجوز على مريم انسى "
مصطفى بصراخ " يعني نرمي ولاد اخوك عشان خاطر الست الهانم ما تزعلش مش كفاية جبتلنا وحدة منعرفهاش وصممت عليها "
رد بحدة " ولاد اخويا في عينيا لآخر يوم في عمري جواز مش هتجوز "
مصطفى بغيظ " يبقى تخرج من هنا وما تورنيش وشك تاني وتتحرم من الورث ولما اموت ما تجيش دفن.نتي "
كلامه كان بيوجع لكنه بصله بلوم وسابه وراحلها هيا راحته من كل الدنيا يستحمل اي حاجة الا انه يتجوز عليها لأنه متأكد انه مش هيستحمل كانت اخت صاحبه اللي توفى بحادث ووصاه عليها في اخر نفس ليه تجوزها عشان يحافظ عليها وخلال اسبوع كان عاشقها بكل ذرة في كيانه وصل عندها اول ما شافته ضمته بدون كلام لغاية ما نام بعدها بساعتين صحي لقاها بتبصله ضحك وسأل بحب " ما بتقدريش تنزلي عينك من عليا مش كدة "
ضحكت بعدها قالت بتردد " اسمع كلامهم "
انتفض مرة وحدة وقال بذهول " انتي بتقولي ايه يا مريم "
ضمت وشه فس ايديها وقالت بحب " انا عارفة ومتأكدة انك بتحبني انا ومستحيل تحب غيري بس مش هأقدر اتحمل باباك يتبرى منك وتترمي بالشارع عشاني "
كلامها صدمه جدا فسأل بحدة " ولا يمكن مش عايزاني وانا فقير "
بصت ليه بصدمة وعينيها تملت دموع وقبل ما تقوم كان بيتأسف ليها بندم على قسوته " انا عشان مش مصدق انك بتتطلبي مني أتجوز عليكي يا مريم معقول عايزه حد غيرك يشاركك فيا "
هزت راسها بالنفي وقالت بثقة " أنا متأكدة انه مش هتحب غيري ولا هتقرب لغيري مش كدة يا أحمد بس بلاش تعاند ابوك مش هيسيبنا "
أحمد بحدة " هاخدك وأسافر بس مش هتجوز عليكي وده آخر كلام عندي سامعة "
كانت عايزة تتكلم سكتها باشارة في ايده ومسك ايدها وضغط عليها جامد وقال " انا وانتي عارفين ومتأكدين اني يوم ما أعمل كدة هتكوني موتي قلبها فمش هموتك في ايدي أيا كان التمن وكلام في الموضوع ده مش عايز "
الثاني
" انتي طالق "
قالها لأرملة أخوه اللي كان كاتب عليها من دقايق قدام الكل وهو شايل بين ايدي مراته اللي ما تحملتش ووقعت بنفس الثانية اللي جوزها تجوز غيرها
فاق من شروده على الدكتورة اللي دخلت ليه بنفس الابتسامة " عامل ايه "
" تعرفي انك شبهها "
" هيا مين مراتك "
هز راسه وابتسم وبدا السيناريو من تاني بنفس الكلام
سألته " ها واقتنعت تتجوز عليها ازاي "
بلحظة ملامحه اتقلبت مش قادر يصدق انه عمل كدة فعلا فيها ورجع في ذاكرته لليوم المشؤوم
كان ابوه بيضغط عليه جامد وبيسمعها طول الوقت أسوا كلام لغاية ما قرر يشوه سمعة مراته وقاله بالحرف الواحد " أعتقد مراتك مش هتستحمل فيديو ليها وهيا بتغير هدومها ينزل على النت "
كان صدمته في أبوه مش طبيعية ابوه كان يستحيل يعمل كدة وما كانش مصورها اصلا بس كان ضغط عليه وقفت قدامه وقالت بابتسامه تمحي اي وجع " وافق وريح نفسك وريحهم "
سألها بترقب " وانتي "
ردت بحنان " اما تكون مرتاح هكون مرتاحة صدقني "
هز رأسه وقال بوجع " عمري راحتي ما كانت في حض.ن حد غيرك "
رد في حدة مصطنعة " مين قالك هسمحلك تكون في حض.ن حد غيري انت تكتب عليها وتيجي عندي على طول "
كان خايف عارفها بسكوتة مش هتستحمل اي وجع بصلها برجاء " انا خايف خايف يحصلك حاجة "
هيا كانت بتحاول تمثل قلبها بيدق جامد حبيبها وجوزها وصاحبها وكل عيلتها هو هتتحمل يكون مع حد تاني كانت بتغير عليه ان لبس وتشيك قد ما حاولت تخبي كاشفها وعارف هيا بتحبه قد ايه ضمها بقوة وقالها بوعد " والله العظيم ما هقرب ليها ده جواز غصب يعني مش حلال انتي وبس اللي هتكوني مراتي وحبيبتي اوعديني تفضلي كويسة وحياتي "
هزت راسها وقالت بدموع " اوعدك "
كان واقف في حضور بعض عيلتهم وكتب الكتاب بيتم وعينيه بتدور عليها هو ما قدرش يبصلها اليوم ده يبصلها بأي عين وهو راح يد..بحها بدون رحمة
" بارك الله لكما وبارك عليكما وجمع بينكما في خير "
هذه الجملة اللي قالها الشيخ قبل ما يسمع صوت صراخ بنته باسم والدتها قلبه وقع في رجليه جري بكل سرعته وطلع فوق وزي ما كان متأكد كانت على الأرض وانفها بينزل د.م قرب منها برجلين بترجف وقعد على ركبه يبصلها وقالها بصوت خافت " مريم مر... مريم في ايه يا حبيبتي هو انتي مش قولتيلي هتستنيني كنت هطلعلك والله "
رفعها من عالارض وحطها في حضنه وضمها بقوة وقالها برجاء ودموع زي النار بتحر.ق عينيي " وحياتي تفوقي عشان خاطري والله العظيم ما هأعمل كدة تاني "
غمض عينيه وهو بيحضنها جامد وبيعيط بحرقة مش مصدق انه قت..لها في ايدي فاق على صوت اخته وهيا بتهز فيه " قوم وديها المستشفى انت مستني ايه "
حملها بروح خاوية ووجه جامد ونزل فيها تحت وقف قدام ارملة اخوه مراته الجديدة وقالها " انتي طالق "
كان صدمة للكل ماحدش قدر يستوعب صرخ ابوه فيه " انت تجننت '
وقف قدام ابوه بغل وكره وقاله " من النهاردة ولادك الاتنين ماتوا وانا اللي بقولك لو موت ما تجيش دفن.نتي "
تابعوووووووني
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
