زواج طفله البارت الأول بقلم زهرة الشام حصريه وجديده على مدونة النجم المتوهج للروايات والمعلومات

زواج طفله البارت الأول بقلم زهرة الشام حصريه وجديده على مدونة النجم المتوهج للروايات والمعلومات

طفلة صغيرة بعمر الورد مبارح كانت عم تلعب مع رفقاتها بالحارة واليوم رح يصير عندها بيت وزوج ومسأولية

__ماما ليش بدكم تزوجوني هلق كل رفقاتي عم يدرسو وانا بدي اتزوج

__ليكي صرتي صبية ما شاء الله صرتي اطول مني وعم تقولي عن حالك صغيرة

__بس يا ماما انا عمري بس 14 سنة شو ذنبي اذا بنيتي كبيرة شوي

__ معلش يا ماما انتي كبيرتي وصار لازم نفرح فيكي

(( وقعدت امي تحكيلي انو الزواج حلو وانو أمير رح يدللني ورح كون معو مبسوطة كثير بس الحياة كانت مخبيتلي غير هيك ))

بعد 4 اشهر خطبة من أمير جهزوني وجهزولي غرفة ببيت اهلو صار وقت عرسنا لبست الفستان الابيض وزينولي وجهي بالمكياج ورفعو شعري الاسود الطويل لفوق وبين عليي عنجد انو كبيرة بس جواتي طفلة ووقت رحت على صالة كانت مزينة بالورد والفل والاضوية الملونة وكان الكل مبسوط الا امير كان واضح على وجهو عدم الرضا ماسك السكارة بأيدو وعم ياخذ سحبة ورا سحبة بعصبية وانا ببرائة عم اتأمل تفاصيلو لانو ولا مرة شفتو منيح وقدرت اتأمل تفاصيل وجهو

عيونو العسلي وبشرتو البيضة ودقنو السودة مثل لون سواد الليل كلشي فيه جذبني وحسيت اني حبيتو وبعد ما خلصنا العرس رحت لبيت حماي وعشت اول أيامي بدون مشاكل وكان كلشي تمام لوقت اجا أمير يوم وصار يصارحني بمشاعرو

امير : هيا . ..

كنت واقفة على مجلى وعم خلص جلي الغدا بس سمعت صوتو عم يندهلي ركضت لعندو كرمال اعرف شو بدو

هيا : اي حبيبي ..

ماسك السكارة بأيد واشرلي بأيدو الثانية كرمال اقعد جنبو .. مسحت ايدي بالمريول لملفوف على خصري وقعدت جنبو ...

نفخ الدخان بالهواء بهدوء وقال : حابب احكيلك شي مخبي عنك وماعد اقدر اسكت اكثر من هيك

هزيت براسي بس كان فيي جواتي مو مرتاح

امير : بصراحة انا لسعتني بحب خطيبتي الاولانية ...

تطلعت فيه والنار جواتي بركان ...انو بعد شهرين من زواجنا عم تحكي هيك ...

هيا : شو قصدك بهل حكي ؟؟ كيف عم تحكي معي هيك بأي جرأة ؟؟

امير : أنا ما حبيتك ما عم اقدر اقرب عليكي انا كنت بتمنا وحدة بيضا ومعباية ...

وطبعا انا مو مثل مطلبات امير انا بشرتي سمرا ونحيفة وطويلة ...قعدت ابكي مثل الأولاد من كلامو حسيت قلبي من جوا عم يوجعني بس هاد الوجع مارح حدا يحس فيه غير انا ...

مسحت الدمع من على عيوني وجلست حالي وقلت : هلق شو يعني ماعد بدك ياني ...

امير : اي هيا ما بدي ياكي ..

هيا : طيب ... شكرا الك أمير

قمت من جنبو وطلعت على غرفتي وضبيت غراضي واخذت تكسي لعند بيت اهلي ..وقت شافوني اهلي اني حردانه بعد شهرين بس من جوازنا ..تفاجئو بس ستقبلوني وما حكوني شي بس العالم عندها عيون ولسانات ما بترحم ...

ضليت عند اهلي اسبوع وكل يوم استنا امير ليحكيني او يعتذر مني ...كنت كل يوم فكر فيه لاني عنجد حبيو وحيتو كثير كنت بتمنا ما يتركني

لوقت اجا يوم كنت عم اطبخ بالمطبخ وامي بالصالة عم تضب البيت ندهتلي و قالتلي : هيا يا ماما لبسي جاي امير لهون

(( انا ما كنت بعرف شوو احساسي يا ترى ليش جاي بدو يرجعني ولا يطلقني ))

#زواج_طفلة_بقلم_زهرة_الشام

#الجزء_الثاني

(( انا ما كنت بعرف شوو احساسي يا ترى ليش جاي بدو يرجعني ولا يطبقني ))

رحت بسرعة لبست لانو كان جاي معو جوز خالتي لانو بيقربو ..فوتتهم امي على صالة وانا عملت قهوة وكنت مبسوطة لاني رح شوف امير

دقيت الباب وفتت شفت امير قاعد وعم يحكي مع بابا ضيفت قهوة وقعدت جنب ماما

ابو هيا : وين قعدتي قومي ضبي غراضك

هيا : ليش

ابو هيا : مشان ترجعي لبيت جوزك ..

هون حاولت اخذ نظرة من أمير .. وكأنو عم شوفو برضاه ولا غصب عم يرجعني بس هوي ما اطلع فيني ...

عيط بابا بعصبية : لك ما تقومي

هيا : حاضر ...حاضر

قمت لبست ورجعت معو على بيت كان كل الموجودبالبيت ووجهن ما بيتفسر وحسيت انهم مو مرحبين برجعتي بس طنشة وكان بدي بس ابقى مع أمير

وبعد رجعتي باسبوعين حملت وهون نقلب امير كثير صار احسن من الاول صار يأخذني ويجبني بس مرت عمي كانت كثير قاسية معي ومرت كنت رايحة نتمشى انا وأمير وقفتني وقالت : وين وين رايحة

هيا : اي مرت عمي رايحة اتمشى انا وأمير

حمات هيا : رايحة بهل تياب ...

ستغربت من حكيها لانو تيابي كانو جدا حلوين كنت لابسة كنزة زهر لتحت الركبة وبنطلون جنز وشال زهر : اي مرت عمي شو فيها

حمات هيا : روحي روحي شلحيهم مو لابقيلك

وانا كنت ما احب النقاش ابدا وكنت صغيرة ما اعرف رد على الكبير مشان هيك طلبت من أمير يستناني ورحت غيرت تيابي بسرعه وطلعت ووقت شافتني تطلعت عليي بطرف عيونها وقالت : هدول ماشي حالهم

وبعد ما رضيت حماتي طلعت مع جوزي وتمشينا وطعماني بوظة ونبسطنا كثير

ووقت رجعنا شافتنا حماتي مبسوطة جن جنونها وثاني يوم طلبت مني روح لعند بيت اهلي زيارة لانو جاي بنتها وبنتها ما بتحب تشوفني ووافقت لاني كنت مشتهية كم اكلت وحابة امي تعملي ياهن .. طلبت من أمير يأخذني لبيت اهلي وهونيك قعدت مع امي طبخنا واكلنا ونبسطنا كثير ووقت رحت نام شفت بمنامي حماتي لابسة اسود بأسود وجاي تخنقني وانا اهرب وهيي تلحقني وفقت عم صرخ وعم انزف عيطت لماما وانا ابكي

ام هيا: لك شو هاد يا بنتي

هيا : مشان الله يا امي موجوعة

ام هيا : يلا رح نادي لابوكي باخذك اسعاف

واسعفوني وعملولي كورتاج وامي اتصلت بامير وإجو هوي وامو .... ومرت عمي بدال ما تواسينا صارت تقول لامير اكيد اهلها مشغلينها مشان هيك طرحت ..ضليت يومين بالمشفى وبعدها طلعت ورحت على بيت حماي وطول الوقت حماتي تسمعني حكي انو ضهري رخو مشان هيك سقطت وتتطلب عليي

ما كنت اتناقش معها واتجنب المشاكل بس عمي كان طول الوقت يدافع عني ويواسيني وبيوم فتت على غرفتي بعد تعب نهار كامل حطيت راسي على مخدة وغفيت وشفت كابوس امرأة عم تحاول تمسكني وبدا تخنقني وفقت وقلت يمكن كابوس عادي وبس ضليت على شهر اشوف كوابيس انا وجوزي واوقات نطلع من الغرفة ونام بغرفة ثانية ونحنا مرتاحين وبعدها اقترح جوزي ننقل غرفتنا على غرفة ثانية بس كمان نرجع نشوف كوابيس وتصير معي شغلات غريبة وبيوم وانا عم ضب غرفتي وعم امسح جهازي لقيت كيس وفيه شعر وورقة مكتوب فيها شي بس ما قرأتو ستغربة منو ورحت دغري لعند امي

البارت الثاني من هنا

إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇