زواج طفله البارت الثاني بقلم زهرة الشام حصريه وجديده على مدونة النجم المتوهج للروايات والمعلومات
 |
زواج طفله البارت الثاني بقلم زهرة الشام حصريه وجديده على مدونة النجم المتوهج للروايات والمعلومات
عطيت الورقة لامي ودغري عرفت انو عامليلي سحر وطلبت مني اعزل كل غرفتي وأخذنا السحر لعند شيخ وكتشفنا انو السحر معمول من حدا بالبيت ..يعني حدا ساكن معنا وهوي سبب اجهاضي للطفل وفك السحر عني وبعد ما رجعت حكيت هاد لحماتي عن السحر ونكرت وقالت : اي يمكن قرايبينك يلي اجو من فترة حاطين السحر
هيا : قرايبيني مين قرايبيني انا اكبر حفيدة بالعيلة وما حدا بغار وعلى شو رح يغارو ااه ما كلهم صغار
طنشت الموضوع ومشيت وانا كمان طنشت وما خبرت حدا ولا حتى جوزي عن السحر
وصار جوزي بهل فترة يشلحني ذهبي ويبيعو قطعة ورا قطعة
وبعد 3 أشهر
رجع جوزي من صلات الجمعة ندهلي وفات على غرفتنا وكان وجهو مقلوب وما بيتفسر ركضت لعندو وكان فيي جواتي مو مريحني
فتت على غرفة كان متسطح على تخت وطلب مني اقعد جنبو ووقت قعدت تنهد بوجع وقال
امير : يا هيا انتي احسن مني بس انا ما حبيتك
تجمعت الدمعة بعيني وبالعت ريقي وحكيت بصوت مخنوق : طيب ليش تجوزتني اذا ما كنت بتحبني
امير : كنت مفكر اني رح حبك بعد الزواج بس ما قدرت وقت شفتك بالخطبة حسيتك عبدة سودة من كثر مو بشرتك سمرا
انا نهارت اعصابي من حكيو ورحت لضب غراضي بس مرت عمي ما سمحتلي اخذ شي من تيابي طلعت بسرعة وطلبت من عمي ابو جوزي يأخذني لبيت اهلي ووقت وصلت لقيت امي عم تستقبلني وتسأل شو فيي وقالت انو امير اتصل فيها وقال انو ماعد بدو ياني وانا سمعت هيك وانهارت اعصابي ووقعت بلارض وما حسيت على حالي غير وانا بالمشفى فتحت عيوني لقيت حاطيلي سيروم وامي قاعدة جنبي وعم تبكي من حرقة قلبها عليي ضليت يومين بالمشفى وبعدين خرجوني وبس رجعت على بيت ضليت طول الوقت بكي وحزن ومالي نفس اعمل شي
ام هيا : ماما قومي حاج حاطة الحزن وقاعدة
هيا ........
ام هيا : قومي اليوم معزومين لعند بيت خالتك
هيا : مالي نفس روح ماما
ام هيا : قومي يا ماما برضاي عليكي بتغيري جو
هيا : طيب رح قوم
قمت حطيت شوي كحلة بين عيوني ومسكرة ولبست بنطلون اسود وفوقو كنزة لتحت الركبة وتعطرة ومشينا انا وامي لعند بيت خالتي وصلنا وسلمت عليهم وتغدينا وبعد ساعه من قعدتنا ندق الباب ووقت فتح جوز خالتي الباب كان امير وامو جاين لعندهم ((ذكرنا قبل انو بيقربو بعض ))
وقت شافونا استغربو ونحنا ستغربنا من جيتهم ..جوز خالتي ما كان الو خبر اني انا وأمير متزاعلين
فاتو وسلمو علينا وقعدو ..
جوز خالة هيا : قومي قومي هيا سخني لجوزك اكل ..
انا ستحيت منو لانو ما بيعرف انو انا حردانة..بس قمت وسخنت الاكل وحطيتو قدامو ورجعت قعدت جنب امي
جوز خالة هيا: لك ما تقعدي جنب جوزك ...قومي قومي قعدي جنبو
طنشت خناقتي انا وياه وقعدت جنبو وصرت طعميه بأيدي تطلعت فيه كان قالب وجهوو وما عم يحكي ايا شي وبعد ما خلص اكل اخذت الاكل على مطبخ وجليت الجلي ورجعت اجيت على غرفة ..
امير: هيا ممكن تطلعي لبرا شوي ...
تطلعت فيه ورجعت تطلعت بالموجودين أومأت براسي وطلعت على غرفة الثانية بس كان عندي فضول شو بدو يحكي قربت من الباب وركيت راسي عليه كرمال اقدر اسمع ....
جوز خالة هيا: امير خير شوفي
امير : بصراحة يا جماعة انا ماعد بدي هيا ..
وقت سمعتو عم يحكي هيك دخلت عليهم والدمع بعيوني وصرت صرخ بصوت عالي : لكن ليش ليش تجوزتني ليشششش
ما رد امير ولا بحرف نزل راسو على الأرض وصل ساكت وبعدها طلب جوز خالتي يحكي مع أمير بالغرفة الثانية
جوز خالة هيا: امير ليش انت بدك تطلق هيا .. شفت عليها شي لا سمح الله
امير : لا هيا اشرف واطهر مني بس انا ما عم احسن حبها وماعم اقدر اقرب عليها .. خلص انا بدي طلقها ل هيا
طلع امير وجوز خالتي من الغرفة وقال جوز خالتي : سمعي يا هيا امير بدو يحلف عليكي يمين الطلاق والله يبعتلك احسن منو ..
امير: بدي طلقك هون ..
جوز خالة هيا: لا مو هون خلي ابوها يكون موجود والاحسن تروح على بيتهم
(( انا ما رديت بحرف بس قلبي من جوا عم يبكي ))
مشيو امير وامو وراحو على بيتهم وانا وامي رجعنا على بيت وبعدها اتصلت ام امير وقالت انهم جايين بعد يومين مشان امير يطلقني وفعلا بعد يومين اجو ونحنا كنا ساكنين ببيت العيلة والكل مجتمع ووقت اجا امير لبست عبايتي وحطيت على راسي وطلعت وقفت قدام امير وقال قدام الكل : هيا انتي طالق ... طالق .. طالق
ما بحسن اوصف احساسي بهل لحظة ما حسنت تنزل دمعة وحدة من عيني بس من جواتي عم اتوجع ..عم ابكي
بعد ما سمعت يلي لازم اسمعو رجعت على بيت ووقت طلع امير شفتو هوي ونازل على درج عم يخبط على حيط ويهمس: شو عملت انا ... ليش عملت هيك
ستغربت من تصرفو هاد بس ما حكيت لحدا وطنشتو وبعد كم يوم رجعت اتصلت حماتي مشان ننزل على محكمة ونكمل اجرائات الطلاق ورحنا انا وامي وابي على محكمة واطلقنا واخذت مقدمي ومأخري وراحت خالتي جابتلي غراضي من عندهم وكل حدا منا مشي بطريقو
وبعد طلاقنا رجع امير اتصل فيني وقال: سامحيني هيا بس كان مغلوب على امري .. والله مو بأيدي (( وسكر الخط بدون ما احكي ولا كلمة ...سكر الخط وكانت هيي اخر مرة بسمع فيها صوتو ))
بعد طلاقي باعو اهلي بيت العيلة وكل واحد منا اخذ حصتو واشترينا بيت صغير وعملت العدة وكنت كل الوقت استنا على امل يرجعني امير ومرقو اربع سنين وانا مطلقت وناطريتو يرجعني بس ما اجا امير وسمعت انو اتزوج وحدة مثل ما بدو بيضة ودبدوبة ودعيت الله يهنيه لانو امير كان منيح ولولا امو يمكن ما صار يلي صار وغير انو سمعت من جوز خالتي انو امير من وقت الخطبة وكتب الكتاب ما كان بدو ياني بس امو حكتلو يتزوجني مشان ما يروحو عليهم الذهبات وبعدين بطلقني ...
طول هل الاربع سنين كان يجيبني كثير خطابين وأحوالهم المادية منيحة ومنهم العزابي بس اهلي ما يقبلو وأخذوا قرار ما يزوجوني لانو تعقدو ... بس بعد بفترة اجاني عريس مطلق وعندو 3 ولاد وعمرو 38 سنة وانا كان عمري 18 سنة
وقت رحنا لعند خالتي اجت جارت خالتي لعندها وشافتني وطول القعدة تطلع فيني انا كنت لابسة بلوزة زهر وبنطلون جينز وفاردة شعري كان طويل لونو اسود وبشرتي سمرا وعيوني كبار ولونن بني على عسلي
جارة خالة هيا : مشالله بنت مين هيي
ام هيا : هيي بنتي هيا
جارة خالة هيا: مشالله وقديش عمرها البركة ..
ام هيا : عمرها 18 سنة
جارة خالة هيا: بصراحة انا عم دور على عاروس لأخي تكون بنت بنوت ومشالله هيا كثير عجبتني ..شو رايكم بتخطبوها
ام هيا : بصراحة بنتي مو بنت بنتي مطلقة ..
جارة خالة هيا: له ليش ..
ام هيا : مافي سبب بس العاريس ما حبها
جارة خالة هيا: ليش بقا ما حبها مشالله بنتك كثير حلوة اكيد العاريس مجنون
ام هيا : كلشي قسمة ونصيب
جارة خالة هيا: طيب انا عم دور على عاروس لأخي مطلق وعندو 3 ولاد بتعطو ...
ام هيا : بسألك ابوها لانو اجاها كثير عرسان وما قبل يجوزها
جارة خالة هيا: بصراحة اخي كثير منيح و شغيل واكيد بنتك رح تنبسط معو كثير اذا تم النصيب .
ام هيا : بسأل ابوها وبردلك خبر
جارة خالة هيا: طيب خذي هاد رقمي اذا قبل ابوها يزوجها اتصلو فيني
انا ضليت ساكتة وعم اسمعهم بدون ما افتح تمي وبعد دقائق رحنا على بيت وبصراحة كثير نبسطة من مدح جارة خالتي لالي وبس وصلنا امي فاتحت ابي بالموضوع وابي قال خليهم يجو انا كثير ستغربة توقعتو يرفض بس وقت خبر انو عمرو 38 تردد شوي لانو قريب من عمرو لان كان عمر ابي 40 سنة بس ... بس امي اقنعتو واتصلو بالجماعة واجا العاريس واختو ليطلبو ايدي فوتتهم امي على الصالة وانا لبست فستان مورد ابيض وفوقو جاكيت قصيرة جنز وحطيت شال ابيض وعملت قهوة وضيفتهم
ابو هيا : قعدي يا بنتي
قعدت وصرت اطلع بالعريس وهوي يسرق نظرات عليي كانو عيونو ازرق زراق البحر وعندو لحية ذهبية وشعر اشقر ذهبي ومتوسط الطول وقطعتو ناعمة وما مبين عليه العمر ابدا ..
عرفني عن حالو وحكالي انو اسمو علي وصار يشرح لبابا عن وضع شغلو وعن حياتي ويحكيلو عن سبب طلاقو لمرتو
ابو هيا : طيب انا رح اعمل استخارة واسأل البنت وأسأل عليك بيت حماك وبردلك خبر
وقت سمع علي انو بدو يسأل عليه بيت حماه تغيرت ملامح وجهوو وبين عليه الانزعاج ...
علي : طيب انا عم استنا منكم جواب
ابو هيا : طيب يا ابني وانا بعد 3 ايام بردلك الجواب ..
شربو على واختو آخر رشفة من فنجان القهوة وستأذنو مشان يروحو
ثاني يوم اتصلت ماما على جارة خالتي واخذت رقم بيت حمات لعلي وسألت عنو ..
ام هيا : مرحبا يا اختي ..
حمات علي : اهلين .. مين معي
ام هيا : بصراحة انا عم حاكيكي مشان علي طليق بنتك اتقدم لبنتي وحابت اسألك عنو..
حمات علي : اه اي والله يا اختي علي مافي منو كريم وابن حلال
استغربت امي من كمية المدح يلي كانت عم تمدحو فيه حماتو السابقة ..
ام هيا : إذا منيح فيي مجال اعرف ليش بنتك تركتو .
حمات هيا: بنتي جدبة ما صانت جوزها وولادها
ام هيا : اي طيب شكرا أختي
سكرت الخط امي وصارت تطلع فيني واطلع فيها لانو حسيتا الموضوع غريب شوي
وابي اتصل على صاحب شغل علي وحكا نفس الحكي ووقت عرفنا انو مسموعياتو منيحة سألني اذا يقبل وانا واقفة لانو بس كنت بدي اخلص من عيشت اهلي فقر ومافي لا طلعة ولا فوتي وعلى كل شغلة انتي مطلقة وهاد الشي عيب وكانت كلمة مطلقة بمجتمعنا صعبة جدا اتصل بابا على علي وحكالو تفضل لعنا وثاني يوم اجا هوي وابو واخواتو وولادو كان عندو بنت عمرها 16 سنة كان فيي بيني وبينها سنتين بس وصبي عمرو 13 وصبي صغير عمرو 4 سنين قعدو وقرأنا الفاتحة وراحو الموجودين وضل علي مع الاولاد وتعشو عنا حبيت كثير بنتو الكبيرة وحسيتها قريبة من القلب وبس خلصو عشا راحو على بيتهم
وضلينا فترة نحكي تلفونات وكل يوم يجي يسهر عندي ويجبلي هدايا وحلو وما قصر عليي بهل فترة ابدا واتفقنا على زواج بعد شهر ..
علي : تفضلي ست هيا ..
هيا : شو هاد ؟؟؟
علي : فتحي بتعرفي
فتحت الصندوق الاحمر لكبير وطالعة فستان ابيض بجنن من جواتو : ياااااي بجنن
علي : عجبك
هيا : كثيييير
علي : يلا لكن جهزي حالك اخر هاد الشهر رح تلبسيلي ياه
هيا : طيب امتا رح تخليني اشوف بيتنا
علي : لليلة العرس بتشوفيه
هيا : طيب
اخذت الفستان وفوتو وجهزنا التياب وقال انو هوي رح يجهز كلشي بالبيت وبس اجي عليه رح لاقي كلشي جاهز خلص الشهر وصار وقت العرس لبست الفستان الابيض وعملت تسريحة بسيطة ومكياج ناعم وكتبنا الكتاب وعملنا العرس ببيت اهلي وبعت الأولاد لعند بيت عمهم واخذ سيارة لنروح على بيتنا
فتح الباب وقال : نورتي بيتك يا عاروس فوتي فوتي باجرك اليمين
فتت وصابني شلل دماغي من المنظر يلي شفتو بيت غرفتين وسخ معبيه العفن وكان فيه وعدت سيارات ومنظرو مو منظر بيت عاروس
هيا : على اساس كلشي جاهز ...شووو هاد
علي : اي انتي بتضبطي كلشي بأيديكي الحلوين
قعدت وصرت ابكي من فظاعة المنضر وشلحت بدلت العرس ولبست بجامة وصرت نضف الغرفة يلي بدنا نام فيها
وبعد نص ساعه جاب اخوه ل علي فروج مشوي خلصت ضب وتعزيل وقعدت اكلت وفتت نمت وانا مقهورة لانو كنت مفكرة رح اجي ولاقي بيتي مثل ايا بيت عاروس مزين بالورد والفل والياسمين والاكل على الطاولة مو مزين بمفكات وبراغي وشبكات عنكبوت
فقت ثاني يوم الصبح على صوت الباب صرت اهمس باسم علي لحتا يقوم يفتح الباب بس ما حدا كان يستجيب فتحت عيوني ما لقيتو جنبي رحت فتحت الباب كانت امي وخالاتي جايين على صباحيتي وجايبين جهازي
خالة هيا: صباحية مباركة يا عاروس (( اخذت نظرة حواليها وهيي منذهلة )) يييي شو هاد ليش هيك البيت
هيا : شايفة يا خالتي اجيت لقيت هيك البيت ليلة مبارح
خالة هيا: يييي الله يعينك
فاتو فردولي جهازي ونضفنا البيت كلنا سوا حسيت على وجه امي انها كثير مقهورة بس ما حكت ولا كلمة قعدنا شوي وشربنا فنجان قهوة وبعدها راحو ...
ستنيت شوي لاجا علي وطلبت منو يجيب ولادو من بيت عمهم لاني ما حسيت إلها داعي قعدتهم هونيك
اتصل علي بأخوه وطلب منهم يجيب الأولاد ... انا حبيتهم لولادو كثير لأنهم طيبين وكان شكلهم غير شكل أبوهم .. أبوهم اشقر وعيون زرق وكأنو هنن سمر
صرت انا وبنتو صحبة كثير وصارت تحكيلي عن ابوها وعن ظلمو لامها .. البنت الكبيرة اسمها اسماء طويلة شوي سمرة شعرها لعند كتافها وعمرها 16 سنة
اسماء: من وقت وعيت على هيي الدني وبابا بيضرب ماما وما بيسمحلها تطلع من البيت ابدا واذا طلع هوي من البيت بيضل يدق على بيت لحتا يتاكد انو هيي بالبيت واذا ما جاوبت يعمل مصيبة
هيا : بس انا سمعت انو ابوكي كثير منيح على امك
اسماء: لا بابا بحياتو ما كان منيح لا معنا ولا مع ماما .. ووقت سافر على دبي امي ستغلت الفرصة وراحت لبيت جدي وطلبت الطلاق .. لانو كان كل يوم ما يتركها غير لتزرق
هيا : أسماء نحنا اتصلنا على بيت جدك وحكو انو ابوكي شخص كثير منيح
اسماء : اي حكو هيك لانو بابا هددهم..
هيا : بشو هددهم لحتى ستك تحكي هل حكي
اسماء : هددها انو اذا حكت شي ما يخليها تشرفنا ابدا
((انا انصدمت فيه كثير بس عرفت شغلة وحدة انو علي ظالم لولادو لانو قعدت اسماء وصارت تحكيلي اديش ابوها كان يظلم امها ويضربها ويشك فيها كثير ))
قمت عملت غداء وستنيت علي لأجا من الشغل وحطيت الاكل واكلنا بهل وقت كان علي يشتغل خياط ثياب نسائي وكانت احوالو المادية اقل من المتوسط بشوي بس خلصنا اكل فتح موضوع طليقتو مع الاولاد ..
علي : شو ست أسماء وانت سامي ما بدكم تحكو شو كانت تعمل امكم وقت كنت مسافر
نزلت راسها اسماء وجسمها بلحظة صار كلو يرجف : والله ما كانت تعمل شي يا بابا
خبط الطاولة بأيدو وعيط بصوت عالي : ما تحلفي فهمانه ..
صار الدموع ينزلو شلال من عيون الأولاد ولا وواحد منهم فتح تمو بكلمة وهوي يسألهم وهنن يقولو انو ما عملت شي ..كان الشك عم ياكل قلبو لعلي وكان مفكر انو مرتو كانت على علاقة بحدا لحتا تركتو
علي : ايوووه يعني ما بدكم تحكي انتو .. انتو ما بتفهمو بالحكي
انا تفاجئة بكمية الغضب يلي بعيونو ...
قام جاب الخيزرانة من غرفة الكركبة وحط ولادو الثلاثة بزاوية الغرفة وصار يضربهم بدون رحمة .. انا ما تحملني قلبي وركضت عليه وصرت احميهم من الضرب : مشان الله يا علي حاج تضربهم
علي : انتي ما دخلك بالموضوع بعدي هيك (دفشني بقوة على حيط بس انا رجعت ووقفت قدامو وصرت اترجاه وهوي ما يسمع ولأني ما بعدت صار يضربني معهم وما تركهم لحتا نكسرت الخيزران على الأولاد )
حترق قلبي عليهم ضميتهم وصرت ابكي معهم ..واخذتهم على غرفتهم وصرت نيمهم وحاول خفف عنهم الوجع..
هيك كانت اول أيامي مع علي كل يوم ضرب لولادو وكل يوم يحقق مع ولادو ويسألهم ليش امهم تركت البيت لوقت كنت متسطحة وعلي متسطح جنبي وصرت اسألو كم سؤال عن مرتو
هيا : انت برأيك ليش مرتك تركتك
تطلع فيني نظرة وحسيت الدم تجمع بعيونو : اكيد كانت على علاقة مع حدا لانو كنا نحب بعضنا انا وياها وكنت اشتغل ليل نهار بدبي وابعتلها مصروفها هيي والولاد
هيا : يعني انت ما كنت تضربها مثل ما بتضرب ولادك
علي : صح كنت اضربها بس انا كثير بحبها ..
((ما بعرف ليش حسيت انو شغلت نار بقلبي وقت قال انو بحبها بس انا من قبل كنت حس بهل شي .. كنت حسو أنو لسا بحب مرتو الاولى))
سكرت عن الحديث ودرت راسي لحتا نام وغفيت من تعبي بالنهار وبنص الليل شي الساعه 12 فقت ما لقيت علي جنبي رحت دورت عليه ما لقيتو خطرلي شوف بغرف الأولاد...فتحت غرفة اسماء لقيت علي مشلح اسماء تيابها وماسك بأيدو عصاية ..واسماء عم تبكي كثير ..
هيا : عليييي !!!!
وقت شافني ترك العصاية من ايدو واجا بأتجاهي مسك ايدي واخذني على غرفتنا ...
هيا : شو كنت عم تعمل للبنت
علي : ما كنت عم اعمل شي بس فكرة اذا بشلحها بتعترف على امها
هيا : لك حرام عليك هدول ولادك ....ولادك
علي: ما دخلك انتي بيني وبين ولادي ...فهمانه
تركني واندار على جنب الثاني ونام وانا وقت تاكدة انو نام رحت على غرفة اسماء لحتى اتأكد انو ما عمل شي للبنت
((وقت فتت كانت قاعدة اسماء عم تبكي وتشهق مثل الأولاد قربت منها وضميتها ..حاولت كثير كون لالهم أم ورفيقة مع انو عمرهم قريب من عمري ..
هيا : حبيبتي اسماء حاج تبكي .. اليلي البي عملك شي ابوكي
هزت راسها انو لااا
هيا : متأكدة البي لكن ليش شلحك
اسماء : بدو ياني احكي شو عملت امي وما عم يصدقني انو امي ما عملت شي غلط بغيابو
هيا : يعني شلحك مشان هيك ..
شهقت شهقة قوية وقالت : اي وصار يمسك صدري ويشدلي ياه بقوة ..قال بدو يشوهلي ياه اذا ما حكيت .. والله يا خالة انا صرت خايفه على حالي منو
صرت ابكي معها .. قلبي صار يحترق على هل ظلم يلي عم يظلمهم فيه ومرت الأيام وعلي كل يوم يفيق بنص الليل ويفيق الأولاد وضربهم بوحشية ما كنت اعرف شو يخطر على بالو بنص الليل يضربهم وانا ما حسنت اتحمل وطلبت منو يوديني لعند اهلي
اخذني لعند اهلي وشرب فنجان قهوة وراح وانا حكيت كلشي لامي وطلبت مني انو أطلق بس انا ما صدقت على الله امتا خلصت من كلمة مطلقة ارجع أطلق وقلت خليني اعطيه فرصة ثانية ورجعت لعندو وقعدت مع بنتو وقالت انو ابوها بهل فترة يلي رحت فيها شلحها تيابها مرة ثانية مشان تحكي شو عملت امها بغيابو انا صرت حسو مريض نفسي لانو ما كان انسان طبيعي ابدا ولبلشت مشاكل البلد وعلي ماعد قدر يروح على شغلو لانو الطريق تسكر
هيا : اي وشو بدنا نعمل هلق
علي : يعني شو بدنا نعمل بدي لاقي شغل هون بنفس المنطقة يلي ساكنين فيها
قعد علي بالبيت وزاد ضربو لولادو واوقات انا يضربني معهم وكنت اسكت واصبر .... صبرت كثير معو واطريت اعطيه ذهباتي لحتا يفتح شغل ويشتغل بلكي بخف على ولادو
وفتح محل صغير وصار يشتغل فيه تصليح سيارات ويأخذ ابنو لكبير معو من الساعه 7 للساعه 11 بليل وانا حملت وصار علي يشتغل ويأكل بلمحل وما يجيب شي معو على بيت
اسماء : خالة انا جوعانه كثير واخي عم يبكي بدو ياكل
انا احترق قلبي عليهم وانا كنت جوعانه كثير اتصلت بامي ووقتها جابتلي شويه مونه نمشي حالنا فيها بس بعد فترة طلعت امي على غير محافظة لانو زادت المشاكل بالمنطقة يلي كانو ساكنين فيها
هيا : علي نحنا ما ضل عنا شي ناكلو بالبيت حرام عليك الأولاد عم يبكو من جوعهم وانا حامل ولازم اكل
علي : طيب بكرا بجيب معي سم يتسممو فيه
ثاني يوم راح علي من الساعه 7 وما رجع للساعه 11 وانا بهل وقت صرت ابكي من جوعي وكانت هيي اول مرة ببكي من الجوع ... رجع باليل وجايب معو علبة مارتديلا وربطت خبز بس
هيا : بس مرتديلا جايب علي وهيي بدا تكفينا انا وولادك
علي : اي حمدي ربك انو جبتها
وانا من قهري صرت صرخ عليه وابكي وهوي ما تحملو عقلو وصار يضربني على بطني
علي : لك انا ما بدي ولاد انا ما معي طعميه لهل ولد
(وقتها كنت حامل بالشهر السادس وصرت احمي بطني منو وهوي يضرب وما همو وبس خلص ضرب فيني سحبت حالي على طرف الحيط وطلبت من اسماء تجبلي الهاتف واتصلت بامي وثاني يوم اجا ابي واخذني على بيت
ام هيا : الله لا يوفقو ابن الحرام ماعد فيي رجعت لعندو
هيا : أي ماعد ارجع بس امانه خلينا نروح نشوف اذا الولد فيه شي والله خايفة يكون أذاه
ام هيا : قومي قومي نروح يا بنتي
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
